...га

Яшашга келгандик, егани эмас,
Қулни айбладик, эгани эмас.
Сизни кечиришим мумкин, эҳтимол,
Лекин бу унутдим дегани эмас.

Ҳар тонг офтоб чиқар, ҳар оқшом — ҳилол,
Ҳар тун ёқангиздан тутгай бир савол.
Сизни унутишим мумкин, эҳтимол,
Лекин бу кечирдим дегани эмас.

Мансур Жумаев

GULCHI, BOG‘BON VА АZROIL HАQIDА ERTАK
Gulchi gulqaychi bilan gulxonaga yo‘l oldi,
Qirsillatib qaychini gulbutadan gul oldi.
Gulchi kulib: “O‘ksima, – dedi, – sening tufayli
Bir yigit shod, bir suluv go‘shangaga yo‘l oldi!”
Bog‘bon bobo bog‘iga bordi boltasi bilan,
Qari behi beliga urdi boltasi bilan.
“O‘tin bo‘larman...” – daraxt yaprog‘idan sizdi yosh,
Bog‘bon bobo jilmaydi:
“Yo‘q, sen olov bo‘lasan!”
Bemor yotgan xonaga Аzroil qo‘ydi qadam,
Xasta ko‘zga yosh oldi so‘nggi nafas oldidan:
– Tuproqqa aylanaman, chiriydi ustixonim...
– Shod bo‘l, – dedi Аzroil, – Vatanga aylanasan!
2012

Mansur Jumayev

ГУЛЧИ, БОҒБОН VА АZROIL HАQIDА ERTАK


Гулчи гулқайчи билан гулхонага йўл олди,
Қирсиллатиб қайчини гулбутадан гул олди.
Гулчи кулиб: "Ўксима, – деди, – сенинг туфайли
Бир йигит шод, бир сулув гўшангага йўл олди!"
Боғбон бобо боғига борди болтаси билан,
Қари беҳи белига урди болтаси билан.
"Ўтин бўларман..." – дарахт япроғидан сизди ёш,
Боғбон бобо жилмайди: "Йўқ, сен олов бўласан!"
Бемор ётган хонага Азроил қўйди қадам,
Хаста кўзга ёш олди сўнгги нафас олдидан:
– Тупроққа айланаман, чирийди устихоним...
– Шод бўл, – деди Азроил, – Ватанга айланасан!

Мансур Жумаев
2012 йил

* * *
Дўстим Алибек Анварийга бағишладим

Кўз ёш ярашмайди эркакка ҳарчанд,
дийдам қаттиқ дея нечук алдандим:
хаста онасининг бошида фарзанд
йиғлаганин кўриб кўзим намланди.

Бир оғриқ кезаркан икки очунда,
бўғзимни тирнади ёввойи ингроқ;
дўстим онасига ачинган кунда
мен ўз волидамга қилдим қўнғироқ...

Ногоҳ отасидан айрилди дўстим:
ҳар айрилиқ – ногоҳ,
ҳамма ғам – ногоҳ,
биров қон йиғлади,
биров қон қусди –
айрилиш дардидан бўлдим мен огоҳ.

Бир оғриқ кезаркан икки очунда,
дийдам юмшадими – тош қотган қадим,
дўстим отасидан айрилган кунда
ўз отамга умр сўраб йиғладим...

Бу боди болангни кечир, онажон,
улоққан ўғлингдан ўкинма, ота,
ҳарнечук ёдига туширса ал-он
ё ғам,
ё хасталик,
ё дард,
ё мотам.

Икки очундаги, эй, икки ҳабиб,
дийдам қотган бўлса, ўксиманг ҳайҳот,
боғбон гул остини юмшатган каби
юмшатиб турибди дийдамни ҳаёт.

Мансур Жумаев

64-ishtirokchi

Кетар бўлсам не ғам, сен бор –
икки олам аро, шеърим!

Мансур Жумаев


"Антология Современной Узбекской поэзии"дан Устоз шоирлар қаторида Мансур Жумаевнинг ҳам шеърларни ўрин олган. Бу биз учун қувончли хабар бўлди. Ташкилотчиларга ташаккур.

* * *
Ikki dunyo har boshda poydor,
har jussada topgan ifodat:
har koʻngilda bitta Xudo bor,
har qadamda bitta ibodat.

Har kurtakda bitta sano bor,
har yaproqda bitta kitobat;
har giyohda bitta duo bor,
har yomgʻirda bitta ijobat.

Har kiprikda bitta imo bor,
har abruda bitta ishorat;
har manglayda bitta humo bor,
har yumruqda bitta imorat.

Har yonoqda bitta ibo bor,
har dudoqda bitta muhabbat;
har qursoqda bitta Iso bor,
har beshikda bitta Muhammad.

Ikki dunyo har boshda poydor,
har zarrada ulviy irodat:
har koʻngilda bitta Xudo bor,
har qadamda bitta ibodat.
 
Mansur Jumayev

Bugun tanlovga qabul qilishning oxirgi kuni.
Ko'pchilik videorolik, ilmiy maqolalarini endi yuboryapti.
Eng quvonarlisi, "Menga kitob bersangiz bo‘ldi" yoki "She’rlaringiz yoqib qoldi, shuning uchun o‘qidim", deb qo'shimcha qilib qo‘yishyapti.

Sezib turibman, aksariyatingiz talabasiz, ammo har qanday paytda ham moddiyatdan baland turib kitobni tanlaganingiz uchun ota-onangizga ham rahmat. Ishoning, yuragimni tub-tubida rahmatlarim bisyor, har biringizga tashakkur. Ishonchingizni, mehringizni oqlashga harakat qilaman.

Tanlov homiylari ijodimizga ajratgan summalarini Xudo 100... barobar qilib to‘ldirsin. Farzandlarimiz ham ma'rifatli, ma'rifatga homiy bo‘lib ulg‘ayishsin.
So‘z va Siz bor ekansiz, Mansur aka biz bilan, Yo nasib. Iltimos, o‘qing, Mansur Jumayevni targ'ib qilish hammamizning vazifamiz. Albatta "Aka" targ‘ibga muhtoj emas, lekin ko‘pchilik bilmaydi ular haqda.Bu bilan siz millatga yaxshilik qilgan bo‘lasiz. Zero, yaxshilikka sabab kimsa ham yaxshilik qilgan kishi bilan barobardir" ,deyilgan muborak hadislarda

Videoroliklar bo‘lsa yuboraveringlar. Ko‘pchilikning taklifiga ko'ra qabul qilishga qaror qilindi

Hammangizni yaxshi ko'raman. Borligingiz uchun rahmat!

#birinchi_kitobim

“Bir qadah so‘z keltirdim sizga...”

“Sen ko‘ngil berasan, u she’r so‘raydi...”

“Uyingga qamayman uyur-uyur baxt...”

“Sen kecha lab bosgan g‘unchani
Iymanib labimga bosaman...”

Muhammadali ori baland, o‘ktam ijodkor, o‘ziga xos shaxsiyati bor, g‘ujurli yigit. Vatan ichra kechgan safarlarimiz davomidagi uzundan-uzoq suhbatlardan ayon bo‘ldiki, u so‘z zalvorini ham dil-dilidan his qilib, bunday mas’uliyatli ishga butun umr yelka tutishni o‘z oldiga maqsad qilib qo‘ygan. Tilagimiz, shoirning ko‘ngil ko‘zasidan ko‘ngillarga quyajak “may”i asti tugamasin. Uning hajman xilma-xil, mazmunan rangbarang she’rlari sizni befarq qoldirmasligiga ishonamiz. Yosh shoir uzatgan shu “bir piyola” she’rni buloqqa duch kelgan chanqoq yo‘lovchi singari oxirigacha simirasiz, degan umiddamiz.

Mansur Jumayev,
O‘zbekiston Yozuvchilar uyushmasi a’zosi, shoir.

��Telegram �� Instagram
📱Veb-sayt 📱Facebook

__Qalblarni larzaga keltirgan shoir
Mansur Jumayev she’rlariga adabiy tahlil__


Mansur Jumayev — zamonaviy o‘zbek she’riyati maydonida o‘ziga xos ovoz, o‘ziga xos uslub va poetik nigohga ega bo‘lgan shoirlardan biridir. Uning she’rlari o‘zbek adabiyotining zamonaviy bosqichida ruhiy teranlik, falsafiy mushohada va badiiy did bilan ajralib turadi. Jumayevning she’riyati – bu nafaqat tuyg‘ular ifodasi, balki fikr, tafakkur va hayot haqiqatlarining nozik tasviridir.
Mansur Jumayev she’riyatida insoniy kechinmalar, muhabbat, fano va boqiylik, vatanga sadoqat, haqiqatni izlash singari mavzular ustuvor o‘rin tutadi. Shoir har mavzuda qalbdan yozadi. Shuning har bir satrida qalbiy kechinmalar sadosi, muhabbat nafasi ufurib turadi. Adib she’riyati o’z ohanggi, ma’nodorligi, so’zlarning o’z o’rnida mukammal qo’llanganligi bilan yaqqol ajralib turadi. Uning she’rlarida hayotga chuqur nigoh, tabiat manzaralari orqali ichki olamni ochib berish, ramziy va falsafiy obrazlardan foydalanish kuchli namoyon bo‘ladi. Uning poetik dunyosi tasviriy vositalarga boy, badiiy tilda o‘ziga xos, nozik his-tuyg‘ular bilan sug‘orilgan.
Men ham intizorman, men ham muntazir,
Men ham diydoringga mushtoqman hanuz.
Men ham telba edim, ammo benazir,
Men ham oshiq edim, ushshoqman hanuz.
Mansur Jumayevning ushbu she’ri – inson qalbining eng nozik torlarini chertuvchi, iztirob va muhabbat uyg‘unligida kuylangan betakror lirika namunasi. Shoir bu she’rida lirik qahramonning ichki dunyosini hayratomuz badiiylik bilan ochadi. Bu — bir yurakning armonli nafasidir, bu — muhabbat dardini tuproqqacha yetkazgan she’ridir.
“Men ham intizorman, men ham muntazir”
She’r shunday oddiy, ammo yurakni zirqiratadigan satrlar bilan boshlanadi. Bu yerda “мен ҳам” iborasining takrorlanishi — lirik qahramonning o‘zini boshqa oshiqlardan ayirmasligi, lekin ayni paytda o‘z dardining beqiyosligini ko‘rsatish vositasi. U umumiy iztirob ichida o‘ziga xos bir olamdir.
Shoirning ushbu she’rida muhabbatning zalvorli surati nihoyatda yuksak qilib ochib berilgan.
“Men ham telba edim, ammo benazir”
Muhabbat ko‘pincha telbalik bilan bog‘lanadi, lekin bu telbalikda o‘ziga xoslik, go‘zallik va yuksaklik bor. Shoir muhabbatni nafaqat hissiy holat, balki ruhiy yuksalish deb biladi. Lirik qahramon o‘z oshiqona holatini dunyoviy mezonlardan balandda tasvirlaydi — u telba, ammo bu telbalik oddiy emas, benazir.
Badiiy obraz va tashbehlar jilosi har bir she’rida rang-barang ifoda etilgan.
She’r davomida poetik obrazlar shunchalik nafis va teran ishlatilganki, ular o‘quvchini bir zumda poetik olamga olib kiradi:
“Mening ham lolaruxmaydir ichganim,
Menga ham tor keldi osmon uchgani..”
Bu yerda “Оsmon uchgani tor keldi” degan tasvir – lirik qahramon orzularining kenglikka sig‘mas, quloch yozgisi kelgan, ammo imkonsizlik bilan yuzma-yuz turgan holatini ko‘rsatadi. Shoir oshiqni ikki o‘t orasida qoldiradi: bir tomonda ilohiy sevgi, ikkinchi tomonda dunyoviy iztirob. Bunday kontrastlar she’rni ruhiy jihatdan yuksak va fano bilan sug‘orilgan qiladi:
«Eski bir jununga doirman hamon...»
Bu jumla — bir umr davom etgan iztirob va sadoqat ramzi. “eski junun” — unutilmagan, balki qalbda muhr bo‘lgan bir sevgi. U nafaqat kechmish, balki hozir ham yashayotgan bir ruhiy holat.
She’rning eng kuchli falsafiy cho‘qqisi esa so‘nggi bandda bo‘yaladi:
«Tuproqman... Tuproqman... Tuproqman hanuz.»
Bu yakun nafaqat bir lirik obrazning balki inson borlig‘ining ramziy ifodasidir. Bu yerda tuproq — sadoqat, kamtarlik va hayot oldida tiz cho‘kish timsoli. Bu so‘z uch bora takrorlanib, she’rga ohangdorlik va ruhiy kuch beradi. Lirik qahramon muhabbat yo‘lida tuproqqacha yetgan, o‘zligini ham, oromini ham sevgi yo‘lida fido qilgan bir yurak sifatida ko‘rsatiladi.
Mansur Jumayevning bu she’ri — zamonaviy o‘zbek she’riyati durdonalaridan biridir. Unda nafaqat muhabbat, balki inson ruhining ezgulikka, go‘zallikka va sadoqatga intilishi kuylanadi. Shoir so‘z bilan sehr yaratadi, har bir satr yurakdan chiqqan, yurakka yetadi.

Bu she’r — muhabbat dostonidir, iztirob qissasidir, tuproq bilan yakun topgan samoviy yurak hikoyasidir. Uning har bir misrasi og‘ir, ammo ohangdor, chuqur, ammo nafis. U oddiy so‘zlar bilan yuksak tuyg‘ularni ifoda etgan, go‘yo yurakni tilga kiritgan she’rdir.
Shoir yana bir she’rida mana shunday go’zal ifodalar bilan sug’orilgan jilokor satrlarni jonlantiradi:
Ko’z yoshi ham kutmagin
sevinmagan odamdan;
sevgi so’rma,
sevgilim,
sevilmagan odamdan.
Ishq tilasang har mahal,
oshiq bo’lib so’ragin;
barmoqlaringga mahtal
eshik mening yuragim.
Yo’ling tushgan zamoni,
yoymay ovozasini,
bir yo’l chertib o’t, jonim,
qalbim darvozasini.
Faqat bir shart:
chorlasam,
kirsang,
hasrat chekish yo’q,
bu eshikdan, azizam,
kirish bordir,
chiqish yo’q!
Bu she’r — Mansur Jumayevga xos tarzda yurakdan otilgan dard, sadoqat va muhabbatning bitmas-tuganmas olamini o‘zida mujassam etgan, qisqa, ammo ta’sirchan go’zal satrlardir.
Ko‘z yoshi ham kutmagin, sevinmagan odamdan;
Sevgi so‘rma, sevgilim, sevilmagan odamdan.
Ushbu satrlar bilan shoir dardli haqiqatni ochib beradi: chin sevgi — majburlash, iltijo yoki yolvorishga emas, balki yurakning iztirobli ohangiga, ichki ehtirosga bog‘liq. Muhabbat Alloh tomonidan beriladigan ilohiy tuyg’u. Shoirning har biri so’zi, she’rning ohangdorligi muhabbat kuyi bo’lib yangragan. Bu yerda “sevgi” – ilohiy tuyg‘u sifatida talqin etiladi. Shoir muhabbatni so‘rash emas, olish lozimligini va uni faqat yurakda bor insondan kutish kerakligini aytadi. Bu satrlar sevgi izhorida haqiqat va samimiyat mezonini belgilaydi.
Ishq tilasang har mahal, oshiq bo‘lib so‘ragin
Barmoqlaringga mahtal eshik – mening yuragim.
Shoirning yuragi oddiy a’zo emas, balki sevgiga olib boruvchi eshik, sadoqat saroyining darvozasi sifatida ko‘rsatiladi. Bu yerda har bir so‘z — ehtirosli, samimiy va badiiy jiloga ega.
Yo‘ling tushgan zamoni, yoymay ovozasini,
Bir yo‘l chertib o‘t, jonim, qalbim darvozasini.
Shoir sevgan insonini yuragining darvozasidan shovqin-suronlarsiz, sokin va samimiy tarzda kirishga chaqiradi. “Yoymay ovozasini” iborasi — sevgi sadosini shaxsiy, dilga yaqin, pinhona holatda saqlash istagidan darak beradi. Bu aslida, muhabbatning nafaqat jismoniy, balki ruhiy sadoqat bo‘lishi lozimligini bildiradi.
Faqat bir shart: chorlasam, kirsang, hasrat chekish yo‘q,
Bu eshikdan, azizam, kirish bordir – chiqish yo‘q!
She’rning eng kuchli, ohangdor va falsafiy yakuni mana shu satrlarda mujassam. Shoir sevgan odamidan sadoqat istaydi. Bu eshik — yurak eshigi. Unga bir kirilgan bo‘lsa, undan chiqish yo‘q. Bu qat’iylik — muhabbatning abadiy va bir umrga tegishli bo‘lishini ifoda etadi. "Kirish bordir – chiqish yo‘q" degan jumla sevgi yo‘lidagi so‘zsiz qasamyod, yurakdagi muhrdir.
Bu she’r — qisqaligi bilan yengil, lekin mazmuni bilan yuksak. Har bir satr yurakdan chiqqan, yurakka yetadigan og‘ir, ta’sirchan fikrlar bilan to‘la. She’rda nafaqat muhabbat, balki sadoqat, samimiyat, tanlov, mas’uliyat tushunchalari she’rning poetik zamini sifatida uyg‘unlashadi.
Mansur Jumayev muhabbatni nafaqat his-tuyg‘u, balki ongli tanlov, yurakdagi eshik, sadoqatli sayohat sifatida talqin qiladi. Bu she’r — sevgi olamiga chorlov, lekin shu olamdan chiqmaslikka qasamyoddir. Bu — yurak eshigini ochgan oshiqning jiddiy taklifi, hayotiy sharti, qalbdagi chiroyli qoidasidir.
Beixtiyor, shoir she’rlari insonni o’ziga rom etadi. Adib sheriyati ohangdorligi, jilokorligi, o’z uslubi bilan ham qalblarga yaqindir. Mansur Jumayevning har bir ijod namunasi adabiyotimizning durdona shoh asarlaridandir. Shoirning har bir satri, asrlar oshsada mangu barhayot yashashiga ishonamiz.


__Umarqulova Barchinoy Sherali qizi
Buxoro davlat universiteti 3-bosqich talabasi__

Шоҳсанамга

Умр қисқа, ғам узун
Ҳасрат ипин чувамиз...
бахтни англамак учун
етмасмикан қуввамиз?!

Икки танда битта дил
уриб турса на хушкил,
кел ўзимга, кулиб кел,
йиғлаб қолсин Қувамиз.

Ҳайрон Нақши Болойим
соғинчи минг аълойим!
шамол бўлиб Худойим
ўқиб қўйса қуббамиз.

Марҳамат шу, толе шу,
икки ошиқ ҳоли шу:
тоғлар бизим болишу,
осмон бўлар жуббамиз.

Сўнг бугундан барини,
Ўйламай ўйларини,
Ишқдан бўлак барини
кўнглимиздан қувамиз.

Банокат бўлур боғинг,
ҳаётим, сўлу соғинг.
бу байрамни дудоғинг
боли билан ювамиз!

Мансур Жумаев
27 май, 2018 йил, Тошкент.

P/s: avval e'lon qilinmaganlaridan

NIYAT

Onamni aldadim soppa-sog‘man deb,
Otamni aldadim: “Pulim bor doim”.
Og‘amni aldadim: “Borarman, nasib...”
Men seni nima deb alday, Xudoyim?!

G‘unchani gul dedim – kuldi, quvondi,
Bulbul deb aytganim chumchuqmi, bilmam,
Bunda baxt bor dedim, erkam ishondi...
Robbim, endi meni yolg‘onchi qilma!

Muallif: @Mansur_Jumayev
Oʻqidi: @Nurmuhammad_Abduzoir

Bizni instagramda qoʻllab-quvvatlash: https://www.instagram.com/reel/DIRZz4KtrCP/?igsh=ZWRqMTJnNTJ5emRj

Share Mexmonova Dilobar tanlovga Mansur Jumayev ijodiga (1).docx

БОЛАЛИК
Қор жилғага айланиб,
кетди ҳаёт сойига:
кетаверди лойланиб
танимаган жойига.
Қорлигидан асар йўқ;
қайга етди, айтмайди...
.. у қор бўлиб яшаган
чўққисига қайтмайди...

Мансур Жумаев

Childhood

Snow has melted into a stream,
Flowed into life’s rushing tide,
Drifting away, swallowed by the flood,
To a place unknown, untried.

No trace is left of winter’s white,
Where it reached, it does not say...
Yet never will it climb again,
The peak where once it chose to stay.

Translated by Rukhshona Nishonova

ÇOCUKLUK

Kar ırmağa döndü ve
gitti hayat nehrine,
gitti bulanıklaşıp
tanımadık yerine.
Şimdi kar değildi tak,
çevrilir çevresine...
Dönemez kar olarak
yaşamış zirvesine.

She'r nomini nega yozmadim chunki sizga syurpriz bo'lishini va oxirigacha ko'rib, albatta fikr bildirishingizni istadim.

#тасвир_ва_таассурот

Mansur akam Jumayevning she'rlari.
Mirjalolbek Aktamov o'qidi.

Akam ikkalamizdan Ramazon hayitiga tuhfa sifatida qabul qiling.

Ayyomingiz muborak bo'lsin ahli O'zbegim.

* * *
Қушлар Ҳақ даласин донига борди,
Тоза руҳ ошиқнинг жонига борди,
Севган севилганнинг ёнига борди,
Мен сенинг ёнингга келдим, севгилим.
Жилға югургани каби дарёга,
Қўллар талпингани каби дуога,
Банда топингани каби Худога,
Мен сенинг ёнингга келдим, севгилим.
Изҳорга лойиқ вақт видога кетди,
Гадодан олганим гадога кетди,
Тан ерга кетди, жон самога кетди,
Мен сенинг ёнингга келдим, севгилим.
Кўнглимиз Вомиқдир, Узрога қочгай,
Шайхимиз Санъондек тарсога қочгай,
Худойим қувган қул Худога қочгай,
Мен сенинг ёнингга келдим, севгилим.

Мансур Жумаев
30 август 2023 йил, Тошкент

59 иштирокчи Аброр Бектемиров

***
Неча бор қалбингда тикладим қаср,
Айрилиқ бўрони бузди муттасил.
Нечун яна қаттиқ қиш келаётир,
Баҳор эмасмиди биз кутган фасл?!

Саҳройи севгимиз кўкарган даштим,
Соғинч ўрдасида мунча саваштим?..
Наҳот адаштирдим, наҳот адашдим,
Баҳор эмасмиди биз кутган фасл?!

Севилдик — севиндик, аммо ақлли
Зотлардек бўлмадик одам шаклли,
Эртароқ нишонлаб қўйдик шекилли,
Баҳор эмасмиди биз кутган фасл?!

Азизим, асалга эврилсин заҳр:
Севгида сахий бўл, нафратда — бахил,
Баҳорга айлантир қишни ҳам, ахир,
Баҳор эмасмиди биз кутган фасл?!

Баҳор эмасмиди биз кутган фасл?
Mansur Jumayev

58-иштирокчи Ботиржон Норматов

МАҒРУР ИНСОН ҲАҚИДА ЭРТАК

У ўткир тиғларга эгмади бошин,
Оловли найзалар эга олмади.
Манглайда порлаган ғурур қуёшин
Қонли қиличлар ҳам енга олмади.

Ғанимлар наздида букилмаган қад,
Нигоҳлар олдида бўлмаган эгик,
Инсонлик номини билиб сарбаланд,
Шоҳлар қаршисида тураверди тик.

Йўқ, ғурур ҳиссидан бўлмайин жудо,
Мағрурлик қамари порлаб бошида,
У бошини эгди — баҳаққи Худо,
У бошини эгди — Она қошида.
Мансур Жумаев
2006 йил, Қарши.

57- иштирокчилар Toshkent Davlat Yuridik Universiteti talabasi Farrux Avvalboyev va Jizzax Davlat Pedagogika universiteti Xorijiy tillar fakulteti talabasi Visola Tursunova ijrosida "Bahor emasmidi biz kutgan fasl?!" sheʼri.

“ONAJON, BU MA’RUFNING QUSHI”

Toshkentdan Qashqadaryoga kelishda Samarqand viloyatining Bulung‘ur tumaniga tegishli ko‘chalardan biriga kiraverishda yo‘l chetida o‘rnatilgan peshtaxtada yozilgan bitiklar doim xayolimni olardi. “Bu ko‘cha yurtimiz sarhadlari daxlsizligi va xalqimiz osoyishtaligini ta’minlash yo‘lida jonini fido qilgan mard va jasur Vatan himoyachisi, “Jasorat” medali sohibi katta serjant Ma’ruf Rajabov nomi bilan ataladi”.

🌐Batafsil: https://mv-vatanparvar.uz/669/

Telegram | Facebook | Instagram | Twitter

✍️Mansur Jumayev
🎙Бону Жўраева
**
Паймон топилади бир кунмас-бир кун,
Дармон топилади бир кунмас-бир кун.
Бир кунмас-бир куни дарё бўларсан,
Уммон топилади бир кунмас-бир кун.

Ҳаёт икки юзи икки хил танга,
Икки юзини ҳам кўрсатса санга,
Бир кунмас-бир куни кирарсан жангга,
Майдон топилади бир кунмас-бир кун.

Балки, япроқ бўлиб йўлга қўнарсан,
Балки, ёғин бўлиб чўлга қўнарсан,
Бир кунмас-бир куни ерга дўнарсан,
Деҳқон топилади бир кунмас-бир кун.

Битта боғ бағрида донасан, маъқул,
Доналик ҳолингдан тонасан, маъқул,
Бир кунмас-бир куни гул бўласан, гул,
Гулдон топилади бир кунмас-бир кун.

Бир кун ҳар елка ҳам етармиш кунга,
Сепмасанг бас экан донингни кулга,
Бир кунмас-бир куни омадинг кулгай,
Имкон топилади бир кунмас-бир кун.

Кўнглинг кулбасидан кетмаса иймон,
Кипригинг учида қалқиса виждон,
Бир кунмас-бир куни бўлолсанг инсон,
Инсон топилади бир кунмас-бир кун.

Унут ўйларингга ҳаёт ҳам битгай,
Ҳаёт муҳаббатга сабот ҳам битгай,
Бир кунмас-бир куни қанот ҳам битгай,
Осмон топилади бир кунмас-бир кун.

* * *

Худойим навбати билан жазолар,
Ҳосидни ҳасрати билан жазолар.
Зарра ҳаволанган доно мардини
Нодоннинг суҳбати билан жазолар.

Мансур Жумаев

* * *
Xudoyim navbati bilan jazolar,
Hosidni hasrati bilan jazolar.
Zarra havolangan dono mardini
Nodonning suhbati bilan jazolar.

Mansur Jumayev

55- иштирокчи Нигора Тоғаева

* * *
Неча бор қалбингда тикладим қаср,
Айрилиқ бўрони бузди муттасил.
Нечун яна қаттиқ қиш келаётир,
Баҳор эмасмиди биз кутган фасл?!

Саҳройи севгимиз кўкарган даштим,
Соғинч ўрдасида мунча саваштим?..
Наҳот адаштирдим, наҳот адашдим,
Баҳор эмасмиди биз кутган фасл?!

Севилдик — севиндик, аммо ақлли
Зотлардек бўлмадик одам шаклли,
Эртароқ нишонлаб қўйдик шекилли,
Баҳор эмасмиди биз кутган фасл?!

Азизим, асалга эврилсин заҳр:
Севгида сахий бўл, нафратда — бахил,
Баҳорга айлантир қишни ҳам, ахир,
Баҳор эмасмиди биз кутган фасл?!

Баҳор эмасмиди биз кутган фасл?
Mansur Jumayev

ЖАННАТИ ДЎСТИМ БИЛАН БОҒЛИҚ ШИРИН ХОТИРАЛАРИМ

2021-йил ёш ижодкорларнинг анъанавий "Зомин" семинарининг вилоят босқичи Сурхондарёда ўтказиладиган, Қашқадарё меҳмон бўладиган бўлди. Мазкур семинарга ҳакамлик қилиш учун, келган устоз ижодкорлар орасида "Онажоним шеърият" тўгараги орқали танишиб, оға-инидек бўлиб кетган дўстим Мансур Жумаев ҳам бор эди...
У, тўгаракка устозлик қилиб қолган пайтларда, бази ёш қаламкашлар, ўзларини узоқроқ таништириб қолса "Шеърингизни эшитайлик шеърингизни ўзи бизга кимлигингизни айтади" деб гапни индаллосини айтиб қўя қоларди. Бир сафар у, Р. Парфининг "Муножат" шеърини ёдлаб ёйинки ўқиб келишни уйга вазифа қилиб берганида, шеърни ёдлаб бориб, ёддан айтиб бергандим. Ўшанда бази ёш тўгарак аъзолари шеърни ёдлаб, ё, ўқиб келишга вақтлари бўлмаганлигини айтганларида "Уйимда уста ишлатиб, ўзим ғишт ташиб турганимда, уста олдига ташиб қўйган ғиштимни, ярим соатда териб тугатарди. Мен ўша ярим соат ичида 70-80 вароқ китоб ўқиб олиб, яна ғишт ташишда давом этардим. Чиндан ўқишга иштиёқ бўлса вақт топилади" деб, менга алоҳида раҳмат айтиб "Жафо ҳабибингдир, хиёнат ёринг" "буни Рауф Парфининг фалсафаси десак бўладими, зўр ёзган-а?! "деб мен билан янада яқинлашган янада дўстлашган эди...
Шу сабаб ТЕРДУда ўтказилган семинар сўнгида у, мени рўпарадаги хоналардан бирига чорлаб, ичкаридаги икки талаба қизни " Бу йигитга бир уришиб қўяйин" деб чиқариб юбориб "Иқтисод қандай бўляпти ўзи?" деб чўнтагидан пул чиқариб, тўртта эллик минг сўмликни қўярга қўймай чўнтагимга солди. Буни қандай қайтараман десам "Бой бўлганингизда" ўҳҳў мен қачон бой бўламан иссиқ жонмиз... десам "Қайтаролмасангиз розиман, бундан ҳам кўпроқ берардим, фақат қайтиб кетишимга йўл кира қолдида" деб елкамга қоқиб қўйди... Бундан аввалроқ карантин туфайли ижарада туриш қийинлашиб Тошкентдан Сурхонга қайтаётганимни телефон орқали айтганимда "Чилонзордаги 20-кварталда ойига 350000 дан турса бўладиган жойлар бор. У пулни топсак бўлади келинг" деганида уни заҳматга қўйгим келмай, унамаган эдим. Энди бу сафар меҳрибончилигини қайтарсам бўлмас эди.
Шундан сўнг у ва қолган ижодкорлар билан Термиз Отани зиёрат қилиб, поезд вокзалга йўл олдик. Йўлда
" Йўл ёмон бўлса ҳар қандай араванинг ҳам шалоғи чиқиб кетади" деган экан Расул Ҳамзатов, сиз бу фикрга қандай қарайсиз дедим. "Тўғри айтган, нафақат шалоғи чиқиб кетади, балки бутунлай йўқ бўлиб кетади" деб қўшиб қўйди. Кейин Термиз Тошкент поезди уни мендан олислатиб кетди. Лекин орадан кўп ўтмай "Зомин" семинарининг республика босқичида иштирок этиш каминага ҳам насиб этиб, Дўрмон ижодкорлар уйида уни яна учратдим. Атрофидаги ёш насирчиларга "Ном асарингизни ярим тақдири. Ном қўйишда эътиборлироқ бўлинг" деб насиҳат қилаётган экан. Яна дилдан суҳбатлашдик... Агар биринчи китобим лойиҳасида менинг ҳам ижодим чоп этилса биринчи бўлиб унга совға қиламан! Деб ўзимча ширин ҳаёл қилиб, бир гуруҳ ижодкорлар билан Жиззахга йўл олдик. Тўрт кунлик таассуротларга бой семинардан сўнг, уйга келдим. Ўша кунларда у, Республика ёш ижодкорлар кенгаши томонидан "Зулфиқор" номли таҳлилий, танқидий, қиёсий мақолалар танлови ўтказилаётганлигини ва рўйхатда ўзининг ҳам борлигини айтиб "Ижодимдан хабардорсиз, истасангиз иштирок этинг" дегани учун "Марваридлар ёғдуси" номли таҳлилий мақола ёздим. Гарчи мақолам тақдири пинҳонлигича қолган эрсада уни бир қадар хурсанд қилолганимни пайқадим. Менга эса айнан шу керак эди ўзи!
2023-йили Ўзбекистон ёзувчилар уюшмаси аъзолигига қабул қилинишим учун керак бўладиган ҳужжатларни уюшмага топшириб кетаётганимда у, билан уюшманинг иккинчи қаватида учрашиб қолдим. Самимий суҳбатлашдик. Суҳбат асносида ҳалиги мақолани"Газеталарга бериб чоп эттирсангиз" бўлади деб қолди. Бир неча кундан кейин унинг туғилган куни эди. Айнан шу куни газетага беришимни ичимда ният қилиб , у, билан хайирлашдим. Уйга келибоқ ниятимни амалга оширдим. Газетанинг электрон варянтини телеграмига ташлаб таваллуд куни билан табриклаганимда жуда хурсанд бўлди... Шундан сўнг 2024-йилнинг 5-Ноябригача у, билан аҳён-аҳёнда телеграм орқали ҳол-аҳвол сўрашиб турдик...

Ҳар гал суҳбат чоғида бирор бир хурсандчилигимни айтсам "Худо хофизингиз бўлсин қариндош" ё бирор ишни қилмоқчилигимни айтсам "Ё, насиб" дерди у, ҳамиша.Худони тилидан ҳам дилидан ҳам қўймасди.Балки шундан Худонинг назарига эртароқ тушиб жаннатига тезроқ чорлагандир...
Жаннати дўстим билан боғлиқ ширин хотираларим, қалбимнинг туб-тубида мангу яшайди.

Ҳалим Малик

54-ishtirokchi

* * *
Юрак зарбин матн қилдим,
Шеърни изҳор хатим қилдим.
Сочларингни ўқиб чиққач,
Кўзларингни хатм қилдим.

Куйса куйсин дил, ғамим йўқ,
Сендан ўзга, бил, ғаним йўқ.
Сени қандай севиб қолдим,
Худо ҳаққи, билганим йўқ!

✍ Мансур Жумаев

Oʻqidi: @Nurmuhammad_Abduzoir

Instagram: https://www.instagram.com/reel/DHxUD77og4D/?igsh=azAzODJwOHZhdDhh

53-иштирокчи Фарангиз Давлатова

52 иштирокчи Мадина Худойбердиева

* * *
Зах оёқдан ўтиб, томоқдан олди,
Иссиқ бошдан ўтиб, оёқдан олди.
Бизларни бехабар, беғам деганлар,
Билмадик, бу гапни қаёқдан олди?!

Мансур Жумаев
* * *
Zax oyoqdan o‘tib, tomoqdan oldi,
Issiq boshdan o‘tib, oyoqdan oldi.
Bizlarni bexabar, beg‘am deganlar,
Bilmadik, bu gapni qayoqdan oldi?!

Mansur Jumayev

✍️Mansur Jumayev
🎙Зухра Соҳибова
**
Паймон топилади бир кунмас-бир кун,
Дармон топилади бир кунмас-бир кун.
Бир кунмас-бир куни дарё бўларсан,
Уммон топилади бир кунмас-бир кун.

Ҳаёт икки юзи икки хил танга,
Икки юзини ҳам кўрсатса санга,
Бир кунмас-бир куни кирарсан жангга,
Майдон топилади бир кунмас-бир кун.

Балки, япроқ бўлиб йўлга қўнарсан,
Балки, ёғин бўлиб чўлга қўнарсан,
Бир кунмас-бир куни ерга дўнарсан,
Деҳқон топилади бир кунмас-бир кун.

Битта боғ бағрида донасан, маъқул,
Доналик ҳолингдан тонасан, маъқул,
Бир кунмас-бир куни гул бўласан, гул,
Гулдон топилади бир кунмас-бир кун.

Бир кун ҳар елка ҳам етармиш кунга,
Сепмасанг бас экан донингни кулга,
Бир кунмас-бир куни омадинг кулгай,
Имкон топилади бир кунмас-бир кун.

Кўнглинг кулбасидан кетмаса иймон,
Кипригинг учида қалқиса виждон,
Бир кунмас-бир куни бўлолсанг инсон,
Инсон топилади бир кунмас-бир кун.

Унут ўйларингга ҳаёт ҳам битгай,
Ҳаёт муҳаббатга сабот ҳам битгай,
Бир кунмас-бир куни қанот ҳам битгай,
Осмон топилади бир кунмас-бир кун.

#тасвир_ва_таассурот
50-иштирокчи Фотима Нуриддинова

* * *
Мен ҳам интизорман, мен ҳам мунтазир,
Мен ҳам дийдорингга муштоқман ҳануз.
Мен ҳам телба эдим, аммо беназир,
Мен ҳам ошиқ эдим, ушшоқман ҳануз.

Менинг ҳам лоларух майдир ичганим,
Менга ҳам тор келди осмон учгани,
Ҳамма ошиқлардек мен ҳам бир ғани,
Ҳамма ошиқлардек қашшоқман ҳануз.

Эски бир жунунга доирман ҳамон,
Севги саҳросида сойирман ҳамон,
Суюк сўз тўкилган шоирман ҳамон,
Куюк бўз тўкилган машшоқман ҳануз.

Бир йигит умрини сипқорган ўғул,
Бир аёл сочини қорга кўмган ғул,
Бир малак тушларин зийнатлаган гул,
Бир пари пойига тушоқман ҳануз.

Жоҳиллигим аён, оқиллигим рост,
Забонимни ёқар айтилмаган роз,
Кўзинг уммонида хасман сарафроз,
Алвон дудоғингда титроқман ҳануз.

Кўклам андалибдан наво келтирди,
Кузак ҳазин тусли сафо келтирди,
Фалак руҳқушимга ҳаво келтирди...
Тупроқман... тупроқман... тупроқман ҳануз.

© Мансур ЖУМАЕВ

✍️Mansur Jumayev
🎙️Ramazon Naimjonov
49-ishtirokchi


* Шеърий лаҳза

НИЯТ

Онамни алдадим соппа-соғман деб,
Отамни алдадим: “Пулим бор доим”.
Оғамни алдадим: “Борарман, насиб...”
Мен сени нима деб алдай, Худойим?!

Ғунчани гул дедим – кулди, қувонди,
Булбул деб айтганим чумчуқми, билмам,
Бунда бахт бор дедим, эркам ишонди...
Роббим, энди мени ёлғончи қилма!

Мансур ЖУМАЕВ

* * *
Тошларга топиниб тиладим нажот,
Сувларга сиғиниб сўрадим сабот.
Набий ҳам, валий ҳам, хожа ҳам, қул ҳам
Ўзинг экансан-ку, ҳазрат одамзот.

Мансур Жумаев

* * *
Toshlarga topinib tiladim najot,
Suvlarga sigʻinib soʻradim sabot.
Nabiy ham, valiy ham, xoja ham, qul ham
Oʻzing ekansan-ku, hazrat odamzot.

Mansur Jumayev

ELYORBEK Õroqov

Мансур Жумаевнинг “Биз кутган фасл”
китобидан “Наврўзнома” деган шеър ўрин
олган. Бу шеърни шубҳасиз “ҳаёт қўшиғи”
деб аташ мумкин:

Тун эди навосиз наво дайдиган,
Бир совуқ, бир қора ҳаво дайдиган.
Наврўзий насимлар келдилар ногоҳ
Кўксимни кўкларга ҳаволайдиган.

Бир навосиз наво дайдиган — умидсиз­
лик кезиб юрган тунда, совуқ ва қора ҳаво
дайдиган тунда баҳор насимлари эса бош­
лайди ва у шоирнинг ҳам кўксини кўкларга
кўтаради… Умидсизлик кезиб юрган тунда
бир ёғду пайдо бўлиши шу тахлит тасвир­
ланмоқда. Шоир ўз-ўзига шундай далда бера
бошлайди, яъни юқоридаги шеърлардан
фарқли равишда энди шоирнинг ўзи баҳор­
га қараб боради. Тун ипини узадиган шамни
излаб кундузни топиб олади, кўкламни куй­
лайдиган шеърлар тўқиб Ерни “наволайди”,
ёмғирдан бахтнинг исини туя бошлайди,
бахмал адирлардан варраклар ўсиб чиқади,
тупроқдан тириклик ифори гул шаклида
униб чиқа бошлайди, даволайдиган сумалак­
лар пиширади… Баҳор — ҳаёт олиб келади,
ҳаёт! Шоир эса шу ҳаётни куйлайди, наво­
лайди, шу билан ўзини даволайди, руҳини
кўкларга йўллайди — раволайди… Мансур
Жумаевнинг наврўзи худди ўзидек, инжа
ҳисларга тўла, бир оз беқарор, бир оз сокин,
бироз сирли… муҳими — баҳорий!

Суҳроб ЗИЁ.

"Янги Ўзбекистон" газетасининг 2025 йил, 21 март сонидан.

НАВРЎЗНОМА

Тун эди навосиз наво дайдиган,
Бир совуқ, бир қора ҳаво дайдиган.
Наврўзий насимлар келдилар ногоҳ
Кўксимни кўкларга ҳаволайдиган.

Изладим тун ипин узгувчи шамни,
Кун чиқди – кулгуси кезди оламни,
Қўшиқлар тўқидим кўкни, кўкламни,
Ерни куйлайдиган, наволайдиган.

Бахт иси ёйилди ёғин-ёмғирдан,
Варраклар ўсдилар бахмал адирдан –
Деҳқони хокисор руҳимни ердан
Кўкка йўллайдиган, раволайдиган.

Тарновда сумалак эриди, инди,
Индию бойчечак бошида синди,
Тупроқдан тириклик ифори унди,
Сумалак пиширдим – даволайдиган.

Куйладим – қуёшни наволайдиган,
Чўпонлар даштидан ҳаволайдиган.
Наврўзий насимлар мужда келтирди –
Совуган кўнгилни даволайдиган.

Мансур Жумаев

Boʻgʻzimgacha keldi bu loyqa daryo,
Sen qachon kelasan Nuhning kemasi?!

Mansur Jumayev

@Ravshan_Haqmurod

#тасвир_ва_таассурот#
48-иштирокчи

БИР ДАРД БИЛАН ОҒРИДИ КЎНГЛИМ

Ғамнинг яйдоқ отига миндим,
Югани йўқ, узангиси йўқ.
Бир дард билан оғриди кўнглим,
Лекин сира тузалгиси йўқ.

Бир дард билан кўзларим бедор.
Сен ҳам бедор изтироб тилан,
Кел, иккимиз бўлайлик бемор,
Кел, яшайлик битта дард билан.

Кел, кўзимда ошиён яса,
Кел, кўнглимга кўз тиккил, ўғри.
Мен яшаган қайғуни яша,
Мен чалинган дард билан оғри.

Сен қуш бўлсанг, бағрим – ос(и)мон,
Сен – нилуфар, кўзёшларим – кўл.
Ютқизмайин десанг, ёрижон,
Мен чалинган дардга таслим бўл!

Озодликдир унга тутилмоқ,
Унга қуллуқ қилиш тамкиндир.
Бу дарёдан чўкиб қутулмоқ,
Таслим бўлиб енгиш мумкиндир.

Қоқ юракка қадалган дард бу,
Бир умрни айлар чирпирак.
Икки дилга аталган дард бу,
Енголмайди уни бир юрак.

Кел, иккимиз бўлайлик бемор,
Кел, яшайлик битта дард билан.

✍️ Мансур Жумаев.
🎤 Dilnoza Zokirova.

"Эзгулик" электрон газетасида дўстим Мансурга бағишланган ва бошқа шеърларим берилибди. Оғам Обид Қўлдошга раҳмат!

2025.17.03

👉 @xayol_soyasi

#тасвир_ва_таассурот
47-иштирокчи ✍️Мансур Жумаев 🎤 Дўстмуҳаммад Юсупов

#тасвир_ва_таассурот
46-иштирокчи ✍️Мансур Жумаев 🎤 Зулҳаё Мингбоева

#тасвир_ва_таассурот
45-иштирокчи ✍️Мансур Жумаев 🎤 Дилшода Ҳожиқулова

🖊️Бир суйдирги ичимда...
бир куйдирги ичимда –
чиқиб кетар сирғалиб
ўттиз икки тишимдан.

Саҳройи дил савдойи;
шеърдан нечук қайтаман?!
Хато шудир: ҳаммага
ҳаммасини айтаман...

Менинг хатоларим-ай,
ў, менинг хатоларим!
Фиғон урди афғонзай –
у менинг хатоларим. ..

✍🏼Мансур Жумаев

https://t.me/SHohiraHamro

#тасвир_ва_таассурот
44-иштирокчи ✍️Мансур Жумаев 🎤 Муниса Қурбонова

МАСАЛ

Ўрмон найрангларин сезиб-билиб қўй,
Қўзичоққа деди: “Қўзим, билиб қўй.
Кўзинг қувнатмасин давранинг тўри,
Сенга тўр кўрсатган, эҳтимол, бўри.
Тўр яхши-ку, лекин, балки у тузоқ,
Тўрдан эшиккача масофа узоқ.
Яхшиси, ёмон сўз демаган маъқул,
Бўри зиёфатин емаган маъқул”.

Мансур Жумаев

P/s: Avval e'lon qilinmaganlaridan

#тасвир_ва_таассурот
43-иштирокчи ✍️Мансур Жумаев 🎤Маҳфуза Мезон

#тасвир_ва_таассурот
43-иштирокчи ✍️Мансур Жумаев 🎤Озода Очилова

42-ishtirokchi
Madina Usmonova

* * *
Титрадим самовот тузган тадбирдан,
Унут туйғуларим барг ёзди бирдан.
Кўкламай бўлурми, ўсмай бўлурми,
Ҳаёт иси келиб турса ёмғирдан?!

* * *
Titradim samovot tuzgan tadbirdan,
Unut tuyg'ularim barg yozdi birdan.
Ko'klamay bo'lurmi, o'smay bo'lurmi,
Hayot isi kelib tursa yomg'irdan?!

@Mansur_Jumayev

СЕНГА ДЕГАНИМ

Бундай қараманг, дейсан,
мен шундай қарадимми?
Лайлосига мубтало
Мажнундай қарадимми?
Қайрилмақош, қарасам,
қарабман-да, ахтарим;
юрган эдим қобирғам
давомини ахтариб.
Қандай қилиб кўзимни
узолгайман тамоми,
бунча гўзал бўлмасанг,
қобирғамнинг давоми?!

Мансур Жумаев
2015
Картина муаллифи: Акмал Нур

Байрамингиз билан, азиз аёллар!

ҲАДИС МУЖДАЛАРИ
Ватанни севиш ҳам иймон матлаби,
Демак, унга элтар соғинч маркаби.
Юртга шош Мадина деворларини
кўриб от тезлатган пайғамбар каби.
* * *
Абу ибн Ҳужр – Исмоил ибн Жаъфар – Ҳумайд – Анас:
“Расулуллоҳ (с.а.в.) сафардан қайтиб, Мадина деворларини кўрса, туяларини тезлаштирар эдилар. Агар улов устида бўлсалар, (Мадинани) севганидан уни ҳаракатга солар эдилар”.
“Сунани Термизий”, 3441-рақам.
Мансур Жумаев
HADIS MUJDALARI
Vatanni sevish ham iymon matlabi,
Demak, unga eltar sog‘inch markabi.
Yurtga shosh Madina devorlarini
ko‘rib ot tezlatgan payg‘ambar kabi.
* * *
Ab-u ibn Hujr – Ismoil ibn Ja’far – Humayd – Anas:
"Rasululloh (s.a.v.) safardan qaytib, Madina devorlarini ko‘rsa, tuyalarini tezlashtirar edilar. Agar ulov ustida bo‘lsalar, (Madinani) sevganidan uni harakatga solar edilar".
"Sunani Termiziy", 3441-raqam.
Mansur Jumayev

#тасвир_ва_таассурот
41-иштирокчи

* * *
Мен ҳам интизорман, мен ҳам мунтазир,
Мен ҳам дийдорингга муштоқман ҳануз.
Мен ҳам телба эдим, аммо беназир,
Мен ҳам ошиқ эдим, ушшоқман ҳануз.

Менинг ҳам лоларух майдир ичганим,
Менга ҳам тор келди осмон учгани,
Ҳамма ошиқлардек мен ҳам бир ғани,
Ҳамма ошиқлардек қашшоқман ҳануз.

Эски бир жунунга доирман ҳамон,
Севги саҳросида сойирман ҳамон,
Суюк сўз тўкилган шоирман ҳамон,
Куюк бўз тўкилган машшоқман ҳануз.

Бир йигит умрини сипқорган ўғул,
Бир аёл сочини қорга кўмган ғул,
Бир малак тушларин зийнатлаган гул,
Бир пари пойига тушоқман ҳануз.

Жоҳиллигим аён, оқиллигим рост,
Забонимни ёқар айтилмаган роз,
Кўзинг уммонида хасман сарафроз,
Алвон дудоғингда титроқман ҳануз.

Кўклам андалибдан наво келтирди,
Кузак ҳазин тусли сафо келтирди,
Фалак руҳқушимга ҳаво келтирди...
Тупроқман... тупроқман... тупроқман ҳануз.

© Мансур ЖУМАЕВ

✍Mansur Jumayev
🎤Muqaddam Ehsonova
P/s: bu opa olima, so'z shaydosi. Ataylab Farg'onadan keldilar. Oilaviy rahmat aytamiz, opajon!

#тасвир_ва_таассурот
40-иштирокчи Аброр Бектемиров

таҳлил. 3-иштрокчи

Ikkinchi maktubda munojot isyonga aylana borganini kuzatish mumkin. Haqiqiy shoir boshqa insonlarning ham dardini his qila oladi. Shu sababli muallif dunyodagi turli ijtimoiy muammolarni o‘z dardi kabi qalb prizmasidan o‘tkazadi. Shoir ijtimoiy masalalarni nazarda tutar ekan, dunyodagi urushlar, taloto‘plarni ko‘rib nega jimsan, deya Yaratganga isyon qiladi.
Bir janggohga aylandi dunyo,
Bu janggohda nahot Sen yo‘qsan?!
Bu oniy holat barcha ijod ahliga tanish bo‘lsa kerak. So‘z mulkining sultoni Alisher Navoiyda ham shunday isyonli holatlar lahzalik tarzda bo‘y ko‘rsatganki, Hazrat ham Taqdirga tadbir yo‘qligi haqida yozarkan, “Ne dersen bas bu jam’i benavog‘a,. Gunohe qilmayin qolg‘on balog‘a? ” deya isyon qilgan o‘rinlarini o‘qiganimiz bor.
Maktublar so‘ngida lirik qahramon yana umid va ishonch asosida iltijo qila boshlaydi:
Yoshimizni yomg‘ir aylagan,
Sochimizni qor aylagan Zot.
Dardimizni yo‘q qila qolgin,
Yo‘qdan bizni bor aylagan Zot!
Ayni shu misralar o‘qirmanning ham ko‘ngliga taskin bo‘lib yog‘iladi. Yo‘qdan bizni bor aylagan Zot, albatta, bor dardimizni yo‘q qila olishiga komil ishonch paydo bo‘ladi.
Shoirning tamsillar asosida bunyod bo‘lgan yana bir she’ri “Yarashmoq uchun ham nizo tug‘ilgan” misrasi bilan boshlanadi. Boshdan oxir hayotiy misollarni o‘zining fikrlariga uyg‘un tarzda keltirgan mazkur she’rining so‘ngida shoir Yaratganga murojaat va munojot qiladi:
Kel, vahm sherini jayron qil, Xudo,
Chavandoz nafsimni vayron qil, Xudo,
Mendek bir yomondan yaxshi og‘ochlar
Undirib meni bir hayron qil, Xudo.
Mazkur to‘rtlikda vahm sheri, chavandoz nafs, yaxshi og‘ochlar kabi tamsillar keltirilishi tasodifiy emas. Shoir Yaratgannning cheksiz qudrati oldida o‘zini ojiz-u notavon his qilarkan, nafsidan panoh tilaydi, dunyoviy vahimalardan asrashini, yaxshi og‘ochlar - farzandlar kamolini Tangridan so‘raydi. Hazrat Navoiyning “Nafs itin qilsang zabun, olamda yo‘q sendek shujo” misralarining bevosita davomiday o‘qiladigan yuqoridagi satrlar muallifning mumtoz adabiyotimiz buloqlaridan qonib-qonib suv ichganini bildiradi.
2.Mansurning insoniy muhabbat kuylangan she’rlari orasida ona timsoli alohida ahamiyatga ega. Shoirning ona haqidagi satrlari “Hazrati ishq” kitobining ichidan turli mavzudagi she’rlar oralab joy olgan.
Mening bir qarzim bor yorug‘ dunyoda,
Umrim yillariga urgay u taroq.
U men kutganimdan ancha ziyoda,
U sen o‘ylagandan ancha kattaroq.
Muallifning qarzi nima bo‘lishi mumkin? Umrining yillarini har yonga tarayotgan qarz nima bo‘lishi mumkin? Matn osti ma’nolaridan bilish mumkinki, shoir bu o‘rinda onasining oldidagi uzilmas qarzi haqida iqrorlik keltirmoqda. Shoir yana bir to‘rtligida shunday xulosa beradi:
Topganimni yo‘lga xarj qilaman men,
Onam diydorini vaj qilaman men.
Ka’ba tavofidir onam diydori,
Bir yilda o‘n marta haj qilaman men.
Shoir onaizor oldida ham ulkan burch va mas’uliyat his qilganini yuqoridagi satrlar isbotlaydi. Shoirning dunyoviy ishq kuylangan she’rlarida hayrat, erkalik, samimiyat, xokisorlik kabi tuyg‘ular bo‘rtib ko‘zga tashlanadi.
Yorijon,
ay yorijon,
ketdi jon sen sori, jon:
ko‘rmadim ko‘rkam naqsh
ko‘zlaringday,
yorijon!
Bu she’rni har kim o‘zicha his qiladi, o‘zicha tahlil qiladi. Bu she’rda Naqqoshning naqshidan hayratlangan muxlisni ham, mahbubasining go‘zalligi oldida bosh eggan oshiqni ham, farzand ne’matining shukrini ado etayotgan bir bandani ham ko‘rish mumkin. Shoirning ayoli Shohsanamxonning ta’kidariga ko‘ra, bu she’rni Mansur qizi Orzuga alla sifatida ijro etib berar ekan. Shu bois ham bu she’rda har qanday sevgi mushtarak va uyg‘un holda kelganini ko‘rishimiz mumkin.
Boridan bezdi jonim,
borligin sezdi jonim;
jonim yo yerga kirdi,
yo ko‘kda kezdi jonim.
Ko‘zimdan sizdi jonim,
bir savol ezdi jonim:
jonim-ay,
jonim beray,
seni kim chizdi, jonim?!
Seni kim chizdi, jonim?!

Mazkur she’rda lirik qahramonni hayajonlantirgan, uning cheksiz hayratlariga sabab bo‘lgan timsol bu Yorning go‘zalligi. “Seni kim chizdi, jonim?!” ritorik so‘roq gapi ayni Oliy Naqqoshga - Yaratganga ishora qilmoqda. Yaratganning yaratiqlaridan hayratlanish ham aslida insonlikning asosiy mezonlaridan biridir. Naqqoshning naqshidan hayrat tuyish san’atni yaxshi his etish, anglash belgisi. Yaratganning go‘zal naqshlarini anglash uchun esa ko‘ngilda Uning ishqi bo‘lmog‘i lozimdir, aslida. Alisher Navoiyning “Barchasi Ezid taolo sun naqqoshindadur” kabi hayratlariga hamohang tarzda bitilgan mazkur satrlar hayrati ishqning go‘zal tasviri hisoblanadi.
3.Ijtimoiy mavzular Mansurning she’rlarida bo‘rtib ko‘zga tashlanadi. Uning Muhammadali g‘afforovga bag‘ishlangan “Beshinchi musofir” she’ri shoirning ijtimoiy missiyasi haqidagi yirik planda yaratilgan kartinadir. She’r shimol tomonlarga ishlagani ketgan musofirlarning hayot tarzi haqidagi tasvirlar bilan boshlanadi. Tun cho‘kib, hamma uxlayotganda konteyner ichidagi shoir yigit ijod dardi bilan to‘lg‘ona boshlaydi:
Uyg‘ondi,
to‘lg‘ondi:
sog‘inch,
ilhom,
she’r.
Bu tun butun she’rdir –
ko‘ngil to‘q edi.
Oltiga uch metr vagon-konteyner
ichra undan bo‘lak shoir yo‘q edi.
Ushbu banddagi bu tun, butun kabi so‘zlar o‘yini zulmatni yoritayotgan chiroqni o‘quvchi ko‘z oldida namoyon qiladi. Ilhomning cho‘qqisida ijod qilayotgan shoir elektr uzilishlariga guvoh bo‘larkan, darhol qolgan to‘rt sherigini uyg‘otib, ularga she’r o‘qib beradi:
Temir boshpanani daqiqa sayin
ishg‘ol qilar ekan sovuq ayoz, qish,
to‘rtta hamxonasin uyg‘otib tayin,
she’r o‘qib berguvchi shoirga olqish!
Albatta, she’r ayozga bas kela olmasligini ta’kidlarkan, muallif shoiri bor vagondagi besh musofir kechasi bilan harakatda bo‘lgani sabab ayoz zahriga bas kelishganini takidlaydi. Ammo shoiri yo‘q boshqa vagondagi musofirlar esa sovuqdan muzlab vafot etishadi:
Ne chora bor, axir,
kim nima ham der,
barisi navqiron,
g‘ayir yo‘q edi,
lekin bu vagonda
uyg‘otib,
she’r-per
o‘qib beradigan shoir yo‘q edi.
Ayni shu nuqtada muallifning asl maqsadi voqeani shunchaki bayon etish emas, balki ushbu voqeiy she’r orqali shoirning insoniyat yashab qolishi uchun, o‘zligidan, jonidan judo bo‘lmasligi uchun naqadar zarur shaxs ekanligini ta’kidlashdir. Ushbu she’rdagi tirik qolgan besh musofir, vafot etgan musofirlar, konteyner, shoir, chiroq, ayoz - bularning bari ramz bo‘lib umumiy bir g‘oyani: shoirning insoniyat oldida burchi nihoyatda zalvarli ekanini isbotlaydi. Shoir chiroq kabi xalqini ayozlardan asramog‘i, ularni uyquga bosh qo‘yishlariga izn bermasdan, kerak bo‘lsa, majbuan bedor tutib, asramog‘i lozimligi “Beshinchi musofir” she’rining asosiy xulosalaridan biridir.
Hali ham sovuqdir shimol, do‘stlarim,
hali ham bir g‘aflat quvar erlarni...
Ayozda chiroqsiz qoldirma, Tangrim,
shoiri yo‘q konteynerlarni!
Xulosa qiladigan bo‘lsak, Mansur Jumayevning “Hazrati ishq” to‘plami Hazrati Ishqning yuksak ohangdagi tarannumi bo‘lgan she’riy guldastadir. “Hazrati ishq” – hayrati ishq! Shoirning umri uning she’rlari, munojotlari, maktublari, kitoblari orqali davom etaveradi. Muhammad Yusuf yozganiday:
O‘lsa, o‘zi o‘lar, so‘zi o‘lmaydi,
Hamisha barhayot nasl - shoirlar.
Haqiqiy shoirning qabri bo‘lmaydi,
Yurakka ko‘milar asl shoirlar!

“HAZRATI ISHQ” – HAYRATI ISHQ
Sitorabonu Hoshim qizi,
Xalqaro Nordik universiteti dotsenti,
O‘zbekiston yozuvchilar uyushmasi a’zosi
Mansur Jumayev haqida yozarkanman, Yunus Emroning mashhur qo‘shiqqa aylanib ketgan quyidagi satrlari qulog‘im ostida jaranglamoqda:
Yunus o‘ldi deya sado berurlar,
o‘lgan badan erur, oshiqlar o‘lmas…
Mansur ham Haqning oshig‘i edi. Mahbubi qoshiga oshiqdi…
“Usmon she’riyatimizga shamolday kirib keldi. Balki bo‘ronday! U shunday to‘polon va to‘lqin bilan keldiki, uncha-muncha she’riy uslub va ijodni to‘s-to‘s qilib yubordi”… Turob To‘laning ushbu ta’rifi Usmon Nosir ijodiga berilgan munosib baho edi. Hech ikkilanmasdan mazkur ta’rifni marhum shoir Mansur Jumayevga nisbatan ham ishlatish mumkin.
U qisqa umri davomida o‘zidan katta lirik meros qoldira oldi. Shoir juda ham shoshilib yashaganini, judayam shoshqinlik bilan ijod qilganini uning she’rlarini mutolaa qilish davomida yanada teran anglash mumkin.
Shoirlar yarim avliyodirlar, degan bir hikmatni o‘qigandim bir mahallar. Ularga oddiy odamlarga ma’lum bo‘lmagan sirlar ayondir. Mansur Jumayevning “Hazrati ishq” kitobini o‘qish jarayonida shoir o‘zining har bir she’ri, har bir satri bilan Oliy Jamolga bir qadam yaqinlashib borganini his qilish mumkin.
Shoir she’rlarini shartli ravishda 3 guruhga bo‘lib tadqiq etish o‘rinlidir:
1. Ilohiy ishq (hazrati Ishq) navolari.
2. Insoniy muhabbat kuylangan ijod namunalari.
3. Ijtimoiy motivlar asosidagi she’rlari.
1.Ilohiy ishq yo‘lida yozilgan ash’orlar bizni olis tarix tomon yetaklaydi. Tasavvufning sirli ohanglarini, Ishqi haqiqiyning nozik asrorlarini ongimizda jonlantiradi. Navoiy va Fuzuliy, Nasimiy va Mashrab kabi shoirlarimizning ohangini tinglaganday bo‘lamiz.
Popuklari kuloh darvesh bo‘lganman,
Ozod shamollarga tanish bo‘lganman,
Qanday unutayin, eh ona daryo,
Nay bo‘lishdan oldin qamish bo‘lganman.
Ushbu to‘rtlikda shoirona iqrorlar o‘qirmanni olis moziyga olib boradi. Mavlono Rumiyning “Bishnav az nay, chun hikoyat mekunad, Az judoyiho shikoyat mekunad” (“Tinglagil, nay ne hikoyat aylagay, Ayriliqlardan shikoyat aylagay”) satrlari beixtiyor qulog‘imizda jaranglaydi.
Yuqoridagi to‘rtlikdayoq lirik qahramon samimiyati, rostgo‘yligi bilan o‘quvchini o‘z ortidan ergashtira oladi. She’rxon shoirning darvesh bo‘lganiga, ozod shamollarga tanish ekaniga va nay bo‘lishdan oldin qamish bo‘lganiga ishona boshlaydi. Nay - ayriliqdagi solik timsoli bo‘lib, mumtoz adabiyotimizda ko‘p qo‘llanadigan obrazlardan biridir. Quyoshdan ayro tushgan zarra, ummondan uzilgan qatra holati ayni nayda mujassam. Nay – qamishzordan ajralgan yolg‘iz qamish, u o‘z to‘pidan ajralib, yo‘nilib, teshilib sehrli sado chiqaradigan cholg‘uga aylandi!
Shoirning she’rlarida insoniy muhabbat Ilohiy ishq uchun ko‘prik vazifasini bajaradi. Buni mumtoz adabiyotda mazhar ishqi deb ham yuritishadi. Mazhar - Majnun uchun Layli, Farhod uchun Shirin edi. Mazhar - Yaratganning nuri tushgan yaratiq edi. Ayni shu holatlarga ishora qilib shoir yozadi:
Netong, bu yo‘l tumani
Vidoga olib borsa;
Bir gulning ishqi mani
Xudoga olib borsa!
Insoniy ishq orqali poklanib, Xudoga yuzlashish haqidagi fikrlar tarannum etilgan bu satrlarda Hazrat Navoiyning “Farhod va Shirin” dostonida Farhodning ta’rifida aytilgan “Haqiqatga badal bo‘ldi majozi” misralarini eslatuvchi ifoda mavjud.
Mansurning “Tangriga maktublar” deb nomlangan turkumi adabiyotimiz tarixidagi munojotlarni yodga soladi. To‘rtta maktubdan iborat turkumning birinchi maktubida quyidagi satrlar bor:
Ey ko‘zimni aylagan soqiy,
Ey so‘zimni sor aylagan zot.
She’rlarimni shifo qil boqiy,
She’rni menga kor aylagan Zot!
Shoir o‘zining ijtimoiy pozitsiyasini eslab o‘tgan ushbu to‘rtlikda ijodining asosiy fenomeni bo‘y ko‘rsatgan. Mazkur bandda muallif o‘z she’rlarini abadiyatga insoniyat uchun shifo bo‘lishini duo qilib so‘ramoqda. Mansur Jumayev she’rlari xasta dilga shifo bo‘ladigan, huzunli qalbga taskin bag‘ishlaydigan xususiyatlarga ega durdonalar ekanini uning iltijolari, munojotlari, Tangriga to‘g‘ridan to‘g‘ri qilingan murojaat shaklidagi she’rlarida ko‘rish mumkin.

ДИҚҚАТ, ТАНЛОВ!

(Мукофот пули оширилди, ўринлар кўпайди)

Ҳомийларимиз томонидан Ўзбекистон Ёзувчилар уюшмаси аъзоси, шоир Мансур Жумаевнинг  шеърлари асосида "Назм: тасвир ва таассурот" энг яхши видеоролик ва энг яхши адабий таҳлил намуналари танловини эълон қилади.

Танловга ижодий ишлар икки номинацияда қабул қилинади.

Мансур Жумаев   (https://t.me/Mansur_Jumayev) телеграм каналидаги шоирнинг шеърлари асосида тайёрланган видеороликлар;

Шоирнинг назм ва таржимадаги ижодий ишлари асосида ёзилган адабий таҳлиллар қабул қилинади.

Танловга ижодий ишларни @Odiljon_qizi телеграм манзилига жўнатишингиз мумкин.

Ғолиблар қуйидагича тақдирланади:

"Энг яхши видеороликлар" номинацияси бўйича:

1-ўрин 1 500 000 сўм пул мукофоти ва китоблар тўплами;
2-ўрин 950 000 сўм пул мукофоти ва китоблар тўплами;
3-ўрин 850 000 сўм пул мукофоти ва китоблар тўплами.

"Энг яхши адабий таҳлиллар" номинацияси бўйича:

1-ўрин 1 500 000 сўм пул мукофоти ва китоблар тўплами;

2-ўрин 950 000 сўм пул мукофоти ва китоблар тўплами;

3-ўрин 8 000 сўм пул мукофоти ва китоблар тўплами билан мукофотланади.

Бу ҳали ҳаммаси эмас, шунингдек, ижтимоий тармоқлар (телеграм, фейсбук, инстаграм ва ютуб)да энг кўп улашилган ва лайк йиққан танлов иштирокчиларидан бир нафари "Энг оммалашган ижодий иш" номинацияси бўйича 600 000 сўм пул мукофоти ва китоблар тўплами билан мукофотланади. Унинг ҳаволасини @Odiljon_qizi манзилига жўнатинг.

Бу ҳаммаси эмас, яна уларнинг ҳар бири муаллифнинг янги нашр этилган китоби билан;

Тўртта рағбатлантирувчи ўрин эгалари "Аkademnashr" нашриёти чоп этган "Излам" тўпламлари билан;

Бир рағбатлантирувчи ўрин эгаси "Ўзбек тилининг изоҳли луғати" тўлиқ жилди билан тақдирланади.

Танловга қабул муддати 31 мартгача.

Телеграм ўзанга аъзо бўлинг: @Mansur_Jumayev

✍️Мансур Жумаев
🎤Дилмурод Дўст

* * *
Неча бор қалбингда тикладим қаср,
Айрилиқ бўрони бузди муттасил.
Нечун яна қаттиқ қиш келаётир,
Баҳор эмасмиди биз кутган фасл?!

Саҳройи севгимиз кўкарган даштим,
Соғинч ўрдасида мунча саваштим?..
Наҳот адаштирдим, наҳот адашдим,
Баҳор эмасмиди биз кутган фасл?!

Севилдик — севиндик, аммо ақлли
Зотлардек бўлмадик одам шаклли,
Эртароқ нишонлаб қўйдик шекилли,
Баҳор эмасмиди биз кутган фасл?!

Азизим, асалга эврилсин заҳр:
Севгида сахий бўл, нафратда — бахил,
Баҳорга айлантир қишни ҳам, ахир,
Баҳор эмасмиди биз кутган фасл?!

Баҳор эмасмиди биз кутган фасл?!

https://t.me/Mansur_Jumayev

"Қақнус"га бу сафар оилавий чиқдик. Мансур Жумаев хотирасига бағишланган кўрсатувда мен шоирнинг "Оқ мактублар" шеърини ўқидим, Фарангиз "Кемалар қабристонида" шеърини ўқиди.

Мансурнинг руҳи шод, шеърлари тилларда достон бўлсин!

Фозил Фарҳод

👉 https://t.me/fozilfarhod 👈

ҲАДИС МУЖДАЛАРИ

Туркумдан


* * *
Қирда ўтов тикиб, қўноқ кутган дам,
Хайём меҳнатин ҳам эслангиз кам-кам.
Яхшилик қилолган кимса билан тенг
Яхшиликка сабаб бўлган кимса ҳам.



© Мансур Жумаев

•┈❁✿❁┈•
HADIS MUJDALARI

Turkumdan


* * *
Qirda o‘tov tikib, qo‘noq kutgan dam,
Xayyom mehnatin ham eslangiz kam-kam.
Yaxshilik qilolgan kimsa bilan teng
Yaxshilikka sabab bo‘lgan kimsa ham.



© Mansur Jumayev

•┈❁✿❁┈•

Ассалому алайкум, азиз муштарийлар! Рамазон муносабати билан ижод ўзанида Мансур Жумаевнинг қаламига мансуб "Ҳадис муждалари"ни эълон қилиб борамиз. Ўзлари тайёр китоб ҳолига келтирганлар, ҳали бирор нашрда эълон қилинмаган. Ё насиб, китоб ҳолида чоп этиш ниятимиз бор. Ҳозирча Сиз уларни ўқиб боринг, ифтор маҳал ҳақларига дуо қилсангиз мамнун бўламиз.

Фақат бир шарт:
чорласам,
кирсанг,
ҳасрат чекиш йўқ,
бу эшикдан, азизам,
кириш бордир,
чиқиш йўқ!

© Мансур Жумаев

https://t.me/jovliyev_bahodir

ҲАЁТ ҚЎШИҒИ

Зумрад чироқларга қўнган шарорим,
насрин либосларда олгай қарорим:
совиб бораётган ёшлигимми қиш
ёки зарраларга сингган баҳорим?

Покиза декабрь, оппоқ декабрь,
бу тунда ўлдирар мени беқабр;
йўлларга сочилган настаран томчи
қанчалар тозадир, қанча беқадр...

Кўзгуга урилган қушдай сарсари
кўнглим каби эриб боряпти бари –
заминий шукуҳим, самовий руҳим
ва чорак асримнинг заррачалари...

Эриб бораётган поралар – абас,
наҳот, ҳусн нажот чораси эмас?!
Қаҳратон – қаттиққўл мураббий, фақат
январь билан февраль ораси эмас.

Қаҳратон – қалбимга томир отган дарз,
қаҳратон – шуурда гуллаётган дарс,
ўзимдай мискину ўзимдай мағрур,
ўзимдай қобилу ўзимдайин чарс...

Бир куни... севилган пайтида февраль,
музларга хайрухўш айтади февраль,
юзлари лоладай ёнади бирдан
ва мартнинг ёнига қайтади февраль...

Ва йиғлоқ бу музлар кулар маъмулан,
ва жилға, жўйларда айтажак ўлан,
ва яланг гулларни кийинтирар март
менинг эриб кетган ҳаётим билан.

© Мансур ЖУМАЕВ 2019 йил

#тасвир_ва_таассурот
40-иштирокчи Озодахон Абдуллаева

* * *
Шароблар ичилди, хум қолди, жоним,
Денгизлар қуриди, қум қолди, жоним.
Асрлар яшалди, фақат ёдимда
Сен билан ўтган бир зум қолди, жоним.

Агарчи ичимда вулқоним тирик,
Агарчи тилимда қалқоним тирик,
Валекин оғзимда талқоним тирик,
Валекин тишимда мум қолди, жоним.

Бошимдан ўтдилар фалокатларим,
Туғилиш, уйғониш, ҳалокатларим,
Хоразмий хатларим, суғдий хатларим...
“Дол”у “зол”, “лом” билан “мим” қолди, жоним.

Нобино кўрларим бинодай ўтди,
Синодай зўрларим Синодай ўтди,
Бир ярим соатлик кинодай ўтди...
Топинмоғим учун ким қолди, жоним?!

Саволми, жавобми бўйла боқишинг,
Муғнинг роҳибидай олов ёқишинг?..
Жавоб бермасанг ҳам майли, хоҳишинг,
Сендан катталар ҳам жим қолди, жоним.

Шароблар ичилди, хум қолди, жоним,
Денгизлар қуриди, қум қолди, жоним.
Асрлар яшалди, фақат ёдимда
Сен билан ўтган бир зум қолди, жоним.
Мансур Жумаев
2023 йил 5 февраль
Ижрода: Достонбек Раҳматуллаев

"Hazrati ishq" ni o‘qimoqchi bo'lsangiz quyidagi raqamlarga qo'ng'iroq qiling!

+998909967125

@fozilfarhod1

СЕНГА ДЕГАНИМ

Бундай қараманг, дейсан,
мен шундай қарадимми?
Лайлосига мубтало
Мажнундай қарадимми?
Қайрилмақош, қарасам,
қарабман-да, ахтарим;
юрган эдим қобирғам
давомини ахтариб.
Қандай қилиб кўзимни
узолгайман тамоми,
бунча гўзал бўлмасанг,
қобирғамнинг давоми?!

Мансур Жумаев
2015

Картина муаллифи: Акмал Нур

#тасвир_ва_таассурот
40-иштирокчи

* * *
Мен ҳам интизорман, мен ҳам мунтазир,
Мен ҳам дийдорингга муштоқман ҳануз.
Мен ҳам телба эдим, аммо беназир,
Мен ҳам ошиқ эдим, ушшоқман ҳануз.

Менинг ҳам лоларух майдир ичганим,
Менга ҳам тор келди осмон учгани,
Ҳамма ошиқлардек мен ҳам бир ғани,
Ҳамма ошиқлардек қашшоқман ҳануз.

Эски бир жунунга доирман ҳамон,
Севги саҳросида сойирман ҳамон,
Суюк сўз тўкилган шоирман ҳамон,
Куюк бўз тўкилган машшоқман ҳануз.

Бир йигит умрини сипқорган ўғул,
Бир аёл сочини қорга кўмган ғул,
Бир малак тушларин зийнатлаган гул,
Бир пари пойига тушоқман ҳануз.

Жоҳиллигим аён, оқиллигим рост,
Забонимни ёқар айтилмаган роз,
Кўзинг уммонида хасман сарафроз,
Алвон дудоғингда титроқман ҳануз.

Кўклам андалибдан наво келтирди,
Кузак ҳазин тусли сафо келтирди,
Фалак руҳқушимга ҳаво келтирди...
Тупроқман... тупроқман... тупроқман ҳануз.

© Мансур ЖУМАЕВ

✍Мансур ЖУМАЕВ шеъри
🎤Эъзоза БОЗОРОВА ижросида

✍Mansur Jumayev
🎤E'zoza Bozorova

#joyida

Taniqli shoir Mansur Jumayevning "Hazrati ishq" kitobi taqdim etildi.

🗓 17.02.2025

⏰ 19:00

✅ @joyida_informatsion

#танлов#шеър_ва_тасвир
39-иштирокчи
Абдулҳаким Али


ШЕЪР

Ўлан айтар қамишзор,
кокиллари тиллодан —
термилганча шеър — озор
тилаб олдим Оллодан:

"Ҳаётранг майсаларнинг
кўкка етсин дуоси,
шууримга шеър бергин,
эй, оламнинг Худоси!"

Қушчаларнинг алёри
тутганда кўк юзини,
бўзлар эди, эшитдим
бўз тупроқнинг бўзини.

Қандай қўшиқ тингладим:
хандами ё нолами —
шеър экансан, англадим,
эй, Худонинг олами!

Мансур ЖУМАЕВ

"Jadid" jamoasidan minnatdormiz!

Ўшанда у 29 ёшда эди. Аммо катта кишилардай фикрларди. Тафаккури баланд эди.

Бугун ҳаёт бўлганида Мансур Жумаев 34 ёшни қаршиларди.

Бугун соат 15:00да Ёзувчилар уюшмасида китобинг — "Ҳазрати ишқ" тақдимотини ўтказяпмиз. Руҳинг шод бўлсин, дўстим! Сен яхши шоир ва яхши инсон сифатида хотирамизда яшайверасан!

Фозил Фарҳод

#tavallud

17-fevral – shoir Mansur Jumayev tavallud topgan kun!


NIYAT

Onamni aldadim soppa-sog‘man deb,
Otamni aldadim: “Pulim bor doim”.
Og‘amni aldadim: “Borarman, nasib...”
Men seni nima deb alday, Xudoyim?!

G‘unchani gul dedim – kuldi, quvondi,
Bulbul deb aytganim chumchuqmi, bilmam,
Bunda baxt bor dedim, erkam ishondi...
Robbim, endi meni yolg‘onchi qilma!

@yoshlikjurnali
yoshlikjurnali.uz

#тасвир_ва_таассурот
38-ishtirokchi

NIYAT

Onamni aldadim soppa-sog‘man deb,
Otamni aldadim: “Pulim bor doim”.
Og‘amni aldadim: “Borarman, nasib”...
Men seni nima deb alday, Xudoyim?!

G‘unchani gul dedim – kuldi, quvondi,
Bulbul deb aytganim chumchuqmi, bilmam,
Bunda baxt bor dedim, erkam ishondi...
Robbim, endi meni yolg‘onchi qilma!

© Mansur Jumayev



✍️Mansur Jumayev she’ri
🎙️Sitora Naimjonova ijrosida

  ***
Азизим, меҳримиз сўнмаса бўлди,
Пушаймон донаси унмаса бўлди.
Қировлар майсага қўнса қўнсин-у,
Сенинг сочларингга қўнмаса бўлди.

Азизим, кузак ҳам келгай бир сулув,
Бир ёғи ёнувдир, бир ёғи сўнув,
Бешиклар, сумаклар йўнса йўнсин-у,
Сен учун ҳассалар йўнмаса бўлди.

Азизим, умримиз қорга ўхшайди,
Эримай турганда борга ўхшайди,
Юрак урмасликка кўнса ҳам майли,
Юрак севмасликка кўнмаса бўлди.

Юрак севмасликка кўнмаса бўлди

Мансур Жумаев

ТАСАДДУҚ

“Бобурнома” мутолаасидан сўнг...

Хаста Ҳумоюннинг пойида — ўлим,
бошида Бобуршоҳ — кафтда тутар жон:
«Қанча дардинг бўлса, кўтардим, ўғлим,
қанча дардинг бўлса, кўтардим, ўғлон!»

Бадахшон баҳридан ўтиб Ҳумоюн,
ота дийдоридан кечмаган билга —
бўйла ўғил берсанг, барҳақ худойим,
жонни фидо қилгум ундай ўғилга.

Дард берса, дармонлик падар учун тан,
ғам берса, ғамлари муборак ғамдир —
ўғлига жонини тасаддуқ қилган
Заҳириддин Мирзо Бобур — оғамдир.

Сенга ҳам бир дардкаш шартми, эй гулшан,
сенга ҳам тасаддуқ керакдир балким:
қанча дардинг бўлса, кўтардим, Ватан,
қанча дардинг бўлса, кўтардим, Халқим!

Мансур Жумаев
ТАСАДДУҚ

(Илҳом аз "Бобурнома")

Дар бистари марги худ Ҳумоюн ночор,
Андар сари ӯст Шоҳ Бобур дилхун.
"Ҳар дарди туро пазирам, ай ҷони падар,
Ҳар дарди ту дарди дили ман ҳаст эдун".

Бигзашт Ҳумоюн аз Бадахшонаш, лек
Нагзашт зи меҳри ёду дидори падар.
Аллоҳ, Аллоҳ, фидои номат, бар ман
Мебахшӣ агар, бубахш ин гуна писар.

Чун дард кашад писар падар дармонҷӯст,
В-ар ғам бикашад муборак он ғам донад.
Ҷонро чу тасаддуқ ба писар кард, яқин
Мирзо Бобур ҷадди мудомам монад.

Гар ҳаст ниёзат ба чунин дардкаше,
Ё ин ки тасаддуқталабе бошӣ ту низ,
Бори ҳама дардат бикашам, ай Миҳан,
Ҳар дарди туро пазирам, ай Халқи азиз!


Аз забони ӯзбекӣ тарҷумаи ПАЙМОН.

"ҲАЗРАТИ ИШҚ" КИТОБИ ТАҚДИМОТИГА КЕЛИНГ!

2025 йил 17 феврал куни соат 15:00да Ўзбекистон Ёзувчилар уюшмасида уюшма аъзоси, таниқли шоир Мансур Жумаевнинг "Микрокредитбанк" ҳомийлигида "Ижод Нашр" нашриётида чоп этилган "Ҳазрати ишқ" китоби тақдимоти бўлиб ўтади. Барчани тадбирга чорлаймиз. Келинг, шоир шеърияти ҳақида кўпроқ билиб олинг. Манзил: Ўзбекистон Ёзувчилар уюшмаси.

#тасвир_ва_таассурот#
37-иштирлкчи

🎤Дилноза Тошниёзова
✍️Мансур Жумаев

КАТТАЛАР УЧУН ҚЎШИҚ
Отдим-ботдим, лойга ботдим,
Лойдан чиқиб, милтиқ отдим...
Болалар айтимидан


Лойдан чиқиб, сойга ботди,
сойдан чиқиб, лойга ботди,
қумга бошин тиқиб ётди,
қонга ботди – мойга ботди,
мойдан чиқиб, орни сотди,
буду шудни, борни сотди,
қиров-қишда қорни сотди...
бозорларга солиб уни
нафси сотди, қорни сотди,
лойдан чиқиб, мойга ботди,
мойда туриб, таъбни сотди,
ўнгни сотди, чапни сотди,
кейин гапда гапни сотди,
қондан бино чоғир тотди,
шон-шуҳратга олғир ботди...
бир ҳаводан нафас олиш
менга жуда оғир ботди.

Мансур Жумаев
20.03.2016й. Тошкент
P/s: avval e'lon qilinmagan she'rlaridan

* * *
Имтиҳон муддати тугаб бўлган тоб,
Топилган сингари энг тўғри жавоб;
Ота уй дарчасин ёпганинг чоғи,
Сезгандек қанчалар кенгдир қучоғи;
Мусофир тошларга кетгач туртиниб,
Бус-бутун туйгандек туққан юртини;
Чалғисин елкалаб келганда ажал,
Банданинг ёдига тушгандек амал;
Видо қўнғироғи чалинганда, чол
Яшашдан муродин англаган мисол;
Кузга кирганида биз кезинган боғ,
Ногоҳ сезиб қолдим хайрлашар чоғ:
Зулайҳо ичмаган савган эканман,
Мен сени... мен Сени севган эканман!

7 август 2023 йил, Тошкент
Мансур Жумаев
Картина: Акмал Нур

КИТОБСЕВАР ҚИЗГА

Севиб қолдим не учун?
Балки
дилни шундоқ қийнагим келди.
Сизнинг билан,
о тенгсиз пари,
севги-севги ўйнагим келди.
Сиз бағримда бўлсангиз дейман,
кўкда юлдуз,
пойимда тупроқ...
Сизни жондан ортиқ севаман,
сиз китобни севасиз кўпроқ.
Мен дейманки:
– Қўймасам ёмон,
безайверсам гар хобингизни!
Сиз дейсизки:
– Шоирим, қачон
чиқарасиз китобингизни?..
Бугун эса таваллуд айём,
сиз туғилган бу кун ҳам оний.
Талпинаман сизга бу оқшом,
қўлларимда –
Ҳазрат Навоий!

2012 йил, Тошкент

Мансур Жумаев

🎤Нилуфар Ҳасанова