⚡️ Янги қоидалар амалда:

"Флуминенсе" дарвозабони тўпни 8 сониядан ортиқ ушлаб тургани учун ҳакам бурчак зарбаси белгилади

@boburakmalov

ОФК 20 ёшгача аёллар ўртасидаги Осиё Кубоги саралаш босқичи қуръа ташланади

Бугун ОФК 20 ёшгача аёллар ўртасидаги Осиё Кубоги саралаш босқичига қуръа ташланди. Қуръа Тошкент вақти билан 12:00 да Куала-Лумпурда бўлиб ўтади.

Асосий маълумотлар:

Формат:

- Қатнашувчи жамоалар 8 гуруҳга бўлинади:
- 7 та гуруҳда 4 тадан жамоа
- 1 та гуруҳда 5 та жамоа
- Ўйинлар марказлашган ҳудудларда ўтказилади. Гуруҳ ўйинларига мезбон мамлакатлар: Бутан, Хитой, Лаос, Малайзия, Мьянма, Тожикистон, Ўзбекистон ва Вьетнам.

Финал босқичига чиқиш тартиби:

- 8 та гуруҳ ғолиби
- Энг яхши 3 та иккинчи ўрин соҳиблари
- Мезбон жамоа (Таиланд)
- Жами 12 та жамоа 2026 йил 1–18 апрель кунлари Таиландда ўтадиган мусобақада иштирок этади.

Эътиборга молик жамоалар:

- КХДР Кореяси (икки карра чемпион) унвонини ҳимоя қилиш учун қайтмоқда.
- Хитой, Япония ва Жанубий Корея (собиқ чемпионлар) ҳам соврин учун курашади.
- Шунингдек, илк бор финал босқичига чиқишга интилувчи 16 та давлат қатнашади:
- Баҳрайн, Бангладеш, Бутан, Камбожа, Индонезия, Қирғизистон, Лаос, Ливан, Монголия, Шимолий Мариана Ороллари, Фаластин, Саудия Арабистони, Сурия, Тожикистон, Тимор-Лесте ва Туркманистон.

Қуръа учун соватлар:

1-сават: КХДР, Япония, Австралия, Жанубий Корея
2-сават: Хитой Тайпейи, Эрон, Ливан, Непал, Ҳиндистон, Иордания, Қирғизистон, Бангладеш
3-сават: Гонконг, Камбожа, Фаластин, Шимолий Мариана Ороллари, Индонезия
4-сават: Гуам, Туркманистон, Монголия, Сингапур
5-сават: Баҳрайн, Саудия Арабистони, Сурия, Тимор-Лесте
Мезбонлар савати: Хитой (1-сават), Вьетнам (1-сават), Ўзбекистон (1-сават), Мьянма (1-сават), Малайзия (3-сават), Бутан (3-сават), Лаос (3-сават), Тожикистон (4-сават).

👉⚽️@futbol_qoidalar

«Ливерпуль» АПЛ мавсуми якунланишига 4 тур қолганида Англия чемпионлигини қўлга киритди (82 очко).

Шу тариқа, мерсисайдликлар ҳисобидаги чемпионликлар сони 20 тага етди ва жамоа бу борада "МЮ"га етиб олди.

Англияда энг кўп чемпион бўлган жамоалар (топ-10):

1. «Ливерпуль» — 20 марта
1. «Манчестер Юнайтед» — 20 марта
3. «Арсенал» — 13 марта
4. «Манчестер Сити» — 10 марта
5. «Эвертон» — 9 марта
6. «Астон Вилла» — 7 марта
7. «Челси» — 6 марта
7. «Сандерленд» — 6 марта
9. «Ньюкасл Юнайтед» — 4 марта
9. «Шеффилд Уэнсдей» — 4 марта

👉⚽️@futbol_qoidalar

Элит ОЧЛ ярим финалига Саудия Арабистонининг 3 клуби чиқди.

Чорак финал натижалари:

"Ал-Ҳилол" - "Квангжу" - 7:0
"Ал-Аҳли" - "Бурирам Юнайтед" - 3:0
"Йокогама Маринос" - "Ан-Наср" - 1:4
"Кавасаки Фронтале" - "Ас-Садд" - 3:2

Ярим финал учрашувлари

29 апрель: "Ал-Ҳилол" — "Ал-Аҳли"
30 апрель: "Ан-Наср" — "Кавасаки Фронтале"

👉⚽️@futbol_qoidalar

Зўр ўйин! "Реал", аввалги класиколардан фарқли равишда, бу сафар жуда қаттиқ курашди, мавсумдаги илк совринини қўлга киритиш учун жон-жаҳди билан тер тўкди. Аммо бироз жисмоният етмади.

@futbol_qoidalar

«Реал» ва «Барселона» ўртасидаги Испания кубоги финал ўйинлари:

«Реал» – «Барселона» 2:1 (2014)
«Реал» – «Барселона» 1:0 (2011)
«Барселона» – «Реал Мадрид» 2:0 (1990)
«Барселона» – «Реал Мадрид» 2:1 (1983)
«Реал» – «Барселона» 4:0 (1974)
«Барселона» – «Реал Мадрид» 1:0 (1968)
«Реал» – «Барселона» 2:1 (1936)

Яна бир хабар

Испан манбаларига кўра, Килиан Мбаппенинг финалда иштирок этиши ҳамон ноаниқлигича қолмоқда.

1. Футболчи жароҳатидан ҳали тўлиқ соғайиб кетмаган бўлиши мумкин.

2. Мбаппе бугун эрталаб қўшимча тиббий кўрикдан ўтади. Шундан сўнг Анчелотти футболчининг ўзи билан гаплашади ҳамда Килианнинг финалда иштироки борасида қарор қабул қилинади.

👉⚽️@futbol_qoidalar

Ўзбекистонда тонг отгунча, Испанияда қандай воқеалар рўй берди:

1. Испания қироллик футбол федерацияси президенти Рафаэль Лусан "Реал" билан гаплашганини, финал ўз вақтида белгиланган жойда ўтказилишини маълум қилди.

2. "Реал" ҳам баёнот бериб, финални бойкот қилмаслигини таъкидлади.

3. "Атлетико" ҳам ўз фикрини билдирди: «Бунга тоқат қилиб бўлмайди. Испания футболи обрўсини йўқотишни бас қилинг».

4. Агар «Реал» Испания кубоги финалидан бош тортганда нима бўларди?

Бундай ҳолатда, Регламентга кўра, «Реал» кейинги мавсумда Испания кубогида иштирок этиш ҳуқуқидан маҳрум бўларди. Жорий мавсум финалида эса «Реал» ўрнига ярим финалда мағлуб бўлган «Реал Сосьедад» иштирок этиши мумкин эди.

👉⚽️@futbol_qoidalar

Ла лига президенти Хавьер Тебас ҳам тилга кирди. Ғиж-ғиж кесатиқларга тўла:

Бу футбол эмас, бу — ҳокимият назорати.

❌ Тебас унга ёқмайди, чунки у айтганини қилмайди.
❌ Чеферин унга ёқмайди, чунки у айтганини қилмайди.
❌ Лусан (ИФФ президенти) унга ёқмайди, чунки у айтганини қилмайди.
❌ Телевидение шарҳловчилари унга ёқмайди, чунки улар у хоҳлаган гапни айтмайди.
❌ Ҳакамлар ислоҳотига ривож берилишини ҳам хоҳлашмайди, чунки у ислоҳотлар унинг хоҳишига мувофиқ эмас.
(...)

Энди эса, ҳакамларнинг — Real Madrid TV орқали узлуксиз босимдан чарчаган — баёнотларидан сўнг, у ўзича жавоб бермоқда:
🚫 Матбуот анжумани бекор қилинди.
🚫 "La Cartuja"даги машғулотга чиқилмади.
🚫 Кубок финали доирасидаги расмий тадбирларга беэътиборлик қилинди.
🚫 Кубок финалида қатнашмаслиги ҳақида маълумот “ички манбалар” орқали тарқатилди.

Жуда нозиктаъб кўнгил.
Эътироз билдирмайди — босим ўрнатади.
Норози бўлмайди — таҳдид қилади.
Фикрига қўшилмасангиз — жазолайди.
Футболни яхшилашни истамайди — ўзининг футболини хоҳлайди.

Энг хавфлиси эса, у шундай қилса ҳам, кўпчилик унга рухсат бераётгани, уни қўллаб-қувватлаётганидир.

👉⚽️@futbol_qoidalar

«Реал» Испания кубоги финалида ўйнашга тайёр

Ҳакамлар борасидаги можароларга қарамасдан, «Реал Мадрид» жамоаси 26 апрель куни бўлиб ўтадиган Испания кубоги финалида қатнашиш ниятида.

Маълумотларга кўра, клуб раҳбарияти аллақачон финал баҳси бўлиб ўтадиган Севилья шаҳрига парвозни режалаштирган. «Қироллик клуби» финал ўйини учун 26 апрель, шанба куни маҳаллий вақт соат 13:00да билан жўнаб кетади.

Эслатиб ўтамиз, финал учрашуви 26 апрелдан 27 апрелга ўтар кечаси — Тошкент вақти билан соат 01:00да Севилья шаҳридаги «Ла Картуха» стадионида бошланади.

👉⚽️@futbol_qoidalar

Хуллас, содда қилиб тушунтирганда, "Реал" айтяптики:

"Ҳой, Федерация, Ла лига, ПФЛ, ҳокимият, маҳалла оқсоқоли ва ҳоказолар!

Анави ҳакамларингни ўзини ҳам, оғзини ҳам тийиб олинглар!"

—————————
P.S.
Эл-класико бир кун олдин бошланди, дўстлар!

Ҳакамларга жуда ва жуда қийин бўлади. Ҳар бир баҳсли вазиятни текшириш учун катта-катта лупалар ёрдамида жуда кўп вақт сарфлашса керак...

👉⚽️@futbol_qoidalar

Расман: «Реал Мадрид» клуби баёнот берди

«Реал Мадрид» футбол клуби эртага, 2025 йил 26 апрель куни бўлиб ўтадиган Испания Кубоги финали учун тайинланган ҳакамлар томонидан бугун берилган оммавий баёнотларни қабул қилиб бўлмас ҳолат деб ҳисоблайди.

Эртанги финал ҳакамларидан бирига қарши 24 соат олдин тайёрланган, сўз эркинлиги билан ҳимоя қилинадиган Real Madrid TV каби оммавий ахборот воситасининг видеоларига тўсатдан эътибор қаратилган бу норозиликлар, ҳакамларнинг “Реал Мадрид”га нисбатан очиқ ва яққол душманлиги ҳамда қарши муносабатини яна бир бор намоён этди.

Янада ҳайратланарлиси, таҳдидли оҳангда қилинган ва ҳакамлар ўртасида гўё бирлик борлигини англатувчи баёнотлар орқали қандайдир чора-тадбирлар ёки ҳаракатлар эълон қилинди — булар эса бутун дунё бўйлаб юз миллионлаб мухлислар эътиборини тортувчи футбол воқеаси олдидан устувор бўлиши шарт бўлган адолат, холислик ва бетарафлик тамойилларига мутлақо зиддир.

Юз берган ҳолатнинг жиддийлигини ҳисобга олган ҳолда, “Реал Мадрид” клуби Испания футбол федерацияси (RFEF) ва ҳакамлар ҳайъати масъуллари ўзлари вакиллик қилаётган ташкилотлари нуфузини ҳимоя қилиш учун зарур чораларни кўришларига умид қилади».

👉⚽️@futbol_qoidalar

Испания кубоги финали олдидан катта шов-шув: «Реал» ва ҳакамлар ўртасида можаро авж олмоқда

2025 йил 26 апрель куни бўлиб ўтадиган Испания Кубоги финали олдидан катта можаро юзага келди. «Барселона» ва «Реал» ўртасидаги муҳим учрашувда белгиланган ҳакамлар қароридан норози бўлган мадридликлар турли ташкилий тадбирларда иштирок этишдан бош тортиб, ҳаттоки ўйинда иштирок этмаслик эҳтимолини ҳам кўриб чиқмоқда.

Телевидение танқиди ва ҳакамнинг кўз ёши
«Real Madrid TV» телеканали "эл-класико" олдидан ҳакамларга босим ўтказишни бошлади ва ҳакамнинг олдинги учрашувлардаги хатоларига бағишланган уч дақиқалик видео эълон қилган. Унда Де Бургос бошқарувида «Реал» 64%, «Барселона» эса 81% ўйинда ғалаба қозонгани қайд этилган.

Финал учрашувига бош ҳакам этиб тайинланган Рикардо Де Бургос Бенгоэчеа ўтказган матбуот анжуманида кўз ёшини тийиб тура олмади. У Мадрид ТВ томонидан танқид қилинишини шахсий ҳаётига таъсир қилганини айтиб ўтди:

«Ўғлимга мактабда отанг ўғри, дейишди. У уйга йиғлаб қайтди. Бу жуда оғир».

Финалда VAR ҳаками этиб тайинланган Пабло Фуэртеснинг жавоби эса кескинроқ бўлди:

«Биз яқин кунларда жиддийроқ чоралар қўллаб, тарихга кирамиз. Мана кўрасиз».


«Реал»нинг кескин жавоби ва расмий тадбирлардан бош тортиши

Бу танқидларга жавобан «Реал» телевидениеси испан ҳакамларини жиддий танқид қилиб, уларни жаҳон чемпионатлари ёки клублар ўртасидаги чемпионатларда иштирок этмаслиги билан масхара қилди.

«Испан ҳакамлари даражаси нолдан паст. Бу факт. Адолат ҳукм сурадиган футболни кўришни истасак, бу ҳакамлар кетиши керак», — дейилади баёнотда.

Шунингдек, «Реал» матбуот анжумани, расмий фотосессия ва финал олди машғулотлардан бош тортди. Клуб расмий равишда Рикардо Де Бургос ва VAR ҳаками Гонсалес Фуэртесни учрашувдан четлатишни талаб қилиб, Испания Футбол Федерациясига (RFEF) мурожаат қилди.

RFEFнинг қатъий позицияси ва «Реал»нинг янги талаблари

Федерация ва Техник ҳакамлар қўмитаси бу талабни рад этди. Улар Бенгоэчеа ва Фуэртесга бўлган ишончни сақлаб қолди.

Шундан сўнг, «Реал»нинг ҳуқуқшунослари ҳакамлардан расмий кечирим сўрашини талаб қилувчи баёнот тайёрлашга киришди. Ҳаттоки, айрим манбаларга кўра, «қироллик клуби» финал ўйинида иштирок этмаслик масаласини ҳам кўриб чиқмоқда.

Хуллас, эртага финал бўлади ёки "Реал" бугуноқ Севильяни тарк этиб, Мадридга қайтиб кетади.

👉⚽️@futbol_qoidalar

Испанияда ғалати ишлар бўлмоқда. Реал Мадрид, кутилмаганда, Испания кубоги финали ҳакамлари матбуот анжуманида айтган фикрларини Ўзимча талқин қилиб, финалолди тадбирларида иштирок этишдан бош тортди.

Ўзи ҳакамлар иштирокида матбуот анжумани нимага керак?

Финал ўйини ўтказилиши сўроқ остида қолмоқда...

U17 жаҳон чемпионатига қуръа ташлаш маросими 24 май куни бўлиб ўтади. Айни пайтда турнирда иштирок этадиган барча 48 жамоа номи аниқ бўлди.

Ўзбекистон ўсмирлар терма жамоаси қуръада 2-саватчада бўлади.

1. Бир қитъа жамоалари бир гуруҳдан ўрин олмайди.

2. Ўзбекистон "А" гуруҳидан ўрин олмайди. Боиси, ЖЧ мезбон Қатар бу гуруҳда бўлади. Бу гуруҳда Осиёнинг бошқа жамоаси ўрин олмайди.

3. Ўзбекистон 2-сават жамоалари билан бир гуруҳдан жой олмайди.

Қуръадаги саватчалар таркиби:

1️⃣ -САВАТ
🇶🇦 Қатар
🇧🇷 Бразилия 42,8
🇫🇷 Франция 40,8
🇲🇱 Мали 28,6
🇩🇪 Германия 24,8
🇲🇽 Мексика 21,8
🇦🇷 Аргентина 21,2
🇯🇵 Япония 16,4
🏴󠁧󠁢󠁥󠁮󠁧󠁿 Англия 14,6
🇵🇾 Парагвай 14,6
🇺🇸 АҚШ 12,6
🇸🇳 Сенегал 10,6

2️⃣-САВАТ
🇰🇷 Жанубий Корея 10,0
🇮🇹 Италия 8,4
🇲🇦 Марокаш 8,4
🇺🇿 Ўзбекистон 8,4
🇧🇪 Бельгия 5,2
🇨🇱 Чили 4,6
🇳🇿 Янги Зеландия 4,6
🇭🇷 Хорватия 3,8
🇨🇴 Колумбия 3,6
🇭🇳 Гондурас 3,2
🇻🇪 Венесуэла 3,2
🇧🇫 Буркина-Фасо 3,0

3️⃣-САВАТ
🇨🇷 Коста-Рика 2,6
🇹🇯 Тожикистон 2,4
🇮🇩 Индонезия 2,0
🇵🇦 Панама 2,0
🇰🇵 КХДР 1,6
🇨🇮 Кот д'Ивуар 1,4
🇹🇳 Тунис 1,2
🇳🇨 Янги Каледония 0,6
🇨🇦 Канада 0,4
🇿🇦 ЖАР 0,4
🇦🇹 Австрия 0,2
🇭🇹 Гаити 0,0

4️⃣-САВАТ
🇧🇴 Боливия 0,0
🇨🇿 Чехия 0,0
🇪🇬 Миср 0,0
🇸🇻 Сальвадор 0,0
🇫🇯 Фижи 0,0
🇵🇹 Португалия 0,0
🇮🇪 Ирландия 0,0
🇸🇦 Саудия Арабистони 0,0
🇨🇭 Швейцария 0,0
🇦🇪 БАА 0,0
🇺🇬 Уганда 0,0
🇿🇲 Замбия 0,0

ЖЧ 2025 йилнинг 3-27 ноябрь кунлари Қатарда бўлиб ўтади. Қуръа натижасида жамоалари 12 та гуруҳга бўлинади. Гуруҳдан дастлабки икки ўринни эгаллаган термалар ҳамда 3-ўринни банд этганлар орасида энг яхши кўрсаткичга эга бўлган 8 та терма жамоаси 1/16 финалга чиқади.

Хўш, Ўзбекистон U17 терма жамоаси ЖЧда қайси жамоалар билан бир гуруҳига тушишини истардингиз?

👉⚽️@futbol_qoidalar

Абдуқодир Ҳусанов масаласи.

Манчестер Ситининг охирги ўйинларида Ҳусанов захирада қолгач мухлисларимизда хавотир кучайиб борди. Бу эса ўз навбатида турли фаразларни келтириб чиқарди. Ижара, трансфер, Пеп билан келишмовчилик ва ҳоказо. Вазият қандайлигини билиш учун Абдуқодирнинг яқинлари билан гаплашдим.

Аслида нима бўляпти? Биринчи навбатда айтиб ўтаман, Гвардиола билан ҳеч қандай шахсий ва профессионал даражада зиддият йўқ. Аксинча, Пеп машғулотларда доимий тарзда унга эътибор қилади, позицияси бўйича тактик кўрсатмалар беради. Ишончи сўнмаган. Жисмоний жиҳатдан ҳам Ҳусановда ҳозир муаммо, пасайиш йўқ. Ўйинларда тушмаётганига сабаб - соғлом рақобат. Яна бир ёш ҳимоячи О’Райли чап қанотда кетма-кет учрашувларда голлар ва ассистлар қайд этгач, Йошко Гвардиол марказга ўтказилди. Диаш лидер сифатида марказий ўнг ҳимоячи сифатида ҳаракат қилмоқда. Пеп шу вариантни қўллагач Сити қаторасига ютишни бошлади. Нафақат Гвардиола, аксарият мураббийлар натижа бўлиб турган жойда ротация қилмайди. Айниқса ҳимояда. Қолаверса мавсум якунида Ситининг йўқотадиган ҳар битта очкоси чемпионлар лигасидан маҳрум қилиши мумкин. Бугун ютса ва ҳимоя яхши ўйнаса эртага яна шулар тушади. Бу нормал жараён.

Абдуқодир Ҳусановда ҳали имкон бўлади, ишонинг. Ўзининг ёндошуви позитив, пайт пойлаяпти. Фейк хабарларни ўқиб қолса балки кайфияти бироз бузилиши мумкин, лекин у ўқимайди. Сиз ҳам фақат ишончли манбаларни кузатинг.

t.me/Davron_Fayziev

2012-yili Osiyo chempioni bo‘lgan futbolchilarimiz bu yil, hujjati bo‘yicha, 29 yoshga to‘ladi (kamida bittasi aslida 31 yosh), lekin ularning 9 nafari allaqachon faoliyatini tugatibdi (shekilli). O‘ynayotganlari esa Saudiyadan Kambodjagacha bo‘lgan joylarda rizqini terib yuribdi. Shu haqda batafsil.

Goal Интернет нашри 2025 йилги «Олтин тўп» мукофотига асосий даъвогарларнинг янги рўйхатини тақдим этди.

Асосий 20 даъвогар қуйидагилар:

1. Рафинья Диас, «Барселона» (Испания); ↔️
2. Усмон Дембеле, «ПСЖ» (Франция); ↔️
3. Ламин Ямаль, «Барселона» (Испания);↔️
4. Лаутаро Мартинес, «Интер» (Италия);⬆️
5. Муҳаммад Салоҳ, «Ливерпуль» (Англия);↔️

6. Роберт Левандовски, «Барселона» (Испания);⬇️
7. Педри, «Барселона» (Испания);⬇️
8. Деклан Райс, «Арсенал» (Англия);⬆️
9. Харри Кейн, «Бавария» (Германия);⬇️
10. Килиан Мбаппе, «Реал» Мадрид (Испания);⬇️
11. Нуну Мендеш, «ПСЖ» (Франция);🆕
12. Жуд Беллингем, «Реал» Мадрид (Испания);⬇️
13. Винисиус Жуниор, «Реал» Мадрид (Испания);⬇️
14. Витинья, «ПСЖ» (Франция);⬇️
15. Дезире Дуэ, «ПСЖ» (Франция);⬆️
16. Майкл Олисе, «Бавария» (Германия);⬇️
17. Александер Исак, «Ньюкасл Юнайтед» (Англия);⬇️
18. Букайо Сака, «Арсенал» (Англия);🆕
19. Виктор Дьёкереш, «Спортинг» (Португалия);↔️
20. Виржил ван Дейк, «Ливерпуль» (Англия).↔️

👉⚽️@futbol_qoidalar

Ўзбекистон Республикаси Президенти Шавкат Мирзиёевнинг Фармони асосида мукофотланди:

Ўзбекистон U17 терма жамоаси бош мураббийи Ислом Исмоилов — «Ўзбекистон Республикасида хизмат кўрсатган спорт устози» фахрий унвони билан;

Ўзбекистон U17 терма жамоасининг 23 нафар футболчилари — «Келажак бунёдкори» медали билан;

"Спорт" телеканали шарҳловчилари Отабек Жўраев ва Ориф Толипов — «Шуҳрат» медали билан.

👉⚽️@futbol_qoidalar

Сўнгги 11 йилда Ўзбекистон футболи ёшлар тоифасида эришган ютуқлар ҳақида

2014-2025 йилларда U17, U20 ва U23 тоифаларида 5 мартадан Осиё чемпионатлари ўтказилди. Бу даврда ҳар бир терма жамоасиз бир мартадан чемпионликни қўлга киритди.

Ўзбекистон U-17: 4 та иштирок, 2 чорак финал, бир ярим финал ва бир чемпионлик

Ўзбекистон U-20: 4 та иштирок, икки чорак финал, бир ярим финал ва бир чемпионлик

Ўзбекистон U-23: 5 та иштирок, бир марта гуруҳ босқичи, бир ярим финал, икки финал ва бир чемпионлик

Бу даврда фақатгина Япония биздан олдинда. Бу мамлакат ёшлар терма жамоалари 5 марта чемпионликни қўлга киритган. Ўзбекистон иккинчи ўринда.

👉⚽️@futbol_qoidalar

ОФК таърифи:

ЧЕМПИОНЛАР! Ўзбекистон ақлбовар қилмас йўлни босиб ўтди ҳамда финалда қаҳрамонларча ғалаба қозониб, 2012 йилдан буён илк марта совринни боши узра баланд кўтарди!

#AFCU17 !

👉⚽️@futbol_qoidalar

Жамолбобо билан Бобурнинг ҳолати қанақа деб сўраганларга….

Дастурдаги шарҳ;)

@xayrulla_hamidov

U17 Осиё кубоги. Индивидуал совринлар:

Ҳалол ўйин — Саудия Арабистони;

— мусобақанинг энг яхши дарвозабони — Неъматуллоҳ Рустамжонов (Ўзбекистон);

— мусобақанинг энг яхши тўпурари — Асилбек Алиев (Ўзбекистон, 5 та гол);

— мусобақанинг энг яхши футболчиси (MVP) — Садриддин Ҳасанов (Ўзбекистон);

👉⚽️@futbol_qoidalar

Назаримда:

— мусобақанинг энг яхши футболчиси (MVP) — Садриддин Ҳасанов;

— мусобақанинг энг яхши тўпурари — Асилбек Алиев (буниси аниқ);

— мусобақанинг энг яхши дарвозабони — Неъматуллоҳ Рустамжонов;

— Ҳалол ўйин соврини — Ўзбекистон (биз учун!)

Расмий натижаларни бироздан кейин билиб оламиз.

👉⚽️@futbol_qoidalar

ҒАЛАБА МУБОРАК!

Ўзбекистон ўсмирлар терма жамоаси икки карра Осиё чемпиони!

👉⚽️@futbol_qoidalar

Ўзбекистоннинг икки футболчиси четлатилгач, Саудия Арабистони нима қилишни билмай қолгандек! Улар ўйин бошиданоқ ҳимоявий ўйин намойиш этган ҳолда узун фақатгина узун паслар орқали ҳужумга ўтмоқчи эди. Иккинчи бўлимда жамоамиз 9 киши бўлиб ҳимояланмоқда. Саудия эса ҳимоямизни ёриб ўтишга қийналмоқда.

Ўзбекистоннинг икки гол эса, аввало Ислом Исмоилов ишора қилган Зотнинг бизга туҳфаси, қолаверса, йигитларимиз асло руҳан синишмади, аксинча ғалабага ишонган ҳолда жипслашиб ўйнашмоқда!

Яна 10 дақиқа қолди!

👉⚽️@futbol_qoidalar

Futbol darsliklariga kiritiladigan qarshi hujum va gol. Qoyilmaqom!

2:0! Zo‘r avlod! :)

U-17 Осиё кубоги. Финал ва тақдирлаш маросими ҳақида

Финал баҳсининг асосий вақтида дуранг қайд этилса, қўшимча бўлимлар БЕЛГИЛАНМАЙДИ. Дарҳол пенальтилар сериясига ўтилади (плей-офф босқичининг бошқа ўйинлари каби).

Финал ўйинидан кейин тақдирлаш маросими ўтказилади. Қуйидаги индивидуал соврин эгаларига эсдалик совғаси тақдим этилади:

— мусобақанинг энг яхши футболчиси (MVP);

— мусобақанинг энг яхши тўпурари;

— мусобақанинг энг яхши дарвозабони;

— Ҳалол ўйин соврини (жамоага топширилади).

Финалда ғолиб чиққан жамоа аъзоларига 43 комплект олтин медаль, финалда ютқазган жамоага 43 комплект кумуш медаль топширилади.

Шунингдек, финални бошқарган ҳакамларга эсдалик совғаси тақдим этилади.

👉⚽️@futbol_qoidalar

U17 Осиё кубоги. Финал (20 апрель. 20:00).

Ўзбекистон ва Саудия Арабистони ўсмирлар терма жамоаларининг етакчи ўйинлари статистикаси.

👉⚽️@futbol_qoidalar

Осон эмас каталонияликларга, осон эмас. Лекин шу тўрт ўйиндан яхши ўтолса, камида дубл, йўқса треблга эришади

@boburakmalov

БАА терма жамоасига янги бош мураббий тайинланди

БАА футбол ассоциацияси бугун руминиялик мутахассиси Козмин Олариу билан миллий терма жамоани бошқариш бўйича икки йиллик шартнома имзоланганини эълон қилди.

БАА терма жамоасини 2026 йилги Жаҳон чемпионати саралаш босқичида ҳал қилувчи икки ўйин кутиб турибди – 5 ва 10 июнь кунлари жамоа Ўзбекистон ҳамда Қирғизистонга қарши майдонга тушади. Олариу май ойи сўнгида БАА термасини қабул қилиб олади.

Айни пайтда БАА терма жамоаси саралашнинг “А” гуруҳида 13 очко билан учинчи ўринда бормоқда. Ўзбекистон терма жамоаси 17 очко билан иккинчи, Эрон эса 20 очко билан етакчи ҳисобланади.

Козмин Олариу аввал ҳам БААдаги бир қатор клубларни бошқарган. У айни пайтда “Шаржа” клубини бошқарган ва жамоа билан Осиё Чемпионлар Лигаси-2 мусобақаси финалигача етиб борган. Финал ўйини 18-май куни Сингапурнинг "Лион Сити Сэйлорс" клубига қарши бўлиб ўтади.

👉⚽️@futbol_qoidalar

Қозоғистон терма жамоаси 2025 йилда Ўзбекистонга қарши ўртоқлик ўйини ўтказмоқчи

Қозоғистон терма жамоаси 2025 йилда Ўзбекистон миллий жамоасига қарши ўртоқлик ўйини ўтказишни режалаштирмоқда. Бу ҳақда Қозоғистон футбол федерацияси президенти маслаҳатчиси Нурсултан Қурман YouTube'даги "Sport Pulse" каналига берган интервьюсида маълум қилди.

Унинг сўзларига кўра, ушбу учрашув куз фаслида мамлакатнинг жанубий шаҳарларидан бири — Шимкент ёки Туркистонда бўлиб ўтиши мумкин.

«Ҳозирда музокаралар олиб борилмоқда. Ўзбекистонга қарши ўртоқлик учрашуви шу кузда бўлиб ўтиши мумкин. Биз Шимкент ёки Туркистонни эҳтимолий стадионлар сифатида кўриб чиқяпмиз. Бу йил якунларини сарҳисоб қилишга ўхшаш ўйин бўлади», — деб таъкидлади Қурман.

👉⚽️@futbol_qoidalar

P.S. Дастлаб ЖЧ-2026 йўлланмасини ҳал қилиб олайлик, уёғини кейин гаплашамиз :)

U17 Осиё кубоги. Финал. Ўзбекистон - Саудия Арабистони.

Ўзбекистонлик тўпурар ҳужумчи Асилбек Алиев ва саудиялик ҳимоячи Абубакир Сайидга қарши.

Футболчилар статистикаси.

👉⚽️@futbol_qoidalar

Жорий мавсумда Чемпионлар лигасида энг кўп даромад топган клублар

Маълумотлар миллион евро да кўрсатилган

👉⚽️@futbol_qoidalar

"Пахтакор" "Нефтчи" билан ўйинда омадсизликка учраса Педро Морейра постида қоладими?

Португалиялик мутахассис борасида клуб рахбарлари сўнгги қарорни қабул қилган. Унга кўра, мураббий "Нефтчи" билан ўйинда қайд этиладиган натижадан қатъий назар биринчи давра сўнггига қадар постида қолади.

Шунингдек, клуб мухлислари ҳам жамоа билан учрашган. Тор доирада ўтган сухбат анча чигалликларни ечгани айтилмоқда. Кузатамиз.

"Нефтчи" - "Пахтакор" ўйини бугун соат 20:15 да, "Истиқлол" аренасида бўлиб ўтади!

@Yahyoxoja_konkret

Ўрунов яна жароҳат олди

"Персеполис" ярим ҳимоячиси Остон Ўрунов яна жароҳат олди. Эрон Про-лигасининг 27-туридан ўрин олган "Персеполис" – "Сепаҳон" учрашувининг 32-дақиқасида ўзбекистонлик футболчи жароҳат туфайли майдонни тарк этди.

Ўруновнинг жароҳати қанчалик жиддий экани ҳозирча номаълум. У мавсум охирига қадар "Персеполис"га ёрдам бера оладими-йўқми — бу ҳали аниқ эмас.

Ўзбекистон миллий жамоаси бош мураббийи Темур Кападзе, ҳар эҳтимолга қарши, июнь ойидаги ўйинлар учун чап қанот вингери позициясига номзод футболчиларни кўздан кечиришни бошлаши керак.

👉⚽️@futbol_qoidalar

Ўзбекистон ўсмирлар терма жамоаси (U16, U17) ўз тарихида учинчи марта Осиё чемпионати финалига чиқди. Аввалги иккита финални бироз ёдга оламиз.

2010 йил
Илк марта Алексей Евстафеев бошқарувидаги жамоа 2010 йили Тошкентда ўтказилган турнир финалига чиқиб, КХДРга имкониятни бой берганди (эронлик ҳакам Алиризо Фағоний "қовун" туширган; тақдирлаш маросимида Мираброр Усмонов у билан қўл бериб кўришишни истамаган). А. Бу жамоа сафида Сардор Раҳмонов, Аббос Махсталиев, Сардор Собирхўжаев, Темур Ҳакимов, Забиҳилло Ўринбоев каби ўйинчилар тўп тепган.

2012 йил
Дилшод Нуралиев бошчилигидаги жамоа Эронда ўтказилган турнирда чемпионликни қўлга киритган. Жамоа финалда Японияни пенальтилар сериясида мағлуб этган — 3:1 (асосий вақт — 1:1). Ваҳоланки, бу жамоа гуруҳдан катта омад туфайли чорак финалга чиққан эди (Бу ҳақда Муҳрим Аъзамхўжаевнинг хотираларини албатта ўқиш керак). Бу жамоада Жамшид Болтабоев, Акрам Комилов, Достон Ҳамдамов, Отабек Шукуров, Жавоҳир Сиддиқов каби футболчилар кейинчалик катта футбол ўз ўрнини топди.

Шунингдек, ўсмирларимиз 2 марта Осиё кубоги ярим финалида ўз иштирокини якунлаган: БАА-2022 ва Таиланд-2023.

Учинчи финалимиз 20 апрель куни мезбон Саудия Арабистонига қарши бўлиб ўтади. Учрашув Тошкент вақти билан 20:00да бошланади.

👉⚽️@futbol_qoidalar

Европа лигаси. Ярим финал жуфтликлари. Ўйинлар 1 ва 8-май кунлари ўтказилади.

Чорак финалдаги "МЮ" - "Лион" ўйини шунчаки даҳшат!

👉⚽️@futbol_qoidalar

Ўзбекистон U-17 терма жамоаси Осиё кубоги ярим финалда КХДРни 3:0 ҳисобида мағлуб этиб, финалга чиқди.

U17 Осиё кубоги, ярим финал
ЎЗБЕКИСТОН - КХДР - 3:0 (1:0)
Голлар: Садриддин Ҳасанов (32), Жамшидбек Рустамов (63), Абубакир Шукуруллаев (65)
Ноаниқ пенальти: Баҳодирхонов (28, дарвозабон)
Четлатиш: Канг Мёнг Бом (41, иккинчи огоҳлантириш)
Ўзбекистон U17: Рустамжонов, Ҳакимов, Баҳодирхонов (с), Абдукаримов, Ҳасанов, Ҳабибуллаев (Абдуллаев 77), Содиқов (Рустамов 46), Мусахонов, Шукуруллаев (Абдумўминов 77), Эримбетов (Фазлиддинов 85), Асилбек Алиев (Сарсенбаев 61)

Жамоамиз финалда Саудия Арабистони билан тўқнаш келади. Бу жамоани гуруҳ босқичида 3:0 ҳисобида мағлуб этгандик! Финал 20 апрель куни Тошкент вақти билан 20:00да бошланади.

👉⚽️@futbol_qoidalar

“Нефтчи”га қарши ўйинда “Навбаҳор” марказдан бошлаётганда улардан бири рақиб майдонига аввалроқ ўтиб олгани ҳақида ЎзФҲМ раҳбари бу жиддий қоидабузарликмаслиги учун VAR аралаша олмаслигини айтибди.

Тўғри, VAR ҳамма нарсага аралашолмайди, аммо агар эпизод гол билан тугаса, баҳолашга мажбур. Ҳар бир гол VAR томонидан текширилади.

Иккинчидан, қоидабузарликнинг қанчалик жиддий эканини баҳолашда вазиятга таъсири инобатга олинади. М.Саидқосимов айтган вазиятлар, масалан, гол урилаётган пайтда майдоннинг бошқа бурчагида ортиқча тўп бўлса, ё айтайлик, пеналти тепилишидан аввал бошқа ҳужумчи жарима майдонига кириб кетса-ю, вазиятда иштирок этмаса, гол бекор қилинмайди.

Аммо бу ерда 1) см эмас, бир неча метр ўтиб кетилган 2) айнан мана шу қоидабузарликдан қўлга киритилган устунлик туфайли голга узатмани амалга оширган, яъни у голнинг иштирокчиси саналади. Агар футболчи ўша қоидани бузмаганда, ассист амалга оширган нуқтасига етиб келолмасди.

Фикримча, VAR аралашиши ва гол бекор қилиниши керак эди.

@aslanov_futbol

ЕЧЛ. Ярим финал ўйинлари қачон бўлиб ўтади?

Дастлабки ўйинлар
29.04. Арсенал (Англия) - ПСЖ (Франция)
30.04. Барселона (Испания) - Интер (Италия)

Жавоб ўйинлари
06.05. Интер (Италия) - Барселона (Испания)
07.05. ПСЖ (Франция) - Арсенал (Англия)

Ўйинлар Тошкент вақти билан 00:00да бошланади.

👉⚽️@futbol_qoidalar

ЕЧЛ-2024/2025 ярим финал жуфтликлари

👉⚽️@futbol_qoidalar

ОФК клублар мусобақаси рейтинги. Ғарб минтақаси якуний жадвали.

Мамлакатлар эгаллаган ўринларидан келиб чиқиб мавсум-2026/2027да қайси мусобақага қанча квотага эга бўлиши кўрсатилган.

Ғарб минтақасида 5-ўринни банд этган Ўзбекистон Элит ОЧЛга 1 та, ОЧЛ-2га 1 та ўринга эга бўлди.

👉⚽️@futbol_qoidalar

U17 Осиё кубоги. Тожикистон ярим финалга чиқишига бир бахя қолди!

Қўшниларимиз Жанубий Кореяга қарши жуда яхши ўйин намойиш этишди. Улар ҳисобда ортда бораётганига қарамай, 83 ва 85-дақиқаларда иккита гол уриб, ҳисобда олдинга ўтиб олишди. Қўшиб берилган вақтда тўп тожикистонлик ҳимоячининг қўлига тегиб кетди. Ҳакам эса видеотакрорни томоша қилгач, пенальти белгилади. Корея пенальтидан ҳисобни тенглаштирди.

Пенальтилар сериясида эса омад Жанубий Кореяга кулиб боқди — 5:3.

Шу тариқа, Осиё кубогида ярим финал жуфтликлари ҳосил бўлди:

17 апрель, пайшанба

19:00. Саудия Арабистони - Жанубий Корея

22:15. Ўзбекистон - КХДР

👉⚽️@futbol_qoidalar

U17 Осиё кубоги. Ўзбекистонинг ярим финалдаги рақиби — КХДР!

Кореяликлар чорак финалда Индонезияни янчиб ташлади — 6:0.

Ислом Исмоилов бу жамоага қарши ўйин услубини танлашда анча бош қотириши керак бўлади. КХДР футболчилари жисмоний жиҳатдан кучли ҳисобланади. Бу жамоа хатоларни жазолаши мумкин. Шу боис, имкон қадар интизомли, баланслашган футбол намойиш этилиши керак.

Ярим финал босқичидаги Ўзбекистон - КХДР ўйини 17 апрель, пайшанба куни Тошкент вақти билан 22:15 да бошланади. Баҳс Тоиф шаҳридаги "Қирол Фаҳд" стадионида ўтказилади.

👉⚽️@futbol_qoidalar

U-17 Осиё кубоги. Ўсмирларимиз чорак финалда БАА термасига деярли имконият қолдиришмади ва биринчи бўлимнинг ўзидаёқ ўйин тақдирини ҳал этишди — 3:1.

Асилбек Алиев бугун "дубл"га эришгач, мусобақадаги голлари сонини 5 тага етказиб, яққол тўпурар бўлиб олди.

U-17 терма жамоамиз ярим финал баҳсини 17 апрель, пайшанба куни Индонезия-КХДР жуфтлиги ғолибига қарши ўтказади (22:15 да).

👉⚽️@futbol_qoidalar

Бугундан U17 Осиё кубоги мусобақасида чорак финал ўйинлари бошланади. Ўзбекистон ўсмирлар терма жамоаси Тошкент вақти билан 22:15да БАА термасига қарши майдонга чиқади.

Чорак финал ўйинлари:

1) Япония - Саудия Арабистони. 13-апрель. 19:00 (SPORT TV)
2) Ўзбекистон - БАА. 13-апрель 22:15 (SPORT TV)
3) Индонезия - КХДР. 14-апрель. 19:00 (FUTBOL TV)
4) Тожикистон - Жанубий Корея. 14-апрель. 22:15 (FUTBOL TV)

👉⚽️@futbol_qoidalar

Расман! Салоҳ "Ливерпуль" билан шартномасини узайтирди

💻- https://stadion.uz/n/500050/t
📱- https://m.stadion.uz/n/500050/t

Кўпроқ 👉 @stadionuz

⚽️ Stadion.uz расмий саҳифалари 👇

Facebook|Telegram|Instagram

🇺🇿📋Oʻzbekiston U-17 terma jamoasi chorak finalda 🇦🇪 Birlashgan Arab Amirliklariga qarshi maydonga tushadi.

🏟 Oʻyin 13-aprel kuni Toshkent vaqti bilan soat 22:15 da Toif shahridagi “Qirol Fahd” stadionida start oladi.

💳 Uzcard | ⚡️ t.me/FAUzbekistan

U17 Осиё кубоги. Ўсмирларимиз Саудия Арабистонини йирик ҳисобда мағлуб этиб, "А" гуруҳида 1-ўринни қўлга киритишди.

Чорак финалда Ўзбекистонга "B" гуруҳида 2-ўринни эгаллаган жамоа рақиб бўлади.

👉⚽️@futbol_qoidalar

"Арсенал" бугун ғалаба қозонгач, ЕЧЛ 2025/26 йилги мавсумда АПЛдан камида бешта клуб иштирок этиши аниқ бўлди.

Боиси, УЕФА рейтингида Англия жорий мавсумни пешқадам сифатида якунлайди. Шу сабабли, АПЛда мавсумни 5-ўринда якунлаган жамоа 2025/26 йилги Чемпионлар Лигаси йўлланмасини қўлга киритади.

Шунингдек, инглиз клублари сони 7 тага етиши эҳтимоли ҳам мавжуд. Бунинг учун:

— «Астон Вилла» Чемпионлар Лигасини ютса ва АПЛда кучли тўртликка кира олмаса;

— «Манчестер Юнайтед» ёки «Тоттенхэм» Европа Лигасини ютса ва улар ҳам АПЛда тўртликка кира олмаса — шу ҳолда Англиядан 7 жамоа иштирок этиши мумкин бўлади.

"Манчестер Сити" учун имкониятлар бор...

👉⚽️@futbol_qoidalar

Шу кунгача Деклан Райс «Вест Ҳэм» ва «Арсенал» сафида ўтказган 338 та ўйинда бирорта ҳам тўғридан-тўғри жарима зарбасидан гол урмаган эди.

У бугун «Реал Мадрид»га қарши ўйинда 12 дақиқа ичида дарҳол иккита жарима зарбасидан гол киритди.

Шунингдек, Деклан Райс Чемпионлар Лигаси тарихида бир ўйинда жарима зарбасидан 2 та гол урган бешинчи футболчига айланди. Илгарироқ бу натижага Ривалдо, Криштиану Роналду, Неймар ва Ҳаким Зиеш эришган.

👉⚽️@futbol_qoidalar

Биллиардча зарбалар. Бир эмас, нақ 3 та!

👉⚽️@futbol_qoidalar

Ўзбекистон U17 терма жамоаси кеча Хитой устидан ғалаба қозонгач, Осиё кубоги чорак финалга чиқди.

Шу билан бирга, Ислом Исмоилов жамоаси жаҳон чемпионати йўлланмасига ҳам эга бўлди. Маълумот ўрнида — ЖЧ 2025 йил 3-27 ноябрь кунлари Қатарда ўтказилади. ЖЧда 48 жамоа иштирок этади ва турнирга Осиёга мезбон Қатардан ташқари 8та ўрин ажратилган.

Ўзбекистон U17 терма жамоаси тарихда 4-марта ЖЧда иштирок этади.

Аввалги иштирокларимиз:

Мексика-2011. "D" гуруҳида 1-ўрин (2 ғалаба ва 1 дуранг). Чорак финалда Австралия мағлуб этилган (4:0) бўлса, жамоамиз чорак финалда Уругвайга ютқазган (0:2). Тўпурарларимиз — Темур Ҳакимов ва Аббос Махсталиев (3 тадан).

БАА-2013. "С" гуруҳида 2-ўрин (2 ғалаба ва 1 дуранг). Нимчорак финалда Гондурасга ютқазганмиз (0:1, кутилмаганда).

Индонезия-2023. "B"гуруҳида 3-ўрин (1 ғалаба, 1 дуранг ва 1 мағлубият). Чорак финалда Англияда мағлуб этилган бўлса (2:1), нимчорак финалда ўсмирларимиз Францияга ютқазган (0:1). Тўпураримиз — Амирбек Саидов (4 гол).

👉⚽️@futbol_qoidalar

Ўзбекистон U17 терма жамоаси эртага Хитойга қарши майдонга чиқади (20:00) ва ғалаба қозонган тақдирда ЖЧ йўлланмасини қўлга киритади.

Ислом Исмоилов бошқарувидаги жамоамиз мусобақага чемпионлик мақсадида борганига шубҳа йўқ. Бунинг учун эса ўсмирларимиз "А" гуруҳида 1-ўринни эгаллаши мақсадга мувофиқ бўлади. Боиси, чорак финалда "А" гуруҳ вакилларига "B" гуруҳидан чиққан жамоалар рақиб бўлади. "B" гуруҳида эса, кўп эҳтимол, Япония 1-ўринни эгаллайди. Ёш "самурайлар" кеча БААни 4:1 ҳисобида мағлуб этишди. Чорак финалда бу жамоа тушмаганимиз яхшироқ.

"B" гуруҳида Япония ва БААдан ташқари, Австралия ва Вьетнам (кеча бу жамоалар ўзаро дуранг ўйнашди — 1:1) ўрин олган.

👉⚽️@futbol_qoidalar

U-17 Осиё кубоги. Ўзбекистон ўсмирлар терма жамоаси 1-турда Таиландни 4:1 ҳисобида мағлуб этди.

Жамоамиз кейинги баҳсни 6 апрель куни Хитойга қарши ўтказади. Бу ўйиндаги ғалаба кўп эҳтимол билан Ўзбекистон U-17 терма жамоасини Осиё кубоги чорак финалига олиб чиқиш билан бирга, жаҳон чемпионати йўлланмасини ҳам тақдим этади.

U17 Осиё кубоги. "А" гуруҳи
1-тур. 3 апрель
🇺🇿Ўзбекистон 4-1 Таиланд 🇹🇭
🇸🇦Саудия Арабистони 2-1 Хитой 🇨🇳

2-тур. 6 апрель
20:00. 🇨🇳Хитой - Ўзбекистон🇺🇿
22:15. 🇸🇦Саудия Арабистони - Таиланд🇹🇭

3-тур. 9 апрель
22:15. 🇸🇦Саудия Арабистони - Ўзбекистон🇺🇿
22:15. 🇹🇭Таиланд - Хитой🇨🇳

👉⚽️@futbol_qoidalar

❗ Футболдаги янги қоидалар ва ўзгаришлар тасдиқланди. Янги мавсумдан амал қиладиган қоидалар:

1⃣ Дарвозабон тўпни қўлида 8 сония ушлаб қолса — бурчак зарбаси белгиланади.
Ҳакам охирги 5 сонияни қўлини кўтарган ҳолда санайди. Агар дарвозабон вақтида тўпни қўлидан чиқармаса, рақиб фойдасига бурчак зарбаси белгиланади. Бундай қоидабузарлик такрорланса, сариқ карточка билан жазоланади.
2⃣ Ҳакам билан фақат жамоа сардоригина гаплаша олади.
Ҳозирда ҳам бу қоида бор, бироқ айрим ҳакамлар бошқа футболчилар ҳам гаплашишига қўйиб беришяпти. Яги мавсумдан бу қоида қатъийлашади.
3⃣  Баҳсли тўп.
Ўйин тўхтатилганда тўп жарима майдони ичида бўлса, тўп дарвозабонга берилади. Жарима майдончаси ташқарисида бўлса, унгача тўпни эгаллаб турган жамоага берилади. Агар ким тўпга охирги марта эгалик қилиб тургани ноаниқ бўлса, тўпга охирги тегинган футболчининг жамоасига берилади. Агар футболчи тўпга эгалик қилиб тургани аниқ бўлса, унга берилади.
4⃣ Захира футболчиси, мураббий ёки захира ўриндиғидаги бошқа бир одам тўпга тегса, эндиликда қаттиқ жазо берилмайди.
Агар тўп чизиқдан ташқарига чиқсаю, ташқаридаги кимдир уни майдонга қайтарворса, карточка кўрсатмасдан, эркин зарба белгиланади. Агар бу мунтазам ва атайин қилинса, карточка билан жазолаш кўзда тутилган.
5⃣ Дарвозабон тўпни отиб берганида офсайднинг қайд этилиши.
Энди тўп билан контактнинг охирги нуқтаси олинади, биринчи контакт нуқтаси эмас.
6⃣ VAR қарорлари тушунарлироқ бўлади.
Лигалар ҳакамларга видеотакрорларни кўргач, ўз қарорларини стадионда, ҳамма йиғилганларга тушунтиришга рухсат беришади.
@boburakmalov

⚽️ Bugun — o‘yin kuni!

Saudiya Arabistonida bugun U-17 Osiyo Kubogi bahslari rasman start oladi. Jahon chempionatiga yo‘llanma beruvchi ushbu musobaqada jami 16 ta terma jamoa ishtirok etmoqda.

🇺🇿 O‘zbekiston terma jamoasi “A” guruhida 🇸🇦 Saudiya Arabistoni, 🇹🇭 Tailand va 🇨🇳 Xitoy terma jamoalariga qarshi bahs olib boradi.

Bugungi ilk bahsda o‘smirlarimiz 🇹🇭Tailand bilan kuch sinashadi.

⏰ Uchrashuv Toshkent vaqti bilan soat 20:00 da boshlanadi.

❗️Eslatib o‘tamiz: turnirning eng yaxshi 8 jamoasi — ya’ni barcha chorak final ishtirokchilari — 2025-yilda Qatarda bo‘lib o‘tadigan FIFA U-17 Jahon chempionatiga Osiyo vakillari sifatida yo‘llanma oladi. Boshqacha aytganda har bir guruhda 1 va 2-o‘rinni egallagan jamoalar jahon chempionatiga chiqadi. Tailand va Xitoyni yutib, atigi 2 tagina g‘alaba bilan mundialga borish imkoniyati bor.

O‘smirlarimizga omad tilaymiz! 💪


👉 @xushnudbek 👈

"Реал Мадрид" ва "Барселона" клублари Испания кубоги ярим финалида ғалаба қозонди ва улар финалда тўқнаш келадиган бўлишди. Бу мавсумдаги тўртинчи "эл-класико" бўлади.

Жорий мавсумда ўтказилган 2 та "класико"да "Барса" ғалаба қозонган эди:

Ла лига. 11-тур. 26 октябрь 2024 йил. Реал Мадрид - Барселона - 0:4
Испания суперкубоги. Финал. 12 январь 2025 йил. Реал Мадрид - Барселона - 2:5.

Бизни олдинда (камида) 2 та "эл-класико" кутиб турибди:

26 апрель. Испания кубоги финали. "Реал" - "Барселона"
11 май. Ла лига, 35-тур. "Барселона" - "Реал"

Агар "Реал" ва "Барселона" Европа чемпионлар лигаси финалига чиқадиган бўлса, улар 31 май куни Мюнхендаги "Альянц Арена"да тўқнаш келишади. Бу мавсумдаги бешинчи "класико" бўлади.

👉⚽️@futbol_qoidalar