Наманганда Дамасда 25 нафар бола ва бир нафар аёл олиб кетилаётгани аниқланди. Ҳайдовчи уларни хусусий боғчага олиб кетаётган бўлган. Автомобиль жарима майдонига жойлаштирилди.

Тошкентда қурилиш маҳсулотлари сақланадиган омборхонада ёнғин чиқди. ФВВ маълумотига кўра, воқеа жойига 8 та ёнғин-қутқарув экипажи жалб этилган.

Вазият юзасидан қўшимча маълумот берилади.

Бугун, 28 апрель куни Бектемир тумани “Иқбол” ва “Чашма” маҳаллаларида таъмирлаш ишлари сабабли соат 09:00 дан 17:00 гача электр узилади.

“Тошкент шаҳар электр тармоқлари” МЧЖ таъмирлаш белгиланган вақтдан олдин тугаши мумкинлигини маълум қилди ва аҳолидан узр сўради.

28 апрель куни Ўзбекистонда об-ҳаво кескин исийди — баъзи ҳудудларда ҳарорат 38–39 даражагача кўтарилади. Тоғли ҳудудларда қисқа муддатли ёмғир ва сел хавфи сақланиб қолмоқда.

Ўзбекистон фуқаролари учун БААга киришда тақиқ қўйилмаган

ТИВ вакили расмий баёнот берди. 

⚡ Кутилаётганидек Саудия Арабистони Ўзбекистон фуқаролари учун сайёҳлик eVisa беришни тўхтатди

Энди Ўзбекистон фуқаролари Саудия Арабистонига сайёҳлик ёки умра мақсадида электрон виза (eVisa) расмийлаштира олмайди. Мамлакат онлайн ариза топшириш ҳуқуқига эга давлатлар рўйхатидан чиқарилди.

Бундан аввал Саудия Арабистони 2025 йилги Ҳаж тайёргарлиги муносабати билан 14 та давлат фуқаролари учун визалар беришни вақтинча тўхтатган эди.

Чеклов хавфсизлик масалалари ва визаларнинг ноқонуний фойдаланилиш ҳолатлари билан боғлиқ. Саудия расмийлари таъкидлашича, бу тақиқ сиёсий сабабларга боғлиқ эмас.

Бу икки чеклов ўзаро боғлиқми — ҳозирча аниқ эмас. Саудия томонидан расмий изоҳ берилмаган.

“Malibu-2” нархи тушадими?

Телеграм каналларда “Malibu-2” автомобиллари Қозоғистондан қайтиб келаётгани ва нарх тушиши мумкинлиги ҳақида видео тарқалди.

“UzAuto Motors” бу хабарларни рад этиб, видеода кўрсатилган автомобиллар Хитойдан Қозоғистон орқали расмий тартибда Ўзбекистонга юборилаётганини маьлум қилди.

⚡️ 1 майдан бошлаб Ўзбекистонда ҳайдовчилар учун жарима баллари тизими жорий этилади.

Агар ҳайдовчи бир йил ичида 12 балл тўпласа, маъмурий жавобгарликка тортилади. Барча жарима баллари “E-jarimaball” электрон тизими орқали автоматик ҳисобланади.

Ҳайдовчи 6 ой мобайнида қоидабузарлик қилмаса, унинг 2 балли бекор қилинади. Агар 8 балл тўпласа, SMS орқали огоҳлантирилади. Ҳайдовчи жарима баллари натижасидан норози бўлса, суд орқали шикоят қилиш ҳуқуқига эга.

Азиз Ташпулатов икки соат ичида 40 нафар мурожаатчи билан учрашди, яна 580 нафардан ортиқ киши навбат кутмоқда.

Ички ишлар вазири аҳоли мурожаатларини шахсан қабул қилмоқда. Навбат катта бўлгани учун мурожаатлар йўналиш бўйича тақсимланмоқда. Мурожаатлар асосан тергов ишлари, кредит, уй-жой муаммолари ва оилавий зўравонлик каби масалаларни қамраб олган.

🇺🇿🇮🇷 Шавкат Мирзиёев Эрон портидаги портлаш муносабати билан мамлакат президентига таъзия йўллади.

У марҳумларнинг яқинларига сабр-тоқат, жароҳат олганларга шифо тилади.

Бухорода 20 ёшли талаба йигит ўз жонига қасд қилди.

У ўлими олдидан ёзган хатда ҳеч кимни айбламаслигини билдириб, ота-онасидан кечирим сўраган.

Тошкент ҳудудининг қарийб ярми яқин 20 йил ичида реконструкция ва янгиланишга муҳтож.

CMWP Uzbekistan ва Atlas Global тайёрлаган “IQ Тошкент 25” тадқиқотига кўра, пойтахтдаги қурилиш ва инфратузилманинг 43 фоизи учун қайта таъмирлаш зарур. Бу фақат турар жойлар эмас, балки кўча-йўл тармоғи, муҳандислик коммуникациялари ва жамоат жойларини ҳам ўз ичига олади.

Янгиланиш уч йўналишда амалга оширилади:
• 43% ҳудуд — реконструкция: мавжуд биноларни сақлаб, янгилаш;
• 28% ҳудуд — консервация: ҳеч қандай янги қурилишсиз эски ҳолича сақлаб қолиш;
• 15% ҳудуд — реновация: эски бинолар ўрнига янгиларини қурилиш.

Наманганда ёш бола онасини калтаклади.

Ҳолат Давлатобод туманидаги 80-умумтаълим мактаби ўқувчиси иштирокида содир бўлган.

Маьлум бўлишича, бола онаси ва бувисининг қўпол муомаласига чидай олмай, стресс таьсирида уларга куч ишлатган.

Томонлар ўртасида профилактик ишлар олиб борилиб, огоҳлантириш чораси қўлланган, дейилади хабарда.

🇺🇿🥇 Тошкентда ўтаётган бадиий гимнастика бўйича Жаҳон кубогида ўзбекистонлик Тахмина Икромова кўпкурашда Олимпиада чемпионини ортда қолдириб, олтин медал соҳиби бўлди.

Гуруҳ машқларида қатнашган Ўзбекистон жамоаси эса кумуш медални қўлга киритди.

🇹🇷 Туркияда ўзбекистонлик энага болани калтаклади.

У Истанбулнинг Фотиҳ туманидa ўзбекистонлик оиланинг фарзандига зўравонлик қилгани учун полиция томонидан қўлга олинди. Иш терговдан сўнг судга юборилади.

Ички ишлар вазири Азиз Ташпулатов аҳоли билан қабул ўтказмоқда.

Бугун соат 10:00 да бошланган қабулга 500 нафарга яқин фуқаро келган. Қабул ИИВ Транспорт ва туризм объектларида хавфсизликни таъминлаш департаменти биносида бўлмоқда.

Уч ёшли боланинг ҳаёти асраб қолинди.

26 апрель куни Наманган вилояти Уйчи туманида болакай назоратсиз қолдирилиб, ҳожатхонага тушиб кетди. ФВВ қутқарувчилари болани соғ-саломат қутқариб, ота-онасига топширди.

🇯🇵 Япония Ўзбекистонга 200 та замонавий ноутбук совға қилди.

Япониянинг нотижорат ташкилотлари 200 дона “Toshiba Dynabook” ноутбуктарини 8 та университет ва илмий-тадқиқот муассасасига беғараз тақдим этди.

Яккасарой туманидаги ер ости газ қувурида сизиб чиқиш ҳолати аниқланди.

Натижада, Яккасарой ва Миробод туманларидаги бир нечта маҳаллаларда газ таъминоти вақтинча тўхтатилди.

Саудия Арабистони Ўзбекистон ва Тожикистон фуқаролари учун электрон туристик виза беришни вақтинча тўхтатди.

23 апрелдан 9 июнгача онлайн виза олиш имкони йўқ. Бу вақтда виза фақат элчихоналар ёки махсус виза марказлари орқали расмийлаштирилади. Шенген, Британия ёки АҚШ визасига эга бўлганлар эса Саудияга кириш чоғида виза олиши мумкин.

Наманганда машинани ижарага берувчи гуруҳларнинг 90 фоизи ўқувчилардан иборат.

ЙҲХБ раҳбарининг таъкидлашича, кўпчилик ёшлар автомобилни ижарага олиб ёки кредит тўлаб ишлатмоқда, аммо бу орқали болаларнинг ҳаёти хавф остида қолмоқда.

Ижарага олинган машина шикастланган ҳолатларда эса ўсмирлар ота-оналари катта қарзга ботмоқда.

🇷🇺 Россия 1 майдан ҳужжатсиз мигрантларни мамлакатдан чиқариб юборади.

30 апрел куни Россияда ҳуқуқий мақомни тиклаш учун берилган муддат тугайди. 1 майдан бошлаб ҳужжатсиз шахслар депортация қилиниб, кейинчалик қайта кириши тақиқланади.

Истанбулдаги ёнғинда 19 ёшли ўзбекистонлик ҳалок бўлди. Марҳумнинг жасади 24 апрель куни Ўзбекистонга қайтарилди. Барча харажатлар Миграция агентлиги томонидан қопланган.

Хусусий клиникаларда ўлим ҳолатлари кўпаяётгани бўйича Соғлиқни сақлаш вазирлигига сўров юборилди.

“Адолат” партияси депутати Гулнора Абдувоҳидова нотўғри тиббий муолажалар туфайли аҳоли саломатлигига зарар етаётгани ва ўлим ҳолатлари ортиб бораётгани ҳақида вазир Асилбек Худоёровга депутатлик сўрови юборди.

Тошкентда ноқонуний ўрнатилган ташқи реклама қурилмалари олиб ташланмоқда.

Шайхонтоҳур ва Чилонзор туманларида талабга жавоб бермайдиган баннерлар ва реклама воситалари йиғиштирилди. Олмазорда эса давлат тили талабига риоя қилинмаган ташқи ёзувлар ҳам бартараф этилди.

📊 Ўзбекистон Глобал Очлик Индексида Марказий Осиёда энг яхши натижани қайд этди.

2021–2023 йиллар учун мамлакатимиз кўрсаткичи 21 балл бўлиб, Қозоғистон (25), Қирғизистон (36), Туркманистон (50) ва Тожикистондан (65) яхшироқ бўлди.

Индекс болалар ўлими, ўсишдан қолиш ва кам овқатланиш ҳолатлари асосида баҳоланади.

🇷🇺🇺🇿 Россияда ўзбекистонлик меҳнат муҳожирининг жасади топилди.

Кемерово вилоятида 46 ёшли бетончининг жасади аниқланди. Дастлабки маълумотларга кўра, у тахминан 15 метр баландликдан йиқилиб, ҳалок бўлган.

Жиззахда “Агробанк”нинг янги лойиҳаси — “Ривож Молия” микромолия ташкилоти фаолиятини бошлади

Ташкилот асосан якка тартибдаги тадбиркорлар, ўзини ўзи банд қилган фуқаролар ва кичик бизнес субъектларини микромолиявий хизматлар билан таъминлаш йўналишида иш олиб боради.

🇺🇿🇦🇿 Шавкат Мирзиёев ва Илҳом Алиев 26 апрель куни телефон орқали мулоқот қилиб, Ўзбекистон ва Озарбайжон ўртасидаги шерикликни мустаҳкамлаш ва Туркий давлатлар ташкилоти доирасидаги тадбирлар режасини муҳокама қилди.

Тошкентда 22 ёшли йигит 18 ёшли қизга куч ишлатиб, тан жароҳати етказди.

Воқеа 14 апрель куни Мирзо Улуғбек туманида содир бўлган. Жанжал чоғида йигит ўзига таниш қизга зўравонлик қилади ва жабрланувчи шифохонага мурожаат қилишга мажбур бўлади.

Ҳозирда ҳолат юзасидан Жиноят кодексининг 277-моддаси билан жиноят иши қўзғатилди, тергов давом этмоқда.

Самарқандга сафар давомидаги энг таъсирли лаҳзалaрдан бири Саида Мирзиёева “довчани” татиб кўрган пайти бўлди

Бу кичик эпизод томошабинлар кўнглида илиқ туйғулар уйғотди - юқори мансабдаги инсоннинг оддий ва самимий қиёфаси намоён бўлибди. Ажойиб, Саида Мирзиёевани бошқача тарафдан кашф қилса бўлади

Ўзбекистон делегацияси АҚШга сафари чоғида Дональд Трампни Ўзбекистонга таклиф қилди.

АҚШнинг Ўзбекистондаги элчиси Жонатан Ҳеникнинг маълум қилишича, Оқ уй бу таклифни мамнуният билан қабул қилиб, жиддий ўрганмоқда. Элчининг таъкидлашича, Марказий Осиё давлатлари мустақилликка эришганига 30 йилдан ортиқ вақт ўтди, аммо ҳали ҳеч бир АҚШ президенти минтақага ташриф буюрмаган. Ҳеникнинг фикрича, ҳозир бундай ташриф учун энг тўғри пайт.

Зангиота туманида гилам дўкони ёниб кетди

Тошкент вилояти Зангиота тумани «Олим полвон» маҳалласи Камолиддин Беҳзод кўчасида жойлашган гилам дўконида ёнғин содир бўлди.

Ҳудудий ФВБнинг 7 та ёнғин-қутқарув экипажи ёнғин жойига етиб борган ва айни вақтда ёнғин бартараф этилмоқда.

Энди маҳалла раислари оилавий медиация бўйича бепул ўқитилади.

2025 йил давомида ҳар бир туман ва шаҳарда 5 нафардан фуқаролар йиғини раислари профессионал медиаторликка тайёрланади. Улар келгусида ота-оналик ҳуқуқлари билан боғлиқ низоларда бепул медиаторлик фаолиятини олиб борадилар.

Медиатор — бу икки тараф ўртасидаги низо ёки келишмовчиликни тинч ва адолатли ҳал қилиш учун воситачи бўлган шахс.

Россиянинг Новосибирск шаҳрида оғир аҳволда қолган она ва бола Ўзбекистонга қайтарилди.

Бош консулхона дипломатлари болага туғилганлик гувоҳномасини расмийлаштиришга кўмаклашди ва барча зарур ҳужжатлар тайёрланди. Она ва бола 23 апрель куни “Новосибирск–Тошкент” рейси орқали ватанга қайтди.

Ўзбекистон ва Қирғизистон “Чашма” булоғидан биргаликда фойдаланади.

Ҳукумат делегациялари учрашувида булоқдан фойдаланиш шартлари тасдиқланди. Томонлар “Чашма” икки халқнинг умумий бойлиги эканини алоҳида таъкидлади.

Маьлумот ўрнида, “Чашма” булоғи Қирғизистоннинг Боткен вилоятида, Ўзбекистонга қарашли Сўх эксклави яқинида жойлашган. Бу ҳудудда илгари сувдан фойдаланиш ҳуқуқи бўйича ўзбек ва қирғиз фуқаролари ўртасида тортишувлар ва низолар содир бўлган.

Бугун, 26 апрель куни Ўзбекистон бўйлаб ҳаво ўзгарувчан бўлади, лекин ёғингарчилик кутилмайди.

Тошкентда 30-32°, Қорақалпоғистон, Хоразм, Бухоро ва Навоийда 34-39°, Самарқанд, Жиззах ва Сирдарёда 28-33°, Қашқадарё ва Сурхондарёда 32-37°, водийда 27-32° иссиқ бўлади.

Тошкентда “Саудия сафари” номи остида фуқароларни ҳаж ва умра сафарига алдаб юбормоқчи бўлган фирма раҳбари қўлга олинди.

У навбатдаги мижозларидан ҳаж сафари ва виза расмийлаштириш учун 19 минг доллар олмоқчи бўлган жойида ушланган.

Самарқандда 7-синф ўқувчисига тазйиқ ўтказган кимё ўқитувчиси ишдан бўшатилди.

Маълумотларга кўра, ўқитувчи 21 апрель куни дарсга кеч қолган ва машғулотларга халал берган ўқувчига нисбатан тажовузкорлик қилган. 23 апрель куни мактаб маъмурияти унинг меҳнат шартномасини бекор қилди.

Ҳозирда ҳодиса юзасидан туман ИИБ томонидан терговгача текширув олиб борилмоқда.

⚡️Истанбулда яна ер қимирлади

Наманганда талабалар душ ва ҳожатхонасиз қолмоқда

Наманган давлат техника университети талабаси талабалар ётоқхонасида душ ва ҳожатхона ёпиб қўйилганидан шикоят қилди. Мурожаатчига кўра, талабалар ҳатто совуқ кунларда ҳам ташқарида ювинишга мажбурланмоқда, ягона ҳожатхона эса яроқсиз ҳолда.

Юнусободда ўз жонига қасд қилишга уринган қиз қутқариб қолинди.

Маълумотларга кўра, туман ИИБ раҳбари ва унинг ўринбосарлари томда қўлларини кесиб, жонига қасд қилмоқчи бўлган қиз билан суҳбатлашиб, уни бу ниятдан қайтаришга эришган.

Ўзбекистонда 2025 йилнинг дастлабки уч ойида йўл-транспорт ҳодисаси содир этгани учун 891 нафар шахс судланган.

Шунинг 173 нафари озодликдан маҳрум этилган, қолган 718 нафарига эса бошқа турдаги жазо турлари қўлланилган.

❗️25 ва 27–30 апрель кунлари кутилаётган ёмғирлар туфайли бир қатор тоғли ва тоғ олди ҳудудларда сел хавфи эълон қилинди.

Узгидромет маълумотига кўра, Қашқадарё, Сурхондарё, Самарқанд, Жиззах, Тошкент, Наманган, Фарғона ва Андижон вилоятларининг айрим туманлари хатарли ҳудудлар сифатида белгиланди.

Ўзбекистонликларни Японияга ишга юбориш учун “JPC Corporation” билан келишувга эришилди.

Японияда ишлаш учун япон тилини ўрганиш талаб этилади. Имтиҳонларни муваффақиятли топширганларга БҲМнинг 3 бараваригача харажатлар қоплаб берилади, деб хабар қилди Миграция агентлиги

🇺🇸 “The Economist” нашри Трампнинг президентлик муддати тугашига қанча қолганини эслатди.

Журналнинг янги сони муқовасида яраланган ва докада ўралган Америка рамзи — бургут сурати жойлаштирилган.

Қамчиқ довонининг бир қисмида номустаҳкам тошларни сунъий тушириш ишлари олиб борилаётгани сабабли ҳаракат бир неча дақиқага вақтинча тўхтатилади — ФВВ

24 апрель куни Андижон вилояти Қўрғонтепа тумани ИИБ бошлиғи ўринбосари Н.Қ. икки фуқарони ишга жойлаштириш эвазига 10 000 доллар пора олаётганда қўлга олингани айтилмоқда.

🇦🇪 БААдаги ўзбеклар жанжали ортидан аэропортларда муаммолар бошланди.

“Migrant.uz”га Ўзбекистон фуқаролари БАА шаҳарларига парвозлар билан боғлиқ қийинчиликлар юзага келаётганини маълум қилган. Бу Дубайда ўзбеклар ўртасида содир бўлган жанжал билан боғлиқ бўлиши мумкин, дейилади хабарда.

Афғонистон Ўзбекистоннинг “Согдиана Транс” компанияси билан “Ҳайратон – Мозори Шариф” темир йўлини бошқариш бўйича шартномани яна икки йилга узайтирди.

Шунингдек, “Ўзбекистон темир йўллари” компанияси билан таъмирлаш ишларини давом эттириш ва ТрансАфғон темир йўли лойиҳасини муҳокама қилиш бўйича келишувга эришилди.

Ушбу линия 2010 йилда ўзбекистонлик мутахассислар томонидан қурилган бўлиб, узунлиги 75 кмни ташкил этади.

БАА ҳукуматини Ўзбекистон билан визасиз режим масаласини қайта кўриб чиқишга мажбур қилган пичоқбозлик видеоси.

Дубайда ўзбекистонликлар ўртасида содир бўлган пичоқбозликдан сўнг визасиз режим бекор қилиниши мумкинлиги ҳақида хавотирлар пайдо бўлди.

Вазият юзасидан аниқлик киритиш мақсадида Ўзбекистон дипломатлари Дубай жиноят қидирув бошқармаси раҳбарлари билан музокаралар ўтказди. Унда БАА томони ҳодиса бўйича тергов ишлари олиб борилаётгани ва 15 нафар фуқаро қўлга олинганини маълум қилди.

Шунингдек, сўнгги вақтларда ўзбекистонликлар томонидан содир этилаётган қонунбузарликлар кўпаяётгани визасиз режимга салбий таъсир кўрсатиши мумкинлиги таъкидланган.

Ташқи ишлар вазирлиги фуқароларни юрт шаънига доғ туширмасликка чақирди.

Дам олиш кунлари жазирама oб-ҳаво кутилмоқда — ҳарорат +39° гача кўтарилиши мумкин.

25 апрел куни Тошкентда бадиий гимнастика бўйича Жаҳон кубогига старт берилди. Кубокда 26 мамлакатдан 100 дан ортиқ гимнаст иштирок этмоқда.

Бугун саралаш ва очилиш маросими, эртадан медаллар учун кураш бошланади. Ўзбекистон шарафини Тахмина Икромова, Анастасия Сарансева ва гуруҳ гимнастикачилари ҳимоя қилмоқда.

Қозоғистон урушга тайёрланяптими?

Қозоғистон Россия билан можаро юз бериши эҳтимолига тайёргарлик кўраётгани ҳақида хабарлар тарқалди.

Хусусан, чегара ҳудудларида ҳудудий мудофаа бригадалари жойлаштирилаётгани айтилди.

Мудофаа вазирлиги бу ҳолатга изоҳ бериб, бригадаларни жойлаштириш ташқи таҳдидларга эмас, балки ҳудудларнинг логистика, география ва демографиясидан келиб чиқиб амалга оширилаётганини маълум қилди.

Октябрьдан бошлаб Куала-Лумпур – Тошкент йўналишида ҳафтасига 3 марта мунтазам авиақатновлар амалга оширилиши кутилмоқда. Бу борада “AirAsia X” авиакомпанияси ва Туризм қўмитаси ўртасида музокаралар ўтказилди.

Маълум бўлишича, ушбу ЙТҲ оқибатида жабрланган фуқаролардан бири — бир нафар аёл вафот этган. Унинг 3 нафар фарзанди онасиз қолган. Бошқа жабрланувчилар эса оғир тан жароҳати олган.

24 апрельдан 25 апрельга ўтар кечаси Ой устида Венера ва Сатурн сайёралари “смайлик” шаклини ҳосил қилди.

2024 йил якунлари бўйича 98 та давлат ташкилоти қамраб олинган Очиқлик индекси эълон қилинди.

Натижаларга кўра, 50 та ташкилот “яшил”, 35 та “сариқ”, 13 та эса “қизил” тоифада баҳоланди.

Очиқлик индекси — давлат органлари ва ташкилотларининг фуқаролар учун ахборот очиқлигини таъминлаш, яъни ўз фаолияти ҳақида жамоатчиликка ошкора ва тўлиқ маълумот бериш бўйича қай даражада иш олиб борганини баҳолайди.

11 апрель куни Самарқандда Lacetti йўлни кесиб ўтаётган фуқароларни уриб кетди. Улар орасида болалар ҳам бўлган.

Жабрланувчилар шифохонага етказилиб, тиббий ёрдам кўрсатилган. Ҳайдовчи эса қамоққа олиниб, тергов бошланган.

🍫 Тошкентда сотилаётган “Дубай шоколади”да хавфли бактериялар аниқланди.

Ecobozor’нинг Беруний филиалидаги Fix Dessert Chocolatier шоколадлари текширувдан ўтказилиб, улар соғлиқ учун хавфли экани маълум қилинди.

Маҳсулот аллергия ва бошқа касалликларга сабаб бўлиши мумкин, ташқи кўриниши ва ёрлиғи ҳам талабларга жавоб бермайди, дейилади баёнотда.

🇮🇳🇵🇰 Ҳиндистон ва Покистон ҳарбийлари Жамму ва Кашмирдаги назорат чизиғида бир-бирларига ўқ узди.

Ҳиндистон армиясига кўра, Покистон томони чегара постларини ўққа тутган.

Оёғи куйиб қолган қизчанинг иши бўйича терговга қадар текширув бошланди.

Бугун, 25 апрель куни республика бўйлаб ҳаво ҳарорати 25-30° гача кўтарилади. Фақат тоғли ҳудудларда қисқа муддатли ёмғир ёғиши мумкин.

⚡️Кашмирнинг Липа водийсида жанговор харакатлар бошланиб кетди

Ҳиндистон ва Покистон қўшинлари ўртасида Липа водийсида енгил ва оғир қуроллардан фойдаланилган жанглар бошланди. Отишмалар кескинлашмоқда. Расмийлар ҳозирча воқеалар тафсилотини очиқламади.

1 майдан Фарғонада ичимлик суви нархлари оширилади.

• Аҳоли учун ичимлик сувининг 1 куб метри 3448 сўмни ташкил этади (ҚҚС билан). 2023 йилда бу нарх 2128 сўм эди.
• Бюджет ташкилотлари учун нарх 6944 сўмга етказилади (2023 йилда — 3350 сўм).
• Оқава сув нархи аҳоли учун 728 сўм, ташкилот

Саида Мирзиёева Огулжаҳон Гурбангулиевна билан Амир Темур мақбараси, Бибихоним масжиди ва афсонавий Регистон майдонини зиёрат қилди.

“Самарқанд нафақат Ўзбекистоннинг дурдонаси, балки бутун минтақанинг муҳим маданий маркази бўлиб, бу ерда Марказий Осиё халқларининг тарихи, санъати ва маънавий мероси ўзаро уйғундир. Азиз меҳмонимиз билан бу бебаҳо бойликни келажак авлодлар учун сақлаб қолиш ниҳоятда муҳим эканини таъкидладик”, – деб ёзди Президент ёрдамчиси.