***
Бу кун яна поездга чиқди,
Сийнасини карамдек тузлаб,
Ён-атрофга боқди, ичикди
Ўрта ёшли Масиҳни излаб

Замонамиз Магдалинаси
Тишланилган жазава мисол.

Бу кун яна поездга чиқди,
Яшириниб қўйнига узлат.
Кечикмади. Балки кечикди
Вагонлардан Худони излаб…

…ва қармоққа тушар муттасил
Излаганин топмаган Исо.
2025

ФЕРУЗШОҲ

#Nasriy_tarjima

Ричард МЭТИСОНдан навбатдаги психологик зарбани қабул қилинг:

⬇️⬇️⬇️
БЕЗАБОН

КУТУБХОНАМ СОҒИНЧИ

Бағринг – бинафшанинг ифори:
Жалб қилади доим тунлари.
Бомдодимда сайрашдан ҳориб,
Пичирлайди тонг булбуллари.

Тушларимда мангу қолишдан –
Кўзларимни юммам – қўрқаман.
Мен бош олиб кетган болишда
Ўсмирларча мизғир тўрт томон…
2025

ФЕРУЗШОҲ

***
Уфқнинг оғзидан қизиллик томар...
Вужуди ўлади қора шарпанинг.
Булутлар — кесилган томирим қонар,
Қуёш ёнаётган бошимдир манинг.

Мен ёниб борарман, сўнмасман бу кун,
Осмон ўчоғида порларман тўлиб.
Бўғзимга дор илиб, келарсан нечун,
Бегона инсонга аталган ўлим.

Йўлларинг адашган, йўлларим бошқа,
Манзилга етурмиз ярим-яримлаб.
Бир осмон зор экан бир ёнган бошга,
Узиб отажакман елкаларимдан.

Бошсиз ўлим йўқдир иккинчи бора;
Тоғлар кўкрагида оёғим толса,
Кимнинг оловида қолади, ё Раб,
Осмон бир сония ёнишсиз қолсам.

Кўзимга беркилган ёш эрур ул, ё,
Жавобгар Жавобгар жавобидир туб.
Бир лаҳза ёришиб олади дунё
Қулаб бораётган бошимни тутиб.
2020

ФЕРУЗШОҲ

�� Confessa - Adriano Celentano tributo live - Ma perchè

Одамларни чалғитмоқчи бўлсанг, уларга нон ва томоша кўрсатиш имкониятини бер!

Қадимги Рим мақоли

***
Кечалар осмоннинг кўринар асли,
Демак,
Мен – кеча кўринган кеча.
Қоронғу – ҳақиқат қўрқитса пича,
Ажиб ёлғонлар афзалроқ эмасми?

Кўчага чиқишга қўрқасан,
Кўчада кеча бор,
Бордирман, яъни.
Сенсиз ухлатмайман дея ҳаммани
Ичаман қасам.

Сўзимни бўлади акиллаганлар,
Тутилиб,
Сўкаман азалий бахтни.
Кўкарган дарахтман
Кўзларимнинг ёши илдизим намлаб...

Сочларимни оғочлар тарар,
Довуднинг авлоди телба, деб.
Кўзингга қуйилиб келмадим,
Ўтиб кетдим кўзингга қараб...

Тузни озиқлантирган яраман,
Ўзимни ўзганинг кафтига
Олдим.
Сен фақат эртага талпина қолгин,
Кечага қайрилиб қарама...
2023

ФЕРУЗШОҲ

Қачонлардир йиғилган маълумотларни олиб қочишга улгурмаслигимиз мумкин. Ҳа, шу ҳақда бир ўзим қолганда ўйлаб қоламан. Бу, инсоният шу пайтгача эришган илмига нуқта қўйилади, дегани. Ва албатта, ўзга сайёрага кўча олган, ёки ерда яшаш тарзини ўзгартира олганимизда ҳам эволуцияни қайтадан бошлаймиз.
Қуёшнинг қизариб, семириб бориши қандай саёраларга таъсир қилмайди? Албатта, атмосфера мавжуд бўлмаганларига. Тўғри, ютиб юбориши мумкин, аммo бу давр талаб қилади. Энг асосийси, шундай сайёралардан бири бизнинг йўлдошимиз – ой. (Аслида, сайёра дейишлик фан томонидан нотўғри.)
Китоблар, мусиқа анжомлари ва технологияларни кўчириб ўтказиш имконсиз. Имкони бўлган тақдирда ҳам катта ёқилғи зарур ва атмосферамизнинг “соғлиги”га таъсир қилади.
Қаранг, агар биз ер юзидаги жами ноталар ва китобларни улкан ҳажмли флешкаларга юклаб, Ойнинг турли қисмларида шунчаки қолдирсак-чи?! Шу билан давом этаётган эволуциямизни асраб қолган бўламизми?!
Фалаккиётга қизиқмайдиган туркий йўқ. Бу бизнинг қонимизда бор ва ғояларингиз ман учун қизиқ.

ФЕРУЗШОҲ

Илгарилари “дадам янги уст-бош олишга эринади”, деб ўйлардим ва қайсидир жиҳатдан бу ҳаракатни қоралардим. Тавба! Ўзим шунақа бўлиб қолганман.
Ҳаражатларимни минг ҳаққонийлик билан тақсимласам ҳам, кийим учун пул ажратолмай қолибман. Бу, балки зиқналикдир?! Лекин, табиий кайфиятимдан келиб чиқсак, бундай бўлиши мумкин эмас. Балки қон тортгандир?!
Йўқ, назаримда дадамни қийнаб келган “кийиниш” азоби виждоннинг бир парчаси бўлган. Топарманроқ бўлганим сабаб шу “парча” манга юққан, шекилли.
Тўғри-да, қадимий кўйлак ва эскироқ туфлида юрган шоирни энгил-боши учун койиб бўлармиди? Ва ёки шоирнинг мухлислари, кузатувчилари бундан ҳижил бўлармиди? Йўқ!
Бир вақтнинг ўзида дайди кайфият эгаси ва масъулиятли эркак бўлиш қийин. Эскириб қолган кўйлакларимдан эса ШОИР руҳимнинг дарвешликлари анқиб туради.

ФЕРУЗШОҲ

Яқин кунларда ушбу исм атрофида айланиб юрган бир қанча ёш шоирлар(айниқса қизлар)ни кузатдим. Улардан аниқ маълумотга эга бўлмасдан туриб персонаж яратмасликларини илтимос қилардим. Манинг қаҳрамонларим анчагина меҳнат ва вақт фарзандларидир. Биргина грамматик ва ё илмий хато билан тарих чизиғини паралеллаштириб юборишдек хатога йўл қўйманг!

ЛИЛИТ

1.Тўшакларни гулларга тўлдир,
Унда ўзинг ёлғиз думала.
Фарзандларингни ўзинг ўлдир
Қўлларингдаги қонни ялаб:

"Одам, сенга завжа бўлмайман!"

Бошинг кесак, тилинг бир тишлам,
Муҳаббатинг мангу – Азозил.
Миямизни тўлдир емишга –
Муқаддас китобларни соғиб:

"Одам, қучоғингда тўлмайман!"

Ўзинг устун, ўзинг ошуфта,
Ўзинг севги ва лаънат ўзинг.
Давомийликни буткул тўхтат
Ҳирсий ҳаракатларни бузиб:

"Одам, Ҳавво каби сўлмайман!"

Қул бўлганинг – ўз қовурғангдан
Илгари жон қиласан таслим.
Жунунлигинг қилмаган канда
Фақат Мен! – қовурға эмасдим...

"Одам, мен ҳеч қачон ўлмайман!"

2.Болаларим – сулув қизларим,
Сиз – урчиган суяк миллати.
Сутга ташна қилди сизларни
Одам Ҳавво бағрида ётиб.

Йўлим – Адам эмасдир, тўлди
Нафсим олов тотгани пайти.
Шайтоннинг рафиқаси бўлдим
Яратганнинг исмини айтиб.

Қасамландим қафасда қолмай
Жисмимнинг ҳожатидан қониб.
Ўзим бир бор туғила олмай
Кун кўраман ҳар кун туққани.

Измимда қолгани қонмас ҳирс,
Чанқоғимни қондирмас дард – май.
Шайтонга ёр бўлмай десангиз,
Яратганнинг исмини айтманг...
2023

ФЕРУЗШОҲ

Feruz Ne'matullayev
YuSuF_QaLaNDaR

Баҳора бизнинг расмимизни чизибди)

 
***
Кўкда зар кўланка –
Қуёш порлар дераза узра.
Сабога ёр елкан –
Парда титрар кимнидир излаб.
 
Гардиши айлана
Тақдир битган файзли кошона.
Илҳомни аллалар
Уни излаб келган ҳар соат.
 
Тунги кўк. Минг бир менг –
Мисли сўнги мавҳум интиҳо.
Ҳозирча(!) фақат мен
Токчангизга қўнмаган китоб.

Гўзал ШАРИПОВА

#issiqina_namuna

ЭЪТИҚОД ХУСУСИДА

Бир озодлик зарур, улуғ жангчилар
Қурол-яроқ билан эришолмаган.
Бизнинг халқ шу қадар надомат тилар
Ўзини ҳутларча тутган оммага.

Гарчи бу эркинлик бeрар оғизга:
Гарчи бу боболар тўккан қон учун
Сўзлаш эркинлигин бeради бизга –
Кўрганга ҳургандай тирриқ бир кучук.

Бир озодлик зарур – улуғроқ рағбат;
Шунда дил кенглигин қучар унимиз
Ва бу озодликка етурмиз албат
Эл оғзига элак тутган кунимиз.
2025

ФЕРУЗШОҲ

***
Саҳобим кипригингга осилган,
Сўзимга сўзларинг,
Кўзларимга кўзларинг
Босилган.

Қаерларга борардим сенсиз,
Машриқдан мағрибгача,
Мағрибдан машриққача
Бир йўл бор – менсиз...

Хатим дор, хаттингга ўт қўяр,
Исмингнинг бош ҳарфи англамим,
Бошимга қўнмаган манглайим –
Куя...

Пешонамда чой қайнат, қуёш...
Кўк синган – ўксинган,
Чунки, У мен сенинг кўксингдан
Олиб кетолмайдиган бош...
2022

ФЕРУЗШОҲ

Баъзи ғалати эътирозларни кўрсам, шу шеъримни илиниб, енгил тортгандай бўламан. Манда бирор айб йўқ, жами айб эртакларда!

***
Қурбақани ўпмадингизми?
Қанчалар чиройли яшил лабларни
Ўпмаса бўлмайди!
Бўлмас севмаса!
Эй, қарилик битилган қизлар,
Сарғайган қорлардан балчиқлар ясаб,
Севилмайсизларми?
Севмайсизларми?

Боқинг, ана, перрон, вагонга чиқиб,
Кўзимда ясалинг
Кўзимни ўйиб:
Бақ-бақага дўнсин тўшак бир муҳлат.
Ана, ана перрон...
Ҳирсим бир чиқим
Чиқинди тўкилган челакка дўниб,
Гўзал аёл каби чўчқадек ухлар.

Бас қилинг!
Ўтмишга тупурманг тикка.
Қарғаманг қайсидир калтафаҳмлар
Тўқиб чиқармаган бундай эртакни.
Қурбақа ўпмаган аёллар туққан
Ишвага чўктириб, панага имлаб
Эплаб ўполмаган сўтак эркакни.

Поездда
Жасорат сингари ҳуркак
Руҳим гуноҳимдан далолат излар:
Бир аёл ухлайди — чўчқада изми.
Ҳар ҳолда, турмушга айланган эртак...

Сиз-чи, эй, бахтини топмаган қизлар,
Қурбақани ўпмадингизми?
2024

ФЕРУЗШОҲ

Меҳмонимиз қуруқ қўл билан келмабди…

Шу китоб неча пулга кетаркан-а?!

Баҳорам – энг ширин меҳмоним келди Юнусободга!

АЛЛАНИМА

Ҳамид Олимжон бекати,
Одамлар оқими тинмайди.
Поездларни кимдир экади –
Жуда улуғ ва жуда майда.

Икки тумтоқ тақдирга ҳазил
Уюштирар чиптасимон қалб.
Танқидларга кўмилмоқда дил
Занглаб қолган вагонга ўхшаб.

Ер қаърида фоҳиша баҳор
Севилмоғи, севмоқлиги шарт.
Икки инсон умрида илк бор
Хайрлашмоқ учун учрашар.
2025

ФЕРУЗШОҲ

Одам гавжум, кучли оқим. Лекин негадир доим мани туртиб ўтишади. Кимдир тепиб юбориб узр сўрайди. Ҳайронман, она табиат “кераксиз вақтда кераксиз жойда туғилдинг”, демоқчи бўладими, ҳайронман.

МЕТРО

АСО

Бунча илоҳийсан?
Қудратинг чексиз…
Мақсад айлагайсан некбин ҳавасни.
Мусо косов билиб, тошларга экса,
Озод ўсимликдай гуллайсан расман.

Қувонч баҳш этасан ғамгин кунларга,
Жуда мураккабсан, сеҳрга мойил.
Мўжиза ясайсан ўзга қўлларда
Ва менинг бошимда синасан доим.
2025

ФЕРУЗШОҲ

Эшик остига ташлаб кетилган қоғоз пакетнинг уст қисмига қўлда манзил киритилганди: “Жаноб ва хоним Люис, 217е, ўттиз еттинчи кўча, Ню-Йорк, 10016.” Жўнатманинг ичидан усти шиша қалпоқ билан қопланган, ягона тугмачага эга ёғоч қути чиқди. Норма қалпоқчани очишга уриниб кўрди, бўлмади. Қутининг пастки қисмига хат битилган қоғоз маҳкам ёпиштирилганди: “Жаноб Стюарт 20:00 да ташриф буюради”…

Ричард МЭТИСОН
ТУГМАЧАНИ БОСИНГ
ФЕРУЗШОҲ таржимаси
https://kh-davron.uz/kutubxona/jahon/richard-metison-tugmachani-bosing-hikoya-feruzshoh-tarjimasi.html

ИДЕЯ

Одам гавжум нуқта
Фоҳиша бекат
Иккиқат
Туғади сайёҳаларни
Маюс тикилади паришон тўхтаб
Мен оталик қилган омманинг ярми

Эй гули тўкилган
Яланғоч дарахт
Нечун сен автобус кутасан ҳар тонг
Ёмғирнинг мунгини симиради бахт
Ақлимдан дарахтни суғиради онг

Санайман ақчадек
Муслимий салиб
Масжид кўкаради ўрикдек кечки
Қўлимга оламан сўнгги чиптани
Бугун мен ўлмайман
Туғмайди ҳеч ким
2025

ФЕРУЗШОҲ

МАҚТАНЧОҚ ШОИРГА

Ўзингдан шоҳ Салтан ўтирма ясаб,
Суҳбатинг — сиқилган сузма халтаси.
Ўриндиғ чангини ишққа ўрасам,
Сен шу чангни кетинг билан артасан.

Ошиқма, гап сотиб куйдирмагин жон,
Аслим шу, ташхисим: иккиқат дардга.
Шунчаки, кўзимга кўринганинг он
Юзингдаги чангни келади артгим.
2024

ФЕРУЗШОҲ

МИРЗО УЛУҒБЕК

Феруза назарли тилла узукка
Камарий низолар тортаркан парда
Авратин беркитган қоронғуликда
Муғулий чеҳралар қордек оқарди.

Кўзма-кўз – нигоҳий суҳбат кўпирган –
Юлдузий томчилар чойдаги оққанд...
Эр-Тўнга лаънати ўзбекча – кўркам
Қулоққа элтади – сотқин қулоққа.

Айтарлик кўчмайди тишдан нарига,
Сўқирга айланиб кузатар майит
Кафтида торайган кенгликларига
Сиғина бошлаган қурбонликдайин.

Ҳа, алмашилмаган бир илоҳий кек
Мангу оғриқ каби ҳар тун осади
Фалакка – фалакнинг тул фонусидек
Темурийзоданинг нурсиз жасадин.
2022

ФЕРУЗШОҲ

Суратда "Доктоp Хаус" – Хью Лори ва унинг севимли рафиқаси. Актёр бу ролни бекорга қойиллатмаган. Унинг табиати ва дунёқараши ўрта оммадан анча юқори ва сирли.

t.me/Feruz_Nematullayev

***
Қулоғингни бурадим, само!!
Тўкилиб тушмайсан елкаларимдан
торлари узилган гитардек ҳамон…

Кўнглимнинг ярми ҳур, ярми ярим дард;
Ярми узалганча юлдузлар томон
Тўкилиб тушгайдир елкаларимдан…

Чуқур уйқу қўнғироқ қилар:
– Алло?
…мен чўнтакка ҳаловат тилаб,
яшайман ҳалол.

Булбул сайраб уйғотар тонгда
Руҳимдаги рангли сувратни.
Одамийлик ҳиссини онгдан
Деразани артгандек артди –
Аёллар.

Зинадан пастлайди ҳайбатли шоир,
Мен эса… ўпаман унинг сочини.
Ташриф буюради подъездга худойим –
Шаффоф деразалар кетар очилиб.

– Алло?
– Илиб қўйинг, бахтим, гўшакни.
– Салом!

Рандаланар занахдон шакли…

Оҳ, хаёллар чўри!
Чўри Сувайба,
Шеърларимга кўкрагингни тут.

– Тут… Тут… Тут…

Бир кишига кенгаяр майдон;
2025

ФЕРУЗШОҲ

Бугун Нурмуҳаммад Абдузоирнинг концертида дўстона хизматда бўлдим. Видеога олгани учун Иродага ташаккурлар!

ФЕРУЗШОҲ

#Yangi_Tarjima

***
И я слыхал, что Божий свет
Единой дружбою прекрасен,
Что без нее отрады нет,
Что жизни б путь нам был ужасен,
Когда б не тихой дружбы свет.
Но слушай — чувство есть другое:
Оно и нежит и томит,
В трудах, заботах и в покое
Всегда не дремлет и горит;
Оно мучительно, жестоко,
Оно всю душу в нас мертвит,
Коль язвы тяжкой и глубокой
Елей надежды не живит…
Вот страсть, которой я сгораю!
Я вяну, гибну в цвете лет,
Но исцелиться не желаю…
1818

***
Тингловдимки, илоҳий ёғду
Ёлғиз дўстлик билан бетакрор.
Бусиз насиб этмайди улгу,
Кечиларди йўллар даҳшатвор,
Сирли дўстлик – бўлмасайди у.
Бироқ тингла – бор бир ҳиссиёт:
Қувонч берар, берадир ҳасрат,
Меҳнат, ҳордиқ ва ишқий қиё –
Ўт қўяр ва оловдан асрар.
Уюштирар кўнгиллар қатлин,
У жафокаш бешафқат униб.
Яра чуқур, бўлмайди ҳақли
Яшамоққа умид учқуни.
Бу эҳтирос – қилмас илтифот!
Ул ёғду-ла битадир куним,
Лек дардимга истамам шифо…
1818

А. С. ПУШКИН

Тарж: ФЕРУЗШОҲ

Оҳ, бу шоир бунчалар инсон туйғулари билан ўйнашмаса?! Такрор ўқирканман, инсон хоҳишига бўйсунмасдан юзага келадиган тақдир ҳазиллари, ўйинларини эслайман. Жуда реал! Кузгудаги ҳолатинг каби реал!!

….ГА

Йўқ, йўқ, муҳаббатнинг жўшқин раъйига
Энди мен бўлмасман телбаларча қул.
Озор ҳам бермайман дил оромига
Ёниш, ўрганишга ҳеч қўймайман йўл.

Бас энди, шайдолик етар! Ва аммо,
Не учун хаёлга толмайин бир зум,
Ногаҳон самовий, нозли, мусаффо
Қиз кўзим олдидан ўтаркан масъум?

Томоша қилмоққа тотли шавқ билан
Наҳотки, қолмади зарра ижозат?
Сукутда кузатмоқ, нигор изидан,
Тиламоқ мумкинмас бахту саодат.

Наҳот тилаб бўлмас ҳаёт неъматин
Унга ҳаловату ором ва шодлик?
Ҳаттоки барнонинг қалбига яқин
Рафиқа атовчи кимсага толе?

ЎЙЛАДИМКИ

Ўйладимки, юрак унутди
Муҳаббатнинг эзгу азобин,
Дедим ўтган бариси ўтди,
Ўтди. Қайтиб келмайди тағин.

Ўтиб кетди завқда, қайғуда
Ва ҳавойи енгил умидлар…
Аммо ўткир ҳусн олдида
Тушди яна ларзага улар.

А. С. ПУШКИН

Тарж: ЗУЛФИЯ

***
Бермасанг, саволга жавоб ҳам йўқдир,
Йўқдир хотиротнинг ҳурлик пардаси.
Дўстим, аллақачон сени унутдим,
Шодсан "унутмадим" дея алдасам.

Кўчалар кезаркан пойабзалимда,
Гугурт чақиб ўтар хотирим таниб.
Шодман, бу дунёда мен сабаб кимдир,
"Унутмабди" дея юрса алданиб.
2023

ФЕРУЗШОҲ

Азиз Саид шеъри. Шоирнинг ўзи ўқиган.

https://t.me/vaqt_manzili

АВТОПОРТРЕТ

Жуда узоқ тортилди тутун
Тортилгани каби тарози –
Хаёлларга ботмаслик учун,
Гапирмаслиги учун оғиз.

Тутун шиддат билан пуфланди
Касаллангани каби соғлиқ –
Чиқиб кетмоғи учун тандан
Халққа тегишли оғриқ.

Берганидек шеърига бўёқ
Охирини суюниб тортди –
Сўнгги нафаси эди, гўё
Яшамаётган эди ортиқ...
2023

ФЕРУЗШОҲ

Сашка, мана, 6 йил деганда яна расмга тушдик. Сиз сочингизга қиров қўндирибсиз, ман роса тўлишибман. Вақт айтарини айтибди-да…

СЎҚИР

Яхшиямки икки кўзим йўқ -
Асл башарамни кўра олурман.
Бўшаган тамаки қутиси - кимсасиз с(ш)аҳар ичра кезарман жим.
(Бақириб).
Осмон - йиртиқ ёмғирпўш.
(Ёки уча олмаётган баҳайбат қуш -
Қаноти яра.
Бунинг аҳамияти йўқ.
Ахир на осмоннинг рангги,
На шамойили муҳим.
Энг муҳими - унинг борлиги).
Яхшиямки икки кўзим йўқ...
Дарвоқе, улар кўз эмас - парда.
Кўзларим очилса, парда йиртилгай.
(Йиртиқ парданинг эса кимга кераги бор?)
Дарвоқе...
Яна бир ҳақиқатни англадим туйқус.
Ҳаёт - шу "дарвоқе"лар йиғиндисидан иборат...

Ҳамма қуёшга қараб юради.
Қуёшга интилади...
Ёш ҳам, кекса ҳам,
Соғ ҳам, майиб ҳам,
Бой ҳам, фақир ҳам.
Фақат мен - кечиккан йўловчи
Қолганман ортда.
Бироқ атайин тезлатмасман қадамларимни.
Қолганларга қуёшдан кўпроқ улуш тегишини истарман чунки.
Мен учун муҳими - қуёшнинг мавжудлигини ҳис этмоқ.
Боиси уяламан сўқир бўла туриб қуёшга интилмоқдан.
Дарвоқе
(Тағин ўша сўз)...
Қандай ўзи кўрлардаги уят туйғуси?
Сиз - кўрадиганлар, уялсангиз олиб қочасиз кўзларингизни.
Биздачи? Олиб қочадиган кўзнинг ўзи йўқ.
Демак, ким ҳаёлироқ аслида?
Яхшиямки, икки кўзим йўқ.
Яхшиямки...

Сардор САЛИМОВ

Зулфия зўр таржимон бўлган, десам, кўпчилик жиддий қабул қилмайди. Чакки қилишади!

Ўқиди: ФЕРУЗШОҲ

Тошкентда нарх-наво қиммат! – момом шу гапни такрорлаганча бир пакет олма ва ширинлик олиб келибди. Ташвишга қўймай деб ҳеч кимга айтмай кетаётгандим. Кимдир сотган, шекилли.

Момоларнинг меҳри бўлакча…

Oxirgi postimga juda ko‘p munosabat bildirildi, qarab turmaymiz, yordam berishga shaymiz, degan izohlar yozildi. Elning daldasi umid bag‘ishlab, ulug‘ ayyom kunlari yana bir post qo‘yishga qaror qildim.

Yo‘ldosh Eshbek xalqimizni milliy ozodlikka boshlagan shoirlardan biri. Shunday shaxsning xor-u zorlikda yashashiga tomoshabinlik qilish bizga yarashmaydi. Eng yomoni, bu ahvol surunkali ravishda davom etmoqda. Shoir sovet davridayoq ta’qibga uchragan bo‘lsa, mustaqillik yillarida ham ro‘shnolik ko‘rmagan, 10-15 yilcha uy qamog‘ida saqlangan. Bu, tabiiyki, oilani uch-quyruqsiz muammolar zanjiriga giriftor qilgan. Ko‘pchilik ziyolilar vaziyatni oldindan yaxshi biladi (sabablarini ham), imkon qadar ko‘mak berib keladi.

Yo‘ldosh Eshbek “Yig‘layotgan qiz” timsolida butun dunyodagi barcha ezilgan mazlumlarga, hayotda ko‘p aldangan soddadillarga hamdard, hasratdosh bo‘ldi. Ne tongki, o‘zining ham qismati “yig‘layotgan qiz”ga aylanib ketdi.

Bu dunyo aslida aldoqchilardir!
Bu dunyo aslida yig‘layotgan qiz!

Biror yillar ilgari borganimda Yo‘ldosh Eshbek sobiq yotoqxonaning bir bo‘lmasida yashardi, har holda. Keyin oshxonaga ko‘chib chiqibdi. Oilaviy sharoit shuni taqozo qilgan. Kamida besh jon tiqilib kun kechirmoqda: ota, ona, o‘g‘il, qiz, nabira… Ustiga ustak, shoirni xastaliklar qiynayapti: qand kasali bor, ko‘z ko‘rmay qolgan, o‘t azob beradi… Shu holida ham ijoddan to‘xtagani yo‘q. Og‘riqlar orasida she’rlar bitadi, ulug‘ ulamolarimizdan tarjimalar qiladi (aytib turib yozdirsa kerak).

Avvalgi postim ijtimoy tarmoqda keng tarqalib, yaxshi odamlar amaliy yordam taklifi bilan chiqdi, manzilini surishtirgan ham ko‘p bo‘ldi. Menimcha, hamma uyiga borib, bezovta qilmagani durust. Xijolatli... Do‘stlar bilan kengashib, eng to‘g‘ri yo‘l plastik kartaga ko‘mak yig‘ish deb o‘yladik. Shoirning o‘zi bu haqda eshitishni ham istamadi. Shuning uchun shaxsiy karta ma’lumotlarimni e’lon qilyapman.

👉 UZCARD 5614681908452158 (Djabbarov Farrukh)

👉 HUMO 9860060102409871 (Farrukh Djabbarov)

👉 VISA 4195250040623413 (Farrukh Djabbarov)

Olganing – birovniki, berganing – o‘zingniki, deganlar. Katta elmiz, bir g‘ishtdan qo‘yib, osmono‘par minorlar tiklaganmiz. Millatim deb yashagan shoirini millatimiz yolg‘iz qo‘ymasligiga ishonaman. Imkoningiz boricha yordam qilsangiz quvonaman, imkoningiz bo‘lmasa tushunaman. Postning ko‘proq odamga yetib borishiga hissa qo‘shing ��

🗄Farrux Jabborbek

***
У кетди. Боғларим шумшайди ғариб,
ғунчалар тумтайиб қарайди менга.
“Кетманг”, дея олдим айрилар чоғи,
“Хайр!” деб бўлмасди ҳеч қачон унга.

У кетди, кетди-ю, энди шум ўйлар
Санчилаверади мисли қора ўқ:
Ў, энди у ҳатто тушларимга ҳам
истаса киради, истамаса – йўқ...

Аъзам  ЎКТАМ

Роса ўқиш қийин бўляпти. Йўқ, тили қиёмида, ҳар бир сатрида соддалик бор. Қурмағур, китоб жуда ноқулай экан – шапалоқдай. Икки қўллаб кўтариб, тумшуғингга олиб келмасанг, чап томондаги саҳифада келтирилган сатрларнинг охирини кўролмайсан.
Майли, борига шукр, деймиз-да энди. Маъсума АҲМЕДОВАнинг “Биллур гулдон” китоби ҳақида валдираётибман ҳалидан бери. Вафо (акам) ФАЙЗУЛЛОҲ қорасўзи билан бошланади китоб. “Мангу куй” қиссаси, бир қанча ҳикоялар ва Мамин-Сибиряк, Куприн, Кортосар сингари таниқли жаҳон адабиёти вакилларидан таржималар жой олган ушбу “шапалоқ”дан.

Мабодо кимдир ушбу китобни қийналмасдан ўқиш техникасини билса, манга айтсин, илтимос.

ФЕРУЗШОҲ

***
Ер – чўкаётган одам...
Ким уни қутқазар, ким?
Мен қараб турибман, сен ҳам,
Турамизми чўккунча токим.

Ҳеч ким бу дарёни тўсмас,
Қуришин ҳам дарёни кутма.
Тўғри, дарё ваҳший, дарё – маст,
Майли, ундан қўрқ, аммо, кетма.

Келгин, узатайлик қўлни,
Бошқа йўлни билмаймиз енгиб.
Кўп оғир, деб ўйлама Ерни,
У – она Ер, жуда ҳам енгил.

Чори АВАЗ

МЕҲМОНДОРЧИЛИК
(ўлим сабаби)

Нонингдан бир тишлам итларга ташлаб,
Ўйноқи сув каби топасан кибр.
Шу пайт қоронғулик ёриша бошлар —
Туғилган ватанинг қандоқ яхшидир.

Давранинг тўридан топасан ўрин,
Оғзингдан тузук гап чиққани учун.
Энди сени кўрса, ийманиб ҳурар
Ташлаган нонингга ташланган кучук.

Ўтган-қайтганингда қўни-қўшнилар
Ҳурматинг дастидан дастурхон ёзар.
Киракаш ўзига йўл ҳақи тўлаб,
Бозорлик қилади сен учун бозор.

Бу ватан... Нақадар гўзал, тинч экан!
Итдек боқишади... Паловхон... Дўлма...
Тутиб қолмоқликка ботинмас ҳеч ким
Ўзга дастурхонга узанган қўлни!

Бу юртда(!) ҳеч кимса очликдан ўлмас...
2024

ФЕРУЗШОҲ

***
Туннинг яланғоч баданида
Қўрқув бор.
Бордир бир сурат.
Уйқуда ётганлар уйқудан
уйғоқлар юзига тупурар.

Киприги қулаган афтларда
Кўкара бошлайди ўсимлик.
Бир тарафни зўрлар тарафлар
Эҳтирос кўрмаган кўзимда.

Дарё бўлаётган ёмғирнинг
Томчиси тушмади қайларга...
Суқилишни билмаган бурним
Темур ханжарига айланган.

Шаҳар етим.
Бу етимчанинг
Авратини ёпмас қаламлар...
Ухлаб ётар ярим кечада
Одамлар тўшагини намлаб

Б
Е
П
А
Р
В
О
!
2022

ФЕРУЗШОҲ

Бугун соат 21:00 да онлайн суҳбатлашамиз. (Ғалати эшитиларкан.) Адабиёт, жаҳон адабиёти ва таржимачиликнинг савияси, қолаверса шеърият ҳақида суҳбат қуришни истаганлар,

МАРҲАМАТ!

Paxmoq sochlaringni silar ekanman…
https://youtu.be/bngcx3cqrEg

Ҳаммамиз ҳам қалбан боламиз. Шу десангиз, акробат тошбақага дуч келиб, ҳайратим қўзиди. Бечора, одамлардан без бўлганидан қўрқмайди ҳам.

Toshbaqa time

Техника кўп жойда қўл келади. Биламиз, Италия тенорлар, шаффоф юқори ноталар мамлакати. Шу видео орқали баритон овоз тенорона техника билан куйласа қандоқ ажиб шакл вужудга келишини билиб олишингиз мумкин.

Куйлайди: Александро Сафина – Луна ту (Фақат Сен)

***
Кўпдан кутган эдим орзиқиб, мана Булутлар тарқалди тўкишиб кўз ёш. Хаёлим осмондай ёришди яна, Ёруғ кунларимдай порлади қуёш.

Шошқин дарёларнинг зангордир лаби, Шамоллар ўйнайди йироқ йироқда. Юргил, сайр этайлик, юргил, малагим Дунё ташвишлари қолсин узоқда…

Кўряпсанми, қандай яшармиш олам, Бепарво гўдакдай жилмаяди жим. Гудагим, бу чирой қайтмайди ҳечам, Қайтмагани каби менинг ёшлигим…

Бугун бош устингда яшнаган япроқ, Шовуллаб тўкилар эрта пойингга. Бу учқур йўловчи солмайди қулоқ, Сенинг илтимосинг, сенинг раъйингга…

Хазонли августнинг бирор оқшоми, Уни кўрарсанми тушингда такрор? Майлига, ўзгадир кузнинг илҳоми. Бугун-чи, кўз ташла, атрофда баҳор!

Қани, қўлгинангни бергил жимгина, Шу маъсум йўлчига қўяйлик ихлос. Шоирлар алдайди бизни, жонгинам Баҳор доим эмас, уч ойдир холос…

Абдулла ОРИПОВ

ҲАШАРОТ

О, ўзимга ҳайкал қўймадим,
Ажриқ босган йўллар – хатала.
Бахтсизликларимдан тўймаган
ҳаёт қилар яшашни талаб.

Қарисам қарибман, майлига,
Ўсиб чиқса беўхшов қорним.
Асаб толасидан – қайлага
аралаштирмасам бўлгани орни.

Қадар имлосидаман ҳамон,
Тақлидларни киприкда қучиб,
Кўкларда хўб ёзгандим қанот
ерга қулаб тушмоқлик учун.

Илдизимдан униб чиқди дард…
Дўстлар-чи… жим кузатар жиддий
Янги Ўзбекистон сарҳадларида
сўзлаш мумкин эмасдай худди.
2025

ФЕРУЗШОҲ

Туғилган кунингиз муборак бўлсин!

* * *
Азизим, дунёнинг бўлгани шуми,
Ҳаёт аталарми шу дову даска?
Эслайман, руҳимнинг туғилган куни —
Анча юксаклардан қарадим пастга.
Дунё кенгга ўхшар.
ҳаво беадад,
Соя ташлаб ўтар қуёшнинг акси.
Орзу ушалдими?
Муроду мақсад —
Кўрган-кўришганим шуми ҳаммаси?
Яшин тезлигида учдим — беқанот,
Шунақа бўлар деб, яшаш тилсими.
Азизим, не кўйга солмади ҳаёт —
Руҳимнинг кўриниб турган қисмини?!

***
Гўё икки қўллаб ёпишгандай дард,
Гўё топган каби фақир тенгини.
Мен лўли мисоли елкамда фақат —
Сезаман осмоннинг оғирлигини.
Шунга бўйим ҳам паст.
Қисқадир дастим,
Ёш-ку, ўтиб бўлди.
Йўқолди куч, шашт.
Озгина бўлса ҳам ноқулаймасми —
Бир умр бировга суяниб яшаш?

Хосият РУСТАМОВА

Биз 2017 йилдан бери биргамиз. Баъзан учинчи жаҳон уриши юзага келади – кимда бўлмайди дейсиз?! Ўша йиллар ҳам расмга тушганмиз, сақланиб қолмаган. 2019 йили компьютеримни сотиб олгач сақлаб қўядиган бўлганман. (Табиатан тартибталабман!)
Илинаётганларим 2019 (2018 бўлиши ҳам мумкин.) олинган. Ўзим ҳам бундоқ ортга қараб олдим шу баҳонада.

Туғилган кунинг билан, аёлим!

***
Сокин оқшом;
Сен ва мен:
Қайтамиз болалик чоғларга.
Умримиз нур тезлигига тенг,
Фарқимиз ҳам шудир соғлардан.

Яхши-ёмон кунларни санаб,
Чўнтакка жойладик дамба-дам.
Бахтсизликлар қилди тантана
Куттирди кўп биз кутган одам.

Тораймасин қароғинг эни,
Қаритса-да телба чоғлар гар.
Сен мени сев;
Суяйман сени.
Кунимиз қолмасин соғларга.
2025

ФЕРУЗШОҲ

ОНА

Булут қоплаб, қораяркан кун,
Нур тиландинг кўкка қадаб кўз,
Малинали ёмғирлар учун,
Сепмоқ учун олмаларга туз.

Навниҳол боғ билмас яшашни
Қуёш сийламаса нур ила
Ва илк бора осмон тўқнашди
Хавотирли нигоҳлар билан.

***
Кучли аёл бўлмоқ – чикора,
Ён-верингда бўлмаса ёр-дўст.
Осон кечар бунда ёвқараб,
Қамчи урмоқ, қилмаслик афсус.

Заиф аёл бўлмоқ-да осон,
Гарчи олис ётлар сийлаган.
Оқиб тушар кўзларингдан жон
Оқ сут билан тўлган сийнага.

***
Сиз биланман, эй башар аҳли!
Неки кенгаш – бўлса ҳам сароб.
Мақтовимга сизлар кўп ҳақли
Шамол ҳоким манзиллар аро.

Заруратми тўйларингизда
Қичқирганим: “Не ҳою, ҳавас?!”
Ахир буюк қуршовингизда
Бир сиқим қум заррасиман, бас.

Қуёшнинг ҳур нурига иниб,
Бир ҳақ сўзга тополмам ғайрат.
Шаҳарнинг тош кўчаларини
Кезарман ва туярман ҳайрат.

ТУШНИНГ ЁДИ

Муюлишнинг бўрони қадар…
Ва қўнғироқ… Ложувард алҳон…
Кимдир мени севиб ўпади.
Ва кимнидир севиб бергум жон.

Уйғонарман, қочар талваса, –
Эркин шамол қиладир сажда.
Шууримга ўзини осар
От, занжирли почта ва аждар.

Наталья ПАНОВА

Тарж: ФЕРУЗШОҲ

***
Жўра, бирга олис уфққа боқдик,
Қушга айланмоқни айладик ният.
Бироқ нафс келди аллақаёқдан,
Ақл мевасига тўйинди мия.

Энди ёнма-ёнмиз, салом насия,
Аҳвол сўраб ўтар ўткинчи фасл.
Кўксимизга болиш ҳасратин суяб,
Фақат хайрлашмоқ бизларга насиб.

Қорин тўмпаяжак қабрга доир,
Гул қўяр киндикка қон тўкмас башар.
Нимага эришдик юракни койиб? –
Хаста юракларда шоирдек яшаб?!

Энди оғринамиз симобдек латиф,
Кўксимизга осиб қарзимизни шаън!
Жўра, ўлолмадик ҳеч қойиллатиб,
Қойил қилолмасмиз ўлмасликни ҳам…
2024

ФЕРУЗШОҲ

“Чашма” ижодий тўгарагининг шоираларидан шеърлар:

***
(Мавсумий таъсир)

Кечмишим чекаман гоҳи тутатиб,
Нафосат нафассиз қолган.
Бедаво...
Борлиқ тубанлашар тубанлик ортиб.
Тўйимсиз тамошо, тўй-даврон!

Манглайим саёҳат учун сайилгоҳ,
Бунда йўл – келажак.
Ўтмиш мустасно.
Кўзойнак тақилган қалбимда нигоҳ
Ожиза, шунингдек, шу асно...

Итоат истамам ўзим ўзимга,
Ёғилар самодан қиёфам — жола.
Хазонрез мавсуми чеҳрамга инган,
Қисматим – миллий кўк пиёла.

Гўзал ШАРИПОВА

***
Кечикиб келасан...
Баҳордек мунгли,
Дардимдек ожиза, бахтимдан ширин.
Ойнага мих уриб ташланган кўнглим
Юзингга урилиб йиғлайди, сим-сим.

Кечикиб келасан...
Мен кутган каби
Эртакнинг сўнгидай яхшилик тилаб.
Кўкламнинг ортидан қиш келар балки,
Сўзим тугайверар фақат сен билан.

Юз қайта очилиб,
Сўлийди ғунча,
Тун ойнинг дардида бўлди кўр, дайди.
Кутиш гуноҳ бўлса...
Сен келгунингча
Ўлимни соғиниб тураман, майли.

Нозима АШУРОВА

***
Тун кирди... Фалакка бўёқ тўкилди,
Боқдим... Ёш тўкилди, нигоҳ тўкилди,
Шашқатор-шашқатор гуноҳ тўкилди,
Силкитдим кўнгилни,
Ё Парвардигор!
Фақат шеър тўкилди, сиёҳ тўкилди,
Бир оҳ тўкилмади мендан, азизим.

Кечикиш ўзимдан, пушмон ўзимдан,
Ўзимга дўст бўлган душман ўзимдан,
Ахир юрак эди ботиб кирганинг
Ё жоним бўғзимда, жоним бўғзимда!
Тўкилди киприклар, учди кўргани
Фироқ тўкилмади мендан, азизим.

Куз бўлдинг, бағрингга диллар тўкилди,
Тиз бўлдинг, чўккани қуллар тўкилди,
Чарх уриб-чарх уриб миллар тўкилди,
Жавобим сен бўлдинг,
Ё Парвардигор!
Фақат биз тўкилдик, йиллар тўкилди,
Сўроқ тўкилмади мендан, азизим.

Флора УЗОҚОВА

***
Menga dast bermanglar!
O'zimga ayon
Kim qanday yashashi kim uchun to'g'ri.
Osmon ham ermaklab tuz separ har yon,
Yaramni yangilar og'riq bo'gilib.

Men deb yosh to'kmanglar!
Bilaman yolg'on:
Ochun ham sirtmoq deb bo'yinbog' taqqan.
Qalb ipin so'kmanglar...
Otilar vulqon
Va oxir bir kuni yetar u Haqqa.

Гўзал ШАРИПОВА

***
Биродарлар,
Маҳаллангизда
Бир аёл бор -
Бефарзанд аёл.
Кўп кўзикмас... ийманар сиздан,
Оғриқлари ўзига аён.

Манглайига сингиб кетган туз
Кечалари милт-милт эрийди.
Эри яхши кўради... афсус...
У ҳам яхши кўрар эрини.

Бир-биридан яширар тушин,
Яшайдилар бир-бирин асраб.
Тушунади ҳатто говмуши,
Берар эккан оққина ҳасрат.

Бир мискин у... ҳаётнинг барча
Даъвосига жимгина кўнган.
Бир мискин у... бевафоларча
Келажаги ўтмишга дўнган.

Биродарлар,
Ҳақ ҳукми етиб,
Қабоғлари ёпилар куни -
Мозорига бешикда элтиб,
Алла айтиб кўминглар уни!..
1997

Нодир ЖОНУЗОҚ

Нашриётлар диққатига!!

Ричард Мэтисоннинг “Мен – афсона” романи ва бир нечта ҳикояларини нашр этмоқчиман. Харидорлар бўлса, марҳамат!

Алоқа:
99-759-66-40

ФЕРУЗШОҲ

Кеча тунда компьютеримни тозаларканман, шу суратни кўриб қолдим. Ўша йили туғилган кунига яқин қолганда суратга олгандим. Кўп ўтмай, омонатини топширганлар.
Бироз оғриниб, тағин ишимда давом этарканман, момомнинг овози ёзиб қолинган видеони (ўзим билмаган ҳолда) очибман. Шундоқ болалигим қуйилиб кела бошлади…

МОМО

1.Оёғингни силадим,
Лабларимни босдим...
Олиб кетгани ким келади,
Қайси куни, қайси либосда?

Оёғингни ўрадим –
Муз бармоқларингни.
Кўролмасам...
Ким кўради
Яратганга бормоқларингни?

Бўйларингдан, деб айт,
Айт, дунё тор, дегин.
Дунёйимга дўнди қайси пайт
Бу дунёда сенинг борлигинг.

Пешонангдан ўпдим,
Ўпдим ажинларни.
Бутунлигида бунча кўпдир
Турмушимнинг тўлмаган ярми...

Ҳақиқатлар – сароб;
Жозибали оғриғинг;
Қандай (қилиб) ҳотиржам қараб,
Сўрай олмоқдасан соғлигим...

2.Оппоқ, сийрак сочинг ўрилган,
Кўзларингнинг оқи заъфарон.
Елкадор Шоҳ бўлиб кўринган
Феруз эмас, шунчаки сароб.

Атрофингда одамлар – қабр –
Тангри руҳининг бир бўлаги.
Кўриниб турса ҳам, барибир
Аҳволингни келар сўрагим...
2023

ФЕРУЗШОҲ

Санъатга руҳан яқин муаллима Ирода Абдулазизовна дарс ўтса, қандай яхши. Аоранг билан баҳо олаверасан. Курсдош апам Малика Кадирова ёзиб олган эканлар, сизга ҳам илиндим.

ФЕРУЗШОҲ

РАФИҚАМГА

Вазни оғир баҳор фаслининг,
Кўтармасмиз, кучимиз етмас.
Револуциямиз, аслида, –
Кўксимиздан узилган, – этмас.

Шудринг эмас, тонг тутар атлас,
Тўйдирмас, йўқ, эл удумлари…
Қачонлардир такрорласак, бас, –
“Болам учун!” – деган жумлани.
2025

ФЕРУЗШОҲ

ТЎРТЛИК

Мавжудсизлигимга шартта тупурсам,
Умрим илдиз отар, кўкка чўзиб бўй.
Борлигим кимнидир қилади хурсанд,
Менинг йўқлигим ҳам кимларгадир тўй.
2025

ФЕРУЗШОҲ

Баъзан, Рауф ПАРФИнинг башоратчилигини исботлаш учун, шунчаки яшаш керак, деб ўйлаб қоламан. Домланинг шундай мисраси бор эди:

Калла келтирган ким, калла кесган ким?!

* * *
аёлга

Тонгни кузатаман...
Сен уйқуда...
Субҳ – сўзингдек мусаффо оқлик.
Тушун ахир, тушун
Беҳуда
Менда одамзотга ишқ уйғотмоқлик.
Мен сўзман,
Сийқаси чиққан
Эски сўз.
Сўзсан –
Ҳали лабга нафас урмаган.
Тақдир ҳазил қилган,
Ахир иккимиз
Бирга бўлолмаймиз ўлмасак агар...
Токай сас тингланар торсиз ҳар торда,
Сўзи бор кўзларинг тўккан ҳар ёшнинг.
Тутиб ол,
Пойингга думалаб борган,
Сира эгилмаган...
...узилган бошни.
2021

ФЕРУЗШОҲ

Дантенинг “Дўзах”идан хабаримиз бор. Илоҳийликка алоқадор комедия деб таърифлашнинг кераги йўқ. “Илоҳий комедия”нинг комедиялиги жанрнинг якуний қисмидан олиган, холос.
Хўп, чалғимайлик, “Дўзах”ларни шахсийлаштириш айнан шу ижодкордан бошланган. Терцинкалар асосида бунёд бўлган асарни севиб, ҳушомад билан ўқийдиган ўқувчилар йигирма саккизинчи қўшиқ, тўққизинчи ҳалқада аҳволидан нолиётган Муҳаммад (с.а.в) ва боши нақд иккига бўлинган Али (р.а)ни пайқамайдилар ҳам. Бу, энди, таржимоннинг маҳорати.
Тасаввур қилинг, дўзахда рашк, муҳаббат, эҳтирос, уят, ҳид ва таъм йўқ. Қолган барчаси биз яшаб юрган оддий ҳаётдай бир нимарса.
Ҳа, бу фильмда шунга гувоҳ бўласиз. Қаҳрамон шахсий “дўзах”ининг бир ҳалқасидан иккинчи ҳалқасига бадарға қилинади.
Эслатиб ўтаман, 18+ кадрлар мавжуд, ёшлар ва психикасида бузилиш бўлган инсонлар кўрмасин.

Қолганларга айтарим шу:

Мароқли томоша!

Ташқи олам таъсиридан узилдинг ва яшаяпсанми?! Демак, сен ё илоҳ, ё буддасан. Шоирларни кузатар, кашфиёт қилишга уринарканман, англаб етаман: бу замин (ер сайёраси) атмосфера сеҳри билан ўпкасини қондираётганларнигина ер тортиш кучидан озод қилади. Бу, ҳалиги, атеист маҳдуд, художўй озод дегандек гап.
Хўш, юқоридаги палсапанинг қуйидаги шеърга алоқаси йўқ. Шунчаки, мириқиб ўқинг!

Марҳамат:

***
Шайтонга
дўнмаган
аёлнинг
туши
ёруғлик
тушмаган
кулбада
асир,
намозшом
сўрида
тўшалган
бўшлиқ
не-не
гадоларнинг
қўнжига
насиб.
Турналар
кўз
тиккан
баҳорий
хилват
тулпор
кишнамаган
кенгликда
етим,
кўксига
гул
таққан
алмисоқ
жилва –
бодом
ҳам
тул
қолган
уйқуга
кетиб.
Паришон
хаёлга
гўшанга
излаб,
хумори
қонмаган
жонона
дорнинг
остида
жон
берар
такаббур
қизлар
ва
гўдак
кўтармас
гуноҳкор
қорни!
Тағин,
талвасага
берилсанг,
ёғий,
дардингни
аритай,
айт,
қайси
тонгда?!
Худкуш лаҳзаларнинг хумори оддий:
гуноҳ юклаш мумкин фақат шайтонга...

Шайтонга дўнмаган аёлнинг туши
ёруғлик
тушмаган
кулбамда

асир...

Бекзод ЖЎРА

***
Уйқунинг белига эгар ташлаган
Хаёлларингга ташналик.
Ой кир ювар – лаган,
Киприкларни ювар ҳали.

Чой ичади қиш, столимда
У ҳақида сўзсиз китоб.
Кўйлак бичилган оламдан –
Ёқаси тор.

Ўргилгани шамол,
Сўрагани бўрон, ёмғир, дўл.
Учиб келмоқда мен томон
Қўлларингга ўхшамаган қўл.

Уйқуни чақира бошлайди
Рўёга айланган воқеа.
Кўзимга келмаган ёш, чой, деб
Ўзини лабларимга қўяр.

Эшик деворга тиш илади,
Пардани деразалар эмар.
Қучоғимга кириб келади
Вужудингга ўхшаш бир нима...
2023

ФЕРУЗШОҲ

***
Наргиз чеҳра оромижон, кўзларингни яширма,
Сенга жоним бўлсин қурбон, кўзларингни яширма.

Тортинмасдан бергил жавоб, кўзларингни яширма,
Соф севгингни тутиб пинҳон, кўзларингни яширма.

Пайваста қош, киприги ўқ, сен моҳитоб жанона,
Ҳар соҳада, малоҳатда ўзингмишсан ягона.

Сенга ногоҳ кўзим тушса, малаксиймо маржона,
Қалбим сири бўлгай ошкор, кўзларингни яширма.

Ижозат бер, сенинг билан бирликда сурай даврон,
Ҳар боқишинг дилга ором, кўзларингни яширма,

Сизга атаб ғазал ёзсам, мисралар келди равон,
Суришайлик бирга даврон, кўзларингни яширма.

БИР КЕЛУБ КЕТСУН

Сабо арзимни еткур, моҳитобон бир келуб кетсун,
Тамоми ҳусн элининг шоҳи-султон, бир келуб кетсун.

Тутарга бир дами суҳбат асиру нотовон бирлан,
Дариғ тутмай нигорим бўлса имкон, бир келуб кетсун.

Неча кундан бери кўрсатмайин васлин соғинтурди,
Тараҳҳум айласун ул шўхи жонон, бир келуб кетсун…

Қафас ичра всирам андалибдек доғи ҳажридан,
Агар бир марҳамат қилса гулистон, бир келуб кетсун.

Ва ё қилмоқ эса қурбон бу зулму кори боридан,
Олиб қўлига ханжар марди майдон, бир келуб кетсун.

Фироқи фирқатидан етди бошим бистари ғамга,
Кўрарга ул ҳакими кобилистон бир келуб кетсун.

Кетуб тандан мадорим, гул юзим чун заъфарон ўлди,
Дилимни қуввати, дардимга дармон, бир келуб кетсун.

Агарчи мандан ўтган бўлса ҳар саҳву хато дилдор,
Кечурсин, товба қилдим, юз пушаймон бир келуб кетсун.

Ниҳонийга неча аҳду вафолар боғлаган эрди,
Дегил кўп қилмасун аҳдини ёлғон бир келуб кетсун.

Ҳамза ҲАКИМЗОДА НИЁЗИЙ

ШАҚОВАТ

Гулжамол АСҚАРОВАга

Кўзингиз зулматин ойдин кечада
Мен ичсам, ой ичар ва… ким ичади?!
Кечса, кечганларим мендан кечади,
Қароғим ёш билан тўлмайди, аттанг.

Салқин баҳор фасли ўтмишдир, асли
Сиз руҳни сотдингиз, мен эса наслим.
Қаранг, бу дунёнинг бирор ҳавасли
Кимсаси бахтиёр бўлмайди, аттанг.

Симирган нур эди, куйдирган ҳаво,
Борлиқ моддиятни қилмоқда тавоф.
Бизга эргашганда ахийри авом,
Улкан одим олсак, йўл майда, аттанг.

Кийинг либосингиз, қўзғалинг, тўшак –
Севиш бахти эмас, яратганга шак.
Мен сизга гул экдим ва бу гул бешак
Дил сувсиз қолса ҳам сўлмайди, аттанг.

Шафоат топталур, тош бошга қўниб,
Сотқинлар жаҳонгир бўлар бир куни.
Биз-ку ўлмоқдамиз… умид учқуни
Ўлдирса, ўлдирар, ўлмайди, аттанг…
2025

ФЕРУЗШОҲ

Афғон бародаримизни тинглаб, томоша қилиб роса кайфиятим кўтарилди.

Марҳамат!

ЖАРАЁН

Рухсатингиз билан, ўртоқ сотувчи,
Жигарни майдалаб, мақтаб улашинг.
Бўйнимга урилсин энг аввал пичоқ –
Жозибали чиқсин Шоир қулаши.

Қарзимга ҳисоблаб олсин яқинлар,
Тарозудан урманг, ҳалол иш кўринг.
Чиқиндига ташланг кесиб ажинни –
Таъмни булғамасин пешонам шўри.

Етим-есирларга қилинг садақа
Ўпкамни – ҳавоси билан илининг.
Кўзимни кучукка едиринг (фақат) –
Бахтсиз бўлганлигим қолмас билиниб.

Башарга тегишли – қайтсин ҳар бўлак –
Вужудим ва Шоҳлик қилмаган исмим.
Фақат, юрак қолсин.
Фақат шу юрак –
Кимгадир тегишли бўлмаган қисмим...
2023

ФЕРУЗШОҲ

Сен нега алдандинг...Хуршид Даврон шеъри. Ферузшоҳ Неъматуллаев ўқиган
Раҳмат, Ферузшоҳ дўстим!

Хуршид ДАВРОН
"ҚАҚНУС" КИТОБИДАН (1987)

* * *

Сен нега алдандинг?!
Бир парча зар деб,
Ё оний шуҳрат деб нега алдандинг?!
Сен ўзинг ўғрига дўст бўлдинг аввал,
Сен ўзинг ўғрига кейин таландинг.

Кўзинг нурли эди,
Бугун тўла ёш,
Қанотинг бор эди, уни қирқдилар.
Тилингнинг остига собқўйдилар тош,
Сенга ишонганлар сендан қўрқдилар.

Сўзлари оловли,
Товуши учқур
Қушингни қафасга солиб қўйдилар,
Ҳар куни ўзингга билдирмай бир қур
Ул қушни занглаган тиғ-ла сўйдилар.

Энди сен ҳам улар пичоғин олиб
Сўзлари оловли,
Кўзлари учқун
Қушларни излайсан нафратга тўлиб,
Уларни бошидан айирмоқ учун.

1986

Ўзгача кайфият эгаси, тузуккина яна бир шоир ҳам ушбу кунда туғилган. Туғилган кунингиз муборак бўлсин, ака!

...га

Қайсидир эшикдан ўтишинг учун
Сўроқларга дуч келдинг;
Қайсидир йўлакни тутишинг учун
Ботқоқларга дуч келдинг;

Ҳали қанча имтиҳонлар бор,
Ўқишга, ишга...
Имтиҳондан ўтдинг, эҳтимол,
Баҳорда, қишда.

Саволларга жавоблар бердинг
ёзда ё кузда –
синов онида.

Йиқилавердинг –
қорайиб кўринди қуёш ҳам кўзга...
ўтолмадинг ХИЛВАТ имтиҳонидан.

... ҳали имтиҳон бор!

АКСИОМА

Қор остида мўлтирар майса
Баҳор келар ёмғири тинган.
Ҳеч бўлмаса ғичирламайсан,
Сен нега "Дод!" демайсан МИНБАР!

***
Илиндим ғам тўрига
Ичим бўм-бўш Оймомо.
Оч-наҳорнинг қўлига
Нон бўлиб туш Оймомо.

***
Тоғ устига қадаймиз туғни
Чуқурларда қадам босамиз.
Сигиримиз туғди, эчкимиз туғди
Бироқ оқармади косамиз.

Зоир АЛИМ