Лавровга раҳмат: ўзлигимизни бир “туртиб” бергани учун!

Россия Ташқи ишлар вазири Сергей Лавровнинг кечаги тил масаласидаги гапига депутат, журналист ва фаоллардан яхши жавоблар бўляпти.

Хусусан, журналистлар Навбаҳор Имомова ва Ибрат Сафонинг чиқишлари эътиборимни тортди. Ростан ҳам, бизни ҳозир қатъий ва мустаҳкам ўзлигимиз, жипслигимиз ва ўз тилимиз қутқаради.

Лавровга ўзи меҳмон бўлиб борган МУСТАҚИЛ мамлакатдаги ёзувнинг рус тилида эмаслиги ёқмаса ёқмабди, бу унинг муаммоси. Лекин биз буни ўзимизнинг муаммога айлантирмайлик. Аксинча, ўз манфаатларимиз йўлида ўзбек тилини ривожлантиришдан қолмайлик.

Тил борасида “майда-чуйда масала” деган гап йўқ, ҳамма нарса муҳим. Кўпинча ўзбек тили ҳақида тармоқда баҳслар чиқса ё таклифлар айтилса, “ҳамма муаммоларимиз ҳал бўлиб кетдими, фақат шу қолдими”, деб энг охирги ўриндаги, умуман муҳим бўлмаган масаладек муносабат билдирилади, аҳамияти пасайтирилади.

Куни кеча твиттерда бир фаол “ўзлик”ни баландпарвоз гап деди. Унга эргашувчилар кўп эди, улар учун бу аҳамиятсиз ёки тушунарсиз нарса эди. Балки бу ўзлик нималиги шу пайтгача тўғри тушунтирилмагани, уни фақат ёзувчи-шоирлар асарларида айтишгани-ю бирор олим илмий категория сифатида таърифлаб, тушунтириб бермагани натижасидир.

Лекин кимдир четдан келиб ўзлигингизга тегса, шунақа сезасиз, қаттиқ тегади. Бу баландпарвоз гап эмас, реал воқелик эканлигини ҳис қиласиз.
Чунки тил – ўзликнинг ўзаги. Бу менинг гапим эмас, машҳур олимларнинг гапи.

Фақат бу туйғуни тепиб эмас, гижгижлаб эмас, тўғри тарбиялаб, парваришлаб вояга етказиш керак. Шунда пояси тик дарахтдек бўламиз.

Лавров воқеаси мана шуни яна бир марта урғулади.

Умуман олганда, давлат тили борасида бир қанча яхши ишлар бўляпти: таржима лойиҳалари, стартаплар. Куни кеча Мактабгача ва мактаб таълими вазири Ҳилола Умарова имзолаган буйруқ ҳам айни вақтида чиқди: энди ҳамма ўқувчилар таълим тилидан қатъий назар ўзбек тилидан давлат имтиҳони топширади!

Ёки Реклама тўғрисидаги қонун, хусусан, реклама тили борасидаги талаблар ижросини таъминлаш бўйича Рақобатни ривожлантириш ва истеъмолчилар ҳуқуқларини ҳимоя қилиш қўмитаси қилаётган ишлар ҳам эътиборли.

Албатта, осон бўлмаяпти, лекин чекинмай тизимли ишлашяпти. Янада кўпроқ натижаларга олиб бориш керак.

Чунки ҳов Сирдарёнинг бир чеккасидаги балиқхонада давлат тилида бўлмаган меню ёки Сурхондарёнинг Мачайидаги дорихонада ўзбекча бўлмаган дори йўриқномаси – мантиқсизлик-да.

Банкларга кирсангиз кўпининг шартномалари ўзбекча эмас, мижозлар шошганда ўқиб-ўқимай, тушуниб-тушунмай имзолаб кетишади. Буни биров муҳим деб ўйламайди ҳам.

Хафа бўлманг-ку, аслида, Лавровнинг хафа бўлишига асос ҳам йўқ, бизда рус тили жуда эъзозда!

Ўзбек тилини бундан-да ривожлантириш қолди.
Керак бўлса озар, турк қардошларимиздек хорижий мамлакатларда ўзбек тили ва маданиятини тарғиб қилувчи маданий марказлар очиб ташлайлик.

Бунга пул қизғанмайлик, жамоатчиликка тушунтирайликки, бу тиббиётдан, таълимдан ва ҳоказо ижтимоий масалалардан кам аҳамиятли эмас. Бу ўзлик масаласи, бу мустақиллик масаласи!

Сергей Лавровга эса, шу масалаларни кўтариш учун сабаб яратиб берганига раҳмат деймиз ва ўз билганимиздан қолмаймиз!

@shahnozxon

Қонун ким томонда: агентлик, тадбиркор ёки фермер?

Мамлакатда озиқ-овқат хавфсизлигини таъминлаш учун қилинган ҳар бир қадам олқишга лойиқ. Қонунчилик палатасида кўриб чииқлаётган қонун лойиҳаси ҳам шу бўйича.

Лекин қонун лойиҳасининг бошқа тарафиям бор, Агросаноатни ривожлантириш агентлиги судларга ариза берса, давлат божи тўламайдиган бўляпти.

Бунинг орқасидан ушбу қонун билан ким аниқ манфаат олади — агентликми, тадбиркорми, фермерми? Шу савол кўпчилик фракцияларнинг бош эътиборида бўлди. Агар ҳаммага тенг шароит бўлмаса, бу эртага “монопол ҳуқуқи”ни яратмайдими?

@shahnozxon

❗️Футбол бўйича Ўзбекистон ўсмирлар терма жамоаси бош мураббийсига Исломбек Исмоилов «Ўзбекистон Республикасида хизмат кўрсатган спорт устози» фахрий унвони билан, футболчилар эса «Келажак бунёдкори» медали билан тақдирланди.

Шунингдек, Ўзбекистон Миллий телерадиокомпаниясининг «Sport» ижодий бирлашмаси бош мутахассиси Отабек Джураев ва «Футбол ТВ» телеканали муҳаррири Орифжон Толипов «Шуҳрат» медали билан мукофотланди.

Орифжон Толипов (@tolipovorif) "Заковат" телеўйинидаги жамоадошимиз. У кеча шарҳни қиёмига етказди. Ориф Толипов "Заковат"ниям яхши ўйнайди. Чин дилдан табриклайман ва келаётган ўйинларда унга омад тилайман – Орифжоннинг муваффақиятли даври бардавом бўўлсин ва "Заковат" жамоамиз ҳам ютиб кетсин :).

@shahnozxon

Бу йигитлар ҳақиқий қаҳрамон!

Ўсмирлар ўртасидаги Осиё кубогида 17 ёшли футболчиларимиз чемпион бўлишди.

Иккита қизил карточкадан кейин 9 киши бўлиб мезбон Саудияни 2:0 га ютиш — бунга қанча журъат, руҳий ва жисмоний тайёргарлик керак!

Болалар нафақат рақиб жамоага — ҳакамга, рақибнинг мухлислари армиясига, ўзимизнинг подадан олдин чанг чиқарган айрим “футбол экспертларига”, хуллас, керак бўлса, ҳаммага қарши ўйнашди ва ютишди! Мана буни жасорат деса бўлади!

Барака топинглар, йигитлар. Ота-онангизга раҳмат!

@shahnozxon

Уч яшар Нурмуҳаммаднинг дардига шифо керак! Бефарқ ўтиб кетманг, илтимос.

Ижтимоий тармоқда бир неча зиёлилар уч яшар болакайнинг жарроҳлик амалиёти учун хайрия акцияси бошлашди.

Фейсбукда ёзувчи Шукур Жаббор ва шоир Рустам Мирвоҳид гўдак Нурмуҳаммаднинг дардига даво излашмоқда. Мен ҳам бефарқ ўтиб кета олмадим.

Постда айтилишича, оилага синов қўш келган: Нурмуҳаммаднинг дадаси ҳам касал. Боланинг дадаси собиқ ҳарбий бўлиб, қораталоғи ишламай тўшакда ётибди.

Муродов Нурмуҳаммад 2021 йил туғилган. 3 ярим ёш. Унга туғма трахея стенози ташхиси қўйилган. Мутахассислар бу операция фақат Германия ва Россияда амалга оширилиши, бошланишига тахминан 40 минг доллар атрофида сарф-харажат кетишини айтишган. Она бечора қийин аҳволда, умид билан ёрдам сўраяпти.

Келинг, шу гўдаккина тузалиб кетсин, имкон қадар ёрдам берайлик ва дуо қилайлик! Постни максимал улашинг🙏

Барча ҳужжатларни, Нумуҳаммаднинг ҳозирда нажот излаб ҳалак юрган онаси телефон рақамини ва банк картаси рақамини илова қиляпман.

Пул ўтказилса, қанча пул ўтгани ҳисоботини ҳам очиқ, шаффоф олиб бормоқчимиз дейишмоқда зиёлилар.

Пластик рақами:
5614 6812 1276 0031
Шодмонова Ўғилой

Телефон рақами
998 88 638 02 82

Сизни юзлаб йиллардан кейин эслаб юришларини истасангиз, "Хамса" ёзгудек истеъдодингиз, Регистон қургудек давлатингиз ёки канал қазигудек қувватингиз бўлмаса – дарахт экинг.

Тарихчи-манбашунос Ҳилола Назированинг айтишича, Хоразмда Огаҳий эккан тут дарахти бор. Касби мироб (ирригатор) бўлган Огаҳий бир нечта тут дарахтлари эккан экан, улардан биридан ўзига тобут ясашган экан. Яна бири эса унга жонли ёдгорлик бўлиб ҳамон тирик яшнаб турибди.

Шундай ноёб ва ибратли маълумотларни улашаётган олимамизга алоҳида ташаккур айтаман. Унинг Инстаграм саҳифасига ўтсангиз, бундан ҳам ажойиб маълумотларни кузатишингиз мумкин.

Ҳилолахон, ҳавасдамиз, кузатяпмиз. Олға!

@shahnozxon

“Хусусий клиникалар ҳақиқатан ҳам назорат остидами?” — Азимовнинг саволи жонли муҳокамага сабаб бўлди

Қонунчилик палатасида бўлиб ўтган “Ҳукумат соати”да Соғлиқни сақлаш вазири депутатлар олдида ҳисобот берди. Кун тартибида эса жуда жиддий мавзулар бўлди — тиббиётдаги коррупция, назоратсиз хусусий клиникалар, ва фуқароларнинг шикоятлари.

ЎзЛиДеП депутати Сайдулла Азимов эса барчанинг диққатини тортган саволни берди:
“Вазирлик хусусий тиббиёт муассасаларида рецепт ёзиш ва даволаш усуллари устидан назорат олиб боряптими?”

Бу савол кўпчиликнинг тилида юрган шубҳаларни очиқ-ойдин кўтарди. Вазир эса жиддий таҳлиллар билан жавоб берди.

Тафсилотлар видеолавҳада.

@shahnozxon

Тошкент вилояти Бўка туманида аҳолига оилавий пудрат асосида берилган ер участкалари аукционга қўйилаётгани жамоатчилик орасида кескин муҳокамаларга сабаб бўлди.

Маълумотларга кўра, 5 йил аввал туман ҳокимлиги қарорига асосан ажратилган 15 та ер участкасини аҳоли ўз маблағлари ҳисобидан ўзлаштириб, 100 мингдан ортиқ тут кўчатлари экиб, парваришлаб келаётган эди. Бироқ ҳозирда бу ерлар номаълум сабабларга кўра аукционга чиқарилиши белгиланган.

Ўзбекистон Халқ демократик партияси бу ҳолатни эътиборсиз қолдирмади. Қонунчилик палатаси депутати Фирдавс Шарипов мазкур масала юзасидан Тошкент вилояти ҳокими Зоир Мирзаев ҳамда Бош прокурор Нигматилла Йўлдошев номига расмий депутатлик сўрови юборди.

Сўровда мазкур ерларда иш олиб бораётган оилалар орасида ногиронлиги бўлган ва ижтимоий жиҳатдан кам таъминланган фуқаролар борлиги алоҳида қайд этилган.

@shahnozxon

Ўзбекистонда россиялик фуқаролар камситилгани, ҳўрлангани ёки калтакланганини ҳеч эшитганмисиз?

ЙЎҚ!

Бизнинг фуқароларимизга ҳам Россияда шундай муносабат бўлиши шарт!

Иттифоқчилик шундан бошланади.

Никоҳ шартномаси мустаҳкам оила пойдевори(ми?)

Никоҳ шартномаси нима? Шаърий никоҳ қонунийми? Никоҳга мажбурлаш ҳолатлари учун қандай жавобгарлик бор? Никоҳ ёшини камайтириш мумкинми? Ишсиз шахслар учун алимент миқдори қандай ҳисобланади? “Аёллар кўрсин”да айнан шу мавзуларда муҳим тавсиялар, долзарб саволларга жавоблар, фойдали маслаҳатлар олинг!

Тўлиқ видео 👉 https://youtu.be/H7iZ41r_N4g

Telegram | Instagram | Facebook | Sayt

Охирги пайтлар Қонунчилик палатаси ишига алоҳида қизиқиб қолдим. Олдин ҳам 1-2 мажлисларни кўриб турардим-у, лекин ўтириб қарамаганман. Бугун бўш вақт бор эди, YouTube’ да ялпи мажлисни кузатдим.

Депутатлар тинчишмаяпти, фаол ишлашяпти экан. Ҳар бир қонун лойиҳаси майдалаб, ҳижжалаб кўриб чиқиляпти.

Айтганча, бу рақамларда ҳам кўриняпти. Масалан, мана бу инфографикаларда лойиҳа ва қабул қилинган қонундаги фарқлар кўрсатилган: жарималарнинг камайгани, оғир жазолар олиб ташлангани, пулли нарсалар бепул бўлгани, имтиёзларнинг муддати узайтирилгани кабиларни кўриш мумкин. Яъни лойиҳада қандай бўлса шундай ўтиб кетмаяпти, Қонунчилик палатасида анча ўзгаряпти.

Бугун бу жараённи онлайн кузатдим. Ҳеч ким ҳеч қаерга шошётгани йўқ. Ҳақиқий муҳокамалар бўляпти экан. Барча фракциялар ўз позициясини билдириб ўтяпти.

Ўзи қонунлар шошма-шошарлик билан қабул қилинадиган нарса эмас. Шошишмасин, яхшилаб қарашсин. Биз кузатиб турибмиз бу ёқдан :)

@shahnozxon

Сизни уйдан ҳайдашса — чиқиб кетиш шарт эмас!

Бу ҳақида қонун нима дейди? Ҳуқуқшунос Акбаршоҳ Тешабоев буни адвокатча эмас, ўз таъбири билан айтганда, одамчасига тушунтирибди.

🏠 “Бу менинг уйим, чиқ!” Бу гап сизнинг ҳаётингизда айтилганми?
Катта эҳтимол билан, ҲА.

Аммо…
Унутманг, қонун шунчаки гапни эмас, фактни ҳимоя қилади.

✔️ Ўзбекистон Республикаси қонунларига кўра:
Агар сиз уйда доимий ёки вақтинча рўйхатда турсангиз,
сизни фақат суд орқалигина чиқариш мумкин.

👉 Сизни айтадиган жавобингиз шу бўлиши керак:
❗️ Отам бўлса ҳам, чиқ дегани билан чиқмайман, эрим айтса ҳам шундай! Чунки мен бу ерда доимий рўйхатда тураман. Гарчи оилавий муносабатларимиз тугаса ҳам бу ерда яшаш ҳуқуқим бор!

📌 Сизга ҳеч ким уйдан “чиқ” дея олмайди, агар доимий ёки вақтинча рўйхатда бўлсангиз.

Тушунтириш тугади.

Шунақа, Акбаршоҳ укам ва ниҳоят ҳуқуқий масалаларни оммабоп тилда тушунтириш йўлини топди шекилли. Давом этинг, яхши кетяпсиз.

@shahnozxon

Бизни тарбиялаган "миллий контент" ҳақида лонгрид

Болаларимизга ўзимиздан яхши устоз йўқ. Айниқса дид тарбиясида.

Ҳар куни уйда эрталабдан "Алиса" орқали Шерали Жўраев, Рустам қори Турсунов, Фахриддин Умаровларнинг лирик қўшиқларини қўйиб эшитаман. Болалар "уфф" дейишади, хоналарига кириб эшикларини ёпиб олишади ёки қулоқликни тақишади. Мен эса пинагимни бузмайман :)

Ёшлигимда якшанба куни онам эрталабдан "Машъал" радиосини қўйиб уй ишларини бошлардилар. Менга "Машъал" ёқмасди, мен учун ўша пайтда зерикарли Шашмақом, мумтоз ва лирик қўшиқлар қўйиларди, орасида ҳар ярим соатда бонг уриб қандайдир хабарлар берарди. Соат 9 да аллақайси каналда "Табассум" бошланарди – менга ёқарди. Соат 12 да "Қишлоқ ҳаёти" деган зерикарли пропаганда дастур кетарди. Лекин орасида яхши қўшиқлар қўйиларди. Соат 14 ми ё 15 да радиоспектакл – "Ғариблар", "Макр ва Муҳаббат", "Тошкентнинг нозанин маликаси", "Парвона" каби дурдоналарни болалигимдан эшитиб тасаввурим ўсганини энди биляпман. Ўша пайтда эса булар менга зерикарли, онамнинг ёши ва дидига мос контентлар эди, холос. Ҳамон улар қулоғимда, хотирамда, онгимда қолган. Таассуротлар, тинглаш давомида қилган хулосаларим мени ривожлантирганини энди биляпман.

Ҳозир Таваккал Қодиров, Комилжон Отаниёзов, Олмахон Ҳайитова, Султонпошша Ўдаева, Абдурауф Олимов каби хонанадаларнинг қўшиқларини ностальгия билан тинглайман. Улардаги мотивлар мени тўлқинлантиради.

Коммуна Исмоилова ижросидаги "Болама ўхшайди овозинг сани" қўшиғи таъсирида "Ошиқ Ғариб ва Шоҳсанам" достонини ўқиб чиққаним – менинг ютуғим. Қандай миллий контентлар эди-я! Ҳақиқий хазина!

Ҳозир "Алиса" орқали ўзимча шундай "плейлист"лар тузаман, болаларнинг қулоғига кирсин деб. Бир куни катта бўлганида, дунёнинг қайси чеккасида бўлмасин, мени соғинса, шу қўшиқларни тинглар ёки аксинча, шу қўшиқларни тинглаганида болалиги, уйи, ватани ва мен эсига тушарман. Бир нарса аниқки, бефарқ ўтиб кетишмайди, чунки уларни вақтида безовта қилган қўшиқлар булар – "эсимда, ойим мажбурлааб эшиттирардилар" дейишса керак :)

Машинадами, уйдами, қаерда бўлсангиз ҳам болаларингизга сифатли ўзбекча контентларни қўйиб бераверинг, бир соатга, ярим соатга бўлса ҳам. Фақат мунтазам қўйиб беринг. Фарзандларингиз сизга яқин бўлади (оталар ва болалар муаммоси камаяди), ватанга яқин бўлади, маърифатга яқин бўлади, муҳаббатга яқин бўлади.

@shahnozxon

Шерали Жўраевнинг "Ўлтирур" қўшиғини яхши кўраман – кўплаб бошқа қўшиқлари қатори. Романтик-фалсафий лирика, айниқса авжида "Шул санамнинг суйгани бизмасмикан, Деб бу ёнда қанча сарсон ўлтирур" деганида юракни титратворади. Қандайдир космик пардаларга чиқиб кетади-да ҳофиз.

Нимагадур бу қўшиқ Навоий ғазали билан куйланган деб юрардим, кейин билсам, ҳофизнинг ўзи ёзган экан. 2016 йили энди тақиқдан чиқаётган пайтлари "Суғдиёна" газетаси учун интервьюда раҳматлик Шер акадан қўшиқ ҳақида сўрагандим. Тарихини бундай айтиб берганди:

«Ўлтирур» – йўлда ёзилган қўшиқ. Хўжанддан қайтаётганимизда нимагадир шундай бир нарса ёзгим келиб қолди. Йўлда гўзал манзараларга дуч келдик. Шундан илҳомландимми ёки ўшанда йўл бўйида ўтирган нотаниш аёлданми. Хуллас, манзара чиройли эди. Қизнинг ғамгин чеҳрасини тасаввур қилдим. Йўлда давом этавердиг-у, аммо ўша қиз хаёлда қолди. «Нега ундай ўтирибди, бирор дарди борми?» деган фикрлар мияда айланаверди ва куй, ортидан сўзи ўз-ўзидан хаёлимга келаверди. «Ўлтирур» бизнинг гўзал ўзбек аёлларига аталган қўшиқ, унда аёлларимизнинг барча фазилатларини ўзида жамлаган бир маъсума образи бор...

Кейин бир концертда Шер ака Омон Матчоннинг "Аввалгиларга ўхшамас" шеъри (Навоийга муҳаммаси) қўшиққа қандай айланганини айтиб берганди. Биринчи марта шеърни эшитиб туриб куйи қуйилиб келиб ўша ердаёқ қўшиқни яратиб ташлаган экан.

Бундай одамларни даҳо дейишади!

Сўнгги пайтларда биз ҳофизнинг шахсий ҳаётини кўп муҳокама қилдик. Ўшанда мен интервьюда раҳматлик Абдулла Орипов мисолида ижодкор хато қилишга ҳаққи борми деб сўраган эдим. Шер ака шундай жавоб берган:

"Санъаткорнинг маънавий қиёфаси имкон қадар пок бўлишга интилиши шарт. Лекин халқ, омма ҳам унинг хатоларини тушуниши, инсон эканини эътибордан қочирмаслиги, санъати, ижоди бошқа-ю, яшаш тарзи бошқа эканини қабул қилиши лозим. Биз истеъдодларни қадрлашимиз керак. Улар ҳар куни туғилавермайди."

Мен учун Шерали Жўраев ўзбек санъатига улкан ҳисса қўшган, уни жуддаям катта масофага илгарилатган ва мактаб, анъана яратган ижодкор. Бундайлар кам туғилади. Унинг қўшиқларини эшитиб одам ўзгаради, эзгуроқ, орифроқ, олимроқ бўлади. Бунинг олдида биз муҳокама қилаётган гаплар нақадар майда...

Бугун шундай даҳо ижодкорнинг туғилган куни – ҳаёт бўлганида 78 ёшга кирар эди. Яхши ҳам туғилган экан. Яхши ҳам бизнинг Шерали ҳофиздек истеъдодларимиз бор.

Раҳматликнинг жойи жаннатда бўлсин. Бизга, санъатимизга қолдирган улкан ва савияли мероси ҳамда мактаби учун ундан миннатдорман.

@shahnozxon

Парламентлараро Иттифоқнинг 150-юбилей Ассамблеясида дунёнинг барча қитъаларидан 2000 га яқин делегат қатнашди. Ассамблеяда Қонунчилик палатаси қўмитасини раиси Улуғбек Шерматовни қайта кашф қилдим.

У рус, инглиз тили майли, япончаниям мукаммал биларкан. Улуғбек Шерматов ўтган йилги сайловда янги сайланган, ҳуқуқ соҳасидаги докторлик диссертациясини ҳам чет элда қилган. Уни яхши танийман, Адлия тизимида ҳам ишлаган.

Билимли ва бир неча тилда гаплаша оладиган замонавий депутатларимизнинг сони ортиб борсин!

@shahnozxon

2025-йил 29-30-май
Тошкент яна “Tashkent Law Spring” IV Халқаро юридик форумига мезбонлик қилади.

❗️Асосий мавзу – “Рақамли технологиялар даври: келажакка ҳуқуқий назар”

Ҳуқуқнинг замонавий тенденциялари юристлар, AТ ва бизнес вакиллари, олим ва экспертлар бирлашган халқаро муҳокама майдонида.

Бундай имконият ҳар 2-йилда 1 маротаба бўлиши мумкин.
Қўлдан чиқарманг.

Форумда иштирок этиш учун рўйхатдан ўтишга ҳавола:
https://reg.tashkentlawspring.uz

Кокош нима қилиши керак?

Хусусий клиникадаги жарроҳликдан сўнг асоратлар билан курашаётган вайнер Кокош воқеаси кўпчиликка маълум, тармоқларда клиникадаги жанжаллар видеолари роса тарқалди. Аслида масаланинг қонуний-ҳуқуқий ечими қандай? Умуман, истеъмолчи (мижоз, бемор) ўзига зарар етказилди деб ҳисоблаганида қандай йўл тутиши керак?

“Hoshiya” подкастида ҳуқуқшунос, юридик фанлари фалсафа доктори Акбаршоҳ Тешабоев ушбу саволга аниқ тавсиялар билан жавоб берди.

Подкастни бу ерда тўлиқ кўриш мумкин

@shahnozxon

#Diqqat_tanlov

📚 Yoshlar ishlari agentligi “Yoshlar uchun ming kitob” loyihasi doirasida nashrga tayyorlangan kitoblarni chop etish bo‘yicha bosmaxonalar uchun tanlov (tender) e’lon qiladi!

📌 Loyiha doirasida 2024-yilda nashrga tayyorlangan 50 ta kitobdan birinchi bosqichda 27 nomdagi kitob tenderga qo‘yilmoqda.

☝️Agar Siz:
▫️tajribali jamoaga ega bo‘lsangiz;
▫️sifatni birinchi o‘ringa qo‘ysangiz;
▫️yoshlarga bilim ulashishda hissa qo‘shishni istasangiz – bu imkoniyat aynan Siz uchun!

🔰 Tanlov shartlariga ko‘ra, talabgor-bosmaxonalar:

➖so‘nggi 3 yil davomida nashr sohasida faoliyat yuritgan bo‘lishi;
➖O‘zbekiston hududida joylashgan bo‘lishi;
➖tegishli texnik talablarga mos ravishda ilgari chop etilgan kamida 3 dona kitob namunasi bilan qatnashishi mumkin.

❗️Bosmaxona tanlovda g‘olib bo‘lgan taqdirda Buyurtmachi vakillariga kitoblarni chop etish jarayonini bevosita joyida kuzatishiga sharoit yaratib berishi zarur.

Ushbu tanlov Siz uchun nafaqat yirik davlat loyihasida ishtirok etish imkoniyati, balki yoshlarning intellektual va ilmiy salohiyatini oshirishga yuksak hissa qo‘shish hamdir. Eng asosiysi, bu Sizning bosmaxonangiz obro‘sini yanada oshiruvchi bosqich bo‘lishi mumkin!

📝 Arizalar qabul qilinmoqda!

👉 Batafsil maʼlumot va texnik talablar ushbu havolada: https://etender.uzex.uz/lot/424424

Sahifalarimizga ulaning va ulashing👇

Telegram | Facebook | Instagram | YouTube | X

Бошланди!

Пластик жарроҳлик қурбонлари – "Ҳошия" подкастининг янги сонида шу мавзу

Сўнгги бир неча йилда кузатилган нохуш ҳолатлар, хусусан, блогер Фарҳод Маннопов, актриса Ҳалима Ибрагимова, спортчи Аида Ҳасанова, энди эса Кокош воқеаси туфайли биз пластик жарроҳлик ва тиббий хизматлардан фойдаланишнинг тиббий ва ҳуқуқий жиҳатларини таҳлил қилдик.

Экспертларимиз – пластик жарроҳ Азиз Мавлонов ва ҳуқуқшунос Акбаршоҳ Тешабоев.

Подкаст бугун 19:00 да мана бу ерда чиқади

https://www.youtube.com/watch?v=BmQGAIvu7Zc

Ўтказиб юборманг.

@shahnozxon

Ўзбекистонлик олимлар БААда малака оширишади

Ислом цивилизацияси маркази халқаро ҳамкорликни кенгайтирмоқда

Марказ Абу-Дабидаги "Манара" маркази билан ҳамкорликни йўлга қўйди. Ташкилотлар ўртасида расман ҳамкорлик меморандуми имзоланди.

Ислом цивилизацияси маркази Ахборот хизматининг маълум қилишича, "Манара" марказининг филиали Тошкентда ҳам очилади.

Томонлар келишувига кўра, бизнинг олимларимиз БААда малака ошириш имкониятига эга бўлади.

Марказда бўлиб ўтган давра суҳбатида "Манара" маркази раҳбари доктор Али Рошид ал-Нуаймий шундай деди:

"Икки давлат ўртасидаги истиқболли режалар амалга оширилмоқда. Бу мамлакатлар ўртасидаги дўстлик, ҳамжиҳатлик ва ҳамкорлик алоқалари равнақ топишига ўз ҳиссасини қўшади.

Марказнинг очилиши мамлакат тараққиёти ва янада барқарор ривожланиши учун тамал тош вазифасини ўтайди, деб ўйлайман."

“Тил борасида радикал миллатчилик эмас, либерал ватанпарварлик йўлидан боришимиз керак”. Бу менинг эмас, бир ақлли одамнинг гапи.

Активистнинг чиқиши борасида фикрим – оҳангни ва чиқиш қурилишини оқламайман, жаҳл, “ҳужум”, шахсларга қаратилган нафрат оҳанги билан тил масаласида айтган тўғри фикрини ҳам баҳсли гапга айлантириб қўйди.

Лекин оҳанг ва эҳтиросларни олиб ташлаб, чиқишнинг асосий гапига қарасак, Активист тўғри айтяпти. Яъни тадбиркорларимиз ўз фаолиятида давлат тилига УСТУВОРЛИК беришини сўраяпти.

Ростан ҳам, ўзбек тилида сўзлашувчилар аксар кўпчиликни ташкил қиладиган мамлакатда нотаниш одамнинг, мижознинг қайси тилда мулоқот қилиши билинмаган ҳолатда кўпчилик гаплашадиган тилда мулоқотни бошлаш – мантиқли иш.

Ўзбекистонда нотаниш одамга аввал ўзбек тилида мурожаат қилинглар, бу билан кўп тушунмовчиликларнинг олдини оласизлар. Агар нариги томон сизни тушунмаса, ўз она тилида гапирсин, билсангиз унинг тилида жавоб қайтаринг, билмасангиз онлайн таржимонлар кўп.

Фақат унутманглар, она тилида мулоқот қилиш – ҳуқуқ. Ҳамма фуқароларда бор ҳуқуқ. Буни ҳурмат қилиш керак. Ҳозир сен менинг тилимда гапир, мен сенинг тилингда гапирмайман деб туриш самарасиз ва кераксиз баҳс, технологиялар тил тўсиқларини қўпориб ташлаяпти. Асосийси, мулоқотга ва муросага тайёрлик бўлиши керак ҳар икки томонда ҳам.

Келинглар шу масалада уришавермайлик. Ўзбек тили бизни бирлаштирувчи омил бўлиши керак, айирувчи эмас.

@shahnozxon

Укам кредитга олган Айфон 16 телефонини йўқотиб қўйибди. Сув олгани тушганимда чўнтагимдан тушиб қолган деб тахмин қиляпти. Илова телефон турган жойни кўрсатяпти, борса, у ерда йўқ. Телефон ўчиқ. Кимдир олиб қўйгани аниқ.

Бугун Ички ишларга ариза берибди. Топилармикан деяпти.

Кимда шундай тажриба бўлган? Телефон топилганми кейин? Айфонни йўқотиб кейин топган ҳолатларингиз, бирор йўллари, лайфхаклари бўлса, шарҳда ёзинглар, укам ўқийди. Пешона тери билан қарзни тўлаяпти, инстаграмда ишини реклама қилиш учун олганди телефонни.

@shahnozxon

Намангандан Қирғизистонгача бўлган йўлларда аҳвол ёмон.

Чуқурликлар одамларнинг сабр-тоқатини емираётгани аниқ. Бу йўллардан қатнайдиган шофёрларимиз ҳам дод демоқда.

Олий Мажлис Қонунчилик палатаси депутати Анвархон Темиров шу ҳолатни кўтариб чиқиб, Автомобил йўллари қўмитаси раисига расман депутатлик сўрови жўнатди.

Сўровда депутат бир нечта эътиборталаб йўлларни санаб ўтган. Мурожаатда депутат йўллар нега ҳалигача таъмирланмаяпти, қандай чоралар кўриляпти? – деган саволга жавоб талаб қилган. Энди қўмита раиси 10 кун ичида жавоб бериши шарт.

Депутатлар халқ муаммоларига яқинлашиб, улар устида ишлаётганини кўриш ёқимли!

@shahnozxon

Шок! Шок! Шок!

“Заковат”га BYD автомобили совринга қўйилибди-ку!

Томошабинларга “Заковат” телеўинига савол йўллашга, билимдонларга (жумладан, ўзимга ҳам) ўйинни янада иштиёқ билар ўйнашга зўр мотивация!

Ҳар телеўйинда суперблиц ўйналаркан ва уни ютган билимдонга машина бериларкан!👏👏👏

Шунингдек, йил финалида энг яхши ўйинчига BYD бериларкан. Томошабинлар ҳам энг яхши билимдон деб топилиши мумкин, агар йўллаган саволи йилнинг энг яхши саволи деб топилса!!

“Заковат” телеўйинига яхши саволлар йўлланглар, азизлар. Биз ҳам уларни топиб ташлайлик 😊 Бир-биримизга “мошин қуллуғўлсиин” деб юришимизни тасаввур қиляпсизларми 😇😂

Қани, кеттик. Бу йил “Заковат” 25 га тўляпти — жуда қизиқ бўлади шекилли!

@shahnozxon

Танлов – масъулият

Ҳаётда ҳар куни танлов қиламиз. Қайси йўлни танлашимиз эса келажагимизга таъсир қилади. “Танлов” анимацион фильми айнан шу ҳақда – баъзан тўғри йўлни топиш қийин, лекин бирлашиб ҳаракат қилсак, муаммоларни осонроқ ҳал қиламиз.

Республика Маънавият ва маърифат маркази кейинги пайтларда креатив ёндашувлари, замонавий контентлари билан ажралиб турибди. Бу жуда яхши тенденция. Чунки бугунги ёшлар ва кенг аудитория маълумотни интерактив, динамик ва таъсирчан тарзда осонроқ қабул қилади. Анъанавий усуллар эса бора-бора ўз самарадорлигини йўқотиб боряпти.

Илм-маърифатни ёшларга кўпроқ етказишни хоҳласак, замон билан ҳамнафас, ҳатто олдинроқ ҳам бўлишимиз керак. Агар Марказ бу шиддатни янада оширса, янги форматлар, креатив медиа лойиҳаларни кўпайтирса, таъсир доираси анча кенгаяди. Бундай контентлар нафақат кўзни қувонтиради, балки инсонни чуқур мулоҳазага ҳам чорлайди.

Видео: https://youtu.be/KDBlmM_CHFQ

#yangiruhiyat

@shahnozxon

"Ойина.уз" ўз колумнистлари қаторида мени ҳам эътибордан четда қолдирмабди – ghibli услубидаги фотомни эълон қилибди (трендда қолмайди-да бу ойиначилар).

Катта раҳмат.

"Ойина.уз" билан ҳамкорлик менга ёқади, афсуски, вақт муаммо, кўп ёза олмаяпман. Шунда ҳам мени "ҳурмат тахтаси"да ушлаб туришибди.

Айниқса, Назар Эшонқул, Абдувоҳид Ҳайит, Баҳром Ирзаев каби устозлар қаторида туриш менга шараф.

Сунъий интеллект мени шундай кўряпти экан. Ёқди 😉😊

Сиз нима деб ўйлайсиз, ўхшабманми?

@shahnozxon

Орол муаммоси — қимматга тушган сабоқ

Дунё экспертларининг айтишича, ҳеч бир ерда Оролбўйидагидек экологик фалокат кузатилмаган экан. Бу муаммо маҳаллий аҳолигагина эмас, бутун минтақага жиддий зарар етказаётгани бор гап.

Бунга қарши курашиш ва оқибатларни юмшатиш учун бир қатор ишлар амалга оширилаётгани умид беради. Масалан, Оролбўйида саксовул экиш амалиётини олайлик. Бу ноёб ўсимлик тупроқ ва ҳаводаги заҳарли тузларни ушлаб қолиш хусусиятига эга. Бир туп саксовул дарахти 4 тонна қумни турғунлаштиришга қодир. Бу эса шиддатли чанг тўфонларининг олдини олишда аҳамиятли.

Яна экологик барқарорликни тиклаш учун кенг кўламли ишлар олиб бориляпти. Яшил ҳудудлар ва қўриқхоналар ташкил этиляпти, экотуризмни ривожлантириш бўйича режалар тузиляпти. Қишлоқ хўжалигида иқлимга мос янги экин навларини яратиш ва кўпайтириш ҳам устувор йўналишлардан бирига айланди.

Энг муҳими, Орол фожиаси бизга катта сабоқ берди – табиатга бефарқлик ҳалокатга олиб келади. Лекин агар инсон оқилона ҳаракат қилса, уни қайта тиклаш ҳам мумкин.

Маълумот учун, БМТ Бош Ассамблеяси томонидан қабул қилинган 11 та резолюция Ўзбекистон ташаббуси ҳисобланади.

Батафсил

@shahnozxon

Бугун диктант ёздим

Ғалати ҳислар. Ўзи оддий диктант, лекин ўзимни мактаб партасида ўтирган ўқувчидек ҳис қилдим.

Ташкилотлар раҳбарларининг давлат тили бўйича маслаҳатчиларидан оммавий диктант олишди. Оммавий диктант – яхши анъана, бошқа давлатларда кўриб ҳавас қилар эдим.

Россияда, масалан, маълум бир кунда истаган одам бу тадбирда иштирок этиб ўз саводхонлигини текшириб олиши мумкин. Белгиланган жойга боради, рўйхатдан ўтади, диктантни ёзади ва маълум вақтдан сўнг баҳосини билиб олади. Бизда ҳам оммалаштириш керак.

Чунки саводхонлик ва ёзма матн малакаси ҳар бир давлат хизматчиси, умуман, замонавий инсон учун зарур.

Диктантни қандай ёздим?

Қотирдим лекин. Кибримни анча синдирадиган иш бўлди. Маълум бўлдики, ручкада қоғозга ёзишни деярли унутиб қўйибман. 10 йил мактабда ўқиб олган бу зарур малакамни технологияларга қурбон қилиб юбораёзибман. Тўғри ёзишни биламан, лекин қўл ёзақолмайди-да.

Яна кириллда саводи чиққан авлодман, лотин алифбосида ёзишни инглиз тили дарсларида ўрганганмиз, матнларни лотин алифбосида фақат компьютер ва смартфонларда ёзган эканман, ўйлаб қарасам. Охирги йиллар ҳатто аризаларни ҳам компьютерда ёзиб, электрон рақамли имзода имзолаётгандим.

21-асрда ручкада матн ёзиш кимга керак дейишингиз мумкин. Керак! Бу психология. Майда моторика дейиладими, хуллас. Агар анча пайтдан бери ручка билан матн ёзмаган бўлсангиз, бир ёзиб кўринг-да. Миянгизга бошқа юклама тушади, ишламаган жойлари ишлай бошлайди.

“Катта “L”нинг ёзма шакли қандай эди?” “Оббо, “мумкин” сўзини яна (учинчи марта) кириллча “у” билан ёздим-а!”? "Қўштирноқни ёзмада қандай ёзарди?" каби саволу фикрларни агар бугун диктант ёзмаганимда умуман ўйламас ҳам эдим-да. Кўз кўраверар экану, қўл амалда синаб кўрмагунча ёзма савод чиқмас экан.

Мен лотин алифбосида қанчалик тез ўқимай, қанчалик тез ҳарф термай, ручка билан ёзма матн ёзишни билмасам, ҳали тўлиқ бу ёзувни ўргандим дея олмас эканман – бугун шуни англадим.

“Биз “Х” авлодмиз (ҳозиргилар атамаси билан айтганда). Яъни бизнинг авлод интернет, компьютер йўқ пайтларни ҳам, интернет даврини ҳам, ижтимоий тармоқлару сунъий интеллект даврини кўряпти. Янги малакаларни ўрганиш биз учун ҳеч гап эмас, ўрганиб оламиз дарров. Бироқ бу жараёнда эскиларини сақлаб қолиш муҳим.

Матнлар даври ўтяпти, ёзиш нимага керак?

Чиндан ҳам, ҳамма видеога ўтиб кетди, сунъий интеллект овозингизни матнга айлантириб беряпти, ёзаман деб бош қотириш нимага керак?

Агар яхши матн ёза олсангиз, сиз рақобатбардош ходим саналасиз. Фикрни тартибли тизиш, қаерда янги абзац бошлашни билиш, бир марта эшитган нутқини қоғозга тушириш, шунингдек, аргументларни тизиш, изчиллик, керак сўзни ўрнида қўллаш, матн бошида бошланган муждани охиригача етказиб олиб бориш кабилар кўп матн ёзган одамларнинг имтиёзи.

Яхши матн ёзиш сизга жамиятда ва ишхонада керакли одам бўлишингизга ёрдам беради.

Матн кўпроқ ёзаверинглар, ўқишса-ўқишмаса. Саводли одамлар ҳар доим керак. Бундан кейин матн ёзадиганлар камайиб, ноёблашиб бораверади. Ваҳоланки, улар ақллироқ бўлишади.

Диктантни ташкил қилиб ушбу узун постнинг ёзилишига сабаб бўлганларга ҳам раҳмат.

@shahnozxon

Газ ва свет нархи 1 апрелдан ошмайди — байрамга яхши хабар!

Электр энергияси ва табиий газ тарифларини ошириш 1 майга қадар узайтирилди - Ҳукумат.

Президент Шавкат Мирзиёев ҳукуматга электр энергияси ва газ тарифларининг оширилишини бир ойга кечиктириш бўйича топшириқ берди.

@shahnozxon

Планетарий тақдири нима бўлади? Депутат шаҳар ҳокимлигига сўров юборди.

Тошкент шаҳар планетарийси пойтахтимизнинг фахри, унча-бунча катта шаҳарларда йўқ иншоот. Бу ерга келган болаларда коинот ҳақидаги илк тасаввурлари шаклланади, юлдузлар оламига умуман, илмга, аниқ фанларга қизиқиш ортади.

Сўнгги пайтларда Планетарий хусусий секторга ўтиши ва тижорий мақсадларда ишлатилиши мумкин, деган гаплар юрибди.

Бу ҳақда эшитиб, менда ташвиш ва кўплаб саволлар пайдо бўлди. Агар планетарий шахсий бошқарувга ўтса, унинг фаолияти қандай давом этади? У аввалги илмий-маърифий йўналишини сақлаб қоладими ёки навбатдаги бизнес лойиҳасига айланадими? Шаҳар муҳитида кўп йиллик дарахтлари билан ажралиб турувчи бу жойнинг табиий экотизимига ҳеч нима таъсир қилмайдими?

Қонунчилик палатаси депутати Одилжон Иминов айни масала юзасидан шаҳар ҳокимига депутатлик сўрови юборибди. Яхши иш қилибди. Аммо битта шу депутатнинг ташаббусига қараб ўтирмай жамоатчилик, яъни биз ҳам фуқаро сифатида саволларимизни тўхтовсиз бераверишимиз керак.

Ҳали аниқ қарор қабул қилинмади, лекин бу жараён очиқ ва шаффоф бўлиши, фуқароларнинг фикри инобатга олиниши керак.

Шаҳарда савдо марказлари, тижорат бинолари шундоқ ҳам ҳар йили қурилади. Илм-маърифатга ундайдиган жойлар эса ҳаммага очиқ ва узлуксиз фаолият юритиши керак. Лоақал болаларимиз коинот сирларини ўрганиши учун битта планетарий қолиши керак, шундай эмасми?

@shahnozxon

Олий Мажлисда фракциялар нима билан шуғулланади?

Қонунчилик палатаси фракция йиғилишлари қандай ўтишини кенг жамоатчилик унча билмайди, шу пайтгача бу тадбирлар кенг ёритилмаган. Ваҳоланки, бизнинг турмушимизга таъсир қиладиган қонунларнинг энг кенг ва қизғин муҳокамаси шу ерда бўлади.

Ушбу узига хос Парламент “ошхонаси”даги жараёнлар сўнгги пайтларда оммага очиқ кўрсатиляпти.

Фракция йиғилишлари давомида қонун лойиҳалари юзасидан қизғин баҳс-мунозаралар, турли фикрларнинг кесишуви ва тортишувлар бўлиб ўтади.

Эртага соат 18:15 да Ўзбекистон 24 телеканалида навбатдаги фракция йиғилишини томоша қилишингиз мумкин.

@shahnozxon

Туркияда саратон касаллигидан даволанаётган аёлга ёрдам керак.

Илтимос, максимал тарқатинглар🙏🙏🙏

Аёлни шахсан таниганим учун ушбу эълонни улашяпман. Аҳволи чиндан оғир. Бир неча йиллардан бери тил саратони билан курашяпти. Ўзи ва яқинлари бор-будини ишлатиб бўлишди. У ёлғиз она, икки фарзандни бир ўзи катта қиляпти, вояга етмаган қизчаси бор.

Ҳозир касаллик зўрайиб, ўсма бўйинга ҳам ўтяпти экан, зудлик билан жарроҳлик қилиш керак дейишмоқда шифокорлар.

Илтимос, эълонни кенг тарқатишга ёрдам беринг, имконингиз бўлса, эҳсон, закот учун муҳтожларни излаётган бўлсангиз, шу инсонни ҳам эътиборсиз қолдирманглар🙏🙏🙏

Дуоларингизда шу мушфиқ аёлни ҳам эслаб шифо тилаб қўйинг. Оллоҳ рози бўлсин🤲

Беморнинг ўзи ва яқинларига тегишли карталар:

Узкарт:

4604720000058227
Исаева Малика (бемор)

8600061025097840
Исматуллаева Мавжуда (онаси)

Виза:
4604720000055280
(Мубина Абдусатторова, қизи)

@shahnozxon

Ассалому алайкум, азизлар.

Наврўз айёми муборак бўлсин! Қишдан чиқиб олдик, худога шукр. Баҳор йилнинг баракасини белгилайдиган палла. Йилимиз қут-баракали, самарали келсин! Ҳар бир хонадонга, ҳар бир ватандошга бахт ва саломатлик, юртимизга тинчлик ёр бўлсин!

@shahnozxon

⭐️ Umra va Haj ziyoratlariga ketishda aldanib qolmang!

Bugungi kunda litsenziyasi bo'lmasdan turib fuqarolarning ishonchiga kirib ularni Umra yoki Haj ziyoratiga yuboramiz degan shovvozlar ko'payib qolgan. Mazkur holat yuzasidan yurist Akbarshoh Teshaboyevdan huquqiy tushuntirish.

Xabarni Umraga bormoqchi bo'lgan tanishlarizga tez yuborib qo'ying!🛫

⭐️ Akbarshoh ⭐️

Мени мафтун этган "Лазги" балети Қозоғистонда намойиш этилди

“Абай номидаги Қозоғистон миллий опера ва балет театри саҳнасида қадимий рақсимиз – лазги жонланди”, дея ўз саҳифасида ёзади Саида Мирзиёева.

Президент ёрдамчиси мазкур ҳодисадан қувонгани, қардош мамлакатлар ўртасидаги алоқалар мустаҳкамланиб бораётгани ҳақида ёзаркан, қуйидаги фикларни билдирди:

“Бундай маданий тадбирлар гўзал санъатимизни намоён этибгина қолмай, қардош миллатлар ўртасидаги дўстлик, биродарлик ришталарини янада мустаҳкамлашга, ўзаро муносабатларни янги босқичга кўтаришга ёрдам беради”.

Бунгача "Лазги. Муҳаббат ва қалб рақси" балети Лондон, Москва, Боку каби пойтахтлар опера ва балет театрларида намойиш этилган эди. Чиндан ҳам дунёни забт этишга лойиқ асар.

@shahnozhon

Билл Гейтс нимага қизини камбағал инсонга турмушга бермайди?

Камбағал ва бадавлат инсонлар руҳияти ҳақида интернетдан чиқиб қолган ҳикоя

Бир куни молия ва инвестициялар бўйича анжуманда нутқ сўзлаб турган Билл Гейтсга залдан савол тушди: “Сиз дунёдаги энг бой инсонлардан бири сифатида қизингиз камбағал одамга турмушга чиқишини қабул қилган бўлармидингиз?”

Билл қуйидагича жавоб берди:

Бойлик бу банкдаги ҳисоб рақамида турган катта миқдордаги пул эмас, бошланишига шуни англаб олиш керак.

Бойлик – бу бойлик ярата олиш қобилиятидир.

Мисол: лотереяда миллион доллар ютиб олган одам бадавлат эмас, шунчаки қўлида тасодифан кўп миқдорда пул пайдо бўлиб қолган камбағал инсон. Шунинг учун ҳам лотореяда ютган 90 фоиз миллионерлар орадан 5 йил ўтиб яна камбағал бўлиб қолишади.

Шунингдек, пули йўқ бадавлат инсонлар ҳам бор. Масалан, тадбиркорлар. Кўпчилигининг уйида 100 доллар ҳам йўқ, ҳаммасини бизнесга тикишади. Улар бойлик сари ҳаракатда, чунки улар молиявий интеллектини ва имкониятларини ривожлантирмоқда, асли бойлик шу.

Камбағаллар ва бойлар бир-биридан нимаси билан фарқ қилади?

Агар инсон мактабни битиргач яна ўз устида ишлашда давом этса, янги билим ва малакаларни, илму ҳунарни ўрганишдан эринмаса, тиришқоқ бўлса, билингки, у потенциал бой одам.

Агар айб Эшматда, Тошматда, давлатда, жамиятда ва яна кимлардадур деб ўтирса, атрофда ҳамма ўғри, улар менинг ҳақимни еяпти, мен ҳеч нима қилмасам ҳам улар ўғирламай қўйса бойиб кетишим керак деб ўйласа, бу камбағал одам.

Давлатни, жамиятни танқид қилиш мумкин, фақат ўзи мунтазам ҳаракатда бўлиб, ривожланишдан тўхтамаса, меҳнат қилмаса, танқиднинг ўзидан қорни тўйиб қолмайди.

Бойлар “менга ахборот ва билим беринг, ўзим учаман” дейди.

Камбағаллар “менга учишим учун кимдир пул бериши керак” дейди.

Мен “қизим камбағалга турмушга чиқмайди” деганимда пулни назарда тутмайман, ўша йигитнинг бойлик ярата олиш қобилияти ҳақида гапираётган бўламан.

Факт шуки, кўп жиноятчилар камбағалдир. Улар пул олдида ўзини йўқотиб қўяди, шу сабабли ўғирлашади, босқинчилик қилишади, чунки ўзлари шу пулни қандай ишлаб топишни билишмайди.

Бир куни банк қоровули сумка тўла пул топиб олади ва банк бошқарувчисига беради.
Одамлар уни аҳмоқ дейишади, аслида у пули йўқ бадавлат инсон эди.
Орадан бир йил ўтиб банк уни ресепшнга ишга ўтказади, 3 йилдан сўнг мижозлар билан ишлаш бўлими бошлиғи бўлади, 10 йилдан кейин банкнинг ҳудудий филиалига бошлиқ этиб тайинланади. Энди у юзлаб ходимларни бошқармоқда, йиллик даромади эса ўша сумкадаги пулдан анча баланд.

Бойлик – бу аввало инсон психологияси, тўғри фикрлашидир.

P.S. Ушбу ҳикояни камбағалликни айб деб кўрсатиш учун таржима қилмадим. Ҳикоядаги мотивацион руҳ – ҳалол бўл ва ҳаракат қил, шунда пуллар ўзи келади деган мазмун – менга ёқди. Бойиш учун маълум базавий шароитлар (таълим, тенглик, хавфсизлик, қонун устуворлиги...) кераклигини рад этмайман.

@shahnozxon

Биз бутун жаҳон жамоатчилигига ислом динининг асл инсонпарварлик моҳиятини етказишни энг муҳим вазифа, деб ҳисоблаймиз. Биз муқаддас динимизни азалий қадриятларимиз мужассамининг ифодаси сифатида беҳад қадрлаймиз. Биз муқаддас динимизни зўравонлик ва қон тўкиш билан бир қаторга қўядиганларни қатъий қоралаймиз ва улар билан ҳеч қачон муроса қила олмаймиз. 

Ушбу сўзлар Президент Шавкат Мирзиёевнинг бундан 8 йил аввал БМТ Бош Ассамблеясининг 72-сессиясидаги нутқидан олинди. Ўшанда Давлат раҳбари Ўзбекистонда Ислом цивилизацияси маркази барпо этилишини маълум қилган ва жаҳон ҳамжамиятини маърифат йўли билан жаҳолатга қарши курашишга даъват этган эди.


Ана шу даъватнинг амалий ифодаси сифатида 2018 йилда дунёда ўхшаши йўқ мегалойиҳа – Ўзбекистондаги Ислом цивилизацияси марказини барпо этиш учун тамал тоши қўйилган.

Дунёда ислом цивилизациясининг ҳақиқий моҳиятини кўрсатадиган марказлар кўп эмас. Ўзбекистонда қурилаётган Ислом цивилизацияси маркази айнан шундай бетакрор масканлардан бири бўлади.

Куни кеча ушбу кенг миқёсли лойиҳани халқаро ҳамжамиятга тақдим этишга бағишланган анжуман бўлиб ўтди. Анжуман иштирокчилари географияси шуни кўрсатдики, бу лойиҳа халқаро ҳамжамият эътиборида. Италия, Туркия, Малайзия ва бошқа кўплаб давлатлар қурилаётган марказга ўз музейлари ва кутубхоналаридан ноёб экспонатлар тақдим этишга тайёр. Болонья университети ўзбек олимлари учун бир миллиондан ортиқ китобдан фойдаланиш имкониятини бермоқда.

Бу марказ Ўзбекистоннинг бой маданий ва илмий меросини дунёга намойиш этишга хизмат қилади. Айниқса, ёшлар учун тарих ва маърифат ўчоғи бўлиши аниқ.

Биз бутун жаҳон жамоатчилигига ислом динининг асл инсонпарварлик моҳиятини етказишни энг муҳим вазифа, деб ҳисоблаймиз. Биз муқаддас динимизни азалий қадриятларимиз мужассамининг ифодаси сифатида беҳад қадрлаймиз. Биз муқаддас динимизни зўравонлик ва қон тўкиш билан бир қаторга қўядиганларни қатъий қоралаймиз ва улар билан ҳеч қачон муроса қила олмаймиз. 

Ушбу сўзлар Президент Шавкат Мирзиёевнинг бундан 8 йил аввал БМТ Бош Ассамблеясининг 72-сессиясидаги нутқидан олинди. Ўшанда Давлат раҳбари Ўзбекистонда Ислом цивилизацияси маркази барпо этилишини маълум қилган ва жаҳон ҳамжамиятини маърифат йўли билан жаҳолатга қарши курашишга даъват этган эди.


Ана шу даъватнинг амалий ифодаси сифатида 2018 йилда дунёда ўхшаши йўқ мегалойиҳа – Ўзбекистондаги Ислом цивилизацияси марказини барпо этиш учун тамал тоши қўйилган.

Дунёда ислом цивилизациясининг ҳақиқий моҳиятини кўрсатадиган марказлар кўп эмас. Ўзбекистонда қурилаётган Ислом цивилизацияси маркази айнан шундай бетакрор масканлардан бири бўлади.

Куни кеча ушбу кенг миқёсли лойиҳани халқаро ҳамжамиятга тақдим этишга бағишланган анжуман бўлиб ўтди. Анжуман иштирокчилари географияси шуни кўрсатдики, бу лойиҳа халқаро ҳамжамият эътиборида. Италия, Туркия, Малайзия ва бошқа кўплаб давлатлар қурилаётган марказга ўз музейлари ва кутубхоналаридан ноёб экспонатлар тақдим этишга тайёр. Болонья университети ўзбек олимлари учун бир миллиондан ортиқ китобдан фойдаланиш имкониятини бермоқда.

Бу марказ Ўзбекистоннинг бой маданий ва илмий меросини дунёга намойиш этишга хизмат қилади. Айниқса, ёшлар учун тарих ва маърифат ўчоғи бўлиши аниқ.

Дабдаба ва ҳашамга ўчлик ҳақиқий бахт келтирмайди. Дунёнинг манаман деган бойлари “Ҳашамат — қолоқлик белгиси” дея ҳаёт тарзида, тўй-маъракасида, саёҳатда , ҳамма жойда минимализмни танлаяпти. Чунки моддий бойликлар доимо ўзгариб туради, уларга боғланган ҳаёт эса беқарор бўлади.

Бахт — бу руҳий хотиржамлик, самимий муносабатлар ва маънавий бойликда.

Умид ёшлардан. Биздаги ҳашаматга ўч одатларни улар ўзгартира олади Республика маънавият ва маърифат марказига профессионал ва таъсирли тарғибот учун раҳмат — ёшларга етиб борадиган қилиб мавзуни тушунтирибди.

Чунки бугунги аудитория, айниқса, ёшлар рақамли муҳитда яшайди.

Роликни албатта кўринг.

#yangiruhiyat #maromiylik

@shahnozxon

Сизнинг фикрингиз муҳим!

Ўзбекистонда инсонларнинг овқатланишга бўлган муносабатини ўрганиш мақсадида тадқиқотчилар аноним сўровнома ўтказишмоқда.

Бир неча дақиқа вақтингизни аямасдан қисқагина сўровномада қатнашсангиз, жамият учун манфаатли лойиҳага фойдангиз тегади. Тадқиқотчилар ҳам Сиздан миннатдор бўлишади.

Маълумотлардан фақат умумий таҳлил мақсадида фойдаланилади.

Сўровнома бу ерда: https://forms.gle/QcmruJ6HUn4eUxeKA

Олдиндан раҳмат!

@shahnozxon

Нодавлат нотижорат ташкилотлари жамоатчилик олдида шаффоф бўлиши керак

Қонунчиликда “нодавлат ташкилотлар фаолиятига аралашиш мумкин эмас” деган кафолат бор, аммо амалиётда баъзи бюрократик тўсиқлар ёки чекловлар нодавлат ташкилотларнинг эркин ишлашини қийинлаштириб келганини ҳам инкор этиб бўлмайди.

Энди, бу тўсиқларга барҳам бериляпти. Янги қонунга кўра, агар мансабдор шахслар ННТ фаолиятига ноқонуний аралашса, жазоланади. Бу эса нодавлат ташкилотлар ўз вазифасини эркин ва тўлақонли бажариши учун янги йўл очади.

Бундан ташқари, жамоатчилик назорати расман кучаяди. Яъни, фуқаролик жамияти институтлари тайёрлаган хулосаларни давлат органлари бир ой ичида кўриб чиқиши шарт. Кўриб чиқмаслик оқибати маъмурий жарима бўлади. Бу жамоатчилик фикрининг ҳеч қандай эътиборсиз қолмаслигини таъминлайди.

Шунингдек, янги тартибга кўра:

– Талончилик ёки фирибгарликка алоқадор шахслар жамоат фонди оча олмайди.
– Чет элдан келган маблағлар ва лойиҳалар ҳақида жамоатчиликка очиқ маълумот берилиши шарт.

Янги қонун – эркин фуқаролик жамияти ва миллий манфаатларни ҳимоя қилиш йўлида муҳим ижобий қадам деб ишонаман.

Кеча бир дилбар, бир баланд суҳбат бўлди.

Кеча шоира Гулжамол Асқарованинг ижодига бағишланган мушоира кечасида қатнашдим.

“Миллий ифтор” шаклида ўтказилган кечага ҳақиқий мумтоз миллий либосларда бориш керак экан. Мен-ку иш билан бўлиб зарур либосларни топа олмадим, лекин бошқа иштирокчилар бу шартни бажаришибди. Худди Бибихоним, Нодирабегим, Увайсий, Хонзода бегиму Анбар Отинлар даврасига тушиб қолгандек бўлдим.

Фаол ва адабиётга мафтун аёллар: олималар, шоиралар, журналистлар, шифокору раҳбар аёллар – хуллас, дилбар шахслар йиғилди.

Гулжамол Асқарованинг шеърларини ўқидик, мумтоз қўшиқлар тингладик, Дилноза Кубаевадан кечамиз қаҳрамонинг ижод намуналарини эшитдик, шеърият, адабиёт, миллий либослар ҳақида суҳбатлашдик – мазза қилдик.

Яъни “Миллий ифтор”да нафақат оғиз очдик, Ҳамза таъбири билан айтганда, “фикр очдик”, маънавий озуқа олдик.

Бизга шундай шаклдаги маданий йиғинлар кўпроқ керак, бу миллий анъаналар фақат таому либос билан эмас, адабиёт, илм, санъат ва маданиятда ҳам намоён бўлишини, бу бизнинг миллий генетик кодимиз эканини кўрсатувчи муҳим тадбирлардир.

Йиғин деса фақат овқат ейишу рақс тушишни (бунга қаршилигим йўқ) тушунилмаслигимиз керак. Ёки расмий кийимда минбардаги зерикарли маърузаларни тинглаш ҳам биз истаган нарса эмас. Мушоира, адабий суҳбат, илмий мунозара, интеллектуал ўйинлар – булар мулоқотнинг замонавий ва савияли шакллари.

Шундай шаклларни оммалаштириб, миллий қадриятларимизни тарғиб қилаётган “Ўзбеклигим – ўзлигим” такшилотига кўплаб ташаккурлар!

Гулжамол Асқарова эса беназир!
Халқ шоираси унвонига лойиқ.
Видеода ўқилган шеърининг ўзиёқ айтиб турибди.

#milliyiftor

@shahnozxon

Тошкентда 132 минг қути ноқонуний тамаки йўқ қилинди, бироқ вазияти ҳали ҳам жиддий

Тошкентда 132 минг қути тамаки маҳсулотининг йўқ қилиниши мамлакатимизда тамаки контрабандаси муаммосининг жиддийлигини яна бир бор кўрсатди. Ўзбекистонда 2024 йил давомида 512 та ҳолатда қиймати 61,6 миллиард сўмлик, 2,9 миллион қутидан ортиқ тамаки маҳсулотлари аниқлангани контрабанда ҳажмининг ортиб бораётганидан далолат беради.

Маълумот учун айтиб ўтиш керакки, 2025 йилнинг феврал ойи ҳолатига кўра ноқонуний тамаки маҳсулотларининг савдодаги улуши 11.1 %ни ташкил қилган. Контрабанда тамаки маҳсулотлари ҳудудлар кесимида ҳисобланганда, энг катта кўрсаткич Фарғона водийсига тўғри келмоқда — 29,4 %.

Тамаки контрабандаси нафақат давлат бюджетига салбий таъсир кўрсатади, балки аҳоли саломатлигига ҳам хавф туғдиради. Ноқонуний маҳсулотлар сифат назоратидан ўтмагани сабабли, уларнинг истеъмоли оғир оқибатларга олиб келиши мумкин. Шунингдек, контрабанда маҳаллий ишлаб чиқарувчиларга рақобатбардошликни пасайтиради ва иқтисодий ривожланишга тўсқинлик қилади.

Ҳукумат томонидан кўрилаётган чора-тадбирларга қарамай, контрабанда ҳажмининг ортиши ташвишланарлидир. Масалан, 2025 йилнинг шу давригача бўлган муддат давомида 137 та ҳолатда 9,3 млрд сўмлик (305 000 қути) тамаки билан боғлиқ ҳуқуқбузарлик ҳолатлари аниқланган. Бу эса, амалдаги қонунчилик ва назорат механизмларини янада кучайтириш зарурлигини, контрабандага қарши қурашни янгни босқичга олиб чиқиш зарур эканлигини кўрсатади.

Контрабандага барҳам бериш учун ҳуқуқни муҳофаза қилувчи органлар ўртасидаги ҳамкорликни янада мустаҳкамлаш, чегара назоратини кучайтириш ва аҳоли орасида кенг тушунтириш ишларини олиб бориш зарур. Фақат шундагина биз тамаки маҳсулотларининг ноқонуний савдосини чеклаб, жамият саломатлиги ва мамлакат иқтисодий барқарорлигини ҳимоя қила оламиз.

Нодавлат нотижорат ташкилотлари жамоатчилик олдида шаффоф бўлиши керак

Нодавлат нотижорат ташкилотлари фаолиятини қўллаб-қувватлаш, улар ишини жамоатчиликка янада шаффоф ва очиқ қилишга қаратилган қонун лойиҳаси Парламентда муҳокама қилинмоқда. Қонун лойиҳаси депутатлар томонидан ишлаб чиқилди.

Охирги йилларда хорижий грантларни олиш жараёни анча осонлашди. Махсус ҳисоб рақам очиш талаби бекор қилинди. Бундан ташқари адлия органи билан келишмасдан олинадиган маблағ миқдори 5 бараварга оширилди. Натижада сўнгги 3 йилнинг ўзида жалб этилган халқаро грантлар 140 млн доллардан ошди.

Бироқ шунча маблағларни тасарруф этаётган ҳар қандай нодавлат ташкилотлари кенг жамоатчилик учун шаффоф бўлиши керак. ННТлар ўз маблағлари ва фаолиятини қандай ишларга йўналтираётганини халқ билиши керак!

@shahnozxon

Суратдаги пиёлани кеча совға қилишди, тарихи қизиқ

Концепцияли бизнесни ҳурмат қиламан. Яъни бизнесини бирор ғоя устига қурган, фойда кўришдан ташқари қандайдир миссияни ҳам бажаришни зиммасига олган тадбиркорларни.

Кеча шундай жойлардан бирида ифторлик қилдик (реклама бўлмаслиги учун жой номини айтмайман).

Арт-чойхона Риштон кулолчилик мактаби анъаналарини кенг ёйишга аҳд қилган экан.

Раҳбари Сардор биз билан бироз суҳбатлашди, Риштон кулолчилиги ҳақида жуда батафсил ва илмий манбаларга таяниб гапираётган бу йигит, кейин билсак, олий маълумотли санъатшунос экан.

Бизда музейларга одамларнинг бориши жуда кам кузатилади, афсуски. Яқинда бир машҳур кулолнинг кўргазмасида бўлдим, кўргазмага келганлар орасида мен ва ўша кулолдан бошқа бирор ўзбекзабонни кўрмадик, кўпи хорижлик меҳмонлар ва юртимиздаги турли миллат вакиллари эди” -
деди бироз хафа бўлиб.

Сардорнинг айтишича, ҳозир Риштонда ўнга яқин устозода кулоллар кулолчилик анъаналарини сақлаб, давом эттириб келяптилар. У ўз ресторанида айнан Риштондан келтирилган ва Риштон кулолчилигига хос зумрадранг сопол идишлардан фойдаланар экан. Чорсуда ҳам кўп-ку бундай идишлар деманг. Мутахассис Сардорнинг айтишича, Чорсудаги аксар маҳсулотлар фабрикаларда оммавий ишлаб чиқилган, бошқача технологияда яъни. Улар 900+ даражага дош бера олади, шу сабабли четлари тез учиб, бўёғи кўчади. Риштоннинг асл маҳсулоти эса 1000 даражадан баландроққа дош беради, яъни яхшилаб оловда пишади, шу сабабли бўёғи ва сири мустаҳкам.

Бухоро амири олийнасаб меҳмонларига айнан Риштон кулоллари ясаган сервисларда дастурхон безатган. Ҳар бир меҳмондорчилик учун алоҳида тўплам ясалган, яъни ҳеч кимнинг лаби тегмаган идишларда таомлар тортилган. Кейин эса шу идишларни Амир меҳмонларга совға қилиб бериб юборган. Тасаввур қиляпсизми, сайёҳ дунёнинг қайсидир чеккасига борса, зумрадранг пиёлани кўриб қолса, ҳаа, демак сиз ҳам Амирнинг меҳмони бўлган экансиз-да дейди.

Сиз чой ичаётган пиёла ҳам яп-янги ва кетаётганда уни сизга совға қиламиз”
деди арт-чойхона эгаси.

Кетаётганимизда ростан ҳам пиёлаларимизни олиб кетдик эсдаликка.

Алихонтўра Соғунийнинг ўша гапи: “Ўзбеклар бошқа ишлар устида ҳам ош устида бирлашгандек бирлашсалар эди…”

Сардор музейга бормаётган, тарихни ва ўзликни кўрмаётган, эсламаётган одамларни ош баҳона ўз арт-чойхонасига чақириб олиб шу ерга музейни кўчириб келгандек. Шу ерда одамларга ўзликни англатяпти.

Қойил қолдим бу санъатшунос рестораторга! Бир кун балки подкастга чақирармиз.

Суратдаги ўша биз чой ичган бир жуфт пиёла.

Пост реклама учун эмас, чин дилдан миннатдорчилик изҳори сифатида ёзилди.

Арт-чойхонани таниган бўлсангиз, номини шарҳда ёзинг.

@shahnozxon

Барча опа-сингиллару ака-укаларни бугунги байрам билан табриклайман.

Бугунги кун фақат аёллар учун эмас, бутун жамиятимиз учун муҳим байрам — эркинлик, ҳурлик, тенглик ва бирдамлик куни.

Ҳар бир хонадонда ва ҳар бир эркакнинг ҳаётида аёл бор — демак, бу ҳамманинг байрами. Бекорга календарда қизил қилиб белгиланмаган-ку.

Бизда аёлларни ардоқлаш ва эъзозлаш бобомерос анъана. Вақтида Тўмарисни саркарда ва давлат раҳбари сифатида бошига кўтарган эл бу. Шунга кўра бизнинг байрам — ҳаммамизнинг байрам билан ҳаммани қутлайман.

@shahnozxon

Тошкентнинг меъморий мероси ва модернизм услубидаги ўзгаришларига бағишлаб чоп этилган “A Modernist Capital” китоби АҚШда тақдимот қлиинди.

Нью-Йоркдаги Rizzoli нашриёт-матбаа уйида Ўзбекистон Маданият ва санъатни ривожлантириш жамғармаси билан ҳамкорликда чоп этилган ушбу китобининг тақдимоти бўлиб ўтди.

Тадбир доирасида шаҳарнинг меъморий юксалиши, унинг модернист нафосати ҳамда “Панорама” кинотеатри (1964), Давлат санъат музейи (1974) ва “Ўзбекистон” меҳмонхонаси (1976) каби диққатга сазовор бинолари ҳақида шўба муҳокамаси бўлиб ўтди.

Мунозарада Ўзбекистон Маданият ва санъатни ривожлантириш жамғармаси раиси Гаяне Умерова, Метрополитен музейининг архитектура ва дизайн бўйича санъат арбоби Абраҳам Томас ва “Cartier” жамғармасининг стратегик лойиҳалар директори Беатрис Грене иштирок этдилар. “The Grand Tourist” подкастининг бошловчиси Ден Рубинштейн модераторлик қилди.

Бундай китобларнинг чоп этилиши ва халқаро майдонда тарғиб қилиниши жуда муҳим ва зарур деб ҳисоблайман. Улар юртимиздаги меъморий бирликлар ва иншоотларнинг бузилмай сақланиб қолиши учун қайсидир маънода балки кафолат бўлади деган умидим бор. Шунинг учун Жамғарманинг бу каби ишларини олқишлайман ва қўллаб-қувватлайман.

@shahnozhon

Тунов куни каналимда "Қайси банкка омонат қўйган маъқул" деган сўровнома ўтказгандим, асосан "Доллар сотиб оламан" деган вариантларга кўпчилик овоз берибди.

Яъни аҳоли банкларга омонат қўйишга шошмаяпти, қўйган маблағлари учун кафолат борлигига ишонмайди чунки. Демак, кафолатлар керак.

18 феврал куни Ўзбекистон республикаси Президенти томонидан Банклардаги омонатларни ҳимоя қилиш кафолатлари тўғрисида"ги Қонун имзоланди.

Унга кўра, давлат кафолатлари энди ҳар бир банкда 200 миллион сўмгача бўлган суммага татбиқ этилади. Бу қонун кучга киргандан сўнг очилган янги омонатларга тааллуқли. Илгари жойлаштирилган барча маблағлар, суммасидан қатъи назар, тўлиқ ҳажмда кафолатланишда давом этади.

✅ Эндиликда давлат кафолатлари нафақат жисмоний шахсларнинг омонатларини, балки тадбиркорларнинг, шу жумладан якка тартибдаги тадбиркорларнинг депозитларини ҳам қамраб олади.

✅ Маблағлар 4 баробар тезроқ қайтарилади. Агар илгари омонатларни қоплаш 83 кунгача чўзилган бўлса, энди бу муддат 20 иш кунигача қисқартирилди. Келажакда у 7 иш кунигача қисқаради, бу эса омонатларни ҳимоя қилиш тизимини янада самаралироқ қилади.

Агар омонат суммаси 200 миллион сўмдан ошса, нима қилиш керак?

InfinBANK омонатлар миқдорини чекламайди. Бироқ давлат кафолати фақат 200 миллион сўмга тааллуқли. Шу сабабли, банк тугатилган тақдирда, Банк омонатчига банк капитали ёки мол-мулки ҳисобидан 200 миллион сўмдан ортиқ маблағни тўлаш мажбуриятини олади.

Банк омонатлар ҳимоясини кучайтириш ва компенсация тўловларини тезлаштиришга қаратилган ташаббусларни қўллаб-қувватлайди.

❗️ Омонатларни ҳимоя қилиш ҳақида батафсил маълумотни Марказий банкнинг расмий веб-сайти, finlit.uz платформаси ва Омонатларни кафолатлаш агентлигидан олишингиз мумкин.

✅ InfinBANKдаги омонатлар ҳақида батафсил маълумотни веб-сайти ва мобил иловадан топишингиз мумкин.
Реклама

Давлат хизматчилари даромадларини декларация қилади, ноқонуний бойлик орттирганлари эса жавобгарликка тортилади – Президент топшириғи.

Йиғилишда Президент кўп йиллардан бери бот-бот кўтарилиб келаётган, лекин ҳали ечим топмаган ушбу масалага тўхталиб, тегишли органлар ва ташкилотларга бу ҳақидаги қонун лойиҳасини 1 апрелгача жамоатчилик муҳокамасига қўйиш вазифасини топширди.

Узоқ уч ё олти ой эмас, мана шу келаётган
1 апрелда лойиҳани кенг жамоатилик кўриши ва муҳокама қилиши керак. Муҳокамада фаол бўламиз.

Асосийси, эндиги уринишда бу жараён охирига етиши ва дабдабали тўй қилаётган, хотинининг ё қизининг туғилган кунини қиммат шаҳарлардаги қиммат ресторанларда ўтказиб инстаграмида мақтанаётган, оила аъзолари қиммат машиналарида юқори тезликда юриб тармоққа жойлайдиганлар тийилади, камида бунча пулни қаердан олганини тийинма-тийин асослаб кўрсатиб бериши керак бўлади.

Ўшал кун яқин (умид қиламиз).

@shahnozxon

Президент амалдорларга хорижий қиммат автомобиллардан воз кечишини айтди.

Хизмат транспортида юришни кескин қисқартириб, миллий автомобиль ва миллий мебелга ўтиш зарурлиги қайд этилди.

"Kun.uz" эса бу хабарни қиммат "амалдорча" қора "Мерседес" сурати билан чоп этди :)

@shahbozxon

Лекин "сектор ишидан озодман" деб билганини қилишмас экан. Президент аниқ вазифаларни қўйди:

“Прокуратура, ички ишлар, солиқ раҳбарлари яхшилаб эшитиб олсин: сектор ишидан озод қилиш бу – эски даврга қайтиб, аҳоли ва тадбиркорларга ҳар қадамда тўсиқ, коррупцияга шароит яратиш, дегани эмас”,
- деди давлатимиз раҳбари.

Туманда жиноятчиликни жиловлашга ҳоким бош бўлиб, барча ишларни мувофиқлаштириши, унинг бу борадаги ўрни ҳеч қаерга йўқолмаслиги кўрсатиб ўтилди.

Ҳар ҳафтада прокурор ва ички ишлар бошлиғи билан ҳудуддаги вазиятни муҳокама қилиб бориши шарт ва зарурлиги қайд этилди.

"Бундан буён секторлар фаолияти билан прокурор, ички ишлар ва солиқ шуғулланмайди",
- деди Президент.

Уларнинг ўрнига эндиликда Бош вазир ўринбосарлари ўзига тегишли соҳалар билан ўз кучи ва тизими билан шуғулланиши белгиланди.

Секторлар ишига баҳо берар экан, Президент улар эришган натижаларни эътироф этгани ҳолда, айрим соҳаларда муаммолар пайдо бўлганини қайд этди.

Саккиз йил аввал ҳудудларни комплекс ривожлантириш бўйича секторлар фаолияти йўлга қўйилган эди.

Бу тизим йиллар давомида йиғилиб қолган ижтимоий-иқтисодий муаммоларни ҳал этиб, вазиятни ўнглаш учун барча кучларни сафарбар этишга кўмаклашди.

Шу билан бирга, сўнгги йилларда ҳудудлар салоҳияти бир неча карра ошди. Лекин кейинги пайтда прокурор, ички ишлар ва солиқ раҳбарлари секторни баҳона қилиб, соҳасидаги ишларни сусайтириб юборгани танқид қилинди.

Ҳар бир маҳаллага профилактика инспектори бириктирилди. Лекин туман ички ишлар бўлимларининг янги тизимда ишлаши кузатилмаётгани, профилактика инспектори фаолиятига баҳо берилмаётгани кўрсатиб ўтилди.

Баъзи ички ишлар бошқармалари ва бўлимлари раҳбарияти оғир маҳаллалар билан тизимли шуғулланмаётгани, уларнинг профессионаллиги ва меҳнатга садоқати сезилмаётгани қайд этилди.

Президент Коррупцияга қарши курашиш агентлиги фаолиятидан мутлақо норозилигини айтди.

Агентлик ходимлари вазирликларга, ҳудудларга бориб, аниқ бир соҳани таҳлил қилиб, муаммоларга ечим бериш ўрнига, қўзғатилган жиноят ишларини санайдиган қуруқ статист бўлиб қолгани қайд этилди.

Ҳуқуқ-тартибот идоралари асосан коррупцияни аниқлаш ва жазолаш билан ишлаб, коррупциявий омилларни таг-томири билан йўқотадиган превентив чораларни эътиборсиз қолдираётгани қайд этилди.

Коррупцияни олдини олиш, омиллари билан ишлаш учун 117 та вазирлик ва идорадаги “коррупцияга қарши ички назорат” тузилмаларида 1 минг 285 ходим ишламоқда. Лекин, коррупциявий омилларни бартараф этишда уларнинг ўрни ҳам, масъулияти ҳам сезилмаётгани қайд этилди.

Ҳар йили бизнес муҳитини яхшилаш, инвестиция жалб қилиш, янги иш ўринлари яратишда бюрократия ва тўсиқларга барҳам бериш бўйича ўнлаб қарорлар қабул қилинмоқда.

Масалан, 6,5 минг турдаги маҳсулотни ишлаб чиқариш ва олиб киришда тадбиркорларга мувофиқликни баҳолаш мажбурияти юкланган. Шундан 3 минг 700 турдаги товар бўйича ҳар бир партияга алоҳида сертификат олиш шарт.

Шундай рўйхатлар санитария, карантин, ветеринария идораларида ҳам бор. Божхона эса бу рўйхатларни ҳаммаси билан ишлайди.

Тадбиркорларни қийнаб, коррупцияга омил бўлаётган бундай рўйхатларни қисқартириш бўйича бу идораларнинг комплаенс ходимлари ҳеч қандай таклиф бермаган.

деди Президент.

Президент бошчилигида ўтаётган коррупцияга қарши йиғилишда қаттиқ гаплар бўляпти-ку.

@shahnozxon

“Анора” ўзбекистонлик ҳам, ўзбек ҳам эмас – нуқта!

“Анора” фильми “Оскар” олибди.
Бу хабар тарқалиши билан яна “ўзбек фоҳишаси ҳақида фильм “Оскар” олди” деган илмоқли гаплар урчий бошлади. Бу гаплар, айиқса, фильмни кўрамаганларнинг ҳис-туйғуларига ўйнамоқда, мухожирлар ва айниқса, мухожир аёлларга нисбатан нафратнинг ортишига сабаб бўляпти.

Аввало, “эшитган кўрганни енгмасин”, фильмни кўрганларга қулоқ тутинг. Уларнинг барчаси “Анора”да “ўзбек” сўзи ҳам, Ўзбекистон мамлакати ҳам тилга олинмаганини айтяпти. Бош қаҳрамоннинг фамилияси– Михеева. Сиз шундай фамилиялик ўзбекни ҳеч учратганмисиз?

Иккинчидан, кинода Анора на Ўзбекистондан, на бошқа Марказий Осиё мамлакатидан бориб “фоҳишалик” қилади. У Америкада туғилган, ота-онаси балки мухожирлардир. Яъни у айнан Америка жамиятининг ҳосиласи, фильмда ҳам умуман Ўзбекистон давлати ва жамиятига аллюзия ё ишоралар йўқ.

Учинчидан, менга фильм ёқмаганини аввал ҳам айтганман. Бу китоб ўқимаган, яхши асарлар кўрмаган, асосан интернет ва ТВ таъсирида катта бўлган авлод учун “воҳ-воҳ” зўр бўлиши мумкин. “Оскар” кенгашидан баъзида шунақа кутилмаган баҳолар ҳам чиқиб туради, “Паразитлар” бунга мисол.

Тўртинчидан, бошқалар “бу ўзбекистонликлар ҳақида кино” деса баҳслашиб шаънимизни ҳимоя қилишимиз керак бўлган жойда, ўзимиз “бу мен” деб чиқиб, аюҳаннос солишимизга неча баҳо? Бунчалик ҳам ўзбекистонликларни ёмон кўрадиган ўзбекистонликлармизми?

Ўзини танқид қилиш, ўзини сатира ё киноя қилиш бошқа, ўзини балчиққа булаш – бошқа. Иккисини фарқлаб олайлик. Бу ижтимоий бадбинликка чек қўйиш керак.

@shahnozxon

Янги Тошкент қурилишида ишга кириш имконияти

Иш қидираётганлар учун катта имконият! Янги Тошкент ҳудудида олиб борилаётган қурилиш ишларига ишчилар жалб қилинмоқда.

📌 Иш ҳақи: 8-15 миллион сўм
📌 Иш ўринлари: бетончи, сувоқчи, сантехник, электрик, ғишт терувчи ва бошқа қурилиш касблари
📌 Шароитлар: ётоқхона, транспорт, махсус кийим-кечак, 3 маҳал овқат
📌 Иш тартиби: расмий бандлик, 8 соатлик иш куни, қўшимча дам олиш кунлари

Агар сиз қурилиш соҳасида тажрибага эга бўлсангиз, бу имкониятни қўлдан бой берманг!

📞 Хориждаги юртдошлар учун – 0 800 0000 1176
📞 Ўзбекистонда – 1176

Ўз меҳнатингиз билан Янги Тошкент қурилишида иштирок этинг!

Мана шу гўзаллик бўляпти бизда!

Алишер Навоий номли опера ва балет катта театрида!

Ҳар жума кечга маданий дам олишни одат қиляпман. Кеча шовшувли, машҳур “Лазги” балетини кўрдим ниҳоят — 3 йиллик орзуйим ушалди!

Балет олмон хореографи Раймондо Ребек томонидан саҳналаштирилиб, дунёнинг асосий саҳналарида, жумладан, “Большой театр”да ҳам қўйилди. Мен уч йилдан бери “Лазги”га тушолмай юрганим сабабларидан бири ҳам шу — қачон сўрамай, “Лазги” гастролда, хорижда эди.

Бу — классик балет билан ўзбек фольклори омухтаси, ёрқин миллий рақс билан замонавий рақс симбиози, бу — ўтдан олиб сувга солгувчи, мағрибдан машриққача амплитудада тебратгувчи томоша.

Ёрқин костюмлар, декорациялар, сарвқомат раққосу раққосалар, жонли мусиқа, ҳатто сурдотаржимани ҳам рақсда беришган. Инсон тасаввури чексиз!

Ҳозирги балетлар шунақанги шоу бўлиб кетибди!… Кино ёки видеодан фарқи ва қадри шундаки, бунда ҳаммаси жонли, оловлар ростакам олов, овозлар ростакам овоз, туйғулар ростакам туйғу…

Балетни кўриб туриб, унинг хориждаги премьераларида ўтирган томошабинларни тасаввур қиламан.

“Воҳ шу гўзалликни бутун дунё кўрди а, олам бизнинг ёрқин ва жўшқин лазгимизни шунақа чиройли тақдимда кўриб лол қолди-я” деб ифтихор юрагимни тўлдирди.

Яхши нарса тез тугайди — нисбийлик қонуни. Балет бир пасда тугаб қолди ё мен вақт ўтганини сезмадим. “Яна-яна” деб ёш боладек тамшаниб қолдим.

Жуда чиройли асар. Халқ тилида юрган — жон танага лазги бўлиб кириб келган деган бир оғиз афсонадан шундай дурдонани яратганларга тасанно. Гўё Лазги бир олмос бўлса, уни замонавий “модный” заргарлик уйи олиб, тарошлаб, қимматбаҳо металлга ўрнатиб бебаҳо бир зийнат яратибди. Ғоя муаллифи ва ташкилотчиси — Ўзбекистон маданияти ва санъати фондига алоҳида раҳмат!

Бу балетга албатта тушинглар — бир марта келамиз дунёга!

@shahnozxon

Леонардо да Винчи ва Шарқ алломалари: Унутилган Илмий Боғлиқлик

Яқинда италиялик таниқли олим Марио Тедди Ўзбекистонга келган эди. У Леонардо да Винчи мероси бўйича таниқли мутахассис. Олим Леонардо да Винчи ўз ихтироларида Шарқ алломаларининг илмий ишларидан фойдалангани ҳақида гапирган. Бу Шарқ илм-фани Ғарб ривожига улкан таъсир кўрсатганини яна бир бор тасдиқлайди.

Ўзбекистондаги Ислом цивилизацияси маркази ушбу боғлиқликни кенг жамоатчиликка етказиш мақсадида Шарқ олимлари кашфиётларидан илҳомланган Леонардо да Винчига бағишланган кўргазма ташкил этишни режалаштирмоқда.

Илм-фаннинг чегара билмаслиги ва улуғ алломалар меросини қайта кашф этиш – бугунги кун учун ҳам жуда муҳим!

Сиз бу ҳақда қандай фикрдасиз? 🔎

Мухолифат бизга керакми ёки йўқми?

Президент Шавкат Мирзиёев мухолифатнинг мамлакат ичида шаклланиши кераклигини айтганди. Бугун парламентда ҳам мухолифатнинг роли ҳақида жиддий муҳокамалар кетяпти. Ҳатто мухолифат ҳуқуқларини кенгайтиришга қаратилган қонун лойиҳаси ҳам ишлаб чиқилди. Унга кўра, мухолифат вакиллари парламент қўмиталарида раҳбарлик лавозимларини эгаллай олади.

Лекин бу қанчалик амалга ошади? Мухолифат фақат қарши чиқадими ёки ҳақиқий ечим ҳам таклиф қиладими? Aksent подкастида айнан шу мавзуда суҳбат бўлганди. Икки депутат бу масалада ўз позициясини очиқ билдирган.

Тўлиқ суҳбатни мана бу ҳавола орқали сиз ҳам кўринг, албатта: https://youtu.be/HRf2A-Llbyg

@shahnozxon

Ўзбек тилини ўрганиш қийин эмас.

Давлат тилидан имтиҳон барча битирувчилар учун мажбурий этиб белгиланди – бу шунчаки таълимга оид янгилик эмас, муҳим сиёсий қарордир.

Аслида Ўзбекистон фуқароларини, қайси тилда мулоқот қилишидан қатъий назар, давлат тилини билиши – бирлаштирувчи нуқта бўлиши керак. Кўп мамлакатларда шундай, жамият уларда бу масалада муросага келган, давлат буни кафолатлаган.
Ўзбекистонда ҳам умумий ўрта таълимни битираётганларга давлат тилидан имтиҳон киритилиши адолатли ва қонунийдир.

Биринчидан, таълим қайси тилда бўлишидан қатъий назар барча мактабларда ўзбек тили дарслари ўтилади. Давлат тилидан билимларни текширишдан аввал давлат бу билимларни беряпти (таълим сифати – бошқа масала).

Иккинчидан, ўзбек тилини ўрганиш учун тил муҳити мавжуд. Телевидение-радио-интернет-ижтимоий тармоқларда ҳам контентлар бор. Ҳозирги болалар сунъий интеллект орқали чет тилларини ўрганишяпти, ўзбек тилини ҳам СИ жуда яхши билар экан. Демак, ўрганишда муаммо бўлмайди.

Учинчидан, имтиҳон белгиланган фанларнинг яхши ўтилишига ота-оналар ва жамоатчиликнинг эътибори кучаяди, демак, мактабларда ўзбек тили дарслари сифати ортишига олиб келади.

Тўртинчидан, ва ниҳоят, “сен менинг тилимда гапир-мен сенинг тилингни билмайман” деган баҳслар тугайди, ўзбек тили ўзаро мулоқот ва бирлаштирувчи тилга айланади.

Ўзбек тили ўрганишга қийин тил эмас. Ва чиройли тил. Биз ота-оналар болаларимизга шу томондан озгина эътиборли бўлсак, кифоя.

Италиядаги Ўзбекистон маданий мероси намуналари Тошкентда намойиш этилади

Ўзбекистондаги Ислом цивилизацияси маркази очилиши муносабати билан Италия музейлари ва шахсий коллекцияларида сақланаётган Ўзбекистон маданий мероси дурдоналари намойиш этилади. Бу асрлар давомида чет элда сақланган ноёб экспонатларнинг юртимизга қайтишига бағишланган муҳим халқаро кўргазма бўлади.

Кўргазмада Афросиёб кулолчилик буюмлари, Қорахонийлар даврига оид афсонавий коса, Хуросон ва Мовароуннаҳр металл санъати намуналари, XIX-XX аср ўзбек ипак тўқимачилигининг бетакрор асарлари тақдим этилади.

Италия музейлари вакиллари ва коллекционерлари бу ташаббусни қўллаб-қувватлаб, Ислом цивилизацияси маркази очилиши муносабати билан ушбу дурдоналарни юртимизга олиб келишга розилик билдиришган. Улар орасида Турин Осиё санъати музейи, Рим миллий Шарқ санъати музейи, Болонья университети кутубхонаси ва бир қатор шахсий коллекциялар мавжуд.

Тошкентдаги кўргазма нафақат Ўзбекистоннинг маданий меросини очиб беради, балки халқаро маданий ҳамкорлик учун янги имкониятлар яратади. Бундай ноёб имкониятни қўлдан бой бермаслик керак!

Таълим ўзбек тилида бўлмаган мактаб битирувчилари ҳам давлат тилидан имтиҳон топширишар экан.

Болаларимизга ўзбек тилини янада яхшироқ ўргатамиз.

Тўғри деб ҳисоблайман ва ёқлайман!

@shahnozxon

100 кун — нималарга улгурса бўлади?

Янги таркибдаги парламент ўз ишини бошлаганига 100 кун тўлди. Оғизда айтганда кам вақтга ўхшайди, лекин шу қисқа муддат ичида бир қанча ижобий ўзгаришлар рўй берди.

1. Халқ билан тўғридан тўғри мулоқот жадаллашди. Масалан, бу йилдан депутатлар ҳар ойнинг охирги ҳафтасида ҳудудларга чиқиб, сайловчилар билан учрашувлар ўтказишни бошлашди.

2. Қонун ижодкорлиги борасида фаоллик ошди. Олий Мажлис Қонунчилик палатаси томонидан халқ фаровонлигини таъминлаш, иқтисодиётни ривожлантириш ва ижтимоий ҳимояни кучайтиришга қаратилган 48 та қонун қабул қилинди.

Депутатлар ташаббуси билан 4 та қонун лойиҳаси палатага киритилди, 42 та депутат сўрови юборилди. Шунингдек, 9 маротаба ҳукумат аъзолари ва давлат бошқаруви органлари раҳбарларининг ахбороти эшитилди.

3. Парламент назорати ҳам анча жонланди: 14 та назорат-таҳлил тадбирлари ўтказилиб, қонунлар ижроси ва ҳуқуқни қўллаш амалиёти жойларда ўрганилди. Шунингдек, 23 та ялпи мажлис ўтказилиб, улар YouTube'да ва парламентнинг расмий веб-сайти орқали жонли эфирда узатиб борилди.

100 кун — бу ҳали бошланиш. Олдинда кўп вазифалар турибди. Муҳими, парламентдаги фаоллик сусаймаслиги ва ҳар бир ташаббус халқ манфаатларига хизмат қилиши керак.

Ҳомийлик фаолияти тартибга солинади – ҳаммаси яхши бўлади!

Ҳомийлик фаолиятини тартибга солиш бўйича қонун лойиҳаси Қонунчилик палатасида муҳокама қилина бошлади. Бу бизга нима беради? Қуйида лойиҳа ҳақида ўзим тушунганларимни оддий-содда англатишга ҳаракат қиламан.

Жисмоний шахслар хайрия йиға олмайдими?

Ундай эмас, йиға олади. Фақат ўзи ёки яқин қариндоши учун. Яқин қариндошлар – қонунчилик асосида, ўзаро қариндош бўлган шахслар, яъни ота-оналар, туғишган ёки тутинган ака-ука ва опа-сингиллар, эр-хотинлар, фарзандлар (шу жумладан асраб олинганлар), бува ва бувилар, набиралар, шунингдек эр-хотиннинг ота-оналари, туғишган ёки тутинган ака-ука ва опа-сингиллар бўлиши мумкин. Яқин қариндошлар ҳақида тўлиқ шарҳ бу ерда.

Кўнгиллилар-чи? Хайрия фаолиятига кўнгилли бўлиб қўшилиш ва кўмаклашиш мумкин эмасми?

Албатта, мумкин. Кўнгиллилар бегона шахслар учун хайрия йиғишда иштирок этиши мумкин, фақат эълон бериш орқали! Эълонларда хайрия ким учун йиғилаётган бўлса, ўша одамнинг пластик картаси ва/ёки банк ҳисобрақамини кўрсатишлари керак. Яъни ўзининг ё хайрия субъектидан бошқа бировнинг картасини қўйиши мумкин эмас.

Хайрия қутилари қандай қўйилади?

Хайрия қутилари фақат ННТ ёки юридик шахслар томонидан белгиланган тартибда қўйилиши мумкин.

Бунда хайрия қутиси шаффоф идиш бўлади, жойлаштириладиган манзил олдиндан эълон қилинади, уни очишда гувоҳлар қатнашади ва бу жараён видеотасвирга олиниб, жамоатчиликка эълон қилинади. Яъни хайрия маблағи хайрия қилувчидан хайрия олувчигача бекаму кўст етиб бориши жамоатчилик назорати остида, шаффоф бўлиши керак.

ННТлар нақд пул шаклида хайрия йиға оладими?

Албатта, йиға олади. Фақат хайрия қутилари орқали. Яъни ҳар бир купюра ёки танга албатта белгиланган тартибда ўрнатилган шаффоф хайрия қутисига тушиб, кўпчилик иштирокида ҳисобланиб, ҳужжатлари қилиниб, ҳисоботи бериладиган бўлиши керак.

Ҳомийлик хайриясини олганларга бошқа ёрдам ва имтиёзлар берилмайдими?

Ундай эмас. Қонуннинг 14-моддаси қуйидаги мазмундаги учинчи қисм билан тўлдирилмоқда: “Ҳомийлик олувчилар томонидан ҳомийлик хайрияларининг олиниши уларга қонунчиликда белгиланган бошқа ёрдам турларидан, тўловлардан ёки имтиёзлардан фойдаланишини чеклаш ёки тўхтатиш учун асос бўлмайди”.

Мол-мулк шаклидаги хайриялар-чи? Улар қандай қилинади?

Хайриялар мол-мулк шаклида йиғилган тақдирда, ННТ ёки юридик шахс томонидан қабул қилиб олиниб, мол-мулк рўйхати шакллантирилиб, унинг тури, миқдори (ҳажми) кўрсатилган ҳолда далолатнома тузилади.

@shahnozxon

Элдор Асанов "1000 китоб"га менежер бўлиб кетибди!

Оқлайман, ёқлайман, қўллайман, ёрдам керак бўлса, шу ердамиз🖐

Элдор ҳам олим, ҳам ўз соҳасида эксперт, ҳам мулоҳазали ва мўътадил бошқарувчи сифатида, қолаверса, "1000 китоб"нинг қадриятлари ва ғоясини эъзозловчи зиёли ўлароқ контент-менежер вазифани аъло даражада ва сидқидилдан адо этишига ишонаман.

Шунингдек, унинг лойиҳадаги "эгизаги", ташкилий-молиявий менежер Назирбек Худоёров ҳақида ҳам яхши гапларни эшитганман, "Asaxiy" мактабидан чиққан, ўз ишининг устаси деб эшитдим.

Лойиҳага омад тилайман!

@shahnozxon

Давлатимиз раҳбарига совға қилинган бебаҳо туҳфа — Муқаддас Каъба ёпинчиғи – Кисванинг бир парчаси Ислом цивилизацияси марказига жойлаштирилади.

Яқинда Саудия Арабистони Подшоҳлиги ҳаж ва умра ишлари вазири Тавфиқ бин Фавзон ар-Рабиа Ўзбекистонга келган эди.

У Президентимиз билан учрашувда Саудия Арабистони Подшоҳи Салмон Ол Сауднинг кўп миллатли Ўзбекистон халқига ҳадяси – муқаддас Каъба ёпинчиғи – Кисванинг бир парчасини топширди.

Ушбу ҳадя давлатимиз раҳбари топшириғига кўра, Ислом цивилизацияси марказига жойлаштирилади. Кисва парчасининг остида Саудия Арабистони Подшоҳи Салмон бин Абдулазиз бин Абдурраҳмон Ол Сауднинг кўп миллатли Ўзбекистон халқига совғаси деган маънодаги изоҳ бўлиши кўзда тутилган.

Ана бўмасам, диетологимга юбораман деб каналимга жўнатиб юборибман-ку🤦‍♀️🤦‍♀️🤦‍♀️ Майли, ана вазнимни ва озаётганимни ҳам билиб олдинглар🤣 Ўчирдим.

@shahnozxon

Бугун торозга чиқувдим

"Ҳозирги болалар китоб ўқимайди" дейдиган ота-оналарнинг ўзи китоб ўқимайди".

"Ҳандалак"чи Ортиқ Султонов китоб ўқиш ҳақида.

#ziyoulash

@shahnozxon