Taʼlim sifatini oshirish boʻyicha takliflar taqdimot qilindi

Prezident Shavkat Mirziyoyev 21-aprel kuni maktab taʼlimi sifatini oshirish hamda pedagoglar tayyorlash tizimini takomillashtirishga oid taqdimot bilan tanishdi.

“Oʻzbekiston – 2030” strategiyasida taʼlim tizimi islohotlari ustuvor yoʻnalishlardan biri etib belgilangan. Bu yilgi davlat dasturida ham maktablarda sharoitlarni yaxshilash, yosh avlodni bilimli etib tarbiyalash boʻyicha koʻplab vazifalar qoʻyilgan.

Bu, koʻp jihatdan, oʻqituvchilarning bilim va malakasiga bogʻliq. Yurtimizda 15 ta davlat va 61 ta nodavlat oliygohida pedagogika yoʻnalishi bor. Lekin ulardagi ilmiy salohiyat atigi 40 foiz atrofida.

Qabullarning katta qismini ijtimoiy yoʻnalishlar tashkil etadi. Aniq va tabiiy fanlar boʻyicha pedagoglar tayyorlash juda kam. Talabalarning 40 foizi sirtqi taʼlimda oʻqiyapti.

Shu bois Toshkent davlat pedagogika universitetini transformatsiya qilib, Oʻzbekiston milliy pedagogika universitetini tashkil etish, kelajak pedagoglari loyihasini amalga oshirish rejalashtirilmoqda. Universitet barcha hududlardagi pedagogika institutlari uchun tayanch oliygoh boʻladi.

“Yangi Oʻzbekiston” universitetida 40 dan ziyod chet ellik oʻqituvchilar va 30 nafar vatandosh ziyolilarimiz faoliyat yuritmoqda. Talabalar oʻzlarining turli yoʻnalishlardagi loyihalariga jami 24,3 milliard soʻmlik grantlar jalb qilgan. Bu salohiyatdan foydalanib, universitetda muhandislik, raqamli texnologiyalar, sunʼiy intellekt, tibbiyot kabi zamonaviy sohalarda mutaxassislar tayyorlashni rivojlantirish, yangi laboratoriyalar ochish rejalari taqdimot qilindi.

Shuningdek, oliygohda ilm-fan, taʼlim va amaliyot integratsiyasini taʼminlash maqsadida Germaniyaning ilgʻor tajribasidan foydalangan holda zamonaviy universitet klinikasini tashkil etish rejalashtirilmoqda.

Taʼlim sifatini aniqlashda ham xalqaro uslublar joriy etilmoqda. Bu yil 233 ta maktabdagi 9 ming nafar 15 yoshli oʻquvchining bilimi “PISA” xalqaro dasturi orqali baholanadi.

Hozirgi kunda 2 mingta maktab yuqori yuklama bilan ishlayapti. Bu yil byudjet hisobidan 112 mingta yangi oʻquvchi oʻrni tashkil etiladi. Aholi oʻsishi hisobiga, maktablarga ehtiyoj ham ortib boradi. Shu bois Islom taraqqiyot bankidan 200 million dollar jalb etib, hududlarda 58 ta zamonaviy maktab qurilishi rejalashtirilgan.

Tahlillarga koʻra, maktab yoshidagi bolalarning 80 foizi internet va ijtimoiy tarmoqlarda faol. Ularni zararli axborotlardan himoya qilish boʻyicha muayyan ishlar olib borilyapti. Lekin, yoshlar taʼlim-tarbiyasiga kuchli taʼsir koʻrsatadigan, qiziqarli milliy kontentlar yaratayotgan ijodkorlar sanoqli.

Shulardan kelib chiqib, bolalarga xavfsiz axborot muhitini yaratish, milliy kontentlarni koʻpaytirish, ijodkorlarni qoʻllab-quvvatlash boʻyicha koʻrsatmalar berildi.

@hilola_umarova

#malaka_sinovlari
#100_foizlik_natija

Xabaringiz bor, respublikamiz boʻylab pedagoglarning malaka sinovlari davom etmoqda.

Rasmlardagi ustozlarimiz test sinovlarida eng yuqori 100 ballik natijani qoʻlga kiritdi.

Sinovlar ochiq, shaffof, adolatli oʻtishi uchun doimiy monitoring qilib borilmoqda. Siz ham test jarayonlarini kuzatmoqchimisiz? Marhamat, cams.uzedu.uz manzili orqali sinovlarni real vaqt rejimida kuzatishingiz mumkin.

Eslatib oʻtamiz, malaka sinovlari fanlar kesimida va belgilangan jadval asosida, 16-mayga qadar davom etadi.

Eng yuqori koʻrsatkich qayd etgan ustozlarimizni kanal orqali tabriklab turaman. Barcha pedagoglarimizga omad!

@hilola_umarova

#HCI2025 #dayjest

Bugun Saudiya Arabistoniga safarimiz yakuniga yetdi. Ar-Riyod shahrida “Human Capability Initiative 2025” xalqaro forumida ishtirok etdik. Safar davomida qilingan ishlar, uchrashuvlarni eslatib oʻtsam.

📌 Oʻzbekiston Maktabgacha va maktab taʼlimi vazirligi va Islom taraqqiyot banki oʻrtasida 40 million dollarlik grant shartnomasi imzolandi.

📌 “Hamma uchun SI savodxonligi: Barqaror salohiyat uchun teng imkoniyatlar” mavzusidagi vazirlar davra suhbatida ishtirok etib, soʻzga chiqdim, Oʻzbekistonda raqamli va sunʼiy intellekt savodxonligini shakllantirish boʻyicha amalga oshirilayotgan ishlarga toʻxtalib oʻtdik.

📌 Saudiya Arabistoni taʼlim vaziri Yusuf ibn Abdullo al-Bunyan bilan uchrashib, maktabgacha va maktab taʼlimi infratuzilmasini yaxshilash, investitsiya loyihalarini kengaytirish va xususiy sektorni jalb qilish xususida suhbatlashdik.

📌 Islom Taraqqiyot Banki prezidenti Muhammad Al-Djasser bilan kechgan muloqotda transformatsiyaviy taʼlim tashabbuslari, inklyuziv taʼlim imkoniyatlarini kengaytirish borasidagi ustuvor yoʻnalishlarni muhokama qildik.

📌 Birlashgan Arab Amirliklari taʼlim vaziri Sara Al-Amiri xonim bilan uchrashuvimiz ham yangiliklarga boy boʻldi. Uchrashuvda “Emirates National Schools” bilan taʼlim dasturlari va xalqaro maktab qurish boʻyicha hamkorlik, Abu-Dabi taʼlim kolleji bilan pedagoglar malakasini oshirish, Prezident maktablari oʻquvchilarining BAAdagi xalqaro tanlovlarda ishtirok etishi, “Yangi Oʻzbekiston” universiteti va Xalifa universiteti oʻrtasida talabalar almashinuvi, joriy yil Samarqandda oʻtkaziladigan “Markaziy Osiyo – Koʻrfaz davlatlari” sammitida ilgari suriladigan taʼlimga doir yangi tashabbuslar xususida fikr almashdik, kelishuvlarga erishdik.

📌 Bugun esa Saudiya Arabistonining “JAD AL-ALMIA” kompaniyasi bilan uchrashuv boʻlib oʻtdi. Uchrashuvda oʻqituvchilar malakasini interaktiv platformalar orqali oshirish, xalqaro grantlar jalb etish boʻyicha hamkorlikda ish olib borish, tanlangan maktablarda dastlabki loyihalarni yoʻlga qoʻyish kabi qator masalalarda hamkorlikni muhokama qildik.

Ushbu uchrashuvlar, kelishuvlar, hamkorliklarning barchasi taʼlim sohasida xalqaro aloqalarni kuchaytirish, ilgʻor tajribalarni oʻrganish, zamonaviy yondashuvlarni oʻz vaqtida amaliyotga joriy qilib borish imkonini beradi.

@hilola_umarova

Bugundan respublikamizning barcha hududlarida pedagoglarning malaka sinovlari boshlandi.

Test sinovlari katta zallarda oʻrnatilgan jami 2050 ta kompyuterda FaceID va Blockchain texnologiyalarini qoʻllagan holda onlayn tarzda oʻtkaziladi.

Bir oy davom etadigan ushbu jarayonda 40 dan oshiq fanlardan dars beradigan 190 mingga yaqin pedagoglarning ishtirok etishi kutilmoqda.

Biz sinovlarni ochiq, shaffof, adolatli oʻtkazilishidan manfaatdormiz. Test jarayonlarini istagan inson cams.uzedu.uz manzili orqali toʻgʻridan toʻgʻri kuzatib borishi mumkin.

Fursatdan foydalanib, sinovlarda ishtirok etayotgan barcha pedagoglarimizga omad tilayman. Bilimingizni boyiting, oʻz ustingizda ishlang, yuqori ballarni qoʻlga kiritib, oylik ustamalarga ega boʻling.

Biz har safar sinovlar yakuniga yetgach matbuot anjumani tashkil etamiz, vazirlikning tegishli masʼullari jurnalist va blogerlar uchun batafsil maʼlumot berishadi.

Bu safar pedagoglarni, test jarayonlarida qatnashgan oʻqituvchilarni ham eshitsak nima deysizlar? Balki, malaka sinovlari yakuniga yetgach onlayn muloqot qilarmiz? Fikr, takliflaringizni eshitishga tayyorman!

@hilola_umarova

#HCI2025 #birinchi_kun #ITB

Vazirligimiz vakillari bilan Saudiya Arabistonining Ar-Riyod shahrida “Human Capability Initiative 2025” xalqaro forumida ishtirok etyapmiz.

Saudiya Arabistoni valiahdi, bosh vaziri Muhammad bin Salmon bin Abdulaziz Ol Saud homiyligida har yili oʻtkaziladigan ushbu nufuzli tadbirda dunyoning turli nuqtalaridan kelgan ishtirokchilar taʼlim, iqtisodiyot, texnologiya sohasidagi muammolar, ularga innovatsion yechimlar topishga qaratilgan masalalarni muhokama qiladi. Eʼtiborlisi, Oʻzbekiston Markaziy Osiyo davlatlari orasida mazkur nufuzli tadbirga taklif etilgan yagona davlat.

Forumning ilk kunidayoq, Oʻzbekiston Maktabgacha va maktab taʼlimi vazirligi va Islom taraqqiyot banki oʻrtasida 40 million dollarlik grant shartnomasi imzolandi.

Islom taraqqiyot banki (ITB) Prezidenti Muhammad al-Jassar bilan uchrashuvimizda ITB kelajak avlod uchun yaxshiroq taʼlim imkoniyatlari yaratishda Oʻzbekiston hukumatining ishonchli hamkori boʻlishdan mamnunligini qayd etdi.

Uchrashuv natijasida Global Partnership for Education (GPE) tomonidan taʼlim sohasiga grant shartnomasi imzolandi.

Loyihaning asosiy yoʻnalishlari esa quyidagicha:

- respublikamiz boʻyicha 58 ta yangi inklyuziv maktab qurilishi;
- maktablarni zamonaviy jihozlar bilan taʼminlash;
- oʻqituvchilar malakasini oshirish boʻyicha dasturlar;
- inklyuziv taʼlimni rivojlantirish;
- oʻquv dasturlarini takomillashtirish;
- maktabgacha taʼlim sifatini oshirish.

Forum oʻz ishini davom ettirmoqda. Navbatdagi uchrashuv va kelishuvlar tafsilotlari, yangiliklar haqida yana xabar berib boramiz.

@hilola_umarova

#raqamli_avlod_qizlari

Ummatoy, Madina, Muxlisa... Ular loyihaning oddiy ishtirokchisidan koordinatorlari darajasiga chiqa oldi. Buni ularning oʻzlaridan eshiting.

“Raqamli avlod qizlari” loyihasidan maqsad ham shu. IT sohasiga qiziqadigan, iqtidorli qizlarni bir yerga jamlash, qoʻllab-quvvatlash.

Ishonaman, loyiha sabab koʻz oʻngimizda hali yuzlab, minglab qizlarimizning mana shunday muvaffaqiyat hikoyalari yaratiladi.

Eslatma! Ayni vaqtda qizlar.raqamliavlod.uz platformasi orqali roʻyxatdan oʻtish jarayonlari davom etmoqda.

@hilola_umarova

Farzandlarimiz tomosha qilayotgan kontentning asosiy qismi — chet el mahsulotlari. Milliy, sifatli kontentimiz esa yetarli darajada emas.

Ayniqsa, bolalar uchun o‘zbek tilidagi qo‘shiqlar, milliy qadriyatlarimizga xos multfilmlar va ta’limiy kontentlar yetishmaydi. Shu bois, mazkur yo‘nalishda faoliyat yuritayotgan “Donocha” kabi loyihalarni qo‘llab-quvvatlayman. Ularni yanada rivojlantirish kerak.

Albatta, bolalar adabiyotining, milliy ertaklarimizning ham o‘rni juda muhim.

Shu maqsadda, kecha O‘zbekistondagi yetakchi animatsiya studiyalari vakillari bilan uchrashib, sohaning real holati hamda uni rivojlantirishga doir amaliy takliflarini eshitdim.

—
Большая часть контента, который смотрят наши дети, — это зарубежная продукция. К сожалению, качественного и содержательного национального контента по-прежнему недостаточно.

Особенно остро ощущается нехватка детских песен на узбекском языке, мультфильмов, отражающих наши национальные ценности, а также развивающих и образовательных материалов. Именно поэтому я поддерживаю проекты вроде Donocha, которые активно работают в этом направлении. Такие инициативы требуют всесторонней поддержки и дальнейшего развития.

Безусловно, важную роль в этом процессе играют и детская литература, и наши народные сказки.

Именно с этой целью я вчера встретилась с представителями ведущих анимационных студий Узбекистана, чтобы обсудить текущее состояние отрасли и выслушать их практические предложения по её развитию.

Koʻpchilik yaxshi biladi, ikki yil Muhammad al-Xorazmiy nomidagi ixtisoslashtirilgan maktab direktori sifatida ishlaganman. Shu sababdir direktorlar faoliyatidagi asosiy masalalar, muammolar, ularni hal etish choralari alohida diqqat-e’tiborimda.

Kecha Direktorlar kengashi aʼzolari uchun tashkil etilgan oʻquv kurslarida qatnashdim. Tizimdagi islohotlarda bu Kengashning muhim oʻrni bor, ularga direktorlarni lavozimga tayinlash vakolati berilgan.

Abdulla Avloniy nomidagi pedagogik mahorat milliy institutida oʻtkazilayotgan oʻquv kurslariga barcha hududlardagi 127 nafar Direktorlar kengashi aʼzolari jalb etildi.

Jamoa muvaffaqiyatida rahbarning roli katta. Maktablarimizga zamonaviy, bilimli, halol kadrlar rahbar boʻlishi zarur. Faqat talabni qoʻyish bilan ish bitmaydi, albatta. Kadrlarimizni oʻqishi, oʻsishi, oʻz ustida ishlashiga sharoit yaratishimiz kerak. Shuning uchun oʻquv kurslarida zamonaviy metodlar, innovatsion yondashuvlar va pedagogik texnologiyalar haqida chuqur bilimlar berilishi rejalashtirilgan. Ishtirokchilar oʻzaro tajriba almashadi va taʼlim sohasidagi yangi trendlardan xabardor boʻladi.

Endigi vazifa: oʻrganilgan bilimlarni amalda qoʻllash, maktablarga oʻz ishini professional va vijdonan bajaradigan kadrlarni rahbarlikka tavsiya qilishdir. Bildirgan takliflaringizni esa oʻzim uchun qayd qilib oldim, hali oldinda qiladigan ishlarimiz koʻp.

@hilola_umarova

Oxirgi postdan keyin yana bir voqea esimga tushdi. Koʻpchilikning xabari bor, Abdulla Avloniy nomidagi Pedagogik mahorat milliy instituti binosi kapital taʼmirlanib, ikkita qoʻshimcha bino qurildi, barchasi zamonaviy jihozlandi. Qurilish jarayonida binoning asosiy kirish qismida mana bu daraxtni olib tashlash yoki boshqa joyga koʻchirish haqida biroz bahslashildi. Koʻpchilik daraxtni olib tashlamasak boʻlmaydi, asosiy kirishda turibdi, xalal beradi, bino va Avloniy tasvirini toʻsib turibdi degan fikrni bildirgan.

Yoʻq, daraxt qoladi, mayli koʻrinish sal toʻsilsa ham deganmiz. Va rasmda koʻrib turganingizdek daraxt joyida qolgan, hozir yam-yashil boʻlib turibdi.

Nazarimda har bir tirik jon, daraxt, hayvonga shunday munosabatda boʻlishimiz kerak. Mavjud yashillikni saqlash, yangi bogʻlar, yashil hududlar barpo etishdan toʻxtamaylik.

#yashilmakon #tabiat

@hilola_umarova

#kun_fotosi

Rasmni Xorazmdagi maktablardan birida oldim. Hududdagi qolgan maktablarda ham bu tajriba allaqachon yoʻlga qoʻyilibdi. Plastik idishlar toʻplash uchun oddiy simlardan yasalgan idishning balandligi naq 2,5 metr.

Maktablarda haftaning shanbasi sogʻlom turmush tarzi va ekologik madaniyatni targʻib etish kuni. Rasmdagi idishga toʻplangan plastik idishlarni har hafta maxsus mashinada olib ketishadi, tushgan pul maktab ehtiyojlari, tozalik ishlari, toʻtiqush va baliqlarni oziqlantirish uchun ishlatiladi. “Haftalik daromadning eng kami 450 ming, eng koʻpi 850 ming soʻm boʻldi”, deydi maktab jamoasi. Qiziq, foydali tashabbus, shunday emasmi? Tabiatni asrash, tozalikka mehr bogʻcha va maktabdanoq shakllanib borishi kerak.

P/S: “Eko burchak”dagi toʻtiqush va baliqlarni rasmga olish yoddan chiqibdi.

@hilola_umarova

Bugun Qoraqalpogʻiston Respublikasidamiz. Davlatimiz rahbarining tegishli qaroriga ko‘ra, 2025-yilda hududda 25 ta maktab va 8 ta maktabgacha ta’lim tashkilotlarini qurish, rekonstruksiya qilish, mukammal ta’mirlash va jihozlash ishlarini amalga oshirish belgilangan.

Yana bir e’tibor qaratilishi mumkin bo‘lgan jihat, hududda 2024-2025-yillarda Islom taraqqiyot banki va OPEK jamg‘armasi mablag‘lari hisobidan 8 ta yangi maktab qurilishi ko‘zda tutilgan. Shu bilan birga, homiylik mablag‘lari asosida 2 ta 660 o‘rinli umumta’lim maktablari qurilishi ham belgilangan. Bu xayrli ishga homiylar ham jalb etilayotgani quvonarli hol, albatta.

Safar davomida Qoraqalpog‘iston Respublikasi pedagogik mahorat markazi binosining qurilish maydonida ham bo‘ldik, rejalar bilan tanishdik, quruvchilar bilan suhbatlashdik. Umid qilamanki, tez orada bino ta’lim rivoji uchun xizmat qiladigan muhim maskanlardan biriga aylanadi.

Ustozlarimizni xursand qilgan yana bir yangilik: endilikda markazga kela olmaydigan uzoq hududlardagi o‘qituvchi-pedagoglar uchun Mobil malaka oshirish guruhlari tashkil etilmoqda. Bu guruh maxsus avtobuslarda uzoq hududlarga borib, xodimlar uchun seminar darslarini o‘tib beradi.

Har bir yangilik, har bir qulaylik, har bir imkoniyat – ta’lim va uning kelajagi uchun xizmat qiladi.

@hilola_umarova

#Sirdaryo #MTT

Oʻtgan oyda maktabgacha taʼlimga masʼullar bilan MTTdagi holatlar, muammolar, ularni oldini olish haqida gaplashgan edik. Muammolar, asl holatni oʻrganish uchun muloqotlarning oʻzi kamlik qiladi, albatta.

Shu sabab Sirdaryoga borganimda safarimni viloyatdagi bogʻchalar, ulardagi sharoit bilan yaqindan tanishishdan boshladim.

Bugun farzandlarimizni maktabgacha taʼlim bilan qamrab olishda xususiy, DXSh, oilaviy bogʻchalarning oʻrni katta. Bu tajribalar yoʻlga qoʻyilganiga esa hali koʻp boʻlgani yoʻq. Shu sabab muammolar ham uchrab turibdi. Vazirlik ularning hech biriga befarq emas, hududlarda oʻrganishlarimizda MTT mutasaddilari bilan alohida suhbatlashamiz, murojaatlarni oʻrganib, sharoitlar bilan tanishamiz.

Masalan, Sirdaryo viloyatidagi tadbirkor Aziza Doniyorovaga qarashli “Nihol” nomli oilaviy bogʻchaga borganimiz esda qolarli boʻldi. Yetti yildan beri faoliyat olib borayotgan 50 oʻrinli ushbu muassasada ish qizgʻin. Bu yerda ingliz tili, raqs, karate toʻgaraklari tashkil etilgan. Logoped va psixolog xizmatlari ham yoʻlga qoʻyilgan. Bolajonlar sportning shaxmat, shashka, mental arifmetika va gimnastika turlari boʻyicha juda faol. Yaqinda chempionlarimiz Safiya va Bobur mental arifmetika boʻyicha Dubayda oʻtkazilgan Jahon chempionatida faxrli 1-oʻrinni olib qaytdi. Shuningdek, qizaloqlarimiz Sabina, Xadicha, Malika, Imona, Mohina, Narmina, Solihalar badiiy gimnastika boʻyicha katta yutuqlarga erishgan.

Bolajonlarni yutuqlari bilan tabrikladim, birga ancha gaplashdik. Har safar bogʻchaga borsam sharoit, ovqatlar sifati, tarbiyachilar muomalasi qandayligi haqida tarbiyalanuvchilar – “jajji ekspertlarim”dan soʻrayman. Chunki, rahbariyat qancha muammo yoʻq demasin, yashirmasin bolajonlar yolgʻonni bilmaydi, koʻzi, soʻzi bilan munosabatini bildiradi.

Aslida ham bu sharoitlar, imkoniyatlarimizning barchasi mana shu bolajonlar, kelajagimiz egalari uchun.

@hilola_umarova

Ayni vaqtda Jizzaxdamiz, ilk manzilimiz Sharof Rashidov tumanidagi 32-maktab boʻldi. Bu yerda davlatimiz rahbarining tegishli qarori asosida “Jasorat maktabi” faoliyati yoʻlga qoʻyilgan. Ularda matematika, chaqiruvga qadar boshlangʻich tayyorgarlik, tarix, jismoniy tarbiya, chet tili, fizika fanlari chuqurlashtirilgan holda oʻqitiladi.

Maktabda yana bir qiziq tashabbus: “Ota-onalar bogʻi” ham tashkil etilgan. Biz ham bu bogʻda oʻz ismimiz bilan koʻchat ekishni unutmadik, albatta.

Bundan tashqari Abdulla Avloniy nomidagi Pedagogik mahorat instituti andozasida qurilayotgan Jizzax viloyati pedagogik mahorat markazi binosi, qurilish ishlari bilan tanishdik. Markazda faoliyat yuritayotgan 23 mingdan ortiq oʻqituvchilar, 4 mingdan oshiq maktabgacha taʼlim mutaxassislari malakasini oshirish uchun yetarli moddiy va ilmiy imkoniyatlarga ega boʻlishi, asosiy talab sifatga qaratilish kerak. Masʼullarga bu narsa alohida eslatildi, zarur topshiriqlar berildi.

Hozirgacha koʻrganlarim orasida ayniqsa menga eng yoqimli boʻlgan holat 32-maktabda “Ipotekabank” tomonidan zamonaviy kutubxona qurib berilgani boʻldi. Bank jamoasining taʼlim, ayniqsa maktablarimiz kutubxonalarini boyitish, sharoitlarini yaxshilashga qaratilgan ushbu tashabbusi uchun rahmat. Bunday ezgu ishlar koʻpaysin!

Hududlar boʻylab oʻrganishlarimiz hali davom etadi.

@hilola_umarova

🎉 Raqamli Avlod Qizlari 2025

👩‍💻 “StartUp” loyihangiz bilan ishtirok eting va xorijda bo’lib o’tadigan Ta’lim sayohatini qo’lga kiriting

🏃‍♀️ Shoshiling, joylar soni cheklangan

📋 Ro’yxatdan o’tish uchun:
qizlar.raqamliavlod.uz


Ma’lumot uchun: Aloqa

Digital Generation Uzbekistan
Telegram | Instagram | Youtube | Facebook

#uzedu #USA #DG_ladies #education #dgu #fond #OliyMajlis

Maktab bitiruvchilari uchun imkoniyat

Ta’lim uchun qilinayotgan har bir loyiha e’tiborga loyiq va oxirgi vaqtlar OTMlar ham bu masalada juda faol! Xususan, aprel oyida Toshkent to‘qimachilik va yengil sanoat instituti tomonidan “Bo‘lajak yosh muhandislar” fan olimpiadasi o‘tkaziladi.

E’tiborlisi, ushbu olimpiadada faqat maktab bitiruvchilari ishtirok etishi va o‘quvchilarimiz fizika, matematika hamda kimyo fanlaridan bilimini sinab ko‘rishi mumkin ekan. Bu esa bitiruvchilarimiz uchun yaxshi imkoniyat.

1-o‘rin — “Damas” avtomobili (3 dona)
2-o‘rin — 20 mln so‘m (3 nafar o‘quvchiga)
3-o‘rin — 10 mln so‘m (3 nafar o‘quvchiga) bilan taqdirlanadi.

Aytish mumkinki, bu kabi loyihalar ham o‘quvchilarimizning o‘z ustida yanada ishlashi va bilimga qiziqishini oshiradi.

@hilola_umarova

Hayit ayyomiga xos qaysi odatlar sizga ko‘proq yoqadi? Masalan, men uchun yaqinlarni yo‘qlash va ularning holidan xabar olish juda zavqli qadriyatga aylangan.

Shu sababdan, muborak ayyom bahonasida uzoq yillardan beri mehnat qilayotgan ustozlarimizni yo‘qladik.

Matematika faxriysi, qator darsliklar muallifi, ayni damda Pedagogik mahorat va xalqaro baholash ilmiy-amaliy markazida faoliyat yuritayotgan ustozimiz Mirfozil Mirzaahmedovning samimiy qiyofasi va hayotiy mulohazalari ruhiyatimni ko‘tardi.

Uzoq yillik pedagog, 20 yildan ko‘proq vaqt davomida maktab rahbari bo‘lib faoliyat yuritgan Nargiza Karimova esa o‘zining irodasi va qat’iyati bilan meni hayron qoldirdi. Ustozimiz shu kunlarda og‘ir xastalik bilan kurashmoqdalar. Vazirlik ustozni hamisha moddiy va ma’naviy qo‘llab-quvvatlashga tayyor. Sizlar ham duolaringizda eslab qo‘yishingizni istardim.

Qanday yaxshi ustozlarimiz bor. Bir soha rivoji uchun butun umrini bag‘ishlaydi va shunchaki yo‘qlab qo‘ysangiz ham "ovora qildik", deb hijolat bo‘ladi. Men tizimdagi mana shunday faxriylarimiz bilan g‘ururlanaman. Bilaman, bunday ustozlar yurtimizda juda ko‘p. Imkonim bo‘lganida har biringizni yo‘qlardim.

Aziz oilam, muborak ayyom arafasida hurmatimni va tabrigimni qabul qiling! Keyingi yil shu kunlarga omonlikda yetkazsin!

@hilola_umarova

#xushxabar

Prezident maktabining bitiruvchisi AQShning Braun universitetiga 100 foizlik grant asosida qabul qilindi

Kuni kecha Prezidentimiz iqtidorli yoshlarni qo‘llab-quvvatlash tizimini takomillashtirishga oid taqdimot bilan tanishganida yoshlarimizni Amerikaning “Pechak ligasi” (The Ivy League) universitetlariga tayyorlashni yo‘lga qo‘yish tashabbusini bildirgan edi.

Bugungi xabar esa ushbu tashabbusga iqtidorli yoshlarimizdan munosib javob boʻldi deyish mumkin. Gap shundaki, Nukus shahridagi Prezident maktabining 11-sinf oʻquvchisi Aydos Kitaybekov AQShning nufuzli Braun universitetiga (ushbu universitet “Pechak ligasi”ga kiruvchi universitet hisoblanadi) 396 000 AQSh dollari miqdoridagi toʻliq grant asosida oʻqishga qabul qilindi.

Braun universiteti 1764-yilda tashkil etilgan. “Times Higher Education” xalqaro reytingida mazkur universitet doimiy ravishda yuqori oʻrinlarni egallab keladi. Hozirda ushbu universitet dunyo miqyosida 58-oʻrinda turadi.

Endilikda oʻquvchimiz mazkur universitetda “Atrof-muhit muhandisligi va kompyuter fanlari” yo‘nalishi bo‘yicha tahsil oladi. Aydos shu kungacha IELTSdan 8, SATdan 1550 ballni qoʻlga kiritgan. Qolaversa, AS-Level bo‘yicha uch karra A sertifikatiga ham ega.

2025-yil yurtimizda “Atrof-muhitni asrash va “yashil” iqtisodiyot yili” deb eʼlon qilingan, davlatimiz rahbari ekologiyani asrash masalasini eng muhim yoʻnalishlardan biri sifatida oldinga surayotgan bir paytda Aydosning aynan shu yoʻnalish boʻyicha Braun universitetiga oʻqishga kirgani quvonchli xabar, albatta.

Aydos ekofaol oʻquvchilarimizdan. U Orol dengizi muammolarini hal etish boʻyicha oʻzining tashabbuslari bilan 2024-yilda Sharqiy Yevropa hamda Markaziy Osiyo uchun BMTTD mintaqaviy byurosi tomonidan tashkil etilgan II Xalqaro o‘quvchilar festivalida faol ishtirok etgan.

Fursatdan foydalanib, Aydos, uning ota-onasi va taʼlim bergan ustozlarini bugungi yutuq bilan yana bir bor tabriklayman. Aydosga esa Braun universitetini muvaffaqiyatli bitirib, tanlagan yo’nalishi bo’yicha yetuk mutaxassis bo’lishini, o’rgangan bilimlari mamlakatimiz taraqqiyotiga xizmat qilishini tilayman.

@hilola_umarova

Xalqaro fan olimpiadalari gʻoliblariga toʻlanadigan mukofot miqdori 5 baravar oshiriladi

“Oʻzbekiston Respublikasi Prezidentining yoshlar bilan ochiq muloqotida belgilangan vazifalarni amalga oshirishga doir chora-tadbirlar toʻgʻrisida”gi Prezident Farmoni qabul qilindi. Yoshlar uchun katta imkoniyatlar beradigan mazkur hujjatda qator yangiliklar bor. Ayniqsa hujjatdagi yangiliklardan biri bizni nihoyatda quvontirdi.

Prezidentimiz Farmoniga koʻra, 2025-yil 1-iyundan nufuzli xalqaro fan olimpiadalari gʻolib va sovrindorlariga toʻlanadigan bir martalik pul mukofotining amaldagi miqdori 5 baravarga oshiriladi.

Masalan, eng nufuzli 5 ta olimpiadada (IMO – matematika, IBO – biologiya, IChO – kimyo, IPhO – fizika, IOI – informatika) gʻolib va sovrindor boʻlgan oʻquvchilarga quyidagicha mukofot pullari beriladi:

– 1-oʻrin: 937 mln 500 ming soʻm (2500 baravar);

– 2-oʻrin: 562 mln 500 ming soʻm (1500 baravar);

– 3-oʻrin: 375 mln soʻm (1000 baravar).

Ilm, taʼlim uchun berilayotgan mazkur mablagʻlar kelajakda, albatta, oʻz samarasini beradi!

@hilola_umarova

Президент Шавкат Мирзиёев иқтидорли ёшларни қўллаб-қувватлаш тизимини такомиллаштиришга оид тақдимот билан танишди.
—
Президент Шавкат Мирзиёев ознакомился с презентацией, посвященной совершенствованию системы поддержки талантливой молодежи.

#Mirziyoyev #taqdimot #talim #iqtidorliyoshlar

Prezident.uz|Facebook|Instagram|YouTube|X

Navro‘z bayrami muborak bo‘lsin!

Hurmatli Prezidentimiz bayramda nafaqat yurtdoshlarimizni, balki xorijlik hamkorlarimizni, ziyolilarni alohida tabrikladilar.

Biz Navro‘z bayramida ahil jamoamiz hamda Garvard Universiteti va Massachusetts texnologiya instituti (MIT)ning magistrantlari bilan ishtirok etdik.

Mehmonlar bir umr unutilmas taassurot olganlarini aytishdi.

@hilola_umarova

Qadrli yurtdoshlar,
aziz hamkasblar!

Barchangizni bahor bayrami — Navro‘z ayyomi bilan samimiy muborakbod etaman!

Sharqona yangi yil bo‘lmish Navro‘z ezgulik, mehr-muhabbat va do'st-qadrdonlik bayramidir. Bu kun azal-azaldan o‘zgacha ishtiyoq va birdamlik bilan nishonlanadi.

Shu kunlarda yurtimiz bo‘ylab joylashgan ta’lim muassasalarida ham Navro‘z tantanalari bo‘lib o‘tmoqda. Unda pedagoglar va bolajonlarimiz tomonidan azaliy urf-odatlarimiz, milliyligimiz tarannum qilinmoqda.

Fursatdan foydalanib, shunday faraxbaxsh kunlarda barchangizga sog‘lik-salomatlik, ishlaringizga rivoj va muvaffaqiyatlar tilayman.

Bu yilgi ko‘klam tashrifi har qachongidan qutlug‘ kelsin, osmonimiz hamisha bugungidek tinch va musaffo bo‘lsin!

Yana bir bor Navro‘zi olam barchangizga muborak bo‘lsin!

Hilola Umarova,
Maktabgacha va maktab ta’limi vaziri

@hilola_umarova

Давлатимиз раҳбари Бектемир тумани Ийкота маҳалласидаги янгиланишлар ҳамда яқинда фойдаланишга топширилган мактаб билан танишди.
—
Глава государства ознакомился с произошедшими изменениями в махалле Ийкота Бектемирского района и недавно открывшейся здесь школой.

Prezident.uz|Facebook|Instagram|YouTube|X

#yangilik #ulashamiz #maoshlar_oshishi

Prezident farmoni imzolandi va undagi eng muhim oʻzgarishlar (foto)

Bugun hamkasblarimiz uchun yana bir muhim xushxabarni yetkazmoqchiman. Hurmatli Prezidentimiz Maktabgacha va maktab taʼlimi sohasida boshqaruv tizimi samaradorligini oshirish boʻyicha yangi Farmon imzoladi.

Keyingi yillarda oʻqituvchilarimiz, bogʻchadagi pedagoglarimiz oylik maoshlarini oshirish, ustamalar sonini koʻpaytirish boʻyicha qator islohotlar qilindi va bu jarayon davom etyapti. Endilikda maktab direktorlari, ularning oʻrinbosarlari hamda bogʻchalarimiz rahbarlari maoshlarini oshirishga navbat yetdi.

Farmondagi eng muhim yangiliklarni sanab oʻtsam:

– Maktab direktori va uning oʻrinbosarlari hamda maktabgacha taʼlim tashkiloti direktorlari ish haqi miqdorlari oshirilmoqda.

2025-yil 1-sentabrdan boshlab umumiy oʻrta taʼlim tashkilotlari direktori lavozimining bazaviy tarif stavkasi 20 foizga, oʻrinbosari lavozimining bazaviy tarif stavkasi 15 foizga oshirilib, bogʻchalarimiz direktorlari lavozimlarining bazaviy tarif stavkalari III va IV guruhdagi umumiy oʻrta taʼlim tashkiloti direktori oʻrinbosari lavozimining bazaviy tarif stavkalariga tenglashtirish orqali oshiriladi. Respublikadagi 10 mingdan ortiq maktab direktorlari, 7 mingga yaqin bogʻcha direktorlari hamda 35 mingga yaqin maktab direktor oʻrinbosarlarining ish haqi miqdorlari oshirilishiga erishiladi.

– 2026-yil 1-yanvardan boshlab umumiy oʻrta taʼlim tashkilotlarining direktor jamgʻarmasi mablagʻlari hisobidan direktor va uning oʻrinbosarlariga faoliyat samaradorligi koʻrsatkichlari (KPI) natijasiga koʻra bazaviy tarif stavkalariga nisbatan tegishlicha 20 va 10 foiz miqdorida har oylik ustamalar belgilanadi.

– Tuman boʻlimlarida qoʻshimcha shtatlar ajratilyapti va bu oʻquvchilar bilimini baholashni monitoring qilish, oʻquvchilarga xorijiy til va kasbga oʻrgatish vazifalarini amalga oshirish uchun tegishli lavozimlarni joriy etish imkoniyati yaratadi.

– Hududiy boʻlinmalari xodimlaringning koʻp yillik xizmati uchun ragʻbatlantirish joriy etilmoqda (Vazirlik tizimidagi qariyb 15 ming nafar boshqaruv xodimlariga koʻp yillik xizmati uchun ragʻbatlantirish tizimi yoʻlga qoʻyiladi).

– Maktab xodimlari mukofot puli miqdorini mehnatga haq toʻlashning eng kam miqdorining 75 foizigacha (amalda 50 foizgacha) miqdorida etib belgilanmoqda.

– Yana bir muhim oʻzgarish – avvallari maktablarimizning boʻsh turgan binolari ijarasidan tushgan mablagʻlarning 40 foizigina oʻsha maktabda qolardi. Endilikda ushbu mablagʻlarning 75 foizi oʻsha maktab rivojiga sarflanadi.

Umid qilamanki, tizimdagi yuz minglab xodimlar hayoti, ragʻbatlanishiga doir mazkur Farmon xodimlarimiz moddiy imkoniyatlarini yanada yaxshilab, ularga motivatsiya beradi, ish unumdorligini oshiradi. Pedagoglar, maktabgacha va maktab tizimi moddiy tomonlama ham jozibador sohaga aylanishi lozim, davlatimiz rahbari qoʻllovlari bilan bu masala bosqichma-bosqich hal etilmoqda.

Farmon bilan bogʻliq boshqa oʻzgarishlar haqida batafsil maʼlumot va sharhlar vazirlikning ijtimoiy tarmoq sahifalari orqali beriladi.

@hilola_umarova

#yangilik #ulashamiz #maoshlar_oshishi

Prezident farmoni imzolandi va undagi eng muhim oʻzgarishlar (foto)

Bugun hamkasblarimiz uchun yana bir muhim xushxabarni yetkazmoqchiman. Hurmatli Prezidentimiz Maktabgacha va maktab taʼlimi sohasida boshqaruv tizimi samaradorligini oshirish boʻyicha yangi Farmon imzoladi.

Keyingi yillarda oʻqituvchilarimiz, bogʻchadagi pedagoglarimiz oylik maoshlarini oshirish, ustamalar sonini koʻpaytirish boʻyicha qator islohotlar qilindi va bu jarayon davom etyapti. Endilikda maktab direktorlari, ularning oʻrinbosarlari hamda bogʻchalarimiz rahbarlari maoshlarini oshirishga navbat yetdi.

Farmondagi eng muhim yangiliklarni sanab oʻtsam:

– Maktab direktori va uning oʻrinbosarlari hamda maktabgacha taʼlim tashkiloti direktorlari ish haqi miqdorlari oshirilmoqda.

2025-yil 1-sentyabrdan boshlab umumiy oʻrta taʼlim tashkilotlari direktori lavozimining bazaviy tarif stavkasi 20 foizga, oʻrinbosari lavozimining bazaviy tarif stavkasi 15 foizga oshirilib, bogʻchalarimiz direktorlari lavozimlarining bazaviy tarif stavkalari III va IV guruhdagi umumiy oʻrta taʼlim tashkiloti direktori oʻrinbosari lavozimining bazaviy tarif stavkalariga tenglashtirish orqali oshiriladi. Respublikadagi 10 mingdan ortiq maktab direktorlari, 7 mingga yaqin bogʻcha direktorlari hamda 35 mingga yaqin maktab direktor oʻrinbosarlarining ish haqi miqdorlari oshirilishiga erishiladi.

– 2026-yil 1-yanvardan boshlab umumiy oʻrta taʼlim tashkilotlarining direktor jamgʻarmasi mablagʻlari hisobidan direktor va uning oʻrinbosarlariga faoliyat samaradorligi koʻrsatkichlari (KPI) natijasiga koʻra bazaviy tarif stavkalariga nisbatan tegishlicha 20 va 10 foiz miqdorida har oylik ustamalar belgilanadi.

– Tuman boʻlimlarida qoʻshimcha shtatlar ajratilyapti va bu oʻquvchilar bilimini baholashni monitoring qilish, oʻquvchilarga xorijiy til va kasbga oʻrgatish vazifalarini amalga oshirish uchun tegishli lavozimlarni joriy etish imkoniyati yaratadi.

– Hududiy boʻlinmalari xodimlaringning koʻp yillik xizmati uchun ragʻbatlantirish joriy etilmoqda (Vazirlik tizimidagi qariyb 15 ming nafar boshqaruv xodimlariga koʻp yillik xizmati uchun ragʻbatlantirish tizimi yoʻlga qoʻyiladi).

– Maktab xodimlari mukofot puli miqdorini mehnatga haq toʻlashning eng kam miqdorining 75 foizigacha (amalda 50 foizgacha) miqdorida etib belgilanmoqda.

– Yana bir muhim oʻzgarish – avvallari maktablarimizning boʻsh turgan binolari ijarasidan tushgan mablagʻlarning 40 foizigina oʻsha maktabda qolardi. Endilikda ushbu mablagʻlarning 75 foizi oʻsha maktab rivojiga sarflanadi.

Umid qilamanki, tizimdagi yuz minglab xodimlar hayoti, ragʻbatlanishiga doir mazkur farmon xodimlarimiz moddiy imkoniyatlarini yanada yaxshilab, ularga motivatsiya beradi, ish unumdorligini oshiradi. Pedagoglar, maktabgacha va maktab tizimi moddiy tomonlama ham jozibador sohaga aylanishi lozim, davlatimiz rahbari qoʻllovlari bilan bu masala bosqichma-bosqich hal etilmoqda.

Farmon bilan bogʻliq boshqa oʻzgarishlar haqida batafsil maʼlumot va sharhlar vazirlikning ijtimoiy tarmoq sahifalari orqali beriladi.

@hilola_umarova

Kuni kecha Prezidentimiz mahallalar obodligi va qishloq xoʻjaligi bilan bogʻliq masalalar boʻyicha videoselektor yigʻilishi oʻtkazdi. Yigʻilishda davlatimiz rahbarining oqqoʻrgʻonlik oʻqituvchi, shaxsiy tomorqa yer egasi Toʻlqin aka Mansurov bilan suhbati esda qolarli boʻldi. Ushbu muloqotni videoda koʻrishingiz mumkin.

Prezidentimiz boy tajribasi va mehnatsevarlik fazilatlari bilan boshqalarga shaxsiy namuna koʻrsatib kelayotgani, shuningdek, yoshlarni Vatanga muhabbat, istiqlol gʻoyalariga sadoqat ruhida tarbiyalash borasidagi ibratli faoliyati, ijtimoiy hayotdagi faolligi uchun Toʻlqinjon Mansurovni “Doʻstlik” ordeni bilan mukofotladi.

@hilola_umarova

Yaqinda Guliston shahridagi Prezident maktabining 11-sinf oʻquvchisi Asilbek AQSHning nufuzli Chikago universitetiga 420 000 AQSH dollar miqdoridagi toʻliq grant asosida oʻqishga qabul qilingani haqida maʼlum qilgan edim.

Bugun, Kun.uzʼning Asilbek haqidagi videomaterialini koʻrdim. Asilbek Ashurov Sirdaryo viloyatining Sayxunobod tumanida oddiy oilada tugʻilib oʻsgan. 8-sinfgacha tumandagi 8-umumtaʼlim maktabida oʻqigan. Keyinchalik Guliston shahridagi prezident maktabiga qabul qilingan. U intevyuda Prezident maktabida muhit haqida ham toʻxtalibdi, aytishicha, mazkur taʼlim dargohidagi yuqori talab va oʻquvchilarning kuchli intilishi uni oʻz ustida qattiqroq ishlashga undagan.

“Prezident maktabida darslar Cambridge xalqaro dasturi asosida oʻzbek va ingliz tillarida olib boriladi. Bu esa oʻquvchilarga xalqaro miqyosda tan olingan sertifikatlarni olish imkoniyatini yaratadi. Ingliz tili va mantiqiy fikrlash boʻyicha maktabda yaxshi baza toʻplaganim bois, IELTS va SAT uchun alohida repetitorga borib, tayyorlanmaganman. Bilimlarimni Cambridge IELTS kitoblari va YouTubeʼdagi darsliklar, qoʻllanmalar orqali mustahkamlab, imtihonlardan oʻtganman”, – deydi u.

Asilbek maktabning eng aʼlochi oʻquvchilaridan. Darsdan tashqari maktab toʻgaraklarida doimiy faol qatnashgan, oʻzi oʻqiyotgan Prezident maktabida “maktab prezidenti” lavozimida ishlaydi. Bu lavozimga nomzod bilimli, lider oʻquvchilar orasidan ovoz berish usuli orqali saylanadi, rahbariyatga oʻquvchilarning muammolari, takliflarini yetkazadi. Asilbek shuningdek, oʻzbekistonlik taniqli iqtisodchi Behzod Hoshimov boshchiligidagi tadqiqotda yordamchi sifatida ishlagan.

Asilbek Chikago universitetining bakalavriat bosqichiga Oʻzbekiston fuqarosi sifatida oʻqishga qabul qilingan va toʻliq grantni qoʻlga kiritgan birinchi talaba boʻldi. Meni quvontirgani suhbat yakunida Asilbek oʻqishni tamomlagach vatanga qaytib, iqtisodiy sektorda ishlar, loyihalar qilmoqchi ekanligi. U oʻz kelajagini Oʻzbekistonda koʻrmoqda, yurt bilan bogʻlamoqda. Davlatimiz rahbari taʼkidlaganidek, millatparvar kadrlar, yoshlarimiz koʻpaysa rivojlanish boʻladi.

Maktablarimizda iqtidorli, bilimli yoshlarimiz juda koʻp. Bizdan hali koʻp Asilbek kabi “birinchi”lar chiqadi, chiqmoqda ham. Suhbatni barcha oʻquvchilar, Asilbekning tengdoshlari, u kabi yutuqlarga erishishni istaydigan yoshlarga tavsiya qilaman.

@hilola_umarova

Oxirgi yillarda maktab oʻqituvchilari, maktabgacha taʼlim tizimi xodimlarini oʻz faoliyatidan boshqa ishlarga jalb qilish, ortiqcha va asossiz yigʻdi-yigʻdilarga qarshi kurashilyapti, bu masalada murojaatlar soni avvalgilariga nisbatan ancha kamaygan.

Lekin tizimda baʼzan jamoaga notoʻgʻri talablar qoʻyayotgan, turli maqsadlar uchun mablagʻ yigʻish topshiriqlarini berayotgan, bir soʻz bilan aytganda hamon eskicha fikrlayotgan masʼullar ham uchrab turibdi.

Yaqinda Quva tumanidagi maktablarning birida oʻqituvchilarning oylik maoshidan “open byudjet”da ovoz yigʻish uchun 700 ming soʻmdan ushlab qolishni talab qilgan direktor bilan mehnat shartnomasini bekor qildik.

Bugun “Tashabbusli byudjet” loyihalari uchun ovoz berish bosqichi boshlandi. Bu loyiha qisqa muddatda ochiqlik, fuqarolarning byudjet jarayonida ishtirokini oshirishga xizmat qilishi bilan eʼtiborga tushdi. Bu ijobiy islohotlarga oʻqituvchi, taʼlim xodimlarini majburiy ovoz berishga jalb etish, ular maoshidan pul yigʻishlar bilan soya solmaylik.

Yana bir bor eslatmoqchiman, pedagoglarni ularning vazifasiga kirmaydigan ishlarga jalb qilish, turli maqsadlar uchun mablagʻ yigʻish kabi holatlar bilan hech qachon murosa qilmaymiz.

Hurmatli pedagoglar agar siz shu kabi holatlarga duch kelsangiz vazirlikka murojaat qiling, biz har bir holatni oʻrganamiz, oʻqituvchi va MTT xodimlari manfaatini himoya qilamiz!

@hilola_umarova

Kelajagingiz aynan shu yerda boshlanadi!

Aziz yoshlar, orzulari osmon qadar yuksak bo‘lgan yoshlar!

Ta’lim – inson va butun bir millat taqdirini belgilaydigan eng qudratli vositadir. Bugun O‘zbekistonda siz uchun eng yaxshi sharoitlar yaratilmoqda.

Bularning bari siz — kelajakning buyuk ilm ahllari va yetakchilari uchun!

📍 “Yangi O‘zbekiston” universiteti – bu faqat ta’lim emas, balki kelajak sari ishonchli qadam demakdir.

Bu yerda darslar zamonaviy global ta’lim muhiti asosida olib boriladi. Sizga AQSh, Buyuk Britaniya, Germaniya, Koreya hamda Xitoydan yetakchi professor-o‘qituvchilar saboq beradi.

Bu – sizning imkoniyatingiz! Uni qo‘ldan boy bermang. Yuksak darajadagi ta’lim endi sizning yoningizda.

@hilola_umarova

Hurmatli maktabgacha va maktab ta’limi tizimida mehnat qilayotgan ayol-qizlarimiz,
aziz ustozlar!

Sizlarni bahor ayyomi — “8-mart — Xalqaro xotin-qizlar kuni” bayrami bilan samimiy qutlayman.

Bugungi kunda yurtimizda ayol-qizlarimiz uchun ko‘plab imkoniyatlar yaratib berilmoqda. Har bir sohada ularning o‘z maqsadi tomon dadil ildamlayotganini ko‘rish esa insonga behad quvonch bag’ishlaydi.

Shu o’rinda, yurtimizda qizlarimizning ilm olishi uchun ham alohida e'tibor qaratilayotganini ta’kidlash joiz. Shubhasiz, qiz bolaga ta’lim berish butun millatga ta‘lim berish demakdir.

Fursatdan foydalanib, barchangizni go‘zallik bayrami — 8-mart bilan yana bir bor samimiy tabriklayman. Sihat-salomatlik, baxt-u saodat, xonadoningizga fayz-u baraka yor bo‘lishini tilayman.

Zafar va muvaffaqiyatlar yo‘lingizda hamisha hamroh bo‘lsin!

Bayramingiz muborak bo‘lsin!

Hilola Umarova,
Maktabgacha va maktab ta’limi vaziri

@hilola_umarova

Bugun millionlab opa-singillarimiz qatori men uchun chinakam bayramona kun bo‘ldi.

Ko‘ksaroy qarorgohida Xalqaro xotin-qizlar kuni munosabati bilan tashkil etilgan tadbirda Davlatimiz rahbarining samimiy tabrikalarini tingladik. Yangi O‘zbekiston rivoji yo‘lida sidqidildan xizmat qilayotgan xotin-qizlar davlat mukofotlari bilan taqdirlandi.

Bu yil Zulfiya mukofotiga munosib topilganlar orasida “Yangi O‘zbekiston” universitetining sanoat boshqaruvi mutaxassisligi bo‘yicha magistranti Ummatoy Yo‘ldosheva ham borligi quvonchimni ikki karra oshirdi.

Ummatoy erishgan yutuqlarni ko‘rib uning yoshlik davri yodimga tushdi. Esimda, o‘shanda uni INXА universitetida aynan Kompyuter fanlari va muhandisligi yo‘nalishida o‘qishga undagandim. Boshida onasi ikkilanibroq rozi bo‘lgandi.

Vaqt o‘tgan sari Ummatoyning IT sohasida erishayotgan muvaffaqiyatlari o‘shanda to‘gʼri qaror qabul qilganini tasdiqlab boryapti.

Uning ko‘ksiga mukofot taqilganda ko‘zimga beixtiyor sevinch yoshlari keldi… Uning Davlatimiz rahbari tomonidan Kambag’allikni qisqartirish va bandlik vaziriga maslahatchi sifatida tavsiya qilinganligi esa, quvonchimga quvonch qo‘shdi. Shubhasiz, bu yuksak ishonch va e’tirof demakdir.

Bugun “Yangi O‘zbekiston” universitetida Ummatoy bilan yana birgamiz.

Ummatoyga va uning timsolida minglab singillarimning kelgusi faoliyatida davomli zafarlar tilab qolaman.

@hilola_umarova

#muloqot

Bugun maktabgacha taʼlimga masʼullar bilan keng masshtabda yigʻilish oʻtkazdik. Muloqotimizda markaziy va hududiy studiyalardan respublikamizdagi 38 mingdan ortiq davlat va nodavlat maktabgacha taʼlim tashkilotlari rahbarlari ishtirok etdi. Muloqotda MTTdagi holatlar, muammolar, ularni oldini olish haqida gaplashdik.

Soʻnggi yillarda maktabgacha taʼlim sohasiga berilgan katta eʼtibor natijasida bogʻchalar soni 8 barobarga oshib, 38 mingdan ortdi va bolalarning qamrov darajasi 2017-yildagi 27 foizdan 77 foizga yetkazildi. Tashkil etilgan bogʻchalarning qariyb 7 mingtasi davlat bogʻchasi boʻlsa, qolgan 31 mingdan ortigʻi nodavlat bogʻchalar hisoblanadi. Nodavlat bogʻchalarda hozirda qariyb 1 millionga yaqin bolalarimiz tarbiyalanmoqda.

Afsuski, muammolar ham yoʻq emas. Kunora ijtimoiy tarmoqlarda bogʻchalarda ayrim tarbiyachilar tomonidan bolajonlarga nisbatan ishlatilgan qoʻpollik, tarbiyasizlik holatlari aks etgan videolavha va turli xabarlar tarqatilmoqda. Birgina oʻtgan yilning oʻzida ayni shu masalada vazirlikka yuzlab murojaatlar kelib tushgan. Biz bunday vaziyatlarni tizimli oʻrganib, nazoratga olyapmiz. Aslo befarq emasmiz. Oʻrganishlar natijasida 32 nafar rahbar va tarbiyachi lavozimidan ozod etildi, 3 nafari javobgarlikka tortildi, 15 nafariga intizomiy chora koʻrildi, 15 ta xususiy bogʻchaga berilgan litsenziya bekor qilindi.

Yigʻilishda aytilganidek, bir muhim jihatni unutmaylik: biz kelajagimizni bilimli, dunyoqarashi keng va mustaqil fikrlaydigan yoshlar bilan tasavvur qilamiz. Bola bilan munosabatda boʻlayotgan har bir mutaxassis mana shu masʼuliyatni his qilishi lozim. Har bir bolaning sogʻlom va barkamol voyaga yetishiga davlat kafil! Bu xususiymi, davlat va xususiy sheriklikmi yoki oilaviy bogʻcha boʻladimi, qonun talabi, tartiblar hamma uchun bir!

Taʼlim-tarbiya kuch ishlatishdan holi boʻlishi lozim. Bolalarga nisbatan qoʻpollik qilgan yoki shafqatsizlarcha munosabatda boʻlgan tarbiyachi, pedagogga qonun doirasida chora koʻriladi. Uzr, ogohlantirishlar bilan qutilib qolish yoʻq, bu oʻrinda MTT rahbariyatining shaxsiy javobgarligini ham kuchaytiramiz. Buni tizimda ishlayotgan har bir rahbar, pedagog, tarbiyachi va yordamchi xodimlar birdek tushunishi, shu tartibga rioya etishlari shart!

Yigʻilishda faol rahbarlar tomonidan bildirilgan har bir muammo, takliflarni yozib oldik, muammolarni hal etish, tashabbuslarni amalga oshirish boʻyicha ishni esa allaqachon boshladik. Biz bunday formatdagi uchrashuvlarni yana tashkil etib boramiz. Jamoamiz taklif va muammolarni eshitishga hamisha tayyor.

@hilola_umarova

Diqqat, iqtidorlilar saralanadi!

✅ Maktabgacha va maktab ta’limi vazirligi tomonidan mamlakatimizda ILK MAROTOBA “Iqtidor” maktab ansambli Respublika tanlovi o’tkaziladi.

➖ Maqsadimiz — umumiy o‘rta ta’lim maktablaridagi ansambllar faoliyatini qo‘llab-quvvatlash orqali hududlarda milliy cholg‘uchilik san’atini rivojlantirishdan iborat.

Tanlov 6-10-sinf o‘quvchilari o‘rtasida milliy cholg‘ular yo‘nalishida aprel oyida o‘tkaziladi.

✈️Respublika bosqichida g‘oliblikni qo‘lga kiritgan maktab ansambli xorijiy mamlakatga ta’lim sayohatini qo‘lga kiritadi.

➡️ Tanlovda ishtirok etish uchun quyidagi telegram bot orqali ro‘yxatdan o‘ting: @iqtidoransambli_bot

TANLOV NIZOMI

🎵 Batafsil ma’lumotlarni vazirlikning rasmiy kanali va @maktabtanlovlari manzili orqali kuzatib boring.

@hilola_umarova

Oʻzbekiston Respublikasi Prezidenti “Zulfiya nomidagi Davlat mukofoti bilan taqdirlash toʻgʻrisida”gi Qarorni imzoladi.

Mukofot bilan taqdirlanganlar orasida maktabgacha va maktab taʼlimi vazirligi tizimi, Yangi Oʻzbekiston universiteti jamoasi aʼzolari ham bor:

Yoʻldosheva Ummatoy Toʻlqinovna — “Yangi Oʻzbekiston” universitetining sanoat boshqaruvi mutaxassisligi boʻyicha 1-bosqich magistranti (Navoiy viloyati);

Xamdamova Afroʻza Akbarovna — Samarqand viloyati, Samarqand shahridagi 42-umumiy oʻrta taʼlim maktabining 9-sinf oʻquvchisi;

Anvarova Naima Anvar qizi — Toshkent viloyati, Chinoz tumanidagi 7-umumiy oʻrta taʼlim maktabining ona tili va adabiyot fani oʻqituvchisi;

Kamalova Shaxzoda Kaxramon qizi — Xorazm viloyati, Urganch shahridagi 3-ixtisoslashtirilgan umumiy oʻrta taʼlim maktabining 11-sinf oʻquvchisi.

Barcha sovrindorlarni samimiy tabriklayman, yutuqlaringiz davomli boʻlsin!

@hilola_umarova

Yangi o‘qituvchilar avlodi – kelajak quruvchilari

“Yangi O‘zbekiston” universiteti Pedagogika (STEM fanlari bo'yicha) yo'nalishi talabalari Toshkent shahridagi Prezident maktabida amaliyot o'tashmoqda.

Talabalar egallagan bilimlarini yurtimizdagi eng nufuzli maktablardan birida sinab ko'rish imkoniga ega ekanliklari va o'qituvchilik kasbini tanlaganliklaridan faxrda ekanliklarini ko'rib juda quvondim.

➖ Kuchli liderlar va buyuk shaxslarning paydo bo'lishida ustozlarining o'rni beqiyos. Kelajak Al-Xorazmiylari va Ibn-Sinolarni yetishtiruvchi ustozlar, albatta, bizning talabalarimiz qatoridan chiqishiga ishonaman.

@hilola_umarova

Endi taʼlim tili oʻzbek tili boʻlmagan sinf bitiruvchilari ham davlat tilidan imtihon topshiradi

Maktabgacha va maktab taʼlimi vazirining 2025-yil 20-fevraldagi 65-sonli buyrugʻi bilan umumiy oʻrta taʼlim muassasalarida yakuniy davlat attestatsiyasi oʻtkazish tartibi belgilandi. Mazkur hujjatga asosan umumiy oʻrta taʼlim muassasalarida yakuniy davlat attestatsiyasi oʻtkaziladigan fanlar roʻyxati va imtihon oʻtkazish shakllari, umumtaʼlim fanlari hamda xorijiy tillarni bilish darajasini baholovchi milliy va xalqaro tan olingan sertifikatlar roʻyxati tasdiqlandi.

Unga koʻra, 9-sinf oʻquvchilarining yakuniy davlat attestatsiyasi:

➖Ona tili va adabiyoti (taʼlim oʻzbek tilida olib boriladigan sinflar uchun) fanidan – yozma;
➖Davlat tili (taʼlim tili oʻzbek tili boʻlmagan sinflar uchun)dan – yozma;
➖Matematika fanidan – yozma;
➖Oʻzbekiston tarixi fanidan – yozma/ogʻzaki;
➖Jismoniy tarbiya fanidan – amaliy shaklda oʻtkaziladi.

11-sinf oʻquvchilarining yakuniy davlat attestatsiyasi:

➖Ona tili va adabiyoti (taʼlim oʻzbek tilida olib boriladigan sinflar uchun) fanidan – yozma;
➖Davlat tili (taʼlim tili oʻzbek tili boʻlmagan sinflar uchun)dan – yozma;
➖Matematika (Asosiy) / Matematika (Chuqurlashtirilgan) fanidan – yozma;
➖Tarix fanidan – yozma;

Oʻquvchining tanlovi boʻyicha:

➖ Ona tili va adabiyoti (qoraqalpoq, rus, qozoq, turkman, tojik, qirgʻiz tilida taʼlim boʻlgan sinflar uchun), Biologiya, Fizika, Kimyo, Davlat huquq asoslari, Geografiya fanlaridan – yozma;
➖ Chet tili fanidan yozma/ogʻzaki shaklda oʻtkaziladi.

Ma’lumot uchun, 2025-yilidan boshlab taʼlim o‘zbek tilida olib borilmaydigan umumiy o‘rta ta’lim muassasalarining 11-sinf bitiruvchilari uchun ham Davlat tilidan yakuniy nazorat imtihonlarini topshirish majburiy bo‘lishi belgilanmoqda.

Oʻzgarishlar haqida batafsil maʼlumotlar vazirlikning ijtimoiy tarmoqlari orqali beriladi.

@hilola_umarova