Xayrli kech, do‘stlar! Bugun – dushanba – og‘ir kun yakuniga yetyapti. Ammo bu “1000 kitob” loyihasi doirasida tarjima qilingan kitoblar haqida ma’lumot olishga to‘sqinlik qilmaydi. 

Xabaringiz bor, loyiha doirasida 2024-yili o‘zbek tiliga o‘girilgan 50 ta kitobning dastlabki 27 tasini chop etish uchun tender e’lon qilingan (davom etmoqda). Bugundan ushbu kitoblar bilan birma-bir tanishtirishni boshlaymiz. Demak, bizda birinchi kitob – “Ekologiya: O‘ta qisqa tanishtiruv”. 

“Ekologiya” – Oksford universiteti nashriyotining “Qisqa tanishtiruv” turkumidagi kitoblardan biri. Unda inson faoliyatining ekologiyaga ta’siri, tabiat muhofazasining ahamiyati haqida so‘z boradi, kitobxonning atrof-muhit borasidagi ijtimoiy va madaniy qarashlarini ham shakllantiradi. Insoniyat duch kelishi mumkin bo‘lgan hodisalarni tushuntirgan muallif hozirgi va kelajakdagi ekologik muammolarni hisobga olgan holda tahlil qiladi.

Ushbu kitob iqlim haqida birlamchi va kerakli ma’lumotlarni oddiy tilda tushuntiradi. U ilmiy jargon yoki murakkab grafiklardan cho‘chiydigan o‘quvchilar uchun ayni muddao. Kitob ekologiyaning asosiy tamoyillari – organizmlar va ularning atrof-muhit o‘rtasidagi munosabatlari, biologik xilma-xillik, ekologik muvozanat va inson faoliyatining tabiiy tizimlarga ta’sirini aniq, qisqa va ravon tarzda ochib beradi. Qisqa qilib aytganda, murakkab muammolar – sodda tilda. 

Muallif: Jaburi G‘azul – Syurixdagi ETH universitetining ekotizimlar menejmenti professori, Edinburg universitetining Barqaror o‘rmonlar va landshaftlar markazi direktori.

Holati: tenderda. 

Dastlabki adadi: 3000 nusxa. 

Tarjimon: Saodat Abdurahmonova.

Sahifalarimizga ulaning va ulashing👇

Telegram | Facebook | Instagram | YouTube | X

#1000kitob #1000kitobmaktabi

Bugun 1000KITOB Tarjimon va muharrirlar maktabiga hujjat topshirishning oxirgi kuni. Shoshiling!

Eslatib o‘tamiz, hujjat topshirish 14-aprel soat 23:59 da yopiladi. Sizda qiziqish bo‘lsa, yangi bilimlar olishni xohlasangiz, hujjat topshirishga ulgurib qoling.

Ishtirokchiga aylanish uchun quyidagi havolaga kirib, so‘rovni to‘ldiring va kerakli hujjatlarni yuboring: https://forms.gle/hp6RAewTBa3f92976

Ma’lumot uchun: natijalar o‘n kun ichida e’lon qilinadi. Faqat tanlovdan o’tgan nomzodlar bilangina aloqaga chiqiladi. Boshqa tafsilotlar yuqoridagi postda.

Sahifalarimizga ulaning va ulashing👇

Telegram | Facebook | Instagram | YouTube | X

#1000kitob #1000kitobpodcast

1000Kitob podkasti qaytmoqda!

1000Kitob loyihasining podkasti soʻnggi bor 2024-yil noyabrida eʼlon qilingan edi. Uzoq tanaffusdan soʻng podkast yana ishga tushdi.

2025-yilning dastlabki sonida loyiha kontent-menejeri Eldar Asanov va tashkiliy-moliyaviy masalalar boʻyicha menejer Nazirbek Xudoyorovlar mehmon boʻldi. Boshlovchi Muhrim Aʼzamxoʻjayev ular bilan 2024-yil natijalari va 2025-yil rejalari boʻyicha suhbat uyushtirdi.

Podkastdan siz 2024-yilgi kitoblar qanday holatda ekani, ilk kitoblar qachon chop etilishi, ekspertlar kengashi nega yangilangani, 2025-yilda qanday kitoblar nashrga tayyorlanishi va yana koʻplab tafsilotlarni bilib olishingiz mumkin.

Videoni quyidagi havola orqali koʻrishingiz mumkin: https://www.youtube.com/watch?v=p-huzt3nlmw&ab_channel=1000KITOB

Sahifalarimizga ulaning va ulashing👇

Telegram | Facebook | Instagram | YouTube | X

#Diqqat_tanlov

📚 Yoshlar ishlari agentligi “Yoshlar uchun ming kitob” loyihasi doirasida nashrga tayyorlangan kitoblarni chop etish bo‘yicha bosmaxonalar uchun tanlov (tender) e’lon qiladi!

📌 Loyiha doirasida 2024-yilda nashrga tayyorlangan 50 ta kitobdan birinchi bosqichda 27 nomdagi kitob tenderga qo‘yilmoqda.

☝️Agar Siz:
▫️tajribali jamoaga ega bo‘lsangiz;
▫️sifatni birinchi o‘ringa qo‘ysangiz;
▫️yoshlarga bilim ulashishda hissa qo‘shishni istasangiz – bu imkoniyat aynan Siz uchun!

🔰 Tanlov shartlariga ko‘ra, talabgor-bosmaxonalar:

➖so‘nggi 3 yil davomida nashr sohasida faoliyat yuritgan bo‘lishi;
➖O‘zbekiston hududida joylashgan bo‘lishi;
➖tegishli texnik talablarga mos ravishda ilgari chop etilgan kamida 3 dona kitob namunasi bilan qatnashishi mumkin.

❗️Bosmaxona tanlovda g‘olib bo‘lgan taqdirda Buyurtmachi vakillariga kitoblarni chop etish jarayonini bevosita joyida kuzatishiga sharoit yaratib berishi zarur.

Ushbu tanlov Siz uchun nafaqat yirik davlat loyihasida ishtirok etish imkoniyati, balki yoshlarning intellektual va ilmiy salohiyatini oshirishga yuksak hissa qo‘shish hamdir. Eng asosiysi, bu Sizning bosmaxonangiz obro‘sini yanada oshiruvchi bosqich bo‘lishi mumkin!

📝 Arizalar qabul qilinmoqda!

👉 Batafsil maʼlumot va texnik talablar ushbu havolada: https://etender.uzex.uz/lot/424424

Sahifalarimizga ulaning va ulashing👇

Telegram | Facebook | Instagram | YouTube | X

#1000kitob #1000kitobmaktabi

1000KITOB loyihasi Tarjimon va muharrirlar maktabini boshlamoqda

#1000kitobmaktabi tarjimonlik va muharrirlik maktablari va an’analarini shakllantirish va rivojlantirishga qaratilgan. Uning doirasida tarjimonlar va muharrirlar uchun ikki haftalik intensiv kurslar tashkil etiladi. Bu kurslarda ekspertlarimiz va murabbiylarimiz ilmiy va ilmiy-ommabop tarjima va tahrir bo‘yicha nazariy va amaliy bilimlar beradi.

Bitiruvchilar 1000Kitob bilan hamkorlik qilish imkoniga ega bo‘ladi.

Ishtirokchilarga yosh, jins va ish tajribasi bo‘yicha cheklovlar qo‘yilmaydi. Asosiy urg‘u inglizchadan o‘zbekchaga tarjimaga beriladi, lekin boshqa tillardan tarjima qiluvchi mutaxassislar ham ishtirok etishi mumkin.

Ishtirokchiga aylanish uchun quyidagi havolaga kirib, so‘rovni to‘ldiring va kerakli hujjatlarni yuboring: https://forms.gle/hp6RAewTBa3f92976

Dedlayn – 14-aprel.

Murojaat uchun: @mingkitob_admin

O‘rinlar cheklangan, shoshiling!

Sahifalarimizga ulaning va ulashing👇

Telegram | Facebook | Instagram | YouTube | X

Loyihaning 2025-yilgi Ekspertlar kengashi aʼzolari bilan tanishing

Yoshlar ishlari agentligi hamda Axborot va ommaviy kommunikatsiyalar agentligi tomonidan 2025-yil uchun tasdiqlangan Ekspertlar roʻyxati bilan tanishing.

Yuqoridagi jadval orqali ekspertlar kengashi aʼzolari haqida toʻliq maʼlumotga ega boʻlishingiz mumkin.

Sahifalarimizga ulaning va ulashing👇

Telegram | Facebook | Instagram | YouTube | X

1000Kitob loyihasi Ekspertlar kengashining yangilangan tarkibdagi birinchi yigʻilishi boʻlib oʻtdi.

2025-yilda loyihaga Oʻzbekistonning eng koʻzga koʻringan olim va mutaxassislarini jalb qilish hamda yangi mavzu va yoʻnalishlarni qamrab olish maqsadida Ekspertlar kengashi tarkibi yangilandi.

Yigʻilishda kengashning raisi va uning oʻrinbosarlari saylandi. Oʻzbekiston Qahramoni Ibrohim Gʻofurov rais, filolog, manbashunos Olimjon Davlatov va tarixchi, antropolog Farhod Maqsudovlar rais oʻrinbosarlari sifatida tasdiqlandi.

Kengashning yangi ishlab chiqilgan nizomi muhokama qilinib, ekspertlar taklif qilgan tuzatishlarni kiritish sharti bilan maʼqullandi. Yangi ishlab chiqilgan tarjima, tahrir va ekspertiza standartlari ham muhokamadan oʻtkazilib, tasdiqlandi.

Shuningdek, dastlabki kitoblar roʻyxatini shakllantirish va yana boshqa koʻplab masalalar koʻrib chiqildi.

1000Kitob oilasiga qoʻshilgan ustozlarga tashakkur bildiramiz va ular bebaho bilimlari bilan loyihaning rivojiga ulkan hissa qoʻshadi deb ishonamiz.

Telegram | Facebook | Instagram | YouTube | X

Gazeta.uz — rasmiy axborot hamkorimiz

Yoshlar ishlari agentligi va “Gazeta.uz” internet-nashri o’rtasida “Yoshlar uchun ming kitob” loyihasi mazmun-mohiyatini keng ommaga yetkazish sohasida hamkorlik bo’yicha memorandum imzolandi.

Memorandum maqsadi bevosita “Yoshlar uchun ming kitob” loyihasi mazmun-mohiyatidan kelib chiqib, yoshlarning intellektual va ilmiy salohiyatini yanada oshirish, ularni zamonaviy ilm-fanning so‘nggi yutuqlari bilan yaqindan tanishtirib borishni nazarda tutadi.

Shunga ko’ra, loyiha doirasida bir qator yo‘nalishlarda hamkorlikka kelishib olindi.

Jumladan, kitoblar chop etilgach, ularning taqdimotlari, mualliflar bilan uchrashuvlar va kitobxonlik marafonlari “Gazeta.uz” internet-nashri bilan o’zaro hamkorlikda tashkil etiladi.

Shuningdek, saytda loyiha haqida maxsus sahifa yaratilib, loyihaning mazmun-mohiyatini tushuntirishga qaratilgan kontentlar, tahliliy maqolalar joylashtirib borish mo’ljallangan.

Telegram | Facebook | Instagram | YouTube | X

“1000KITOB”ga yangi menejerlar tayinlandi

Xabaringiz bor, Loyihamizga kontent-menejer hamda tashkiliy-moliyaviy menejerlikka nomzodlar ishga olinishi haqida e’lon bergan edik.

Ushbu lavozimlarda ishlash istagini bildirib 300 dan ortiq nomzod o‘z ma’lumotlarini taqdim etdi.

Nomzodlarni tanlab olish 2 bosqichda amalga oshirildi.

Birinchi bosqichda nomzodlar faoliyati belgilangan talablar bo‘yicha o‘rganib chiqildi.

Navbatdagi bosqichda nomzodlar orasidan eng munosiblari Yoshlar ishlari agentligi direktori tomonidan suhbat asosida tanlab olindi.

Shunga ko‘ra:

– “1000KITOB” loyihasi kontent-menejeri lavozimiga tilshunos, tarixchi, O‘zR FA Milliy arxeologiya markazi katta ilmiy xodimi Eldar Asanov;

– tashkiliy-moliyaviy menejer lavozimiga esa bungacha “Asaxiy Books” nashriyotida 6 yil mobaynida moliyaviy menejer sifatida faoliyat yuritgan Nazirbek Xudoyorov tayinlandi.

Har ikkala menejerga Loyiha ish faoliyatida kuch-quvvat, muvaffaqiyat tilaymiz!

Telegram | Facebook | Instagram | YouTube | X