Bugun premyera qilingan “Tasbeh daraxti soyasida” kitobi tarjimoni Shohrux Usmonov dasxat qoʻymoqda.

��@akademnashr

Qoʻshiq joylamay qoʻydiz deganlar uchun hindchasidan mana

@usmonosphere

#donolar_bisotidan

Bir marta soch olsang, sartarosh hisoblanmaysan. Lekin bir marta odam oʻldirsang, tamom ​​— qotilsan!

© Muzaffar Sattoriy (xonadoshim)

@usmonosphere

Odam bebaho xazinani kaftida tutib turishi mumkin, men sizlarga aytsam. Va u xazinaning nomi Abdulla Oripov kitoblari boʻladi :)

@usmonosphere

Qamar doʻkonidan sovgʻa, aniqrogʻi topishmoq keldi. Quti sirtida Nobel mukofoti tasviri. Ichida esa qora koʻzyonak, brayl yozuvidagi bitik va biroz gʻira-shira qilingan xat.

Ajoyib oʻylangan. Qaysi kitob chiqayotganini topdim. Sevimli yozuvchilarimdan birining eng mashhur romani.

Hammasidan ham kim tarjima qilgani juda qiziq. Chop etilishini besabrlik bilan, koʻzlarim toʻrt boʻlib kutaman!

@usmonosphere

Kichkina shahzodaning yonidagi insonni tanidingizmi 🌚

Iqtibos qaysi kitobdan olinganini-chi?

Bu postni kitob o‘qimaydigan do‘stlaringizga yuborib qo‘yishni unutmang 💫

🔸Zabarjad Media — eng yaxshisini ilinamiz!

Koson haqida biladiganlar, sizlardan iltimos. Instagramda shu video ostiga “rostanam bu Koson shevasi, Koson ham Qashqadaryo” deb yozib kelinglar😁

Doim shevamdan buxorolikmisiz deb gumon qilishadi. Yoʻq, buxorolik emasman, qashqadaryolik, kosonlikman.

Lekin shevamiz juda oʻxshash. Ishonmasangiz koʻring, mana bu videoda bizning shevadagi ba’zi soʻzlarni aytganman.

Adabiycha va xorazmchasi ham bor. Solishtirib mazza qilasiz.

👉�� https://www.instagram.com/reel/DI1lxkmoXYi/?igsh=anZ3eWlpZmVoazJw

@usmonosphere

Kelinglar, bir ish qilamiz. Kim qaysi sohada ishlashi, nimaga yaxshi tushunishi yoki qaysi mavzularda bilim orttirayotgani haqida gaplashsak.

Shunda hammaga tayyor netvorking boʻladi. Oʻzim boshlab beraman.

Kamina Shohrux Usmonov. Tarjimonman. Ingliz-oʻzbek tarjima fakultetida bakalavr oʻqiganman. Hozir badiiy tarjima yoʻnalishi magistrantiman. Tarjimalarim gazet-jurnallarda va kitob holida chop etilgan, chop etilyapti.

Undan tashqari, kopirayter, musahhih, muharrir, koordinator, loyiha menejeri, kolumnist sifatida faoliyat yuritganman. Qisqasi, asosiy ishim kitoblar va matnlar bilan bogʻliq.

Hozir media sohasida oʻzimni sinab koʻryapman. Chunki bloglar yuritish, ijtimoiy tarmoqlar bilan ishlashni avvaldan yoqtiraman.

San’atning barcha turlariga qiziqaman, ayniqsa, musiqa va tasviriy san’at jon-u dilim. Til oʻrganish, soʻzlar haqida bosh qotirish, yegan-yemagan gʻoyalar ustida suhbat qurish va yozishni sevaman.

Ana endi navbat sizga. Sohangiz va qiziqishlaringizni yozing.

@usmonosphere

Reykjavik. #freepalestine

@panda_books

Rossiya tashqi ishlar vaziri Sergey Lavrov Samarqandda Motamsaro ona haykali poyiga gul qo‘yayotganida “nega bu yerda o‘zbekcha va inglizcha yozuv boru, ruschasi yo‘q”, deb sasibdi. Nega ruschasi bo‘lishi kerak? O‘zi nega kelgan bu go‘rso‘xta, nega uni Motamsaro ona haykalining oldiga olib borishgan? Pishirib qo‘yibdimi? Yo‘qol Putiningni oldiga!

Ora-sirada kundalik qoralab turaman. Ammo haligacha shuni muntazam odatga aylantirolmadim. Oxirgi yozganimga ham bir oydan oshibdi ekan.

Qachondir shu yoziqlarni oʻzim varaqlab koʻrarmikinman? Masalan, 23-24 yoshimda qanday oʻy-xayollar boshimni band qilgani, nima tashvishim boʻlgani, nimadan koʻproq quvonganimni oʻqish maroqli boʻlsa kerak.

Bu daftarda hodisalar ham, she’rlar va asarlardan parchalar ham, qaysidir kitobga munosabatim ham, hissiy evrilishlarim ham bayon etiladi. Demak, bugungi bitiklar kelajakda oʻtmish xotirasiga aylanadi...

Sizlar ham kundalik yozasizlarmi?

@usmonosphere

#sheʼrparcha

Toshlarni sev,
Ular hech qachon
Yumshoqman deb aldamaydilar...

Suhrob Ziyo

@usmonosphere

#tarjima

Oʻtgan yili “Akademnashr” nashriyotida “akadem•nasr” turkumi e’lon qilingandi. Oʻshanda ichimda “qaniydi shu turkumda birorta tarjimam chiqsa” degan niyat yilt etgandi.

Nashriyotdagilar sezishganmi deyman, Harper Lining “Tasbeh daraxti soyasida” nomli romani ayni shu turkumda chiqayotgan ekan.

Kitob tez kunda chop etiladi. Kaminaning yana bir “tuya goʻshti yegan” tarjimasidan bahramand boʻlasiz.

Menday dangasa tarjimon har kuniyam bunday katta hajmli va murakkab asarni oʻzbekchaga oʻgiravermaydi. Shuning uchun izohlarda bemalol tabriklab, koʻngil koʻtaradigan, yangi tarjimalarga ruhlantiradigan jumlalarni yozishingiz mumkin.

@usmonosphere

Kecha Oʻzbekiston U17 terma jamoasi futbol boʻyicha Osiyo chempioni boʻldi!

Hayajonli va jangovar oʻyinda yigitlarimiz ikkinchi boʻlimda 9 kishi oʻynab, Saudiya Arabistoni ustidan ishonchli gʻalaba qozonishdi.

Gʻalaba nashidasi nafaqat oʻzbek xalqini, balki qoʻshnilarimizni ham quvontirdi. Buni YouTube tarmogʻida bildirilgan izohlardan ham bilish mumkin.

🔍 Izohlar manbasi

@birildiz #yakdilmintaqa

Gʻalaba muborak! Faxrlanadigan tarixiy voqea.

Biz futbolni kulib-kulib koʻrdik. 9 kishimiz degan xavotir bilan tomosha qilmadik. Demak, kuchli ekanimizga ishonchimiz baland edi.

Barakalla, haqiqiy futbol mana shunday boʻladi.

@usmonosphere

Menimcha, Saudiya hakamni faqat bir taymga sotib olgan shekilli :)

@usmonosphere

Suhbatdan olinglar, xullas

Bugun yakshanba-ku a, tarki odat amri mahol deydilar:

👉�� http://t.me/anonaskbot?start=5v6gq

#sanʼat

“La Femme Muchas” («Женщины Мюшá») turkumi.1896-1911-yillarda ishlangan xromolitografiyalar.

Muallifi Alfon Muxa. Chex rassom, illyustrator va grafist. 1860-1939-yillarda yashagan. “Art Nouveau” ya’ni modern davrida Parijda ijod qilgan. Satirik teatr posterlari bilan nom taratgan.

Rassomni bugun kashf qildim. Ijodi ichida “La Femme Muchas” turkumi juda yoqdi! Muhtasham va oʻzgacha jozibaga ega asarlar ekan.

@usmonosphere

Bugun rassom Sarvar aka Farmonov bilan tayyorlagan Alifbo kitobimizni birinchi marta qoʻlga olib koʻrdim.

Aytishlaricha, sotuvi yaxshi ketayotgan ekan. Hozir chegirmada 40 000 soʻm.

Uyingizda toʻrt yosh yoki undan kattaroq kichkintoyingiz boʻlsa, mana shu kitob orqali ham harflarni, ham hayvonlarni oʻrgatsangiz boʻladi.

@usmonosphere

Dam olish kunlari yaxshu kayfiyat bilan davom etyapti. @birildiz loyihamizning Instagramdagi obunachilari soni 200 taga yetdi.

Bunaqa zalvorli mavzu va tor qamrovga ega loyiha uchun yaxshi start, menimcha. Nima dedingiz?

Haliyam kuzatmayotgan boʻlsangiz, Instagram sahifa sizlarga muntazir.

Oy yakunigacha 500 ta boʻlishni reja qilganman. Sizdan arzimas qoʻllov boʻlardi :)

@usmonosphere

Yildan yilga yashilikka, daraxtlarga mehrim oʻzgacha boʻlib boryapti. Ekologiya, atrof-muhit deyishsa eng birinchi boʻlib daraxt xayolimga keladi. Toza havo, goʻzal tabiat deyishsa ham.

Ilgari deyarli daraxtlarga qiziqmaganman. Hatto nomlariga ham qiziqmasdim. Hozir esa koʻp daraxtlarni ajratolmasligimdan uyalaman.

Ilgari tasavvurimdagi uy koʻp qavatli binolar ichi joylashgan, katalakday xonalardan iborat boʻlardi. Hozir uyim oldida bir parchagina yer boʻlsa-yu, unga biror tup daraxt eksam, soya-salqin solib tursa, deyman.

Shahar koʻchalarida yurganimda yam-yashil daraxtlarni koʻrib zavq bilan tikilaman. Shahar binolar, chiroqlar emas, menimcha, daraxtlar bilan tirik.

@usmonosphere

#instagram

Instagram foydalanuvchilari uchun ajoyib video tayyorladim.

Markaziy Osiyo davlatlarining mashhur filmlari haqida.

👉�� https://www.instagram.com/reel/DIliyFcoszk/?igsh=MXJ3bnI1aThvdXlmcA==

@usmonosphere

“Asaxiy Books”da bir yildan oshiqroq vaqt ishladim. Va yaqinda, mart oyida nashriyotni rasman tark etdim.

Bir yil davomida goʻzal xotiralar, ajoyib doʻstlar, quvnoq hamkasblar orttirdim. Oʻrgandim, oʻrgatdim. 10 ga yaqin kitoblar nashrdan chiqishida qoʻlim tegdi.

Bu qadar erkin, zamonaviy, doʻstona hamjamiyatni boshqa yerda uchratmadim. Asaxiydagi doʻstlarimni nomma-nom sanasam, ancha uzun post boʻlarkan.

Xullasi kalom, minnatdorman! Keyinchalik ham bir oyogʻim qadrdon ishxonamizda boʻladi, ora-orada borib turaman.

P.S: surat Asaxiydagi kunlardan esdalik :)

@usmonosphere

“Qamar” kitoblar doʻkonidan yana bir ajoyib sovgʻa keldi. Bu ketishda kitob javonimdan Qamardan keladigan sovgʻalar uchun alohida tokcha ajrataman shekilli.

Oʻram har doimgidek san’atkorona! Tashakkur va omad!

@usmonosphere

Yo piray, qozoq shoiri Abay bilan ovozimiz oʻxshash deb sirayam oʻylamagandim.

👉�� Mana, ishonmasangiz

@usmonosphere

Yaxshiyam bu dunyoda musiqa degan narsa bor...

@usmonosphere

Zabarjad Media нашриёти Ўзбекистон Фанлар академияси ўзбек тили, адабиёти ва фольклори институтининг фольклор бўлими билан ҳамкорликда «Ўзбек халқ оғзаки ижоди» рукнида фольклор намуналаридан иборат 15 жилдли китобни нашрдан чиқарди (реклама).

https://www.gazeta.uz/uz/2025/04/15/zabarjad-media/

Yana bu shaharda yuzma-yuz keldik,
Naylaymiz, boshqa bir shaharimiz yoʻq.
Ehtimol, biz baxtli boʻla bilardik,
Ehtimol, baxtlimiz, xabarimiz yoʻq.

Romiz Ravshan

@usmonosphere

Afsonaviy Siyovashning mana bu qoʻshigʻiga bir lahzada oshiq boʻldim. Matnidan baholi qudrat ozrogʻini tarjima qilishga urindim. Nasib etsa, toʻliq oʻgiraman. Hozircha chalasidan bahra oling:

پرنده های قفسی
عادت دارن به بیکسی
عمرشونو بی‌هم‌نفس
کز می‌کنن کنج قفس

نمی‌دونن سفر چیه
عاشق در به در کیه
هر کی بریزه شادونه
فکر می‌کنن خداشونه
یه عمر بی حبیبند
با آسمون غریبند
یه عمره بی‌حبیبن
با آسمون غریبن

Tutqun qafas qushlari
Yolgʻizlik — yumushlari.
Umrlarin yordan judo
Oʻtkazishar burchakda.
Bilmaslar nedir safar,
Kim oshiq-u darbadar,
Kim don tutar, yo suvlar
Xudo deb oʻylar ular.
Ularda yoʻq yori jon,
Begona hatto osmon,
Atrofda noz-ne’mat jam,
Mosuvolar shundan ham...

@usmonosphere

P.S: xatolari uchun uzr, fors tilim maqtanarli emas.

Hech bo'lmasa, dastlabki 5 qatorini o'qing.

Men @Forstili_Mominzoda telegram kanalida fors tilini g'irt tekinga o'rgataman. Har haftaning yakshanba kuni 20:00 da telegram kanalda video chat orqali dars berib boryapman. Chatda ishtirok etganlarni savol-javob ham qilyapmiz.

Ammo bu usulda 1-2 yil vaqt sarflashni xohlamaydigan, elementar bilimlarni o'zlashtirganlar uchun esa premium guruhlarimizni ham ochganmiz. Unda darslar haftasiga 3 kun, oyiga 12 kun bo'lib o'tadi. 6 oyda 72 dars orqali fors tilini oson o'rganasiz.
✍️ Charosxon Abdullayeva

Darslar Shohro'z Mominzoda tomonidan onlayn shaklda olib boriladi 🤓

P.s.: Bugun 13 kundan keyin bo'lib o'tadigan Fors tili milliy sertifikat imtihoni haqida ham gaplashamiz.

�� Shohro'z 📱 Shohro'z
📱 F_M 📱 So'xlik pedagog

Qoraqalpogʻistonlik qizlar qani?
Keling, gap bor.

Shoir va tarjimon doʻstimiz Endryu Stenilend yangi tashabbusga qoʻl uribdi. “Qirq qiz” dostonini ingliz tiliga tarjima (aniqrogʻi, inglizcha adaptatsiya) qilmoqchi ekan.

Buning uchun loyihada ishtirok etishni istaydigan volontyor tarjimon qizlar qidirilmoqda. Qoraqalpoq va ingliz tillarini biladigan, xayrli ishga qoʻl urmoqchi boʻlgan va eng muhimi badiiy tarjimada ilk qadamlarni tashlash niyatida yurganlar boʻlsa, ana sizga yaxshigina imkoniyat.

Kelajakda “Qirq qiz” dostoni tarjimasida qatnashganman, deb maqtanib yurasiz. Maqtanishga dalil ham boʻladi, tarjimonlar safida nomingiz turadi.

Loyihaga qiziqqanlar Instagramdagi mana bu postda batafsil ma’lumot olishi mumkin:
👉�� Havola

@usmonosphere

Qaro tunlar, qaro tunlar kiprigingday uzun-uzun

@usmonosphere

Ajnabiy opadan Usmonovga salom ekan.

Videoni tasvirga olgan va allaqayerlik xonimga kaminani tanitgan obunachimga rahmat :)

@usmonosphere

Апрель, 12. 02:31

Баъзан балиқ ўзини осади қармоққа, сен эса тутдим деб ўйлайсан.

@moonabsurd

“bir zarbada tizzalarigacha, ikkinchi zarbada bellarigacha, uchinchisida yelkalarigacha...” degan ekan :)

@usmonosphere

Qoʻzichoqlarning nega qoʻchqor boʻlishga ulgurmasligi haqida hikoya

Biyday dala, oʻn-oʻn besh odam,
Davra qurib koʻrar “tomosha”:
Qondoshiga tilanib motam
Ikki koʻppak qonli talashar.

Yodlarida, bu jangga qadar
Shaldiragan zanjirlar sasi.
Yodlarida aylanib yotar
Et koʻrmagan yaloq kosasi.

Sharaf soʻzin bilmaslar, zotan,
Nomus-u or kirmagan tushga.
Bilganlari — yoshlik chogʻidan
Jang deb quloq-dumin kesishgan.

Tashlanishar, tisarilishar,
Gʻichirlaydi tishlari mahkam.
Borgan sari shiddati oshar,
Borgan sari torroq davra ham.

Tomoshabin qiyqirar betin,
Sohiblarin qoʻlida qamchi.
Boʻri emas, raqibi — doʻsti,
Qorovulmas oʻzi ham — jangchi.

Jang avjlanar, etlar uzilar,
Ikki qardosh qahri ham avjkor.
...Allaqayda beayb qoʻzilar
Boʻrilarga yem boʻlar nochor.

K. A.

@usmonosphere

Bu tunlar ham gʻanimat...

#1000kitob #1000kitobmaktabi

1000KITOB loyihasi Tarjimon va muharrirlar maktabini boshlamoqda

#1000kitobmaktabi tarjimonlik va muharrirlik maktablari va an’analarini shakllantirish va rivojlantirishga qaratilgan. Uning doirasida tarjimonlar va muharrirlar uchun ikki haftalik intensiv kurslar tashkil etiladi. Bu kurslarda ekspertlarimiz va murabbiylarimiz ilmiy va ilmiy-ommabop tarjima va tahrir bo‘yicha nazariy va amaliy bilimlar beradi.

Bitiruvchilar 1000Kitob bilan hamkorlik qilish imkoniga ega bo‘ladi.

Ishtirokchilarga yosh, jins va ish tajribasi bo‘yicha cheklovlar qo‘yilmaydi. Asosiy urg‘u inglizchadan o‘zbekchaga tarjimaga beriladi, lekin boshqa tillardan tarjima qiluvchi mutaxassislar ham ishtirok etishi mumkin.

Ishtirokchiga aylanish uchun quyidagi havolaga kirib, so‘rovni to‘ldiring va kerakli hujjatlarni yuboring: https://forms.gle/hp6RAewTBa3f92976

Dedlayn – 14-aprel.

Murojaat uchun: @mingkitob_admin

O‘rinlar cheklangan, shoshiling!

Sahifalarimizga ulaning va ulashing👇

Telegram | Facebook | Instagram | YouTube | X

Tabriklayman, Nurmuhammad! Siz Usmonipga she’r bagʻishlagan birinchi shoir sifatida tarixga kirdingiz.

Ilgari biror shoir bu sharafga erisholmagan edi.

@usmonosphere

KUCHUKNING JAVOBI

(Shohrux Usmonovga)

Aljirama,
o‘rtoq,
gaping g‘irt yolg‘on,
Haloldir
ter to‘kib
topilgan yovg‘on.
Hartugul,
yurtsotar
kas emasman men,
Itman
vale itdan
past emasman men.
Qarichlab o‘lchangan
yurtim bor mening.
Yov kelsa,
Bo‘g‘zini
yirtgim bor mening.
Ko‘p yomon so‘zlading,
cho‘ri,
ovsar deb,
Meni chaqirgaylar
Bo‘ribosar deb.
Axir,
men bo‘lmasam
ko‘changda to‘ymi,
O‘ylab ko‘r,
kim qo‘rir
bir suruv qo‘yni?!
Darvoqe,
ustingdan
kulgim yo‘q mening,
Sen bilan
it-mushuk
bo‘lgim yo‘q mening.


Nurmuhammad Abduzoir
12.04.2025

@Nurmuhammad_Abduzoir

#ajabtovur

“Qiz bolani kallapoʻsh bilan ur, yiqilmasa erga ber” degan naql bor ekan xalqimizda.

Bilarmidingiz? Men birinchi eshitishim, masalan.

@usmonosphere

Shu qoʻshiqni sevdim. Necha kishi necha xil usulda aytgan boʻlsayam erinmay eshitishga tayyorman.

@usmonosphere

KUCHUKCHA

(Nurmuhammad Abduzoirga)

Eh sho‘rlik kuchukcha, chopganing chopgan,
Otilgan tayoqni topganing topgan.
Borasan, qaytasan, bilmaysan tinim,
Boshingni ko‘targil, kuchukcham, inim.
Olam keng, sen faqat bafurja bir boq,
Yoʻl desang yoʻl bisyor, bogʻ desang moʻl bogʻ.
Afsuski, o‘rgangan yo‘ling bor sening,
Ko‘z ochib ko‘rganing — Qo‘ling bor sening.
Qo‘l esa ko‘p zolim, bilgani ermak:
Senga oz yemish-u, ko‘p yumush bermak.
Unda ko‘ngil yo‘qdir, yo‘qdir afv sira,
Kuchukcham, aldanma, undan xavfsira.
Hozircha chaqqonsan, shovvoz-u chopqir,
Ol desa olg‘irsan, top desa topqir.
Vaqt o‘tar, o‘zgarar tayog‘-u lappak,
Hali ulg‘ayasan, bo‘larsan ko‘ppak.
Shunda yag‘ir boshing silamaydi Qo‘l,
Hech qursa yaxshilik tilamaydi Qo‘l.
Tayoqni tashla-yu, chopgil toʻrt taraf,
Tishlaring gʻijirlat — shu senga sharaf!

Shohrux Usmonov
11.04.2025

@usmonosphere

​#munosabat

Bugun anonim suhbat boshlaganimda “hammasi sir bo‘lib qoladi” degandim hazillashib. Lekin bir masala yuzasidan fikrlarimni yozib ketmoqchiman. Bilaman, sizga qiziq emas va davomini o‘qimaslik ixtiyoriga egasiz.

Qisqasi, anonimda bir yigit munosabatlari haqida gap boshladi. Ba’zi yozganlari kiberbo‘shliqda yo‘qolib ketdi shekilli, uzuq-yuluq yetib keldi. Anglashimcha, yigit bir qizni sevadi, unga talpinib, ishqida ado bo‘layotibdi. O‘laman sattor, qolaman sattor buyog‘i. Tushungan bo‘lsam, qiz ham boshida bolaga g‘ira-shira umid bergan. Endi o‘zini olib qochayotganmish.

Avvaliga e’tibor qilmadim, “ha, xavotir olmang” qabilida javob yozdim. Qarasam, yigit yozyapti: “menga yoqmayapsiz deyapti”, “nima qilishni bilmayapman”, “u universitetda o‘qiydi, men o‘qimadim, aybim shumikan”, “IELTSdan 7+ olmaguncha yozmang dedi” va hokazo.

Shunda dag‘alroq javob qaytardim. Shuni sal muloyimlashtirib yozib qoldiray: Aziz birodarim! Oyimchangiz “yoqmayapsan” dedimi, demak chindanam yoqmaysiz. Nimangiz unga ma’qul emas, bunisi boshqa masala. Suymaganga suykalma, degan dono xalqimiz. Unga yoqaman deb umringizni sarflamang. Ochig‘i, dunyoda qiz ko‘p. Shunchaki atrofga yaxshilab qarang. Atrofingiz tor bo‘lsa, kengaytiring. Koinot hech zamonda birgina inson atrofida aylanmagan. Aylanganidayam u sizning oyimchangiz bo‘lmasdi.

Universitetda o‘qimaskansiz, IELTSdan 7+ ololmabsiz. Qo‘ying, birorta o‘qiydigan, IELTSi yuqori tengini topib ketadi. Siz u uchun o‘qimang, chindan ehtiyoj sezsangiz o‘qing. Yo‘qsa oliy ta’lim diplomi qo‘radagi tutunni yelpishgagina yaraydi xolos. IELTSdan yuqori natija ham sizga hayotiy biror ko‘mak berishiga gumonim bor.

Do‘stim, siz avvalo inson, qolaversa, erkak kishisiz. Inson degani birovga yaxshi ko‘rinish uchun istalmagan marralarni zabt etishga majbur emas. Tayoqchani uloqtirib, “bor olib kel” deyishsa halloslab chopavermang. O‘rgangan qo‘l tayoqchasini uloqtiraveradi, siz chopaverasiz, umr esa o‘taveradi. Marralarni o‘zingiz xohlab zabt eting, birovga yaxshi ko‘rinish uchun emas. Ayniqsa, gap ikki jins munosabati haqida ekan, shaxs sifatida gavdangizni tik tuting, birovning yo‘rig‘iga yo‘rg‘alaydigan, egilib-bukilaveradigan bo‘lmang.

Egiluvchan odam hech kimga yoqmaydi, qadr-qiymati past bo‘ladi. Ayniqsa, ayollar oldida. Oyimchangiz sizni lappakka o‘tqizib, xohlagan shakliga solishidan foyda yo‘q. Hali hech bir qiz bunaqa odamni sevib qolganini ko‘rmaganman. Avvaliga sizni bas degancha o‘zgartirsayam, alaloqibat “menga bunaqa umurtqasizning keragi yo‘q” deydi. Chunki unga kuchli, egilmas-bukilmas, hukmfarmo qahramon kerak. Siz emas, birodar.

Do‘stona maslahatim, munosabatga kirishishdan avval o‘zingizni toping, hech bo‘lmasa izlab ko‘ring. Qo‘ygan maqsadlaringizga erishing, shakllaning, suyagingiz qotsin. O‘qigingiz kelsa, xohlab o‘qing. O‘zingizga yoqqan tilni kerakli darajada o‘zlashtiring. Qisqa aytganda, birov emas, o‘zingiz nima xohlashingizni tushunib yeting. Shunda sizni boringizcha qabul qiladigan, mayda kamchilikka ko‘z yumadigan, ismingizni eshitganda tasavvurida bir tog‘oracha xamir emas, gavdasi tik kishi jonlanadiganlar topiladi.

Bu maslahat o‘ldim-kuydimdagina emas, do‘stlik, hamkasblik, ish va hokazo munosabatlarda ham qo‘l keladi. Kimning oldida, qayerda, qachon ekanidan qat’iy nazar o‘zingiz bo‘ling. Sizni koptok qilib o‘ynamoqchi bo‘lganlarga qo‘l siltab qo‘ying, bas. Dunyoda qiz ham, yigit ham, ish ham, tashvish ham siz o‘ylagandan ancha ko‘p.

@usmonosphere

“Asaxiy Books”da kamina tayyorlagan kitoblardan yana biri nashrdan chiqdi.

Esingizda boʻlsa, bir zamonlar “anov harfga qaysi hayvonni bilasiz?”, “manov harfga qaysi hayvonni bilasiz?” qilib yurgandim.

Oʻsha kunduzi chiroq yoqib qidirilgan ba’zi hayvon nomlari mana shu kitobchadan joy oldi.

Kitob orqali kichkintoylarga toʻrt yoshidan boshlab harflar va hayvonot olamini tanitishingiz mumkin. Undan tashqari, hayvonlar nomi oldida rus va ingliz tillaridagi tarjimalari ham keltirilgan.

Bitta oʻq bilan ikkita quyon: ham alifbo, ham lugʻat. Ayni kunlarda chegirma narxida xarid qilishingiz mumkin.

Batafsil:
http://asaxiy.uz/u/alifbo

@usmonosphere

Amir Temur Oqsaroy peshtoqiga yozdirgan oʻsha mashhur ibora oʻzbek, tojik, qozoq, qirgʻiz va turkman tillarida.

@birildiz #yakdilmintaqa

Yangi trendni oʻzimda ham sinab koʻrdim. ChatGPT dan mengayam “action figure” yasab ber, menam maqtanib yuray degandim.

Mana ahvol. Umuman oʻzimga oʻxshamabman. Sizlar ham ChatGPTga suratingizni yuklab, prompt yozsangiz shunaqa “action figure” tayyorlab beradi.

P.S: yuz qiyofangiz oʻxshashi uchun yuzingiz tiniq koʻringan suratdan foydalaning

@usmonosphere

#sanʼat

Pikassoning mana shu aji-buji kabutarlari ham kamida har biri bir necha ming dollardan sotilgan boʻlsa kerak...

Aslida, asarning qiymati ijodkorning uzoq yillik mehnati, shaxsiy brendini naqadar rivojlantirgani, uslubi, dovrugʻi va hokazolar bilan oʻlchanadi. Va bu toʻgʻri oʻlchov, menimcha.

Qoʻl uchida chizgan kabutaring ham minglab dollarga baholanishini istasang, Pikasso boʻl. Pikassodek dovruq qozon. Pikassodek oʻzingni va san’atingni olamga tanit.

@usmonosphere