“Нархлар анча арзонроқ” — Қозоғистондан қайтаётган ўзбеклар ўзи билан нималар олиб киряпти?

Идиш ювиш гели, йогурт, колбаса, ширинликлар... Тошкент туманидаги “Навоий” (Қозоғистон томонидан “Қоплонбек”) чегара ўтказиш пунктидан кираётган ўзбекистонликлар рўзғор учун шу каби маҳсулотларни кўтариб киришмоқда. Kun.uz суҳбатлашган ватандошлар Қозоғистонда нархлар арзонроқлигини айтишди.

🕊 @rastamojka_uz

Товарнинг келиб чиқиш сертификати бўлмаганда 2 баробар импорт божини ундириш амалиёти бекор қилиниши мумкин

Олий мажлис қонунчилик палатасида “Ўзбекистон Республикасининг Божхона кодексига ўзгартириш ва қўшимчалар киритиш тўғрисида”ги қонун лойиҳаси биринчи ўқишда муҳокама қилинди.

Мазкур қонун лойиҳаси билан эса энг кўп қулай режимига эга бўлмаган давлатлардан (амалда 57 давлат энг кўп қулай режимига эга) Ўзбекистонга келтирилаётган товарлар учун товарнинг келиб чиқиш тўғрисидаги сертификатлар мавжуд бўлмаганида, импорт божининг 2 карра ошириб қўллаш амалиётини бекор қилиш назарда тутилмоқда.

🕊 @rastamojka_uz

Ушбу товарларнинг БЮДлари охирги тўқсон календарь кун ичида декларация қилинган шунга ўхшаш товарларнинг ўртача божхона қийматининг 80 фоизидан кам бўлмаган ҳолларда расмийлаштирилади.

Олиб кирилаётган товарларнинг божхона қийматини аниқлаш тартиби 1994 йилдаги Тарифлар ва савдо бўйича Генерал келишув (GATT) ва 1994 йилдаги мазкур келишувнинг VII-моддасини қўллаш тўғрисидаги Келишувда белгиланган умумий тамойил ва қоидаларга тўлиқ мувофиқ келтирилади.

Товарларнинг божхона қийматини аниқлашда имтиёзлар ёки махсус божхона расмийлаштируви тартиблари, жумладан, муайян аниқлаш усулларини қўллашга йўл қўйилмайди.

🕊 @rastamojka_uz

ДХХ ва ИЖҚКД ходимлари ҳамкорлигида Тошкент вилоятида ўтказилган тезкор тадбирда эса, “Янгийўл” ТИФ божхона пости инспектори хизмат вазифасини суиистеъмол қилган ҳолда, Қозоғистон Республикасидан буғдой олиб келиб, қайта ишлаш билан шуғулланувчи МЧЖ томонидан қўшни давлатдан темир йўл орқали олиб кирилаётган буғдой маҳсулотлари ортилган вагонларни божхона кўриги ҳамда расмийлаштирувидан муоммосиз ўтказиб бериш эвазига учинчи шахс орқали 2700 АҚШ доллари олган вақтида ушланди.

🕊 @rastamojka_uz

2025 йил 1 майдан жисмоний шахслар томонидан шахсий эҳтиёжи учун нотижорат мақсадларида республикага олиб кириладиган товарларнинг божсиз олиб кириш нормалари қуйидагича этиб белгиланди:

- ҳаво траспортида - 1000 АҚШ доллари; (хорижий давлатда 3 календарь кундан кам бўлганларга тадбиқ этилмайди)

- темир йўл ва дарё транспортида - 500 АҚШ доллари; (хорижий давлатда 2 календарь кундан кам бўлганларга тадбиқ этилмайди)

- автомобил (пиёда) ўтказиш пунктларида - 300 АҚШ доллари; (хорижий давлатда 2 календарь кундан кам бўлганларга тадбиқ этилмайди)

- халқаро курьерлик жўнатмалари орқали - 200 АҚШ доллари; (1 календарь ойда)

- халқаро почта жўнатмалари орқали - 100 АҚШ доллари.

Бир календарь ой давомида хорижий давлатда 3 ва ундан ортиқ маротаба бўлганда, божсиз олиб кириш нормалари қўлланилмайди ва ягона божхона тўлови ундирилади.

Батафсил юқоридаги схемада.

🕊 @rastamojka_uz

⚡️ Вазирлар Маҳкамаси бир ой муддатда санитария-эпидемиология, ветеринария, ўсимликлар карантини, экология, техник тартибга солиш ва техник назоратни бошқа йўналишларида товарлар рўйхатини "гильотина" услубида қисқартириш бўйича қарор қабул қилади, шунингдек, тартиб-таомилларни халқаро амалиётга мувофиқлаштиради, давлат лабараторияларини сотиш бўйича "йўл харитасини" тасдиқлайди.

"Гильотина" (франзузча guillotine)- ўлим жазосини бошини танасидан жудо қилиш шаклида амалга оширишга мўлжалланган механизм.

🕊 @rastamojka_uz

Чемпионлик муборак бўлсин!!!

"Айрим турдаги товарларни божхона чегараси орқали олиб ўтиш тартибини янада такомиллаштириш чора-тадбирлари тўғрисида"ги Ҳукумат қарори, 19.04.2025 йилдаги 244-сонли.

🕊 @rastamojka_uz

"Ишлаб чиқариш, экспорт ва тадбиркорлик фаолиятини рағбатлантириш, савдо ва саноат сиёсати самарадорлигини ошириш чора-тадбирлар тўғрисида"ги Президенти Фармони, 18.04.2025 йилдаги ПФ-67-сонли

🕊 @rastamojka_uz

⚡️ Фармонга кўра, 2025 йил 1 октябрдан Ўзбекистон ҳудудига олиб кириладиган хушбўйлаштирувчи ёки ранг берувчи қўшимчаларсиз оқ шакарга нисбатан акциз солиғи бекор қилинади.

20 ва ундан ортиқ ишчиси мавжуд бўлган юридик шахсларга мол-мулк ва ер солиқлари ҳамда ижара тўловлари бўйича ҳисобланган солиқ суммаларини 2025 йил 15 июлда ва 1 декабрда бўлиб-бўлиб тўланишига рухсат берилади.

Шунингдек, Президент Фармонига мувофиқ, умумий овқатланиш хизматларини кўрсатувчи тадбиркорларга тўланган ҚҚСнинг бир қисмини қайтаришда ушбу фаолиятдан олинган даромад товарларни (хизматларни) реализация қилишдан олинган жами даромаднинг камида 80 фоизини ташкил этиши зарурлиги белгиланди.

Бундан ташқари, саноат корхоналарининг автоматик мониторинг станцияси, чанг-газ тозалаш ускунаси, локал сув тозалаш иншооти ва стационар кузатув пости билан жиҳозлаш мажбурияти муддати қуйидагича узайтирилди:

I тоифадаги корхоналар учун – 2026 йил 1 январгача;

II тоифадаги корхоналар учун – 2026 йил 1 июлгача.

2025 йил 1 июндан хорижий давлатлар фуқаролари ва фуқаролиги бўлмаган шахсларга 200 минг АҚШ доллари ҳамда уларнинг ҳар бир оила аъзосига (турмуш ўртоғи, фарзанди ва ота-онаси) 100 минг АҚШ доллари миқдоридаги тўловлар эвазига Ўзбекистонда яшаш гувоҳномаси 5 йил муддатга соддалаштирилган тартибда берилади.

🕊 @rastamojka_uz

Фармонга кўра, Озиқ-овқат маҳсулотлари хавфсизлиги назорати бўйича ваколатли орган вазифалари Cанитария-эпидемиологик осойишталик ва жамоат саломатлиги қўмитаси томонидан амалга оширилади. Бунда:

2025 йил 1 августдан озиқ-овқат маҳсулотлари учун
техник регламентлар ва стандартлар мажбурийлиги бекор қилинади ҳамда Қўмита томонидан ишлаб чиқилган санитария қоидалари, нормалари ва гигиена нормативлари дахлдор вазирлик ва идоралар билан келишилгандан сўнг тўғридан-тўғри амал қилади.

Санитар, фитосанитар ва ветеринария назорати соҳасидаги қуйидаги тартиб-таомилларга мажбурий амал қилиш 2025 йил якунигача талаб қилинмайди, жумладан:

- маҳаллий ва импорт озиқ-овқат маҳсулотлари учун санитария ва эпидемиология хизматларининг лабораториялари натижаларига асосан санитария-эпидемиологик хулоса олиш орқали сертификатлаш;

- барча турдаги озиқ-овқат маҳсулотлари, шу жумладан, болалар овқатлари, терапевтик ва профилактик овқатланиш учун парҳез озиқ-овқат маҳсулотлари, озиқ-овқат қўшимчалари, биологик фаол озиқ-овқат қўшимчалари ва янги рецептлар ёки янги технология асосида яратилган озиқ-овқат маҳсулотлари учун барча техник ҳужжатларни Соғлиқни сақлаш вазирлиги билан келишиш ва тасдиқлаш;

- ўсимлик маҳсулотлари, мато, ипак, чарм, ўйинчоқлар, спорт инвентари ва бошқалар учун ветеринария сертификатини олиш.

🕊 @rastamojka_uz

⚡️ “Ишлаб чиқариш, экспорт ва тадбиркорлик фаолиятини рағбатлантириш, савдо ва саноат сиёсати самарадорлигини ошириш чора-тадбирлари тўғрисида” Президент Фармони (ПФ-67-сон, 18.04.2025 й.) қабул қилинди.

Фармонга кўра, ички бозорда рақобат муҳитини ривожлантириш соҳасида қуйидагилар белгиланди, жумладан:

- олиб кирилаётган товарларнинг божхона қийматини аниқлаш тартиби 1994 йилдаги Тарифлар ва савдо бўйича Генерал келишув (GATT) ва 1994 йилдаги мазкур келишувнинг VII-моддасини қўллаш тўғрисидаги Келишувда белгиланган умумий тамойил ва қоидаларга тўлиқ мувофиқ келтирилади;

- товарларнинг божхона қийматини аниқлашда имтиёзлар ёки махсус божхона расмийлаштируви тартиблари, жумладан, муайян аниқлаш усулларини қўллашга йўл қўйилмайди.

Шунингдек, хавф даражаси юқори бўлган маҳсулотларни мажбурий давлат рўйхатидан ўтказиш тартиби бекор қилиниб, уларга мувофиқлик тўғрисидаги декларация расмийлаштириш тартиби жорий этилади.

2025 йил 1 майдан бошлаб мувофиқлик декларациясини сертификатлаштириш органларида рўйхатдан ўтказиш тартиби бекор қилинади ҳамда уларни шакллантириш ва ҳисобга олиш Техник тартибга солиш ахборот тизими (ТРИС) орқали амалга оширилади.

🕊 @rastamojka_uz

❗️Шакарга акциз тўлови бекор қилинади

Ҳозирда қандолатчилик ва салқин ичимликлар тармоғи маҳаллий саноатнинг драйверига айланиб улгургани ва уларни қўллаб-қувватлаш муҳимлиги таъкидланди.

Шу боис шакарга акциз тўлови бекор қилиниши белгиланди. Қуруқ сут импортига қўйилган чекловлар ҳам олиб ташланади.

Бунинг ҳисобига қарийб 40 минг одам ишлайдиган 5,5 минг қандолат ва салқин ичимлик ишлаб чиқарувчи корхоналарнинг йиллик айланмаси камида 50 триллион сўмга етади.

Ҳозирда 2,5 мингга яқин ресторан ва кафе ҚҚС тўламоқда. Йил бошидан уларга ҚҚСнинг 20 фоиздан 40 фоизгача қисмини “кэшбек” сифатида қайтариш тизими жорий қилинган эди. Лекин, ҳозиргача бу имтиёздан бор-йўғи 69 та умумий овқатланиш корхонаси фойдалангани кўрсатиб ўтилди.

Масалан, салқин ичимлик, торт, музқаймоқ каби 200 дан зиёд маҳсулот алоҳида-алоҳида сотилса, “кэшбек” берилмаяпти. Ваҳоланки, уларга ҳам ҚҚС тўланган.

Солиқ қўмитасига бу борадаги тушунмовчиликларни тартибга солиб, адолатли тизимни йўлга қўйиш топширилди.

🕊 @rastamojka_uz

❗️ 1 июлдан бошлаб бирорта товар экспортига чеклов бўлмаслиги эълон қилинди

Салқин ичимликлар, маиший техника, фармацевтика, алкоголь ва тамаки каби маҳсулотларни маркировкалаш тизими жорий қилинган.

Лекин, барча қонун-қоидаларга мос ишлаётган тадбиркорларнинг маҳсулотлари билан бир вақтда маркировкасиз товарлар ҳам бемалол сотилаётган ҳолатлар кузатилмоқда. Ҳамма дўконлар ҳам маркировка билан ишламагани учун назорат занжири узилиб қолмоқда.

Солиқ ва Божхона қўмиталарига маркировкалашнинг ишлаб чиқариш ҳажмига салбий таъсирини камайтириш чораларини ишлаб чиқиш, маркировкалаш талаби бажарилиши устидан назоратни кучайтириш топширилди.

Қиммат бозорларда талаб юқори бўлган айрим товарлар экспортига чеклов қўйилгани учун кўплаб имкониятлар қўлдан бой берилаётгани қайд этилди.

Эндиликда, 1 июлдан бошлаб бирорта товар экспортига чеклов бўлмаслиги эълон қилинди. Фақат 86 та товар гуруҳига кирган хомашё ва ижтимоий аҳамияти юқори маҳсулотларга нисбатан экспорт божлари жорий қилинади.

Бу тадбиркорларимиз учун янги имконият экани таъкидланди.
“Бир нарсани аниқ тушуниш керак. Агар тадбиркорлар қиммат бозорларга ишласа, уларда маҳсулотни кўпайтириш, сифатни яхшилашга интилиш, иштиёқ ортади, манфаат бўлади”,
- деди Президент.

🕊 @rastamojka_uz

❗️ Божхона қийматини аниқлаш тартиби тўлиқ халқаро қоидаларга мослаштирилади

Президентимиз бизнес учун тенг шароитлар яратиш масалаларига алоҳида эътибор қаратди.

“Маҳаллий корхоналаримизга йўл очиб, ишлаб чиқаришни кўпайтириш, қиммат бозорларга янги-янги маҳсулотлар билан киришига шароит яратишимиз зарур”,
- деди давлат раҳбари.

Лекин айрим товарлар бозорларимизга сунъий пасайган нархда кириб келаётгани маҳаллий ишлаб чиқарувчиларнинг ўрнини заифлаштираётгани кўрсатиб ўтилди.

Масалан, ўзимизда чиқаётган таннархи 220 долларлик кичик музлатгич бозорда ўртача 250 доллардан сотилаётгани учун 30 доллар ҚҚС тўланади.

Худди шундай музлатгичнинг импорт нархи сунъий пасайтирилиб, 25 доллар кўрсатилгани учун бор-йўғи 3 доллар ҚҚС олинаяпти. Яъни, ишлаб чиқарувчи импортга нисбатан 10 карра кўп солиқ тўлаяпти.

Янги фармон билан эндиликда четдан олиб келинаётган товарларни божхона қийматини аниқлаш тартиби тўлиқ халқаро қоидаларга мослаштирилади.

🕊 @rastamojka_uz

Шу кунни келишини 26 мартдан буён кутаётган эдик. 😁

⚡️⚡️⚡️ Шунингдек, хавф даражаси юқори бўлган 7 та товар гуруҳидаги маҳсулотларни давлат рўйхатидан ўтказиш амалиёти бекор қилинади.

Сертификат олиш мажбурий бўлган товарлар рўйхатини кескин қисқартириб, маҳсулот мувофиқлигини декларациялаш амалиёти жорий қилинади.

Асбоб-ускуна, хомашё, махсус техника, транспорт импортида мамлакатимизда тан олинадиган хорижий юқори сифат ва назорат тизимлари мезонлари ишлаб чиқилади, улар импорт қилинаётганда миллий сертификат олиш талаб қилинмайди.

“Бир сўз билан айтганда, биз маҳсулотларнинг бозорга киришини енгиллаштириб, уни реализациясидаги назоратни кучайтирамиз. Бу халқаро амалиётда ўзини оқлаган”,
- деди президент.

Мутасаддиларга “Бозор назорати тўғрисида”ги қонун лойиҳасини ишлаб чиқиш топширилди.

Умуман, синов ва сертификатлаштириш бўйича давлат лабораториялари хусусий секторга инвестиция киритиш шарти билан берилса, соҳада сифат ва рақобат бўлиши, хизмат нархи тушиши кўрсатиб ўтилди.

🕊 @rastamojka_uz

Президент сертификатлаштириш ва стандартлаштириш тизимини янада такомиллаштириш чора-тадбирларини белгилаб берди.

Алоҳида фармон билан Техник тартибга солиш агентлиги, Санэпидқўм, Ветеринария қўмитаси, Карантин агентлиги каби идораларнинг маҳсулотга хулоса бериш ваколатлари аниқ белгилаб берилади.

Бунда такрорланувчи ва устма-уст тартиблар босқичма-босқич бекор қилинади. Масалан:

- озиқ-овқат маҳсулоти сифати ва хавфсизлиги назорати билан фақат Санэпидқўм шуғулланади;

- озиқ-овқат учун техник регламентлар ва стандартлар мажбурийлиги бекор қилинади;

- қўмита асосий озиқ-овқат маҳсулотлари бўйича санитария қоидалари ва нормаларини халқаро талабларга – Кодекс Алиментариусга мувофиқлаштиради.

Бошқа тизимлар ҳам худди шу тартибда қайта кўриб чиқилади.

🕊 @rastamojka_uz

Салқин ичимлик ишлаб чиқарувчи тадбиркорлар четдан келадиган витринали совуткичларни сертификациялаш жараёни 3 ойгача чўзилаётганини айтмоқда.

Курьерлик хизмати корхоналари мопед олиб келиб, одамларни ишли қилаётгани, лекин мопеднинг ўзи 300 доллар турса, уни стандартдан ўтказиб, сертификат олишга яна шунча маблағ кетаётгани кўрсатиб ўтилди.

Хусусий клиникалар “Ўзбекистонга илк бор олиб келинаётган айрим тиббий ускуналарни Фармқўмитада рўйхатдан ўтказиш харажати уларнинг нархидан 10 карра қиммат”, демоқда. Шунингдек, қўмитада оддий термометрни ҳам, МРТ ускунасини ҳам рўйхатдан ўтказишга 4-5 ой вақт кетмоқда.

Давлатимиз раҳбари бундай тўлов ва тартиботлар мутасаддилар томонидан нақадар чуқур ўйланганини савол остига қўйди.

“Бу ёндашув тўғрими? Албатта йўқ. Мураккаблиги ва хавфлилик даражасига қараб, тиббий ускуна, тиббий буюм ва дори-дармон учун алоҳида-алоҳида муддат белгилаш керак”,
- деди Президент.

🕊 @rastamojka_uz

Шунингдек, минерал сув ишлаб чиқарувчилар 45 та кўрсаткич бўйича хулоса олиши керак. Тадбиркорлар шунинг 43 таси учун Санэпидқўм тизимидаги лабораторияларга, қолган 2 таси бўйича бошқа лабораторияга бормоқда.

Қўмитага ҳамма текширувни битта жойда ташкил қилиш топширилди.

Мева-сабзавот ва дуккакли экинлар сифатини текшириш учун ҳам 3 та ташкилотнинг лабораториясига бориш керак. Энг ёмони, бу лабораторияларнинг хулосаси ривожланган давлатларда тан олинмайди.

Шу боис экспортчилар қиммат бозорга чиқишдан олдин сертификат олиш учун хорижга намуна жўнатаяпти.

Мутасаддиларга шу пайтгача бирорта халқаро тан олинган лабораторияни олиб келмагани, эскирган устма-уст сертификатлаш амалиёти ҳалигача давом этаётгани кўрсатиб ўтилди.

🕊 @rastamojka_uz

⚡️ Президентимиз сертификатлаштириш тизимидаги айрим муаммоларни санаб, уларнинг ечимларини айтди.

Таъкидланганидек, сут ва гўшт маҳсулотлари ишлаб чиқарувчи корхоналар ўзининг маҳсулотига Санэпидқўм хулосасини олиш тизимидан норози.

Масалан, йилига 100 миллион долларлик болалар озуқаси импорт бўлмоқда. Лекин замонавий ускуна келтириб, завод қурган тадбиркор Санэпидқўм хулосаси йўқлиги учун ишлаб чиқаришни бошлай олмаяпти. Хулоса бериш учун эса стандарт йўқ.

Қўмита раҳбарияти “бу маҳсулотга бизда стандарт йўқ”, деб кутиб ўтирмасдан, ўзи ташаббус қилиб, тадбиркор билан бирга стандарт ишлаб чиқмаётгани танқид қилинди.

Айрим туман санэпидхизматлари ҳалигача тадбиркордан битта маҳсулотнинг ҳар хил қадоқланган партиясини алоҳида синовдан ўтказишни талаб қилмоқда. Бу қўшимча вақт, қўшимча харажат талаб қилади.

Бир вақтда тайёрланган маҳсулотнинг ҳар хил ҳажмда қадоқланиши сифатга нақадар алоқадор экани савол уйғотади.

🕊 @rastamojka_uz

⚡️ Стандартлаштириш ва сертификатлаштириш тизимидаги эскирган талаблар ва бюрократия тадбиркорларнинг “қўлини боғлаётгани”, соҳада коррупцияни келтириб чиқараётгани кўрсатиб ўтилди.

25 мингдан ортиқ стандарт, 41 та техник регламент халқаро бозор талабларига мос келмайди. Ҳозирда 13 мингга яқин турдаги товарнинг 6,5 минги мажбурий сертификатланади, бу эса таннархни оширади.

“Вазирлар, ҳокимлар қачон тадбиркорларни эшитиб, қайси стандартни янгилаш, қайси бирини бекор қилиш, нима маҳсулотни мажбурий сертификация рўйхатидан чиқаришни ўйлаб кўрди? Афсуски, бунга ижобий жавоб йўқ”,
- дея қатъий эътироз билдирди Президент.

Хусусан, инвесторлар мамлакатимиздаги кўп лабораториялар талабга жавоб бермаслиги, ривожланган давлатлар стандартлари эса тан олинмаётганини айтмоқда.

Ҳозирги тизимда сертификатлаш органлари бир пайтнинг ўзида бозор назоратини ҳам олиб бораётгани, бу эса манфаатлар тўқнашувига олиб келаётгани қайд этилди.


🕊 @rastamojka_uz

Тугаётган хафтанинг меми... 😁

🕊 @rastamojka_uz

Ташқи иқтисодий фаолият иштирокчилари диққатига!

Божхона қўмитаси томонидан ишлаб чиқилган ва кўплаб қулайликлар эга бўлган "Э-контракт" ташқи савдо ахборот тизими синов тариқасида ишга туширилди. Яқин кунларда ушбу тизимни тўлиқ ишга тушириш режалаштирилган.

Мазкур ахборот тизими https://contract.customs.uz манзилига жойлаштирилган бўлиб, ушбу дастур ёрдамида ташқи иқтисодий фаолият иштирокчилари ўзларининг ташқи савдо шартномалари маълумотларини шакллантириш, уларнинг ижросини кузатиб бориш, божхона ва банк операциялари бўйича маълумот ва ҳисоботлар олиш, нотариф чоралар ҳақида ахборот олиш каби бир қатор қулайликларга эга бўлишади.

Шу муносабат билан, тадбиркорлик субъектларида "Э-контракт" ташқи савдо ахборот тизими билан ишлаш кўникмаларини шакллантириш ва ошириб бориш мақсадида, "Э-контракт" ташқи савдо ахборот тизимидан фойдаланиш бўйича Божхона қўмитаси мутахассислари томонидан жорий йилнниг 14 апрель кунидан бошлаб, ҳар куни соат 11-00 дан 12-00 га қадар ўқув машғулоти ўтказилади.

Ахборот тизимидан фойдаланиш, маълумотларни шакллантириш, ўзаро ахборот алмашинуви, тизимни янада такомиллаштириш каби масалалар бўйича маълумотларни ҳамда ўқув машғулоти ҳаволасини Божхона қўмитасининг телеграм ижтимоий тармоғидаги расмий гуруҳидан (t.me/contractcustoms) олишингиз ёки Божхона қўмитасининг масъулларига телефон орқали (55-502-76-00 (78-01, 78-02, 78-03, 78-04, 78-05, 77-00, 77-10, 77-48) боғланишингиз мумкин.

🕊 @rastamojka_uz

❗️ БЮДнинг 44-графасида «6» рақамидан сўнг Божхона тўловлари таснифлагичига мувофиқ божхона тўлови турининг коди, сўнгра Божхона тўловларини тўлаш бўйича имтиёзлар мавжудлигини тасдиқловчи ва БЮДнинг 44-графасидаги маълумотларни баён этишда қўлланиладиган норматив-ҳуқуқий ҳужжатлар таснифлагичига мувофиқ божхона тўловларидан озод этишга асос бўладиган норматив-ҳуқуқий ҳужжат тўғрисидаги маълумотлар кўрсатилади.

Бу бўйича @Customsofficial_bot боти ишлаб чиқилган. Унинг ёрдамида имтиёзнинг кодини тезкорлик билан билиб олишингиз мумкин.

Декларантларга юбориб қўямиз.

🕊 @rastamojka_uz

"Ўқув курси якунлари бўйича имтиҳон жорий этилиб, ижобий топширганларга сертификат берилади" деган гап-сўз юрибди. Шу сабаб, октябрни кутмасдан ҳаракат қилиб қолилар ҳурматли мутахасислар...

🕊 @rastamojka_uz

❗️ Божхона расмийлаштируви бўйича мутахасислар ва шу касбни эгалламоқчи бўлганлар диққатига.

BISMUTH EDUCATION жамоаси сизларга Божхона расмийлаштируви бўйича мутахасисларни тайёрлаш бўйича ўқув курсларини давом эттираётганлигини маълум қилади.

Дарслар Божхона қўмитаси тасдиқлаган ўқув режа асосида олиб борилади.

Ўқув марказининг афзалликлари:
- ҳамёнбоп нархлар;
- онлайн ва офлайн дарслар;
- Божхона органларида ва брокерлик фаолиятида 20 йилдан ошиқ тажрибага эга устозлар жамоаси.

Кичкина сирни айтиб ўтаман: РАСТАМОЖКА канали админи ҳам устозлар жамоаси қаторида. ☺️

Қуйидаги рақамга мурожаат этиб, ўз жойингизни банд қилинг:

+998994564777

🕊 @rastamojka_uz

Расман: Leapmotor С16 русумли автотранспорт воситаси талабларга мувофиқ деб топилди

Бунга эришишда жонбозлик кўрсатган Автодекларант лойиҳачисига алоҳида миннатдорчилик билдириб қоламиз. Кимни ким эканлиги қийин вазиятда билинади ва буни ўзингиз учун билиб олдингиз.

Айрим автоблогерлар ва автосалон эгалари томошабин бўлиб бир чеккада қараб турган вақтда, Божхона брокери сифатида фаолият кўрсатувчи Автодекларант жамоаси том маънода жонбозлик кўрсатиб, мақсадига эришди деб ўйлаймиз.

Бу мавзуни вақтинча ёпсак бўлади. Лекин тез орада қайтамиз. Муаммолар тўлиқ ҳал бўлгани йўқ...

🕊 @rastamojka_uz

⚡️ Мувофиқлик сертификати олиниши мажбурий бўлган товарлар рўйхати қисқартирилади

Хабар беришларча, Антикор, ССП бошқа идоралар билан биргаликда уч ой муддатда ишлаб чиқариш ва олиб киришда тадбиркорларга мувофиқликни баҳолаш мажбурияти юкланган маҳсулотлар рўйхатини қайта кўриб чиқиб, уларни қисқартириш ҳамда ушбу жараёнда коррупциявий омилларни бартараф этиш бўйича таклифлар ишлаб чиқилар экан.

🕊 @rastamojka_uz

Бир йил аввалги цитата эсимга тушиб кетди.

🕊 @rastamojka_uz

Депутат автомобилларни сертификатлаш бўйича масъул ташкилотга сўров юборди

Сўнгги кунларда айрим турдаги автомобилларни сертификатлашда аниқланган "камчилик" сабабли ушбу турдаги автомобилларни сертификатлаштириш юзасидан аризаларни қабул қилиш жараёни тўхтатилгани кўплаб тадбиркорлик субъектлари ва фуқароларнинг эътирозларига сабаб бўлмоқда.

Ўзбекистон илмий-синов ва сифат маркази давлат муассасаси (ЎзТест) фаолиятида шаффоф механизмларнинг жорий қилинмаганлиги натижасида ижтимоий тармоқлар орқали автополигонда автомобиллар ҳеч қандай текшурувдан ўтказилмаслиги бўйича маълумотлар тарқалмоқда.

Шунингдек, "Пискент автополигони"да импорт автомобилларни синовдан ўтказиш учун катта навбат юзага келаётганлиги, навбат учун рўйхатдан ўтиш муддатининг қисқалиги ҳамда кутиш учун шароитлар яратилмаганлиги ҳам эътирозларга сабаб бўлмоқда.

Қонунчилик палатаси депутати Руслан Сабиров юқоридаги ҳолатлар юзасидан асослантирилган тушунтириш беришни сўраб Ўзбекистон техник жиҳатдан тартибга солиш агентлиги директори А.Жуманазаровга "депутат сўрови" юборибди.

Ўйлаймизки, масъул ташкилот депутат томонидан кўтарилган масалаларни атрофлича ўрганиб чиқиб, фуқароларга қулайлик яратишга қаратилган қарор қабул қилади.

Манбаа

🕊 @rastamojka_uz

❗️Пискент автополигонида электромобиллар текшируви ушбу ҳудудга борган ҳолда ўрганилди.

Шунингдек, бугун Хитойлик мутахассислар ва жамоатчилик вакиллари иштирокида “Leapmotor” автомобили қайта текширувдан ўтказилди.

“Leapmotor” брендидаги автомобиллар мувофиқлигини баҳолаш учун аризалар қабул қилиш қайта тикланганлиги тўғрисида расмий ахборот берилади.

Манбаа

🕊 @rastamojka_uz

Шу кунларда қуёш Пискент томондан чиқадиганга ўхшайди.

Айтишларича, бугун кенг жамоатчилик, журналист ва блогерлар иштирокида Пискент автополигонида Leapmotor бренди остидаги автомашина қайтадан синовдан ўтказилган. Натижаси расман эълон қилинмади.
Дуодамиз...

🕊 @rastamojka_uz

⚡️ Импорт маҳсулотларини сертификатлаштиришдан воз кечиб, бозор назорати тизимига ўтамиз

Ўзбекистонда импорт маҳсулотларини сертификатлаштириш тартибини бекор қилиб, бозор назоратини ўрнатиш режалаштирилмоқда. Бу ҳақда Техник жиҳатдан тартибга солиш агентлиги Мувофиқликни баҳолаш бўйича техник сиёсатни амалга ошириш бошқармаси бошлиғи Алишер Додоев Kun.uz нашрининг Кун подкастида маълум қилди.

Додоев агентлик хатти-ҳаракатлари хориждан товарларни олиб киришни чеклашга эмас, балки мамлакат ички бозорига синовдан ўтган хавфсиз маҳсулотларни етказиб беришга қаратилганини қайд этди.

Шунингдек, у иқтисодчи Отабек Бакировнинг “агентликни тўлиқ ислоҳ қилиш керак"лиги борасидаги мулоҳазаларига жавобан, мувофиқлик сертификатларини бериш жараёнларини тартибга солиш масқадида агентлик томонидан янги қонун лойиҳаси ишлаб чиқилаётганини маълум қилди.

“Биз бозор назорати қонунини ишлаб чиқиб, жорий этмоқчимиз, бу орқали фақат бозор қоидалари амал қилади. Яъни, Ўзбекистонга маҳсулот чекланмаган миқдорда кириб келади ҳамда у импорт жараёнида эмас, балки ички бозорда эркин муомалага чиқарилганидан кейин мувофиқлик текширувидан ўтказилади. Бунда савдо растасидан намуна танлаб олиниб, лабораторияга топширилади. Агар бу маҳсулот номувофиқ деб топилса, унга тақиқ қўйилади”, — деди агентлик вакили.

Додоевнинг тушунтиришича, янги қонун лойиҳаси маҳсулот ишлаб чиқарувчиси ёки тадбиркорга чеклов киритишни назарда тутмайди. Бу жараёнда номувофиқлиги аниқланган маҳсулотларни мамлакатга олиб келган импортчи корхона билан боғланилиб, ундан кейин ишлаб чиқарувчи хорижий корхонага чиқилади.

Техник тартибга солиш агентлиги бошқармаси бошлиғи қонун Жаҳон савдо ташкилоти талаблари асосида ишлаб чиқилаётганини қўшимча қилди. Шу билан бирга, ҳужжат сертификатлаштириш тизимидан воз кечишни назарда тутади.

“Бу жараёнда сертификация талабларидан воз кечиб, бутун дунё тажрибасида бўлгани каби маҳсулотларни мамлакатга олиб киришга рухсат берамиз. Лекин, ички бозорда сотилаётган маҳсулот назорат қилувчи органлар томонидан текширилиб, номувофиқ деб топилса, қонунчиликда келтирилган тартибда жавобгарлик белгиланади. Яъни, бу маҳсулотни бозордан чиқариб олиш ва сотишни чеклашни назарда тутади”, — деди Алишер Додоев.

Ҳозирда янги қонун лойиҳаси бўйича жараён вазирлик ва идоралар билан келишув босқичида турибди. Додоев Адлия вазирлигининг ижобий хулосаси олингандан кейин жорий йил охиригача жамоатчиликка эълон қилинишини билдирди.

Бундан ташқари, у сертификатлаштириш тизими Ўзбекистон бозорига киришда асосий ҳужжат бўлиб қолаётганини тан олиб, уни бекор қилиш ички бозорда эркин савдо жараёнини таъминлашини қайд этди.

“Биз сертификатлашдан воз кечиб, бозор назоратини жорий қилсак, барча масаламиз, шу жумладан, маҳсулот импортини чеклаш каби талаблар ҳам ҳал бўлади. Бозорга чиқиб, савдо қилишинг мумкин, лекин, билгинки, маҳсулотинг номувофиқ чиқса, чиқарган бутун маҳсулотингни бозордан қайтариб оласан”, — дея хулоса қилди агентлик бошқармаси бошлиғи.

🕊 @rastamojka_uz

Божхона қўмитасида бир гуруҳ ташқи иқтисодий фаолият иштирокчилари билан қўмита раисининг очиқ мулоқоти бўлиб ўтди. Унда республикамизнинг турли ҳудудларидан ташриф буюрган тадбиркорлар қатнашган.

Тадбирда қанташганларнинг кўпчилиги ижобий фикрлар билдиришди.

Бундай тадбирлар тез-тез ташкил қилиб турилиши тарафдоримиз.

Божхона қўмитасига ва ташкилотчиларга респект!

🕊 @rastamojka_uz

Очиқ мулоқот доирасида 2024 йил якуни бўйича товарлар ташқи савдосини амалга ошириш йўналишида юқори кўрсаткичларга эришган бир гуруҳ тадбиркорлар божхона органларида илк бор таъсис этилган “Энг яхши экспортёр”, “Энг яхши божхона тўловлари тўловчиси”, “Энг интизомли ташқи иқтисодий фаолият иштирокчиси” каби номинацияларда тақдирланди.

🕊 @rastamojka_uz

Божхона қўмитаси ҳузурида Тадбиркорларнинг маслаҳат кенгаши фаолиятини йўлга қўйиш таклифи илгари сурилди.

🕊 @rastamojka_uz

⚡️Эндиликда бевосита ўз ишлаб чиқариш жараёнларида қўлланиладиган асбоб-ускуналарнинг эҳтиёт ва бутловчи қисмлари, материaлларни мажбурий мувофиқлигини баҳоламасдан бевосита ишлаб чиқарувчиларнинг жавобгарлиги (кафолат хати) остида муомалага чиқаришга рухсат берилди. - Божхона қўмитаси.

🕊 @rastamojka_uz

Зора шундан кейин Пискет полигони, Leapmotor таъқиқи, "UzTest" мавзуларига чек қўйсак. Ўзим хам зерикиб кетдим, тўғриси.

🕊 @rastamojka_uz

⚡️ Пискент автополигонидаги "ўйинлар" фош бўлди.

Видеони диққат билан томоша қилсангиз, 3 та автомашина кетма-кет полигон ҳудудига олиб кирилади ва омборга олиб кирилиб, хеч қандай текширув амалга оширилмасдан, қайта олиб чиқилади.

Бу видеодан кейин "UzTest" қандай баёнот билан чиқар экан?!

🕊 @rastamojka_uz

Хафта меми... 😁

Декларантлар тушунади буни: БЮДнинг 24-графасига "21" қўйиб юрганлар, эндиликда "01" қўйиши керак. Акс холда БЮД тушмайди базага.

🕊 @rastamojka_uz

Хабарингиз бор, Ўзбекистон Республикаси Президентининг «Маҳсулотлар экспорти тартиб-таомилларини такомиллаштириш ва қўшилган қийматга эга тайёр маҳсулотлар ишлаб чиқаришни рағбатлантириш чора-тадбирлари тўғрисида» 2025 йил 14 мартдаги ПФ-47-сон Фармони билан 2025 йил 1 июлдан бошлаб 86 турдаги товарларга экспорт божхона божлари жорий этилди ва уларнинг ставкалари тасдиқланди.

Ҳўш, бу қайси турдаги товарларга нисбатан ва қай тартибда амалга оширилади?

Божхона қўмитаси Матбуот хизмати томонидан тайёрланган навбатдаги видеоролик шу ҳақида.

🕊 @rastamojka_uz

Леапмотор Автомобил (таржима)

25-4-9 18:41 да нашр этилган, жойлашув: Zhejiang, манба: Weibo веб-версияси

Интернетда тарқалган Ўзбекистон Стандартлаштириш ва техник назорат бошқармасининг огоҳлантирувчи хати ҳақидаги баёнот.

Яқинда интернетда Ўзбекистон Стандартлаштириш ва техник назорат бошқармаси томонидан огоҳлантирувчи хат чиқарилгани ҳақида хабарлар пайдо бўлди, унда Леапмотор C16 электромагнит мослик тестидан ўта олмагани айтилган.

Мазкур ҳолат бўйича Леапмотор автомобил компанияси қуйидагиларни маълум қилади: огоҳлантирувчи хатда келтирилган тестлар Леапмотор томонидан амалга оширилмаган, тестга юборилган автомобил ҳам, тест шароитлари ҳам бизга тегишли эмас, шунинг учун биз тест натижалари билан рози эмасмиз.

Биз ҳозирда Ўзбекистон Стандартлаштириш ва техник назорат бошқармаси билан алоқадимиз, икки томон қайта тест ўтказишни муҳокама қилмоқда. Тестлар жамоатчилик учун очиқ ва шаффоф ўтказилади, биз натижалар адолатли ва объектив бўлишига умид қиламиз, асл Леапмотор маҳсулотлари сифатини кўрсатишни истаймиз.

🕊 @rastamojka_uz

Обуначиларнинг айтишларича:
- Манабу видеодаги Хитойлик аканинг гаплари тўғри таржима қилинмаган экан. Норасмий диллер хақида гапирмаган.

- Leapmotor автомашиналарига давлат рақами беришни вақтинча тўхтатиб туриш бўйича ЙХХБга хат тайёрланаётган экан.

- Номувофиқлик аниқланган автомашинани қайта синовдан ўтказиш бўйича полигонга автомашина етиб келган, лекин синов жараёни бошланмабди.

Тушунишимча, қайта синовни кенг жамоатчилик иштирокида ўтказишмоқчи экан. Синов вақти бўйича қўшимча хабар берилади.

🕊 @rastamojka_uz

Бу Павелжон Дуров рекламани қаерга ва қачон жойлашни жуда яхши биладида... 😁

🕊 @rastamojka_uz

Обуначилар томонидан юборилган мурожаат, таҳрирсиз тақдим этилмоқда:

Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизматига

Ҳурматли Йўл ҳаракати хавфсизлиги хизмати ходимлари!

Биз, электромобил ва гибрид автомашиналар эгалари гуруҳи, сизга мурожаат қилиб, давлат рўйхатидан ўтказиш ва давлат рақам белгилари (ГРНЗ)ни олиш учун белгиланган муддатни вақтинча узайтириш имкониятини кўриб чиқишингизни сўраймиз.

2017 йил 31 августда қабул қилинган Вазирлар Маҳкамасининг 683-сонли қарорига мувофиқ, автомототранспорт воситаси эгаси мулк ҳуқуқи пайдо бўлганидан сўнг 10 календарь куни ичида ушбу воситани рўйхатдан ўтказиши ва рақам олиши шарт.

Аммо амалда ушбу талабни белгиланган муддатда бажаришнинг иложи бўлмаяпти. Пискентдаги сертификатлаштириш полигонидаги улкан навбатлар туфайли кўплаб фуқаролар ўз электромобил ва гибридларига мувофиқлик сертификати ола олмаяпти. Бу эса уларнинг ўз автомобилларидан фойдаланишига тўсқинлик қилмоқда, ортиқча қийинчиликлар ва таксига қўшимча харажатлар келтирмоқда.

Юқоридагиларни инобатга олган ҳолда, сиздан қуйидагиларни сўраймиз:

1. Электромобил ва гибрид автомобили бор, лекин сертификатлаштириш жараёнини кутаётган фуқаролар учун давлат рўйхатидан ўтказиш ва ГРНЗ олиш муддатини вақтинча узайтириш.

2. Пискент полигонидаги навбатлар муаммосини бартараф этиш — масалан, қўшимча сертификатлаштириш пунктларини очиш ёки мавжуд полигоннинг қабул қилиш имкониятини ошириш орқали.

Мурожаатимизни чуқур тушунишингизга ва муаммони ҳал этишда амалий ёрдам кўрсатишингизга умид қиламиз.

Ҳурмат билан,
электромобил ва гибрид автомашиналар эгалари Узбекистон Республикаси фукаролари.

🕊 @rastamojka_uz

"Электрон тижоратда битимларни амалга ошириш тартибини такомиллаштириш муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида" Ҳукумат қарори лойиҳаси эълон қилинди.

Лойиҳага кўра, қуйидагиларни назарда тутувчи Ўзбекистон Республикаси ҳудудида электрон тижоратни амалга ошириш қоидалари тасдиқланиши кўзда тутилган:

- электрон тижорат соҳасида фойдаланиладиган янги атама ва тушунчаларни жорий этилиши;

- электрон тижорат операторлари фаолиятини ташкил этиш ва рўйхатдан ўтказиш, электрон тижоратда экспортни амалга оширишнинг ўзига хос хусусиятлари;

- электрон тижорат орқали реализация қилинмайдиган ёки реализация қилиниши чекланган товарлар (ишлар, хизматлар) рўйхати тасдиқлайди.

🕊 @rastamojka_uz

"Божхона юк декларациясини тўлдириш тартиби тўғрисидаги йўриқномага қўшимча ва ўзгартиришлар киритиш ҳақида" Иқтисодиёт ва молия вазирининг буйруғи лойиҳаси эълон қилинибди.

Лойиҳа билан танишиб, фикр ва мулоҳазаларни актив билдиришингизни сўраб қолардик.

🕊 @rastamojka_uz

Laepmotor тақдири нима бўлади?

Куни кеча бир гуруҳ автомашина импорт қилувчилар "UzTest" ташкилотининг биносига ташриф буюриб, ўрнатилган чекловлар бўйича масъуллардан изоҳ талаб қилишди.

Кимдир кредит расмийлаштириб, кимдир пулини тўлиқ тўлаб, яна кимлардир қарзга Laepmotor автомашинасини сотиб олиб, охирги чекловлардан сўнг, ўз автомашинасининг божхона расмийлаштирувини охирига етказа олмай, муаммоларга дуч келган. Сабаби - Laepmotor брендидаги автомашиналарга сертификатлаштириш ишлари вақтинча тўхтатилганлиги.

Бир неча кундан буён Laepmotor заводи вакиллари UzTest вакиллари билан биргаликда музокараларни давом эттирмоқда. Хитойлик вакилларнинг таъкидлашича, номувофиқ деб топилган автомашина аввал фойдаланишда бўлган ва Хитойдаги норасмий диллерлар орқали сотиб олинган.

Хаммани қизиқтираётган асосий савол: Laepmotor автомашиналари битта заводда ишлаб чиқарилган бўлса, сертификатлаштиришга унинг ким томонидан сотилганлиги ёки сотиб олинганлигининг нима алоқаси бор экан?

Воқеалар ривожини кузатиб борамиз...

🕊 @rastamojka_uz

Вазирлар Маҳкамасининг 2025 йил 8 апрелдаги 203-сон қарори билан минерал ўғитлар ва ўсимликларни ҳимоя қилиш учун фойдаланиладиган кимёвий воситаларни мажбурий рақамли маркировкалаш механизмини ишлаб чиқиш бўйича тажриба лойиҳаси амалга оширилади.

Тажриба лойиҳасидан кўзланаётган мақсадлар қаторида минерал ўғитлар ва ўсимликларни ҳимоя қилиш учун фойдаланиладиган кимёвий воситаларни Ўзбекистон Республикаси ҳудудига ноқонуний олиб киришга (импорт қилишга), ишлаб чиқаришга (шу жумладан, контрафакт маҳсулотларни) ва айланмасига қарши курашиш ҳам назарда тутилган.

🕊 @rastamojka_uz

2027 йил 1 апрелгача дуккакли маҳсулотларни экиш, йиғиб олиш ва саралаш ускуналари импорти учун божхона божининг 1 фоизлик ставкаси қўлланади.

🕊 @rastamojka_uz

Божхона юк декларациясини тўлдириш тартиби тўғрисидаги йўриқномага қўшимча ва ўзгартиришлар киритилди.

🕊 @rastamojka_uz

Аввал Leapmotor автомашинаси, энди таглик импортига чеклов

Балки таглик хақиқатдан ҳам номувофиқ бўлиши мумкин, лекин импортни чеклаш учун овора бўлиб божхонага хат бериш шарт эмас. Шунчаки мувофиқлик сертификати берилмаса бўлди. Сертификатсиз хеч ким импортга декларация жўната олмайди.

🕊 @rastamojka_uz

Автомобил импортига чекловлар: масъул ва фаоллар ўртасида қизғин тортишув

Автомобиллар, кондиционер ва музлаткичлар, лифт ва эскалаторлар, болалар тагликлари ва тиш чўткалари... Булар – охирги вақтларда Техник тартибга солиш агентлиги ташаббуси билан импортига қўшимча талаблар киритилган маҳсулотларнинг айримлари. Бу талаблар, масалан, автомобиллар ва тагликлар бозорида импортнинг кескин қисқаришига, маиший техникалар ва лифтларнинг ойлаб божхонада қолиб кетишига олиб келди. Куни кеча Leapmotor C16'дан нуқсон топилиши билан жорий этилган тақиқ эса бирйўла шу бренднинг барча моделлари импортини тўхтатиб қўя қолди.

Бу мавзулар тармоқларни қанчалик “ёндирган” бўлса, соҳа масъули иштирокида Kun.uz студиясида кечган “Кун подкасти” ҳам шунчалик қизғин кечди.

📹 “КУН ПОДКАСТИ”ДА ТОМОША ҚИЛИНГ

🕊 @rastamojka_uz

Муаммоли автомашина чет элдаги норасмий диллерлардан сотиб олинган - Leapmotor вакили.

Uz Testнинг маълум қилишича, Хитойнинг Leapmotor компанияси вакиллари билан расмий учрашув ўтказган.

Хабар телеграм каналда эълон қилиниб, кейинроқ ўчирилган.

🕊 @rastamojka_uz

BYD: Leapmotor C16 ми С01, С10 фарқи йўқ кеганини қайтарасан

UzTest: Бўлди акажон нима дисез шу, йўли бор.

PS. Полигонга хеч ким киритилмас эди шекилли...

🕊 @rastamojka_uz

Машина импорт қилувчилар масъуллар томонидан хўрланмоқда.

Ваҳолангки, Конституцияга кўра, давлат халқ иродасини ифода этиб унинг манфаатларига хизмат қилади. Давлат органлар ва мансабдор шахслар жамият ва фуқаролар олдида масъулдирлар.

🕊 @rastamojka_uz

“Евро-5” ва ундан юқори экологик талабга мос юк автомобиллари яна 3 йилга божхона божи ва утилизация йиғимидан озод қилиниши тўғрисида айтилганига қарийиб 2 ой бўлди, лекин ҳанузгача қарор қабул қилинмади...

🕊 @rastamojka_uz

✅Божхона органининг мақсади тадбиркорни банкрот қилишми ёхуд Олий суд айрим судьялари томонидан қабул қилинган шафқатсиз (адолатсиз) қарор⁉️

Президентнинг 19.08.2021 йилдаги ПҚ-5225-сон қарори 2-бандига кўра, юк ташиш учун мўлжалланган, ишлаб чиқарилганига 7 йилдан ошмаган транспорт воситаларини 2025 йил 1 январга қадар Ўзбекистон Республикасига импорт қилишда уларга божхона божининг, утилизация йиғимининг ва автотранспорт воситаларини сотиб олганлик учун автотранспорт йиғимларининг ноль ставкалари қўлланилиши лозим.

Бир тадбиркор 2 дона юк автомашинасини сотиб олиб, Президент берган имтиёздан фойдаланиб, Ўзбекистонга олиб кирган.

Импорт қилинган транспорт воситаларининг 2016 йилда ишлаб чиқарилганлиги сотувчи – Нидерландиядаги “MAN TOPUSED B.V” қўшма корхонаси ва МЧЖ ўртасида 05.10.2022 йилдаги шартномада ҳам, 02.04.2024 йилдаги суд автотехника экспертиза хулосасида ҳам кўрсатилган.

Бироқ, божхона органи орадан 1 йил 2 ой вақт ўтгандан сўнг 2 дона “MAN” автотранспортлари гўёки 2015 йилда ишлаб чиқарилган деган важ билан қўшимча равишда 3 млрд. 712,5 млн. сўм божхона тўловларини ундиришни сўраган.

Биринчи, апелляция ва тафтиш инстанция судлари даъво аризасини мутлақо асоссиз деб ҳисоблаб қаноатлантиришни рад қилиб, тадбиркорни банкрот бўлишдан асраб қолган бўлса, Олий суднинг "одил" судьялари қуйи инстанция судларининг қарорларини асоссиз равишда бекор қилиб, МЧЖдан 2 та автотранспорт воситаси учун 3 млрд. 712,5 млн. сўм божхона тўлови, 185 млн сўм давлат божи ундирилишини белгилаган.

Олий суд эса фақатгина “UZ TRUCK & BUS MOTORS” МЧЖнинг Германияда ишлаб чиқарилган транспорт воситаларининг ишлаб чиқарилган йилини интернет саҳифаларидан олиб, 2015 йил ноябрь-декабрь ойлари эканлиги бўйича берган хатига асосланганлигини кўриш мумкин.

Ваҳоланки, “UZ TRUCK & BUS MOTORS” МЧЖ бошқа давлатда ишлаб чиқарилган автомашиналарнинг йилини аниқлаб беришга ихтисослашган ваколатли ташкилот эмас, экспертлик хулосаси ҳам бера олмайди.

Олий суднинг бу қарорига эса Бахтиёр Жаҳонгирович ва Ниғматилла Тўлқиновичдан бошқа шахс протест ҳам бера олмайди.

Тадбиркорни давлатдан норози қилишдан мақсад не, ҳурматли божхона органи ва Олий суд судьялари?

Манбаа

🕊 @rastamojka_uz

Диққат, эълон!

Ҳурматли ташқи иқтисодий фаолият иштирокчилари!

Божхона қўмитаси Маълумотлар базаси серверларининг узлуксиз ишлашини таъминлаш ва ахборот дастурларини такомиллаштириш мақсадида профилактик тадбирлар амалга оширилиши муносабати билан 2025 йил 5 апрель куни соат 08.00 дан 18.00 га қадар божхона ахборот тизимларида қисқа узилишлар кузатилиши мумкинлигини маълум қилади.

🕊 @rastamojka_uz

🇰🇿 🇺🇿 🇰🇬 🇹🇯 🇹🇲
Кун фотоси

Ҳечдан кўра кеч: Бизнес омбудсман электромобиллар импорти чекловлари бўйича сўров юборди

Техник тартибга солиш агентлиги ва UzTest'нинг бир йилдан бери ўтказаётган тийиқсиз ва зараркунанда тажрибалари ва ўзбекистонликларнинг дард-фарёди ниҳоят кимгадир етиб борган кўринади.

Ҳа, депутатлар-у, сенаторлар жим, бундан кейин ҳам жим ўтиришади, агар "сизлар ҳам нимадир дейишинглар мумкин" деган топшириқ тушмаса.

Шунақа сукунат ҳукм сураётган бир пайтда, ишонмасликларингиз мумкин: Бизнес омбудсман овоз чиқарди. Бизнес омбудсман идораси Техник жиҳатдан тартибга солиш агентлигидан электромобиллар импортидаги чекловлар бўйича тушунтириш беришни сўрамоқда.

Ўтган куни бизнес омбудсман матбуот хизмати электромобиллар савдоси билан шуғулланувчи тадбиркорларнинг мурожаатлари, шунингдек, уларнинг ижтимоий тармоқларда амалдаги чекловларни танқид қилувчи постлари ўрганилаётгани ҳақида хабар чиққанди. Қизиғи, тадбиркорларнинг мурожаатлари бир йил аввал пайдо бўлган эди.

Нимаям дердик, ҳечдан кўра кеч. Кўрамиз, қанақа жавоб бўларкин.

Бизнес омбудсман фақат расмий сўров билан чекланмай, Техник тартибга солиш агентлиги ва UzTest'нинг қилмишларини тафтиш қилишга чақирса бўларди.

Манбаа

🕊 @rastamojka_uz

Президентининг 2024 йил 14 ноябрдаги «Тадбиркорлар ҳуқуқлари ва қонуний манфаатларини ишончли ҳимоя қилиш чора-тадбирлари тўғрисида»ги ПФ-184-сон Фармони 4-банди киритилган ўзгартиришга кўра:

Ўзбекистон Республикаси «Тадбиркорлик фаолияти эркинлигининг кафолатлари тўғрисида»ги Қонунининг 39-моддасига мувофиқ, камерал солиқ текширувлари ҳамда Божхона кодексига мувофиқ амалга ошириладиган божхона назорати шакллари «Ягона давлат назорати» ахборот тизимида рўйхатга олинмайди.

🕊 @rastamojka_uz

Президентининг 2022 йил 13 июндаги «Махсус иқтисодий, кичик саноат, ёшлар саноат ва тадбиркорлик зоналари фаолияти самарадорлигини оширишнинг қўшимча чора-тадбирлари тўғрисида»ги ПФ-153-сон Фармонига киритилган ўзгартиришга кўра:

махсус иқтисодий зоналар иштирокчилари томонидан ишлаб чиқариш ва маҳсулотларни экспортга реализация қилиш учун фойдаланадиган хомашё, материаллар ва бутловчи қисмларни олиб киришда божхона имтиёзлари фақат товарлар «божхона ҳудудида қайта ишлаш» божхона режимига жойлаштирилган тақдирда қўлланилади.

PS. Божхона кодексига кўра, бу режимга жойланган хар қандай товарларга божхона тўловлари тўланмас эди шекилли?!

🕊 @rastamojka_uz

Божхона қийматини назорат қилишда товарларнинг транспорт харажатлари тўғри кўрсатилганини мониторинг қилиш мақсадида сунъий интеллект элементларини қўллаган ҳолда «Яндекс maps», «Google maps» ва бошқалар божхона органлари ахборот тизимларига интеграция қилинади.

🕊 @rastamojka_uz

Сунъий интеллект технологияларини божхона органлари ахборот тизимларида қўллаш мақсадида «chatgpt.com» ва бошқа сунъий интеллект технологиялардан фойдаланишга рухсат берилади.

🕊 @rastamojka_uz

Божхона тўловларини соддалаштирилган тартибда ҳисоблаш ва нотариф чоралар тўғрисидаги маълумотларни олиш имкониятини берувчи «Интеграциялашган тариф» интерактив хизматининг янги версиясини 2026 йил сентябр ойига қадар ишлаб чиқилади.

🕊 @rastamojka_uz

Божхона омбори эгалари учун юк операцияларидан фойдаланиш бўйича мобил илова 2026 йил апрелга қадар ишлаб чиқилади.

🕊 @rastamojka_uz

Халқаро йўналишда ҳаракатланувчи автобуслар ва улардаги йўловчиларни соддалаштирилган тартибда божхона назоратидан ўтказиш мақсадида йўловчилар ва уларнинг юклари бўйича олдиндан маълумот олиш учун Божхона органларининг ахборот тизимлари Транспорт вазирлигининг «Smart Bus Station» тизими билан интеграция қилинади.

🕊 @rastamojka_uz

Вақтинча олиб киришда божхона божлари ва солиқлар тўлашдан шартли озод этиладиган айрим товарлар рўйхати, имтиёз бериш муддатлари ва шартларини қайтадан кўриб чиқиб, Вазирлар Маҳкамасининг қарори лойиҳасини 2025 йил июнь ойига қадар ишлаб чиқилади.

🕊 @rastamojka_uz

Янги Тошкент шаҳри ҳудудида давлат хизматчилари учун уй-жойлар қурилишида Божхона қўмитасининг буюртмаси асосида божхона ходимлари учун имтиёзли нарх ва шартларда тайёр таъмирланган хонадонлар ажратилади.

Бунда ходимлар томонидан хонадонларни харид қилиш учун бошланғич тўловлар Божхона қўмитасининг бюджетдан ташқари жамғармасидан ажратилган фоизсиз ссуда ва субсидия ҳисобидан, қолган қисми банклар томонидан имтиёзли ипотека кредитлари орқали молиялаштириш амалиёти жорий этилади.

🕊 @rastamojka_uz

Божхона органлари томонидан кўрсатиладиган хизматларни амалга оширишда: дастурий таъминотларни ишлаб чиқиш, функционал кенгайтириш, техник кузатувни амалга ошириш ҳамда харид қилинган GPS пломбалар, инспекцион кўрик мажмуалар, рентген қурилмалар ва бошқа божхона назоратининг техник воситаларини доимий соз ҳолда ишлашини таъминлаш бўйича Божхона қўмитаси ва «Божхона-сервис» давлат муассасасига хусусий секторни тўғридан-тўғри шартнома тузиш йўли билан жалб қилишга рухсат берилади.

🕊 @rastamojka_uz

26 январь — Божхона органлари ходимлари кунини нишонлаш чоғида:

- «Энг яхши ҳудудий божхона органи бошлиғи»;

- «Энг яхши тезкор ходим»;

- «Энг яхши суриштирувчи ходим»;

- «Энг яхши чегара божхона пости ходими»;

- «Энг яхши хавфни бошқарувчи ходим»;

- «Энг яхши ташаббускор ходим»;

- «Энг яхши ташқи иқтисодий фаолият божхона пости ходими»;

- «Энг яхши масофавий электрон декларациялаш божхона пости ходими»;

- «Энг яхши кинолог» ва бошқа номинациялар бўйича республика танловини ташкил этилади.

🕊 @rastamojka_uz

Божхона божини тўлашдан бўйин товлаш қилмишлари солиқлар ёки йиғимларни тўлашдан бўйин товлаш жиноятлари доирасига киритилиши мумкин.

2025 йил ноябр ойига қадар Божхона қўмитасига божхона божини тўлашдан бўйин товлаш ҳолатлари бўйича хўжалик юритувчи субъект ҳуқуқбузарлик содир этилганлиги ва етказилган зарар ҳажми тўғрисида божхона органининг хабарини олган кундан бошлаб ўттиз кун ичида давлатга етказилган зарар қопланмаган тақдирда, жиноят иши қўзғатилишини белгилаш бўйича Ўзбекистон Республикаси Қонуни лойиҳасини ишлаб чиқиш юклатилган.

🕊 @rastamojka_uz

Божхона ходимлари одоб-ахлоқ қоидаларининг қуйидаги талабига амал қилишга мажбурдир:

ижтимоий тармоқларда давлат органлари ва мансабдор шахслар фаолиятини муҳокама қилмаслик, ахлоққа зид ибораларни ишлатмаслик, мамлакатда, шу жумладан, божхона органларида амалга оширилаётган ислоҳотларга нисбатан одамларда ишончсизлик кайфиятини юзага келтириши мумкин бўлган нохолис, субъектив материалларни жойлаштирмаслик.

Божхоначи дўстларимизга юбориб қўямиз.

🕊 @rastamojka_uz

АҚШ Ўзбекистон товарлари учун 10%лик бож қўллайди

Шу кундарда дунёдаги асосий воқеа — АҚШнинг деярли барча мамлакатлар товарларига янги тарифлар эьлон қилгани бўлди:

— 20% Европа Иттифоқи божи.

— Хитойга янги бож 34%, ва 20% олдинги божлар билан умумий — 54%

— Ҳар қандай мамлакатдан импорт қилинадиган компютерларга 25% бож.

— Энг йирик божлар Ветнам ва Камбоджага қилинди, деярли 50%.

— Аксарият мамлакатларга бож 10% ни ташкил қилади.

— Ўзбекистон товарларига ҳам 10% бож юкланди. Қозоқлардан бошқа барча қўшниларимизга (Афғонистон келтирилмаган) ҳам 10% бож. Фақат Қозоғистонга 27%.

— Россия ва Беларус божлар оширадиган давлатлар рўйхатида йўқ. Чунки, улар деярли умуман ўзаро савдо қилишмайди. АҚШнинг Россиядан импорти 90% га камайган.

— Британия 10%. Австралия ҳам. Ҳиндистон 26%. Япония 21%.

— Антарктида яқинида ҳатто аҳоли яшамайдиган архипелаглар ҳам бож қўйилган ҳудудлар рўйхатига киритилган. Трамп пингвинларга божлар жорий қилди. Аммо, Трампнинг мақсадидан келиб чиқсак, у учун ҳаммаси тўғри: оролда аҳоли яшамайди, лекин қонуний равишда ундан товарларни рўйхатдан ўтказиш ва у орқали АҚШга божсиз киритиш мумкин бўлар эди.

— Мексика ва Канадага божлар белгиланмаган, чунки уларга нисбатан қаттиқ тарифлар аллақачон жорий қилинган.

🕊 @rastamojka_uz

Самарқанддаги саммитга ташриф буюрган давлат рахбарларининг кортежига вертолетлар ҳам ҳамроҳлик қиляпти. 👍

🕊 @rastamojka_uz

IPhone смартфонларининг нархи кўтарилади

"Apple"нинг барча гаджетларининг нархи кўтарилиши кутилмоқда. Бунга сабаб Трамп томонидан жорий қилинган божхона божларидир.

"Apple"қурилмаларини йиғувчи давлатларга энг юқори бож тарифлари жорий қилинган: Вьетнам (46%), Хитой (34%) ва Хиндистон (26%).

🕊 @rastamojka_uz

Тадбиркорлар учун янги имконият: замонавий Inter Terminal божхона омбори

Сергели туманидаги Inter Terminal божхона омбори март ойидан фаолият бошлади. Ушбу муассаса №L-731082 лицензияга эга бўлиб, Сергели ТИФ божхона пости (26010) га бириктирилган.

Асосий афзалликлар:
✔️ Қулай сақлаш имконияти – 2000 та енгил автомобилни бозор нархидан арзон нархда сақлаш.
✔️ Божхона омбори – 7000 м² майдондаги баландлиги 9 метр бўлган усти ёпик омбор.
✔️ Темир йўл логистикаси – 2 та алоҳида темир йўл веткаси (ҳар бири 900 метр). Етказиб бериш станцияси: Сергели (код 723507).
✔️ Музлатгич омборхона – 5000 м² майдондаги қурилиш яқинда тугатилади.
✔️ Кўп қаватли сақлаш – 60 000 м² усти ёпик омбор майдони, шу жумладан 27 000 м² “А” классдаги омборлар.
✔️ Юк автоуловлар учун жой – 80 та махсус тураргох.

Арзон ва сифатли хизмат!

📞 Боғланиш: (телефон/+998 98-308-20-00. +998 94-020-20-00. +998 97-777-77-57)

📍 Манзил: Сергели тумани, Нилуфар 30-уй

Inter Terminal – ишончли ҳамкор!

Трамп 3 апрельдан АҚШга олиб кириладиган автомобильларга 25 фоизлик божлар жорий этиш ҳақидаги фармонни имзолади.

Унинг айтишича, ҳозирда АҚШда сотилаётган автомобильларнинг фақат ярми мамлакатда ишлаб чиқарилган, бу эса миллий хавфсизликка хавф туғдиради.

🕊 @rastamojka_uz

Қирғизистонда Ўзбекистонликлардан 15 доллар йиғим ундириш таклиф қилинди

Ўзбекистон қонунчилигига мувофиқ орқа ойналари қорайтирилган Қирғизистон машиналаридан 15 доллар миқдорида йиғим ундирмоқда. Қирғизистон Жогорку Кенеш дептутати Ўзбекистон машиналаридан ҳам худди шундай йиғим ундиришни таклиф қилди.

Унинг сўзларига кўра, Қирғизистон Ўзбекистон транспорти учун бундай талабларни жорий этмаган.

🕊 @rastamojka_uz

#no_comment

Бизнес-омбудсман:
Тадбиркорларнинг мурожаати ўрганилмоқда

Электромобиллар савдоси билан шуғулланувчи тадбиркорларнинг мурожаати ижтимоий тармоқларда ёритилди.

Мазкур ҳолатлар қонун ҳужжатлари талабларига мувофиқлиги юзасидан Бизнес-омбудсман девони томонидан ўрганилмоқда.

PS. Лекин ўрганилаётган мурожаат бундан бир йил аввал ижтимоий тармоқларда ёритилган эди.

🕊 @rastamojka_uz

Божхона қўмитаси ТСОЯЭАТга эгалик қилиш, уни юритиш ва бошқариш бўйича ваколатли орган этиб белгиланибди.

2025 йил 1 майга қадар тизимнинг дастурий таъминоти ва маълумотлар базаси беғараз асосида Божхона қўмитаси серверига жойлаштирилади ва ишга туширилади.

🕊 @rastamojka_uz

Божхона омбори режимида сақлаш муддати ўтган товарлар 90 кун ичида талаб қилиб олинмаган ҳолларда улар суд қарори асосида давлат эгалигига ўтказилади ҳамда қонунчилик ҳужжатларида белгиланган тартибда тасарруф этилади.

🕊 @rastamojka_uz

Товарларнинг келиб чиқиш мамлакатини аниқлаш бўйича дастлабки қарор нима сабабдан берилиши, ТИФ қанташчиларига нимага керак эканлиги бўйича ҳалигача божхона томонидан тушунтириш берилмади. Берилган бўлса ҳам, мен беҳабар қолганман...

Расмий манбааларда ушбу тўғрисида батафсил маълумот берилса миннатдор бўлар эдик.

🕊 @rastamojka_uz

2025 йил 1 июлдан бошлаб товарларга нисбатан имтиёзларни қўллаш бўйича божхона органларининг дастлабки қарорларини бериш тартиби ишга тушади.

Шунда, божхона органлари:
- товарларнинг ТИФ ТН кодини аниқлаш бўйича;
- божхона тўловларини ҳисоблаш бўйича;
- товарларнинг келиб чиқиш мамлакатини аниқлаш бўйича;
- товарларга имтиёзларни қўллаш бўйича дастлабки қарор бериш ваколатига эга бўлади.

🕊 @rastamojka_uz

2025 йил 1 сентябрдан бошлаб барча ҳудудий божхона бошқармаларининг ғазна ҳисобварағи битта ҳисобвараққа бирлаштирилади. Эндиликда божхонага пул тўлаб, хохлаган вилоятда уни ишлатиш имконияти яратилади.

Қисқача қилиб айтганда, божхонанинг счёти битта бўлади ва депозитдаги пулларни бир жойдан бошқа жойга кўчиришга ҳожат қолмайди.

🕊 @rastamojka_uz

Шу кино зўр ишланганда...

🕊 @rastamojka_uz

❗️ Эндиликда автомобиль кимнинг номига расмийлаштирилаётган бўлса, шу шахсга навбат берилар экан. Батафсил видеода.

🕊 @rastamojka_uz

Хатни ўқиб, ўзимни кулгудан тия олмаяпман. Электромобиль ишлаб чиқариш бўйича дунёни эгаллаган давлатда ишлаб чиқарилган Leapmotor С16нинг "широкополосные электромагнитные помехи"си номувофиқ экан.

1996 йилдан бери ўзгармас холатда ишлаб чиқарилаётган карбюраторли "Дамас" эса мувофиқ экан.

Маҳаллий ишлаб чиқарувчиларни қўллаб қувватлашнинг юқори чўққисига чиққанга ўхшаймиз. Буни кузатиб турган инвесторлар қўл силтаб, Зимбабвега кетвормаса бўлди...

🕊 @rastamojka_uz

❗️Расман: “Leapmotor” брендидаги автомобиллар импорти чекланди.

Техник жиҳатдан тартибга солиш агентлиги томонидан Leapmotor C16 автомобилида аниқланган “камчилик” сабабли автомобилларларни сертификатлаштириш органларига “Leapmotor” товар белгили автотранспорт воситаларини сертификатлаштириш юзасидан аризаларни қабул қилишни тўхтатиш тўғрисида хат юборилган…

Қонунчликка мувофиқ мувофиқлик сертификатига эга бўлмаган автотранспорт воситаларини импорт қилиш таъқиқланади.

🕊 @rastamojka_uz

Сезибманми🤦‍♂