Suhbat sanasi texnik e'tiborsizlik sabab xato yozilibdi. Suhbatni ertaga, yakshanba kuni o'tkazamiz nasib bo'lsa.

Lirika - Adabiyot hamma uchun

Fevral oyida vodiydagi ilk rosmana she'riy konsertni o'tkazishga jazm etgan va 100 kishiga yaqin adabiyotsevarni to'play olgan "Lirika" loyihasini eslaysizmi?

5-Aprel kuni, 19:30 da biz shu loyihani asoschilaridan biri va o'tkalishida katta jonbozlik ko'rsatgan shoir - Humoyun Fattoh bilan guruhimizda yozma suhbat qilamiz.

Suhbatimizda loyiha g'oyasi, nega ochilganligi, birinchi konsert qanday o'tgani, kelajakdagi rejalar va Farg'ona adabiy muhiti haqida gaplashamiz.

@fargona_kitobxonlar_klubi

Aziz SAID | She’riy konsert: “DILI QANI BEDILNING?..”

IKKIMIZ IKKI

Hozirgina Facebook va Instagram sahifalarimizga She’riy Konsertdan parchalar qoʻya boshladik. Koʻring va munosabat bildiring.

Tez kunda Youtubeda Premyera.

Obuna boʻlishni unutmang!

@lirika_loyihasi

She’riy Konsertga tayyorgarlik jarayonidan lavhalar…

Tez orada Konsert videosi ham chiqadi. Youtubeda. Premyera. Kutayotganlar bormi?

@lirika_loyihasi

Kuni kecha O‘zbekiston Radiosida ham Farg‘onada o‘tkazilgan ilk She’riy Konsert haqida eshittirildi.

@lirika_loyihasi

#taassurotlar

"MEN TARAFIMNI TANLADIM…”

Namrud Ibrohim alayhissalomni o‘tda yoqqanda qaldirg‘och olovni o‘chirish uchun og‘zida suv tashiydi. Buni ko‘rib hamma uning ustidan kuladi. Sen opkegan bir tomchi suv bilan gulxanni o‘chirish mumkinmi, deb uni masaxaraomuz savolga tutishadi. Shunda qaldirg‘och: "Siz olovga o‘tin tashlab o‘z tomoningizni ko‘rsatib qo‘ydingiz, men olovga suv tashib kimning tomonida ekanimni bildirib qo‘yyapman. Men Ibrohim payg‘ambar tarafidaman" deb javob beradi.

Kuni kecha bo‘lgan sheʼriy konsertda men shu holatning zamonaviy shaklini ko‘rdim. Bugungi moddiy dunyoda odamlarda orzular emas, istaklar qoldi ko‘proq. Tadbir tashkilotchilari, qahramonlari va  tomoshabinlar o‘zlarining qaysi tomonda ekanliklarini ko‘rsatib qo‘yishdi, aniqrog‘i, lirika ularni qaysi tomonda ekanini yodlariga soldi.

Ruhni nima ekanini hech kim aniq aytib bera olmaydi. Lekin sheʼriyat ruh bilan munosabat hisoblanadi. Men haqiqiy sheʼriyat haqida gapiryapman.  Mana shunday lirik kechalar, kitoblar va muhit bizni ruhiyatimizga qaytaradi, mudrab qolgan ko‘nglimizni uyg‘otadi. Sheʼriy konsertda sahna bezaklari, akryorlarning mahorati va eng muhimi ustoz shoir Aziz Saidning o‘ziga xos ijro uslubi umumiy ritm hosil qildi.

Umid qilamanki, bu loyiha yana davom etadi. Zero, tirik klassiklarimiz hali juda ko‘p. Sheʼriyat muxlislari esa yangi diydorga hamisha mushtoq!

Davlat Karim

@lirika_loyihasi

#taassurotlar

“CHAYQALAYOTIR RUHIM…”

Nitsshe umid haqida fikr bildirib, uni "yovuzliklarning eng yomoni, kishi azoblarini uzaytirguvchi" deb atagan. Juda toʻgʻri aytilgan. Kishi baʼzan umidsizlikka tushganida oʻzini erkinroq sezishi bor gap. Biroq butunlay umidsiz yashash ham hayotdan hafsala sovushiga olib keladi.

Atrofda boʻlayotgan baʼzi oʻzgarishlardanmi, bilmadim, yaqindan beri juda tushkun kayfiyatda edim. Kelajak-pelajakka ishonch deyarli qolmagandi. Kecha @lirika_loyihasi tashkillagan ustoz shoir Aziz Saidning sheʼriy konsertiga borib, balkim, hali umid bordir, deb oʻylab qoldim.

Konsertning oʻzi aʼlo darajada oʻtdi. Ustozning toʻgʻri yurakka oqadigan sheʼrlarini oʻz ovozida, oʻz ohangida eshitib qalblarimiz yayragan boʻlsa, konsertga kelgan yoshlar, oʻquvchilarni koʻrib, yana quvondik. Demak, yoshlar orasida hali sheʼrsevarlar, faqat moddiyatni emas, maʼnaviy ozuqani tusaydiganlar ham bor ekan. Demak, haliyam umid bor.

Bu kichik tadbir, u yerda yigʻilgan kishilar butun Oʻzbekiston miqyosida bir hovuchdek koʻrinar. Biroq Vatslav Gavel "Kuchsizlar kuchi" da aytganidek, shunday kichik, ammo oʻta sifatli loyihalar orqali bitta, beshta, oʻntagina odamni oʻzgartirib, yakunda butun millatlar kelajagiga taʼsir oʻtkazish mumkin.

Shunday ekan, tadbirni yanada rivojlantirish, qoʻllab-quvvatlash, hamma narsa chalkash, yugurik zamonda biroz boʻlsa-da, tin olib, ruhingizni davolash uchun keyingi konsertlarga, albatta, keling.

Yakunda tagʻin loyiha ishtirokchilari, tashkilotchilar va homiylarga, ustoz Aziz Saidga, aktyorlar jamoasiga chin yurakdan tashakkur aytaman. Zero, sizlar qilayotgan kichikdek koʻrinadigan, biroq zalvorli bu ish hali oʻz mevasini berib, yuzlab kishilar ruhiga malham boʻlishi shubhasizdir. Rahmat.

Umid Gʻofurov

@lirika_loyihasi

***
Xoʻp, "Lirika" loyihasi va umuman bugungi oʻtkazilgan konsert xususida fikr va taassurotlarimni boʻlishadigan boʻlsam, bu chinakam adabiyot, sheʼriyat ixlosmandlari uchun zoʻr loyiha boʻlibdi. Ustozlarimiz va kursdoshlarimiz bilan birga borib maʼnaviy, madaniy ozuqa oldik. Buning uchun kechani tashkillaganlarga alohida rahmat aytamiz. Alohida dekoratsiyalar, sahna koʻrinishlari va bularning shoirimiz, ustozimiz Aziz Saidning sheʼriyatiga, ruhiyatiga uygʻunlashtirilgan holda tashkillanganligi biz tomoshabinlarga yana-da manzur keldi( sahnada har bir detallga eʼtibor berilgan) shoir ruhiyatiga, olamiga kirib borishimizga yordam berdi. Eng asosiysi, shoirimizning butun vujudi ila dildan oʻqigan sheʼrlari orqali biz Aziz Saidni boshqatdan kashf qildik va qalban yaqinlashdik. Qolaversa, suhbatlari orqali samimiy inson ekanliklarini bildik. Savollarga samimiy va o'zlarini balanddan olmay kamtarlik bilan javob berdilar.

Bu loyiha davomli boʻlishini xohlar edim, keyingi sonlarida bundan-da katta auditoriya yig'ishiga va adabiyot ixlosmandlarining safini kengaytirishga, sanʼat va adabiyotga boʻlgan eʼtibor susayib ketgan bir davrda xalqimizni sanʼatga, adabiyotga boʻlgan mehrini oshirishga xizmat qilishiga ishonaman.

Durdona Olimova
FarDu talabasi

@lirika_loyihasi

FIKR

Kechagi She’riy Konsert haqida qanday fikrdasiz? Xayolingizdan nimalar oʻtdi? Oʻz sahifalaringizda batafsil yozing. Bizgayam yuboring.

Fikrlaringiz biz uchun juda muhim. Tanqidiymi, tahliliymi, farqi yoʻq. Muhimi, fikr boʻlsin.

@lirika_loyihasi

#feedback

💬 Quyidagi izohlarda bugungi konsert qanday o'tgani haqida xolis fikrlaringizni yozishingiz mumkin.

Kamchiliklarimiz va takliflaringizni ham ayamasangiz, xursand bo'lar edik.

@lirika_loyihasi

She’riy Konsertimiz mehmoni Aziz SAID haqida fikr, izoh qoldirishingiz uchun post.

@lirika_loyihasi

🎉 Konkurs natijalari:

Gʻoliblar:
1. Muslim (@iYimuslim)
2. Сарвар (@SRavshanov)
3. Samijon (@kamoldinov_samijon)

Natijalarni tekshirish

24 soat

Ertaga ayni shu paytda biz 3 g'olibni allaqachon aniqlagan bo'lamiz.

Bunday ajoyib imkoniyatdan xabarsiz qolgan do'stlaringiz bo'lsa, ularga ham bu xabarni ulashishni unutmang)

Aflotunning fikriga qo'shilgan bo'larmidingiz?

Nima uchun ha yoki yo'q? 🤔

@lirika_loyihasi

Aziz SAID haqida

Qozoqboy YOʻLDOSH
adabiyotshunos olim

Telegram | Instagram
Facebook | YouTube

FARGʻONADA ILK BOR

SHE’RIY KONSERT
“DILI QANI BEDILNING?..”
AZIZ SAID

Chiptalar narxi:
75 000 so‘m
Talabalar uchun:
50 000 so‘m

Shoshiling, joylar soni cheklangan!

Online harid uchun:
📮 t.me/lirika_chipta
☎️ (91) 106-64-44

Telegram | Instagram
Facebook | YouTube

FARGʻONADA ILK BOR

Janr: She’riy Konsert
Nomi: “Dili qani Bedilning?...”
Shoir: Aziz Said

Chipta narxi:
75 000 so‘m
Talabalar uchun:
50 000 so‘m

Shoshiling, joylar soni cheklangan!

Harid uchun:
📮t.me/lirika_chipta
☎️(91) 106-64-44

t.me/lirika_loyihasi

Assalomu alaykum, hurmatli obunachilar!

Ushu Lirika loyihasi haqida birin-ketin tanishtirib boramiz. Katta rejalar tuzilgan. Nafaqat Fargʻonada, balki butun Vodiy boʻylab lirik toʻlqin, adabiy reforma olib boriladi.

Sizlardan bir iltimoski, loyiha haqida koʻpchilik xabardor boʻlishi uchun quyidagi havolani doʻstlaringizga ulashsangiz…

Ijtimoiy tarmoqlarda biz:
https://taplink.cc/lirika_loyihasi

@lirika_loyihasi