Bugun ushbu she’rning tugʻilgan kuni. 4 yil boʻpti. Talabalik davrimda yozgandim.

Hozir u yerga kirolmayman, xotiraning yovuz tarafiga duch kelishdan qoʻrqsam kerak. Yana bilmadim.

@humoyunfattoh

BINAFSHA

Binafsha, senmisan, binafsha — senmi,
Ko‘chada aqchaga sotilgan.
Binafsha menmanmi, binafsha menmi,
Sevgingga, qayg‘ungga tutilgan?..
(Cho'lpon)


Hayot shovqinlarida berkingan tuyg'ularimiz bizni qayta topadilar. Uchrashuv joyi @arthousehamsa
+998 93 145 80 80

@arthouse_hamsa

DOHIY SINGARI

Qaytgunimcha
yig‘lamay turgin,
Olib borma umidni dorga.
Sog‘inchingni etarman surgun,
Mahzunliging bo‘lar badarg‘a.

Mustamlaka bo‘lib gina, kek,
G‘amdan ozod bo‘larsan yana.
Tunda quvongani kabi ko‘k,
Quvonarsan ko‘zlaring yona...

Atrofingga o‘rnatib halqa,
Seni ta’qib etgan hislarni
Yo‘q qilaman, butun bir xalqqa
Zulm qilgan dohiy singari...

Muallif: @HumoyunFattoh

Oʻqidi: @Nurmuhammad_Abduzoir

https://www.instagram.com/reel/DH-M7diIXDt/?igsh=aXhpMXRjaDFhbzhj

***
Hushimga kirib kel,
tushlarimdan tush,
Qo‘ynimdagi mumtoz
dardni parchala!
(Tinglagin, o, nohaq sayradi haqqush,
Mast bo‘lib, sollandi qara, archalar.)

Bir ranglar istadim,
tuydilar yoqut,
Qog‘ozga rasmingni
so‘z bilan chizsam...
O‘zingni ilhom deb o‘ylaysan yoxud
She’rimdan o‘zini izlagan qizsan.

Kosamni sabrga
to‘ldirma lim-lim,
Quloq sol
berkinib solgan dodimga.
Seni rom etmagan qaqshagan ko‘nglim,
Sen maftun bo‘lgansan iste’dodimga.

Sen - men ham tushuna
olmagan tovush,
Sen - bir shoir
anglab yetmagan tilsim...
Ro‘yoga qaytaqol, tushlarda qovush,
Sendan farzand emas,
she’rlar tug‘ilsin!

https://t.me/humoyunfattoh

QOʻLINGIZDAN KELSA

Qoʻlingizdan kelsa, oʻtkazing hukm,
Yorisha koʻrmasin bu oqshom, bu tun.
Bu kecha dunyoga kelmasin hech kim,
Saroylar abadiy qolsin bus-butun.
Bu bogʻlar kiymasin yam-yashil gʻilof,
Koʻrinsa, tegining hur, malaklarga.
Gʻunchalar ochilsa, tashlang ezgʻilab,
Uchishni ta'qiqlang kapalaklarga...
Qoʻlingizdan kelsa, ey kibor shohim,
Jallodni sirayam bosmasin mudroq.
Falakka yetmasin mazlumlar ohi,
Sirotdan oʻtmasin doʻzaxga sudrab.
Mungʻaygan xalqining erkini qirqib,
Tirjaygan zolimni yutmasin shu yer.
Sizdagi yurakka solmasin qoʻrquv,
Koʻzingizga magʻrur boqmasin shoir!

@humoyunfattoh

Ushbu guruhda Toshkentdan Fargʻonaga, She’riy Konsertga kelmoqchi boʻlganlar yigʻilyapti.

Qoʻshilib, ertaroq joy bron qiling.

TAAJJUB

Lirika Loyihasi doirasida oʻtkazilayotgan She’riy Konsertga hozircha 30 taga yaqin bilet sotildi. Bu juda oz, passiv natija. Toʻgʻri, bunga Aziz Saidning fargʻonaliklar orasida uncha mashhur emasligi bahonadir, lekin bu sabab boʻlolmaydi. Sizni ishontirib aytamanki, oʻrtamiyona, hashaki shoir jalb etmaganmiz. Tanimasangiz ham kiring, koʻring, tanishing. Koʻrmagan filmingizni rohatlanib koʻrishingiz mumkin-ku, axir?!

Tushunib turibman, ilk marta oʻtkazilyapti. Lekin talab bu qadar oz boʻlmasligi kerak. 1-2 qatorda joy deyarli qolmadi. Asosan ziyolilar, universitet filologlari band qilishdi. Bundan xursandman.

Yana bir masala bor, koʻpchilikdan “bilet sovgʻa qiling”, “ozgina tushib beringlar”, “tekin boʻlsa kirardim”, “adabiyotni pullik qilib nima qilardinglar”, mandanam pul olasanmi”, degan vala-vala gaplarni eshitdim. Bu juda yomon. Hatto dadam ham bilet sotib oldilar, qoʻyavering, demadim.

Yeydigan ovqatingiz, kiyadigan kiyimingiz, chaqiradigan taksingiz, qoʻpol qilib aytaman: siz uchun paytida juda kerak boʻladigan hojatxona qogʻozi ham pullik boʻlgan bu mamlakatda nega adabiyot, sof san’at, ma’naviy ozuqa, estetik zavq beradigan narsalar tekin boʻlishi kerak?! Koʻzimizga surtib, ulugʻ sanaydiganimiz nonni ham birov tekinga bermaydi koʻchada. Sotadi.

Adabiyotga befarq boʻlmagan kishilar, adabiyot muallimlari umuman oʻzini ziyoli hisoblagan odam borki, qiziqishi kerak bunga. Atrofidagilarini tortishi kerak. Aksariyat odamlar maoshining 100 dan yoki 50 dan bir qismi xolos 75 ming soʻm.

Qachonlardir 100 kishilik zoʻr audiotoriya shakllantirib olishimizga ishonaman. Hozircha shunday ishlaymiz.

Bilet sotib olmoqchi boʻlganlar, havola izohda. Shoshiling, joylar soni cheklangan! Ishoning, yaxshi konsert boʻladi!

FARGʻONADA ILK BOR

Janr: She’riy Konsert
Nomi: “Dili qani Bedilning?...”
Shoir: Aziz Said

Chipta narxi:
75 000 so‘m
Talabalar uchun:
50 000 so‘m

Shoshiling, joylar soni cheklangan!

Harid uchun:
��@lirika_chipta
☎️(91) 106-64-44

@lirika_loyihasi

Bismillah

Demak, yangi loyihaga bugunoq start beramiz!

Nafaqat Farg'onada, balki butun Vodiy bo'ylab adabiy reforma qilmoqchimiz!

Loyiha sahifalariga obuna bo'ling:
https://taplink.cc/lirika_loyihasi

Kechga zo'r yangilik chiqadi!

Salom, doʻstlar.

She’riy konsert, teatr, jurnal, nashriyot va fond loyihasi uchun umumiy bitta original, sof oʻzbekcha nom izlayapmiz. Takliflaringiz boʻlsa, bering.

Aytgancha, she’riy konsertning sanasi, vaqti, joyi shu hafta e’lon qilinadi. Kutayotganlar bormi?

@humoyunfattoh