Президент Шавкат Мирзиёев спортчиларимизнинг ютуқларини алоҳида қизиқиш ва эътибор билан кузатиб боряптилар. Қувонарлиси, апрель ойида мамлакатимизнинг спорт соҳасидаги муваффақиятлари футбол билангина чекланиб қолмади.

Хусусан, хоккей бўйича Ўзбекистон миллий терма жамоаси ҳам халқаро майдонда ажойиб натижа кўрсатди. Арманистонда ўтказилган жаҳон чемпионатида хоккейчиларимиз ўз дивизионида ғолиб бўлиб, келгуси мавсумда учинчи дивизионда қатнашиш ҳуқуқини қўлга киритди. Бундан олдин, март ойида Таиландда бўлиб ўтган 18 ёшгача бўлган хоккейчилар ўртасидаги жаҳон чемпионатида ҳам терма жамоамиз ғалаба қозонган эди.

Саудия Арабистонида ўтказилган 18 ёшгача бўлган спортчилар ўртасидаги енгил атлетика бўйича Осиё чемпионатида юртдошларимиз 12 та - 3 та олтин, 5 та кумуш ва 4 та бронза медалини қўлга киритиб, ўз тарихида биринчи марта умумжамоа ҳисобида иккинчи ўринни эгаллади.

Бу ютуқлар, энг аввало, йигит-қизларимизнинг тинимсиз меҳнати, юксак маҳорати, мустаҳкам иродаси ва матонати туфайлидир. Бунда спорт соҳасига қаратилаётган эътибор ва тизимли давлат сиёсатининг ҳам алоҳида ўрни борлигини таъкидлаш жоиз. Мамлакатимизда спорт инфратузилмаси сезиларли даражада яхшиланди, янги мактаблар очилмоқда, спортчиларнинг профессионал ривожланиши учун шарт-шароитлар яратилмоқда.

Давлатимиз раҳбари хоккейчи ва енгил атлетикачиларимизни юксак зафарлари билан табриклаб, ота-оналари, устоз ва мураббийларига самимий миннатдорлик изҳор этадилар.
—
Президент Шавкат Мирзиёев с особым интересом и вниманием следит за достижениями наших спортсменов. Радует, что в апреле успехи нашей страны на спортивной арене не ограничились футболом.

Так, на международной арене блестяще выступила и национальная хоккейная сборная Узбекистана. На мировом первенстве в Армении наши хоккеисты стали чемпионами в своем дивизионе, получив право выступать в следующем сезоне в третьем дивизионе. Ранее, в марте, на чемпионате мира в Таиланде триумфально выступила наша хоккейная сборная до 18 лет.

На чемпионате Азии по легкой атлетике среди спортсменов до 18 лет в Саудовской Аравии наши соотечественники, завоевав 12 медалей – 3 золотые, 5 серебряных и 4 бронзовые, впервые в своей истории заняли второе место в общекомандном зачете.

Эти успехи — прежде всего заслуга наших юношей и девушек, их упорного труда, высокого мастерства, несгибаемой воли и стойкости. Вместе с тем нельзя не отметить важную роль внимания, которое уделяется развитию спорта, и системной государственной политики в этой сфере. Значительно улучшилась спортивная инфраструктура, открываются новые школы, создаются условия для профессионального роста спортсменов.

Глава нашего государства поздравляет наших хоккеистов и легкоатлетов с высокими победами, выражает искреннюю благодарность их родителям, тренерам и наставникам.

Facebook|Instagram|X

- Sizda nechta?
- Ikkitami, a?

O‘zbekiston U-17 terma jamoasi o‘z tarixida ikkinchi marta Osiyo chempionligini qo‘lga kiritdi!

Сизни юзлаб йиллардан кейин эслаб юришларини истасангиз, "Хамса" ёзгудек истеъдодингиз, Регистон қургудек давлатингиз ёки канал қазигудек қувватингиз бўлмаса – дарахт экинг.

Тарихчи-манбашунос Ҳилола Назированинг айтишича, Хоразмда Огаҳий эккан тут дарахти бор. Касби мироб (ирригатор) бўлган Огаҳий бир нечта тут дарахтлари эккан экан, улардан биридан ўзига тобут ясашган экан. Яна бири эса унга жонли ёдгорлик бўлиб ҳамон тирик яшнаб турибди.

Шундай ноёб ва ибратли маълумотларни улашаётган олимамизга алоҳида ташаккур айтаман. Унинг Инстаграм саҳифасига ўтсангиз, бундан ҳам ажойиб маълумотларни кузатишингиз мумкин.

Ҳилолахон, ҳавасдамиз, кузатяпмиз. Олға!

@shahnozxon

Ўзбекистон раҳбарининг вилоятларга ташрифларида биз журналистлар шундай дақиқаларни кутиб турамиз.

Ҳа, сиёсатда ҳаммаси муҳим, ижтимоий-иқтисодий масалалар, янги корхоналар, лойиҳалар, инвестиция, иш жойлари бўйича режалар...

Булар ҳаммаси муҳим, ҳаммаси. Лекин мени Президентнинг шахс сифатидаги, ота сифатидаги, бобо сифатидаги, оддий инсон сифатидаги мулоқоти, самимияти, оддийлиги ҳаммасидан кўпроқ таъсирлантиради.

Давлатимиз раҳбарининг кутилмаганда Андижонда йўл устидаги таъзияли хонадонга фотиҳагарчиликка кирганини, яқинларнинг кўнглини кўтарганини бугун уйимдагилар, қўни-қўшниларим ҳам катта ҳурмат билан гапиришди.

Кечга яқин Президентимизни алоҳида эътиборга муҳтож болалар даврасида кўрдим.

Билсангиз керак, бу фариштамисол ажойиб болалар инсоннинг аурасига қараб унга интилади, улар олдида турган инсоннинг мавқеи, лавозими, кимлигини билиб эмас, самимиятини, меҳрини ҳис қилсагина бағрига интилади.

Ҳа, биз ўзбекистонликлар ҳар хилмиз, кимдир истеъдодли, кимдир чемпион, кимдир эса яқинларининг ҳам исмини айтолмаслиги ёки 10 гача санолмаслиги мумкин. Лекин улар ҳам шу ватаннинг болалари. Уларнинг ўзи ҳам, ота-онаси ҳам давлатнинг, керак бўлса, Президентнинг меҳри-қучоғи, ёрдамида бўлишга муносиб.

Шундай бўлаётганидан хурсандман.

Президент Шавкат Мирзиёев Булоқбоши туманида йиғилиш ўтказганидан сўнг йўлда кета туриб, таъзияли хонадонга кўзи тушди.

Бу хонадонда оиланинг табаррук онахони – Мамлакатхон ая Давронованинг вафот этгани муносабати билан маросим бўлаётган эди.

Давлатимиз раҳбари таъзияда қатнашиб, хонадон эгаларидан кўнгил сўради, чуқур ҳамдардлигини билдириб, сабр-тоқат ва бардош тилади.
—
После проведения совещания в Булакбашинском районе, Президент Шавкат Мирзиёев по пути обратно обратил внимание, что в одном из домов проходила траурная церемония.

Здесь прощались с членом семьи – почтенной Мамлакатхон ая Давроновой.

Глава государства принял участие в церемонии, выразил соболезнования родным и близким, пожелал им стойкости и терпения.

Facebook|Instagram|X

Эрталабдан ажойиб хабар.

Дунёнинг нуфузли ва йирик меъморчилик ҳамда дизайн нашрларидан бири бўлган
Dezeen томонидан Ўзбекистон павильонини Expo 2025 Osaka Жаҳон кўргазмасининг энг яхши #mustsee павильонлар 10 талигига киритибди.

Dezeen мутахассислари бизнинг павильонни юқори баҳолаб, унинг меъморий ғоясидаги ўзига хослик, барқарорликка асосланган ёндашув ва чуқур фалсафий мазмунини алоҳида таъкидлашган.

Ўзим ҳам Экспода 100 дан ортиқ павильонларни ташқаридан кўриб, бизники ҳақиқий “эко-френдли” ва қайта ечиб олиб ишлатса бўладиган ва ноанъанавий павильон эканига ҳис қилгандим.

Экспода бизнинг чекимизга жуда ностандарт — учбурчак майдон тушган бўлса-да, @acdfuz бунга фалсафий, меъморий мазмун бера олган.

750 квадрат метрлик павильонимиз юқоридан туморга ўхшайди, қадимда Марказий Осиё халқлари учбурчак тумор учларида ер, сув, ҳавони тушунишган ва “ҳимоя безаги” деб тумор тақиб юришган. Экспо 25’ нинг бу сафарги глобал ғоясида ҳам шу 3 унсур - sky, land, water ёрдамида кашфиётлар ва тарих яратиш мақсади қўйилган.

Ёнидан қараганда эса павильон очиқ денгизга шошилаётган кемага—мақсадлари ва орзулари янги Ўзбекистонга ўхшайди.

Осака кўрфазига атиги 500-700 метр яқинликда жойлашган павильонга бу шакл жуда ярашган.

“Билимлар боғи” лойиҳаси ҳақида халқаро нашрларнинг мақолалари жуда муҳим аҳамиятга эга. Чунки 6 ой давомида Экспога келадиганлар тармоқлардан тақризларни, рейтингларни қидиради.

Экспо 2025’ нинг павильонлар очилган биринчи кунидаёқ бизнинг “Билимлар боғи” ни кўриш учун шамооол, ёмғир бўлишига қарамай, очиқ ҳавода туристлар, айниқса японлар 1 соатлаб навбатда туришгани ҳақида “Таҳлилнома” га тайёрлаган репортажимда кўришингиз мумкин.

2025-yilning eng xalqaro voqeasi — Osaka Expo 2025 boshlanish arafasida. Osaka bundan 55 yil avval, 1970 yilda Expoga mezbonlik qilgandi.

“Hayotimiz uchun kelajak jamiyatini loyihalash”. Bu Osaka Exposining bu safargi shiori.

Yaponiyada kimnidir nimadir bilan hayratda qoldirish juda qiyin. Xuddi hamma narsa kashf etilib, ko’rsatib bo’lingandek. Ustiga ustak, qurilish maydonlaridan olingan shag’al va qum bilan to’ldirilgan sun’iy orol — Yumeshimada Jahon Exposi bo’lyapti.

Expoda 170+ davlatlar milliy pavilonlari bilan ishtirok etishyapti. Ular 184 kun davomida o’zaro va global muloqotda bo’lishadi.

6 oy davomida O’zbekiston ham milliy loyihasi — “Bilimlar bog’i” ni ko’rgazma ishtirokchilari e’tiboriga havola etadi. Tashrif buyuruvchilar salkam 30 million bo’lishi kutilyapti.

Bizning pavil’on g’oyasida men milliy o’zlik ildizlaridan uzilmagan holda kelajakka intilishni ko’rdim.

O’zbekiston Madaniyat va san’atni rivojlantirish jamg’armasi loyiha ustida 2 yilga yaqin ishladi.

Loyihaga Ichanqal’a durdonasi, 1000+ yoshga ega Juma masjidi andoza qilib olingan.

Juma masjidida 213 ta tarixiy g’ujum daraxti to’sinlari bo’lsa, Osakadagi ochiq ayvonimizda 286 ta sarv qarag’aylari to’sinlari ushlab turibdi.

Bu ustunlar tarixi va umuman ko’rgazma haqidagi boshqa insaytlarni keyingi postlarimda yozaman.

Ertaga Expo-25 ning rasmiy ochilish marosimi bo’ladi. 13 aprelda esa butun dunyo uchun Expo-2025 eshiklari ochiladi.

E’tiboringiz uchun ありがとうございます !!!

#Diqqat_tanlov

📚 Yoshlar ishlari agentligi “Yoshlar uchun ming kitob” loyihasi doirasida nashrga tayyorlangan kitoblarni chop etish bo‘yicha bosmaxonalar uchun tanlov (tender) e’lon qiladi!

📌 Loyiha doirasida 2024-yilda nashrga tayyorlangan 50 ta kitobdan birinchi bosqichda 27 nomdagi kitob tenderga qo‘yilmoqda.

☝️Agar Siz:
▫️tajribali jamoaga ega bo‘lsangiz;
▫️sifatni birinchi o‘ringa qo‘ysangiz;
▫️yoshlarga bilim ulashishda hissa qo‘shishni istasangiz – bu imkoniyat aynan Siz uchun!

🔰 Tanlov shartlariga ko‘ra, talabgor-bosmaxonalar:

➖so‘nggi 3 yil davomida nashr sohasida faoliyat yuritgan bo‘lishi;
➖O‘zbekiston hududida joylashgan bo‘lishi;
➖tegishli texnik talablarga mos ravishda ilgari chop etilgan kamida 3 dona kitob namunasi bilan qatnashishi mumkin.

❗️Bosmaxona tanlovda g‘olib bo‘lgan taqdirda Buyurtmachi vakillariga kitoblarni chop etish jarayonini bevosita joyida kuzatishiga sharoit yaratib berishi zarur.

Ushbu tanlov Siz uchun nafaqat yirik davlat loyihasida ishtirok etish imkoniyati, balki yoshlarning intellektual va ilmiy salohiyatini oshirishga yuksak hissa qo‘shish hamdir. Eng asosiysi, bu Sizning bosmaxonangiz obro‘sini yanada oshiruvchi bosqich bo‘lishi mumkin!

📝 Arizalar qabul qilinmoqda!

👉 Batafsil maʼlumot va texnik talablar ushbu havolada: https://etender.uzex.uz/lot/424424

Sahifalarimizga ulaning va ulashing👇

Telegram | Facebook | Instagram | YouTube | X

«24 соат ишлайдиган отамни кўриб, қандай қилиб чарчашим мумкин?!»

Президент ёрдамчиси Саида Мирзиёева

Бугун эрталаб телевизорни ёқиб, япон телеканалида географияга оид кўрсатувни томоша қилаётганимда, японлар жаҳон хариталарини бошқача кўрсатаётганини пайқаб қолдим.

Япониялар жаҳон харитасида ўз давлатини марказга жойлаштираркан. Бу миллий ғурур ва ўзини дунёни маркази деб ифодалаш учун қилинган. (Британия ҳам карталарда ўзини марказга қўяди)

Тасаввур қилинг, харитада Нью Йорк биз билган картага нисбатан шарққа кўчади, Токио эса энди шарқий яримшарда турмайди:)

Япония узоқ вақт давомида ташқи дунёдан изоляцияда бўлгани сабаб ҳам ўз картографик анъаналарини ривожлантирган.

Ва бу билан японлар ҳеч қандай фактни бузмаяпти, шунчаки Ер шарига бошқа ракурсдан назар ташлаяпти.

Яна қизиғи, япон хариталарда шимол ҳар доим юқорида бўлавермайди. Хариталар кўпинча фойдаланувчининг қараш нуқтасига мос равишда йўналтирилган, бу эса баъзан шимолнинг бошқа йўналишда бўлишига олиб келади.

Мана сизга Япония, йўғе, бошқа сайёра)

“Muhandislik oyligi” rasman ochib berildi

Oliy taʼlim, fan va innovatsiyalar vazirligi tomonidan yurtimizda ilk bor “Muhandislik oyligi” deb eʼlon qilindi.
Tadbirda vazir Qoʻngʻirotboy Sharipov nega bu tashabbus ilgari surilganini ma'lum qildi.

"Muhandislar uyg'onsa, sanoat uyg'onadi. Sanoat uyg'onsa davlatimiz qudratli bo'ladi. Ya'ni hozirgi texnologiyalarni ham o'zimizning muhandislar ishlab chiqa boshlaydi. Shuni alohida ta'kidlamoqchimanki, eng yaxshi muhandislarni kelajakda katta yutuqlar kutmoqda", deydi vazir.

Tadbir davomida “Made in TUIT” nomli ko‘rgazma doirasida talabalar tomonidan yaratilgan eng yaxshi innovatsion ishlanmalar namoyish etildi.

Йўналишимиз: Япония!

Бир гуруҳ ҳамкасбларимиз билан – Осакага йўл олдик.

Мақсад: Экспо – 2025 ва унда Ўзбекистон иштирокини ёритиш.

Экспо нима? У 1851 йилдан бери ўтказиб келинади. Унда турли давлатлар ўз ютуқлари, илмий-техник инновациялари, маданияти, архитектураси ва келажакка оид ғояларини намоён этишади.

Ҳар сафар жаҳон Эксполаридан эсдалик бўлиб инсониятга катта хотиралар, ёдгорликлар қолади.

Масалан, Париждаги Эйфель минораси ва Брюсселдаги Атомиум ҳам айнан шундай Экспо кўргазмалари учун қурилган.

Осака Экспо – 2025 шиори: “Designing Future Society for Our Lives” – яъни, “Бизнинг ҳаётимиз учун келажак жамиятини яратиш”. Бу кўргазмада мамлакатлар келажакни қандай тасаввур қилаётгани, инсон салоҳияти ва технологиялар қандай уйғун ривожланиши мумкинлиги ҳақида ўз қарашларини тақдим этади.

Ўзбекистон ҳам ўз павильони билан ушбу тарихий саҳнада муносиб иштирок этиши кутилмоқда.

Бу пресс-тур Ўзбекистон Республикаси Маданият ва санъатни ривожлантириш жамғармаси томонидан ташкил этиляпти. Юртимиз маданияти, санъати ва интеллектуал салоҳиятини дунёга янада ёрқинроқ намоён этишга қаратилган ушбу ташаббуснинг бир қисми бўлаётганимдан хурсандман.

#Expo2025 #OsakaPressTour #UzbekistanAtExpo #MadaniyatJamgarmasi

ЎзА даги ҳамкасбларимиз Марказий Осиё ва Европа Иттифоқи саммити ҳақидаги постимни эълон қилишибди. Катта раҳмат!

https://t.me/uza_uz/111180

боши

Саммит давомида одамларнинг тармоқлардаги реакциясини кузатдим, геосиёсий манзарада кўп қутбли, иқтисодий дипломатияга асосланган ташқи сиёсат энг тўғри йўллигини жамоатчилик ҳам кўп айтяпти. Ўша куни бир фото тарқалди: Ўзбекистон, Еврокенгаш, Еврокомиссия президентлари бир лаган ош атрофида ўтирган манзара. Аслида сурат қайсидир азамат томонидан сунъий интеллектда яратилган, лекин кўпчилик уни реал фото деб ҳам ўйлади, ошсиз бирор тадбир ўтмаслиги аниқда чунки)) Одамларимиз "ош дипломатияси" деган янги атама ҳам ўйлаб топишди.

Дарвоқе, саммит тугагач, Тошкентга қайтиш учун отландик. Кечки таомга улгурмаганмиз, чарчаганмиз. Афросиёб поезди юришига 30 дақиқадан ҳам кам вақт қолганида ҳамкасбимиз Жаҳонгир Олимов таваккалига танишига айтиб, 8 порция ош буюрди. Биз ошнинг етиб келишига ишонмадик ҳам, Афросиёб автомат эшикларини ёпади, ўрнимизга жойлашганимизда ҳам ош келмаганди. Бироқ ҳаракатланишга қанчадир секунд қолганида буюртмамиз поездга чиқди. Сўнг ўша 8 порция ошни Афросиёб ресторанида 15 кишидан кўпроқ ҳамкасблар билан баҳам кўрдик. "Марказий Осиёнинг маслаҳатли тўйи ошсиз тарқамади" дедик ҳазиллашиб.

Нима демоқчиман? Кўпнинг фойдасини ўйлаб қилинган иш бесамар кетмайди. Фақат уни кимдир бўйнига олиб бошлаш керак. Мен 2 кун Самарқандда юриб, 7 йил олдин Ўзбекистон раҳбарининг Марказий Осиё интеграциясини амалга оширишда зиммасига масъулият олгани ва унинг ҳосили бера бошлаганини ҳис қилдим.

Тамом.

Бошидан охиригача ўқиганлар #ош деб ёзинглар:)

боши

Европа Иттифоқи биздан нима кутяпти, бизга улар нима бера олади?

Евроиттифоқ дунё сиёсий қутбларидан бири, у Европа ва Осиёни боғлайдиган Марказий Осиё минтақасида Россия ва Хитойнинг таъсирини мувозанатлаштириш мақсадида 5 та давлат билан алоқаларни мустаҳкамлашга интилмоқда. ЕИ айрим йирик сиёсий ўйинчилардан фарқли равишда бизнинг ўзаро бирликдан манфаатдор. Буни саммитга ташриф буюрган европаликлар кўп бор таъкидлашди. Улар учун ягона дўстлик тилида гаплашаётган минтақа билан йирик лойиҳалар амалга ошириш имконияти кўпаяди.

Марказий Осиё табиий газ, нефтьга бой, Европа Иттифоқи учун муқобил энергия манбалари жуда аҳамиятли. Бундан ташқари, Марказий Осиё дунёдаги марганец захираларининг 40 фоизига, шунингдек, литий ва графитнинг катта захираларига эга. Тўғриси, табиий ресурслар ҳақида гап кетганда нафақат сиёсатчилар, балки оддий одамлар ҳам жиддий тортади. Европа Иттифоқи бошқа нарсани таклиф этаётганини Еврокомиссия раҳбари Урсула фон дер Ляйен саммитда алоҳида таъкидлади:

"Бу ресурслар жаҳон ўйинчилари учун ҳам қизиқиш уйғотади, уларнинг аксарияти фақат қазиб олиш ва экспорт қилишдан манфаатдор. Европанинг таклифи бошқача. Биз маҳаллий қайта ишлаш саноатини ривожлантиришда сизнинг ҳамкорингиз бўлишни истаймиз. Қўшилган қиймат ўз ўрнида қолиши керак", — деди у.

Дарвоқе, 7 фарзанднинг онаси, “Европа онаси” деган таъриф бериладиган ва дунё сиёсатида катта карьера қила олган Европа комиссияси президенти Урсула фон Дер Ляйен хоним биз журналистларда самимий, камтар образда тасаввур қолдирди. Унинг босиб ўтган йўли оила ва карьера ўртасида аёл доим танлов қилиш керак деган стереотипни синдиради. У олий маълумотига кўра, иқтисодчи ва шифокор. Сиёсатда суяги қотган. Германия собиқ канцлери Ангела Меркель билан елкама елка ишлаган. 6 йил Германия мудофаа вазири бўлган. У яна Евроиттифоқнинг 2017-2027 йиллар учун Global Gateway инвестиция дастури (300 млрд евролик) ташаббускори ҳам. Диққатли, самимий аёллиги сезилди, Самарқанд Конгресс холл боғига эман дарахтини экаётганида “Антонио (Еврокенгаш президентига қарата), кейинги келганимизда дарахтдан хабар оламиз” деди.

Еврокомиссар “Глобал дарвоза” дастури орқали Марказий Осиёда 4 та соҳа бўйича лойиҳаларга 12 миллиард евро ажратилишини маълум қилди. Транспорт – 3 млрд евро, муҳим минераллар – 2.5 млрд евро, гидроэнергетика ва иқлим – 6.4 млрд евро, сунъий йўлдош интернети – 100 млн евро.

Яна ЕИ учун минтақа Европа ва Осиё ўртасидаги савдо йўлакларининг марказида жойлашган, ўзаро яхши алоқалар иккала минтақага ҳам транспорт ва логистика имкониятларини оширади. Европа Иттифоқи Транскаспий транспорт йўлагини ривожлантириш учун 10 млрд евро берадиган бўлди, бу Европа ва Марказий Осиё ўртасидаги қуруқликдаги йўналишни икки баробарга, 15 кунгача қисқартиради.

Ўйлашимча, Евроиттифоқ Марказий Осиёда сармоя ётқизаётган барча лойиҳалар минтақавий характерга эга, масалан Қирғизистонда Қамбарота ГЭСи ёки Тожикистондаги Роғун ГЭСида биз ҳам иштирок этяпмиз ва минтақадаги энергетик барқарорлик ҳаммамизга керак. Масалан, барчага керак бўлган Транскаспий транспорт йўлаги учун Инвестиция форуми ва Евроиттифоқ ва Марказий Осиё иқтисодий форуми бу йил Ўзбекистонда бўлиб ўтади, демак, Урсула хоним айтганидек, “энг яхшилари ҳали олдинда.”

давоми қуйида

Брюсселдан Самарқандгача: Ляйен ва Коштанинг эккан эман дарахти, 3 президентнинг СИда яратилган ош устидаги сурати, минтақалар бир-биридан нима кутяпти ва “Европа жамоаси” Марказий Осиёга ажратган сармоя ҳақида

3-4 апрель кунлари Самарқандда ўтказилган “Марказий Осиё ва Европа Иттифоқи”нинг биринчи саммитида юзлаб журналист ҳамкасбларимиз қаторида мен ҳам иштирок этдим. Кузатувларим ва тассуротларим билан бўлишмоқчиман.

Бу, шубҳасиз, тарихий саммит. Чунки Ўзбекистонга, умуман Марказий Осиёга Брюсселдан бундай катта делегация аввал ҳеч келмаган. Бу саммит анъанавий 5+1 эмас, бу тушунтириб айтилганда, 5+27 давлат (Европа Иттифоқига шунча давлат аъзо) дегани. Агар Европа Иттифоқи 6 та сиёсий институт томонидан бошқариладиган бўлса, уларнинг энг асосийси – Европа кенгаши ва Европа Комиссияси олий делегацияси саммитда иштирок этди. Еврокенгаш бу минтақанинг сиёсий ва стратегик йўналишларини белгилайдиган, Европа раҳбарларидан ташкил топган институт, Еврокомиссия эса ижро ҳокимияти, у янги қонунларни таклиф этади, умумий манфаатларни ҳимоя қилади.

Шундай муҳим анжуманда қатнашганимдан жуда фахрландим. Еврокенгаш президенти Антониу Кошта, Европа тикланиш ва тараққиёт банки президенти Одиль Рено Бассо хонимдан интервью олганимдан, Еврокомиссар Урсула фон дер Ляйен брифингида иштирок этганимдан хурсанд бўлдим.

Бу биз учун ҳам катта тажриба бўлди. ТВ учун репортаж қилиш жараёнида “нима учун Европа Иттифоқи Марказий Осиёга катта қизиқиш билдираяпти” деган саволга турли таҳлиллар ва манбалардан жавоб излаб кўрдим. Твда эфир вақти чегараланган ва шунинг учун батафсилроқ мақола орқали ўта шахсий фикрларимни баён қилмоқчиман.

Европа Иттифоқи илк бор 2007 йилда Марказий Осиё мамлакатлари учун махсус стратегия ишлаб чиққанди. Бироқ бу ўшанда у қадар ҳам кутилган натижани бермади. Бунга бир неча сабаблар бор эди.

Биринчи сабаб – умумий ёндашув. 2007 йилги Стратегия минтақа давлатларнинг ўзаро фарқларини инобатга олмасди. Тасаввур қилинг, Қозоғистон ва Туркманистон ёки ўша вақтдаги Ўзбекистоннинг иқтисодий моделлари, ташқи сиёсат йўналишлари тубдан фарқ қиларди. ЕИ бу давлатларни бир хил ёндашувда кўришга уринди.

Иккинчидан, приоритетлар бошқа эди. Масалан, ЕИ учун инсон ҳуқуқлари ва демократия каби масалалар устувор бўлса, минтақа давлатлари учун хавфсизлик ва иқтисодий барқарорлик муҳимроқ эди. Шунинг учун ҳам йирик инвестиция лойиҳаларида якдилликка эришиш қийин бўларди.

Учинчи сабаб, ЕИдан таклиф кам эди. Қозоғистон, Ўзбекистон ва бошқа давлатлар учун Россия, Хитой ва ҳатто АҚШ кўпроқ инвестиция, инфратузилма ва хавфсизлик лойиҳаларини таклиф қилган.

Бундан ташқари, ЕИ давлатлари ўртасида Марказий Осиёга нисбатан ягона ва қатъий сиёсий ёндашув йўқ эди, дейлик Ғарбий Европанинг айрим давлатлари, Германия, Франция кабиларда қизиқиш бор, бошқаларда эса минтақа стратегик устувор бўлмаган.

Яна энг асосийси, Марказий Осиёда 2016 йилгача минтақавий бирлик руҳи сезилмасди, алоҳида мамлакатларнинг ўзаро чегара, сув, сиёсий ракурс билан боғлиқ муаммолари жуда аниқ кўзга ташланарди. ЕИ учун алоҳида давлатнинг ўзи билан мулоқот ўрнатиш, қулоғига ниманидир пичирлаб кетиш кўпам самара бермасди.

2016 йилдан бошлаб минтақа ўзаро бирлаша борди, конструктив мулоқот бошланди, борди-келди кучайди, йиллаб туғишганини кўролмаганлар чегарадан эркин ўта бошлади. Бунда Ўзбекистон Президентининг таъсири, сиёсий иродаси катта бўлганини барча эътироф этади ва албатта Марказий Осиё давлатларининг етакчилари ҳам бу ташаббусларни қўллагани тарихий вазиятни ўзгартирди.

2019 йилда Европа Иттифоқи Марказий Осиё бўйича янги Стратегияни қабул қилди. 2023 йилда эса ЕИ ва Марказий Осиё ўртасидаги муносабатларни чуқурлаштириш бўйича қўшма йўл харитаси келишиб олинди. У сиёсий мулоқот, савдо ва инвестициялар, ўзаро боғлиқлик, энергия, иқлим ҳамда инсонлар ўртасидаги алоқаларни ўз ичига олди.

давоми қуйида

Самарқандда бугун-эрта меҳмонлар ҳар қачонгидан кўп.

Иккита тарихий саммит кутилмоқда.
Улар ҳақида 7 та факт:

1️⃣ Самарқандда тарихий саммит
Европа Иттифоқи ва Марказий Осиёнинг беш давлати (Қозоғистон, Қирғизистон, Тожикистон, Туркманистон, Ўзбекистон) етакчилари илк бор саммит ўтказмоқда. Саммит мезбони – Ўзбекистон Президенти Шавкат Мирзиёев.

2️⃣ Европа Иттифоқи раҳбарлари иштирок этади
Саммитда Европа Кенгаши Президенти Антониу Кошта ва Европа Комиссияси Президенти Урсула фон дер Ляйен қатнашади.
Улар аллақачон Самарқандда.

3️⃣ Етакчилар кўп томонлама ҳамкорлик, хавфсизлик, иқтисодий алоқалар, Global Gateway — “Глобал дарвоза” доирасидаги лойиҳалар ва одамлар ўртасидаги мобиллик масалаларини муҳокама қиладилар.

Европа Иттифоқи 2021–2027 йиллар давомида Global Gateway ташаббуслари учун 300 миллиард евро ажратишни режалаштирган. Унинг катта қисми ривожланаётган мамлакатлардаги инфратузилма лойиҳаларини молиялаштиришга сарфланади. Марказий Осиё, хусусан Ўзбекистон учун жуда қулай фурсат!

4️⃣ Саммит якуни – қўшма баёнот
Учрашув якунида етакчилар ўзаро келишувларни мустаҳкамловчи қўшма баёнот қабул қилишлари кутилмоқда.

5️⃣ Самарқанд халқаро иқлим форуми
Европа Иттифоқи раҳбарлари илк марта форумнинг очилиш сессиясида иштирок этиб, глобал иқлим ўзгариши бўйича ташаббусларни муҳокама қилади.

6️⃣ Савдо ва инвестиция алоқалари мустаҳкамланмоқда
Европа Иттифоқи Марказий Осиёнинг иккинчи йирик савдо ҳамкори бўлиб, минтақанинг умумий ташқи савдосининг 22,6%ини ташкил этади ҳамда 40%дан ортиқ инвестиция йўналтиради.

7️⃣ Европа Иттифоқининг Марказий Осиё бўйича дастлаб стратегияси 2007 йилда қабул қилинган, давр чақириқлари сабаб 2019 йилда янгиланган ва ҳамкорлик алоқалари шундан буён фаоллашган.

Бугун Хўжандда аҳамияти беқиёс воқеа содир бўлди. Ўзбекистон, Тожикистон ва Қирғизистоннинг мустақил ривожланиш тарихида илк бор уч мамлакат давлат чегараларининг туташ нуқтаси тўғрисидаги шартнома имзоланди.

Ушбу тарихий келишув мамлакатларимиз тарихида янги саҳифа очиб, "бир асрлик муаммо"га нуқта қўяди ҳамда бутун минтақанинг узоқ муддатли барқарорлиги ва равнақи учун мустаҳкам пойдевор яратади.

Ўн йиллар давомида чегара масалаларининг ҳал этилмаганлиги, айниқса, аҳолиси зич Фарғона водийсида кескинлик ва низолар манбаи бўлиб келди. Бу ҳудудда уч мамлакат фуқаролари ёнма-ён, баъзан бир кўчанинг икки томонида яшаши одатий ҳол. Тожикистон ва Қирғизистон ўртасидаги чегара шартномаси, шунингдек, бугунги уч томонлама шартноманинг имзоланиши бу вазиятни тубдан ўзгартириб, юзага келиши мумкин бўлган низолар манбаини бартараф этади.

Энди чегаралар узил-кесил белгилангач, мамлакатларимиз учун савдо-иқтисодий, транспорт, маданий-гуманитар ва экологик ҳамкорликни кенгайтириш учун кенг имкониятлар очилмоқда. Бунинг мисли кўрилмаган иқтисодий самараси тез орада ўзини намоён этади.

2017-2018 йилларда Ўзбекистон–Қирғизистон давлат чегаралари тўғрисидаги шартнома, Ўзбекистон, Қозоғистон ва Туркманистон ўртасида давлат чегараларининг туташ нуқтаси тўғрисидаги шартнома, Ўзбекистон ва Тожикистон ўртасида чегара участкалари бўйича шартнома имзоланди.

Бундай келишувларга эришиш Марказий Осиёнинг барча давлатлари етакчиларининг кучли сиёсий иродаси, прагматик ёндашуви, ҳамкорлик ва ўзаро англашувга интилиши туфайли бўлди.

Энг муҳим натижалардан бири - бугунги кунда халқаро ҳамжамият Марказий Осиёга умумий ўзига хосликка ва ўзаро боғлиқ манфаатларга эга яхлит минтақа сифатида қарашни бошлади.

Умуман олганда, юқоридаги тарихий ютуқлар ҳатто энг мураккаб масалаларни ҳам очиқ мулоқот, ҳурмат ва ўзаро ишонч орқали самарали ҳал этиш мумкинлигига ёрқин мисолдир. Бугун Марказий Осиё бутунлай янги – жипслашган ва кучли, дунёга ва кенг кўламли шериклик учун очиқ минтақадир. Бу, албатта, қувонарлидир!

Facebook|Instagram|X

Рамазон ҳайитингиз муборак бўлсин!

Уйингизда, кўнглингизда, йўлингизда доим тинчлик, ҳаловат, барокат ҳамроҳлик қилсин!

Ўзбекистон-Қозоғистон: мангу дўстлик!

Кўк-тобе минорасида Ўзбекистон ва Қозоғистон байроқлари жилоланмоқда.

Бугун Ўзбекистон Президенти Олмаота шаҳрида Қозоғистон раҳбари билан норасмий учрашув ўтказмоқда.

Мулоқот дастури жуда тадбирларга бой ўтяпти.

Қозоғистонликлар Ўзбекистон Президентига юксак ҳурмат кўрсатишмоқда.

Қозоғистонлик ҳамкасбимиз берган қизиқ тафсилотларга кўра, Президентлар манзилларга битта машинада кетишган.

Бундай кичик ишоралар Президентлар ўртасидаги мулоқот анъанавий дипломатиядан баландроқ, ишончли дўстлик маъноларини англатади.

“Азизам”

Яқинда бутун дунё исмимни айтиб ашула айтади:)

Британиялик қўшиқчи Эд Шираннинг “Azizam” номли янги қўшиғи 2025 йил 4 апрелда чиқиши режалаштирилган. Бу Шираннинг бўлажак “Play” номли саккизинчи студия альбоми учун илк сингл.

“Азиза” арабча исм, форсчада “муҳаббатим” мазмунида ишлатилади. Мана бу ерда Эд қўшиққа шу сўзни қўштиргани кўринади.

Қўшиқ Шираннинг рафиқаси Черри Сиборнга бағишланган бўлиб, уларнинг муҳаббат муносабатларидан илҳомланган.

Мусиқий жиҳатдан, “Azizam” жонли рақс ритмлари ва форс мусиқаси таъсирини ўзида мужассам этган. Қўшиқ ёзиш жараёнида Эрон ва Ҳиндистонлик санъаткорлар иштирок этиб, гхатам, даф, сантуур каби анъанавий чолғу асбобларида ижро қилишган.

Қўшиқнинг видеоклипи 2025 йил феврал ойида Жанубий Лондонда суратга олинган бўлиб, унда машҳур комик Умид Жалили иштирок этган.

Ширан шунингдек, 2025 йил март ойида Нью-Орлеан кўчаларида “Azizam” қўшиғини кутилмаганда жонли ижро этиб, маҳаллий аҳоли ва сайёҳларни ҳайратга соляпти.

“Azizam” сингли 2025 йил 4 апрелдан бошлаб барча йирик мусиқий платформаларда мавжуд бўлади.

Каналимда менам қўяман, чиқиб олсин. Ҳар куни эрталаб ишга кетаётганда эшитиш мажбурий бўлади)

Эрталабгача ЖЧга чиқишимиз мумкин экан. Агар Шимолий Кореяликлар БАА термасини ютса.

Нима десам экан.
Болалигимдан Шимолий Корея термаси мухлисиман:)

화이팅 아자자 !!!

(Тўғри ёздимми ишқилиб)

А так 2024 йил октябрда БАА билан 1:1 ўйнаган экан шимолликлар. Шанс бор.

Уйимизда байрам ва бардак.

Сиз ғалабани қандай кузатяпсиз?

#тавсия

Netflix да март ойида чиққан охирги сериаллардан энг кўп муҳокама қилинаётгани “Переходный возраст” – “Adolescence”.

3-4 кун олдин бу сериални турмуш ўртоғим билан сахарликка қадар 4 та сериясини нафасимиз ичимизга тушиб томоша қилдик ва кейин иккаламиз ҳам ўз ҳолимизча оғир хаёллар ичида қолдик. Чунки бизнинг ҳам икки ўсмир боламиз бор.

Сериал полиция офицерига ўғлидан “мактабга боргим келмаяпти, мазам йўқ” деган смс келишидан бошланади. Зум ўтмай офицер Миллерлар хонадонига эшикни синдириб бостириб киради ва тезкор-қидирув амалиётини ўтказади. Одатда офицер қўлида ўта оғир жиноят содир этганликда айбланаётган шахсга қарши ишонарли фактлар бўлганидагина бундай ҳуқуқ берилади.

Қотилликда гумонланаётган шахс эса 13 яшар Жейми.

Болакай жиноят содир этганига ишонмайсиз. У отасига такрор ва такрор “Мен ҳеч нарса қилмадим” дейди. Шу сизга умид бериб туради.

Сериал бу саволга жавобни бошидаёқ айтади, аммо “Жейми қотилми?” деган жавобдан ҳам муҳимроқ саволларга жавоб топиш учун яна 3 та серия давом этади.

Ўсмир боланинг ичида ва ташқарисида кечаётган руҳий жараённи, оиланинг, синфдошларнинг, интернетнинг бола оламига таъсирини сериал ижодкорлари ўта таъсирчан очиб берган.

Сериал сюжети аниқ бир реал воқеадан олинмаган бўлса-да, муаллифлар Стивен Грем ва Жек Торн Буюк Британияда ўсмир болаларнинг ўз тенгдош қизларни пичоқлаб кетгани ҳақидаги хабарларга диққат қаратишади ва бу тизимли жиноий-психологик муаммонинг сабабларини қидиришади.

Маълум бўлишича, аёлларга мизогин бўлган сайтлар ва форумлар жуда кўп, улар хотин-қизлар томонидан инкор этилган “инцел” (involuntary celibate – аёлларга салбий муносабатда бўладиган, улар томонидан тан олинмаган, ўзига жуфтлик топа олмаганлар) лар билан тўлиб-тошган.

Сериал қаҳрамони 13 яшар Жейми ҳам синфдоши томонидан “инцел” деб ҳақоратланади. Сериал давомида Жейми ҳозирги ўсмирларнинг мотиватори, аёлларга қарши радикал қарашлари билан танилган Эндрю Тейт (одам савдоси ва жинсий зўравонликда айбланган кикбоксчи, инфлюенсер)нинг “маскулизм” ғоялари таъсирида бўлгани тушунилади. Хато ва ёлғон ғоялар, “80 фоиз аёлларга 20 фоиз эркаклар ёқади, қолган эркаклар эътиборсизликка маҳкум” каби реалликдан узоқ тушунчалар Жеймини йўлдан оғдиргани англашилади. У Тейт каби инстамотиваторлар таъсирида “дунёнинг эгаси эркак” деб ўйлайди, “эркак ҳаммасини ҳал қилиши керак, аёл бу ҳеч нарса, унинг ҳаёти сариқ чақага арзимайди, уни ўлдириш жиноят эмас” деб ҳисоблайди. Сериалнинг 3-сериясида Жеймининг болалар психологи билан суҳбати — киприк қоқмай кўриладиган узоқ диалог.

Психологик триллернинг тасвирий ечими мўъжизавий, унда умуман кадр узилмайди. Яъни, ҳар бир серия «one shot» усулида тасвирга олинган, кадр узилмасдан, биттада съемка қилинган.
Бу қандай амалга оширилган, ақл бовар қилмайди. Балки ўта кучли монтаж бўлгандир, аммо ҳар бир серияси ҳафталаб репетиция қилиниб, кейин бир кадрда узилмасдан олингани ҳақиқат.

Сериалда осойишта ва тарбияли ўғил ўстираётганига ишончи комил бўлган, доим иш билан банд ота-онанинг бир-бирига берган саволи юракни ўртаб юборади: “биз яхши ота-онамизми?”

Сериални кўриб, қўрқиб кетасиз, чунки биз ҳаммамиз Жеймининг ота-онасига ўхшаймиз.

Чиндан ҳам биз қандай ота-онамиз? Боламизнинг инстаграм, тармоқларда кимга нима ёзаётгани, унга нима ёзишаётганини биламизми? У ишлатаётган эмоджи ва ҳатто унинг рангидаги фарқ ва мазмунни, қисқартма сўзларнинг маъносини тушунамизми? Синфдошлари орасида обрўси қанақа, қарши жинс вакили билан дўстона мулоқот қилишга қодирми? Бундан хабардормизми?

Сериални кўрган кунимиз адаси катта ўғлимиз Ислом билан болаларча меҳр билан “кураш тушаётганини”, ота-бола ҳазиллашаётганини кўрдим.

Бугун Исломдан Тейтни биласанми, маскулизм нима деб сўрадим. Жавоблари ҳозирча қониқтирди. У радикализм нималигини тушуняпти.

Таътил кунлари Ислом ва Усмон билан биргаликда шу сериални яна қайтадан томоша қилишимиз керак деб ҳисобладим.

Абдуқодир Ҳусановни шунчаки кузатиб, унинг учун чарчаб кетдим.

Ҳамма текин хизматни таклиф қилиб, нима қилса қилиб ётибди:
1, 2, 3… 4, 5, 6 ва ҳоказо.

Кеча шунинг учун ўйин ҳақида ҳам ёзмадим.

25 мартда тез-тез Эрон билан ўйнаб, ўша куниёқ Англияга кетақолсин, нима дединглар. Сал дам олиб, июнда БАА билан ўйинимизга қайтар:)

Ўз уйида на шахсий ҳаётига приватлик, на ўйиндан кейинги уйқусига тинчлик беряпмиз.

Яқинлари, агентларидан ирода керак. Ҳимоячини ҳимоя қилишга.

Бир сафар машҳур шахматчини интервьюга гаплашмоқчи бўлдим. Журналистларда фақат отасининг контакти бўларкан, беришди. Отаси чиройли тушунтириб, “йўқ, синглим, боламни чалғитишга ҳаққим йўқ” деди. Ва манам уни тушундим.

Доим юрагингизда Баҳорингиз, Наврўзингиз яшасин!

— Ота-оналарингизга бориб айтинглар, бугун Президентни кўрдик, сизга салом айтиб юборди деб.

Президент Шавкат Мирзиёв Юнусободда.

"High Town Mall" савдо-кўнгилочар мажмуасида туман ижодий жамоалари қизалоқлари билан суҳбатлашди.

Diqqat!

💥 Tanlov!

"AKS" to‘plamini to‘liq holda yutib olishni istaysizmi?

Shartlar juda oddiy:

✅ @mittihaqiqatlar va @qurbonova_a kanallariga a’zo bo'lasiz;
✅Va shunchaki pastdagi "QATNASHAMAN" tugmasini bosasiz. G'olibni telegramning o'zi random (tasodifiy) orqali aniqlab beradi.
❗️E’tiborli boʻling, kanallarga a’zo boʻlmasangiz gʻolib boʻla olmaysiz.

🏆Gʻolibga "AKS" to‘plami sovgʻa qilinadi.

Natijalar 21-mart kuni 20:00 da e'lon qilinadi.

🔜Xabarni kitobxon tanishlaringizga ham yuborib qo'yishni unutmang. Barchaga omad tilaymiz!

Боши юқорида

2019 йилда WorldPressPhoto танловида кимёвий газдан заҳарланган уч киши манзарасидаги болакайнинг нафас олиш аппаратига уланган сурати билан ғолиб бўлади.

Муҳаммад Бадра мен билан тенгдош экан. 2012 йилда у Суриядаги урушда болаларнинг қонга беланганини суратга олиб юрганида мен тинч ва хотиржам уйимда ўтирардим, катта ўғлим бир ёшга кирганди. Интервьюларнинг бирида “урушнинг асосий қурбонлари – болалар. Уларни суратга олганимда “нега менмас, нега у бундай аҳволда, нега мен ҳеч нарса қилолмайман” деган азоб мени қийнайди” деган экан.

Таъқиб ва талотўплардан қочиб, бугун Парижгача етиб келган бўлса-да, бугун инстаграмига қараганда, Жулия Робертсни суратга олиб юрган бўлса-да, Муҳаммад Бадра менга бахтли туюлмади. Балки бундай дейишим хато ва этикага зиддир. Лекин Ватан ҳиссида яшаш изтироби, бегоналик ҳиссини оила қуролмаётгани билан боғлаб гапиргани юрагимни зириллатди. Лекин унда бошқа бахт бор, профессионал бахти, у ўз ишида миссиясини бажариб қўйибди. Лекин яна сўзимга зид гапираман: фоторепортёрликка сабаб бўлган уруш бўлмаганида у янаям бахтлироқ бўлармиди.

Ҳа, урушда ҳамма мағлуб. Ҳатто уруш суратларини тарихга муҳрлаб, танловларда доим ғолиб бўлсанг-да.

Аллоҳга беҳисоб шукр, тинч мамлакатда яшаётганимизга, болаларимизни катта қилаётганимизга, фотографларимиз яхши воқеаларни суратга олаётганига.

Агар шу туркум сизга қизиқ бўлса, лонгридни ўқиганингизни билдиринг, #давоми деб ёзиб қўйинг. Яна бошқа ҳикоя ёзаман.

#Париж_ҳикоялари

Юрган йўлим ҳикоя: Муҳаммад Бадра

Кўпинча кўрган-кечирганларим, эшитганларимни ўз вақтида қоғозга туширмаганим учун хотирамдан ё ўчади, ё илк таассуротларим сўниб, бошқаларга буни қизиғи йўқдек, қиймати йўқолади. Ва энг катта хатони қиламан – ёзишга эринаман.

Бу сафар эсдан чиқмасдан аввал #Париж_ҳикоялари туркумини қилмоқчиман.

Елисей саройининг ҳовлиси. Кечки оқшом. Жуда шамол, совуқ. Медиа учун кўк лента билан ажратилган бурчакда турибмиз. Бу ерда 3 қаватли ёғоч зина қурилган. Операторлар, фотографлар бир-бирига халақит бермаслик ва турли баландликда ракурс олиш учун қулайлик бу. Лекин ҳамма пастга тушиб, энг қулай спотни эгаллашга уринади. Майда қорга ўхшаш нимадир ёғяпти, яхлаб қоляпмиз.

Елисей ҳовлисига Франциянинг машҳур тадбиркорлари, таниқли санъаткор, ижодкорларининг машиналари бирин-кетин тўхтади, меҳмонлар саройга кира бошлашди.

Француз фотографлари меҳмонларни биздан кўра яхши танишади ва уларни исми билан чақириб, ўзлари томонга қарашга ундашади.

- Мсье Бернар Арно!
- Мсье Родольф Саад!
- Мадам Озуле!

Меҳмонлар уларга илтифот билан қараб, расмга тушиб қизил йўлакдан ўтишяпти. Дунёнинг энг бой, халқаро таъсири катта одамларнинг қайноққина, янги суратлари хорижий нашрларда яхши сотилади. Шунинг учун ҳам лаҳзани ушлаб қолиш муҳим.

Фотографлар олаётган суратларини дарров қайсидир платформага жойлаётганларини кўриниб турганди. Ўзимизнинг фотографлардан бири айтиб қолди:
- Азиза, сўрангчи, шу ҳозирги расмларини қайси сайтдан кўрса бўлади?

Қалпоғини бостириб кийган ёшроқ фотографни кўрсатди. Жуда очиқ, самимий йигит экан, https://epaimages.com/ сайтини телефонимдан очиб, Elysee деб қидириб, ўзи олган суратларни топиб берди.

Суратлар остида фотограф исми турарди. 3-4 дақиқали суҳбатимиз шундан бошланди.

- О, исмингиз демак, Муҳаммад Бадра. Арабмисиз, французга ўхшайсизку.
- Ҳа, шундай. Асли Сурияликман. Сиз фотографмисиз?
- Йўқ, журналистман. Тв репортёр. Доим баҳорда шундай совуқ бўладими? Қандай ишлайсизлар?
- Бунчалик совуқ бўлмасди. Глобал иссиқлик таъсири.
- Манимча, бу глобал совуқликку)
- Сизларда иссиқми?
- Ҳа, бизда мўътадил. Баҳор илиқ, ёз 40 градус.
- Менинг Сурияда ўзбекистонлик танишларим бор.
- Улар нима иш қилишади?
- Ҳар хил мақсадда келган, лекин ҳозир кўплари бизнес қилишяпти. Биттаси ресторан очган. Суши ресторан.
- Ҳозир командировкадасизми?
- Йўқ, 5 йилдан бери Париждаман. Қочоқман...
- Ва сиз ҳозир 5 йил ичида Элисей саройида расмийларни суратга оляпсизми. Шокдаман.
- Оддий одамман, EPA агентлигига фрилансерлик қиламан. Ўзим Дамашқда архитектурада ўқирдим, тугатолмадим, асли касбим фотограф эмас. Суриядаги уруш мени фотограф қилди.
- Болалигимда Минг бир кечани ўқиганман. Дамашқ энг чиройли, жуда бой шаҳар деб ўқирдик.
- Йўқ бой эмасдик, тарихимиз жуда бой эди. Кўпи яксон бўлди.
- Оилангиз шу ердами?
- Йўқ, оила қуриш қийин Парижда. Уйланолмадим Сурияда ҳам, бу ерда ҳам. Яқинларим эса Сурияда қолган.

Шу билан тадбир бошланиб кетди ва ҳамма ўз иши билан андармон бўлди.

Аммо Бадранинг ҳикояси ўша кундан бери миямдан кетмади. Бугун исмини гуглга қидирувга бериб кўрдим. Унинг ишлари халқаро фотодунёсида анча таниқли экан, чунки бу суратларнинг контексти таъсирли. Мана у ҳақда қандай ахборот топдим:

Муҳаммад Бадра 2012 йилда Сурия инқилоби бошланганда Шарқий Ғутадаги Дума шаҳрида 7 йил қамалда қолиб кетади ва ўқишини ташлаб, биринчи тиббий ёрдам кўрсатувчи бўлиб ишлайди. 2013 йилда Ғутадаги кимёвий ҳужумнинг даҳшатли оқибатлари (ҳалигача ким тарафидан амалга оширилгани баҳсли) га гувоҳ бўлгач, фотографиянинг инсоният ва тарихни ҳужжатлаштиришдаги кучини англайди. Қўлига фотоаппарат олиб, суратга ола бошлайди.
Аввал Рейтерсда, Сўнг Европа Прессфото агентлиги (EPA) нинг Думадаги фотографи бўлиб ишлайди. 2016 йилда Prix Bayeux-Calvados уруш мухбирлари танловида “Йилнинг ёш фотографи” мукофотига сазовор бўлади. Шу йили Time журнали уни “Йилнинг энг яхши агентлик фотографи” деб эълон қилади, UNICEFнинг “Йилнинг энг яхши фотосурати” танловида совриндор бўлади.

Давоми пастда

#Париж_ҳикоялари

Eyfelning chirog’ini yoqib keldik. Borvurasizlar.

Parijga esa fransuz tilini o’rganib borish kerak ekan. Go’zal til!

6 oyda fransuz tilini o’rganmoqchi bo’lganlar uchun, eng yaxshi kanallardan biri

https://t.me/Francais_languee

@Fransuz_lingua

Tavsiya…

Тошкентга қайтиш олдидан Францияда 3 кун давомида давлатимиз раҳбарининг хавфсизлигини таъминлаган жандармерия вакилларига Президентимиз алоҳида миннатдорлик билдирдилар ва эсдалик учун суратга тушишди.

Президент Шавкат Мирзиёев Париж шаҳри мэри Анн Идальго билан учрашди.

Шаҳар кўчаларидан бирига Самарқанд номини бериш маросими ўтказилди.

Парижга борганда Самарқанд кўчасида расмга тушишни челленж қилиш керак:)

Daryo.uz, yuz.uz даги ҳамкасбларга раҳмат. Жуда батафсил маълумотлар билан бойитишибди:

https://daryo.uz/k/urDZ4AWO

https://yuz.uz/news/toshkentga-tramvay-qaytishi-mumkin

Кечаги янгиликлар орасида тошкентликларни хурсанд қиладиган яна бир хабар бор эди:

Тошкентга трамвай қайтади!

Тошкент шаҳар ҳокими ўринбосари Шароф Раҳмонов ва Франция ташқи савдо ва хориждаги фуқаролар бўйича вазир-делегат Лоран Сен-Мартен Тошкент трамвай тизимини амалга ошириш бўйича йўл харитасини имзолашди.

Бу ҳақда кеча Франция ташқи ишлар вазирлигида бўлиб ўтган вазирлик-идоралараро ҳужжатларни имзолаш маросимида эълон қилинди.

2022 йилда илк марта «Менимча» дастурида трамвайлар кераклиги тилга олинган ва кўп ўтмай давлат раҳбари бу таклифни қўллаб-қувватлаганди.

🇺🇿🇫🇷Tashrifning eng kutilgan yangiligi

Faxriy Legion ordeni Fransiyaning eng yuqori milliy mukofoti bo‘lib, uni 1802-yilda Napoleon Bonapart ta’sis qilgan. Harbiy xizmatda, ilm-fanda, madaniyat va ijtimoiy faoliyatda ulkan yutuqlarga erishgan buyuk shaxslar shu orden bilan mukofotlanadi.

Ushbu orden Fransiyada eng nufuzli mukofotlardan biri hisoblanadi va uni olish katta sharaf sanaladi.
Imperator Akihito, Franklin D.Ruzvelt, Uinston Cherchill, Nelson Mandela, Angela Merkel, Shinzo Abe, Jastin Trudo kabi yirik siyosatchilar ham bu mukofot bilan taqdirlanishgan.
Endi ular qatorida O’zbekiston Prezidenti ham bor.😊🇺🇿

@Sinchalak_blog

Элисей саройида дунёнинг энг бой 5-одами Бернар Арно рафиқаси билан.

Луи Виттон эгаси.

Президент Макрон Президентимиз шарафига уюштирган расмий қабул маросимига жуда нуфузли, Франция фахри бўлган инсонлар ташриф буюришди.

Шавкат Мирзиёев Эммануэль Макронга буюк француз ёзувчиси Виктор Гюгонинг ўзбек тилига таржима қилинган "Кулаётган одам" романининг илк нусхасини совға қилди.

Макрон эса Шавкат Мирзиёевга XIX асрда француз фотографи томонидан Жиззахда олинган фотосуратни совға қилди.

“Яшасин Ўзбекистон, яшасин Франция!”

— Франция Президенти Эммануэль Макрон инстаграм саҳифасида.

Франция Президенти Эммануэль Макрон инстаграм саҳифасида.

Эммануэль Макроннинг Ўзбекистон раҳбарига сюрпризи

Бугун Ўзбекистон ва Франция ўз муносабатлар тарихига 3 та янги тарих ёзади:

Биринчиси, Ўзбекистон 30 йилдан зиёд давр ичида Францияга илк марта давлат ташрифини амалга оширяпти. Бу мақомни дипломатияда мезбон мамлакат тасдиқлайди. Ва бу ташрифлар мавқеининг юқори даражаси.

Иккинчиси, Президентлар стратегик ҳамкорлик декларациясига имзо чекадилар. Бу халқаро муносабатларнинг юқори босқичи. Франция - Ўзбекистоннинг стратегик ҳамкорига айланади.

Учинчиси эса бу давлат ташрифи доирасида 6,5 миллиард долларлик лойиҳаларга қўл қўйилади ва барча лойиҳаларнинг умумий ҳажми 12 миллиард доллардан ошиши кутилмоқда.

Ташрифнинг яна бир муҳим янгилиги бу Президент Макрон Ўзбекистон Президенти Шавкат Мирзиёевга Франциянинг энг юксак давлат мукофоти Фахрий легион орденини топшириши кутилмоқда.

Xabar.uz даги ҳамкасбларга раҳмат!

Франция ҳақидаги постимни эълон қилишибди:

https://t.me/xabaruzofficial/98101

Ўзбекистон ва Франция бизнес форуми бошланди.

2024 йилда икки давлат ўртасидаги товар айирбошлаш ҳажми 1,1 миллиард АҚШ долларига етди, бу эса ўтган йилга нисбатан 14% кўпдир. Шу билан бирга, Ўзбекистондан Францияга экспорт қарийб икки баробар ошиб, 800 миллион долларни ташкил этди, импорт эса 330 миллион долларга етди.

Бугунги кунда Ўзбекистонда 50 дан ортиқ француз компаниялари муваффақиятли фаолият юритяпти.

Бугун ўзбек ва француз тадбиркорлари (B2B) ва Ўзбекистон давлат ташкилотлари ва француз хусусий бизнес музокаралари (G2B) бўлиб ўтади.

Давоми тепада

Президентнинг хорижга ташрифларда ўзим гувоҳи бўлаётган ва анъанага кириб бораётган тенденция: олийгоҳлар ректорлари ҳам Президентга доимий ҳамроҳлик қиляпти. Бу чин дилдан мени хурсанд қилади, чунки мамлакат зиёлиларининг дунё кўриши, ўз соҳасида хорижий ҳамкорлар топиши, талаба ва тадқиқотчиларнинг ўзаро алмашинув дастурлари бизга жуда-жуда керак. Бу олий таълимни ўстиради, ўзгартиради, янгилайди ҳам. Кеча таълим форумига келган Мануэль Буар- Франция Олий таълим ва фан вазирининг Европа ва халқаро ҳамкорлик масалалари бўйича ўринбосари ҳамкорлик ҳақида кўп илиқ фикрлар айтди. Ўзбекистон ва Франция ўртасида 20дан ортиқ университетлараро ҳамкорлик шартномалари имзоланди.

Бугун Президент Шавкат Мирзиёевнинг Францияга ташрифи бошланади ва 13 мартга қадар олий даражадаги дипломатик музокаралар давом этади. Қизиғи ва муҳими олдинда. Кўрганларимни яна кейинроқ ёзаман, насиб.

Бундай лонгридни ўқиган бўлсангиз, bonjour деб ёзинг)

Париж, 11 март.

Давоми юқорида

Ўзим қатнашган тадбирлар ва кўчадаги тасодифий суҳбатлардан Ўзбекистонни французлар нисбатан яхшироқ билишларига кўп амин бўлдим. Бу нафақат мамлакатимиз бренди бу ерда кўпроқ тарғибот қилингани натижаси, балки французларнинг табиатига ҳам боғлиқ назаримда, улар тарих, санъат ва маданият, сиёсатга чуқур қизиқишади ва Ўзбекистонга оид қайсидир фактни яхши билишади. Иккита таксичига Лансда ўйнаган ҳимоячи Абдуқодир Ҳусановни юртиданман, деб мақтаниб ҳам қўйдим)

Кеча Туризм қўмитаси тақдимотига жуда кўп французлар келди. Бир респондентимга савол бердим:

- Ўзбекистонга йилига 23 минг француз саёҳат қилар экан. Сизнингча, бу оқимни яна қандай қилиб кўпайтириш мумкин?
- Мени ҳисобимча, 23 мингдан кўпроқ француз боради Ўзбекистонга. Лекин туризм қонуниятида шундай муҳим ракурс бор: сайёҳларнинг қанча келиши эмас, улар сизнинг мамлакатингизда қанча пул сарфлаши муҳим. Мен 1998 йилдан буён Ўзбекистонга сайёҳлар юборишни ташкил қиламан. Орада бир тўхтаб ҳам қолдим, чунки у пайт ишлаш жуда қийинлашиб кетди. Сизда жуда зўр тарих бор ва жудаям яхши инсонлар. Французлар бу икки нарсани жуда яхши кўришади. Лекин кўпроқ ёшлар эмас, катталар Ўзбекистонни танлашади. Улар эса катта харажатлар қилишдан олдин узоқ ўйлашади. Нима қилиш керак? Ўрта ёшлилар ва ёшларни қизиқтирадиган йўналишларни очиш керак. Масалан, Амирсойда чанғи комплекси очганингиз жуда яхши бўлган. Шундай лойиҳалар кўпайиши керак. Мени хурсанд қилгани ҳозир Ўзбекистонда жиддий ўзгариш бор, ниҳоят сизлар очилдинглар, кўп давлатларга визасиз режим қилдингиз, визадан доллар ечишдек муаммони ҳал қилдингиз, бу муаммолар туристларни оввора қиларди. Париж аҳолисининг 86 фоизи хизмат кўрсатиб пул топганидек, энг чекка жойларда ҳам ишсизликни ҳал қилиш мумкин.

Ростанам, ўзим 2 кун ичида Парижда арзимаган харид учун дунёнинг евросини ишлатиб қўйдим. Ўзбекистонда эса хорижий турист барча харажатларини ҳисоблаганда ўртача 706 доллар ишлатади. Яна Париж кўчаларида юриб ўйлайман, тарих учун контекст муҳим. Бизда шу жиҳатдан оқсаш бор. Дейлик, Малевичнинг “қора квадрати”ни ўтириб мен ҳам чиза оламан, лекин унга “санъатнинг ноль нуқтаси бу, реализм ва кубизм жонга тегди, санъат оддий бўлиши керак, дунё геометрия ва рангдан иборат” деган инқилобий фикрли контекст берилгани учун Малевичнинг асари 1 миллион долларга сотилади, менинг зериккандан Лореалдек қиммат қаламни увол қилиб чизган қора квадратим эса ҳеч кимга қизиқмас). Масалан, Луврда Мона Лизани кўрганларнинг аксарияти “нимасига шунчалик ваҳима, кичкина бир портрет экан” деб ёзғириб ҳам қўяди, лекин шуни кўриш учун 17 евро тўлаб, соатлаб навбатда туриб, бир кунини кетказиб томоша қилишга ҳамиша тайёр. Бу ерда ҳам контекст иш беради: Леонардо Да Винчи кимни чизган, портретдаги сирли табассум мазмуни нима, чизиш услуби қандай, асар икки марта ўғирланиб қандай топилгани каби контекстлар, ҳикоялар, ахборотлар, тадқиқотлар ва пиар технологиялар унинг машҳурлигини ошираверади. Машҳурлик эса пул келтираверади.
Демак, яна ўйлайман, бундай саволларни қўйиш ва тарғиб қилиш учун одамлар билимли, қизиқувчан ва маиший ҳаётдан устунроқ фикрлар юритишга қодир бўлиши керак.

Нега биз дейлик, Регистон брендини шундай қилолмаймиз? Нега одамларимиз деярли гид хизматидан фойдаланмайди, мактабларда қизиқ ҳикоялар айтилмайди, ОАВда контекстлар яратилмайди?

Мавзудан чиқиб кетдим.

Таълим форуми якунида кичик бўлсада мен айтаётган контекст намойиш қилингани мени жуда хурсанд қилди. Илк марта Парижда Интерконтинентал меҳмонхонасида Бибихоним кўйлагининг тарихий образи тикланиб, дефилега қўйилди. Тошкент текстил ва енгил саноат институти проректори Холида Комилованинг айтишича, алвон либоснинг ҳар бир детали испан сайёҳи Клавихо тасвирлагани бўйича тикилган. Клавихо ёзишича, Бибихонимнинг кўйлаги ниҳоятда муҳташам эди, уни 100 канизак ҳамроҳлик қилиб, кўйлагини кўтарган. Битта либос Амир Темур ва Бибихоним ҳикояларига йўл очади. Французларга бундай ҳикояларнинг мафтуни экани билиниб турибди. Шу кўйлак баҳона ипак, адрас, атлас, каштали миллий либосларимиз шу ернинг ўзида талаш бўлиб сотиляпти, нархи 1000 доллардан бошланади)

Мен кўрган Париж ва унда Ўзбекистон ҳақида суҳбатлар

Париждамиз. Келганимизга ўзи икки кун бўлди, лекин бир умр бу шаҳарни биладигандекман. Менимча, кўпчиликда шундай ҳиссиёт бўлса керак. Эйфел минораси, Озодлик ҳайкалининг илк нусхаси, Триумф аркаси, тинчгина оқадиган Сена, багетлар ва круассанлар, кўчаларда одамлардан келадиган қимматбаҳо ифорлар ва кўчаларда сайр қиладиган каламушлар) Дунё брендларининг баҳайбат бинолари ва 1 еврога 3 та эйфелча сувенири, 10 еврога қизил қалпоқчалар сотиладиган, тупроқ устига ёзилган целлофанли ёйма бозорлар) Тор йўлаклар ва жуда кичик ресторанлар ва уларнинг янаям кичик стол-стуллари – ҳаммаси таниш ва қадрдондек. Жуда гавжум эркак ва аёллар дўконлари ва ўта сийрак харидорли болалар дўконлари (туғилиш сезиларли даражада кам).

2018 йилда қўлимда Францияга чиптам ва йиғилган чемоданим тургани ҳолда учишимга озгина вақт қолганида сафаримни бекор қилишганида жуда хафа бўлгандим. Насиба экан, ҳозир соат тонгги 05:00 да Парижда тонг отишини томоша қилиб ўтириб, шу очеркни ёзяпман.

Биз бир гуруҳ журналистлар Ўзбекистон раҳбари Шавкат Мирзиёевнинг Францияга ташрифи доирасидаги тадбирларни ёритгани келганмиз. Ташриф олдидан жуда кўп форум ва учрашувлар ўтказиляпти. Тиббиёт форуми, таълим конференцияси ва яна туризм форумида қатнашдик, жуда кўплаб давлат идоралари делегацияси ўзининг йўналишида француз ҳамкасблари билан учрашяпти, келишувлар қиляпти.

Параллел равишда Тулузада Жиззах вилояти делегацияси, Ниццада Самарқанд вилояти делегацияси ҳам музокаралар қиляпти. Тўғриси, 5 минг километрдан зиёд масофада, Европанинг сиёсий юрагида, дунёнинг 7-ўриндаги иқтисодиётида ўзбекистонликлар манфаати учун келишувлар қилиш жиддий жараён. Бунда икки Президентнинг ўзаро самимияти кўп масаланинг ҳал қилинишига ёрдам беради.

Ўзбекистон раҳбари 2018 йилда, 2022 йилда Францияга расмий ташриф билан келган ва Президент Макрон 2023 йилда Самарқандга ташриф буюрган. Икки томондан делегациялар қатнови ва келишувлари доимий динамикада.

Давоми пастда

Кўп совғалар олдим. Аммо энг ёқимлиси, ўғлим Усмоннинг устози Субҳонбек Сайфиддинов юборган лолалар ва китоблар бўлди. Катта раҳмат!

Ўғлимга берган билимлари учун аслида биз қарздормиз. Субҳонбек ва унинг жамоаси — “Алгоритм” ўқув маркази жамоаси Президент мактабларига кириш имтиҳонларига математика ва инглиз тилидан болаларни тайёрлайди. Жуда фидойи ва билимли ёшлар. Омад ёр бўлсин.

ТВда ўзгариш қилиш жуда қийин, агар бу мумкин бўлса агар, ёшларгина уни ўзгартиради.

“Ўзбекистон 24” телеканалининг ёш мухбир ва телебошловчилари тонгги дастурни (информацион журналистикада light version) бошлаяпти.

Лойиҳадан жуда хурсандман. Тонгги дастур ёш журналистлар учун катта мактаб. ТВ коридорларида яшаб кета олиш-олмаслик шундан билинади. Эркин мавзуда материал тайёрлай олиш тажрибасини шакллантиради.

Жамоани янги лойиҳа билан табриклайман.

Премьера 10-март. Ҳилтоннинг 22-қаватидан жонли эфирга чиқилади. Кутамиз.

Madina Nurmanni Sinchalak to’yining PR ambassadori deb e’lon qilaman.

Muhr. Imzo.
Telegram kanallarning xotin-qizlar qo’mitasi raisi A.Qurbonova

Mikrofon ko’targan ayol va gul ko’targan kelinposhsha 😌🥰

Инсон шу лаҳзалар учун яшайди.

Фарзандларингиздан олган совғаларни улашишингиз учун пост. Коммент очиқ.

Oyimni 8-mart bilan tabrikladim!

(QR-CODE ni skanerlang)

Байрамимиз билан, қизлар!

Соғ бўлайлик, тинч бўлайлик, бахтли бўлайлик!

Қаҳрамонлар ва Президент Шавкат Мирзиёев

Тошкент меъморчилигида модернизм: ушбу мавзуда илк нашр

Нью-Йоркдаги “Rizzoli” нашриёт-матбаа уйида Ўзбекистон Маданият ва санъатни ривожлантириш жамғармаси билан ҳамкорликда чоп этилган “А Modernist Capital” китобининг тақдимоти бўлиб ўтди.

Нашр Тошкентнинг меъморий мероси ва унинг модернизм услубидаги ўзгаришларига бағишланган.

Тадбир доирасида шаҳримизнинг меъморий юксалиши, унинг модернист нафосати ҳамда “Панорама” кинотеатри (1964), Давлат санъат музейи (1974) ва “Ўзбекистон” меҳмонхонаси (1976) каби диққатга сазовор бинолари ҳақида шўъба муҳокамаси бўлиб ўтди. Иштирокчилар ушбу иншоотлар инновациялар ва маданий ўзликнинг уйғунлигини қай тарзда акс эттиришини муҳокама қилдилар.

Баҳс-мунозарада Ўзбекистон Маданият ва санъатни ривожлантириш жамғармаси раиси Гаяне Умерова, Метрополитен музейининг архитектура ва дизайн бўйича санъат арбоби Абраҳам Томас ва “Cartier” жамғармасининг стратегик лойиҳалар директори Биатрис Грене иштирок этдилар. “The Grand Tourist” подкастининг бошловчиси Ден Рубинштейн модераторлик қилди.

https://t.me/acdfuz/6095

Daryo.uz янги тафсилотни ёзибди. Она 5-фарзандига хомиладор бўлганини ҳам билмаган. 3.7 кг вазнли болакай туғилган. Наҳотки-а!

Дод дегинг келади.

Йўқ, биз ҳожатхонадан ҳам аввал миямизни ишлатишни ўрганишимиз керакка ўхшайди.

Болажон 2 соат ҳожатхонада қолиб кетганига қарамай, ҳолати яхши. Худо меҳрибон.

Самарқандда содир бўлган воқеа — ҳомиладор аёлнинг ўра қилиб қазилган ҳожатхонада туғиб қўйиши ва чақалоқнинг ҳандаққа тушиб кетиши — жамиятимиздаги қатор муаммоларни очиб беради. Тиббий саводхонлик, инфратузилма ва санитария шароитлари қониқарли эмас.

Умуман ҳовли жойларда ўрали ҳожатхоналар нафақат ноқулай, балки хавфли ҳам, айниқса, кексалар, ҳомиладор аёллар ва болалар учун. Ҳомиладор бўлган аёл борки, бу азобнинг нималигини билади. Санитария талабларига жавоб бермайди, турли касалликлар тарқалишига сабаб бўлиши мумкин.

Мен ҳожатхона мавзусини кўп гапираман, кўп ёзаман. Чунки бизда ҳожатхона фожиалари кўп. Мана бу ерда ўқинг. Бундай кутилмаган ҳолатларнинг ҳаммаси ҳам омадли тугайвермайди. Битта телефонни оламан деб, ҳожатхона газидан заҳарланиб ўлганлар воқеаларини эсланг.

Қишлоқ жойларда ҳожатхоналар яшаш жойидан узоқда, ҳовлининг адоғида қурилади. Бировни ёрдамга чақирса ҳам овози эшитилмайди. Яна енг ичида қурилади, ғуриллаб ётади. Аёлларнинг цистит орттириши, шамоллашларига шуям сабаб деб биламан. Ҳожатхонани тўғри қуриш маданиятини шакллантириш керак. Тўғри, кўп жойда сув муаммоси бор, бироқ оптимал ечимлар қилса бўлади.

Уй-жой қураётганда энг кўп пулни бир йилда 3-4 марта кириладиган катта залга эмас, туалет, ҳаммом, ошхонага кўпроқ ишлатсак, кўп муаммоимиз ҳал бўларди.

Ramazon taqvimi🌙

Ассалом, Баҳор!
Ассалом, Рамазон!

Икки баҳор баравар келди бу сафар. Бири табиат баҳори, иккинчиси инсонни янгиловчи баҳор.

Муборак бўлсин!

Журналист Алишер Рўзиохуновни Аллоҳ раҳмат қилсин. Инна лиллаҳи ва инна илайҳи рожиъун.

Баъзан ниманидир ёзмаганим учун сиқиламан, баъзан ниманидир ёзиб юборганим учун.

Ҳозир иккинчисига куйиндим.
Алишерни яқинларига сабр тилайман.

https://t.me/platinauzb/8219

Birgina yaxshi odam, bir og’iz to’g’ri nasihat — butun umrga dars!

Кечаси билан қор ёққани учун эрталаб Тошкент кўчаларида кўплаб дарахтлар оғирликни кўтаролмай синган, йўлга, машиналар устига тушган ҳолатлар бор.

Масалан, ўзим гувоҳ бўлган Ипакчи кўчаси (Тошкент шаҳар Шайхонтоҳур тумани Ипакчилик маҳалласи) қорни кўтаролмай, катта дарахт қулаб тушган. Эрталаб шу тор кўчада жуда тиқилинч юзага келди. Ҳайдовчилар, йўловчилар роса уринишди дарахтни суришга, имкон қилишолмади.

ФВВга, ИИВ ЙҲХБга, шаҳар ободонлаштириш бошқармаларига мурожаат қилинган.

Кеча ярим тундан уйимизда (Учтепа тумани Кўҳна Чўпонота маҳалласи) чироқ ўчганига ҳам қаердадир синган дарахт симёғоч симини узгани сабаб бўлиши мумкин деб ўйладим. Уйлар музлади. Ҳалиям ёнмаган, билишимча.

Қалин қор ёғган пайтда тегишли ташкилотлар махсус штаб бўлиб (кучларни бирлаштириб) ишлаши жуда зарур. Чунки, битта муаммо кўплаб муамоларга олиб келади.


UPD: Барака топишсин, дарахтни кесиб, йўлни тозалашибди.

Баъзан Жеймс Блантнинг дунё бўйлаб турларига қизиқиб кўраман. Қайси санада қайси давлат, қайси шаҳарда концерт бераркин деб. Агар АҚШга ёки унданам нари уёқ- буёққа кетиб қолса, хафсалам ўлади, эээ узоққа кетди, яқинроқда концерт берса борардим деб. “Яқинроққа келса”, дейлик Австрияга (яқинмиш), тобора яқинлашгандек хурсанд бўламан.

Ғалати одат, 5 йилдан бери шу гастролларини такрор ва такрор кузатаман:) Шунга олдиндан режа тузиб, ва ниҳоят қарор қилиб концертга бориш учун виза, билет, имкон қилсам бўладими? Бўлса керак?!

Йўқ, менга шунчаки орзучам орзуча бўлиб туравериши ёқади шекилли.

Ёки қанақадир мўъжиза бўлишини кутаман шекилли.
Сиз нимани ўзингиз кутмаганда содир бўлишини истайсиз?

Бир неча кундан бери мен эшитаётган жонли ижро.
Жеймс Блант.

https://youtu.be/y7merqKCuWg

Айтганчи, “Қўштирноқ подкаст”да яна чиқдим. Болаларим ҳеч қайси видеоимни кўрмайди, қизиқмайди. Лекин Ислом ҳам, Усмон ҳам бу сафар бу подкастни кўришди: сабаб унда Тичер Аъзам қатнашган:)

Президент ва ёшлар учрашувидан таассуротларимиз, ўша кунги қаҳрамон ёшлар, “Мутолаа” онлайн кутубхонаси ичидаги гаплар, Аъзамнинг гумма бизнеси, менинг писта ва бошқа ўнлаб мавзуларга аралашиб гапираверган гапларимни тинглагингиз келса, марҳамат:

https://youtu.be/6ujL6hWHdvo?si=1nEKFF6I-Qp0t-MY

"1000KITOB" лойиҳасида узоқ кутилган янгилик

Тилшунос, тарихчи, Фанлар академияси Археология институти катта илмий ходими Элдар Асанов лойиҳанинг контент менежери бўлиб иш бошлабди.

Ташкилий-молиявий масалалар бўйича менежер лавозимига эса “Asaxiy Books” нашриётида 6 йил молиявий менежер бўлиб ишлаган Назирбек Худоёров тайинланибди.

Тайинловларни каналимда деярли ёзмайман. Твиттердошлар яхши билишади, янги йил олди бир томонлама ва янглиш муҳокамаларга чек қўйиш мақсадида менежментдаги хатоликлар ҳақида фактлар асосида аниқланганларни ёзганман ва ҳали ҳам ўша фикрларимда собитман.

Бу тайинловлардан жуда хурсандман, Ёшлар агентлиги раҳбарияти янги бошқарув тизимига қарор қилганини қўллаб-қувватлайман.

Элдарни, унинг билими ва жамоавий этикасини жуда ҳурмат қиламан, янги молиявий менежер ҳақида ҳам фақат яхши фикрлар эшитдик.

Ушбу лойиҳа жуда жиддий, дунёнинг энг яхши илмий-оммабоп ва бадиий адабиётларини ўзбек тилига ўгириб, чоп этишни мақсад қилган.

Лойиҳада 130 га яқин киши меҳнат қиляпти. Ўтган йил катта меҳнат қилинган (50 та китобларни аниқлаш/муаллифлик ҳуқуқини олиш/таржима/таҳрир қилиш/нашрга тайёрлаш), бу йил одамларга дастлабки нишоналар етиб боради ва халқимизга катта туҳфа бўлади, насиб.

Бундай форматда китоб чиқаришга Ўзбекистон тарихида биринчи марта бюджетдан катта маблағ ва ресурс бериляпти. Жамоа ва унинг менежерлари фидойи, ҳалол, коммуникабел ва салоҳиятли экани уларни ушбу тарихий миссиянинг муносиб иштирокчиларига айлантиради деб ишонаман.

Барчаларига омад ёр бўлсин. Китобларни сабрсизлик билан кутиб қоламан.

Голливуд киноларининг кўпида шундай саҳна бор: энг зўр меҳмонхоналарда муаллиф ўз китобини тақдимот қилади. Дастхат беради, китобларини сотади. Менга шундай саҳналар жуда ёқарди.

Ҳозир Ҳилтондаман. “Янги аср авлоди”, Book.uz “Акс” лойиҳасида янги китоблар тақдимоти бўляпти. Худога шукр, китоб ёзганлар саҳнага кўтариладиган замонга етиб келяпмиз:

Рахшона Аҳмедованинг “Тонготар”и, Шаҳзод Шомансуровнинг “Кунгабоқар”и, Тилланисонинг “Шакл”и, Гулноз Мўминованинг “Ҳаво”си, Нодирабегим Иброҳимова(Аниф)нинг “Оқдан қизилга”си, Алишер Файзуллаевнинг “Аждар сайёраси”.

Одам кўп, бўш жой қолмаганиям хурсанд қилади одамни.

Курсдошим Рахшонани илк романи билан табриклайман. Ҳозирча унинг “Тонготар”ида 40-саҳифасига келдим.

Нодирабегимни эса кўпроқ таржимон, ёзувчи сифатида билардим. Уни илк марта шоира сифатида бугун кўряпман. Айтишича, 2 йил бўлибди Аниф бўлиб ёзаётганига. Анонимлик эркинлик берди дейди.

Шаҳзод Шомансуров эса аслида фотограф, кўп саёҳат қилади; айтишларича, ўзбек ҳикоянавислигига кино элементларини олиб кираётган экан. Ҳозирча унинг “Кунгабоқар”и энг кўп сотилаётган экан.

Тилланисо эса “Шакл”да ўзбекнинг ёшлари ҳақида ёзибди. Қаҳрамон ўзига шакл, йўл қидиради.

Алишер Файзуллаев оғирроқ ёзади дейишди. Худога аён, нега ундай, менинг қўлимдан келгани шу деди тақдимотда.

Дизайнер Бобур эса шундай деди: ҳамманинг битта китоьи чиққан бўлса, менинг 6 та китобим чиқди.

Жуда ҳавас қилдим ҳаммаларига! Китоб ёзадиганлар ҳам китоб ўқийдиганлар ҳам кўп бўлсин!

Шаҳриёрнинг монологи зўр. Усмон Азим, Баҳром Пиримқуловга тегишли матн.

Дам олиш кунлари яхши бошланди!

Чарли Чаплиннинг қизи Жералдиньега мактубидан:

(Ушбу хат Чарли Чаплин томонидан ёзилгани ҳақида аниқ факт йўқ.)

“Оломоннинг: “Анави қизни кўряпсизми? У собиқ масхарабознинг қизи бўлади. Эсладингизми? Унинг исми Чарли эди”, дея гапирганларини эшитдим. Ҳа, мен Чарлиман! Собиқ масхарабозман!
Бугун сенинг навбатинг. Ўйна!

Мен катта йиртиқ иштонларда ўйнадим, сен эса маликалардек ипак матоли кўйлакларда ўйнаяпсан. Бу ўйинлар ва гулдурос олқишлар баъзида сени кўкларга кўтариши мумкин. Майли, парвоз қил! Осмонларга парвоз қил! Лекин ерга қайтишни ҳам унутма!

Сен одамларнинг ҳаётини, кўчада раққосаларнинг совуқда қалтираб оч-наҳор қолганларини кўришинг керак. Мен ўшаларга ўхшардим, Жералдинье! Ўша сеҳрли оқшомлари сен ухлаб ётганингда, ўзимнинг ҳикояларим билан аллалардим сени. Мен уйғоқ эдим. Мен сенинг юзингга қараб ўтирардим ва юрагинг уришини эшитардим ва ўзимдан сўрардим: “Чарли, шу мурғак бола сени билармикан?

…Сен мени билмайсан, Жералдинье. Ўша оқшомлар кўп эртаклар айтиб берардим. Лекин менинг ўзимнинг ҳаёт эртагим ҳеч қачон айтилмаган. Аммо бу ҳам қизиқарли. Бу эртак очликдан Лондон харобаларида қўшиқ куйлаб, ўйинга тушиб садақа йиғиб юрган масхарабоз ҳақида эди… Бу менинг ҳикоям! Мен очлик нималигини, ялангоёқлик, бошпанасизлик нима эканини биламан. Бундан ташқари, мен – хўрланган дайди масхарабознинг кўксида уммон тўлқинидек мавж уриб турган ғурур отилган тангалар етказган оғриқдан пайдо бўлган. Кел, бу мавзуни тўхтата қоламиз.”

Тўлиғини шу ерда ўқинг:
https://t.me/xushnudbekuz/2539

Шу ерда тингланг: https://youtu.be/30hSXCN1l0Q?si=jIb20R28qTaSjReT

​Боши юқорида)

Миршакар минглаб томошабинга, шу жумладан менга ҳам янги гап айтади: Агар орзуингизнинг нархи бўлса, уни харажатини қила олсангиз, бу ўзи орзу дейишга муносиб орзумикин? Орзу қандайдир улкан ўзгаришларга сабаб бўладиган ғоямасми?

Масалан, “битта болани ўқитасан, оқ ювиб-оқ тарайсан, едирасан-ичирасан, у эса нари борса, қора Жентрани орзу қилиб турибди-де!” Дунё ҳозир қай нуқтада ўзи, дунё одамлари нималар қиляпти ўзи?

Миршакар бутун залга хабар йўллайди: “каттароқ, миссияси улкан орзулар қилинг”. Ҳамма бунга бир овоздан қўшилади.

Кулгилар, қарсаклар... Яна қандайдир воқеаларни айтиб кулдиради. Сиз кулиш билан оввора бўп турганингизда айтади:
“Келинг энди, бу концерт эсингизда қолсин, сизга сюрпризимиз бор, ҳаммангиз ўзингизнинг билетингизга, ўз жойингизда ўтирибсиз-а?” “Ҳааа” деймиз бир овоздан. “Прожекторни туширинг!”

Прожектор Ҳумонинг партеридаги бурчакка тушади. Мато кўтарилади ва “котта боллани орзуси” - қоп-қора Жентра кўринади.
Ҳамма ваууувв дейди.

Ўша пайт миямда тезкор хаёллар кетади: аниқ биламан, шу машина мани билетимга чиқади, бу ерга келишим бежизмас, чунки келмасликка сабабим кўп эди, бунинг устида шу кунларда машина олмоқчиман, уррее”

Миршакар ҳамманинг хаёлларини ўқиб, яна савол беради:
“Шу машинани олишни орзу қиласизми, қўлингизни кўтаринг”
Яна ҳамма “ҳааааа!”
Ва шу пайт Миршакар: “шунча гапни нимага гапирдим ахир?!”

Ана энди ҳамма қаҳқаҳа отиб кулади. Энди ҳамма ўзининг устидан кулади. Ахир ҳозиргина майда орзучалар қилишимизни, темир-терсакка эга бўлиш учун умримизни тикиб юборишимизни мантиқсиз деб тургандик, лекин барчамиз яна оддий, ўртастастистик қатлам эканимизни, қора Жентрани орзу қилаверишимиз ва оқимда доимгидек сузишимизни кўрсатиб қўйди у.

Миршакар “мен бугун шу стереотипларга чек қўймоқчиман, сиз каттароқ орзу қилишингиз учун” дейди ва кейинги матони очишни буюради. Экскаватор қора Жентра томига тишини теккизади...

Ҳаммамиз экскаваторга қараганча, кўзимизга ишонмаяпмиз ва шу алфозда Миршакар қандай қилиб концертни тугатганини билмай қолдик.

***
Ғафур Ғуломнинг “Шуҳрат қолдирмоққа Геростратдек, Диана маъбадин ёқмоқ шарт эмас” деган сатри бор.

Ёмон иш билан Герострат мақсадига эришган ва ҳатто ўзбек шоирининг шеърига кирган.

Ҳақиқат шуки, Миршакар ёмон иш қилмади, хайп учун қилдими-йўқми, у ўша куни Жентранимас, одамларнинг мешчанлик кайфиятини, жуда тор фикр доирасини ёқишга, чегараларни очишга уринди.

Ўша куни Миршакарни тинглашга асосан ёшлар, талабалар келганини кўрдим. Бу бошқача авлод. Уларга катта нарсаларни ўйлаб, катта нарсаларни орзу қилиш кераклигини такрор ва такрор айтавериш керак.

Биз яшаётган ҳаётни маънолироқ, кучлироқ, сифатлироқ қилиш учун аввало мақсади баланд ёшлар керак.

Миршакар шу ишни қилди. Аслида унга Нобель бўлмасаям, сумалак беришимиз ва раҳмат дейишимиз керак.

Ўша куни кулги ва қаҳқаҳалар орасида нима қилишини билмай қолган соатим "бу жуда шовқин жой, 90 децибел, сенга зарар" деб роса огоҳлантирди. Мен бу 90 децибелли концерт учун Миршакарни чемпион дейман.

Тамом.

Миршакарнинг Жентра пачақланган концертида нима бўлганди?

Мен ҳам тўйда бор эдим
Бўза ичдим, бол едим
Сал ҳўлланди мўйлабим))

Эпиграфни жиддийга олмайсизлар. Бу Пушкиннинг "Царь Салтан"идан парча)

Стендап комик Миршакар Файзуллоевнинг 15 феврал куни "Чемпион" номли концерти бўлиб ўтди. Концертдан фақат "қора Жентрани экскаватор пачақлаётгани" кўрсатилган видео-фото тарқалди. Жуда кўпчилик буни хайп, исроф, бемаънилик ва ҳоказо таърифлар билан тармоқда тамсил қилаётганига кўзим тушди. Ҳамманинг фикри ўзи билан қолса-қолаверсин, мен ҳам концертда бўлган томошабин сифатида нимани ҳис қилганимни ёзгим келди.

Огоҳлантираман, кўп спойлер бўлади. Ёзганларимни тасдиқлашга фото ва видеоим йўқ, чунки концертда телефонимни сааал кўтарсам, ернинг тагиданми ёки осмоннинг устиданми топиб, телефон экранимга лазер тушириб, одамни уялтириб қўйишди)) Назоратчилар ўша куни минглаб одамларга муаллифлик ҳуқуқига амал қилишни ўргатишди. Шляпамни ечаман, бунақасини биринчи марта кўришим. Миршакар маладес.

Стендапернинг чиқиши битта тугал сценарий асосига қурилганини концертнинг якунига бориб ҳис қилдим. Миршакар концертни ўзининг орзуларини санашдан бошлади. Масалан, у туғилганидан бери Ҳумо аренада концерт беришни орзу қилади, концертида ҳаммага ўхшаб онасига гул беришни эриш деб билади, лекин балки бу онасининг орзуси бўлиши мумкин, унинг принципи онасининг орзусидан устун эмас, демак онасигаям, отасигаям гул беришга тайёр. Миршакарнинг бу лирик чекиниши панд-насиҳатли, йиғи-сиғили, эзилган мусиқали эмас, юмор ва ҳазил билан гул берди-қўйди.

Кейин Миршакар концерт нима учун “Чемпион” деб номланишини урғулади. Масалан, у чемпион дада, чемпион эр, чемпион ўғил, чемпион стендапер бўлмоқчи ва шунга ҳаракат қиляпти: унинг бу йўлдаги омадсизликлари-ю қувончлари, кулгили вазиятлари сизни тўхтовсиз кулдиради. Чунки, бу воқеалар фақат Миршакарнинг уйида, ишида, ёки туғилиб ўсган Бухоросида бўлмайди, у худди сизнинг уйингизда яшаяпти-ю яширин камера қўйиб, ёзиб олган: сизнинг турмуш ўртоғингиз билан суҳбатларингизни, болангиз билан муносабатларингизни бирга бир фош қилади-қўяди. Сиз бу гап-сўзларга қотиб куласиз ва ёмон алам қилади. Нега бизлар бунчалик ҳар хил ва аслида бир хилмиз?

Ўзи уйда ким бошлиқ, ўзгараётган замонда боласининг ўзидан кўра яхшироқ фикрлаши, Миршакар қарорларни ўзи қабул қиладими ёки атрофдагилар уни бошқарадими, отасининг “ҳай, қилиб кўр” номли энг кучли мотивацияси, “ҳақиқий эркинлик бу - хато қилишга берилган имконият” иқтибосли миниҳикоялари мана 5 кундан бери эсимда турибди.

Бир қараганда маиший, икир-чикирлар устидан кулаётганга ўхшайсиз. Ҳа, сезасиз, Миршакарнинг репертуарида бу сафар сиёсий ҳазиллар деярли йўқ, у ҳаммамиз яшаётган ҳаётнинг майда-чуйдалари орқали контекст бераётганга ўхшайди. Ўзи ҳаётнинг турган битгани майда қарорлар ва майда масалаларни ҳал этишга исроф бўлади, у шу жойда туриб кулмоқчи ва кулдирмоқчи.

Ўтган сафарги концертда Миршакар менга жамоатчилик фаоли сифатида кўринган бўлса, бу сафар у психоаналитик комик сифатида кўринди. Масалан, ҳаммамиз тармоқларда охиригача томоша қиладиган “яғири чиқиб кетган гиламнинг тоза бўлиш жараёни” ҳақидаги рилсни эслатди у. Смартфони бор одам борки, шунақа видеони кўргандир) Нега кўрамиз ўзи? Миршакар ҳам, биз ҳам буни билмаймиз)

Менга яна Миршакарнинг “закладка” воқеаси жуда маъқул бўлди. У бир парча этни кўмиш учун қилган ишлари ва шу сабаб тунги рейдда бошидан кечирганларини ҳикоя қилиб беради ва бу ҳикояни номини айтмай туриб, жамиятнинг энг катта муаммоларидан бири - наркотиклар закладкасига муқояса қилади.

Бундай топилмалар жуда кўп. У “чемпион ота (ўғил, эр) бўлмоқчийдим, бўлмади” деб бошлаб, ҳар бир бўлимни алоҳида ҳазиллар билан боғлаб чиққан.

Концертнинг кульминациясида стендапернинг чемпион бўлиш орзуси ҳақидаги мулоҳазалари яна бошланади. У яна ўша Ҳумо аренада концерт бериш орзусини гапиради. Лекин кутилмаганда унинг орзуси орзу эмаслиги маълум бўлади. Чунки, унинг орзусининг нархи бор: светга, овозга, арендага тўлай олса, марҳамат!

Давоми пастда