Антикор раҳбари эътиборига!

Акмал Бурханов "иномарка"ларни текширадиган лаборатория фаолиятини бориб ўрганибди...Агентлик директори Пискентга бориб юргунча, бу иш халқаро нормаларга қанчалик мос келишини, мантиқ нуқтаи назаридан ҳақиқат ва адолат, деган мезонларга нечоғли тўғри келишини мулоҳаза қилиб кўрса, тўғри бўлмасмиди?

Кейин ўзида озгина жасорат топиб, бу ишнинг ортида фалон даражадаги манфаат бор, деса... Албаттаки, шундай элитар ва персонал манфаатни исботлай олса! Акс ҳолда хатога йўл қўйган бирорта ходимни жазолаб, ана бу ерда коррупциянинг томири қирқилди, энди бахтли бўламиз, дейишдан наф йўқ.

Юқорида айтганидай, Бурханов бу ташкилотнинг пайдо бўлишида коррупция элементлари, нафси(амбиция) борми, йўқми, шуни аниқроқ изоҳласа яхши бўларди. Зотан, Мавлоно Румий айтганларидек, масаланинг сабаблари билан эмас, моҳияти билан курашмоқ ақлдандир!

@platformauzb

Ўзбекистонликларга электрон виза бериш тартиби фақат Ҳаж мавсумида тўхтатилган

Саудия Арабистони Туризм вазирлигининг маълум қилишича, ўндан ортиқ давлатлар, хусусан Ўзбекистон ва Тожикистон фуқаролари учун электрон визага мурожаат қилиш хизмати вақтинчалик, 23 апрелдан 9 июнга қадар тўхтатилган.

Бу саёҳат ёки умра мақсадида қиролликка бориб, ноқонуний Ҳаж қилишни олдини олиш учун кўрилган чора сифатида баҳоланмоқда. Бу муддат ичида Саудия Арабистонига саёҳат қилишни хоҳловчилар элчихона ёки ваколатли виза идоралари орқали ариза топшириши мумкин.

@platformauzb

Саудия Арабистони Ўзбекистон фуқаролари учун электрон виза олиш имконини ёпиб қўйди

Саудия расмийлари ҳозирча бу борада расман изоҳ бермаган. Бу Ҳаж мавсумида Ҳарам ҳудудига ноқонуний киришларнинг олдини олиш мақсадида амалга оширилган вақтинчалик чора бўлиши мумкин.

Ўзбекистон фуқаролари учун онлайн сайёҳлик визасини олиш имкони 2023 йил август ойида очилган эди. Кўп марталик ушбу виза йил давомида Умра қилиш ҳамда подшоҳлик бўйлаб саёҳат қилиш имконини беради, нархи тахминан 130 доллар атрофида.

@platformauzb

Асакабанк фақат молиявий хизмат кўрсатиш билан чекланиб қолмай, мамлакатимиз ривожи учун ҳақиқий ташаббус кўрсатяпти!

Хоразм вилоятида амалга оширилаётган фармацевтика лойиҳаларини шахсан ўрганиш учун банк раҳбариятининг жойига чиққан ҳолда ўрганиши – бу юксак масъулият ва профессионал ёндашув намунасидир.

Ташрифлар давомида ҳар бир лойиҳа атрофлича таҳлил қилинди, муаммолар ўрганилиб, уларни бартараф этиш бўйича тегишли чоралар кўрилди. Энг муҳими – аниқланган масалалар ҳудудий ва республика даражасидаги мутасадди идораларга етказилиб, назоратга олинган!

Асакабанк ўз фаолияти орқали маҳаллий ишлаб чиқаришни ривожлантириш, янги иш ўринлари яратиш ва иқтисодиёт тармоқларини диверсификация қилишдек улкан мақсадларга хизмат қиляпти.

Шундай банклар бор экан, жойига чиқиб амалий ҳолатларни ўрганяпти. Бу — фақат қоғозда эмас, ҳақиқий ислоҳотларга йўл очади!

@platformauzb

Ижтимоий тармоқларда Enter Engineering компаниясидан анча пайтдан буён маошларини ололмаётган ходимлар иш ташлаш қилаётгани акс этган видеолар тарқалмоқда.

@platformauzb

Жиззахда “Агробанк”нинг янги лойиҳаси — “Ривож Молия” микромолия ташкилоти фаолиятини бошлади

Ташкилот асосан якка тартибдаги тадбиркорлар, ўзини ўзи банд қилган фуқаролар ва кичик бизнес субъектларини микромолиявий хизматлар билан таъминлаш йўналишида иш олиб боради.

Бу ерда:
— Жисмоний шахслар учун: 100 миллион сўмгача микроқарзлар
— Тадбиркорлар учун: 300 миллион сўмгача микрокредитлар, шунингдек, факторинг ва лизинг хизматлари

Молиявий хизматлардан фойдаланиш имкониятларини кенгайтириш мақсадида, “Ривож Молия” микромолия ташкилотининг филиаллари сонини 2025 йил охиригача 6 тага етказиш режалаштирилган.

Ушбу янги ташкилот Жиззах шаҳри, Кимёгар МФЙ, А. Навоий кўчаси, 24А-уй, 315-нотурар жойда жойлашган.

Менга айни ролик бир жиҳати билан жуда маъқул бўлди. Буни ҳатто  жамиятимиз учун ўта зарур ижтимоий компонент десак ҳам бўлади. Ўзига хос "юмшоқ таъсир" сифатида узатилаётган бу формат ўз самимияти ва ҳаққонийлигига кўра шахснинг тарғиботи учун эмас, балки шахсни восита ўлароқ майдонга чиқариб, жамиятда, давлат ва жамоат ишларида аёлларнинг ролини ошириш, уларга кучли мотивация беришга қаратилган эзгу мақсади билан ҳам ўзини юз карра оқлайди.

@platformauzb

1 майдан маҳалла раислари медиаторга айланади

Қонунчиликка кўра, 2025 йил 1 майдан бошлаб Фуқаролар йиғини раислари оилавий медиация ишлари бўйича профессионал медиаторликка бепул ўқитилади.

2025 йил давомида, ҳар бир туман ва шаҳарда 5 нафардан фуқаролар йиғини раислари Ўзбекистон маҳаллалалари уюшмаси билан келишилган ҳолда ўқитилади;
Келгусида барча фуқаролар йиғини раислари босқичма-босқич ўқув курсларидан ўтиши таъминланади;
Ўқувни муваффақиятли тамомлаган раислар, ота ва она ўртасидаги фарзанд тарбиясига оид низоларда бепул медиаторлик фаолиятини амалга оширади.

Бу орқали оилавий низолар судгача етиб бормасдан ҳал этилади

@platformauzb

Айни пайтда мактаб ўқитувчиларининг малака тоифа учун аттестация синовлари бўлиб ўтмоқда.

Айтишларича, 95 фоизгача устозлар "йиқитилиб", саводсизга чиқарилмоқда экан. Бу эса педагоглар ўртасида катта норозиликларни келтириб чиқармоқда.

Бизга келиб тушган видеода ўқитувчилар мутасаддининг ўзи ҳам жамоатчилик олдида тест топширишини талаб қилгани акс этган.

Бутун вазирлик тизимидагилар биринчи навбатда ўзлар ҳам мана шундай мураккаб тестларни топшириб, қойиллатиб қўйсалар, адолатдан бўларди.

Адолатли талаб! Нима дедингизлар...

@platformauzb

Kommunal to‘lovlarni onlayn amalga oshirish bu qulay, tez va ishonchli!

⭐️ Cheksiz navbatlarni unuting! Endi siz istalgan vaqtda kommunal to‘lovlarini oson va tez to‘lashingiz mumkin, elektron cheklar esa doimo yoningizda.

To‘lov tajribangizni haqiqatan ham qulay va zamonaviy qiling!

Finlit.uz bilan moliya olamini o‘rganing

Бугун “Қамчиқ” довонининг бир қисми қисқа муддатга ёпилди. Бу ҳақда Фавқулодда вазиятлар вазирлиги хабар берди.

Маълум қилинишича, соат 15:55 дан бошлаб “Қамчиқ” довонидан ўтган А-373 “Тошкент- Оҳангарон-Ангрен-Қўқон- Шаҳрихон-Андижон” автомобиль йўлининг 166-километрида номустаҳкам тошларни сунъий тушириш ишлари амалга оширилиши муносабати билан қисқа муддатга (бир неча дақиқага) ёпилади.

@platformauzb

UZTELECOM CLOUD: Булут технологияларининг кучи бепул синов муддати билан

UZTELECOM қулай ва кўп функцияли булут технологиялар платформаси – UZTELECOM CLOUD хизматларини таклиф этади.
 
Булутли технологиялар – бу интернет орқали ресурслардан фойдаланиш имконини берувчи кучли серверлар тармоғи. Унинг ёрдамида катта маълумотларни таҳлил қилиш, махфий маълумотларни хавфсиз сақлаш, виртуал станцияларни ташкил қилиш, жамоалар билан биргаликда лойиҳалар устида ишлаш ёки ҳисоб-китобларни тез амалга ошириш мумкин.

UZTELECOM CLOUD – бу катта лойиҳалар учун ишончли булутли технологиялар платформаси бўлиб, унда барча керакли ечимлар жамланган:

⁃ Оддий ва қулай интерфейс, ягона мониторинг тизими ва Pay as you GO усулидаги тўлов;
Виртуал серверлар – мослашувчан созламалар, турли операцион тизимлар танлови ва хатоларга юқори даражадаги чидамлилик;

⁃ S3 объект хотираси – хавфсиз, ҳужжат алмашиш учун оддий ва қўшимча харажатларсиз;
Managed Kubernetes – контейнерли иловалар ва юқори юкламали лойиҳалар учун CI/CD тизими;

⁃ Иловалар платформаси – Github, Gitlab, Docker билан ишлаш, қулай бошқарув ва мослашувчан кенгайтириш;

⁃ Тез жойлаштириш ва доимий янгиланишларга эга кенг хизматлар маркетплейси.

⁃ Булутли технологиялар ёрдамида фойдаланувчилар қўшимча жиҳозлар сотиб олмасдан хотирани осонгина кенгайтириши, маълумотларнинг ишончли захира нусхасини таъминлаши ва носозликлар юзага келганда тез тиклаш имкониятига эга бўлиши мумкин.

⁃ Фойдаланувчилар дунёнинг исталган нуқтасидан 24/7 кириш имкониятига эга бўлиб, бу масофавий ходимларнинг ишини осонлаштиради ва ишнинг тезкорлигини оширади.

⁃ UZTELECOM CLOUD хизмати ёрдамида сиз илғор булутли технологиялар билан ғояларни яратиш, синовдан ўтказиш ва амалга ошириш имкониятига эга бўласиз. Виртуал серверларни ишга тушириш, иловаларни жойлаштириш ва Kubernetes’ни бошқаришни оддий, тез ва хавфсиз қилади.

⁃ Синаб кўришга тайёрмисиз? cloud.uztelecom.uz сайтида рўйхатдан ўтинг, бепул синов муддатини фаоллаштиринг ва бугундан булутли хизматлардан фойдаланишни бошланг!

⁃ Ҳозироқ уланинг ва шахсий кабинетингиздаги совғангизни олинг!

⁃ Дам олиш кунларисиз қўллаб-қувватлаш жамоаси доим 1155 рақами орқали алоқада.

UZTELECOM – доимо Сизга яқин бўлган оператор!

👍 “O‘zbektelekom” AK Axborot xizmati.

@platformauzb

Дубайдаги ўзбек жиноий тўдалари ортасидаги пичоқвозлик ортидан Ўзбекистон фуқаролари учун визасиз режим бекор қилиниши мумкин

Дубай шаҳрида Ўзбекистон фуқаролари ўртасида юзага келган ҳолат юзасидан аниқлик киритиш мақсадида мамлакатимиз дипломатлари Дубай жиноят қидирув бошқармаси раҳбарияти билан учрашув ўтказди.

БАА томони мазкур ҳолат бўйича тергов ҳаракатлари олиб борилаётганини, 15 нафар Ўзбекистон фуқароси қўлга олинганини маълум қилди. Шунингдек, сўнгги вақтларда Ўзбекистон фуқаролари томонидан содир этилаётган қонунбузарлик ҳолатлари кўпаяётгани икки давлат ўртасидаги визасиз тартибга таъсир кўрсатиши мумкинлиги таъкидланди.

Ташқи ишлар вазирлиги мазкур ҳолат юзасидан тегишли ҳуқуқни муҳофаза қилувчи органлар билан ҳамкорликда иш олиб бормоқда.

Ўзбекистон фуқароларини хорижда юртдошларимиз шаънига доғ туширувчи ҳаракатлардан тийилишга чақирамиз.

ТИВ матбуот котиби

@platformauzb

Лавров жанобларининг Кремлдан олган махсус топшириқни амалга ошириш жараёни...

У ушбу мунозарали гапи билан бу ерда англичанлар эмас, биз бўлишимиз керак, олдин бор эдик ва бундан кейин ҳам бўламиз, деган сиёсий мессежни ўртага ташлади, гўё.

Йўқса, Самарқанд эмас, пойтахтга борганда ҳам бўларди. Йўқ, Кремль айнан ЕИ "изи"дан борди ва ўз сиёсий қараши ҳамда хафагарчилигини ифода этди. Лавҳани зингил солиб кузатсангиз буни сезасиз.

@platformauzb

Ўзбекистонликлар 9 май муносабати билан неча кун дам олади?

Қуйидаги кунлар дам олиш куни ҳисобланади:

9 май, жума — Хотира ва қадрлаш куни, барча ходимлар учун дам олиш куни;

10 май, шанба — ҳафтасига 6 кун ишлайдиганлар учун иш куни, 5 кунликлар учун одатий дам олиш куни;

11 май, якшанба — барча учун одатий дам олиш куни.

@platformauzb

❗️Энди янги автотранспортни онлайн рўйхатдан ўтказиш мумкин

Бугундан my.gov.uz орқали автомобилни рўйхатдан ўтказиш учун онлайн ариза бериш имкони синов тариқасида йўлга қўйилди.

Ҳозирча фақат Тошкент шаҳридаги "Файзобод" РЎ ва ИО бўлимида синовдан ўтказилмоқда. Муваффақиятли бўлса, бошқа ҳудудларда ҳам жорий этилади.

Ариза беришда икки усулдан бири танланади:
➖ РЎ ва ИО бўлимига бориш орқали;
➖ Сайёр хизмат — ЙҲХХ ходими уйингизга келади (қўшимча тўлов асосида).
➖ Тўловлар (БҲМ асосида):
➖ Рўйхатдан ўтказиш: 6.84 баробар;
➖ Давлат рақами: 3.5 баробар;
➖ Техпаспорт: 0.7 баробар;
➖ Техник кўрик: 0.1 баробар.
➖ Сайёр хизмат (10 км.гача):
1 кунда: 4 баробар;
3 кунда: 3 баробар;
5 кунда: 2 баробар;
10 км.дан ортиқ — ҳар км. учун 0.05 баробар қўшилади.
Ариза бергандан сўнг, тўлов қилинса, Файзобод РЎ ва ИОга бориб, белгиланган рақамни айтасиз, кўрик ўтказилади ва сизга рақам ҳамда техпаспорт берилади.

@platformauzb

Шу кунларда РФ ташқи ишлар маҳкамаси раҳбари Лавров неоимперияча иддаоси учун  ижтимоий тармоқларнинг ўзбек лахтак-сегментида "виртуал тошбўрон" қилинди. Бу яхши кўрсаткич, албатта. Одамлар ғурурини, шаънини сўрайдиган бўлди. Жамиятда тепадан қараб гапирадиганларга жавоб берар даражада миллий зеҳният уйғонмоқда, дейиш мумкин.

Аммо масаланинг нозик томони бор. Нимагадир шундай ҳолларда айнан бир хил шахслар саҳнага чиқади. Нимрасмий тоифа вакиллари ҳисобланмиш бу зиёлиларимиз гарчи раъиятдан юқорироқ мақом эгалари бўлишсалар-да, уларнинг эҳтиросли сўзлари барибир давлатнинг расмий фикрини тамсил этмайди.

Бундай пайтда асосий гапни бизнинг ТИВ айтиши керак бўлади. Аммо таассуфки, айни маҳкама  бундай баёнотлар беришдан кўра кўпроқ меҳмонларнинг олдида қай даражада букилиб тавозе қилиш ёки ачомлашиш малакасини қандай ошириш ҳақида ўйлаётгандай...

@platformauzb

Ойига 3 млн топиб, 5 млн ишлатасиз...

Таниш ҳолатми? Одамларга доим айтаман: кўп пул топишнинг ўзи сизни бой қилиб қўймайди. Уни сақлай билиш, тўғри бошқариш ва кўпайтириш муҳимроқ.

Бу илм эса молиявий саводхонлик дейилади. Айни шу масалалар содда тилда тушунтириб бориладиган фойдали молия деган канал бор. Уланиб олишни тавсия қиламан, фойдали ва сифатли канал.

Каналга уланиш 👇 👇
https://t.me/+VwzjJ4Prehc0Y2My
https://t.me/+VwzjJ4Prehc0Y2My

Ховос транспорт прокурори ва унинг ўринбосари пора билан қўлга тушгани айтилмоқда

“Дарё” манбасига кўра, прокурор ва унинг ўринбосари пора эвазига транспорт прокуратураси терговчиси олиб бораётган ишни ижобий томонга ҳал қилишни ваъда қилган.

ДХХнинг Сирдарё вилоят бошқармаси ходимлари томонидан ўтказилган тадбирда прокурор 7 минг, ўринбосари эса 2 минг доллар олаётган пайтда ушланган.

Бош прокуратура ахборот хизмати “Дарё”нинг бу ҳақдаги сўровига жавобан, тез орада аниқ маълумот берилишини билдирди.

@platformauzb

Лавров лавозимидан озод этиладими?

Россия экспертлари сўнгги пайтларда 20 йилдан ортиқ Ташқи ишлар вазири лавозимини эгаллаб келаётган Сергей Лавровнинг истеъфога чиқиши мумкинлиги фаол муҳокама қилимоқда.

Ротацияга туртки берувчи асосий омиллар сифатида ёш (75 ёш) ва лавозимда узоқ муддат ишлаш кўрсатилган. Аммо миш-мишларнинг асосий сабаби Лавровнинг иккита қўпол хатоси эди: Қозоғистон президенти Қосим-Жўмарт Тўқаевни танқид қилгани (бу Остона билан муносабатларни мураккаблаштирди, ва ҳаттоки Путин узр сўраб телефон қилди) ва яҳудийларни нацистлар билан қиёслаши (халқаро масштабда резонансга сабаб бўлган).

Бу хатолар рўйхатига энди Лавровнинг Самарқандга ташрифи чоғида тил масаласида айтган провокацион гапи ҳам қўшилса керак. Манбаларнинг таъкидлашича, катта эҳтимол билан Путин Мирзиёевга қўнғироқ қилиб, Россия вазирининг қилиғи учун узр сўрашга мажбур бўлади. Шубҳасиз, телефон суҳбати ТИВ раҳбарининг позициясига янада путур етказади.

Тахминларга кўра, Лавров истеъфога чиққан тақдирда, у РФ Хавфсизлик кенгашидаги фахрий лавозимни эгаллайди. Тажрибали дипломат Сергей Бутин (ТИВ биринчи ўринбосари) ёки Ғарб билан музокараларда қаттиққўллиги билан танилган Александр Грушко (ТИВ ўринбосари, Ғарб бўйича куратор) вазир этиб тайинланиши мумкин. Айни вақтда, белгиланган йўналишни давом эттиришга қодир бўлган Президент Администрациясидан кутилмаган номзоднинг тайинлови эҳтимоли ҳам мавжуд.

@platformauzb

Ассалому алайкум, ҳурматли вазиримиз ҲИЛОЛА УМАРОВА!

2025 йил 22 апрелда ўтказилган аттестация синовини қайтадан ўтказишингизни илтимос ва талаб қиламиз. Бунга бир қанча асосларимиз бор:

1. Тестлар қийин даражадан ташкил топган. Шунга қарамай яхши бажардик. Лекин натижаларимиз қониқарсиз. Биз билишни истаймиз: нимани билмас эканмиз?

2. Мураккаб тестлар жуда кўп. Вақт инобатга олинмаган.

3. 15 талик пед маҳорат, касб стандартидан тушган тестлардан умуман норозимиз. Ўқитувчиларнинг  дарс сифатини оширишга ёрдам бермайди. Шахсан ўзимга тушган касб стандарти фақат тамойиллардан ташкил топган мураккаб тестлар эди. Умуман ишлолмадим.

3. Техник носозликлар( интернет "қотиши") кузатилди. Тизимга кирар эканмиз тестлар ўзгариб кетяпти. Балки, натижаларимизда ҳам англошилмовчиликлар бордир.

Ҳурматли Вазиримиз, мен аввалги аттестацияларда 95,95,94 баллик натижаларни қайд этганман. Миллий сертификатга ҳам эгаман. Бу осон бўлмаган. Лекин тестни қийналиб бўлса-да, таҳлил қилиб жавобини чиқарганман. Бу йилги натижам – 74. Хуллас, бу ерда бир гап бор. Бу 90 фоиз устознинг фикри. Ўқитувчи шундай инсонки, арзимаган гапга ҳам қувониб юради.

Биз вазир устамаси – 70 фоизлик устама ҳақида хаёлгина сура олдик, холос. Касбимиз билан фахрланиб яшаймизми ёки афсусланиб?

Турсунқулова Юлдуз,
Сардоба тумани 6-мактаб она тили ва адабиёти ўқитувчиси.

Тошкент педиатрия тиббиёт институти ва Тошкент давлат стоматология институти негизида Тошкент давлат тиббиёт университети ташкил этилади — Президент қарори.

@platformauzb

Иқрор

Шуҳрат Абдураҳмонов:
"На жамиятга, на юртга, на Андижонга фойдаси тегадиган одамлар лавозимда ўтирибди”.

@platformauzb

Шерзодхон Қудратхўжа:
"Биз улар(Россия)нинг колонияси эмасмиз!"

– Ҳар бир мамлакат ўзининг ҳудудидаги тарихий обида ёки ҳайкали атрофида қайси тилда ёзишини фақат ўзи ҳал қилади. Четдан келиб, бошқа давлатнинг Ташқи ишлар вазири бизни танқид қилиши нотўғри. Зеро, биз уларнинг колонияси эмасмиз!

Бизнинг вазирлар ҳам Россияга борганда баъзи масалалар бўйича Лавров каби дадил савол беришни ўрганишлари керак, шекилли.

Хусусан, нега бизнинг Россиядаги мигрантлар дискриминация қилинади? Нимага уларга нисбатан маҳаллий ҳокимият, миграцион хизматлар ёки полиция томонидан оддий инсон ҳуқуқларини паймол қилувчи ҳолатлар қўлланилса, Россия жамоатчилиги ва давлат расмийлари жим туради?

Сергей Лавров келиб, бизга "она тимсоли — муқаддас" эканлигини тушунтирмоқчи экан, оддий бир ёзувни бор-йўқлигига диққат қаратаркан, биз ҳам унга "инсон ҳуқуқлари ҳам муқаддас" эканлигини диққат эътиборига солишимиз ва эслатишимиз керак.

Лавров Ўзбекистон ва Европа Иттифоқининг ҳамкорлиги тўғрисида ҳам гапирибди. Ким билан қандай алоқалар ўрнатишни ёки қай даражада ҳамкорлик қилишни давлатнинг ўзи ҳал қилади! Ўзбекистоннинг ички ишларига аралашишга ҳеч кимнинг ҳаққи йўқ. Жумладан, Европа Иттифоқи билан ҳам ўзаро алоқалар даражасини Ўзбекистоннинг ўзи белгилайди. Бу давлатимизнинг ташқи сиёсати кўп векторлик эканлигини кўрсатади, – Проф. Шерзодхон Қудратхўжа.

@platformauzb

Айни пайтда мактаб ўқитувчилари малака тоифалари учун аттестациядан ўтказилмоқда. Ижтимоий тармоқларда тарқалаётган видеомурожаатларга қараганда 90-98 фоиз ўқитувчи "йиқилмоқда". Улардаги асосий иддао – саволлар ўта мураккаб ва битта тест ичида беш-олтитадан савол бор.

Бизга келиб тушган мана бу видеода эса аттестация жараёнида турли қинғирликлар ҳам бўлаётгани, Х вариантлар таниш-билишларга берилаётгани айтилмоқда.

@platformauzb

Бир нарсани ҳеч тушунмайман, нима учун бизда РФ дан "юқори мартабали" меҳмон келса, совет ва постсовет даври маданияти ёки руҳиятини эслатувчи сиёсий ритуалларга  кўп мурожаат қилинади? Масалан, бугун ҳам Лавров жанобларини гарчи советлардан кейинги "маданий макон"да яратилган бўлсада, мазмунан Кремль бардавом қўллаб келаётган юмшоқ таъсир – "умумий тарих"га монанд ҳайкал пойига гул қўйишга олиб бордик.

Биламизки, ўтган даврда яратилган айни тўқима иккинчи жаҳон уриши маданий-мафкуравий фонидаги бир образдир. Нима учун биз меҳмонни Амир Темур пойига олиб бормаймиз?! Ҳарқалай, бу шаҳарда Соҳибқироннинг муаззам ҳайкали бор. Қолаверса, Самарқанд Темур давлатининг пойтахти...

Биз бугун "ўзгарганимиз", субъектлигимизни чуқурроқ англаётганимизни аслида шундай сиёсий ишоралар орқали намоён қилишимиз керак эмасми? "Мотамсаро она"га мурожаат қилиниши эса биз ҳали батамом "чет таъсир" доирасидан чиқа олмаётганимизни англатади, назаримизда.

@platformauzb

Одамлар самимий бўлса, буни дарров ҳис қиласан. Куни кеча "Ахборот"да шуни кўрдик: бир аёл "Агробанк"га келиб, ҳовлида хурмо ва анжир экиб кетганини ҳайрат ва шукроналик билан гапиряпти. Бу гаплар сценарий эмаслиги билиниб турибти. Бундай лаҳзаларни кўриб, “Қилинаётган тўғри ишлар ҳам жуда кўп аслида!” деб ўйлайсан киши. #yaxshixabar

@platformauzb

Бизнесни ривожлантириш банки "Менинг бизнесим” ва “Менинг буюртмам” иловалари тақдимотини ўтказди

“Бизнесни ривожлантириш банки” АТБ республикадаги етакчи молия муассасаларидан бири сифатида замонавий хизматларни жорий қилиш орқали мижозлар ишончини қозонишга ва молия бозорида мустаҳкам ўрин эгаллашга интилмоқда.

Кенг жамоатчиликка тақдим қилинган “Менинг бизнесим” ва “Менинг буюртмам” инновацион ечимлари мазкур мақсадга эришишда дадил қадамдир. Тақдимот маросимида мазкур янги лойиҳаларнинг аҳамияти ва афзалликлари ҳақида батафсил маълумот берилди.

Батафсил.

@platformauzb

С.Лавров: Меҳнат мигрантлари Россияга боришидан аввал рус тилини ва Россия қонунчилигини билиши зарур

Самарқандга ташрифи давомида Россия ташқи ишлар вазири Сергей Лавров ОАВ вакиллари учун матбуот анжуманини ўтказди.

Саволлардан бири Марказий Осиё, жумладан, Ўзбекистондан бораётган меҳнат мигрантларига қўйилаётган талаблар ҳақида бўлди.

"Муаммонинг иккинчи томони - Россия қонунларига риоя қилиш ва меҳнат мигрантлари орасида жиноий тенденцияларнинг ривожланишига йўл қўймаслик зарур. Ҳозирда бундай ҳолатлар рўй беряпти. Олтин ўрталикни топишимиз керак. Бу ҳақда бугун Ўзбекистон Президенти билан ҳам, ташқи ишлар вазири билан ҳам атрофлича муҳокама қилдик.

Бу ерда, энг аввало, меҳнат мигрантлари Россия Федерациясига жўнатилишидан аввал рус тилини етарли даражада билиши, ҳам Россия қонунлари ва чет эл фуқаролари меҳнатига оид хулқ-атвор қоидаларини билиш нуқтаи назаридан зарур тайёргарликдан ўтишини таъминлаш вазифаси турибди" дея таъкидлаган Россия ТИВ раҳбари.

@platformauzb

Истанбулда 6,2 магнитудали зилзила содир бўлди.

@platformauzb

Лавров: РФ Марказий Осиёда ЕИ етакчи мавқени эгаллашга уринишига қарши чиқади.

@platformauzb

Россия ташқи ишлар вазири Сергей Лавров Самарқандда "Мотамсаро она" ҳайкали пойига гул қўяётганида “нега бу ерда ўзбекча ва инглизча ёзув бору, русчаси йўқ”, деб сўрабди.

@platformauzb

Ўзбекистонда илк марта ёмғир ёғдириш технологияси жорий этилди

Навоий вилоятининг Конимех туманида экологик ва қишлоқ хўжалиги соҳаларида муҳим аҳамиятга эга бўлган инновацион лойиҳа амалга оширилди. Узоқ йиллар давомида туманда ёғингарчиликнинг камлиги, қурғоқчилик ва сув танқислиги чорвачиликнинг ривожланишига жиддий тўсиқ бўлиб келаётган эди.

Ушбу аппарат орқали атмосферадаги табиий жараёнларга таъсир кўрсатиб, булут ҳосил қилиш ва ёмғир ёғдириш имкони яратилади.

@platformauzb

Фойдаланилмаётган деб топилган кўчмас мулк объектлари ва ер участкаларига нисбатан оширилган солиқ ставкалари қўллаш тартиби тасдиқланиши кутилмоқда.

@platformauzb

Айни пайтда Қамчиқ довонида қор ёғмоқда.

@platformauzb

Гульнара Исламовна Каримова қамоқдан чиққани ҳақида жиддий манбалар хабар бермоқда.

Бироқ, Олий суд матбуот котиби бу хабар асоссиз ва ҳақиқатга тўғри келмаслигини маълум қилди.

@platformauzb

2025 йил учун хусусийлаштириш дастури белгиланди
“2025 йил учун хусусийлаштириш дастури тўғрисида” ги Президент Фармони (ПФ-70-сон, 21.04.2025 й.) қабул қилинди

🔰Фармонга кўра, 2025 йилда хусусийлаштиришнинг асосий мақсадли кўрсаткичлари этиб қуйидагилар белгиланди:

🔹30 триллион сўмлик давлат активлари ва ер участкаларини сотиш ва камида 10 триллион сўм тушумни таъминлаш;

🔹давлат ва давлат иштирокидаги корхоналарга тегишли 115 та жамият устав капиталидаги улушларни, 659 та кўчмас мулк объектини ва 6,1 минг гектар ер участкаларини савдога чиқариш;

🔹дастлабки босқичда камида 30 та фойдали қазилма кон
ва участкаларидан фойдаланиш ҳуқуқини савдога чиқариш.

Шунингдек, 2030 йил 1 январгача давлат иштирокидаги корхоналарни ташкил этишга мораторий жорий қилинади.

Майдони 10 минг метр квадратгача бўлган давлат мулки объектлари юқори технологияли маҳсулот ишлаб чиқарадиган тадбиркорларга 5 йил муддатга тўғридан-тўғри текин фойдаланишга берилади ҳамда шартнома шартлари бажарилган тақдирда ушбу тадбиркорларга баҳоланган қийматда тўғридан-тўғри сотилади.

Бошланғич нархини босқичма-босқич пасайтириш механизми қўллангандан кейин ҳам 1 йилдан ортиқ муддатда сотилмаган ва харидорлар учун жозибадор бўлмаган кўчмас мулк объектлари бошқа юридик шахсларнинг устав капиталига улуш сифатида киритилади.

Бозорлар ва савдо мажмуалари устав капиталида маҳаллий давлат ҳокимияти органларининг мажбурий иштирок этиши тўғрисидаги талаб бекор қилинади.

Давлат мулкини ижарага бериш тартиби такомиллаштирилади

Фармонга кўра, давлат мулкини ижарага бериш тартибини такомиллаштириш мақсадида:

ижара шартномаси тузилган кундан ижарага олувчи томонидан йиллик ижара тўловлари 1 ой давомида тўланган тақдирда, унга йиллик ижара суммасидан мазкур шартнома тузилган санадаги Марказий банкнинг асосий ставкаси миқдорида чегирма берилади;

6 ой давомида электрон онлайн аукцион савдоларида ижарага берилмаган объектларнинг бошланғич нархи 50 фоиз пасайтирилган қийматда белгиланади. Бунда бошланғич нарх пасайтирилганда ҳам ижарага берилмаса, ушбу аукцион унда 1 иштирокчи қатнашган тақдирда ҳам, истисно тариқасида, ўтказилган деб ҳисобланади.

2025 йил 1 июлдан Савдо-саноат палатасининг ҳудудий бўлинмаларига “Давлат мулки” ахборот тизими орқали давлат
ва давлат иштирокидаги корхоналар кўчмас мулк объектларини сотиш учун тўғридан-тўғри электрон онлайн аукцион савдоларига чиқариш бўйича ариза бериш ҳуқуқи берилади.

Тадбиркорларни (жумладан, давлат иштирокидаги корхоналарни) тугатиш тўғрисида рўйхатдан ўтказувчи орган хабардор қилинган санадан уларнинг молия-хўжалик фаолияти тўхтатилади ҳамда ер солиғи, мол-мулк солиғи, сув ресурсларидан фойдаланганлик учун солиқ, шунингдек, барча турдаги солиқ ва йиғимлар бўйича пеняларни ҳисоблаб ёзиш, дивидендлар ҳисоблаш тақиқланади.

2025 йил 1 октябрдан эгасиз кўчмас мулк объектларини давлат мулки объекти сифатида давлат рўйхатига олиш бўйича мурожаатлар тегишли судга Давлат активлари агентлиги томонидан киритилади.

@platformauzb

Сергей Лавров ташриф билан Самарқандга келди

Бу ҳақда Ўзбекистон ТИВ раҳбари расмий саҳифаларида маълум қилган: "Россия ташқи ишлар вазири Сергей Лавров жанобларини Самарқандда кутиб олишдан мамнунмиз. Икки ва кўп томонлама кун тартибимиздаги кенг кўламли масалаларни қамраб олган мазмунли музокаралар ўтказишни режалаштирмоқдамиз. Биз Ўзбекистон ва Россия ўртасидаги ҳар томонлама ҳамкорликни халқларимиз фаровонлиги йўлида янада ривожлантиришга интиламиз".

P/S: Ташқи ишлар вазиримизнинг бундай "очиқ"лиги, албатта, таҳсинга лойиқ. Аммо "... жанобларини кутиб олишдан мамнун"лиги шахсий масрурликми, расмийми аниқлик талаб қилади. Кейин Россия томони билан "мазмунли музокаралар" деганда нима назарда тутилади? Бу ҳам одамда хавотир, ҳаяжон уйғотадиган ва бироз энтиктирадиган сиёсий суҳан.

Зотан, биз айни империя билан деярли икки асрдан буён жудаям "сермазмун" алоқада бўлиб келмоқдамиз. Энди бу муносабатлардаги "мазмун" риторикаси ўзгарадими ёки анъанавий тусда қоладими, масала шунда.

@platformauzb

⚡️ГАРОВ ҚОНУНЧИЛИГИ ЯНГИЛАНДИ: КИМНИНГ ҲУҚУҚИ КУЧЛИРОҚ – БАНКНИКИМИ ЁКИ ҚАРЗДОРНИНГ?

2025 йил 22 апрелда қабул қилинган Ўзбекистон Республикасининг ЎРҚ-1060-сонли Қонунига асосан, қарздорларнинг мажбуриятларини бажартириш, гаровга қўйилган мол-мулкни сотиш ва ипотека шартномаларини амалга оширишга оид тизим тубдан янгиланди. Унга кўра, қуйида асосий ўзгаришларни тушунтириб ўтамиз:

☑️ Гаров ҳисобга олиниши ва реализацияси:
▪️Агар қарз 3 ойдан ортиқ муддатда кечиктирилса ёки қарз миқдори гаров қийматининг 25%идан кўп бўлса, мол-мулк судсиз кредитор ҳисобига ўтказилиши мумкин;
▪️Гаров мол-мулки аукцион, ижара, лизинг, бўлиб-бўлиб сотиш, ёки келишув асосида сотилиши мумкин;
▪️Сотиш нархи бўйича келишув бўлмаса, мустақил баҳоловчи ташкилот жалб этилади;
▪️Гаров мол-мулкини сотишдан тушган маблағлар биринчи навбатда кредит мажбуриятларини қоплашга йўналтирилади.

@platformauzb

"Хорижга ишга тайёрлаш маркази” ташкил этилади

Ҳукумат қарорига кўра, меҳнат миграциясидаги фуқароларга субсидия ва кредитлар ажратилади. Энди:

➖Виза, йўл чиптаси, тил ва касб имтиҳонлари харажатлари давлат субсидияси ҳисобидан қопланади;
➖ Немис, инглиз, япон ва корейс тилларидан B1 даражада сертификат олган талабаларни кўп тайёрлаган 50 нафар ўқитувчига — 50 млн сўм берилади;
➖ Миграцияга кетувчиларга 10 млн сўмгача микрокредитлар ажратилади (2 йилга, юқори фоизда);
➖ “Хорижга ишга тайёрлаш маркази” ташкил этилади, “Ягона дарча” орқали хизматлар кўрсатилади;
➖ Арзон ва тартибли автобус қатнови йўлга қўйилади.

@platformauzb

Таълим давлат тилида бўлмаган синфлар битирувчилари ўзбек тилида мажбурий имтиҳон топширадилар

Ҳилола Умарованинг буйруғига асосан Умумий ўрта таълим олувчиларнинг якуний давлат аттестацияси тўғрисидаги низомга ўзгартиришлар ва қўшимчалар киритилди.

@platformauzb

Давлат иштирокидаги йирик корхоналарни халқаро бозорларда хусусийлаштириш тўғрисида ПҚ-145-сон Президент қарори матни.

Унга кўра, 41 та йирик корхона тўлиқ ёки қисман сотилади.

@platformauzb

2025 йил учун хусусийлаштириш дастури Президент фармони билан тасдиқланди.

Рўйхатга йирик давлат корхоналари ва кўчмас мулк объектлари киритилган.

@platformauzb

Давлат тасарруфидаги хусусийлаштириладиган йирик корхоналар рўйхати.

@platformauzb

Йирик давлат корхоналарини хусусийлаштириш бўйича Жамшид Қўчқоров бошчилигида ишчи гуруҳ тузилди.

@platformauzb

Монопол ва йирик корхоналар сотилади, улар ичида Uzautomotors, Mobiuz, Uzbekinvest, GTL, Uzagrosugʻurta, иссиқлик электр станциялари, ТТЗ, Ўзметкомбинат, Технопарк, Ўзагролизинг ва ҳоказолар бор.

@platformauzb

Шавкат Мирзиёевнинг таклифига биноан Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов 23-24 апрель кунлари ташриф билан Самарқанд шаҳрида бўлади.

@platformauzb

❗️ Меҳнат миграциясида бўлган фуқароларга субсидия ва кредитлар ажратиш тартиби белгиланди

Тасдиқланган Низомга кўра, субсидия ва компенсациялар "Xorijda ish" меҳнат миграцияси электрон дастурий мажмуасида рўйхатдан ўтган ва ташкиллаштирилган ҳолда меҳнат миграциясига кетаётган фуқароларга қуйидаги харажатларни қоплаш бўйича ажратилади, жумладан:

🔹чет тиллари ва (ёки) касб бўйича малака имтиҳонларини топшириш харажатларини қоплаш учун, улар муваффақиятли топширилганда ва сертификат олинганда – БҲМ нинг 3 бараваригача;

🔹хорижда меҳнат фаолиятини амалга оширишга "ишчи виза"ни расмийлаштириш харажатларини қоплаш учун - БҲМнинг 5 бараваригача;

🔹йўл чиптасини харид қилиш билан боғлиқ харажатларни қоплаш учун - БҲМнинг 2 бараваригача миқдорда;

🔹немис, инглиз, япон ва корейс тиллари бўйича камида B1 ёки унга тенглаштирилган даражадаги халқаро сертификат олган битирувчилари энг кўп бўлган 50 нафаргача ўқитувчига - 50 миллион сўм миқдорида.

Вақтинча меҳнат фаолиятини амалга ошириш учун ташкиллаштирилган ҳолда ривожланган мамлакатларга чиқиб кетаётган фуқароларга тижорат банклари томонидан 10 млн сўмгача Марказий банкнинг асосий ставкасидан 4 фоиз бандга юқори ставкада 2 йил муддатга микрокредитлар ажратилади.

@platformauzb

Юз кишидан ортиқ одамни тўйига таклиф қилганлар катта миқдорда жаримага тортилади

Парламентдаги манбаларга кўра, 100 нафардан ортиқ киши иштирок этган тўй ўтказган шахсга ва ресторан эгаларига катта миқдорда жарима ҳамда такрорланса ундан ҳам оғир жазолар белгиланиши кутилмоқда.

Бундан ташқари, камчиқим тўй қилганларни рағбатлантириш ҳам назарда тутилган.

@platformauzb

Тўй ва маросимлар тартибга солинади

Президентнинг “Коррупцияга қарши курашиш тизимини янада такомиллаштириш бўйича белгиланган устувор вазифалар ижросини самарали ташкил этишга доир чора-тадбирлар тўғрисида”ги фармони билан тасдиқланган ишлаб чиқиладиган норматив-ҳуқуқий ҳужжатлар рўйхатида келтирилишича, жорий йилнинг август ойигача тўйлар, оилавий тантаналар, маъракалар ва маросимлар ўтказилишини тартибга солиш бўйича парламент палаталари кенгашларининг қўшма қарори қабул қилиниши кўзда тутилган.

Бундан ташқари, тўй-ҳашам, маърака ва маросимлардаги исрофгарчиликларнинг олдини олишга қаратилган тарғибот ишлари кучайтирилади.

@platformauzb

“Ҳокимнинг хизмат машинаси 47 та қоидабузарлик содир этган” – ЙҲХБ Наманган шаҳар ҳокимига жавоб қайтарди

Гўёки халққа жабр бўляпти, деб ноқонуний камералар жарима ёзишини тўхтатишни сўраган Наманган шаҳар ҳокимлиги хизмат машиналари доимий равишда қоида бузиб келган.

@platformauzb

“Ҳокимнинг хизмат машинаси 47 та қоидабузарлик содир этган” – ЙҲХБ Наманган шаҳар ҳокимига жавоб қайтарди

Гўёки халққа жабр бўляпти, деб ноқонуний камералар жарима ёзишини тўхтатишни сўраган Наманган шаҳар ҳокимлиги хизмат машиналари доимий равишда қоида бузиб келган.

@platformauzb

Қандай қилиб миллиардерга айланиш мумкин?

Осиёнинг энг бой миллиардерларидан бири Ли Ка-Шингдан тавсия.

У пластик гуллар сотувчиси сифатида иш бошлади ва телекоммуникация, кўчмас мулк ва энергетика соҳасида империя эгасига айланди. Ҳозирда у 36.2 миллиард доллар бойлиги билан дунёнинг 40 энг бой одамидан бири.

Ли Ка-Шингнинг асосий сабоқлари:

– Даромадни баҳам кўринг. У даромадни 5 қисмга бўлишни маслаҳат беради: яшаш харажатлари, инвестициялар, таълим, дам олиш ва бошқаларга ёрдам бериш.

– Ўзингизга инвестиция қилинг. Кичкина даромадга эга бўлса ҳам, у китоблар, курслар ва малака ошириш учун пул йиғди ва бу унинг ўсиши учун асос бўлди.

– Ҳамма топганингизни сарфламанг. Харажатларда тежамкор бўлиш сизга капитал тўплаш ва имкониятлар пайдо бўлганда ундан оқилона фойдаланиш имконини беради.

– Ҳақиқий бойлик кўп топадиганларга эмас, балки бор нарсасини оқилона бошқаришни биладиганларга келади.

@platformauzb

Ўзбекистонлик зиёратчилар 2025 йилги ҳаж мавсуми учун 78 миллион 670 минг сўм тўлайди — “Дарё”

@platformauzb

Секторлар фаолияти бекор қилиниб, улар ўрнига янги масъуллар белгиланди

Ҳудудларни комплекс ижтимоий-иқтисодий ривожлантириш бўйича секторлар фаолияти қуйидагича янги тартиб асосида йўлга қўйилсин:

а) прокурор, ички ишлар ва солиқ органлари раҳбарлари секторлар фаолияти бўйича юклатилган вазифалардан озод этилади;

б) секторлар ишига Бош вазир ўринбосарлари ва Ўзбекистон маҳаллалари уюшмаси ҳамда унинг ҳудудий бўлинмалари масъул этиб белгиланади.

Вазирлар Маҳкамаси икки ой муддатда секторларнинг янги тартиб асосида фаолият юритиши бўйича Ўзбекистон Республикаси Президенти қарори лойиҳасини киритсин.

@platformauzb

Низомий номидаги Тошкент давлат педагогика университети эндиликда Ўзбекистон миллий педагогика университети деб номланади

"Тошкент давлат педагогика университетини трансформация қилиб, Ўзбекистон миллий педагогика университетини ташкил этиш, келажак педагоглари лойиҳасини амалга ошириш режалаштирилмоқда. Университет барча ҳудудлардаги педагогика институтлари учун таянч олийгоҳ бўлади." - Президент

@platformauzb

2027 йил 1 январгача ҳуқуқий эксперимент тариқасида:

▫️Соғлиқни сақлаш, Қурилиш ва уй-жой коммунал хўжалиги , Сув хўжалиги вазирликлари, “Ўзбекнефтгаз” ва “Ўзсувтаъминот” АЖларнинг коррупцияга қарши курашиш бўлинмалари Коррупцияга қарши курашиш агентлигига ўтказилади;

Улар бевосита Агентликка бўйсунади, шунингдек, фаолиятини ташкил этиш, мувофиқлаштириш ва мониторинг қилиш эксперимент ўтказиладиган ташкилотлар билан биргаликда амалга оширилади;

Мазкур бўлинмалар раҳбарлигига Агентлик ходимлари тайинланади ва уларга Агентликнинг бўлим бошлиғига белгиланган меҳнатга ҳақ тўлаш, моддий рағбатлантириш ва ижтимоий ҳимоя қилиш шартлари қўлланилади.

Агентлик ҳуқуқий экспериментнинг амалга оширилиши ҳақида ҳар ярим йилда Коррупцияга қарши курашиш миллий кенгашига ахборот киритиб боради.

@platformauzb

"Коррупцияга қарши курашишда давлат органлари ва ташкилотларининг ички назорат тузилмалари мустақиллиги ҳамда фаолияти самарадорлигини таъминлаш чора-тадбирлари тўғрисида"ги Президент қарори қабул қилинди.

Қуйидагилар коррупцияга қарши курашиш бўлинмаларининг устувор вазифалари этиб белгиланди:

➖коррупция ҳолатларини барвақт аниқлаш ва олдини олиш, уларнинг сабаб ва шарт-шароитларини бартараф этиш;

➖давлат хизматларини кўрсатишда коррупсиявий омилларни бартараф этиш, рақамлаштириш, бюрократияни қисқартириш бўйича таклифлар ишлаб чиқиш;

➖давлат харидларини амалга оширишда манфаатлар тўқнашувига йўл қўймаслик чораларини кўриш, давлат харидлари бўйича превентив ўрганишларни амалга ошириш;

➖меҳнат жамоасида коррупсияга нисбатан муросасиз муносабатни шакллантириш, манфаатлар тўқнашуви ва одоб-ахлоқ қоидалари бўйича тарғибот ва ташвиқот ишларини олиб бориш.

Коррупцияга қарши курашиш бўлинмалари бевосита ташкилотнинг биринчи раҳбарига, устав фондида давлат улуши 50 фоиз ва ундан ортиқ бўлган хўжалик жамиятларида эса кузатув кенгашига бўйсунади ва унинг олдида ҳисобдор бўлади;

Тузилманинг барча даражадаги раҳбар ва ходимлари республика даражасидаги давлат органлари ва ташкилотларининг биринчи раҳбарлари томонидан тайинланади.

Коррупцияга қарши курашиш агентлигининг ходимларни моддий рағбатлантириш тўғрисидаги тақдимномалари улар фаолият олиб бораётган давлат органлари ва ташкилотлари томонидан кўриб чиқилиши мажбурий ҳисобланади.

@platformauzb

Мактабгача ва мактаб таълими соҳасидаги ходимлар кўп йиллик хизмати учун рағбатлантирилади — Президент фармони

Фармонга кўра:

Мактабгача ва мактаб таълими вазирлиги, унинг тизимидаги агентлик ҳамда марказлар, ҳудудий ва туман (шаҳар) бўлинмалари ходимларининг кўп йиллик хизмати учун рағбатлантириш тизими жорий этилади.

2025 йил 1 сентябрдан:

➖ умумий ўрта таълим ташкилотлари директори лавозимининг базавий тариф ставкаси 20 фоизга;

➖ умумий ўрта таълим ташкилотлари директори ўринбосари лавозимининг базавий тариф ставкаси 15 фоизга;

➖ I ва II гуруҳга кирувчи мактабгача таълим ташкилоти директорлари лавозимларининг базавий тариф ставкалари тегишлича III ва IV гуруҳдаги умумий ўрта таълим ташкилоти директори ўринбосари лавозимининг базавий тариф ставкаларига тенглаштириш орқали оширилади.

2026 йил 1 январдан умумий ўрта таълим ташкилотларининг директор жамғармаси маблағлари ҳисобидан директор ва унинг ўринбосарларига фаолият самарадорлиги кўрсаткичлари (KPI) натижасига кўра базавий тариф ставкаларига нисбатан тегишлича 20 ва 10 фоиз миқдорида ҳар ойлик устамалар белгиланади.

@platformauzb

Осиё чемпионларига президент совғалари тайёрлаб қўйилди!

@platformauzb

Футбол бўйича Ўзбекистон ўсмирлар терма жамоаси бош мураббийсига Исломбек Исмоилов «Ўзбекистон Республикасида хизмат кўрсатган спорт устози» фахрий унвони билан, футболчилар эса «Келажак бунёдкори» медали билан тақдирланди.

Шунингдек, Ўзбекистон Миллий телерадиокомпаниясининг «Sport» ижодий бирлашмаси бош мутахассиси Отабек Джураев ва «Футбол ТВ» телеканали муҳаррири Орифжон Толипов «Шуҳрат» медали билан мукофотланди.

@platformauzb

​​Ифтихор

МУРАББИЙНИНГ ДЕГАНЛАРИ

Футбол бўйича 17 ёшлилар ўртасида ўтказилган Осиё чемпионатида Ўзбекистон терма жамоаси финалда мезбонлар Саудия Арабистони ёшларига қарши тўп тепди. Ўйиннинг биринчи таймидаёқ ҳакамлар бизнинг икки нафар футболчимизни майдондан четлатди. Ўн беш дақиқалик танаффусга ёшларимиз руҳий оғриқ билан чиқди. Бироқ шундай ўта мураккаб паллада бош мураббий Исломбек Исмоилов барча юкни ўзига олиб, болаларни уйғотувчи сўзлар айтди.

Шикоят бефойда – бўлди бўлар иш,
Бу ёғига бардам турмоқлик керак.
Керакмас десангиз мабодо кумуш –
Гол ўтказиш эмас, урмоқлик керак!

Бандаси доимо бўлолмас холис,
Сотиб олиш мумкин барча одамни.
Каъбада турса ҳам Каъбадан олис
Ҳакамга эслатинг Олий Ҳакамни!

Тўққиз кишимиз деб сиқилманг зинҳор,
Ўқинг “Тарих” деган китобни бир-бир.
Ўн икки минг қўшин билан улуғвор
Юз минг аскарни ер тишлатган Бобур!

Ҳамон тўп юмалоқ – текисдир майдон,
Биттангиз, шубҳасиз, ўнга татийсиз!  
Дарс бериб қўйинг арабга, зотан –
Ҳар бирингиз битта Замахшарийсиз!

Қонингизда оқар кўҳна жасорат,
Интилган инсонга толе ҳам ёрдир.
Уддалаб бўлмасдек кўринар гарчанд –
Ўлимдан бошқасин иложи бордир.

Бизга қадалгандир дунёнинг кўзи,
Ўйнанг ўзни босиб, жилмайиб-кулиб...
Шундай зафар қучинг – рақибнинг ўзи
Сизни табрикласин биринчи бўлиб!

Эй миллат кўксида унган лолалар,
Ҳақиқат синмагай, гарчи букилди.
Бу шунчаки кубок эмас, болалар,
Ўйинга ўзбекнинг ори тикилди!

Ҳа, айтганча, ўртоқ Неъматуллоҳжон,
Дарвозани ёпинг – қил ҳам сиғмасин.
Омад кулиб, агар бўлсак чемпион –
Қошни қимирлатиш эсдан чиқмасин!

Тақдирда бўлмайди эрта ёки кеч,
Бошида йиғлатса, охир кулдиргай.
Икки киши каммиз дея қўрқманг ҳеч –
Бирин халқ, бирини Худо тўлдиргай!

Ватан деб рақибни енгдингиз кўплаб,
Майли, ота-она, дўст-ёрни ўйланг.
Энди бир илтимос, бор кучни тўплаб,
Мураббийлар учун, мен учун ўйнанг!

Бирлашинг – бир бўлинг, бир жон – бир нафас,
Ҳеч кимни айбламанг, қилманг оҳу зор.
Ва охирги сўзим — сиз тўп тепинг, бас,
Худога ишонинг! У, албатта, бор!

Зоҳиджон ОЛОВ,
Ўзбекистон Ёзувчилар уюшмаси аъзоси.

21.04.2025

@platformauzb

Футболчиларимизга Cobalt, мураббийларга Chevrolet Tracker совға қилинади

Футбол бўйича Ўзбекистон ўсмирлар терма жамоасининг Осиё чемпионатидаги ғалабаси учун президент совғаси сифатида Chevrolet Cobalt, мураббийларга эса Chevrolet Tracker автомобиллари совға қилинади.

Жамоа бугун соат 19:00 да Тошкентга етиб келади.

@platformauzb

Тўқаев Yandex Global раҳбари билан учрашди

Яқинда Қозоғистон Президенти Қосим-Жўмарт Тўқаев Yandex Global компанияси бош директори Даниил Шулейко билан учрашув ўтказди. Охирги йилларда Yandex Qazaqstan Қозоғистон иқтисодиётида сезиларли ўринга эга бўлиб улгурди. Суҳбат чоғида фақатгина мавжуд ютуқлар эмас, балки компания мамлакатда бошлаб юборган тизимли трансформация жараёнлари ҳам муҳокама қилинди.

Бу масалада рақамларга мурожаат қилинса:
✅Қозоғистон иқтисодиётига 225 миллиард тенгеден ортиқ инвестиция
✅Фақат 2024 йилнинг ўзида 30 миллиард тенге миқдорида тўланган солиқлар
✅65 000 дан зиёд Яндекс такси ҳайдовчилари платформадан фойдаланиш орқали ижтимоий ҳимояга эга бўлишди.

Президент Тўқаев рақамли ечимларни ривожлантириш маданий ўзликни асраш билан уйғунликда бориши лозимлигини таъкидлади. Қозоғистон фақат инвестицияга эмас, балки технология ва маданият ўртасидаги мувозанатга ҳам катта аҳамият бермоқда — бу эса жуда ижобий тенденция.

Батафсил.

@platformauzb

Бадриддинов Зиёвиддин Боситович Энергия самарадорлиги миллий агентлиги директори этиб тайинланди.

У 2019 йилдан буён Ўзбекистон республика товар-хом ашё биржасида бошқарув раиси лавозимида фаолият юритиб келаётган эди.

@platformauzb

Ички ишлар органига ишга кириш учун онлайн-ариза топшириш мумкин.

Бу бўйича видеоқўлланма тайёрлашибди.

@platformauzb

Ички ишлар вазирининг буйруғи билан:

➖Бухоро вилояти ИИБ бошлиғининг ўринбосари – Тергов бошқармаси бошлиғи,

➖Бухоро вилояти ИИБ Ҳуқуқий статистика ва тезкор ҳисоб маълумотлар маркази бошлиғи,

➖Бухоро шаҳар ИИО ФМБ бошлиғининг ўринбосари – Жамоат хавфсизлиги хизмати бошлиғи,

➖Ғиждувон тумани Ички ишлар бошқармаси бошлиғининг биринчи ўринбосари – Тезкор қидирув хизмати бошлиғи

➖яна бир ўринбосари — Тергов бўлими бошлиғи,

➖Когон тумани Ички ишлар бўлими бошлиғининг биринчи ўринбосари – Тезкор қидирув хизмати бошлиғи эгаллаб турган лавозимидан озод этилди.

Шунингдек, вилоят ИИБ Жамоат хавфсизлиги хизмати бошлиғининг ўринбосари – Ҳуқуқбузарликлар профилактикаси бошқармаси бошлиғи, Тергов бошқармаси бошлиғининг икки нафар ўринбосари, вилоят ИИБ Котибият бошлиғи, Ғиждувон тумани Ички ишлар бошқармаси бошлиғининг ўринбосари – Жамоат хавфсизлиги хизмати бошлиғи, Когон тумани Ички ишлар бўлими бошлиғи ва унинг ўринбосари – Жамоат хавфсизлиги хизмати бошлиқларига интизомий жазолар қўлланилди.

@platformauzb

Президентнинг тегишли қарорига мувофиқ Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси ўринбосари Қаюмов Асадулла Уролович бошқа ишга ўтиши муносабати билан лавозимидан озод этилди.

А.Қаюмов “Ўзбекистон республика товар-хом ашё биржаси” АЖ бошқарув раиси лавозимига тайинланиши кутилмоқда.

@platformauzb

Ўсмирлар ўртасидаги Осиё кубогида 17 ёшли футболчиларимиз чемпион бўлишди. Баракалла!

Финал: Ўзбекистон - Саудия Арабистони 2:0

@platformauzb

Энди Ўзбекистонда Wildberrie, Ozon, AliExpress ва бошқа онлайн-дўконлардан товарларга буюртма бериш анчагина қимматлашади

2025 йил 1 майдан бошлаб ҳукумат янги чекловлар жорий қилади. Энди сиз хорижий онлайн-дўконлардан ойига 200 АҚШ доллари миқдоридаги товарларга буюртма беришингиз мумкин (илгари - ҳар чоракда 1000 доллар эди). Ушбу суммадан юқори бўлса, сиз 30% бож тўлайсиз.

Илгари ҳар бир буюртма учун 7500 сўм (1 кг гача) божхона тўлови жорий қилинган эди.

@platformauzb

Экология вазири маслаҳатчиси Р.Кушербаев Янгийўл тумани ички ишлар бўлимига чақирилганлиги юзасидан расмий ахборот

Бобур Туляганов
Тошкент вилояти ИИББ ахборот хизмати раҳбари:

- Маълум қиламизки, жорий йилнинг 19 апрель куни фуқаро Р.Ф. Янгийўл тумани ИИБга киритган шикоят аризасида, Экология вазирининг маслаҳатчиси Р.Кушербаев, унга нисбатан ижтимоий тармоқлар орқали шахсни шаъни ва қадр-қимматини камситувчи ҳамда ҳақорат қилувчи маълумотлар тарқатганлигини баён қилган.

Ушбу иш доирасида ҳозирги вақтда терговга қадар текширув ишлари олиб борилаётганлиги муносабати билан, жорий йилнинг 19 апрель куни Р.Кушербаев қонунда белгиланган тартибга кўра, ИИБга чақиртирилган ва тегишли процессуал ҳаракатлар амалга оширилди.

Жиноят-процессуал кодексининг 157, 159-моддаларига асосан терговга қадар текширувни ҳар томонлама тўлиқ ва сифатли олиб борилишини таъминлаш ҳамда аризачи баён этган ҳолатларга аниқлик киритиш учун тергов бўлинмаси томонидан қарор чиқарилиб, Р.Кушербаевга тегишли мобиль телефони вақтинча олиниб кўздан кечирилган.

Мазкур иш доирасида, процессуал ҳаракатлар давом эттирилмоқда.

Р.Кушербаев ва айрим жамоатчилик фаоллари томонидан тарқатилаётган гўёки асоссиз ариза бўйича ушлаб турилиши, мобиль телефоннинг аҳамиятсиз олиб қўйилиши ёки қандайдир алоҳида суриштирувлар олиб борилаётганлиги ҳақидаги хабарлар ҳақиқатдан йироқ эканлигини таъкидлаймиз.

Фуқаронинг аризаси мамлакатимизнинг қонун ҳужжатларига кўра, тўлиқ текширилиши ва ҳуқуқий баҳо берилиши таъминланади.

Шу билан бирга, ҳар бир процессуал ҳаракатнинг асослилиги ва қонунийлиги устидан ўрнатилган тартибда шикоят келтирилиши ҳам мумкинлигини эслатиб ўтамиз.

Ўзбекистон Республикасининг “Жамоатчилик назорати тўғрисида”ги, “Оммавий ахборот воситалари тўғрисида”ги ҳамда “Ахборотлаштириш тўғрисида”ги қонунларга мувофиқ, жамоатчилик субъектларидан асоссиз маълумот тарқатмасликларини сўраймиз.

Қонунлардаги ахборот тарқатиш юзасидан белгиланган талаблар барча учун мажбурийдир.

Ҳуқуқни муҳофаза қилиш органларининг фаолиятига аралашиш ва маълум бир мақсадда ишни кўриб чиқиш натижаларига, шу жумладан оммавий ахборот воситалари ва ижтимоий тармоқлар орқали таъсир қилишга уруниш, белгиланган тартибда жавобгарлик келтириб чиқаришини эслатиб ўтамиз.

@platformauzb

Андижон шаҳри ҳокими ишдан олинган, - Манба

Андижон шаҳри ҳокими Ғофуржон Абдураҳмонов лавозимидан озод этилгани айтилмоқда. Бу ҳақда бир-биридан мустақил “Daryo” манбалари хабар бермоқда.

Манбаларга кўра, ҳоким Ғофуржон Абдураҳмонов 19 апрель куни вилоят ҳокимлигига чақирилиб, ариза ёзиш сўралган. Бу қарор шаҳар бандлик бўлими бошлиғининг иш вақтида психотроп модда истеъмол қилгани билан боғлиқ бўлиши мумкин. Аммо вилоят ҳокимлиги матбуот хизмати ҳозирча бу хабарни расман тасдиқламади.

@platformauzb