Нукусда кеча ўртача суткали хаво харорат шу кун учун хос иқлимий меъердан нақ 12 даражагача юқори кузатилган.

Бу ҳақида Ўзгидромет маълумот бермоқда. Ва кечаги макчимал ҳаво харорати Нукус яқин тарихидаги 26 апрель кунларидаги энг юқори ҳароратни тақдим этган. Олдинги рекорддан 3 даража юқори қайд этилган.

Ўзгидромет

29 апрель куни Қорақалпоғистон Республикаси ва Хоразм вилояти ҳудудларида ҳарорат ҳозиргидан қарийиб 15 даражага пасаяди.🌡📉

Ўзгидрометга кўра, сешанба куни шимолда кундуз куни максимал ҳаво ҳарорати +15...+20 даражага етса, тунда +8...+13 даражагача пасаяди. Бу республиканинг фақат шимол ҳудудига хос бўлиб, бошқа вилоятларда ушбу кунлари ҳарорат шимолдаги каби пасайиб кетиш тамоилига эга эмас.

🕑 14:00

Фактик об—ҳаво

Республиканинг кўплаб марказий шаҳарларида ҳаво ҳарорати кишиларнинг ўртача тана ҳароратига яқин қийматларга етди.

Бухоро шаҳрида эса +38.2 даража иссиқ ҳарорат кузатилмоқда.

Ўзгидромет

@uzb_meteo

Бугун соат 14.00 ҳолатига Бухоро шаҳрида +38.2 даража иссиқ ҳарорат қайд этилган.

Бухоро шаҳрида апрель ойлари учун кузатилган мутлақ рекорд ҳам шу қийматга тенг. У 2021 йил апрелнинг сўнгги кунларида рўйхатга олинган.

Эҳтимолий бугун Бухоро шахрида апрель ойлари учун кузатилган энг юқори ҳарорат рекорди янгиланади.

Агросаноатни ривожлантириш агентлиги вазифалари белгиланди

Ҳукумат қарори билан Қишлоқ хўжалиги вазирлиги ҳузуридаги Агросаноатни ривожлантириш агентлигининг вазифалари белгиланди. Ҳужжат билан Агросаноатни ривожлантириш агентлиги тўғрисидаги низом тасдиқланган.

Қуйидагилар агентликнинг асосий вазифалари этиб белгиланди:

➖интенсив (маҳсулдор) мевачилик, узумчилик, иссиқхона хўжаликларининг барқарор ривожланишини таъминлаш ва экспорт салоҳиятини оширишга қаратилган мақсадли комплекс дастурларни амалга ошириш;

➖замонавий ресурс тежовчи технологияларни, шу жумладан томчилаб ва ёмғирлатиб суғориш тизимларини қўллаган ҳолда интенсив (маҳсулдор) боғлар ва иссиқхона хўжаликлари майдонларини кенгайтириш чораларини кўриш;

➖соҳада илмий ютуқлар, илғор илмий ишланмалардан фойдаланиш;

➖қишлоқ хўжалиги маҳсулотлари ишлаб чиқаришни саноатлаштириш чораларини кўриш;

➖боғ қатор ораларига қишлоқ хўжалиги экинларини экиш ва улардан самарали фойдаланишни ташкил этиш;

➖соҳада “даладан дастурхонгача” тамойили асосида қўшилган қиймат занжирини жорий этиш;

➖мевалар, узум ва бошқа навларнинг миллий брендларини яратиш чораларини кўриш.

Бухоронинг Қоракўл ва Олот туманларида кузатилган кучли бўрон бўлганига бугун беш йил бўлди.

''Бўрон зонаси шаклланиши ғарбий циклоннинг Ўзбекистондан ўтиш пайтида айнан Бухоро ва Навоий, Туркманистоннинг Лебап вилоятларида 27 апрел кундуз куни ҳаво ҳароратининг кескин исиб кетиши(+34 +37°C) сабаб ҳосил бўлган. Ғарбий циклоннинг илиқ сектори 27 апрел кечга бориб, совуқ жабҳада тез ҳаракатланадиган ҳаво массалари билан тўқнаш келади''.

Бу сувайриғич кечга бориб қуёш ботишидан сўнг, атмосферанинг вертикал кесимида ҳаво ҳарорати фарқларини, у эса атмосфера босимидаги кескин ўзгаришларни юзага келтирди.

2020 йил 27-апрел Бухорода одатий кеч кириши. Шамол йўқ, кам булутли ҳаво. Гўёки ҳаммаси жойида сокин вазият. Кеч соат 19:50 да Қоракўл туманидаги "Қоракўл" метеорологик станция кузатувчиси одат бўйича станцияда кузатилаётган метеорологик қийматларни ўз дафтарчасига қайд этиш билан овора.

Кузатувчи метеорологик ўлчов, босим қийматини қайд этиш учун станция биноси ичига ўрнатилган барометр кўрсатгичларига кўз югуртирди. Босим фарқини охирги уч соатликдаги ўзгариш қийматларини ўз дафтарчасига киритди. Охирги уч соатликдаги атмосфера босими фарқи ақл бовар қилмас даражада фарқли эди.

Сўнгги 3 соатда қарийиб, 6 гПа фарқ... Буни кузатувчи пайқамади. Айнан Қоракўл ва унга ёндош ҳудудларда атмосфера босимининг кескин юқори кўтарилаётгани яқин вақт оралиғида ўта кучли шквал шамоллари юзага келиши мумкинлигига ''ишора'' эди.

Соат 20:05 лар орасида кучли бўрон биринчи қўшни республика Лебап вилоятининг Туркманобод шаҳарчасига яқин ҳудудларда бошланди. Ҳаракат Ўзбекистоннинг Бухоро вилояти Олот ва Қашқадарё вилоятининг Туркманистон билан чегарадош ҳудудлари томон йўналган эди.

Бўрон зонаси марказ қисми Лебап вилояти Фароб шаҳарчаси ва унга ёндош Бухоронинг Олот туманида эканлиги кўринади. Бўрон пайтида шамол тезлиги Қоракўлда максимал 35 м/с, Жиззахнинг Ғарбий Арнасойда 40 м/с гача қайд этилган

Бўрон ўзи билан бирга катта талофатлар келтириб чиқарди. Бўрон ортидан Бухорода 1 киши вафот этди. 40 дан ортиқ инсонлар жароҳатланди. Туркманистонда норасмий маълумотларга кўра, бўрон ва чанг ҳаводан 10 киши вафот этган. Жароҳатланганлар юзлаб кишиларни ташкил этган бўлиши мумкин

Бухоро вилояти Қоракўл ва Олот туманларида табиий офат пайтида алоқа ва электр таъминоти тизими буткул ишдан чиққан, 5293 хонадон том ёпилмалари, 415 дона автомашина зарар кўрган. Бухоро вилоятида қишлоқ хўжалиги экин майдонлари кучли зарарланган.

Ҳисоб китобларга кўра, табиий офат умумий қишлоқ хўжалик маҳсулотлари ғалла майдонининг 20,8%ини, боғларнинг 27,1%ини зарарлаган. Йўқотилган мева ҳосили қарийиб 20 минг тонна. 42400 дона дарахт синган. Рақамлардан кўринадики, иқтисодий зарар кўлами жуда ҳам катта бўлган.

@uzb_meteo

Бугун ҳудудларда ҳаво ҳарорати +35 даражагача кўтарилади.

Ёғингарчилик кутилмайди. Чўл ҳудудларида шамол тезлиги сониясига 15 — 20 метргача эсиб, чанг тўзонни келтириб чиқариши мумкин

Ўзгидромет

Бугун шимолнинг кўплаб кузатув пунктларида +38 даражадан юқори ҳарорат кузатилди.

Бугун жуда ҳам юқори иссиқлик тўлқини Қорақалпоғистон Республикаси, Хоразм вилояти кўплаб кузатув пунктлари ҳамда Навоий вилояти бир чўл станцияда ҳаво ҳарорати максимуми +38 даражадан юқори кузатилишига олиб келди.

Қуйида Ўзгидромет кузатув пунктларида +38 даражадан юқори иссиқ кузатилганлари келтирилмоқда.

Қорақалпоғистон Республикасида:
➖ Қўнғирот +38°С;
➖ Чимбой +38.2°С;
➖ Бўстон +38.8°С;
➖ Тахиатош +38.8°С
➖ Тахтакўпир +38.9°С

Хоразм вилоятида:
➖ Туямўйин +38.7°С;
➖ Урганч +38.8°С;
➖ Гурлан +38.9°С;
➖ Хива +39.3°С

Навоий вилоятида:
➖ Бузаубай +38.2°С

Эртага иссиқлик тўлқини шимолдан яна ҳам шарққа яъни республика маркази томон силжийди.

🕔 17:00

Фактик об-хаво

Рекорд янгиланди.

Урганча соат 17.00 ҳолатига ҳаво ҳарорати +39 даражага етди.

Бу Урганч учун кузатувлар тарихида апрель ойи учун кузатилган мутлақ рекорд қийматдир.

Ўзгидромет

@uzb_meteo

Об—ҳаво ва қишлоқ хўжалиги.

Кун.ўз нинг навбатдаги шу мавзудаги рукнида келаётган ўн кунликда бизни қуруқ ва иссиқ об—хаво муҳити кутаётгани, бу эса қишлоқ хўжалик тармоғида кўпроқ сув истеъмолини келтириб чиқариши, зараркунандалар хавфи ошириши мумкинлиги ҳақида суҳбат қурдик.

Эндиги бу иссиқ ортидан тоғ ва тоғ этакларида сел—сув тошқинлари талофат кўлами жиҳатидан хавфли бўлиши хақида хам фикрлар кетган.

Кўринг: https://youtu.be/6BiFlyoNAXk?si=-MaVAO8J00a0bC1R

Туркманистон пойтахти Ашхабодда ҳам соат 14.00 ҳолатига қарийиб +40 даража иссиқлик кузатилмоқда (+39.5°С).

Ва бу Ашхабодда кузатувлар тарихида апрель ойи учун мутлақ рекорд иссиқ ҳарорат ҳисобланади.

🕑 14:00

Фактик об—ҳаво

Нукус ва Урганчда қарийиб +40 даражали иссиқлик кузатилмоқда. Апрель ойида... Ҳаааа

Шимолдаги иссиқлик тўлқини эртага республика маркази, душанба куни эса республиканинг асосий аҳоли истиқомад қиладиган вилоятларини 'ёндиради'.

Ўзгидромет

@uzb_meteo

Тузатма.

2023 йил апрел ойининг сўнгги саналарида ҳам Урганчда +38.2 даража иссиқ ҳарорат қайд этилган экан.

Демак, соат 14.00 ҳолатига бу кўрсаткич яна такрорланди. Кун қизишда давом этмоқда. Урганчда бугун барибир рекорд янгиланади.

🕑 14:00

Фактик об—ҳаво

Урганчда +38 даражадан юқори ҳарорат кузатилмоқда.

Менимча, Урганчда кузатувлар тарихида апрель ойида кузатилмаган иссиқлик рекорди ҳозиргина янгиланди.☀️

Ўзгидромет

@uzb_meteo

Келаётган душанба куни пойтахтда апрель ойлари учун сўнгги 160 йилликда кузатилмаган энг иссиқ ҳарорат рекорди янгиланиши мумкин.

Ўзгидромет 28 апрель куни пойтахтда ҳарорат +38 даражагача етиши мумкинлигини прогноз қилган.

Пойтахтда апрель ойи учун энг юқори ҳарорат сўнгги 1.5 асрдан кўп вақт давомида 2006 йилда кузатилган бўлиб, ўшанда термометр устини Тошкентда +36.4 даражага етган. Бу ҳозиргача пойтахт учун апрель ойларида кузатилган мутлақ энг иссиқ харорат ҳисобланади.

@uzb_meteo

Тошкент зилзиласига нақ 59 йил бўлди.

1966 йил 26 апрель санаси соат тонгги 05.23 муддатда эпицентри пойтахтнинг 8 км чуқурлигида 5.3 магнитуда кучли зилзила содир бўлган. У пойтахт инфраструктурасига 7—8 баллик сезилиш билан вайроналар тақдим этган.

Тошкент шаҳри ҳудуди сейсмик потенциали юқори бўлган зонада жойлашган бўлиб, ҳудудда магнитудаси М≤6,5 бўлган зилзилалар содир бўлиш хавфи юқори.

Тарихий ва инструментал маълумотлар базасига кўра, шаҳар ҳудудида 1868, 1886, 1924 ва 1966 йиллари магнитудаси М=6.5, М=6.0 ва М=5.3 сейсмик жадаллиги бўйича 7, 8-9 баллик зилзилалар қайд қилинган.

Шунингдек, 1980 йилда магнитудаси М=5.5 бўлган сейсмик жадаллиги 8 баллган тенг Назарбек зилзиласи содир бўлган.

Тошкент шаҳар ҳудудини жанубий ғарб йўналишида кесиб ўтувчи Қоржонтов тектоник ер ёриғи доимий ҳаракатланиши натижасида кучли зилзилалар содир бўлиб келмоқда.

Ҳозирда атмосфера босимининг пасайиши фонида кўпчилик организмида умумий ланжлик ва бош оғриғи кузатилмоқда.

Айниқса, ҳозирги об—ҳаво муҳити ёши катталар саломатлигида ўзгаришларни тақдим этади. Марказида атмосфера босими паст ва жуда иссиқ ҳаво тўлқини республика маркази ва шимолидан ўтмоқда.

Бунда ҳаво қизиб, камига ҳавода кислород камаяди. Заминдан юқори осмонга кўтарилуви сезилар сезилмас куч сабаб, ҳаво ифлосланиши рўй беради. Ҳозирги муҳитда бу ифлосланиш ҳам гул чанг, ҳам табиий чангларни осмонга кўтармоқда. Кишиларда аксириш ҳолатларини 'чақиради'.

Ҳозирги таъсирлар бош оғриғи, умумий ланжлик бу магнит бўронидан эмас. Чунки у айни ҳозир ва сўнгги 6 соатликда ионосферада 2 баллик хавфсиз 'яшил' даражадаги қўзғалишга эга.

#медицина_метеорологияси

Бугун ҳудудларда ҳаво ҳарорати +34 даражагача исийди.

Ёғингарчилик кутилмайди.

Ўзгидромет

2025 йил учун Амударё сувини тақсимлаш лимитлари белгиланди.

2025 йил 4—5 апрелда Самарқанд шаҳрида Марказий Осиё давлатлари иштирокида 89-сонли ҳукуматлараро йиғилиш бўлди.

"Метеожурнал" га кўра, Самарқандда ўтган иқлим форумида Амударё дарёсидан олинадиган сув миқдори бўйича ҳам лимитлар тасдиқланган. Бу лимитлар 1992 йилдаги келишувга асосланган ва ҳар йили шу ҳужжат бўйича қайта тасдиқланади.

Шундай қилиб, 2025 йил учун сув лимитлари:
Туркманистон – 22 км³ (вегетация даврида 15,5 км³)
Ўзбекистон – 22 км³ (вегетация даврида 16 км³)
Тожикистон – 9,942 км³ (вегетация даврида 7,003 км³)

Аммо сўнгги йилларда Туркманистон ва Ўзбекистон ўз лимитларига тўлиқ ета олмаяпти. Бу сувни тежаш эмас, балки сувнинг етарли эмаслиги билан боғлиқ.

Шунингдек, энди Афғонистон ҳам Амударёдан сув олади, лекин 1992 йилдаги келишувга у киритилмаган, шунинг учун унинг сув олиниши ҳар доим ҳисобга олинмайди.

Сўнгги йилларда Амударёдан ҳақиқий сув олиш ҳажми статистикаси:
2024 йилда умумий 48,9 км³ сув олинган. Энг кўп сув олган давлат – Туркманистон (20,1 км³), бу умумий миқдорнинг 41,2%ини ташкил қилади.

2023 йилда – 47,5821 км³. Туркманистон яна биринчи ўринда (19,9 км³), бу 42% демакдир.

Амударёдаги сув оқими шаклланиши (Карақум каналигача):
2020 — 49,294 км³
2021 — 49,527 км³
2022 — 53,156 км³
2023 — 55,37 км³
2024 — 56,3 км³

П/С: Тўрт ҳукумат сўнгги илмий ютуқларни қўллаган ҳолда Амударё сувидан фойдланиш бўйича 1992 йилдаги битимни янгилаши мақсад мувофиқдир. Бу ҳақида олдинроқ эффект.ўзда чиққан материалда ҳам айтиб ўтгандим.

Унда фильтрация, буғланиш орқали йўқотишлар, ҳар бир мамлакатдаги қишлоқ хўжалик майдони, аҳоли сони билан боғлиқ статистика ва экологик мақсадлар учун (хусусан, Оролбўйи ҳудудига) сув ажратиш ҳам ҳисобга олиниши керак. 'Қанча қолса шунча' тамоилидан воз кечиш керак.

#Гидрологик_ишлар

25 ва 27—30 апрель кунлари республиканинг 8 та вилояти тоғ ва тоғ олди туманларида сел келиш хавфи эълон қилинди.

Ўзгидромет

2024 йил якунлари бўйича давлат тузилмалари фаолияти очиқлик индекси эълон қилинди.

Унда афсуски, 100 га яқин тузилма ичида Ўзгидромет 'қизил' хавф доирасидаги сўнгги ташкилотлар рўйхати қаторига киритилган.

Ўзгидромет агентлиги билан бир қаторда Фармацевтика тармоғини ривожлантириш, Киноматография ва Миллий Антидопинг агентликлари ҳам тизимнинг иш самарадорлиги, натижаларни баҳолашга қаратилган очиқлик индексида жуда ҳам паст натижага эга бўлган.

Ўз соҳасини рақамлаштирган Солиқ қўмитаси, йирик солиқ тўловчилардан Ўзавтосаноат АЖ, 'Олмалиқ' ва 'Навоий' кон—металлургия комбинати АЖлар иш самарадорлиги жуда ҳам яхши баҳоланган олд қаторда баҳоланди.

Сўнгги пайтлар биз учун озиқ—овқат хавфсизлик масалаларида муҳим шерикларимиздан бири жануб икки мамлакат ўртасида кескинлик ортмоқда.

Ҳиндистон ва Покистон мамлакатлари сўнгги йилларда озиқ—овқат хавфсизлик масалаларида биз каби Марказий Осиё мамалакатлари учун муҳим товар айирбошловчи шерик сифатида қаралади.

Чунки, иқлим омиллар сабаб, келгусида ҳам биз улар билан узоқ йиллик истиқболли шерикка айланамиз. Бизда қишлоқ хўжалиги яхши бўлган йил уларда ёмон, уларда яхши бўлса бизда ёмон бўладиган иқлимий вазият билан боғлиқ тамоил бор.

Қолаверса, қиш ойларида бирламчи озиқ—овқат нархларини мувозанатда ушловчи мезон ҳам шу жануб мамлакатлардир.

Энди эса бу икки мамлакат ўртасида уруш кайфияти яна энг юқори босқичга чиқиш арафасида турибди. Ҳиндлар трансчегаравий дарё бўлмиш Ҳинд дарёсининг Покистонга оқиб ўтишини чеклашга интилмоқда.

Сув орқали 'бўғиш'. Бу каби вазият 1960 йилда ушбу трансчегаравий дарёдан фойдаланиш бўйича битим имзоланганидан буён илк марта амалга оширилмоқда.

Ҳудудларда ҳаво ҳарорати +30 даражагача кўтарилади.

Ёғингарчилик кутилмайди. Шимол ва чўлларда кучли шамоллар эсиши прогноз қилинмоқда.

Ўзгидромет

Эпицентри Андижон вилояти Марҳамат туманида 10 км чуқурликда соат 17.22 да 3 магнитуда зилзила содир бўлди.

Зилзила Андижоннинг кўплаб туманларида 2—3 баллгача сезилди

Баҳорий яхши ёғинлардан сўнг айни ҳозирги ҳароратнинг кўтарилиши ортидан адирликлар, воҳаларда чигиртка кўпайиш хавфи ошмоқда.

Видео каналимизнинг Қашқадарё вилояти Деҳқонобод тумани кузатувчиси томонидан жўнатилди.

Самарқандликлар бухороликларга нисбатан 3—5 баробар кўпроқ гулчанг ва замбруғ—спора аллерген қўзғалишларидан азият чекмоқда.

Пойтахтликлар ҳам 14—20 апрель кунлари оралиғида гулчанг ва замбруғ—споралари таъсиридан аксириш, кўз қичишига дуч келганлар. Чунки, Самарқанд ва Тошкентда ўтган ҳафта биологик ифлосланиш ортидан аллерген қўзгалишлар 'қизил' хавфга эга бўлган.

Бухоро ва Термизда эса вазият 'яшил' хавф даражасида ижобий муҳитда бўлган.

Бугун ҳудудларда ҳаво ҳарорати +30 даражагача исийди.

Ёғингарчилик кутилмайди.

Ўзгидромет

Афтершок.

1976 йил Хитойнинг Тангшан шаҳрида даҳшатли зилзилалар кетма кетлигидан сўнг ушбу офат 240 минг кишининг ёстиғини қуритди.

"Афтершок" фильми шу каби зилзиладан сўнг инсонийликни оммага намойиш этган жаҳон дурдоналаридан биридир. Унда фильмни кўриш жараёнида кишилар кўзига ёш келади.

Метеофильм каналимизга навбатдаги 'Афтершок' фильмини юкладик. Мазмунли хордиқ олинг 👇

https://t.me/+pXQ4l13FJWo2NTMy

Пойтахтда ривожланган ва булут ости шамолларини (ажина шамол ҳам дейишади) 'чақирган' конвектив булутлар.

Фотограф: Шоҳруҳ Ҳайдаров

Анчадан буён мана шу ҳудудда кучли, ҳатто 7 магнитудан юқори зилзила бўлиши прогноз қилиниб келинаётган эди.

Ҳозирги кучли зилзила кучининг 6.2 магнитуда бўлиши бу Туркия ғарбий ҳудудлари учун яхши вазиятдир.

Чунки, айни шу ҳудудда кучли зилзила қайталаниши учун энди эҳтимолий узоқ йиллар сарфланади.

Туркиядаги зилзила Мармар денгиз тубида рўй берди ва у қирғоқбўйи қуруқлик ҳудудларда кучли баллар билан инфраструктураларга таъсир этмади.

Ҳа, юқорида кўриб турганингиз локацияда 10 км чуқурликда 6.2 магнитуда зилзила қайд этилди.

Зилзила ҳудуди асосан қумли ҳудуд бўлгани учун унинг кучи Ер юзасида кучли деформацияланиб, зилзила кучини сезиларли пасайтирди. Бу эса талофатлар кам бўлишига олиб келди.

Истанбулда эҳтимолий зилзила кучи 4 ёки 5 баллга тенг бўлган. Ҳозирча бу ҳақида расмий маълумотлар очиқланмади.

Туркия ғарбидаги 6.2 магнитуда кучли зилзилада жонли эфир пайтида суҳандоннинг ўзини тутиши.

Туркия ғарбида битта 6 магнитудан юқори, иккита 5 магнитудан юқори кучли зилзилалар кузатилди.

Биринчи кучли зилзила соат 14.49 да Истанбул шаҳрига яқин Мармар денгизида эпицентри 10 км чуқурликда 6.2 магнитудали бўлди. Кучли зилзила ортидан Туркияда афтершоклар (зилзила қайтиши) юз беряпти.

Туркиянинг Истанбул ва бошқа шаҳарларида аҳолида зилзиладан сўнг кучли саросима юз берган. Кўпчилик аҳоли кўчаларга чиқиб олган.

Голланд астросейсмологи Ф.Ҳугербитс 17 апрель куни яқин кунларда Туркия ғарби эмас, аксинча шарқида кучли зилзила бўлиши мумкинлигини прогноз қилган.

🕑 14:00

Фактик об—ҳаво

'Қамчиқ' довонида соат 14.00 ҳолатига ҳаво ҳарорати +1 даражагача пасайиб кетди.

Ўзгидромет

@uzb_meteo

🕑 14:00

Фактик об—ҳаво

Нукусда ҳаво ҳарорати +30 даража иссиқ. Урганч ва Термизда эса +28 даража иссиқ ҳарорат.

Водий маркази ва пойтахтда гарчи ҳарорат +20 даражадан юқори бўлса-да, ушбу ҳароратни ўша ерликлар реал ҳароратдан бироз паст ҳарорат каби қабул қилмоқда.

Чунки, ушбу ҳудудлардан совуқ антициклон жараёнинг сўнгги қисми ўтмоқда.

Ўзгидромет

@uzb_meteo

Қамчиқ довони автомобил йўлининг 18 км ли қисмида қорли об—ҳаво.

Гарчи довон учидаги об-ҳаво станциясида ҳаво ҳарорати +3 даража бўлган эрсада, юқоридаги совуқ ҳарорат ер сиртида ҳам қор кўринишида ёғин бўлишига олиб келмоқда.

Водий ва Тошкент вилояти ҳудудларида куннинг иккинчи ярмида қисқа муддатли жала ёғинлар кутилмоқда.

Ҳарорат жойларда +30 даражагача кўтарилиши мумкин.

Ўзгидромет

Бу ҳодиса жануб ҳудудларидан минтақага иссиқликни 'чақирувчи' деган қарашни келтириб чиқаради.

Ҳа, яқин кунларда Туркманистон орқали минтақага жуда ҳам иссиқ ҳарорат тўлқини кириб келиши ойдинлашмоқда.

Ўзгидромет ҳам шанба куни шимолда, шанба ва якшанба кунлари Бухоро—Навоий ва жанубий вилоятларда ҳарорат максимумлари +38 даражагача етишини ўз прогнозларида кўрсатмоқда.

102 ТВ радиотўлқиннинг "муваффақият калитлари" дастурида мазмунли суҳбат.

Радиобошловчи Назира Иноятова сиз кузатувчини ҳам қизиқтирган кўплаб саволларни каминага бера олди

Умуман олганда, нотиқ, кишилар психологиясини чуқур тушинувчи радиобошловчи билан табиат, борлиқ хақида суҳбат қурдик.

Иқлим ўзгариши соҳасида қилиниши керак бўлган ишлар, сейсмология, метеорология йўналишида ҳам баъзи бир қарашларни муҳокама қилдик. Кўриш учун арзирли сухбат бўлди деб ўйлайман.

https://youtu.be/CLTZuoBeaaA?si=rORSn6jpUWyslgql

Баҳор охири, ёз ойлари бошига хос ёмғир.

Айни дамда пойтахтнинг Юнусобод тумани.

Манба

Ўзгидромет 23—24 апрель кунлари 6 та вилоятда сел—сув тошқин хавфини эълон қилди.

Бу сафар жануб вилоятлари рўйхатдан жой олмади.

Куннинг иккинчи ярмида Навоий вилояти маркази ва жанубий ҳудудларда табиий физик жараёнлар фонида чақмоқ—момақалдироқ хусусиятли булутлардан қисқа муддатли ёғингарчилик бўлиши кутилмоқда.

Замонавий об—ҳаво прогноз моделлари ушбу жараённи прогноз қилмоқда.

4—6 баллик магнит бўронидан кўпчилик таъсирланган.

Кеча айни магнит бўрони фаоллашган даврда каналда ўтказилган сўровномада 56% киши магнит бўрони қўзғалишларидан таъсирланаётганини эътироф этган.

Сўровномада 1325 киши иштироки таъминланган.

Одатдагидек, 40% га яқин кишилар магнит бўрони таъсирини ўзида турли безовталиклар орқали ҳис қилмаган.

Сўнгги 6 соатликда магнит бўрони қўзғалиши 'яшил' хавфсиз даражага қайтди

Жиззах вилояти Зомин тумани денгиз сатҳидан 2400 метр баландликдаги Суффа платосида кеча соат 15.40 дан ярим тунгача тинимсиз ёғган кучли қор ерда 8 см ли қор қопламини ҳосил қилган.

Ўзгидрометга кўра, 11 соатликда ёғингарчилик миқдори 6.6 мм ни ташкил этган.

Сўнгги 3 соатликда 5—6 баллик 'қизил' хавф даражасидаги геомагнит бўрони қўзғалиши таъсирадамиз.

'Ёмғир одами' Навоий чўлларида ёғин ёғдирувчи технологиясини қўллаш жараёни.

Биз Навоийда ушбу ёғинли жараёнлар табиий ёки сунъий юз бераётгани ҳақида сизга кейинроқ илмий таҳлилий маълумот қолдирамиз.

Бугунги Навоийда кузатилган булут ва ёғин.

Эрталаб Ўзгидромет прогнозида Навоий учун ёмғир прогнози йўқ эди.

Навоийлик кузатувчимиз икки кундан буён Навоийда булутлар шарқдан ғарбга ноодатий ҳаракатланаётганини ёзмоқда.

Навоийлик яна бир кузатувчи эртага бу технология орқали яна атмосферага электромагнит таъсир кўрсатишлари мумкинлигини ёзмоқда.

Биз ҳам бу худуддаги атмосфера жараёнлари физикасини ўрганяпмиз.

Навоий вилояти Конимех тумани чўл яйловида илк бор сунъий ёмғир ёғдириш технологияси ўрнатилди.

Конимех туманида экологик вазиятни барқарорлаш, чўл яйловида чорвачиликни ривожлантириш учун сунъий ёмғир ёғдириш усулларидан бирини қўллаш анчадан буён айтиб келинади.

Мазкур муаммони ҳал этиш мақсадида Конимех туман ҳокими Руслан Рузаев ташаббуси билан биринчи бор туманга ёғингарчиликни сунъий равишда юзага келтирувчи замонавий аппарат олиб келинди.

Ушбу аппарат орқали атмосферадаги табиий жараёнларга таъсир кўрсатиб, булут ҳосил қилиш ва ёмғир ёғдириш имкони яратилади. Бу технология Ўзбекистонда илк марта қўлланилаётган бўлиб, унинг асосий мақсади – қурғоқчиликка қарши самарали кураш ва яйловлар ҳолатини яхшилашдир.

Лойиҳа Қозоғистоннинг “International Centre of Climate Change Technologies” (ICCT) компанияси билан ҳамкорликда амалга оширилмоқда.

27 апрель куни куннинг қизиган пайти Бухоронинг айрим туманларида хаво ҳарорати +36 даражадан кўтарилиши мумкин.

"Метеожурнал" ҳам 25-27 апрель кунлари Туркманистоннинг Лебап ва Ахал вилоятида ҳарорат максимуми +38...+41 даражага етишини прогноз қилган.

Юқоридаги карта Европа ўрта ва узоқ муддатли об—ҳаво марказ ҳарорат прогноз маълумоти ҳисобланади.

Сўнгги 7—8 соатликда сайёрамизда 4—5 баллик геомагнит бўрони қўзғалиши кузатилмоқда.

Бугун кучли эртага эса ўртача кучга эга бўлган "қизил" ва "ўта қизил" хавф даражасидаги геомагнит бўрони қўзғалишлари кутилмоқда.

Газета.ўз об—ҳаво прогноз шарҳи космик таъсирлар рукнида бу ҳақида тўхталиб ўтдик.

https://www.gazeta.uz/uz/2025/04/21/weather/

Эпицентри Ўзбекистоннинг Навоий вилояти Нурота тумани ҳамда Тожикистоннинг Хатлон вилоятларида 3 ва 4 магнитуда зилзила кузатилди.

Уларнинг кучи айрим ҳудудларда сезилди.

Ҳафталик об—ҳаво прогноз шарҳи.

Дам олиш куни айрим ҳудудларда ҳаво ҳарорати +36 даража ва ундан юқорилаши мумкин экан.

Жорий ҳафта об—ҳавоси қуруқ, ҳарорат ҳар куни олдинги кунга нисбатан 1—2 даражадан кўтарилиб бориш тамоилига эга.

Газета.ўз жамоаси билан ҳар ҳафтали анъанага содиқ қолган ҳолда сизга об—ҳаво прогноз шарҳини улашяпмиз.

https://www.gazeta.uz/uz/2025/04/21/weather/

Бугун ҳудудларда ҳаво ҳарорати +25 даражагача кўтарилади.

Водий, Тошкент, Самарқанд, Жиззах ва Сирдарё вилоятларида қисқа муддатли ёғингарчиликлар бор. Бошқа ҳудудларда ёғингарчилик кутилмайди.

Ўзгидромет

Қашқадарё вилояти Китоб тумани денгиз сатҳидан 2.1 км юқорида жойлашган Аспидухтар қишлоқнинг бугунги манзараси.

Ушбу қишлоқда кеча ва тунда ёққан қор қалинлиги 15 смга етган.

2023 йилнинг 6 май куни ҳам Аспидухтар қишлоғида қор ёғиб берган

Қашқадарё вилояти Китоб тумани Шарқ Юлдузи МФЙ Рус қишлоқ ҳудудларида қисқа муддатли кучли жала ва дўл ёғиш ҳодисалари кузатилгани айтилмоқда.

Андижон вилояти Қўрғонтепа туманида кечаги ёғингарчиликлардан сўнг картошка экини ҳолати.

Буғдой, пахта ва полиз-сабзавот экинлари ҳолати бўйича аҳолининг https://t.me/agro_meteo_bot га турли расмларни юклаш ишлари давом этмоқда.

Қуйида Андижон вилояти Қўрғонтепа туманида истиқомат қилувчи деҳқондан жўнатилган тасвир келди. Унда сўнгги икки кунликда камида 30 ммдан кўп сув тушгани кўринган. Бу, бир гектар майдонга 300 тонна сув тушди дегани.

Юқорида картошка ўсимлиги "ўсиш-гуллаш" даври учун гектарига 900 тонна сув истеъмол қилади. Жорий ёмғир шуни 40% ини улашиб қўйди. Бу картошка яна гектарига 1700 тонна (гуллаш даврида 1000 тонна, пишиш даврида 400 тонна) сув ичса, зўр ҳосил беради.

Мутахасислар бот устида ишламоқда. Яқин ойларда бот орқали агромаслаҳат, сунъий йўлдошдан майдоннинг яшиллилик даражаси ва оптимал суғориш муддатлари бўйича автоматик жавоб функцияси ёқилади.

Сиз ҳозир бизга бот орқали ( https://t.me/agro_meteo_bot ) қишлоқ хўжалик маҳсулотлари ҳолатини жўнатишда давом этинг.

Хитойликлар экологик мувозанатни сақлаш, турли кўчки ҳодисалари олдини олиш ва янги биоламни яратишда яна бир инновацион усулни қўллашмоқда.

Ҳа, бу чин ўлкаси нафақат текис горизонатал юзага эга чўлни ўрмонга айлантириш, балки, тик вертикал қояларни хам яшил ўсимлик қопламасига айлатириб ташламоқчи.

Улар келаётган йилларда сув тошқинларидан кучли азият чекишларини сезишяпти, ҳис қилишяпти. Шунданми, бу усулни қўллаб, хам сел—тошқин, хам кўчки ҳодисаларини деярли нолга айлантириб ташламоқчи. Бир ўқ билан бир нечта қуён отиляпти.

Бу амалий ишлар орқали янги экологик маскан, аҳолини янги ҳудудларга кўчириш, кенг туризм имкониятлари очилаётганини гапирмаса ҳам бўлаверади.

Ўзбекистонликлар тош—тупроқ кўчки хавфи мавжуд ҳудудларда бемалол ушбу усулни қўллашларини тавсия этаман.

Бугун кундуз куни ҳудудларда ёғингарчилик кутилмайди, ҳарорат +23 даражагача кўтарилади.

Фақат жануб вилоятлар ва тоғларда чақмоқ—момақалдироқ хусусиятли ёғинлар кутилади.

Ўзгидромет

🕔 05:00

Фактик об-хаво

Республика марказий шаҳарларида кузатилаётган ҳаво ҳарорати

Ўзгидромет

@uzb_meteo

🕔 05:00

Фактик об-ҳаво

Баланд тоғларда ҳаво ҳарорати ноль даража атрофида кузатилмоқда.

Ўзгидромет

@uzb_meteo

Бугун Навоий вилояти Нурота баланд тоғ тизмаларига ҳам қор тушган.

Ҳатирчи тумани Лангар қўрғони

Манба

Қашқадарё тоғликларида бу йил ҳосилдорлик афсуски кам бўлади.

Ҳа, Ғелон қишлоғининг яшил рангли табиат устига мана шундай қор ёғиб беряпти. Жорий тун ва эрта тонгда энди ҳарорат нол даражадан пасаяди.

Ла—Ниньо ҳодисаси барибир баланд тоғлар учун ўз сўзини айтди.

#Богдорчилик

Самарқанд шаҳрида қарийиб 15 минут ичида 7.2 мм ёғин тушган.

Шу сабаб, шаҳарнинг кўплаб кўчаларини сув босган.

Ўзгидромет

Қашқадарё вилояти Шаҳрисабз тумани тоғли Ғелон қишлоғига хам қор тушди. ❄️

Тунда ҳарорат совиб, ушбу ҳудудда қишлоқ хўжалик маҳсулотларини енгил совуқ уришига олиб келиши мумкин.

Фотограф: Акмал Ниёзов

#Богдорчилик

Андижонда ярим суткада 15 мм дан кўп ёғин ёғибди.

Ўзгидрометга кўра, бугун 12 соат ичида Андижон шаҳрида 17.5 мм ёмғир кузатилган. Бу хавфли гидрометеорологик ҳодиса бўлиб, у одатда ўзидан қандайдир оқибатлар билан боғлиқ "из" қолдиради.

Шундай, оқибатда Андижон шаҳар кўчаларини сув босиши билан якунланган.

Метеорологияда ярим суткада 15 мм дан кўп ёмғир ёғса бу ҳолат хавфли гидрометеорологик ҳодиса дейилади.

Афғонистонда 5.5 магнитуда кузатилган зилзила Сурхондарё вилоятида 3 баллгача, бошқа 7 вилоятда 2 баллгача сезилди.

Соат 11.48 да Афғонистонда эпимарказ 120 км чуқурликда 5.5 магнитуда зилзила рўй берди.

Бу зилзила фокусли зилзила бўлгани учун, гарчи у жуда чуқурда рўй берганига қарамай, таъсир зонаси узоқроқларга бориб етди.

Тоғли ҳудуд аҳолиси бу зилзилани яхши сезди. Чунки тоғ жинс остки қисми айни жуда чуқур билан узвий 'алоқаси' бор.

Қозоғистоннинг Павлодар вилояти Железинка қишлоғида кечаги конвектив булутдан ёмғир ёғиш ҳодисаси дрон ёрдамида тасвирга олинибди.

Жиззах вилояти Бахмал тоғ олди ҳудуд айни манзараси.

Қоил, мана бўлар эканку!

Нукусда қуёш энергияси ёрдамида фотобиореактор орқали кислород ишлаб чиқарилмоқда.

Нукусда шу кичкина идишдаги сув ўтли қурилма 10 та катта ҳажмдаги дарахт ишлаб чиқарадиган кислородни улашмоқда.

Тадқиқотчи олима кўп кислород ишлаб чиқадиган микросувўтларни минтақа иқлимига мосини топиб, уни амалиётга жорий қилибди. Хақиқий амалий ахамияти жуда юқори тадқиқот иши. Бу каби сувўтли аквариум келгусида бошқа шаҳарларда ҳам кўпайишидан умид қиламиз.

Айниқса, куз сўнгги кунлари ва илиқ қишли кунларда йирик шаҳарларда аҳолига унинг кислород ишлаб чиқиши келгусида долзарблигича қолади.

Жиззах вилояти Зомин тумани тоғларида қор ёғяпти. ❄️

Зомин туманининг денгиз сатҳидан 2 км баландликдаги қисмларида қор ёғмоқда.

19—22 апрель кунлари республиканинг 8 та вилояти тоғ ва тоғ олди туманларида сел—сув тошқин хавфлари эълон қилинди.

Демак, ушбу кунлари ҳудудларда ёғингарчилик билан боғлиқ чақмоқ—момақалдироқ хусусиятли булутлар тез—тез ривожланиб туради.

🕔 17:00

Фактик об-хаво

Бухоро, Навоий, Термиз, Қарши, Самарқанд, Жиззах, Фарғона шаҳрида ёмғир.💦💧

Ўзгидромет

@uzb_meteo

Фарғона вилояти Фарғона тумани Миндон қишлоғида айни дам ёмғир шу жадалликда ёғмоқда.💦

Жиззах вилояти Зомин тумани Дуоба МФЙдан оқиб ўтувчи сойлардан бирида соат 14.00 ҳолатига сел келгани айтилмоқда.

"Сел келтириб чиқарган зарарлар ўрганилмоқда" - дейилади Ўзгидромет хабарида

📍Геолокация

Самарқанд вилояти Булунғур тумани Булунғур агрометеорологик кузатув пунктида бугун соат 17.57 дан 18.00 га қадар 3 минут давомийликда дўл ёғибди.

Ўзгидромет

Термиздаги чанг бўронидан лавҳа.

Манба

Соат 17.00 да Термизда кўриниш масофаси 500 метргача чекланган кучли чанг бўрони кузатилган.

Тошкент шаҳрининг Юнусобод тумани ҳамда Тошкент вилояти Нурафшон шаҳри баъзи ҳудудларида терак баргларининг мана шундай сарғайиб кетаётгани айтилмоқда

Қирғизистон 20 апрель тонгги ва тунги муддатларда Қирғизистон бўйлаб ҳарорат 0...—2 даража совуқ, Иссиқкўл ва Норин вилояти ҳудудларида харорат —1...—3 даражагача совиши бу эса қишлоқ хўжалиги тармоғида 'совуқ уриш' ҳодисалари кузатилиши мумкинлиги бўйича огоҳлантириш хабари эълон қилди.

Жеймс Уэбб телескопи Ердан ташқарида ҳаёт мавжудлигини исботловчи кучли далилларини аниқлади - аниқлилик даражаси жуда юқори.

K2-18b номли сайёра атмосферасида фақат биологик жараёнлар натижасида ҳосил бўладиган диметил сульфид (DMS) ва диметил дисульфид (DMDS) газлари мавжудлиги аниқланди. Бу газлар фақат тирик организмлар томонидан ҳосил қилинади.

Астрофизиклар бу кашфиётни "космосда ҳаётни излашда янги давр" деб атади. Уларнинг сўзларига кўра, бу натижалар орқали биз ҳаётга мос сайёраларда биосигнатураларни аниқлаш имкониятига эга бўлдик.

Манба

Бухоронинг Қоракўл ва Олот туманларига жала ёғинлар келтирувчи булутлар оқими кириб келяпти.

Олдинроқ, бу ҳақида ёзгандик.

Об—ҳаво ва қишлоқ хўжалиги.

Кун.ўзнинг навбатдаги ушбу рукнида 19 ва 20 апрель тонгги муддатларда республиканинг қайси ҳудудларида совуқ уриш ходисалари бўлиши мумкинлиги, 17—18 апрелда кутилаётган ёғинларни қишлоқ хўжалиги маҳсулотларига таъсири ҳақида сўз борди.

Биз Ўзбекистонда замонавий қишлоқ хўжалиги, ушбу тармоқда ахборот технологиялар, илмий ютуқлар асосида минтақада озиқ—овқат хавфсизлик масалаларини сизлар билан биргаликда ечмоқчимиз.

https://youtu.be/m6YWC6FodCk

Бухоро вилояти кўплаб туманларида ёмғир. 💦

Ушбу ҳудудда республиканинг бошқа ҳудудларидан фарқли равишда 1.5 ойдан буён ёмғир ёғмаётган эди.