💤Yoshlar vaqti
23.04.2025

"Eco-Schools
Uzbekistan” loyihasi o‘quvchilarning ekologik madaniyatini oshirishda, ularni ona tabiatga muhabbatli bo‘lishlarida muhim o‘rin tutmoqda.

"Yoshlar vaqti" ko‘rsatuvida tabiatni asrash bo‘yicha o‘tkazilgan seminar-trening tafsilotlari va yoshlarning ekologiyani asrash haqidagi fikrlari bayon etiladi.

🔔Bizni ijtimoiy tarmoqlarda kuzating:
💻𝐼𝑛𝑠��𝑎𝑔𝑟𝑎��|📝𝑇𝑒𝑙��𝑔𝑟𝑎𝑚|📱 YouTube|🎙Radio FM 90.8 |Facebook

Taʼlim sifatini oshirish boʻyicha takliflar taqdimot qilindi

Prezident Shavkat Mirziyoyev 21-aprel kuni maktab taʼlimi sifatini oshirish hamda pedagoglar tayyorlash tizimini takomillashtirishga oid taqdimot bilan tanishdi.

“Oʻzbekiston – 2030” strategiyasida taʼlim tizimi islohotlari ustuvor yoʻnalishlardan biri etib belgilangan. Bu yilgi davlat dasturida ham maktablarda sharoitlarni yaxshilash, yosh avlodni bilimli etib tarbiyalash boʻyicha koʻplab vazifalar qoʻyilgan.

Bu koʻp jihatdan, oʻqituvchilarning bilim va malakasiga bogʻliq. Yurtimizda 15 ta davlat va 61 ta nodavlat oliygohida pedagogika yoʻnalishi bor. Lekin ulardagi ilmiy salohiyat atigi 40 foiz atrofida.

Qabullarning katta qismini ijtimoiy yoʻnalishlar tashkil etadi. Aniq va tabiiy fanlar boʻyicha pedagoglar tayyorlash juda kam. Talabalarning 40 foizi sirtqi taʼlimda oʻqiyapti.

Shu bois Toshkent davlat pedagogika universitetini transformatsiya qilib, Oʻzbekiston milliy pedagogika universitetini tashkil etish, kelajak pedagoglari loyihasini amalga oshirish rejalashtirilmoqda. Universitet barcha hududlardagi pedagogika institutlari uchun tayanch oliygoh boʻladi.

“Yangi Oʻzbekiston” universitetida 40 dan ziyod chet ellik oʻqituvchilar va 30 nafar vatandosh ziyolilarimiz faoliyat yuritmoqda. Talabalar oʻzlarining turli yoʻnalishlardagi loyihalariga jami 24,3 milliard soʻmlik grantlar jalb qilgan. Bu salohiyatdan foydalanib, universitetda muhandislik, raqamli texnologiyalar, sunʼiy intellekt, tibbiyot kabi zamonaviy sohalarda mutaxassislar tayyorlashni rivojlantirish, yangi laboratoriyalar ochish rejalari taqdimot qilindi.

Shuningdek, oliygohda ilm-fan, taʼlim va amaliyot integratsiyasini taʼminlash maqsadida Germaniyaning ilgʻor tajribasidan foydalangan holda zamonaviy universitet klinikasini tashkil etish rejalashtirilmoqda.

Taʼlim sifatini aniqlashda ham xalqaro uslublar joriy etilmoqda. Bu yil 233 ta maktabdagi 9 ming nafar 15 yoshli oʻquvchining bilimi “PISA” xalqaro dasturi orqali baholanadi.

Hozirgi kunda 2 mingta maktab yuqori yuklama bilan ishlayapti. Bu yil byudjet hisobidan 112 mingta yangi oʻquvchi oʻrni tashkil etiladi. Aholi oʻsishi hisobiga, maktablarga ehtiyoj ham ortib boradi. Shu bois Islom taraqqiyot bankidan 200 million dollar jalb etilib, hududlarda 58 ta zamonaviy maktab qurilishi rejalashtirilgan.

Tahlillarga koʻra, maktab yoshidagi bolalarning 80 foizi internet va ijtimoiy tarmoqlarda faol. Ularni zararli axborotlardan himoya qilish boʻyicha muayyan ishlar olib borilyapti. Lekin, yoshlar taʼlim-tarbiyasiga kuchli taʼsir koʻrsatadigan, qiziqarli milliy kontentlar yaratayotgan ijodkorlar sanoqli.

Shulardan kelib chiqib, bolalarga xavfsiz axborot muhitini yaratish, milliy kontentlarni koʻpaytirish, ijodkorlarni qoʻllab-quvvatlash boʻyicha koʻrsatmalar berildi.

@hilola_umarova

#Bizning_shunday_oquvchilarimiz_bor
#Milliy_sertifikat

🇺🇿 Ixtisoslashtirilgan ta'lim muassasalari agentligi tizimidagi Uchko‘prik tuman ixtisoslashtirilgan maktabining 10 - "B" sinf o'quvchisi Abdurahimov Sanjarbek Otabek o'g'li O'zbekiston Respublikasi oliy ta'lim, fan va innovatsiyalar vazirligi huzuridagi bilim va malakalarni baholash agentligining umumta'lim fanini bilish darajasi bo'yicha KIMYO fanidan milliy sertifikatni qo'lga kiritdi.

✨ O'quvchimizga o'qishlarida ulkan zafarlar tilaymiz!

⚜ Ta'lim rivojiga biz bilan hissa qo‘shing!

Ixtisoslashtirilgan ta'lim muassasalari agentligi tizimidagi Uchko‘prik tuman ixtisoslashtirilgan maktabida 15-aprel – “Ekologik bilimlar kuni” munosabati bilan davra suhbati bo‘lib o‘tdi.

Tadbirda O‘zbekiston Ekologik partiyasi Uchko‘prik tumani Kengashi raisi Begaliyev Bobirjon Muhammadaliyevich va EKO partiya a’zosi, yordamchi o‘rinbosar Asqarov Ashurali Dexqonovich ishtirok etdi.

Jarayonda atrof-muhit muhofazasi, ekologik xavfsizlik, jamiyatda ekologik madaniyatni yuksaltirish borasida muhim fikr-mulohazalar bildirildi.

Maktabning “Yosh ekologlar” klubi a’zolari tomonidan “Atrof-muhitning ifloslanishida avtomobillar va ulardan chiqadigan og‘ir metallarning ta’siri” mavzusida taqdimot namoyish etildi.

O‘quvchilar muammoning dolzarbligini ilmiy dalillar asosida yoritib, uni bartaraf etish bo‘yicha o‘zlarining ijodiy va oqilona takliflarini ilgari surishdi.

Ekologik bilim va ongni yanada mustahkamlashga xizmat qilgan tadbir-mazmunli muloqot maydoniga aylandi.

⚜Ta’lim rivojiga biz bilan hissa qo‘shing!

Ertalabki saf o‘zgacha ruhda o‘tdi.

Ixtisoslashtirilgan ta’lim muassasalari agentligi tizimidagi Uchko‘prik tuman ixtisoslashtirilgan maktabida bugungi ertalabki saf o‘zgacha zavq va ko‘tarinki ruhda tashkil etildi.

Saf jarayonida art fani o‘qituvchisi Mamajonova Feruzaxon tomonidan o‘quvchilarning epchilligi va chaqqonligini aniqlovchi qiziqarli mashg‘ulotlar o‘tkazildi.

Bu mashg‘ulotlar o‘quvchilarning jismoniy faolligini oshirib, ularda musobaqalashish ruhini mustahkamladi.

Shuningdek, saf davomida aqlni charxlovchi zakovat savollari o‘qib eshittirildi va o‘quvchilar o‘z bilimlarini sinovdan o‘tkazish imkoniga ega bo‘lishdi.

⚜Ta’lim rivojiga biz bilan hissa qo‘shing!

#tanlov
#ishga_taklif_etamiz

⚡️YANGI MARRALARNI ZABT ETMOQCHI BO‘LGAN RAHBAR KADRLAR DIQQATIGA!

🤩 IXTISOSLASHTIRILGAN TA'LIM MUASSASALARI AGENTLIGI Ixtisoslashtirilgan maktab va maktab-internatlaridagi rahbarlik lavozimlariga kadrlarni ISHGA TAKLIF ETADI.

📆 Tanlovga hujjatlarni 15-aprel sanasidan boshlab job2.piima.uz sayti orqali topshirishingiz mumkin.

⏰ Hurmatli rahbar kadrlar, bizni tanlashingiz uchun 3 sabab:
➖o‘z ustingizda ishlashingiz, ta'lim sohasidagi ilg‘or tajribalarni o‘rganishingiz uchun barcha sharoitlar mavjud;
➖mahalliy va xorijiy mutaxassislar treninglarida bevosita qatnashishingiz va malaka oshirishingiz, shuningdek xalqaro sertifikatlarga ega bo‘lishingiz mumkin;
➖xalqaro tan olingan dasturlar asosida dars o‘tishingiz ta'minlanadi.

🗂 Talab etiladigan hujjatlar:
➖shaxsni tasdiqlovchi hujjat;
➖oliy ma’lumotga ega bakalavr/magistraturani tamomlaganligi to‘g‘risidagi hujjat;
➖nomzodning shaxsiy varaqasi (maʼlumotnoma-obyektivka);
➖IELTS/TOEFL/DTM sertifikatingizni yuklang (malaka talablariga mos ravishda).

🟢 Nomzodlardan nimalar talab etiladi:
➖halollik, ishchanlik va jamoani boshqara olish qobiliyati;
➖liderlik qobiliyatlar va axloqiy fazilatlarga ega bo'lishi;
➖zamonaviy AKT savodxonligiga ega bo'lishi.

☎️ Call-markaz: (71) 207 20 17 (ichki raqam 180).

Telegram | Facebook | Instagram | YouTube | Job2

Ixtisoslashtirilgan ta'lim muassasalari agentligi tizimidagi Uchko‘prik tuman ixtisoslashtirilgan maktabida ertalabki saflanish ko'tarinki kayfiyatda bo‘lib o‘tdi.

Mazkur saflanishda ingliz tili fani o‘qituvchisi Alimova Dilafruzxon ustoz tomonidan olib borildi.

Ustoz o‘quvchilarga ingliz tilini o‘rgatish va ularning umumiy bilim doirasini kengaytirish maqsadida qiziqarli va interaktiv mashg‘ulotlar tashkil etdi.

The morning assembly was held at the Uchko‘prik District Specialized School under the Agency of Specialized Educational Institutions.

This time, the assembly was led by English teacher Ms. Dilafruzxon Alimova.

She conducted engaging and interactive activities aimed at both improving students' English skills and broadening their general knowledge.

⚜Ta'lim rivojiga biz bilan hissa qo‘shing!

🟢AGENTLIK TIZIMIDA HOZIRGI KUNDA:
➖ 14 ta Prezident maktabi;
➖ 9 ta ijod maktabi;
➖ 2 ta sport maktabi;
➖ 185 ta ixtisoslashtirilgan maktab va maktab-internatlari;
➖ Pedagogik mahorat va xalqaro baholash ilmiy-amaliy markazi;
➖ Fan olimpiadalari markazi;
➖ “Yangi Oʻzbekiston” universiteti;
➖ Is'hoqxon Ibrat nomidagi Namangan davlat chet tillari instituti;
➖"Renessans" sogʻlomlashtirish oromgohi faoliyat yuritmoqda.

🗣Mazkur ta’lim muassasalarida 70 mingga yaqin o‘quvchi tahsil olib, ularga 8 mingdan ortiq o‘qituvchi ta’lim berib kelmoqda.

“Barcha cheklovlar faqat ongimizda mavjud. Agar biz ishonch bilan harakat qilsak, istalgan cho‘qqiga yetishimiz mumkinʼʼ.

Muhammad Ali

UCHKO'PRIK TUMAN IXTISOSLASHTIRILGAN MAKTABI VA KOREYA XALQARO UNIVERSITETI o'rtasida hamkorlik MEMORANDUMI

Ixtisoslashtirilgan ta’lim muassasalari agentligi tizimidagi Uchko‘prik tuman ixtisoslashtirilgan maktabi hamda Farg'ona shahridagi Koreya xalqaro universiteti o‘rtasida o‘zaro hamkorlik memorandumi imzolandi.

Mazkur kelishuv orqali o‘quvchilarning xorijiy oliy ta’lim muassasalari bilan yaqindan tanishishi, malakali mutaxassislar bilan uchrashuvlar o‘tkazilishi, hamkorlikda loyihalar amalga oshirilishi ko‘zda tutilgan.

Bu kabi tashabbuslar yoshlarimizning bilim va ko‘nikmalarini xalqaro darajada shakllantirishga xizmat qiladi.

⚜Ta’lim rivojiga biz bilan hissa qo‘shing!

#Zakovat

Uchko‘prik tuman ixtisoslashtirilgan maktabida “Zakovat” intellektual o‘yini maktab bosqichi

Ixtisoslashtirilgan ta’lim muassasalari agentligi tizimiga kiruvchi Uchko‘prik tuman ixtisoslashtirilgan maktabida “Zakovat” intellektual o‘yinining maktab bosqichi bo‘lib o‘tdi.

O‘yin sinflar kesimida tashkil etilib, bahs-munozaralarga boy, murosasiz bellashuvlar bilan o‘tdi.

Natijada, eng ko‘p to‘g‘ri javoblarni jamg‘argan “Terma jamoa” g‘oliblikni qo‘lga kiritib, viloyat bosqichiga yo‘llanmani qo‘lga kiritdi.

⚜Ta’lim rivojiga biz bilan hissa qo‘shing!

Ixtisoslashtirilgan ta’lim muassasalari agentligi tizimidagi Uchko‘prik tuman ixtisoslashtirilgan maktabida erta tongdan boshlab navbatdagi saflanish tadbiri bo‘lib o‘tdi.

Tadbir fizika fani o‘qituvchilari Aliqulova Nigoraxon va Omonova Hilolaxonlar tomonidan tashkil etildi.

Saflanish davomida o‘quvchilarga balandlik va uzunlikni o‘lchash usullari amaliy ko‘rsatmalar asosida tushuntirib berildi.

O‘qituvchilar tomonidan tayyorlangan qiziqarli tajribalar, o‘quvchilarning ilmga bo‘lgan qiziqishini yanada oshirdi va ularni kuzatuvchanlik, aniq o‘lchash hamda ilmiy tafakkurga yo‘naltirdi.

Nazariya va amaliyot uyg‘unligiga asoslangan ushbu tajriba darsi o‘quvchilarda fizika faniga nisbatan ijobiy munosabat va chuqur qiziqish uyg‘otdi.

Bunday tadbirlar nafaqat fanlarni o‘rgatishda, balki o‘quvchilarni ijodkor, izlanuvchan va ilmga chanqoq shaxs sifatida tarbiyalashda muhim ahamiyat kasb etadi.

⚜Ta'lim rivojiga biz bilan hissa qo‘shing!

Amir Temur tavalludining 689 yilligi munosabati bilan ma'naviy-ma'rifiy tadbir

Ixtisoslashtirilgan ta’lim muassasalari agentligi tizimidagi Uchko‘prik tuman ixtisoslashtirilgan maktabida buyuk sarkarda Amir Temur tavalludining 689 yilligi munosabati bilan ma’naviy-ma’rifiy tadbir tashkil etildi.

Tadbirda O'zbekiston Respublikasi mahallalar uyushmasi Uchko'prik tuman bo'limi boshlig'i Akbarov Sattorxoja ishtirok etib, yoshlar qalbida vatanparvarlik, tarixiy merosga hurmat tuyg‘ularini shakllantirish borasida mazmunli nutq so‘zladi.

Shuningdek, tarix fani o‘qituvchisi Ro‘zmatov Dilshodjon tomonidan Amir Temur hayoti va faoliyatiga oid qiziqarli ma’lumotlar taqdim etildi. Tadbir davomida o‘quvchilar buyuk ajdodimizning jasorati va donishmandligini chuqurroq anglab yetishdi.

⚜Ta'lim rivojiga biz bilan hissa qo‘shing!

#kun_fotosi

Rasmni Xorazmdagi maktablardan birida oldim. Hududdagi qolgan maktablarda ham bu tajriba allaqachon yoʻlga qoʻyilibdi. Plastik idishlar toʻplash uchun oddiy simlaridan yasalgan idishning balandligi naq 2,5 metr.

Maktablarda haftaning shanbasi sogʻlom turmush tarzi va ekologik madaniyatni targʻib etish kuni. Rasmdagi idishga toʻplangan plastik idishlarni har hafta maxsus mashinada olib ketishadi, tushgan pul maktab ehtiyojlari, tozalik ishlari, toʻtiqush va baliqlarni oziqlantirish uchun ishlatiladi. “ Haftalik daromadning eng kami 450 ming, eng koʻpi 850 ming soʻm boʻldi”, deydi maktab jamoasi. Qiziq, foydali tashabbus, shunday emasmi? Tabiatni asrash, tozalikka mehr bogʻcha va maktabdanoq shakllanib borishi kerak.

P/S: “Eko burchak” dagi toʻtiqush va baliqlarni rasmga olish yoddan chiqibdi

@hilola_umarova

Ixtisoslashtirilgan ta'lim muassasalari agentligi tizimidagi Uchko‘prik tuman ixtisoslashtirilgan maktabida ertalabki saf o‘ziga xos ilmiy amaliy tajriba bilan boshlandi.

Kimyo fani o‘qituvchisi Matmusayev Abdumutolib tomonidan o‘tkazilgan tajribada o‘quvchilarga yodning sublimatlanish jarayoni yaqqol namoyish etildi.

Mazkur tajriba o‘quvchilarda fanlarga bo‘lgan qiziqishni yanada oshirib, ularning ilmiy dunyoqarashini kengaytirishga xizmat qildi.

⚜Ta’lim rivojiga biz bilan hissa qo‘shing!

7 апрель – Бутунжаҳон саломатлик куни

Бутунжаҳон саломатлик кунига Жаҳон соғлиқни сақлаш ташкилоти томонидан асос солинган. У илк марта 1948 йил 22 июлда нишонланган. 1950 йилда бу сана 7 апрелга кўчирилган.

Ушбу кунни нишонлашдан мақсад – одамлар эътиборини соғлиқни сақлаш ва касалликларнинг олдини олишга қаратиш.

Aql va tezlik sinovi: kubik rubik bo‘yicha qizg‘in bahs!

Ixtisoslashtirilgan ta'lim muassasalari agentligi tizimidagi Uchko‘prik tuman ixtisoslashtirilgan maktabida tanaffuslar yanada qiziqarli o‘tmoqda! Katta tanaffus davomida o‘quvchilar kubik rubik yig‘ish bo‘yicha haqiqiy intellektual bellashuv o‘tkazishdi. Tezlik, mantiqiy fikrlash va diqqat jamlanishi talab etiladigan bu bahsda 7-“A” sinf o‘quvchilari o‘z mahoratlarini namoyon etishdi.

Natijalar:
🏆 O‘rmonov Ayubxon – 45 soniya
🥈 Tsuufov Islombek – 50 soniya
🥉 Yo‘ldoshev Muhammadrizo – 59 soniya

Qizg‘in raqobat va intellektual faollik muhitida o‘tgan ushbu bellashuv o‘quvchilarning tezkor fikrlashi va mantiqiy tafakkurini yanada rivojlantirdi. Eng yaxshilar hali oldinda!

⚜Ta’lim rivojiga biz bilan hissa qo‘shing!

Kimyoviy tajriba: o‘quvchilarning fanga bo‘lgan qiziqishi oshmoqda

Ixtisoslashtirilgan ta'lim muassasalari agentligi tizimidagi Uchko‘prik tuman ixtisoslashtirilgan maktabida ertalabki saflanish doirasida kimyo fani o‘qituvchisi Sattorova G. tomonidan o‘quvchilar ishtirokida amaliy kimyoviy tajriba o‘tkazildi.

Mazkur tajriba davomida o‘quvchilar kimyoviy jarayonlarni bevosita kuzatish imkoniyatiga ega bo‘lib, fanga bo‘lgan qiziqishlarini yanada oshirishdi.

Ushbu interaktiv yondashuv nafaqat nazariy bilimlarni mustahkamlash, balki ularni amaliyotga tatbiq etish ko‘nikmalarini shakllantirishga xizmat qiladi.

Ixtisoslashtirilgan maktabda ta’lim sifati va samaradorligini oshirishga qaratilgan bunday tashabbuslar kelgusida ham davom ettiriladi.

⚜Ta’lim rivojiga biz bilan hissa qo‘shing!

Uchko‘prik tuman ixtisoslashtirilgan maktabida ertalabki saflanishlar ko‘tarinki ruhda o‘tkazilmoqda.

Ixtisoslashtirilgan ta’lim muassasalari agentligi tizimidagi Uchko‘prik tuman ixtisoslashtirilgan maktabida ertalabki saflanishlar intizom va vatanparvarlik ruhida tashkil etilib, o‘quvchilarning bilimga bo‘lgan qiziqishini oshirishga xizmat qilmoqda.

Navbatdagi saflanishda biologiya fani o‘qituvchisi Boymatova M. tomonidan o‘quvchilarning fikrlash qobiliyatini rivojlantirish hamda ularni dars mashg‘ulotlariga ruhan tayyorlash maqsadida interaktiv savol-javoblar va qiziqarli topshiriqlar taqdim etildi.

O‘quvchilar ushbu jarayonda faol ishtirok etib, o‘z bilimlarini mustahkamlash bilan birga, yangi ma’lumotlarga ega bo‘ldilar.

Mazkur saflanishlar o‘quvchilarning intellektual rivojlanishiga, fanlarga bo‘lgan qiziqishini oshirishga hamda ta’lim jarayonini yanada samarali tashkil etishga xizmat qilmoqda.

⚜Ta’lim rivojiga biz bilan hissa qo‘shing!

IBRO-2025 eslatma!
3-aprel kuni 6-7-sinflar uchun onlayn olimpiada bo‘lib o‘tadi!
Platforma: Testbor.uz

7-sinf:
⏰ Soat 14:00
📚 Fanlar: Matematika

6-sinf:
⏰ Soat 18:00
📚 Fanlar: Matematika

Imtihonni qanday topshirish bo‘yicha video yo‘riqnoma:

• Veb versiya uchun: Video havola
• Mobil telefon uchun: Video havola

@testbor

Uchko‘prik tuman ixtisoslashtirilgan maktabida IV chorak ko‘tarinki ruhda davom etmoqda!

Ixtisoslashtirilgan ta’lim muassasalari agentligi tizimidagi Uchko‘prik tuman ixtisoslashtirilgan maktabida har kuni yangi bilim va ilhom bilan boshlanmoqda.

Bugun, IV chorakning ikkinchi kuni, ertalabki saflanish davomida rus tili o‘qituvchilari Abdullayeva D. va Tojiboyeva X. tomonidan qiziqarli mashg‘ulotlar tashkil etildi.

O‘quvchilar interaktiv topshiriqlar orqali bilimlarini mustahkamlab, ertalabni faol va serma’no boshlashdi.

Bunday motivatsion tadbirlar o‘quvchilarning darslarga bo‘lgan ishtiyoqini oshirib, ta’lim jarayonini yanada samarali qiladi.

Oldinda esa yangi tajribalar va unutilmas kunlar kutmoqda!

⚜ Ta’lim rivojiga biz bilan hissa qo‘shing!

#Ustozlar_yutugi
#SAT_MATHS_790

🎗Uchko‘prik tuman ixtisoslashtirilgan maktab pedagoglar jamoasi milliy va xalqaro sertifikatlarni qo'lga kiritishda davom etmoqda...

🔰 Ixtisoslashtirilgan ta'lim muassasalari agentligi tizimidagi Uchko‘prik tuman ixtisoslashtirilgan maktabining matematika fani o'qituvchisi Nematov Mirsulton Alisher o'g'li Xalqaro SAT sertifikatining matematika bo'limidan 790/800 ballni qo'lga kiritdi.

🌱Yuksak salohiyatli o'z kasbining ustalariga maktabimiz ma'muriyati muvaffaqiyat tilab, kelgusi ishlariga rivoj tilaydi!

⚜ Ta'lim rivojiga biz bilan hissa qo‘shing!

Bilimdon yoshlarimiz uchun navbatdagi yangilikni e’lon qilmoqchiman!

Esingizda bo’lsa, “ZUKKOTEST” loyihasiga start bergan edik. Ko’plab takliflarga binoan loyihaning 2-bosqichini o’tkazmoqchimiz.

Test sinovlari 3-aprel kuni bo‘lib o‘tadi. Ungacha @kitobxontestbot orqali ro‘yxatdan o‘tib, quyidagi darsliklarni o‘rganishni boshlang! Eslatib o‘tamiz, test savollari aynan ushbu darsliklar asosida tuziladi!

1. “Mutolaa” ilovasidan Jadidlar: Mahmudxo‘ja Behbudiy;
2. “Ibrat farzandlari” ingliz tili darsligi;
3. “Ustoz AI” loyihasidan zamonaviy kasblar;
4. “Uzchess” loyihasining Debyut darsligi;
5. “Zakovat” intellektual savollari

Shartlar o’sha-o’sha!

• 45 ta savol (turli mavzulardan tasodifiy tanlanadi);
• Har bir savolga 1 daqiqa vaqt va 1 ball.

⚡️Mukofotlar:

TOP10 bilimdon: Har biriga 1 million so‘m pul mukofoti;

TOP100 reytingdan o‘rin olganlarga “Mutolaa” va “Ibrat Academy” ilovalari uchun 3 oylik premium obuna;

70%+ natija: “Mutolaa” va “Ibrat Academy” ilovalari uchun 50 foiz chegirma;

Hoziroq ro‘yxatdan o‘ting @kitobxontestbot