‼️ Уладзімір Кніга знаходзіцца ў інкамунікада ўжо 600 дзён

Палітвязень, валанцёр каманды Святланы Ціханоўскай, фігурант "справы Ціханоўскага" не мае доступу да ліставання, родныя не атрымліваюць  аніякай інфармацыі пра стан ягонага здароўя, медыцынскія бандэролі — пад забаронай, як і доступ да адваката.

Ужо асуджаны Кніга прашоў праз некалькі судоў, што падоўжылі яму тэрмін знаходжання ў зняволенні. Неаднакроць яго змяшчалі ў штрафны ізалятар і ПКТ (памяшканне камернага тыпу). Праз рэжым інкамунікада — поўнай ізаляцый ад свету — палітвязні пакутуюць і фізічна, і маральна, разам з імі пакутуюць іхнія сваякі. Як гэта — гадамі не мець аніводнай звесткі пра роднага чалавека?

Вось спіс тых людзей, хто знаходзіцца ва ўмовах інкамунікада:

🔸Сяргей Ціханоўскі — 780 дзён;
🔸Мікалай Банькоў — 504 дзён;
🔸Андрэй Навіцкі  — 404 дзён;
🔸Мікалай Статкевіч — 809 дзён;
🔸Ігар Лосік — 798 дзён;
🔸Віктар Бабарыка — 811 дзён;
🔸Аляксандр Францкевіч — 186 дзён;
🔸Максім Знак — 809 дзён.

Дапамагчы сем'ям палітзняволеных

♥️ Давайце зладзім выдатнае лета для дзяцей палітзняволеных!

Фонд «Краіна для Жыцця», BYSOL, ініцыятывы ByHelp i Dissidentby плануюць сабраць 20 000 еўра на тое, каб для гэтых дзетак лета выдалася яскравым і запамінальным.

Чаму ваш удзел вельмі патрэбны?

🔸дзеці, якія на пэўны час страцілі бацькоў, якія сёння чакаюць іх з турмаў, моцна пацярпелі. Многія з іх сталі сведкамі вобшукаў, арыштаў. Яны бачылі перажыванні блізкіх і перажывалі самі.  Таму яны маюць патрэбу ў падтрымцы;

🔸такая дапамога — спосаб нагадаць дзецям, а таксама іх сем'ям, што яны не адны, што ёсць неабыякавыя людзі, якія клапоцяцца пра іх;

🔸разам з маральнай падтрымкай, гэтыя сем'і атрымліваюць і матэрыяльную палёгку.

🔺На што пойдуць сродкі, як зрабіць унёсак,  — чытайце вось тут! Не заставайцеся ўбаку!
🔺Каб запоўніць форму і азнаёміцца з умовамі ўдзелу — пераходзьце сюды! Не саромцеся звяртацца па дапамогу!

📎Мы падрыхтавалі справаздачу за першыя 3 месяцы гэтага года

Без вашага ўдзелу многае мы проста не змаглі б зрабіць. Дзякуй, што вы побач.

Калі вы хочаце падтрымаць нашу дзейнасць, пераходзьце па спасылцы. Мы будзем вельмі ўдзячныя!

Збор сродкаў да Міжнароднага дня абароны правоў людзей з інваліднасцю

Мы запускаем новы збор, што будзе дзейнічаць да канца траўня. Яго арганізуе служба «Хуткай гуманітарнай дапамогі», куды ўваходзяць Дабрачынны фонд «Краіна для Жыцця», праваабарончая ініцыятыва Dissidentby, Фонд беларускай салідарнасці BYSOL, грамадзянская ініцыятыва ByHelp.

Мы хочам падтрымаць людзей з інваліднасцю, якія апынуліся ў складанай сітуацыі праз палітычныя рэпрэсіі.

Хто мае патрэбу ў падтрымцы? Мы збіраем сродкі для дзвюх груп:

🔺палітзняволеныя з інваліднасцю — сюды ўваходзяць тыя, хто знаходзіцца ў зняволенні, і тыя, хто ўжо на волі, але пакутуе праз інваліднасць;

🔺сем'і палітзняволеных (цяперашніх і былых), дзе ёсць дзеці з інваліднасцю;

Куды пойдуць сродкі?

🔸медыкаменты і медыцынскія сродкі (напрыклад, вазкі, бандажы, прылады для рэабілітацыя і інш.);
🔸аплата медыцынскіх маніпуляцый, умяшанняў і кансультацый медыкаў;
🔸аплата сацыяльных таксі і іншых транспартных паслуг, што неабходныя для атрымання медыцынскай дапамогі.

Мы плануем сабраць 10 000 еўра. Памер выплат для кожнай сям'і будзе залежаць ад іх патрэб. Максімальная сума выплат — 300 еўра.

Чаму трэба падтрымаць ініцыятыву?

Гэтая група людзей вельмі часта знаходзяцца ў такой цяжкай сітуацыі, калі доступ да медыцынскіх паслуг і рэабілітацыі вельмі абмежаваны. Мы можам змяніць гэта! Праз удзел у акцыі мы акажам рэальную дапамогу тым, хто ў ёй мае вострую патрэбу.

Як дапамагчы?

Вось спасылка на збор. Разам з тым мы будзем удзячныя за любую падтрымку — ці то фінансавую, інфармацыйную, альбо арганізацыйную. Ваш удзел мае велізарнае значэнне.

Ніхто, а тым больш прадстаўнікі гэтай уразлівай групы, не маюць заставацца сам-насам са сваімі праблемамі. Давайце зробім гэты свет больш справядлівым праз наш клопат да людзей з інваліднасцю!

Шукаем валанцёраў у нашу каманду!

Хочаш быць часткай чагосьці важнага і карыснага? Далучайся да нас — мы дапамагаем людзям і верым у сілу салідарнасці.

Зараз асабліва патрэбныя:

📌 капірайтэр — калі ты пісьменны і ўмееш вылучаць важнае і расказваць пра яго;

📌 спецыяліст па Google Ads — калі табе знаёмыя рэкламныя кампаніі і табліцы цябе не палохаюць.

Ты маеш іншыя ўменні? Мы вельмі чакаем і цябе! 🙌

Мы ідэальна спрацуемся, калі ты:

🕐 маеш крыху вольнага часу і можаш дапамагаць рэгулярна;
❤️ хочаш быць часткай каманды, дзе "дапамагаць" — гэта не фармальнасць, а лад жыцця;
🤝 гатовы дзяліцца досведам і вучыцца новаму разам з намі.

Пішы нам проста зараз і далучайся да нашага калектыву!

❗️Падтрымайце нашу працу!

✔️ вы — рэзідэнт Літвы?
✔️працуеце афіцыйна і, адпаведна, плаціце падаткі?

Вы можаце накіраваць 1,2% ад ужо ўплочаных падаткаў у наш фонд.

Важна! Гэта не дадатковыя грошы, а частка тых, што вы мусіце сплаціць Літве.

Калі і як гэта зрабіць?

🔹пры падачы падатковай дэкларацыі за мінулы год (у асабістым кабінеце ці пры наведванні падатковай інспекцыі);
🔹 вось падрабязнаcці і вельмі зразумелая інструкцыя для вас!

Навошта гэта рабіць?

🔺мы зможам зрабіць больш і дапамагчы большай колькасці рэпрэсаваных людзей;
🔺вы, як частка грамадства, ўплываеце на функцыянаванне беларускіх дэмакратычных арганізацый;
🔺калі не скарыстацца такой магчымасцю, гэтыя грошы Літва накіруе туды, куды трэба ёй;
🔺для беларусаў у Літве гэта цалкам бяспечна: гэтыя пераводы робіць падатковая служба.

У гэтым няма нічога складанага, і, калі вы паглядзіце інструкцыю, упэўніцеся ў гэтым. Дзякуй, што вы з намі!

Салідарнасць мацней за перашкоды!

🔸 Сабраная сума: 2 567 еўра
🔸 Колькасць заявак: 28 (на агульную суму 4 200 еўра)
🔸 Памер выплаты на адну заяўку: 150 еўра

Збор не пакрыў усе заяўкі, але нашы партнёры з ініцыятывы Dissidentby кампенсавалі недахоп сродкаў, таму кожная просьба аб дапамозе была задаволеная. Шчыра дзякуем ім за гэта!

Мы вельмі ўдзячныя кожнаму, хто далучыўся да акцыі, выказаў салідарнасць з беларускімі жанчынамі і знайшоў магчымасць падзяліцца цяплом і клопатам. Асобная падзяка нашым партнёрам – без іх падтрымкі гэты збор не стаў бы такім паспяховым.

Разам мы можам больш! ❤️

Антаніна Канавалава — цёплы, светлы і неймаверна моцны чалавек. У 2020 годзе яна была даверанай асобай Святланы Ціханоўскай, а пазней трапіла за краты па палітычна матываванай справе. Праваабаронцы прызналі яе палітзняволенай. Яна прайшла праз выпрабаванні, пра якія цяжка нават гаварыць, але не страціла сваёй годнасці і веры ў людзей.

Зараз Тоня на волі, але яе муж, на жаль, застаецца ў зняволенні. Яна вымушана пачынаць жыццё нанова, у чужой краіне, у новым асяроддзі. Пасля перажытага патрэбен час, сіла і рэсурсы, каб аднавіцца, знайсці стабільнасць і забяспечыць дзецям бесклапотнае жыццё.

Беларусы ўжо сабралі каля 3000 еўра з неабходных 6700. Кожны, нават самы сціплы данат – гэта не проста лічба. Гэта ваша падтрымка і салідарнасць. Гэта шанец для Тоні і яе дзяцей адчуць, што яны не адны, што ў гэтым новым жыцці ёсць тыя, хто не застаўся ўбаку.

👉 Далучайцеся да збору. Калі ласка, раскажыце пра яго тым, хто можа дапамагчы. Усё вялікае пачынаецца з малога!

❗️«Я там, дзе маю быць»

Беларусы бягуць са сваёй краіны з-за палітычнага пераследу, і гэты працэс — няспынны. Ён такім і будзе, пакуль у Беларусі змагаюцца з іншадумствам.

Пачытайце пра тое, як сямейная пара перажыла рэлакацыю, дзе беларусы шукалі сілы, каб уладкавацца на новым месцы, і як агулам праходзіць іх адаптацыя. А каб атрымаць кансультацыю па легалізацыі ў Літве — звяртайцеся да нас!

https://telegra.ph/Vymushanaya-rehlakacyya-Adna-sa-shmatl%D1%96k%D1%96h-belarusk%D1%96h-g%D1%96storyj-03-31

❤️ Гэтая ініцыятыва падтрымае вас!

Вы член сям'і палітзняволенага ці палітзяняволенай? Бярыце ўдзел у праекце "Сябар сям'і".

Што гэта значыць? Вы будзеце атрымліваць сталую фінансавую дапамогу цягам 4 месяцаў. Гэта стане для вас грунтоўнай падтрымкай — штомесяц вы будзеце атрымліваць 150 еўра.

Вы не адны ў сваёй бядзе. Мы ўвесь час шукаем бяспечныя спосабы падтрымаць вас, і праект "Сябар сям'і" — адзін з іх. Пераходзьце па спасылцы, чытайце падрабязнасці і рэгіструйцеся.

Антаніна Канавалава ўз'ядналася з дзецьмі ❤️

Стала вядома, што давераная асоба Святланы Ціханоўскай у 2020 годзе і валанцёрка «Страны для Жизни» Сяргея Ціханоўскага з'ехала з Беларусі. З'явілася відэа, дзе Антаніна дзякуе неабыякавым людзям за падтрымку.

Ейны муж Сяргей Ярашэвіч дагэтуль застаецца за кратамі.

Ініцыятыва Dissidentby паведаміла, што памёр былы палітзняволены Валянцін Іваноўскі.

Ён выйшаў на волю ў траўні 2024 года пасля 2 гадоў зняволення. У жніўні таго ж года памёр з невядомых прычын.

Спачуваем родным і блізкім памерлага.

Адно простае дзеянне можа стаць вялікай дапамогай. Перанакіруйце 1,2% свайго падатку і тым самым падтрымайце палітвязняў і іх сем’і!

Што гэта значыць?

🔸усе рэзідэнты Літвы (беларусы таксама!) штогод падаюць падатковую дэкларацыю;

🔸падчас падачы можна перавесці 1,2% ад падаходнага падатку любым некамерцыйным арганізацыям на свой выбар;

🔸калі гэтага не зрабіць — Літва вырашыць за вас, куды гэтыя 1,2% накіраваць.

Чаму гэта важна? Якія ад гэтага плюсы?

♦️гэтыя сродкі пойдуць на юрыдычную і гуманітарную дапамогу, перадачы і падтрымку сем’яў палітвязняў — тут вы можаце пачытаць пра нашу дзейнасць;

♦️чым больш такіх перанакіраванняў — тым большай колькасці палітзняволеных і іхніх сямей мы зможам дапамагчы (рэпрэсіі не спыняюцца, а патрэбы беларусаў у дапамозе толькі растуць);

♦️гэта не патрабуе дадатковых выдаткаў — толькі вашага рашэння;

♦️робіцца гэта вельмі проста, і зойме адну-дзве хвіліны.

Тут падрабязная інструкцыя (у тым ліку візуальная), як гэта зрабіць. 

🔺Калі ты:

▪️эмпатычны і гатовы дапамагаць;
▪️умееш працаваць у складаных умовах і трымаць спакой;
▪️добра арыентуешся ў беларускай праваабарончай павестцы;
▪️падзяляеш прынцыпы абароны правоў чалавека;
▪️маеш крыху вольнага часу і хочаш накіраваць на дапамогу іншым.

Мы чакаем цябе!

🔺Што табе дасць валанцёрства?

▪️ты станеш часткай каманды, што падтрымлівае палітвязняў і іх сем'і.
▪️твая дапамога стане важнай апорай для тых, хто апынуўся ў складанай сітуацыі.
▪️ты заўсёды зможаш атрымаць падтрымку і парады ад дасведчаных праваабаронцаў.
▪️ты сам вызначыш, колькі часу можаш прысвячаць валанцёрству.

Запаўняй форму і далучайся – твой удзел мае значэнне! ❤️

Дзякуючы вам 17 жанчын ужо атрымалі дапамогу!

Наш збор працягваецца, нягледзячы на тое, што 8 сакавіка ўжо прайшло. Мы працягваем збіраць сродкі, бо дапамога патрэбная яшчэ дзясяткам жанчын.

Што ўжо зроблена?

✔️ Дзякуючы вам забралі 2252 еўра.
✔️ Выплаты атрымалі 17 жанчын, для якіх гэта не проста фінансавая дапамога, а знак таго, што іх не забылі, што пра іх памятаюць і падтрымліваюць.

Што яшчэ трэба зрабіць?

Нам застаецца сабраць 5448 еўра, каб дапамагчы яшчэ 35 жанчынам, якія апынуліся ў складаных умовах. Мэта — 8000 еўра на падтрымку беларусак.

Нават невялікі унёсак мае вялікае значэнне. 5, 10 ці 20 еўра — не важна, якая сума, але праз гэтыя грошы яшчэ адна жанчына адчуе падтрымку.

З маленькіх справаў нараджаецца вялікая салідарнасць. Далучайцеся, і разам мы зробім тое, што так важна — падтрымаем тых, хто мае патрэбу ў дапамозе

👉 Спасылка на данат

Два гады сям’я Сяргея Ціханоўскага нічога не ведае пра ягоны стан. Лісты, званкі, сустрэчы з адвакатам, перадачы — усё забаронена.

Сяргей пазбаўлены любой сувязі з блізкімі. Магчымасць пачуць родныя галасы для зняволенага, атрымаць навіны з волі, — не раскоша, а неабходнасць. Але яму не даюць нават гэтага. Калі гэта не катаванне, то што?

Так выглядае рэжым інкамунікада — жорсткае парушэнне правоў чалавека, якое можна назваць гвалтоўным знікненнем. Але ўсё гэта — толькі страх рэжыма. Страх перад праўдай, перад сілай перакананняў, перад тымі, каго нельга зламаць.

Тут — спіс тых, хто знаходзіцца ў поўнай ізаляцыі. Мы не можам маўчаць. Гэта людзі, якім трэба вярнуць свабоду. Мы будзем змагацца, пакуль усе несправядліва зняволеныя не выйдуць на волю.

Бывший политзаключенный, рассказывает об истории этого рисунка и письма. В нём он пишет про стихотворение Сергея Тихановского.

«Когда-то на Володарке мне удалось отправить на волю этот рисунок и я передал послание своим, что бы через жену другого политзаключенного этот рисунок передали Светлане Тихановской. Но что-то пошло не так. Политзаключенный [прим. Сергей Тихановский] на то время уже уехал по этапам, а моя супруга уже нашла себе другого, и эта открытка легла в архив моих передач из тюрьмы.

А на днях мои рисунки вернулись наконец-то ко мне! И я подумал, раз это сейчас у меня в руках значит это для чего-то нужно. Вселенная дает конкретный знак! Так что делаю, что должен!»

Бывший политзаключенный, рассказывает об истории этого рисунка и письма. В нём он пишет про стихотворение Сергея Тихановского.

«Когда-то на Володарке мне удалось отправить на волю этот рисунок и я передал послание своим, что бы через жену другого политзаключенного этот рисунок передали Светлане Тихановской. Но что-то пошло не так. Политзаключенный [прим. Сергей Тихановский] на то время уже уехал по этапам, а моя супруга уже нашла себе другого, и эта открытка легла в архив моих передач из тюрьмы.

А на днях мои рисунки вернулись наконец-то ко мне! И я подумал, раз это сейчас у меня в руках значит это для чего-то нужно. Вселенная дает конкретный знак! Так что делаю, что должен!»

Ужо можна атрымаць дапамогу для палітзняволенай жанчыны!

💁‍♀️ Што зрабіць? Дастаткова толькі напісаць у тэлеграм-акаўнты: t.me/StranafundPZ або t.me/dahary_nahami

🌊 На што можна выдаткаваць грошы? На гігіенічныя сродкі, лекі, базавыя рэчы, вітаміны і іншыя неабходныя прадметы.

🤔 Калі я атрымаю гэту дапамогу, то ўжо не магу разлічваць на іншую?
Можаце! Гэта выплата - дадатковая падтрымка на неабходныя выдаткі для палітзняволенай.

👏 Нас усё яшчэ можна падтрымаць і заданаціць, распаўсюдзіць спасылку на збор або на публікацыю.

Сустрэча з эксперткамі: «Правы жанчын-мігрантак у Польшчы»

Жанчыны ў эміграцыі часта сутыкаюцца з праблемамі гвалту, харасменту, дыскрымінацыі на працоўным месцы і юрыдычнай няўпэўненасці. Каб дапамагчы разабрацца з гэтымі пытаннямі, у Варшаве адбудзецца адкрытая сустрэча «Правы жанчын-мігрантак у Польшчы».

На сустрэчы польскія і беларускія спецыялісткі у галіне абароны правоў распавядуць пра тое, як абараніць сябе, свае правы, сваю сям’ю і дзяцей, а таксама адкажуць на прававыя пытанні – разводы з часовым відам на жыхарства, статусам уцякачкі і міжнароднай абароны ў Польшчы, атрыманне дапамогі на дзяцей і г.д.

📅 Калі? 7 сакавіка з 13:00 да 16:00
💻 Форма ўдзела: афлайн/анлайн
📌 Дзе? Варшава, Prastora, Hoża 41/2,
Удзел вольны, але патрэбна папярэдняя рэгістрацыя.
👉 Зарэгістравацца
Працоўныя мовы: польская, беларуская

🫂Вы можаце падтрымаць нашу працу, палітзняволеных і іхнія сем’і, і пры тым нічога не патраціць!

Кожны рэзідэнт Літвы, хто афіцыйна працуе, можа накіраваць 1,2% ад ужо ўплочаных падаткаў у наш фонд.

Гэта не павялічвае ваш падатак — проста пэўная сума з яго ідзе ў нашую арганізацыю. Атрымліваецца, што вы падтрымліваеце нас і нічога не траціце!

Пры падачы падатковай дэкларацыі за мінулы год накіруйце 1,2% падаходнага падатку на нашу дзейнасць. Мы ў сваю чаргу зможам зрабіць больш і дапамагчы большай колькасці рэпрэсаваных людзей. Пра тое, як мы дапамагаем і пра нашы праекты вы можаце пачытаць на нашым сайце.

Аформіць гэтую опцыю даволі проста і не зойме шмат часу. Што важна: для беларусаў у Літве гэта цалкам бяспечна, таму што гэтыя пераводы робіць падатковая служба.

Вось інструкцыя для вас.👆

❗️Боты нашых праектаў — псіхалагічная дапамога, юрыдычная падтрымка і кансультацыі па міграцыі — часова не працуюць.

Нашыя спецыялісты ўжо разбіраюцца з праблемай. Спадзяёмся, у хуткім часе яе вырашаць.

Дапамагчы жанчынам, якія сутыкнуліся з палітычным пераследам, проста!

Зрабіце данат на збор, што ладзіць служба «Хуткай гуманітарнай дапамогі». Важны нават самы маленькі ўнёсак, бо з і складаецца вялікая сума. Калі няма магчымасці заданаціць — распаўсюдзьце інфармацыю пра збор.

Кожная жанчына атрымае дапамогу на суму 150 еўра, а мэта збору — 8000 еўра. На сёння засталася сабраць 6960 еўра.

👉 Спасылка для ахвяраванняў тут.

Важна! Не бярыце ўдзел, калі вы ў Беларусі.

#dissidentby

🕊 Пакуль усе не будуць вольныя!

💅 Марыя Яфімава - сяброўка галоўнай управы Асацыяцыі беларусаў у Амерыцы, дэлегатка Каардынацыйнай Рады фракцыі "Еўрапейскі выбар", актывістка дыяспары Сан- Дыега, Каліфорнія. Фітнес-трэнерка.

Марыя будзе асвятляць лёс палітзняволенай Таццяны Сцепы.

🔻Таццяна Сцепа - жыхарка Мінска, была затрымана 30 студзеня 2024 года ў рамках рэйду і асуджана за салідарнасць з рэпрэсаванымі і каментары ў чатах на 4 гады пазбаўлення волі.

Што можна зрабіць, каб падтрымаць Таццяну?
▪️Напісаць ліст АНЛАЙН
▪️ Напісаць пра Таццяну ў сваіх сацыяльных сетках
▪️ Зрабіць акцыю падтрымкі ў любым фармаце

❤️Сёння — Міжнародны дзень роднай мовы

Сярод усіх народаў яна вылучае нас і робіць адметнымі. Размаўляйце беларускаю!

👉 Вось тут вы можаце пачытаць пра нашу дзейнасць на роднай мове.

Статус политзаключенного — это важно для всех ❤️

👉 https://youtu.be/u_aqLObKEZI?si=lNW5e0DynmpXwJjz

Многие родственники боятся обращаться к правозащитникам, боятся, что их близкого признают политзаключенным, хотя именно этого и добивается режим. Статус «политзаключенного» никак не навредит вашему родному человеку, наоборот, поможет. Почему, рассказали в нашем видеоролике.

8 сакавіка - Дзень салідарнасці жанчын у барацьбе за свае правы

Многія беларускія жанчыны сёння сутыкаюцца з цяжкасцямі: хтосьці яшчэ ў зняволенні, хтосьці ўжо на волі, але мае патрэбу ў падтрымцы.

👉 У знак салідарнасці з беларускамі мы аб'яўляем штогадовы дабрачынны збор на дапамогу пацярпелым жанчынам.

Акцыю арганізоўвае праект Служба «Хуткай гуманітарнай дапамогі» (фонд BYSOL, грамадская кампанія By_Help, Дабрачынны фонд «Краіна для жыцця» і ініцыятыва Dissidentby)

Куды пойдуць сродкі?

🔸гігіенічныя сродкі;
🔸лекі;
🔸базавыя рэчы;
🔸іншыя неабходныя прадметы.

Як дапамагчы?

🔺зрабіць ахвяраванне любым зручным спосабам.
🔺распаўсюдзіць інфармацыю пра збор ў сацыяльных сетках, калі гэта бяспечна для вас.

Самы мінімальны ўклад — гэта частка велізарнай дапамогі, што мы накіруем туды, дзе ў ёй маюць вострую патрэбу. Калі на вашае паведамленне адгукнецца хаця б адзін чалавек — гэта стане неабходнай часткай вялікай справы.

❤️ Толькі аб'яднаўшыся мы зможам падтрымаць беларускіх жанчын і паклапаціцца пра іх. Толькі з вашай дапамогай яны атрымаюць надзею, падтрымку і ўвагу.

Сума збору: € 8 000. На кожную жанчыну плануецца выдаткаваць каля 150 еўра.

Калі атрымаецца сабраць больш — яшчэ больш жанчын атрымаюць дапамогу.

Журналіст Андрэй Кузнечык пасля больш чым трох гадоў за кратамі нарэшце сустрэўся з роднымі ❤️

Сёння былы палітвязень змог выехаць з Беларусі. У Вільні яго чакалі жонка Алеся і дзеці — 5-гадовы Мацвей і 11-гадовая Яніна. Гэта першая магчымасць за доўгі час абняць блізкіх.

Таксама выйшла на волю і змагла з’ехаць шматдзетная маці Алена Маўшук. Яе разам з мужам судзілі за ўдзел у начных пратэстах у Пінску.

У Вільні жанчыну сустрэла кіраўніца фонду «Краіна для Жыцця», прадстаўніца Аб'яднанага пераходнага кабінета па сацыяльнай палітыцы Вольга Зазулінская

Відэа: @radiosvaboda

Святлана Ціханоўская:
«Цудоўныя навіны. Сёння мы сустракаем на волі трох закладнікаў рэжыму – журналіста Андрэя Кузнечыка, актывістку Алену Маўшук і грамадзяніна ЗША, імя якога пакуль не раскрываецца. 

Мне паведамілі, што ўсе трое ўжо ў бяспецы, у Вільні. Ім дапамагаюць прадстаўнікі амерыканскай амбасады, а Алену Маўшук прадстаўнікі Офіса і Кабінета ўжо вязуць у бяспечнае месца, дзе яна атрымае ўсю неабходную падтрымку.

Я вельмі ўдзячная Прэзідэнту Трампу, дзяржсакратару Рубіа і дзярждэпартаменту ЗША за супольныя намаганні, якія зрабілі гэта магчымым. 

Радая, што зняволеныя зноў змогуць пабачыць сем’і і блізкіх пасля доўгіх дзён за кратамі. Нарэшце кожны абдыме сваіх родных. Мы будзем змагацца за вызваленне кожнага!»

⚠️Чарговы фэйк. На гэты раз пра новы тэлеграм-бот BYSOL

Паведамленні пра яго з'яўляюцца ў розных чатах.

Калі ласка, верыфікуйце інфармацыю і будзьце пільныя! На канале @bysol ёсць усе сапраўдныя кантакты.

Мікалай Статкевіч знаходзіцца 1715 дзён у зняволенні. Апошнія два гады ён пазбаўлены перадач, а ліставанне з роднымі забаронена. Адваката да яго не дапускаюць 💔

Праз усё жыццё ён застаецца верным сваім перакананням. Не прымаў несправядлівасць на волі — і не прымае за кратамі. У адказ рэжым максімальна ўскладняе ягоныя ўмовы ўтрымання і праз поўную ізаляцыю аказвае псіхалагічны ціск на сям’ю.

Раней, калі лісты яшчэ даходзілі, Мікалай заўсёды падтрымліваў тых, хто яму пісаў. Вядома, што яго неаднаразова змяшчалі ў ШІЗА і карцар, а ягонае здароўе значна пагоршылася.

Мы чакаем яго на волі і верым, што стойкасць дапаможа перажыць усе выпрабаванні ✊

Паліна Шарэнда-Панасюк на волі, і цяпер ёй трэба падтрымка ❤️

Збор грошай для жанчыны робіць BySol. Шлях да аднаўлення пасля перажытага будзе няпросты. Таму кожны ўнёсак вельмі важны.

Салідарнасць — наша адметнасць. Мы спадзяёмся, што аніводны з вас не стаміўся быць поруч з тымі, хто мае патрэбу.

👉 Спасылка на збор. Дзякуй!

Паліну сустрэла шмат людзей. У тым ліку кіраўніца фонду «Краіна для Жыцця» Вольга Зазулінская

Так выглядае Паліна.

Яна правяла за кратамі 4 гады.

Відэа: @nashaniva

Сустракаем Паліну усе разам у Вільні

Муж Паліны Шарэнды-Панасюк заклікаў яе сустрэць у 17: 20 каля уваходу на чыгуначны вакзал.

Паліна Шарэнда-Панасюк на волі і ў бяспецы ❤️

Пасля трох падаўжэнняў тэрміну і чатырох судоў, пасля гадоў зняволення за краты выйшла моцная жанчына, маці і праваабаронца.

З 3 студзеня 2021 года яна прайшла праз усе формы ціску і ізаляцыі, але не зламалася. 1 лютага 2025 года Паліна нарэшце атрымала свабоду.

За мяжой яе чакалі двое сыноў і муж.
Сёння яны зноў разам.

Святлана Ціханоўская – пра 700 дзён утрымання Сяргея Ціханоўскага ў рэжыме інкамунікада

«Апошні раз я чула голас мужа больш за чатыры гады таму. У мяне было ўсяго пяць хвілінаў, каб падтрымаць яго, расказаць пра дзяцей, спытаць пра здароўе. Тады я яшчэ не ведала, што нам больш не дазволяць пагаварыць. Часта ўспамінаю тую размову і думаю, што яшчэ магла б сказаць…

Вось ужо 700 дзён ад Сяргея няма навінаў. Я не ведаю, ці атрымлівае ён віншаванні з днём нараджэння, ці бачыў паштоўкі, намаляваныя дачкой. Не ведаю, калі зноў змагу пачуць ягоны голас. Нават адзін дзень без вестак ад блізкага чалавека – гэта ўжо нагода для трывогі. Разам з Карнеем і Агніяй мы жывём у гэтай трывозе ўжо некалькі гадоў.

Але я ўпэўненая, што ён адчувае нашую падтрымку. Што ягоная ўнутраная сіла з ім. І нават за гэты час без сувязі – ён надае гэтую сілу і мне. Мы не спынімся, пакуль Сяргей і ўсе палітвязні не будуць на волі».

⚡Чат з ботам «Беларускага Гаюна» узламалі. Усе, хто туды пісаў ці даваў фота/відэа інфармацыю, меў акаунт у Telegram на беларускім нумары — пад пагрозай.

🔸для эвакуацыі з Беларусі пішыце у @help_bysol;

🔸для «ачысткі» гаджэтаў і кансультацый па лічбавай бяспецы пішыце у @tech_rescuer1;

🔸каб паведаміць пра затрыманне пішыце ў @ViasnaSOS — можаце гэта рабіць праз знаёмых і родных за мяжой.

Беражыце сябе!

Сёння — Дзень нязломнасці ✊

2 лютага мы гаворым пра чалавека, які не проста верыў у справядлівасць, але і штодня змагаўся за яе. Антон Сташэўскі — валанцёр фонду «Краіна для Жыцця», удзельнік руху Сяргея Ціханоўскага і перадвыбарнага штаба Святланы Ціханоўскай. Бацька дваіх дзяцей. Чалавек, які нёс святло туды, дзе было цёмна.

Антон меў вялікае сэрца, дзе змяшчаліся чужая боль і пакуты. Ён дапамагаў палітзняволеным праз перадачы перадачы, падтрымліваў сем’і тых, каго кінулі за краты. І працягваў гэта рабіць да апошняга моманту, пакуль сам не апынуўся ў зняволенні. Ён свядома выбраў шлях салідарнасці, бо не мог інакш.

Без дабрыні, узаемнай падтрымкі і спагады свет не будзе дасканалым. Антон ведаў гэта, таму і стаў адным з тых, хто стварае Беларусь будучыні.

Мы чакаем Антона Сташэўскага на волі!

#ДзеньНязломнасці

⚡️Паліна Шарэнда-Панасюк выйшла на волю

Пра гэта напісаў ейны муж Андрэй Шарэнда:

«Паліна выйшла на свабоду па сканчэнні чацвёртага тэрміну. Чатыры гады і 1 месяц за кратамі».

Праваабаронцы паведамлялі пра факты катавання Паліны ў зняволенні, праз што ў яе з'явіліся праблемы са здароўем. Вядома, што яе змяшчалі ў карцар і ПКТ, а таксама пазбаўлялі перадач.

Шарэндзе-Панасюк тройчы падаўжалі тэрмін зняволення. Яе судзілі за злоснае непадпарадкаванне адміністрацыі папраўчай установы.

Каманда фонду «Краіна для Жыцця» выказвае шчырую радасць з нагоды вызвалення Паліны Шарэнды-Панасюк. Мы жадаем Паліне, Андрэю і іх дзецям хуткага ўз'яднання ❤️

Мы далучаемся да ідэі абнавіць беларускі каляндар! 📆

Мэта гэтай кампаніі — ўключыць у яго новае свята — Дзень Нязломнасці 2 лютага. Гэта дзень нараджэння Кастуся Каліноўскага. Ягоная постаць увасабляе тых, хто і сёння змагаецца за Беларусь, церпіць за яе, стварае беларускую павестку і прастору.

✊ Заклікаем вас 2 лютага ўзгадаць тых, хто, на вашую думку, з'яўляецца сапраўдным беларускім героем.

🧑‍💻 Напішыце ў сацсетках пра цяперашніх палітвязняў, актывістаў, валанцёраў, альбо пра асобу Каліноўскага і ягонае значэнне для гісторыі, пра асоб культурніцкага напрамку, чыя дзейнасць была ці ёсць важнай для захавання беларускай ідэнтычнасці.

#️⃣ І пакідайце хэштэг #ДзеньНязломнасці

Фігуранта «справы Ціханоўскага» і валанцёра каманды Святланы Ціханоўскай Уладзіміра Кнігу трымаюць у зняволенні ўжо 1700 дзён. На сёння ён 513 дзён знаходзіцца ў рэжыме інкамунікада — Уладзіміра пазбавілі права на ліставанне, сустрэч з адвакатам і медыцынскіх бандэроляў.

Летась рэжым ужо судзіў Кнігу па арт. 411 КК РБ (злоснае непадпарадкаванне патрабаванням адміністрацыі калоніі). Наперадзе яшчэ адзін суд, вырак якога, на жаль, вядомы загадзя.