یازماق اوچون داریخمیشام
همت شهبازی

بلکه ده دونیادا گله‌جک نسیل اوچون بیر سیرا گویاکی مکتوبلاشمیش اوخوجوسوز کیتابلار قویان تکجه ملت بیزیک. دونیانین اکثر دیللرینده یازیلان هر بیر اثر، ایلک اؤنجه یاشادیغی چاغین اوخوجو نسلینی نظره آلاراق یازیرلار. بیزده ایسه بونون عکسی اولور. چاغیمیزین اوخوجوسو، واختیندا اوخومادیغی اوچون هارداسا بیرگون اؤز دیلینده اوخویان بیر ملت اولاجاغیق دئیه اثرلر اورتایا قویوروق. یئنه بو حاقدا دونیادا نادر اولان بیر ملت بلکه ده بیزیک.
.
«بیز یالنیز اؤز معاصرلریمیزی تانییریق» (#اومبئرتو‌ـ‌ائکو). بو سؤزده معین گئرچکلیک اولماسینا باخمایاراق، بیزیم یازیچی‌لیق شرایطیمیز معین معنادا اؤزوموزدن آسیلی اولمادیغی کیمی، اوخوجولوق شرایطیمیز ده بونا تایدیر. بیز هئچ، معاصریمیزی ده تانیمیریق. هله‌ بلکه یازارلاریمیز دریدن-قابیقدان چیخاراق اؤزلرینی دونیانین کیچیک بیر گوشه‌سینده سیخیلیب قالماقلارینی بیله‌رک یئنه ده دیل عشقینه، یورد عشقینه، ملت عشقینه، نه‌بیلیم هر نه‌یین عشقینه اولماسینی نظره آلماقلا یازیب یارادیرلار. یئنه ده دونیادا بلکه ده بیزیمکی‌لر یگانه یازارلاردیرلارکی اوخوجولاری اولمایاجاغینی بیله‌رک یازیرلار. فداکارلیق نئجه اولارمی؟
آنجاق اومبئرتو ائکویا سوال وئرمک اولار: سنین دئدیین چاغداش اوخوجو، بیزیم دئدییمیز چاغداش اوخوجو ایله برابر امکانلاردان فایدالانا بیلمیر. دانیشدیغی دیلینی، یازی اوزرینده اوخویا بیلمیر. چونکی اونا عادت ائتمه‌ییبدیر. تعلیم، گؤرمه‌ییبدیر. تعلیم، تکرار اولماق واسیطه‌سی ایله اؤز بهره‌سینی وئریر. ائله ائکونون اوخوجوسو اؤزونون تعلیم آلدیغی دیلی تکرار ائتمه‌سه، او دا بیزیم کیمی «باخار کور» اولاردی. او دا ائله ائکونون یازدیغینی اوخویا بیلمه‌یه‌جکدیر. ائکو، بیلمه‌لیدیرکی دونیادا باخار کور اولان اوخوجو وارسا او دا بیزیک.
.
#اورهان‌پاموک نوبئل نطقینده آتاسی‌نین اونا اؤزونون یازی‌لاری، فرانسا ادبیاتیندان ترجمه‌لری ایله دولو بیر چمداندان دانیشیر. بیر یازیچی اوچون چمدان او قدر ده اؤنملی دئییل. بونو پاریس محیطینی گؤروب، فرانسا ادبیاتیندان تورکجه‌یه چئویرن پاموکون آتاسی دا یاخشیجا بیلیردی. آهیل‌لیق یاشیناجاق اؤزو ایله گزدیردییی چمدانین ایچینده اونون بؤیوک حسرتی یاشاییردی. اونون ایچینده واختی ایله پاریسده، یالقیزلیغیندا یازدیغی اوره‌ک دؤیونتولری وار ایدی.
هئچ بیر شئی -حتتا یازارلیق لذتی ده بئله- یازی‌نین دینله‌ییجیسی اولماسی قدر شیرین دئییل. آتاسی‌نین یازدیقلاری ایله عکس حالدا دورماسینی ظن ائدن پاموک، بورادا آتاسی ایله عکس دوشونجه‌ده اولماسینا یانیخیر. اونون یانیخدیغی مسئله بیر یازیچی و شاعیرین ایللرله بوکولوب صاندیق ایچینده قالاراق اوخوجو اوزو گؤرمه‌مه‌سی‌دیر.
بوتون بونلاری اونا گؤره دئییرم کی آرتیق بیزیم ده یازدیقلاریمیز پاموکون آتاسی‌نین چمدانیندا بوکولوب قاتلاری آچیلمایان شعر دفترلرینه بنزه‌ییر. بو قدر «پیچاتدی(= باغلی) پاکاتین باغلی قالماسی» قالان ادبیاتیمیزین دورومو هئچ ده اوره‌ییمجه دئییل. بیز ایللرله یازیلاریمیزلا تک قالیریق. هردن اؤزوموزه اورک-دیرک وئریرک‌کی پاموکون آتاسی‌نین چمدانینداکی دفترلری کیمی هارداسا بیر گون بیزی ده زامانین، تاریخین چورویوب قوجالدیغی چاغیندا اوخویاجاقلار. آنجاق اوندا دونیانین مرکزینده قالان ادبیات، دوردوغو یئرده قالاجاقمی؟ یقین کی یوخ. اوندا دا پاموکون آتاسی‌نین ایللرله گؤزو قنشرینده یازاراق آنجاق پاموک (دینله‌ییجی) طرفیندن اونا هئچ بیر محل قویمادان آهیل‌لیق دؤورونده او یازیلارا بیر «حسرت قوتوسو» کیمی باخیلاجاغینی دویورام ایندیدن. پاموکون آتاسی بیر هفته سونرا اوتاغا گلدیکده، چمدانین یئریندن ترپندیینی گؤرور. دئمک بیریسی اونو اوخویاجاق. بو حیس اونو دویغولاندیریر. اؤزونو خوشبخت گؤرور و «همیشه‌کی کیمی گولدو» سؤزو ایله اؤزونو راحاتلاییر. باخ بئله‌دیر اوخوجونون یازیچییا وئردییی ان بؤیوک خوشبخت‌لیک.
.
بونلاری بیله‌رک یئنه ده یازیرام. اونا گؤره‌کی تاریخ بویو یازمادیغیمیزین اوتانجینی یاشاییرام. اوخوماق، یازماق منه ساکیت‌لشدیریجی بیر هَب کیمی‌دیر. اونلاری کنارا قویدوقدا هَببین ده تأثیری یوخا چیخیر. سون زامانلار یئنه ده یازماق اوچون داریخمیشام.
.
https://t.me/dusharge1

همت‌ شهبازی جنابلاریندان دوشوندورجو بیر یازی👇👇

فروردین‌ین ۳۰-جو گونو، علوم آزمایشگاهی گونو بوتون همکارلاریما موبارک اولسون💐

https://t.me/ruqayyekabiri

آیاق اوستو یازیلار

هر گون آددیملادیغیم پیادا یولدا بوداقلاری یئنی چیرتلامیش ایده آغاجلارینین اؤنوندن کئچیرکن عناب رنگینده، سیرغا کیمی بوداقدان آسیلمیش بیر جوت سیسقا ایده گؤزومه تاخیلماقدا، دایانیشما سؤزو ذهنیمده جانلاندی. پاییز و قیش فصیل‌لرینده، قار ایله شاختا-سازاقدا بوداقدان آسیلی قالیب، اؤزلرینی یاز فصلینه چاتدیران بو ایده‌لر، ندنسه آغیر اقتصادی دورومدا دایانماغا چالیشان اؤزوم کیمی امک‌لی‌لری منه خاطیرلاتدی.
بو دایانیشمانین شکیلینی چکمه‌دن یولوما دوام ائده بیلمزدیم.
ائوه ساری آددیملاییرکن، یولو باشاباش او ایده‌لرین نه زامان بوداقدان قوپاجاقلارینی دوشوندوم.


۱۴۰۴.۰۱.۲۸

https://t.me/ruqayyekabiri

http://mugham-pub.com/%da%a9%d8%aa%d8%a7%d8%a8%d9%87%d8%a7%db%8c-%d8%b5%d9%88%d8%aa%db%8c/


کتاب‌های صوتی موغام و همکاران

آیاق اوستو یازیلار
میراثیمیز
قوناقلاریمیزا دئدیم: بویورون، بورا مظفرالدین میرزا فرمانی ایله تبریزین گؤزونده تیکلمیش دارالفنون‌ بیناسی‌دیر. سونرا بینانین آجیناجاقلی وضعیتیندن اوتانیب، گؤزومو یئره تیکدیم.‌ اما جامع مچیدینه آیاق قویدوغوموزدا بینانین محتشم گؤزللییی و اورا حاکیم اولان اتمسفردن، سانکی او بینانین تیکیلمه‌سینده منیم ده رولوم وار ایمش کیمی ایچیمده بیر دینجلیک و غرور دوغولدو و باشیمی دیک توتوب، قوناقلارلا بیرلیکده مچیدده آددیملادیق.
مچیددن چیخیرکن، قاپی اؤنونده ایلشن شخصدن قوناقلار اوچون بروشور ایسته‌دیم، تبریزین باشی‌اوجالیغی ساییلان بو عظمت‌ده تاریخی بینا حاقیندا توریست‌لر اوچون میراث فرهنگی طرفیندن بیر واراق بروشور بئله چاپ ائدیلمه‌میشدیر.  
یئنه میراث‌فرهنگی‌نین آخساقلیقلاریندان
دولایی اوتانیب، گؤزومو یئره تیکدیم.
بو گون قوناغیم دارلفنون‌دان چکدییی بیر عکسی منه گؤندریب و سئوینجک بیر لحن‌له  عکس‌ین ساغ‌طرفینده، برق دیره‌ییندن آسیلمیش اعلاندا یازیلان متنه دقت ائتمه‌ییمی ایسته‌ییب.
گؤزلویومو تاخیب، دقت ایله عکسین ساغ طرفینه باخدیم. اعلاندا دارلفنون‌ون مرمت اولاجاغی قید اولونموشدو.
اورا گئتدییمیزده هئچ بیریمیز او اعلانی گؤرمه‌میشدیک. عکس‌ین ساغینداکی اعلانی اوخویاندان سونرا اؤزلویومده دئدیم: ایندی باشیمی دیک توتمالییام یوخسا... //
۱۴۰۴.۰۱.۲۵
https://t.me/ruqayyekabiri

آیاق اوستو یازیلار
میراثیمیز
قوناقلاریمیزا دئدیم: بویورون، بورا مظفرالدین میرزا فرمانی ایله تبریزین گؤزونده تیکلمیش دارالفنون‌ بیناسی‌دیر. سونرا بینانین آجیناجاقلی وضعیتیندن اوتانیب، گؤزومو یئره تیکدیم.‌ اما جامع مچیدینه آیاق 👇👇👇

آیاق اوستو یازیلار

سحر چاغی نئتده ماریوبارگاس یوسا-نین وفات خبرینی اوخویورکن هئچ تعجب ائتمه‌دیم. دونیادان ال اوزمه‌سی‌نین واختی چاتمیشدی دئیه، دوشونورم. یوسا اؤز بورجونو ادبیاتا وئرمیش، دونیا چاپیندا بیر ادبی خزینه میراث قویموش و بو حیاتی ترک ائتمیش. بو سویه‌ده دونیانی ترک ائتمک اؤلوم آدلانا بیلمز. اؤلوم بیر یوللوق یوخ اولماق دئمکدیر. یوسا ایسه منیم کیتاب رف‌لریمده یاشاییر، من یاشادیقجا، یوسا دا بو رف‌لرده یاشاییب، بیر معلیم کیمی منه یول-یؤندم گؤستره‌جک.
یوسا اثرلری لاتین امریکا ادبیاتیندا چوخ سئودیییم و چوخ اؤیرندیییم اثرلردن اولوب. یازیچی‌‌لیق یولوندا اجتماعی مسئولیت داشیماق، ادبیاتدا سوسیال سورونلارا دقت یئتیرمک و رماندا سیاسی اتمسفر یاراتماغی ماریو بارگاس یوسا اثرلریندن اؤیرنمیشم. اونون اثرلری ادبیات یولومدا اؤنملی بیر یئر آلیب.
یوسانین اثرلرینی اوخومایان ادبیات یولچولاری بو ادبی خزینه‌دن محروم قالاجاقلار.
۱۴۰۴.۰۱.۲۵


https://t.me/ruqayyekabiri

آیاق اوستو یازیلار
دفینه و سایت ترافیکی
گون خبرلرینه گؤز دولاندیریرکن «کشوری بازنشسته‌»‌لر اوچون اللی میلیون تومن‌لیک وام خبری دقتیمی چکیر. وام خبری ترند اولماسا دا، اؤزونو دونیانین کلانتری سایان ترامپ‌‌‌ین تهدید خبرلریندن بئله اؤنه کئچمیش کیمی‌دیر.
اوجا سس ایله اؤزومله دانیشیرام: «دییه‌سن بو ایل صاندیق داها آرتیق کرامت گؤستریب، گون اوزو گؤرمه‌میش دفینه پایلایاجاق امکلی‌لره!!!»
بو اقتصادی دورومدا امکلی معاشی‌نین دؤرد قاتینی بیر یئرده الده ائتمک، بلکه ده امکلی‌لر اوچون دفینه ساییلیر.
اوزون ایللردیر دفینه ساییلان وامی الده ائدیب، سونرا دیزلرینی قوجاقلاییب، آی با آی، قیرتی-قیرتی معاشلاریندان قوپاریلان قیسط‌لاری سایماق، قیسط‌لارین اؤده‌نیشیندن همن سونرا یئنی بیر دفینه الده ائتمک اوچون اووجونو «بازنشستگی صاندیغینا» ساری اوزالتماق اؤلکه امکلی‌لر اوچون بیر حیات طرزینه دؤنوشوب.
لپ‌تاب اؤنونده دیرسکله‌نیب، هله الده ائتمه‌دیییم دفینه‌نی پای-بؤلوش ائدیرکن، اوچ ایل اؤنجه آلدیغیم اون‌بئش‌ میلیونلوق وام قیسط‌لارینین قورتولمادیغی یادیما دوشور. در حال وام‌دان نئچه قیسط قالدیغینی بیلمک اوچون موبایلیمدا صاندیغین صبا آدلی پلتفرومونو آچیرام. صبا «ترافیک سایت» آدلی بیر اعلان پایلاشیب. اعلانی اوخویورکن ندنسه ات-تویوق و «کالابرگ» صفینده بیربیرلریله دارتیشانلار، «من نوبت قویوب، گئتمیشدیم»دیین‌لر، دوست-تانیشی‌نین یئرینه زنبیل قویانلار، اقتصادی سورونلارین آجیغینی بیربیرلریندن چیخارانلار، حتی اللرینده پلاکارد اداره‌لرین اؤنونده حاقلارینی مطالیبه ائدن امک‌لی‌لر گؤزومون اؤنونه تیکیلیر.
پلتفورمدا «آیلیق» بؤلومونو آچیرام. هله آلتی آیلیق اؤده‌نیلمه‌میش قیسطیم قالیر. یئنه اوجا سس ایله دانیشیرام: «قیسمت اولسا ایلین ایکینجی یاریسیندا، بازنشستگی صاندیغی‌نین کرامتی منه ده شامیل اولاجاق.»
صندلیمین آرخاسینا یاسلانیب، گله‌جکده الده ائده‌جه‌ییم دفینه‌نی یئنیدن پای-بؤلوش ائدیرکن ندنسه یوز دؤرد تومن‌لیک دلار بیردن بیره بایراق سایاغی بئینیمه تاخیلیب، دالغالانماغا باشلاییر. بوتون نئشه‌ام پوزولور.
گؤره‌سن ایلین ایکینجی یاریسیندا، دفینه‌نی الده ائده‌جه‌ییم گونلر سیاست دالغالاری دلار قیمتینی هانسی سمته آپاراجاق؟!
۱۴۰۲.۰۱.۱۷

https://t.me/ruqayyekabiri

آیاق اوستو یازیلار
دفینه و سایت ترافیکی
👇👇👇

ایشیق سایتی ایله امکداشلیق هر زامان منه اوغور قازاندیریب.
ایشیق سایتی‌نین باش‌رداکتوری ایله بوتون امکداشلارینا تشککور و منتدارلیغیمی بیلدیریرم. 💐
👇👇👇

✅
من رقیه کبیری خوی شهریندن، آذربایجان ادبیات جامعه‌سی‌نین بیر عضوی اولاراق تورکو دیلی‌نین رسمی اولماسی طلبینی امضالادیم.
دیل عدالتی، کولتورل زنگین‌لیک‌لرین قورونماسی و فرقلی کیملیک‌لرین بیر آرادا یاشانماسی اوچون تمل بیر عنصردور. دیل اینسان کیملیی‌نین ان اؤنملی پارچاسی‌دیر و چئشیدلی‌ اولماسی اینسانلیغین زنگین‌لییی‌دیر.
تورکو دیلی‌نین رسمی اولماسی بیرلیک و هم‌رای‌لیک دویغوسونو آرتیرماقلا یاناشی، مدنی زنگین‌لییی داها دا آرتیریب، دوستلوق کؤرپوسو یارادا بیلر.
��https://fa.petitions.net/475944
📢کارزار تحقق عدالت زبانی: به‌رسمیت‌شناختن زبان ترکی به‌عنوان یکی از زبان‌های رسمی ایران
#عدالت_زبانی
#تورک_دیلی
#زبان_مادری_حق_ماست
#ترکی_رسمی
#هویت_زنده‌_است
#ایران_چندزبانه

#8_مارس
#دونیا_قادین_گونو

نیره خانیم اردلانی، "بیزیم نسلین طلباتی ایله اویوشمایان z نسلی" یازیسینی گؤزل سسیزله پایلاشدیغیز اوچون تشککور ائدیرم.🌻

آیاق اوستو یازیلار
۸ مارس موناسیبتیله
بیزیم نسلین طلباتی ایله اویوشمایان z نسلی‌



خوی-تبریز اتوبوسوندا تانیش اولساق دا، آدینی بئله سوروشمادیم. تاخما دیرناقلاری مانیکورلو، اوز-گؤزو ایسه باخیملی ایدی. اون‌یئددی یاشلی بیر قیز کیمی گؤرونسه ده، اییرمی‌اوچ یاشلی، آزاد دانیشگاهین کامپیوتر فاکولته‌سی‌نین اؤیرنجیسی ایدی، اؤزو دئمیشکن «baby face» ایدی. من اون‌دؤرد نومره‌لی، او ایسه اون‌اوچ نومره‌لی صندل‌لرده ایشلشمیشدیک. اتوبوس یولا دوشمک همن الکترونیکی سیقاراسینی داماغینا آلیب، توستو حالقالارینی اتوبوسون قیرمیزی پرده‌لرینه ساری اوفله‌دی. آرامیزداکی تکجه اورتاقلیق جنسیتیمیز و اللریمیزده‌کی موبایل ایدی. او سرعتله هر ایکی الی‌نین باش بارماغیلا چت ائتمکده ایدی، منسه تلگرامین«بیراز فلسفه» کانالیندان مارکس پادکستینی دینله‌مکده ایدیم .
یان‌یانا صندللرده ایشلشدییمیزه باخمایاراق، آرامیزدا درین بیر دره اولدوغو کسین ایدی. گؤز‌اوجو اونو ایزلرکن، بو دره‌نی دولدورماغا گوجوموز چاتماسا بئله، اوزه‌رینده بیر کؤرپو قورماق امکانسیز اولمامالی‌دیر دئیه، دوشونورکن، مارکس دینلمکدن واز کئچیب، قولاقلیغیمی چیخاریب، بیر اووج بادام-کیشمیش ایله آرامیزداکی دره اوزره‌ینده کؤرپو قورماغی باشارا بیلدیم. بیراز هاوادان، سودان، خوی‌دان، تبریزدن دانیشاندان سونرا، یازیچی اولدوغوم اوچون هر زامان اؤیرنمه‌یه مارقلی اولدوغومو سؤیله‌ییب، الینده‌کی الکترونیکی سیقارا حاقیندا هئچ بیر معلوماتیم اولمادیغینی دئدیم. دقت ایله آغارمیش ساچلاریما باخیب، ادب-ارکان ایله دئدی: «الکترونیکی سیقارالارین فرقلی نوع‌لاری وار، بونون آدی وئیپ‌دی، شارژ اولار. بیر نوعونون آدی دا پاد دی، پاد یکبارمصرف‌دی، وئیپ، پاد نوعوندان باهادی. وئیپ‌ین جویس ایله سالت طعم‌لری وار، سالت نیکوتین‌لی وئیپ‌دی، ۲۰دن ۵۰‌یه کیمی دوزلاری وار.»
وئردیغی معلومات اوچون تشککور ائدیب، «بلکه حیکایه‌لریمین بیرینده وئیپ قوللانان بیر قیزکاراکتری یاراتدیم»، دئدیم.
قضاوت، سرژنش ائتمه‌دن، سیقار ضرر-زیانیندان دانیشمادان اوندان معلومات آلدیغیم اوچون ممنون گؤرونوردو. بیردن بیره دئدی: «دوغوردان یازیچیسیز؟»
«آدیمی نئتده آراشدیرا بیلرسن.»
درحال بارماقلاری سرعت ایله موبایلین صحیفه‌سی اوزرینده اوینادی. نئت‌دن ویکی‌پدیایا باغلانیب، یازیلمیش معلوماتی اوخویوب، شکیلیم ایله منی توتوشدوراندان سونرا گوله-گوله دئدی: «یولداشلاریما دئیه‌جم اتوبوسدا بیر سئلبریتی ایله بیر یئرده ائلشمیشدیک.»
منی سئلبریتی خطاب ائتدییندن خوشلانماسام دا آرامیزدا قورولموش کؤرپونو ییخماق ایسته‌میردیم. دئدیم: « Z نسلینه عایید بیر قیز اولاراق، سنجه عایله‌لر و ائولادلاری آراسینداکی بو دره‌نی نئجه دولدورماق اولار؟»
دئدی: «یئتر کی بیزی قضاوت ائتمه‌سینلر، دونیا سیزدوردوغوز یئرده دایانماییب، هر آن دییشمکده‌دیر، بوگون ایله صاباحیمیز بیربیریندن فرقلی‌دیر، بابام من یاشدا اولاندا، کامیپوترین نه اولدوغونو بئله بیلمیردی. بیزدن ایستمه‌یین سیزلر کیمی اولاق. بو ایش امکانسیزدی.سیز کئچمیشه باخیرسیز، بیز اؤنوموزه. سیزین زامانیز، سیزین تجربه‌لریز سیزه عایید ایدی، بیز ایسه بیزه عایید زاماندا یاشاییریق. بیز دیجیتال دونیانین جاوانلارییق.»
دئدیم: «من سنین یاشیندا اولاندا، عایله‌دن گیزلین کیتاب اوخودوغوم اوچون چوخ چتینلیک چکردیم، سنجه بو زاماندا عایله‌دن گیزیلین سیقارا قوللانماق چتین دئییل‌می؟»
«بابام باشدا ناراحات اولدی، اما سونرا یاواش-یاواش قبوللندی. بیلرسیز، آخی معذرت‌خواهی بهتر از اجازه گرفتن است. من عاغلیما قویدوغوم ایشی گؤره‌رم، ائوده ناراحات اولسالار معذرت ایسته‌رم سونرا اونلار دا یاواش-یاواش ایستک‌لریمی قبول ائدر.»
دئدیم: «عجب استراتژی‌دی!»
قیزا باخیرکن، ایچیمده‌کی قیزی اوندا آختاردیم. صمیمیتی ایچیمده‌کی قیزین صمیمیتینه بنزه‌سه ده، مانیکورلو، تاخما دیرناقلاری کسین ایچیمده‌کی قیزین دیرناقلارینا بنزه‌میردی، باشقا خاصیت‌لریله تانیش اولماق اوچون اونونلا داها آرتیق علاقه‌ده اولمالی ایدیم، آنجاق تبریزه چاتمیشدیق. آدینی سوروشماق ایسته‌سم ده، واز کئچدیم. اینسانلارین اؤزلری آدلاریندان داها اؤنملی‌دیر.
تانیشلیغیمیز حاقیندا نئت اوزره پایلاشاجاغام یازی و الینده‌کی وئیپ‌دن شکیل چکمک اوچون اوندان اذن ایسته‌دیم. اووجونو آچیب، قیرمیزی بئل چانتاسی‌نین اوزه‌رینه قویدو.
اتوبوسدان ائنیرکن، بیزیم نسلین قادینلارینین طلباتی z نسلی‌نین طلباتی ایله اویوشمادیغینا باخمایاراق، آرامیزداکی درین دره‌نین اوزه‌رینه کؤرپو قورماق بیزیم نسلیمیزین بورجو اولدوغوندان امین ایدیم.
۱۴۰۳.۱۲.۱۷

https://t.me/ruqayyekabiri

آیاق اوستو یازیلار،
۸ مارس موناسیبتیله
بیزیم نسلین طلباتی ایله اویوشمایان z نسلی‌


خوی-تبریز اتوبوسوندا تانیش اولساق دا، آدینی بئله سوروشمادیم. تاخما دیرناقلاری مانیکورلو، اوز-گؤزو باخیملی، اون‌یئددی یاشلی بیر قیز کیمی گؤرونسه ده، اییرمی‌اوچ یاشلی، آزاد دانیشگاهین کامپیوتر فاکولته‌سی‌نین اؤیرنجیسی ایدی، اؤزو دئمیشکن «baby face» ایدی. من اون‌دؤرد نومره‌لی، او ایسه اون‌اوچ نومره‌لی صندل‌لرده ایشلشمیشدیک. اتوبوس یولا دوشمک همن الکترونیکی سیقاراسینی داماغینا آلیب، توستو حالقالارینی اتوبوسون قیرمیزی
👇👇👇👇

مراسیمین گزاریشینی ایشیق سایتیندا اوخویا بیلرسیز.👇👇

‍ 📌یئر تیتره‌ییر، ائل گوجو ایله خوی دایانیر؛

✅ویژه‌نامه زلزله خوی رونمایی شد

🔹مراسم رونمایی ویژه‌نامه زلزله خوی با حضور مسئولین شهری، شخصیت‌های برجسته و فعالان مدنی و سازمان های مردم نهاد از شهری مختلف آذربایجان همچون خوی، تبریز و اورمیه در سالن شهید برگزینی شهرداری خوی برگزار شد.

🔹 در این مراسم، توحید ملک‌زاده، رقیه کبیری، علی اصغر پاشازاده، احسان اکبری، محمد علیمرادی و الناز خاکزاد به اهمیت ثبت و مستندسازی این حادثه و پیامدهای اجتماعی، فرهنگی و مدیریتی آن پرداختند. 

🔹ویژه نامه خوی در پنجاه و سومین شماره ماهنامه «ندای قلم»، نشریه اجتماعی-فرهنگی، در بهمن ۱۴۰۳ به مدیرمسئولی حامد کاظم‌زاده‌خوئی منتشر شد. این شماره با سردبیری رقیه کبیری و دبیری تحریریه رضا حسن‌زاده، پرونده‌ای ویژه به بررسی زلزله خوی اختصاص داده است و ابعاد اجتماعی، فرهنگی و مدیریتی این بحران را مورد تحلیل قرار می‌دهد.

🔹ویژه‌نامه زلزله خوی با تلاش‌های مستند و تحلیل‌های علمی، اجتماعی، روان‌شناختی و مدیریتی سعی در ارائه درکی عمیق از پیامدهای این فاجعه دارد.

🔹در این ویژه‌نامه، روایت‌های دست اول از مردم آسیب‌دیده، عکس‌های به یادگار مانده از لنز عکاسان و خاطرات کودکان درگیر زلزله، هر کدام گواهی بر مقاومت و ایستادگی مردم خوی در برابر این حادثه ناگوار هستند.

🔹لازم به یاد آوری است در تاریخ ۸ بهمن‌ماه ۱۴۰۱، زلزله‌ شدیدی به بزرگی ۵.۹ ریشتر شهرستان خوی در استان آذربایجان غربی را لرزاند. طی این زلزله، تعدادی از هم‌وطنان جان باختند و شمار زیادی مصدوم شدند. همچنین، دست‌کم ده هزار خانه در شهر خوی و روستاهای اطراف خسارت دید.

ائل گوجو گاه سئل کیمی آخار، گاهدانسا زینه آخیب، دوغرو یولونا دوام ائدر. یازیب-یاراتماق بیزیم ان دوغرو یولوموزدور.
ائل گوجو یاردیم تجربه‌لرینی عکس‌ائدیرن درگی‌نین آچیلیش تؤره‌نی.
طراح: ائلناز خانیم خاکزاد

☝️☝️☝️یوخاریداکی لینک ایله باغلی بیر یازی.

عزیز شاعیر و موسیقی‌چی دوستلار، سیزلره چوخ حؤرمتیم وار و زحمت‌لریزه چوخ سایقی دویورام، اما آذربایجان قیزلارینی گؤیلردن یئر اوزونه ائندیریب، اونلارین مستقل هویت‌لرینی قبول ائتمک واختی گلیب چاتماییب می!؟
بو گون آذربایجان قیزی بوتون ساحه‌لرده مستقل هویت قازانماغا دوغرو آددیملاییرکن، بو موسیقی‌ده آذربایجان قیزی‌نین مستقل هویتی هاردا یئر آلیب؟ نه زامانا کیمی آذربایجان قیزی ائلین اصلان قیزی و گؤیون اولدوزو ساییلاجاق؟
آذربایجان قیزی نه زامان آتا‌ارکیل دوشونجه‌نین کؤلگه‌سیندن کنار، یئر اوزونده مستقل بیر انسان کیمی تانیناجاق؟
https://t.me/ruqayyekabiri

https://www.instagram.com/reel/DGQ7LuOyNnq/?igsh=ZXRncTc0bjNhdnk2
👇👇👇

غالیب دیلدن دوغما دیله کؤچمک، اؤزگه‌لشمه یولوندان گئری دؤنمک و اؤزونه قاییتماق کیمی‌دیر.
ان اوزوجو و پارادوکسیکال مسئله‌ ایسه آنادیلی حاقینی غالیب دیل واسیطه‌سی ایله مدافعه ائتمکدیر.


https://t.me/ruqayyekabiri

🎙 گؤزه‌لرین ایکینجی فصلینین ایکینجی ائپیزودو #رقیه_کبیری و #قوشلار_داها_قورخورلار رومانینا گؤره‌دیر (بیرینجی ائپیزودون داوامی).

🔹 #غفور_امامی_زاده یاریم ساعات‌دا رومانین اؤزه‌تی‌نی دییرک، باخیشینی رومانا گؤره ایره‌لی سورور. رومانین نه‌دن باشاریلی اولدوغو، هارالاردا سورونو اولدوغونو آچیقلاییر.

🔹 قالان بؤلوم‌ده، سؤزلریمی خانم کبیری‌نین بوتون اثرلری‌نین اؤزللییی، #دوشرگه و "قوشلار" رومانی اوزره باغلاییب، #عصمت_اؤزل دن Ils Sont Eux آدلی شعرینین بیر قیسمینی اوخوموشام.

🎶 متن آراسیندا گئدن موسیقی ایسه #فرانتس_شوبرت، پیانو سوناتی ۱۹، اوچونجو موومان.

🔹تصویره چکیلن توکان‌لار، آدام‌لار، ائو اشیالاری، خویون قالاسی، خیاوان‌لاردان وئریلن آیرینتی‌لار، دانیشیلان سؤزلر، اوخوجودا بیر کئچمیشده باش وئرن تاریخی بیر اولایین هیجانی اورتاسیندا اولدوغو حیسسی‌نی یاراتماغی باجاریر.

🔹راوی هر شئیین بویاسی، سسی، دادی، شکلی و قوخوسونا گؤره عئینی جزئیات وئریر. بو دا رومانین چکیجی‌لییینه سبب اولور. بیر صحنه‌ده، توی مراسیمینده صاندیقچانین اوستونده ایله‌شن گلینین قیچینی ازن قیفیلدان دانیشیر؛ یوزونجو صفحه‌ده ایسه اوغلانین قیافه‌سی‌نین توصیفینده بئله دئییر: باشی داز، شوش قولاق، دومبا گؤز، مات باخیشلی...
نه قده‌ر آز و مختصر کلمه‌لرله اوغلانین قیافه‌سی‌نین تصویری اوخوجونون گؤزلری اؤنونده سرگیله‌نیر. تکجه یازماقلا اوغراشانلار بیلیر بئله بیر تصویرله بیر اینسانین قیافه‌سینی توصیف ائله‌مه‌یین نه قده‌ر چتین ایش اولدوغونو.

🔹روماندا گئدن آتا بابا سؤزلری، یئر یئر ایشله‌نن کؤکلو و گوجلو کلمه‌لر و ترکیب‌لرین ده کی اؤز یئری واردیر. سؤز داغارجیغی‌نین گئنیش‌لییی یازارین بو دیله اولان شوبهه‌سیز ایحاطه‌سیندن خبر وئریر.


🔹بوتون بونلارا باخمایاراق روماندا "آخساقلیق" آدینی وئره بیلدیییم (طبیعی کی اؤز باخیشیمدان) بعضی یئرلر ده وار. فرعی کاراکتئرلرین چوخلوغو اوخوجونو یوران بیرینجی آخساقلیغی‌دیر منجه. ۱۸۴ صفحه‌لیک بیر اثرده کارا گلمه‌ین و رومانین دوزومو و سریمینده هئچ ائتکیسی اولمایان اللی‌یه یاخین بیر کاراکتئر ساییسی یوروجو دئییل ده ندیر؟ قیزلارین پانسیونوندا (۱۲جی بؤلوم) رومانین سونو هارا چاتاجاق دئیه کلمه کلمه قاباغا گئدن بئچارا اوخوجونون باشینا شیدیرغی یاغیش تک یاغدیریلان بونجا تزه و فرعی کاراکتئرلرین سیرالانماسی و اونلارین اوزون اوزادی سؤزلری و حرکت‌لرینین آیرینتی‌لارلا تصویره چکیلمه‌سی، تحمل گوجونون آستاناسینین سیناقدان کئچیریلمه‌سیندن باشقا هئچ آدی یوخدور.

🔹 روماندا کاراکتئرلره گؤره گلن بعضن ایضافه ایضاحاتین دا بیر آخساقلیق اولدوغونا بارماق باسمالی‌یام بوردا. بعضن اوخوجونون بیلدییی و آلقیلادیغی بیر شئیین یئنی‌دن راوی طرفیندن ایضاحلانماسی‌نین شاهیدی اولوروق. آخیر بؤلوم‌لرده نیلفرین او تالواسالی حال‌لارینداکی حسیاتی‌نین، راوی قده‌ر اوخوجویا دا معلوم اولدوغونو قبول ائتدیییمیز بیر هئرمونوتیک اورتامدا، راوی‌نین گتیردییی توضیح واضحات‌لاری روایته ضربه وورماقدادیر. بئله بیر ایضاحات بعضن ده رومانین ایلک بؤلوملرینده گؤزه چارپیر. رومانین ۲۴جو صفحه‌سینده بئله بیر جومله‌یه توش گلیریک:

بیر سوال چاتیر آغلینا: گؤره‌سن هئچ خزرده کؤپک بالیغی تاپیلار یا یوخ.
تکجه بو "بیر سوال چاتیر آغلینا" جومله‌سی، گؤرون نه قده‌ر روایتی ساختا و قوندارما بیر حالا سالیر. یانی اوخوجو بونو بیلمیر کی او ایکینجی جومله، کاراکتئرین ذهنینه گلن جومله‌دیر؟ راوی اوخوجونو بو قده‌ر کوت‌بئیین سانیرمی؟

🔹یا بو جومله‌یه بیر باخین:
دنیزین سویو گؤزونو آجیشدیرسادا، آنجاق الی عود قوخوسو دئییل بالیق قوخویوردو.

بو جومله‌دن "آنجاق" کلمه‌سینی گؤتورون، گؤرون نه قده‌ر چالاچوخورو آزالیر.

روماندا تایپ یانلیش‌لاری دا وار. اؤرنک اولاراق:
اوزنه، آت قویوروغونو بولادی، آمارنلار، الینی ایله‌دی و...


🔹بعضن ده بئله ترکیب‌لره راس گلیریک: الماس‌سل، قادین‌سل(منظورو قادین‌یانادیرمی؟ البته بو کلمه‌ده آنا یاسانین سیندیغینی هله نظره سالمیرام.)

بیر یئرده ده تئزرک کلمه‌سی تئزراق یازیلیب.

🔹بعضن ده کلمه‌لرین دقیق آنلام‌لاریندا ایشله‌نمه‌مه‌لرینه شاهید اولوروق. اؤرنک اولاراق "صیفت" یا "سیر صیفت" کلمه‌سی رومانین هر یئرینده قیافه و اوز آنلامیندا ایشله‌نیب. (۵۱، ۵۵،۶۵،۷۲،۸۵ ۶۵،۱۷۷ صفحه‌لر) حالبوکی بو کلمه (سیرصیفتینه بیر باخ،)، (اونا بیر صیفت گؤستردی کی...) کیمی جومله‌لرله همشه منفی آنلامدا ایشله‌نمکده‌دیر آذربایجاندا.

"قالیجی" کلمه‌سینی ده بو سیرالارداکی اؤرنک‌لرین ایچینده گتیرمک اولار. ۷۹جو صفحه ده بئله بیر جومله وار: خویدا اوز وئرن فاجیعه اورمودان قالیجی دئییل.

حالبوکی بوردا "قالیجی" کلمه‌سی‌نین عوضینه "قالان" کلمه‌سی ایشله‌نه‌جکدی. قالیجی کلمه‌سینین قالارغی، "پایدار و جاودان" آنلامی واردیر.

🔹 بیر یئرده بئله بیر جومله اوخویوروق: "میلچک‌لر پیرر ائله‌ییب اوچدو."
میلچکلر ویز ائله‌ییب اوچولار و پیرر ائله‌ییب اوچماغی آذربایجان تورکجه‌سینده، دسته حالیندا بیردن گؤیه اوچوشان قوش‌لارین اوچوشو توصیفینده ایشله‌دیریک.
بوتون بو جزئی آخساقلیق‌لار بالاجا بیر ال گزدیرمکله حل اولان‌ شئی‌دیرلر.

🔹 من رقیه خانیم کبیری‌نین بو رومانینی گونئی آذربایجان ادبیاتیندا یازیلمیش ان گوجلو و باشاریلی رومان بیلیرم. بو رومان ادبیاتیمیزدا قالاجاقدیر.


*ائتکی‌لشیملی ائش‌زامانلی‌لیق: پدیده همزمانی

✍ یازار: غفور امامی زاده خیاوی

📚 @oykumuz
اؤیکوموز، آذربایجان مودئرن ادبیات و حیکایه کانالی

📕 ایتیریلمیش سئوگی...

📗 رقیه کبیری‌نین قوشلار داها قورخمورلار رومانینا تنقیدی بیر باخیش

🔹 قوشلار داها قورخمورلار رومانی ایکی قادینین فرقلی یاشام اؤیکوسودور، عؤمورلرینین حساس بیر نوقطه‌سینده، بیر لحظه‌سینده (بلکه ده بیر ائتکی‌لشیملی ائش‌زامانلی‌لیق* سونوجوندا) بیربیرینه توش گلن بو ایکی اینسان، واحید بیر شئیین آختاریشیندادیرلار: ایتیریلمیش سئوگی.

🔹 ایکیسی ده یولون سونوندا. ساحیلین سونو دنیزین باشلانیشی‌دیر. نرگیز عؤمرونون قالانینی قورولوغون یئرینه دنیزین ایچینده یاشاماق ایستیر، دالغالارین باغریندا، اتینی پارام پارچا ائدیب بدنیندن سانتیم سانتیم آییراجاق اولان بالیق‌لارین، اؤزه‌للیکله ده کؤپک بالیغی‌نین قارنیندا.

🔹 کؤپک بالیغی سولئیمانی آندیریر، نرگیزی سئوگی‌دن، حیاتدان اومسوندوران کیشی. ۱۳۵۹ دا "انقلاب فرهنگی" اثناسیندا تسویه اولونان‌لارین ایچینده یئر آلان، رادیکال سول دوشونجه‌لی سولئیمان ایل‌لردیر اؤلکه‌دن کؤچوب، دنیزین اوتاییندا باشقا بیر اؤلکه‌ده، اؤزونه باشقا بیر حیات قوروب، باشقا بیر آدام اولوب. نرگیز بونلاری ایللر سونرا اونون یانینا گئتدییینده و اونو بیر داها دا یاخیندان گؤردوکدن سونرا بیله‌جک. کئچمیشده‌کی باخیش‌لاری، سیاسال ایدئولوژی‌لری ایندی گولونج بیر اویونجاق کیمی نظرینه گلن سولئیمان، ایللردن سونرا یانینا گئدن قادینا "حیات سئکس و پارا دابانیندا دولانیر" دئییر. خانیم قیز دئیه سسله‌دییی اسکی سئوگیلی‌سینی اؤز یانینا دعوت ائتدییی‌نین ده اصلی سببی، ائله بو جینسل ایستک‌لری ارضا ائله‌مکدن باشقا بیر زاد دئییل.


🔹گؤروشوندن گئری دؤنن نرگیزین سئوگی‌نین ذئهنسل بیر وارلیق‌دان باشقا هئچ نه اولمادیغی قناعتینه چاتماسی، اؤزو ایله اولان مونولوق‌لاری اثناسیندا اوزه چیخیر: اگر اونو یاخیندان گلیب گؤرمه‌سه‌یدیم، ان آز بو سئوگینی عؤمور بویو ایچیمده داشییابیلردیم.

بو، بیرینجی یاشام اؤیکودور. و زامان، ایراندا باش وئرن ایسلامی انقلابین ایلک ایل‌لری.

🔹یاشلی و تجروبه‌لی نیلفرین آنجاق فرقلی بیر یاشام اؤیکوسو وار. اوستوندن قیرخ ایله یاخین بیر سوره کئچسه بئله، سویومایان و نیلفری هر آن باشی ایچینه چکدییی سیقارین توستوسو ایله حیاتدا توتان تراژیک بیر سئوگی‌نین ال دیمه‌میش صاف و دورو بیر حیکایه‌سی. ۱۳۲۴ ایلیندن ایکیجه اؤپوجویون ایزلرینی آلنینین تام اورتاسیندا ساخلایان نیلفرین نرگیزی اینتیحار آنیندا، دنیزه قورشاغاجان گیرمیش بیر حالدا گؤرمه‌سی ده، بوندان سونراکی حیاتیندا دؤنوش نوقطه‌لردن بیری اولابیله‌جک قده‌ر اؤنملی بیر اولای‌دیر. اؤ‌پوجویون بیری نریمانین دوداغیندان، او بیری ایسه مختاردان قوپان سیلینمز یادیگاردیر. نریمان پیشه‌ور‌ی‌نین خویداکی اصلی آدام‌لارینداندیر، نورالله خانین ساغ قولو. ۱۳۲۵ ده فدایی‌لرین قتل عام اولدوقلارینین باشلادیغی گونلر مختارین ائوینه سیغینیر. مختارسا اؤز جانینی خطره سالماقلا اونا سیغیناجاق وئریر. "نیجات جمعیتی‌"نین واسیطه‌سی ایله قورتارماق ایسته‌دییی جان یولداشی ایله بیرگه دان سوکولمه‌دن ائودن چیخدیقلاری گونون صاباحیندان تا حیکایه‌نین روایت اولوندوغو گونه‌جن بیر داها دؤنمه‌مه‌جه‌سینه قئیب اولورلار. اونلاری گؤزله‌ین قادینین هله ده گؤزو یولدادیر. روایت ده بوردان باشلانیر.

🔹مختار نیلفرله بیر سنتی ائولنمه اوزره حیات قوروب. آرالارینداکی سئوگی‌لری ایسه سونرالار باش وئریر، آنجاق نیلفرین اصلی سئوگیسی نریمان‌دیر، گئجه گوندوز اونودور دوشونور، رومانین اوج نوقطه‌سی ده نریمانین اونلارین ائولرینه سیغیندیغی او سون گون‌لرده کئچیر.


🔹رقیه کبیری حاکیم باخیش آچیسی ایله روایت ائتدییی بو رومانیندا، اوخوجوسونو اوستالیقلا حیکایه‌سینین سونونا قده‌ر چکمه‌یی باجاریر. بیربیرینه دویونله‌نمیش اولایلار زنجیری فصیل‌دن فصیله کئچیر، سریلیر، و اوخوجونون ذهنینه هوپماقلا ۱۸۴ صفحه‌لیک بئله بیر اثره واخت آییریب اوخوماقلا هئچ ده واختینی بوشا خرجله‌مه‌دییی حیسسی‌نی یارادیر. رومانین آنا کاراکتئری سئوگی‌نین اؤزودور؛ اینسان‌لاری یاشادیقلاری اولایلاردان آسیلی اولمایاراق، هر زامان آیاقدا توتان و بو کدرله دولو حیات‌لاریندا، بیر معنانین دا وار اولدوغونا اومودلا ایناندیران سئوگی.


🔹حیکایه تمامن بیر تاریخسل رومان اولماسادا، خاص بیر تاریخی کسیت‌ده خوی شهرینده‌کی اولای‌لاری ایناندیریجی، گئرچک و جانلی تصویرلرله زامانین توزو آلتیندان اوزه چیخاردیب جلالاندیریر. اوخوجو اثری اوخویارکن اؤزونو خویون او زامانکی خیاوان‌لاریندا گؤرور، قفه‌لرینده اوتورور، سو باشیندا کوزه‌لری دولدوران قادین‌لارین های کویونه قولاق آسیر، توکانچی‌لارلا دانیشیر. خان آقانین کئفلی کئفلی شهری گزدییی بؤلوم‌، سؤزسوز کی حیکایه‌نین ان پارلاق حیصه‌لریندن‌دیر.

بوتا اوچ آیلیق مدنیت و اینجه صنعت درگی‌سی‌نین اون‌سککیزینجی سایی نشره بوراخیلدی.

درگی‌نی بوتا نشریاتی و درگی‌سی علاقه واسیطه‌لردن آلا بیلرسینیز.
شماره‌ی هجدهم فصلنامه‌ی بوتا را از کانالهای مجازی انتشارات و فصلنامه‌ی بوتا و نیز کتاب فروشی‌های معتبر استانهای آذربایجان شرقی-آذربایجان غربی- زنجان-اردبیل و تهران بخواهید- بخش ویژه: میلان کوندرا

متقاضیان جهت تهیه بلاواسطه می‌توانند از طرق زیر اقدام کنند.

کانال تلگرام @butakitab
تلفن انتشارات 04432221776
سایت نشریه Butajournal.com
اینستاگرام msobhdel

خوی زلزله‌سی ایله باغلی غیر دولتی و مدنی فعاللارین یاردیم تجربه‌لرینی عکس ائتدیرن ندای قلم، اؤزل ساییی‌سینین اؤن ساتیشی باشا چاتدی.
بو گوندن بری درگی‌نین ساتیشینی من عهده‌لنمیشم. درگی‌نی آلماق ایسته‌ین دوستلار
سوسیال شبکه‌لرده‌کی حسابلاریمدان مستقیم منه مراجعت ائده بیلرلر. 
#خوی
#زلزله_خوی 

🎙 گؤزه‌لرین ایکینجی فصلینده ادبیاتیمیزی قونو ائتمیشیک. بیرینجی ائپیزوددا دَیرلی بیر دوست و یازار، #غفور_امامی_زاده ایله، «#قوشلار_داها_قورخمورلار» رومانی اوزره دانیشماق ایسته‌دیک.

✅ #رقیه_کبیری ادبیاتیمیزا بیرچوخ اثر سونموش؛ طبیعی کی بیر ائپیزود حاققینی وئره‌بیلمز. سؤز اوزاندی و ایره‌لیده گله‌جک ائپیزوددا ایسه گنه خانم کبیری‌نین اثرلرینه گؤره دانیشاجاغیق. بویورون...

�� https://t.me/sharifmardi

دوستلار، زلزله ایله باغلی ندای قلم درگی‌سینین جیلدی زلزله‌زده اوشاقلارین اؤز اثرلری‌دیر. اوز جیلدی "اسرا مقدم" آدلی قیزیمیزین خاطیره یازیسیندان و جیلدین آرخاسی ایسه زلزله گونلری خوی اوشاقلارینی یالنیز بوراخمایان اینجه‌صنعت قروپلارین همتی ایله رسم اولونان نقاشی‌لر و پالچیقدان دوزلتدیک‌لری ایش‌لریندن آلینیب.
بو ۶ بؤلومدن عیبارت اولان اؤزل سایی سیزلرین یاردیملاری ایله الده ائدیلن تجربه‌لر، خاطیره‌لر و  یاردیملار سیراسیندا دوغرولار و یالنیش‌لاری عکس ائتدیرن متن‌لر ایله تصویرلری ائحتوا ائدیر.
بو تجربه‌لری اوخوماق گله‌جک بحرانلاری داها آرتیق عقلانیت ایله مدیریت ائتمکده یاردیمجی اولا بیلر دئیه دوشونورم.
اؤن ساتیش بهمن‌ین ۱۵ کیمی دوام ائده‌جک.
درگی‌نین قیمتی: ۲۲۰ مین تومن+۳۰ مین پست هزینه‌سی
کات نومره‌سی:
6104-3377-5344-1789
حامد کاظم‌زاده خویی
لطفا بانک قبضی ایله آدرس و کدپستی‌نی بو نومره‌یه گؤندرین:
09144612240

درگی و جیلدین دیزاینری مرجان خانیم منشی‌زاده‌‌‌دن زحمتلری اوچون تشککور ائدیرم.

@nedayeqalam
@marjan_monshizadehkarimi