Vazirlik AKT yo‘nalishida ham yetakchi

🌐 2024-yil II-yarim yillik bo‘yicha raqamli rivojlanish darajasini reyting baholash natijalari e'lon qilingan.

🔹Kambag‘allikni qisqartirish va bandlik vazirligi ushbu reytingda 44 ta davlat boshqaruvi organlari orasida 16-o‘rinni egallab, 81,1 ball bilan “yashil” ro‘yxatdan joy oldi.

Sayt | Telegram | Facebook | Instagram | Youtube

Bandlik vazirligi so'nggi bir yil ichida Ochiqlik indeksida 47 pog‘ona yuqorilab "yashil"dan joy oldi

Korrupsiyaga qarshi kurashish agentligi tomonidan 2024-yil yakunlari bo‘yicha Ochiqlik indeksi eʼlon qilindi.

📊Unga ko‘ra, Kambag‘allikni qisqartirish va bandlik vazirligi 74,9 ball bilan baholandi.

Sayt | Telegram | Facebook | Instagram | Youtube

1️⃣2️⃣3️⃣4️⃣5️⃣

Filippin davlatining Oʼzbekistondagi elchisi bilan uchrashuv

🇺🇿🇵🇭 Kambag'allikni qisqartirish va bandlik vaziri oʼrinbosari Ra'no Turdiboyeva Filippin davlatining Oʼzbekistondagi elchisi Roberto Manalo bilan uchrashdi.

🟢Unda respublikamizning turli sohalarida vaqtinchalik mehnat faoliyatini amalga oshirayotgan Filippin fuqarolarining mehnat huquqlarini himoya qilish masalalari, shuningdek, mehnat migratsiyasi va kasbga oʼqitish sohalari boʼyicha ushbu davlatning boy tajribasi muhokama qilindi.

Sayt | Telegram | Facebook | Instagram | Youtube

Attestatsiya haqida gaplashamiz

👉Attestatsiya o‘zi nima?

👉Qancha muddatda va qay tartibda o‘tkaziladi?

👉Kimlar attestatsiyadan ozod qilinadi?

👉Xodim attestatsiya komissiyasi qaroridan norozi bo‘lganda nima qilishi kerak?

👉Attestatsiya savollari necha kun oldin beriladi?

👉Xodim qanday hollarda attestatsiyadan o‘tgan (o‘tmagan, shartli oʻtgan) deb hisoblanadi?

👉Attestatsiyadan o‘ta olmasa nima bo‘ladi, shartli o‘tgandachi?

Batafsil videorolikda

Sayt | Telegram | Facebook | Instagram | Youtube

"Obyektivka"ni haliyam qo‘lda to‘ldiryapsizmi? my.mehnat.uz da tayyori bor.

👉Saytga OneID orqali kirib, qisqa soniyalarda yuklab olishingiz mumkin.

Sayt | Telegram | Facebook | Instagram | Youtube

Poytaxtimizda "Karyera kuni" mehnat yarmarkasi o‘tkazildi

Talabalarni mehnat bozoriga tayyorlash hamda munosib ish o‘rinlari bilan taʼminlash maqsadida tashkil etilgan yarmarkada 100 ga yaqin tashkilotlar o'zlarida mavjud vakansiyalar bilan ishtirok etdi.

Sayt | Telegram | Facebook | Instagram | Youtube

🌸 Gullardan kelayotgan pullar

📍Qashqadaryolik Muhiddin Fayzullayev dastlab o‘z tomorqasida gul yetishtirishni boshlagan edi. Imkoniyatlardan unumli foydalangan holda faoliyatini kengaytirib, hozirda 7 gektar issiqxona egasiga aylandi.

Issiqxonadan yarim million dollar daromad topayotgan tadbirkor ushbu faoliyati orqali 60 nafar fuqaroni doimiy va mavsumiy ish bilan ham band qildi.

Sayt | Telegram | Facebook | Instagram | Youtube

Qanday hollarda xodimning ruxsatisiz ish haqidan ushlab qolinadi?

👉soliqlar va yig‘imlarni undirish uchun;

👉sud qarorlarini va boshqa ijro hujjatlarini ijro etish, shuningdek vakolatli organlarning qonuniy talablarini bajarish uchun;

👉ish haqi hisobiga berilgan bo‘nakni ushlab qolish, boshqa joydagi ishga ko‘chib o‘tganligi munosabati bilan xo‘jalik ehtiyojlariga, xizmat safarlariga berilgan, sarflanmagan va o‘z vaqtida qaytarilmagan bo‘nakni ushlab qolish uchun;

👉xodim tomonidan ish beruvchiga yetkazilgan zararning o‘rnini qoplash uchun, agar yetkazilgan zararning miqdori xodimning o‘rtacha oylik ish haqidan oshmasa;

👉ish beruvchi tomonidan xodimga qo‘llangan jarimani undirish uchun;

👉xodim qaysi ish yili hisobiga ta’til olib bo‘lgan bo‘lsa, o‘sha yil tugaguniga qadar mehnat shartnomasi bekor qilinganda ta’tilning ishlab berilmagan kunlari uchun.

❗️Har bir to‘lov chog‘ida ish haqidan ushlab qolingan mablag‘larning umumiy summasi xodimga haqiqatda hisoblangan ish haqining 50 foizidan oshishi mumkin emas.

Sayt | Telegram | Facebook | Instagram | Youtube

Bugun poytaxtimizda "Barqaror rivojlanish yo‘li: innovatsiyalar va kambag‘allikni qisqartirish uchun hamkorlik" mavzusida konferensiya bo’lib o’tdi.

Unda Oliy Majlis Senati, Prezident huzuridagi Ijtimoiy himoya milliy agentligi, Oliy ta’lim, fan va innovatsiyalar vazirligi, Kambag’allikni qisqartirish va bandlik vazirligi hamda boshqa tashkilotlar vakillari faol ishtirok etdi.

Anjumanda ekspertlar bandlik sohasidagi asosiy muammolarni, jumladan, nogironligi bo‘lgan shaxslarni ishga joylashtirish masalalarini muhokama qildi va amaliy yechimlarni ishlab chiqdi.

Sayt | Telegram | Facebook | Instagram | Youtube

Bugun poytaxtimizda "Barqaror rivojlanish yo‘li: innovatsiyalar va kambag‘allikni qisqartirish uchun hamkorlik" mavzusida konferensiya bo’lib o’tdi.

Unda Oliy Majlis Senati, Prezident huzuridagi Ijtimoiy himoya milliy agentligi, Oliy ta’lim, fan va innovatsiyalar vazirligi, Kambag’allikni qisqartirish va bandlik vazirligi hamda boshqa tashkilotlar vakillari faol ishtirok etdi.

Anjumanda ekspertlar bandlik sohasidagi asosiy muammolarni, jumladan, nogironligi bo‘lgan shaxslarni ishga joylashtirish masalalarini muhokama qildi va amaliy yechimlarni ishlab chiqdi.

Sayt | Telegram | Facebook | Instagram | Youtube

#press_tur

🚜 Andijonda yig'ilayotgan arzon mini traktorlar

Xabar berganimizdek, Kambagʻallikni qisqartirish va bandlik vazirligi Axborot xizmati tomonidan Andijon viloyatiga press-tur tashkil etildi.

Bugun OAV vakillari Izboskan tumanida Ilhomjon Qosimov tomonidan mahalliy ehtiyot qismlari va “Matiz” dvigatelidan yig'ilgan mini traktorlar bilan tanishdi.

Dastlab o‘z tomorqasiga ishlov berish maqsadida yaratilgan ushbu texnika import qilinadigan traktorlardan qariyb 2 baravar arzon va yoqilg'i sarfi oz. 

Ishlab chiqarishni kengaytirishni rejalashtirgan tadbirkor tashabbusi qoʻllab-quvvatlandi. Kelgusida traktorlar sonini 100 dan oshirish va bu orqali yuzga yaqin fuqarolarni ish bilan band qilish rejalashtirilgan.

Tomorqachilik bilan shug‘ullanayotgan oilalarga qulaylik yaratish maqsadida ayni paytda Kambagʻallikni qisqartirish va bandlik vazirligi tomonidan mazkur texnikalarni realizatsiya qilish, xususan aholiga lizing asosida berish bo‘yicha amaliy ishlar olib borilmoqda.

Sayt | Telegram | Facebook | Instagram | Youtube

1️⃣2️⃣3️⃣4️⃣5️⃣

Hamkorlik memorandumi imzolandi

💎Kambag‘allikni qisqartirish va bandlik vaziri o‘rinbosari A.Muratov Koreya Respublikasining Keimyung universiteti prezidenti Pak Syong Ho hamda Koreya xalqaro hamkorlik agentligi (KOICA)ning O‘zbekistondagi Vakolatxonasi vakillari bilan uchrashdi.

💎Unda 2019-yildan buyon Samarqand viloyati Kasbiy ko‘nikmalar mintaqaviy markazida amalga oshirilib kelayotgan "O‘zbekistonning kasbiy ta’lim tizimini rivojlantirish" loyihasining 3-bosqichini (2025-2027-yy.) boshlash bo‘yicha uch tomonlama hamkorlik memorandumi imzolandi.

💎Mazkur hujjat asosida KOICAning moliyaviy ko‘magida 500 ming AQSh dollariga teng 22 turdagi payvandlash va axborot texnologiyalari yo‘nalishi bo‘yicha asbob-uskunalar olib kelinadi.

Ma’lumot uchun:
Loyihaning birinchi va ikkinchi bosqichi davomida jami 500 ga yaqin ishsiz fuqarolar mashinasozlik texnologiyasi hamda kompyuter grafikasi va dizayn kasblari bo‘yicha tayyorlangan. O‘quv kurslarini bitirgan va tanlovdan o‘tgan 21 nafar markaz bitiruvchilari bugungi kunda Keimyung universitetida o‘qishlarini davom ettirmoqda.

Sayt | Telegram | Facebook | Instagram | Youtube

Tahlilnoma | "Oltinko‘l tajribasi": 10 sotixdan 200 million so‘mgacha daromad

Kambag‘allikni qisqartirish va bandlik vazirligi tashabbusi bilan Oltinko‘l tumanida tashkil etilgan issiqxonadan reportaj.

Sayt | Telegram | Facebook | Instagram | Youtube

#press_tur

🍇 Andijondagi “uzumchilar” mahallasini bilasizmi?

Press-tur ishtirokchilari Buloqboshi tumanidagi M. Ismoiliy mahallasida bo‘lib, aholining “Bir kontur - bir mahsulot” tamoyili asosida uzum yetishtirish borasidagi yutuq va tajribalarini o‘rgandi.

Mahalladagi 405 ta xonadonning 325 tasi uzumchilik bilan shug‘ullanadi. Ular yiliga 900 tonnaga yaqin hosil olmoqda.

Uzumchilikka ixtisoslashgan ushbu mahallada hosilni saqlash va realizatsiya qilish uchun maxsus sovitkich va omborlar ham qurilgan.

E’tiborlisi, uzumlarni to‘g‘ri parvarishlash va yuqori hosil olish maqsadida Kambag‘allikni qisqartirish va bandlik vazirligi tashabbusi bilan mahallaning o‘zida maxsus Agromarkaz tashkil etildi.

Sayt | Telegram | Facebook | Instagram | Youtube

#press_tur

Navbatdagi manzil - Kambagʻallikni qisqartirish va bandlik vazirligi tashabbusi bilan tashkil qilingan issiqxona

Press-tur davom etmoqda. Ishtirokchilar Oltinko‘l tumanidagi 5 gektar maydonda barpo etilgan issiqxona faoliyati bilan yaqindan tanishdi.

Issiqxona 50 ta kam ta’minlangan oilalarga 10 sotixdan 2 yilga ijaraga berilgan. Yiliga uch marta hosil olish hisobiga har bir oila 150-200 million soʻmdan daromad topadi. Tadbirkor koʻchat, urugʻ, oʻgʻit, yoqilgʻini yetkazib berib, hosilni oʻzi sotib oladi va eksport qiladi.

Bu yerda fuqarolar mahsulot yetishtirish bilan bir qatorda zamonaviy oʻquv xonalarida Bandlik vazirligi tomonidan xorijdan jalb qilingan mutaxassislar ishtirokida tomorqachilik sirlarini o‘rganmoqda.

Bu kabi issiqxonalar kambagʻallik yuqori Ulugʻnor, Paxtaobod, Xoʻjaobod, Marhamat va Andijon tumanlarida ham barpo etiladi.

Sayt | Telegram | Facebook | Instagram | Youtube

Respublikamizda “Mehnatni muhofaza qilish haftaligi” bo‘lib o‘tadi

📆 Mazkur haftalik 28-aprel - “Butunjahon mehnatni muhofaza qilish kuni” munosabati bilan tashkil etilmoqda. Tadbir ayni sanadan 2-mayga qadar davom etadi.

🎞Haftalik oldidan “Gapiring+” tok-shousida munosib mehnat sharoitlarini yaratmaslikning salbiy oqibatlari mutaxassislar ishtirokida muhokama qilindi.

Sayt | Telegram | Facebook | Instagram | Youtube

#press_tur

▶️ Kambagʻallikni qisqartirish va bandlik vazirligi Axborot xizmati tomonidan Andijon viloyatida tashkil etilgan press-tur boshlandi.

Unda OAV vakillari kambagʻallikni qisqartirish, bandlikni taʼminlash, aholini tadbirkorlikka jalb qilish va daromadini oshirishga qaratilgan loyihalar, shuningdek, kichik sanoat zonalari faoliyati, aholi uchun yangi ish oʻrinlari va yaratilayotgan imkoniyatlar bilan yaqindan tanishmoqda.

📍Ilk manzil - vodiyda yagona bo‘lgan Andijon mebel markazi.

16 gektar maydonni egallagan ushbu markazni barpo etishga 50 milliard soʻm yoʻnaltirilgan bo‘lib, loyiha natijasida 1000 ga yaqin yangi ish oʻrni yaratilgan.

Bu yerda 100 ta ishlab chiqarish obyekti, 236 ta savdo nuqtasi va shourumlardan tashqari zamonaviy logistika markazi hamda dizaynerlik maktabi faoliyat yuritmoqda.

Markazda yiliga 160 ming dona mebel ishlab chiqarilib mahalliy va xorijiy bozorlarga yo‘naltiriladi.

Sayt | Telegram | Facebook | Instagram | Youtube

🛑 Korrupsiya – taraqqiyot kushandasi

Andijon viloyatidagi hokim yordamchilari ishtirokida korrupsiyaga qarshi kurashish bo‘yicha yig‘ilish bo‘lib o‘tdi. Unda Kambag‘allikni qisqartirish va bandlik boshqarmasi, shahar va tuman boʻlimlari rahbarlari, korrupsiyaga qarshi kurashish agentligi hamda diniy idoralar vakillari qatnashdi.

▪️Batafsil

Sayt | Telegram | Facebook | Instagram | Youtube

Tomorqalar obodligi – hosildorlik va daromad manbai

🟢"Kambag’allikdan farovonlik sari" dasturi doirasida respublikamizdagi suv taʼminoti ogʻir boʻlgan 864 ta mahallada sugʻorish tarmoqlarini qurish va rekonstruksiya qilish ishlari olib borilib, aholiga keng imkoniyatlar yaratilmoqda.

📍Toshkent viloyatining O‘rta Chirchiq tumani va Nurafshon shahrida ham bu borada salmoqli ishlar amalga oshirilmoqda.

Batafsil: "Axborot 24"da.

Sayt | Telegram | Facebook | Instagram | Youtube

🔴Har yilgi mehnat ta’tilidan chaqirib olishga ta’tilning istalgan vaqtida faqat xodimning roziligi bilan yo‘l qo‘yiladi.

Shu munosabat bilan ta’tilning foydalanilmay qolgan qismi xodimga mazkur ish yili davomida boshqa vaqtda berilishi yoki ushbu Mehnat kodeksning 230 va 231-moddalarida nazarda tutilgan talablarga rioya etilgan holda keyingi ish yilida berilishi kerak.

▪️18 yoshga to‘lmagan xodimlarni, homilador ayollarni va mehnat sharoitlari o‘ta zararli va o‘ta og‘ir ishlarda band bo‘lgan xodimlarni har yilgi mehnat ta’tilidan chaqirib olishga yo‘l qo‘yilmaydi.

Sayt | Telegram | Facebook | Instagram | Youtube

🔝 Joriy yilning 1-choragida aholi bandligini ta'minlashda yetakchi bo‘limlar TOP-10 reytingi

Reyting quyidagi vazifalar ijrosidan kelib chiqib shakllantirilgan:

✅ bo‘sh ish o‘rinlariga ishga joylashtirish;
✅ ijtimoiy himoyaga muhtoj shaxslar bandligini ta’minlash;
✅ o‘qishni bitirganlarning bandligini ta’minlash;
✅ bandlik dasturlarining ijrosi;
✅ xorijda vaqtincha ishlab qaytgan fuqarolarning bandligiga ko‘maklashish.

Chorak yakuniga koʻra, eng yaxshi koʻrsatkich Qoraqalpogʻiston Respublikasi Toʻrtkoʻl tumanida qayd etilgan. 2-3-oʻrinlardan esa Andijon viloyatining Baliqchi va Boʻston tumanlari joy olgan.
Sayt | Telegram | Facebook | Instagram | Youtube

🟢Kambag‘allikni qisqartirish va bandlik vazirligida “Giyohvandlik – asr vabosi. Unga qarshi kurashishga barchamiz mas'ulmiz!” mavzusida targ‘ibot tadbiri bo‘lib o‘tdi.

🟢Tadbirda Toshkent shahar IIBB Narkojinoyatchilikka qarshi kurashish boshqarmasi katta tezkor vakili Zafar To‘raqulov ishtirok etib, giyohvandlik va narkojinoyatchilikka qarshi kurashish borasida yurtimizda olib borilayotgan ishlar, ko‘rilayotgan choralar, giyohvandlikning og‘ir oqibatlari xususida so‘z yuritdi.

Sayt | Telegram | Facebook | Instagram | Youtube

#Piskent_tumani

🍇 Uzumchilik mingtepaliklarning asosiy yo'nalishi hisoblanadi. Deyarli barcha xonadon bu sohada faol.

☘️Bu yil yangi tashkil etilgan 100 gektarga yaqin bog‘larda 167 nafar fuqaro doimiy ishli bo‘ldi. Imtiyozli kredit asosida uzoq muddatga berilgan yerdan bugun aholi foydalanishni boshladi.

Sayt | Telegram | Facebook | Instagram | Youtube

Oltinko‘l tajribasi o‘zi nima?

Bandlik vazirligi tomonidan aholi bandligini taʼminlash va kambagʻallikni qisqartirish maqsadida Sadda mahallasidagi 5 gektar yer maydonida issiqxonalar tashkil etilgan.

Maʼlumot uchun, issiqxonada hozirda bulgʻor qalampiri ekilgan bo‘lib, 1 yilda 3 marotaba hosil olish hisobiga 1 ta oila oʻrtacha 150-200 mln soʻmgacha daromad topish imkoniyati mavjud.

Loyiha mazmuni jihatdan oʻquv-tajriba modeliga asoslangan boʻlib, lider tadbirkor biriktirgan holda 10 sotixdan 100 ta kambag‘al oilalarga 2 yil muddatga shartnoma asosida issiqxonadan foydalanish (ish oʻrganish), keyinchalik esa o‘z tomorqasi va boshqa yer maydonida olgan tajribasidan foydalanishi koʻzda tutilgan.

Bu ishlar kambagʻallik yuqori Ulugʻnor, Paxtaobod, Xoʻjaobod, Marhamat va Andijon tumanlarida ham yoʻlga qoʻyilishi belgilandi. Bunday zamonaviy issiqxonalarni namunaviy tashkil qilgan mahalla raislariga 100 foiz ustama beriladi.

Sayt | Telegram | Facebook | Instagram | Youtube

🔴LIVE

Prezident Shavkat Mirziyoyev Andijon viloyatini kompleks rivojlantirish boʻyicha ustuvor vazifalar yuzasidan yigʻilish o‘tkazmoqda. Unda Oltinkoʻl tajribasini namuna sifatida eʼtirof etdi.

"Oltinko’l tajribasi hamma hududda bo’lsin birinchi o’rinda og’ir hududlarda,
- dedi davlatimiz rahbari.

Sayt | Telegram | Facebook | Instagram | Youtube

Ishga qabul qilishda kimlarga dastlabki sinov belgilanmaydi?

▪️homilador ayol, 3 yoshga to‘lmagan bolasi bor ayol yoki 3 yoshga to‘lmagan bolani yolg‘iz o‘zi tarbiyalayotgan ota (vasiy);

▪️zaxiraga qo‘yiladigan ish o‘rinlariga ishga joylashtirish uchun yuborilgan aholining ijtimoiy ehtiyojmand toifalaridan bo‘lgan shaxslar;

▪️davlat grantlari asosida o‘qigan va oliy ta’lim tashkilotini tamomlagan kundan e’tiboran 3 oy ichida yo‘llanma bo‘yicha olingan mutaxassisligiga doir ishga kirayotgan oliy ta’lim tashkilotlarining bitiruvchilari;

▪️tegishli ta’lim tashkilotini tamomlagan kundan e’tiboran 1 yil ichida birinchi bor ishga kirayotganda olingan mutaxassisligi bo‘yicha mustaqil ravishda ishga joylashayotgan umumiy o‘rta, o‘rta maxsus, professional va oliy ta’lim tashkilotlarining bitiruvchilari;

▪️6 oygacha muddatga mehnat shartnomasi tuzilayotgan xodimlar;

▪️18 yoshga to‘lmagan shaxslar;

▪️ishga qaytadan qabul qilingan taqdirda ish beruvchi ilgari qaysi xodimlar bilan mehnat shartnomasini alohida asoslar bo‘yicha bekor qilgan bo‘lsa, o‘sha shaxslar;

▪️ishlab chiqarishda o‘qitish shartnomasi bo‘yicha ushbu ish beruvchida o‘qishni o‘tagan o‘quvchilar.

👉batafsil

Sayt | Telegram | Facebook | Instagram | Youtube

Davlat va nodavlat taʼlim tashkilotlarini vaucher bo‘yicha o‘tkaziladigan o‘quv seminariga taklif etamiz!

2025-yil 1-fevraldan Samarqand viloyati va Toshkent shahrida talab yuqori boʻlgan 35 turdagi kasblarni vaucher asosida o‘qitish yo‘lga qo‘yilgan edi va bu imkoniyatdan nodavlat taʼlim tashkilotlari ham unumli foydalanib kelmoqda.

📚Endilikda bu tizim barcha hududlarda joriy qilinyapti. Shu munosabat bilan joriy yilning 15-aprelidan 25-apreligacha barcha viloyatlarda vaucher boʻyicha o‘quv-seminarlari tashkil etilmoqda.

🎞Batafsil videorolikda

📍Seminar o‘tkaziladigan manzil va muddatlar
——————-
▪️Vaucher nima
▪️Vaucher asosida bepul o‘qitiladigan til va kasblar ro‘yxati
▪️O‘quv markazlari vaucher tizimida o‘qitish uchun qanday ro‘yxatdan o‘tadi?

Sayt | Telegram | Facebook | Instagram | Youtube

Bedana: o‘zi kichkina, daromadi katta

Sirdaryolik Majiddin Mustafoqulov avvallari xorijda ishlab ro‘zg‘orini tebratar edi. Vatanga qaytib bedanachilikni yo‘lga qo‘ydi. Qisqa vaqt ichida ular sonini 200 tadan 1000 taga yetkazib, kuniga 800 donagacha tuxum sotmoqda.

Sayt | Telegram | Facebook | Instagram | Youtube

PRda zamonaviy tendensiyalar va kommunikatsiyaga sunʼiy intellektning joriy qilinishi

💬Poytaxtimizda Kambagʻallikni qisqartirish va bandlik vazirligi tizimidagi Axborot xizmati xodimlari uchun ayni mavzuda 2 kunlik seminar-trening boʻlib oʻtdi.

📚40 ga yaqin axborot xizmati xodimlari ishtirok etgan mazkur tadbirga media sohasidagi yetakchi ekspertlar taklif etildi. Ular oʻz bilim va tajribalari bilan oʻrtoqlashib, zamonaviy medianing yangi imkoniyatlari va afzalliklari haqida maʼruzalar qilishdi.

Seminarda ishtirokchilar:

🟢press tadbirlar tashkil etish;
🟢mediakontentlar yaratish;
🟢tashkilot media imijini mustahkamlash;
🟢inqirozli vaziyatlarda PR;
🟢intervyu berish mahorati;
🟢sunʼiy intellektdan foydalanish;
🟢rasmiy bayonot va rasmiy munosabat bildirish;
🟢kopirayting qoidalari. Konkretika;
🟢samarali kommunikatsiya;
🟢matbuot kotibi faoliyati samaradorligini baholash;
🟢foto-video kontent tayyorlash va mobilografiya kabi koʻplab mavzularda yangi bilim va koʻnikmalarga ega boʻldi.

✅Seminar-trening yakunida tinglovchilarga sertifikatlar topshirildi.

Sayt | Telegram | Facebook | Instagram | Youtube

Lolazorga aylanayotgan Xontepa

🌷Andijon viloyati Buloqboshi tumanidagi Xontepa mahallasi aholisi o‘z tomorqalarida lola yetishtirishni yo‘lga qo‘yib, qo‘shimcha daromadga ega bo‘lmoqda.

Sayt | Telegram | Facebook | Instagram | Youtube

Toshkent viloyatining Yangiyo‘l tumanida kollektor va zovurlar atrofi daromad manbaiga aylantirilmoqda

🦆Aholiga imtiyozli kreditlar ajratilib, o‘rdakchilik rivojlantirilyapti.

Sayt | Telegram | Facebook | Instagram | Youtube

Hurmatli fuqarolar!

Kambag'allikni qisqartirish va bandlik vazirligi tizimida korrupsiyaviy huquqbuzarliklar to‘g‘risidagi xabarlarni tezkor qabul qilish uchun maxsus bot ishga tushirilgan.

Agar siz sohada qonunbuzarliklar yoki korrupsiyaviy xatti-harakatlarga guvoh bo‘lsangiz, quyidagi havola orqali bizga xabar bering:

👉@anticorruption_mepr_bot

❗️Murojaatingiz o‘z vaqtida ko‘rib chiqilishi va shaxsingiz sir tutilishi kafolatlanadi.

☎️ Bundan tashqari 71-203-01-21 telefon raqamiga ham (ish kunlarida 9-00 dan 18-00 gachа) qo’ng’iroq qilishingizni so’raymiz.

Sayt | Telegram | Facebook | Instagram | Youtube

❗️Intizomiy jazoning amal qilish muddati u qo‘llanilgan kundan e’tiboran 1 yildan oshmasligi kerak.

Agar intizomiy jazo berilgan kundan e’tiboran 1 yil ichida xodimga yangi intizomiy jazo qo‘llanilmasa, u intizomiy jazoga tortilmagan deb hisoblanadi. Bunda intizomiy jazo ish beruvchining buyrug‘i chiqmasidan avtomatik tarzda tugallanadi.

Ish beruvchi intizomiy jazoni o‘z tashabbusiga ko‘ra, xodimning bevosita rahbarining, kasaba uyushmasi qo‘mitasining iltimosnomasiga, shuningdek xodimning iltimosiga ko‘ra, 1 yil o‘tguniga qadar muddatidan oldin olib tashlash huquqiga ega.

✅Intizomiy jazoni muddatidan oldin olib tashlash ish beruvchining buyrug‘i bilan rasmiylashtiriladi.

Sayt | Telegram | Facebook | Instagram | Youtube

Joriy yilning 10-11-aprel kunlari Kambagʻallikni qisqartirish va bandlik vazirligi tizimidagi axborot xizmati xodimlari uchun “PRda zamonaviy tendensiyalar va kommunikatsiyaga sunʼiy intellektning joriy qilinishi” mavzusida seminar-trening boʻlib oʻtadi. Unga media sohasidagi yetakchi ekspertlar taklif etilgan.

Ayni damda trening oʻz faoliyatini boshladi. Uni kirish soʻzi bilan vazir oʻrinbosari Alisher Muratov ochib berdi va vazirlik tizimi faoliyatini yoritishda muhim faktorlarga toʻxtalib oʻtdi.

Sayt | Telegram | Facebook | Instagram | Youtube

AOKAda Kambag‘allikni qisqartirish va bandlik vaziri Axborot xizmati rahbari Gulnoza Alimova ishtirokida brifing bo‘lib o'tdi.

Mavzu: Aholi tomorqasi va ijara yerlarda ekin ekish ishlarini tashkil etish yuzasidan amalga oshirilgan ishlar.

💎Mahallalarda tadbirkorlikni rivojlantirish, aholi daromadini oshirish maqsadida hokim yordamchilari tavsiyasiga asosan tadbirkorlik qilish istagini bildirgan 92 ming nafar fuqaroga qariyb 1,5 trln soʻm miqdorida imtiyozli kreditlar ajratildi.    

💎Tomorqalardan samarali foydalanishni tashkil etish orqali aholi bandligi va daromadlarini oshirishga qaratilgan ishlarni yanada jadallashtirish maqsadida “dolzarb bir oylik” safarbarligi doirasida, hududlarga masʼullar biriktirildi.

💎478 ming gektar aholi tomorqalariga, 209 ming ijara yer maydonlariga “bahorgi” ekinlar ekilishi belgilandi.

💎Bundan tashqari, Kambagʻallikni qisqartirish va bandlik vazirligi tomonidan tajriba-sinov tariqasida  Oltinkoʻl tumani Sadda mahallasida 5 gektar, Baliqchi tumani Sarnavul mahallasida 5 gektar qishloq xoʻjaligiga moʻljallangan yer maydonida yengil tipdagi issiqxona xoʻjaliklar tashkil etilmoqda.

💎Qurilayotgan issiqxonalar vaqtinchalik foydalanish sharti bilan 2 yil muddatga 10 sotixdan jami 100 ta “Kambagʻal oilalar reyestri”dagi fuqarolarga toʻrt tomonlama shartnoma asosida toʻgʻridan-toʻgʻri ijaraga berish koʻzda tutilgan.

📹 Видео | Аудио

Sayt | Telegram | Facebook | Instagram | Youtube

“Mehnatni muhofaza qilish to‘g‘risida”gi qonunning yangi tahrirdagi loyihasi muhokama qilindi

✍️ Kambag‘allikni qisqartirish va bandlik vazirligida bo'lib o'tgan mazkur muhokamada ishchi guruh a’zolari, ijtimoiy-mehnat masalalari bo‘yicha uch tomonlama hamkorlar vakillari, shuningdek, soha bo‘yicha yetakchi ekspertlar, ilmiy-tadqiqot muassasalarining olimlari va Davlat mehnat inspeksiyasi xodimlari ishtirok etdi.

✍️ Muhokama jarayonida qonun loyihasiga kiritilayotgan o‘zgartirish va qo‘shimchalar yuzasidan ishtirokchilarga batafsil ma’lumotlar berildi.

📁 Vazirlik va idoralar vakillari tomonidan berilgan taklif va e’tirozlar asosida qonun loyihasi yanada takomillashtirilib, jamoatchilik muhokamasiga joylashtirish uchun tayyorlandi.

Sayt | Telegram | Facebook | Instagram | Youtube

Kambag‘allikni qisqartirish va bandlik vazirligi eng yuqori natija qayd etdi

Davlat organi va tashkilotlarining 2024-yildagi korrupsiyaga qarshi kurashish ishlari samaradorligi baholandi.

📊Unga ko'ra, Kambag‘allikni qisqartirish va bandlik vazirligi 91 ball bilan eng yuqori natija qayd etilganlar safidan joy oldi.

🛑 Agar Kambag‘allikni qisqartirish va bandlik vazirligi tizimida qonunbuzarliklar yoki korrupsiyaviy xatti-harakatlarga guvoh bo‘lsangiz, quyidagi havola va telefon raqami orqali bizga xabar bering:

👉@anticorruption_mepr_bot
☎️ 71-203-01-21

Sayt | Telegram | Facebook | Instagram | Youtube

Shayxontohur tumanida bo‘sh ish o‘rinlari mehnat yarmarkasi bo‘lib o‘tdi

🔸Unda 57 nafar fuqaro ishga joylashtirilib, 36 nafariga kasb-hunar o‘rganishi uchun yo‘llanmalar berildi.

Sayt | Telegram | Facebook | Instagram | Youtube

1️⃣2️⃣3️⃣4️⃣5️⃣

Kambagʻallikni qisqartirish va bandlik vazirligi hamda Xalqaro valyuta jamgʻarmasi (IMF) vakillari oʻrtasida uchrashuv boʻlib oʻtdi

🟢Unda Kambagʻallikni qisqartirish va bandlik vazirining birinchi oʻrinbosari Marat Jurayev vazirlikning kelgusidagi ustuvor vazifalari, xususan, mamlakatimizda kambagʻallikni qisqartirish, aholi bandligini taʼminlash borasidagi ilg'or loyihalar hamda ularni amalga oshirish mexanizmlari bilan tanishtirdi.

🟢Xalqaro valyuta jamgʻarmasi bilan Oʻzbekistonda aholi bandligini taʼminlash siyosati samaradorligini baholash va norasmiy bandlik koʻrsatkichlarini tahlil qilish boʻyicha kelishib olindi.

Sayt | Telegram | Facebook | Instagram | Youtube

Ayrim toifadagi oilalarga bir martalik moddiy yordam ajratiladi

2025/2026-yilgi isitish mavsumida aholining ehtiyojmand qatlamini qoʻshimcha moddiy jihatdan qoʻllab-quvvatlash maqsadida joriy yilning noyabr oyida quyidagi oilalarga 1 million soʻmdan bir martalik moddiy yordam ajratiladi:

🔹Reyestrlarga kiritilgan oilalarga;

🔹“mahalla yettiligi” xulosasi asosida Reyestrlarga kiritilmagan, biroq yordamga muhtoj oilalarga.

Bunda “mahalla yettiligi” tomonidan qoʻshimcha roʻyxat shakllantirilishida, birinchi navbatda, quyidagilar inobatga olinadi:

▪️boquvchisini yoʻqotgan oilalar;

▪️aʼzolari I yoki II guruh nogironi boʻlgan shaxslardan iborat boʻlgan oilalar;

▪️nogironligi boʻlgan bolalarni parvarishlayotgan oilalar;

▪️uzoq muddatli davolanishni talab etadigan kasalliklar bilan kasallangan shaxslar yashovchi oilalar;

▪️oʻzgalar parvarishiga muhtoj boʻlgan yolgʻiz yashovchi shaxslar hamda yolgʻiz yashovchi keksalar;

▪️nogironligi boʻlgan shaxslar;

▪️3 va undan ortiq oila yashaydigan xonadonlarda hamda gaz taʼminoti boʻlmagan va markazlashtirilgan tartibda isitilmaydigan koʻp qavatli uylarda yashovchi oilalar.

Qoʻshimcha ravishda shakllantiriladigan roʻyxatdagi oilalar soni Reyestrlarga kiritilgan oilalar sonining 40 foizidan oshmasligi lozim.

Sayt | Telegram | Facebook | Instagram | Youtube

Kam taʼminlangan oilalarga elektr va gaz to‘lovlarining bir qismi kompensatsiya qilib beriladi

✅“Yoqilg‘i-energetika sohasida bozor mexanizmlarini joriy etishda ehtiyojmand aholini davlat tomonidan qoʻllab-quvvatlashning qoʻshimcha chora-tadbirlari toʻgʻrisida” gi Prezident qarori (PQ-134-son, 02.04.2025) qabul qilindi.

Qarorga muvofiq, 2025-yil 1-maydan 2027-yil 1-aprelgacha “Ijtimoiy himoya yagona reyestri” axborot tizimi orqali bolalar nafaqasi va moddiy yordam oluvchi hamda Kambagʻal oilalar reyestriga kiritilgan, shuningdek, Reyestrlarga kiritilmagan, biroq moddiy ahvoli boʻyicha kam taʼminlangan oilalar mezonlariga toʻgʻri keluvchi, oiladagi jon boshiga daromadi minimal isteʼmol xarajatlarining 1,5 barobaridan oshmaydigan oilalarga:

▪️elektr energiyasi isteʼmoli boʻyicha – oyiga bazaviy me’yordan 150 kVt soatgacha;

▪️tabiiy gaz isteʼmoli boʻyicha – isitish mavsumida oyiga bazaviy me’yordan 250 kub metrgacha, boshqa davrlarda oyiga bazaviy me’yordan 150 kub metrgacha ortiq foydalanilgan qismi uchun bazaviy me’yor doirasidagi hamda bazaviy me’yordan oshgan narxlar oʻrtasidagi farq kompensatsiya qilib beriladi.

Sayt | Telegram | Facebook | Instagram | Youtube

Toshkentda Parlamentlararo ittifoqning 150-yubiley assambleyasi doirasida Parlament ayol aʼzolari forumi bo‘lib o‘tmoqda.

Unda dunyoning turli burchaklaridan 200 dan ortiq parlament aʼzolari, ayol-yetakchilar va ekspertlar gender tenglik, ayollarning siyosiy yetakchiligi va inson huquqlari bilan bog‘liq eng muhim masalalarni muhokama qiladilar.

Parlament ayol aʼzolari forumi 40 yillik faoliyati davomida ayollarning siyosiy jarayondagi ishtirokini kengaytirishga va gender tenglikni ilgari surishga xizmat qilib kelmoqda.

Mazkur nufuzli forumda Kambag‘allikni qisqartirish va bandlik vaziri o‘rinbosari Raʼno Turdiboyeva ham o‘z maʼruzasi bilan ishtirok etib, mamlakatimizda xotin-qizlarning huquqlarini himoya qilish, gender tenglik va bandlikni taʼminlash orqali ularning turli sohalardagi faolligini oshirishda parlamentlararo hamkorlikning ahamiyati muhimligini taʼkidladi.

Assambleya doirasidagi barcha tadbirlar 5-9-aprel kunlari “Tashkent City” xalqaro biznes markazining Kongress xolida bo‘lib o‘tadi.
Shuningdek, Assambleya doirasida muhim xalqaro hujjatlar, jumladan, Toshkent deklaratsiyasi qabul qilinadi.

Sayt | Telegram | Facebook | Instagram | Youtube

Ishsizlik va pulsizlikdan nonvoylik va boylik sari...

📍Qarshi tumani “Alisher Navoiy” mahallasida istiqomat qiluvchi Shuhrat Turdiyev hokim yordamchisi tavsiyasi asosida 33 mln so’m imtiyozli kredit olib, nonvoylik faoliyatini boshlagan edi.

🥯 Tadbirkor bugungi kunda oila-a’zolaridan tashqari, 4 nafar mahalladoshlarining ham bandligini ta'minlab, ishchi-xodimlariga 10 mln so‘mgacha oylik maosh bermoqda.

Sayt | Telegram | Facebook | Instagram | Youtube

Hozirgi kunda O‘zbekistonda:

👉mehnatga haq to‘lashning eng kam miqdori (MHTEKM) – 1 155 000 so‘m;

👉bazaviy hisoblash miqdori (BHM) – 375 000 so‘m;

👉pensiyani hisoblashning bazaviy miqdori – 428 000 so‘m;

👉yoshga doir eng kam pensiya – 834 000 so‘m;

👉nogironlik pensiyalari, jumladan ish staji to‘liq bo‘lmagan chog‘dagi nogironlik pensiyasining eng kam miqdori – 920 000 so‘m;

👉mehnatga layoqatsiz fuqarolarga beriladigan nogironlik nafaqasi va bolalikdan nogironligi bo‘lgan shaxslarga beriladigan nafaqa – 920 000 so‘m;

👉zarur ish stajiga ega bo‘lmagan keksa yoshdagi fuqarolarga beriladigan nafaqa – 745 000 so‘m;

👉ish staji to‘liq bo‘lmagan chog‘dagi yoshga doir pensiyaning eng kam miqdori qo‘shimcha to‘lovni hisobga olgan holda – 745 000 so‘m.

Sayt | Telegram | Facebook | Instagram | Youtube

Tadbirkorlik qilmoqchimisiz? Biznes-inkubator sizga yordam beradi

✅Tadbirkorlikka bepul o‘qitadi;
✅Biznes reja tuzib beradi;
✅Kredit olishga ko‘maklashadi, xullas "nol"dan to oxirigacha yoningizda turadi.

👉Biznes-inkubatorlarning manzil va telefon raqamlari

Sayt | Telegram | Facebook | Instagram | Youtube

"Ayollar daftari"dan chiqib tadbirkorga aylangan ayol

Buxorolik Zulayho Sharopova bundan bir yil avval ishsiz sifatida "Ayollar daftari"ga kiritilgan edi.

🧵U berilgan imkoniyatlardan unumli foydalangan holda subsidiya asosida tikuv mashinasi hamda 22 mln so‘m imtiyozli kredit olib tadbirkorlikni boshladi. Buning natijasida 6 nafar xotin-qiz ham ishli bo‘ldi.

📹"Maxsus reportaj"da buxorolik tadbirkor ayollar haqida so‘z boradi.

Sayt | Telegram | Facebook | Instagram | Youtube

O‘rindoshlik asosida ishga qabul qilish mehnat shartnomasi asosida amalga oshiriladi va ish beruvchining buyrug‘i bilan rasmiylashtiriladi.

Asosiy ish to‘g‘risida ish beruvchi bilan mehnat shartnomasini tuzgan xodimning ichki o‘rindoshligi chog‘ida xodim bilan o‘rindoshlik asosida ishlash to‘g‘risida alohida mehnat shartnomasi tuziladi.

O‘rindoshlik asosida ishlash to‘g‘risida tuzilgan mehnat shartnomasida ish o‘rindoshlik asosida bajarilayotganligi ko‘rsatilishi shart.

O‘rindoshlik asosida ishga qabul qilinayotgan shaxslar bilan muddatli mehnat shartnomasi tuzilishi mumkin.

👉Batafsil

Sayt | Telegram | Facebook | Instagram | Youtube

Kambag‘allikni qisqartirish va bandlik vazirligi tomonidan "Yangi Toshkent" loyihasiga xodimlar ishga joylashtirilmoqda

🏗 Ushbu loyiha uchun 11 000 nafar xodim zaxirasi shakllantirilgan bo‘lib, ular bosqichma-bosqich ishga qabul qilinmoqda. Hozirgacha 1400 kishi ishli bo‘ldi.

❗️Ayni paytda ish beruvchilar uchun yetarlicha taklif yigʻilgani tufayli 1176 qisqa raqami orqali "Yangi Toshkent" loyihasiga ariza qabul qilish vaqtincha toʻxtatildi. Bandlik vazirligi esa ish beruvchilarni yana hamkorlikka taklif qiladi.

Sayt | Telegram | Facebook | Instagram | Youtube

Har yilgi mehnat ta’tili (otpusk) haqida gaplashamiz

👉mehnat ta’tilining davomiyligi qancha bo‘lishi kerak?

👉undan yilda 2 marta foydalansa bo‘ladimi?

👉ta’til davrida xodim “bolnichniy”ga chiqishi mumkinmi?

👉ta’tilda xodim ishdan bo‘shay oladimi?

👉yangi ishga kirgan xodim qancha vaqtdan keyin mehnat ta’tiliga chiqa oladi?

👉yillar davomida foydalanilmagan ta’tildan keyinchalik birdaniga foydalanish mumkinmi?

batafsil videorolikda

Sayt | Telegram | Facebook | Instagram | Youtube

⛲️Suv – hayot manbai

📍Oltiariq tumani "Yangiarab" MFYda aholi tomorqalari va ijara yerlaridan samarali foydalanish maqsadida sug‘orish tizimidagi ko‘p yillik muammo bartaraf etildi.

“Kambagʻallikdan farovonlik sari” dasturi doirasida quduqlar qazilib, tomorqalar uchun suv keltirildi.

Sayt | Telegram | Facebook | Instagram | Youtube

Qanday hollarda xodimning ruxsatisiz ish haqidan ushlab qolinadi?

👉soliqlar va yig‘imlarni undirish uchun;

👉sud qarorlarini va boshqa ijro hujjatlarini ijro etish, shuningdek vakolatli organlarning qonuniy talablarini bajarish uchun;

👉ish haqi hisobiga berilgan bo‘nakni ushlab qolish, boshqa joydagi ishga ko‘chib o‘tganligi munosabati bilan xo‘jalik ehtiyojlariga, xizmat safarlariga berilgan, sarflanmagan va o‘z vaqtida qaytarilmagan bo‘nakni ushlab qolish uchun;

👉xodim tomonidan ish beruvchiga yetkazilgan zararning o‘rnini qoplash uchun, agar yetkazilgan zararning miqdori xodimning o‘rtacha oylik ish haqidan oshmasa;

👉ish beruvchi tomonidan xodimga qo‘llangan jarimani undirish uchun;

👉xodim qaysi ish yili hisobiga ta’til olib bo‘lgan bo‘lsa, o‘sha yil tugaguniga qadar mehnat shartnomasi bekor qilinganda ta’tilning ishlab berilmagan kunlari uchun.

❗️Har bir to‘lov chog‘ida ish haqidan ushlab qolingan mablag‘larning umumiy summasi xodimga haqiqatda hisoblangan ish haqining 50 foizidan oshishi mumkin emas.

Sayt | Telegram | Facebook | Instagram | Youtube

✨Kambag'allikni qisqartirish va bandlik vazirligi jamoasi barcha yurtdoshlarimizni muborak Ramazon Hayiti bilan samimiy qutlaydi!

Ushbu ulug‘ ayyomda sizlarga sihat-salomatlik, oilaviy baxt, xonadonlaringizga fayz-u baraka tilaymiz!

Sayt | Telegram | Facebook | Instagram | Youtube

40 hunarli qiz yoxud vazir maslahatchisi bo‘lgan Ummatoy

Kambagʻallikni qisqartirish va bandlik vaziri maslahatchisi Ummatoy Yo‘ldosheva bilan suhbat.

Sayt | Telegram | Facebook | Instagram | Youtube

📆O‘zbekiston Respublikasi Prezidentining 2025-yil 26-martdagi “Muborak Ramazon hayitini nishonlash to‘g‘risida”gi PQ-124-son qaroriga muvofiq, 2025-yilga mo‘ljallangan ish vaqti
me'yorlari davomiyligi taqvimiga o‘zgartirishlar kiritildi.

Sayt | Telegram | Facebook | Instagram | Youtube

Umidaning umidlari ushalmoqda

Samarqandlik Umida Mahmudova imkoniyati cheklangan bo‘lsada, o‘zining bor iqtidori va imkoniyatini ishga solib hunarmandchilik va rassomlik bilan shug‘ullanib kelmoqda. Bu orqali bandligi ta'minlanib, yaxshigina daromad ham topyapti.

Sayt | Telegram | Facebook | Instagram | Youtube

Hurmatli fuqarolar!

Xabar berganimizdek, Kambag'allikni qisqartirish va bandlik vazirligi tizimida korrupsiyaviy huquqbuzarliklar to‘g‘risidagi xabarlarni tezkor qabul qilish uchun maxsus bot ishga tushirilgan.

Agar siz sohada qonunbuzarliklar yoki korrupsiyaviy xatti-harakatlarga guvoh bo‘lsangiz, quyidagi havola orqali bizga xabar bering:

👉https://t.me/anticorruption_mepr_bot

❗️Murojaatingiz o‘z vaqtida ko‘rib chiqilishi va shaxsingiz sir tutilishi kafolatlanadi.

☎️ Bundan tashqari 71-203-01-21 telefon raqamiga ham (ish kunlarida 9-00 dan 18-00 gachа) qo’ng’iroq qilishingizni so’raymiz.

Sayt | Telegram | Facebook | Instagram | Youtube

Kambagʻal oilalar uchun foizsiz ssuda ajratiladi

💎Ijtimoiy himoya yagona reyestri va Kambagʻal oilalar reyestriga kiritilgan oilalar aʼzolariga oʻz faoliyatini boshlashi uchun zarur boʻlgan asbob-uskunalarni xarid qilishga ajratiladigan subsidiyalar oʻrniga foizsiz ssuda ajratiladi.

💎Mazkur ssudalar bazaviy hisoblash miqdorining 50 baravarigacha miqdordagi 6 oydan 3 yilgacha muddatga beriladi.

💎Fuqarolarga subsidiyaga berilgan asbob-uskuna va mehnat qurollari (tikuv mashina, elektrpech va boshqalar) Kambagʻallikni qisqartirish davlat maqsadli jamgʻarmasida foissiz ssuda asosida sotib olib beriladi.

💎Subsidiya, grant yoki ssuda olish uchun oʻzining doimiy yashash manzilidagi hokim yordamchisiga yoki Oʻzbekiston Respublikasi Yagona interaktiv davlat xizmatlari portali va “Onlayn mahalla” elektron platformasi orqali murojaat qilinadi.

subsidiya — kambagʻallikni qisqartirish, bandlikni ragʻbatlantirish va tadbirkorlikka jalb etish uchun Jamgʻarma mablagʻlari hisobidan jismoniy va yuridik shaxslarga qaytarib bermaslik sharti bilan beriladigan moliyaviy koʻmak;

ssuda — kambagʻallikni qisqartirish, bandlikni ragʻbatlantirish
va tadbirkorlikka jalb etish va uni rivojlantirish uchun Jamgʻarma mablagʻlari hisobidan koʻrsatiladigan jismoniy va yuridik shaxslarga qaytarib berish sharti bilan beriladigan moliyaviy koʻmak.

Sayt | Telegram | Facebook | Instagram | Youtube

🔴Har yilgi mehnat ta’tilidan chaqirib olishga ta’tilning istalgan vaqtida faqat xodimning roziligi bilan yo‘l qo‘yiladi.

Shu munosabat bilan ta’tilning foydalanilmay qolgan qismi xodimga mazkur ish yili davomida boshqa vaqtda berilishi yoki ushbu Mehnat kodeksning 230 va 231-moddalarida nazarda tutilgan talablarga rioya etilgan holda keyingi ish yilida berilishi kerak.

▪️18 yoshga to‘lmagan xodimlarni, homilador ayollarni va mehnat sharoitlari o‘ta zararli va o‘ta og‘ir ishlarda band bo‘lgan xodimlarni har yilgi mehnat ta’tilidan chaqirib olishga yo‘l qo‘yilmaydi.

Sayt | Telegram | Facebook | Instagram | Youtube

Kambag‘allikdan farovonlik sari: aholi tomorqalarini sug‘orish uchun qilinayotgan ishlar

🚰 Navoiy viloyatidagi 32 ta mahallada tomorqa yerlarini sug‘orishni yaxshilash belgilangan bo‘lib, buning uchun 50 mlrd so‘mga yaqin mablag‘ ajratilgan. Ayni paytda 32 ta loyihada qurilish-montaj ishlari boshlangan.

Sayt | Telegram | Facebook | Instagram | Youtube

💡 “Yer vaqti” kuni munosabati bilan bugun Kambag'allikni qisqartirish va bandlik vazirligida "Sayyoramiz soati" aksiyasi oʻtkazildi.

🟢 Mazkur aksiyadan maqsad, tabiiy resurslarni asrash orqali sayyoramizga gʻamxoʻrlik koʻrsatishdir.

Maʼlumot uchun: ushbu tadbir 2007-yilda Jahon Yovvoyi tabiat fondi (WWF) tomonidan tashkil qilingan boʻlib, tashkilotchilar ekologik muammolardan tashvishlanish ramzi sifatida sayyora aholisini 60 daqiqaga chiroq va maishiy elektr uskunalarini oʻchirib qoʻyishga chaqiradi. “Yer soati” har yili xalqaro miqyosida oʻtkaziladigan yirik ekologik aksiya hisoblanadi. Bunda hattoki butun dunyo boʻylab mashhur bino va obidalarni yoritib turuvchi chiroqlar ham oʻchiriladi.

Sayt | Telegram | Facebook | Instagram | Youtube

Ramazon hayiti 30-mart kuni nishonlanadi

Bayram munosabati bilan necha kun dam olinadi?

⏺29-mart (shanba) — 5 kunlik ish haftasida ishlovchilar uchun dam olish kuni, 6 kunlik ish haftasida ishlovchilar uchun ish kuni;
⏺30-mart (yakshanba) — Ramazon hayiti bayrami:
⏺31-mart (dushanba) — dam olish kuni.

Mehnat kodeksining 208-moddasiga asosan dam olish kuni ishlanmaydigan bayram kuniga to‘g‘ri kelgan taqdirda, dam olish kuni bayramdan keyingi ish kuniga ko‘chiriladi.

Sayt | Telegram | Facebook | Instagram | Youtube

Ishga qabul qilishda kimlarga dastlabki sinov belgilanmaydi?

▪️homilador ayol, 3 yoshga to‘lmagan bolasi bor ayol yoki 3 yoshga to‘lmagan bolani yolg‘iz o‘zi tarbiyalayotgan ota (vasiy);

▪️zaxiraga qo‘yiladigan ish o‘rinlariga ishga joylashtirish uchun yuborilgan aholining ijtimoiy ehtiyojmand toifalaridan bo‘lgan shaxslar;

▪️davlat grantlari asosida o‘qigan va oliy ta’lim tashkilotini tamomlagan kundan e’tiboran 3 oy ichida yo‘llanma bo‘yicha olingan mutaxassisligiga doir ishga kirayotgan oliy ta’lim tashkilotlarining bitiruvchilari;

▪️tegishli ta’lim tashkilotini tamomlagan kundan e’tiboran 1 yil ichida birinchi bor ishga kirayotganda olingan mutaxassisligi bo‘yicha mustaqil ravishda ishga joylashayotgan umumiy o‘rta, o‘rta maxsus, professional va oliy ta’lim tashkilotlarining bitiruvchilari;

▪️6 oygacha muddatga mehnat shartnomasi tuzilayotgan xodimlar;

▪️18 yoshga to‘lmagan shaxslar;

▪️ishga qaytadan qabul qilingan taqdirda ish beruvchi ilgari qaysi xodimlar bilan mehnat shartnomasini alohida asoslar bo‘yicha bekor qilgan bo‘lsa, o‘sha shaxslar;

▪️ishlab chiqarishda o‘qitish shartnomasi bo‘yicha ushbu ish beruvchida o‘qishni o‘tagan o‘quvchilar.

👉batafsil

Sayt | Telegram | Facebook | Instagram | Youtube

Qashqadaryo viloyatida kambag‘allikni qisqartirish va aholi bandligini ta'minlash bo‘yicha amalga oshirilayotgan ishlar

📍Birgina Qarshi tumanining Alisher Navoiy mahallasidagi 59 nafar ishsiz aholining:
▪️22 nafariga tadbirkorlik bilan shug‘ullanishlari uchun imtiyozli kredit ajratildi;
▪️12 nafariga xorijiy tillar o‘rgatilmoqda;
▪️25 nafari vaqtinchalik jamoat ishlariga jalb qilinib bandligi ta'minlandi.

Sayt | Telegram | Facebook | Instagram | Youtube

⛔️#norasmiy_bandlik

Agar ish beruvchi bilan mehnat shartnomasi tuzmasdan ishlasangiz:

👉Mehnat stajingiz bo‘lmaydi va pensiya ololmaysiz;

👉Ish beruvchi sizni istalgan payt ishdan bo‘shatishi yoki oylik maoshingizni bermasligi mumkin;

👉Noqulay mehnat sharoitlariga duch kelasiz;

👉Bola parvarishi, homiladorlik, tibbiy va mehnat taʼtili pullaridan mahrum bo‘lasiz;

👉Uy, mashina yoki boshqa ehtiyojlar uchun kredit ololmaysiz;

👉O‘zgaruvchan oylik maoshi;

👉Mehnat ta'tilisiz faoliyat;

👉Karyeraning o‘smasligi.

Shunday ekan norasmiy mehnatga rozi bo‘lmang!

Sayt | Telegram | Facebook | Instagram | Youtube

“Loyiha menejerlari” nimalar bilan band?

🟢Oʻzbekiston Respublikasi Prezidentining 2024-yil 4-oktabrdagi “Kambagʻallikni qisqartirish va bandlik sohasida davlat siyosatini takomillashtirish va samaradorlikni oshirish chora-tadbirlari toʻgʻrisida”gi PQ-347-sonli Qaroriga muvofiq, yuqori natijaga erishib kelayotgan, ijobiy tajribaga ega hokim yordamchilaridan iborat 50 nafar “Loyiha menejerlari” samaradorlik koʻrsatkichlari past boʻlgan ogʻir toifadagi 71 ta tumanlarga biriktirildi.

🟢Ayni paytda “Loyiha menejerlari” hududlarning ixtisoslashuvidan kelib chiqqan holda 20 dan ortiq yoʻnalishlardagi ijobiy tajribalarni tadbiq qilishdi.

🟢Mazkur loyihalar asosida 1417 ta oilalar qamrab olinib, ularning 2704 nafar oila-azolari bandligini taʼminlash imkoniyati yaratildi.

Sayt | Telegram | Facebook | Instagram | Youtube

Qashqadaryoda aholi tomorqalarini sugʻorish boʻyicha amaliy ishlar boshlandi

🟢 Yakkabogʻ tumani “Jiyda” MFY Galamula qishlogʻida yangi suv manbasi ishga tushirildi. Endilikda 150 ta xonadon oʻz yerlarini muammosiz sugʻorish imkoniyatiga ega boʻldi.

Ushbu tashabbus Oʻzbekiston Respublikasi Prezidentining 2024-yil 23-sentabrdagi “Kambagʻallikdan farovonlik sari” dasturi doirasida amalga oshirilmoqda.

🌱Qashqadaryo viloyatida birinchilardan boʻlib Yakkabogʻ tumanida amalga oshirilgan bu ish kelgusida boshqa hududlar uchun ham namuna boʻladi.

Sayt | Telegram | Facebook | Instagram | Youtube

🎊Mukofotlar muborak!

22-mart – Mahalla tizimi xodimlari kuni munosabati bilan Kambag‘allikni qisqartirish va bandlik vaziri o‘rinbosari Ra'no Turdiboyeva "Mahalla iftixori" ko‘krak nishoni bilan taqdirlandi.

Shuningdek, vazirlik boshqarma boshlig‘i o‘rinbosari Dilshoda Mirzajanova "Mo‘tabar ayol" ko‘krak nishoni bilan mukofotlangan edi.

Sadoqatli va mashaqqatli mehnati ortidan yuksak eʼtibor va eʼtirofga sazovor bo‘lgan hamkasblarimizni samimiy muborakbod etamiz.

Sayt | Telegram | Facebook | Instagram | Youtube

#Navroz

🌸 Kambagʻallikni qisqartirish va bandlik vazirligi barcha yurtdoshlarimizni yangilanish va yasharish ayyomi – Navro‘zi olam bilan samimiy qutlaydi!

Vatanimiz uzra ko‘klam nafasi kezayotgan mana shunday tarovatli kunlar shukuhi yil davomida hech birimizni tark etmasin.

Sharqona Yangi yil – Navro‘z har bir xonadonga tinchlik-xotirjamlik, baxtu saodat hamda qut-baraka olib kelsin!

Sayt | Telegram | Facebook | Instagram | Youtube

Tomorqadan unumli foydalanayotganlar soni ortmoqda

📍Tomorqachilikda ijobiy natijalarga erishib kelayotgan Yangiyo‘l tumanida issiqxona qurish istagida bo‘lgan fuqarolar soni tobora ko‘payib bormoqda.

🌱Hududda joriy yilning shu davriga qadar imtiyozli kredit asosida 60 dan ortiq issiqxona barpo etildi. Yil yakunigacha ular sonini 2,5 mingtaga yetkazish rejalashtirilgan.

Sayt | Telegram | Facebook | Instagram | Youtube

Bugun ishdan 1 soat vaqtli ketish mumkin

🗓Ishlanmaydigan bayram kunlari arafasida har kunlik ishning (smenaning) davomiyligi barcha xodimlar uchun kamida bir soatga qisqartiriladi.

Ertaga 21-mart —  Navro’z, yaʼni ishlanmaydigan bayram kuni.

☝️Bayramdan oldingi kuni ishning davomiyligini qisqartirish imkoni bo‘lmagan uzluksiz ishlaydigan tashkilotlarda va ayrim turdagi ishlarda ortiqcha ishlaganlik xodimga qo‘shimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar bo‘yicha haq to‘lash orqali kompensatsiya qilinadi.

Navro‘z bayrami munosabati bilan:
⏺21-mart (juma);
⏺22-mart (shanba) 5 kunlik ish haftasida ishlovchilar uchun;
⏺23-mart (yakshanba) kuni dam olinadi.

Sayt | Telegram | Facebook | Instagram | Youtube

#tayinlov

Yo‘ldosheva Ummatoy To‘lqinovna Kambagʻallikni qisqartirish va bandlik vaziri maslahatchisi lavozimiga tayinlandi.

U. Yo‘ldosheva 1997-yilda Navoiy shahrida tugʻilgan. Zulfiya nomidagi Davlat mukofoti sovrindori.

Tayinlovga qadar “Central Asian University” universiteti oʻqituvchisi, Toshkent shahridagi "Alulastra" MChJ direktori hamda “Navoiy yoshlar texnoparki” davlat muassasasi “Innox” loyiha dasturi murabbiysi lavozimida faoliyat yuritgan.

Sayt | Telegram | Facebook | Instagram | Youtube

#tayinlov

Kambag‘allikni qisqartirish va bandlik vazirining matbuot kotibi tayinlandi

Alimova Gulnoza Baxshilloyevna Kambag‘allikni qisqartirish va bandlik vazirining matbuot kotibi – Axborot xizmati rahbari lavozimiga tayinlandi.

G. Alimova tayinlovga qadar Xalq bankining Bank brendi va axborot xizmati rahbari – Boshqaruv Raisining axborot siyosati masalalari bo‘yicha maslahatchisi lavozimida faoliyat yuritgan.

Mutaxassisligi bo‘yicha xalqaro jurnalist, jamoatchilik bilan aloqalar eksperti. Jurnalistika sohasida filologiya fanlari bo‘yicha falsafa doktori (PHD).

O‘z sohasida 20 yildan ortiq tajribaga ega bo'lib, mamlakatimizning yetakchi OAVda muharrirlik, davlat tashkilotlarida axborot xizmati rahbari lavozimlarida ishlash barobarida, jurnalistlar malakasini oshirishda mediatrener sifatida ham faoliyat yuritgan. OTM jurnalistika va jamoatchilik bilan aloqalar yo'nalishi talabalariga 10 yildan buyon tahsil berib kelmoqda.

Аlimova Gulnoza Baxshilloyevnani masʼuliyatli lavozimga tayinlanganligi bilan tabriklaymiz va kelgusidagi ishlariga muvaffaqiyat tilaymiz!

Sayt | Telegram | Facebook | Instagram | Youtube