Тадбиркор аёллар кенгаши Сирдарё вилоятидаги тадбиркор аёллар билан учрашди

🔴 Жорий йил 22 апрель куни Савдо-саноат палатаси Сирдарё вилояти ҳудудий бошқармасида Тадбиркор аёллар кенгаши, мутассадди вазирлик ва идоралар, тижорат банклари вакиллари иштирокида сайёр қабул бўлиб ўтди. Унда 250 нафар тадбиркор аёл ва тадбиркорлик билан шуғулланиш истагидаги хотин-қизлар иштирок этди.

Мулоқотда Сирдарё вилоятида бизнес муҳитини яхшилаш, тадбиркор аёлларни ҳар томонлама қўллаб-қувватлаш, улар фаолиятида учраётган муаммоларни бартараф этиш масалалари муҳокама қилинди.

❤️ Сайёр қабул доирасида 67 та индивидуал мурожаат тингланди ва ҳар бири бўйича аниқ чора-тадбирлар белгилаб олинди. Хусусан, тадбиркор аёллар томонидан иш фаолиятини кенгайтириш учун жой ажратиш, кредит олиш тартиблари, биноларни хусусийлаштириш, божхона масалалари каби долзарб муаммолар кўтарилди.

Шунингдек, тадбир доирасида тадбиркор аёллар ўртасида ўзаро ҳамкорлик алоқалари ўрнатилди. Жумладан, Кенгашнинг Қорақалпоғистон Республикасидаги аъзоси, "KAMRON GOLD MEDIYA" МЧЖ раҳбари Д.Хайитбоева 6 нафар сирдарёлик тадбиркор аёлга ўз тажрибаларини ўргатиш таклифини билдирди.

🕊Telegram 📱Instagram 📱Facebook 📺 Youtube

Сертификатлар — муваффақиятли экспорт гарови!

📃 Халқаро бозорларда маҳсулотларингизни эркин сотиш, экспорт ҳажмини ошириш ва мижозлар ишончини қозониш учун халқаро стандартларга жавоб бериш — муҳим омиллардан бири ҳисобланади. Кўплаб мамлакатлар маҳаллий бозорларига фақат белгиланган халқаро сертификатларга эга маҳсулотларни киритишга рухсат беради.

✔️ Шу муносабат билан, Ўзбекистон Савдо-саноат палатаси барча тадбиркорлар ва экспорт билан шуғулланувчи корхоналарни халқаро бозорга мослашишда қўллаб-қувватлаш мақсадида бепул маслаҳат ва тавсиялар олишга таклиф этади.

Палата мутахассислари томонидан қуйидаги халқаро сертификатлар юзасидан комплекс маслаҳатлар тақдим этилади:

🔵 Менежмент тизимлари:
ISO 9001, ISO 14001, ISO 22000, ISO 45001, ISO 27001, ISO 50001, ISO 37001, ISO 37301, IATF 16949

🔵 Қишлоқ хўжалиги ва озиқ-овқат маҳсулотлари:
Органик сертификатлар, GlobalG.A.P, HACCP, BRC / FSSC 22000, GMP

🔵 Ҳалол маҳсулотлар учун:
MS 1500, GSO 2055, SMIIC, Halal Control, IFANCA ва бошқалар

🔵 Техник ва бозорга чиқиш сертификатлари:
CE, EAC, FDA, RoHS, REACH, EN/IEC

🔵 Экологик ва барқарор ривожланиш сертификатлари:
ISO 14064, FSC, FairTrade, EcoLabel

Батафсил маълумот ва амалий кўмак учун биз билан боғланинг:
📞 + 998781506006

🕊Telegram 📱Instagram 📱Facebook 📺Youtube

Ўрнатилган ҳамкорлик ўз самарасини бермоқда

Жорий йилнинг февраль ойида ўзбекистонлик бир гуруҳ аёл тадбиркорлар Ўмон султонлигига бизнес миссияси билан ташриф буюришганди.

📚 Ушбу ташриф доирасида Ўзбекистондаги Nova School хусусий мактаби ва Ўмондаги My School — an IB World School хусусий мактаби ўртасида қатор муҳим келишувларга эришилди.

Жумладан, талабаларнинг академик алмашинуви, биргаликдаги таълим дастурларини амалга ошириш, икки мамлакат маданий меросини ўрганиш, чет тили амалиётини чуқурлаштириш каби йўналишларда ҳамкорликни йўлга қўйиш мақсад қилинган.

✈️ Келишувларга мувофиқ, апрель ойида ўзбекистонлик ўқувчилар Ўмон султонлигида бўлиб қайтдилар. Сафар давомида икки мактаб ўқувчилари ўртасида самимий ва дўстона муносабатлар шаклланди.

Томонлар мазкур тажриба алмашинувини мунтазам равишда амалга ошириш бўйича келишиб олдилар ҳамда жорий йилнинг октябрь ойида Ўмон ўқувчиларининг Ўзбекистонга таълим сафари режалаштирилган.

🕊Telegram 📱Instagram 📱Facebook 📺 Youtube

Сайёр қабул – тадбиркорлар муаммоларини ҳал этишнинг мақбул йўли

✔️ Айни пайтда Савдо-саноат палатаси Сирдарё вилояти ҳудудий бошқармасида Тадбиркор аёллар кенгаши томонидан навбатдаги сайёр қабул ўтказилмоқда.

Тадбирда Ўзбекистон Савдо-саноат палатаси раиси ўринбосари, Кенгаш раиси ўринбосари Н.Шотурсунова, Кенгаш аъзоси М.Ниязова, Олий Мажлис Сенати аъзоси П.Ахмеджанова ҳамда 250 нафар тадбиркор аёллар ва тадбиркорлик билан шуғулланиш истагида бўлган хотин-қизлар иштирок этмоқда.

Мазкур сайёр қабул давомида тадбиркор аёлларни қийнаётган муаммоларни ўрганиш, уларга амалий ёрдам кўрсатиш, давлат томонидан тақдим этилаётган имтиёзлар ва дастурлар ҳақида батафсил маълумот бериш, шунингдек, янги ташаббусларни қўллаб-қувватлаш масалаларига алоҳида эътибор қаратилмоқда.

🕊Telegram 📱Instagram 📱Facebook 📺 Youtube

Ҳурматли тадбиркорлар!

💰Қишлоқ хўжалиги маҳсулотларини экспорт қилувчи корхоналарга айланма маблағларини тўлдириш учун охирги 12 ой мобайнида амалга оширилган маҳсулот реализация ҳажмидан келиб чиққан ҳолда молиявий ресурслар ажратилади:

Бунда,
⏩ камида 100 минг АҚШ долларидан 1 миллион АҚШ долларигача эквивалентида маҳсулот реализация қилинганда – 5 миллиард сўмгача;
⏩ 1 миллион АҚШ доллардан 2 миллион АҚШ доллари эквивалентигача маҳсулот реализация қилинганда – 10 миллиард сўмгача;
⏩ 2 миллион АҚШ доллари эквивалентидан кўп миқдорда маҳсулот реализация қилинганда – 15 миллиард сўмгача.

Муддат - 12 ойгача;
Фоиз - йиллик 14%;

💰 Шунингдек, қишлоқ хўжалиги маҳсулотларини калибровка қилиш ва махсус идишларда қадоқлаш ускуналарини сотиб олиш учун миллий валютада 10 миллиард сўмгача йиллик 14 фоиз ставкада 36 ой муддатгача молиявий ресурс ажратилади.

🌱 Ушбу молиявий ресурслардан фойдаланиш учун https://subsidiya.epauzb.uz электрон портали орқали мурожаат қилишингиз мумкин

📞 Батафсил маълумот учун: +998 (71) 207 04 06 (202)

🕊Telegram 📱Instagram 📱Facebook 📺 Youtube

“Uzum” компанияси билан фаол алоқалар ўрнатилмоқда

💡 Ўзбекистон Савдо-саноат палатаси ҳамда мамлакатимиздаги йирик рақамли платформалардан бири — “Uzum” компанияси вакиллари ўртасида ишчи учрашув бўлиб ўтди.

Мазкур учрашув доирасида томонлар Ўзбекистон электрон тижорат бозорини ривожлантириш, маҳаллий тадбиркорларни рақамли платформаларга кенг жалб қилиш ва улар учун қулай шарт-шароитлар яратиш масалаларини батафсил муҳокама қилдилар.

“Uzum” компанияси вакили Наргиза Саипова платформанинг юридик ва ишчи жараёнлари, тадбиркорлар учун таклиф этилаётган имкониятлар — онлайн савдо, логистика, тўлов тизимлари ва маркетинг хизматлари бўйича мавжуд шароитлар ҳақида батафсил маълумот берди.

Савдо-саноат палатаси вакили Мирислом Юлдашев эса палата томонидан кичик ва ўрта бизнес субъектларини рақамли савдо платформаларига фаол жалб этиш, уларни мавжуд имкониятлар билан таништириш ҳамда ҳамкорликда семинар ва консультациялар ўтказиш ташаббусларини билдирди.

👍Учрашув якунида томонлар маҳаллий тадбиркорларни “Uzum” платформасига жалб қилишда Савдо-саноат палатаси кўмагини йўлга қўйиш ҳамда электрон тижорат соҳасида ўзаро манфаатли ҳамкорликни мустаҳкамлаш бўйича келишувга эришдилар.

🕊Telegram 📱Instagram 📱Facebook 📺 Youtube

🇺🇿 Тошкент вилояти Бекобод туманида тадбиркорлар муаммолари ўрганилмоқда

✔️ Ўзбекистон Савдо-саноат палатаси раиси ўринбосари Ҳалимжон Сафаров бошчилигидаги ишчи гуруҳ Бекобод туманидаги саноат корхоналари ва тадбиркорлар фаолиятини ўрганмоқда.

Хусусан, “Истиқлол” маҳалла фуқаролар йиғини ҳудудида жойлашган “Хон қизи” текстиль ишлаб чиқариш корхонаси фаолиятини ўрганиш жараёнида газ тармоғига уланиш, сертификат олишдаги бюрократик тўсиқлар ҳамда ишчи кучи етишмаслиги каби муаммолар аниқланди.

Маҳалла ҳоким ёрдамчилари билан тадбиркорлик фаолиятини бошлаш истагини билдирган фуқаролар билан суҳбатлар ўтказилиб, уларга зарур тавсиялар берилди.

Шунингдек, “Далварзин” маҳалла фуқаролар йиғинида фаолият юритаётган “Сарраа” текстиль корхонаси раҳбари, Туркия фуқароси Мустафо Хан билан учрашув ташкил этилди. У корхонада электр таъминоти, ишчи кучи ҳамда ер ҳужжатлари (кадастр) бўйича мавжуд муаммоларни билдириб ўтди.

Мазкур муаммоларни бартараф этиш бўйича мутасаддиларга тегишли топшириқлар берилди ҳамда тадбиркорлар фаолиятини қўллаб-қувватлаш юзасидан зарур чоралар кўрилиши белгиланди.

🕊Telegram 📱Instagram 📱Facebook 📺 Youtube

Таҳлилнома | Топ тадбиркорлар бизнесдаги суперянгиликлар ҳақида нима дейди?

🕊Telegram 📱Instagram 📱Facebook 📺 Youtube

🇺🇿 Ўзбекистон Республикаси Вазирлар Маҳкамасининг 2025 йил 19 апрелдаги “Айрим турдаги товарларни божхона чегараси орқали олиб ўтиш тартибини янада такомиллаштириш чора-тадбирлари тўғрисида”ги ВМҚ-244-сонли қарори

🕊Telegram 📱Instagram 📱Facebook 📺 Youtube

🇺🇿 Ўзбекистон Республикаси Президентининг 2025 йил 18 апрелдаги “Ишлаб чиқариш, экспорт ва тадбиркорлик фаолиятини рағбатлантириш, савдо ва саноат сиёсати самарадорлигини ошириш чора-тадбирлари тўғрисида”ги ПФ-67-сон фармони

🕊Telegram 📱Instagram 📱Facebook 📺 Youtube

БААда Ўзбекистон ва Туркия ишбилармон доиралари ўртасида бизнес-форум бўлиб ўтди

🇺🇿🇹🇷Жорий йилнинг 19 апрель куни, Ўзбекистон Савдо-саноат палатаси раиси Даврон Вахабов бошчилигидаги делегациянинг БААга ташрифи доирасида, Дубай шаҳрида Туркия ишбилармон доиралари иштирокида бизнес-форум ташкил этилди.

Форумда БААда фаолият юритаётган Туркиянинг қатор нуфузли компаниялари вакиллари иштирок этди.

Тадбирда Ўзбекистонда барқарор иқтисодий ривожланишни таъминлашда қулай бизнес муҳити, инвестициявий жозибадорликнинг ўрни ва роли муҳокама қилинди.

✔️ Даврон Вахабов тадбирни очиб бериб, Ўзбекистон ва Туркия ўртасидаги иқтисодий ҳамкорлик салоҳияти, икки давлат тадбиркорлари ўртасида янги шериклик алоқаларини йўлга қўйиш имкониятлари ҳақида сўз юритди.

👍 Форум доирасида икки мамлакат ишбилармонлари ўртасида B2B форматда учрашувлар ҳам ташкил этилди. Уларда тоғ-кон, кимё, фармацевтика, қурилиш, логистика, IT ва бошқа соҳаларда ҳамкорлик масалалари муҳокама қилинди.

Бизнес-форум Ўзбекистон ва Туркия ўртасидаги савдо-иқтисодий ҳамкорликни янада мустаҳкамлаш, мамлакатлар ўртасидаги экспорт-импорт операцияларини кенгайтириш ва ўзаро манфаатли янги инвестициявий лойиҳаларни амалга оширишда муҳим платформа бўлиб хизмат қилди.

🕊Telegram 📱Instagram 📱Facebook 📺 Youtube

БААда Ўзбекистонда бизнес юритиш имкониятлари тақдим этилди

🇦🇪 Жорий йилнинг 18–19 апрель кунлари Ўзбекистон Савдо-саноат палатаси раиси Даврон Вахабов бошчилигидаги йирик ишбилармон доира вакилларидан иборат делегация Бирлашган Араб Амирликларига ташриф буюрди.

👍 Ташрифнинг биринчи куни Дубай шаҳрида БААда фаолият юритаётган инвесторлар учун Ўзбекистонда бизнес юритиш имкониятлари тақдим этилди, шунингдек, B2B форматда учрашувлар ташкил этилди.

🇺🇿 Тадбирда делегация таркибига кирган Akfa Group, TRT, UzTex, Grand Farm Trade, Procab, Artel Electronics Group, Uzbekistan Hydrogen Peroxide, Agromir Buildings, Golden House, Navruz international Corp, Nobel Trade, Basalt Uzbekistan, Bobur XBK ва Kvarts каби йирик компаниялар таъсисчилари, Президент ҳузуридаги Тадбиркорликни қўллаб-қувватлаш бўйича жамоатчилик кенгаши аъзолари, тегишли вазирлик ва идоралар, тармоқ бирлашмалари ҳамда тижорат банклари раҳбарлари иштирок этди.

✔️ Форумда иштирокчиларни Даврон Вахабов қутлаб, ўз нутқида Ўзбекистон иқтисодиётида амалга оширилаётган ислоҳотлар, тадбиркорликни ривожлантириш, солиқ ва ҳуқуқий муҳитни яхшилаш бўйича кўрилаётган чора-тадбирлар ҳақида маълумот берди.

Шунингдек, тақдимотлар давомида электротехника, фармацевтика, қишлоқ хўжалиги, озиқ-овқат, тўқимачилик ва қурилиш каби муҳим соҳаларда Ўзбекистон билан икки томонлама ҳамкорликни ривожлантириш имкониятлари муҳокама қилинди.

👍 Форум якунида ўтказилган B2B учрашувлар иштирокчиларга ўзаро манфаатли ҳамкорлик масалаларини муҳокама қилиш ва дастлабки келишувларга эришиш имконини берди.

Тадбир икки томонлама савдо-иқтисодий ҳамкорлик истиқболларини муҳокама қилиш, Ўзбекистоннинг экспорт салоҳиятини намойиш этиш ва янги шериклик алоқаларини ўрнатиш учун самарали платформа вазифасини бажарди.

🕊Telegram 📱Instagram 📱Facebook 📺 Youtube

Айрим тадбиркорларга солиқ маъмурчилигида
енгилликлар берилади

“Ишлаб чиқариш, экспорт ва тадбиркорлик фаолиятини рағбатлантириш, савдо ва саноат сиёсати самарадорлигини ошириш чора-тадбирлари тўғрисида” Президент Фармони (ПФ-67-сон, 18.04.2025 й.) қабул қилинди.

📃 Фармонга кўра, 2025 йил 1 октябрдан Ўзбекистон ҳудудига олиб кириладиган хушбўйлаштирувчи ёки ранг берувчи қўшимчаларсиз оқ шакарга нисбатан акциз солиғи бекор қилинади.

✅20 ва ундан ортиқ ишчиси мавжуд бўлган юридик шахсларга мол-мулк ва ер солиқлари ҳамда ижара тўловлари бўйича ҳисобланган солиқ суммаларини 2025 йил 15 июлда ва 1 декабрда бўлиб-бўлиб тўланишига рухсат берилади.

✅ Шунингдек, Президент Фармонига мувофиқ, умумий овқатланиш хизматларини кўрсатувчи тадбиркорларга тўланган ҚҚСнинг бир қисмини қайтаришда ушбу фаолиятдан олинган даромад товарларни (хизматларни) реализация қилишдан олинган жами даромаднинг камида 80 фоизини ташкил этиши зарурлиги белгиланди.

Бундан ташқари, саноат корхоналарининг автоматик мониторинг станцияси, чанг-газ тозалаш ускунаси, локал сув тозалаш иншооти ва стационар кузатув пости билан жиҳозлаш мажбурияти муддати қуйидагича узайтирилди:

◾️I тоифадаги корхоналар учун – 2026 йил 1 январгача;

◾️II тоифадаги корхоналар учун – 2026 йил 1 июлгача.

💸 2025 йил 1 июндан хорижий давлатлар фуқаролари ва фуқаролиги бўлмаган шахсларга 200 минг АҚШ доллари ҳамда уларнинг ҳар бир оила аъзосига (турмуш ўртоғи, фарзанди ва ота-онаси) 100 минг АҚШ доллари миқдоридаги тўловлар эвазига Ўзбекистонда яшаш гувоҳномаси 5 йил муддатга соддалаштирилган тартибда берилади.

🕊Telegram 📱Instagram 📱Facebook 📺 Youtube

Ўзбекистон ва Татаристон Савдо-саноат палаталари ўртасида учрашув бўлиб ўтди

🗣 Жорий йил 17 апрель куни Ўзбекистон Савдо-саноат палатаси раиси ўринбосари Дилшод Расулов Татаристон Республикаси Савдо-саноат палатаси раиси Шамиль Агеев билан учрашув ўтказди.

Учрашувда шунингдек, Россиянинг энг йирик кўп тармоқли бизнес-комплекси — «Халқаро савдо маркази» бош директори ва кузатув кенгаши раиси Владимир Страшко, ҳамда Татаристон Республикасининг Ўзбекистондаги савдо вакили Айдар Ахтарев ҳам иштирок этдилар.

👍Музокаралар давомида томонлар Ўзбекистон ва Россия, жумладан, Татаристон ўртасидаги савдо-иқтисодий алоқаларни янада кенгайтириш масалаларини муҳокама қилдилар.

Жумладан, жорий йилнинг 13-18 май кунлари Қозон шаҳрида бўлиб ўтадиган XVI халқаро иқтисодий форум — «Россия – Ислом олами: KAZANFORUM» доирасида Ўзбекистон Савдо-саноат палатаси ва маҳаллий ишбилармон доира вакилларининг иштирокини ташкил этиш масаласи кўриб чиқилди.

👍 Учрашув якунида томонлар ушбу форумда Ўзбекистон тадбиркорлари фаол иштирокини таъминлаш юзасидан ҳамкорликда амалга ошириладиган чора-тадбирларни белгилаб олишди. Шунингдек, Татаристон Савдо-саноат палатаси ва «Халқаро савдо маркази» билан ўзаро ҳамкорликни ривожлантириш бўйича ишлар изчил давом эттирилиши бўйича келишувга эришилди.

🕊Telegram 📱Instagram 📱Facebook 📺 Youtube

⚡️ Тадбиркорлар томонидан молиявий хизматлардан фойдаланиш имконияти кенгайтирилади

Қонун билан (ЎРҚ-1058-сон, 17.04.2025 й.) айрим қонун ҳужжатларига ўзгартириш ва қўшимчалар киритилди

📃 “Валютани тартибга солиш тўғрисида”ги Қонунга киритилган қўшимчага кўра, резидентлар ўртасидаги валюта операцияларига мижознинг (кредиторнинг) контрагенти норезидент бўлган тақдирда, кредит ташкилотлари томонидан пул талабномасидан бошқа шахс фойдасига воз кечиш эвазига молиялаш операциялари амалга оширилаётганда йўл қўйилиши белгиланди.

Илгари бундай норма мавжуд эмас эди.

“Ўзбекистон Республикасининг Марказий банки тўғрисида”ги Қонунга Марказий банк, кредит ташкилоти бўлмаган шахслар томонидан ташкил этилган электрон факторинг платформаларининг ахборот тизимлари хавфсизлигига, киберхавфсизлигига ва уларни IT-аудитдан ўтказишга доир талабларни белгилаш ҳамда мазкур талабларнинг бажарилиши устидан назоратни амалга ошириш каби ваколатларни белгиловчи қўшимча киритилди.

❤️ Шунингдек, Марказий банкнинг ички аудиторлик хизмати ўз фаолиятида Марказий банк бошқарувига ва Аудиторлик қўмитасига ҳисобдорлиги белгиланди.

Илгари фақат Аудиторлик қўмитасига ҳисобдор бўлган.

📋 Марказий банк қуйидагилар учун рухсат этиш хусусиятига эга ҳужжатларни бериши назарда тутилмоқда:

▪️кафолатлар бериш ташкилоти фаолиятини амалга оширишга;
▪️факторинг ташкилоти фаолиятини амалга оширишга

❕Қуйидаги фаолият (ҳаракатлар) турларини амалга ошириш учун бу ҳақда Марказий банкни хабардор қилиш талаби белгиланди:

◾️факторинг ташкилотининг филиалини очиш ёки ёпиш;

◾️жисмоний ва юридик шахслар, шу жумладан тегишинча яқин қариндошлари ҳамда улар билан боғлиқ бўлган шахслар билан биргаликда ҳаракат қилувчи жисмоний ва юридик шахслар, шунингдек норезидентлар томонидан бир ёки бир нечта битим натижасида нобанк кредит ташкилотининг устав фондидаги (устав капиталидаги) 10 фоиздан 20 фоизгача ташкил этадиган улушини бевосита ёки билвосита олиш.

🕊Telegram 📱Instagram 📱Facebook 📺 Youtube

Ҳурматли тадбиркорлар!

🏛 "Савдони ривожлантириш компанияси" АЖ ҳузурида Бизнесга кўмаклашиш микромолия ташкилоти ташкил этилди.

Ушбу микромолия ташкилоти доирасида саноат корхоналарига факторинг хизмати ҳамда тўқимачилик саноати корхоналарига хомашё сотиб олиш учун молиявий қарз ажратиш тартиби жорий қилинди.

Шартлари:
🔹охирги 12 ой мобайнида амалга оширган экспорт ҳажмининг 25 фоизи миқдорида
🔹90 кун муддатгача
🔹Йиллик 15 фоиз ставкада

Ушбу молиявий қарздан фойдаланиш учун https://f-moliya.uz/ электрон портали орқали мурожаат қилишингиз мумкин.

📞 Батафсил маълумот учун: +998 (71) 207 04 06 (206)

🕊Telegram 📱Instagram 📱Facebook 📺Youtube

Наманганлик тадбиркорлар Андижон саноат ярмаркасига ташриф буюришди

👍 Савдо-саноат палатаси ташаббуси билан ташкил этилган йирик саноат платформаси — Андижон саноат ярмаркасида Наманган вилоятидан 200 нафардан ортиқ тадбиркор фаол иштирок этмоқда.

Ярмарка доирасида 110 та корхонанинг 500 га яқин турдаги маҳсулотлари намойиш этилмоқда. Улар орасида мебель, машинасозлик, тўқимачилик, рақамли технологиялар, қурилиш материаллари ҳамда қишлоқ хўжалиги маҳсулотлари каби йўналишлар бўйича илғор ва инновацион ечимлар ўрин олган.

Наманганлик тадбиркорлар ярмаркада таклиф этилаётган янги лойиҳалар, ишлаб чиқариш имкониятлари ва замонавий технологиялар билан яқиндан танишиш имконига эга бўлишди.

👍 Тадбир доирасида тикув-трикотаж, қурилиш ва хизмат кўрсатиш соҳалари бўйича бир неча ҳамкорлик меморандумлари имзоланди. Шу билан бирга, кадрлар алмашинуви, ўзаро тажриба алмашиш ва кооперацияни ривожлантириш бўйича ҳам келишувларга эришилди.

Ушбу саноат кўргазмаси — маҳаллий ишлаб чиқарувчилар ўртасида ҳамкорлик алоқаларини мустаҳкамлаш, янги бозорларга чиқиш ва истиқболли лойиҳаларни амалга ошириш сари ташланган муҳим қадам бўлди.

🗓 Ярмарка апрель ойи охиригача давом этади.

🕊Telegram 📱Instagram 📱Facebook 📺 Youtube

Солиқда янги тартиблар: тадбиркорлар эътиборига!

📃 Ўзбекистон Республикаси Президентининг 2025 йил 27 февралдаги “Хизматлар соҳаси барқарор ривожланиши учун қулай шарт-шароитлар яратишга оид қўшимча чора-тадбирлар тўғрисида”ги ПҚ–78-сон қарорига мувофиқ, хизматлар соҳаси субъектлари учун белгиланган 1 фоизлик ижтимоий солиқ ставкасининг амал қилиш муддати 2028 йил 1 январгача узайтирилди.

Шунингдек, 2025 йил 1 апрелдан бошлаб, солиқ органлари ходимлари томонидан уларга бириктирилган корхоналар ёки маҳаллалардаги тадбиркорлик субъектларида солиққа оид ҳуқуқбузарликлар аниқланган тақдирда, янги тартиб қўлланилмоқда.

▶️ Мазкур тартиб ва унинг муҳим жиҳатлари ҳақида ушбу видео орқали батафсил билиб олинг.

🕊Telegram 📱Instagram 📱Facebook 📺 Youtube

Навоийда тадбиркорлар билан очиқ мулоқот: муаммолар тингланди, ечимлар белгиланди

👍Жорий йил 15 апрель куни Савдо-саноат палатаси Навоий вилояти ҳудудий бошқармасида вилоят ҳокими Нормат Турсуновнинг тадбиркорлар билан навбатдаги учрашуви бўлиб ўтди.

Учрашувда 20 нафардан ортиқ тадбиркорларнинг мурожаатлари қабул қилинди. Улар асосан имтиёзли кредитлар олиш, маҳсулотни экспортга чиқариш, солиқ мажбуриятлари ҳамда бошқа долзарб масалалар юзасидан савол ва таклифларини билдирдилар.

Ҳар бир мурожаат вилоят раҳбарияти ҳамда мутасадди ташкилотлар томонидан алоҳида тартибда кўриб чиқилиб, амалий ечим топиш учун назоратга олинди.

Ҳоким ва ўринбосарларининг тадбиркорлар билан учрашувлари анъанага киритилиб, ҳар ҳафтанинг сешанба, чоршанба, пайшанба, жума ва шанба кунлари бўлиб ўтиши режага киритилган.

🕊Telegram 📱Instagram 📱Facebook 📺 Youtube

No comment: Андижон вилоятининг саноат ярмаркасига ташриф.

Facebook|Instagram|X

Ҳудудий саноат ярмаркаси ўзаро савдо ва ҳамкорлик майдонига айланди

Президент Шавкат Мирзиёев бугун Андижон вилоятининг ҳудудий саноат ярмаркасини бориб кўрди.

Бу ерда 110 та корхонанинг 500 га яқин маҳсулоти намойишга қўйилган. Жумладан, автомобилсозлик, машинасозлик, тўқимачилик, электр техникаси, рақамли технологиялар, қурилиш материаллари, озиқ-овқат, гулчилик, асаларичилик, балиқчилик ва бошқа тармоқлардаги самарали лойиҳалар тақдим этилган.

Давлатимиз раҳбари вилоятда ишлаб чиқарилаётган кенг турдаги маҳсулотлар ва илғор ишланмалар билан танишди, уларнинг ташаббускорлари билан суҳбатлашди. Яхши тажрибаларни қўллаб-қувватлаб, юртимиз миқёсида оммалаштириш зарурлигини таъкидлади.

Шу мақсадда ярмаркага Қорақалпоғистон Республикаси, вилоятлар ва Тошкентдан масъуллар ва тадбиркорлар таклиф этилган. Улар маҳсулотларни биргаликда ишлаб чиқариш, кооперация ва савдо-сотиқ масалаларида фикр алмашмоқда.

Бугунги кунда Андижон вилоятида 11 мингдан зиёд саноат корхонаси бор. Уларнинг республика саноатидаги улуши 10 фоиздан юқори.

Хусусан, ҳудудда 47 та саноат зонаси ташкил этилган. Уларда 2,3 триллион сўмлик 1 000 та лойиҳа амалга оширилган бўлиб, 18 минг киши иш билан таъминланган. Мазкур зоналарда 2024 йилда 1 триллион сўмлик маҳсулот ишлаб чиқарилиб, қарийб 31 миллион долларлик экспорт қилинган. 

Бугунги кунда қиймати 1 миллиард долларлик 288 та инвестиция лойиҳаси амалга ошириш жараёнида.

Жумладан, бу йил 119 та лойиҳа ишга туширилиб, 4 мингдан ортиқ иш ўрни яратилади. Саноат маҳсулотлари экспорти 47 миллион долларга етказилади.

Ўтган йилги ташрифдан сўнг, Олтинкўл туманидан 16 гектар ер ажратилиб, мебелларни кластер усулида ишлаб чиқариш мажмуаси ташкил этилган эди. Бу ерда 100 дан ортиқ устахона, 236 та шоурум ва савдо нуқталари жойлашган.

🕊Telegram 📱Instagram 📱Facebook 📺 Youtube

Ҳурматли тадбиркорлар!

🇺🇿🇷🇺 28–30 апрель кунлари замонавий CAEx Uzbekistan кўргазма майдонида “ИННОПРОМ. Марказий Осиё” бешинчи юбилей халқаро саноат кўргазмаси бўлиб ўтади.

Кўргазма ҳар йили саноатнинг етакчи соҳа вакилларини – машинасозлик ва металлургиядан тортиб, IТ-технологиялар ва энергетикагача барчасини бирлаштиради.

Бу йил кўргазмада 400 дан ортиқ компания ва 10 мингдан зиёд ташриф буюрувчилар иштирок этиши кутилмоқда. Улар орасида Ўзбекистон, Россия, Қозоғистон, Қирғизистон, Беларус, Хитой, Саудия Арабистони, Туркия ва бошқа давлат вакиллари бор.

📃 “ИННОПРОМ. Марказий Осиё” кўргазмасида иштирок этиш учун 20 апрелга қадар расмий тадбир сайтида рўйхатдан ўтиш мумкин.

🌱 Батафсил маълумот — кўргазманинг расмий веб-сайтида.

🕊Telegram 📱Instagram 📱Facebook 📺 Youtube

Давлатимиз раҳбари Андижонда замонавий тўқимачилик корхонаси фаолияти билан танишди.

Prezident.uz|Facebook|Instagram|YouTube|X

“Ҳунарманд” журналининг тақдимоти ўтказилди

Жорий йил 14 апрель куни Ўзбекистон Республикаси “Ҳунарманд” уюшмаси томонидан “Ҳунармандчиликни ривожлантириш: анъанавий санъатдан инновацион бизнесгача” мавзусида давра суҳбати ҳамда “Ҳунарманд” журналининг тақдимоти ўтказилди.

✔️ Тадбирда Ўзбекистон Савдо-саноат палатаси раиси ўринбосари Нодира Шотурсунова иштирок этди.

Мазкур нашр республикамиздаги ҳунармандчилик соҳасини ривожлантириш, унинг тарихий илдизлари, замонавий ҳолати ва истиқболлари ҳақида кенг жамоатчиликни хабардор қилишга хизмат қилади.

“Ҳунарманд” уюшмаси таъсисчилигида чоп этилган ушбу журнал йилига тўрт марта — ўзбек, инглиз ва рус тилларида чоп этилиши режалаштирилган бўлиб, унда етакчи уста ҳунармандлар билан эксклюзив суҳбатлар, амалий санъатнинг турли йўналишлари бўйича илмий-аналитик мақолалар, унутилаётган ёки кам ўрганилган анъаналар ҳақида махсус материаллар жой олади.

📖 Журнал саҳифаларида шунингдек, республикамизда ва хорижда ўтказилган ҳунармандчилик кўргазмалари, фестиваллар, ижодий устахоналар фаолияти, ёш ҳунармандларнинг муваффақиятлари ҳамда халқаро ҳамкорлик имкониятлари ҳақида ҳам маълумотлар берилади. Бу эса нашрни нафақат ахборот манбаи, балки ҳунармандлар ва соҳа мутахассислари учун илҳом манбаига айлантиради.

Тақдимот чоғида журнални кенг аудиторияга етказиш, уни вилоят ва туман миқёсидаги ҳунармандларга етказиш, шунингдек, рақамли платформаларда ҳам оммалаштириш масалалари муҳокама қилинди. “Ҳунарманд” журнали нафақат босма нашр, балки рақамли ресурс сифатида ҳам кенг қамровли ахборот манбаи бўлиши кутилмоқда.

🕊Telegram 📱Instagram 📱Facebook 📺 Youtube

Президент Шавкат Мирзиёев бугун Андижон вилоятига ташриф буюради

Ташриф давомида янги корхоналар фаолияти, саноат, энергетика, шаҳарсозлик ва бошқа соҳаларда амалга оширилаётган ишлар билан танишиш, жойлардаги қурилиш ва бунёдкорликни кўздан кечириш режалаштирилган.

Шунингдек, давлатимиз раҳбари ҳудудни комплекс ривожлантириш бўйича устувор вазифалар юзасидан йиғилиш ўтказади.

🕊Telegram 📱Instagram 📱Facebook 📺 Youtube

Ҳурматли тадбиркорлар!

✔️ Ўзбекистон Савдо-саноат палатасида тадбиркорлик субъектларини рақамли бозорда қўллаб-қувватлаш, электрон тижорат соҳасидаги имкониятлардан самарали фойдаланишларига кўмаклашиш мақсадида янги бўлим ташкил этилди.

"Тадбиркорлик субъектларига электрон савдо соҳасида кўмаклашиш" бўлимининг асосий вазифалари:

👍 маҳаллий ва халқаро маркетплейсларда савдо қилиш бўйича маслаҳат ва амалий ёрдам кўрсатиш;
👍 электрон тижоратга киришда ҳуқуқий, техник ва ташкилий масалалар бўйича тадбиркорларни қўллаб-қувватлаш;
👍 мутахассислар иштирокида тренинглар, семинарлар ва ўқув курслари орқали тадбиркорларни тайёрлаш ва малакасини ошириш.

✔️ Бўлим фаолияти маҳаллий ишлаб чиқарувчилар ва экспорт қилувчи корхоналарни янги бозорларга олиб чиқиш, рақобатбардошлигини ошириш ва экспорт салоҳиятини кенгайтиришга хизмат қилади.

🚀 @echamberuz
👍 +998781506006

🕊Telegram 📱Instagram 📱Facebook 📺Youtube

Туронбанк бошчилигида лимончилик йўналиши тадбиркорлари Хитойга сафар уюштирди

🇺🇿🇨🇳 Ўзбекистон Республикаси Вазирлар Маҳкамасининг 2025 йил 2 апрелдаги “Республикада лимончилик соҳасини қўллаб-қувватлаш бўйича қўшимча чора-тадбирлар тўғрисида”ги қарори доирасида, Туронбанк бошқаруви раиси бошчилигидаги делегация лимончилик билан фаол шуғулланаётган тадбиркорлар билан биргаликда Хитой Халқ Республикасининг Сичуан провинциясига амалий сафар уюштирди.

Ушбу сафарнинг бош мақсади — Президентимиз томонидан белгилаб берилган устувор вазифаларни амалга ошириш, яъни очиқ майдонларда парвариш қилинадиган лимон навларини интрадуксия қилиш ва кичик ҳажмдаги цитрус меваларини қайта ишловчи замонавий ускуналарни Ўзбекистонга олиб келиш имкониятларини ўрганишдан иборат.

🍋 Делегация халқаро тажрибани ўрганиш мақсадида Сичуан провинциясининг Анюэн туманидаги нуфузли “Боусен лимон кўргазмаси"да ҳам бўлишди. Шунингдек, бу ҳудуддаги йирик ва самарали фаолият юритаётган “Chunlay Junsze” кооператив лимон плантацияси фаолияти билан яқиндан танишилди.

Мазкур сафар Ўзбекистонда лимончилик соҳасини халқаро илғор тажриба асосида модернизация қилиш, янги технологияларни жорий этиш ҳамда маҳаллий тадбиркорлар салоҳиятини ошириш йўлида муҳим босқич бўлиб хизмат қилади.

🕊Telegram 📱Instagram 📱Facebook 📺 Youtube

✔️ Очиқлик ва самимият!

✔️ Таклифлар ва уларнинг реализацияси!

✔️ Қонунга итоаткор ва ҳалол тадбиркорларга эътибор!

✔️ Муносиблар эътирофи!

Божхона қўмитаси Раисининг тадбиркорлар билан очиқ мулоқоти айни шу жиҳатларни қамраб олди.

Тадбиркорликка оид ҳужжатлар муҳокамада

✔️ Айни дамда Савдо-саноат палатасида Президент ҳузуридаги Тадбиркорликни қўллаб-қувватлаш бўйича жамоатчилик кенгаши ва эксперт гуруҳларининг навбатдаги йиғилиши бўлиб ўтмоқда.

Унда Савдо-саноат палатаси раисининг биринчи ўринбосари Давронбек Курбанов, Солиқ қўмитаси раисининг биринчи ўринбосари Мубин Мирзаев, Божхона қўмитаси раиси ўринбосари Нодир Мусамуҳамедов, Ўзбекистонда Халқаро валюта жамғармаси мутахассиси Георгий Канделаки, Иқтисодиёт ва молия вазирлиги, Бош прокуратура, Бизнес-омбудсман масъул ходимлари иштирок этмоқда.

📃 Йиғилиш доирасида тадбиркорликни ривожлантириш ва иқтисодий фаолликни оширишга қаратилган 4 та муҳим норматив-ҳуқуқий ҳужжат лойиҳаси кенг муҳокама қилинмоқда:

◾️Ўзбекистон Республикаси Президентининг “Яширин иқтисодиётга қарши курашиш тизимини янги босқичга олиб чиқишга қаратилган қўшимча чора-тадбирлар тўғрисида”ги фармон лойиҳаси;

◾️Ўзбекистон Республикасининг “Ўзбекистон Республикасининг Фуқаролик кодексига корпоратив муносабатларни тартибга солиш тартибини такомиллаштиришга қаратилган қўшимчалар киритиш тўғрисида”ги қонун лойиҳаси;

◾️Вазирлар Маҳкамасининг “Юқори қўшилган қийматли тайёр саноат маҳсулотлари экспорти бўйича активларни репатриация қилиш талабларини такомиллаштириш тўғрисида”ги қарор лойиҳаси;

◾️Вазирлар Маҳкамасининг 2024 йил 30 январдаги 55-сонли “Тадбиркорлик субъектларининг барқарорлик рейтингини аниқлаш тартиби тўғрисида”ги Низомга киритиладиган ўзгартириш ва қўшимчалар бўйича таклифлар тингланмоқда.

Мутахассислар ва тадбиркорлар фикри ушбу ҳужжатларнинг амалий самарадорлигини таъминлашда муҳим аҳамият касб этади.

🕊Telegram 📱Instagram 📱Facebook 📺 Youtube

BANKS & BUSINESS EXPO 2025

🏦 Ўзбекистон Савдо-саноат палатаси жорий йил 16-18 апрель кунлари Тошкент шаҳридаги "Ўзэкспомарказ" МККда "Banks & Business Expo 2025" — Марказий Евросиё минтақасидаги энг йирик банклар форуми ва кўргазмаси бўлиб ўтишини маълум қилади.

Ушбу тадбир банк-молия институтлари ва тадбиркорлик субъектлари ўртасида самарали ҳамкорликни ривожлантиришга кўмаклашиш, шунингдек, бизнес тузилмаларининг замонавий молиявий воситалар, суғурта ва лизинг хизматларидан фойдаланиш имкониятларини кенгайтириш мақсадида ташкил этилмоқда.

Кўргазма доирасида:
◾️ихтисослаштирилган семинарлар ва панель сессиялари;
◾️B2B учрашувлари ва молия институтлари маҳсулотларининг тақдимотлари;
◾️молиявий хизматларни рақамлаштириш соҳасидаги энг янги ечимларни намойиш этилади.

📍Манзил: "Ўзэкспомарказ" МКК, Тошкент шаҳри
📆 Ўтказилиш саналари: 16-18 апрель

Батафсил маълумот тадбирнинг расмий веб-сайтида:
🌱 https://global-expo.uz/banks-business-expo-2025

🕊Telegram 📱Instagram 📱Facebook 📺 Youtube

Сертификатлар — муваффақиятли экспорт гарови!

📃 Халқаро бозорларда маҳсулотларингизни эркин сотиш, экспорт ҳажмини ошириш ва мижозлар ишончини қозониш учун халқаро стандартларга жавоб бериш — муҳим омиллардан бири ҳисобланади. Кўплаб мамлакатлар маҳаллий бозорларига фақат белгиланган халқаро сертификатларга эга маҳсулотларни киритишга рухсат беради.

✔️ Шу муносабат билан, Ўзбекистон Савдо-саноат палатаси барча тадбиркорлар ва экспорт билан шуғулланувчи корхоналарни халқаро бозорга мослашишда қўллаб-қувватлаш мақсадида бепул маслаҳат ва тавсиялар олишга таклиф этади.

Палата мутахассислари томонидан қуйидаги халқаро сертификатлар юзасидан комплекс маслаҳатлар тақдим этилади:

🔵 Менежмент тизимлари:
ISO 9001, ISO 14001, ISO 22000, ISO 45001, ISO 27001, ISO 50001, ISO 37001, ISO 37301, IATF 16949

🔵 Қишлоқ хўжалиги ва озиқ-овқат маҳсулотлари:
Органик сертификатлар, GlobalG.A.P, HACCP, BRC / FSSC 22000, GMP

🔵 Ҳалол маҳсулотлар учун:
MS 1500, GSO 2055, SMIIC, Halal Control, IFANCA ва бошқалар

🔵 Техник ва бозорга чиқиш сертификатлари:
CE, EAC, FDA, RoHS, REACH, EN/IEC

🔵 Экологик ва барқарор ривожланиш сертификатлари:
ISO 14064, FSC, FairTrade, EcoLabel

Батафсил маълумот ва амалий кўмак учун биз билан боғланинг:
📞 + 998781506006

🕊Telegram 📱Instagram 📱Facebook 📺Youtube

🚨 Diqqat! "Sog‘liqni saqlash - #TIHE 2025" 29-xalqaro ko‘rgazmasining ochilishiga atigi 1 kun qoldi!

✔️ Ertaga sizni quyidagi ajoyib imkoniyatlar kutmoqda:

🍲 Yetakchi kompaniyalar vakillari bilan to’g’ridan to’g’ri uchrashuv va muzokaralar

TIHE va Beauty Uzbekistan 2025 ko'rgazmalari  23 mamlakatdan 400+ ishtirokchini birlashtiradi, jumladan:
🇺🇸 AQSh, 🇦🇪 BAA, 🇧🇾 Belarus, 🇬🇧 Buyuk Britaniya, 🇩🇪 Germaniya, 🇮🇳 Hindiston, 🇮🇩 Indoneziya, 🇪🇸 Ispaniya, 🇮🇹 Italiya, 🇰🇷 Koreya, 🇱🇻 Latviya, 🇦🇿 Ozarbayjon, 🇵🇰 Pokiston, 🇵🇱 Polsha, 🇰🇿 Qozogʻiston, 🇷🇺 Rossiya, 🇸🇬 Singapur, 🇹🇷 Turkiya, 🇺🇦 Ukraina, 🇺🇿 Oʻzbekiston, 🇨🇳 Xitoy, 🇨🇿 Chexiya, 🇯🇵 Yaponiya

📅 Ko’rgazma o’tkazilish sanalari: 15-17 aprel 2025-yil
📍 Manzil: CAEx O‘zbekiston (xaritada ko‘rish)

⚠️ Online ro‘yxatdan o‘ting va shaxsiy beyjingizni oling:
👉 Ro‘yxatdan o‘tish: https://bit.ly/TIHE_uz_reg

Sog‘liqni saqlash va beauty-sohasidagi yilning eng katta tadbirida ishtirok etish imkoniyatini boy bermang! ➡️Tadbirlar dasturi

#TIHE2025 #BeautyUzbekistan2025 #Tibbiyot #Korgazma #Toshkent

📲+998712051414
+998931800311
_

🚨 Внимание! До старта 29-й международной выставки "Здравоохранение - #TIHE 2025" остался всего 1 день!

✔️ Уже завтра перед вами откроются уникальные возможности:

🍲Личные встречи и переговоры с представителями ведущих компаний

TIHE и Beauty Uzbekistan 2025 объединят 400+ участников из 23 стран, включая:
🇦🇿 Азербайджан, 🇧🇾 Беларусь, 🇬🇧 Великобритания, 🇩🇪 Германия, 🇮🇳 Индия, 🇮🇩 Индонезия, 🇪🇸 Испания, 🇮🇹 Италия, 🇰🇿 Казахстан, 🇨🇳 Китай, 🇰🇷 Корея, 🇱🇻 Латвия, 🇦🇪 ОАЭ, 🇵🇰 Пакистан, 🇵🇱 Польша, 🇷🇺 Россия, 🇸🇬 Сингапур, 🇺🇸 США, 🇹🇷 Турция, 🇺🇿 Узбекистан, 🇺🇦 Украина, 🇨🇿 Чехия, 🇯🇵 Япония

📅 Даты проведения: 15–17 апреля 2025 года
📍 Локация: CAEx Uzbekistan (посмотреть на карте)

⚠️ Успейте зарегистрироваться онлайн и получите персональный бейдж для входа:
👉 Регистрация: https://bit.ly/TIHE_ru_reg

Не упустите шанс стать частью главного события в сфере здравоохранения и beauty-индустрии! ➡️Программа мероприятий

#TIHE2025 #BeautyUzbekistan2025 #Медицина #Выставка #Ташкент

📲+998712051414
+998931800311

Ўзбекистон Савдо-саноат палатасида Тошкент давлат иқтисодиёт университети “Бизнес бошқаруви” кафедрасининг филиали очилди

📚 Ўзбекистон Савдо-саноат палатасида Тошкент давлат иқтисодиёт университети “Бизнес бошқаруви” кафедрасининг филиали очилиш маросими бўлиб ўтди.

Тадбирда Савдо-саноат палатаси раисининг биринчи ўринбосари Д.Курбанов, Тошкент давлат иқтисодиёт университети ўқув ишлари бўйича биринчи проректори С.Меҳмонов ҳамда профессор-ўқитувчилар иштирок этдилар.

👍 Тадбир доирасида томонлар ўртасида инновацион таълимни ривожлантириш, фан ва ишлаб чиқаришни интеграциялаштириш асосида кадрлар тайёрлашга доир ҳамкорлик меморандуми имзоланди.

Ушбу ҳужжат доирасида иқтисодиётнинг турли тармоқлари, бизнес бошқаруви, логистика, савдо ва саноат, инвестиция фаолияти ҳамда давлат молиявий назорати каби йўналишларда замонавий билим ва кўникмаларга эга мутахассисларни тайёрлаш кўзда тутилган.

👍 Кафедра филиалини очишдан мақсад — талабаларнинг назарий билимларини амалий машғулотлар билан уйғунлаштириш, бизнес ва логистика соҳаларидаги кўникмаларини мустаҳкамлаш, замонавий талабларга жавоб берадиган, мустақил фикрлай оладиган ва юксак маънавий мезонларга эга мутахассислар етишиб чиқишини таъминлашдир.

👍 РУС

🕊Telegram 📱Instagram 📱Facebook 📺Youtube

Ташқи савдода эришилган ютуқлар учун тадбиркорлар илк бор божхона органлари мукофотларига сазовор бўлишди

Очиқ мулоқот доирасида 2024 йил якуни бўйича товарлар ташқи савдосини амалга ошириш йўналишида юқори кўрсаткичларга эришган бир гуруҳ тадбиркорлар тақдирланди. Улар божхона органларида илк бор таъсис этилган “Энг яхши экспортёр”, “Энг яхши божхона тўловлари тўловчиси”, “Энг интизомли ташқи иқтисодий фаолият иштирокчиси” каби номинацияларда мукофотларга лойиқ деб топилди.

🕊Telegram 📱Instagram 📱Facebook 📺Youtube

Божхона қўмитаси ҳузурида Тадбиркорларнинг маслаҳат кенгаши фаолияти йўлга қўйилади

Жорий йил 12 апрель куни Божхона қўмитасида бир гуруҳ ташқи иқтисодий фаолият иштирокчилари билан қўмита раисининг очиқ мулоқоти бўлиб ўтди.

Унда Савдо-саноат палатаси раиси Даврон Вахабов ҳамда республикамизнинг турли ҳудудларидан ташриф буюрган тадбиркорлар иштирок этди.

🗣 Мулоқотда тадбиркорларнинг божхона ва ишлаб чиқариш соҳасидаги муаммоларини имкон қадар амалда бартараф этиш ҳамда улар томонидан билдирилган таклифларни амалиётган татбиқ қилишнинг барча чорасини кўришга асосий эътибор қаратилди.

Шунингдек, ҳалол ва қонунга итоаткор тадбиркорларни қўллаб-қувватлаш, уларга соддалаштирилган божхона тартиботларидан фойдаланиш ҳуқуқини тақдим этишни назарда тутувчи Ваколатли иқтисодий операторлар институтининг афзалликлари ҳақида ҳам батафсил ахборот берилди.

Ҳозирда ушбу мақомга эга бўлган 66 та тадбиркорнинг 25 минга яқин партиядаги товарларининг божхона расмийлаштируви устувор тартибда амалга оширилди, 410 млрд сўмдан ортиқ божхона тўловларини кечиктириб ва бўлиб тўлашга рухсат берилди.

76 млн долларлик 2 мингга яқин партиядаги товарларини ҳеч қандай божхона тўловлари тўланиши таъминланмаган ҳолда ўз омборларига туширишга рухсат берилиши натижасида, тадбиркорларнинг 7 млрд сўмга яқин маблағи тежаб қолинди.

Тадбиркорларни ўйлантириб, қийнаб келаётган яна бир масала - экспорт товарлари бўйича ҚҚСнинг ўрнини қоплаш учун солиқ органларига тақдим этиладиган декларациялар божхона органлари томонидан қоғоз шаклда тасдиқланиши эди.

Тадбирда ушбу масалани бартараф этиш бўйича божхона ва солиқ органлари ахборот тизимларининг интеграцияси якунланиб, электрон ахборот алмашинуви тўлиқ йўлга қўйилгани маълум қилинди.

Натижада ҳозирга қадар 4 мингдан ортиқ экспортёрнинг 88 мингга яқин партиядаги товарларига оид маълумотлар солиқ органлари томонидан электрон шаклда қабул қилинган.

Тадбирда таъкидланганидек, Юртбошимиз раҳбарликларида янги Ўзбекистонда олиб борилаётган ислоҳотлардан келиб чиқиб, бугунги кунда божхона органлари назорат қилувчи органдан кўра кўпроқ тадбиркорга кўмакчи сифатида фаолият юритмоқда.

Шу сабабли Божхона қўмитаси ҳузурида Тадбиркорларнинг маслаҳат кенгаши фаолиятини йўлга қўйиш таклифи илгари сурилди.

Кенгаш фаолияти тадбиркорларнинг манфаатларини ҳимоя қилиш, хомашё ва бутловчи қисмларни божхонада қўшимча тўловлардан озод қилиш, маҳаллий ишлаб чиқаришда таннархни пасайтириш ҳамда экспорт операцияларида ташқи бозорда рақобатбардошликни оширишга қаратилган бўлади.

Божхона соҳасидаги ислоҳотларнинг самарадорлигини баҳолашда бевосита тадбиркорларнинг фикри муҳим. Бу трансчегаравий савдони енгиллаштириш ва тадбиркорларга янада қулайликлар яратиш бўйича янги таклифлар ишлаб чиқишда ҳал қилувчи аҳамиятга эга.

🕊Telegram 📱Instagram 📱Facebook 📺Youtube

Тадбиркор аёллар кенгашига келиб тушган мурожаатлар кўриб чиқилди

✔️ Жорий йил 11 апрель куни Ўзбекистон Республикаси Президенти ташаббуси билан Савдо-саноат палатаси ҳузурида ташкил этилган Тадбиркор аёллар кенгашига келиб тушган банк масалаларига оид мурожаатлар юзасидан йиғилиш бўлиб ўтди.

🏦 Йиғилишда Кенгаш ўринбосарлари Н.Шотурсунова, Д.Нурматова, Кенгаш эксперти, АТ «Халқ банки» бошқаруви раиси Г.Рашидова, кенгаш аъзолари ҳамда Марказий банк, АТБ “Микрокредитбанк”, АТ “Алоқабанк” ва “Бизнесни ривожлантириш банки” АТБ вакиллари иштирок этди.

Очиқ мулоқот тарзида ўтган йиғилишда республиканинг барча ҳудудларидан видеоконференцалоқа орқали 250 нафардан ортиқ тадбиркор аёллар иштирок этиб, банк кредитлари, гаров таъминоти, иккиламчи кредит манбалари учун енгилликлар яратиш, кредит муддатларини узайтириш каби масалалар юзасидан ўз муаммо ва таклифларини билдирди.

📝 Йиғилиш давомида тадбиркор аёллардан келиб тушган 70 га яқин мурожаатга банк ва «Hamroh» хотин-қизлар тадбиркорлигини қўллаб-қувватлаш компанияси вакиллари томонидан тезкор жавоблар берилди ва ушбу масалалар Кенгаш назоратига олинди.

🕊Telegram 📱Instagram 📱Facebook 📺Youtube