Жиноят ишлари бўйича Пастдарғом туман судида кўчаларда қўпол қоидабузарликлар содир этиб ҳаракатланган шоввозлар маълум муддатга транспорт воситасини бошқариш ҳуқуқидан маҳрум қилинди.

Telegram I Facebook

Жиноят кодексини ўрганамиз

39-модда. Ижтимоий хавфли қилмиш содир этган шахсни ушлаш вақтида зарар етказиш

Ижтимоий хавфли қилмиш содир этган шахсни ҳокимият органларига топшириш мақсадида ушлаш вақтида унга зарар етказиш, агар уни ушлаш учун зарур бўлган чораларнинг чегарасидан четга чиқилмаган бўлса, жиноят деб топилмайди.

Ушлаш воситалари ва усулларига, қилмишнинг ҳамда уни содир этган шахснинг хавфлилик даражасига, шунингдек ушлаш шароитига бутунлай мос келмайдиган, ушлаш зарурати тақозо этмаган ҳолда ушланаётган шахсга қасддан зарар етказиш ушлаш чоралари чегарасидан четга чиқиш деб топилади.

Ижтимоий хавфли қилмишни содир этган шахсни ушлаш вақтида унга етказилган зарарнинг қонунийлигини баҳолашда, қилмишни содир этган шахснинг ушланишдан қочиш мақсадида қилган ҳаракатлари, ушловчининг кучи ва имкониятлари, руҳий ҳолати ва ушлаш билан боғлиқ бўлган бошқа ҳолатлар ҳисобга олинади.

Махсус ваколатли шахслар билан бир қаторда жабрланувчи ва бошқа фуқаролар ҳам ижтимоий хавфли қилмишни содир этган шахсни ушлаш ҳуқуқига эгадирлар.

40-модда. Буйруқ ёки бошқа вазифани ижро этиш

Шахснинг буйруқ ёки бошқа фармойишни, шунингдек мансаб вазифаларини қонунан бажариши туфайли зарар етказилган бўлса, жиноят деб топилмайди.
Жиноийлиги олдиндан аён бўлган буйруқ ёки бошқа фармойишни бажариб, жиноят содир этган шахс, умумий асосларда жавобгарликка тортилади.

Ғайриқонуний равишда берилган буйруқ ёки фармойишни ёхуд мансаб вазифасини бажармаган ёки бузган шахс жавобгарликка тортилмайди.

Шахснинг амалда содир этган қилмишида бошқа бир жиноят таркибининг барча аломатлари мавжуд бўлсагина, у жавобгарликка тортилади.

БРИФИНГ / 2025 йилнинг 1- чораги сарҳисоби

Зафар Аллабаев,
Самарқанд вилоят суди раисининг ўринбосари, фуқаролик ишлари бўйича судлов ҳайъати раиси.

ЖИНОЯТ – ЖАМИЯТ УЧУН ИЛЛАТ

Булунғур туманидаги Педагогика коллежида туман судлари судьялари ҳамда туман Мактаб ва мактабгача таълим бўлими психологик ходимлари билан давра суҳбати бўлиб ўтди. Тадбирда “Оилавий (маиший) зўравонлик ҳамда аёлларга нисбатан содир этилаётган ҳуқуқбузарлик ва жиноят ишлари борган сари ошиб бораётганлигини инобатга олиб, уларнинг олдини олиш бўйича масъул бўлган идоралар билан биргаликда тарғибот ва профилактика ишларини йўлга қўйиш” мавзусида суҳбат ўтказилди. Шунингдек, коррупция ва одам савдоси жиноятлари тушунчаси, унинг салбий оқибатлари, ушбу жиноятларнинг олдини олиш чора-тадбирлари тўғрисида фикр-мулоҳазалар алмашилди.

Ж.ҒАЙБУЛЛАЕВ,
жиноят ишлари бўйича
Булунғур туман судининг раиси.

Батафсил 👉 https://t.me/bulungurhayotii/19873

Telegram I Facebook

SAMARQAND YANGILIKLARI  | SAMARQAND VILOYAT SUDI TASHABBUSI BILAN KONFERENSIYA OʻTKAZILDI

Telegram I Facebook

Қўшмачилик қилган аёл жиноят ишлари бўйича Самарқанд шаҳар судида озодликдан маҳрум қилинди.

Telegram I Facebook

37-модда. Зарурий мудофаа

Зарурий мудофаа ҳолатида содир этилган, яъни мудофааланувчи ёхуд бошқа кишининг шахси ёки ҳуқуқларини, жамият ёки давлат манфаатларини қонунга хилоф тажовузлардан тажовузчига зарар етказган ҳолда ҳимоя қилиш чоғида қилинган ҳаракат, агар зарурий мудофаа чегарасидан четга чиқилмаган бўлса, жиноят деб топилмайди.

Тажовузнинг хусусияти ва хавфлилиги даражасига бутунлай мувофиқ келмайдиган мудофаа, зарурий мудофаа чегарасидан четга чиқиш деб топилади.

Бошқа шахсларга ёки ҳокимият органларига ёрдам сўраб мурожаат қилиш ёхуд тажовуздан ўзга йўсинда қутулиш имконияти бор-йўқлигидан қатъи назар, зарурий мудофаа ҳуқуқи шахсга тегишлидир.
Зарар етказиш мақсадида қасддан ҳужум қилиш истагини қўзғатиш зарурий мудофаа деб топилмайди.

38-модда. Охирги зарурат

Охирги зарурат ҳолатида, яъни шахснинг ёки бошқа фуқароларнинг шахсига ёхуд ҳуқуқларига, жамият ёки давлат манфаатларига таҳдид солувчи хавфни қайтариш учун қонун билан қўриқланадиган ҳуқуқ ва манфаатларга зарар етказган ҳолда содир этилган қилмиш, башарти, шу хавфни ўша ҳолатда бошқа чоралар билан қайтаришнинг иложи бўлмаса ҳамда келтирилган зарар олди олинган зарарга қараганда камроқ бўлса, жиноят деб топилмайди.

Шахснинг охирги зарурат ҳолатида содир этган қилмиши, башарти, охирги зарурат чегарасидан четга чиқилмаган бўлса, қонуний деб топилади.

Агар бошқа воситалар орқали хавфнинг олдини олиш мумкин бўлса ёки келтирилган зарар олди олинган зарардан ошиб кетса, қонун билан қўриқланадиган ҳуқуқ ва манфаатларга бундай зарар етказиш охирги зарурат чегарасидан четга чиқиш деб топилади.

Охирги зарурат ҳолатида содир этилган қилмишнинг қонунийлигини баҳолашда олди олиниши лозим бўлган хавфнинг хусусияти ва хавфлилик даражаси, шундай хавфнинг ҳақиқатан мавжуд ёки мавжуд эмаслиги ва юз бериш вақтининг яқинлиги, хавфни қайтарувчи шахснинг мавжуд имкониятлари, вужудга келган вазиятдаги руҳий ҳолати ва ишнинг бошқа ҳолатлари ҳисобга олинади.

БРИФИНГ / 2025 йил 1- чораги сарҳисоби

Хуршид Турсунов,
Самарқанд вилоят суди раисининг ўринбосари, иқтисодий ишлар бўйича судлов ҳайъати раиси.

YouTube видеохостингида эълон қилинган видеолавҳа юзасидан

Аниқланишича, даъвогар Ҳ. Элмуродов фуқаролик ишлари бўйича Тойлоқ туманлараро судига жавобгар Б. Юсуповга нисбатан даъво ариза билан мурожаат қилиб, етказилган моддий ва маънавий зарарни ундиришни сўраган.
Суднинг 2024 йил 01 апрелдаги ҳал қилув қарори билан ушбу даъво талаби қаноатлантирилмасдан қолдирилган.

Даъвогар Х. Элмуродовдан давлат фодасига 2 380 000 сўм давлат божи ундириш белгиланган. Даъвогар Х. Элмуродов ҳал қилув қароридан норози бўлиб, апелляция тартибида шикоят ариза билан мурожаат қилган. Бироқ, даъвогар томонидан давлат божи тўланмаганлиги сабабли фуқаролик ишлари бўйича апелляция инстанциясининг2024 йил 02 майдаги ажрими билан апелляция шикояти қайтарилган.

Бугунги кунга қадар бу масалада судга бошқа ариза ёки шикоят келиб тушмаганлиги маълум қилинади.

Telegram I Facebook

Жиноят кодексини ўрганамиз

35-модда. Қилмишнинг жиноийлигини истисно қиладиган ҳолатлар тушунчаси

Қилмишда ушбу Кодексда назарда тутилган аломатлар расмий жиҳатдан мавжуд бўлса-да, лекин у ижтимоий хавфли, ғайриқонуний ёки айбли бўлмаса, қилмишнинг жиноийлигини истисно қиладиган ҳолатлар деб топилади.

Қуйидаги ҳолатлар, яъни кам аҳамиятли қилмишлар; зарурий мудофаа; охирги зарурат; ижтимоий хавфли қилмиш содир этган шахсни ушлаш чоғида зарар етказиш; буйруқни ёки бошқача тарздаги вазифани бажариш; касб ёки хўжалик фаолияти билан боғлиқ бўлган асосли таваккалчилик; жисмоний ёки руҳий мажбурлаш ёхуд қўрқитиш натижасида қилмиш содир этиш жиноятни истисно қилувчи ҳолатлар деб топилади.

36-модда. Кам аҳамиятли қилмишлар

Гарчи ушбу Кодексда жиноят сифатида назарда тутилган қилмишнинг аломатлари мавжуд бўлса-да, ўзининг кам аҳамиятлилиги туфайли ижтимоий хавфли бўлмаган ҳаракат ёки ҳаракатсизлик жиноят деб топилмайди.

Telegram I Facebook

Фуқаролик ишлари бўйича Самарқанд шаҳар судининг Оила судьялари ва Самарқанд шаҳар ҳокимлиги Оила ва Хотин-қизлар бўлими ҳамкорлигида “Оила ва хотин-қизларни қўллаб-қувватлаш тизимини такомиллаштирилиши муносабати билан Ўзбекистон Республикасининг айрим қонун ҳужжатларига қўшимча ва ўзгартириш киритиш тўғрисида”ги Қонуннинг мазмун-моҳиятига бағишланган йиғилиш бўлиб ўтди.

Йиғилишда фуқаролик ишлари бўйича Самарқанд шаҳар судининг Оила судьялари, Самарқанд шаҳар ҳокимлиги ҳоким ўринбосари, Оила ва хоти-қизлар бўлими бошлиғи, Ички ишлар бўлими ходимлари, профилактика инспекторлари, Нуронийлар жамғармаси, Маҳалла фаоллари, Ёшлар етакчилари қатнашдилар.

Маърузаларда қонун оилавий (маиший) зўравонликдан жабрланган шахсларнинг ҳуқуқлари ва қонуний манфаатлари ҳар томонлама ҳимоя қилиниши, шу жумладан уларнинг хавфсизлиги кафолати ҳамда муносиб турмуш шароитларига бўлган ҳуқуқини таъминлашга қаратилганлиги таъкидланди.

Ўзаро мулоқот тарзида ўтган тадбирда иштирокчиларни қизиқтирган барча саволларга батафсил тушунтириш берилди.

Telegram I Facebook

Вилоят Ёшлар марказида “Меҳнат муносабатлари: қонунчилик назарияси ва суд амалиёти” мавзусида конференция бўлиб ўтди.

Тадбирда Олий суд судьялари, вилоят суди раҳбарияти ва судьялари, фуқаролик ишлари бўйича туманлараро, туман ва шаҳар судлари судьялари, Ўзбекистон касаба уюшмалари Федерацияси вилоят Кенгаши раҳбарияти ва ходимлари, вилоят фаолият кўрсатаётгани корхона, ташкилотва муассасаларнинг ҳуқуқшунослари ва кадрлар билан ишловчи мутахассислари иштирок этди.

Ўзбекистон касаба уюшмалари Федерацияси вилоят Кенгаши раҳбари С. Рафиқов ҳамда вилоят суди раисининг ўринбосари З. Аллабаев конференцияни кириш сўзи билан очиб, мамлакатимизда меҳнат тўғрисидаги қонунчиликни халқаро принциплар ва андозалар асосида такомиллаштириш бўйича салмоқли чора-тадбирлар амалга оширилгани алоҳида таъкидладилар.

Олий суд судьялари Н. Раҳмонов, Ж. Расулов, Давлат меҳнат назорати инспекцияси бошлиғи ўринбосари М. Норбоев, вилоят судининг судьяси Ф, Каримов мавзу юзасидан қонунларни шарҳлаб, бир-биридан қизиқарли маърузалар қилишди.

Хусусан, 2022 йил 28 октябрда янги Меҳнат кодекси қабул қилинди. Кодексда ходимлар, иш берувчилар ва давлат манфаатларининг мувозанатини таъминлаш ҳамда уларни мувофиқлаштириш асосида якка тартибдаги меҳнатга оид муносабатларни ва улар билан бевосита боғлиқ бўлган ижтимоий муносабатларни тартибга солувчи ҳуқуқий асослар белгиланди.

Шу билан бирга, янги таҳрирдаги Конституцияда ходимнинг меҳнат ҳуқуқларига оид муҳим қоидалар ўз аксини топди. Жумладан, ҳар ким муносиб меҳнат қилиш, меҳнати учун камситишларга йўл қўймаслик, ҳар бир ходимга меҳнатига муносиб ҳақ тўлаш, энг асосийси, ишсизликдан қонунда белгиланган тартибда ҳимояланиш ҳуқуқига эгалиги янгиланган Конституцияда қатъий муҳрланган.

Ўз навбатида, 2023 йил 20 ноябрда Олий суд Пленумининг «Судлар томонидан меҳнат шартномасини бекор қилишни тартибга солувчи қонунчиликни қўллаш амалиёти тўғрисида»ги қарори қабул қилинди. Унда меҳнат низоларини кўришда судлар амалиётида вужудга келадиган масалаларга алоҳида тушунтириш бериб ўтилди.

Статистик маълумотларга кўра, 2024 йилда судлар томонидан жами 865 та меҳнат низоларига оид фуқаролик ишлари кўриб тамомланган бўлиб, шундан 68,5 фоизи қаноатлантирилган, 12,6 фоизи рад этилган, 16,1 фоизи тегишли асосларга кўра кўрмасдан қолдирилган ва 2,8 фоизи иш юритишдан тугатилган.

Жами кўриб тамомланган 865 та фуқаролик ишларининг 234 тасини ишга тиклаш, 461 тасини иш ҳақи ундириш ва 170 тасини меҳнат низоларига оид бошқа ишлар ташкил қилган.
Бундан ташқари 574 та 6,3 млрд. сўмлик иш ҳақи ва унга тенглаштирилган тўловларни ундириш ҳақида суд буйруқлари чиқарилган.

Тадбир иштирокчилари томонидан меҳнат қонунларини қўллашда учраётган муаммолар, уларни ҳал қилиш йўллари ва бу борадаги янгича назарий қарашлар, меҳнат соҳасида қонунчиликни таъминлаш, амалиётда юзага келадиган масалаларни ҳал этиш билан боғлиқ фикр-мулоҳазалар билдирилди.

Конференция якуни бўйича хулосалар, амалий таклиф ва тавсиялар ишлаб чиқишга келишиб олинди.

Telegram I Facebook

Фуқаролик ишлари бўйича Ургут туман судининг судьяси Шаҳноза Муҳамматқулова вилоят радиоканалида суд-ҳуқуқ ислоҳотлари янгиликларини шарҳлади

Telegram I Facebook

ЖИНОЯТ КОДЕКСИни ўрганамиз

34-модда. Рецидив жиноят

Шахснинг илгари қасддан содир этган жинояти учун судланганидан кейин қасддан янги жиноят содир этиши рецидив жиноят деб топилади.

Илгари ҳукм қилинган жиноятига ўхшаш жиноят содир этган, ушбу Кодексда алоҳида кўрсатилган ҳолларда эса, Махсус қисмнинг бошқа моддалари билан ҳам ҳукм қилинган шахснинг қасддан янги жиноят содир этиши хавфли рецидив жиноят деб топилади.

Беш йилдан кам бўлмаган муддатга озодликдан маҳрум қилиш жазоси тайинланиши мумкин бўлган қасддан янги жиноят содир этиш, яъни:

а) илгари ўта оғир жинояти учун ёки икки марта оғир жинояти учун ҳукм қилиниб, уларнинг ҳар бири учун беш йилдан кам бўлмаган муддатга озодликдан маҳрум қилиш жазоси тайинланган шахс томонидан ўта оғир жиноят содир этилиши;

б) илгари оғир жинояти учун икки марта ҳукм қилинган ёки олдин-кейинлигидан қатъи назар, оғир ёки ўта оғир жиноятлар учун уларнинг ҳар бирига беш йилдан кам бўлмаган муддатга озодликдан маҳрум қилиш жазоси тайинланган шахснинг оғир жиноят содир этиши ўта хавфли рецидив жиноят деб топилади.

Суднинг ҳукми билан шахс ўта хавфли рецидивист деб топилиши мумкин.

Шахсни ўта хавфли рецидивист деб топиш тўғрисидаги масала ҳал қилинаётган вақтда унинг бошқа давлатлар судларининг ҳукмлари бўйича судланганлиги ҳам ҳисобга олиниши мумкин.

Шахсни ўта хавфли рецидивист деб топиш тўғрисидаги масала ҳал қилинаётган вақтда унинг ўн саккиз ёшга тўлгунга қадар содир этган жинояти учун судланганлиги, шунингдек қонунда белгиланган тартибда судланганлик муҳлатларининг ўтиб кетганлиги ёки олиб ташланган судланганлиги инобатга олинмайди.

Ушбу Кодекс Махсус қисмининг ўта хавфли рецидивист томонидан содир этилган жиноятлар учун жавобгарликни белгиловчи моддалари шахс ушбу жиноятни содир этгунга қадар қонунда белгиланган тартибда ўта хавфли рецидивист деб топилган бўлсагина қўлланилади.

Telegram I Facebook

Фуқаролик ишлари бўйича Ургут туман судининг раиси Темур Рустамов вилоят радиоканалида суд-ҳуқуқ ислоҳотлари янгиликларини шарҳлади

Telegram I Facebook

Жиноят ишлари бўйича Самарқанд шаҳар судида болаларнинг телефонини олиб қочган шахс судланди.

Telegram I Facebook

Бугун Ханчжоу шаҳрида (Хитой) Ўзбекистон Республикаси Олий суди раиси Бахтиёр Исломов ва Тожикистон Республикаси Олий суди раиси Рустам Мирзозода ўртасида учрашув бўлиб ўтди.

Конструктив мулоқот давомида томонлар икки мамлакат олий суд органлари ўртасидаги ўзаро ҳуқуқий ҳамкорлик масалаларини, шунингдек алоқаларни янада ривожлантиришнинг истиқболли йўналишларини муҳокама қилиб, суд тизимини такомиллаштириш соҳасида тажриба алмашинуви орқали фаол ҳамкорлик қилишга тайёр эканликларини билдирдилар.

Қайд этилганидек, Ўзбекистон Республикаси Олий суди ва Тожикистон Республикаси Олий суди ўртасида 2018 йилда Ҳамкорлик тўғрисида меморандум имзоланган бўлиб, унинг доирасида суд тизимини инсон ҳуқуқлари ва қонуний манфаатларини ҳимоя қилишнинг муҳим институти сифатида такомиллаштиришни илмий-таҳлилий ҳамда ахборот жиҳатидан таъминлаш орқали суд-ҳуқуқ ислоҳотларини амалга оширишга кўмаклашиш билан боғлиқ тадбирлар кўзда тутилган.

Айни пайтда мазкур ҳужжат икки мамлакат суд ҳокимияти олий органлари ўртасида ҳамкорлик ва ўзаро англашувнинг ҳуқуқий асосларини мустаҳкамлаш, қонун устуворлигини таъминлаш бўйича саъй-ҳаракатлар самарадорлигини оширишга хизмат қилиб келмоқда.

Учрашув ишчан ва дўстона руҳда бўлиб ўтди.

----------------

Сегодня в городе Ханчжоу (Китай) состоялась встреча председателя Верховного суда Республики Узбекистан Бахтияра Исламова и председателя Верховного суда Республики Таджикистан Рустама Мирзозода.

В ходе конструктивного диалога стороны обсудили вопросы правового взаимодействия, а также перспективные направления дальнейшего развития сотрудничества между высшими судебными органами двух стран и выразили готовность к активному взаимодействию путём взаимного обмена опытом в сфере совершенствования судебной системы.

Подчёркнуто, что в рамках Меморандума о сотрудничестве между Верховным судом Республики Узбекистан и Верховным судом Республики Таджикистан, подписанном в 2018 году, предусмотрено осуществление мероприятий, связанных с содействием судебно-правовым реформам через научно-аналитическое и информационное обеспечение совершенствования судебной системы как ключевого института в защите прав и законных интересов человека.

В настоящее время данный документ служит укреплению правовых основ сотрудничества и взаимопонимания между высшими органами судебной власти двух стран, повышению эффективности усилий по обеспечению принципа верховенства закона.

Встреча прошла в деловой и дружественной обстановке.

Сайт I Telegram I Facebook I YouTube I Instagram

ШАНХАЙ ҲАМКОРЛИК ТАШКИЛОТИГА АЪЗО ДАВЛАТЛАР ОЛИЙ СУДЛАРИ РАИСЛАРИНИНГ ЙИҒИЛИШИ ҲАҚИДА

23 апрель куни Ханчжоу шаҳрида Хитой Халқ Республикаси раислигида ШҲТга аъзо давлатлар Олий судлари раисларининг XX йиғилиши бўлиб ўтади.

Тадбирда Беларус Республикаси, Ҳиндистон Республикаси, Эрон Ислом Республикаси, Қозоғистон Республикаси, Хитой Халқ Республикаси, Қирғизистон Республикаси, Покистон Ислом Республикаси, Россия Федерацияси, Тожикистон Республикаси ва Ўзбекистон Республикаси Олий судлари делегациялари иштирок этади.

Шунингдек, йиғилишда ШҲТнинг мулоқот бўйича ҳамкор-мамлакатлар – Озарбайжон ва Туркия Олий судлари раислари, ШҲТ Котибияти ва ШҲТ Минтақавий аксилтеррор тузилмаси ижроия қўмитаси вакиллари қатнашади.

Тадбир давомида ШҲТга аъзо давлатлар Олий судларининг қонун устуворлиги, фуқаролар ҳуқуқлари ва қонуний манфаатларини таъминлаш борасида ҳамкорлигини янада фаоллаштиришга қаратилган қатор долзарб масалалар кўриб чиқилади.

----------

О СОВЕЩАНИИ ПРЕДСЕДАТЕЛЕЙ ВЕРХОВНЫХ СУДОВ ГОСУДАРСТВ-ЧЛЕНОВ ШОС

23 апреля в городе Ханчжоу под председательством Китайской Народной Республики состоится XX совещание председателей Верховных судов государств-членов ШОС.

В мероприятии примут участие делегации Верховных судов Республики Беларусь, Республики Индия, Исламской Республики Иран, Республики Казахстан, Китайской Народной Республики, Кыргызской Республики, Исламской Республики Пакистан, Российской Федерации, Республики Таджикистан и Республики Узбекистан.

Также на совещании примут участие председатели Верховных судов стран-партнёров по диалогу ШОС – Азербайджана и Турции, представители Секретариата ШОС и Исполнительного комитета Региональной антитеррористической структуры ШОС.

В ходе мероприятия будет рассмотрен ряд актуальных вопросов, направленных на дальнейшую активизацию сотрудничества Верховных судов государств-членов ШОС в сфере обеспечения верховенства закона, прав и законных интересов граждан.

Сайт I Telegram I Facebook I YouTube I Instagram

Самарқанд вилоят суди судьяси Т.Қурбонов Самарқанд шаҳридаги 54-умумтаълим мактабида ўқитувчи ва ўқувчилар билан учрашув ўтказди.

"Ёшлар томонидан қонун бузилишининг жамиятга салбий таъсири" мавзусида ўтказилган тадбирда судьянинг қизиқарли мисолларга бой маърузаси иштирокчиларда катта таассурот қолдирди.

Ўзаро мулоқот тарзида ўтган тадбирда ўқувчиларни қизиқтирган барча саволларга батафсил тушунтириш берилди.

Суд фахрийси, Ўзбекистон Республикасида хизмат кўрсатган юрист, устоз Алишер Мардиев Каттақўрғон туманидаги ўзи ўқиган умумтаълим мактабида ёшлар билан учрашди.

Telegram I Facebook

«Иштихон овози» газетасининг 2025 йил 18 апрелдаги 11-сонида фуқаролик ишлари бўйича Иштихон туманлараро судининг раиси Фахриддин Қаршиевнинг “Жабрланган аёллар ҳимояси янада кучайтирилади” сарлавҳали мақоласи чоп этилди.

Telegram I Facebook

VILOYAT SUDI RAISI FUQAROLAR MUROJAATLARINI ESHITDI

Telegram I Facebook

Иштихон туманидаги фермер хўжалиги раиси Асатилло Жўраев Иштихон туманлараро иқтисодий судига адолатли қарор учун миннатдорчилик билдирди.

Telegram I Facebook

Ижтимоий тармоқларнинг бирида эълон қилинган Ҳ. Ҳамидов ва бошқаларга оид жиноят ишига доир видеолавҳа юзасидан

Сўнгги пайтларда айрим адвокатлар ҳали қонуний кучга кирмаган суд қарорларини муҳокама қилиш, судьяларнинг қонуний хатти-ҳаракатларини нотўғри талқин қилиш ва шу йўл билан судга бевосита таъсир ўтказишга уринишни одат тусига киритиб олди. Ваҳоланки, судьяни қонунбузарликда айблаётган адвокатнинг ўзи қонун талабини қўпол равишда бузаётгани яққол кўриниб турибди. Яъни “Судлар тўғрисида”ги Қонуннинг 66-моддасида белгилаб қўйилганидек, “Судьяларнинг одил судловни амалга ошириш борасидаги фаолиятига аралашишга йўл қўйилмайди. Муайян ишни ҳар томонлама, тўла ва холисона кўриб чиқишга тўсқинлик қилиш ёки ғайриқонуний суд ҳужжати чиқарилишига эришиш мақсадида судьяларга қандай бўлмасин таъсир кўрсатиш қонунга мувофиқ жиноий жавобгарликка сабаб бўлади”.

Албатта, судья ижтимоий тармоқлардаги танқид ортидаги босим остида эмас, балки қонун талабига асосланган ҳолда қарор қабул қилишини унутмаслик керак.

Мазкур видеолавҳада танқид остига олинган жиноят ишлари бўйича Самарқанд шаҳар судининг 2025 йил 20 январдаги ҳукми ҳам ҳали қонуний кучга кирмаган. Чунки судланувчилар ва уларнинг адвокатлари томонидан апелляция тартибида шикоят келтирилган.


Самарқанд вилоят суди жиноят ишлари бўйича судлов ҳайъати апелляция инстанция судида 2025 йил 25 февраль куни дастлабки суд мажлиси ўтказилган. Гувоҳларни сўроқ қилиш мақсадида суд мажлисига 2025 йил 16 апрелга қадар танаффус эълон қилинган.


2025 йил 16 апрель куни суд мажлиси давом эттирилиб, суд мажлисида адвокат билан боғланиш имкони бўлмаганлиги сабабли 2025 йил
18 апрель куни соат 15.00 га қадар танаффус эълон қилингани маълум қилинади.

Telegram I Facebook

Жиноят кодексини ўрганамиз

33-модда. Жиноятлар мажмуи


Ушбу Кодекс Махсус қисмининг турли моддаларида ёки битта моддасининг турли қисмларида назарда тутилган, жавобгарликка тортиладиган икки ёки бир неча жиноий қилмишни содир этиш, агарда улардан бирортаси учун ҳам шахс судланган бўлмаса, жиноятлар мажмуи деб топилади.
Агар шахс содир этган қилмишда ушбу Кодекс Махсус қисми айни бир моддасининг турли қисмларида назарда тутилган жиноятларнинг аломатлари мавжуд бўлса, у модданинг оғирроқ жазо белгиланган қисми бўйича жавобгарликка тортилади.

Telegram I Facebook

"АДОЛАТ МЕЗОНИ" кўрсатувида Иштихон туманлараро иқтисодий суди фаолияти ёритилди.

Telegram I Facebook

Facebook ижтимоий тармоғида эълон қилинган билдириш юзасидан
https://www.facebook.com/61553761305226/videos/1575806079763289

Аниқланишича, жиноят ишлари бўйича туман Пахтачи туман суди томонидан 2025 йил 24 январь куни Маъмурий жавобгарлик тўғрисидаги кодекснинг 70-2- моддаси, 194-моддаси 1-қисми ва 195-моддасида назарда тутилган ҳуқуқбузарликни содир этган Э. Ҳ. ва бошқаларга оид маъмурий ҳуқуқбузарлик иши кўриб чиқилган.
Ишни суд мажлисида кўриб чиқиш давомида ҳуқуқбузар Э.Ҳ.га Кодекснинг 294-моддасида назарда тутилган ҳуқуқ ва мажбуриятлари тушунтирилган. Ҳуқуқбузар Э.Ҳ. ҳуқуқ ва мажбуриятларини тўлиқ тушунганлигини маълум қилган.
Ҳуқуқбузар Э.Ҳ. га Маъмурий жавобгарлик тўғрисидаги кодекснинг 70-2- моддаси, 194-моддаси 1-қисми ва 195-моддаси билан 34-модда тартибида узил-кесил 13 сутка маъмурий қамоқ жазоси тайинланган.
Мазкур маъмурий иш юзасидан чиқарилган қарорга нисбатан ҳуқуқбузарлар томонидан бугунги кунга қадар апелляция ёки кассация тартибида шикоят, прокурор томонидан протест келиб тушмаган.
Қарордан норози тарафлар қонунда белгиланган тартибда шикоят қилиши мумкинлиги тушунтирилади.

ПАСТДАРҒОМДА САЙЁР ҚАБУЛ

Самарқанд вилоят суди раиси О.Ҳайитов Пастдарғом туманида аҳоли билан учрашув ва сайёр қабул ўтказди. Тадбирда шунингдек, жиноят ишлари бўйича Пастдарғом туман суди раиси, тергов судьяси, фуқаролик ишлари бўйича Пастдарғом туманлараро суди, Пастдарғом туманлараро иқтисодий суди раислари ҳам иштирок этдилар.

Дастлаб, йиғилганлар билан учрашув ўтказилди. Учрашувда вилоят суди раиси Олим Ҳайитов йиғилганларга бугунги суд-ҳуқуқ ислоҳотлари, қонунчиликдаги янгиликлар, давлатимизнинг бу соҳадаги одилона сиёсати, сайёр қабулларнинг аҳамияти ва самараси ҳақида тушунча берди. Фуқароларни қизиқтирган саволларга батафсил жавоб берилди. Давра суҳбати шаклида ташкил этилган учрашув қизиқарли ва сермазмун бўлди.

Шундан сўнг, сайёр қабул ташкил этилди. Қабул жараёнида жиноят, фуқаролик, иқтисодий масалалар юзасидан фуқаролар мурожаатлари кўриб чиқилди.

Вилоят суди раисининг Пастдарғом туманидаги сайёр қабули самарали бўлди. Пастдарғом туманидан ташқари, Самарқанд шаҳри, Нуробод ва Каттақўрғон туман ва шаҳри аҳолиси ҳам сайёр қабул келиб вилоят суди раисининг қабулида ўз муаммоларини баён қилди.

Одатдагидан узоқроқ давом этган тадбирда 68 нафар фуқаронинг мурожаатлари кўриб чиқилди. Ҳар бир мурожаатга алоҳида эътибор қаратилди.

Самарқанд шаҳрида яшовчи Р. Зарипов фуқаролик иши бўйича олди-сотди шартномасини бекор қилиш бўйича мурожаат қилди. Унга қонуний тартиблар юзасидан тушунтириш берилиб, йўл-йўриқ кўрсатилди.

Пастдарғом тумани Янгисаноат маҳалласида яшовчи Ж. Юнусов, Илм маҳалласида яшовчи М. Иргашев, судланганликни олиб ташлаш юзасидан мурожаат қилди.

Содир қилган жиноий қилмиши учун жазони ўтаётган 30 нафар шахслар, пушаймонлиги, тегишли хулоса чиқарганлиги, бундай буён соғлом турмуш тарзида яшаб, ибратли ҳаёт кечиришини билдириб озодликдан маҳрум қилиш жазосидан муддатидан илгари шартли озод қилишни сўради. 13 нафар маҳкум эса озодликдан чеклаш ва ахлоқ тузатиш ишлари жазосидан муддатидан олдин озод қилишни сўраб мурожаат қилди.

Сайёр қабул давомида жиноят ишлари бўйича Пастдарғом туман судининг сайёр суд мажлиси ташкил этилди. Сайёр судда ҳар бир ҳолат алоҳида кўриб чиқилиб, қонунга мувофиқ келадиган мурожаатлар ижобий ҳал этилди. Энг муҳими, жазодан муддатидан олдин озод қилишни сўраганларнинг иш ҳужжатлари ўрганилиб аксарияти қаноатлантирилди.

13 та маъмурий иш томонлар ярашганлиги муносабати билан МЖтКнинг 21-2-моддасига асосан ярашув билан тугатилди.

Сайёр қабулдан ҳеч ким норизо кетмади. Кўпчиликнинг иши ҳал бўлди, айримлари муаммосининг ечими бўйича аниқ тушунтириш, осон йўл-йўриқ олганидан, баъзилар эса мурожаати вилоят суди раиси томонидан назоратга олинганидан мамнун бўлди.

Telegram I Facebook

МАКТАБ УЧУН ИФТИХОР, ЁШЛАРНИ УЛКАН МАҚСАДЛАРГА РУҲЛАНТИРУВЧИ ТАШРИФ

Мурғак қалбли болакайни тарбиялаб, билим бериб катта ҳаётга кузатган мактаб доимо илиқ меҳри билан ўзига чорлаб туради. Буни ҳаётда улкан мақсадларга эришган, жонажон мактаби руҳлантирган чўққиларга етиша олган собиқ ўқувчилар янада теран ҳис қиладилар. Улар доимо қадрдон мактаби, меҳри дарё устозлари олдида ўзини ҳисобдор сезади.

Иккинчи томондан камолот соҳиби бўлган собиқ ўқувчиларнинг мактабга ташрифи жамоа учун катта ифтихор, ёш авлод учун руҳлантирувчи кучдир.

Суд фахрийси, Ўзбекистон Республикасида хизмат кўрсатган юрист А.Мардиев ўзи ўқиган қадрдон мактабига ташриф буюрди. Унга Судьялар олий кенгаши раҳбарияти, мутасаддилари, Самарқанд вилоят судлари судьялари, давлат ва жамоат арбоблари ҳамда фахрий ҳамроҳлик қилди.
Меҳмонларни ўқитувчилар, ўқувчилар, маҳалла аҳли, туман фаоллари кутиб олишди. Қизғин суҳбатларга бой бўлган тадбир жуда сермазмун ва самимий бўлди.

Суд фахрийси А.Мардиев мактаб ўқувчиларига бугун улар учун давлатимиз томонидан барча шароитлар яратилганини қайд этиб, уларга яхши ўқиш, чуқур билим эгаси бўлишлари лозимлигини таъкидладилар. Турли ҳуқуқбузарликлар содир этмасликлари, гиёҳвандлик моддалари, турли психотроп дорилардан йироқ юришлари, юрт ва ота-онасига муносиб фарзанд бўлишлари лозимлиги, бунинг учун кўп китоб ўқишлари кераклиги ҳақида гапирдилар.

А.Мардиев мактаб ўқувчиларига бадиий китоблар, шахмат, шашка ва спорт тўплари совға қилдилар.

Тадбирда қатнашган Х.Ёдгоров, Х.Ҳасанов, А.Эшмуродов ва Ф.Тошев устоз А.Мардиев босиб ўтган сермазмун, серқирра ҳаёт ва фаолияти йўли ҳақида ўқувчиларига сўзлаб беришди.

Давлатимиз раҳбари таъбири билан айтганда, Янги Ўзбекистон – мактаб остонасидан бошланади. Ўқувчилар устоз А. Мардиевга аъло баҳоларга ўқиб, муносиб фарзанд бўлишга ваъда бердилар.

Тадбирда А. Мардиев ҳаёти ва фаолияти ҳақида ҳикоя қилувчи “Муносиб яшамоқ бахти” китоби ҳамда таниқли шоир ва ёзувчи Ф. Тошевнинг янги чоп этилган китоблари тадбир иштирокчилари ҳамда мактаб кутубхонасига тақдим қилинди.

Тадбир расмиятчиликсиз, жуда самимий ва кўтаринки руҳда ўтди. Барча фаол иштирок этди. Айниқса, мактаб ўқувчилари, ўқитувчилар, маҳалла аҳли хурсанд бўлиб, фикр-мулоҳазаларини билдирдилар.

Ўзбекистон судьялар олий кенгаши мактабга А.Мардиев ҳаёти ва фаолияти ёритилган ва мактаб маъмуриятига ташаккур изҳор қилинган лавҳ ўрнатди. Мактаб биносига кириш йўлагининг доим ўқувчилар билан гавжум бўладиган кенг ва ёруғ жойига ўрнатилган лавҳ таълим масканининг ифтихорига айланди.

Telegram I Facebook

СУДЬЯЛАР БИЛАН ОЧИҚ МУЛОҚОТ

Судья бўлиш нафақат шараф, балки оғир масъулият ҳамдир.
Бундай масъулият ҳар биримиздан қатъият, қасамёдга содиқлик ва ҳалолликни талаб этади.

Ўзбекистон Судьялар олий кенгаши раиси Х. Ёдгоров Самарқанд вилоятида фаолият кўрсатаётган судьялар билан очиқ мулоқот ўтказди. Тадбирга судьяларнинг оила аъзолари ҳам таклиф этилди.

Кенгаш раиси Х. Ёдгоров очиқ мулоқот бошидаёқ ўзининг қатъий ва самимий фикрлари билан иштирокчиларни очиқ мулоқотга жалб қилди.
Тадбир аввалида Судьялар олий кенгаши томонидан махсус тайёрланган коррупциянинг олдини олишга хисса қўшувчи видеоролик намойиш этилди.

Порахўрлик, коррупция билан қўлга тушиб, айни пайтда жазо муддатини ўтаётган собиқ судьялар ҳақидаги фильм анчагина таъсирчан ишланган. Пушаймонлик, фарзандлар соғинчи, тўқликка шўхлик қилиб пора олган ва эндиликда собиқ дея ном олган судьяларнинг иқрорномаси залда ҳозир бўлганларда катта таассурот қолдирди.

Шундан сўнг, Кенгаш раиси Х. Ёдгоров сўзга чиқди. Расмийликдан йироқ, дўстона, лекин очиқ ва аччиқ фактларга, шунингдек насиҳату тавсияларга бой маърузани барча иштирокчилар диққат билан тинглади. Сабаби, юракдан чиққан гаплар юракка осон етиб боради, деган ибора бор.

Таъкидландики, судьяларнинг мустақиллигини таъминлаш ва уларнинг ижтимоий ҳимоясига қаратилаётган эътибор судьяларга улкан масъулият юклайди. Бундай масъулият судьядан қатъият, қасамёдга содиқлик ва ҳалолликни талаб этади.

Очиқ мулоқотда судъяларга одоб кодекси талабларига қатъий амал қилишлари лозимлиги ва судья интизомсизликка йўл қўймаслиги шартлиги уқтирилди.

Одил судлов билан боғлиқ фаолиятга турли аралашувларнинг олдини олиш, тизимда коррупцияга нисбатан муросасизлик муҳитини янада ошириш, соҳадаги муаммолар ва уларнинг ечимлари тўғрисида фикр алмашилди.

Судья ўта масъулиятли ва шарафли вазифасини бажаришида оиласи ва яқинлари оила тинчлиги, аҳиллиги ва соғлом муҳити билан маънан кўмак бериши жуда муҳимлиги қайд этилди.

Очиқ мулоқотда, шунингдек, фахрийлар, тажрибали судьялар сўзга чиқиб, мавзу юзасидан ўз фикр-мулоҳазаларини билдирди. Кенгаш томонидан ташкил этилган мазкур тадбирнинг долзарблиги ва муҳим аҳамияти ҳақида сўз юритдилар.

Telegram I Facebook

Вилоят суди судьяси Т.Қурбонов Самарқанд шаҳридаги 54-умумий ўрта таълим мактабида "Ҳалоллик ва тўғрилик инсоннинг олий фазилатлари" мавзусида ҳуқуқий-маърифат тадбири ўтказди. Ушбу тадбирда мактабнинг 188 нафат 7-синф ўқувчилари иштирок этди.
Ўзаро мулоқот тарзида ўтган тадбирда ўқувчиларни қизиқтирган барча саволларга батафсил тушунтириш берилди.

2025 йил I-чорагида судлар томонидан биринчи инстанцияда 907 603 та (фуқаролик, жиноят, маъмурий ҳуқуқбузарлик, иқтисодий, маъмурий) иш ва материал кўриб тамомланган.

Биринчи инстанция судлари томонидан қабул қилинган суд қарорларининг 3,2 фоизи шикоят ва протестлар асосида Қорақалпоғистон Республикаси, Тошкент шаҳар ва вилоят судларининг апелляция ва кассация инстанцияларида қайтадан кўрилган.

Шу билан бирга 96,8 фоиз ишлар бўйича суд қарорлари устидан шикоят (протест) келтирилмаган.

Биринчи инстанция судлари томонидан кўрилган ишлар бўйича чиқарилган суд қарорларининг 0,8 фоизи юқори инстанцияларда бекор қилиниб, янги қарорлар қабул қилинган, 0,7 фоизи ўзгартирилган.

Сайт I Telegram I Facebook I YouTube I Instagram

ЖИНОЯТ КОДЕКСИни ўрганамиз

32-модда. Такроран жиноят содир этиш

Ушбу Кодекс Махсус қисмининг айнан бир моддасида, қисмида, Кодексда алоҳида кўрсатилган ҳолларда эса, турли моддаларида назарда тутилган икки ёки бир неча жиноятни шахс турли вақтларда содир этган, аммо уларнинг бирортаси учун ҳам судланган бўлмаса, такроран жиноят содир этиш деб топилади. Тамом бўлган жиноят ҳам, жазога сазовор бўлган жиноятга тайёргарлик кўриш ёки жиноят содир этишга суиқасд қилиш ҳам, шунингдек иштирокчиликда жиноят содир этиш ҳам такроран жиноят содир этиш деб топилади.

Агар шахс илгари содир этган қилмиши учун жавобгарликдан ёки жазодан озод қилинган бўлса, жиноят такроран содир этилган деб топилмайди.

Умумий қасд билан қамраб олинган ва ягона мақсадга йўналтирилган бир жиноят таркибини ташкил қилувчи бир-бирига ўхшаш бир неча жиноий қилмишлардан иборат бўлган (давомли) жиноят такроран содир этилган деб топилмайди.

Вазифаларини узоқ вақт мобайнида бажармасликдан иборат бўлиб, бир жиноятнинг узлуксиз таркибини ташкил қилган (узоққа чўзилган) жиноят такроран содир этилган деб топилмайди.

Telegram I Facebook

Судья ўқувчиларга “Ҳалоллик ва тўғрилик инсоннинг олий фазилатлари” мавзусида дарс ўтди.

Жиноят ишлари бўйича Самарқанд шаҳар судининг судьяси Равшан Очилов Самарқанд шаҳридаги 43-умумтаълим мактабида 6-синф ўқувчиларига “Ҳалоллик ва тўғрилик инсоннинг олий фазилатлари” мавзусида дарс ўтди.
Шунингдек, педагог ходимлар билан алоҳида давра суҳбати ташкил қилиб “Оиладаги зўравонликнинг олдини олиш ва оиладаги зўравонликдан жабрланганларга амалий ёрдам кўрсатиш”, “Одам (чақалоқ) савдоси тушунчаси, унинг салбий оқибатлари ва мазкур жиноятларнинг олдини олиш чоралари” мавзулари юзасидан суҳбатлашди. Иштирокчилар томонидан берилган саволларга батафсил жавоб берди.

"KUN MAVZUSI" KOʻRSATUVI

Telegram I Facebook

Жиноят ишлари бўйича Ургут туман судида амакисининг қотилига айланган шахс озодликдан маҳрум қилинди.

Telegram I Facebook

Жиноят кодексини ўрганамиз

31-модда. Жиноятга дахлдорлик

Жиноятга тайёргарлик кўрилаётганлиги, жиноят содир этилаётганлиги ёки жиноят содир этилганлиги ҳақида аниқ била туриб, олдиндан ваъда бермаган ҳолда, ҳокимият органларига хабар қилмаслик, ушбу Кодекснинг 155-прим 1 ва 241-моддаларида назарда тутилган ҳоллардагина жавобгарликка сабаб бўлади.

Жиноятчини, жиноят содир этиш қуроли ва воситаларини, жиноят изларини ёки жиноий йўл билан қўлга киритилган нарсаларни олдиндан ваъда бермаган ҳолда яширганлик ушбу Кодекснинг 241-моддасида назарда тутилган ҳоллардагина жавобгарликка сабаб бўлади.

Олдиндан ваъда бермаган ҳолда жиноят ҳақида хабар бермаганлик ёки жиноятни яширганлик учун гумон қилинувчи, айбланувчи ёки судланувчининг яқин қариндошлари жавобгарликка тортилмайди.

Telegram I Facebook

Бугунги кунда суд қарорларининг ижросини таъминлаш, жисмоний ва юридик шахсларнинг бузилган ҳуқуқларини тиклаш борасида салмоқли ишлар амалга оширилмоқда.
Хусусан, Жомбой туманлараро иқтисодий суди раиси Н.Турсунова Мажбурий ижро бюроси Жомбой ҳамда Булунғур туман бўлимлари билан ҳамкорликда суд қарорларининг ижросини таъминлаш масалалари юзасидан давра суҳбати ўтказди.
Унда суд раиси суд қарорларини ўз вақтида ижро этиш ва бу борада давлат ижрочиларининг масъулиятини ошириш ҳамда улар билан ҳамкорликда ишлаш борасида ўз фикрларини билдириб ўтди.

Batafsil: ��bulungur.uz

Telegram I Facebook

Самарқанд вилоят судининг судьяси Феруз Каримов вилоят радиоканалида суд-ҳуқуқ ислоҳотлари янгиликларини шарҳлади

Telegram I Facebook

Сиз коррупцияга қарши қандай курашяпсиз?

Коррупция жамиятда адолатсизлик, тенгсизлик ва аҳолининг норозилигига олиб келади, бу эса барча соҳадаги ислоҳотларнинг натижасига салбий таъсир этмай қолмайди.

Кейинги йилларда мамлакатимизда коррупциянинг олдини олиш ва унга қарши курашиш, давлат ва жамият қурилишининг барча соҳаларида коррупция омилларига чек қўйишга қаратилган кенг кўламли ислоҳотлар амалга оширилди.

Президентимиз жорий йил 5 март куни ўтказилган Коррупцияга қарши курашиш миллий кенгаши йиғилишида ҳам юртимизда коррупциядан холи муҳит яратиш бўйича қилинган ишларга баҳо берилиб, келгуси вазифалар белгиланди.

Илҳом Қорабоев,
Самарқанд вилоят суди малака ҳайъати раиси.

Батафсил 👉 Zarnews.uz

Telegram I Facebook

UCH MARTA SUDLANGAN OʻGʻRI YANA QAMALDI

Telegram I Facebook

Жиноят ишлари бўйича Ургут туман судида гиёҳвандлик моддаси сотиш жиноятини содир қилган мактаб директорига ҳукм ўқилди.

Telegram I Facebook

Ўзбекистон Республикаси Президентининг 2024 йил 10 майдаги “Тазйиқ ва зўровонликдан жабрланган шахсларга ижтимоий хизматлар кўрсатишни такомиллаштириш бўйича қўшимча чора-тадбирлар тўғрисида”ги қарорига мувофиқ, туман “Инсон” ижтимоий хизматлар марказида қатор ишлар амалга оширилаяпти. Жумладан, тазйиқ ва зўровонликдан жабр кўрган хотин-қизлар ва уларнинг фарзандлари, шунингдек, вояга етмаган болаларнинг ҳуқуқлари ва қонуний манфаатларини ҳимоя қилиш бўйича чора-тадбирлар белгилаб олинган.

Батафсил 👉 @pdhuz

Telegram I Facebook