📄 Hamkorlik memorandumi imzolandi

🤝 2025-yil 23-aprel kuni Adliya vazirligi huzuridagi Qonunchilikni tahlil qilish va tartibga solish ta’sirini baholash instituti hamda O‘zbekiston Respublikasi Oliy Majlisi Qonunchilik palatasi huzuridagi Parlament tadqiqotlari instituti o‘rtasida hamkorlik memorandumi imzolandi.

☝️Mazkur memorandum doirasida parlamentarizm, siyosat, iqtisodiyot va boshqa sohalarda quyidagi yo‘nalishlarda hamkorlikni yo‘lga qo‘yish nazarda tutilgan:

✅ normativ-huquqiy hujjatlar va ularning loyihalarini tartibga solish ta’sirini baholash;

✅ qonunchilik hujjatlarini tizimlashtirish va takomillashtirish;

✅ ilmiy va ilmiy-amaliy tadqiqotlar o'tkazish.

Uchrashuvda Qonunchilikni tahlil qilish va tartibga solish taʼsirini baholash instituti direktori N.Tillyayev mazkur memorandum ikki tashkilot oʻrtasida uzoq muddatli va samarali hamkorlikni mustahkamlab, qonunchilik barqarorligini ta'minlashga hamda aholi va tadbirkorlarning huquqlarini kafolatli himoya qilishga xizmat qilishini ta'kidladi.

#RIAInstituteNEWS #Memorandum #Hamkorlik

📌 Kanalga ulanish

📢“Tadqiqot usullari va ma’lumotlarni tahlil qilish” bo‘yicha malaka oshirildi!

2024-yil 4-martdan 10-aprelga qadar Adliya vazirligi hamda Qonunchilikni tahlil qilish va tartibga solish ta’sirini baholash instituti xodimlari Toshkent shahridagi Xalqaro Vestminster universitetida tashkil etilgan malaka oshirish kursida ishtirok etishdi.

O‘quv dasturi davomida ishtirokchilar quyidagi yo‘nalishlar bo‘yicha bilim va ko‘nikmalarini mustahkamlashdi:

✅ Tadqiqot metodologiyasi asoslari

✅ Ma’lumot yig‘ish va tahlil qilish usullari

✅ Tanqidiy fikrlash va tahlil qilish ko‘nikmalari

✅ Tadqiqot natijalarini talqin qilish hamda yozish bo‘yicha amaliy ko‘nikmalar

Kurs yakunida sertifikat topshirish marosimi bo‘lib o‘tdi. Unda O‘zbekiston Respublikasi adliya vaziri o‘rinbosari Alisher Karimov hamda Xalqaro Vestminster universiteti rektori Komiljon Karimov ishtirok etdi.

Tadbir doirasida kelgusidagi o‘zaro hamkorlik istiqbollari ham muhokama qilindi.

#RIAInstituteNEWS #MalakaOshirish #VestminsterUniversiteti #Hamkorlik

📌 Kanalga ulanish

📄 Hamkorlik memorandumi imzolandi

2025-yil 9-aprel kuni Adliya vazirligi huzuridagi Qonunchilikni tahlil qilish va tartibga solish taʼsirini baholash instituti hamda Raqobatni rivojlantirish va isteʼmolchilar huquqlarini himoya qilish qoʻmitasi huzuridagi Raqobat siyosati va isteʼmolchilar huquqlari tadqiqotlar markazi oʻrtasida hamkorlik memorandumi imzolandi.

🤝 Ushbu memorandum quyidagi yo‘nalishlarda hamkorlikni ko‘zda tutadi:

✅ raqobat va isteʼmolchilar huquqlarini himoya qilish sohasidagi normativ-huquqiy hujjatlar va ularning loyihalarini tartibga solish taʼsirini baholash;

✅raqobat va isteʼmolchilar huquqlarini himoya qilish sohasidagi qonunchilik hujjatlarini tizimlashtirish;

✅raqobat va isteʼmolchilar huquqlarini himoya qilish sohasida ilmiy tadqiqotlar oʻtkazish;

✅ raqobat va isteʼmolchilar huquqlarini himoya qilish sohadagi qonunchilik hujjatlarini takomillashtirish yuzasidan hamkorlik ishlarini amalga oshirish va boshqalar.

Uchrashuvda Qonunchilikni tahlil qilish va tartibga solish taʼsirini baholash instituti direktori N.Tillayev mazkur memorandum ikki tashkilot oʻrtasida uzoq muddatli va samarali hamkorlikni mustahkamlab, fuqarolarning iqtisodiy manfaatlarini himoya qilish hamda sogʻlom raqobat muhitini taʼminlashga xizmat qilishini ta'kidladi.

#Hamkorlik #Memorandum #RIAInstituteNEWS

📌 Kanalga ulanish

📢Ekspertlar uchrashuvi: O‘zbekiston - Rossiya

✔️Kuni kecha ikki mamlakat Adliya vazirliklari tomonidan tashkil etilgan qonunchilikni tizimlashtirish va bepul yuridik yordam sohasida tajriba almashish bo‘yicha Rossiya-O‘zbekiston ekspertlar uchrashuvi bo‘lib o‘tdi.

Adliya vazirligi huzuridagi Qonunchilikni tahlil qilish va tartibga solish ta’sirini baholash instituti direktori N.Tillyayevning sohada amalga oshirilayotgan ishlar haqidagi m'aruzasi bilan boshlandi.

Xususan, quyidagi yo‘nalishlardagi hamkorlikning dolzarb masalalari muhokama qilindi:
✅ qonun hujjatlarini tizimlashtirish va ularning davlat hisobini yuritish,

✅Advokatura va bepul yuridik yordam tizimini rivojlantirish,

✅huquqiy tartibga solish va fuqarolar bilan o‘zaro munosabatlarning zamonaviy amaliyotlari.

#RIAInstituteNEWS #Tizimlashtirish #Yuridikyordam #Rossiya #Advokatura #Xalqarohamkorlik

📌 Kanalga ulanish

📢Prezident hujjatlari “gilotina”si: tartibga solishda navbatdagi qadam!

✔️Qonunchilikni tahlil qilish va tartibga solish taʼsirini baholash instituti tomonidan Prezident hujjatlari keng qamrovli tahlildan o‘tkazildi.

📄120 ga yaqin hujjatlarni bekor qilish bo‘yicha takliflar ishlab chiqildi.

🔎 3000 dan ortiq O‘zbekiston Respublikasi Prezidenti hujjatlari o‘rganildi.

📌 Natijada:

✅ 119 ta o‘z ahamiyatini yo‘qotgan, takrorlovchi yoki kollizion normalarni o‘z ichiga olgan hujjatlar aniqlandi.

✅ Mazkur hujjatlarni bekor qilish yuzasidan tegishli loyihasi tayyorlandi.

✅ Hujjatlarning qabul qilinishi Prezident hujjatlari orqali tartibga solish yukini 3.17% ga kamaytirishga xizmat qiladi.

#RIAInstituteNEWS #Gilotina #Qonunchilik #Tahlil

📌 Kanalga ulanish

📢Qonunlar “gilotina”si: tartibga solishda yangi bosqich!

✔️Adliya vazirligi huzuridagi Qonunchilikni tahlil qilish va tartibga solish taʼsirini baholash instituti tomonidan qonunlar tahlili davom ettirmoqda.

🔎 620 dan ortiq qonun tanqidiy o‘rganildi, ularning amaliy ahamiyati va huquqni qo‘llash amaliyotidagi taʼsiri baholandi.

📌Natijada:

✅ 24 ta o‘z ahamiyatini yo‘qotgan qonunlarni bekor qilish yuzasidan tegishli loyihasi tayyorlanib, Hukumatga kiritildi.

✅ 12 ta manfaatdor vazirlik va idoralar bilan eʼtirozlarsiz kelishildi.

✅ 2.15% qonunlar qisqartirilishi kutilmoqda, bu esa qonunchilikni soddalashtirishga xizmat qiladi.

#RIAInstituteNEWS #Gilotina #Qonunchilik #Tahlil

📌 Kanalga ulanish

📢 Jamoat tartibi va xavfsizlik sohasida qonunchilik tizimlashtirilmoqda!

✔️Adliya vazirligi huzuridagi Qonunchilikni tahlil qilish va tartibga solish taʼsirini baholash instituti Ichki ishlar vazirligi bilan hamkorlikda jamoat tartibi va xavfsizlik sohasidagi normativ-huquqiy hujjatlar tizimlashtirish maqsadida xatlovdan o‘tkazilib, tahlil qilindi.

📄 40 ga yaqin hujjatlarni bekor qilish bo‘yicha takliflar ishlab chiqildi.

📌 Natijada:

✅ 37 ta o‘z ahamiyatini yo‘qotgan qonunni bekor qilish yuzasidan tegishli loyihasi tayyorlanib, Hukumatga kiritildi.

✅ Hujjatlarning qabul qilinishi jamoat tartibi va xavfsizlik sohasida tartibga solish yukini 33.3% ga kamaytirishga xizmat qiladi.

#RIAInstituteNEWS #Qonunchilik #JamoatTartibi #IchkiIshlarVazirligi

📢 Mudofaa va harbiy xizmat sohasida qonunchilik tizimlashtirilmoqda!

✔️Adliya vazirligi huzuridagi Qonunchilikni tahlil qilish va tartibga solish taʼsirini baholash instituti Mudofaa vazirligi bilan hamkorlikda mudofaa va harbiy xizmat sohasidagi normativ-huquqiy hujjatlarni tahlil qildi.

📄 30 dan ortiq hujjatlarni bekor qilish bo‘yicha takliflar ishlab chiqildi.

📌 Natijada:

✅ 32 ta o‘z ahamiyatini yo‘qotgan normativ-huquqiy hujjatlar aniqlandi.

✅ Mazkur hujjatlarni bekor qilish yuzasidan loyihasi ishlab chiqilib, Hukumatga kiritildi.

✅ Hujjatlarning qabul qilinishi mudofaa va harbiy xizmat sohasida tartibga solish yukini 18% ga kamaytirishga xizmat qiladi.

#RIAInstituteNEWS #Qonunchilik #Mudofaa #Tizimlashtrish

#Yangiliklar

Qonunchilik hujjatlarini tartibga solish taʼsirini baholash boʻyicha seminar oʻtkazildi

Bugun, 11-fevral kuni Adliya vazirligida qonunchilik hujjatlarini tartibga solish taʼsirini baholash (TSTB) va qabul qilingan qonunchilik hujjatlari ijrosini monitoring qilish tartibiga bagʻishlangan oʻquv seminari boʻlib oʻtdi. Unda 30 tadan ortiq vazirlik va idoralarning 80 nafarga yaqin masʼul xodimlari ishtirok etdi.

Tadbirda qonunchilik hujjatlarini ishlab chiqish jarayonidagi yangiliklar, tartibga solish taʼsirini baholash tizimidagi yangi tartiblar hamda qonunchilik hujjatlari ijrosini monitoring qilishning dolzarb jihatlari muhokama qilindi. Xususan, TSTB hisobotini onlayn toʻldirish tartibi boʻyicha tushuntirish berildi.

Seminar yakunida vazirlik va idoralardan kelgan masʼul xodimlar oʻzlarini qiziqtirgan masalalar yuzasidan savollariga batafsil javob oldilar. Shuningdek, kelgusida bu kabi oʻquv seminarlarni kengaytirilgan tartibda muntazam oʻtkazib borishga kelishib olindi.

Bizning asosiy yo'nalishlarimiz:

1️⃣ Normativ huquqiy hujjatlarning ta'sirini baholash
Biz yangi yoki mavjud hujjatlarning jamiyatga, iqtisodiyotga va atrof-muhitga qanday ta'sir qilishini o‘rganamiz. Bu orqali biz ularning haqiqiy samaradorligini aniqlaymiz va kerakli o'zgarishlarni tavsiya qilamiz.

2️⃣ Tartibga solish jarayonlarini yaxshilash
Biz faqat tahlil qilish bilan cheklanmaymiz. Hujjatlarni samarali va adolatli qilish uchun aniq tavsiyalar ishlab chiqamiz. Buning natijasida, qonunlar jamiyat uchun yanada samarali va adolatli bo'ladi.

___________________________________

Bu sizga qanday foyda keltiradi?

👩‍💼 Biznes va tadbirkorlar:
Yangi qonunlar va me'yoriy hujjatlarning qanday ta'sir qilishini bilib, biznesni rivojlantirishda to‘siqlarni bartaraf etish mumkin.

👥 Fuqarolar:
Yangi qonunlarni huquqlaringizga qanday ta'sir qilishini tushunib, o'z manfaatlaringizni himoya qilishingiz mumkin. Jamiyatdagi o'zgarishlarga xolisona yondashishga yordam beradi.