#lirik_chekinish

Oq qoʻchqor

Bekang mendan soʻramay
Poyimga qurbon qildi,
Jovdiragan koʻzlaring
Yuragimni qon qildi
Oq qoʻchqorim, oq qoʻchqor,
Oldingda gunohim bor...

Olmos xanjar yaltirab
Toʻsib qoʻydi quyoshni
Koʻrdim umrimda ilk bor
Qonga tomgan koʻz yoshni
Qarab turdim seskanmay
Kechir, men bagʻritoshni
Oq qoʻchqorim, oq qoʻchqor
Oldingda gunohim bor...

Nahot koʻz yosh koʻrgali
Men shunchalar yoʻl bosdim
Jonivorim, men bunchalar
Izzatalab emasdim
Men kelsam, sen ketishing
Bilganimda kelmasdim
Oq qoʻchqorim, oq qoʻchqor
Oldingda gunohim bor...

Bekalar shu, goh suyib
Goh kuydirib oʻtarlar
Qizligida oʻzlarin
Malikadek tutarlar
Soʻng oyogʻing ostiga
Qoʻchqor soʻyib kutarlar
Oq qoʻchqorim, oq qoʻchqor
Oldingda gunohim bor...

Bu hovliga endi men
Sira qaytib kelmayman,
Qoʻchqorini qiynagan
Bekalarni suymayman
Oʻzim qoʻchqor shoirman
Qoʻchqor goʻshtin yemayman
Oq qoʻchqorim, oq qoʻchqor
Oldingda gunohim bor...

Muhammad Yusuf

@milliynium🇺🇿

Javob: tandirlar.
Izoh: tandirlar qancha kam bo'lsa, shunchalik qattiq qarshilik kutilgan edi, chunki qo'shnilar olov va nonni baham ko'rishsa, ular yelkama-yelka turishga moyil edilar. Anton Zaitsev - oshpazlik shousining boshlovchisi.

#Savol

Anton Zaytsevning so'zlariga ko'ra, o'tmishda  O'zbekiston hududida tajribali razvedkachi jang oldidan dushman aholi punktidagi vaziyatni o'rganar ekan, nafaqat odamlarni, balki teshiklarni ham hisoblagan: Ular qancha kam bo'lsa, raqiblarning harakatlari shunchalik oson bo'lar edi.Ular órnidagi bir sózni yozib bering

@milliynium🇺🇿

Javob: Qovun dalalari
Izoh Palek so'zi keyinchalik tilimizda palak sózida ishlatilib tarvuz va qovunlarga aloqador sifatida qóllaniladi

Yuqorida O‘zbek bezak kashtachiligining qadimiy turi — palek. "Palyak" so'zining tarjimasini hisobga olsak, aylanalari naqshli mato Uning timsolini anglatadi. Uni ikki sózda ayting

@milliynium🇺🇿

Javob:Xorazm

Izoh: Mashxur dasturchi Algoritm majmualarini Xorazmiy yurtiga tashrif buyurgani mantiqiy

#Savol

1979-yili mashxur Dasturchi Donald Knut O'zbekistonning qaysi Viloyatiga tashrif buyurgan edi?

@milliynium🇺🇿

Javob:Bizga bahor begonadir borgan sari

Ushbu tarona Farg'onalik xonanda Ahror Usmonovga tegishli

#Savol

Odamlar orasidan yildan yilga mehr-oqibat, insoniylik singari hislatlar yo'qolib ketayotganligi haqida joylangan post nomi bir Farg'onalikning ijod mahsuli nomidan olingan
Ösha post nomini 5 so'zda yozib bering

@milliynium🇺🇿

Javob: Botir Zokirov
İzoh: dunyoga mashxur Arab Tangosini ilk bor Farid-Al Atrosh kuylagan bölib keyin esa Botir Zokirov tomonidan ijro etilgan

#Savol

Farid al-Atrosh XX asrning boshlarida Suriyadagi as-Suayd sultonligi oilasida tug‘ilgan. 1920-yilda mamlakat fransuzlar tomonidan istilo qilingach, sulton o‘z oilasi bilan Misrga ko‘chib o‘tadi.
Faridning onasi musiqa sirlaridan yaxshi xabardor bo‘lib, ud, arg‘anun singari sozlarni mahorat bilan chalardi va ularni o'g'liga
o'rgatardi

Savol Farid haqidagi ushbu maqolada qaysi O'zbekning ism familyasini ko'rishimiz mumkin

@milliynium🇺🇿

Javob: Chilyosin
Izoh: Chilyosin asosan ruhiy kasalga chalingan insonlarga öqiladigan duo hisoblanib, uning tarkibi 36- sura nomi Yosin surasidan iborat.

Savol

Chekka qishloqlardan birida aholi orasida, vasvasaga chalingan yigit ikki marotaba o'z joniga qasd qilmoqchi bölganligi haqida turli gap sözlar köpayarkan, yoshi ulug'lar tomonidan uning davosi sifatida suhbatlari davomida İKS sözini bot-bot aytib o'tishadi, va yigitning shifo topishi haqida ta'kidlanadi.İKS ning tarkibida 36-ni ham körishimiz mumkin

İKS örnidagi bir so'zni yozib bering

@milliynium🇺🇿

#Eshitganmisiz

Toʻla masxara (1842-1916 Buxoro yaqinidagi Demun qishlogʻi )— xalq masxarabozi. Masxarabozlikni Sayfullo masxara (1797—1867)dan oʻrgangan. Muzaffarxon saroyida teatr truppasining rahbari etib tayinlangan. Truppaga Joʻra masxara, Ergash masxara, Murod siyoh, Saʼdi masxara, Abdurauf oqsoqol, Xoliq masxara, Abdurasul korfarmon, Said mirzaboshi, Kalli Abbos, Hamro garmon, Ota Ashraf mavrigi, UstaQudrat, Sharif bozingar, Egamberdi choʻpboz kabi 20 ga yaqin sanʼatkor uyushgan. Ular chinakam badihagoʻy, har tomonlama yetuk sanʼatkorlar, soʻz ustalari boʻlganlar. Bu, oʻz navbatida, Toʻla masxaraga musiqa va raqs bilan yoʻgʻrilgan spektakllar yaratish imkonini bergan. U oʻz truppasi bilan xalq orasida keng tarqalgan mayda muqallid va taqlidlar asosida "Qozibozlik", "Polvonbozlik", "Sartaroshlik", "Nisholdabozlik" kabi yirik pyesaspektakllar yaratadi. Toʻla masxara iqtidorli sanʼatkor, keng diapazonli aktyor, xushovoz xonanda, yaxshigina sozanda, taʼsirli nutq egasi boʻlgan. Shu sabab u muqallidda ham, hajviysatirik tomoshalarda ham muvaffaqiyat qozongan. Toʻla masxara anʼanalarini oʻgʻli Mulla Gadoy (1892—1963), shogirdi Safar masxara Abdullayev (1899—1962) kabilar davom ettirdi.

@milliynium🇺🇿

#nomilliy_fakt

Antipod nima?

Yunoncha ,,Antipodʼʼ soʻzi ,,teskari oyoqlarʼʼ degan maʼnoni anglatadi. Bu geografik atama boʻlib, shimoliy yarimshardagi biror joyning janubiy yarimshardagi narigi tomoni yaʼni antipodida haqiqatdan ham odamlar oyogʻi osmondan yurganday boʻlib koʻrinadi. Antipodning yana bir xususiyati shuki, bir antipod turgan joyda kunduz boʻlsa, ikkinchisida tun, birida yoz boʻlsa, ikkinchisida qish boʻladi. Rossiyalik geograf olim N.Zubov antipodlar xaritasini tuzib, yer yuzining quruqlik qismida antipodlar juda kam ekanligini aniqladi. Masalan, London shahrining antipodi Yangi Zelandiyaning janubi-gʻarbidagi kichik bir orolga toʻgʻri keladi va u orolni Antipodlar deb ham atashadi. Toshkentning ham antipodi bormi? Toshkent shahrining antipodi, yaʼni yer yuzidagi teskari nuqtasi 41 gradus janubiy kenglik va 111 gradus gʻarbiy uzunlik chiziqlari kesishgan joyda ekan, bu - Tinch okeanining sharqiy qismida, Pasxa oroli yoniga toʻgʻri keladi. Toshkentning antipodi suvli joyga toʻgʻri kelganidan u yerda teskari oyoqli odamlar yoʻq, faqat kemalar oʻtib qolgandagina qisqa muddatli antipod boʻlishi mumkin

@milliynium🇺🇿

Qiziqqanlar uchun, ,, Kremlda oʻtgan yillarimʼʼ asarining elektron nusxasi

@milliynium🇺🇿

#milliy_asarlar

Navoiy- 30

Yozuvchi, tarjimon va hozirgi kunda prezident spichrayteri hisoblangan Xayriddin Sultonov(1956-yil)ning ushbu asari butun boshli binoga bagʻishlangan. Toshkentning Navoiy koʻchasida joylashgan 30- raqamli binoda azaldan turli nashriyotlar, gazeta va jurnallar tahririyatlari faoliyat yuritib kelgan. Asarda ushbu binodagi qiziq ijodiy muhit, adibning mashhur zamondoshlari bilan boʻlgan qiziq xotiralari oʻrin olgan.

Doʻrmon hangomalari

Yozuvchi Shodmon Otabek(1946-2025) ning ,, Doʻrmon hangomalariʼʼ asari juda mashhur boʻlib, bir-necha martta qayta nashr etilgan. Kitobda Yozuvchilar uyushmasining yozgi lageri hisoblangan Doʻrmondagi qiziqarli voqealar oʻrin olgan. Mashhur adib va shoirlar hayotidagi hangomalarni ham oʻqishingiz mumkin

Spoyler!
Sportcha zakovat oʻyinlaridagi koʻplab milliy savollar ham aynan shu kitoblardan tuziladi

@milliynium🇺🇿

Javob: Samuel Eto'o

Savol
2008- yili Vzglyad gazetasi saytida elon qilingan maqolada Ispaniya va O'zbekiston yuridik shaxslari órtasida taklif qilingan ammo muvaffaqiyatsiz yakunlangan bitimga bagishlangan.Bu maqolaga aloqador bólgan inson kimligini yozib bering

@milliynium🇺🇿

Javob: Hotami Toy

#Savol

Bir kuni Linkoln botqoqda cho'kayotgan bir cho'chqaning qichqirganini eshitadi.Va darhol o'rnidan turib uni quruqlikka olib chiqadi.Sherigi esa nima foyda degancha Linkolnga yuzlanadi.Linkoln esa men hozir yaxshilik qilmasam hozir vijdonim qiynalip bir umr o'zimni aybdor xis qilardim deya aytib o'tadi.Jurnalist Sarvinoz Omonova ushbu holatga baho berib, Linkoln bilan U altruizm haqida gaplashishganda gaplari hech tugamasdi deb 6- asr ohiri 7 asr boshida Yamanda tug'ilgan USHBU INSONNI ESLAB O'TADI.
D/ S bu inson kim?

@milliynium🇺🇿

Javob: Al-Isloh.
Izox: Qadimchilar va Jadidlar taraflarini kelishtirish orqali marifatga chorlash haqidagi fikrlar Al- Isloh  jurnalida chop etiladi.

Savol
Taraqqiyparvar mulla Hoshim Hayratiy, Jadid va qadim o'rtasidagi munozaralarni to'xtatib, ziyolilarning ittifoq bo'lib yashashini istab yozgan maqolasi, USHBU Jurnalda chiqqanligi ancha ramziydir.Savol Jurnal nomini defis qatnashtirib ikki so'zda yozib bering.

@milliynium🇺🇿

Javob: G'ulomjon Yoqubov
Izox: G'ulom so'zi arabchada qul manosini ham berishini bilsangiz kerakk, barchamizga tanish o'zbekiston va qoraqalpoqiston xalq artisti gulomjon yoqubov  filmda ham óz omadini sinab ko'rgan ekan

Savol matnida 1 sóz boshqa ism familiya bilan almashgan

QUL ning Daryo.Uz saytiga bergan intervyusida, uning tug'ilishi juda qiziq kechgani,u uydagi kichik tancha yonida tug'ilgani, va qóshni ayol onasiga doyalik qilgani haqida aytib ótadi, QUL shuningdek Shaytanat, Katta Hovli filmlarida rol ham óynagan.
Savol matnida almashtirilganni asl holida yozib bering

@milliynium🇺🇿

Javob: Georgiy Agzamov
İzoh: Temuriy shahzoda Umarshayx mirzo singari Georgiy qoyadan pastga yiqilib vafot etgan

#Savol

Wikipediya maqolasida yozilishicha Jarroh Tojixon Azamov oilasida tug'ilgan bu inson o'z soxasida  11 yoshida olmaliq chempioni bo'ladi.Uning ólimi haqida óqirkan savol muallifi 15-asrda yashagan insonni ham esga oladi.
Savol bu inson kimligini yozib bering

@milliynium🇺🇿

Nurali Qobul (1950-yil,Jizzax viloyati)
Yozuvchi, Temuriyshunos olim boʻlgan Nurali Qobul Fargʻona davlat universitetining Tarix fakultetini bitirgan.U oʻzbek adabiyotiga yangi janr boʻlgan roman-pamflet yoʻnalishini olib kirdi.,,Sukut suiqasdi yohud Stalindan Saddamgachaʼʼ deb nomlangan ushbu yoʻnalishdagi ilk asarining keyinchalik yana 7 ta qismi nashr etilgan.Shuningdek Nurali Qobul,Amir Temur hayotiga bagʻishlangan ,,Yetti iqlim sultoni'' nomli 12 tomlik asarlar muallifidir.G.GMarkesning ,, Yolgʻizlikning yuz yiliʼʼ va Ch.Aytmatovning ,,Bolalikʼʼ qissalarini oʻzbek tiliga tarjima qilgan

@milliynium🇺🇿

Javob: Nurali Qobul Izoh: Yozuvchi Nurali Qobul 2019-yilda o'zining seriyali roman-pamflet janridagi asarlarining birinchisi bo'lgan Sukut suiqasdi yohud Stalindan Saddamgacha kitobini nashr qildi. Unda Sovet ittifoqining so'nggi yillari va O'zbekiston mustaqilligining dastlabki yillaridagi voqealarni siyosiy sahna ichida o'z ko'zi bilan ko'rgan yozuvchining voqealari bayon qilingan. Savoldagi YOHUD va SUKUT so'zlari sizlarga yordam berdi degan umiddamiz.

@milliynium🇺🇿

#milliy_savol

1950-yili Jizzaxda tug'ilgan ushbu inson GKCHP ning muvaqqat hukumatida Millatlar soveti raisi lavozimida qisqa muddat faoliyat yuritgan. Sovet ittifoqining parchalanishi YOHUD mustaqil O'zbekistonning tashkil topish davridagi ko'plab voqealardan xabardor bo'lgan bu inson, qiziqarli ma'lumotlarni 2019- yilgacha SUKUT saqlab keldi. Diqqat savol, ushbu inson kimligini yozib bering?

@milliynium🇺🇿

#milliyfakt

Qovoq arilar orqali oʻldirilgan qoʻzgʻolonchi !

585-yilda Poykandda Gʻarbiy Turk xoqonligiga qarshi kadivar( ijarachi dehqon ) lar qoʻzgʻoloni boʻlib oʻtadi, unga Toʻlamon ismli shaxs rahbarlik qiladi. Keyinchalik isyonchilar unga qadimgi turkiychada ,,Kattaʼʼ maʼnosini beruvchi Abruy laqabini berishadi. Abruy buxorxudotlarni shahardan haydab, Poykandga hokim boʻlib oladi. Qoʻzgʻolondan xabar topgan Qorachoʻrin oʻgʻli Sheri Kishvar boshchiligidagi qoʻshinni, uni bostirish uchun yuboradi. Isyon tezda bostiriladi, qoʻlga olingan Abruy esa qovoq arilar bilan toʻldirilgan qopga solinib, dahshatli tarzda oʻldiriladi. Sheri Kishvar tomonidan berilgan ushbu jazo mantiqiy boʻlib, qovoq ari turkiy xalqlarda yovuzlik ramzi hisoblangan. Bu jazo turi bilan odatda davlatga xiyonatda ayblangan insonlar jazolangan

@Milliynium🇺🇿

#milliyshaxs

Stalinga suiqasd qilgan oʻzbek kim edi?
Xidoyat Inoyatov (1913-yil, Toshkent - 1938-yil Toshkent)

1938-yilning oktyabr oyida Abdulla Qodiriy, Choʻlpon, Fayzulla Xoʻjayev kabi milliy ziyolilar qatori, OʻzSSSR jismoniy tarbiya va sport qoʻmitasining rais oʻrinbosari boʻlgan Xidoyat Inoyatov ham otib tashlanadi.Unga 1937-yilgi Moskvadagi Fizkilturachi yoshlar marafoni paytida, Xalqlar dohiysi Iosif Stalinga,brauning pistoleti orqali suiqasd qilmoqchi boʻlganlik ayblovi qoʻyiladi. Shuningdek unga qoʻyilgan soxta ayblovda,Inoyatovga bu buyruqni, rahbari Ortiqov berganligi, Stalin oʻldirilishi orqali Oʻzbekistonda Fayzulla Xoʻjayev boshchiligidagi mustaqil hukumat tuzishga erishmoqchi boʻlgan aksilinqilobiy tashkilotga aʼzo ekanligi keltiriladi. Xidoyat Inoyatov tergov koʻrsatmasida bu ayblovlarning barchasini rad etadi.Biroq hukm chiqarib boʼlingandi. 1938-yil 5-oktyabrida u Toshkentda otib tashlanadi. Keyinchalik 1958-yilda Xidoyat Inoyatov nomi oqlangan.

@Milliynium🇺🇿

#milliyfakt

"Yada toshi"

U haqidagi dastlabki maʼlumotlarni Mahmud Koshgʻariyning ,,Devon-u lugʻotit turk'' asarida oʻqishimiz mumkin. Asarda yada toshi yomgʻir chaqiruvchi tosh sifatida eʼtirof etilib, u yordamida fol ochuvchi insonlar yadachi deb nomlangan.Koshgʻariy oʻzi qilgan sayohati davomida, yada toshi orqali hatto qor yogʻdirilganiga ham guvoh boʻladi.Biroq Beruniyning ,,Minerologiya'' asarida, yada toshlarining turlari haqida batafsil maʼlumot berilgan boʻlsada,Beruniy uning yomgʻir chaqirish xususiyatini inkor qiladi.

Umuman olganda, oʻrta asrlarda barcha hukmdorlar qoʻshinlarida yadachi lavozimidagi shaxs faoliyat yuritgan. Jaloliddin Manguberdi qoʻshinida foydalanilgan Yada toshi hozirgi kunda,Britaniya muzeyida saqlanadi. Sharafiddin Ali Yazdiyning ,,Zafarnoma''sida yozilishicha,1365-yilning may oyida Amir Temur va Amir Husaynning birlashgan qoʻshinlari Ilyosxoʻjaga qarshi jang qiladi.Moʻgʻullar qoʻshini orasida yadachi boʻlib, u tosh orqali yomgʻir chaqirgan,amalda bu holatga tayyor boʻlgan Ilyosxoʻja lashkarlari kam sonli boʻlsada jangni yutib ketadi. Aynan yada toshi mashhur ,,Loy jangi''ning sababchisi boʻlgani ham qiziq fakt.

@Milliynium🇺🇿