Kecha Oʻsimliklar genetik resurslari ilmiy-tadqiqot instituti direktori Zafar Ziyayev bilan uchrashdik. Muloqot davomida o‘zaro hamkorlik imkoniyatlarini kengaytirish, innovatsion yondashuvlar asosida urugʻchilik tizimini takomillashtirish masalalari haqida suhbatlashdik.

Barchaga ma'lum institutda 103dan ortiq ekin turlarining 43ming 500ga yaqin nav namunalari saqlanadigan "Milliy genofond" mavjud. Kelgusida ushbu genofond kolleksiyalaridan foydalangan holda yangi navlar yaratish, ularni chatishtirish orqali istiqbolli gibrid navlarni ishlab chiqish bo‘yicha hamkorlik yo‘lga qo‘yishni maqsad qildik. Xususan, kolleksiyalarda mavjud mosh, makkajoʻxori, soya va boshqa dukkakli ekinlar boʻyicha sifatli urugʻchilikni tashkil etmoqchimiz.