#2025_йил_1_майдан

🖋 Қонунчиликка кўра, юридик кадрларни қайта тайёрлаш ва малакасини ошириш институтида фуқаролар йиғини раислари оилавий медиация ишлари бўйича профессионал медиатоликка бепул ўқитилади. Бунда:

▪️2025 йил давомида Ўзбекистон маҳаллалари уюшмаси билан келишилган ҳолда ҳар бир туманда (шаҳарда) 5 нафардан фуқаролар йиғини раислари ўқитилади;

▪️келгусида барча фуқаролар йиғини раислари профессионал медиаторликка босқичма-босқич ўқитиб борилади;

▪️профессионал медиаторликка ўқитилган фуқаролар йиғини раислари отанинг (онанинг) вояга етмаган фарзандлари учун ота-оналик ҳуқуқларини таъминлаш билан боғлиқ низолар бўйича медиаторлик фаолиятини бепул амалга оширади.

🌐Telegram || 👥Facebook

📉ДОЛЛАРНИНГ ТУШИШИ ҲАЛИ ЯНА ДАВОМ ЭТАДИМИ?

🗓Сўнгги пайтда долларнинг қиймати 5% га пасайган бўлса-да, у янада тушушининг кучли сабаблари мавжуд. АҚШ Федерал Резервининг маълумотларига кўра, долларнинг ҳақиқий қиймати 1973 йилдан бери ўртача кўрсаткичдан икки марта баландрок. Бу даража фақат 1980-йиллар ва 2000-йиллар бошларида кузатилган, улар 25-30% га тушган эди.

❔Нега доллар яна арзонлашиши мумкин?

▶️АҚШ активларига бўлган талаб пасаймоқда
- Халқаро инвесторлар АҚШ активларини ($22 трлн) сотиб олишни аста-секин камайтирмокда. Агар улар ўз портфелларидаги АҚШ акциялари ва облигацияларини кўпайтирмаса, долларнинг қиймати тушиши мумкин.

▶️АҚШдаги дефицит ва капитал оқими
- АҚШнинг ҳозирги ҳисоб-китоб дефицити ($1.1 трлн) чет эл капиталисиз қопланмайди. Агар инвесторлар янги активлар сотиб олишни тўхтатса, доллар арзонлаши ёки активлар нархи тушиши керак.

▶️Иқтисодий сустланиш ва ташвишлар
- Goldman Sachs АҚШнинг 2024 йилги ЯИМ ўсишини 1% дан 0.5% га туширди. Тарифлар ва корхоналар фойдасининг пасайиши инвесторларни ваҳимага солади.

▶️Долларнинг тушиши қандай оқибатларга олиб келади?
Импорт нархлари ошади, бу эса инфляцияни кўтаради.
Экспорт арзонлашади, АҚШ савдо дефицити камаяди.
Молиявий шартлар енгиллашади, лекин катта рецессиянинг олди олинмайди.

▶️Долларнинг "жаҳон валютаси" мақоми сақланади, лекин унинг қиймати яна 20-30% га тушиши мумкин. АҚШ иқтисодиётининг сустланиши ва тариф уруши бу жараённи тезлаштиради.

#Доллар #Иқтисод #Валютa

🌐Telegram || 👥Facebook

КАШМИР МУАММОСИ: ҲИНДИСТОН ВА ПОКИСТОН НИМА УЧУН КУРАШАДИ?

Ҳабарингиз бор бир неча кун олдин Пахалгамда (26 киши ҳалок бўлди) рўй берган ноҳуш ҳодиса бутун дунё ҳамжамиятини ўзига тортди. Ҳўш нега Ҳиндистон ва Покистон ўртасидаги 75 йилдан бери давом этаётган низоли ушбу ҳудуд (Кашмир водийси) муаммолар нуқтасига айланган?

Асосий зиддиятлар:
🔹 1947 йил – Ҳиндистон ва Покистон мустақил бўлганидан сўнг Кашмирнинг қайси томонга қўшилиши муаммоси очиқ қолди.
🔹 1948 йил – БМТнинг референдум бўйича таклифи амалга ошмади.
🔹 1980-90-йиллар – Покистон қўллаб-қувватлаган айрмачилар ҳаракати ва ҳарбий тўқнашувлар кучайди.
🔹 2019 йил – Нарендра Моди Ҳиндистон назоратидаги Жамму ва Кашмирнинг автономиясини бекор қилди.

Асосий сабаблар:
➡️Дин ва аҳоли таркиби: 68% мусулмон (асосан Ҳиндистон назоратидаги Қашмир водийсида), 28% ҳиндулар (Жамму вилоятида), 4% буддалар;
Кашмир аҳолисининг 80% мусулмон, лекин Ҳиндистон назоратида.
➡️Покистон: "Мусулмон кўп бўлган ҳудуд бизники бўлиши керак" деб талаб қилади;
➡️Ҳиндистон: "Кашмир – бизнинг ажралмас қисмимиз" деган ҳукмни қўллайди.

Кашмирнинг стратегик аҳамияти:
➡️Кашмир Синд, Чинаб, Челум ва бошқа бир қанча дарёларнинг бошланиш нуқтаси. Бу эса Покистон қишлоқ хўжалиги учун ҳаёт манбаи;
➡️Стратегик жойлашув: Ҳиндистон, Покистон ва Хитой ўртасидаги буфер зона;
➡️Табиий ланшафтли туристик аҳамиятга эга бўлган ҳудуд. 2023 йилга келиб 24 млнга яқин сайёҳ мазкур ҳудудга ташриф буюрган.

Сиёсий принциплар
➡️Покистон – Кашмирда референдум ўтказишни талаб қилади (1948 йилда БМТ томонидан ҳам таклиф берилган, лекин Ҳиндистон қарши бўлган);
➡️Ҳиндистон – "Покистон террористларни қўллаб-қувватлайди" деган важни илгари суради.

Кашмир – нафақат икки давлат, балки бутун Жанубий Осиё учун муаммоли мавзе. Тинчлик эришишда халқаро ташаббуслар ҳам мухим, лекин ҳар икки томоннинг қаттиқ иродасисиз бу муаммога ечим топиб бўлмайди.

#Кашмир #Ҳиндистон #Покистон #Хавф #Сиёсат

🌐Telegram || 👥Facebook

🇺🇿 🇹🇲 "ОЛИЙ ДАРАЖАЛИ ДЎСТЛИК" ОРДЕНИ — САМИМИЙ ҲУРМАТ ВА ЭҲТИРОМ ИФОДАСИ

📍Айни вақтда Самарқандда бўлиб турган Давлатимиз раҳбарининг Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов билан музокаралари бўлиб ўтди.

🔺Унда Ўзбекистон билан Туркманистон ўртасидаги дўстлик, яхши қўшничилик ва стратегик шериклик муносабатларини янада ривожлантириш ва мустаҳкамлашнинг долзарб масалалари кўриб чиқилди.

🔺Туркманистон билан барча йўналишларда, шу жумладан сиёсий, парламентлараро, савдо-иқтисодий, транспорт-коммуникация ва маданий-гуманитар соҳаларда жадал ривожланиб боряпти. Ҳукуматлараро комиссия йиғилишлари, Ишбилармонлар кенгаши, Ҳудудлар форуми, маданият кунлари, кўргазмалар ва бошқа тадбирларни ўтказиб бориш мунтазамлик касб этган. Савдо-иқтисодий, энергетика, транспорт, қишлоқ ва сув хўжалиги, иқтисодиётнинг бошқа тармоқларида ўзаро манфаатли ҳамкорлик ривожланмоқда. Биргаликда "Шовот-Тошовуз" чегараолди савдо зонаси ташкил этилмоқда.

🔺Фаол ҳудудлараро мулоқотлар йўлга қўйилиб, маданий-гуманитар алмашинув бўйича катта дастурлар амалга оширилмоқда.

🔺Мулоқотда жорий йилда Хива шаҳрида учинчи Ҳудудлар форумини ҳамда Ўзбекистонда Туркманистон маданияти кунларини ўтказишга келишиб олинди. Шунингдек, минтақавий шерикликка доир масалалар, жумладан "Марказий Осиё плюс" форматидаги бўлажак саммитлар ва Тошкент шаҳрида ўтказиладиган Марказий Осиё давлатлари раҳбарларининг еттинчи Маслаҳат учрашувига тайёргарлик кўриш юзасидан фикр алмашилди.

❗️Икки томонлама музокаралар якунида Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедовга Ўзбекистон Республикасининг юксак давлат мукофоти — "Олий Даражали Дўстлик" ордени тантанали топширилди.

⚡️ Президентимиз мукофотни топширар экан, Гурбангули Бердимуҳамедовнинг қардош мамлакатларимиз ўртасидаги анъанавий дўстлик, яхши қўшничилик ва стратегик шериклик муносабатларини мустаҳкамлашдаги улкан хизматларини алоҳида қайд этди.

🔺Туркманистон етакчисининг шахсий саъй-ҳаракатлари туфайли Ўзбекистон-Туркманистон муносабатлари бугунги кунда юксак даражага чиққани, ҳақиқатдан намунавий тус олгани таъкидланди. Ўзбекистон Республикасининг олий мукофоти топширилиши кўп миллатли халқимизнинг атоқли давлат арбоби, бугунги Туркманистоннинг миллий етакчиси ва меъмори сифатида унга нисбатан самимий ҳурмат-эҳтироми ифодаси бўлгани айтилди.

🔺Ташриф дастурига мувофиқ, икки давлат етакчилари маданий тадбирларда ҳам биргаликда иштирок этишди.

📍Олий мартабали меҳмон "Silk Road Samarkand" халқаро туризм марказида ташкил этилган "Замонлар садоси" кўргазмаси билан танишиб, "Боқий шаҳар" тарихий-этнографик боғи ҳудудида ташкил этилган маданий тадбирларда иштирок этди. Самарқанд шаҳридаги Конгресс марказининг Фахрий меҳмонлар хиёбонида биргаликда эман дарахтини экдилар.

🌐Telegram || 👥Facebook

❗️Битирувчи курс талабаларига Университет дипломи берилади

🖋 Қарорга кўра, Университет тиббиёт соҳаси учун олий маълумотли мутахассислар ва илмий кадрлар тайёрлаш, қайта тайёрлаш ва уларнинг малакасини ошириш бўйича етакчи олий таълим муассасаси ҳисобланади.

🗓 2025/2026 ўқув йилидан магистратурада босқичма-босқич хорижий тилларда ўқитиладиган алоҳида гуруҳлар ташкил этади.

🏢 Ихтисослаштирилган тиббиёт марказлари ва Тошкент шаҳридаги тиббиёт муассасалари Университет талабалари учун клиник амалиёт базалари этиб белгиланади.

🗓 Университетга талабаларни ўқишга қабул қилиш 2025/2026 ўқув йилидан бошланади.

🗓 2025/2026 ўқув йилидан Тошкент тиббиёт академияси, Тошкент педиатрия тиббиёт институти ва Тошкент давлат стоматология институтида таҳсил олаётган барча талабалар ўқишини Университетда давом эттиради ҳамда битирувчи курс талабаларига белгиланган тартибда Университет дипломи берилади.

🗞 Университет тузилмасида ҳомийлик хайриялари ҳисобидан тўлдириладиган Тошкент давлат тиббиёт университетини ривожлантириш жамғармаси ташкил этилади.

🌐Telegram || 👥Facebook

📍ТОШКЕНТ ДАВЛАТ ТИББИЁТ УНИВЕРСИТЕТИ ТАШКИЛ ЭТИЛАДИ

“Тиббиёт соҳасида кадрлар тайёрлаш тизимини тубдан такомиллаштириш чора-тадбирлари тўғрисида”ги Президент Қарори (ПҚ-149-сон, 22.04.2025 й.) қабул қилинди

🖋 Қарорга кўра:

🔹Тошкент тиббиёт академияси, Тошкент педиатрия тиббиёт институти ва Тошкент давлат стоматология институти негизида Тошкент давлат тиббиёт университети ташкил этилади;

🔹Тошкент тиббиёт академиясининг марказий илмий-текшириш лабораторияси негизида Тиббиёт илмий-инновацион тадқиқот институти фаолияти йўлга қўйилади;

🔹Тошкент тиббиёт академиясининг Урганч филиали Урганч давлат тиббиёт институти этиб қайта ташкил этилади;

🔹Тошкент тиббиёт академиясининг кўп тармоқли клиникаси, Тошкент педиатрия тиббиёт институти клиникаси ва Тошкент давлат стоматология институти клиникаси Тошкент давлат тиббиёт университети клиникалари этиб қайта номланади;

🔹Тошкент тиббиёт академиясининг Термиз ва Чирчиқ филиаллари Тошкент давлат тиббиёт университетининг Термиз ва Чирчиқ филиаллари этиб қайта номланади;

🔹Тошкент тиббиёт академияси академик лицейи, Тошкент педиатрия тиббиёт институти академик лицейи ва Тошкент давлат стоматология институти академик лицейи Тошкент давлат тиббиёт университетининг 1-, 2- ва 3-сон академик лицейлари этиб қайта номланади.

↗️ Таълим дастурларини халқаро тиббий таълим стандартларига мувофиқлаштириб, компетенцияларга асосланган тиббий таълим дастурларини жорий этиш Университетнинг асосий вазифалари ва фаолияти йўналишларидан бири этиб белгиланди.

🌐Telegram || 👥Facebook

❗️Кредиторларнинг гаров билан таъминланган талабларини қаноатлантириш тизими такомиллаштирилади

Қонун (ЎРҚ-1060-сон, 22.04.2025 й.) билан айрим қонун ҳужжатларига ўзгартириш ва қўшимчалар киритилди.

🖋 Мазкур Қонун билан Фуқаролик кодекси, Солиқ кодекси, «Гаров тўғрисида»ги, «Ипотека тўғрисида»ги, «Суд ҳужжатлари ва бошқа органлар ҳужжатларини ижро этиш тўғрисида»ги қонунларга ўзгартириш ва қўшимчалар киритилди.

🖋 Қонун ҳужжатларига киритилган қўшимчаларга кўра, гаров билан таъминланган мажбуриятнинг бузилиши қуйидаги шартлар бир вақтнинг ўзида мавжуд бўлган тақдирда, жуда арзимас деб ҳисобланади:
▪️агар гаров билан таъминланган, қарздор томонидан қопланмаган мажбуриятнинг суммаси гаров қийматининг 15 фоизидан камроқни ташкил қилса;

▪️агар гаров билан таъминланган мажбурият бажарилишининг кечикиши кетма-кет 3 ойдан ошмаган бўлса.

▶️Шунингдек, гаров нарсаси бўлган мол-мулк гаровга қўювчидан жиноят ёки бошқа ҳуқуқбузарлик содир этганлик учун қонунда белгиланган тартибда олиб қўйилганда, гаровга олувчида ўз талабларини ушбу мол-мулк ҳисобидан устувор тарзда қаноатлантириш ҳуқуқи сақлаб қолиниши кўрсатилди.

▶️Бундан ташқари, кредитни муддатидан олдин суд тартибида ундиришда, агар шартномада бошқача тартиб назарда тутилган бўлмаса, кредитор дастлаб қарзнинг белгиланган муддатда қайтарилмаган қисмини ундириш учун судга мурожаат қилади.

▶️Бунда агар қарз олувчи муддати ўтган қарзни тўлиқ тўламаган тақдирда, кредитор кредитнинг қолган барча суммасини муддатидан олдин қайтариш ҳақидаги талаб билан судга мурожаат қилишга ҳақли.

🌐Telegram || 👥Facebook

‼️ UZAUTOMOTORS, MOBIUZ, UZBEKINVEST, GTL, UZAGROSUGʻURTA, ТТЗ КАБИ 29 ТА ДАВЛАТ ИШТИРОКИДАГИ ЙИРИК КОРХОНАЛАР ХАЛҚАРО БОЗОРЛАРДА ХУСУСИЙЛАШТИРИЛАДИ

“Давлат иштирокидаги йирик корхоналарни халқаро бозорларда хусусийлаштириш тўғрисида”ги Президент қарори (ПҚ-145-сон, 21.04.2025 й.) қабул қилинди.

🖋 Қарорга кўра, давлат иштирокидаги йирик корхоналарни халқаро ва маҳаллий бозорларда сотишнинг асосий мақсадли кўрсаткичлари этиб қуйидагилар белгиланди:

❗️29 та давлат иштирокидаги йирик корхона устав капиталидаги акциялар пакетини (улушларни) нуфузли халқаро профессионал консультантларни жалб қилган ҳолда оммавий савдоларга чиқариш;

❗️12 та давлат иштирокидаги йирик корхона устав капиталидаги акциялар пакетининг халқаро ва маҳаллий фонд бозорларида бирламчи (IPO) ва (ёки) иккиламчи (SPO) оммавий таклифини ўтказиш.

❗️2025 йил 1 июлгача Энергетика вазирлигининг ёқилғи етказиб беришнинг энг кам миқдори бўйича кафолати асосида халқаро бозорда иссиқлик электр станцияларининг очиқ оммавий савдоларини эълон қилади.

🗓Бундан ташқари, 2025 йил 1 декабрга қадар 2030 йилгача давлат корхоналарини ислоҳ қилиш ва хусусийлаштириш стратегияси ишлаб чиқилиши таъминланади.

🌐Telegram || 👥Facebook

❗️ДАВЛАТ МУЛКИНИ ИЖАРАГА БЕРИШ ТАРТИБИ ТАКОМИЛЛАШТИРИЛМОҚДА

🖋 Фармонга кўра, давлат мулкини ижарага бериш тартибини такомиллаштириш мақсадида:

🔺 ижара шартномаси тузилган кундан ижарага олувчи томонидан йиллик ижара тўловлари 1 ой давомида тўланган тақдирда, унга йиллик ижара суммасидан мазкур шартнома тузилган санадаги Марказий банкнинг асосий ставкаси миқдорида чегирма берилади;

🗓6 ой давомида электрон онлайн аукцион савдоларида ижарага берилмаган объектларнинг бошланғич нархи 50 фоиз пасайтирилган қийматда белгиланади. Бунда бошланғич нарх пасайтирилганда ҳам ижарага берилмаса, ушбу аукцион унда 1 иштирокчи қатнашган тақдирда ҳам, истисно тариқасида, ўтказилган деб ҳисобланади.

🗓2025 йил 1 июлдан Савдо-саноат палатасининг ҳудудий бўлинмаларига “Давлат мулки” ахборот тизими орқали давлат ва давлат иштирокидаги корхоналар кўчмас мулк объектларини сотиш учун тўғридан-тўғри электрон онлайн аукцион савдоларига чиқариш бўйича ариза бериш ҳуқуқи берилади.

🔺Тадбиркорларни (жумладан, давлат иштирокидаги корхоналарни) тугатиш тўғрисида рўйхатдан ўтказувчи орган хабардор қилинган санадан уларнинг молия-хўжалик фаолияти тўхтатилади ҳамда ер солиғи, мол-мулк солиғи, сув ресурсларидан фойдаланганлик учун солиқ, шунингдек, барча турдаги солиқ ва йиғимлар бўйича пеняларни ҳисоблаб ёзиш, дивидендлар ҳисоблаш тақиқланади.

🗓2025 йил 1 октябрдан эгасиз кўчмас мулк объектларини давлат мулки объекти сифатида давлат рўйхатига олиш бўйича мурожаатлар тегишли судга Давлат активлари агентлиги томонидан киритилади.

🌐Telegram || 👥Facebook

❗️2025 йил учун хусусийлаштириш дастури белгиланди

“2025 йил учун хусусийлаштириш дастури тўғрисида” ги Президент Фармони (ПФ-70-сон, 21.04.2025 й.) қабул қилинди

🗞Фармонга кўра, 2025 йилда хусусийлаштиришнинг асосий мақсадли кўрсаткичлари этиб қуйидагилар белгиланди:

🔹30 триллион сўмлик давлат активлари ва ер участкаларини сотиш ва камида 10 триллион сўм тушумни таъминлаш;

🔹давлат ва давлат иштирокидаги корхоналарга тегишли 115 та жамият устав капиталидаги улушларни, 659 та кўчмас мулк объектини ва 6,1 минг гектар ер участкаларини савдога чиқариш;

🔹дастлабки босқичда камида 30 та фойдали қазилма кон ва участкаларидан фойдаланиш ҳуқуқини савдога чиқариш.

🗓Шунингдек, 2030 йил 1 январгача давлат иштирокидаги корхоналарни ташкил этишга мораторий жорий қилинади.

✅Майдони 10 минг метр квадратгача бўлган давлат мулки объектлари юқори технологияли маҳсулот ишлаб чиқарадиган тадбиркорларга 5 йил муддатга тўғридан-тўғри текин фойдаланишга берилади ҳамда шартнома шартлари бажарилган тақдирда ушбу тадбиркорларга баҳоланган қийматда тўғридан-тўғри сотилади.

✅Бошланғич нархини босқичма-босқич пасайтириш механизми қўллангандан кейин ҳам 1 йилдан ортиқ муддатда сотилмаган ва харидорлар учун жозибадор бўлмаган кўчмас мулк объектлари бошқа юридик шахсларнинг устав капиталига улуш сифатида киритилади.

❗️Бозорлар ва савдо мажмуалари устав капиталида маҳаллий давлат ҳокимияти органларининг мажбурий иштирок этиши тўғрисидаги талаб бекор қилинади.

🌐Telegram || 👥Facebook

1️⃣2️⃣4️⃣4️⃣5️⃣6️⃣

❗️МИГРАЦИЯСИДА БЎЛГАН ФУҚАРОЛАРГА СУБСИДИЯ ВА КРЕДИТЛАР АЖРАТИШ ТАРТИБИ БЕЛГИЛАНДИ

“Ўзбекистон Республикаси фуқароларини хорижда ташкиллаштирилган тартибда ишга жойлаштириш тизимини янада такомиллаштириш чора-тадбирлари тўғрисида”ги Ҳукумат қарори (252-сон, 22.04.2025 й.) қабул қилинди.

🖋 Қарорга кўра, "Хорижга ишга тайёрлаш маркази" ташкил этилади ва унда "Ягона дарча" тамойили асосида меҳнат миграциясига доир хизматлар кўрсатилади.

📍 Шунингдек, йўловчи автобуслар сонини кўпайтириш орқали хорижга вақтинча меҳнат фаолиятини амалга ошириш учун кетаётган ва қайтаётган фуқароларни ташишда арзон ва тартибли транспорт қатнови йўлга қўйилади.

🗞Қарор билан “Хорижда меҳнат фаолиятини амалга ошириш учун кетаётган ҳамда меҳнат миграциясида бўлган фуқароларга субсидия, компенсация ва кредитлар ажратиш тартиби тўғрисида” ги Низом тасдиқланди.

🖋 Низомга кўра, субсидия ва компенсациялар "Xorijda ish" меҳнат миграцияси электрон дастурий мажмуасида рўйхатдан ўтган ва ташкиллаштирилган ҳолда меҳнат миграциясига кетаётган фуқароларга қуйидаги харажатларни қоплаш бўйича ажратилади, жумладан:

🔹чет тиллари ва (ёки) касб бўйича малака имтиҳонларини топшириш харажатларини қоплаш учун, улар муваффақиятли топширилганда ва сертификат олинганда – БҲМ нинг 3 бараваригача;

🔹хорижда меҳнат фаолиятини амалга оширишга "ишчи виза"ни расмийлаштириш харажатларини қоплаш учун - БҲМнинг 5 бараваригача;

🔹йўл чиптасини харид қилиш билан боғлиқ харажатларни қоплаш учун - БҲМнинг 2 бараваригача миқдорда;

🔹немис, инглиз, япон ва корейс тиллари бўйича камида B1 ёки унга тенглаштирилган даражадаги халқаро сертификат олган битирувчилари энг кўп бўлган 50 нафаргача ўқитувчига - 50 миллион сўм миқдорида.

📍Вақтинча меҳнат фаолиятини амалга ошириш учун ташкиллаштирилган ҳолда ривожланган мамлакатларга чикиб кетаётган фуқароларга тижорат банклари томонидан 10 миллион сўмгача Марказий банкнинг асосий ставкасидан 4 фоиз бандга юқори ставкада 2 йил муддатга микрокредитлар ажратилади.

🌐Telegram || 👥Facebook

↗️ ДАВЛАТ ХИЗМАТЛАРИНИ АХОЛИНИНГ ЎЗИ БАҲОЛАЙДИГАН ТИЗИМ ЖОРИЙ ЭТИЛАДИ

✅ Коррупцияга қарши курашиш ва давлат хизматларининг самарадорлигини ошириш мақсадида янги чора-тадбирлар эълон қилинди. Уларга кўра:

🗓2025 йилда амалга ошириладиган вазифалар:

Давлат харидларида назорат кучайтирилади:
— товар ва хизматларнинг бозор нархидан ортиқча харид қилган мансабдорлар жавобгар бўлади.

— йирик инвестиция лойиҳаларида халқаро стандартлар ва рақобатбардошлик экспертизаси жорий этилади.

— "Шаффоф қурилиш" миллий тизими кенгайтирилиб, халқаро ташкилотлар иштирокидаги лойиҳалар назоратга олинади.

Халқаро тендерларда шаффофлик кучайтирилади:
— 2 млн АҚШ долларигача бўлган тендерлар "Шаффоф қурилиш" тизимида ўтказилади.

— Чет эл пудратчилари шартнома қийматининг 60% дан кам бўлмаган қисмини ўз кучида бажариши талаб этилади.

🗓2026 йилгача ислоҳотлар:

Ахоли давлат хизматларини баҳолайди:
— сунъий интеллект асосида платформа яратиб, аҳолининг фикри инобатга олинади.

— вазирликлар, идоралар ва маҳаллий ҳокимликларнинг иш самарадорлиги туман (шаҳар) кесимида баҳоланади.

Коррупцияга қарши қўшимча чоралар:
— бюджетдан энг кўп маблағ олувчи 3 та вазирликда коррупцияни бартараф этиш бўйича таклифлар ишлаб чиқилади.

— вазир ва ҳокимлар номзодлари коррупцияга қарши режаларни ҳимоя қилиши шарт.

— кибермаконда коррупцияга қарши қонунлар мустаҳкамланади.

Асос: ПФ-71-сон (21.04.2025).

🌐Telegram || 👥Facebook

1️⃣2️⃣4️⃣4️⃣5️⃣6️⃣

❗️“Ҳаж ва Умра ягона портали” ҳамда унинг мобил иловаси ишлаб чиқилади

🖋 Фармонга мувофиқ, фуқароларнинг ибодатлар ва диний расм-русумларни амалга ошириши учун қўшимча қулайликлар яратиш мақсадида, 2025 йил 1 сентябргача “Ҳаж ва Умра ягона портали” ҳамда унинг мобил иловаси ишлаб чиқилади.

🌐Порталда:

▶️“Ҳаж” тадбирларига борувчи фуқароларнинг ягона электрон навбати ҳамда “Умра” тадбирларига юбориладиган зиёратчиларнинг электрон рўйхати шакллантирилади;

▶️“Ҳаж” ва “Умра” фаолияти тўғрисидаги маълумотларни йиғиш ва расмийлаштириш билан боғлиқ жараёнлар рақамлаштирилади.

♻️ Ўзбекистон халқаро ислом академияси Ўзбекистон халқаро исломшунослик академияси этиб қайта номланди.

🗯 Академия исломшунослик ва диншунослик соҳаларида мутахассисларни ҳамда ўқув дастури, қўлланма ва дарсликларни тайёрлашга ихтисослашган таянч давлат олий таълим ва илмий-тадқиқот муассасаси этиб белгиланди.

🔹Дин ишлари бўйича қўмита ҳузурида Диний-маърифий соҳада малака ошириш ва қайта тайёрлаш институти ташкил этилади.

🔹Институт исломшунослик, диншунослик, давлат ва дин муносабатлари асослари йўналишларида мутахассисларнинг малакасини ошириш ва қайта тайёрлашга масъул муассаса ҳисобланади.

🌐Telegram || 👥Facebook

❗️Фуқароларнинг виждон эркинлиги ҳуқуқи кафолатлари янада мустаҳкамланади

"Фуқароларнинг виждон эркинлиги ҳуқуқи кафолатларини янада мустаҳкамлаш ҳамда диний-маърифий соҳадаги ислоҳотларни янги босқичга олиб чиқиш чора-тадбирлари тўғрисида"ги Президент Фармони (ПФ-68-сон, 21.04.2025 й.) қабул қилинди

🖋 Фармонга кўра, диний-маърифий соҳа фаолиятини такомиллаштиришнинг устувор йўналишлари этиб қуйидагилар белгиланди, жумладан:

🔹жамиятда диний бағрикенглик ва конфессиялараро тотувликни янада мустаҳкамлашга оид илғор механизмларни жорий этиш;

🔹диний-маърифий соҳада кадрлар тайёрлаш тизимини тубдан такомиллаштириш орқали замон талабларига мос мутахассисларни етиштириш;

🔹аҳоли орасида бирдамлик, ўзаро ҳурмат ва меҳр-оқибат руҳини кучайтириш, ижтимоий-маънавий муҳит барқарорлигини таъминлашга қаратилган долзарб илмий тадқиқотларни қўллаб-қувватлаш.

↗️ “Бағрикенг жамият – барқарор давлат” тамойили асосида янги ҳамкорлик тизими йўлга қўйилмоқда, ҳамкорлар:

➖Дин ишлари бўйича қўмита;
➖Ўзбекистон маҳаллалари уюшмаси;
➖Ёшлар ишлари агентлиги;
➖Оила ва хотин-қизлар қўмитаси;
➖Ички ишлар вазирлиги.

❗️ Ушбу ҳамкорлик тизимининг асосий вазифалари этиб қуйидагилар белгиланди, жумладан:

▶️диний соҳадаги давлат сиёсатини амалга оширишда давлат ва жамоат ташкилотларининг ҳамкорлигини йўлга қўйиш;
▶️виждон эркинлигини таъминлаш, турли конфессиялар вакилларининг ўзаро аҳил-иноқ ва ҳамжиҳат ҳаёт кечиришини қўллаб-қувватлаш.

🌐Telegram || 👥Facebook

📉 Халқаро Валюта Фонди (ХВФ): Трамп таърифлари глобал иқтисодий ўсишни секинлаштиради

↘️ХВФнинг янги ҳисоботига кўра, АҚШнинг импорт бўйича олинган юқори таърифлари (10% дан 145% гача) 2025 йилда дунё иқтисодиётининг кескин сустлашишига олиб келади. Бу ҳолат АҚШ ва унинг савдо шериклари учун ҳам зарарли бўлиши кутилмокда.

❗️Асосий рақамлар ва таҳлил:

✅ Глобал иқтисодий ўсиш: 2.8% (январдаги 3.3% прогноздан паст).
✅ АҚШ иқтисодиёти ўсиши: 1.8% (2024 йилда 2.8% бўлган).
✅ Хитой иқтисодиёти ўсиши: 4% (январ прогнозидан 0.6% паст).
✅ Еврозонада ўсиш: 0.8%.
✅ Инфляция: сентябргача 5% га кўтарилиши мумкин (ҳозир 2.4%).

❗️Таърифлар таъсири:
✅ АҚШда нархлар кўтарилиши ва ишлаб чиқариш самарадорлиги пасайиши мумкин.
✅ Захирали тармоклар (supply chains) бузилиши – товарлар чегарадан бир неча бор ўтиши натижасида нархлар яна кўтарилади.

❗️Имкониятлар ва хавфлар:
✅ ХВФ глобал рецессия эҳтимолини 33% деб баҳолайди.
✅ JP Morgan: "Трампнинг савдо уруши рецессияга олиб келиши мумкин".
✅ Агар АҚШ ва Хитой муносабатлари яхшиланса, иқтисодий ўсиш тезда тикланиши мумкин.

❗️Хулоса:
ХВФ бош иқтисодчиси Пьер-Оливье Гуринчаснинг айтишича, "80 йилдан бери ишлаб келган глобал иқтисодий тизим қайта қурилмокда". Трампнинг таърифлари қисқа муддатда АҚШ ишлаб чиқарувчиларига фойда келтирса ҳам, узоқ муддатда иқтисодий ўсишни секинлаштириши мумкин.

❔ Таърифлар – иқтисодий қулашнинг қисқа йўлими? Ёки АҚШ саноатининг "олтин асри" бошланиши? Буни вақт кўрсатади.

#ХВФ #Трамп #Таърифлар #Иқтисод #СавдоУруши

🌐Telegram || 👥Facebook

❗️Давлат органлари ва ташкилотларида коррупцияга қарши кураш бўйича аниқ вазифалар белгиланди

“Давлат органлари ва ташкилотларининг коррупцияга қарши ички назорат бўлинмалари мустақиллигини таъминлаш ҳамда фаолияти самарадорлигини ошириш чора-тадбирлари тўғрисида”ги Президент қарори (ПҚ-147-сон, 21.04.2025 й.) қабул қилинди

⚡️ Қарорга кўра, давлат органлари ва ташкилотлари, устав фондида (устав капиталида) давлат улуши 50 фоиз ва ундан ортиқ бўлган хўжалик жамиятларидаги коррупцияга қарши ички назорат бўлинмаларининг устувор вазифалари этиб қуйидагилар белгиланди, жумладан:
🟢 коррупция ҳолатларини барвақт аниқлаш ва уларнинг олдини олиш, уларга имкон берувчи сабаб ва шарт-шароитларни бартараф этиш;

🟢 давлат хизматларини кўрсатишда коррупциявий омилларни бартараф этиш, маиший коррупциянинг олдини олиш, шу жумладан, рақамлаштириш, бюрократияни қисқартириш бўйича таклифлар ишлаб чиқиш;

🟢 идоравий норматив-ҳуқуқий ҳужжатларни коррупцияга қарши экспертизадан ўтказиш ва якунлари бўйича аниқланган коррупциявий нормаларни бекор қилиш бўйича таклиф киритиш.

❗️ Коррупцияга қарши ички назорат бўлинмалари ўз фаолиятида бевосита ташкилотнинг биринчи раҳбарига бўйсунади ва унинг олдида ҳисобдор бўлади.

🗞 Коррупцияга қарши ички назорат бўлинмаларини ташкил этишнинг минимал мезонлари тасдиқланди.

🌐Telegram || 👥Facebook

↗️ АҲОЛИНИНГ САВОЛЛАРИГА СОДДА ВА ҚУЛАЙ ЖАВОБ БЕРАДИГАН ОНЛАЙН ПЛАТФОРМА ИШГА ТУШИРИЛАДИ

🖋 Фармонга кўра, Иқтисодиётда коррупциявий омилларнинг олдини олиш мақсадида:

🔹давлат харидларида сотиб олинадиган товар ва хизматлар нархи ҳамда унинг ўртача бозор нархи ўртасидаги тафовутнинг энг кўп йўл қўйиладиган чегарасидан четга чиққан ҳолда харидларни амалга оширган мансабдор шахслар жавобгарликка тортилади;

🔹2025 йилнинг 1 июлидан йирик инвестиция лойиҳаларида коррупцияга қарши халқаро стандартлар ҳамда йирик аукцион шартларини рақобатбардошлик экспертизасидан ўтказиш тартиби жорий этилади;

🔹“Шаффоф қурилиш” миллий ахборот тизими қамрови янада оширилиб, босқичма-босқич халқаро ташкилотлар иштирокидаги лойиҳаларга жорий қилинади.

🗓2025 йил якунича:

➖халқаро тендер объектлари бўйича субпудратчилар “Шаффоф қурилиш” тизими орқали жалб қилинади;

➖қиймати 2 млн АҚШ долларигача бўлган халқаро молия ташкилотлар ҳисобидан молиялаштириладиган маҳаллий тендерлар “Шаффоф қурилиш” тизимида ўтказилади;

➖халқаро тендерлар бўйича жалб қилинган чет эл пудрат ташкилотлари шартнома қийматининг камида 60 фоизини ўз кучи билан бажариш тартиби жорий этилади.

🗓 2026 йил 1 январгача вазирлик ва идоралар, маҳаллий ҳокимликлар томонидан кўрсатиладиган барча давлат хизматларини туман (шаҳар) кесимида аҳолининг ўзи баҳолайдиган тизим жорий этилади.

⚡️Бунда аҳоли томонидан “қониқарсиз” деб баҳоланган вазирлик, идора раҳбарлари ҳамда туман (шаҳар) ҳокимлари шахсий жавобгарлиги белгиланади.

📱 Сунъий интеллект асосида аҳолининг кундалик ҳаётида учрайдиган саволларига мобиль телефон орқали содда ва қулай шаклда жавоб олиш имкониятини берадиган онлайн платформа ишга туширилади.

🌐Telegram || 👥Facebook

‼️БОЖХОНА КОДЕКСИ ЖАҲОН САВДО ТАШКИЛОТИНИНГ ТАЛАБЛАРИГА УЙҒУНЛАШТИРИЛМОҚДА

Қонунчилик палатасида Божхона кодексига ўзгартириш ва қўшимчалар киритиш тўғрисидаги қонун лойиҳаси кўриб чиқилди.

🗞Қонун лойиҳаси билан савдо-иқтисодий муносабатларда энг кўп қулайлик бериш режими (Most-favoured-nation (MFN) назарда тутилмаган мамлакатларда ишлаб чиқарилган ёки ишлаб чиқарилган мамлакати аниқланмаган товарларга нисбатан амалдаги импорт божлари ставкалари қўлланилиши белгиланган.

❗️Қонун лойиҳаси билан MFN доирасида олиб кирилмаган товарларга нисбатан қўшимча божхона божи ставкаларини қуйидагича белгилаш назарда тутилмоқда:

• 0-10% бўлган ставкалардаги товарларга – 5%;
• 10-20% бўлган ставкалардаги товарларга – 10%;
• 20-30% бўлган ставкалардаги товарларга – 15%;
• 30% ва юқори бўлган ставкалардаги товарларга – 20%.

▶️Шунингдек, товарларга нисбатан импорт божхона божининг 2 баробар ставкаси қўллаш амалиёти бекор қилинади.

🔺Қонун лойиҳасининг қабул қилиниши натижасида қонунчилик ҳужжатлари Жаҳон савдо ташкилоти қоидаларига мувофиқлаштирилади, иқтисодиётга хорижий инвестицияларни жалб қилиш учун қулай шарт-шароитлар яратилади, қонунчиликдаги бўшлиқлар бартараф этилади ва Ўзбекистон Республикасининг Жаҳон савдо ташкилотига қўшилиши жараёнига ижобий таъсир кўрсатилади.

🌐Telegram || 👥Facebook

‼️РИЭЛТОРЛИК ФАОЛИЯТИДА ШАФФОФЛИК ВА РАҚОБАТ МУҲИТИ ТАЪМИНЛАНМОҚДА

Қонунчилик палатаси мажлисида “Риэлторлик фаолияти тўғрисида”ги қонун лойиҳаси биринчи ўқишда кўриб чиқилди.

➡️Асосий янгиликлар:
• кўчмас мулк бўйича агент тоифаси киритилмоқда, бу орқали яширин бозор қисқариши, риэлторлик хизматлари "ягона дарча" тамойили асосида кўрсатилиши таъминланади;

• кўчмас мулк бозорида рақамли трансформацияни амалга ошириш мақсадида "Риэлторлар субъектларининг ягона реестри" ахборот тизими жорий этилмоқда;

• риэлторлар ва кўчмас мулк бўйича агентларга ўз номидаги кўчмас мулк объекти ва унга бўлган ҳуқуқлар билан боғлиқ риэлторлик битимларини тузиш тақиқланмоқда;

• бозорда шаффофликни таъминлаш мақсадида риэлторлик субъектлари томонидан жиноий фаолиятдан олинган даромадларни легаллаштиришга, терроризмни молиялаштиришга қарши курашиш бўйича мониторинг олиб бориш тартиби жорий этилмоқда;

• риэлторлик фаолияти соҳасида асосий тушунчалар (риэлтор, риэлторлик ташкилоти, риэлторлик хизматлари, мультилистинг тизими) ҳамда тамойиллар (қонунийлик, холислик, ҳалоллик, ахборотнинг махфийлиги) киритилмоқда;

• риэлторлик субъектларини қонуний йўлга ўтказишда рағбатлантирувчи чора сифатида уларга кўчмас мулк бозорида реклама ва маслаҳат хизматларини кўрсатиш ҳуқуқи берилмоқда.

⚡️ Қонун лойиҳасини ишлаб чиқишда Европа, АҚШ ва Россия тажрибаси ўрганилган. Хорижий мамлакатларда риэлторлик фаолиятини тартибга солишнинг икки модели қўлланилади:

• давлат томонидан тартибга солиш (Туркия, Италия, Сингапур);
• жамоат (ўзини ўзи бошқариш) ташкилотлари орқали тартибга солиш (АҚШ, Канада, Буюк Британия, Франция, Россия, Қозоғистон).

▶️Кўпчилик давлатларда риэлторлик фаолиятини юритиш учун профессионал бирлашмаларга аъзо бўлиш талаб этилади.

↗️ Қонун лойиҳасининг қабул қилиниши натижасида қуйидаги мақсадлар кўзланмоқда:
• риэлторлик хизматлари сифати ошади;
• кўчмас мулк бозоридаги яширин операциялар камаяди;
• соҳада профессионал жамоат бирлашмаларининг роли кенгаяди;
• соҳадаги шаффофлик таъминланади;
• риэлторлик ташкилотларининг рақобатбардошлиги ошади;
• жиноий фаолиятдан олинган даромадларни легаллаштиришга қарши курашиш механизмлари такомиллашади.

🌐Telegram || 👥Facebook

‼️НОГИРОНЛИГИ БЎЛГАН ШАХСЛАРНИНГ ҲУҚУҚЛАРИНИ АМАЛГА ОШИРИШДА ЕНГИЛЛИКЛАР

Қонунчилик палатасининг навбатдаги мажлисида “Ногиронлиги бўлган шахсларнинг ҳуқуқлари тўғрисида”ги қонунга ўзгартиришлар киритиш ҳақидаги қонун лойиҳаси биринчи ва иккинчи ўқишда қабул қилинди.

Мазкур лойиҳада ногиронликни белгилаш тизимидаги ортиқча бюрократияни қисқартириш, адолатли ва шаффоф механизмларни жорий этиш кўзда тутилган.

❔ Нима ўзгармоқда?

❗️Лойиҳанинг иккинчи ўқишдаги таҳририга мувофиқ:
1. Педиатрия ТИЭКлар (тиббий-ижтимоий эксперт комиссиялари) фаолияти тугатилади. 18 ёшгача бўлган болаларни ногирон деб топиш умумий ТИЭКлар томонидан амалга оширилади.

2. ТИЭК кўриги муддати 10 кундан 20 кунгача узайтирилади, бу орқали кўрикни сифатли ташкил этиш ва шахс ҳақида комплекс маълумот тўплаш имкони яратилади.

3. Шахсий қоғоз йиғмажилдлар ўрнига электрон кўрик ишлари жорий этилади – рақамлаштириш самарадорлик ва шаффофликни оширади.

4. Давлат мулки бўлган спорт иншоотларида ногиронлиги бўлган шахсларга спорт билан бепул шуғулланиш имкони берилади.

5. Протез-ортопедия мосламалари ва реабилитация қилиш техник воситаларининг рўйхати, бундай воситалар билан таъминлаш учун тиббий кўрсатма ва қарши кўрсатмалар рўйхати белгиланади.

✅Ушбу ўзгартиришлар фуқароларга хизмат кўрсатишнинг сифатини ошириш, давлат идораларининг жавобгарлигини аниқлаш ҳамда ногиронлиги бўлган шахсларнинг ҳаётда тўлақонли иштирокини таъминлаш йўлида муҳим қадам ҳисобланади.

🌐Telegram || 👥Facebook

‼️ИЖТИМОИЙ ҲИМОЯГА МУҲТОЖ АҲОЛИ УЧУН ҲОМИЙЛИК ҲАЙРИЯЛАРИГА СОЛИҚ СОЛИНМАЙДИ

🔺Янги таҳрирдаги Ўзбекистон Республикаси Конституциясида белгиланган аҳолининг ижтимоий жиҳатдан эҳтиёжманд тоифаларини қўллаб-қувватлаш кафолатлари қонун ҳужжатларида ўз аксини топмоқда.

Аҳолини ижтимоий ҳимоя қилиш ва эҳтиёжманд шахсларга ёрдам бериш тизими янада такомиллаштиришга қаратилган қонун лойиҳаси Қонунчилик палатаси мажлисида биринчи ва иккинчи ўқишда қабул қилинди.

🔺Лойиҳадаги асосий янгилик:
– ҳомий ташкилотлар томонидан Ижтимоий ҳимоя ягона реестри ёки Камбағал оилалар реестрига киритилган оилалар аъзоларига тўғридан-тўғри бериладиган пул маблағлари тарзидаги ҳомийлик хайрияларининг базавий ҳисоблаш миқдорининг юз бараваригача бўлган қисмига солиқ солинмайди.

– ногиронлиги бўлган шахслар, фахрийлар, хотин-қизлар ҳамда болалар жамоат бирлашмаларини давлат рўйхатидан ўтказишда ундириладиган давлат божининг белгиланган ставкаси 50 фоиз миқдорида ундирилади.

🎯Қонуннинг асосий мақсади нима?
Мазкур Қонун ижтимоий ҳимояга муҳтож аҳоли қатламининг турмуш даражаси яхшиланишига, уларга жамият ва давлат ҳаётида тўлақонли иштирок этиши учун зарур шарт-шароитлар яратишга ҳамда уларнинг асосий ҳаётий эҳтиёжларини мустақил равишда таъминлаш имкониятларини кенгайтиришга хизмат қилади.

🌐Telegram || 👥Facebook

‼️ ТАЗЙИҚ ВА ЗЎРАВОНЛИКДАН ЖАБРЛАНГАН ШАХСЛАРНИ
ИЖТИМОИЙ ҚЎЛЛАБ-ҚУВВАТЛАШ ТИЗИМИ МУСТАҲКАМЛАНМОҚДА

Тазйиқ ва зўравонликдан жабр кўрган хотин-қизлар ва уларнинг фарзандларини қўллаб-қувватлашни кучайтириш мақсадида ишлаб чиқилган қонун лойиҳаси Қонунчилик палатаси мажлисида биринчи ўқишда қабул қилинди.

🗯Лойиҳадаги асосий янгиликлар:

– аёлларни реабилитация қилиш ва мослаштириш ҳудудий марказларига жойлаштирилган хотин-қизлар паспорт тизими қоидаларини бузганда, ҳуқуқбузарлик хотин-қизларга нисбатан тазйиқ ва зўравонлик содир этилиши натижасида уларга боғлиқ бўлмаган тарзда содир этилган бўлса уларни маъмурий жавобгарликдан озод этиш;

– “Инсон” ижтимоий хизматлар марказларига тазйиқ ва зўравонликдан жабр кўрган хотин-қизларнинг йўқотилган банк пластик картасини тиклаш учун тижорат банкларига мурожаат қилиш юзасидан нотариал тасдиқланган ишончномаларга тенглаштирилган ишончномани тасдиқлаш ҳуқуқини бериш;

– тазйиқ ва зўравонликдан жабр кўрган хотин-қизларнинг бузилган ҳуқуқлари, эркинликлари ва қонуний манфаатларини ҳимоя қилиш бўйича суд томонидан кўриб чиқиладиган ишларда мажбурий тартибда прокурорнинг иштирокини таъминлаш;

– қуйидаги ҳолатларда давлат божи ундирилмаслиги:
1) аёлларни реабилитация қилиш ва мослаштириш ҳудудий марказларига жойлаштирилган хотин-қизлар ва уларнинг вояга етмаган фарзандлари учун йўқотилган биометрик паспортлари (идентификация ID-карталари), никоҳни қайд этганлик ҳамда туғилганлик тўғрисида такрорий гувоҳномалар берилганда;

2) аёлларни реабилитация қилиш ва мослаштириш ҳудудий марказларига жойлаштирилган хотин-қизлар ва уларнинг вояга етмаган фарзандларининг манфаатларини кўзлаб судларга қилинган мурожаатларда.

🗯Давлат ҳисобидан юридик ёрдам олиш ҳуқуқига эга бўлган жисмоний шахслар таркибига тазйиқ ва зўравонликдан жабр кўрган хотин-қизлар ва уларнинг вояга етмаган фарзандларини ҳам киритиш ҳамда уларга давлат ҳисобидан юридик ёрдам кўрсатиладиган ишлар белгиланмоқда.

🗯Тазйиқ ва зўравонликдан жабрланувчиларни махсус марказларга жойлаштириш муддатини олти ойгача (амалда 30 кунгача, шунингдек махсус марказларнинг уставида белгиланган тартибда узайтирилиши мумкин) этиб белгилаш таклиф этилмоқда.

🌐Telegram || 👥Facebook

‼️ИЖТИМОИЙ ҲИМОЯГА МУҲТОЖ АҲОЛИ УЧУН ҲОМИЙЛИК ҲАЙРИЯЛАРИГА СОЛИҚ СОЛИНМАСЛИГИ МУМКИН

🔺Янги таҳрирдаги Ўзбекистон Республикаси Конституциясида белгиланган аҳолининг ижтимоий жиҳатдан эҳтиёжманд тоифаларини қўллаб-қувватлаш кафолатлари қонун ҳужжатларида ўз аксини топмоқда.

Аҳолини ижтимоий ҳимоя қилиш ва эҳтиёжманд шахсларга ёрдам бериш тизими янада такомиллаштиришга қаратилган қонун лойиҳаси Қонунчилик палатаси мажлисида иккинчи ўқишда қабул қилинди.

🔺Лойиҳадаги асосий янгилик:
– ҳомий ташкилотлар томонидан Ижтимоий ҳимоя ягона реестри ёки Камбағал оилалар реестрига киритилган оилалар аъзоларига тўғридан-тўғри бериладиган пул маблағлари тарзидаги ҳомийлик хайрияларининг базавий ҳисоблаш миқдорининг юз бараваригача бўлган қисмига солиқ солинмайди.

– ногиронлиги бўлган шахслар, фахрийлар, хотин-қизлар ҳамда болалар жамоат бирлашмаларини давлат рўйхатидан ўтказишда ундириладиган давлат божининг белгиланган ставкаси 50 фоиз миқдорида ундирилади.

🎯Қонуннинг асосий мақсади нима?
Мазкур Қонун ижтимоий ҳимояга муҳтож аҳоли қатламининг турмуш даражаси яхшиланишига, уларга жамият ва давлат ҳаётида тўлақонли иштирок этиши учун зарур шарт-шароитлар яратишга ҳамда уларнинг асосий ҳаётий эҳтиёжларини мустақил равишда таъминлаш имкониятларини кенгайтиришга хизмат қилади.

🌐Telegram || 👥Facebook

‼️ИЖТИМОИЙ ҲИМОЯ ТИЗИМИ КАФОЛАТИ МУСТАҲКАМЛАНМОҚДА!

🗞 Ижтимоий ёрдам кўрсатишда қонун талабларига амал қилмаганлик учун маъмурий жавобгарлик белгилашни назарда тутувчи қонун лойиҳаси Қонунчилик палатасида иккинчи ўқишда қабул қилинди.

❔Қонун нима дейди?

💡Қонун лойиҳасига кўра, эндиликда ижтимоий хизмат ва ёрдамлар кўрсатиш соҳасида:
🟢арз қилувчидан мурожаат қабул қилишдан асоссиз бош тортганлик;
🟢мурожаатларни белгиланган муддатда кўриб чиқмаганлик;
🟢қонунчиликда кўзда тутилмаган ҳужжатларни талаб қилиш;
🟢ижтимоий ҳимояга муҳтож шахсларга тегишли имтиёз ва кафолатларни таъминламаслик;
🟢ижтимоий хизматлар кўрсатиш миллий стандартларига риоя этмаслик учун, —
мансабдор шахсларга БҲМнинг 3 дан 5 бараваригача миқдорда жарима белгиланади. Агар бу ҳолат такрорланса — БҲМнинг 5 дан 10 бараваригача жарима солинади.

❔Яна қандай ўзгаришлар киритилмоқда?

💡Ижтимоий инспекторларнинг фаолиятига тўсқинлик қилиш: – Ижтимоий ҳимоя миллий агентлиги ходимларининг қонуний талабларини бажармаганлик учун жавобгарлик белгиланади:
– фуқаролар учун — 3-5 БҲМ,
– мансабдорлар учун — 5-10 БҲМ,
– такрор содир этилган бўлса — 7-15 БҲМ.

💡Ногиронлиги бўлган шахслар ҳуқуқларини таъминлаш: – Шаҳарсозлик ҳужжатларида ногиронлиги бўлган шахсларга шарт-шароитлар яратиш қоидаларига амал қилмаслик, БҲМнинг 50-70 миқдорида жарима солинади.

💡Инспекцияларнинг ваколати кенгаймоқда: – Ижтимоий ҳимоя миллий агентлиги ҳузуридаги Ижтимоий инспекция органларига маъмурий ишлар юзасидан қарор чиқариш ва жарима қўллаш ҳуқуқи берилади.

💡Лицензиялар учун янги талаб: – Таълим, тиббиёт, банк ва фармацевтика соҳаларида лицензия олиш учун, эндиликда объектда ногиронлар учун қулайликлар яратилганлиги ҳақида хулоса талаб қилинади.

🌐Telegram || 👥Facebook

‼️ АҲОЛИНИ ИЖТИМОИЙ ҲИМОЯ ҚИЛИШ ТИЗИМИ ТАКОМИЛЛАШТИРИЛМОҚДА

Қонунчилик палатаси томонидан иккинчи ўқишда қабул қилинган қонун лойиҳаси аҳолига кўрсатиладиган ижтимоий ёрдам ва хизматларнинг манзилли йўналтирилишини ҳамда самарадорлигини ошириш мақсадида бир қатор янги нормаларни жорий этмоқда.

↗️ Асосий янгиликлар:
🟢нотариал ҳаракатлар ҳақидаги маълумотлар, шу жумладан қимматли қоғозлар, кўчмас мулк, автомототранспорт воситаларининг олди-сотди, ҳадя, ижара, гаров шартномалари тўғрисидаги, мерос ва ҳадя тартибида фуқаролар мулкига ўтаётган мол-мулкнинг қиймати ҳақидаги маълумотлар ижтимоий ҳимоя органларига тақдим этилади;

🟢ижтимоий карта расмийлаштириш учун аризадаги имзоларни нотариал шаҳодатлаш талаб этилмайди, бу имзолар фуқароларнинг кредит ахбороти, қимматли қоғозлар бозоридаги махфий ахборот ва банк сирини ташкил этувчи маълумотларини олишга розилик ҳисобланади;

🟢ижтимоий ҳимоя органлари аризачи ва унинг оила аъзоларига доир банк сирини ташкил этувчи маълумотларни, агар бу маълумотлар вазифаларини бажариш учун зарур бўлса, олишга ва ишлов беришга ҳақлидир;

🟢кредит ахбороти субъектининг ва унинг оила аъзоларининг (ота-онаси, эри, хотини, ўз оиласига эга бўлмаган 18 ёшли ва ундан катта ёшли фарзандлари) тўловга қобилиятлилигини аниқлаш учун ижтимоий ҳимоя органларига кредит ахбороти тақдим этилади;

🟢ижтимоий ҳимоя органларига наркологик касалликларга чалинган шахслар тўғрисидаги маълумотлар тақдим этилиши белгиланмоқда.

⚡️Шунингдек, депутатлар ташаббуси билан шахс ҳақида маълумотлар фуқаро ёки унинг қонуний вакилининг ижтимоий ёрдам ёки хизмат кўрсатишни сўраб ёзган аризаси асосидагина берилиши мумкинлиги белгиланди. Яъни, агентлик исталган фуқаро ҳақидаги маълумотларни эмас, балки унга мурожаат қилган фуқаро ҳақида маълумотларни олиши мумкин.

Ушбу қонуннинг қабул қилиниши натижасида аҳолига кўрсатиладиган ижтимоий ёрдам ва хизматларнинг манзиллилиги ошади, давлат бюджетидан ажратилган маблағларнинг мақсадли сарфланиши таъминланади, ижтимоий ҳимоя чораларини белгилашнинг шаффофлиги кучаяди, ҳақиқатан ёрдамга муҳтож бўлган фуқароларни аниқлаш механизмлари такомиллашади.

🌐Telegram || 👥Facebook

‼️ЖИНОЯТ ПРОЦЕССИДА МАЖБУРЛОВ ЧОРАЛАРИ ИНСТИТУТИ ТАКОМИЛЛАШТИРИЛМОҚДА

🔺Қонунчилик палатасининг мажлисида суд-ҳуқуқ соҳасини янада демократлаштиришга ва фуқароларнинг конституциявий ҳуқуқларини рўёбга чиқаришга қаратилган қонун лойиҳаси иккинчи ва учинчи ўқишда қабул қилиниб, Сенатга юборилди.

❔ Қандай ўзгаришлар назарда тутилмоқда?

✅Қонун лойиҳаси билан жиноят процессида прокурор, судья, тергов судьяси, суриштирувчи ва терговчининг ваколатларига Ўзбекистон Республикасидан чиқиш ҳуқуқини вақтинча чеклаш билан боғлиқ ваколатларни киритиш назарда тутилмоқда.

✅Шунингдек, лойиҳада жиноят ишлари бўйича туман, шаҳар суди паспортнинг (ҳаракатланиш ҳужжатининг) амал қилишини тўхтатиб туриш ҳақидаги, Ўзбекистон Республикасидан чиқиш ҳуқуқини вақтинча чеклаб қўйиш тўғрисидаги ишларни кўриб чиқиши белгиланмоқда.

✅Бундан ташқари, қонун лойиҳасида Жиноят-процессуал кодексига мазкур ваколатларга оид қўшимча боб киритиш кўзда тутилган. Хусусан, “Ўзбекистон Республикасидан чиқиш ҳуқуқини вақтинчалик чеклаш” деб номланган бешта моддадан иборат янги боб киритилмоқда.

✅Ушбу моддаларнинг мазмунида Ўзбекистон Республикасидан чиқиш ҳуқуқини вақтинча чеклаш чорасининг мақсади ва асослари, Ўзбекистон Республикасидан чиқиш ҳуқуқини вақтинча чеклаш тўғрисида илтимоснома қўзғатиш, илтимосномани кўриб чиқиш, суд ажрими ва ушбу чоранинг бекор қилиш тартиби назарда тутилган.

✅Лойиҳага кўра, Ўзбекистон Республикасидан чиқиш ҳуқуқини вақтинча чеклаш жиноят иши суриштирув ва дастлабки тергов босқичида тугатилганда, судда эса жиноят ишини тугатиш ҳақида ажрим чиқарилганда ёки ҳукм қонуний кучга кирганда бекор қилинади.

Ушбу қонун лойиҳаси шахснинг конституциявий ҳуқуқ ва эркинликлари суд орқали ҳимоя қилинишини таъминлашга, унинг қонуний манфаатларига зиён етказилишининг олдини олишга хизмат қилади.

🌐Telegram || 👥Facebook

‼️ СОЛИҚ СОҲАСИДАГИ ҲУҚУҚБУЗАРЛИКЛАРНИНГ ОЛДИ ОЛИНАДИ

🔺Қонунчилик палатасининг мажлисида солиқ соҳасидаги ҳуқуқбузарликларнинг олдини олишга қаратилган қонун лойиҳаси иккинчи ва учинчи ўқишда қабул қилиниб, Сенатга юборилди.

❔Қандай ўзгаришлар назарда тутилмоқда?

▶️Солиқ ёки йиғимларни тўлашдан бўйин товлаган шахсларга нисбатан жазо чоралари қатъийлаштирилади.

▶️Хусусан, фойда (даромад) ёки солиқ солинадиган бошқа объектларни қасддан яширишни, камайтириб кўрсатишни, шунингдек давлат томонидан белгиланган солиқларни ёки йиғимларни тўлашдан қасддан бўйин товлашни анча миқдорда содир этиш, шундай қилмиш учун маъмурий жазо қўлланилганидан кейин рўй берган бўлса, – базавий ҳисоблаш миқдорининг 100 бараваридан 150 бараваригача миқдорда жарима ёки икки йилгача ахлоқ тузатиш ишлари ёхуд бир йилдан уч йилгача озодликни чеклаш ёки бир йилдан уч йилгача озодликдан маҳрум қилиш билан жазоланади.

▶️Лойиҳада солиқлар ёки йиғимларни тўлашдан бўйин товлашнинг анча миқдори базавий ҳисоблаш миқдорининг 10 бараваридан 600 бараваригача, кўп миқдори – базавий ҳисоблаш миқдорининг 600 бараваридан 1000 бараваригача, жуда кўп миқдори – базавий ҳисоблаш миқдорининг 1000 баравари ва ундан ортиқни ташкил этиши назарда тутилмоқда.

▶️Шунингдек, Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ёки Ўзбекистон Республикаси Савдо-саноат палатаси томонидан тайинланган вакил тадбиркорлик субъектининг фаолияти билан боғлиқ жиноят ишида суриштирув, дастлабки тергов ёки суд жараёнида тадбиркорлик субъектининг талабига кўра жамоат ҳимоячиси сифатида иштирок этиши мумкин.

▶️Мазкур қонун лойиҳасида, суриштирувчи, терговчи ёки суд тадбиркорлик субъектини унинг фаолияти билан боғлиқ жиноят ишида айбланувчи тариқасида иштирок этишга жалб қилган тақдирда, тадбиркорлик субъекти тўғрисида унинг жамоат ҳимоячиси сифатида вакилига маълум қилиши шартлиги белгиланмоқда.

🌐Telegram || 👥Facebook

‼️ КУН ТАРТИБИДА — ТАЪЛИМ ВА ИНВЕСТИЦИЯ МАСАЛАЛАРИ

↗️ Куни кеча Президентимиз мактаб таълими сифатини ошириш ҳамда педагоглар тайёрлаш тизимини такомиллаштиришга оид тақдимот билан танишди.

✅Унда ўқитувчилар билим ва малакасини, илмий салоҳиятини ошириш борасидаги мавжуд камчиликлар қайд этилиб, Тошкент давлат педагогика университетини трансформация қилиш орқали келажак педагоглари лойиҳасини амалга ошириш, “Янги Ўзбекистон” университетида муҳандислик, рақамли технологиялар, сунъий интеллект, тиббиёт каби замонавий соҳаларда мутахассислар тайёрлашни ривожлантириш, янги лабораториялар очиш, ҳудудларда янги замонавий мактабларни бунёд этиш билан боғлиқ режалар тақдимот қилинди.

✅Таъкидланишича, мактаб ёшидаги болаларнинг 80 фоизи интернет ва ижтимоий тармоқларда фаол. Уларни зарарли ахборотлардан ҳимоя қилиш бўйича муайян ишлар олиб борилаяпти. Шундан келиб чиқиб, болаларга хавфсиз ахборот муҳитини яратиш, миллий контентларни кўпайтириш, ижодкорларни қўллаб-қувватлаш бўйича кўрсатмалар берилди.

📈 Шу куннинг ўзида Президент инвестиция соҳасида жорий йил биринчи чоракда амалга оширилган ишлар ҳамда навбатдаги асосий вазифалар бўйича ахборот билан ҳам танишди.

✅Давлатимизнинг фаол ташқи сиёсати ва қулай ишбилармонлик муҳити натижасида инвестициялар ҳажми изчил ўсиб бормоқда. Буни хорижий инвестицияларнинг ўтган йилнинг шу даврига нисбатан қарийб 20 фоизга кўп ўзлаштирилгани мисолида ҳам кўришимиз мумкин.

✅Ахборотда айтилганидек, 2025 йилда 42 миллиард доллар хорижий инвестиция жалб этилиши, 81 та йирик, 8 мингдан ортиқ ўрта ва кичик лойиҳалар амалга оширилиши кўзда тутилган.

✅Президент мутасаддиларга ҳар бир лойиҳа бўйича манзилли ишлаб, барча вазирлик, ҳокимлик ва тармоқ раҳбарларини жалб қилиб, тегишли масалаларни ўз вақтида ҳал этиб бориш юзасидан кўрсатмалар берди.

✅Бунда, дунёда юз бераётган иқтисодий тебранишлар шароитида ҳар бир инвестор билан яқиндан ишлаш, хорижий сармоялар самарадорлигини ошириш ва энг асосийси – янги инвестиция лойиҳаларини тезроқ ишга тушириш ҳамда юқори даромадли иш ўринларини яратиш муҳимлиги таъкидланди.

🌐Telegram || 👥Facebook

#янгилик

↗️ ДУНЁДА ИЛК БОР СУНЪИЙ ИНТЕЛЛЕКТ ҚОНУН ЁЗАДИ

❗️Шиддат билан ривожланаётган сунъий интеллект (AI) технологиялари нафақат саноат ёки тиббиётда, балки қонунчилик соҳасида ҳам янги бурилиш ясамоқда. Биринчи марта дунёда – Бирлашган Араб Амирликлари қонунлар яратиш ва таҳрир қилиш жараёнини сунъий интеллект ёрдамида амалга оширишни режалаштирмоқда.

📱 Янги “Regulatory Intelligence Office” номли махсус давлат идораси ташкил этилади. Ушбу идора қонунларни AI ёрдамида таҳлил қилиш, янгилаш ва таклифлар тайёрлаш билан шуғулланади. Янги “AI” тизими орқали БАА:
▶️Қонун яратиш жараёнини 70% тезлаштирмоқчи;
▶️Қонунларнинг аҳоли ва иқтисодиётга қандай таъсир кўрсатишини таҳлил қилиш имконини яратмоқчи;
▶️AI қонунларга ўзгартишлар таклиф қилиш имкониятидан кенг фойдаланмоқчи.

📱Суд ҳукмлари, ҳукумат хизматлари, иқтисодий кўрсаткичлар каби маълумотлар асосида AI амалдаги қонунларнинг самарадорлиги ва таъсирини таҳлил қилади.

📱 "Сунъий интеллект билан таъминланган ушбу янги қонунчилик тизими қонунларни қандай яратишимизни ўзгартириб, жараённи тезроқ ва аниқроқ қилади", деган Дубай ҳукмдори ва БАА вице-президенти Шайх Муҳаммад бин Рашид Ал Мактум.

📈 Бу синов жаҳондаги энг илғор ташаббуслардан бири бўлиб, БАА томонидан AIга йирик сармоя киритилганини яна бир бор намоён этмоқда.

💵 Абу-Даби сунъий интеллектга катта устуворлик бермоқда. Ўтган йили у махсус инвестиция тузилмасини ташкил қилди. Бу орқали қатор йирик лойиҳалар қаторида, BlackRock’нинг 30 миллиард долларлик сунъий интеллект инфратузилмаси фондини ҳам қўллаб-қувватлади.

⁉️ Шунга қарамай, халқаро мутахассислар бу технологиянинг ишончлилиги, холислиги ва инсон манфаатларини ҳисобга олиш қобилияти борасида хавотир билдиришмоқда. Шу сабабли инсон назорати ва қатъий назорат механизмлари зарурлиги таъкидланмоқда.

🌐Telegram || 👥Facebook

#ялпи_мажлис #кун_тартиби

‼️Қонунчилик палатасининг навбатдаги мажлисини ўтказишга тайёргарлик кўрилмоқда. Кун тартибига қуйидаги масалалар киритилиши мўлжалланмоқда. Хусусан:

🗞«Солиқ ва тадбиркорлик соҳасидаги ҳуқуқий муносабатларни такомиллаштиришга қаратилган ўзгартириш ва қўшимчалар киритиш тўғрисида»ги қонун лойиҳаси ҳақида;

🗞«Лицензиялаш, рухсат бериш ва хабардор қилиш тартиб-таомиллари янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида» қонун лойиҳаси ҳақида;

🗞«Жиноят процессида мажбурлов чоралари институти такомиллаштирилаётганлиги муносабати билан қўшимча ва ўзгартиришлар киритиш тўғрисида»ги қонун лойиҳаси ҳақида;

🗞«Аҳолини ижтимоий ҳимоя қилиш тизими такомиллаштирилиши муносабати билан қўшимча ва ўзгартиришлар киритиш тўғрисида»ги қонун лойиҳаси ҳақида;

🗞«Ижтимоий хизмат ва ёрдамлар кўрсатиш тизими янада такомиллаштирилиши муносабати билан қўшимча ва ўзгартиришлар киритиш тўғрисида»ги қонун лойиҳаси ҳақида;

🗞«Тазйиқ ва зўравонликдан жабрланган шахсларга ижтимоий хизматлар кўрсатиш тизими янада такомиллаштирилиши муносабати билан ўзгартириш ва қўшимчалар киритиш тўғрисида»ги қонун лойиҳаси;

🗞«Аҳолини ижтимоий ҳимоя қилиш ҳамда эҳтиёжманд шахсларга ижтимоий ёрдам бериш тизими янада такомиллаштирилиши муносабати билан ўзгартириш ва қўшимчалар киритиш тўғрисида»ги қонун лойиҳаси ҳақида;

🗞«Ногиронлиги бўлган шахсларнинг ҳуқуқлари тўғрисида»ги Ўзбекистон Республикаси Қонунига ўзгартиришлар киритиш ҳақида»ги қонун лойиҳаси тўғрисида;

🗞«Агросаноат соҳасида янги бозор механизмлари жорий этилганлиги муносабати билан «Давлат божи тўғрисида»ги Қонунга қўшимча ва ўзгартиришлар киритиш ҳақида»ги қонуни лойиҳаси тўғрисида;

🗞«Риелторлик фаолияти тўғрисида»ги қонун лойиҳаси ҳақида;

🗞«Божхона кодексига ўзгартириш ва қўшимчалар киритиш тўғрисида»ги қонун лойиҳаси ҳақида.

⚡️Қонунчилик палатасининг навбатдаги мажлиси бугун соат 11:00 да бўлиб ўтади. Мажлис Қонунчилик палатасининг расмий веб-сайти ҳамда “You tube”даги канали орқали тўғридан-тўғри эфирга узатилади.

🌐Telegram || 👥Facebook

❗️КОРРУПЦИЯГА ҚАРШИ КУРАШИШ ТИЗИМИ ЯНАДА ТАКОМИЛЛАШТИРИЛАДИ

“Коррупцияга қарши курашиш тизимини янада такомиллаштириш бўйича белгиланган устувор вазифалар ижросини самарали ташкил этишга доир чора-тадбирлар тўғрисида”ги Президент Фармони (ПФ-71-сон, 21.04.2025 й.) қабул қилинди.

🗞 Фармонга кўра, Коррупцияга қарши курашиш бўйича миллий кенгашнинг 2025 йил 5 мартда ўтказилган кенгайтирилган йиғилишида белгиланган топшириқлар ижросини таъминлаш бўйича ишлаб чиқиладиган норматив-ҳуқуқий ҳужжатлар рўйхати ва амалий чора-тадбирлар дастури тасдиқланди.

↗️ Коррупция ва жиноятчиликка қарши курашишда парламентнинг ролини тубдан ошириш мақсадида Олий Мажлис палаталарига қуйидагилар тавсия этилди:

🟢ҳар йили бюджетдан энг кўп маблағ оладиган учта вазирлик ва идорада коррупциявий омилларни аниқлаб, уларни бартараф этиш бўйича таклифлар киритиш;

🟢 вазир ва ҳокимлар лавозимига номзодлар тегишлича Олий Мажлис Қонунчилик палатаси ва халқ депутатлари кенгашларида кўриб чиқилаётганда улар томонидан коррупциянинг олдини олиш бўйича аниқ режа ҳимоя қилинишига оид тартибни қонун ҳужжатларида белгилаш;

🟢 халқаро тажрибани ўрганиб, кибермаконда коррупцияга қарши самарали курашиш бўйича мустаҳкам ҳуқуқий база яратиш юзасидан таклифларни ишлаб чиқиш;

🟢 ишчи гуруҳ тузиб “жиноятчиликка қарши курашиш ҳафталиги”да ҳар ойнинг 1–5 саналарида “қизил” тоифадаги маҳаллаларда жиноятларнинг келиб чиқиш сабабларини чуқур таҳлил қилиш;

🟢ҳудудий прокурорлар ва ички ишлар органлари бошлиқлари фаолияти самарадорлигини ошириш бўйича тавсиялар бериш ҳамда халқчил ташаббуслар асосида қонунларни такомиллаштириш бўйича таклифлар ишлаб чиқиш.

🌐Telegram || 👥Facebook

🌎"ҲАЁТНИНГ U-ШАКЛИ": НЕГА ЁШ ЎТГАН САЙИН ИНСОН ЎЗИНИ БАХТЛИРОҚ ҲИС ҚИЛАДИ?

♻️ Аксарият одамлар кексаликни мушкул жараён деб билишади: соғлиқнинг ёмонлашиши, хотиранинг пасайиши ва жамиятдаги эътиборнинг камайиши... Лекин илмий тадқиқотлар бошқачароқ ҳақиқатни очмоқда — инсон ҳаёти U-шаклидаги ҳис-туйғулар даврини бошдан кечиради.

❗️ Ёшликда одамлар кўпинча хурсанд бўлади, аммо кейин 40-50 ёшлар атрофида эмоционал танглик (машҳур "мидлайф кризис") юз беради. Ҳайратланарлиси шундаки, шу тангликдан кейин инсон бахтлироқ бўла бошлайди!

📊Бу ҳодиса 70 дан ортиқ мамлакатда кузатилган ва барча ижтимоий омиллар (бойлик, иш, фарзандлар) ҳисобга олинганда ҳам "бахт U-бўйлама" сақланиб қолади.

Нима учун бу шундай?

✅ Катталар кўпроқ руҳий барқарорликка эга — улар камрoқ жанжал қилади, муаммоларга енгил ёндашади, кўпроқ кечиришни билишади.
✅ Қарилик — реал мақсадларга эътибор қаратишни ўргатади. Улар энди узоқ муддатли орзулар эмас, балки ҳозирги дамдан завқ олишни билишади.
✅ Қабул қилиш қобилияти ортиб боради. Энди кўпчилик ўзининг ким эканини, нималарга қодирлигини тан олади ва шунга яраша яшайди.

⚡️ Бу психологик енгиллик нафақат ҳис-туйғулар, балки соғлиқ ва иш унумдорлигига ҳам ижобий таъсир кўрсатади.

📌 Демак, ёш ўтиши билан ҳаёт таназзул эмас, балки янги турдаги руҳий фаровонликка қадамдир.

#Психология #Бахт #Карилик #Ривожланиш #ИлмийФикр #Ўзгариш

🌐Telegram || 👥Facebook

↗️ КАСБИЙ ТАЪЛИМНИ РИВОЖЛАНТИРИШ ЖАМҒАРМАСИНИНГ ФАОЛИЯТИ ТАРТИБГА СОЛИНДИ

Ҳукумат қарори (245-сон, 19.04.2025 й.) билан “Ўзбекистон Республикаси Олий таълим, фан ва инновациялар вазирлиги ҳузуридаги Касбий таълимни ривожлантириш жамғармаси тўғрисида”ги низом тасдиқланди.

🗞Низом Олий таълим, фан ва инновациялар вазирлиги ҳузуридаги Касбий таълимни ривожлантириш жамғармаси маблағларини шакллантириш ва улардан фойдаланиш, Жамғарма фаолиятини бошқариш, унинг маблағларини тақсимлаш, ҳисоби ва ҳисоботини юритиш тартибини белгилайди.

📍Жамғарма маблағлари қуйидаги мақсадларга йўналтирилади, жумладан:
🟢касбий таълим ташкилотларининг ўқув-методик таъминотини мустаҳкамлаш, ўқув адабиётларини яратиш, чоп этиш ва уларнинг китоб фондини тўлдириш;
🟢“Касбий таълим” платформасини ишлаб чиқиш ва унинг лозим даражада ишлашини таъминлаш;
🟢педагог кадрлар ёки ўқувчилар ўртасида ўтказиладиган республика танловлари ғолибларини тақдирлаш ва рағбатлантириш.

⚡️ Жамғарма фаолиятини бошқариш ва унинг маблағларини тақсимлаш учун Кенгаш ташкил этилади.

▶️Жамғарманинг даромадлар ва харажатлар сметаси ҳамда унинг ижроси тўғрисидаги ҳисоботлар, шунингдек, товарларни харид қилиш бўйича тузилган шартномалар рўйхатлари Вазирликнинг расмий веб-сайтида эълон қилинади.

🌐Telegram || 👥Facebook

💵 ДОЛЛАР ИНҚИРОЗИ ҚАНДАЙ БОШЛАНАДИ?

🇺🇸 АҚШ доллари узоқ вақт давомида хавфсиз валюта рамзи ҳисобланган эди. Аммо бугунги кунда у хавотир манбаи бўлмоқда. 2025 йил бошидан буён доллар 9% арзонлашди, айниқса сўнгги ҳафталарда инвесторлар АҚШ активларини оммавий сотишни бошлади.

↘️Бу — жиддий хавф аломати. Инвесторлар юқори даромадга қарамай, АҚШдан қочаётган бўлса, демак Америкага бўлган ишонч сўнмоқда. Сабаби — Оқ уйнинг беқарор сиёсати.

📉 Трампнинг тариф урушлари глобал таъминот занжирларини бузмоқда, нархларни кўтармоқда ва истеъмолчиларни жазоламоқда. Бунга қўшимча, АҚШ бюджети аллақачон 100% ЯИМ даражасида қарзга ботган, аммо Конгресс яна 5.8 трлн доллар қўшимча қарз олишни режалаштирмоқда.

📊 Бу молиявий барқарорликка ишончни издан чиқармоқда. Агар хорижий сармоядорлар — 8.5 трлн долларлик АҚШ қарзини сотишни бошласа, бозорда жиддий портлаш содир бўлиши мумкин. АҚШ ўзининг 9 трлн доллар қарзини яқин йил ичида қайта молиялаштириши керак — ва агар талаб камайса, фоиз ставкалари кескин ошади.

❔ АҚШ Федерал захираси оғриқли танлов олдида қолади: ёки бозорни барқарорлаш учун активларни сотиб олади, ёки инфляция хавфи остидан четда туришни танлайди. Иккиси ҳам иқтисод учун жиддий таъсирларга эга.

🌎 Доллар ўрнини босадиган валюта йўқ — евро, йен ва криптовалюталар унга тенг кела олмайди. Агар долларга бўлган ишонч сўнса, глобал молиявий тизимда беқарорлик ва бўҳронлар келиб чиқиши мумкин.

#Доллар #АҚШ #ИқтисодийИнқироз #МолиявийБозор #ГлобалМолия #Таҳлил

🌐Telegram || 👥Facebook

‼️ ГЛОБАЛ ИҚТИСОДИЙ ИШОНЧ ПАСАЙМОҚДА

▶️Глобал иқтисодий ишонч сезиларли даражада пасайган, чунки АҚШнинг савдо тарифи зарбалари молиявий бозорларга таъсир қилмоқда ва иқтисодий ўсишга салбий таъсир кўрсатмоқда. Brookings-FT Tiger индекси маълумотларига кўра, ишонч кўрсаткичлари кескин пасайган ва молиявий бозорлар ёмонлашган. Бу эса, йил бошида иқтисодий кўрсаткичлар нисбатан яхши бўлгани билан кескин қарама-қаршиликни кўрсатмоқда.

▶️Халқаро Валюта Жамғармасининг (ХВЖ) бошқарувчиси Кристалина Георгиева савдо сиёсати ноаниқлиги ва молиявий бозорларнинг ўзгариши туфайли жаҳон иқтисодий ўсишини пасайиши ҳақида огоҳлантирди. АҚШда ишонч паст даражага тушган, Хитой ва Германияда ҳам вазият ўхшаш. Тарифлар таъсиридан сўнг, кўплаб иқтисодчилар ўсиш прогнозларини пасайтиришди.

▶️АҚШнинг савдо сиёсати билан боғлиқ ноаниқликлар ва тарифлар иқтисодий фаолликни сусайтириши мумкин. Бироқ, истеъмолчи ишончи ва бизнес инвестициялари камайиб бораётгани, иқтисодиётнинг келажаги учун хавф туғдиради.

▶️ХВЖнинг янгиланган ўсиш прогнозлари яқинда эълон қилиниши кутилмоқда, ва бу иқтисодчилар томонидан юқори даражадаги ноаниқлик ва бозорлардаги зарбаларга қарши курашиш талабларини кўрсатмоқда.

▶️Бу ҳафта Вашингтонда бўлиб ўтадиган ХВЖ ва Жаҳон Банки йиғилишлари жаҳон иқтисодиётининг келажаги ҳақида муҳим қарорлар қабул қилинишига олиб келиши мумкин.

#Иқтисодиёт #СавдоИнқирози #ИМФ #МолиявийБозорлар #Тарифлар #ЎсишПрогнози #СавдоСиёсати #ГлобалИқтисодиёт #ЖаҳонБанки #АҚШ

🌐Telegram || 👥Facebook

🇨🇳🇪🇺 ХИТОЙГА ЎРГАТГАН ЕВРОПА ЭНДИ ЎЗИ ХИТОЙДАН ЎРГАНМОҚДА

🗓Сўнгги йигирма йил ичида жаҳон автоиндустриясида катта бурилиш юз берди. Илгарилари хитойлик муҳандислар фақат европалик ҳамкорларидан кўчириб, уларнинг моделларига тақлид қиларди. Бугун эса айнан Хитой — айниқса электромобил технологиялари, батареялар ва интеллектуал дастурий таъминот соҳасида — етакчига айланган.

⚡️Европанинг энг йирик автоконцернлари — Volkswagen, Mercedes-Benz, Stellantis ва BMW — ҳозирда Хитой компаниялари билан ҳамкорлик қилишга мажбур. Сабаби: агар улар замонавий авто ишлаб чиқариш бўйича ортда қолишни истамасалар, хитойликлар билан бирга илғор технологиялар устида ишлашлари шарт.

🇪🇺 Европа Иттифоқи ҳам бу жараённи расмийлаштириш ниятида. Янги саноат сиёсати режасига кўра, Хитой автокомпаниялари Европа бозорига кириш учун ўз технологияларини ўртоқлашиши ёки қўшма корхоналар очиши керак бўлади.

♻️Бу ўзгаришлар 40 йиллик тарихий тамойилларни тўлалигича ўзгартирмоқда. Илгари Хитой ўз бозорига кириш имконияти орқали чет эл технологияларини жалб қилган бўлса, ҳозир Европа ўзи ана шу усулни қўлламоқда.

↗️ Хитой электромобиллар соҳасида жаҳон лидерига айланди. Бунда давлат томонидан катта маблағ ва стратегия орқали қўллаб-қувватлаш муҳим роль ўйнади. 2009-2023 йиллар оралиғида фақат расмий субсидиялар $230 миллиарддан ошиб кетди.

↗️ Европа автоконцернлари дастурий таъминот ва автоном ҳайдов тизимлари соҳасида сезиларли ортда қолмоқда. Хитойнинг BYD, Xpeng, Nio каби компаниялари нафақат сифатли, балки арзон электромобиллар ишлаб чиқармоқда.

💬 “Биз ўзимизни ортиқча баҳоладик, уларни эса камситдик”, — дейди Einride компанияси раҳбари Роберт Фалк. “Энди ҳақиқатга кўз очиш вақти келди.”

🤝 Европа ва Хитой ўртасидаги ҳамкорлик — ҳар икки томон учун зарур: Хитойга янги бозорлар керак, Европага эса рақобатбардошликни тиклаш учун технология.

#Автосаноат #Европа #Хитой #Электромобиллар #ИлғорТехнологиялар #Тадбиркорлик #Автоиндустрия

🌐Telegram || 👥Facebook

‼️Яна бир тарихий ғалаба

Ўсмирлар ўртасидаги Осиё кубогида 17 ёшли футболчиларимиз чемпион бўлишди.

Енг қизиқ томони шундаки, йигитларимиз 2 та қизил карточкадан кейин 9 киши бўлиб майдонда тўп суришди. Натижа, мезбон Саудия Арабистон устидан 2:0 ҳисобида устун келдик.

Албатта, бу ғалаба ортида шубҳасиз улкан меҳнат, руҳий ва жисмоний тайёргарлик туриши билан бирга, бугунги кун Ўзбекистон спортига бўлаётган еътибор ва унинг қўллаб-қувватланиши ҳам муҳим омиллардан биридир. Президетимиз табири билан айтганда бугунги ўзбек футболида “ўзбек жайдари” болалари тўп сурмоқда.

Яна бир бор ғалаба муборак. Ушбу ютуқ нафақат футбол жамоамизнинг, балки, бутун ўзбек халқининг ютуғидир. Барака топинглар, йигитлар. Ота-онангизга раҳмат!

🌐Telegram || 👥Facebook

🇺🇿 ЎЗБЕКИСТОН ҲАРБИЙЛАРИ ХАЛҚАРО МУСОБАҚАДА РЕКОРД НАТИЖА БИЛАН ҒОЛИБ БЎЛИШДИ

⚡️ Ўзбекистон Республикаси Мудофаа вазирлиги терма жамоаси Покистон Ислом Республикаси ҳудудида ўтказилган VIII Халқаро “Жамоа руҳи” мусобақасида иштирок этди.

🌐Telegram || 👥Facebook

❗️ СОЛИҚ МАЪМУРЧИЛИГИДА ЕНГИЛЛИКЛАР БЕРИЛАДИ

🗞Фармонга кўра, 2025 йил 1 октябрдан Ўзбекистон ҳудудига олиб кириладиган хушбўйлаштирувчи ёки ранг берувчи қўшимчаларсиз оқ шакарга нисбатан акциз солиғи бекор қилинади.

🗓20 ва ундан ортиқ ишчиси мавжуд бўлган юридик шахсларга мол-мулк ва ер солиқлари ҳамда ижара тўловлари бўйича ҳисобланган солиқ суммаларини 2025 йил 15 июлда ва 1 декабрда бўлиб-бўлиб тўланишига рухсат берилади.

▶️Шунингдек, Президент Фармонига мувофиқ, умумий овқатланиш хизматларини кўрсатувчи тадбиркорларга тўланган ҚҚСнинг бир қисмини қайтаришда ушбу фаолиятдан олинган даромад товарларни (хизматларни) реализация қилишдан олинган жами даромаднинг камида 80 фоизини ташкил этиши зарурлиги белгиланди.

▶️Бундан ташқари, саноат корхоналарининг автоматик мониторинг станцияси, чанг-газ тозалаш ускунаси, локал сув тозалаш иншооти ва стационар кузатув пости билан жиҳозлаш мажбурияти муддати қуйидагича узайтирилди:
🗓I тоифадаги корхоналар учун – 2026 йил 1 январгача;
🗓II тоифадаги корхоналар учун – 2026 йил 1 июлгача.

🗓2025 йил 1 июндан хорижий давлатлар фуқаролари ва фуқаролиги бўлмаган шахсларга 200 минг АҚШ доллари ҳамда уларнинг ҳар бир оила аъзосига (турмуш ўртоғи, фарзанди ва ота-онаси) 100 минг АҚШ доллари миқдоридаги тўловлар эвазига Ўзбекистонда яшаш гувоҳномаси 5 йил муддатга соддалаштирилган тартибда берилади.

🌐Telegram || 👥Facebook

❗️АЙРИМ ТАРТИБ-ТАОМИЛЛАРГА МАЖБУРИЙ АМАЛ ҚИЛИШ 2025 ЙИЛ ЯКУНИГАЧА ТАЛАБ ҚИЛИНМАЙДИ

🗞Фармонга кўра, озиқ-овқат маҳсулотлари хавфсизлиги назорати бўйича ваколатли орган вазифалари Cанитария-эпидемиологик осойишталик ва жамоат саломатлиги қўмитаси томонидан амалга оширилади. Бунда:

🗓2025 йил 1 августдан озиқ-овқат маҳсулотлари учун техник регламентлар ва стандартлар мажбурийлиги бекор қилинади ҳамда Қўмита томонидан ишлаб чиқилган санитария қоидалари, нормалари ва гигиена нормативлари дахлдор вазирлик ва идоралар билан келишилгандан сўнг тўғридан-тўғри амал қилади.

🗓Санитар, фитосанитар ва ветеринария назорати соҳасидаги қуйидаги тартиб-таомилларга мажбурий амал қилиш 2025 йил якунигача талаб қилинмайди, жумладан:

📍маҳаллий ва импорт озиқ-овқат маҳсулотлари учун санитария ва эпидемиология хизматларининг лабораториялари натижаларига асосан санитария-эпидемиологик хулоса олиш орқали сертификатлаш;

📍барча турдаги озиқ-овқат маҳсулотлари, шу жумладан, болалар овқатлари, терапевтик ва профилактик овқатланиш учун парҳез озиқ-овқат маҳсулотлари, озиқ-овқат қўшимчалари, биологик фаол озиқ-овқат қўшимчалари ва янги рецептлар ёки янги технология асосида яратилган озиқ-овқат маҳсулотлари учун барча техник ҳужжатларни Соғлиқни сақлаш вазирлиги билан келишиш ва тасдиқлаш;

📍ўсимлик маҳсулотлари, мато, ипак, чарм, ўйинчоқлар, спорт инвентари ва бошқалар учун ветеринария сертификатини олиш.

🌐Telegram || 👥Facebook

🌳УМУММИЛЛИЙ БИРДАМЛИК БОҒЛАРИНИ ТАШКИЛ ЭТИШ ЧОРА-ТАДБИРЛАРИ БЕЛГИЛАНДИ

“Умуммиллий бирдамлик боғларини ташкил этиш чора-тадбирлари тўғрисида”ги Ҳукумат қарори (235-сон, 17.04.2025 й.) қабул қилинди

🗓 Унга кўра, 2025–2030 йилларда умуммиллий бирдамлик боғларини ташкил этиш бўйича комплекс чора-тадбирлар дастури тасдиқланди.

🗓 2025 йил 15 майгача истироҳат боғларининг намунавий лойиҳаси ишлаб чиқилади ҳамда тасдиқланади.

📍 Намунавий лойиҳа ишлаб чиқиш ва уларни ташкил этишда қуйидагилар назарда тутилади, жумладан:

🔹боғларнинг 60 фоиз ҳудудида яшил майдон сифатида дарахт ва буталар экиш, пикник зоналар, ёш болалар учун махсус жиҳозланган қумлоқлар, очиқ осмон остидаги кичик кутубхоналар, тасвирий ва амалий санъат билан шуғулланиш ҳудудлари ҳамда ташриф буюрувчилар тинчлигини бузмайдиган бошқа элементлар орқали сокин ҳудудлар ташкил этиш;

🔹сокин ҳудудларни ташкил этишда дарахт ва буталарга зарар етказмаслик ва нобуд қилмаслик мақсадида жамоатчилик назоратини кучайтириш орқали қўриқланадиган чегараларни белгилаш ҳамда дарахтларни суғориш тизимини қайта кўриб чиқиш ва унинг самарали фаолиятини таъминлаш;

🔹велосипед йўлакчалари, болалар аттракционлари ва оилавий дам олиш учун бошқа объектларни ўз ичига олган оилавий маданий дам олиш майдонларини барпо этиш.

🌐Telegram || 👥Facebook

↗️ ИЧКИ БОЗОРДА РАҚОБАТ МУҲИТИ РИВОЖЛАНТИРИЛАДИ

“Ишлаб чиқариш, экспорт ва тадбиркорлик фаолиятини рағбатлантириш, савдо ва саноат сиёсати самарадорлигини ошириш чора-тадбирлари тўғрисида” Президент Фармони (ПФ-67-сон, 18.04.2025 й.) қабул қилинди.

🗞Фармонга кўра, ички бозорда рақобат муҳитини ривожлантириш соҳасида қуйидагилар белгиланди, жумладан:

🔺олиб кирилаётган товарларнинг божхона қийматини аниқлаш тартиби 1994 йилдаги Тарифлар ва савдо бўйича Генерал келишув (GATT) ва 1994 йилдаги мазкур келишувнинг VII-моддасини қўллаш тўғрисидаги Келишувда белгиланган умумий тамойил ва қоидаларга тўлиқ мувофиқ келтирилади;

🔺товарларнинг божхона қийматини аниқлашда имтиёзлар ёки махсус божхона расмийлаштируви тартиблари, жумладан, муайян аниқлаш усулларини қўллашга йўл қўйилмайди.

🖋 Шунингдек, хавф даражаси юқори бўлган маҳсулотларни мажбурий давлат рўйхатидан ўтказиш тартиби бекор қилиниб, уларга мувофиқлик тўғрисидаги декларация расмийлаштириш тартиби жорий этилади.

🗓2025 йил 1 майдан бошлаб мувофиқлик декларациясини сертификатлаштириш органларида рўйхатдан ўтказиш тартиби бекор қилинади ҳамда уларни шакллантириш ва ҳисобга олиш Техник тартибга солиш ахборот тизими (ТРИС) орқали амалга оширилади.

🌐Telegram || 👥Facebook

↗️ ИЧКИ БОЗОРДА РАҚОБАТ МУҲИТИ РИВОЖЛАНТИРИЛАДИ

“Ишлаб чиқариш, экспорт ва тадбиркорлик фаолиятини рағбатлантириш, савдо ва саноат сиёсати самарадорлигини ошириш чора-тадбирлари тўғрисида” Президент Фармони (ПФ-67-сон, 18.04.2025 й.) қабул қилинди.

🗞Фармонга кўра, ички бозорда рақобат муҳитини ривожлантириш соҳасида қуйидагилар белгиланди, жумладан:

🔺олиб кирилаётган товарларнинг божхона қийматини аниқлаш тартиби 1994 йилдаги Тарифлар ва савдо бўйича Генерал келишув (GATT) ва 1994 йилдаги мазкур келишувнинг VII-моддасини қўллаш тўғрисидаги Келишувда белгиланган умумий тамойил ва қоидаларга тўлиқ мувофиқ келтирилади;

🔺товарларнинг божхона қийматини аниқлашда имтиёзлар ёки махсус божхона расмийлаштируви тартиблари, жумладан, муайян аниқлаш усулларини қўллашга йўл қўйилмайди.

🖋 Шунингдек, хавф даражаси юқори бўлган маҳсулотларни мажбурий давлат рўйхатидан ўтказиш тартиби бекор қилиниб, уларга мувофиқлик тўғрисидаги декларация расмийлаштириш тартиби жорий этилади.

🗓2025 йил 1 майдан бошлаб мувофиқлик декларациясини сертификатлаштириш органларида рўйхатдан ўтказиш тартиби бекор қилинади ҳамда уларни шакллантириш ва ҳисобга олиш Техник тартибга солиш ахборот тизими (ТРИС) орқали амалга оширилади.

🌐Telegram || 👥Facebook

❗️Хоразмда меҳмонхона қуриш учун инвесторларга субсидия берилади

Ҳукумат қарори (233-сон, 17.04.2025 й.) билан “Хоразм вилоятида янги меҳмонхона қуриш ва уни жиҳозлаш учун инвесторларга Ўзбекистон Республикасининг Давлат бюджетидан субсидия ажратиш тартиби тўғрисида” ги Вақтинчалик Низом қабул қилинди.

🖋 Низом Хоразм вилоятида Президент қарорида белгиланган муддатларда (2025 йил 1 январдан 2026 йил 31 декабргача) инвесторлар томонидан янги меҳмонхона қуриш ва уни жиҳозлаш харажатларининг бир қисмини қоплаш мақсадида Давлат бюджетидан субсидия ажратиш тартибини белгилайди.

💵 Субсидия қуйидаги миқдорларда ажратилади:
🔹тоифасиз меҳмонхонадаги ҳар бир хона учун - 10 млн сўм;
🔹1 юлдузли тоифага эга меҳмонхонадаги ҳар бир хона учун - 15 млн сўм;
🔹2 юлдузли тоифага эга меҳмонхонадаги ҳар бир хона учун - 20 млн сўм.

❗️Бунда меҳмонхона камида 2 қаватдан иборат бўлиши лозим.

📍Меҳмонхона субсидия ажратилган даврдан бошлаб 5 йилдан кам бўлмаган муддатда фаолият юритиши, тоифали меҳмонхона бўлган тақдирда, камида 5 йил ушбу тоифани сақлаб қолиши лозим.

🌐Telegram || 👥Facebook

‼️ХАРАРИ: ТРАМПНИНГ "ҚАЛЪАЛАР ДУНЁСИ" БИЗНИ ҚАЕРГА ОЛИБ КЕТМОҚДА?

👮‍♂️ Таниқли тарихчи ва файласуф Ювал Ной Харари FT нашрида Дональд Трамп дунёқараши ҳақида мақола ёзди. Унга кўра, Трамп либерал халқаро тартибни издан чиқариб, уни фақат кучлилар ҳукмронлик қилувчи қалъалар мозаикасига айлантирмоқчи.

🎖 Либерал дунёқараш нима эди?
Либераллар дунёдаги мамлакатлар ўзаро ҳамкорлик орқали ҳамма учун манфаатли тизим яратиши мумкин, деб ишонишади. Улар инсонлар ўртасида умумий қадриятлар борлигини тан олади ва глобал муаммоларни (эпидемиялар, иқлим ўзгариши, технологиялар хавфи) биргаликда ҳал қилишга уринган.

🌍 Трампча дунё: Қалъалар, деворлар ва куч қонунлари
Харарига кўра, Трамп дунёга "нол фойда" ўйини сифатида қарайди. Унга кўра, ҳар бир битимда кимдир ютса, бошқаси ютқазади. Халқаро ташкилотлар, қонунлар ва битимлар фақат айримлар ютиши учун хизмат қилади, деб ҳисоблайди.

💭 Харарининг айтишича, Трамп идеали – ҳар бир давлат мустақил, деворлар билан ўралган қалъа бўлиши керак. Уларда бошқа давлатлар билан ҳамкорлик эмас, балки куч ва мустақиллик устувор. Бу қалъалар нафақат иқтисодий, балки ҳарбий, маданий ва сиёсий жиҳатдан ҳам ёпиқ бўлади.

⁉️ Муаммо қаерда?
Харари бу ғоянинг учта жиддий оқибатини таъкидлайди:

Кучлилар заифларни ютади – мутлақ мустақиллик ва деворлар ортида тинчлик бўлади, деган ваъда ёлғон. Амалда заиф давлатлар йирик қўшниларига ютқазади, империализм авж олади.

Қўрқув қуролланишни кучайтиради – ҳар бир қалъа кучли бўлиши керак, деган фикр қуролланиш пойгасига олиб келади. Бу иқтисодий ривожланишни пасайтиради ва хавфсизлик эмас, беқарорликни оширади.

Ким кучли – аниқ эмас – кучни бахолаш осон эмас. Хатоликлар урушларга олиб келади. АҚШнинг Вьетнамдаги мағлубияти, 1914 йилдаги Европа хатолари – бунга мисол.

▶️ Иқлим ўзгариши ва СИ (AI) – ечимсиз муаммолар
Харарининг фикрига кўра, Трамп дунёсида умумий ечимлар ва ҳамкорлик йўқ. Иқлим ўзгариши ва назоратсиз сунъий онг каби глобал хавфлар бу дунёқарашда инкор қилинади. Бу эса инсоният учун қайғули якунларга олиб келиши мумкин.

❔ Савол очиқ қолади:
Агар халқаро ҳуқуқ ва тартиб, умумий қадриятлар ва ташкилотлар йўқ бўлса, қалъалар бир-бири билан ихтилофларни қандай ҳал қилади?
Харарининг таъкидлашича, бу реал ғоя эмас, балки бизни ўтмишдаги ёввойилик, империализм ва урушлар даврига қайтарувчи хатарли концепция. XXI асрда глобал муаммоларга жавоб фақат бирдамлик ва ҳамкорликда, деворларда эмас.

🌐Telegram || 👥Facebook

↗️ СУНЪИЙ ИНТЕЛЛЕКТ (AI) ДАСТУРЛАШДА ИНҚИЛОБ ҚИЛМОҚДА

📱 Сунъий интеллект дастурлаш соҳасини тубдан ўзгартирмоқда. OpenAI, Google, Anthropic ва бошқа стартаплар янги AI моделларни ишга тушириб, дастурлашни автоматлаштириш бўйича рақобатга киришди.

🗓OpenAI бу ҳафта GPT-4.1, o3 ва o4-mini моделларини тақдим этди. Айниқса Codex CLI – дастурлаш бўйича топшириқларни бажара оладиган AI "агент" – бепул тақдим қилинди.

📈 Рақамлар:
▶️2023-йилда AI фақат 4.4% код масалаларини еча олган бўлса, 2024-йилда бу кўрсаткич 69.1% га етди!
▶️GitHub'нинг тадқиқотига кўра, АҚШдаги дастурчиларнинг 92% AI воситаларидан фойдаланмоқда.

💵 Стартаплар катта сармоя олмоқда:
▶️Reflection AI – $130 млн
▶️Anysphere (Cursor) – $105 млн, баҳоси $2.5 млрд
▶️Poolside – $500 млн сармоя, баҳоси $3 млрд

⚡️ Экспертлар айтишича, дастурчилар энди кўпроқ лойиҳа бошқаруви билан шуғулланади. Код ёзиш эса AI ёрдамида тезроқ бажарилади.

🎯 Бу технологиялар соҳани янада оммавийлаштирмоқда – энди ҳар ким дастур ярата олиши мумкин бўлади!

🌐Telegram || 👥Facebook

#муносабат

❗️ЎЗ ВАҚТИДА ВА ТЕЗКОР ЧОРАЛАР КЎРИШ — ИСЛОҲОТЛАР НАТИЖАДОРЛИГИНИ ТАЪМИНЛАЙДИ

📍Куни кеча давлатимиз раҳбари дунёда юз бераётган иқтисодий ва савдо чекловларининг Ўзбекистонга таъсирини юмшатиш масалаларига бағишланган видеоселектор йиғилишида даставвал глобал иқтисодий ҳолатга тўхталди.

🟢Хусусан, итисодий ва савдо чекловларининг таъсири ҳақида тўхталар экан, Ўзбекистон ҳам бошқа давлатлар қатори жаҳон бозоридаги беқарорлик туфайли юзага келган муаммоларга дуч келаётганини алоҳида қайд этди.

▶️Тадбиркорлар халқаро бозорлардаги тебранишларга мослашиш учун тезда ҳал қилиш керак бўлган янги-янги масалаларни қўяётганини айтиб ўтди.

▶️Сертификатлаштириш тизимидаги мавжуд муаммоларнинг ечимлари бўйича ҳам аниқ таклифлар берилди. Хусусан:
🟢стандартлаштириш ва сертификатлаштириш тизимидаги эскирган талаблар ва бюрократия тадбиркорларнинг “қўлини боғлаётгани”, соҳада коррупцияни келтириб чиқараётгани кўрсатиб ўтилди;

🟢сут ва гўшт маҳсулотлари ишлаб чиқарувчи корхоналар ўзининг маҳсулотига Санэпидқўм хулосасини олиш тизимидан норози экани, хулоса бериш учун эса аниқ стандартларнинг йўқлиги, бу эса тадбиркорлар йўлига ғов бўлиб, қўшимча вақт ва қўшимча харажат талаб қилаётгани айтилди.

▶️Шундан келиб чиқиб, Президентимиз томонидан сертификатлаштириш ва стандартлаштириш тизимини янада такомиллаштириш бўйича бир қатор чора-тадбирлари белгилаб берди.

❗️ БУНДА:
— техник тартибга солиш агентлиги, Санэпидқўм, Ветеринария қўмитаси, Карантин агентлиги каби идораларнинг маҳсулотга хулоса бериш ваколатлари аниқ белгилаб берилади;

— озиқ-овқат маҳсулоти сифати ва хавфсизлиги назорати билан фақат Санэпидқўм шуғулланади, озиқ-овқат учун техник регламентлар ва стандартлар мажбурийлиги бекор қилинади;

— қўмита асосий озиқ-овқат маҳсулотлари бўйича санитария қоидалари ва нормаларини халқаро талабларга — Кодекс Алиментариусга мувофиқлаштиради. Бошқа тизимлар ҳам худди шу тартибда қайта кўриб чиқилади.**

**Кодекс Aлиментариус ( лотинча “Cодех Aлиментариус” – Озиқ-овқат кодекси) – ФAО / ЖССТ Халқаро озиқ-овқат стандартлари ва қоидалари кодексини амалга ошириш бўйича Халқаро комиссия томонидан қабул қилинган озиқ-овқат маҳсулотларининг стандартлари тўплами ҳисобланади.

— хавф даражаси юқори бўлган 7 та товар гуруҳидаги маҳсулотларни давлат рўйхатидан ўтказиш амалиёти бекор қилинади;

— сертификат олиш мажбурий бўлган товарлар рўйхатини кескин қисқартириб, маҳсулот мувофиқлигини декларациялаш амалиёти жорий қилинади;

— “Бозор назорати тўғрисида”ги қонун лойиҳаси ишлаб чиқилади;

— четдан олиб келинаётган товарларни божхона қийматини аниқлаш тартиби тўлиқ халқаро қоидаларга мослаштирилади;

— салқин ичимликлар, маиший техника, фармацевтика, алкоголь ва тамаки каби маҳсулотларни маркировкалаш талаби бажарилиши устидан назорат кучайтирилади;

— жорий йил 1 июлдан бошлаб бирорта товар экспортига чеклов бўлмаслиги, фақат 86 та товар гуруҳига кирган хомашё ва ижтимоий аҳамияти юқори маҳсулотларга нисбатан экспорт божлари жорий қилинади;

— шакарга акциз тўлови бекор қилинади, қуруқ сут импортига қўйилган чекловлар ҳам олиб ташланади;

— ресторан ва кафелардаги ҚҚСни “кэшбек” сифатида қайтариш тизими қайта кўриб чиқилиб, адолатли тизим йўлга қўйилади;

— тадбиркорларга ер солиғи ва ижара тўловларини йилда иккига бўлиб тўлашга рухсат берилади.

▶️Видеоселектор йиғилишида Президентимиз нафақат соҳалардаги мавжуд муаммоларни очиқ таҳлил қилди, балки, тадбиркорларнинг оғриқли муаммоларига аниқ ечимлар бериб, мутасаддилар олдига кечиктириб бўлмайдиган вазифалар қўйди.

🟢Парламент илгари сурилган ташаббуслар, белгилаб берилган вазифалардан келиб чиқиб, жойларда тадбиркорлар, ишлаб чиқарувчилар ва экспортёрлар билан доимий мулоқотда бўлади. Уларнинг муаммоларини ўрганиб, тегишли таклифлар ишлаб чиқади. Шунингдек, Ҳукумат билан ҳамкорликда мазкур ислоҳотларнинг ҳуқуқий асосларини мустаҳкамлаш чораларини кўради.

🔺Зеро, бугунги шароитда ўз кучимиз ва ички имкониятларимизга таяниб, дадил қадам ташлаш, ўз вақтида ва тезкор чоралар кўриш — ислоҳотлар натижадорлигини таъминлайди.

🌐Telegram || 👥Facebook

🖊 Harvard Growth Lab: 5 йил ичида Ўзбекистон иқтисодий мураккаблик рейтингида 25 поғонага кўтарилди

Иқтисодий тадқиқотлар ва ислоҳотлар маркази Гарвард университети тараққиёт лабораториясининг Иқтисодий мураккаблик индексини таҳлил қилди.

📈 Ўзбекистон сўнгги 5 йил ичида 25 поғона юқорилаб, 80-ўринни эгаллаб, Иқтисодий мураккаблик рейтингида ўз мавқеини сезиларли даражада яхшилади.

Маълумот учун, Қозоғистон 84 - ўринни (6 ўрин пасайиш), РФ 94 - ўринни (5 позиция йўқотиш), Тожикистон 124 - ўринни (5 позицияга кўтарилиш), Туркманистон 126-ўринни (12 позицияга ёмонлашиш) эгаллади.

↗️ Мамлакат иқтисодиёти барқарор ўсишни кўрсатмоқда, экспорт йилига ўртача 20,5%га ўсди, бу минтақадаги бошқа мамлакатлардаги ўсиш суръатларидан анча юқори. Шу билан бирга, хомашё ресурсларидан ташқари тайёр маҳсулотлар экспорти йилига 21,9 фоизга ўсди ва жаҳон бўйича ўртача ўсишдан юқори бўлди.

👍Harvard Growth Lab ҳисоб-китобларига кўра, Ўзбекистон жаҳон бозорида рақобатбардош устунликка эришган 162 турдаги маҳсулотларга эга бўлиб, бу унинг жаҳон иқтисодиётдаги салоҳиятини намоён этади.

🗓2033 йилгача Ўзбекистон иқтисодиётининг йиллик ўртача ўсиши 5,6%ни ташкил этиши кутилмоқда, бу эса дунёда иккинчи юқори кўрсаткичдир.

🌐Telegram || 👥Facebook

🚀 NVIDIA: ЖАҲОННИ ЎЗГАРТИРГАН ЧИПЛАР ОРТИДАГИ КОМПАНИЯ

Сўнгги йилларда сунъий интеллект соҳасидаги энг катта инқилобларга сабабчи бўлган компаниялардан бири — бу, шубҳасиз, Nvidia. Илк бор видео ўйинлар учун график чиплар яратишдан бошлаган бу компания бугунги кунда AI'нинг юрагига айланди.

📱 GPU ва AI орасидаги боғланиш

2008 йилда Nvidia ўзининг график процессорларини (GPU) тушунтириш учун MythBusters телешоусидан фойдаланади. Улар анъанавий процессорларни битта рангли шар отувчи қуролга ўхшатса, Nvidiaнинг GPU'си 1,100 та баррелли paintball мосламаси каби — жадал ва бир вақтда кўп ҳисоб-китобларни бажара олади. Шу хусусият AI моделлари учун айниқса муҳим: уларга улкан маълумотларни қайта ишлаш керак.

📱 ChatGPT билан Nvidiaнинг парвози

2022 йилда ChatGPT чиқиши билан Nvidia акциялари портлади — компаниянинг бозор қиймати 3 триллион долларга етди. Goldman Sachs уларни "Ердаги энг муҳим акция" деб атади.

📚Huang ҳақида икки китоб

Яқинда икки китоб чиқди: Tae Kim'нинг The Nvidia Way ва Stephen Witt'нинг The Thinking Machine. Иккиси ҳам компания асосчиси ва СЕОси Jensen Huang шахсияти атрофида айланади. У — муваффақиятсизликлардан қўрқмайдиган, фантастик таваккалчиликларни амалга оширган ва охир-оқибат дунёга таъсир қилган шахс.

📱 "AI фабрикалари" ва CUDA

Huang таъбири билан айтганда, Nvidia энди шунчаки чип эмас, "AI фабрикалари" яратади. Бу трансформация 2000-йиллар ўртасидаги CUDA лойиҳаси билан бошланган — график картани суперкомпьютерга айлантириш ғояси. Бу дастурий таъминот орқали Nvidia нафақат графикада, балки илм-фан ва AIда ҳам етакчига айланди.

#AI #Nvidia #JensenHuang #Технология #ChatGPT #CUDA

🌐Telegram || 👥Facebook

📍Бугун Қонунчилик палатаси Спикери ўринбосари Раҳимжон Ҳакимов Венеция комиссияси вице-президенти Вероника Билкова бошчилигидаги делегация билан учрашди.

❗️Учрашув чоғида Ўзбекистон ва Венеция комиссияси ўртасидаги ҳамкорликни кенгайтириш зарурлиги қайд этилди. Таъкидланганидек, Венеция комиссиясининг экспертлик кўмаги Ўзбекистон қонунчилигини халқаро стандартларга мослаштиришда муҳим аҳамият касб этади.

🌐Telegram || 👥Facebook

❗️Заргарлик буюмларини ишлаб чиқарувчилар янада қўллаб-қувватланади

Қонун (ЎРҚ-1059-сон, 18.04.2025 й.) билан айрим қонун ҳужжатларига ўзгартириш ва қўшимчалар киритилди.

🗓Қонун билан Солиқ кодексига киритилган ўзгартиришга кўра, 2024 йил 1 сентябрдан 2027 йил 1 сентябргача “Ҳунарманд” уюшмасининг аъзолари учун белгиланган солиқ имтиёзларининг заргарлик буюмларини ишлаб чиқариш билан шуғулланадиган ва "Ўзбекзаргарсаноати" уюшмасининг аъзолари бўлган ЯТТларга нисбатан ҳам татбиқ этилиши белгиланди.

❗️Шунингдек, мазкур ЯТТларнинг ишлаб чиқаришда фойдаланиладиган кўчмас мулк объектлари ҳамда ер участкалари мол-мулк солиғи ва ер солиғидан озод этилади.

🗞“Қимматбаҳо металлар ва қимматбаҳо тошлар тўғрисида” ги қонунга киритилган қўшимчага кўра, аффинаж корхоналари қўшимча рухсат бериш тартиб-таомилларидан ўтмай қуйидаги ҳуқуқларга ҳам эга бўлиши кўзда тутилди:
🔸заргарлик буюмларини ишлаб чиқарувчиларга қимматбаҳо металларни қулай шакллар ва ҳажмларга келтирган ҳолда реализация қилиш;

🔸қимматбаҳо металлардан сувенир тангаларни ишлаб чиқариш ва реализация қилиш.

⚡️Бундан ташқари, заргарлик буюмларини ишлаб чиқарувчилар ўзлари қимматбаҳо металлардан ясаган заргарлик буюмларининг ярим тайёр маҳсулотларини бошқа заргарлик буюмларини ишлаб чиқарувчиларга реализация қилиш ҳуқуқига эгалиги белгиланди.

⚡️Бунда ярим тайёр маҳсулотларни реализация қилиш қиймати заргарлик буюмларини ишлаб чиқарувчилар томонидан Лондон қимматбаҳо металлар бозори уюшмасининг эрталабки фиксинги баҳосидан ва Марказий банкнинг ҳисоб-китоб амалга оширилаётган кундаги курсидан кам бўлмаган миқдорда мустақил равишда белгиланиши кўрсатиб ўтилди.

🌐Telegram || 👥Facebook

❗️Факторинг бўйича замонавий қонунчилик базаси яратилади

🗞Қонунга мувофиқ, Фуқаролик кодексига пул талабномасидан бошқа шахс фойдасига воз кечиш эвазига молиялаш (факторинг) тўғрисидаги умумий қоидалар киритилди.

▶️Факторинг ҳақидаги билдиришнома гаров реестрида рўйхатдан ўтказилгандан кейин пул талабномасидан бошқа шахс фойдасига воз кечиш учинчи шахсларга нисбатан кучга эга бўлади.

▶️ Факторинг шартномалари бўйича молия агентларининг талабларини қаноатлантириш тартиби белгиланди.

▶️ Бунда, айнан бир мижоз томонидан айни бир пул талабномасидан ёки унинг бир қисмидан бошқа шахс фойдасига бир мартадан ортиқ воз кечиш амалга оширилган тақдирда, молия агентларининг талаблари навбат тартибида қаноатлантирилади.

🖋 Шунингдек, “Лицензиялаш, рухсат бериш ва хабардор қилиш тартиб-таомиллари тўғрисида”ги Қонунга киритилган қўшимчага кўра, Амалга оширилиши учун рухсат этиш хусусиятига эга ҳужжатни олиш талаб этиладиган фаолият (ҳаракатлар) қаторига қуйидагилар киритилди:

▶️Кафолатлар бериш ташкилоти фаолиятини амалга ошириш;
▶️Факторинг ташкилоти фаолиятини амалга ошириш.

⚡️ Бундан ташқари, ваколатли органларни хабардор қилиш тартибида амалга ошириладиган фаолият турлари рўйхатига қуйидагилар киритилди:

▶️Нобанк кредит ташкилотининг устав фондидаги (устав капиталидаги) улуш олинганлиги тўғрисида хабарнома;
▶️Факторинг ташкилотининг филиалини очганлик ёки ёпганлик ҳақидаги хабарнома.

📌Қонун расмий эълон қилинган кундан эътиборан кучга киради.

🌐Telegram || 👥Facebook

❗️Тадбиркорлар томонидан молиявий хизматлардан фойдаланиш имконияти кенгайтирилади

Қонун билан (ЎРҚ-1058-сон, 17.04.2025 й.) айрим қонун ҳужжатларига ўзгартириш ва қўшимчалар киритилди

▶️“Валютани тартибга солиш тўғрисида”ги Қонунга киритилган қўшимчага кўра, резидентлар ўртасидаги валюта операцияларига мижознинг (кредиторнинг) контрагенти норезидент бўлган тақдирда, кредит ташкилотлари томонидан пул талабномасидан бошқа шахс фойдасига воз кечиш эвазига молиялаш операциялари амалга оширилаётганда йўл қўйилиши белгиланди.

Илгани бундай норма мавжуд эмас эди.

🗞“Ўзбекистон Республикасининг Марказий банки тўғрисида”ги Қонунга Марказий банк, кредит ташкилоти бўлмаган шахслар томонидан ташкил этилган электрон факторинг платформаларининг ахборот тизимлари хавфсизлигига, киберхавфсизлигига ва уларни IT-аудитдан ўтказишга доир талабларни белгилаш ҳамда мазкур талабларнинг бажарилиши устидан назоратни амалга ошириш каби ваколатларни белгиловчи қўшимча киритилди.

▶️ Шунингдек, Марказий банкнинг ички аудиторлик хизмати ўз фаолиятида Марказий банк бошқарувига ва Аудиторлик қўмитасига ҳисобдорлиги белгиланди.

Илгари фақат Аудиторлик қўмитасига ҳисобдор бўлган.

⚡️ Марказий банк қуйидагилар учун рухсат этиш хусусиятига эга ҳужжатларни бериши назарда тутилмоқда:
▶️кафолатлар бериш ташкилоти фаолиятини амалга оширишга;
▶️факторинг ташкилоти фаолиятини амалга оширишга.

⚡️Қуйидаги фаолият (ҳаракатлар) турларини амалга ошириш учун бу ҳақда Марказий банкни хабардор қилиш талаби белгиланди:
▶️факторинг ташкилотининг филиалини очиш ёки ёпиш;

▶️жисмоний ва юридик шахслар, шу жумладан тегишинча яқин қариндошлари ҳамда улар билан боғлиқ бўлган шахслар билан биргаликда ҳаракат қилувчи жисмоний ва юридик шахслар, шунингдек норезидентлар томонидан бир ёки бир нечта битим натижасида нобанк кредит ташкилотининг устав фондидаги (устав капиталидаги) 10 фоиздан 20 фоизгача ташкил этадиган улушини бевосита ёки билвосита олиш.

🌐Telegram || 👥Facebook

#ҳукумат_соати #ялпи_мажлис #кун_тартиби

‼️Қонунчилик палатасининг навбатдаги мажлисини ўтказишга тайёргарлик кўрилмоқда.

▶️Кун тартибига Соғлиқни сақлаш вазири А.Худаяровнинг соғлиқни сақлаш соҳасида коррупцион омилларнинг олдини олиш бўйича амалга оширилаётган ишлар юзасидан депутатлар саволларига жавобини эшитиш масаласи киритилиши мўлжалланмоқда.

⚡️Қонунчилик палатасининг навбатдаги мажлиси бугун соат 15:00 да бўлиб ўтади. Мажлис Қонунчилик палатасининг расмий веб-сайти ҳамда “You tube”даги канали орқали тўғридан-тўғри эфирга узатилади.

🌐Telegram || 👥Facebook

📍 Айни дамда “Вакиллик ҳокимияти органлари тизимини модернизация қилишнинг конституциявий-ҳуқуқий муаммолари: Ўзбекистон учун халқаро тажриба” мавзусидаги халқаро илмий-амалий анжуман бўлиб ўтмоқда.

⚡️Йиғилишда янги таҳрирдаги Конституция шароитида парламент ва маҳаллий халқ депутатлари Кенгашлари фаолиятини такомиллаштиришнинг долзарб масалалари юзасидан маҳаллий ва хорижий мутахассислар ўзаро фикр алмашмоқда.

🌐Telegram || 👥Facebook

🗞Қарздорлик ҳисобига банклар балансига олинган мол-мулклар реализацияси жадаллаштирилади

“Қарздорлик ҳисобига банклар балансига олинган мол-мулклар реализациясини жадаллаштириш чора-тадбирлари тўғрисида” ги Президент қарори (ПҚ-142-сон, 15.04.2025 й.) қабул қилинди.

🗓 Қарорга кўра, 2025 йил 1 майдан устав фондида давлат улуши 50 фоиз ва ундан ортиқ бўлган банкларга ва улар ҳузуридаги инвестиция компанияларига аукционда сотилмасдан қарздорликларни сўндириш эвазига банк балансига олинган мол-мулкларни бозор қийматида тўғридан-тўғри сотишга, шу жумладан, кредит, бўлиб-бўлиб тўлаш, лизинг шартномалари ёки қонунчиликда тақиқланмаган бошқа битимлар орқали сотишга рухсат этилади.

📈 Тижорат банкларига қарздорликларни сўндириш эвазига банк балансига қабул қилинган бино-иншоотлар, технологик ускуналар ва бошқа мол-мулклар негизида тижорат банклари ҳузуридаги инвестиция компаниялари орқали тўхтаб қолган ишлаб чиқариш (хизмат кўрсатиш) фаолиятини тиклаб, уларни тайёр бизнес сифатида салоҳиятли инвесторларга сотиш ҳуқуқи берилади.

🗓2025 йил 1 сентябрдан даъво аризаси бўйича ишни соддалаштирилган иш юритиш тартибида кўриб чиқиш учун даъвонинг максимал баҳоси юридик шахсларга нисбатан БҲМнинг 150 бараваригача, якка тартибдаги тадбиркорларга нисбатан 100 бараваригача, жисмоний шахсларга нисбатан 50 бараваригача оширилади.

🌐Telegram || 👥Facebook

🪐 ЕРДАН 124 ЁРУҒЛИК ЙИЛИ УЗОҚЛИКДА ҲАЁТ АЛОМАТЛАРИ ТОПИЛДИМИ? K2-18B САЙЁРАСИ АСТРОБИОЛОГЛАРНИ ҲАЙРАТДА ҚОЛДИРМОҚДА!

⁉️ Олимлар яна бир марта коинотдаги ҳаёт изларини аниқлаш сари муҳим бир қадам ташлашди. Бу сафар диққат марказида — К2-18B деб номланган сайёра. У Ерга нисбатан 8,6 баробар катта бўлиб, "Ҳйсеан" деб аталувчи янги тоифага киради — яъни унда океанлар мавжуд ва яшаш учун мос ҳароратга эга водородга бой атмосфера мавжуд.

🔭 Жамес Вебб космик телескопи ёрдамида олимлар ушбу сайёра атмосферасида метан, карбонат ангидрид ва энг муҳими — диметил сулфид (ДМС) ҳамда диметил дисулфид (ДМДС) каби органик молекулаларни аниқлашди. Ерда бу моддалар фақат тирик организмлар, хусусан денгиз фитопланктонлари томонидан ишлаб чиқарилади.

▶️ Cambridge университети астрофизиги Никку Мадҳусудҳан бошчилигидаги жамоа бу топилмани “ҳозирча энг кучли биологик ишоралардан бири” деб атамоқда. Уларнинг фикрича, K2-18B нинг муҳит шароитлари Ернинг илк давридаги океанларига ўхшаб, микробиал ҳаёт билан тўлиб-тошган бўлиши мумкин.

▶️ Шу билан бирга, олимлар эҳтиёткорлик билан ёндашмоқда — чунки бу моддаларнинг бундай катта миқдорда биологик бўлмаган усулда пайдо бўлиши мумкинлиги ҳозирча номаълум. Яъни, бу ҳали “ҳаёт аниқ топилди” дегани эмас, аммо илм-фанга улкан туртки бўлган топилмадир.

📡 Афсуски, бу сайёрани бевосита суратга олиш ҳозирча имконсиз — у жуда узоқ жойлашган. Шунинг учун ҳам бундай маълумотлар фақатгина юлдуз нури сайёранинг атмосфераси орқали ўтаётганда ўлчанади.

▶️ Imperial College London ва Қироллик Астрономия Жамияти олимлари бу янгиликни эҳтиёткорлик билан ижобий баҳолашмоқда. “124 ёруғлик йили нарида микроорганизмларга тўла океан мавжуд бўлиши эҳтимоли — бу ақл бовар қилмайдиган фикр, аммо эҳтимоли бор!” — дея изоҳ берди Роберт Массей.

▶️ Шу вақтгача астрономлар 5,800 дан ортиқ бошқа сайёраларни аниқлаган, бироқ К2-18B — ҳаёт учун реал номзод бўлиши мумкин бўлган энг жиддий кашфиётлардан биридир.

❗️ Коинотдаги ҳаёт излари тобора яқинлашмоқда. Бу — фантастика эмас, фан!

🌐Telegram || 👥Facebook

🏢 Ҳамкорлик алоқаларини янги босқичга кўтариш масалалари муҳокама қилинди

Бугун Қонунчилик палатаси Спикери ўринбосари Раҳимжон Ҳакимов Словения Президентининг халқаро алоқалар бўйича маслаҳатчиси Златко Шабич бошчилигидаги делегация билан учрашди.

🔴БАТАФСИЛ

🌐Telegram || 👥Facebook

❗️Ҳар бир қурилаётган объектнинг QR-кодли паспорти жорий этилади

🖋 Фармонга кўра, 2025 йил 1 сентябрдан ҳар бир қурилаётган объектнинг QR-кодли паспорти жорий қилинади. Бу орқали шаҳарсозлик субъектлари, қурилиш муддатлари, шаҳарсозлик ҳужжатлари ва тасдиқланган экспертиза хулосалари ҳақидаги маълумотларни олиш имконияти яратилади.

↗️ Шунингдек, кўп квартирали уйлардаги жойларни, шунингдек, ертўлаларни қайта қуриш ва қайта режалаштиришда шаҳарсозлик нормаларини бузган ҳолда кўп квартирали уйнинг конструктив қисмлари ва таянч деворларига ўзгартириш киритиш, бузиш ҳамда бинонинг зилзилага бардошлилигига салбий таъсир қиладиган ишларни амалга ошириш тақиқланади.

🗓2025 йил 1 июлдан:
🔸барча ичимлик суви таъминоти ва оқова сувларни чиқариб юбориш тизими объектлари мажбурий тарзда шартнома асосида технологик аудитдан ўтказилади;

🔸босқичма-босқич ҳудудий инспекцияларда Қурилиш объектларини онлайн кузатиш маркази ташкил этилади;

🔸тажриба-синов тариқасида 2025 йилда Қашқадарё вилоятидаги Давлат бюджети маблағлари ҳисобига янгидан қуриладиган объектларга видеокамералар ўрнатилади;

🔸қурилиш ва уй-жой коммунал хўжалиги соҳасида давлат назоратини амалга оширишда мобил видеокамералар (бодикамера) ва махсус планшетлардан фойдаланилади.

🌐Telegram || 👥Facebook

❗️Хусусий назорат тизими механизмлари шакллантирилади

🗓Фармонга кўра, 2025 йил 1 июлдан:

🔹якка тартибдаги уй-жойлар ва кичик ҳажмдаги нотурар бино ва иншоотларни қуриш ҳамда реконструкция қилиш ишлари юзасидан қурилиш назорати хусусий сектор томонидан олиб борилади;

🔹хусусий қурилиш назорати объектларида қурилиш якунига етгандан сўнг лойиҳачи томонидан “Шаффоф қурилиш” миллий ахборот тизимида хулоса шакллантирилади ва буюртмачига тақдим этилади;

🔹қурилиши тугалланган объектдан фойдаланиш учун рухсатнома бериш тегишли туман (шаҳар) қурилиш ва уй-жой коммунал хўжалиги бўлимлари томонидан амалга оширилади;

🔹хусусий қурилиш назорати олиб борилмаганда ёки назоратни олиб борган лойиҳачининг ижобий хулосаси мавжуд бўлмаганда объектларни фойдаланишга қабул қилиш тақиқланади.

⚡️Қуйидагилар хусусий қурилиш назорати объектлари ҳисобланади:

▪️2 қаватдан юқори бўлмаган, баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлмаган якка тартибдаги уй-жойлар;

▪️қурилиш ҳажми 300 метр кубдан ортиқ бўлмаган нотурар бино ва иншоотлар ҳамда енгил турдаги (конструкцияли) қурилмалар.

🌐Telegram || 👥Facebook

❗️Қурилиш ва уй-жой коммунал хўжалиги соҳасида давлат назорати самарали ташкил этилади

“Қурилиш ва уй-жой коммунал хўжалиги соҳасида давлат назоратини самарали ташкил қилиш чора-тадбирлари тўғрисида” ги Президент Фармони (ПФ-66-сон, 14.04.2025 й.) қабул қилинди.

🗞Фармонга кўра, қуйидагилар қурилиш ва уй-жой коммунал хўжалиги соҳасида давлат назоратини такомиллаштиришнинг асосий мақсадлари этиб белгиланди:

🔹Қурилиш ва уй-жой коммунал хўжалиги соҳасида назорат қилиш инспекциясини (Инспекция) мустақил республика ижро этувчи ҳокимият органи сифатида шакллантириш;

🔹қурилиш, кўп квартирали уйларни бошқариш ҳамда ичимлик суви таъминоти ва оқова сувларни чиқариб юбориш соҳасида назорат функцияларини тўлиқ рақамлаштириш;

🔹хусусий сектор томонидан амалга ошириладиган назорат тизими механизмларини шакллантириш.

🗓2025 йил 1 майдан:

🔸тадбиркор ва қурилиш ва уй-жой коммунал хўжалиги соҳасида назорат қилиш ҳудудий инспекциялари ўртасида шартнома тузилган бўлса, тадбиркорларнинг қурилиш объектларида қисқа муддатли давлат қурилиш назорати тадбирлари шартнома шартлари доирасида амалга оширилади ва “Ягона давлат назорати” ахборот тизимида рўйхатдан ўтказилмайди;

🔸Инспекцияга хўжалик юритувчи субъектларнинг молиялаштириш манбаларидан қатъи назар молия-хўжалик фаолиятига аралашиш қатъиян тақиқланади.

🌐Telegram || 👥Facebook

❗️ҲАМЖИҲАТЛИКДА ИШ ОЛИБ БОРИЛСА, ЮТУҚЛАР ЯНАДА БАРДАВОМ БЎЛАДИ

📍Давлатимиз раҳбарининг бу галги Андижонга ташрифи кенг қамровли ва самарали бўлди.

⚡️Президентимиз ташриф доирасида, энг аввало, Андижон халқаро аэропортини модернизациялаш ишларининг бориши билан танишди.

🗯Шунингдек, тўқимачилик саноати, ҳудудларни ривожлантиришга оид истиқболли лойиҳаларни муҳокама қилиш билан бирга, вилоятда 2025 йилда эришилиши режалаштирилган асосий мақсадларга оид тақдимотлар билан ҳам бевосита танишиб, бу бўйича таклиф ва тавсияларини берди.

▶️Давлат раҳбари “Янги Ўзбекистон” боғидаги халқ сайлида ҳам иштирок этиб, ёшлар билан мулоқот қилди. Андижонда истиқомат қилаётган турли миллат вакиллари билан ҳам учрашди, уларнинг ўй-фикрлари билан қизиқди.

🗯Андижон мамлакатимизда аҳоли энг зич жойлашган ҳудуд саналади. Шунга мувофиқ, одамларнинг уй-жойга бўлган эҳтиёжи ҳам юқори. Шу боис давлатимиз раҳбари ташаббуси билан 2021 йилда янги шаҳар қурилиши бошланган эди. Бу галги ташрифда Президент лойиҳанинг илк натижалари билан танишиб, янги барпо этилган шаҳарда ўтказилган тантанали маросимда иштирок этди ва нутқ сўзлади.

▶️Президентимиз ўз сўзида буюк аждодимиз — Заҳириддин Муҳаммад Бобур хотирасини абадийлаштириш мақсадида Янги Андижон шаҳарчасига Бобур шаҳри, деб ном беришни таклиф қилди.

🗯"Ҳеч шубҳасиз, қомусий билим ва тафаккур эгаси бўлган бу мумтоз аждодимизнинг биргина “Бобурнома” асари учун ҳам унинг шарафига мана шундай гўзал шаҳарчани бунёд этсак арзийди", – деди Президент.

▶️Ташрифнинг иккинчи кунида Давлатимиз раҳбари Андижон вилоятини комплекс ривожлантириш бўйича устувор вазифалар юзасидан йиғилиш ўтказди ва унда бугунги кунда Андижонда ҳавас қилса арзигулик ўзгаришлар бўлаётганини қайд этди.

🗯Йиғилишда иқтисодий тараққиёт ва тадбиркорликни қўллаб-қувватлаш, саноат, локализация ва импорт ўрнини босувчи ишлаб чиқариш, қишлоқ хўжалиги, сув хўжалиги ва томорқалар салоҳиятини ошириш, балиқчилик ва сув ресурсларидан самарали фойдаланиш, туризм салоҳиятини ривожлантириш, тиббиёт ва таълим соҳасидаги янгиликларни амалиётга жорий этиш ҳамда энергетика, йўл ва сув инфратузилмасини яхшилаш бўйича устувор вазифалар белгилаб берилди.

🗯Шунингдек. аукцион, давлат мулки ва самарасиз иншоотлардан мақсадли фойдаланиш бўйича янги ёндашувларни жорий этиш, вилоят ва туман даражасида янги назорат механизмини жорий этиш орқали молиявий самарадорликни таъминлаш ва ҳуқуқбузарликни камайтириш вазифалари белгиланди.

▶️Дарҳақиқат, бугун Андижон заминида Янги Ўзбекистон ғояси, Янги Ўзбекистон нафаси ҳар бир маҳалла, ҳар бир хонадонга кириб бормоқда, халқимизни баланд-баланд марраларга ундамоқда. Шу боис давлатимиз раҳбари томонидан йиғилишда Андижонда кенг кўламли ислоҳотларни янги босқичга кўтариш бўйича энг муҳим вазифалар белгилаб берилдики, бу, ўз навбатида, парламент, барча масъуллар, мутасаддилар зиммасига катта масъулият юклайди.

▶️Зеро, Президентимиз таъбири билан айтганда - агар барчамиз бир бўлиб, ҳамжиҳат бўлиб иш олиб борсак, ютуқларимиз янада кўпаяди, биз забт этолмайдиган марранинг ўзи бўлмайди, Андижон янада обод бўлади.

🌐Telegram || 👥Facebook