Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — хъуыддаг.

⚫️ Дæхи «СапÆ»-йыл бафысс

Цӕгат Ирыстоны ӕрцахстой транспорты комитеты хайӕдтӕй иуы хицауы

🔻Азымджын ӕй кӕнынц йӕ барты сӕрты ахизынӕй, хъусын кӕнынц Слестгӕнӕн комитетӕй. Уголовон хъуыддаг байгом кодтой Ӕдасдзинады федералон службӕйы гӕххӕттытӕм гӕсгӕ.

Слестгӕнджыты хъуыдымӕ гӕсгӕ, 2020 азӕй 2024 азы онг транспорты комитеты хайады хицау фӕндӕгтӕм цӕст дарынæн сметӕйы тыххæй бафыста бадзырдтæ, йӕ бӕрны цы амалхъом адӕймаг уыд, уыимӕ. Фӕлӕ закъоны ӕппӕт домӕнтӕ нӕ сӕххӕст кодта. Фӕстӕдӕр йæ куыст бакодта йæ кусæджы бар.

➡️ Ахӕм фӕткмӕ гӕсгӕ кусгӕйӕ-иу хайады хицау бафыста сметон гӕххӕттыты акттӕ. Ӕппӕт куыстытӕн комитеты хыгъдӕй арвыстой 18 милуан сомы.

⚫️ Дæхи «СапÆ»-йыл бафысс

Таймæзты Мæдинӕ нӕ ацӕудзӕн Европӕйы чемпионатмӕ дзюдойӕ

🔻Турнирмӕ цӕттӕ кӕнгӕйӕ Олимпаг хъӕзтыты бронзӕ призерӕн фӕцӕф сты йӕ фӕрстӕ. Ныр йӕхи дзӕбӕх кӕны Сочийы, хӕстӕгдӕр рӕстӕг ссӕудзӕн республикӕмӕ ӕмӕ дарддӕр кӕндзӕн реабилитацион мадзӕлттӕ.

💬 «Тагъд йӕ тыхтæ йӕхимӕ кӕй ӕрцӕудзысты, ууыл нӕ зӕрдӕ дарӕм. Кусдзыстӕм ӕмӕ нӕхи цӕттӕ кӕндзыстӕм дунейы чемпионатмӕ», — радзырдта «Сапӕ»-йӕн республикӕйы иугонд командӕйы сӕйраг тренер дзюдойӕ Бекуызарты Алик.

📄 Европӕйы чемпионат уыдзӕн Черногорийы горӕт Подгорицӕйы 23-27 апрелы. Мӕдинӕ дзы нӕ уыдзӕн. Ирыстойнаг спортсментӕ та сӕ тыхтӕ фӕлвардзысты Уӕрӕсейы, Азербайджыны ӕмӕ Грецийы командӕты хӕцгӕйӕ.. Дунейы чемпионат та уыдзӕн Будапешты 13-20 июны.

⚫️ Дæхи «СапÆ»-йыл бафысс

Цӕгат Ирыстоны Роспотребнадзор рамбылдта бӕлццӕттӕласӕн компани «Спринтер» ныхмӕ хъуыддаг

🔻Уый размӕ горӕты администраци рабӕрӕг кодта, 44-ӕм маршрут ӕмбӕлгӕ фӕткмӕ гӕсгӕ кӕй нӕ кусы, уый. Дыууӕ сахатмӕ рацыд ӕрмӕст иу машинӕ.

➡️ Хъуыддагмӕ ӕркӕсгӕйӕ, Роспотребнадзоры управлени гом акционерон ӕхсӕнад «Спринтер»-ыл тӕрхондонмӕ балӕвӕрдта. Уым рахӕцыдысты ведомствойы фарс.

⚫️ Дæхи «СапÆ»-йыл бафысс

Уӕлахизы 80 азы кадӕн хуссарирыстойнаг ансамбль «Симд» сараздзӕн балц

🔻Галаты Барисы номыл ансамбль концерттӕ ратдзӕн ӕхсӕз горӕты. Райдайдзысты Майкопӕй, балцы фӕстаг концерт та уыдзӕн Волгограды 30 апрелы.  

💬 «Куыд хъуамӕ ферох кӕнӕм нӕ хӕстонты, Уӕлахиз чи ӕхсыста, уыдоны, йӕ цард чи радта, уыцы хистӕрты? Балцы рӕстӕг алкӕмӕн дӕр лӕвар кӕндзыстӕм нӕ зӕрдӕты хъарм. Уыцы стыр уӕлахиз чи ӕрхаста, адӕмы чи фервӕзын кодта, уыдон цӕмӕй рох ма уой, уый тыххӕй алцыдӕр араздзыстӕм», — зӕгъы ансамблы нӕлгоймӕгты хоры разамонӕг Сапиаты Зӕлинӕ.

➡️ Концерттӕ уыдзысты программӕ «Мы — Россия»-йы фӕлгӕты. Къухы бафтыд Уӕрӕсе ӕмӕ Хуссар Ирыстоны культурӕйы министрадты бадзырды руаджы.

⚫️ Дæхи «СапÆ»-йыл бафысс

Амард Зураб Церетели, Кулишкӕты «Беслӕны амӕттӕгтӕн» ӕвӕрд цыртдзӕвӕны автор

🔻Йӕ цардӕй ахицӕн зындгонд советон, гуырдзиаг нывгӕнӕг-монументалист, скульптор, Уӕрӕсейы аивӕдты академийы президент Зураб Церетели. Советон Цӕдисы адӕмон нывгӕнӕг, Уӕрӕсейы адӕмон нывгӕнӕг, «Фыдыбӕстӕйы раз сгуыхтдзинӕдты тыххӕй» ордены ӕххӕст кавалер у 5 мин куысты автор.

Йӕ куыстытӕй иу у Беслӕны амӕттӕгты номыл. Скульптурон композици 2010 азы сӕрды сӕвӕрдтой Мӕскуыйы, Кулишки кæй хонынц, уым, Сыгъдæг Мадымайрæмы аргъуаны раз. Гом та йӕ бакодтой 1 июны, сывӕллӕтты хъахъхъӕны бон. Цыртдзӕвӕн байгом кӕныны хъӕппӕрис бахаста Цӕгат Ирыстоны хицауад, йӕ фарс рахӕцыд Мӕскуыйы разамынд.

➡️ 2010 азы Зураб Церетелийӕн саккаг кодтой «Ирыстоны намысы» майдан, 2019 азы та йын радтой Цӕгат Ирыстоны адӕмон нывгӕнӕджы ном.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — нӕлгоймаг.

⚫️ Дæхи «СапÆ»-йыл бафысс

Хӕстонты кадӕн

🔻Фыдыбӕстӕйы Стыр хӕсты Уӕлахизӕй рацыд 80 азы. Рӕстӕджы уылӕнтӕ семӕ бирӕ ивддзинӕдтӕ хӕссынц. Ӕнӕивгӕ у иу хъуыддаг — Советон Цӕдисы сырхӕфсӕддонты хъӕбатырдзинад ӕмӕ лӕгдзинад. Инӕларӕй салдаты онг сӕ алчидӕр ӕнӕуынонӕй тох кодта знаджы ныхмӕ. Бӕллыд ӕмӕ йӕхиуыл нӕ ауӕрста Стыр Уӕлахизы сӕраппонд.

➡️ «Сапӕ»-йы кусджытӕй рох не сты. Бацӕттӕ кодтам нӕхи акци — «Уӕлахиздзаутӕ». Сӕ иу — Битарты Тасолтан.

#Уӕлахизы80_азы
#Уӕлахиздзаутӕ

⚫️Дæхи «СапÆ»-йыл бафысс

Тӕрхондон рахаста уынаффӕ, Нобелы премийы лауреат-иу кӕм ӕрфысым кодта, уыцы историон бӕстыхаймӕ базилыны тыххæй

🔻Ныхас цӕуы, Кавказ иртасӕг ахуыргонд Леонид Семенов ӕмӕ Дагестаны паддзахадон архайӕг Алибек Тахо-Годи кӕм цардысты, уыцы бӕстыхайыл. Ам-иу ӕрфысым кодта Норвегийы хъуыстгонд иртасӕг ӕмӕ Нобелы премийы лауреат Фритьоф Нансен. Бӕстыхай арӕзт у 1870 азы, адрис: Осетинская, 4.

Культурон нысаниуӕг кӕмӕн ис, уыцы объекттӕ хъахъхъӕнӕг комитет гӕххӕттытӕ арвыста тӕрхондонмӕ. Сӕ домӕн у, цӕмӕй гом акционерон ӕхсӕнад «Электросвязь» бӕстыхай рацараза ӕмӕ йӕ бынывыл кӕна. Куыстыты 40 % уыдонмӕ хауынц. Уый та уымӕн, ӕмӕ бӕстыхайы дыккаг хай — литерӕ Б — организацийы исбон у. Тӕрхондон куыд сбӕрӕг кодта, афтӕмӕй «Электросвязь» йӕ хӕстӕ не 'ххӕст кӕны.

➡️ Арбитражон тӕрхондон рахаста уынаффӕ: энергетикон куыстуатмӕ цы хауы, уыцы фыццаградон куыстытӕ хъӕуамӕ ӕртӕ мӕймӕ бакӕна, 12 мӕймӕ та — ӕххӕстӕй. Уымӕй уӕлдай организацийы хъӕуы 50 мин сомы паддзахадон хъалон бафидын.

📄 Фритьоф Нансен Нобелы преми райста 1922 азы, лыгъд адӕмӕн ӕмӕ уацары чи уыд, уыцы ӕфсӕддонтӕн сӕ Фыдыбӕстӕтыл сӕмбӕлын кӕй ӕххуыс кодта, уый тыххӕй. Турк ӕмӕ бердзенты 'хсӕн хӕсты фӕстӕ Нансены сфидар кодтой дыууӕ адӕмыхатты минӕвӕртты дих кӕныны хъуыддаджы дзуапдӕттӕгӕй. Йæ преми та радта Уӕрӕсейӕн, стонг рӕстӕг дзы кӕй уыд, уымӕ гӕсгӕ. Ирыстоны уӕвгӕйӕ та 1925 азы ӕрлӕууыд Осетинская, 4 хӕдзары.

⚫️ Дæхи «СапÆ»-йыл бафысс

Цыкола-Мацута ӕмӕ Комы-Артмӕ фӕндаг дурзӕйӕ ссыгъдӕг кодтой ӕмӕ йӕ абон байгом кӕндзысты  

🔻Фӕндаг сыгъдӕг кӕнынц, тъунелы 22 километры цы аразджытӕ кусынц, уыдон. Тъунел хъыгдард нӕ баййӕфта, йӕ бацӕуӕнты цы галерейтӕ ис, уыдон ӕй бахъахъхъӕдтой. Уый тыххӕй «Сапӕ»-йӕн фехъусын кодтой республикӕйы транспорты ӕмӕ фӕндагон инфраструктурӕйы комитеты.

💬 «Дуртӕ галерейы тӕккӕ сӕрмӕ ӕрхаудысты. Кӕд ницы бахъыгдардтой, уӕддӕр фӕндагон змӕлд баурӕдтам. Хӕстӕгдӕр рӕстӕг алцыдӕр банывыл кӕндзыстӕм», — загътой нын ведомствойы пресс-службӕйы.

📄 Уӕ зӕрдыл уын ӕрлӕууын кӕндзыстӕм, ныртӕккӕ аразджытӕ кæй кусынц тъунел фӕуӕрӕхдӕр кӕныныл. Куыстытӕ райдыдтой 2024 азы, фӕуыдзысты ацы азы фыццаг ӕмбисы.

⚫️ Дæхи «СапÆ»-йыл бафысс

Абон Цӕгат Ирыстоны фӕуыдзӕн хъармгӕнӕн сезон

🔻Хӕстӕгдӕр дӕс боны уӕлдӕфы температурӕ республикӕйы кӕндзӕн бӕрзонддӕр — 20 градусы онг. Уый та фадат дӕтты хъармгӕнӕн сезон фӕуынӕн. Уый тыххӕй аппаратон ӕмбырды фехъусын кодта цӕрӕнуӕтты коммуналон хӕдзарады министр Тамайты Майрӕн.

💬 «Алы район дӕр уынаффӕ йӕхӕдӕг хӕссы æмӕ сӕ хъӕуы ӕппӕт ӕмбӕлгӕ гӕххӕттытӕ бацӕттӕ кӕнын», — загъта министр

➡️ Хъармгӕнӕн сезон 21 апрелы фӕуыны уынаффӕ рахастой Алагиры, Мӕздӕджы районтӕ ӕмӕ Дзӕуджыхъӕу.

⚫️ Дæхи «СапÆ»-йыл бафысс

Цӕгат Ирыстоны цӕрӕг хӕцӕнгарз кӕй уӕй кодта, уый тыххӕй йын рахастой ӕхсӕз азы ахӕстоны фӕбадыны тӕрхон

🔻Рахизфарсы районы 34-аздзыд нӕлгоймаг архайдта хӕцӕнгарзы ӕнӕзакъон зилдухы. Уый тыххӕй «Сапӕ»-йӕн радзырдтой Æдасдзинады федералон службӕйы республикон управленийы. Абон Советон районы тӕрхондоны уынаффæ йӕ тыхы бацыд.

Нӕлгоймаг ауӕй кодта Макаровы дамбаца, Калашниковы автомат, 30 гилдзӕй фылдӕр. Ӕрцахстой йӕ Æдасдзинады федералон службӕйы ӕмӕ мидхъуыддӕгты министрады кусджытæ.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

📺 «Цы сусӕг кӕнон»... Бирӕтӕн уарзон зарӕг: мысинӕгтӕ райхалӕг, монцты фӕндагыл ӕрвитӕг, хъуыдытыл ӕфтауӕг.

#аивады_хӕзнадон 

⚫️ Дæхи «СапÆ»-йыл бафысс

🎵 Цырыхаты Мурат — «Чызгай, мӕ къона»

#Сапӕ_playlist
#иронзарӕг

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

📺 Ех, ӕнӕ кусгӕйӕ мын куы уаид... Афтӕ, ӕвӕццӕгӕн, бирӕтӕ ахъуыды кӕнынц. Фӕлӕ алкӕмӕ ахӕм амонд нӕ кӕсы. Вовочкӕйӕн дӕр ахӕм фадат фӕци ӕрмӕст аргъӕутты дунемӕ бахаугӕйӕ. Цы йын дзы рауад, уый не 'ппӕт дӕр хорз зонӕм. Иу хатт ма йӕм бакӕсын та ӕхсызгон уыдзӕн.

#аивады_хӕзнадон 

⚫️ Дæхи «СапÆ»-йыл бафысс

🎵 Хуытыгаты Маринӕ — «Ды, ӕрмӕстдӕр ды»

#Сапӕ_playlist
#иронзарӕг

Хуссар Ирыстоны «Æнӕмӕлгӕ полк» райста Швейцарийы ныгӕд хӕстонты номхыгъдтӕ

🔻Мӕскуыйы «Ӕнӕмӕлгӕ полчы» форумы Швейцарийы минӕвар хуссарирыстойнаг филиалӕн радта, Швейцарийы дыууӕ ӕфсымӕрон ингӕны чи ныгӕд ис, уыдоны номхыгъдтӕ. Уый тыххӕй «Сапӕ»-йӕн радзырдта республикӕйы «Ӕнӕмӕлгӕ полчы» координатор Зассеты Жаннӕ. Йӕ ныхӕстӕм гӕсгӕ, ныр бирӕ бинонтӕн фадат уыдзӕн сӕ хиуӕтты ссарынӕн.

Дыууӕ бӕстӕйы ӕмгуыст кӕндзысты форумы фӕстӕ дӕр. Сӕ зӕрды ис Узбекистан, Финлянди ӕмӕ ӕндӕр бӕстӕтимӕ архайын, цӕмӕй иунӕг хӕстон дӕр ӕбӕрӕгӕй сӕфтыл нымад ма уа, уый тыххӕй.

💬 «Нырма уал мӕхӕдӕг кусын Финляндиимӕ, фӕлӕ бӕлвырдæй мӕ къухы ницыма бафтыд. Уыцы бӕстӕйы ис, "лес мертвых" кӕй хонынц, ахӕм бынат. Ныгӕд дзы сты, ӕбӕрӕгӕй сӕфтыл нымад чи у, 60 ахæм салдаты. Ӕмӕ мӕ Швейцарийы ӕхуысӕй фӕнды Финляндийы искӕй ссарын, номхыгъд нын уӕддӕр куыд радтой. Чи зоны, нӕ хистӕртӕй чидӕр разындзӕн», — радзырдта Зассеты Жаннӕ.

📄«Ӕнӕмӕлгӕ полчы» координаторты æхсæнадӕмон форум уыд Мӕскуыйы 7-8 апрелы. Архайдтой дзы 52 бӕстӕйы минӕвӕрттӕ.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — магъз.

⚫️ Дæхи «СапÆ»-йыл бафысс

Мæлæтæй тыхджындæр, зындзинæдтæй фидардæр уарзт

🔻Куйбышевы уынг æмæ Сабырдзинады проспекты тигъыл цы хæдзар ис, уымæн ис культурон нысаниуæг: ам цардис фыццаг ирон профессор, филологон зонæдты доктор, фольклор иртасæг Æлборты Барысби, уый размæ та – фыццаг ирон антрополог, медицинæйы доктор, профессор Мысыкаты Мæхæмæт.

📄 Мæхæмæт ахуыр кодта æмæ куыста Одессæйы. Уым ракуырдта, уырыссагау хорз чи зыдта, ахæм немыцаг чызджы. Райгуырд сын фырт – Жорж (Георгий). Дæсны дохтырмæ Ирыстоны æнхъæлмæ кастысты йæ ныййарджытæ æмæ-иу сæм йæ фæллад уадзынмæ куы ссыд, уæд катай кодтой, ирон чызджы куы ракуырдтаис, зæгъгæ. Мидхæст куы райдыдта æмæ йæ зонгæтæ, йæ хæлæрттæ баррикадæты фæйнæфарс куы фестадысты, уæд æй се 'хсæн æвзарын нæ бафæндыд æмæ æрцыд Ирыстонмæ. Йæ бинойнаг нæ ракуымдта, сывæллонимæ баззад Одессæйы, уырдыгæй та ацыдысты Италимæ.

Мысыкаты Мæхæмæт æрбынæттон Дзæуджыхъæуы, ракуырдта Гæздæнты Фаризæты. Сылгоймагæн йæ фыццаг мой уыд номдзыд хæстон, инæлар-майор Хетæгкаты Василий (Къостайы хæстæг). Фаризæты куы 'рхаста, уæд Хетæджы-фыртæн уыдис æхсæз сывæллоны. Райгуырд ма сын дыууæ иумæйаг сывæллоны æмæ стыр бинонтæ æнæмæт цард кодтой. Фæлæ Василий амард, æмæ Фаризæт аст сывæллонимæ æнæфæхæцæгæй баззад.

Уыййас бинонты дарыны бæрн йæхимæ райста Мæхæмæт. Фаризæт дæр йæхи хуызæн уазæгуарзон уыд æмæ сæ хæдзар адæмæй никуы цух кодта. Фæлæ сæм хæлæггæнджытæ дæр афтæ уыд, æмæ 1937 азы диссагæн дзуринаг дохтыры кæйдæр фыдæвзагæй ахæстоны бамидæг кодтой. Фыдудæй мардтой Мæхæмæты, алы хъизæмæрттæ йын мысыдысты, кæйдæр хахуыртыл цæмæй басæтта, уый тыххæй.

Уыцы афон Фаризæт та тох кодта, йæ удæй арт цагъта, фыста Мæскуымæ, цæмæй йын йæ мойы суæгъд кæной, куырдта, домдта, архайдта. Фæлæ дзы ницы рауад – цалдæр мæйы фæстæ Мæхæмæт амард. Фаризæтæн йæхи дæр æрцахстой, йæ лæджы сæрыл æгæр кæй гæрæхтæ кодта, уый тыххæй. Сыбырмæ йæ ахастой.

Мæхæмæты фырт Жорж та йæ фыды агурæг ссыд Одессæмæ. Загътой йын: адæмы знаг уыдис, æрцахстой йæ æмæ йæ амардтой. Жоржæн йæхицæн баззад æртæ лæппуйы æмæ иу чызг. Чызг у Донателла Флик – Европæйы ахадгæдæр æмæ хъæздыгдæр династитæй иуы минæвар, меценат, аивадæн аргъгæнæг æмæ сфæлдыстады архайджытæн æххуысгæнæг, Лондоны дирижерты æхсæнадæмон конкурсы саразæг, уыдис «Mercedes-Benz»-ы концерны хицауы бинойнаг. Донателла зоны йæ хæдзарвæндаджы истори, бацагуырдта йæ хæстæджыты æмæ цалдæр хатты уыд Уæрæсейы.

#таурӕгъ

⚫️ Дæхи «СапÆ»-йыл бафысс

Захъаты Алан суыдзӕн республикӕйы транспорты ногарӕзт комитеты разамонӕг

🔻«Сапӕ» куыд базыдта, афтӕмӕй Дзӕуджыхъӕуы администрацийы транспорты управленийы хицау ныр разамынд дӕтдзӕн республикӕйы ногарӕзт транспорты комитетӕн. Горӕты управлени та нал уыдзӕн.

➡️ 11 апрелы Сергей Меняйло бафыста уынаффӕ Цӕгат Ирыстоны транспорты ӕмӕ фӕндагон инфраструктурӕйы комитет адих кӕныны тыххӕй. Фӕндагон хӕдзарады комитеты сӕргъы раздӕрау уыдзӕн Солиты Тариэль. Цӕст дардзӕн регионты ӕмӕ муниципалитетты 'хсӕн фӕндӕгтӕм. Республикӕйы транспорты комитеты сӕргъы та ӕрлӕудзӕн Захъаты Алан.

⚫️ Дæхи «СапÆ»-йыл бафысс

Дзӕуджыхъӕуы раздӕры кинотеатр «Комсомолец»-ы рацарӕзты фӕстӕ байгом кодтой гыццыл зал «Пате»

🔻Ног зал бӕстыхаимӕ иу хуызы конд у. Бынат дзы ис 130 адӕймагӕн. Концерты агъоммӕ артисттӕ сбӕрӕг кодтой, музыкӕ дзы куыд хъуысы, уый.

Ног концертон залы равӕрдтой Тугъанты Махарбеджы ӕмӕ Пушкины номыл музейы Цӕгат Кавказы филиалы равдыстытӕ.

Ног зал байгом кодтой Куадзӕны фестивалы фӕлгӕты. Кадджын мадзалмӕ ссыдысты маэстро Гергиты Валерий ӕмӕ республикӕйы сӕргълӕууӕг Сергей Меняйло.

📄 Иу хатт ма уын уӕ зӕрдыл ӕрлӕууын кӕндзыстӕм, фарон Цӕгат Ирыстон кæй бӕрӕг кодта цалдӕр егъау цауы юбилейы: Ирыстон Уӕрӕсеимӕ куы баиу, уый 250 азы, Цӕгат Ирыстоны автономийы 100 азы ӕмӕ Дзӕуджыхъӕуы 240 азы. Уыцы мадзӕлтты фӕлгӕты Гергиты Валерийы фонд сарӕзта стыр проект — раздӕры кинотеатр «Комсомолец» рацаразын ӕмӕ дзы концертон фӕз скӕнын.

⚫️ Дæхи «СапÆ»-йыл бафысс

Сывӕллӕтты хирургӕн Цӕгат Ирыстоны агурынц стӕджы магъзы доноры

🔻Цӕгат Ирыстоны медицинон академийы рауагъдон Карсанаты Андрей 12 азӕй фылдӕр фӕкуыста Калининграды. Фервӕзын кодта мингай сывӕллӕтты. Фӕлӕ хатгай хъысмӕт ӕгъатыр вӕййы ӕмӕ ныр Андрейы дӕр ӕххуыс бахъуыд.

Фарон 28 декабры ӕваст йӕ температурӕ схызт, дыууӕ къуырийы фӕстӕ та йын сӕвӕрдтой диагноз — апластическая анемия. Ацы низ стӕм хатт ӕмбӕлы, милуанӕй дыууӕ-ӕртӕ адӕймагмӕ разыны. Кӕмӕ разыны, уымӕн йе стӕджы сырх магъз, куыд ӕмбӕлы, афтӕ нӕ вӕййы.  

Карсанаты Андрейы дзӕбӕх кодтой Калининграды, Санкт-Петербурджы, онкологийы наукон институты йын скодтой иммуносупрессивон терапийæ, хъывыдысты йын йӕхи стджыты магъз скусын кӕнын. Фӕлӕ нӕ рауад.

Андрейӕн ӕвӕстиатӕй хъӕуы стӕджы ног магъз бауадзын. Донор ссарынӕн сын ис ӕрмæст дыууӕ мӕйы. Ныридӕгӕн уал туг радтой 200 адӕймаджы бӕрц.

💬 «Адӕмы фылдӕр хай анализтӕ дӕттынц KDL-ы, уымӕн ӕмӕ федералон регистр у ӕмӕ донор лӕвар уыдзӕн. Кӕд ӕмӕ доноры Вася Перевощиковы номыл регистры ссарой, уӕд та бахъӕудзӕн милуан сомы бафидын. Ис ма иу тӕссаг хъуыддаг: стӕджы ног магъз куы бауадзой, уӕд æй буар айсдзӕн ӕви нӕ, ног буары ныффидар уыдзӕн ӕви нӕ. Уӕд процедурӕ бахъӕудзӕн ногӕй кӕнын», — зӕгъынц Карсанаты Андрейы хиуӕттӕ. 

➡️ Донор сувӕн кӕй фӕнды, уыдоны бӕлвырд рӕстӕг хъӕуы 5 мл туг радтын. Сӕхимӕ хъуамӕ уой СНИЛС ӕмӕ паспорт. Лабораторитӕ сты ахӕм адристӕм гӕсгӕ:

▫️Цоколаты Геннадийы номыл уынджы 9 бӕстыхай. Къуырисӕрӕй сабатмӕ: 14:00–18:30 сахатмӕ, хуыцаубоны: 13:00–15:00 сахатмӕ.

▫️Барбашовы уынджы 62 бӕстыхай. Къуырисӕрӕй майрӕмбонмӕ: 14:00–17:30 сахатмӕ, сабаты: 14:00–16:30 сахатмӕ, хуыцаубоны: 13:00–15:00 сахатмӕ.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — куадзӕн.

⚫️ Дæхи «СапÆ»-йыл бафысс

Дзӕуджыхъӕуы къофицымӕнтӕй иу йæ ног æрхъуыдыдзинæдтæн радта Ирыстоны хӕхты нӕмттӕ

🔻Горӕты цӕрджытӕ къофи бирӕ уарзынц. Адӕмы зӕрдӕтӕ балхӕныны тыххӕй къофифыцджытӕ нӕ зивӕг кӕнынц ӕмӕ ӕрхъуыды кӕнынц ног адтӕ. Афтӕ «Бонвӕрнон»-ы дӕр сезоны агъоммӕ ӕрхъуыды кодтой ног адимӕ къофийы хуызтæ. Схондзысты сӕ Ирыстоны хӕхты нӕмттӕй.

💬 «Нӕ куыст аразӕм ӕртӕ уарзондзинадыл: райгуырӕн бӕстӕ, адӕм ӕмӕ къофимӕ уарзондзинадыл. Менюмӕ цы сӕргӕндтӕ бахӕссӕм, уыдон уымӕ гӕсгӕ кӕнӕм. Фӕнды нæ бынӕттон цӕрджыты ӕмӕ уазджыты нӕ республикӕимӕ зонгӕ кӕнын. Зӕгъӕм, къофийы 5 ног хуызы схондзыстӕм, туристтӕ арӕх кӕдӕм абалц кӕнынц, уыцы хӕхты нӕмттӕй: Хъӕриухох, Чызджыты хох, Хиах, Къайхох ӕмӕ ӕндӕртӕ», — радзырдта къофицымӕны хицӕуттӕй иу.

Къофийы ног хуыз чи балхӕна, уымӕн лæвар кӕндзысты аив ныв. Фыст дзы уыдзӕн уыцы бӕрзӕнды тыххӕй цыбыр ӕрмӕг.

Ныртӕккӕ уал къофицымӕны уӕй кӕнынц иннӕ ног къофитӕ: «Фыййагдон» — ӕнгуз ӕмӕ кӕрдойы адимӕ, саунӕмыгимӕ латте «Къайхох» ӕмӕ «Сывӕллон» — щербеты адимӕ. Иннӕтӕ цӕттӕ кӕнынц ног сезонмӕ.

💬 «Се 'ппӕтӕй фылдӕр мӕ зӕрдӕмӕ цӕуы ''Фыййагдон''. Æнгуз ӕмӕ кӕрдо тынг хӕрзад сты. Фӕлӕ нӕ фӕндыд къофийыл ноджы бакусын ӕмӕ ӕрхъуыды кодтам: уӕлейæ йыл айзӕрддзыстӕм мургонд уарди ӕмӕ цывзы. Тынг ӕнахуыр, цымыдисаг ӕмӕ хӕрзад рауад, йӕ тӕфмӕ та адӕймаг нæ лӕууы», — зӕгъы бариста.

⚫️ Дæхи «СапÆ»-йыл бафысс

Гусалты Зӕринӕ Европӕйы чемпионаты уӕззау атлетикӕйӕ рамбылдта ӕвзист майдан

🔻Ирыстойнаг спортсменкӕ дыууӕ фӕлварӕны райста 241 баллы: 110 ӕмӕ 131 килограммы.

Ерысты фыццаг бынат ӕрхауд Айгло Фанндал Стурлудоттирмӕ. Исландийы спортсменкӕ систа 3 килограммы фылдӕр.

📄 2021 азӕй уӕрӕсейаг спортсментӕй Европӕйы чемпионатты майдан чи рамбылдта, уыдонӕй Гусалты Зӕринӕ у фыццаг.

⚫️ Дæхи «СапÆ»-йыл бафысс

Уӕрӕсейы ерысты волейболӕй «Аланочка» рацыд финалмӕ

🔻Ирыстойнаг волейболисткӕтӕ ерыс кодтой Анапӕ, Афипский, Казань, Кисловодск æмæ Мӕскуыйы хуыздӕр командӕтимӕ. Турниры хатдзӕгтӕм гӕсгӕ «Аланочка»-мӕ уыд 8 баллы ӕмӕ сси финалы архайӕг. Гомосты Николь ӕмӕ Таймæзты Аланӕ та нымад ӕрцыдысты ӕрдӕгфиналы хуыздӕр спортсменкӕтыл. 14 азы онг кӕуыл цӕуы, уыцы спортсменты 'хсӕн ерыстӕ уыдысты Кисловодскы 10-16 апрелы.

➡️ Ныр ӕвзонг волейболисткӕтӕ сӕхи цӕттӕ кӕндзысты Уӕрӕсейы турниры кӕронбӕттӕн къӕпхӕнмӕ. Уыдзӕн майы. Не 'мзӕххонтӕ финалы тох кӕндзысты Афипскийы ӕмӕ Мӕскуыйы командӕтимӕ.

▫️Командӕ «Аланочка»-йы тренер у Къадзты Фиалӕ.

⚫️ Дæхи «СапÆ»-йыл бафысс

Гергиты Валерийы разамындӕй симфонион оркестры концертмӕ билеттӕ иу бонмӕ иууылдӕр балхӕдтой

🔻Билӕттӕ уӕй кӕнын знон изӕрӕй райдыдтой ӕмӕ дзы цалдӕр сахатмӕ иу дӕр нал баззад. Мариинаг ӕмӕ Стыр театрты иумӕйаг симфонион оркестры концерт уыдзӕн 18 апрелы 19 сахатыл.

Гергиты Валерийы оркестры концертмӕ ма бахауӕн ис Куадзӕны фестивалы фӕлгӕты. 21 сахаты ӕмӕ 30 минутыл равдисдзысты Пьетро Масканьийы оперӕ «Сельская честь». Билеттӕ сты 200 бӕрц. Сӕ аргъ — 800 сомӕй 2000 сомы бӕрц.

Мариинаг театры цӕгатирыстойнаг филиалы пресс-службӕйы «Сапӕ»-йӕн куыд радзырдтой, афтӕмӕй ацы аз Куадзӕны фестивалы уыдзӕн цыппар концерты, уыдонӕй дыууӕ сты официалон.

💬 «Уый баст у, раздӕры кинотеатр "Комсомолец"-ы ног культурон центр кӕй байгом кодтой, уыимӕ. Ӕмбӕлгӕ официалон мадзӕлтты ӕмӕ акустикон фӕлварӕнты фӕстӕ ног центрмӕ алкӕй бон дӕр цӕуӕн уыдзӕн», — зӕгъынц пресс-службӕйы.

⚫️ Дæхи «СапÆ»-йыл бафысс

Джиоты Вероникӕйы концерт Цхинвалы ӕвдисдзысты социалон хызӕгты

🔻Зындгонд зарӕггӕнӕджы концертмӕ ӕрбацӕуын бирӕты фӕфӕнды, уӕлдайдӕр йӕ райгуырӕн Цхинвалы. Фӕлӕ алыхуызон аххосӕгтӕм гӕсгӕ алкӕмӕн уыцы фадат нӕй. Вероникӕйы курдиат чи уарзы, уыдон цӕрынц алы регионты ӕмӕ концертмӕ æрбацӕуын сæ бон нӕу. Цы 400 билеты уыд, уыдон та уайтагъд балхӕдтой.

Ӕппӕт курдиӕттӕ хынцгӕйӕ, театры рахастой культурон мадзал Instagram-ы* трансляци кӕныны уынаффӕ.

➡️ Концерт уыдзӕн абон изӕрӕй.

*компани Meta-йы социалон хызӕг Уӕрӕсейы нымад у экстремистон организацийыл ӕмӕ йын нӕ бӕстӕйы кусыны бар нӕй.

⚫️ Дæхи «СапÆ»-йыл бафысс

«Владсток» чъизи дон Теркмӕ кӕй калдта, уый тыххӕй сӕ Росприроднадзоры бон бафхӕрын нӕ баци

🔻2022 азы февралы Цӕгат Кавказы Росприроднадзоры управлени «Владсток»-ы дӕлхайӕдтыл сарӕзта ӕнӕрадон рейд. Ӕркастысты Ногиры ӕмӕ Заводы поселочы объекттӕм. Сӕ зӕрды уыд, раздӕр сын цы уайдзӕфы гӕххӕттытӕ рафыстой, уыдон куыд ӕххӕстгонд цӕуынц, уый базонын.

Дон сбӕрӕг кӕнгӕйӕ, базыдтой, йӕ чъизидзинад цас ӕмбӕлы, уымӕй фылдӕр кӕй у, уый. Иуӕй-иу химион буарыхъӕдтӕ нормӕйӕ дзӕвгар фылдӕр уыдысты.

Куыстуатӕн рафыстой ивар 155 мин сомы. Уымӕй уӕлдай Росприроднадзоры управлени бадомдта, цы зиан ӕрхастой, уый бафидын — 23 милуан сомы. Барвӕндонӕй сӕ «Владсток» нӕ бафыста ӕмӕ уӕд ведомство гӕххӕттытӕ балӕвӕртта Арбитражон тӕрхондонмӕ.  Уый тыххӕй фыста «Сапӕ» дӕр.

➡️ Фӕлӕ тӕрхондоны хъуыдымӕ гӕсгӕ, куыстуатӕн рейды тыххӕй ничи фехъусын кодта. Уайдзӕфы гӕххӕттытӕ директормӕ кӕй фӕхӕццӕ кодтой, уый дӕр амынд никуы у. Уӕдӕ доны пробӕтӕ исгӕйӕ директор уым нӕ уыд, ӕрмӕст хайӕдтӕй иуы разамонӕг. Ӕппӕт уыдӕттӕ хынцгӕйӕ, тӕрхондон анализты бӕрӕггӕнӕнтӕ ницӕмӕ ӕрдардта. Апрелы райдианы та рахастой уынаффӕ — куыстуаты ивар фидын нӕ хъӕуы.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — аргъ.

⚫️ Дæхи «СапÆ»-йыл бафысс

Металлургты парк быроны бын фӕци

🔻Уӕлдайдӕр та йӕ зӕронд хайы, 4-ӕм гимназмӕ хӕстӕг. Хус къалиутӕ ӕмӕ бырӕттӕй уӕлдай ма дзы бӕрӕг дарынц цалдӕр хус тӕссаг бӕласы ӕмӕ газы объект.

Парк ис муниципалон куыстуат «Радуга»-йы бӕрны. Йӕ хицау Берозты Сосланы ныхӕстӕм гӕсгӕ сӕм ацы объект ӕрӕджы бафтыд. Фӕлӕ йӕ уӕддӕр райдыдтой сӕрдмӕ цӕттӕ кӕнын.

➡️ «Парчы галиу фарс уал ссыгъдӕг кодтам, бадӕн бынӕттӕ сахуырстам. Ныр адӕмы бон у атезгъо кӕнын ӕмӕ парчы абадын. Куыддӕр боныхъӕд фӕхуыздӕр уа, афтӕ иннӕ фӕзуӕттӕ дӕр ссыгъдӕг кӕндзыстӕм. Ӕркастыстӕм ӕм, цавӕр техникӕ нӕ бахъӕудзӕн, уый сбӕлвырд кодтам. Бахъӕудзӕн нӕ трактор ӕмӕ уӕзласӕн машинӕтӕ», — радзырдта Берозты Сослан.

⚫️ Дæхи «СапÆ»-йыл бафысс

1,5 милуан сомы онг ивар: Роспотребнадзор тамакоты дуканиты куысты рабӕрӕг кодта закъонхӕлдтытӕ

🔻Роспотребнадзоры управленийы специалисттӕ ӕмӕ организаци «Здоровое Отечество»-йы уӕнгтӕ ӕрзылдысты тамако уӕйгӕнӕг дуканитыл. Бӕрӕг кодтой, системӕ «Честный знак» куыд ӕххӕстгонд цӕуы, уый.

Системӕмӕ раст бӕрӕггӕнӕнтӕ кӕй нӕ бахаста, уый тыххӕй амалхъом адӕмӕй иуыл уый размӕ дӕр ныффыстой дыууӕ протоколы.

💬 «Ӕрӕджы цы ивддзинӕдтӕ ӕрцыд, уыдонмӕ гӕсгӕ тамакойы продукци ӕнӕ ӕмбӕлгӕ маркировкӕйӕ куы уа, уӕд уӕйгӕнджыты ивар бафидын хъӕудзӕн 300-500 мин сомы, сӕ продукци та ӕрцӕудзӕн ист. Юридикон организациты ивар уыдзӕн 1,5 милуан сомы», — радзырдта ведомствойы фӕлхасгӕнджыты бартӕ хъахъхъӕнӕг хайады хицау Плиты Аннӕ.

➡️ Рейды рӕстӕг ма ӕркӕсдзысты базартӕм. Уӕйгӕнджытӕй та курынц, цӕмӕй ӕххӕст кӕной системӕ «Честный знак»-ы домӕнтӕ.

⚫️ Дæхи «СапÆ»-йыл бафысс

Ӕнӕниздзинадхъахъхъӕнынады министрады кусӕджы ӕрцахстой, 20 милуан сомы кӕй адавта, уый тыххӕй

🔻Федералон ӕдасдзинады службæйы ӕмӕ мидхъуыддӕгты министрады кусджытӕ рабӕрӕг кодтой, ӕнӕниздзинадхъахъхъӕнынады ведомствойы бадзырдты службӕйы разамонӕг закъоны сӕрты кӕй ахызт, уый. 2022-2024 азты хостӕ ӕмӕ медицинон кусӕнгӕрзтӕ барӕй ӕлхӕдта зынаргъдӕрӕй. Аргъӕй хъауджы та-иу йӕхи бакодта.

Слестгӕнджыты хъуыдымӕ гӕсгӕ, афтӕмӕй бюджетӕн зиан ӕрхаста 20 милуан сомы. Йӕ барты сӕрты кӕй ахызт, уый тыххӕй йыл байгом кодтой 8 уголовон хъуыддаджы.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — æмпъузæн.

⚫️Дæхи «СапÆ»-йыл бафысс

Хъуыстгонд оперон зарӕггӕнӕг Джиоты Вероникӕ Цхинвалы сарӕзта дӕсныйадӕвдисӕг ахуыртӕ

🔻Зындгонд оперон зарӕггӕнӕг Джиоты Вероникӕ Цхинвалы музыкалон ахуыргӕнæндоны студенттӕн сарӕзта дӕсныйадӕвдисӕг ахуыртӕ. Куыд зӕгъы, афтӕмӕй фӕсивӕдимӕ тынг ӕхсызгонӕй фембӕлд. Ацы дӕсныйады сусӕгдзинӕдтӕ базонын бирӕтӕ кӕй тырнынц, уый уыны ӕмӕ йӕ тынг ӕхсызгонӕй фӕнды ахӕм студенттӕм фӕкӕсын.

💬 «Курдиатджын сывӕллӕттӕ нӕм ис. Уарзынц классикон музыкӕ. Радон хатт ам куы уыдтӕн, уӕд мӕм сӕхӕдӕг æрбацыдысты ӕмӕ мӕ ракуырдтой, цӕмӕй сын ахуыртӕ саразон, уый. Зӕрдӕ сын бавӕрдтон ӕмӕ мӕ ныхас сӕххӕст кодтон. Фӕнды мӕ ӕрыгӕттӕн баххуыс кӕнын. Тынг курдиатджын сты. Ныр Дзӕуджыхъӕуы кусын райдыдтон ӕмӕ мӕ бон арӕхдӕр цӕуын уыдзӕн», — радзырдта «Сапӕ»-йӕн адӕмон артисткӕ.

Ахуырты рӕстӕг уӕлдай ӕргом аздӕхта, сценӕйыл хи куыд дарын хъӕуы, уымӕ. Уӕвгӕ, куыд алы хъуыддаджы, афтæ ам дӕр фылдӕр хъæуы практикӕ.

💬 «Сценӕйыл хъуамӕ арӕхдӕр уой. Залы чи бады, уыдонӕй тынг тӕрсынц. Гъер сын мӕнӕ ахуыртӕ сарӕзтон ӕмæ сæм аивадуарзджытӕм се 'ргом раздахыны ныфс нӕ уыд. Ууыл та кусын хъӕуы. Сценӕмӕ сӕ кӕнын, амонын, ӕвдисын, цӕмӕй йыл фӕцахуыр уой, сӕхиуыл баууӕндой», — бафиппайдта Джиоты Вероникӕ.

Вероникӕйы ныхӕстӕм гӕсгӕ, ныртӕккӕ культурӕйы министрадимӕ ныхас кӕнынц бӕлвырд хъуыддагыл. Фӕнды йӕ, цӕмӕй Цхинвалы музыкалон ахуыргæнæндоны студенттӕн ӕппӕтдунеон конкурсты ӕмӕ фестивальты архайыны фадат уа. Йӕхӕдӕг дӕр дзы жюрийы уæнг арӕх вӕййы. Уымӕй уӕлдай йӕ зӕрды ис Цхинвалы музыкалон фестивальтӕ ӕрвылазон скӕнын. Фӕстаг хатт фестиваль «Звезда Алании» уыдис 2016 азы.

➡️ 17 апрелы та Джиоты Вероникӕйӕн Цхинвалы уыдзӕн стыр концерт.

⚫️Дæхи «СапÆ»-йыл бафысс

Цӕф кӕй у, уый тыххӕй Сидахъаты Зауырбег Уӕрӕсейы чемпионаты архайдзӕн, уый гуырысхойаг у

🔻Медицинон ӕркаст рабӕрӕг кодта, Европӕйы чемпионаты йӕ уӕнгбӕттӕнтӕ хъыгдард кӕй баййӕфтой, уый. Ныртӕккӕ дохтыртӕ бӕрӕг кӕнынц, цы хуызы йӕ дзӕбӕх кӕндзысты, уый. Гӕнӕн ис, ӕмӕ йын операци кӕнын бахъӕуа. Уый тыххӕй «Сапӕ»-йӕн фехъусын кодтой Уӕрӕсейы Уӕгъдибар хъӕбысхӕсты федерацийы пресс-службӕйы. Уымӕ гӕсгӕ йӕ архайд Уӕрӕсейы чемпионаты гуырысхойаг у. Афтӕмӕй та ацы ерыстӕ нымад сты дунейы чемпионатмӕ ӕвзарӕн къӕпхӕныл.

➡️ Зауырбеджы уӕнгбӕттӕнтӕ бахъыгдард сты Европӕйы чемпионаты. Хӕцыд Уалыты Черменимӕ. Уыцы ерысты рамбылдта Чермен. Зауырбег ссыд ӕвзист майданимӕ.

⚫️Дæхи «СапÆ»-йыл бафысс

Цӕф кӕй у, уый тыххӕй Сидахъаты Зауырбег Уӕрӕсейы чемпионаты архайдзӕн, уый гуырысхойаг у

🔻Медицинон ӕркаст рабӕрӕг кодта, Европӕйы чемпионаты йӕ уӕнгбӕттӕнтӕ хъыгдард кӕй баййӕфтой, уый. Ныртӕккӕ дохтыртӕ бӕрӕг кӕнынц, цы хуызы йӕ дзӕбӕх кӕндзысты, уый. Гӕнӕн ис, ӕмӕ йын операци кӕнын бахъӕуа. Уый тыххӕй «Сапӕ»-йӕн фехъусын кодтой Уӕрӕсейы Уӕгъдибар хъӕбысхӕсты федерацийы пресс-службӕйы. Уымӕ гӕсгӕ йӕ архайд Уӕрӕсейы чемпионаты гуырысхойаг у. Афтӕмӕй та ацы ерыстӕ нымад сты дунейы чемпионатмӕ ӕвзарӕн къӕпхӕныл.

⚫️Дæхи «СапÆ»-йыл бафысс

Роспотребнадзор 13 хи клиникӕйӕн рафыста уайдзӕфы гӕххӕттытӕ

🔻Ахӕм сты Роспотребнадзоры ацы азы фыццаг кварталы бӕрӕггӕнӕнтӕ. Уыцы 'мгъуыдмӕ ведомствойы управленийы эпидемиологон цӕстдарды специалисттӕ сарӕзтой фӕткмӕ гӕсгӕ ӕркастытӕ. 13 медицинон уагдоны рабӕрӕг кодтой аиппытӕ ӕмӕ сын рафыстой сӕ аиуварс кӕныны тыххӕй уайдзӕфы гӕххӕттытӕ.

💬 «Специалисттӕ уӕлдай ӕргом аздӕхтой инфекциты профилактикӕмӕ, афтæ ма сӕ кусджыты иммунизацийы фарстатӕм ӕмӕ сын фӕткмӕ гӕсгӕ медицинон ӕркастытӕ аразыны хъуыддагмӕ», — фехъусын кодтой «Сапӕ»-йӕн цӕстдарӕн ведомствойӕ.

⚫️Дæхи «СапÆ»-йыл бафысс

Цӕгат Ирыстоны ӕрцахстой, тамакойы 1,8 мин къоппы ауӕй кӕнынмӕ чи хъавыд, уыцы къорды уӕнгты

🔻Уӕрӕсейы гвардийы регионон управленийы сӕрмагонд хайады ӕмӕ экономикон фыдракӕндтимӕ тохгӕнӕг службӕйы кусджытӕ ӕрцахстой Дзӕуджыхъӕуы дыууӕ цӕрӕджы. Фӕнд кодтой ӕнӕ ӕмбӕлгӕ нысæнттӕй тамакойы продукци ауӕй кӕнын.

26 ӕмӕ 34-аздзыд нӕлгоймӕгтӕ тамакотӕ ӕлхӕдтой сӕ зонгӕ уӕйгӕнджытӕй, стӕй сӕ уӕй кодтой. Фӕлӕ ӕрмӕст, кӕй зыдтой, уыцы ӕлхӕнджытӕн. Ног парти-иу куы сластой, уӕд-иу сӕм телефонӕй бадзырдтой.

Дуканийы сгӕрсты рӕстӕг дзы ссардтой ӕнӕ маркӕтӕй тамакойы 1,8 мин къоппы, 97 къоппы та уыдысты ӕууилгӕ тамако, уый дӕр ӕнӕ ӕмбӕлгӕ нысæнттӕй. Сӕ иумӕйаг аргъ уыд 100 мин сомӕй фылдӕр.

➡️ Базаргӕнджытыл байгом кодтой уголовон хъуыддаг. Ныртӕккӕ сты ахст, цӕуӕн сын никуыдӕм ис. Гӕнӕн ис, ӕмӕ сӕ алкӕмӕн дӕр рахӕссой 6 азы ахӕстоны фӕбадыны тӕрхон.

Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — хӕдзар.

⚫️ Дæхи «СапÆ»-йыл бафысс

Хӕстонты кадӕн

🔻Фыдыбӕстӕйы Стыр хӕсты Уӕлахизӕй рацыд 80 азы. Рӕстӕджы уылӕнтӕ семӕ бирӕ ивддзинӕдтӕ хӕссынц. Ӕнӕивгӕ у иу хъуыддаг — Советон Цӕдисы сырхӕфсӕддонты хъӕбатырдзинад ӕмӕ лӕгдзинад. Инӕларӕй салдаты онг сӕ алчидӕр ӕнӕуынонӕй тох кодта знаджы ныхмӕ. Бӕллыд ӕмӕ йӕхиуыл нӕ ауӕрста Стыр Уӕлахизы сӕраппонд.

➡️ «Сапӕ»-йы кусджытӕй рох не сты. Бацӕттӕ кодтам нӕхи акци — «Уӕлахиздзаутӕ». Сӕ иу — Сабанты Григорий.

#Уӕлахизы80_азы
#Уӕлахиздзаутӕ

⚫️Дæхи «СапÆ»-йыл бафысс

Ространснадзор ӕртӕ бӕлццӕттӕласӕн компанийыл бахъаст кодта тӕрхондонмӕ

🔻«Благовест», «Ротор» ӕмӕ «Ир-Транс»-ы куысты ведомство рабӕрӕг кодта аиппытӕ. Бӕлвырддӕр зӕгъгӕйӕ та-иу шофыртӕ маршруттӕм рацыдысты ӕнӕ бардӕттӕг гӕххӕттытӕй, стӕй лицензийы домӕнтӕ не 'ххӕст кӕнгæйæ. Ныридӕгӕн протоколтӕ арвыстой тӕрхондонмӕ.

💬 «Куыд рабӕрӕг, афтӕмӕй "Фэтон" ӕмӕ "Скат" йеддӕмӕ техникон ӕмӕ медицинон ӕркаст ничи рацæуы. Иннӕтӕн сӕ гӕххӕттыты мӕнг фыстытӕ вӕййы. Уымӕ гӕсгӕ ӕппӕт ӕрмӕджытӕ арвитдзыстӕм тӕрхондонмӕ», — радзырдтой «Сапӕ»-йӕн республикӕйы транспорты комитеты.

➡️ «Сапӕ» куыд фыста, афтӕмӕй уый размӕ Роспотребнадзор тӕрхондонмӕ гӕххӕттытӕ арвыста 44-ӕм маршрутыл кусӕг компани «Спринтер», 11-ӕм маршрутыл кусӕг «Скат» ӕмӕ 50-ӕм маршрутыл кусӕг компани «Трансавто»-йыл.

⚫️ Дæхи «СапÆ»-йыл бафысс

Дзӕуджыхъӕуы къӕвдадоны канализациты уавӕр ныр уыдзӕн доны хӕдзарады бӕрны

🔻Уый тыххӕй абон аппаратон ӕмбырды фехъусын кодта Сергей Меняйло. Техникон цӕстдарды бадзырдмӕ гӕсгӕ сӕ горӕты администраци ратдзӕн доны хӕдзарадӕн. 

Цалынмӕ гӕххӕтытӕ нывылгонд цӕуынц, уӕдмӕ куыстуаты специалисттӕ бавнӕлдтой объекттӕм. Уый тыххӕй «Сапӕ»-йӕн фехъусын кодта доны хӕдзарады хицау Хъараты Тимур.

💬 «Ныридӕгӕн уал, дон кӕм æмбырд кӕны, цалдæр ахæм раны кусӕм. Зӕгъӕм, Дзанайы-фырты ӕмӕ Марковы уынгты доны лӕсӕнтӕ нал уыдзӕн. Весеннийы уынджы 15/1 хæдзары фынддӕс азы адӕмы бон сӕ подъездтӕй рацӕуын нӕ уыд. Иннӕ ахӕм кусӕм Гӕдиаты Цомахъы — Мӕскуыйаг уынг — Архонкӕмӕ фӕзилӕны фӕндаг бынывыл кӕныныл. Ацы мӕйы кӕронмӕ куыстытӕ хъуамӕ фӕуӕм. Архонкӕмӕ алвӕндагыл къæвдадон ӕмбырдгӕнӕн камерӕ 10 хатты фестырдӕр кодтам», — зӕгъы Хъараты Тимур.

Горӕты зӕрдӕхсаинаг бынӕттӕй иуы — Викалинӕйы цур — специалисттӕ сыгъдӕг кӕнынц, дон кӕдӕм тӕдзы, уыцы къанаутӕ, ивынц сын сӕ бынат, цӕмӕй тынгдӕр къул уой ӕмӕ дон тагъддӕр тӕдза, уый тыххӕй.

Куыстуаты специалисттӕ цы зындзинӕдтӕ ӕмӕ цӕлхдуртыл ӕмбӕлынц, ууыл сæ разамонæг дзурдзӕн регионы сӕргълæууæгимӕ.

💬 «Зӕгъӕм, Сабырдзинады проспект. Гранит къӕйдуртӕй йӕ бамбӕрзтой ӕмӕ йын ныртӕккӕ сисыны фадат нӕй. Иннӕ фарста — Южныйы поселок ӕмӕ Хольцман», — бафиппайдта Хъараты Тимур.

⚫️ Дæхи «СапÆ»-йыл бафысс

Цӕгат Ирыстоны фӕндӕгтыл ӕдасӕй цӕуыны инспекцийы кусджытӕн бацамыдтой сӕ ног разамонӕджы

🔻«Сапӕ» куыд базыдта, афтӕмӕй ведомствойы хицауӕй сфидар кодтой Александр Шалагины. Абон райсом æй кусджытæн бацамыдта республикӕйы мидхъуыддӕгты министр.

📄 Александр Шалагин райгуырд Армавиры. Каст фӕцис Цӕгат Кавказы техникон паддзахадон университет. Мидхъуыддӕгты оргӕнты кусы 20 азы бӕрц. Уый размӕ уыд Астраханы облӕсты фӕндӕгтыл ӕдасӕй цӕуыны инспекцийы управленийы хицауы хӕдивӕг, фӕстӕдæр та — Дагестаны паддзахадон автоинспекцийы хицау.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

📺 Къӕрных лӕппутӕ иу ран сӕмбӕлдысты ӕмӕ уӕдӕй райдыдта сӕ иумӕйаг агурӕн балц. Ӕппӕты райдиан та уыд ахӕстон.

#аивады_хӕзнадон 

⚫️ Дæхи «СапÆ»-йыл бафысс

🎵 Джиоты Мӕдинӕ, Ahsara — «Tchikita»

#Сапӕ_playlist
#иронзарӕг

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

📺 Карлсон ӕфсӕрмы кӕнын дӕр зоны. Кӕмӕй? Уымӕ уӕхӕдӕг бакӕсут.

#аивады_хӕзнадон 

⚫️ Дæхи «СапÆ»-йыл бафысс

🎵 Туккаты Изаурӕ — «Уарзти арт»

#Сапӕ_playlist
#иронзарӕг

Стъалытӕм бӕлгӕйӕ: космонавтикӕйы скъолайы ахуырдзау сарӕзта, Гагарин космосмæ цы ракетæйыл атахт, уый змæлынгæнæджы халдих

🔻Кокуаты Ариант кæны йæ фыццаг къахдзæфтæ космонавтикæйы. Дыууæ азмæ базыдта алыхуызон ракетæты конд æмæ ныр йæхæдæг аразы змæлынгæнджыты чысыл модельтæ. Йæ разамонæг Виктор Левашовимæ дзы сарæзта ныр дыууæ хуызы – гидропневматикон ракетæ æмæ РД-108 змæлынгæнæг. Ахæм уыд, Гагарин цы ракетæйыл атахт космосмæ, уым.

💬 «Ацы змæлынгæнæг арæзтон алыхуызон дзауматæй, алы бон кæмæй архайæм, ахæмтæй – ботлаты, банкæты сæртæ. Стæй сæ кæрæдзиуыл баныхæстон сасмæй. Æмæ йæ ныр токмæ куы баиу кæнай, уæд скусдзæни. Архайдтам ыл аст мæйы», — дзуры Ариант.

➡️ Йæ фыццаг куыст – гидропневматикон ракетæ — уæлæмæ тахти. Цыппор метрмæ-иу стахти зарядкæйы фæстæ. Лæппу куыд зæгъы, афтæмæй йæ космосмæ никуы фæндыд атæхын, фæлæ йæ сæйрагдæр бæллиц уыд ракетæтæ аразын. Арианты зæрды ис скæнын, ионтæй чи кусы ахæм змæлынгæнæг. Дунейы инженертæ йыл архайынц 20 æнусæй нырмæ.

⚫️ Дæхи «СапÆ»-йыл бафысс

Бӕхты театры «Нартӕ»-йы фӕзынд цыппар ног бӕхы

🔻Тагъд рӕстӕджы цыппаркъахыг актертӕ фӕзындзысты труппӕйы. Сӕ балхӕныныл схардз кодтой 1,2 милуан сомы. Ног бӕхты театры специалисттӕ агуырдтой Томбовы, Рязаны, Воронежы ӕмӕ Тулӕйы облӕстты. Хъæугæ та сæ бӕлвырд бӕхтæ кӕнынц, радзырдта «Сапӕ»-йӕн театры директор Кокойты Махарбег.

💬 «Хъӕуынц нӕ фӕныкхуыз бӕхтӕ. Азтӕ сыл куы рацӕуы, уӕд фӕурсдӕр вӕййынц ӕмӕ ноджы рӕсугъддӕр кӕнынц. Кӕсӕм кармӕ дӕр, мах 3-7-аздзыдтӕ хъӕуынц. Раздӕр сыл саргъ ӕвӕрӕн нӕй, фидар нӕма вӕййынц ӕмӕ барӕгӕн нӕ бафӕраздзысты. Алы облӕсттыл ӕрзылдыстӕм. Ӕркастыстӕм — бӕхтӕ ис, фӕлӕ нын зынаргъ сты», — радзырдта театры директор.

Кокойты Махарбег куыд зӕгъы, афтӕмӕй бӕхтӕ фӕкусынц 15-17 азы. Уый фӕстӕ фӕзӕронд вӕййынц ӕмӕ сӕ куыстӕн нал фӕфӕразынц. Уӕд сӕ хорз адӕмӕн раттынц. Ныртӕккӕ театры ис 10 бӕхы. Сӕ иу — шетлендаг пони Майк. Театрӕн ӕй балӕвар кодта Кудзаты Хъазыбег.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — митӕруард.

⚫️ Дæхи «СапÆ»-йыл бафысс

Æз – сылгоймаг – цардаразæг фарн дæн

«Фæлмæнзæрдæ Тауыче,
Куыд рæсугъд дæ, Тауыче!
Нарæгастæу Тауыче,
Худгæ былтæ Тауыче!»

Ацы зарӕджы цагъдмæ хъусгæйæ æнæ мидбыл бахудгæ, æвæццæгæн, ничи фæуыдзæн. Зарæг та рагон у. Рагон æмæ уарзон.

📄 Кæддæр, Цæлыччы быдыр кæй хонынц, уым уыдис тулдз хъæд. Иу стыр æрдузы цардысты Мамсыратæ. Царды фæсте ницæмæй аззадысты: авд æфсымæры ахæм æддæгуæлæ хæдзар самадтой, æмæ йæм хæлæггæнджытæ бирæ уыд. Сæ рæгъæуттыл, сæ зæххытыл цæст не 'ххæссыд. Æнцад бадын чи зыдта, ахæмтæй нæ фесты, бирæ цæуæнты ауадысты æмæ-иу кæддæриддæр лæвæрттимæ сыздæхтысты: буц кодтой сæ иунæг хо, гуырвидыц, рæсугъд Тауычейы.

Сагсур лæппутæ сæ тæккæ ус курыны кармæ бахæццæ сты, фæлæ сæ бинонты кой ничима бакодта. Уæд сфæнд кодтой сæ хистæр Цæлыккæн ус æрхæссын. Минæвæрттæ арвыстой Мæхъхъæлмæ æмæ разыйы дзуапп райстой. Чындзæхсæвмæ сæхи рæвдз кæнын райдыдтой. Цалдæр боны ма йæм хъуыд, афтæ сæм сæрвыстой: ног кайыстæ сæ чызджы нал дæттынц. Мамсыратыл чидæр хахуыр бакодта æмæ мæхъхъæл сæ фæнд аивтой. Æфсымæртæн ацы хабар карды цæфау куыннæ уыдаид. Сæ бæхтыл абадтысты æмæ лæбурæг фæцагайдтой. Чындзы байсын сæ къухы бафтыд æмæ йæ сæхимæ æрбалæууын кодтой.

Фæлæ мæхъхъæлæй се 'фхæрд нæ рох кодта. Мамсыратæ балцы куы уыдысты, уыцы бон сæм хæдзармæ бабырстой æмæ Тауычейы рахастой. Сæхимæ куы схæццæ сты, уæд æй, сæ мад цы уаты уыд, уырдæм баппæрстой. Чызгæн ма хабар цы бамбарын хъуыд, сылгоймаджы риумæ йæхи баппæрста æмæ дзы йæхицæн мад загъта. Уæд ус йæ фырттæм фæдзырдта æмæ сын фехъусын кодта, абонæй фæстæмæ Тауыче сæ хо кæй уыдзæн. Гæнæн нал уыд, æмæ дзы лæппутæ сæхицæн хо загътой.

Цалдӕр азы Тауыче йæ ног фысымтæм фæцард, стæй йæ зынаргъ хуынтимæ Мамсыратæм ахуыдтой. Мæхъхъæлимæ кæй бафидыдтой, уый фæдыл йе 'фсымæртæ стыр куывд скодтой.

Курджытæ бирæ уыд Тауычейы, фæлæ ком радта куырттатаг Уыжегаты лæппуйæн. Хæтæгхуаг лæппу уыд æмæ хæлæрттæ бирæ дардта. Иуафон сæм уазæгуаты æрцыд кæсгон æлдар. Йæ зæрдæмæ фæцыд Тауычейы хæрзæгъдаудзинад. Бафæндыд æй, йæ чызг уыдонмæ куы хъомыл кодтаид, уый. Æмæ йæ æцæгдæр хъаны сæрвыста. 

Авд азы фæхъомыл кодта Тауыче æлдары чызджы, стæй йæ Кæсæгмæ ахуыдта. Фæстæмæ куы здæхтис, уæд ын стыр лæвæрттæ ракодтой. Æппæты кадджындæр та уыди, кæсгон æхсин æй кæй схуыдой, уый. Фæлæ ууыл нæ ахицæн хъуыддаг. Æлдары бафарстой, ды та йын цы лæвар кæныс, зæгъгæ. Уæд уый ахæм дзуапп радта:
– Тауычейæн чызг нæй æмæ йын мæ чызджы лæвар кæнын.

Уыйадыл, авд азы кæй фæхаста, уыцы чызгимæ æрыздæхт Тауыче.

#таурӕгъ

⚫️ Дæхи «СапÆ»-йыл бафысс

Роспотребнадзор тӕрхондонмӕ балӕвӕрдта гӕххӕттытӕ, цӕмӕй Дзӕуджыхъӕуы бӕлццӕттӕласӕн ӕртӕ компанийӕ бадомой сӕ куысты аиппытӕ аиуварс кӕнын

🔻Ныхас цы компанитыл цӕуы, уыдон сты «Спринтер» (44 маршрут), «Скат» (11 маршрут) ӕмӕ «Трансавто» (50 маршрут). Дзӕуджыхъӕуы администраци Роспотребнадзормӕ бахаста хъаст, маршруттӕ амынд рӕстӕгмӕ гӕсгӕ кӕй нӕ цӕуынц, уый тыххӕй. Сарӕзтой сын административон протоколтӕ.

Уымӕй уӕлдай ма ведомство уайдзӕфы гӕххӕттытӕ арвыста бӕлццӕттӕласӕн 10 компанимӕ. Сӕйрагдӕр аипп — валидатортӕ кӕй нӕ кусынц, уый.

💬 «Компанитӕм нӕ фиппаинӕгтӕ фӕхӕццӕ кодтам. Бамбарын сын кодтам, нормативон-барадон домӕнтӕ ӕххӕст кӕнын кӕй хъӕуы, уый», — зӕгъынц Роспотребнадзоры специалисттӕ.

⚫️ Дæхи «СапÆ»-йыл бафысс

Фыццаг хатт: Дзӕуджыхъӕуӕй Симферопольмӕ райдайдзӕн поезд цӕуын

🔻Дзӕуджыхъӕуӕй фыццаг рейс уыдзӕн 30 апрелы. Поезд № 527/528 фенцондӕр кӕндзӕн Хъырым ӕмӕ Кавказы регионтимӕ бастдзинад. Бӕлвырддӕр зӕгъгӕйӕ та, Цӕгат Ирыстон ӕмӕ Кӕсӕг-Балхъаримæ. Раздӕр сӕм «Таврия» поездтӕ нӕ цыдысты. Уый тыххæй хъусын кӕны бӕлццӕттӕласӕг компани «Гранд Сервис Экспресс». Цӕгат Ирыстоны поезды ӕрлӕууӕн бынӕттӕ сты Дзуӕджыхъӕу ӕмӕ Беслӕн, Кӕсӕг-Балхъары та — Прохладныйы ӕмӕ Котляревскийы станцӕты.

Поезд цӕудзӕн алы цыппар боны.

▫️Дзӕуджыхъӕуӕй рацӕудзӕн 7:30-ыл, Симферопольмӕ бахӕццӕ уыдзӕн дыккаг бон 8:50-ыл.
▫️Симферополӕй фыццаг рейс уыдзӕн 28 апрелы 20:30-ыл, Дзӕуджыхъӕумӕ схӕццӕ уыдзӕн дыккаг бон 19:13-ыл. 

Маршрут цӕуы Тамань, Краснодар ӕмӕ Минводыйыл. Билеты аргъ у 3,76 мин сомы ӕмӕ уымӕй уӕлӕмӕ.

⚫️ Дæхи «СапÆ»-йыл бафысс

Алагиры ног кӕнынц, 20 азы заууаты чи уыд, уыцы доны резервуартӕ

🔻Доны хӕдзарад сног кӕндзӕн дыууӕ резервуары ӕмӕ донӕй бафсаддзӕн Црау ӕмӕ Рæмонты хъӕу. Алы донӕмбырдгӕнӕны дӕр цӕуы 2 мин кубометры, сты Алагиры тӕккӕ бӕрзонддӕр ран. Авариты рӕстӕг сӕ бон суткӕйы дӕргъы уыдзӕн адӕммӕ дон хӕццӕ кӕнын. 

Цъастӕм 20 азы бӕрц цӕстдард нӕ уыд ӕмӕ дон хӕтӕлтыл йӕхигъдауӕй калд цӕрджыты хӕдзӕрттӕм. Ай-гъайдӕр, йӕ хъомыс гыццыл уыд ӕмӕ се 'ппӕтмӕ нӕ хӕццӕ кодта. Цалцӕджы фӕстӕ донцъирӕнтӕ резервуарты ӕмбырд кӕндзысты дон ӕмӕ йӕ уырдыгӕй ауадздзысты хъӕутӕм ӕмӕ горӕттӕм. Уый тыххæй «Сапӕ»-йӕн радзырдта доны хӕдзарады хицау Хъараты Тимур.

💬 «Нӕ куыстуаты сӕйраг хӕс у республикӕйы доны хӕдзарады объекттӕм базилын ӕмӕ сӕ банывыл кӕнын. Уӕд хӕтӕлты ӕлхъывдад схорз уыдзӕн ӕмӕ хъуамӕ мауал тоной. Уыимӕ ма автоматикон фӕткмӕ гӕсгӕ кӕй кусдзысты, уымӕ гӕсгӕ энерги дӕр фӕстауӕрц кӕндзӕн», — ӕмбарын кӕны Хъараты Тимур.

Йӕ ныхасмӕ ма бафтыдта, гидроизоляцийы ӕмӕ ӕдасдзинады домӕнтыл кӕй кусынц, уый дӕр. Сфидар кӕндзысты доны сыгъдӕгдзинад бӕрӕггӕнӕн системӕ.

💬 «Исты дызӕрдыгдзинад куы уа, уӕд скусдзӕн хлорӕй сыгъдӕггӕнӕн системӕ. 2026 азмӕ та нӕ зӕрды ис республикӕйы ӕппӕт резервуартӕ сног кӕнын, сты 30 фылдӕр. Алагиры нӕ куыстытӕ хъуамӕ июньмӕ фӕуӕм», — зӕгъы доны хӕдзарады хицау.

➡️ Цалцӕггонд резервуартӕй хъӕутӕм доны ног хӕтӕлтӕ бауадздзӕн цӕрӕн-коммуналон хӕдзарад.

⚫️ Дæхи «СапÆ»-йыл бафысс

Мит бирӕ: «Мамысон»-ы трассӕтӕ улӕфӕн бонтӕм цӕттӕ сты

🔻Тыхджын митӕруарды фæрцы фадат ис къахдзоныгътыл бырыны сезон фӕдӕргъвӕтин кӕнынæн. Ратрактӕ мит слӕгъз кодтой ӕмӕ бацӕттӕ кодтой трассӕтӕ.

💬 «Уыйбӕрц мит зымӕджы дӕр нӕ уыд. Техникӕ йӕ ныннадта, трассӕтӕ бацӕттӕ кодтам ӕмӕ ӕнхъӕлмӕ кӕсӕм уазджытӕм», — зӕгъынц ирвӕзынгӕнджытӕ.

Тыхсын кӕны ӕрмӕст иу хъуыддаг — Буроны фӕндаг ӕхгӕд кӕй у, уый аххосӕй ӕфсӕн бӕндӕнвӕндагмӕ цӕстдарӕг специалистты бон нӕу курортмӕ бахӕццӕ уӕвын.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — мӕцъис.

⚫️ Дæхи «СапÆ»-йыл бафысс

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — ӕмхасӕнзарӕг.

⚫️Дæхи «СапÆ»-йыл бафысс

Цӕгат Ирыстоны ноггуырдтӕй иумӕ рабӕрӕг кодтой уæлуыргты цъары низ

🔻Цӕгат Ирыстоны афӕдзы райдианӕй скрининг скодтой 1753 сывӕллонӕн. Сӕ иумӕ рабӕрӕг, стӕм хатт чи ӕмбӕлы, ахӕм гуырдзæй рахæсгæ низ — уæлуыргты цъары дисфункци («врожденная дисфункция коры надпочечников»).

💬 «Ныртӕккӕ сывӕллонӕн кӕнынц гормонтӕй терапийӕ. Фӕстӕдӕр ӕй арвитдзысты федералон медицинон центрмӕ ӕмӕ уым сфидар кӕндзысты, цы хуызы ӕмӕ йын цавӕр операци кӕнын хъӕуы, уый», — радзырдта «Сапӕ»-йӕн республикӕйы ӕнӕниздзинадхъахъхъӕнынады министр Тебиаты Сослан.

Уымӕй уӕлдай цыппар сывӕллоны диагнозы фенæн ис: «Недостаточность ацил-КоА дегидрогеназы жирных кислот со средней длиной углеродной цепи». Ацы низ ахады, хӕринаджы цы буарыхъӕдтӕ ис, уыдон организмы куыд зилдух кӕнынц ӕмӕ йыл куыд æндавынц, ууыл. Ахӕм низтӕ стӕм кӕй ис, уыимӕ разы сты академик Бочковы номыл медицинон наукон центры специалисттӕ.

💬 «Ахӕм сывӕллӕтæн хос кӕнын нӕ хъӕуы. Фӕлӕ сӕм хъуамӕ цӕст дарой диетологтӕ ӕмӕ бӕрӕг кӕной, хæринаджы буарыхъӕдтӕ сыл куыд ахадынц: пайда сын чи у ӕмӕ сӕ чи хъыгдары, уыдоны рабӕрӕг кӕной. Стӕй дарддӕр ӕххӕст кӕнинаг вӕййынц клиникон амынддзинӕдтӕ», — бамбарын кодта министр.

➡️ Неонаталон скрининг республикӕйы кӕнынц национ проекты фӕлгӕты. Йӕ фӕрцы рабӕрӕггӕнӕн ис, фӕлтӕрӕй-фӕлтӕрмӕ цы низтӕ рацӕуынц, уыдонӕй 36. Скрининг кӕнынц ӕрмӕст ныййарджытӕй бар райсгӕйӕ.

⚫️ Дæхи «СапÆ»-йыл бафысс

Беслӕны ныппырх кодтой Алайнаг хъазахъхъаг зылды раздӕры атаманы ингӕн

🔻Едзиты Харитон амард 2023 азы. Ацы азы 4 апрелы йӕ ингӕнмӕ радон хатт ӕрбацӕуӕг хиуӕттӕ йӕ баййӕфтой пырхытӕй. Харитоны чызджы хъуыдымӕ гӕсгӕ, уый чидӕр барӕй бакодта.   

💬 «Фыдгӕнджытӕ йын йӕ плиткӕ асастой, цырты раз ингӕн ракъахтой, суанг сау сӕрбӕттӕнтӕ кӕм уыдысты, уый онг. Хӕсгӕ ницы акодтой. Чи зоны, сӕ фæнд кӕронмӕ нӕ сӕххӕст кодтой ӕмæ хъавыдысты дыккаг бон ӕрбацӕуын. Цыртмӕ нӕ бавнӕлдтой. Ӕвӕццӕгӕн, цӕмӕй бæрæг ма уа, цыдӕртӕ дзы кæй куыстой, уый. Суанг ма цы дуртӕ стыдтой, уыдон фӕстӕмӕ сӕ бынӕтты ӕрӕвӕрдтой», — радзырдта Едзиты Харитоны чызг Зӕлинӕ.

Бинонтӕ сӕ хъаст бахастой пъӕлицӕмӕ, фӕлӕ фыдгӕнджыты нӕма ссардтой. Куыд сæм кæсы, афтæмæй ингӕныл ахӕм куыстытӕ кӕнынӕн чидӕр йемӕ ӕрбахаста мӕцъис кӕнӕ дзӕбуг. 

💬 «Барадхъахъхъӕнджыты хъуыдымӕ гӕсгӕ, дзæбугӕй архайдтой. Бынаты ссардтой цыдӕр цъӕх састаг ӕмӕ ӕнхъӕл сты, дзӕбуджы хъӕд цъӕх уыд, зӕгъгӕ», — йӕ ныхасмӕ бафтыдта Зӕлинӕ.

➡️ Ныр бинонтӕ рад хӕссынц ингӕны цур ӕмӕ йӕ хъахъхъӕнынц.

⚫️ Дæхи «СапÆ»-йыл бафысс

Дзӕуджыхъӕуы ныссадздзысты милуан дидинӕджы

🔻Ацы аз горӕты клумбӕтӕ саив кӕндзысты петунитӕ, тагетестӕ, сальвитӕ, агератумтӕ, антирринумтӕ, циннитӕ, георгинтӕ, астрӕтӕ, амаранттӕ ӕмӕ ӕндӕр дидинджытӕ. Ӕдӕппӕтӕй милуан дидинӕджы бӕрц.

Ӕппӕты стырдӕр дидинӕгджын фӕзтӕ уыдзысты Сӕрибардзинады, Уӕлахизы, Штыбы, Адӕмты иудзинады фӕзты ӕмӕ Намысы мемориалы. Дидинджытӕй гауызтӕ скӕндзысты Джызӕлӕй, Архонкӕйӕ ӕмӕ Черменыхъӕуӕй горӕтмӕ цӕуӕг фӕндæгтыл.

⚫️ Дæхи «СапÆ»-йыл бафысс

Уалыты Чермены тренер радзырдта йӕ хъомылгӕнинаджы уӕлахизы ӕмӕ йӕ хорзӕхджын кӕныны мадзалы тыххӕй

🔻Дзукъаты Кахабер «Сапӕ»-йӕн куыд радзырдта, афтӕмӕй тарстис, Олимпиадӕйы уавӕр ногӕй куы рауайа, уымӕй. Уӕд тӕрхонгӕнджыты дызӕрдыггаг уынаффӕйы тыххӕй Чермен финалы нӕ хӕцыд. Тренер та сӕрыстыр у хъӕбысхӕсты ирыстойнаг скъолайы хъомылгӕнинӕгтӕй.

💬 «Ацы уӕзы хӕцын зын у, фӕлӕ йӕ уӕлахиз уӕлдай кадджын у. Ныр та финалы дыууӕ ирон лӕппуйы уыдысты. Ацы хабар æвдисæн у, ирыстойнаг хъӕбысхӕсты скъола хуыздӕрты нымæцы кæй ис, уымæн. Уый истори у, æмæ Ирыстоны алы цӕрӕг дӕр хъуамӕ зона, ахӕм ӕнтыстдзинӕдтӕ ӕрмӕст не 'мзӕххонты къухы кӕй ӕфтынц», — зӕгъы Дзукъаты Кахабер.

Ерысты уӕлахиздзауты хорзӕхджын кӕныны мадзалы тыххӕй дӕр йӕ хъуыдытӕ райхӕлдта. Куыд ӕнхъӕл сты, афтӕмӕй Уӕрӕсейы Спортивон хъӕбысхӕсты федерацийы президент Михаил Мамиашвили Уалыты Черменӕн майдан куы лæвæрдта, уæд æй схуыдта, йӕ бӕстӕ чи ауӕй кодта, ахӕм адӕймаг, турниры уӕлдӕр хӕрзиуӕг та йын схуыстӕй радта.    

💬 «Нӕ бӕстӕйы цӕсгом ахӕм ӕмвӕзадыл чи ӕвдисы, уый хъуамӕ йӕхи, куыд ӕмбӕлы, афтӕ дара. Фарста мӕм ис: йӕ бӕстӕ уӕйгӕнӕгыл кӕй банымайӕн ис?  Иннӕ паддзахадтӕм чи ацӕуы ӕмӕ йӕ ӕнтыстдзинӕдтӕй нӕхи спортивон скъолаты кад бӕрзонддӕр чи кӕны, уыдоны? Черменимӕ ныхас кодтам, нӕ уын сӕ дзурдзынӕн. Фӕлӕ хи афтӕ дарӕн нӕй. Чермен та йӕ уӕздандзинад ӕмӕ ӕфсармӕй радон хатт йӕхицӕн ӕмӕ Ирыстонӕн кад скодта», — загъта Дзукъаты Кахабер.

➡️ Европӕйы чемпионаты Уалыты Чермен хӕцыд 74 килограмы онг уӕзы, Албанийы командӕйы уӕнг уӕвгӕйӕ.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — ӕвзагзонынад.

⚫️ Дæхи «СапÆ»-йыл бафысс

Майрӕмададжы къахт бӕлӕстӕ ногӕй ныссагътой

🔻Хъӕуӕй цы дыууӕ тулдзы раласынмӕ хъавыдысты, уыдон ногӕй ныссагътой: иу — йӕ раздӕры бынаты, иннӕ та (Дӕллаг Санибайы хи хӕдзары хицауӕй кӕй балхӕдтой, уый) — йӕ фарсмӕ.

Хъуыддаг ӕнӕ къуылымпытӕй нӕ рауад. Фыццаг бӕлас дзыхъхъы куы сæвӕрдтой, уӕд уӕзӕгтӕисӕн кран нал скуыста. Йӕ банывыл кӕныныл ацыд сахатӕй гыццыл фылдӕр.

▫️Ӕрдзхъахъхъӕнӕг специалисттӕ куыд сбӕрӕг кодтой, афтӕмӕй бӕлӕстыл 35 азы бӕрц цӕуы. 

➡️ «Сапӕ» та базыдта, Алагиры ма ноджы иу бӕлас кӕй скъахтой, уый. У маньчжуриаг ӕнгуз. Уый дӕр республикӕйæ раласын нӕ бауагътой, кӕд йе скъахын ӕмӕ аласынӕн Алагиры администрацийы сӕргълӕууӕг Толпарты Махар бардӕттӕг гӕххӕтт рафыста, уӕддӕр (редакцимӕ ис).

Ӕрдзхъахъхъӕнӕн министрадӕй куыд фехъусын кодтой, афтӕмӕй Алагиры къахт ӕнгуз ныссагътой Хӕтӕлдоны таладоны. 

💬 «Хъуыддаг бахӕццӕ республикӕйы сӕргълӕууӕгмӕ дӕр, йӕ цӕст ӕм дары. Абон мидхъуыддӕгты министрады кусджытӕ "Аланиялес"-ы специалисттимæ иумæ сӕрмагонд техникӕйӕ пайда кӕнгӕйӕ бӕлӕстӕ фӕстӕмӕ ныссагътой», — хъусын кӕнынц ӕрдзхъахъхъӕнӕн министрадӕй.

Уӕзласӕн машинӕты шофыртӕ фӕндагыл лӕууыдысты 9 боны.

⚫️ Дæхи «СапÆ»-йыл бафысс

Дзырддаг цыт: Хуссар Ирыстоны быцӕу кӕнынц майданы эскизыл 

🔻Ныхас рацыд, куыд ӕй схуыдтой, ууыл — «Ӕнувыд фӕллойады цытӕн» (комкоммæ тæлмацæй — «В честь добросовестного труда»). Хъаугъа та кӕнынц фӕстаг дзырдыл — «цытæн» («в честь»). Йӕ ныхмӕ радзырдта депутат, газет «Хурзæрин»-ы раздӕры сӕйраг редактор Гӕбӕраты Юрий. Йӕ хъуыдымӕ гӕсгӕ, «тыххӕй» растдӕр уаид.

▫️ХИПУ-йы ирон ӕвзагзонынады кафедрӕйы хистӕр ахуыргӕнӕг Уалыты Мӕдинӕ «Сапӕ»-имӕ ныхасы бафиппайдта, дзырд «цытæн» аккагыл кӕй нымайы. Филологон наукӕты кандидат Биазырты Аллӕ дӕр йемӕ разы у. Йӕ хъуыдымӕ гӕсгӕ, «тыххæй» ӕгӕр хуымӕтӕг ӕмӕ ӕрвылбоны ныхас у.

Закъӕттӕ фидаргӕнӕн комитеты пресс-службӕйы нын куыд фехъусын кодтой, афтӕмӕй парламенты сессиийы ӕмбырдмӕ рахӕсдзысты фыццаг ном.

📄 Майдан сфидар кӕныны уынаффӕ рахастой ацы аз 4 апрелы ӕмбырды. Закъонады парламенты комитеты сӕрдар Бесаты Зитӕйы ныхӕстӕм гӕсгӕ дзы хорзӕхджын кӕндзысты, экономикӕ, литературӕ, аивад, спорт ӕмӕ ӕндӕр къабӕзты йӕхи иттӕг хорз чи равдыста, уыдоны, стӕй ма паддзахадон ӕмӕ граждайнаг службӕйы раззагдӕрты, йæ райгуырæн бæстæйы сæраппонд чи басгуыхт, уыдоны.

⚫️ Дæхи «СапÆ»-йыл бафысс

Цӕгатирыстойнаг командӕ рамбылдта турнир Counter Strike 2-йæ

🔻Грознамӕ ерыстӕм ссыдысты Цӕгат Кавказы республикӕты минӕвӕрттӕ. Не 'мзӕххонтӕн ӕмбал нӕ уыд ӕмӕ бацахстой фыццаг бынат, радтой сын 300 мин сомы. Дыккаг бынат ӕмӕ 150 мин сомы радтой Дагестаны командӕйӕн, ӕртыккаг бынат та бацахста Цӕцӕны командӕ ӕмӕ рамбылдта 50 мин сомы.

💬 «Командӕйы ис ӕхсӕз ӕрыгон лӕппуйы. Counter Strike 2-йы дӕр фыццаг хатт нӕ архайӕм. Стӕм Европӕйы лигӕйы уӕнгтӕ. Уый размӕ уыдыстӕм Уӕрӕсейы чемпионаты ӕмӕ бацахстам æхсæзæм бынат. Кӕд алы хатт къухы нӕ бафты, уӕддӕр кӕддӕриддӕр уӕлахизмӕ фӕтырнӕм. Ацы аз та нӕ разы ӕвӕрӕм нæ бӕстӕйы цыппар тыхджындӕр командӕйы номхыгъдмӕ бахауыны хæс», — радзырдта «Сапӕ»-йӕн командӕйы хицау Ваник Ордян.

Тагъд рӕстӕджы командӕйы уӕнгтӕ сӕ тыхтӕ бафӕлвардзысты республикон ерысты. Уый фӕстӕ сӕхи цӕттӕ кӕндзысты Уӕрӕсейы чемпионатмӕ, уыдзӕн сӕрды.

💬 «М2 Connect нын тынг ӕххуыс кӕны. Киберспорт Цӕгат Ирыстоны кӕй ис, уымӕн ӕвдисӕн стӕм. Бӕргӕ хорз уаид, фылдӕр адӕм нӕм се 'ргом куы раздахиккой, уæд», — зӕгъы Ваник.

⚫️ Дæхи «СапÆ»-йыл бафысс

Дыгуры ӕрыгон лӕппуйы чи амардта, уый дӕс мӕйы фӕстӕ йӕхӕдӕг пъӕлицӕмӕ ӕрбацыд

🔻Уый тыххӕй фехъусын кодта республикӕйы Слестгӕнӕн комитет.

➡️ «Сапӕ» куыд фыста, афтӕмӕй лӕппутӕ фӕбыцӕу сты артаджы станцӕйы. Рагагъоммӕ хъуыдымӕ гӕсгӕ, се 'хсӕн рауад хъаугъа ӕмӕ кӕй аххосджын кӕнынц, уыцы 28-аздзыд лӕппу иннӕйы фехста. Цӕф нӕлгоймаг машинӕйы сбадтис ӕмӕ йӕ фӕндагыл араст. Фӕлӕ йӕ ӕхсӕг иу ран нӕ уагъта ӕмӕ йӕ фӕстӕ ацыд. Баййӕфта йӕ ӕмӕ ма йыл ноджы цалдӕр нымыджы суагъта. Стӕй йӕ йӕхӕдӕг рынчындонмӕ ӕрбаласта. Фӕлӕ йын дохтырты бон баххуыс кӕнын нал баци. 

Чи ӕхста, уый фӕцыдӕр. Ныр дӕс мӕйы фӕстӕ ӕрбацыд пъӕлицӕмӕ ӕмӕ йӕ аххосыл басаст.

⚫️ Дæхи «СапÆ»-йыл бафысс

Цӕгат Ирыстоны цы ӕнӕ пилотæй тӕхӕг аппараттӕ ӕрӕппӕрстой, уыдон фехалдзысты

🔻Мӕздӕджы районы цы 15 аппараты сцæф кодтой, уыдоны уыдысты рӕмудзӕн ӕрмӕджытӕ ӕмӕ не схӕцыдысты. Уый тыххӕй фехъусын кодта Сергей Меняйло. Аппараттӕ кӕм ӕрхаудысты, уыцы фӕзуат у ӕхгӕд, рӕмудзӕн ӕрмӕджытӕм кӕсынц специалисттӕ.

💬 «Ӕдасдзинды домӕнтӕ хынцгӕйӕ, рӕмудзӕн ӕрмӕджытӕ бынаты фехалдзысты. Сӕ уынӕр хъуысдзӕн», — загъта регионы разамонӕг.

➡️ Районы цӕрджытӕй курӕг сты, цӕмӕй ма тӕрсой ӕмӕ ма стыхсой.

⚫️ Дæхи «СапÆ»-йыл бафысс

Алы райсом пайдаимӕ!

📆 Кӕд цард чиныг у, уӕд йӕ бонтӕ — сыфтӕ. Чиныджы сыфтыл та ӕмбисӕндтӕ дӕр вӕййы.

#ӕлвӕст_хъуыдытӕ
#ӕмбисонд

Абоны цаутыл афӕлгӕсгӕйӕ, уӕ цӕст цавӕр ныхӕстыл ӕрхӕцыд?

➡️ Ацы изӕр уӕ зонгӕ кӕнӕм ног дзырдимӕ — дукани.

⚫️ Дæхи «СапÆ»-йыл бафысс

Майрӕмададжы цы бӕлӕстӕ скъахтой, уыдон фӕнд кодтой Мӕскуыйы бынмӕ парчы ныссадзын

🔻Барадхъахъхъӕнджытӕ шофырты баурӕдтой хъуыддаг сбӕрӕг кӕныны тыххӕй. Ныр къуырийы бӕрц уӕзласӕн машинӕтӕ лӕууынц Майрӕмададжы цур фӕндагыл. Шофыртӕй иу Эдуард Мирзоян «Сапӕ»-йӕн куыд радзырдта, афтæмæй республикæмæ куы ссыдысты, уæд бӕлӕстӕ къахт уыдысты. Сӕ хӕс уыд тулдзытӕ Мӕскуыйы облӕстмӕ фӕхӕццӕ кӕнын.

💬 «Бӕлвырд адрис нын фӕндагыл фехъусын кӕнынц. Йер, уымӕй дарддӕр ницы зонӕм. Фӕлӕ нæм бӕлӕстӕ ласынӕн гӕххӕттытӕ ис. Ныртӕккӕ сты ахст. Мах та лӕууӕм», — дзурынц шофыртӕ.

«Сапӕ» базыдта: бӕлӕстӕ скъахын ӕмӕ ласыны куыстытӕ ӕххӕст кодта кӕсӕг-балхъайраг амалгӕнæг Алан Атабиев. Куыд радзырдта, афтӕмӕй иу бӕлас скъахынӕн хъӕуы хицау Дзантиаты Таймуразӕй бардӕттӕг гӕххӕтт райста. Йӕ ныхмӕ та Атабиев хъӕуы рӕвдауӕндоны фӕзуатмӕ базилынӕй зӕрдӕ бавӕрдта. Фӕлӕ ацы ныхас гӕххӕттыл фидаргонд не 'рцыд.

💬 «Дыууӕ бӕласы раласынмӕ хъавыдыстӕм: иу администрацийы барӕй, иннӕ та — ӕлхӕнгӕ бӕлас. Иннӕ бӕлӕстӕ чи скъахта, уыдонмӕ ницы бар дарӕм. Хъӕуы хицауимӕ баныхас кодтам, хъуамӕ рӕвдауӕндон цъӕхвӕлыст скодтаиккам. Уый хорз хъуыддаг у, хъӕуы хицау раст ахъуыды кодта. Бӕлӕстӕн та фӕндаджы цур бынат нал фаг кодта», — загъта Алан Атабиев.

Кӕдӕм сӕ ластой ӕмӕ сын уыцы куыст чи бахӕс кодта, уый тыххӕй Алан Атабиев ницы загъта. Ӕрмӕст бафиппайдта, Мӕскуыйы облӕсты парчы сӕ садзынвӕнд кӕй кодтой, уый.

➡️ «Сапӕ» куыд фыста, афтӕмӕй хъӕуы рӕзты цӕуӕг фӕндаджы был сагъд тулдзытӕ цыдӕр кӕй фӕвӕййынц, уымӕ иу-дыууӕ мӕйы размӕ фӕкомкоммӕ сты. Хъæуы хицау сын хъуыддаг ӕмбарын кодта, фӕндаг уӕрӕхдӕр кӕнынц, зӕгъгӕ. Федералон фӕндӕгты управленийы та радзырдтой: фӕндаг фӕуӕрӕхдӕр кӕныныл ныхас ӕцӕгӕйдӕр цӕуы, фӕлӕ куыстытӕм нырма бирӕ рӕстӕг ис — ныртӕккӕ уал проекты гӕххӕттытыл кусынц.

⚫️ Дæхи «СапÆ»-йыл бафысс

Сывӕллоны уæхск чи асаста, уыцы хъомылгӕнӕгӕн рахæсгæ тӕрхонимæ лæппуйы ныййарджытӕ разы не сты

🔻Апелляци балӕвӕрдтой Дзӕуджыхъӕуы Советон районы тӕрхондонмӕ. Раздӕры уынаффӕмӕ гӕсгӕ хъомылгӕнӕджы 15 мин сомы кӕй фӕивар кодтой, уый хъыгдардбаййафӕг лӕппуйы мад Мадина Халимова растыл нæ нымайы. Домы, цӕмӕй аххосджынæн сывӕллӕттимӕ 5 азы кусыны бар ма уа, стӕй ӕнӕмӕнг ӕххӕстгӕнгӕ куыстытӕ кӕна. 

💬 «Раздӕры уынаффӕ нӕм раст нӕ кӕсы ӕмӕ нӕ зӕрдӕ дарӕм, рӕстдзинад кӕй фӕуӕлахиз уыдзӕн, ууыл. Ныхас гыццыл сывӕллоныл цӕуы ӕмӕ хъуыддагмӕ куыдфӕндыйы цӕстӕй кӕсын нӕ хъӕуы, хъуамӕ йӕ фарс уой», — загъта «Сапӕ»-йӕн Мадина Халимова.

➡️ «Сапӕ» куыд фыста, афтӕмӕй августы 176 рӕвдауӕндоны хъомылгӕнӕджы аххосӕй 2-аздзыд сывӕллонӕн асаст йе уӕхск. Ахуырады министрад хъуыддаг раиртӕста ӕмӕ хъомылгӕнӕджы йӕ куысты бынатӕй систой. Ивгъуыд къуырийы йӕ уголовон кодексы 156 статьямӕ гӕсгӕ тӕрхондоны банымадтой аххосджыныл ӕмӕ йӕ фӕивар кодтой 15 мин сомы.

⚫️ Дæхи «СапÆ»-йыл бафысс