“Kanalni qo’llab-quvvatlash” rubrikasi

To’liq tanishib chiqishingiz uchun 1 daqiqa vaqtingiz talab qilinadi:

• Havola

Insoniyat 10 yil ichida barcha kasalliklarni davolay oladi

Google DeepMind bosh direktori Demis Hassabis fikricha, sun’iy intellekt yordamida dorilar yaratish kosmik tezlikda amalga oshadi va yangi preparatlar atigi bir necha soat ichida ishlab chiqiladi.

Xitoy sun’iy intellekti shifokorlarni ortda qoldirib, The Food and Drug Administration (FDA) tomonidan “innovatsion qurilma” maqomini oldi

Alibaba kompaniyasining Damo Panda sun’iy intellekti oshqozon osti bezi saratonini aniqlashda shifokorlardan 34% ga yuqori aniqlikka erishdi. 40 000 nafar real bemor ustida o‘tkazilgan sinovda tizim shifokorlar e’tibordan chetda qoldirgan 31 ta saraton holatini aniqladi.

Eng xavfli saraton turlaridan biri uchun, bu sohada 80% dan ortiq holatlar kech bosqichda aniqlanadigan kasallikda, bu haqiqiy yutuq hisoblanadi.

Har qanday neyron tarmoq imkoniyatlarini maksimal darajada ochib beradigan ulkan promtlar kutubxonasini topdik

Ushbu maxsus tayyorlangan ko‘rsatmalar yordamida ChatGPT:

• 15 yillik tajribaga ega ijodkor yozuvchiga aylanadi;
• Dasturlashni bolalikdan biladigan daholar darajasidagi kod yozuvchi Senior dasturchiga aylanadi;
• Haqiqat va soxta ma’lumotlarni ajrata oladigan kuchli faktlarnu tekshiradigan vositasiga aylanadi;
• O‘nlab va hatto yuzlab turli ishlash senariylarini bajaradi.

Havola

Britaniyada saraton kasalligini alomatlar paydo bo‘lishidan oldin aniqlaydigan test yaratildi

Ushbu analiz atigi 10 tomchi qon orqali o‘pka, ko‘krak bezi va oshqozon osti bezi kabi 12 turdagi saratonni 99% aniqlik bilan aniqlay oladi.

Sun’iy intellekt qon tarkibidagi mikroRNK (mikroribonuklein kislotalar) ni tahlil qiladi, bu esa nafaqat saraton kasalligini aniqlash, balki uning organizmdagi aniq joylashuvini belgilash imkonini beradi.

YouTube videopleyeri 10 yildan keyin ilk bor katta dizayn o‘zgarishiga uchradi

Yangilangan interfeys (oxirgi suratda) Material Design 3 uslubida yaratilgan — bu Google’ning boshqa servislarida va Android operatsion tizimida ham qo‘llaniladi. Endi tugmalar alohida “kapsulalarda” joylashgan bo‘lib, videoning ustida “suzib turgandek” ko‘rinadi. Ularning joylashuvi ham biroz o‘zgargan: masalan, ovoz balandligini sozlash tugmasi o‘ng tomonga ko‘chirilgan.

Ovoz bilan bog‘liq yana bir yangilik: foydalanuvchilar ovozni endi klaviaturadagi strelkalar bilan sozlab bo‘lmasligini aytishmoqda. Yangi dizayn turlicha qabul qilinmoqda, bu esa tabiiy hol.

Interfeys yangilanishi bosqichma-bosqich joriy qilinadi. Agar yangi ko‘rinish sizga yoqmasa, YouTube qo‘llab-quvvatlash xizmatiga shikoyat qilish tavsiya etiladi — ilgari foydalanuvchilarning noroziligi sababli Google ayrim o‘zgarishlarni bekor qilgan holatlar ham bo‘lgan.

Rasmlar bilan ishlash uchun mo‘ljallangan 200 ta eng zo‘r neyron tarmoqlar to‘plami

Hammasi qulay tarzda toifalarga bo‘lingan: rasm, 3D-modellar va logotiplar generatsiyasi, eski suratlarni yaxshilash, hatto veb-dizayn uchun qulay vositalar ham bor. Har bir neyron tarmoqqa qisqa va tushunarli tavsif ilova qilingan.

Havola

Gmail ilovasida barcha keraksiz xatlarga obunani bekor qilish tugmasi paydo bo’ldi

Chapdagi menyuda “Obunalarni boshqarish” bo’limi paydo bo’ldi. Obunani bekor qilish uchun u bo’limga o’tib, keraksiz xatlarni tanlash va yonidagi belgini bosib tasdiqlash kerak bo’ladi.

Ushbu funksiya hozircha faqat Android versiyasida mavjud. iOS va veb-versiyalarida ham tez orada paydo bo’lishi kutilmoqda.

Krea neyron tarmog‘i ajoyib yangi funksiyani taqdim etdi — endi u yerda 3D obyektlar bilan to‘liq virtual sahnalarni yaratish mumkin

Sun’iy intellekt dastlab asosiy muhitni o‘zi yaratadi, so‘ngra unga nima qo‘shish mumkinligini taklif qiladi. Shuningdek, foydalanuvchi yozgan promptlarga qarab ham g‘oyalar beradi — yana nimalarni generatsiya qilish mumkinligini ko‘rsatadi.

Eng yaxshi tomoni — bu funksiyani hozircha mutlaqo bepul ishlatish mumkin - Havola.

Kun videosi

Tesla egasi mashinadan uni hech qachon bormagan joyiga olib borishni so‘ragan — natijada… u egasini fitnes-klubga olib borgan.

Robotlarda ham hazil hissi bor ekan!

ChatGPT yordamida o‘z yuzingiz bilan stikerlar toplamini yaratishinguz mumkin

1. ChatGPT’ga kiramiz, suratimizni yuboramiz va quyidagi promtni yozamiz:

“Mening fotosuratim va tashqi ko‘rinishim asosida multfilm uslubida 12 ta stiker to‘plamini yarat. Har bir stikerdagi hissiyoti har xil bo‘lsin. Hissiyotlar: hayrat, hafsalasi pir bo‘lish, quvonch, g‘azab, qayg‘u, o’pish, ko‘z qisish, qoyil qolish, nafrat, zerikish, dahshat, xursandchilik. Hissiyotlar yorqin ifodalangan bo‘lsin. Har bir stiker aniq konturli va messenjerga qo‘yish oson bo‘lishi uchun shaffof fon bilan tayyorlansin. Hammasi chiroyli joylashtirilgan bo‘lishi va ramkadan chiqmasligi kerak.”

2. Olingan PNG faylni alohida stikerlarga bo‘lib chiqamiz.

3. @Stickers botiga kirib, /newpack buyrug‘i orqali yangi stikerlar toplamini yaratamiz.

Bu jarayonda faqat o‘z yuzingizni emas, balki istalgan mem yoki mushugingiz suratini ham stikerga aylantirishingiz mumkin.

Xitoyda tanaga alkogolizmga qarshi chiplar joylashtirilmoqda

Ushbu chip ichida elektronika emas, balki naltrekson moddasidan tayyorlangan granulalar mavjud. Bu dori alkogolga bo‘lgan xumorni bostiradi. Kapsulalar teri ostiga joylashtiriladi va ular olti oy davomida asta-sekinlik bilan organizmga tarqaladi.

Birinchi bemor — 20 yildan ortiq vaqt davomida alkogolga qaramlik bilan kurashayotgan erkak bo‘ldi. To‘qqiz marta tashlashga urinib, muvaffaqiyatsizlikka uchragach, u ushbu tajriba usulini sinab ko‘rishga rozi bo‘lgan.

2-oktabr kuni Ghost of Yōtei (“Yotey arvohi”) — Ghost of Tsushima (“Tsushima arvohi) o‘yinining davomi sifatida PlayStation 5 uchun chiqadi

O‘yinda Atsu ismli jangchi ayolning oilasi uchun qasos olish yo‘lidagi hikoyasi tasvirlanadi.

Ghost of Yōtei voqealari asl o‘yindan 329 yil o‘tib, 1603-yilda sodir bo‘ladi.

Dunyodagi eng tez gibrid yo‘ltanlamas avtomobil - Zeekr 9X namoyish etildi

Kapoti ostida deyarli 900 ot kuchi bor, 0 dan 100 km/soatgacha atigi 3 soniyada tezlashadi. Uning asosiy afzalligi — masofa zaxirasi: faqat elektr quvvati bilan 380 km, benzin bilan birga esa 1500 km gacha masofani bosib o’ta oladi. Bu ko‘rsatkich gibridlar orasida eng yaxshilaridan biri hisoblanadi.

Xitoyda boshlang‘ich narxi — 500 000 yuan (≈68000).

Xiaomi tana holatini o‘lchovchi 40 ta ko‘rsatkichga ega aqlli tarozilarni taqdim etdi — Mijia S800

Bu tarozi nafaqat vaznni, balki tana yog‘i, mushak massasi, suyuqlik miqdori, yurak urish tezligi kabi ko‘plab ko‘rsatkichlarni ham aniqlay oladi. Tana orqali o‘lchovlarni aniqroq olish uchun qo‘llar orqali ma’lumot to‘playdigan buklanadigan tutqich korpusga o‘rnatilgan.

Ushbu tarozi 36 tagacha foydalanuvchi ma’lumotlarini eslab qola oladi. Maxsus mobil ilova barcha ko‘rsatkichlarni yig‘ib, sun’iy intellekt yordamida sog‘liq bo‘yicha tavsiyalar beradi.

Qurilma batareyalar bilan ishlaydi. Mustaqil ishlash muddati — 180 kungacha.

Yangi mahsulot narxi — 299 yuan (≈$40).

Meta vertikal formatdagi videolar uchun mo‘ljallangan Edits nomli bepul video tahrirlovchi ilovani taqdim etdi

Edits ilovasi Instagram’ning oddiy video tahrirlovchisida yo‘q bo‘lgan kengaytirilgan funksiyalarga ega: fonni almashtirish va obyektlarni kesib olish, ilhom olish uchun maxsus bo‘lim, subtitrlar qo‘shish va sun’iy intellekt asosidagi animatsiyalar.

Shuningdek, foydalanuvchilar yuklangan videolarning statistikasini va lentadagi faoliyat bo‘yicha tahlillarni ko‘rishlari mumkin. Ilova orqali istalgan platforma uchun video tayyorlash mumkin — cheklovlar va suv belgisisiz (watermark).

Instagram rahbari Adam Mosseri kelajakda Edits ilovasining yangi versiyalariga pullik funksiyalar ham qo‘shilishi mumkinligini aytdi.

Ilova allaqachon Google Play va App Store do’konlarida mavjud.

Endiginda yaxshi hayot kechiraman deganingda….

Yaponiyalik Xonkon ismli yigit 10 yil davomida Ferrari olish uchun pul jamg‘argan. Kerakli miqdordagi pul yig’ilganidan so’ng, yigit nihoyat orzusiga erishib, Ferrari 458 xarid qilgan, uni salondan olib chiqqan, yo‘lga tushgan va oradan bir soat o‘tmay mashinasining yonayotganini tomosha qilishdan boshqa iloji qolmagan.

Hech qanday to‘qnashuv bo‘lmagan — yo‘lda ketayotganda mashinadan tutun chiqib, yonishni boshlagan. Yong‘in o‘chirish xizmati esa faqat kulni o‘chirishga ulgurgan. Hozir sug‘urta kompaniyasi ushbu “olovli shouning” sababini aniqlamoqda, yigit esa hech bo’lmaganda sug‘urtachilar uning ishonchini oqlashidan umidvor.

ByteDance kompaniyasi Seedream 3.0 — bir necha soniyada 2000 pikselgacha tasvir yaratadigan eng kuchli foto tahrirlovchi neyron tarmoqni taqdim qildi

Bu neyrotarmoq 2K o‘lchamdagi suratlarni oddiy sun’iy intellekt modellariga qaraganda 4-8 barobar tezroq qayta ishlay oladi. Hatto ajinlar va soch tolalarini ham aniq ajrata oladi — muvaffaqiyat darajasi 94%.

Artificial Analysis Arena reytingida u allaqachon 1-o‘rinda turibdi va GPT-4o hamda Midjourney v6.1 modellaridan bir necha ko‘rsatkichlar bo‘yicha ustun: tasvir aniqligi va promtlarni tushunish darajasi.

Seedream 3.0 Artificial Analysis Arena reytingida tasvir va matn aniqligi bo‘yicha ham GPT-4o va Midjourney v6.1 modellaridan ustun kelmoqda.

Hozirda beta-test faqat Xitoydagi Doubao platformasida ochiq — Havola.

ChatGPT 10 yil davomida beldagi og‘riqdan aziyat chekib kelgan yigitga foydali yechimni topib bergan

Beldagi og‘riqlar noto‘g‘ri yurish, o‘tirib ishlash va eski jarohatlar tufayli yuzaga kelgan. Fizioterapevtlar aniq sababni topa olishmagan, tavsiya qilingan mashqlar esa murakkab va samarasiz bo’lgan.

Yigit vaziyatni ChatGPT’ga tasvirlab bergan. Sun’iy intellekt muammo ildizini aniqlab, oddiy va samarali tiklanish rejasini taklif qilgan. Bir necha haftada og‘riq sezilarli darajada kamaygan va u yana faol hayotga qaytargan.

Bu hikoyani hatto OpenAI hammuassisi Greg Brokman ijtimoiy tarmoqlaridagi sahifasida bo‘lishgan.

Xitoyliklar dunyodagi eng tezkor xotirani yaratishdi

PoX chipi flesh-xotiradan 10 000 baravar tezroq, faol sovitishni talab qilmaydi va deyarli energiya sarflamaydi. Bunday xotiraga ega gadjetlar bir zumda yoqiladi. Aslida, PoX xotira tezligini operativ xotira darajasiga olib chiqib, flesh-xotira kabi ishonchlilikni ta’minlaydi.

Ma’lumotlar endi DRAM, SRAM va saqlovchi qurilmalar o‘rtasida yurib o‘tirmaydi — hammasi bevosita va tezkor tarzda qayta ishlanadi. Bu esa ancha sovuqroq va juda tezkor noutbuklar hamda smartfonlar uchun yo‘l ochadi.

Agar Xitoy ushbu texnologiyani ommaviy ishlab chiqarishni boshlasa, Samsung va boshqa xotira ishlab chiqaruvchilari uchun og‘ir kunlar boshlanishi mumkin.

Xiaomi arzon va kuchli — Mijia 3 changyutgichini taqdim etdi

Mijia Cordless Vacuum Cleaner 3 modelida 260 Vt quvvatga ega “aqlli” motor o‘rnatilgan bo‘lib, u ifloslik turiga qarab avtomatik ravishda kuchni sozlaydi. Ushbu changyutgich simsiz bo‘lib, 2500 mA/soat sig‘imdagi batareyasi bilan taxminan 90 daqiqa ishlaydi.

Xitoyda bu qurilmaning narxi atigi 999 yuan (≈$135).

Endi Instagramda do‘stlaringizga bitta reels emas, balki butun lentani yuborish mumkin bo‘ladi

Ijtimoiy tarmoq Blend deb nomlangan yangi funksiyani ishga tushirmoqda. Buning uchun avval guruhli chat yaratib, uning ichida ushbu funksiyani faollashtirish kerak bo‘ladi.

Shundan so‘ng, guruh ishtirokchilari o‘zlarining tavsiya lentasida “do‘stlardan” belgisi bilan yagona kontentni ko‘ra boshlaydi.

Sun’iy intellekt shifokorlar uddalay olmagan muammoni hal qildi

Reddit foydalanuvchisi besh yil davomida qiynab kelgan muammosini ChatGPT atigi 60 soniyada hal qilgani haqida hikoya bilan bo’lishdi.

Yigit boks mashg’ulotlaridan keyin jag‘i qirsillaydigan bo’lib qolganini aytgan. U shifokorlarga murojaat qilgan, MRT tekshiruvlaridan o‘tgan, ammo hech kim aniq yechim bera olmagan. Oxiri u muammoni ChatGPT'ga tasvirlab bergan — sun’iy intellekt esa unga oddiygina mashqni bajarishni maslahat bergan. Natijada — bir daqiqa o‘tmay, jag‘ joyiga tushgan va qirsillashlar yo‘qolgan.

Battlefield 6 o’yinida har qanday binoni vayron qilish imkoniyati paydo bo‘ladi

Internetda binolarni to‘liq vayron qilish imkoniyati namoyish etilgan video paydo bo’ldi. Ushbu mexanika o‘yin asosiga aylanishi kutilmoqda.

Bu yangilik o‘yinchilarga turli xil taktikalarni qo‘llash imkonini beradi va har bir jangni o‘ziga xos qiladi.

Chiqarilish sanasi — 2026-yil.

VenturusAI — bu sun’iy intellekt yordamida sizning biznes g‘oyangizni chuqur tahlil qilib, uni to‘liq hisobotga aylantiradigan servis

G‘oyani kiritasiz va kerakli tahlilni olasiz: afzalliklar, kamchiliklar, grafiklar, bashoratlar va umumiy xulosa.

Servis yangi boshlayotganlar uchun ham, allaqachon biznes yuritayotganlar uchun ham foydali — g‘oyani tekshirib ko‘rish va to‘g‘ri yo‘nalishda ekanligini aniqlash uchun ideal vosita.

Havola

Bir necha soniyada matndan taqdimot tayyorlaymiz

Ko’plab shablonlar, mavzular, jadvallar, grafiklar va slaydlarni o’z ichiga olgan Gamma sayti sizning konspekt, ma’ruza yoki istalgan hujjatingiz asosida bepul, zamonaviy taqdimot tayyorlab beradi.

Havola

Tadqiqot: Yumshoq o‘yinchoqlar va ko’rpalar hojatxona o‘rindig‘idan ham ko‘proq mikroblarni to‘playdi

O‘tkazilgan tadqiqotga ko‘ra, yumshoq o‘yinchoqlar va ko’rpalar gigiyena bo‘yicha kutilganidan ancha yomonroq natijalarni ko‘rsatdi.

Tekshiruv natijasida, o‘yinchoqlarning 29 foizida, ko’rpalarning esa 43 foizida ifloslanish darajasi 1000 dan ortiq ATF birligiga yetgan — bu “juda iflos” degani.

Taqqoslash uchun - chiqindi qutisining chelaklarida bu ko‘rsatkich o‘rtacha 294 ATF, hojatxona o‘rindig‘ida esa 864 ATF ni tashkil qilgan.

Tuzli ovqat depressiya xavfini 40% ga oshirishi mumkin

Tadqiqotchilar ortiqcha tuz iste’moli bilan biologik qarish jarayoni tezlashishi o‘rtasida bog‘liqlik borligini aniqlashdi. Bu esa o‘z navbatida inson ruhiy holatiga salbiy ta’sir ko‘rsatadi.

Bundan tashqari, tuz serotonin va dofamin — hissiy holatni boshqaradigan asosiy neyromoddulyatorlarni izdan chiqarishi mumkin.

Google bepul Veo 2 video generatorini ommaga taqdim etdi

Endi har kim AI Studio orqali realistik videolar yaratishi mumkin — buning uchun na kod, na montaj kerak. Har kuni 5 ta videoni bepul yaratish imkoniyati beriladi.

Agar sizda hozircha kirish imkoniyati ochilmagan bo‘lsa, VPN orqali AQSh hududini tanlab, xizmatga ulanib ko‘ring.

Gemini saytida limitlar kengroq, ammo u yerda bepul sinov uchun xorijiy bank kartasi talab qilinadi.

OpenAI GPT-4.1 uchun eng zoʻr prompt yozish qoʻllanmasini chiqardi

OpenAI yangi GPT-4.1 modelining imkoniyatlarini toʻliq ochib beradigan eng zoʻr qoʻllanmani taqdim etdi. Unda samarali prompt yozish, javoblarni tuzilmaviy chiqarish, kod yaratish va million tokenli kontekstdan maksimal foyda olish bo‘yicha barcha strategiyalar, usullar va maslahatlar jamlangan.

Havola

OpenAI dasturchilar uchun yangi GPT-4.1 til modelini taqdim etdi: aqlli, tez va arzon

Bu model ilgari taqdim etilgan GPT-4o’dan 8 barobar katta — 1 million tokenli kontekstni qo‘llab-quvvatlaydi. GPT-4.1 dasturlashda, ko‘rsatmalarga amal qilish va uzoq matnli kontekstlarni tushunishda sezilarli yaxshilanishlarni namoyon etgan. Modelning ishlatish xarajatlari ham pasaygan — GPT-4o bilan solishtirganda 26% arzonroq: 1 million kirish tokeni uchun — $2, 1 million chiqish tokeni uchun esa — $8.

Bundan tashqari, GPT-4.1’ning soddalashtirilgan variantlari ham mavjud. GPT-4.1 mini — GPT-4o darajasidagi samaradorlikni ta’minlaydi, biroq kechikishi deyarli ikki baravar kam va narxi 83% arzonroq. GPT-4.1 nano — OpenAI’ning eng tez va eng arzon modeli bo‘lib, klassifikatsiya va matnni to‘ldirish kabi oddiy vazifalar uchun mos.

GPT-4.1 modellarini faqat API orqali ishlatsa bo’ladi. Shuningdek, GPT-4.5 modeli 2025-yil 14-iyuldan boshlab API’dan chiqariladi.

Avstraliyada olimlar vafot etgan bastakorning miyasini “jonlantirishdi” — u o‘limidan 4 yil o‘tib yana musiqa yozmoqda

Amerikalik eksperimental bastakor Elvin Lusyé 89 yoshida ilmiy tajribada qatnashishga rozilik bergan. Olimlar uning miya hujayralaridan foydalanib, “bankadagi miya” — ya’ni laboratoriya sharoitida yetishtirilgan organoidlar yaratishdi.

Bugungi kunda bu organoidlar maxsus qurilma orqali tovushlarni eshitib, impulslar asosida javob qaytaradi. Natijada, ulardan chiqayotgan signal “ijod mahsuli” sifatida qabul qilinmoqda.

To‘g‘ridan-to‘g‘ri brauzerning o’zida rasmdagi suv belgilarini olib tashlaymiz

Maxsus neyron tarmoq yordamida rasmlardagi suv belgilarini ko‘zga ko‘rinmaydigan tarzda olib tashlash mumkin. Barcha keraksiz elementlar yo‘q qilinadi va natija maksimal aniqlikda taqdim etiladi.

Eng zo‘ri — barchasi mutlaqo bepul va ro‘yxatdan o‘tish ham shart emas.

Havola

O‘qituvchilar testlarga oq rangda yashirin matnlarni qo‘shishni boshlashdi

Yashirin matnda noto‘g‘ri javobni chiqaruvchi maxsus prompt (buyruq) yashiringan bo‘ladi. Natijada, agar talabalar matnni tekshirmasdan sun’iy intellektdan foydalananishsa, o’qituvchilarning tuzog’iga tushgan bo’ladi, deb yozadi Twitter foydalanuvchisi.

Oilada yagona farzand bo’lgan bolalar ruhiy jihatdan sog‘lomroq bo’lib o’sadi

Olimlarning fikriga ko‘ra, aka-uka, opa-singillarsiz o‘sgan bolalarda ijodiy qobiliyatlar yaxshiroq rivojlangan, o‘ziga bo‘lgan ishonch balandroq va psixologik muammolar kamroq uchraydi. Asosiy sabab — bunday bolalar ota-onalarining e’tiborini hech kim bilan bo‘lishishga majbur emas.

Bundan tashqari, ularning miyasi — xususan, tasavvur va qaror qabul qilish uchun mas’ul bo‘lgan miya po‘stlog‘i — qalinroq bo‘lishi aniqlangan. Bu esa ota-onaning e’tibori va yolg‘iz o‘tadigan ijodiy mashg‘ulotlar bilan bog‘liq bo‘lishi mumkin.

Ovoz va tovushlar bilan ishlash uchun ideal neyron tarmoq — SFXengine

SFXengine — bu sun’iy intellekt asosida ishlaydigan xizmat bo‘lib, u to‘liq ovozli muhitlarni yaratadi: tabiat manzaralari, hayvonlar ovozlari, texnika shovqinlari, inson ovozi va boshqa turli tovushlar.

Xizmat maxsus ovoz effektlari kutubxonasi asosida o‘qitilgan va foydalanuvchi tavsifiga qarab yangi tovushlarni generatsiya qiladi. Bir audio trekning davomiyligi 47 soniyagacha bo‘lishi mumkin va foydalanishga hech qanday cheklovlar yo‘q.

Agar kutishni istamasangiz — tayyor bazadan foydalanish ham mumkin. Generatsiya — mutlaqo bepul.

Havola

Mish-mish: Activision Prototype franshizasini qayta tiklamoqchi

Reddit foydalanuvchisi ta’kidlashicha, u Activision tomonidan o‘tkazilgan maxsus so‘rovnomada ishtirok etgan va u yerda yangi Prototype o‘yini haqida ma’lumotlar bo‘lgan.

Hozircha bu butunlay yangi loyiha bo‘ladimi yoki birinchi qismining remeykimi — noma’lum.

Manbaga ko‘ra, bosh qahramon sifatida yana Aleks Merser paydo bo‘ladi. O‘yinda boshqa odamlarning qiyofasini olish imkoniyati saqlanib qoladi, voqealar esa yana Nyu-Yorkda bo’lib o’tadi.

Daniyaliklar 1268 ot kuchiga ega dunyodagi eng kuchli dvigatelni yaratishdi

Daniya muhandislari tomonidan ishlab chiqilgan yangi*V12 “Mjölnir” dvigateli o‘zining ulkan quvvati bilan ajralib turadi. Bu dvigatel 9800 aylanish/daqiqagacha ishlay oladi va Mahle Powertrain kompaniyasining zamonaviy yong‘in tizimi bilan jihozlangan. 2026-yilda chiqarilishi kutilayotgan Aurora gibrid giperkarida ushbu dvigateldan foydalaniladi.

Elektromotorlar bilan tandemda mashina umumiy 1878 ot kuchiga ega bo’ladi. Natijada, Aurora maksimal 451 km/soat tezlikka erisha oladi.

Google neyron tarmoqlar bilan samarali ishlash uchun 68 betlik qo‘llanma chiqardi

Ushbu qo‘llanmada sun’iy intellekt bilan samarali muloqot qilish bo‘yicha asosiy strategiyalar va uslublar jamlangan.

Havola

Photoshop endi suratlarni sizning o’rningizga tahrir qiladi

Adobe yangi “kreativ agentni” taqdim etdi. Sun’iy intellekt suratni tahlil qilib, avtomatik tarzda tahrir variantlarini taklif etadi. Foydalanuvchiga esa ro‘yxatdan mos variantni tanlash kifoya — o‘zgartirishlar darhol qo‘llaniladi.

Shuningdek, foydalanuvchilar taklif etilgan variantlar yoqmasa yoki qo‘shimcha o‘zgartirish kerak bo‘lsa, matnli so‘rovlar orqali rasmlarni o‘z ehtiyojlariga mos tarzda tahrir qilishlari ham mumkin.

Perplexity endi rasmiy ravishda Telegram’da

Perplexity — bu sun’iy intellekt asosida ishlaydigan eng kuchli qidiruv tizimi: u istalgan ma’lumotni topadi, har qanday murakkablikdagi savollarga javob beradi va doim qo‘l ostingizda bo‘ladi.

Cheksiz va bepul ishlaydi.

Havola

Pul psixoterapiyadan samaraliroq davolaydi — MIT eksperimenti

Twitter foydalanuvchilari yaqinda MIT tomonidan o‘tkazilgan tajribani eslashdi. Unda oddiy naqd pul inson ruhiy holatini yaxshilashi mumkinligi aniqlangan.

Eksperiment davomida Keniya fuqarolari ikki guruhga bo‘lingan: birinchi guruh qimmat psixoterapiya seanslarida ishtirok etgan, ikkinchi guruhga esa shunchaki dollarlar tarqatilgan.

Natija hayratlanarli bo‘lgan: oradan bir yil o‘tib, pul olgan guruhda depressiya butunlay yo‘qolgan, umumiy sog‘liq holati esa ancha yaxshilangan. Psixoterapiya olgan guruh esa deyarli hech qanday ijobiy o‘zgarishni sezmagan.

Eng qiziq tomoni — “baxtli” guruhga berilgan pul miqdori psixoterapiya xizmatlaridan arzonroqqa tushgan.

14 yoshli maktab o‘quvchisi yurak kasalliklarini 96% aniqlikda tashxislaydigan ilova yaratdi

U ishlab chiqqan neyron tarmoq yurak urish tovushlarini tahlil qilib, atigi 7 soniya ichida tashxis qo‘yadi. Circadian AI orqali o‘tkazilgan testlarda 15 ming nafar real bemor ishtirok etgan.

Bu yosh dahoning ismi Siddxart Nandyala — u sun’iy intellekt bo‘yicha dunyodagi eng yosh mutaxassis hisoblanadi va yaqindagina AQShdagi o‘rta maktabni bitirgan.

Endi esa bir eslab ko‘ring: biz 14 yoshimizda nima bilan band edik…

Google sun’iy intellekt mutaxassislariga bir yil davomida hech narsa qilmasalar ham maosh to‘lab kelgan

Kompaniya bozordagi mutaxassislarining raqobatchi kompaniyalarga o‘tib ketishini oldini olish maqsadida ular bilan “raqobat qilmaslik” bo‘yicha pullik kelishuvlar tuzgan.

Bu shartnomaga ko‘ra, xodimlar ishlamasligi ham mumkin bo’lgan, biroq ular ishdan ketish yoki raqobatchilar bilan hamkorlik qilish huquqidan mahrum bo‘lgan. Ya'ni ular aslida pul to‘lanadigan majburiy ta’tilga chiqarilgan desa ham bo’ladi.