Кичик тадқиқот ўтказдим.  Натижалар ачинарли ахволда. 

Илтимос болаларингизни бўш, эътиборсиз қолдирманг. Бўш вақтлари қолмасин, cпорт ёки фанлар кесимида ҳар хил тўгаракларга,  биронта устага бўлса хам шогирд қилиб беринг. Доимий вақтларини, айниқса телефонларини назорат қилинг.

Атрофда шунчалар фитналар, инсонийликдан йироқ ишлар бўлаяпти. Уларнинг асосий ўлжаси ёш болалар бўлаяпти…
Сизу биз эса ота-она сифатида мана шу жараённи назоратини сусайтирдик ёки умуман йўқотдик

Болани телефонга муккасидан кетмаслик учун устозининг танбехини тинглаймиз ижтимоий тармоқдаги ибратли роликлардан кейин хам бироз хавотирлангандек бўламиз Лекин фарзандимиз назоратига келганда эса ёки жуда кўп ишониб юборамиз ёки вақтимиз етмаслиги натижасида имкон тополмаймиз

Хаммамиз хам оиламиз фарзандларимиз учун мехнат қилмоқдамиз-ку лекин болаларимизга эътиборсизлигимиз натижасида уларнинг тарбиясига зиён етказмоқдамиз...


@Akmal_Komiljonovich

Осиё чемпионлари кайтдилар...
Табиийки улар тантанали кутиб олинди ва камида орзуларимиз қиймати қадар тақдирландилар.
Ана ўша холатдан менинг озгина хавотирим бор...

Чунки медиа оламда жуда кучли математиклар бор. Улар ўз умрини сарҳисоб қилишни эмас, бировларнинг ютуғини пулга чақишни ва олдинги вазиятлар билан солиштириб, интрига чиқаришни хуш кўрадилар. "Ўзбекистонда қанча ногиронлар, уйсизлар, очликдан ўлаётганлар, беморлар борлиги, болаларнинг шунча меҳнатига тупуриб қўйиб, биринчи шу масалаларни ҳал қилиш кераклиги" ҳақида оташин постлар пайдо бўлади. Ўтган йилги метан заправкалардаги турнақатор навбатлар билан, бу йигитлар мошина олаётган видеоларни секин бирлаштириб, содда инсонларга қарата луқмалар ташланади. Гўё давлат одамларнинг қўлидаги нонини юлиб олиб, шу футболчиларга совға қилиб бериб юбораётгандек тасаввур пайдо қилишади.

Бир нарсани тан олиш керак. Ўтган 5-6 йил давомида футболимиз каррасига ривожланди. Блогер Хушнудбек айтганидек, бу қаҳрамонлик учун нимаики беришмасин, бир солиқ тўловчи сифатида мен ҳам розиман. Буларнинг барчасини мамлакатимизда спортни ривожлантириш учун қилинган амалий ҳаракат деб баҳолайман.

Кечаги ёшларимизнинг ўйнини "ЕВРОПА СКАУТЛАРИ" кузатмаган дейсизми? Кўрмаган бўлса, бугун ижтимоий тармоқ орқали кўриши, ёки шовқинимизни эшитиши мумкин эмасми? Аббос, Абдуқодир, Элдор деб мақтанадиган йигитларимиз ҳам жавлон уриб юрибдику ахир ўша тарафларда. Тасаввур қилинг, келгуси беш йилликда барча ўйинчилари дунёнинг топ клубларида тўп сургич йигитлар бўлган мамлакатнинг терма жамоаси қанчалик кучли ҳисобланади?

ХУЛОСА ШУКИ : Юқорида таъкидлангани сингари норозилик ҳолати келиб чиққанда, сизу бизга ўхшаган савияли қатлам вакилларига бир вазифа тушади. Агар ўшандоқ мазмундаги постларнинг остида бир оғиз "Илоҳим сизнинг фарзандларингиз ҳам шу йигитларга ўхшасин" қабилидаги ўз муносабатимизни билдирсак, шу зайлда оғзи полвонларнинг оғзига оҳиста уриб турсак, бу хуружлар умуман билинмай кетади деб ўйлайман.

Сиз бунга нима дейсиз?

@Akmal_Komiljonovich

🔴🔴🔴

#Futbol_FINAL
#Biznikilar_CHEMPION

🟢Azizlar habaringiz bor futbol bo'yicha U-17 Osiyo chempionatida terma jamoamiz Jahon chempionati yo'llanmasini qo'lga kiritdilar Guruh bosqichini 100 foizlik natija bilan yakunladilar.

Bugun esa FINAL bo'ldi. JUDA HAYAJONLI FINAL ❕

➡️O'yinni kuzata turib uni tomosha qilgan ashaddiy muhlislar ruhiy hissiyotlarini jilovlashga qiynaldilar.

➡️1 bo'lim ohirrog'ida hakam 2 nafar futbolchilarimizga qizil kartochka ko'rsatdi. 1 bo'limda hisob ochilmadi. Ana endi 15 daqiqalik tanaffusda U-17 jamoamizning murabbiyi 33 yoshlik ISLOMJON jamoani 2 bo'limga ruhan tayyorlay oldi.

➡️9 kishi bo'lib 11 kishiga qarshi o'ynadik va 2 ta GOL ura oldik Eng qizig'i o'yinni suniy ravishda cho'zishmadi Ohirgacha kurashdilar
#Kichik_oltin_avlod yetishib chiqayotgani esa barchamizni quvontirmoqda

#SHUNCHAKI_RESPEKT
#RAHMAAAAT_JAMOA_VA_MURABBIYLARGA ❕

@Akmal_Komiljonovich