Чорвоқ бўйида қурилмоқчи бўлган Sea Breeze лойиҳаси, фикримча, экологик хато бўлади. Чорвоқ — Тошкент шаҳрини ичимлик суви билан таъминлайдиган сув омбори. Бундай комплексларнинг қурилиши сувга заҳарли ва кимёвий моддалар тушишига ҳамда аҳоли саломатлигига зарар етиши мумкин. Бундай комплексларни сувдан узоқроқда қуриш керак — жой етарлича бор.

Ҳавомизни нафас олиш учун хавфли даражага олиб келиб қўйдик, энди сувимизни асрашимиз керак.

@paiziev24

Қарорлар қабул қилиш ҳақида

Айрим вақтларда қийин қарорлар қабул қилишда қийналамиз. Илгари стратегик ёки муҳим қарорлар қабул қилиш мен учун қийин бўлар эди. Бу мени жуда кўп ўйлашга ва иккиланишга мажбур қилар эди.

Охирги 4 йилда қийин қарор қабул қилишим керак бўлса ва мавҳумликлар кўп бўлса, ўзидан йўл кўрсатишини сўрайман, ўз кучсизлигимни тан оламан. Қачонки қарор қабул қилиш юкидан ўзимни бўшатиб, уни Аллоҳга таваккал қилсам ва ёрдам сўрасам, енгилликни ва яхши йўлларни кўрганман.

Кўпроқ ожизлигимизни ва кўп нарсаларни билмаслигимизни ўзимизга-ўзимиз эслатиб туришимиз, менимча, бизни тўғрироқ қарорларга очиқ қилади.

@paiziev24

Бизнеслар иш давомида маҳсулот ишлаб чиқариш ёки сервис кўрсатишдан ташқари, тажриба ҳам тўплайдилар. Бўлаётган барча транзакциялар, муваффақиятли ва муваффақиятсиз экспериментлар компания яратаётган қийматнинг бир қисмидир. Бу билимлар компаниянинг билимлар базасига асос бўлиши керак. Агар бу билимларни тўғри йиғиш ва самарали ишлатиш механизми бўлса, бизнес катта ютуққа эришади. Қилинган хатолар такрорланмайди, янги келган ходимлар эса компания билимларидан фойдаланиб, тез ва самарали иш бошлай оладилар.

Ўз бизнесингизда бундай билимларни қандай жамлаш ва самарали фойдаланиш мумкинлиги ҳақида ўйлаб кўринг.

Айни шу фикрлар бизнинг янги лойиҳамизда — компания транзакцияларидан ва янги юкларни қабул қилиш жараёнида компания билимларини ишлатиш технологиясини жорий этишимизга сабаб бўлди.

Бу ҳақда яна ёзаман.

@paiziev24

Биз AI моделимизни реал мулоқотларда тренинг қиламиз. Бугун бизнинг AI агент брокернинг AI агенти билан гаплашди.

Роботлар — роботлар билан гаплашадиган замон келди.

@paiziev24

conversation with AI of PLS Logistics (MC number was correct, but anyway it rejected)

Network эффекти ҳақида

Network effect — бу фойдаланувчилар сони ортиши билан сервиснинг қиймати ҳам ошиб бориши жараёни.

Ҳозир Numeo’да ҳам шу эффектни кўраяпмиз. Бизнинг AI модель транзакциялар сони ошган сари ақллироқ бўлиб бормоқда. Бугунги кунга келиб, 20 та тракинг компания маҳсулотимизни ишлатмоқда — бу эса 100 дан ортиқ диспетчер дегани. Уларнинг ҳар сафар юк нархини келишиш жараёни тизимнинг маълум бир брокер ва юк ҳақидаги билимларини оширади.

Биз юк ташувчиларга (carriers) брокердан кўпроқ пул олиб беришни мақсад қилганмиз. Шуни ҳисобга олсак, қанча кўп транзакция бўлса, модель шунча кўпроқ тажриба йиғади ва кўпчиликка фойда келтиради. Тизимнинг ақллироқ бўлиб бораётганини кўриб, AI имкониятларига “Вау” дейман.

Бу network effect MyTaxi ва Express24 каби платформаларимизда ҳам бўлган.

MyTaxi дастлаб кам сонли ҳайдовчи ва фойдаланувчилар билан иш бошлаган. Ҳар қанча кўпроқ ҳайдовчи қўшилган сари, фойдаланувчилар учун танлов кенгайган, хизмат тезлашган. Шу билан бирга, фойдаланувчилар сони орта бориши — ҳайдовчилар учун кўпроқ заказ демак, ва улар ҳам кўпроқ қўшила бошлашган. Яъни, бир томоннинг ўсиши иккинчисини ҳам органик равишда тортиб келган.

Express24 платформасида ҳам шундай жараён кузатилган. Ресторанлар сони ошган сари мижозлар учун танлов кенгайган, бу эса буюртмалар сонининг ортишига олиб келган. Буюртмалар кўпайиши — курьерлар учун даромад манбаи, ва улар ҳам кўпроқ қўшилган. Ҳар бир янги иштирокчи бутун экотизимнинг қийматини оширган.

Шу тариқа, MyTaxi ва Express24 каби сервислар network effect ҳисобига органик ўсишга эришган — фойдаланувчи қанча кўп бўлса, барча иштирокчилар учун платформа шунча қимматли бўлиб боради.

Яқин вақтда AI'ни ўз бизнесида қўлламайдиган тадбиркор, оддий ходим ёки тракинг компанияси диспетчери қолмаса керак. Прогресс жуда тез.

@paiziev24

Бундан икки ой аввал Bing Nursery School’га кичик ўғлим Умар учун ариза топширган эдик. Bing Nursery — бу Стэнфорд университети қошидаги боғча бўлиб, инновацион болалар ривожланиши методикалари билан танилган.

Бу боғча 2 ёшдан 5 ёшгача бўлган болалар билан ишлайди. 1966 йилда ташкил этилган ва бино ҳамон ўша ҳолатда сақланиб қолган. У ўзининг изланиш ва ўйинга асосланган таълим методикаси билан машҳур. Бу нафақат боғча, балки Стэнфорд университети қошидаги тадқиқот маркази сифатида ҳам хизмат қилар экан. Бу ерда купчиликка машҳур бўлган психологик ва таълим экспериментлари ўтказилган.

Масалан Маршмаллоу Эксперименти ҳам айнан шу ерда ўтказилган.
Бингда болаларга маршмаллоу берилади ва
“хозир есанг — 1 дона, агар 15 дақиқа кутсанг — 2 та оласан," деб айтиларди.

Мақсад — сабр ва кечиктирилган қониқиш (delayed gratification) қобилиятини ўрганиш.
Узоқ вақт кута олган болалар катта бўлгач, академик, ижтимоий ва молиявий жиҳатдан яхшироқ натижаларга эришишган.

Ўтган куни боғчадан email олдик — ёзги мавсумга ҳафтанинг уч куни, соат 8:15 дан 11:45 гача қатнашиш имконини беришибди.
5 кун тўлиқ қатнашса бўладими деб сўрасак, "йук, талабгорлар кўп" деб жавоб беришди.
8 га яқин ҳужжатга қўл қўйдим. Улар орасида бошқа боғчаларда учрамайдигани — болалар билан тадқиқотлар ўтказиш ва натижаларни чоп этишга розилик бериш ҳақидаги ҳужжат эди.

Энди Умар икки боғчага борадиган бўлаяпти — эрталаб Bing, ундан чиқиб эса ўзининг ҳозирги боғчасига.

Бу боғча ҳам биз учун, ҳам Умар учун қизиқарли ва бой тажриба бўлади деб ўйлайман.

@paiziev24

Биз яна иккита интерн олишга қарор қилдик. 1 ойлик натижаларга қараб, ишга таклиф беришимиз мумкин. Видео-питчни менга — почтамга юборинг: akmal@numeo.ai. Агар логистика соҳасида бўлсангиз, ўтиш эҳтимоли янада юқори.

Муддат 27 апрель.

@paiziev24

Катта ўғлим Камрон Palo Alto Soccer Club’га қатнашгани учун улардан электрон хатлар келиб туради. Улардан бири анчадан бери муҳокама қилинаётган мавзуга - Palo Alto футбол майдонлари сунъий ўтга ўтиш керакми ёки табиий ўтда қолиш керакми?

Калифорнияда қурғоқчилик ва сув танқислиги мавжуд бўлгани, шунингдек, табиий ўтни сақлаш харажатлари юқори бўлгани учун сунъий ўтга ўтиш таклифи илгари сурилган.

Мажлисда иштирок этиб, ўз фикримизни билдиришимиз мумкин экан.

@paiziev24

Ўтган куни Sales Representative учун эълон қўйган эдим. Жуда кўп хатлар келибди. Лекин кўпчилик талабларни ўқиб, бажариши орқали сараланади.

Талаблардан бири — видео питч эди. Айрим маслаҳатлар:

- Ишга топширганингизда барча талабларни диққат билан ўқинг — иш берувчилар шу йўл билан сизнинг эътиборингизни ва компанияга қизиқиш даражангизни синашади.

- Видео интервью сўралса, имкони борича укиб эмас, ўз тилингизда эркин гапириб беринг. Хатолар билан ва киска булса хам.

- Иш берувчига осон бўлиши учун, сизнинг қайси хислатларингиз ушбу позицияга мос келиши ҳақида ёзинг.

@paiziev24

Видеода бизнинг AI кеча брокер билан гаплашиб, ундан юк нархи ва унинг деталларини олиб келгани транскрипти кўрсатилган. AI гаплашаётганда биз реал вақтда транскриптни курсатамиз.

Суҳбат давомида олинган маълумотлар Comments қисмига олиб келинади, кейин уни юк тўғри келадими ёки йўқми, деган AI модули текширади. Агар тўғри келса, 👍 (thumbs up) иконаси кўрсатилади.

Ҳозир у суҳбатни эшитиш ва суҳбатга уланиш устида ишлаяпмиз. Келаётган ҳафтада тайёр бўлиши керак.

Ушбу мисолда JB Hunt брокери билан гаплашилган.

@paiziev24

Claude техник ва кодга тааллуқли саволларда ChatGPT’дан фаросатлироқ — масалан, қуйидаги промптда Claude бир зумда керакли интерфейсни чизиб берди, ChatGPT эса анча суст бўлди:

We want to visualize the email negotiation process on a single line in our loadboard. Here's a sample of the statuses:

$3200 (>) – $2700 (<) – $3100 (>) – $2900 (>)

Comments: We proposed a rate of $3200, they replied with $2700. Our next planned email will propose $3100, followed by $2900 as our minimum offer.

@paiziev24

Ўзбекистонда LinkedIn кўп ишлатилмайди. Кўпчилик бу тармоқ ҳақида эшитмаган ҳам, профиллари борлар ҳам жуда кам киради. Менда ҳам шундай эди. АҚШга келганимдан сўнг LinkedIn’да фаоллашдим — бу ердаги стартап асосчилари ва венчур фондлар билан 500 дан ортиқ алоқа ўрнатдим.

Масалан, компаниямиз LinkedIn’да ходимлари сони ортиб бораётгани ва постлар қўяётганимизни кўрган LinkedIn алгоритмлари бизнинг соҳамизга тегишли компаниялар ва венчур фондларга сигнал берар экан. Айтса керак: “Ҳой, Numeo’ни қара, 14 та ходими бор экан”, деб. Бизга венчур фондлар партнёрлари email ёза бошлашди ва LinkedIn’да боғлана бошлашди.

Агар сиз жаҳон бозорида ҳамкорлар, ходимлар ёки иш қидираётган бўлсангиз, LinkedIn профилингизга эътибор беринг. Ора-орада постлар ёзиб туринг. Шунда LinkedIn сизни фаол деб билиб, сизни қизиқ контактлар билан учраштирар экан.

Бугун икки венчур фонд партнёрлари билан учрашувим бор — LinkedIn орқали келишди.

Мен LinkedIn да: https://linkedin.com/in/akmalpaiziev

@paiziev24

Кўчамиз бошидаги венчур фонд ҳақида ёзишибди. Жуда обрўли фонд, маҳалла фахри.

@paiziev24

Ким мижоз ва ким мижоз эмас?

Кўпчилик стартаплар каби, биз ҳам маҳсулотни бозорга чиқаришда унинг қийматини тушуниш ва ҳақиқий мижоз ким эканини аниқлаш жараёнидан ўтаяпмиз.

Биз нархлашда кириш чегарасини паст қўйдик — ойига $99. Биз кенг оммага мўлжалланган consumer product эмасмиз. Биз “tool” эмас, балки “solution” — яъни ечим яратаяпмиз ва бу ечимлар бизнес эгалари ва менеджерлар учун. Улар учун муаммога ечим учун пул тўлаш — табиий ҳолат.

Кўпинча шундай фикрлар эшитамиз: “Зўр продукт экан!”, “Нега бу финкция йук, булса зур буларди”. Лекин улар мижоз эмас. Шундай фикрлар биз учун конструктив фикр саналмайди. Биз учун ҳақиқий ва фойдали фикр — “менга продукт кизик, айнан мана шу ерда менинг огрикларим бор” деган гап. Ёки бизга янги нуқтаи назар (feedback) берган, янги нарса ўргатган одам — мана шу фойдали.

Энг яхши мижозлар — ўз муаммосини аниқ биладиган мижозлар. Энг зўр мижозлар — муаммосининг ҳақиқий қийматини, яъни унга қанча маблағ кетаяпганини ҳисоблай оладиган ва ечим излаётганлар.

Бугун АКШдаги Hazmat (хавфли юклар) юк ташувчи компания билан қўнғироқ қилдик. Улар қўнғироқдан олдин жуда зўр саволлар тайёрлашган. Ўша саволлар орқали улар ҳақида, тартиблари, ёндошувлари ҳақида кўп нарса ўргандик ва шу пайтда қалбимдан шундай мижозлар бизда кўп бўлишини истадим.

Кучли компаниялар ўз муаммосини яхши тушунади ва ечим қидиради. Улар бу йўлда тажриба қилишдан қўрқмайдилар.


@paiziev24

Internship opportunity at Numeo: Sales Representative – AI Logistics SaaS

📍 Remote | Part-time | Internship
🚛 Industry: AI & Logistics (Trucking)
🕘 Flexible Hours | Target: US Market EST (Eastern Time)
📅 Commission Based Payment | Full-time Offer Potential

About the Role:
We’re looking for two high-energy Sales Rep Interns excited to dive into the fast-moving world of AI logistics. If you love talking to people, closing deals, and want to help trucking companies transform their operations using cutting-edge tech— this is for you. This role offers commission from all sales and the opportunity to grow into a core member of our sales team.

Responsibilities:
✅ Prospect & reach out to US-based trucking companies;
✅ Demo Numeo AI's dispatch automation platform to potential clients;
✅ Manage the sales pipeline with clear follow-ups and CRM updates;
✅ Handle objections, build trust, and convert leads to active users;
✅ Collaborate with the marketing & onboarding teams to streamline client experience;
✅ Constantly learn and iterate based on feedback and performance;

What We’re Looking For:
🔹 Strong English communication skills – both spoken and written
🔹 Hungry to learn sales in a real startup environment
🔹 Confident, people-oriented, and goal-driven
🔹 Organized – can manage leads and follow-ups without dropping the ball
🔹 Bonus: Experience with logistics, dispatching, or sales tools like HubSpot, Apollo, etc.

Compensation & Structure:
🗓️ Month 1: Unpaid (Training + Shadowing + Lead Generation)
💰 Month 2: Commission on every sale
🚀 Opportunity to join as full-time Sales Rep

To Apply:
📩 Send your resume and a brief intro to akmal@numeo.ai

📹 Include videos for the following:
1️⃣ Self-Intro Video (1 Min): Who you are, your background, and why you're excited about this sales role.
2️⃣ Pitch Simulation (1 Min): Pretend you're pitching Numeo AI to a trucking company owner/manager. Keep it clear, compelling, and simple.

@paiziev24

Чикаго аэропортидаги мулоҳазалар

Чикаго аэропортида Сан-Францискога самолётимни кутиб ўтириб, бир фикрда ўзимни тутдим. Биз Numeo’да ёш (early stage) стартап сифатида доим пулимизни иқтисод қилишга (lean) ҳаракат қиламиз. Бирор нарса олмоқчи бўлсак, ҳар бир долларга талашамиз — бу сафарлар бўладими, маркетинг харажатлари.

Қатнашаётган кўргазмаларимиз 2006–2010 йилларни эслатди. Ўшанда ҳам биринчи стартапимиз билан кўп кўргазмаларга юрар эдик. Стартап сифатида пулни иқтисод қилишни ўйлар эдик ва ўзимизнинг шахсий пулимиз ҳам кам бўларди. Яъни шахсий ва иш ҳаёти бир хил эди.

Ҳозир шахсий ҳаётда стартапга нисбатан сал кўпроқ пул ишлатиш имконига эгамиз. Ҳар бир яхшироқ ресторан ёки хизматларга тўланганда, кўпроқ бахт ҳиссини берар экан. 1 соат олдин бирор нарса бизга қиммат туюлади, 1 соатдан кейин эса бошқа шахсий нарсани нисбатан осон олишимиз мумкин. Агар мутлақ вақт давомида ҳаммаси бир хил ҳиссиёт берса, бунчалик кўп бахт бермас эди деб ўйлайман.

Мен ҳамкорларимга ҳам айтмоқдаман: ишонинг, энг катта бахт ва қизиқ жойи бу ҳозир. Чекланган имкониятлардан, йўқдан бирор маҳсулотни бор қилиш - бу энг қизиқ ва бахтга тўла жараён.

@paiziev24

Модадан четда бўлиш — куч манбаи.

Энг яхши стартаплар одатда модада бўлмаган соҳаларда бошланади. Facebook аввал колледжлар учун директория эди, уша пайтда ижтимоий тармоқлар фақат ўсмирлар учун деб ҳисобланарди. Amazon китоб сотар эди, интернет эса фақат “гиклар” учун эди. Нега бу усул ишлайди? Чунки модадан четда бўлиш рақобат камлигини англатади ва сиз бошқалар эътибор бермайдиган фойдаланувчиларга диққат қаратишга мажбур бўласиз. Агар сиз “тренддаги” йўналиш ортидан қувсангиз, одамлар тўлиб-тошган майдонда юрасиз, у ерда эса ҳамма бақиради ва нархлар жуда юқори.

@paiziev24

Чикагодаги CABXPO ‘25 кўргазмасидан лавҳалар. Кун жуда учрашувларга бой бўлди.

@paiziev24

Бугун-эрта @numeoai каналида 4-5 та янги функциялар ҳақида эълон жойлаштирамиз. Чикагодаги кўргазма олдидан катта апдейт тайёрладик. Кўргазма доирасида, 16-17 апрель кунлари CABXPO промокоди билан 1 ойга пул тўлаган мижозларга яна бир ой бепул ишлатиш имкониятини берамиз. Тракинг (логистика) соҳасида ишлайдиган танишларингизга жўнатиб қўйсангиз, хурсанд бўламан.

@paiziev24

Самолётдаги интернет тезлиги (Alaska авиакомпанияси) мижоз билан видео қўнғироқда бўлиш ва маҳсулотимизни намойиш қилиш имконини бермоқда. Ушбу пост ҳам парвоз вақтида қўйилди.

@paiziev24

Чикагога CABXPO кўргазмасига йўл олдик. 15-16-17 апрель кунлари ўша ерда бўламиз. Кўргазмада Numeo’нинг янги имкониятларини намоён этамиз.

@paiziev24

Маҳсулотни ўз вақтида бозорга олиб чиқиш ҳақида гапирдик, лекин кимга бериш масаласи ҳам жуда муҳим. Биринчи мижозларни тўғри танлаш керак. Агар сиз маҳсулотингизни нотўғри мижозга берсангиз, нотўғри фикр (feedback) оласиз.

Маҳсулотингиз учун прогрессив ва янги нарсаларни синашни хоҳлайдиган (early adopters) мижозларни топинг. Бундай мижозлар маҳсулотингизда сиз кўрмаган афзал томонларни кўришади. Улар учун маҳсулотдан биринчи фойдаланиш имконияти катта қийматга эга.

Бундай мижозлар маҳсулотингиз бўйича конструктив мулоҳазалар беришади — масалан, қандай қилиб муаммони ҳал қилиш, маҳсулотни яхшилаш мумкинлиги ҳақида. Улар оддий мижозларга нисбатан кўпроқ пул тўлашга ҳам тайёр бўлишади.

Масалан, Teslaнинг биринчи автомобили — Roadster бўлган ва 130–200 минг долларга сотилган. Илк мижозлари унга баланд нарх тўлашга тайёр бўлишган ва камчиликларига рози булишган.

@paiziev24

Road24 асосчиси Бахтиёр билан мен 2014 йили танишгандим. У ўшанда Австралиядан эндигина қайтган эди. Унинг фикрлари тиниқлиги ва энергиясини кўриб, уни MyTaxi’га операцион директор лавозимига таклиф қилганман.

Бахтиёр — MyTaxi’ни пивот қилишимизга сабаб бўлган инсонлардан бири. Кейинчалик у Lamuz ва Road24 лойиҳаларини ишга туширди. Ўзим Ўзбекистонда бўлганимда, ГАИдан келадиган жарималарни айнан Road24 орқали тўлардим — жуда қулай илова.

Мен Бахтиёрга аввал ҳам айтганман: бу жуда рискли ҳамкорлик. Чунки давлат идораси раҳбари алмашса, бу хизматга ўзининг яқинларини, жияни ёки танишини қўйиши табиий ҳол. Бундай APIлар тўғридан-тўғри ГАИ хизматлари орқали эмас, балки Ягона Интерактив Давлат Хизматлари портали орқали тақдим этилса ва очиқ бўлса (Public API) мақбулроқ бўлади.

ИТ Парк, Монополияга қарши курашиш қўмитаси ва стартаплар ривожига бефарқ бўлмаган ташкилотлардан бу ҳолатга эътибор қаратишларини сўрайман. Акс ҳолда, Ўзбекистон Бахтиёрдек илғор тадбиркорни йўқотиши мумкин.

@paiziev24

Бу худди янги ҳоким келиб ҳамма ўрганган бозорни бузишига ўхшайди

Йўл ҳаракати хавфсизлиги хизмати томонидан “Safe Road” иловаси тавсия ва тарғиб қилинмоқда. Ҳамма ўрганган Road24 энди ишламасмуш. Road 24 ва ЙҲХХ ўртасидаги йўл ҳаракати қоидаларини бузганлик учун белгиланган жарималар тўғрисида маълумот алмашинуви батамом тўхталипти.

Бу худди янги ва қўлинг ўргулсин замонда ҳокимлар тайинланиши билан тадбиркор-у, аҳоли ўрганган эски бозорни буздириб, янгисини қурдириш ва ёқадими, йўқми, ихтиёран-мажбуран кўчиришга ўхшайди.

Қўйинглар, худобехабар бозор бузади, майли, янги бозор қурмоқчи бўлсанг, унисиям ишлайворсин, бунисиям ишласин, рақобат ва танлов бўлсин дейдиган топилмайди, афсуски (Қўйлиқ бозорининг бузилишидан тортиб, Денов ва Узунгача шу аҳвол).

Ҳозир ҳам миллионта эътироз бўлаётган янги Safe Road иловасиям ишлайверсин, Road24 ҳам ишлайверсин, дейдиган бирон соғлом ақл эгаси топилмаганидан ҳайрон бўлманг.

Мен ҳатто ҳайрон бўлардим, агар айтайлик, Антикоррупция агентлиги вазирлик ва идораларнинг “илова ясаш ва илова буюртма қилиш” каби антиқа ва ажойиб кейсларига эътибор қаратишни бошласа.

Вау! Сунъий интеллектнинг қобилиятлари кун сайин лол қолдирмоқда. Ҳозир прогрессни кузатиш учун энг яхши даврда яшаяпмиз.

@paiziev24

Бозорга идеал маҳсулот олиб чиқиш - стартаплар учун эмаслигини жуда қиммат нархда ўрганганман.

Аввало, “идеаллик”нинг аниқ чегараси йўқ. Идеал маҳсулот мижозлар билан бирга шаклланади — улар билан биргаликда шу йўлдан юриш керак.

2005 йилда автомобиль навигация тизими устида иш бошлаганмиз ва 2009 йилгача харита чизиш билан машғул бўлганмиз. Хар доим “харита идеал эмас” деб маҳсулотни бозорга чиқармасдан тўхтатиб турар эдик. 2009 йилда жуда чарчаганмиз, ва “ё маҳсулотни сотамиз, ёки бутунлай ёпамиз” деган қарорга келдик.

Ўша пайтда 3 та навигаторимиз бор эди. Torg.uz’га (ҳозирги OLX.uz) қўйдик. Офисимизга келган мижозлар овчилар экан, адашмаслик учун навигация кераклигини айтишди. 450 доллардан харид қилишди. Бир ҳафтадан сўнг телефон қилишди. Телефонни куркиболдим, ҳарита сифати паст, қайтаришмоқчи деб уйлаб. Лекин улар навигатор ёкканлигини ва дўстлари ҳам харид қилмоқчи эканлигини айтишди. Яна икки дона олиб кетишди. Кейин биз Тайвандан 5 та, кейин 15 та, кейин 50 ва кейин 200 та навигатор олиб кела бошладик.

Шу каби хатони 2013 йилда Fleetify лойиҳасида ҳам такрорладик. Икки йил мукаммал маҳсулот тайёрлаймиз деб ўйлаб, уни умуман бозорга чиқармадик ва лойиҳани ёпдик.

Шундан сўнг тушундим: идеал маҳсулот йўқ. Энг муҳими — мижоз оғриғини ечиш, маҳсулотингизда камчилик бўлса, уни мижоз билан очиқча муҳокама қилишдир.

Маҳсулотни бозорга қанча эрта чиқарсангиз, шунча яхши. Чунки энг яхши йўл кўрсатувчи — бозорнинг ўзи.

@paiziev24

TIA ‘25 АҚШда юк брокерлари ва ташувчилар учун энг муҳим конференциялардан бири ҳисобланади. Бу бизнинг соҳага оид учинчи конференциямиз бўлди, кейинги ҳафтада Чикагода тўртинчиси бўлиб ўтади. Биз маҳсулотимизни MVP ҳолатидаёқ конференция ва кўргазмаларда қатнашишни бошладик, чунки ушбу соҳада янги эканлигимизни ва ҳеч қандай логистика компаниясига боғлиқ эмаслигимизни ҳисобга олган ҳолда, бу биз учун муҳим.

Ҳозирги пайтда биз учун асосий мақсад — соҳа етакчилари билан танишиш ва ҳамкорлик ўрнатиш. Ташкил топганимизга бор-йўғи 5 ой бўлишига қарамай, энг йирик учта лоадборд компанияси билан ҳамкорлик йўлга қўйдик. Масалан, DAT билан музокараларимиз 4 ой давом этди.

Бугунги конференцияда ҳам соҳа етакчи брокерлари ва TMS компаниялари раҳбарлари билан танишдик. Кейинги қадам — интеграциялар. Биз юк ташувчилар (carrier) ишларини осонлаштирадиган ва уларга кўпроқ фойда келтирадиган AI тизими устида ишлаяпмиз.

Агар бирор янги соҳада бўлсангиз, тез ўрганишнинг самарали йўли — кўп интеракциялар. Кўргазмами, учрашувми — маҳсулотингиз тўлиқ тайёр бўлмаса ҳам, “яна озгина ишлайман” деб вақтни йўқотманг.

@paiziev24

Just wrapped up an insightful few days at TIA 2025 in San Antonio, TX — great energy, great people, and valuable conversations shaping the future of logistics.

Here are a few key takeaways:

🔹 AI is entering the broker side of logistics faster than ever — with tools being built to streamline operations and reduce manual tasks.

🔹 There’s noticeable uncertainty in the industry, largely driven by changing tariff policies and economic pressure.

🔹 As margins tighten, the industry is doubling down on efficiency and automation — everyone’s asking: *how can we do more with less?*

🔹 One of the most talked-about issues: fraud. It's growing, it's real, and it’s forcing many companies to rethink how they validate partners and secure transactions.

Big thanks to TIA for organizing such a forward-looking event. At Numeo, we’re more motivated than ever to help carriers and brokers navigate these changes with AI that’s smart, secure, and built for the industry.

#TIA2025 #LogisticsTech #FreightTech #SupplyChain #AIinLogistics #BrokerTech #Numeo

@numeoai

Just wrapped up an insightful few days at TIA 2025 in San Antonio, TX — great energy, great people, and valuable conversations shaping the future of logistics.

Here are a few key takeaways:

🔹 AI is entering the broker side of logistics faster than ever — with tools being built to streamline operations and reduce manual tasks.

🔹 There’s noticeable uncertainty in the industry, largely driven by changing tariff policies and economic pressure.

🔹 As margins tighten, the industry is doubling down on efficiency and automation — everyone’s asking: *how can we do more with less?*

🔹 One of the most talked-about issues: fraud. It's growing, it's real, and it’s forcing many companies to rethink how they validate partners and secure transactions.

Big thanks to TIA for organizing such a forward-looking event. At Numeo, we’re more motivated than ever to help carriers and brokers navigate these changes with AI that’s smart, secure, and built for the industry.

#TIA2025 #LogisticsTech #FreightTech #SupplyChain #AIinLogistics #BrokerTech #Numeo

@numeoai

Нега маслаҳатларнинг кўпчилиги ҳеч нарса бермайди

Ҳозир стартап ҳақида маслаҳатлар ҳамма жойда - блоглар, подкастлар, менторлар. Лекин уларнинг катта қисми - шунчаки овоз. Нима учун? Чунки маслаҳатлар умумий, стартап эса ҳар бири - алоҳида тарих.

“Энг кучли одамларни ишга ол” дейишади. Тўғри гап, лекин сизда пул бўлмаса-чи? Кучли одам катта пул сўрайди, сиз эса ҳали уни таклиф қила олмайсиз.

“Одамлар хоҳлайдиган нарса яратинг” дейишади. Ёмон гап эмас. Лекин у нарсани қандай қилиб топиш кераклигини айтмайди.

Сир шундаки - эшитаётган гапларнинг 90%ини четга суринг ва барча диққатни фойдаланувчилар қандай ҳаракат қилаётганига қаратинг (customer behaviour).

Маслаҳат бу харита. Аммо ҳаёт бу ҳақиқий ландшафт.

@paiziev24

Vesting va cliff haqida juda yaxshi video!

Vesting- ulushni bir necha yilga bo'linishi.

Cliff- 1 yil davomida asoschilardan biri yoki muhim hodim loyihani tark etsa, unda ulushga ega bo'lmaydi.

https://youtu.be/afI25nIf9q0?si=BCVn35btNMzxLMbs

Рид Хоффмандан:

"Ўйинсиз ва ўйнаш руҳисиз сунъий интеллект бўлармиди?" - деб сўрайди Google DeepMind асосчиларидан бири, Нобель мукофоти совриндори Демис Ҳассабис.

Унингча, ўйинлар — бу энг инқилобий технологиялардан бири бўлган сунъий интеллект ривожининг асосидир.
Бу фикр менга жуда яқин: айнан ўйин орқали инсон олам қоидаларини ўрганади, синовдан ўтказади ва уларни ўзгартиришни тасаввур қила бошлайди.

🎧 Мақолани ўқишни ва подкастни эшитишни тавсия қиламан:

https://www.linkedin.com/pulse/possible-demis-hassabis-ai-game-theory-multimodality-nature-hoffman-y3yaf/

@paiziev24

The Tech ка берган интервьюим.


https://the-tech.kz/kak-predprinimatel-iz-uzbekistana-prodal-kompaniyu-yandeksu-i-sozdal-ai-startap-v-ssha/

@paiziev24

Кичик жамоа — катта тезлик.

Кўпчилик ўйлайди: стартап муваффақиятли бўлиши учун ё яхши ғоя, ёки пул, ёки таниш-билиш керак. Лекин ҳақиқат шундаки - аслида энг катта устунлик - бу тезлик ва бу тезлик қаердан келади? - кичик жамоадан.

3 киши ўн дақиқада ечимига келадиган масала, катта компанияда 3 ой ва 6 та йиғилиш талаб қилади. Чунки у ерда бюрократия бор, ҳар бир қарор учун тўрт киши овоз бериши керак, ҳеч кимнинг “эгоси”ни бузиб қўймаслик керак.

Apple, Google, Airbnb — ҳаммаси 2-3 киши, ноутбук ва уларни тинч қўймаётган муаммо билан бошланган.

Менинг хулосам шундай:
Агар стартапингизда 5 тадан ортиқ non-technical одам бўлиб, ҳали ҳам даромад йўқ бўлса — демак, сиз ҳаммасини керагидан ортиқ мураккаб қилиб юборгансиз.

Соддалаштиринг. Тез ҳаракат қилинг.
Иш натижаси одамлар сонида эмас - кун давомида қабул қилинадиган қарорлар сонида.

@paiziev24

АҚШда аксар учрашувлар ва кўргазмаларда ташриф қоғози (визитка) алмашиш анча камайган. Бизнесда кўпчилик LinkedIn саҳифасига эга. LinkedIn’да бўлмаслик кўплаб white collar (офис) ходимлар учун ажабланарли ҳолат ҳисобланади.

Кўплаб танишларни айнан LinkedIn орқали орттирганмиз ва сотувларда ҳам у катта ёрдам беради. Ўйлаб қарасам, логистика соҳасига кирганимдан сўнг 100 дан ортиқ одам билан LinkedIn орқали алоқа ўрнатибман.

Биз учрашмоқчи бўлган ҳар қандай шахсни аввал LinkedIn’да текширамиз. Индустрия ҳақидаги кўп билимларни ҳам LinkedIn’dаги соҳа вакилларининг саҳифалари орқали ўргандим.

Агар сиз хорижий ҳамкорлар билан ишлашни истасангиз, LinkedIn саҳифангизга албатта эътибор беринг.

Мени ва Numeo сахифасини хам бу ерда топишингиз мумкин:
https://linkedin.com/in/akmalpaiziev

@paiziev24

Бизда ишлаётган дастурчиларга ҳавасим келади — улар жуда кучли СТО Беҳзод билан ишлаб, ҳақиқий кучли мактаб олмоқдалар. Бу даражадаги СТОларни Ўзбекистонда топиш жуда қийин. Ўзим ҳам ундан кўп нарсалар ўрганаман.

Энди иш бошлаётган ёшларга маслаҳатим:
карьерангизнинг бошида пулдан кўра, ким билан ишлаётганингизга кўпроқ эътибор беринг. Сизга берилаётган маошдан ҳам муҳимроғи — олаётган билим ва тажриба. Чунки ана шу билим ва тажриба узоқ муддатда энг катта қийматни беради.

Ўзбекистонда дастурчиларга қўйиладиган талаблар нисбатан пастроқ бўлгани учун позиция инфляцияси кузатилади.

Яъни, Ўзбекистон стандартлари бўйича “Senior” деб аталадиган дастурчилар, Беҳзод даражасидаги мутахассис учун аксарият ҳолларда “Middle” сифатида қабул қилинади. Куп “Middle” лар “Junior” сифатида.

@paiziev24

AI агентлар учун интерфейс: SaaS ёки ChatGPT услуби?

Биз Numeo устида ишлашни бошлаганимизда, энг катта саволлардан бири — интерфейс қандай бўлиши керак?

Биринчи 3 ҳафтада биз интерфейсни ChatGPT услубида қурдик — диспетчер савол ёки буйруқ беради, агент бажаради. Лекин фойдаланувчилар билан интервьюлар олиб борганимизда, юклар билан ишлашда улар таблица кўринишидаги интерфейсларга ўргангани, янгича — матнли интерфейс уларни ҳайратга солиши ёки чўчитиши мумкинлигини тушундик.

Шунинг учун дизайнни кўпчилик ишлатадиган DAT One интерфейсига яқинлаштирдик. Бу — фойдаланувчи учун янги тизимга ўтишда ички қаршилик (friction) кам бўлиши учун қилинди.

Агар сиз “ўйлайдиган, амал бажарадиган ва қиймат яратадиган” AI агент яратаётган бўлсангиз, унинг интерфейси — яъни фойдаланувчи билан мулоқоти — кутилгандан ҳам муҳимроқ. Бу шунчаки ташқи кўриниш эмас, балки AI нимани билади ва фойдаланувчи нима кутяпти — шу иккиси орасидаги кўприк.

Классик SaaS дастурлар — масалан, Slack ёки Trello — нега самарали? Чунки уларда тартиб ва назорат бор. Тугмани босасиз — натижа чиқади. Картачани судраб ўтказасиз — ҳаракат бўлади. Фойдаланувчи ҳамма нарса қаерда эканини билиб туради.

AI агент учун бу шундай кўринишда бўлиши мумкин:
дашборд, унда параметрлар белгиланади, агент қандай ишлаётгани реал вақтда кўринади. Бу — “пилот” ҳиссини беради.


ChatGPT эса бошқача ёндашув. Бўш экран, ёниб турган курсор, ва сиз AI билан мулоқотдасиз. Тугмалар, менюлар йўқ — фақат сўров ёзасиз:
“Emailларимни хулоса қилиб бер” ёки “Эртага Нью-Йоркка юк топ” каби. Агент ишни ўзи бажаради.

Бу ёндашув эркин, камроқ структурали, лекин жуда қудратли. Чунки натижага олиб боради, тизимни ўрганишни талаб қилмайди.

Фақат SaaS ёки фақат ChatGPT эмас — иккаласини бирлаштириш.

Энг яхши мисол:
- Notion: стандарт интерфейс, лекин / ёрдамида матнли буйруқлар берилади.

AI агентлар учун келажак — интерфейс + мулоқот.
Фойдаланувчига оддий ҳаракатлар учун тугмалар, вазиятдан келиб чиқадиган сўровлар учун — эркин матнли блок бериш керак.

@paiziev24

Rivian жуда кўп реклама қилиб, мени Пало-Альтодаги офисларига тест-драйвга таклиф қилишди. Офисда машинани кўрсатишди ва калитни бериб: «Айланиб келинг,» дейишди. «Сизлар бормайсизми?» десам, «Йўқ, ўзингиз ҳис қилиб кўринг,» деб калитни бериб юборишди. Хўп деб, ҳайдаб кўрдим.

Машина катта ва узоқ йўлларга мос келади, лекин бундан ташқари жиддий афзалликларини кўрмадим. Интерфейс ва технология жиҳатидан Teslaдан анча орқада. Электромотор бўлишига қарамай оғирлиги ҳам ҳис қилинади.

Ҳозирча Tesla АҚШ бозоридаги энг қулай ва технологик электромобиль бўлиб турибди. Агар яхшироғини топсам, яна ёзаман.

@paiziev24

Айримларида жуда кўп матн ва бўлар-бўлмас нарсалар ёзаман. Камчиликларимга рози бўласиз.

@paiziev24

Кеча Oq-tepa Navro'z сумалаги ҳақида ёзгандан кейин ўйлай бошладим:
Нега шундай зўр миллий маҳсулот бир неча йилдирки оддий банкада, фақат айрим дўконларда сотилади?

Мен бўлганимда шундай яхши маҳсулотим бўлганда нима қилардим? Балки:

- Сумалак бренди устида жиддий ишлардим;

- Янги таъмлар устида ишлаб, уларни патентлашга ҳаракат қилардим — масалан, кешьюли сумалак, патир нонли сумалак ёки бодомли сумалак каби;

- Маҳаллий ва хорижий брендлар билан ҳамкорлик қилардим — масалан, Ermak, Krember ва бошқалар;

- Халқаро брендлар билан ҳам коллаборация ҳақида ўйлардим: Nestle, PepsiCo, JBS, Tyson Foods, ва Kraft Heinz каби;

- Янги қаъдоқларда чиқарардим — Nutella нинг ейишга осон, нон билан сотиладиган қаъдоғини тасаввур қилинг;

- Калория ва витаминларга бой маҳсулот сифатида фитнес марказлари ва хорижга совға сифатида олиб кетиш учун аэропортларимизнинг duty free нуқталарига жойлаштиришга ҳаракат қилардим.

Кейин ўйладим: бу ишлар ҳақиқатан ҳам ушбу бизнес эгаларига керакми?
Тадбиркорлар шундай катта бизнес қуришга ишонадими?

Аслида муаммо ғояларда эмас — балки тадбиркорларнинг мотивациясида.
Атрофимдаги тадбиркорлар маълум бир даромадга эришгандан сўнг дивиденд тўлашни бошлайди. Чунки:

“Ҳаммасини инвестиция қилсам, бозорда мавҳумлик кўп... катта мақсад йўқ.”

Ундан ташқари, бизнес капитализацияси кўпчилик учун тушунарсиз нарса. Чунки бозорда M&A (сотиб олиш ва қўшилиш) операциялари жуда кам.

“Ҳозир яхши яшаяпман. Кўпроқ ишласам, яна сал яхшироқ яшайман,” — деган фикр бор.
Очиқ бозорга чиқиш (IPO) эса кўпчилик учун фақат иллюзиядек кўринади.

Масалан, АҚШ бозорида тадбиркор ва инвесторлар амбицияси бўлса, IPO қилиб катта сармоядорлар бозорига чиқишга ҳаракат қилишади ва шу мақсадда пулларини, ҳаракатларини йўналтирадилар.

Фонд бозори пайдо бўлиши ва инвесторлар томонидан ишонч уйғотилиши — бу алоҳида масала. Бу ҳақда иқтисодчиларимиз кўп ёзишган.

@paiziev24

Ота-онам Калифорнияга бизни кўргани келишди. Фақат икки нарса сўрадик — сояки магиз ва сумалак. Сумалакни биз Тошкентда доим харид қилардик. Менга энг ёқадиган сумалак — бу Oq-tepa Navro’z сумалаги. Мен уни уйимиз ёнидаги Бешқайрағоч супермаркетидан сотиб олардим. Адашмасам, охирги 4–5 йилда ҳам шу хил маза ва сифатни ушлаб туришипти.

Америкада бу каби маҳсулотларни “superfood” деб аташади. Кимдир келса, Oq-tepa Navro’z сумалагидан олиб олинг — ундан яхши ҳадя йўқ :)

@paiziev24

AI ни уруш мақсадларида ишлатилишига мисол.

Таржима: Майкрософт AI булими ходимаси Абуссад ўз ёзма мурожаатида техник соҳада фаолият юритаётган ходимлар орасида анча вақтдан бери мавжуд бўлган ички қаршилик ҳақида шундай деб ёзади:

«Мен AI Platform жамоасига қўшилганимда, инсоният манфаати учун хизмат қиладиган илғор AI технологиялари — имкониятлар яратиш, таржима хизматлари ва ҳар бир инсон ҳамда ташкилотга кўпроқ имконият беришга қаратилган воситалар — устида ишлашдан хурсанд эдим. Мени огоҳлантиришмадики, Microsoft менинг меҳнатим самарасини Исроил ҳарбийлари ва ҳукуматига сотади. Бу эса журналистлар, шифокорлар, инсонпарвар ёрдам ходимлари ва бутун тинч аҳоли оилаларини кузатиш ва ўлдириш мақсадида қўлланилар экан.»

https://gizmodo.com/microsoft-employee-disrupts-50th-anniversary-over-israel-ai-contracts-2000585448

Онлайн қўнғироқлар (Zoom, Google Meet) маданиятида суҳбат давомида камерани ёқиш одоб ҳисобланади, айниқса агар сиз мижоз ёки ҳамкор билан гаплашаётган бўлсангиз. Америкаликлар билан мулоқот қилганимизда улар доим камерани ёқишади. Осиё давлатлари вакиллари билан гаплашганда эса кўпинча камера бўлмайди ёки ëқишни унутишади. Биз ҳам янги жамоамиз аъзоларига доим шуни эслатамиз.

Агар сиз Ғарбдаги ҳамкор ёки иш берувчи билан видео қўнғироқ қилмоқчи бўлсангиз, камерани ёқишни унутманг.

@paiziev24

AI стартапларга аввалгидан ҳам тезроқ ўсиш ва янгилик киритиш имконини беряпти. “AI келажаги: стартаплар учун қарашлар” ҳисоботида Lightspeed VC партнери Равираж Жайн ва 23 нафар AI мутахассислар Google Cloud билан бирга 2025-йилга таъсир кўрсатадиган асосий тенденция, муаммо ва имкониятларни таҳлил қилишди.

Ҳисоботда сўнгги AI ютуқлари, AI лойиҳаларини тестдан ишлаб чиқаришга қандай ўтказиш, ҳамда инвесторлар AI стартапларда нималарга эътибор бериши ҳақида ёритилган.

@paiziev24

Бугун бир танишим билан гаплашар эканмиз, у: “Нега бундай Unsexy Industry (жозибадор эмас соҳага) кирдинг?” – деб сўраб қолди.

Бироз ўйлаб қарасам 2013 йилда такси компаниясини бошлаганимизда – “Таксининг нимаси қизиқ?” дейишганди. 2017 йилда етказиб беришга кирганимизда – “Курьерликда технология йўқ-ку?” деганлар ҳам бўлган.

Биз учун Unsexy Industry лар Sexy кўринади ва биз хозирча шу йўлда давом этамиз!

@paiziev24

Бугун навбатдаги мижоз билан қўнғироқда платформамизнинг қандай қилиб юкларни қидириши, юкларни саралаб, брокерлар билан автоматик савдолашишини кўрсатдим. Унинг юзидаги таажжуб ва табассумни кўриб жуда хурсанд бўлдим.

Бизнинг мижозлар - диспетчерлар - ҳар куни соатлаб вақтларини лоадбордларда юк қидириш, саралаш ва брокерлар билан музокара қилишга сарфлашади.

Фаундер сифатида мижозларимизнинг маҳсулотимиздан фойдаланиши - энг катта рағбат ва энергия манбаи деб биламан.

@paiziev24

Америкадаги бизнес тажрибамдан кузатган баъзи хусусиятлар ҳақида бўлишмоқчиман.

Биз Enterprise (яъни йирик бизнес вакиллари) билан ҳамкорлик ва интеграция масалалари бўйича кўп қўнғироқлар қила бошладик. Қуйидаги кузатувларимни баён этаман — албатта, турли индустрияларда бу ҳолатлар бошқача бўлиши мумкин.

• Компаниялар сизни Америкада жойлашган деб ҳисоблашса, ишончлари ортади. Агар сиз бу ерда эмаслигингиз маълум бўлса, ишонч пасайиши мумкин.

• Веб-сайтингиз ва унда ёзилган маълумотлар жуда муҳим. Агар телефон рақамингиз +1 билан бошланмаса ёки манзилингиз АҚШда кўрсатилмаган бўлса, улар сиз билан ишлашни хоҳламаслиги мумкин.

• Вақт жуда муҳим. Календарда белгиланган вақтга аниқ келиш ва email’ларга тез жавоб бериш керак. Айрим ҳолатларда уларнинг қисқа хабарларни email орқали ёзишлари биздаги Telegram орқали бизнес масалаларини ҳал қилишга ўхшайди.

@paiziev24

Yellow Way почта хизмати ва Alif Uz логистика компанияси асосчиси Жамшид Фазлиддинов билан интервью YouTube’га чиқди. Интервьюни қуйидаги ҳавола орқали томоша қилишингиз мумкин:
👉 https://www.youtube.com/watch?v=4auVO7QGBfk&t=893s

@paiziev24

Бугун эрталаб Хайит намози учун Санта-Каларадаги MCA Bay Area масжидига бордик. Хайит намози уч марта ўқилар экан: 7:30, 9:30 ва 11:30. Одамлар ўзларига қулай вақтда келишади.

Жуда кўп оилалар фарзандлари билан чиройли кийиниб келишган эди — худди тўйга кетишаётгандек кайфият бор эди.

Масжид ичида ҳам, ташқарисида ҳам эркаклар ва уларнинг орқасида аёллар бирга намоз ўқишди. Болалар эркин юриб, ўйнашарди.

Масжид олдида турли хил пишириқлар тайёрлаб, келганларга тарқатаётган эдилар.

Кечки пайт масжидда байрам булар экан.

Кузатишда давом этамиз…

@paiziev24

Хаммангизга Рамазон Хайит муборак!

АҚШга кўчиб келгунимгача, чет элга сафарларим вақтида ўша ердаги янги маҳсулотлар ва сервисларни кўриб, илҳом олардим. Барча бизнесларимиз айнан шундай илҳомлар асосида пайдо бўлган.

Лекин ҳеч қаерда аввал икки ойдан кўпроқ яшамаганман.

Бу сафар эса мен қисқа тажрибалардан фарқли равишда бошқа — қизиқ ва чуқурроқ тажрибаларни бошимдан кечирмоқдаман. Масалан, АҚШ таълим тизими билан алоқалар: энг яхши таълим муассасалари — Стэнфорддаги қисқа муддатли ўқишим, рафиқамнинг университет тажрибаси, болаларимнинг мактаб ва боғча тажрибалари. Ўқитувчилар билан мулоқот, бола ривожланишига боғлиқ кузатувлар — буларнинг барчаси мен учун катта тажриба.

Бундан ташқари, АҚШдаги тиббиёт тизими билан танишяпман. Дунёдаги энг илғор клиникалардан бири — Стэнфорд шифохонаси фаолияти ва унинг бошқа тиббиёт муассасалари билан фарқини кўрмоқдаман. Шунингдек, бир неча бор онлайн тиббий маслаҳатлар олиш тажрибаси бўлди.

Яна бир муҳим жиҳати — узоқроқ муддат яшаш менга давлат органлари билан кўпроқ мулоқот қилиш имконини берди. Давлат хизматлари қанчалик осон ва мижозга йўналтирилган (customer-oriented) эканини кузатдим. Давлат хизматчилари қўллаб-қувватлашга тайёр ва самимий эканини ҳис қилдим. Масалан, битта ҳужжат керак эди. Давлат мулозимига email ёздим — 5 кун муҳлат бўлишига қарамай, 2 кунда, ҳеч қандай тўловсиз ишимни ҳал қилиб берди.

Узоқроқ яшаш, шунингдек, одамларни кузатиш, уларнинг фикрлари ва кечинмалари ҳақида кўпроқ билиш имконини бермоқда.

Кузатиш ва ўрганишда давом этмоқдаман…

@paiziev24

Бугундан бошлаб уч кун Луйвилдаги MATS’25 кўргазмасидамиз. Ҳамкорлар ва мижозлар билан учрашиш учун яхши майдон. Бир қанча ҳамюртларимиз ҳам келишди.

@paiziev24

Бугун Louisville, Kentucky’га учаяпман. Самолётда ўқиб кетиш учун ChatGPTдан контент сўрашни ўргангандим. Масалан, 2200-йил учун қисқа ҳикоялар беришини сўрадим — мана уларнинг бир нечтаси:

1. “Ёдгорлик”
2200 йил. Ердаги охирги дарахт Чиланзорда махсус капсула ичида сақланмоқда. Ҳар бир инсон ҳаётида фақат бир марта уни кўриш ҳуқуқига эга. Мен кўрдим. Ундан ҳид келарди — нафақат ёшлик, балки инсониятнинг гуноҳлари ҳам.

⸻

2. “Она”
Мен роботман. Туғилишимдан бери менга “Она” деган аёл ғамхўрлик қиларди. Бугун мен унинг хотирасини ўз юрагимга юклаб олдим. Унинг ўзи эса… фақат код эди. Лекин мен унга йиғладим.

⸻

3. “Марказсиз дунё”
2200 йилда давлатлар йўқ. Фақат блокчейн асосидаги шаҳар-давлатлар бор. Ҳар бир инсон — автоном. Аммо севгига мухтож бўлмаган ҳеч ким йўқ. Шу боис ҳозир “Юрак 2.0” иловасидаги аёлга уйландим.

⸻

4. “Тилсизлар”
Инсонлар гапиришни унутди. Ҳар бир ҳис-туйғу шундай аниқ алгоритмга айландики, энди сўзлар шарт эмас. Бир бола бор эди. У гапирди: “Салом”. Виртуал дунё қотди. Илк бор одамлар қулоқ солди.

⸻

5. “Ёлғиз сайёра”
Марсда 3-марта яшаш урини бошланди. Бу сафар мени юборишди. Ҳамроҳларим — 2 та клоним ва бир хотирам. 5 йил ўтди. Мендан фақат ҳислар қолди. Қайтиб кетсамми? Йўқ. Бу менинг уйим.

@paiziev24

Dgtl Camp ва Coddy Camp’га ангел инвестиция тарихи ҳақида

2021 йил охирида, бизнинг Workly компаниясида ишлаб кетган Фузайл ўзининг университетда бирга ўқиган дўсти Азимхон билан учрашишни сўради. Эсимда, Чехов кўчасидаги B&B қаҳвахонасида учрашдик. Улар 5–6 слайддан иборат ўз ғояларини тақдим қилишди. Улар дастурлашни офлайн ва онлайн (гибрид) шаклда ўргатувчи ўқув маркази ва онлайн платформа яратмоқчи эканликларини, бу учун махсус методика қўллашларини айтдилар. Лойиҳага $70,000 инвестиция кераклигини билдиришди.

Мен розиман дедим ва бунинг бир нечта сабаблари бор эди:
– Фузайл бизнинг жамоада ишлаган, мен уни шахсан билардим.
– Икки асосчи бир-бирини анча вақтдан бери танишарди.
– Уларнинг питчида мантиқий ёндашув ва келажак бор эди.
– EdTech соҳаси менга қизиқ эди.

Улар 2022 йил бошида IMPACT.T Technology Hub ичида иш бошлашди. Бошида анча қийналишди — онлайн таълимга оид курслар яратиш кўп вақт олди, маркетинг ва сотув осон кечмади. Олти ойлардан кейин улар асосий фокусни 7 ёшдан 17 ёшгача бўлган болаларга қаратиш кераклигини англашди ва ўқув дастурлари ҳамда методологияни айнан шу ёш гуруҳига мослаштиришди.

Бугунги кунда Coddy Camp'нинг Тошкент шаҳрида 6 та филиали бор ва $1.3 млн ARR (йиллик такрорланувчи даромад) қилаётган ҳолда фаолият юритмоқда.

Жамоа болаларни онлайн тарзда дастурлашга ўргатиш мақсадида Junior лойиҳасини ҳам йўлга қўйди. Бу лойиҳа жуда тез ўсмоқда ва хозир $240,000 ARR даражасига етган. Йигитлар энди қўшни давлатлар бозорига чиқишни режалаштиришмоқда.

Ўрганганларим: стартапларга инвестиция қилганда сабр керак. Асосчилар 1–2 йил ичида жуда кўп нарсани ўрганишади, айниқса Ўзбекистон шароитида. Уларга эркинлик бериб, керак бўлганда маслаҳат бериш — энг тўғри ёндашув.

Жамоага ўсишда ва янги бозорларни эгаллашда омад тилайман!

https://coddycamp.uz
https://junior-it.uz

@paiziev24

«Бой одам бугунги кунда ҳеч нарса билан ўрта синф вакилидан фарқи йўқ. Айфон Дональд Трампда ҳам, биринчи курс талабасида ҳам бор. Netflix кўрсатувларини Илoн Маск ҳам, дунёдаги исталган одам ҳам кўра олади… Кийимда тўлиқ демократизация юз берди: кўплаб зўр брендлар жуда ҳам оммабоп булди.

Бойлар ва камбғаллар орасидаги ягона фарқ — бу таълим даражасидир»

деб ҳисоблайди Асет Абдувалиев. Стэнфорд ва Гарвард университетлари магистри, Пало Альтодаги Silkroad Innovation Hub асосчиси.

@paiziev24

Стартап асосчилари учун яна муҳим хусусиятлардан бири — рад этилишлар (pushbacks, rejections), тўсиқлар (obstacles) ва жавобсизликка (ignoring) қарши иммунитетга эга бўлиш ёки уни шакллантиришдир.

@paiziev24