Assalomu alaykum, yakshanba tongi muborak bo'lsin!

Dam olish kuningiz fayzli, maroqli va mazmunli o'tsin!

©️ @nur_press

Nurobod tumanidagi "Qalqon" jamoatchilik guruhi a'zolari hududda jinoyatchilik holatlari, xususan, yoshlar jinoyatining oldini olish maqsadida faoliyat olib borishmoqda...

©️ @nur_press

Nurobod tumani Sharq yulduzi va Mash’al mahallalari aholisini toza ichimlik suvi bilan ta’minlovchi suv tarmog‘ida yuzaga kelgan nosozliklar "Suvta’minoti" AJ Nurobod tuman bo‘limi xodimlari tomonidan bartaraf etildi.

©️ @nur_press

🟦🟦🟦
MUHIM XABAR

Soxta kadastrchilar aniqlanmoqda

⚡️ Respublikamizning ayrim viloyatlarida o‘zini "kadastrchiman" deya fuqarolardan xatlov uchun pul yig‘ib yurgan firibgarlar aniqlandi. Hozirda ularning faoliyati o‘rganilmoqda.

◼️Bunday firibgarlardan ogoh bo‘ling va Siz ham ularni uchratsangiz, huquqni muhofaza qiluvchi organlarga yoki Kadastr agentligining 1097 qisqa raqamlariga xabar berishingizni so‘raymiz.

©️ @nur_press

📚Nurobodda “Samarqand viloyati joy nomlarining izohli lug'ati” kitobi taqdimoti bo'lib o'tdi

Bugun Nurobod tumani 18-son bolalar musiqa va san'at maktabida Davlat tilini rivojlantirish departamenti hamda Samarqand viloyati hokimligi tashabbusi bilan chop etilgan “Samarqand viloyati joy nomlarining izohli lug‘ati” kitobining taqdimot marosimi bo‘lib o‘tdi.

Tadbirda tuman hokimligi, Respublika Ma'naviyat va ma'rifat markazi tuman bo‘limi, Axborot-kutubxona markazi a'zolari, faol kitobxonlar hamda keng jamoatchilik vakillari ishtirok etdi.

Taqdimot davomida tuman hokimining maslahatchisi U.Tilavov yig'ilganlarga lug‘atni tayyorlash jarayoni, unda keltirilgan tarixiy, geografik va tilshunoslik jihatidan qimmatli ma’lumotlar haqida batafsil ma'lumotlar berdi.

Tadbir yakunida Axborot-kutubxona markaziga “Samarqand viloyati joy nomlarining izohli lug‘ati” hamda boshqa turli sohalarga oid nashrlar esdalik sovg'asi sifatida topshirildi.

©️ @nur_press

Bugun O‘zbekiston xalq shoiri Muhammad Yusuf tavallud topgan kun (1954–2001)

Bor bisotim

Bor bisotim oldi yoshligim,
Yurak shunga ko‘ndi-yu ketdi.
Yodda shunday qoldi yoshligim: 
Qush daraxtga qo‘ndi-yu ketdi.

Demak, dunyo chindan tor ekan,
Demak, vido kuni bor ekan,
Tushib keldim oyning oldidan,
O‘t bir yonib so‘ndi-yu ketdi.

Dunyoda eng katta boy edim,
Gijinglagan asov toy edim, 
Sharqiragan toshqin soy edim,
Suvim sovib so‘ndi-yu ketdi.

Yetishmaydi menga ne jihat? 
Allaqayerlarimdur diqqat.
O‘sha qomat, o‘sha bo‘y, faqat 
Yurak chil-chil sindi-yu ketdi.

Do‘stlarim ko‘p edi, do‘slarim.
Keskir-keskir edi so‘zlarim,
 Xira tortib qoldi ko‘zlarim, 
Sochga qirov indi-yu ketdi.

Daraxtga qush qo‘ndi-yu ketdi...

©️ @nur_press

26-aprel sanasida ro'y bergan muhim voqealar

#bayramlar
🇺🇳BMT – Butunjahon intellektual mulk kuni.
🇺🇳Xalqaro Chernobil fojiasini xotirlash kuni.
🌏Xalqaro uchuvchilar kuni.
🌏Xalqaro kotibalar kuni.

#muhim_voqealar
🔹1755 – Moskva davlat universiteti tashkil topdi.
🔹1966 – Toshkentda 8 balli zilzila sodir bo‘ldi.
🔹1996 – “Amir Temur” ordeni taʼsis etildi.
🔹1996 – “O‘zbekiston Respublikasida xizmat ko‘rsatgan jurnalist” faxriy unvoni taʼsis etildi.
🔹2019 – Tarixdagi eng ko‘p daromad keltirgan filmlardan biri bo‘lgan “Qasoskorlar: Endgame” AQSHda 2,8 milliard dollar yig‘ib keng prokatga chiqdi.

#tavalludlar
🔹1660 – Daniel Defo – ingliz yozuvchisi, publisist, realistik nasr asoschilaridan biri.
🔹1886 – Abdulla To‘qay – tatar shoiri, adabiyotshunos, publitsist va tarjimon.
🔹1896 – Lutfixonim Sarimsoqova – o‘zbek teatr va kino san’atining yorqin yulduzi.
🔹1936 – Botir Zokirov – O‘zbekiston xalq artisti.
🔹1938 – Jamol Kamol – O‘zbekiston xalq shoiri
🔹1954 – Muhammad Yusuf – O‘zbekiston xalq shoiri, jamoat arbobi.
🔹1974 – Ilhom Farmonov – xonanda, O‘zbekiston Respublkasida xizmat ko‘rsatgan artist.

©️ @nur_press

DIQQAT E'LON!!!

Hurmatli tumandoshlar!

30-iyun — Yoshlar kuni munosabati bilan nurobodlik yosh ijodkorlarning (30 yoshgacha bo’lgan yoshlar) ijod namunalari (she’r, hikoya, qissa, ballada va hakozo) dan tarkib topgan "Yoshlar bayozi" kitobi nashrga tayyorlanayotganini mamnuniyat bilan e’lon qilamiz.

Nurobod yoshlarining nazm durdonalari jamlanadigan ushbu kitobdan sizning ham ijod namunalaringiz joy olishini xohlasangiz, shoshiling!!!

Ma'lumotlaringiz va ijodiy ishlaringizni quyida belgilangan tartibda elektron tarzda yuborishingiz mumkin:

1. Ijodkorning ismi, sharifi, otasining ismi.

2. Namunada keltirilgan tartibda qisqa tarjimayi holi (kitobi nashr etilgan bo’lsa, nashr etilgan kitobining to’liq nomi va nashr etilgan yili aniq ko’rsatilishi shart).

3. Rasmiy formadagi 3x4 tushirilgan rasmi (elektron shaklda).

4. Ijodkorning ijod namunalari (kamida 5ta she’r yoki 2-3 ta hikoya/balladalari).

5. Doimiy ishlab turadigan telefon raqamlari.

Ijodiy ishlarni qabul qilish muddati: 2025-yil, 7-maygacha.
Murojaat uchun telefon: +998997762637, +998937242375

Eslatma: Ko'rsatilgan tartibda va belgilangan muddatlarda berilmagan ijodiy ishlar qabul qilinmaydi❗️

👉 Hujjat namunalari 👈

©️ @nur_press

Milliy libos – qadriyatlar bezagi

Nurobod tumanida o'tkazilayotgan milliy liboslar targ'iboti qizg'in va yuqori ruhda davom etmoqda.

Nurobod tumani ixtisoslashtirilgan maktabi o'quvchi qizlari ham ushbu o'ziga xos chellenjda faol ishtirok etib, ular egnidagi atlas, boshlaridagi do'ppilar milliy qadriyatlarimiz jozibasi, betakrorligini o'zida namoyon etmoqda.

©️ @nur_press

Milliy libos — millat qiyofasi

Nurobod tumani tibbiyot birlashmasiga qarashli TIM OSHP xodimlari milliy liboslar chellenji rivojiga munosib hissa qo'shib kelishmoqda.

©️ @nur_press

Milliy libos — milliy iftixor

Nurobod tumani maktabgacha va maktab ta'limi bo'limi jamoasi milliy liboslarimiz, milliy qadriyatlarimizni ulug'lashga qaratilgan chellenjda faol ishtirok etishmoqda.

©️ @nur_press

O'zbekiston Respublikasi Prezidentining 2025-yil 14-martdagi “Oila va xotin-qizlarni qo'llab-quvvatlash tizimini yanada takomillashtirish сhora-tadbirlari to'g'risida”gi PQ-103-sonli qarori ijrosi amalda

Nurobod tumanida xotin-qizlarning ijtimoiy faolligini oshirish va ularni islohotlar jarayoniga faol jalb etish maqsadida "Nurobod ayollari — islohotlar yetakchisi" shiori ostida ma'naviy-ma'rifiy tadbirlar tashkil etildi.

Ushbu tadbirlarda Samarqand viloyati hokimi o‘rinbosari Z.Saidova, tuman hokimi o‘rinbosari I.Haqqulova, xotin-qizlar faollari, keng jamoatchilik vakillari va o‘quvchi qizlar ishtirok etdilar.​

Tadbir davomida Z.Saidova mamlakatimizda xotin-qizlar uchun yaratilgan imkoniyatlar, ularning ta'lim olishi, kasb-hunar egallashi va jamiyatda faol ishtirok etishi uchun yaratilgan sharoitlar haqida so‘z yuritdi. Shuningdek, tuman xotin-qizlarining erishayotgan yutuq va muvaffaqiyatlari, tashabbuskorligi munosib e'tirof etildi.​

Bu kabi tadbirlar xotin-qizlarning ijtimoiy hayotdagi o‘rnini mustahkamlash, ularni islohotlar yetakchisiga aylantirishga xizmat qilmoqda. Nurobod tumanida xotin-qizlarning faolligini oshirishga qaratilgan bunday tashabbuslar davom etmoqda.

©️ @nur_press

Nurobod tumani 6-DMTT jamoasidan milliy liboslar chellenji doirasida o'ziga xos videorolik

©️ @nur_press

O'zbekiston Respublikasida korrupsiyaga qarshi kurash davlat siyosatining ustuvor yo‘nalishlaridan biri bo‘lib, bu borada keng ko'lamli islohotlar amalga oshirilmoqda.

Jumladan, bugun Nurobod tumani hokimligida tuman prokurori J.Abdihakimov rahbarligida ta'lim sohasida korrupsion holatlarning oldini olish mavzusida muhokama yig'ilishi o'tkazildi.

Unda tuman maktabgacha va maktab ta'limi bo'limi xodimlari, umumta'lim maktablari direktorlari, bog'cha mudiralari va boshqa pedagog xodimlar ishtirok etishdi.

Tuman prokurori korrupsiyaning sohada uchraydigan turlari, uning salbiy oqibatlari va jamiyat hayotiga soladigan xavfi to'grisida batafsil ma'lumotlar berib, korrupsiyadan qutulish uchun faqat davlat organlarining sa'y-harakati yetarli emasligini ta'kidladi.

Unutmang, korrupsiya — taraqqiyot kushandasi! Har birimizning yuksak mas'uliyatimiz va faol ishtirokimiz orqaligina bu illatni yengishimiz mumkin.

©️ @nur_press

Milliy libos — bebaho meros

Nurobod tumani MMTB ga qarashli 2-DMTT da "Dunyoga tanitgan milliy libosim" shiori ostida o'tkazilayotgan madaniy-ma'rifiy tadbirlardan lavhalar...

©️ @nur_press

Nurobod tumanining Oqsoy qishlog'ida turizm va tadbirkorlik imkoniyatlari

©️ @nur_press

Milliy liboslar targ'ibotida barcha birdek faol!

Nurobod tumanida "Dunyoga tanitgan – milliy libosim!" shiori ostida turli madaniy-ma'rifiy tadbirlar o'tkazib kelinmoqda.

Tadbirlarda tumandagi tashkilot va idoralar xodimlari ham faol ishtirok etishmoqda.

Tumandagi bank sohasi xodimlari ish faoliyatlarini milliy liboslarimizda olib borib, milliyligimiz rivojiga o'z hissalarini qo'shishdi.

©️ @nur_press

Milliy libos — millat ko'zgusi

Nurobod tumani tibbiyot birlashmasiga qarashli Qizilquyosh OSHP jamoasi milliy liboslar chellenjida faol ishtirok etishmoqda.

©️ @nur_press

Matonatli yo'l: Roza Abdurashitovaning ibratli hayoti

Hayotning turfa qiyinchiliklari, sinovlarini mardonavor yengib, baxtini mehnatdan qidirgan va xalq duosini olib kelayotgan qahramonlar yurtimizda bisyor.

Respublika Maʼnaviyat va maʼrifat markazi Samarqand viloyati boʻlimi tomonidan ana shunday ibratli, oʻz hayot yoʻli bilan boshqalarga o'rnak bo'la oladigan yurtdoshlarimiz haqida "Matonatli yo'l" loyihasi taqdim etib kelinmoqda.

Loyihaning bu galgi qahramoni Nurobod tumani "Sharq yulduzi" MFY da istiqomat qiluvchi, Zirabuloq geologiya qidiruv ekspeditsiyasida 27 yil ishlab, ayni damda nafaqada gulchilik bilan shug'ullanib kelayotgan mehnatkash inson Roza Abdurashitovadir.

©️ @nur_press

5 yil ish stajiga ega xotin-qizlarga tavsiyanoma berish tartibi qanday?

©️ @nur_press

Nurobod ayollari — islohotlar yetakchisi

Nurobod tumanida "Nurobod ayollari — islohotlar yetakchisi" shiori ostida ma'naviy-ma'rifiy tadbirlar o'tkazildi.

Unda Samarqand viloyati hokimi o'rinbosari Z.Saidova, tuman hokimi o'rinbosari I.Haqqulova, xotin-qizlar faollari, keng jamoatchilik vakillari va o'quvchi qizlar ishtirok etishdi.

Tadbir davomida Z.Saidova yurtimizda xotin-qizlar uchun yaratilgan sharoitlar, ularning ta'lim olishi, kasb-hunar egallashi, bir so'z bilan aytganda, jamiyatning faol a'zolariga aylanishlari uchun barcha imkoniyatlar yaratilganligini ta'kidlab o'tdi.

Shuningdek, tumanimiz xotin-qizlarining erishayotgan yutuq va muvaffaqiyatlari, tashabbuskorligi munosib e'tirof etildi.

©️ @nur_press

NUROBOD TUMANI MAKTABGACHA VA MAKTAB TA'LIMI BO'LIMIGA YANGI RAHBAR TAYINLANDI

Bugun Nurobod tumani hokimligida tuman hokimi M.Buranov, viloyat Maktabgacha va maktab ta'limi boshqarmasi boshlig'i o'rinbosari Sh.Eshonqulov, maktabgacha va maktab ta'limi bo'limi xodimlari, maktab direktorlari, MTT rahbarlari hamda soha mas'ullari ishtirokida yig'ilish o'tkazildi.

Yig'ilishda tashkiliy masala ko'rildi: Xushbaqov Shavkat Urolovich – O'zbekiston Respublikasi Maktabgacha va maktab ta'limi vaziri buyrug'i bilan Nurobod tumani maktabgacha va maktab ta'limi bo'limi boshlig'i lavozimiga tayinlandi.

Shavkat Xushbaqov 1982-yil Nurobod tumanida tug‘ilgan. Ma’lumoti oliy. 2008-yil O'zbekiston Milliy universitetini tamomlagan. Ma'lumoti bo'yicha mutaxassisligi – psixolog.

Tayinlovga qadar Sh.Xushbaqov Nurobod pedagogika kolleji direktori lavozimida faoliyat yuritib kelayotgan edi.

Sh.Xushbaqovning kelgusidagi faoliyatida omad va ulkan zafarlar tilab qolamiz!

Nurobod tumani hokimligi Axborot xizmati

©️ @nur_press

Milliy libos – faxrimiz!

Nurobod tumanida o'tkazilayotgan milliy liboslar targ'ibot tadbirlarida 8-umumta’lim maktabi o'qituvchi va o'quvchilari faol ishtirok etishmoqda.

©️ @nur_press

Siyosiy-ma’rifat o‘quv soati bo‘lib o‘tdi

Bugun Nurobod tumani hokimlik apparati xodimlari haftaning har juma kuni tashkil etilib kelinayotgan navbatdagi "Siyosiy-ma’rifat soati"da milliy libos va do'ppilarda ishtirok etishdi.

O'quv soati davomida quyidagi masalalarga to‘xtalib o‘tildi:

▫️O‘zbekiston va xorijdagi muhim jarayonlar dayjesti;

▫️“Mahalladan gapiramiz” rukni;

▫️"M-dayjest" rukni;

▫️“Msayohat” rukni;

▫️“Gazeta sharhi” rukni.

Mazkur o‘quvni Prezident huzuridagi Davlat xizmatini rivojlantirish agentligining ilm.argos.uz platformasi hamda YouTube dagi sahifasi orqali tomosha qilishingiz mumkin.

©️ @nur_press

"SHIJOAT VA GʻAYRAT" HARBIY - SPORT MUSOBAQASINING NUROBOD TUMAN BOSQICHI OʻTKAZILDI

©️ @nur_press

Hududlarda zararli chigirtka bosqini bilan bog'liq hodisa yuz berganda Chigirtka va tut parvonasiga qarshi kurash xizmatlarining hududiy bo'limlari rahbarlari va agronomlariga to'g'ridan-to'g'ri murojaat qilishingiz mumkin!

Murojaat uchun:

Samarqand viloyat Chigirtka va tut parvonasiga qarshi kurash xizmati rahbari: Ergashev Zafar Avazovich
91 549 60 62
98 573 60 62

Bosh agronom: Abdug‘aniyev Jamoliddin Nematullayevich
33 345 04 50
93 345 04 50

Viloyat o‘simliklar karantini va himoyasi boshqarmasi boshlig‘i:
Urazov Shomurod Bahromovich
97 919 74 12

©️ @nur_press

“Samarqand noni” geografik ko‘rsatkichini targ‘ib qilish, tijoratlashtirish hamda uning huquqiy muhofazasini ta’minlash maqsadida 21-aprel - 10-may kunlari “Samarqand noni” geografik ko‘rsatkichi uchun eng yaxshi belgi tanlovi o‘tkazilmoqda.

Tanlovda tasviriy san’at, dizayn, grafika, illyustratsiya, reklama sohasida yoki ushbu faoliyatning turdosh sohalarida bilim va professional tajribaga ega barcha xohlovchi fuqarolar va ushbu yo‘nalishlarda faoliyat yurituvchi yuridik shaxslar ishtirok etishi mumkin.

Tanlov g‘olibi bazaviy hisoblash miqdorining 15 baravari miqdorida pul mukofoti bilan taqdirlanadi.

Tanlov hujjatlari 2025-yil 10-may kuni soat 23:59 gacha samarqandnoni2025@gmail.com elektron pochtasi orqali qabul qilinadi.

“Samarqand noni” geografik ko‘rsatkichi uchun eng yaxshi belgi tanlovini o‘tkazish tartibi va belgini ishlab chiqish bo‘yicha shartlari bilan ushbu havola orqali tanishish mumkin.

© @nur_press

Assalomu alaykum, haftaning juma tongi muborak bo'lsin!

Boshlangan kuningiz fayzli, maroqli va quvonchli lahzalarga boy o'tsin!

©️ @nur_press

Bugun Nurobod tumani hokimi M.Buranov tumandagi eng ilg'or umumta'lim maktablaridan biri 2-umumta'lim maktabida bo'ldi.

Tuman rahbari maktabda o'quvchilarning sifatli ta'lim olishlari uchun yaratilgan sharoit va imkoniyatlar, zamonaviy o'quv xonalari, axborot-kommunikatsiya texnologiyalaridan unumli foydalanish, o'quvchilarning bo'sh vaqtlarini mazmunli o'tkazish va yoshlarni kasb-hunarga o'qitishga qaratilgan to'garaklar faoliyati hamda maktabdagi obodonlashtirish ishlari holati bilan tanishdi.

Shuningdek, maktabda faoliyat yuritayotgan sport to'garaklari faoliyati, mahoratli murabbiylar va ulardan sport saboqlarini olib kelayotgan yoshlar, mashg'ulot zallari hamda sport maydonlari holati ko'zdan kechirildi.

Maktab o'quvchilarining yurtimiz va xalqaro miqyosda erishib kelayotgan yutuq va muvaffaqiyatlari alohida e'tirof etildi.

O'rganishlar davomida maktab moddiy-texnik bazasini mustahkamlash, zamonaviy o'quv va sport jihozlari bilan ta'minlash, ta'lim jarayonlari sifatini yanada oshirish borasida tegishli chora-tadbirlar belgilandi.

©️ @nur_press

#milliy_libos

Milliy libos — faxr-iftixor manbai

Nurobod tumanida o'tkazilayotgan milliy liboslar chellenjida tumandagi DMTT lar faol ishtirok etib kelishmoqda.

Tuman MMTB ga qarashli 16-DMTT jamoasi ham ushbu chellenj rivojiga munosib hissa qo'shishdi.

©️ @nur_press

Nurobod tumanida “Yosh gvardiyachi” harbiy-sport musobaqasining tuman bosqichi bo‘lib o‘tdi

Bugun Nurobod tumani sport maktabi hududida yoshlar o‘rtasida harbiy-vatanparvarlik ruhini mustahkamlashga qaratilgan muhim tadbir — “Yosh gvardiyachi” harbiy-sport musobaqasining tuman bosqichi bo‘lib o‘tdi.

Mazkur musobaqada tumandagi umumta’lim maktablarining eng faol o‘quvchilaridan tuzilgan jamoalar ishtirok etib, o‘zaro kuch sinashdilar.

Tadbir doirasida o‘quvchilar o‘zlarining jismoniy tayyorgarligi, chaqqonligi, jamoaviy ishlash qobiliyati hamda harbiy bilimlar bo‘yicha o‘zlarini sinovdan o‘tkazdilar.

Musobaqa natijalariga ko'ra 1-o‘rinni 34-maktab jamoasi, 2-o‘rinni 39-maktab jamoasi va 3-o‘rinni 61-maktab jamoasi qo'lga kiritdi.

G‘olib va faol ishtirok etgan jamoalarga diplom va esdalik sovg‘alari topshirildi.

©️ @nur_press

Nurobod tumani Navro’z mahallasi yoshlar yetakchisi va “Qalqon” guruhi a’zolarining ish faoliyati jarayonlaridan...

©️ @nur_press

Korrupsiya — taraqqiyot kushandasi

Nurobod tumanida korrupsiya bilan bog'liq jinoyatlarning oldini olish borasida tuman prokuraturasi tomonidan bir qator amaliy ishlar olib borilmoqda.

Jumladan, tuman tashkilotlari, umumta'lim maktablarida ishchi-xodimlar va o'quvchilar bilan korrupsiya va uning salbiy oqibatlari, korrupsiyani oldini olish uchun qilishimiz lozim bo'lgan ishlar mavzusida davra suhbatlari tashkil etilib, mavzuga doir videoroliklar namoyishi o'tkazilmoqda.

©️ @nur_press

Икки томонлама музокаралар якунида Президент Шавкат Мирзиёев Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедовга Ўзбекистон Республикасининг "Олий Даражали Дўстлик" орденини топширди.
—
По окончании двусторонних переговоров Президент Шавкат Мирзиёев торжественно вручил Национальному лидеру туркменского народа, Председателю Халк Маслахаты Туркменистана Гурбангулы Бердымухамедову орден «Олий Даражали Дўстлик» Республики Узбекистан.

#Mirziyoyev #tashrif #Turkmaniston #taqdirlash

Prezident.uz|Facebook|Instagram|YouTube|X

Milliy liboslarimiz — milliy iftixorimiz

Nurobod tumani statistika boʻlimi xodimlari ham ish faoliyatlarini milliy liboslarimizda olib borib, milliyligimiz rivojiga o'z hissalarini qo'shishmoqda.

©️ @nur_press

Nurobodda fuqarolar yig'ini raisi saylovini munosib o'tkazish yuzasidan seminar o'tkazildi

Bugun Nurobod tumani hokimligida O'zbekiston Mahallalari uyushmasi raisi maslahatchisi Suyarjon Qurbonqulov, uyushmaning Samarqand viloyati boshqarmasi boshlig'i o'rinbosari Nosir Mavlonovlar ishtirokida tumanda fuqarolar yig'ini raisi saylovini tashkil etish va o'tkazish mavzusida seminar o'tkazildi.

Seminarda tuman hokimligi, tuman mahallalar uyushmasi a'zolari, tumandagi saylov ishchi guruhi rahbar va a'zolari ishtirok etishdi.

S.Qurbonqulov seminar ishtirokchilariga fuqarolar yig'ini raisi saylovini tashkil etish va o'tkazish tartib-qoidalari, qonunchilikdagi o'zgarishlar, saylov jarayonida ochiqlik va shaffoflikni ta'minlash, nomzodlarni tanlash mezonlari hamda saylovchilarning faolligini oshirish bo'yicha batafsil ma'lumot berdi.​

Shuningdek, N.Mavlonov tomonidan saylov jarayonida yuzaga kelishi mumkin bo'lgan muammolar va ularning yechimlari, saylovni tashkil etishdagi amaliy tajribalar bilan o'rtoqlashildi.

Seminar yakunida ishtirokchilar o'zlarini qiziqtirgan masalalar yuzasidan savollar bilan murojaat qilib, ularga mutaxassislar tomonidan atroflicha javoblar oldilar.

©️ @nur_press