0️⃣0️⃣0️⃣

O‘zbekiston davlat jahon tillari universiteti o‘qituvchilari Indoneziyaning Jakarta shahridagi Gunadarma universitetida malaka oshirmoqda

O‘zbekiston davlat jahon tillari universitetining 13 nafar professor-o‘qituvchisi Indoneziyaning nufuzli Gunadarma universitetida malaka oshirish dasturida ishtirok etmoqda. Ushbu dastur doirasida tinglovchilar ilg‘or xorijiy tajribaga tayangan holda tashkil etilgan dars mashg‘ulotlari, innovatsion pedagogik yondashuvlar, sun’iy intellekt texnologiyalari va zamonaviy til o‘qitish uslublari asosida o‘tkazilayotgan seminar va treninglarda faol ishtirok etmoqda.

Malaka oshirish jarayonlari bilan bir qatorda, Gunadarma universiteti tomonidan tinglovchilarning dunyoqarashini kengaytirishga qaratilgan madaniy-ma’rifiy dasturlar ham tashkil etilmoqda. Jumladan, tinglovchilar Jakarta shahridagi tarixiy va madaniy obidalar — Milliy muzey, Monas yodgorlik majmuasi hamda Milliy madaniyat markazi bilan yaqindan tanishdilar. Bundan tashqari, ular Gunadarma universitetining zamonaviy texnoparki — UG Technopark faoliyati bilan ham tanishib, ramziy daraxt ekish marosimida ishtirok etdilar.

Mazkur dastur ikki oliy ta’lim muassasasi o‘rtasidagi o‘zaro akademik hamkorlikni mustahkamlashga xizmat qilmoqda. Kelgusida O‘zbekiston davlat jahon tillari universiteti va Gunadarma universiteti o‘rtasida qo‘shma ilmiy tadqiqotlar olib borish, malaka oshirish kurslarini kengaytirish va professor-o‘qituvchilar almashinuvini rivojlantirish bo‘yicha istiqbolli loyihalar amalga oshirilishi rejalashtirilmoqda.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

OʻzDJTU O'zbekiston tarixi kafedrasi tomonidan 21-23-aprel kunlari “Muzeylar uch kunligi” tashkillashtirildi.

Mazkur uch kunlik dastur davomida kafedra a’zolari tomonidan talabalarning Toshkent shahridagi bir qator muzeylarga tashriflari va sayyor darslar uyushtirildi.

Madaniy-ma’rifiy tadbirlar davomida bir qator muzeylarga tashrif amalga oshirildi, jumladan, 21-aprel kuni kafedra a’zolaridan: t.f.b.f.d., dotsent N.Toliboyeva hamda katta o‘qituvchi M.Bazarova tomonidan Ingliz filologiyasi fakulteti FING-2410, 2410A, 2425, 2425A, 2426-guruhlar talabalari bilan Amaliy san’at muzeyiga ekskursiya uyushtirildi.

Ekskursiya davomida talabalar oʻzbek milliy hunarmandchilik buyumlari, qoʻl mehnati asarlari bilan tanishtirildi.

22-aprel kuni FING-2421-2422 guruhlar talabalari bilan Oʻzbekiston tasviriy san’at galereyasiga, shuningdek, kafedra katta o‘qituvchisi M.Bazarova tomonidan FING-2405 va FING-2450-guruh talabalari bilan Shon-sharaf muzeyiga ekskursiya uyushtirildi. 23-aprel kuni kafedra a’zolaridan: t.f.b.f.d., dotsent N.Toliboyeva hamda t.f.n., dotsent N.Babadjanova boshchiligida Ingliz filologiyasi fakulteti FING-2432-3433, FING-2448-2449-guruh talabalari Temuriylar tarixi davlat muzeyida boʻldi.

Ushbu tadbirlardan ko‘zlangan maqsad talabalarni vatanparvarlik ruhida tarbiyalash, ularda xalqimizning boy madaniy merosiga nisbatan hurmat, ajdodlarimizning insoniyat tamadduniga qo‘shgan bebaho hissasidan faxr tuyg‘ularini shakllantirishdan iborat.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣🏆🏆🏆

Ayni kunlarda Toshkent shahar oliy ta’lim muassasalari talaba-yigitlari oʻrtasida basketbol sport turi boʻyicha “Talabalar ligasi” sport musobaqalari oʻtkazilmoqda.

26-aprel kuni boʻlib oʻtgan navbatdagi musobaqada Oʻzbekiston davlat jahon tillari universiteti hamda Menejment va zamonaviy texnologiyalat universiteti talaba-yigitlaridan iborat jamoalar bellashdi.

Oʻyin qizgʻin va shiddatli oʻtdi. Har bir jamoa oʻz kuchi va mahoratini koʻrsatib, gʻoliblik sari murosasiz kurash olib bordi.

Yakunda Oʻzbekiston davlat jahon tillari universiteti jamoasi gʻoliblikni qoʻlga kiritdi.

Oliygohimiz jamoasini bu muvaffaqiyat bilan tabriklaymiz va navbatdagi oʻyinlarda ham omad yor boʻlishini tilaymiz!

🌐 Biz ijtimoiy tarmoqlarda:
Telegram | Instagram | Facebook | Sayt

🗓 26–27 aprel kunlari O‘zbekiston davlat jahon tillari universiteti Nemis tili amaliy va nazariy kafedralari professor-o‘qituvchilari Qirg‘iziston Respublikasining Bishkek shahrida o‘tkazilayotgan “Berufliche Entwicklung von DaF-Lehrkräften in Zentralasien: Potenziale und Herausforderungen”
(Markaziy Osiyo nemis tili o‘qituvchilarining III Xalqaro forumi)da faol ishtirok etmoqdalar.

👥 Ushbu xalqaro forum Qirg‘iz Respublikasi Nemis tili o‘qituvchilari assotsiatsiyasi tomonidan tashkil qilingan bo‘lib, unda mezbon mamlakatdan tashqari, O‘zbekiston, Qozog‘iston va Tojikistondan jami 80 nafar ishtirokchi qatnashmoqda.

🤝 Shuningdek, forum ishida Germaniyaning yirik tashkilotlari — DAAD, ZfA, va PASCH vakillari ham ishtirok etmoqda.

🇩🇪 Forum Markaziy Osiyoda nemis tili o‘qituvchilarining kasbiy rivoji, imkoniyatlar va muammolarni muhokama qilish hamda tajriba almashish uchun muhim platforma bo‘lib xizmat qilmoqda.

Bizni kuzatib boring:
📱Telegram📱Instagram📱 YouTube

O‘zDJTU talabalari Qonunchilik palatasi faoliyati bilan tanishdi.

2025-yil 25-aprel kuni Xalqaro jurnalistika fakulteti Siyosatshunoslik yo‘nalishi 1- va 3-bosqich talabalari O‘zbekiston Respublikasi Oliy Majlisi Qonunchilik palatasiga borishdi.

Siyosiy fanlar kafedrasi katta o‘qituvchisi F. Davronova va o‘qituvchi Sh. Jo‘rayeva tashabbusi bilan tashkil etilgan ushbu ekskursiya davomida talabalar qonun ijodkorligi jarayoni, Qonunchilik palatasi muzeyi, katta majlislar zali hamda umumiy fondi 50 mingdan ortiq adabiyotlarni o‘z ichiga olgan kutubxona faoliyati bilan yaqindan tanishdilar.

Tashrifdan asosiy maqsad — talaba yoshlarning mamlakatimizda Prezident Shavkat Mirziyoyev rahbarligida olib borilayotgan ijtimoiy-siyosiy va sotsial-iqtisodiy islohotlarning huquqiy asoslarini yaratishda parlamentning o‘rni va roli haqidagi bilim va ko‘nikmalarini mustahkamlashdan iborat.

@xalqarojurnalistika_fakulteti

O‘ZBEKISTON DAVLAT JAHON TILLARI UNIVERSITETI HUZURIDAGI PEDAGOG KADRLARNI QAYTA TAYYORLASH VA MALAKASINI OSHIRISH TARMOQ MARKAZI

🇺🇿 🤝 🇮🇩 Gunadarma universiteti tinglovchilar uchun madaniy tadbir tashkil etdi!

📍 O‘zbekiston davlat jahon tillari universiteti huzuridagi Pedagog kadrlarni qayta tayyorlash va malakasini oshirish tarmoq markazi hamda Indoneziyaning Gunadarma universiteti hamkorligidagi qo‘shma malakaoshieish kurs doirasida tinglovchilar uchun unutilmas madaniy tadbir tashkil etildi.

🌆 Jakarta shahri bo‘ylab sayohat davomida tinglovchilar Indoneziya poytaxtining eng mashhur diqqatga sazovor joylari bilan yaqindan tanishdilar. Tadbir do‘stona muhitda, xalqaro madaniy almashinuv ruhi ostida o‘tdi va barcha ishtirokchilarda yorqin taassurotlar qoldirdi.

📸 Tinglovchilarimiz tarixiy obidalar, zamonaviy arxitektura va milliy an’analar bilan tanishish orqali Indoneziya madaniyatini chuqurroq his etishdi.

🌏 Bu kabi tashabbuslar xalqaro hamkorlikni mustahkamlashda muhim qadam bo‘lib xizmat qiladi!

📱Bizni quyidagi ijtimoiy tarmoqlar orqali kuzating👇🏻

🚀 Telegram

🔵Facebook

📷Instagram

🇺🇿 O‘zbekiston davlat jahon tillari universitetida Ekologiya va yashil resurslar kafedrasi hamda Ingliz tili 1-fakulteti hamkorligida ekologik muammolarga e’tiborni qaratishga bag‘ishlangan insho va rasmlar tanlovi tashkil etildi.

📝 Tadbir talabalarning ijodiy salohiyatini namoyon etish, ekologik qadriyatlarga hurmat ruhida tarbiyalash va atrof-muhitga ongli munosabatni shakllantirish maqsadida o‘tkazildi.

🎤 Tadbirni Ilmiy ishlar va innovatsiyalar bo‘yicha prorektor O. Yusupov ochib berdi va ushbu loyihaga omad tiladi.

👥 Tadbirda ishtirok etganlar:
• Oliy Majlis Qonunchilik palatasi deputati yordamchisi, O‘zbekiston Ekologik partiyasi Mirzo Ulug‘bek tumani raisi A. Azegov
• O‘zbekiston Ekologik partiyasi Toshkent shahar Kengashi bosh mutaxassisi I. Xudayberdiyeva
• O‘zbekiston Ekologik partiyasi Uchtepa tumani raisi, tuman Kengash deputati K. Abdullayeva

🌎 “Ekologik ta’limdan — ekologik innovatsiya sari” shiori ostida o‘tgan tadbir davomida talabalar ekologik ong va madaniyatni yuksaltirish borasidagi tashabbuslari bilan e’tirof etildi.

🥇 Insholar tanlovi g‘oliblari:
• 🥇 1-o‘rin: Dilrabo Umaraliyeva — Sharq filologiyasi fakulteti talabasi
• 🥈 2-o‘rin: Oqila Ruzimurotova — Ingliz tili 3-fakulteti talabasi
• 🥉 3-o‘rin: Dilnura Ibodullayeva — Ingliz tili 1-fakulteti talabasi

✍️ “Yer sayorasiga maktub" nominatsiyasi:
Xosiyat Bozorboyeva — Roman-german filologiyasi fakulteti talabasi

🎨 Rasmlar tanlovi g‘oliblari:
• 🥇 1-o‘rin: Sapura Xojamberganova — Ingliz tili 1-fakulteti talabasi
• 🥈 2-o‘rin: Dilobar Abduqodirova — Tarjimonlik fakulteti talabasi
• 🥉 3-o‘rin: Dilnura Pardayeva — Rus filologiyasi fakulteti talabasi

🖼️ "Keling, dunyomizni birgalikda asraylik" nominatsiyasi:
Izzatillayev Elyorbek — Tarjimonlik fakulteti

✨ Tadbir davomida talabalar ekologik muammolar va tabiatga mehrni tasviriy san’at orqali mahorat bilan ifoda etdilar.

🌱 “Tabiat — bizning do‘stimiz” nomli navbatdagi tadbir ham O‘zbekiston Ekologik partiyasi bilan hamkorlikda o‘tkazilib, unda talabalar ekologik faolligi va tashabbuskorligi alohida baholandi. Tadbir Partiya strategiyasi va dasturiy hujjatlarni joriy etish va targ‘ib qilish bo‘limi boshlig‘i N. Hamroyev tomonidan tashkil etildi.

💚 Ushbu faol va ijodkor talabalar nafaqat tanlovda, balki atrof-muhit muhofazasiga bo‘lgan mas’uliyatli yondashuvi bilan jamiyat uchun ibrat bo‘ldilar.

🟦🟦🟦🟦🟦

O‘zbekiston davlat jahon tillari universitetida xalqaro ilmiy-amaliy konferensiya bo‘lib o‘tdi

26-aprel kuni O‘zbekiston davlat jahon tillari universiteti Roman-german filologiyasi fakulteti Fransuz tili nazariy fanlar kafedrasi tomonidan professor, filologiya fanlari doktori Yakubov Jamoliddin Abduvaliyevichning 70 yillik ilmiy va kasbiy faoliyatiga bag‘ishlangan “Zamonaviy tilshunoslikning dolzarb muammolari: ko‘p tillilik va madaniyatlararo muloqot” mavzusida xalqaro ilmiy-amaliy konferensiya tashkil etildi.

Konferensiya O‘zbekiston Respublikasi Prezidentining 2023-yil 4-iyuldagi PQ-200-son qarori hamda O‘zbekiston Respublikasi Oliy taʼlim, fan va innovatsiyalar vazirining 2024-yil 27-dekabrdagi 490-son buyrug‘i ijrosi doirasida tashkil etilib, unda Parij XIII Shimoliy Sorbonna Universiteti, Puatye Universiteti, Ozarbayjon Tillar Universiteti, Xalqaro Birdamlik va Taʼlim Assotsiatsiyasi (A.S.I.E.) va boshqa nufuzli taʼlim va ilmiy tadqiqot muassasalari vakillari ishtirok etdi.

Anjumanda tilshunoslik, lingvomadaniyatshunoslik, pragmalingvistika va lingvofolkloristika yo‘nalishlarida xorijiy tillarni o‘qitish jarayonini yanada takomillashtirish, zamonaviy tilshunoslikning nazariy va amaliy muammolarini muhokama qilish maqsad qilingan. Tadbir doirasida innovatsion yondashuvlar, madaniyatlararo muloqot, tarjimashunoslik, kompyuter va korpus lingvistikasi kabi dolzarb masalalar bo‘yicha fikr almashildi.

Konferensiya ishida yetuk olimlar, professor-o‘qituvchilar, tadqiqotchilar, doktorantlar va talabalar faol ishtirok etdilar. Anjuman oflayn va ZOOM platformasi orqali onlayn tarzda o‘tkazilib, viloyatlardagi va xorijdagi mutaxassislar ham o‘z ma’ruzalari bilan qatnashishdi.

Tadbir yakunida faol ishtirokchilarga elektron sertifikatlar taqdim etildi. Konferensiya materiallari www.myscience.uz platformasida eʼlon qilinadi.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦

“Bobur lirikasida ko‘ngil timsoli” mavzusida dissertatsiya himoyasi bo‘lib o‘tdi

26-aprel kuni Guliston davlat universiteti huzuridagi PhD.03/27.02.2020.Fil.91.02 raqamli Ilmiy kengashda O‘zbekiston davlat jahon tillari universiteti Jahon adabiyoti kafedrasi o‘qituvchisi Qahharova Dilafro‘z Abdug‘afforovnaning 10.00.02 – O‘zbek adabiyoti ixtisosligi bo‘yicha “Bobur lirikasida ko‘ngil timsoli” mavzusidagi filologiya fanlari bo‘yicha falsafa doktori (PhD) ilmiy darajasini olish uchun tayyorlangan dissertatsiyasi himoyasi bo‘lib o‘tdi.

Tadqiqotda Bobur lirikasida ko‘ngil timsolining genezisi, badiiy takomili va ijtimoiy-falsafiy talqinlari o‘rganilgan.

Shuningdek, Bobur ijodining o‘zbek adabiyoti va maʼnaviy hayotdagi o‘rni yoritilgan.

🌐 Biz ijtimoiy tarmoqlarda:
Telegram | Instagram | Facebook | Sayt

🟦🟦🟦

O‘zDJTUda “Muhammad Yusufni xotirlab” nomli ma’naviy-ma’rifiy tadbir bo‘lib o‘tdi

26-aprel kuni O‘zbekiston davlat jahon tillari universitetida O‘zbekiston xalq shoiri Muhammad Yusuf tavalludiga bag‘ishlangan “Muhammad Yusufni xotirlab” nomli ma’naviy-ma’rifiy tadbir tashkil etildi.

Tadbirni universitetning Yoshlar masalalari va ma’naviy-ma’rifiy ishlar bo‘yicha birinchi prorektori Valijon Sadiyev ochib berdi. O‘z nutqida u Muhammad Yusufning o‘zbek adabiyotidagi beqiyos o‘rni, shoir she’rlarida milliy qadriyatlar va insoniy g‘oyalar ifodasini topgani, uning asarlari ko‘plab tillarga tarjima qilinganini ta’kidladi.

Tadbirda shoirning yaqinlari va kursdosh do‘stlari ham ishtirok etib, Muhammad Yusuf bilan birga o‘tgan yoshlik yillari, unutilmas lahzalar va qiziqarli voqealar haqida iliq xotiralar bilan o‘rtoqlashdi.

Muhammad Yusuf xotirasiga bag‘ishlangan ushbu tadbir barchada chuqur taassurot qoldirib, shoir ijodining mangu qadrlanishidan dalolat berdi.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

Oʻzbekiston Respublikasi Prezidentining 2022-yil 15-martdagi “Nuroniylarni har tomonlama qoʻllab-quvvatlash, ularning turmush darajasini oshirishga doir qoʻshimcha chora-tadbirlar toʻgʻrisida”gi PQ-167-son Qarorining 11(3)-bandida Oʻzgalarning parvarishiga muhtoj boʻlgan yolgʻiz keksalar va yolgʻiz yashovchi keksalarni ma’naviy-ruhiy hamda psixologik qoʻllab-quvvatlash maqsadida volontyorlik guruhlari tomonidan parvarishga muhtoj boʻlgan yolgʻiz keksalarning holidan xabar olib, ham ma’naviy-ruhiy, ham moddiy yordam koʻrsatib kelinmoqda. Oʻzbekiston davlat jahon tillari universiteti mas’ullari, qolaversa, tyutorlar ham mazkur tadbirlarda faol ishtirok etmoqda.

Jumladan, 26-aprel kuni OʻzDJTU talabalari mas’ullar hamrohligida Uchtepa tumani Paxtakor mahallasiga tashrif buyurdi.

Dastur davomida “Mergancha” 1-tor ko’chasi 4-uy istiqomat qiluvchi Guguchkina Aleftina Aleksandrovna hamda “Quyosh nuri” koʻchasi 10-uyda yashovchi Xolmurodova Rashida aya holidan xabar olindi.

Dastur yakunida xonadon egalari bunday e’tibor va g'amxo'rlikdan mamnun ekanini bildirdi.

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

Bugungi kunning eng muhim va dolzarb mavzulari haqida ma’lumot berib boruvchi “Siyosiy ma’rifat soati” haftaning har juma kuni Respublika Ma’naviyat va ma’rifat markazi, Prezident huzuridagi Davlat xizmatini rivojlantirish agentligi hamda O‘zbekiston Mahallalari uyushmasi tomonidan taqdim qilinadi.

Oʻzbekiston davlat jahon tillari universitetida mazkur dasturlarni xodimlarga yetkazish muntazam amalga oshirilmoqda.

Bu hafta davomida ham OʻzDJTUning barcha fakultetlarida taqdim etilgan “Siyosiy ma’rifat soati” pedagog-oʻqituvchilar va tyutorlarga koʻrsatilib, muhim masalalar boʻyicha qoʻshimcha ma’lumotlar ham taqdim etildi.

📍 OʻzDJTU Yoshlar bilan ishlash, ma’naviyat va ma’rifat boʻlimi

🌐 Biz ijtimoiy tarmoqlarda:
Telegram | Instagram | Facebook | Sayt

0️⃣0️⃣0️⃣

Prezident Shavkat Mirziyoyev taklifiga ko'ra 23-24-aprel kunlari Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedov
Samarqand shahrida bo'ldi.

Uchrashuv asnosida arboblar ko'plab diqqatga sazovor o'rinlarni tomosha qildilar. Jumladan, Samarqand shahrida barpo etilgan "Boqiy shahar" majmuasiga bordilar, birinchi Prezident Islom Karimov maqbarasini ziyorat qildilar. Shuningdek, 2 millat do'stligi ramzi sifatida birgalikda daraxt ekishdi.

O'zDJTU ingliz filologiyasi fakulteti talabasi, "Yosh kitobxon" tanlovi Respublika bosqichi g'olibi O'g'iljeren Xaldurdiyeva Turkmaniston lideri tashrifi munosabati bilan taklif qilingan mehmonlar qatorida tantanada ishtirok etib, ikki siyosiy arbob oldida yoshlarga yaratilayotgan imkoniyatlar haqida nutq so'zladi va yurtboshimizga tashakkur aytdi. Shuningdek, ikki mamlakat do'stligining abadiy bo'lishiga tilak bildirdi.

Yurtboshimizga mamlakatimizda yoshlarning ta’lim-tarbiya olishlariga qaratilgan imkoniyatlar uchun tashakkur bildirdi.

🌐 Biz ijtimoiy tarmoqlarda:
Telegram | Instagram | Facebook | Sayt