У ЧынЧынЧэнала з'явіліся канкурэнты. Розніца толькі ў тым, што гэта сапраўныя чыноўнікі, а не пародыя на іх.

Сілавікі затрымалі каталіцкага святара з Мінска Сяргея Трысценя. Пра гэта паведамляе @christianvision

Што стала нагодай для затрымання — невядома.

Падсанкцыйную беларускую драўніну кантрабандай пастаўляюць у Вялікабрытанію. Эксперты выявілі, што 46% узораў бярозавай прадукцыі, маркіраванай па паходжанні з Украіны, Польшчы, Эстоніі ды Латвіі, насамрэч такімі не былі.

Журналіста Дзмітрыя Семчанку за кратамі намаўлялі зняцца ў прапагандысцкім кіно. Пра гэта паведаміў былы палітвязень, які сядзеў з ім у калоніі.

Семчанка да жніўня 2020-га быў кіраўніком лукашэнкаўскага пула — кіраваў групай журналістаў, якія асвятлялі афіцыйныя падзеі. Пасля жорсткіх разгонаў пратэстаў і непраўдзівай інфармацыі ў дзяржСМІ ён звольніўся з працы.

У верасні 2022-га яго арыштавалі: спярша прысудзілі суткі, а потым пачалі крымінальную справу, абвінаваціўшы ў "распальванні сацыяльнай варожасці".

Ці пусцяць беларускіх біятланістаў на Гульні-2026?

Вось што @euroradio адказалі ў МАК:

https://euroradio.fm/ci-puscyac-belaruskikh-biyatlanistau-na-gulni-2026-vos-shto-nam-adkazali-u-mak

А гэтая спасылка адкрыецца і без VPN

Для будаўніцтва пункта пахавання радыеактыўных адходаў у Беларусі разглядаюцца тры патэнцыйныя пляцоўкі. Пра гэта рпаведамілі ў Дзяржатамнаглядзе.

Адна з іх — рэгіён размяшчэння самой Беларускай АЭС. Другая — у Палескім дзяржаўным радыяцыйна-экалагічным запаведніку, то бок на ўжо заражаных тэрыторыях. Таксама разглядаецца магчымасць збудавання пункта пахавання ў Магілёўскай вобласці.

Сілавікі пачалі затрымліваць беларусаў за каментары ў сацсетках пра пакістанскіх мігрантаў. Іх здымаюць на відэа, дзе людзі пад прымусам "каюцца".

Аўтары канала расказваюць, што 18-гадовы хлопец, "не праверыўшы дакладнасць інфармацыі, напісаў пра нібыта згвалтаванне 12-гадовай дзяўчынкі пакістанцам і заклікаў абараняцца пярцовымі балонамі", а 20-гадовая дзяўчына "вываліла кучу абраз усім запар".

ІТ-вырай: ці стаў ім Кіпр для беларусаў, з якімі праблемамі там сутыкаюцца?

На гэтае ды іншыя пытанні ў эфіры @euroradio адказваюць прадстаўніца Народнай амбасады Беларусі на Кіпры Алеся Пархоменка і стваральнік праекта XRAYTOURS Belarus Мацвей Пархоменка.

https://www.youtube.com/watch?v=08OYckmgfi4

У чаканні вайны: як змяняецца палітыка Германіі ў дачыненні да беларусаў?

На гэтае ды іншыя пытанні ў эфіры @euroradio адказвае сяброўка Пашыранай рады беларускага аб’яднання ў Германіі Razam Хрысціна Дарапей.

https://www.youtube.com/watch?v=bEvrRQXAilw

Што Каардынацыйная Рада можа зрабіць для пошукаў Мельнікавай і хто будзе спікерам?

На гэтыя ды іншыя пытанні ў эфіры @euroradio адказвае выканаўца абавязкаў спікеркі КР Стася Гліннік.

https://www.youtube.com/watch?v=jveybtHTEK4

У Ватыкане пачалася цырымонія развітання з папам Рымскім Францішкам. Cамо пахаванне запланавана на 26 красавіка і пройдзе ў рымскай базыліцы Санта-Марыя-Маджорэ.

Папа Рымскі Францыск памёр 21 красавіка ва ўзросце 88 гадоў.

Ва ўзросце 44 гадоў памёр палітвязень з Быхава Віталь Бычкоў. Два гады таму мужчыну асудзілі па палітычных матывах.

Памёр Віталь Бычкоў 28 кастрычніка 2024 года. Паводле інфармацыі Digital Intelligence Team, прычынай яго смерці стаў інсульт.

Застаецца невядомым, ці адбыў ён пакаранне цалкам.

Гродзенца прысудзілі да 10 гадоў калоніі ўзмоцненага рэжыму за "здраду дзяржаве". Пра гэта паведамляе @viasna96.

Сяргея Цераховіча затрымалі ў 2024 годзе. Суд праходзіў у закрытым рэжыме. Падрабязнасці справы невядомыя.

Цераховічу 42 гады. Па даных BELPOL, да канца 2016 года ён служыў старшым тэхнікам у памежнай часці 2141, якая абслугоўвала пункт "Брузгі" на беларуска-польскай мяжы.

“Адабраць Аўгустаў”: прапаганда рыхтуе беларусаў да нападу на Літву?

Гэтую ды іншыя тэмы абмяркоўваем у штотыднёвым жывым эфіры @euroradio з палітолагам Паўлам Усавым.

https://www.youtube.com/watch?v=lyMjBZTcw0U

Рэпетытарам ўсё ж дазволяць выкарыстоўваць Zoom для працы з вучнямі. А таксама весці заняткі ў групе да чатырох чалавек.

Завяршылася грамадскае абмеркаванне праекта пастановы аб рэгуляванні працы рэпетытараў і дэфектолагаў. Праект выклікаў шмат крытыкі з боку настаўнікаў і рэпетытараў.

Расіяне атакавалі дронам пасажырскі аўтобус на Днепрапятроўскай вобласці Украіны — 9 загінулых. Аўтобус вёз работнікаў на прадпрыемства.

Раненні атрымалі 30 чалавек.

Усе лясы Гомельшчыны забаронена наведваць. Заходзіць таксама нельга і ў лясы двух раёнаў Брэсцкай вобласці — Баранавіцкі і Ляхавіцкі.

Такую мапу апублікавала Міністэрства лясной гаспадаркі. Жоўты колер азначае, што наведваць лясы можна, але без мангалу.

Беларускія чыноўнікі не змаглі вылецець у Казань, бо тамтэйшы аэрапорт перастаў прымаць самалёты. Таксама закрытыя аэрапорты Ульянаўска і Ніжнекамска — у маштабах Расіі гэта ўсё побач.

Такія меры ўвялі "дзеля бяспекі палётаў паветраных суднаў". Верагодна, гутарка пра пагрозу праз украінскія беспілотнікі.

У беларускай дэлегацыі мусіў удзельнічаць прэм'ер-міністр Аляксандр Турчын.

Каго глядзець/слухаць сёння на @euroradio? Трымайце анонс эфіраў на сераду (час пазначаны беларускі):

12:00 — палітолаг Павел Усаў

13:00 — выканаўца абавязкаў спікеркі Каардынацыйнай Рады Стася Гліннік

14:00 — адказвае сяброўка Пашыранай рады беларускага аб’яднання ў Германіі Razam Хрысціна Дарапей

15:00 — прадстаўніца Народнай амбасады Беларусі на Кіпры Алеся Пархоменка і стваральнік праекта XRAYTOURS Belarus Мацвей Пархоменка

Глядзіце стрымы на ютуб-канале Еўрарадыё, задавайце пытанні!

Перамовы па Украіне ў Лондане сарваліся. Пасля таго, як туды адмовіліся ляцець прадстаўнікі ЗША Марка Рубіа і Сціў Уіткаф, аналагічныя рашэнні прынялі міністры замежных спраў Францыі і Германіі.

Замест перамоваў адбудуцца двухбаковыя кансультацыі паміж дыпламатамі Украіны і Вялікабрытаніі.

Паводле даных СМІ, дзяржсакратар ЗША і спецпрадстаўнік Трампа адмовіліся ляцець у Лондан пасля таго, як Уладзімір Зяленскі публічна адхіліў адзін з галоўных пунктаў амерыканскага плана адносна завяршэння вайны — прызнаць Крым расійскім. Прэзідэнт Украіны прапанаваў спярша правесці перамовы пра 30-дзённае спыненне вагню — і толькі потым размаўляць пра трывалы мір.

На выпускных у дзіцячых садках забаранілі праводзіць салодкія сталы. Прычыны такой забароны не патлумачылі.

Раней такую забарону чыноўнікі тлумачылі барацьбой з карупцыяй.

Марка Рубіа не возьме ўдзел у сустрэчы прадстаўнікоў Украіны, ЗША і ЕС у Лондане. Там будуць абмяркоўвацца ўмовы для спынення вагню ва Украіне.

Дзяржсакратар ЗША прыняў гэта рашэнне ў аўторак пасля таго, як прэзідэнт Украіны Уладзімір Зяленскі публічна адхіліў адно з ключавых умоў мірнага ўрэгулявання, прапанаванага адміністрацыяй Дональда Трампа, — прызнаць Крым расійскім.

Важныя падзеі і сэнсы аўторка, 22 красавіка, у праграме ЕЎРАЗУМ:

00:55 Пакістанцы ў Беларусі: што з намі не так?

06:57 Навіны спорту

08:53 Жодзінцы супраць сажалкі з адкідамі — улады маўчаць, міліцыя адабрала подпісы

15:24 Навіны шоў-бізу

18:21 Папа Францішак. Якім ён быў і што будзе пасля яго?

У беларускіх кінатэатрах ужо другі тыдзень паказваюць фільм “Наш космас”, зняты на "Беларусьфільме" на замову Мінкульта. Кінакрытык Тарас Тарналіцкі праз не магу паглядзеў стужку і напісаў рэцэнзію.

Чарговая агітка пра тое, што ўсё самае лепшае ў краіне здарылася дзякуючы Лукашэнку: https://euroradio.fm/ne-nash-kosmas-yak-belaruski-rezhym-praz-kino-prysvoyvae-rasiyskuyu-kasmanautyku

З Беларусі — без VPN

Пасля выбуху на арсенале ва Уладзімірскай вобласці Расіі працягваюць дэтанаваць снарады. Яны разлятаюцца па суседніх вёсках і мястэчках.

Мінабароны Расіі не хоча прызнаваць, што да знішчэння арсенала ў 80 км ад Масквы маюць дачыненне ўкраінцы. Там сцвярджаюць, што выбух адбыўся праз парушэнне патрабаванняў бяспекі.

Фінал Кубка Беларусі па футболе перанеслі з Мінска ў Гродна. Справа ў тым, што да 24 траўня, калі мусіць адбыцца матч, яшчэ не будзе дабудаваны Нацыянальны стадыён, на якім яго планавалі згуляць.

Як даведалася @tribuna_by, будаўнікі не паспелі зусім крышачку. Адкрыццё новага стадыёна запланаванае на 7 чэрвеня. Падрабязней: https://euroradio.fm/trybune-stala-vyadoma-data-adkryccya-nacyyanalnaga-stadyyona-u-minsku

З Беларусі — без VPN

Ля гіганцкай фігуры зубра на трасе М1 пабудуюць прыдарожную кавярню. Неўзабаве гэтае месца на мяжы Брэсцкай і Мінскай абласцей увогуле дужа зменіцца.

Як вам праект?

Украіна не прызнае акупаваны Крым расійскай тэрыторыяй — нават калі ЗША заўтра папросяць. Гэтага не дазваляе ўкраінская Канстытуцыя, сцвярджае Уладзімір Зяленскі:

"Тут няма пра што казаць. Гэта па-за нашай Канстытуцыяй. Гэта нашая тэрыторыя, тэрыторыя народа Украіны".

"Мы не можам проста "А чаму б не", — дадаў прэзідэнт Украіны. Паводле яго словаў, Кіеў гатовы да перамоваў — але пасля таго, як з Крамля аддадуць каманду спыніць агонь.

ЗША заўтра прапануюць Украіне і яе еўрапейскім саюзнікам афіцыйна прызнаць Крым часткай Расіі і аслабіць санкцыі, уведзеныя супраць пуцінскага рэжыму. У абмен Масква пагодзіцца замарозіць цяперашнюю лінію фронту — "спыніць вайсковыя дзеянні ва Украіне ў той час, калі расійскія ўзброеныя сілы маюць баявы імпульс і значную перавагу ў колькасці войскаў і ўзбраенні".

Так цяпер выглядае праект мірнага пагаднення па Украіне, піша са спасылкай на свае крыніцы The Washington Post.

Ну што тут сказаць? План надзейны, як швейцарскі гадзіннік.

Еўрапейскае касмічнае агенцтва пачало эксперымент па вырошчванні ежы для астранаўтаў у космасе. Пакуль што — на арбіце Зямлі, а ў будучыні — на Месяцы або Марсе.

Праект прадугледжвае вырошчванне бялкоў, тлушчаў, пратэінаў і валокнаў. Мяркуецца, што з атрыманых складнікаў можна будзе гатаваць смачную і звыклую ежу. Калі эксперымент пройдзе ўдала, гэта дазволіць зрабіць харчаванне астранаўтаў значна таннейшым. Зараз яно каштуе да 26 тысяч долараў на чалавека за дзень.

Агенцтва сумесна з NASA і SpaceX запусціла на арбіту спадарожнік з генетычна мадыфікаванымі клеткамі дрожджаў. Пасля яго вяртання на Зямлю навукоўцы даследуюць іх і сканструююць біярэактар ​​для вырошчвання кампанентаў ежы. Яго адправяць у космас у 2026 годзе.

Хто выбірае новага Папу Рымскага? Трамп ці Пуцін могуць на гэта паўплываць? Навошта ў кардыналаў адбіраюць смартфоны?

Распавядае экспертка ў справах рэлігій Наталля Васілевіч. Цалкам стрым з ёю глядзіце тут: https://www.youtube.com/watch?v=_WRNCyuuAWI

Экс-палітвязень Гнёт анансаваў кінапаказ у Сербіі. Да таго ён правёў там год у зняволенні — і ледзь не быў выдадзены беларускім уладам.

Што ён вытварае? https://euroradio.fm/eks-palitvyazen-gnyot-anansavau-kinapakaz-u-belgradze-dze-pravyou-god-u-znyavolenn

З Беларусі — без VPN

Мараканскіх студэнтаў, якія на выходных пабіліся на плошчы ў Гомелі, хочуць выслаць з Беларусі. Пра гэта расказаў Вадзім Забаронак, намначальніка Дэпартамента па грамадзянстве і міграцыі МУС.

Паводле яго інфармацыі, прычынай бойкі стаў "бытавы канфлікт". Раней у міліцыі казалі, што хлопцы пабіліся праз дзяўчыну. Міліцыянты затрымалі маладых людзей адразу пасля таго, як яны скончылі разбірацца паміж сабой.

Падставай для таго, каб пазбавіць замежніка права знаходзіцца на тэрыторыі Беларусі можа быць любое адміністрацыйнае правапарушэнне — нават перавышэнне хуткасці. А тут сітуацыя яшчэ і атрымала "шырокі грамадскі рэзананс", бо ўся краіна абмяркоўвае 150 тысяч пакістанцаў, якіх запрасіў у Беларусь Лукашэнка

Падобна да таго, што чыноўнікі нарэшце прыдумалі, куды падзець энергію з БелАЭС. А заадно — як асвоіць пару кітайскіх крэдытаў і вярнуць у абарот пару закінутых памяшканняў.

Ёсць у гэтым плане і яшчэ тое-сёе, што прыносіць прыбытак: https://euroradio.fm/navoshta-belarusi-mayningavyya-fermy-i-pry-chym-tut-lukashenka

З Беларусі — без VPN

На выходных у Беларусь вернуцца халады. А можа нават і снег — уночы ў нядзелю, 27 красавіка, тэмпература месцамі апусціцца да -5 градусаў. А ўдзень будзе не больш за +14°C.

Пахаладанне закране і суседнія краіны. Так што пачакайце хаваць цёплыя курткі і штаны ў шафы — яны вам яшчэ спатрэбяцца!

"Пеленг" спрабуе адсудзіць $1 млн у расійскага вытворцы радыёэлектроннай апаратуры. Мінская кампанія падала ў Арбітражны суд Растоўскай вобласці тры пазовы, якія датычацца дамоваў, заключаных з навукова-прамысловым комплексам "Бартавыя інтэлектуальныя сістэмы" ў 2019 і ў 2022 гадах.

Абодва прадпрыемствы супрацоўнічаюць з расійскімі вайскоўцамі.

Дэталі разгляду справаў невядомыя — суд зрабіў працэс закрытым. На гэта звярнула ўвагу @zerkalo_io.

На выезд з Беларусі ў Польшчу сабралася больш за 950 легкавікоў. Пры гэтым на мяжы з Літвой адносна пуста.

Падрабязней: https://euroradio.fm/na-vyezd-z-belarusi-u-polshchu-sabralasya-bolsh-za-950-auto

З Беларусі — без VPN

Чаму Лукашэнка запрасіў у Беларусь менавіта 150 тысяч пакістанцаў? Чаму не 50 тысяч ці не 500 тысяч? Адказ на гэта ёсць у карыстальнікаў беларускага твітара.

Яны разам з вядоўцамі бла-бла-шоў "Чык-чырык" заўважаюць, што Лукашэнка вырашыў напаследак сам разабрацца з ксенафобіяй у беларускім грамадстве. Навучыць беларусаў прымаць іншых, непадобных да сябе людзей і жыць з імі побач. Іначай бы гэтая няпростая задача пералягла на плечы ўладаў Новай Беларусі... Які малайчына!

Глядзіце свежы выпуск тут: https://www.youtube.com/watch?v=TYf9fwFgs4k

Вялікдзень скончыўся — а разам з ім і перамір'е. Расіяне аднавілі ўдары па Украіне, і іх ракеты па-ранейшаму трапляюць у жылыя дамы.

22 красавіка атакаванае Запарожжа — тут кіраваная авіябомба трапіла ў шматпавярховік. Таксама бомбы ўпалі на Купянск на Харкаўшчыне — там разбураныя прыватныя падворкі.

Хвілінка рэтра. Лявон Вольскі і Сяржук Канановіч прыйшлі на БТ і вучаць, як граць на гітары песню "Абсэнт".

"Для пачынальнікаў, у пад'ездах і ў альтанках".

Беларускі рубель працягвае умацоўвацца да долара, еўра і расійскага рубля на біржавых таргах у аўторак. Прычым заўважна так! Хутка чакаем долар па тры рублі?

Вось курсы валют, якія дзейнічаюць у бліжэйшыя суткі.

1 USD 🇺🇸 = 3,0253 рубля | -2 капейкі
1 EUR 🇪🇺 = 3,4621 рубля | -2,74 капейкі
100 RUB = 3,6691 рубля | -1,08 капейкі

Тры месяцы таму, у дзень інаўгурацыі Дональда Трампа, 1 долар каштаваў 3,4591 рубля. З 20 студзеня валюта ЗША патаннела на 43 капейкі, ці на 12.5%.

Памерлага Папу Рымскага Францішка крытыкуюць за тое, што ён быў занадта мягкім і нерашучым. Ён не даваў рэзкіх ацэнак, рэдка рабіў гучныя заявы. А вайну ва Украіне часта называў канфліктам (добра, што хаця б не СВА).

Хаця ў 2020-м Францішак упісаўся за беларускіх пратэстоўцаў і заклікаў спыніць гвалт.

Якім ён быў, які ўплыў зрабіў, якім застанецца ў памяці і хто будзе пасля яго? Абмяркоўваем гэтыя пытанні ў стрыме з тэалагіняй і праваабаронцай Наталляй Васілевіч: https://youtu.be/_WRNCyuuAWI

Папу Рымскага Францішка пахаваюць ў суботу, 26 красавіка. А заўтра труну з яго целам выставяць у саборы Святога Пятра, каб вернікі маглі аддаць яму даніну павагі.

Францішак папрасіў, каб з ім развіталіся сціпла: https://euroradio.fm/pakhavanne-papy-rymskaga-adbudzecca-u-subotu

З Беларусі — без VPN

Блізкі да сілавічкоў тг-канал паведаміў, што ў Гомелі пабіліся не пакістанцы, а мараканцы. Гэта былі студэнты, якія пасварыліся праз дзяўчыну.

Людзям, якія ў каментарах пісалі, што ўдзельнікі бойкі могуць быць пакістанцамі, ужо пагражаюць затрыманнем.

Прапаганда з уласцівай ёй мядзвежай дрымучасцю і нянавісцю да ўласнага народа пачала апраўдваць Лукашэнку за ідэю запрасіць у Беларусь 150 тысяч работнікаў з Пакістана. Тут у нас клінічны выпадак.

Усе гэтыя азаронкі гадамі раздзімалі ксенафобію, распавядаючы беларусам пра зверствы мусульманаў у краінах Еўрапейскага саюза. А цяпер здзіўляюцца.

Па сацсетках разлятаецца відэа бойкі замежнікаў у цэнтры Гомеля. Сцэна разгортваецца на плошчы Леніна каля ўваходу ў парк, гэта адно з тусовачных месцаў горада.

На відэа маладыя людзі ўсходняй знешнасці б'юцца, а трэці хлопец ляжыць на асфальце. У каментарах пішуць, што бойка адбылася ўночы з 21 на 22 красавіка. Пішуць таксама, што гэта пакістанцы, але ніякіх пацвярджэнняў гэтаму няма.

Гэты працоўны тыдзень у Беларусі будзе доўгім — на ім толькі адзін выходны, у нядзелю. Затое на наступным тыдні — толькі два працоўныя дні.

Расказваем, калі працаваць, а калі адпачываць: https://euroradio.fm/na-nastupnym-tydni-u-belarusau-buduc-tolki-dva-pracounyya-dni

З Беларусі — без VPN

Каго глядзець/слухаць сёння на @euroradio? Трымайце анонс эфіраў на аўторак (час пазначаны беларускі):

13:00 — экспертка ў справах рэлігіі Наталля Васілевіч. Паразмаўляем пра ролю Папы Рымскага Францішака і пра тое, хто можа яго замяніць.

Глядзіце стрымы на ютуб-канале Еўрарадыё, задавайце пытанні!

Дар'я Домрачава прыйшла паглядзець хакей разам з Віктарам Лукашэнкам. Ну а што? Не асабіста ж ён скінуў з ровара і дзве хвіліны збіваў дручкамі і нагамі яе брата Мікіту ў кастрычніку 2020 года...

Больш важных тэмаў тыдня ў свежым выпуску бла-бла-шоў "Чык-чырык": https://www.youtube.com/watch?v=TYf9fwFgs4k

"Беллегпрам" хваліцца аднаўленнем паставак у краіны Еўрасаюза. Што праўда, тут жа і "лагістычныя складанасці", і "падаражэнне транспартных выдаткаў".

Падрабязней: https://euroradio.fm/bellegpram-khvalicca-adnaulennem-pastavak-u-krainy-eurasayuza

З Беларусі — без VPN

Дональд Трамп упершыню за свой другі прэзідэнцкі тэрмін збіраецца ў Еўропу. Ён хоча патрапіць на пахаванне Папы Рымскага Францішка.

47-ы прэзідэнт ЗША выбраў даволі дзіўныя словы, каб паведаміць пра гэта. "Мы з Меланіяй будзем прысутнічаць на пахаванні Папы Францішка ў Рыме. Мы з нецярплівасцю чакаем магчымасці быць там!", — напісаў ён у сваёй сацсетцы Truth.

Не кожны дзень чытаеш, як нехта нецярпліва чакае пахавання. Але шмат каму з беларусаў гэтая эмоцыя знаёмая.

Памёр савецкі і расійскі скульптар Зураб Цэрытэлі. Яму быў 91 год.

Цэрытэлі заўжды быў блізкім да ўладаў, якія, у сваю чаргу, не шкадавалі для яго пасадаў, прэмій і медалёў. Але ў свой час яго дзіўныя, манументальныя працы сталі для савецкіх грамадзянаў адным са знакаў пераменаў.

“Беларуская чыгунка” прапанавала Літве, Латвіі і Польшчы ўзнавіць рух пасажырскіх цягнікоў. Гэта адбылося на канферэнцыі Арганізацыі супрацоўніцтва чыгунак (так, ёсць і такая!).

Прадстаўнік Літвы на пасяджэнні адсутнічаў, а што адказалі іншыя — невядома. Затое ўжо некалькі гадоў вядома, што транспартныя абмежаванні, як і іншыя санкцыі, будуць знятыя, калі Лукашэнка спыніць палітычныя рэпрэсіі і перастане дапамагаць Пуціну ў вайне супраць Украіны.

Важныя падзеі і сэнсы панядзелка, 21 красавіка, у праграме ЕЎРАЗУМ:

00:58 Ці прызнае Украіна Крым расійскім?

15:14 Навіны спорту

17:43 Навошта Лукашэнка акружыў сябе лібераламі

30:21 Навіны шоў-бізу

33:18 Пакістанцы замест “здаднікаў” — твітарскія пра адкрытыя вакансіі

Навошта беларусам пашпарт Новай Беларусі? Тры сэнсы ад Паўла Лібера.

Прачытаць можна тут: https://euroradio.fm/navoshta-belarusam-pashpart-novay-belarusi-try-sensy-ad-paula-libera

З Беларусі — без VPN

Тэма пераезду 150 тысяч пакістанцаў у Беларусь не адпускае цікток. Беларускі запісваюць відэа з газавымі балончыкамі — маўляў, будзе чым бараніцца ад гасцёў з Паўднёвай Азіі. Іншыя звяртаюць увагу на сацыяльны бок пытання.

"А сваім вы не хочаце адпаведную падтрымку адказаць?"

Марына Кіявец ганяе з Польшчы машыны для Узброеных сілаў Украіны. Гэтай зімой яна трапіла ў аварыю. Жанчына адкрыла збор на рамонт, вось тут: https://zrzutka.pl/rv5j4v

Да канца збору застаецца некалькі гадзінаў, але патрэбная сума яшчэ не закрытая. Смелай беларусцы патрэбная вашая дапамога!

А вось нашае відэа пра Марыну Кіявец з праекту "Як ты?"

Выратавальнікі спрабуюць патушыць лясны пажар на поўдзень ад Мінска. Полымя падабралася да вёскі Кайкава.

Тушыць агонь перашкаджаюць вецер і адсутнасць дарог. На месцы ўжо амаль 20 адзінак тэхнікі і больш за 70 чалавек.

Расія і Турцыя губляюць ураджай садавіны. Гэта можа больна ўдарыць па гаманцах беларусаў улетку. Калі садавіна з поўдня ўвогуле з'явіцца на прылаўках.

Справа ў хвалі замаразкаў, якая прайшла ў красавіку. На поўдні і ў цэнтры Расіі страты ўраджаю могуць дасягнуць 40%. А ў Турцыі пацярпела да 80% вінаграда і каля 50% яблыкаў, абрыкосаў і чарэшні.

Таксама замаразкі пракаціліся па Грузіі.

Як мы ведаем па сітуацыі з бульбай, калі ў Расіі чагосьці не хапае — там прапануюць больш высокія цэны, каб перакупіць пастаўкі. Таму можна чакаць у Беларусі ці дэфіцыту садавіны, ці цэнаў на ўзроўні расійскіх.

"Мы абавязкова з вамі пагаворым, так". Але пакуль "проста трэба пачакаць". Чыноўнікі ў замяшальніцтве праз пратэсты ў Жодзіне.

А мясцовыя не разумеюць: а што, у Беларусі нельга збіраць подпісы на вуліцах? Падрабязней: https://euroradio.fm/zhodzincy-suprac-sazhalki-z-adkidami-ulady-mauchac-milicyya-adabrala-podpisy

З Беларусі — без VPN

Як жыхары Беларусі ставяцца да заходніх санкцый супраць Лукашэнкі? Вы, напэўна, здзівіцеся, але:

— 56% згодныя з тым, што эканамічныя санкцыі Захаду прывядуць за фінансавага аслаблення цяперашняга рэжыму;
— 61% лічаць, што беларуская апазіцыя мусіць настойваць на пашырэнні санкцый.

Такімі вынікамі сацыялагічных апытанняў падзялілася дырэктарка Беларускай аналітычнай майстэрні Марына Новікава. Цалкам свехы стрым з ёю глядзіце тут: https://youtu.be/qFSkxyOJFX0

Стала вядома, колькі на "мерчы Лукашэнкі" зарабіла кампанія Баскава. Гаворка пра сотні тысяч рублёў, заўважыла @zerkalo_io.

Той самы "Лепшы" з памылкай у назве: https://euroradio.fm/stala-vyadoma-kolki-na-merchy-lukashenki-zarabila-kampaniya-baskava

З Беларусі — без VPN

Ці ведае новы кіраўнік Нацбанка Беларусі, якой валютай карыстаюцца ў Еўрасаюзе? Мяркуючы па некаторых выказваннях Рамана Галоўчанкі — не вельмі:

"Председатель правления Национального банка Роман Головченко дал своё объяснение, почему некоторые белорусы продолжают переводить в уме цены в доллары. По его словам, люди делают это "скорее по привычке", а саму эту привычку объяснил "географической близостью к Европе".

Між тым, Галоўчанка не трапіў у еўрапейскія санкцыйныя спісы. Ён можа спакойна прыехаць у Еўрасаюз і пабачыць, што долары там не ходзяць. Таму і тлумачыць даларызацыю "геаграфічнай блізкасцю да Еўропы" не выпадае.

Але не.

Пуцін не адмовіўся ад прапановы Зяленскага пра 30-дзённае спыненне вагню пасля Вялікадня, але і не пагадзіўся на яе. Такая стратэгія дазваляе прэзідэнту Расіі ўжо тры месяцы пудрыць мазгі Трампу і яго перамоўшчыкам.

"З гэтым трэба разабрацца", — сказаў ён пра 30-дзённае перамір'е. Ну а разбірацца можна доўга, мы разумеем.

Мімаходзь Пуцін пацвердзіў, што 13 красавіка расійскія вайскоўцы нанеслі ўдар па грамадзянскім аб'екце ў Сумах. Ракеты былі запушчаныя менавіта па кангрэс-цэнтры Сумскага ўніверсітэта, дзе праходзіла цырымонія ўзнагароджвання ўкраінскіх вайскоўцаў. У выніку загінулі 35 мірных жыхароў.

Быў за 30 км ад Беларусі, але не заехаў. Заклікаў спыніць гвалт у 2020-м і вызваліць палітвязняў.

Паглядзелі, што Папа Рымскі Францішак казаў пра нашу краіну і якім мы яго запомнім: https://euroradio.fm/byu-za-30-km-ad-rb-ale-ne-zaekhau-shto-papa-francishak-kazau-pra-nashu-krainu

З Беларусі — без VPN

Павел Лібер паказаў у стрыме @euroradio Пашпарт Новай Беларусі са сваім фота. Гэта адзін з тэставых экземпляраў — але ў той жа час дакумент, зроблены па ўсіх стандартах.

А вы думалі — гэта немагчыма?

Цалкам стрым з дырэктарам лічбавай платформы "Новая Беларусь" Паўлам Ліберам глядзіце тут: https://www.youtube.com/watch?v=9x0zP8JimeA

Мінус 26 кілаграмаў! Гісторыя доктара, які схуднеў з “Аземпікам”.

Калі дыеты не дапамагаюць: https://euroradio.fm/26-kilagramau-gistoryya-doktara-yaki-skhudneu-z-azempikam

З Беларусі — без VPN

Трэнер зборнай Беларусі па футзале хоча, каб палітыка адышла на другі план. А Літва і Латвія не хочуць бачыць зборную Беларусі на чэмпіянаце Еўропы 2026 года.

Вырашаць будзе УЕФА: https://euroradio.fm/trener-zbornay-belarusi-pa-futzale-khocha-kab-palityka-adyshla-na-drugi-plan

З Беларусі — без VPN

Ці стане Косава прыкладам для “Новай Беларусі” і ў якіх сферах — стрым з ІТ-прадпрымальнікам Паўлам Ліберам.

Прадстаўнікі беларускіх дэмсіл наведалі Рэспубліку Косава. У невялікай, але прадстаўнічай дэлегацыі быў і дырэктар лічбавай платформы “Новая Беларусь” Павел Лібер.

Якое ён мае дачыненне да тэмаў, што абмяркоўваліся з прадстаўнікамі Косава, і прычым тут "пашпарт Новай Беларусі"? Што адбываецца на платформе "Новая Беларусь" і ці апраўдала яна спадзяванні распрацоўшчыкаў? На пытанні рэдактара Еўрарадыё Змітра Лукашука адказвае Павел Лібер: https://youtu.be/9x0zP8JimeA

На фота — сям'я Канавалавых: па баках Насця і Ваня, а ў цэнтры іх бацькі — Антаніна і Сяргей, беларускія палітвязні. Так іх гісторыю ўбачылі фатографы Яўген Канаплёў і Юлія Лейдзік.

Дзеці не бачылі матулю 1555 дзён, а бацька дагэтуль за кратамі. Некалькі гадоў пасля затрымання бацькоў іх гадавала бабуля.

Сёння Антаніна Канавалава на волі. Месяц таму яна сустрэлася са сваімі блізкімі у Вільні, перайшоўшы мяжу з Літвой.

Як санкцыі ўплываюць на жыццё беларусаў і іх стаўленне да дэмсілаў? Стрым з дырэктаркай Беларускай аналітычнай майстэрні Марынай Новікавай.

Тэма санкцый падзяліла апанентаў рэжыму Лукашэнкі на два лагеры. Адныя працягваюць настойваць на ўзмацненні і пашырэнні санкцыйнага ціску, а іншыя сцвярджаюць, што санкцыі наносяць шкоду не рэжыму і не Лукашэнку ды яго “гаманцам” асабіста, а незалежнасці Беларусі і шараговым грамадзянам.

Але ці магчыма ў сённяшніх умовах правесці незалежнае даследаванне на такую тэму, як стаўленне беларусаў да санкцый? Ці можна давяраць атрыманым адказам, і якія пытанні людзям лепш задаваць? Як шараговыя беларусы ставяцца да заходніх санкцый і каго лічаць вінаватым у іх увядзенні?

Задаем гэтыя пытанні сацыёлагу Марыне Новікавай: https://youtu.be/qFSkxyOJFX0

Перад смерцю Папа Францыск сустракаўся з віцэ-прэзідэнтам ЗША Джэй Дзі Вэнсам. Падобна да таго, што ён — апошні з афіцыйных асобаў, хто атрымаў аўдыенцыю ў Пантфыіка і бачыў яго жывым.

"Я быў рады бачыць яго ўчора, хаця ён, відавочна, быў вельмі хворы. Але я заўсёды буду памятаць яго за пропаведзь, якую ён прачытаў у першыя дні COVID-19. Яна была сапраўды вельмі прыгожай", — напісаў Вэнс, калі даведаўся, што Папа Рымскі памёр.

Джэй Дзі Вэнс — каталік. Ён ахрысціўся ў жніўні 2019 года, у 35 гадоў.

Долар і еўра істотна патаннелі на першых на гэтым тыдні біржавых таргах у Беларусі. Расійскі рубель таксама патаннеў, але настолькі нязначна, што хутчэй можна сказаць, што яго курс застаўся на месцы.

Вось курсы валют, якія будуць дзейнічаць у бліжэйшыя суткі.

1 USD 🇺🇸 = 3,0453 рубля | -1,37 капейкі
1 EUR 🇪🇺 = 3,4895 рубля | -1,51 капейкі
100 RUB = 3,6799 рубля | -0,01 капейкі

Тры месяцы таму, у дзень інаўгурацыі Дональда Трампа, 1 долар каштаваў 3,4591 рубля. З 20 студзеня валюта ЗША патаннела на 41 капейку, ці амаль на 12%.

Чаму Пуцін абвясціў "Велікоднае перамір'е", чаму не захацеў працягваць яго на наступныя 30 дзён і дзе пралічыўся Трамп. Стрым з Розай Турарбекавай.

Белы дом працягвае "верыць Пуціну і яго імкненню да міру" і патрабуе ад Украіны прызнаць Крым расійскім. Пры гэтым Крэмль ужо больш за месяц не адказвае ні так, ні не на спробы ЗША дамагчыся спынення вагню. Трампа тупіковая сітуацыя пачынае стамляць і раздражняць: міратворца з яго пакуль не атрымалася.

Ці можна купіць мір, аддаючы захопніку тэрыторыі, і як сітуацыя няпэўнасці ўплывае на Беларусь? Як у галавах прапагандыстаў адначасова існуюць "еўрапейскі фашызм" і заклікі захапіць польскія гарады? Гэтыя ды іншыя тэмы абмяркоўваем з эксперткай па міжнароднай палітыцы Розай Турарбекавай: https://www.youtube.com/watch?v=t52LkBapM-E

Трамп хоча, каб Украіна прызнала Крым расійскім і адмовілася ад спробаў далучыцца да NATO. А тэрыторыю вакол Запарожскай АЭС ён прапануе прызнаць нейтральнай і пакінуць пад кантролем ЗША. Вашынгтон чакае, што Кіеў пагодзіцца на гэтыя ўмовы ўжо ў бліжэйшыя дні.

Падрабязней: https://euroradio.fm/plan-trampa-krym-rasiyski-i-admova-ukrainy-ad-nato-wsj

З Беларусі — без VPN

Святлана Ціханоўская выказала спачуванні ў звязку са смерцю Папы Рымскага Францішка. Яны накіраваныя каталіцкай супольнасці і ўсім, каго закранула гэтая страта.

"Папа Францішак падзяляў каштоўнасці, важныя для беларусаў: павагу да жыцця, свабоды і чалавечай годнасці. Ён выступаў супраць смяротнага пакарання, называў чалавечае жыццё найвышэйшай каштоўнасцю і святасцю.

Ён не раз праяўляў салідарнасць з палітвязнямі і заклікаў да іх вызвалення, а таксама падтрымліваў імкненне да свабоднай Беларусі. Ён называў вайну трагедыяй, што прыносіць смерць і слёзы", — піша лідарка дэмакратычных сілаў.

Рэакцыі Аляксандра Лукашэнкі пакуль няма — ён наведвае малаказавод у аграгарадку Копысь. Але медыі згадваюць, што зусім нядаўна ён збіраўся сустрэцца з Францішакам: "Думаю, што прыйдзе час, і мы абавязкова сустрэнемся з Папам Рымскім".

Міліцыя перашкаджала жыхарам Жодзіна збіраць подпісы супраць назапашвальніка для камунальных адкідаў з Мінска, які пачалі будаваць у ваколіцах горада. У актывістаў адбіралі падпісныя аркушы, а асобным зборшчыкам пагражалі арыштам.

"Гэта не спрыяе знікненню напружанасці, не стымулюе канструктыўнага дыялогу", — канстатуюць аўтары зварота, які сёння быў адпраўлены ў Адміністрацыю прэзідэнта і ў Савет Рэспублікі. Да яго прыкладзена 169 аркушаў з некалькімі тысячамі подпісаў супраць будаўніцтва "сажалкі-назапашвальніка №19".

"Нашаму рэгіёну хапае мясцовых адкідаў. Не трэба вазіць нам сталічныя!" — дадаюць аўтары звароту.

Каго глядзець/слухаць сёння на @euroradio? Трымайце анонс эфіраў на панядзелак (час пазначаны беларускі):

13:00 — экспертка па міжнароднай палітыцы Роза Турарбекава

14:00 — сацыёлаг, дырэктарка Беларускай аналітычнай майстэрні Марына Новікава

15:00 — стваральнік платформы “Новая Беларусь”, ІТ-прадпрымальнік Павел Лібер

Глядзіце стрымы на ютуб-канале Еўрарадыё, задавайце пытанні!

У апошняй сваёй прамове — учора на Вялікдзень — 88-гадовы Пантыфік заклікаў да вызвалення вайсковапалонных і палітвязняў. Але не згадаў Беларусь у пераліку краінаў, дзе ёсць падобныя праблемы.

Папа Рымскі Францішак памёр у Ватыкане ў 7:35 у панядзелак, 21 красавіка. Апошнія два месяцы ён змагаўся з двухбаковым запаленнем лёгкіх.

Памёр Папа Рымскі Францішак. Пра гэта паведамляюць у Ватыкане.

Майнінгавая ферма пачне сёлета працаваць у Крычаўскім раёне. Кітайскія інвестары абяцаюць укласці ў яе больш за $60 млн. На навіну звярнулі ўвагу @reformby.

Ферму будуюць у былых цэхах "Крычаўцэментнашыфера" на плошчы 1,5 га. Там размесцяцца 15 тысяч кампутараў. "Мы чакаем, што да канца лета гэты інвестыцыйны праект будзе рэалізаваны", — кажа намстаршыні Магілёўскага райвыканкама Руслан Страхар.

Яшчэ адна майнінгавая ферма ўжо два гады працуе на Бярозаўскай ДРЭС. ДзяржТБ сцвярджае, што на яе ў 2024 годзе прыйшлося каля 20% ад усяго электраспажывання Брэсцкай вобласці.

Колькасць адкрытых у Беларусі вакансій упершыню пераваліла за 200 тысяч. Па стане на раніцу 21 красавіка на сайце Дзяржаўнай службы занятасці зарэгістравана 200047 вакантных працоўных месцаў.

І ўсяго 17 тысяч 411 рэзюмэ.

Беларусы (і асабліва беларускі) незадаволеныя жаданнем Лукашэнкі запрасіць у краіну 150 тысяч работнікаў з Паўднёвай Азіі

У ЗША працягваецца Signal-гейт. Міністр абароны ЗША Піт Хэгсет адпраўляў сакрэтныя даныя пра ўдары па еменскіх хусітах у чат, дзе былі яго жонка, брат і адвакат.

Як піша The New York Times, кіраўнік Пентагона ў прыватнасці адпраўляў туды расклады палётаў F/A-18 Hornets, накіраваных супраць хусітаў. Навошта гэтыя даныя былі яго жонцы — колішняй прадзюсарцы Fox News Джэніфер Хегсет, якая не працуе ў міністэрстве абароны, — пакуль незразумела.

У адрозненне ад чата высокапастаўленых асобаў з адміністрацыі Трампа ў Signal, у які памылкова дадалі галоўнага рэдактара The Atlantic, гэты чат быў створаны самім Хегсетам. Ён зрабіў гэта яшчэ да таго, як узначаліў Пентагон, каб абмяркоўваць "звычайную адміністрацыйную інфармацыю".

22 красавіка пачнецца адпраўка беларускіх прызыўнікоў у войска. Праз месяц, 24 траўня, яны прымуць прысягу.

У першы дзень па вайсковых часцях будзе размеркавана каля 1 тысячы прызыўнікоў. Яны папоўняць шэрагі сіл спецыяльных аперацый, Мінскай вайсковай камендатуры і навучальнага цэнтра ў Печах.

Усяго ўвесну 2025 года на тэрміновую службу ў войска ідуць каля 10 тысяч прызыўнікоў. Паралельна будуць звальняцца ў запас маладыя людзі, якія адслужылі свой тэрмін.

Танны долар ставіць у няёмкае становішча беларускі рынак нерухомасці. Цэны на квадратныя метры выстаўляюцца ў рублях, таму нават у панэльках у Мінску аднапакаёўкі цяпер каштуюць больш за $70 тысяч. І гэта калі плаціць усю суму адразу, без крэдыта.

Наўрад ці па такія кватэры выстраяцца чэргі, мяркуюць аналітыкі.

А ў выйгрышы сёння тыя пакупнікі нерухомасці, хто прыязджае ў Беларусь з усходу, з расійскімі рублямі.

Міліцыя не зафіксавала правапарушэнняў і надзвычайных здарэнняў у месцах, дзе хрысціяне святкавалі Вялікдзень. У выходныя да храмаў падцягнулі патрулі, інспектараў ДАІ і нават вайскоўцаў з унутраных войскаў.

"Забяспечвалі правапарадак у месцах масавага знаходжання вернікаў".

Раніцай 21 красавіка расіяне ўдарылі ракетамі па Мікалаеве. Так Масква адказала Кіеву на прапанову працягнуць 30-гадзіннае "Велікоднае перамір'е" на 30 дзён.

Уласна, па статыстыцы ўкраінскіх вайскоўцаў, Расія каля 3 тысяч разоў парушыла "перамір'е", абвешчанае Пуціным напярэдадні Вялікадня.

У траўні ў Мінску пачнуць адключаць гарачую ваду. Шукайце свой адрас.

Чаму Вялікдзень, а не Раство, – галоўнае свята хрысціян? Навошта на гэтае свята прынята фарбаваць яйкі?

На гэтыя ды іншыя цікавыя пытанні коратка ды ясна адказаў святар Аляксандр Кухта на сваім канале "Бацюшка адкажа": https://youtu.be/BHO7IQ2sB5c

Ці можа ЕС зняць санкцыі супраць Расіі і Беларусі? На гэтае пытанне ў эфіры @euroradio адказвае экспертка ў сферы міжнародных адносін Роза Турарбекава.

Цалкам стрым тут: youtube.com/watch?v=gns9vbMdQn0

У Расіі апублікавалі ўнікальныя фота будаўніцтва Дома ўрада ў Мінску. Здымкі захоўваюцца ў фондах Дзяржаўнага музея гісторыі Санкт-Пецярбурга.