Buxorolik bokschilardan yana bir yuksak natijalar!

22–26 aprel kunlari Belarus davlati Gomel shahri “Aleksey Yukov” xotirasiga bag‘ishlangan xalqaro turnirga mezbonlik qildi.

Mazkur musobaqada ishtirok etgan yoshlar terma jamoasi tarkibidagi 3 nafar buxorolik bokschilarimiz yuksak natijalarga erishdi va yakunda 2 ta oltin hamda 1 ta kumush medalni qo‘lga kiritishdi.

Oltin medal egalari:
-60 kg: Jahongir Zayniddinov
-86 kg: Samir Sobirov

Kumush medal egasi:
+92 kg: Islombek Salixov

Bokschilarimizni erishilgan yutuqlar bilan tabriklaymiz va ularga kelgusi musobaqalarda ham omad tilaymiz!

Telegram | Facebook | Instagram | YouTube

Iordaniyada bo‘lib o‘tayotgan o‘smirlar va kichik o‘smirlar o‘rtasidagi Osiyo chempionatining finalida bugun buxorolik vakillarimiz janglarini o‘tkazishadi.

Mazkur musobaqaning muhim pallasiga O‘zbekiston terma jamoasi safida ishtirok etayotgan 3 nafar buxorolik bokschilarimiz ham yetib kelgan. Ular bugun final yo‘llanmasi uchun ringga ko‘tarilishadi:

-48 kg vazn toifasi:
Nazokat Mardonova – Jiya (Hindiston)

-60 kg vazn toifasi:
Rushanabonu Isayeva – Aidana Abdikerim (Qozog‘iston)

-70 kg vazn toifasi:
Diyorbek Murodilloyev – Abdallah Toghooz (Iordaniya)

Vakillarimizga final yo‘llanmasi uchun o‘tadigan mas’uliyatli janglarda omad tilaymiz!

Telegram | Facebook | Instagram | YouTube

Tarixiy final!

Tailandning Bangkok shahrida davom etayotgan dzyudo bo‘yicha Osiyo chempionatida tarixiy voqea ro‘y berdi.

-90 kg vazn toifasining hal qiluvchi final bahsida O‘zbekiston terma jamoasi vakillari — buxorolik Shahzodxo‘ja Sharipov va Nurbek Murtazoyev o‘zaro chempionlik uchun kurash olib borishdi. Natijada esa Shahzodxo‘ja oltin medalni qo'lga kiritdi.

O‘zaro kechgan ushbu qiziqarli va murosasiz bahs natijasida oltin va kumush medallar O‘zbekiston terma jamoasi vakillariga nasib etdi.

Telegram | Facebook | Instagram | YouTube

Buxorolik sportchilar Osiyo chempionatida ikki karra oltin medalni qo‘lga kiritdi!

Tailandning Bangkok shahrida davom etayotgan dzyudo bo‘yicha Osiyo chempionatida Buxoro viloyati vakillari yuksak natijalarga erishmoqda.

Musobaqaning navbatdagi kungi bellashuvlarida 20 yoshli Shaxzodxo‘ja Sharipov (90kg) barcha raqiblarini mag‘lubiyatga uchratib, Osiyo chempioni unvoniga sazovor bo‘ldi. U final bahsida ham o‘zining ustun texnikasi va mahoratini namoyish etib, oltin medalni qo‘lga kiritdi.

Natijada, Buxoro viloyati vakillari mazkur nufuzli chempionatda ikki marta oltin medalga ega chiqdi.

Telegram | Facebook | Instagram | YouTube

Sport sinovlari o‘tkazilish jarayonlari o‘rganilmoqda

Sport vazirligi hamda Buxoro viloyati sport boshqarmasi xodimlari tomonidan Vobkent, Shofirkon va G‘ijduvon tumanlarida ixtiyoriy yo‘nalish bo‘yicha sport sinovlari qabul qilinishi jarayoni o‘rganildi.

Shuningdek, sport sinovlarining maxsus yo‘nalishi bo‘yicha qabul qilinadigan sport inshootlarining tayyorgarlik holati ham ko‘zdan kechirilib, zarur tavsiyalar berildi.

Tadbirlar sog‘lom turmush tarzini ommalashtirish va sport infratuzilmasini rivojlantirishga xizmat qilmoqda.

Telegram | Facebook | Instagram | YouTube

Shofirkon tumanida futbol bo'yicha DXX kubogi chorak final bahslari bo'lib o'tdi.

Mamlakatimizning barcha tuman  shaharlarida o'tkazilayotgan Futbol bo'yicha DXX kubogi doirasida saralash uchrashuvlari bo'lib o'tmoqda. Joriy yilning 26-aprel kuni Shofirkon tumani 4-hudud mahallalari chorak final 1/4 o'yinlarida ishtirok etishdi. Bunda Tinchlik jamoasi Tezguzar jamoasiga qarshi bahslarda 1:1 hisob bilan o'yinni yakunlagan bo'lsa Savrak mahalla jamoasi Alisher Navoiy mahallasiga qarshi o'yinda 5:3 hisobida g'olib bo'ldi.

Telegram | Facebook | Instagram | YouTube

Buxorolik dzyudochi xalqaro musobaqada g‘oliblikni qo‘lga kiritdi

Avval xabar berganimizdek, Rossiya Federatsiyasining Nijniy Novgorod shahrida 18 yoshgacha bo‘lgan o‘g‘il-qizlar o‘rtasida Ikkinchi jahon urushida qozonilgan g‘alabaning 80 yilligiga bag‘ishlab "Vatanga xizmat qilamiz" shiori ostida o‘tkazilayotgan dzyudo bo‘yicha xalqaro musobaqada Buxoro viloyatidan 8 nafar sportchi ishtirok etmoqda.

Quvonarli jihati shundaki, musobaqaning dastlabki natijalariga ko‘ra, Sayfulloyev Safoxo‘ja 46 kg vazn toifasida barcha raqiblarini mag‘lubiyatga uchratib, faxrli 🥇-o‘rinni qo‘lga kiritdi.

Musobaqa davom etmoqda. Buxorolik sportchilarga qolgan bahslarda ham omad tilaymiz!

Telegram | Facebook | Instagram | YouTube

Shofirkon tumanida "Jismoniy tayyorgarlik darajasi"ni baholash bo‘yicha ixtiyoriy sport sinovlari qabul qilinmoqda.

Shofirkon tumanidagi 33-umumta’lim maktabida o‘quvchilar va yoshlar o‘rtasida "Jismoniy tayyorgarlik darajasi"ni baholash maqsadida ixtiyoriy sport sinovlari qabul qilinmoqda.

Telegram | Facebook | Instagram | YouTube

Vobkent tumanida sport sinovlari qabul qilinmoqda.

Vobkent tumanidagi 2-umumta’lim maktabida o‘quvchilar va yoshlar o‘rtasida "Jismoniy tayyorgarlik darajasi"ni baholash maqsadida ixtiyoriy sport sinovlari tashkil etilmoqda.

Telegram | Facebook | Instagram | YouTube

U-20 O‘zbekiston kubogida sportchilarimiz muvaffaqiyat bilan ishtirok etmoqda

Navoiy shahrida yunon-rum, erkin va ayollar kurashi bo‘yicha o‘tkazilayotgan U-20 O‘zbekiston kubogida buxorolik sportchilarimiz muvaffaqiyatli ishtirok etmoqda.

Jumladan:

Kogon shahar sport maktabi vakili Narzullayeva Muhayyo 65 kg vazn toifasida faxrli 🥇-o‘rinni egalladi.

G‘ijduvon sport maktabi sportchilari:

Sulaymonova Sharifa 53 kg vazn toifasida 🥈-o‘rinni,

Rajabova Nigina esa 62 kg vazn toifasida 🥈-o‘rinni qo‘lga kiritdi.

Ma’lumot uchun, musobaqa 30-aprelgacha davom etadi.

Telegram | Facebook | Instagram | YouTube

“Uzbekistan Open” xalqaro turniridan yana bir xushxabar!

Andijon shahridagi “Universal sport saroyi”da Karate WKF yo‘nalishi bo‘yicha “Uzbekistan Open” xalqaro turniri boshlandi.

Mazkur musobaqada turli mamlakatlardan tashrif buyurgan 350 nafarga yaqin sportchi g‘oliblik uchun tatamiga chiqmoqda. Turnir joriy yilning 28-aprel kuniga qadar davom etadi.

Quvonarli jihati, musobaqaning ilk kunida Buxoro viloyati vakili, +18 yosh toifasida -55 kg vazn kategoriyasida yakka kumite dasturida ishtirok etgan Qo‘ziyeva Dilaferuz oltin medalni qo‘lga kiritdi.

Sportchimizni ushbu yutuq bilan tabriklaymiz va kelgusi bahslarda ham omad tilaymiz!

Telegram | Facebook | Instagram | YouTube

Og‘ir atletika bo‘yicha viloyat chempionatining g‘olib va sovrindorlari taqdirlandi

Sport vaziri o‘rinbosari Shaxrillo Maxmudov Buxoro OPSTT markazida o‘tkazilgan og‘ir atletika bo‘yicha viloyat chempionatida ishtirok etdi.

Musobaqa yakunida Sport vaziri o'rinbosari Shaxrillo Maxmudov g‘olib va sovrindor sportchilarni taqdirlab, ularni qozongan yutuqlari bilan tabrikladi hamda kelgusi faoliyatida ulkan zafarlar tiladi.

Tadbirda sportchilarning yuksak ruhda ishtirok etgani va viloyatda og‘ir atletika sport turi rivojlanib borayotgani alohida ta’kidlandi.

Telegram | Facebook | Instagram | YouTube

Shahram Ahadov faoliyatida ilk bor Osiyo chempioni degan sharafga sazovor bo`ldi!

Telegram | Facebook | Instagram | YouTube

Sport vaziri o‘rinbosari Shaxrillo Maxmudov Buxoro viloyatida sayyor qabul o‘tkazdi

Sport vaziri o‘rinbosari Shaxrillo Maxmudov Buxoro viloyatida bo‘lib, sport sohasi vakillari hamda fuqarolar uchun sayyor qabul o‘tkazdi.

Sayyor qabul davomida sport sohasidagi dolzarb masalalar, mavjud muammolar va ularni bartaraf etish bo‘yicha takliflar atroflicha muhokama qilindi. Sportchilar, murabbiylar va ota-onalar tomonidan bildirilgan murojaat va fikr-mulohazalar tinglanib, ularni amaliy hal etish yuzasidan tegishli topshiriqlar berildi.

Uchrashuvda viloyat sport boshqarmasi boshlig‘i U.Nadjimidinov, federatsiyalar vakillari, sport maktablari rahbarlari hamda mutasaddi tashkilotlar vakillari ham ishtirok etdi.

Telegram | Facebook | Instagram | YouTube

Shahram Ahadov Osiyo chempioni bo‘ldi!

Tailandning Bangkok shahrida davom etayotgan dzyudo bo‘yicha Osiyo chempionatida Buxoro viloyati vakili Shahram Ahadov yuksak natijaga erishdi.

Yurtdoshimiz o‘z vazn toifasida barcha raqiblarini mag‘lubiyatga uchratib, Osiyo chempioni unvoniga sazovor bo‘ldi.

Final bahsida ham Shahram Ahadov o‘zining ustun texnikasi va mahoratini namoyon etib, oltin medalni qo‘lga kiritdi.

Shahram Ahadovni nufuzli musobaqadagi g‘alabasi bilan samimiy tabriklaymiz va keyingi yutuqlarida ham omad tilab qolamiz!

Telegram | Facebook | Instagram | YouTube

Buxoroda qisqa muddatli Respublika o‘quv-seminari yakuniga yetdi

Bugun Buxoro OPSTT markazida qisqa muddatli Respublika o‘quv-seminarining yakuniy bosqichi bo‘lib o‘tdi. Mazkur seminar Olimpiya va Paralimpiya sport turlariga tayyorlash markazlari, Olimpiya va milliy sport turlariga ixtisoslashtirilgan davlat maktab-internatlari hamda sport mahorati maktablarining faoliyatini yanada takomillashtirish, ilg‘or tajribalarni almashish va tizimdagi muammolarga amaliy yechim topish maqsadida tashkil etilgan edi.

Seminarda Sport vaziri o‘rinbosari Shaxrillo Maxmudov ishtirok etdi hamda viloyat sport federatsiyalari ijrochi direktor va bosh murabbiylari bilan birgalikda Olimpiya cho‘qqilari musobaqalarini tashkil etish jarayonlari va amalga oshirilayotgan ishlar holatini ko‘rib chiqdi.

❗️ Ma'lumot o'rnida, qisqa muddatli Respublika o‘quv-seminari 28-aprel kuni Samarqand viloyatida davom ettiriladi.

Telegram | Facebook | Instagram | YouTube

🗣 Korrupsiyaga qarshi kurashish bo‘yicha milliy kengash yig'ilishida berilgan topshiriqlar ijrosini tashkil etish yuzasidan Sport vazirligida iqtisodiy o‘qish bo‘lib o‘tdi.

💬 Vazirlik va idoralar hamda ularning tarkibiy bo‘linmalari rahbarlari va xodimlarining professional bilimlarini oshirish maqsadida tashkil etilgan o‘qishda Sport vaziri o‘rinbosari Murad Ismailov, Korrupsiyaga qarshi kurashish agentligi mas’ul xodimi Mironshoh Rasulov, Toshkent davlat yuridik universiteti professori Salomat Niyozova hamda zoom orqali viloyat Sport boshqarmalari rahbar va xodimlari ishtirok etdi.

⚡️ Yig‘ilish davomida agentlik mas’ul xodim M.Rasulov tomonidan korrupsion holatlarni keltirib chiqaruvchi omillar, jahon tajribasida bu illatga qarshi kurashishning qanday usul va vositalari qo‘llanilayotganligi haqida ma’lumot berilgan bo‘lsa, Toshkent davlat yuridik universiteti professori S.Niyozova Prezidentimiz tomonidan 2025-yilning 5-mart sanasida bo‘lib o‘tgan Korrupsiyaga qarshi kurashish bo‘yicha milliy kengash yig‘ilishida belgilab berilgan tizimda korrupsiyadan holi muhit yaratishni davom ettirish bo‘yicha amalga oshirilishi lozim bo‘lgan ustuvor vazifalar haqida ma'lumot berdi berildi.

⏺Shuningdek, iqtisodiy o'qish mobaynida O'zbekiston Respublikasi Prezidentining 2025-yilning 21-aprelidagi "Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora-tadbirlar to‘g‘risida"gi PF-71-son Farmoni hamda "Davlat organlari va tashkilotlarining korrupsiyaga qarshi ichki nazorat bo‘linmalari mustaqilligini ta’minlash hamda faoliyati samaradorligini oshirish chora-tadbirlari to‘g‘risida"gi PQ-147-son Qarori mazmun-mohiyati mutaxassislar tomonidan tushuntirib berildi.

Web-Sayt | Telegram | Facebook | Instagram | Youtube

#Live

Buxorolik dzyudochilar xalqaro musobaqada ishtirok etmoqda.

Rossiya Federatsiyasining Nijniy Novgorod shahrida 18 yoshgacha bo‘lgan o‘g‘il-qizlar o‘rtasida Ikkinchi jahon urushida qozonilgan g‘alabaning 80 yilligiga bag‘ishlab "Vatanga xizmat qilamiz" shiori ostida dzyudo bo‘yicha xalqaro musobaqa bo‘lib o‘tmoqda.

Mazkur nufuzli musobaqada Buxoro viloyatidan 8 nafar sportchi 46 kg, 50 kg, 55 kg, 60 kg, 66 kg, 73 kg va 81 kg vazn toifalarida ishtirok etmoqda.

Barcha sportchilarimizga musobaqada omad va ulkan zafarlar tilaymiz!

Telegram | Facebook | Instagram | YouTube

Buxorolik qilichbozlardan U-23 O‘zbekiston chempionatida yorqin natijalar!

📅 2025-yil 22–27-aprel kunlari Jizzax shahrida qilichbozlik bo‘yicha U-23 O‘zbekiston chempionati bo‘lib o‘tdi. Ushbu nufuzli musobaqada ishtirok etgan Buxoro viloyati terma jamoasi a’zolari umumiy hisobda 9 ta medalni qo‘lga kiritishdi:

🥇 4 ta oltin medal
🥉 5 ta bronza medal

Yakkalik bahslari natijalari:

🥉 Naimov Avezbek – bronza medal sohibi

Jamoaviy bahslarda:

Qizlar jamoasi – 🥉 uchinchi o‘rin:
Hamidova Aziza
Zuvaydilloeva Marvarid
Maxmudova Maftunabonu
Hamroboyeva Zarina

Yigitlar jamoasi – 🥇 birinchi o‘rin:
Naimov Avezbek
Fayziyev Axmadjon
Ibodullaev Asilbek
Samatov Timur

Telegram | Facebook | Instagram | YouTube

Yosh chempion Akbar Muhammadov Buxoroda munosib kutib olindi.

Saudiya Arabistonida bo‘lib o‘tgan futbol bo‘yicha U-17 Osiyo Kubogi finalida O‘zbekiston o‘smirlar terma jamoasi Saudiya Arabistoni ustidan 2:0 hisobida ishonchli g‘alabaga erishib, musobaqa g‘olibiga aylandi. Bu yutuq bilan jamoamiz 2025-yilgi U-17 Jahon chempionatiga ham yo‘llanmani qo‘lga kiritdi.

Quvonarlisi, ushbu tarkibda Buxoro futbol akademiyasi bitiruvchisi, Buxoro tuman sport maktabi sportchisi Muhammadov Akbar ham faol ishtirok etdi va chempionlikka o‘z hissasini qo‘shdi.

Yosh chempionni Buxoro viloyatining ustoz-murabbiylari va sport jamoatchiligi tantanali ravishda kutib olishdi. Tadbir chog‘ida Muhammadov Akbar samimiy tabriklar bilan qarshi olinib, unga qimmatbaho esdalik sovg‘alari topshirildi.

Buxorolik sportchilarning ana shunday yutuqlari yosh avlod uchun katta ilhom manbaiga aylanishi shubhasiz!

Telegram | Facebook | Instagram | YouTube