#ichki_turizm

⚡️Oʻzbekiston boʻylab sayohat qil!

Yoshlar bilan ishlash boʻlimi tyutori H.Ibodillayev hamrohligida Matematika va kompyuter ilmlari fakulteti talabalari tarixiy Samarqand shahriga sayohat qildilar.

Shaharning diqqatga sazovor manzillari bilan yaqindan tanishuv unutilmas taassurotlarga sabab boʻldi.

Bizni kuzating
Telegram|Instagram|Facebook|Veb-sayt

#Xalqaro_Konferensiya #gee_2025

🔈 KELAJAK BUGUNDAN BOSHLANADI: GEE-2025

Yilning eng nufuzli anjumaniga barcha ilm-fan vakillarini taklif qilamiz!

🌐 Mavzu: “Yashil energetika va iqtisodiyot”
🗓 Sana: 2025 yil 2–3-may kunlari
🧭 Manzil: Qarshi davlat universiteti

Bizni kuzating
Telegram|Instagram|Facebook|Veb-sayt

⚡️Muhammad Yusuf ijodi — ma’naviy merosimiz gavhari

Filologiya fakultetida xalqimiz sevimli shoiri Muhammad Yusuf tavalludining 71 yilligi munosabati bilan ma’naviy-ma’rifiy tadbir bo‘lib o‘tdi. Tadbir davomida so‘zga chiqqanlar Muhammad Yusufning mazmunli hayoti va boy ijodi, uning o‘zbek adabiyoti taraqqiyotiga qo‘shgan beqiyos hissasi haqida so‘z yuritishdi.

Shoir qalamidagi vatanparvarlik, milliy g‘urur va insonparvarlik ruhi tadbir ishtirokchilari qalbidan chuqur joy oldi. Fakultet talabalari esa ustoz shoir ijodidan samimiy she’riy namuna va iqtiboslar bilan tadbirga ma’naviy tarovat bag‘ishlashdi.

Bizni kuzating
Telegram|Instagram|Facebook|Veb-sayt

⚡️Halollik — yoshlarning rivojlanish mezoni

Tibbiyot fakultetining 1-kurs talaba-yoshlari ishtirokida “Halolik yoshlarning hamrohi – rivojlanish mezoni” mavzusida davra suhbati o‘tkazildi. Tadbir Korrupsiyaga qarshi ta’lim va yoshlarning imkoniyatlarini kengaytirish global resursi virtual akademiyasi (GRACE) dasturi doirasida tashkil etildi.

Unda yoshlarning ongiga halollik qadriyatlarini singdirish va korrupsiyaga qarshi huquqiy immunitetini shakllantirish masalalari muhokama qilindi. Suhbatda universitetning Korrupsiyaga qarshi kurashish “Komplayens-nazorat” tizimi bosh mutaxassisi Sh.Axmedov ma’ruza qilib, amaliy tavsiyalar berdi.

Bizni kuzating
Telegram|Instagram|Facebook|Veb-sayt

📣 🟥🟥🟥 🟥🟥🟥

▶️ O'zbekiston yoshlar ittifoqi Qarshi davlat universiteti boshlang'ich tashkiloti tomonidan "Zukko kitobxon" intellektual musobaqasi o'tkaziladi.

📖 Asarlar ro'yxati:
1️⃣. "O'n sakkizga kirmagan kim bor" Shukur Xolmirzayev
2️⃣. "Urush odamlari" Nazar Eshonqul
3️⃣. "Genetik" Izzat Sulton
4️⃣. "Birinchi muallim" Chingiz Aytmatov

G'oliblar quyidagi miqdorda pul mukofoti bilan taqdirlanadilar.
1-o'rin- 2 000 000 so'm
2-o'rin- 1 500 000 so'm
3-o'rin- 1 000 000 so'm

📚Mazkur asarlarni mutolaa ilovasidan yoki quyidagi kanaldan elektron shaklini topishingiz mumkin.
@QarDU_yi

🗓 Musobaqa sanasi: 12-may

🤳Ro'yxatdan o'tish uchun: @Uzb_ledir1

Bizni kuzating
Telegram|Instagram|Facebook|Veb-sayt

#xotira

O‘lsa o‘zi o‘lar so‘zi o‘lmaydi,
Hamisha barhayot nasl shoirlar.
Haqiqiy shoirning qabri bo‘lmaydi,
Yurakka ko‘milar asl shoirlar.
Yo‘qsa yo‘qlamoqni o‘rgating menga,
Cho‘lponni go‘rini ko‘rsating menga.

26-aprel — O‘zbekiston xalq shoiri Muhammad Yusuf tavallud topgan kun.

Shoirning o‘lmas satrlari, qo‘shiqqa aylanib qalblarga kirgan she’rlari, uning boladek beg’ubor qalbidan yangragan ovozi va dunyolarga sig‘may qog‘ozlardan joy olgan inja ijod mahsullarini hech bir o‘zbek unutmaydi!

Bizni kuzating
Telegram|Instagram|Facebook|Veb-sayt

#1_liga #gʻarbiy_mintaqa
#yakuniy_jadval

Qarshi davlat universitetining "Lochin" futbol klubi 3-turdan soʻng 7 ochko jamgʻarib, oʻz guruhida peshqadamlikni qoʻlga oldi.

Bizni kuzating
Telegram|Instagram|Facebook|Veb-sayt

#1_liga #3_tur
#natija

25-aprel kuni Qarshi davlat universitetining “Lochin” futbol klubi navbatdagi tur uchrashuvini oʻtkazdi. Bellashuv Beshkentdagi "Markaziy" oʻyingohida boʻlib oʻtdi va unda mezbonlar Buxoro davlat universiteti jamoasini qabul qildilar.

Oʻyin davomida har ikki jamoa ham gʻalaba uchun bor kuchini safarbar etdi. Maydonda shiddatli hujumlar, mahoratli o‘yinlar va keskin kurashlar kuzatildi.

Tomoshabinlar koʻplab hayajonli lahzalarga guvoh boʻldilar. Natijada murosasiz kechgan bellashuv jangovar durang bilan yakunlandi - 2:2. Har ikki jamoa bir ochkodan bo‘lishib olishdi.

🌐 Ijtimoiy tarmoqlardagi sahifalarimiz

✅ Telegram             🌍 Veb-sayt
💬 Facebook            📸  Instagram

⚡️Chuvashiya Respublikasi delegatsiyasi Qarshi davlat universitetida mehmon bo‘ldi

Ayni kunlarda Qashqadaryo viloyatida Rossiya Federatsiyasining Chuvashiya Respublikasi rahbari Oleg Alekseyevich Nikolayev boshchiligidagi rasmiy delegatsiya tashrif bilan bo‘lib turibdi. Tashrif doirasida iqtisodiyot, investitsiya, savdo va turizm yo‘nalishlarida hamkorlik aloqalarini mustahkamlash maqsadida qator muzokaralar o‘tkazilmoqda, shuningdek, viloyatdagi yirik ishlab chiqarish korxonalari va tadbirkorlik subyektlari faoliyati bilan tanishilmoqda.

Bugun delegatsiya a’zolari Qarshi davlat universitetiga tashrif buyurib, yaqinda foydalanishga topshirilgan 1000 o‘rinli muhtasham o‘quv binosida tashkil etilgan uchrashuvda ishtirok etdilar. Tadbir milliy ruhda va ko‘tarinki kayfiyatda o‘tdi. Dastlab, universitetning talabalar milliy cholg‘u asboblari ansambli tomonidan tayyorlangan konsert dasturi mehmonlarga namoyish etildi. Musiqiy chiqishlar, xalq kuylarining samimiyatga to‘la ohanglari mehmonlarda chuqur taassurot qoldirib, ularni raqsga chorladi.

Uchrashuvning amaliy qismida esa delegatsiya universitetda yaratilgan zamonaviy ta’lim va ilmiy muhit bilan yaqindan tanishdi. Xususan, xorijiy tillarga ixtisoslashtirilgan til markazlari, zamonaviy media studiya, Sinxron tarjima auditoriyasi va boshqa imkoniyatlar yuksak baholandi.

Tadbir yakunida universitetning ijodkor talabalari tomonidan delegatsiya a’zolarining qo‘lda chizilgan portretlari esdalik sifatida taqdim etildi. Ushbu samimiy tuhfa mehmonlarda iliq taassurot qoldirdi.

Ma’lumot uchun, bugun viloyat hokimi va Chuvashiya Respublikasi rahbari ishtirokida tashkil etilgan uchrashuvda Qarshi davlat universiteti hamda I.Y.Yakovlev nomidagi Chuvash davlat pedagogika universiteti o‘rtasida ta’lim va ilm-fan sohalarida hamkorlik shartnomasi imzolandi. Hujjat doirasida kadrlar tayyorlash, stajirovkalar, qo‘shma tadqiqotlar va qator loyihalarni amalga oshirish ko‘zda tutilgan.

🌐 Ijtimoiy tarmoqlardagi sahifalarimiz

✅ Telegram             🌍 Veb-sayt
💬 Facebook            📸  Instagram

⚖️👨‍💻👩‍💻💬 📺📺

25—26-aprel kunlari Qarshi davlat universitetida Boshlang‘ich ta’lim kafedrasi tomonidan “Ta’limdagi innovatsion va integratsion jarayonlarning uzviyligi hamda uzluksizligi: muammolar va yechimlar” mavzusida xalqaro ilmiy–amaliy konferensiya o‘tkazilmoqda. Anjuman tafsilotlari keyinroq yoritiladi.

🌐 Ijtimoiy tarmoqlardagi sahifalarimiz

✅ Telegram             🌍 Veb-sayt
💬 Facebook            📸  Instagram

🔆🔆🔆🔆🔆🔆🔆

Milliy o‘yinlar – milliy qadriyatlarning ajralmas bo‘lagi. Asrlar silsilasida toblangan milliy o‘yinlarning yosh avlod tomonidan e’zozlanishi an’analarga hurmat belgisidir.

🌐 Ijtimoiy tarmoqlardagi sahifalarimiz

✅ Telegram             🌍 Veb-sayt
💬 Facebook            📸  Instagram

⚡️Tinchlik – eng ulug‘ ne’mat

Tinchlik va osoyishtalik – insoniyat uchun eng yuksak ne’matlardan biridir. Bu ne’matning qadriga yetish uchun o‘tgan tarixning og‘ir va murakkab sahifalariga nazar solish kifoya.

Matematika va kompyuter ilmlari fakulteti talabalari uchun Ikkinchi jahon urushining dahshatli damlaridan hikoya qiluvchi “Berlin – Oqqo‘rg‘on” badiiy filmi namoyish etildi.

Filmda urush fojialari fonida insoniylik, sabr-toqat va umid singari yuksak tuyg‘ular talqin etiladi. Voqealar Moskva, Berlin, Isroil hamda Oqqo‘rg‘on tumanida yuz berib, tarixiy haqiqat va insoniy qadriyatlarni o‘zida mujassam etadi.

Mazkur film namoyishi talabalar qalbida tinchlik va osoyishtalikning beqiyos ahamiyatini yanada chuqurroq his etishlariga xizmat qildi. Ular tinchlik – nafaqat davlat, balki har bir inson hayoti uchun bebaho boylik ekanligini yana bir bor anglab yetdilar.

Bizni kuzating
Telegram|Instagram|Facebook|Veb-sayt

⚡️Talabalar yashash sharoiti o‘rganilmoqda

Kimyo-biologiya fakulteti Xotin-qizlar masalalari bo‘yicha dekan maslahatchisi R.Yo‘ldosheva hamda Yoshlar bilan ishlash bo‘limi tyutori Sh.Ernazarova tomonidan Qarshi shahri Beklar MFY Turkiston ko‘chasida joylashgan ijara xonadonida yashayotgan kimyo yo‘nalishi 3-kurs talabalari — Sevara Xudoyshukurova va Malohat Sodiqovaning yashash sharoitlari o‘rganildi.

O‘rganish jarayonida talabalar hamda ijara xonadoni egalari bilan suhbat o‘tkazilib, mavjud yashash sharoitlari haqida batafsil ma’lumot olindi. Shuningdek, sanitariya-gigiyena meyorlariga rioya qilish, ovqatdan zaharlanishning oldini olish va texnika xavfsizligi qoidalari bo‘yicha tushuntirish ishlari olib borildi.

Bizni kuzating
Telegram|Instagram|Facebook|Veb-sayt

⚡️“Ekologiya bilimdonlari” tadbiri o‘tkazildi

1-sonli talabalar turar joyida Yoshlar bilan ishlash bo‘limi tyutori Sh.Aslonova tomonidan “Atrof-muhitni muhofaza qilish va yashil iqtisodiyot yili”ga bag‘ishlangan “Ekologiya bilimdonlari” mavzusida tadbir o‘tkazildi. Unda tabiatni sevuvchi, uni asrash g‘oyalarini ilgari suruvchi va targ‘ib qiluvchi iqtidorli talabalar ishtirok etdilar.

Tadbir davomida 2025-yilda atrof-muhitni muhofaza qilishga qaratilgan davlat dasturi, undagi qonun hujjatlari va ularning ijrosi, shuningdek, davlatimiz rahbari tomonidan ilgari surilgan global muammolarning yechimiga doir masalalar yuzasidan batafsil suhbat tashkil etildi. Tadbir yakunida faol ishtirok etgan bilimdon talabalar munosib tarzda rag‘batlantirildi.

Bizni kuzating
Telegram|Instagram|Facebook|Veb-sayt

⚡️Muhammad Yusuf – el ardoqlagan shoir

Matematika va kompyuter ilmlari fakultetida O‘zbekiston xalq shoiri Muhammad Yusuf tavallud topgan sana munosabati bilan ma’naviy-ma’rifiy va badiiy tadbir bo‘lib o‘tdi.

Tadbirda talabalar shoirning boy va mazmunli ijodi, faoliyat yo‘li, yurtimiz adabiyotida tutgan o‘rni haqida fikr yuritib, uning yuraklardan joy olgan she’rlarini ifodali tarzda o‘qib eshittirishdi. Talabalar Muhammad Yusufni xalq dardi, Vatan sevgisi, inson qalbidagi tuyg‘ularni samimiy ifoda etgan shoir sifatida yodga oldilar.

Uning el-yurtiga bo‘lgan muhabbati, xalqona ruhdagi ijodi, yuksak ehtiromga sazovor she’rlari haqida so‘z yuritildi. Shu bilan birga, shoirning adabiy merosini o‘rganish va targ‘ib etish, yosh avlod qalbida Vatanga muhabbat tuyg‘ularini shakllantirishdagi ahamiyati alohida ta’kidlandi.

Bizni kuzating
Telegram|Instagram|Facebook|Veb-sayt

⚡️Xalqning yodida qolgan hassos shoir

Joriy yilning 23-aprel kuni Yoshlar bilan ishlash bo’limi tyutori S.Djumayeva boshchiligida, talabalarning bo’sh vaqtini mazmunli o’tkazish maqsadida 7-TTJda Muhammad Yusuf tavalludining 71 yilligiga bag’ishlangan “Xalq sevgan vatanparvar shoir” mavzusida ma’naviy-ma’rifiy tadbir tashkil etildi.

Tadbir davomida shoirning ijodi, hayoti va uning adabiyot olamidagi o’rni muhokama qilindi. Ishtirokchi talabalar shoirning vatanparvarlik ruhidagi asarlari haqida fikr almashdilar. She’rlaridan namunalar aytdilar. Tadbir yakunida faollik ko'rsatgan talabalar uchun Muhammad Yusufning kitoblari sovg'a sifatida taqdim etildi.

Bizni kuzating
Telegram|Instagram|Facebook|Veb-sayt

#хalqaro_forum

⚡️Varshavada Oʻzbekiston va Polsha rektorlarining II forumi oʻtkazilmoqda

Anjumanda O‘zbekiston delegatsiyasi tarkibida Qarshi davlat universiteti Ilmiy ishlar va innovatsiyalar boʻyicha prorektori I.Bekpulatov ham ishtirok etmoqda. Forum doirasida Qarshi davlat universiteti va Polshaning Koszalin texnologiya universiteti o‘rtasida hamkorlik kelishuvi imzolandi.

Mazkur kelishuv quyidagi yo‘nalishlarni o‘z ichiga oladi:
Professor-o‘qituvchilar va ilmiy-texnik mutaxassislar almashinuvi;
Erasmus+ granti asosida taqdim etiladigan grantlar doirasida almashinuv;
Birgalikdagi ilmiy loyihalar va xalqaro grantlar — arizalar tayyorlash va xorijiy homiy tashkilotlar bilan hamkorlikni rivojlantirish.

Qayd etish lozim, ushbu kelishuv ikki tomonlama ilmiy-akademik aloqalarni yanada mustahkamlashga xizmat qiladi va yangi imkoniyatlar eshigini ochadi.

Bizni kuzating
Telegram|Instagram|Facebook|Veb-sayt

#bugunfutbol

🗓 1-liga 3-tur uchrashuvi
📍 Beshkent “Markaziy” o‘yingohi
⏰ Boshlanish vaqti: 16:30

🏟⚽️ Bugun Qarshi davlat universitetining “Lochin” futbol jamoasi o‘z maydonida Buxoro davlat universiteti jamoasini qabul qiladi! Har bir gol, har bir harakat uchun jamoamizni qo‘llab-quvvatlaylik!

💪 Lochin – Olg‘a!
📣 Jamoamizga omad va g‘alaba hamroh bo‘lsin!

Bizni kuzating
Telegram|Instagram|Facebook|Veb-sayt

#onlayn_konferensiya

Birozdan so‘ng oliy ta’limda mikrosertifikatlarning boshqarish tizimi bag‘ishlangan onlayn konferensiya boshlanadi

Hurmatli professorlar, tadqiqotchilar, talabalar va ta’lim sohasiga qiziqadigan mutaxassislar sizni mazkur onlayn konferensiyamizga taklif qilamiz!

💡Sizni nimalar kutmoqda:
- Mavzuga oid eng so‘nggi tadqiqotlar va innovatsiyalar;
- Tajribali mutaxassislar bilan ochiq muloqot;
- Microcredential haqida nafqat o‘rganish, balki unda ishtirok etish imkoni: jumladan, E-pass, EuShengen viza olish kutmoqda.

🎤 Tashkilotchilar:
OTFIV Jamoatchilik kengashi raisi Feruza Rashidova – moderator;
Dorota Sylwia Majewicz – spiker (Polsha);
Mohira Alibekova – spiker.

Konferensiyada qatnashish uchun havola:
https://us06web.zoom.us/j/5037546705?pwd=aWlFTVJRbElTK1dqdktJaENwd3MxZz09&omn=81024303240

Bizni kuzating
Facebook | Instagram | YouTube | Telegram

⚡️“Fidoiy” spektakli – tarix saboqlariga sayohat

Qarshi davlat universiteti fakultet dekan o‘rinbosarlari, tyutorlar va talabalar viloyat musiqali drama teatrida spektakl tomosha qildilar. Unda mustabid tuzum qurboni, prokuror Badriddin Sharipovning hayoti asosidagi og‘riqli voqealar sahnalashtirildi.

Spektakl O‘zbekistonda xizmat ko‘rsatgan jurnalist Farmon Toshevning “Fidoiy” asari asosida rejissor Farhod Boynazarov tomonidan sahnaga qo‘yildi. Teatr aktyorlari yuksak mahorat bilan ishtirok etgan asar, yoshlar qalbida vatanparvarlik va tarixiy xotira tuyg‘ularini uyg‘otdi.

Bizni kuzating
Telegram|Instagram|Facebook|Veb-sayt

⚡️Amaliy mashg‘ulot: ijtimoiy ish va mehr-muruvvat uyg‘unligi

Tarix fakulteti Falsafa va sotsiologiya kafedrasi professor-o‘qituvchilari tomonidan ijtimoiy ish yo‘nalishi 1-bosqich talabalari uchun Qarshi “Muruvvat” nogironligi bo‘lgan bolalar internat uyida amaliy mashg‘ulot tashkil etildi.

Mashg‘ulotda Falsafa va sotsiologiya kafedrasi mudiri, falsafa fanlari doktori (DSc) G.X. Bekmurodova, dotsent Z. Boymurodov hamda o‘qituvchi D. Ibragimova ishtirok etib, talabalarga nogiron bolalar bilan ishlash metodikasi, ijtimoiy xizmat ko‘rsatish usullari va zarur ko‘nikmalar haqida ma’lumotlar berdilar.

Internat rahbariyati va ijtimoiy ish mutaxassislari ham tajribalari bilan o‘rtoqlashishdi. Bunday tashabbuslar bo‘lajak mutaxassislarning kasbiy va ma’naviy yetuk bo‘lib shakllanishida muhim o‘rin tutadi.

Bizni kuzating
Telegram|Instagram|Facebook|Veb-sayt

🟠🟠🟠🟠

🏆"Universiada–2024": Qarshi davlat universiteti talaba-sportchilari muvaffaqiyatli ishtirok etishdi

Surxondaryo viloyatining Termiz shahrida oliy ta’lim muassasalari talabalari o‘rtasida dzyudo bo‘yicha “Universiada–2024” sport musobaqasining respublika final bosqichi bo‘lib o‘tdi.

Unda Qashqadaryo viloyati terma jamoasi tarkibida murabbiylar D.Soatov va G.Rahmonova rahbarligida Qarshi davlat universiteti talaba-sportchilari ham faol ishtirok etishdi.

Musobaqa yakunlariga ko‘ra:
Marjona Otakulova — 52 kg vazn toifasida 🥇oltin medal,
Abror Nurmanov — 90 kg vazn toifasida 🥈kumush medal,
Malohat Bobonazarova — 48 kg vazn toifasida 🥉bronza medal bilan taqdirlandi.

Talabalarimizni va ularning murabbiylarini ushbu yutuqlar bilan chin qalbdan tabriklaymiz! Ularga kelgusida yanada ulkan muvaffaqiyatlar tilaymiz!

Bizni kuzating
Telegram|Instagram|Facebook|Veb-sayt

📣 🟥🟥🟥 🟥🟥🟥

O'zbekiston yoshlar ittifoqi Qarshi davlat universiteti boshlang'ich tashkiloti tomonidan "Talabalar bahori" festivali doirasida "Quvnoqlar va zukkolar" ko'rik-tanlovining universitet birinchiligi o'tkaziladi.

Tanlov g'oliblari quyidagi miqdorda pul mukofotlari bilan taqdirlanadi.
🥇-oʻrin — 5 000 000 soʻm
🥈-oʻrin — 4 000 000 soʻm
🥉-oʻrin — 3 000 000 soʻm

Tanlovda ishtirok etish hamda tanlov nizomi bilan tanishish uchun quyidagi telegram guruhga a'zo bo'ling.
https://t.me/+gE91hRkgYqUxNmNi

Bizni kuzating
Telegram|Instagram|Facebook|Veb-sayt

#spektakl_tomoshasi
#madaniy_hordiq

⚡️Ochiq osmon ostida dramaviy tomosha

Qarshi davlat universiteti talabalar turar joylarida yashaydigan yoshlarning bo‘sh vaqtlarini mazmunli o‘tkazish, ularning ma’naviy-ma’rifiy saviyasini yuksaltirish maqsadida navbatdagi madaniy tadbir tashkil etildi.

Universitet tuzilmasidagi Qatag‘on qurbonlari xotirasi muzeyi hovlisida o‘ziga xos sahna bezaklari bilan namoyish etilgan ushbu spektaklda totalitar tuzum davrida 100 mingdan ortiq inson hayotini izdan chiqaragan qatagon siyosatining shiddatli davrlari aks ettirildi. Asarda ayniqsa, ana shu siyosiy ta’qib qurbonlaridan biri — prokuratura organi xodimi Badriddin Sharipovning og‘ir va sinovli taqdiri markaziy obraz sifatida gavdalantirilgan.

Spektakl O‘zbekistonda xizmat ko‘rsatgan jurnalist, taniqli adib Farmon Toshevning "Fidoiy" asari asosida, rejissyor Farhod Boynazarov tomonidan sahnalashtirildi. Unda viloyat musiqali drama teatri aktyorlari mahorat bilan rollarni ijro etdilar. Tomosha talabalar qalbida chuqur taassurot qoldirib, ularni tarixiy haqiqatlar ustida yana bir bor o‘yga toldirdi.

Bizni kuzating
Telegram|Instagram|Facebook|Veb-sayt

📣 🟥🟥🟥 🟥🟥🟥

🇺🇿 Oʻzbekiston yoshlar ittifoqi Qarshi davlat universiteti boshlangʻich tashkiloti tomonidan "Talabalar bahori" festivali doirasida "Zakovat" intellektual bellashuvi oʻtkaziladi!

Bilimga boy, qiziqarli va muhokamalarga boy kechadigan ushbu bellashuvda ishtirok eting va yirik pul mukofotlarini yutib oling!

🏆 Gʻoliblar quyidagi miqdorda pul mukofotlari bilan taqdirlanadi:
🥇 1-oʻrin — 3 000 000 soʻm
🥈 2-oʻrin — 2 500 000 soʻm
🥉 3-oʻrin — 2 000 000 soʻm

🗓 Sana: 29-aprel
🕰 Vaqt: soat 14:00
📝 Roʻyxatdan oʻtish uchun: @Durbek0704

🎆 Bellashuv sizni kutmoqda! Aqlingizni charxlang va gʻalabaga intiling!

Bizni kuzating
Telegram|Instagram|Facebook|Veb-sayt

🎨 “Milliy naqshlar dizayni” – ijod va an’analar uyg‘unligi

San’atshunoslik fakulteti talaba-yoshlari o‘rtasida ijodiy tanlovlar doirasida "Milliy naqshlar dizayni" mavzusida tanlov tashkil etildi.

Amaliy san’at yo‘nalishi 4-kurs talabasi, shuningdek, universitet “Qizlarjon” klubi koordinatori Gavhar Usmonova milliy naqshlar va ularning tarixiy ahamiyati haqida qiziqarli ma’lumotlar bilan ishtirokchilarni tanishtirdi.

Talabalar tomonidan yaratilgan o‘zbek milliy naqshlari nafaqat chizmalarda, balki ijodiy qarashlarda ham aks etdi. Barcha faol ishtirokchilar tashakkurnoma bilan taqdirlandi.

#MilliyNaqshlar #IjodiyTanlov

Bizni kuzating
Telegram|Instagram|Facebook|Veb-sayt

✂️ 🧵👩‍🍳"Chevar qo‘llar, pazandachilik va tikuvchilik" to‘garagi — mahorat va ishonch manbai!

2-sonli talabalar turar joyida turadigan talaba-qizlar uchun tashkil etilgan mazkur to‘garak ularning bo‘sh vaqtlarini mazmunli o‘tkazish, hunar o‘rganish va shaxsiy salohiyatlarini rivojlantirishga qaratilgan.

Fizika fakulteti Xotin-qizlar masalalari bo‘yicha dekan maslahatchisi N.Odilova tashabbusi bilan o‘tkazilgan navbatdagi mashg‘ulotda talaba-qizlar bahor meva-sabzavotlaridan karving va turli xil salatlar tayyorlashni amaliy ravishda o‘rgandilar.

Bu kabi tadbirlar talabalarning faolligini oshirish, ijodiy yondashuvini rivojlantirish va o‘zlariga bo‘lgan ishonchni mustahkamlashda muhim ahamiyat kasb etadi.

#ChevarQo‘llar #TalabalarHayoti

Bizni kuzating
Telegram|Instagram|Facebook|Veb-sayt