Энди Сурхондарёда катта тезликда келаётган машина пиёдани уриб юборди

Термиз туманидан ўтувчи йўлда тартибга солинмаган пиёдалар ўтиш йўлагини кесиб ўтаётган аёлни катта тезликда келаётган машина уриб юборган. Аёлнинг ҳолати борасида аниқ маълумот йўқ. ЙТҲ бўйича расмий маълумот ҳам берилмаган.

@burgutuzb

Балашихада портлаш оқибатида генерал-лейтенант Ярослав Москалик ҳалок бўлди

Автомобилга ўрнатилган портловчи қурилма ҳаракатга келтирилиши оқибатида РФ қуролли кучлари бош штаби бош оператив бошқармаси бошлиғи ўринбосари Ярослав Москалик ҳалок бўлди.

Бу Украинадаги кенг кўламли уруш бошидан буён ҳалок бўлган учинчи россиялик генерал-лейтенант бўлди.

@burgutuzb

Дубайда ўзбекистонликларнинг оммавий жанжали сабаб БААга визасиз режим бекор қилиниши мумкин

ТИВ маълумотига кўра, Ўзбекистон фуқаролари Дубайда ўзаро жанжаллашган ва бу оммавий можарога айланиб кетган. Воқеа натижасида бир киши ҳалок бўлган. Дубай томони, бу каби ҳолатлар Ўзбекистон билан визасиз режимга таъсир қилиши мумкинлигини таъкидлаган.

@burgutuzb

🥊Oqtepa Lavash'да 1+1 акцияси доирасида сетлар жанги!🥊

😱Биринчи жанг: ХАГГИ ВРАПМАСТЕРга қарши.
Биттасини буюртма қилинг — иккинчисини совғага олинг!

Гўштми ёки Товуқ?
😅 Фикрлар иккига бўлинди, биз эса тез ғолибни аниқлашимиз керак!
🥩Қизил бурчакда — мол гўшти: мазали, тўйимли гўшт мумтоз таъмларни хуш кўрадиганлар учун.
🍗Қарама қарши бурчакда — товуқ: енгил, қарсилдоқ, "бироз енгилроқ" таомни танлайдиганлар учун.

📲 Ўз тарафингизни танланг!
Ёқтирганингизни буюртма қилинг!

Татиб кўришга ва ўз жангчингизни таъм билан қўллаб-қувватлашга улгуринг!

🚀Етказиб бериш
☎️78 150 00 30
реклама

Шунчаки даҳшат

Ўзбекистондаги одамхўр қотиллар ҳақида. +18 видео

@burgutuzb

Йўлдаги яна бир потенциал террорчи

Светофорнинг қизил чироғида ҳам тўхтамаган KIA пиёдани уриб юборай деди

@burgutuzb

Эронда ота 18 ёшли қизини гўзаллик салонида ишлаётгани сабаб пичоқлаб ўлдирди

Қиз отасининг муносабатидан қўрқиб, аёллар гўзаллик салонида яширинча ишлаган. Аммо, ота бундан хабар топиб, одамлар кўз ўнгида қизини ўлдирган.

@burgutuzb

Энди кредитни уйма-уй юриб, карнай-сурнай чалиб тарқатишмоқда

@burgutuzb

Кўчадаги любой муаммони ҳал қиберадиган «кўчинский» братлар ҳам, «оподода»сиям правани олиб бера олмайди

@burgutuzb

Дунёнинг энг тез электромобилини Тошкентга олиб келишибди

Ва уни Тошкент кўчаларида, 60 км/с тезлик чегараси қўйилган йўлда 100 км/с (машина 2 сонияда 100га чиқишини ҳисобга олсак, тезлик 150 км/с.дан ҳам ошган бўлиши мумкин) тезликда ҳайдаб кўришибди.

@burgutuzb

Бу давлатнинг пиёдалар ўтиш йўлаги кундан-кунга хавфлилашиб бормоқда

Воқеа Самарқандда, 11 апрел куни содир бўлган. 28 ёшли ҳайдовчи «Лаcетти»да «Нурли йўл» маҳалласи ҳудудидан ўтувчи Рудакий кўчасида пиёдалар ўтиш йўлагидан йўлни кесиб ўтаётган 10га яқин пиёдани катта тезликда уриб кетган. Даҳшат!

@burgutuzb

Наманганда оилавий боғча тарбиячиси 1,5 ёш боланинг оёғини куйдириб қўйгани айтилмоқда

Қизалоқнинг онасига кўра, ҳолат Поп тумани Санг қишлоғидаги оилавий боғчалардан бирида 23 апрел куни юз берган. Она фарзандининг оёғи куйгани, бироқ унга биринчи ёрдам қилинмай, 3-4 соат қаровсиз ушлаб турилганини таъкидламоқда.

@burgutuzb

Истанбулда ўзбекистонлик фуқаро зилзиладан қўрқиб, вафот этди

Туркиядаги бош консулхонанинг маълум қилишича, марҳумда юрак етишмовчилиги ҳолати кузатилган.

Эслатиб ўтамиз, 23 апрель куни маҳаллий вақт билан соат 12:49 да Силиври тумани (Истанбул вилояти)да 6,2 баллли ер қимирлаши қайд этилганди.

@burgutuzb

«Танзиландия» боғчасининг лицензияси бекор қилинди. Апелляция шикояти эса қаноатлантирилмади

19 март куни суднинг ҳал қилув қарори билан «YUKSALISH CONSTRUCTION» хусусий боғчаси 2019 йил 27 декабрь кунидаги МТ-1104-сон лицензияси бекор қилинди. Суднинг қароридан норози бўлиб, жавобгар «YUKSALISH CONSTRUCTION» хусусий боғчаси иқтисодий ишлар бўйича Тошкент шаҳар судига апелляция шикояти киритилди. 23 апрель куни Тошкент шаҳар судида жавобгар «YUKSALISH CONSTRUCTION» нинг апелляция шикояти қаноатлантиришни рад этди ва биринчи инстанция ҳал қилув қарорини ўз кучида қолдирди.

Очиқ маълумотларга кўра, «YUKSALISH CONSTRUCTION» хусусий боғчасининг 66 фоиз улуши Мақсуда Кудбиевага тегишли.

@burgutuzb

Ўзбек Россияда ўзбекни чув туширди

Россияда икки ўзбекистонлик полиция қиёфасида курьердан пул ундирди. Жабрланувчи ҳам Ўзбекистон фуқароси бўлган. Курьер уларга 100 минг рубл (тахминан 15,5 миллион сўм) берган. Ўзбекистонлик икки фуқарога нисбатан жиноий иш очилган.

@burgutuzb

Кичик ҳалқа йўлининг Жанубий вокзалдан Чилонзор метросига кетиш қисмида йўлни сув босди

@burgutuzb

Энди машинани пул эвазига уйда расмийлаштириш ҳам мумкин

Хизмат унинг муддатига қараб нархланади. Буюртма бўйича ЙҲХБ ходими айтилган манзилган бориб автомобилни расмийлаштириб беради.

1 кун ичида бориш — 4 БҲМ (1 500 000 сўм)
3 кун ичида бориш — 3 БҲМ (1 125 000 сўм)
5 кун ичида бориш — 2 БҲМ (750 000 сўм)

Бу нарх ЙҲХБ идорасидан 10 км.гача бўлган узоқликка қадар амал қилади. Ҳар бир қўшимча км учун 18 750 сўм (БҲМнинг 5 фоизи) тўлов қилинади.

Давлат рўйхатидан ўтиш, рақам олиш (жами 4,2 млн сўм) учун тўловлар алоҳида олинади.

Ҳозирча бу хизмат тури синов тариқасида фақат Файзободда ишламоқда.

@burgutuzb

Андижон вилояти ҳокимлиги телеграм канали

@burgutuzb

Москва Бош майдонига ўзбекча ҳам ёзилса, кейин ўйлаб кўришимиз мумкин

Ўзбекистонга келган Россия Ташқи ишлар вазири Сергей Лавров Самарқанд шаҳридаги «Мотамсаро она» ҳайкали пойига гул қўйиш чоғида у ерда ёзилган гаплар рус тилида ҳам келтирилмаганини айтиб, норози бўлганди. Олий Мажлис Қонунчилик палатаси депутати Одилжон Тожиев ҳолатга муносабат билдирди.

«Ўзбек халқи тилни мажбурият эмас, имконият деб танлайди. Хориж тилини сунъий тарғиб қилиш муҳаббат эмас, қарши муносабат уйғотади. Қолаверса, ҳурмат талаб қилинмайди — у сингади.

P.S. Москва Бош майдонига ўзбекча ҳам ёзилса, кейин ўйлаб кўришимиз мумкин».

@burgutuzb

Аттестацияда ҳам таниш-билишчиликми?

Тармоқларда тарқалган хабарларда ёзилишича, «айни пайтларда мактаб ўқитувчиларининг малака тоифалари учун ўтказилаётган аттестация жараёнида турли қийинчиликлар ҳам бўлаётгани, Х вариантлар таниш-билишларга берилаётгани айтилмоқда»

@burgutuzb

Гулнора Каримова ноқонуний ўзлаштирган Швейцариядаги маблағлардан 95 млн доллари Ўзбекистонга қайтарилган

Иқтисодиёт ва молия вазири ўринбосари Отабек Фозилкаримовга кўра, мусодара қилинган жами 131 млн долларни Ўзбекистонга қайтариш бўйича келишувга эришилган. Айни пайтгача мамкалатга келиб тушган 87 млн долларлик маблағлар соғлиқни сақлаш ва таълимга сарфланмоқда (ҳар бир соҳага 43,5 млн доллардан).

@burgutuzb

Қашқадарёда 14 ёшли ўсмир бошқарувидаги Gentra ЙТҲга учради. Қурбонлар бор

Отасининг машинасини унинг рухсатисиз кўчага ҳайдаб чиққан мактаб ўқувчиси бошқарувни йўқотиб, йўл четида тўхтаб турган юк машинасига урилган. ЙТҲ оқибатида 2 ўсмир воқеа жойида вафот этган. 3 ўсмир шифохонада.

@burgutuzb

Тошкент тиббиёт академияси, Тошкент педиатрия тиббиёт институти ва Тошкент давлат стоматология институти негизида Тошкент давлат тиббиёт университети ташкил этилади — Президент қарори.

@burgutuzb

Хитой Ойда АЭС қурмоқчи

Келажакда ХХР Халқаро Ой тадқиқот станцияси лойиҳасига 5 мингга яқин чет эллик тадқиқотчиларни жалб этиш ниятида.

@burgutuzb

Шерзодхон Қудратхўжа Лавров каби айримларга яхши жавоб берибди.

@burgutuzb

Италия бош вазирининг Ўзбекистонга ташрифи қолдирилди

Италия бош вазири Жоржа Мелони Рим папаси Францискнинг вафоти муносабати билан Ўзбекистон ва Қозоғистонга ташрифини кейинга қолдирди.

Бош вазир идорасининг аниқлик киритишича, 25−27 апрель кунларига режалаштирилган сафар кейинги ҳафталарга кўчирилган.

@burgutuzb

Истанбулда 6,2 магнитудали зилзила содир бўлди

@burgutuzb

Россия ташқи ишлар вазири Сергей Лавров Самарқанддаги Мотамсаро она ҳайкали пойига нега рус тилида ёзилмаган деб сўрабди...

Босқинчи давлат вакили келиб, русларига умуман алоқаси йўқ ҳайкал тагига нега рус тилида ёзилмаган деган саволни берибди. «Сенга нима?» десангда...🤬🤬🤬🤬

@burgutuzb

Қамчиқ довонида қор ёғмоқда

Довонда ҳаракатланмоқчи бўлган танишларга юбориб қўямиз. Йўлларда эҳтиёт бўламиз.

@burgutuzb

Тармоқда Гулнора Каримова қамоқдан озод этилгани ҳақида хабарлар тарқалди.

Олий суд матбуот котиби Азиз Обидов Гулнора Каримованинг озодликка чиққани ҳақидаги хабарлар асоссиз ва ҳақиқатга тўғри келмаслигини маълум қилди.

@burgutuzb

Иқтисодиёт ва молия вазирлигига ишонадиган бўлсак, Тошкентда 1 кг мол гўштининг максимал улгуржи нархи 70 минг сўм экан.

Қизиқ, қаерда шунақа нархда гўшт бор экан, олардик...

@burgutuzb

Актуал мавзулардан бири

@burgutuzb

UzAutoMotors компанияси сотилади

Давлат иштирокидаги йирик корхоналарни халқаро бозорларда хусусийлаштириш тўғрисида Президент қарори қабул қилинди. Унга кўра, 29 та давлат иштирокидаги йирик корхона устав капиталидаги акциялар пакети оммавий савдоларга чиқарилади.

Масалан, UzAutoMotors, UMS, Uzbekistan GTL, Uzbekinvest, Узметкомбинат, Навоийазот, Технопарк, иссиқлик электр станциялари шулар жумласидан.

Шунингдек, қарор билан 12 та давлат иштирокидаги йирик корхона устав капиталидаги акциялар пакетининг халқаро ва маҳаллий фонд бозорларида бирламчи (ИПО) ёки иккиламчи (СПО) оммавий таклифи ўтказилади.

Масалан, Навоий КМК, Олмалиқ КМК, Uzbekistan Airways, Навоийуран, Uzbektelecom, Uztransgaz шулар жумласидан.

@burgutuzb

Бухорода ЙПХ ходимлари йўлнинг белгиланмаган жойида велосипед ҳайдаб кетаётган 81 ёшли отахонни тўхтатишди ва унга жилетка совға қилиб, йўлнинг хавфсиз қисмидан кузатиб қўйишди.

@burgutuzb

Ҳар баҳорда шу бўлар такрор

Ҳар доимгидек, Мирзо Улуғбек тумани Зиёлилар кўчасини яна кавлаш бошланибди. Негадир ҳар йили айнан шу кўчадан ўтган иссиқ сув қувурлари жойи қазилади, таъмирланади. Бу анъанага ҳам айланиб қолди шекилли. IT-Park дан олинган фото.

@burgutuzb

Юз кишидан ортиқ одамни тўйига таклиф қилганлар жаримага тортилади

Парламентдаги манбаларга кўра, 100 нафардан ортиқ киши иштирок этган тўй ўтказган шахсга ва ресторан эгаларига катта миқдорда жарима ҳамда такрорланса ундан ҳам оғир жазолар белгиланиши кутилмоқда.

Бундан ташқари, камчиқим тўй қилганларни рағбатлантириш ҳам назарда тутилган.

@burgutuzb

Ўз-ўзини банд қилган шахслар «маклер»лик қилиши мумкин бўлади

Якка тартибдаги тадбиркор ва ўзини ўзи банд қилган шахсларга «кўчмас мулк бўйича агент» сифатида риэлторлик фаолиятини юритишга рухсат бериш назарда тутилмоқда.

@burgutuzb

Навбатдаги уриниш. Тўйлар тартибга солинади

Президентнинг “Коррупцияга қарши курашиш тизимини янада такомиллаштириш бўйича белгиланган устувор вазифалар ижросини самарали ташкил этишга доир чора-тадбирлар тўғрисида”ги фармони билан тасдиқланган ишлаб чиқиладиган норматив-ҳуқуқий ҳужжатлар рўйхатида келтирилишича, жорий йилнинг август ойигача тўйлар, оилавий тантаналар, маъракалар ва маросимлар ўтказилишини тартибга солиш бўйича парламент палаталари кенгашларининг қўшма қарори қабул қилиниши кўзда тутилган.

Бундан ташқари, тўй-ҳашам, маърака ва маросимлардаги исрофгарчиликларнинг олдини олишга қаратилган тарғибот ишлари кучайтирилади.

@burgutuzb

«Ҳокимнинг хизмат машинаси 47 та қоидабузарлик содир этган» – ЙҲХБ Наманган шаҳар ҳокимига жавоб қайтарди

Наманган вилояти ИИБ ЙҲХБ бошлиғи Мансур Газиев Наманган шаҳар ҳокими Анвар Отахўжаевнинг ноқонуний ўрнатилган радарларни олиб ташлаш ҳақидаги хатига жавоб қайтарди. Жавоб хатида Наманган шаҳар, Давлатобод ва Янги Наманган туманлари ҳокимликлари тасарруфидаги машиналар ўнлаб қоидабузарлик содир қилгани, муддати ўтган тўланмаган жарималар борлиги айтилган.

Шаҳар ҳокимлиги матбуот котиби тўланмаган жарималар белгиланган талабларга зид равишда ўрнатилган радарлардан келганини билдирди.

@burgutuzb

Таомномаси ўзбекча бўлмаган «Bon!» ва бошқа кафеларга чора кўрилди

Тошкентда «Bon!» кафеси «Basri Baba» турк ресторани, «CHINA CHUAN CHUAN» хитойча таомлар маркази ва «CAKELAB» қандолат ресторанида таомнома ўзбек тилида эмаслиги аниқланди ва уларга давлат тилидаги таомномалар бўлиши мажбурияти юклатилди.

@burgutuzb

🔥 Миллий ТВда сериаллар янги даражага чиқмоқда

Актёрлик маҳоратига қойил қолмасдан илож йўқ.

@burgutuzb

Кимдир бу мошинюварга бошқа жойларда эркаклар ҳам боласига қарашини, улар ҳам болаларининг тагликларини алмаштириши мумкинлигини тушунтирсин.

Ҳайп қиламан деб тупойликни кўрсатиш ҳам одат бўлиб қолди шекилли.

@burgutuzb

Тошкентдаги кўчалардан бири бир ойда кўпроқ вақтга ёпилмоқда

Мирзо Улуғбек тумани ҳокимлиги хабарига кўра, тумандаги «Ўзбекистон овози» кўчаси 24/7 фаолият кўрсатадиган гастрономик кўчага айланмоқда. Шу муносабат билан 24 апрель соат 7:00 дан бошлаб, 30 майга қадар Ўзбекистон овози кўчасининг Яҳё Ғуломов кўчаси билан кесишмасидан, Шаҳрисабз кўчасига қадар қисми вақтинча автоуловлар ҳаракати учун ёпилади.

@burgutuzb

Туман ММТБ, ФВБ, Экология бўлими бошлиқлари ва божхона инспектори пора билан ушланди

@burgutuzb

Тошкент давлат педагогика университети трансформация қилиниб, Ўзбекистон миллий педагогика университетига айлантирилади.

@burgutuzb

Тошкентнинг 5 туманида 107 та «дом» ва юзлаб ерли хонадонда вақтинча газ бўлмайди

Таъмирлаш ишлари туфайли қуйидаги ҳудудларда таъминот тўхтатилади:

— Яккасарой тумани (11:00 дан 18:00 гача): «Дамариқ» МФЙдаги 12 та кўп қаватли уйда;

— Миробод тумани (11:00 дан 18:00 гача): Нукус кўчасидаги 3 та кўп қаватли уйда;

— Олмазор тумани (10:30 дан 15:00 гача): «Хастимом» ва «Ҳазрати Имом» МФЙларда 275 та ерли хонадонда;

— Шайхонтоҳур тумани (10:30 дан 15:00 гача): «Гулбозор» МФЙдаги 80 та ерли хонадон, 54 та кўп қаватли уйда;

— Юнусобод тумани (10:00 дан 18:00 гача): «Буюк Турон» ва «Посира» МФЙлардаги 150 та ерли хонадон, 34 та кўп қаватли уйда.

@burgutuzb

Агробанк янги бизнес бошлаш истагида бўлган аёлларга зўр таклиф билан чиқмоқда

Ишсиз, лекин тадбиркорлик фаолиятини бошлашни ният қилиб юрган аёллар эндиликда Агробанк тақдим этаётган кредит эвазига ўз фаолиятини бошлашлари мумкин. Банк томонидан амалдагидан 2 фоиз паст ставкада 100 млн сўмгача бериладиган кредит билан аёллар ўзлари режа қилиб юрган исталган турдаги бизнес фаолиятини бошлаши мумкин бўлади.

Бундан ташқари банк ҳудудларда анжир ва хурмо кўчатлари тарқатмоқда. Бу яхши ҳосил олиб, даромад қилиш учун яхши имконият.

@burgutuzb

Ўзбекистон ўсмирлар терма жамоаси бош мураббийи Ислом Исмоилов олдин айтилганидек, Tracker эмас, балки Equinox автомобили совға қилинадиган бўлибди.

@burgutuzb

Фарғонада прокуратура ходими бурун операцияси вақтида вафот этди

Бош прокуратура ҳузуридаги Иқтисодий жиноятларга қарши курашиш департаменти Фарғона вилоят бошқармасининг 33 ёшли ходими хусусий клиникага бурун операцияси учун соппа-соғ кириб ўлик ҳолда чиқди.

Марҳумнинг яқинларига кўра, бемор вафот этгач, шифокорлар воқеа жойидан қочиб кетган.

@burgutuzb

Футбол бўйича ўсмирлар ўртасидаги Осиё кубоги ғолиблари мукофотланди

Жамоа бош мураббийи Исломбек Исмоилов «Ўзбекистон Республикасида хизмат кўрсатган спорт устози» фахрий унвони билан тақдирланган бўлса, барча футболчилар «Келажак бунёдкори» медали билан тақдирланди.

Шунингдек, ўйинларни шарҳлаб борган Отабек Жўраев ва Ориф Толипов ҳам «Шуҳрат» медали билан тақдирланган.

@burgutuzb

Фарғонада эркак тушида аёлининг ўзига нисбатан хиёнат қилганини кўриб, ухлаб ётган хотинини ўлдирди

Қайд этилишича, ушбу воқеа содир бўлган тунда эр-хотин ҳар доимгидек ухлаб ётган. Айнан ўша тунда улар орасида ҳеч қандай келишмовчилик ёки жанжал бўлмаган. Тонгги соат 4:30 да тушида аёлининг хиёнатини кўрган эркак уйғониб кетган. У аввалдан ёстиғи тагида пичоқ олиб ётишни одат қилиб олган.

Эркак уйғонгач, ёстиғи остида турган пичоқни олиб, аёлига 13 марта урган. Ҳаракатлари хато эканини англаган эркак тиббий ёрдамга ўзи мурожаат қилган. Шифокорлар етиб келганда аёлнинг жони аллақачон узилиб бўлган. Маълум қилинишича, судланувчининг бу каби гумонлари ўша куни пайдо бўлмаган. Аввалдан аёли билан асоссиз гумонлар сабаб жанжаллашиб келган.

Уч боланинг отаси бўлган судланувчи Жиноят кодексининг 97-моддаси (қасддан одам ўлдириш) билан 16 йил муддатга озодликдан маҳрум қилинган.

@burgutuzb

Рим папаси Франциск вафот этди

@burgutuzb

Футболчиларга Cobalt, мураббийларга Tracker

Футбол бўйича Ўзбекистон ўсмирлар терма жамоасининг Осиё чемпионатидаги ғалабаси учун президент совғаси сифатида Chevrolet Cobalt, мураббийларга эса Chevrolet Tracker автомобиллари совға қилинади.

@burgutuzb

Фарғонада маст ҳайдовчи танишлари билан ЙПХ ходимига ташлангани маълум бўлди

@burgutuzb

Тошкентда 10 дан ортиқ машинани уриб кетган Gentra'да бўлган 3 киши қамалди

Гиёҳванд модда истеъмол қилган ҳайдовчи бошқарувида бўлган Gentra'нинг уч йўловчиси майда безорилик ва ички ишлар органлари ходимининг қонуний талабларини бажармасликда айбланди. Суд қарори билан уларнинг ҳар бирига 7 сутка маъмурий қамоқ жазоси тайинланди.

@burgutuzb

Шаҳрисабз тумани, Ғелон қишлоғи. Кеча олинган сурат

@burgutuzb

Ўзбекистон ўсмирлар терма жамоаси Осиё чемпиони!

Улар 9 киши бўлиб қолиб, Саудия Арабистони устидан ғалаба қозонди ва чемпионликни қўлга киритишди.

Қаҳрамонлар!

@burgutuzb

Жисмоний шахсларнинг хориждан товар олиб киришига чекловлар кучайтирилди

Ўзбекистонга самолётда келаётган жисмоний шахслар ҳозирда 2000 долларгача, поездда келаётганлар эса 1000 долларгача қийматдаги товарларни божсиз олиб кириш ҳуқуқига эга. Ҳукумат қарори билан, 1 майдан бошлаб бу лимит мос равишда 1000 доллар ва 500 долларгача пасайтириладиган бўлди.

@burgutuzb

«Уйингизга ташлаб қўяман десам, сиз мени уйимга ташлаб қўядиган ҳолатда экансизку»😂

Видеони охиригача кўрамиз. Айтишларича, «Миллий ТВ»да чиқадиган янги сериал экан.

@burgutuzb

«Уйингизга ташлаб қўяман десам, сиз мени уйимга ташлаб қўядиган ҳолатда экансизку»😂

Видеони охиригача кўрамиз. Айтишларича, «Миллий ТВ»да чиқадиган янги сериал экан.

@burgutuzb

Тошкентда Gentra ЙПХдан қочиб, ўнлаб машиналарни уриб кетди

Маълум бўлишича, машинани бошқарган аёл наркотик модда таъсирида бўлган. У қўлга олиниб, ҳолат юзасидан жиноят иши қўзғатилди.

@burgutuzb

Ўзбекистонда Burger King фаст-фуд тармоғи очилади

Дунёга машҳур бренд Ўзбекистонда франшиза очишга лицензия олган. Тез орада унинг илк филиаллари фаолиятини бошлаши кутилмоқда.

@burgutuzb

Қизалоқ пиццадан миньон образини ясамоқчи эди, аммо нимадир ўхшамай қолди

Пицца тайёр бўлгач, субстанция фильмидаги образга ўхшаш ўта беўхшов бўлиб қолди. Натижа ўхшамаганидан қизалоқ йиғлаган. Онанинг ушбу пости қандайдир бир сутка ичида салкам 3 млн марта кўрилди.

@burgutuzb

Тошкентда фуқаро ўйинчоқ тўппончалар ёрдамида банкни ўмаришга уринди

@burgutuzb

Қозоғистондаги тиктокер ҳоким

Олма-ота вилояти Талғар шаҳрининг ҳокими аҳоли мурожаатлари билан шундай ишлар экан. У ҳар битта саволга жавоб бериб ўтиради.

@burgutuzb

Ўзбекистонда шакар учун акциз тўлови бекор қилинади. Қуруқ сут импортига қўйилган чекловлар ҳам олиб ташланади

@burgutuzb

LiXiang, Deepal, AITO ва Leapmotor каби брендларнинг электрда юрадиган, лекин гибрид автомобиллари учун божхона тўловлари нархи кескин оширилади

Ўзбекистонда «кенгайтирилган диапазонли электромобиль» (EREV) деб аталувчи, ички ёнув двигатели ҳамда электродвигателга эга, лекин фақат токда ҳаракатланадиган автоуловлар (масалан, LiXiang, Deepal, AITO ва ҳкз брендлар) учун алоҳида ташқи иқтисодий фаолият товар номенклатураси (ТИФ ТН)да аниқ код белгиланиши кутилмоқда.

Бу дегани келгусида бу автомобиллар электромобил каби божхонадан ўтказилмайди ва алоҳида код эвазига худди гибрид моделлар каби нархда «растаможка» қилинади.

Бугунги кунгача ушбу моделлар фақат электр моторда ҳаракатлангани учун, электромобиллар билан бир хил қийматда божхона тўловларини тўларди. Келгусида янги код билан ушбу моделлар учун бензинда ҳаракатланадиган гибрид автомобиллардек божхона тўловини тўлашга тўғри келади. Натижада, ушбу автомобилларнинг Ўзбекистондаги нархи кескин кўтарилади.

@burgutuzb

Италияда дор йўли кабинаси жарликка қулаб тушди: 4 киши ҳалок бўлди

Неапол яқинидаги Фаито тоғидаги фожиага занжирнинг узилиши сабаб бўлгани айтилмоқда. Қурбонлар орасида Британия фуқаролари, исроиллик ва италиялик ҳайдовчи бор.

Қўшни кабинада бўлган 9 киши муваффақиятли эвакуация қилинди, деб хабар беради ANSA.

@burgutuzb

Ёнимиздагилар

Қирғизистон фуқаролари 10 йилгача АҚШ визасини олишади.

@burgutuzb

Тошкентда Tesla ёқиб юборилди

Мирзо Улуғбек тумани, Яланғоч даҳасидаги кўп қаватли уйлар ёнида турган Tesla электромобили номаълум шахс томонидан қасддан ёқиб юборилган. Кузатув камерасига тушиб қолган тасвирлардан кўриш мумкинки, шахс ўзи билан олиб келган суюқликни машина устига сепган ва шундан сўнг унга ўт қўйган.

@burgutuzb

🔞 +18
Қозоғистонда поезд рельс орасидан ўтмоқчи бўлган аёлни босиб ўтиб кетди

@burgutuzb

Сирдарёдаги раҳбарлар диктантдан қониқарсиз баҳо олди

Сирдарё вилоятида давлат идоралари раҳбарлари ўртасида ўтказилган ўзбек тилидаги диктант натижаларида салбий ҳолатлар қайд этилди. Жумладан, Соғлиқни сақлаш, «Ҳудудий электр тармоқлари», «Ўзтелеком» ва «Ўзбекистон почтаси» раҳбарларининг кўпчилиги имтиҳондан қониқарсиз баҳо олди.

@burgutuzb

АҚШ БМТда Россиянинг Украинага қилаётган босқинини қораловчи резолюцияга қарши овоз берди

Ҳужжатни Россия, Беларусь, Мали, Конго Демократик Республикаси, Никарагуа, Нигер, Судан ва Эритрея ҳам қўллаб-қувватламаган. Ўзбекистон вакили овоз бериш жараёнида иштирок этмаган.

@burgutuzb

Санэпидқўмита юқумли Қрим-Конго геморрагик иситма касаллиги тарқатувчиси «уйғонганини» айтиб, огоҳликка чақирди

Бу касалликни юқтириб олмаслик учун қуйидаги қоидаларга амал қилиш талаб этилади:

➖ Чорва моллари танасидаги каналарни қўллар билан териб олмаслик;
Уларни ўлдирмаслик;
➖ Агар чорвада каналар бор бўлса ҳудуддаги ветеринария ходимларини чақириб, каналардан тозалаш чораларини кўриш;
➖ Кана чаққан тақдирда тиббиёт ходимларига мурожаат қилиш.

@burgutuzb

Хоразмда 7-синф ўқувчиси бўлган 14 ёшли қиз тунги клубда стриприз раққосacи бўлиб ишлаётгани аниқланди.

@burgutuzb

15 июндан Afrosiyob тезюрар поездлари жадвалига ўзгартиришлар киритилади.

@burgutuzb

Эспрессони ҳам экспрессо қилиб юборишибди охири

@burgutuzb

Мирзо Улуғбек тумани. Бўз бозор

@burgutuzb

Тармоқда Ситора исмли фойдаланувчининг мурожаати тарқалди

Унда айтилишича, турмуш ўртоғи ва қайнонаси Ситорадан уч нафар болани тортиб олган ва уларни кўрсатмасдан қочиб юрибди. Аёлнинг тегишли жойларга мурожаат қилишига қарамасдан уринишлари самара бермаган. Эри уни доимий равишда калтаклаб келган ва турли хил туҳматлар билан ҳақорат қилиб келган. Аёлнинг болаларини қайтариб олиш бўйича шикояти юзасидан суд қолдириб келинмоқда.

@burgutuzb

Bloomberg Ўзбекистонда солиқ тўловчи сифатида рўйхатдан ўтибди

Бу орқали Ўзбекистонда солиқ тўлаётган дунёнинг гигант компаниялари сони 69тага етибди.

@burgutuzb

Тошкентда қарийб 6 млрд сўмлик газдан ноқонуний фойдаланган цех аниқланди

Маълум бўлишича, «Спутник-3» мавзесида жойлашган металл эритиш цехи газ таъминоти корхонаси билан шартнома тузмасдан, пломбага қасддан шикаст етказиб, 5 млрд 775 млн сўмлик табиий газдан ноқонуний фойдаланган.

@burgutuzb

Олимлар Ердан 124 ёруғлик йили масофада жойлашган океанли сайёрада ҳаёт белгиларига дуч келишди

Гап K2-18b деб номланган сайёра ҳақида кетмоқда. У Арслон буржидаги қизил карлик атрофида айланади ва Ердан икки баравар катта. У ердаги бир йил ҳам атиги 33 кун давом этади. Олимлар сайёра атмосферасида аниқлаган бирикмалар Ерда фақат фитопланктон каби тирик организмлар томонидан ишлаб чиқарилади.

@burgutuzb

Амир Темур маҳалла йўлида, Трюфел кафе яқинида бир нечта машиналар иштирокида ЙТҲ содир бўлибди.

@burgutuzb

Универсал глор

Лекин кеча барибир «Арсенал» ғалаба қозонди.

Бу суратни кимга юборишни биласиз.

@burgutuzb

ЙПХ ходими машинасида тўхтаб турган блогер Ҳуснорани жуда қўпол сўзлар билан ҳақорат қилибди. У нега бундай қилганини аниқламоқчи бўлганида ППХ ходимлари ЙПХ ходимининг айбини яширишга уринган.

@burgutuzb

Ўзбекистонда мопед ва скутер ҳайдовчилари учун гувоҳнома талаб қилиш муддати 2025 йил 1 октябрга қадар узайтирилди.

@burgutuzb

Тошкент шаҳрида «Андижон музқаймоқ»ларига рейд уюштирилиб, улар канализация қудуқларига тўкиб ташланибди

Нега айнан канализация қудуқларига ташланганига аниқлик киритилмаган.

@burgutuzb

Бухорода 3-синф ўқувчиси бўлган қиз мактабдаги қудуққа тушиб кетиб, вафот этди

15 апрель куни Олот туман «Наврўз» МФЙда яшаган, 28-мактабнинг 3-синф ўқувчиси Л.Ж. мактабга қўшни хонадон ҳовлисида жойлашган эски қудуққа эҳтиётсизлик оқибатида тушиб кетган. Оқибатда, қизалоқ вафот этган. Қиз тушиб кетган вақтида қутқаришга уринган мактаб қоровули Р.Ф. ҳам мазкур қудуққа тушиб кетиши натижасида аҳволи оғирлашиб, туман шифохонасига ётқизилган.

@burgutuzb

Энди ўзингиз учун қурадиган 1-2 қаватли ҳовли уйлар қурилиши бўйича хусусий сектор назорати ўрнатилади

1 июлдан бошлаб баландлиги 2 қаватдан, умумий майдони 500 квадрат метрдан ошмайдиган якка тартибдаги уй-жойлар ва кичик ҳажмдаги нотурар бино-иншоотларни қуриш ва реконструкция қилиш ишлари хусусий сектор назоратига топширилади. Хусусий қурилиш назорати олиб борилмаганда ёки назоратни олиб борган лойиҳачининг ижобий хулосаси мавжуд бўлмаганда, объект фойдаланишга қабул қилинмайди.

@burgutuzb