■ 2442 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز دوشنبه 8 اردیبهشت ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهد تمدن گۆنده‌لیگی‌نین ۲۴۴۲. سایێنداکی تۆرکجه صفحه‌

«مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چیخیر.

@SancaqDergisi
@MuncuqAz

🌐 https://www.instagram.com/sancaq2
🌐 https://instagram.com/asanews.ir

⭕️وطن عسگری
✍️یازان: #لیلا_محمدنژاد

- هِی! هی!
آت اۆستونده، نفسی گؤیده دوْندو. ساری تئلی، آی ایشیغی‌نین آلتیندا دالا گئدیب، بؤیۆک آلنی گؤرۆشدۆ. بؤرکۆن باشیندا بَرکیدیب، گؤی گؤزۆن یوْلا دیکدی. شهادت بارماغینان، ماشاسین دۆشمنه سارێ، خلاص ائتدی.
دوْستو کی، چیڲین ‌به ‌چیڲین تئللی‌نن آت سۆروردو، دئدی:
- ساغول سنی تئللی! دۆز آلنینا دَگدی.
تئللی بیرده دۆم قره آتین هِی‌له‌دی.
- حواسین دۆشمنده اوْلسون. چوْخ دیری باشدیلار. روس‌لار آمان وئرن دڲیللر. دینسیز، ایمانسیزدیلار.
تئللی قارتال کیمین گؤزلرین تیکدی کۆچه‌نین آخێرینداکی آغاجلارا.
- تئللی! فیشنگین وار؟!
- هه! دۆنن گئجه، فیشنگین بوْش قابی الیمه چاتدی! هامێسین کۆکوردنن دوْلدوردوم.
ـ لاپ دا یاخچی.
- یاواش دانیش. فیکرین چاشماسین. ایندی روس‌لار بیزیم یوْلوموزو گؤزله‌ییرلر.

بیر نئچه روس‌ اوْتای، بو تایدا آغاج دالیندا، گیزلنمیشدیلر. تئللی، تئز دایانیب، دوْستونا دئدی:
- ائله‌ بیل آغاج دالیندا بیری وار. وێریشمالی‌ییق.
سیلاحین حاضیریلاریردی کی، بیردن گۆلله سسی قوْوزاندی. دوْستونون اۆزوندن قان پاریلدادی.
اوْنون آتی کیشنه‌دی و قار باسمیش سهند داغینا سارێ چاپدی. تئللی‌نین اۆره‌ڲی چیرپیندی. ایسته‌دی اوجادان هارای سالسین:
- جیران! جیران! قیزبس آنانون یوْلونو گؤزله‌‌ییر. قاییت گَل.
الین آتدی آغزینا. سسین بوْغدو. گۆلله‌نی وێردی روس سربازی‌نین، اۆره‌ڲینه.
- لعنت اوْلموشلار! سیزی وطنیمدن چیخارتمامیش اؤلمیه‌جَـڲم. بو خینا، اوْ خینالاردان دڲیل.

گؤزۆ یاشلا دوْلدو. دۆنن گئجه یادینا دۆشدو. فنار ایشیغیندا، آناسی گؤزۆن تیکدی، جان جییاری‌نین گؤزۆنه، تاپشیردی:
- شن شؤهرتیم! هئچ یئرده تک قالما. دۆشمن الینه دۆشمه! اؤلۆم اوْندان راحات اوْلار.
اۆره‌ڲینده دئدی: «آنا! من دۆشمنه اۆز دؤنرمه‌رم. اۆز – اۆزه گرک اؤلم.
تئز – تئز تیر آتدێ. الین آتدێ تیر گؤتۆره، بیردن الی بوْشا چاتدی.

بیر آن ایستی قان اۆره‌ڲیندن سوْزولدو. قان‌تَرین ایچینده، آتین هِی‌له‌دی. قره‌ آت قێرغی سایاغی، اوچوب دۆشمن آراسیندان اؤز یوْلون تاپدی. اوْ تبریزین «امیرخیز – امیره قیز» محلّه‌سینده، ستارخانین امن ائوین تانیییردی. اؤزۆن اؤرا یئتیردی.
سیلاح یوْلداشلاری، یان – دوره‌سین دوْلدوردیلار. ایسته‌دیلر اوْنا کؤمکچی اوْلسونلار. هر کیم یاخینلاشدی، تئللی قێشقیردی:
- منه الینیز دَڲمه‌سین.

قلبی تئز – تئز چیرپینیردی. یاواش – یاواش رنگی سوْلدو، دوْداق‌لاری ساپ‌ساری اوْلدو. آنجاق هله بیرکس، اجازه تاپمادی یارا اۆستونه مرهم قوْیسون.
سوْیوق گئجه، سحره یاخینلاشیردی کی، سردار ملی، تئللی‌نین باشی اۆسته گلدی:
- نه ‌اوْلوب؟ بوردا نه خبر وار؟!
جمع ایچیندن بیر نفر دئدی:
- بو جاوانین سینه‌سینه تیر دَڲیب، آنجاق اجازه وئرمیر داوا – درمان اوْلسون.
ستارخان، آستا – آستا جاوانین باشی اۆسته گئدیب، دئدی:
- بورانی خلوت ائدین. آی اللّه بنده‌سی! سنه نه اوْلوب اوْغلوم!
نفسی درین قویودان چیخان تئللی، چاتلامیش دوْداغین ترپه‌دیب، دئدی:
- ‌اوْغلان‌ دڲیلم!‌ ائل‌ بالاسی‌، ائل‌ قیزی‌یام‌ من‌.
ستارخانین رنگی سوْلوب، تیترَک دئدی:
دئه گؤرۆم آدین نه‌دیر؟! من کی، هله اؤلمه‌میشم، سن نییه دؤڲۆشه گلدین؟!
گؤزۆ آخیندی، آستاجا دئدی:
- تئللی زری‌ام. آنامین آسلان بالاسی، آسلانین دا أرکڲی – دیشی‌سی اوْلماز، من وطن عسگری‌ام.

#سون

@SancaqDergisi
https://t.me/Sancaq_media/7317

■ 2441 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز یکشنبه 7 اردیبهشت ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۴۱. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

@SancaqDergisi
@MuncuqAz

⭕️توْرپاق
✍️کؤچۆرن: #تانسو_خیاوی

بیر منطقه واردێ یئر اۆزونده! لاله‌لی، جیرانلێ، تۇراجلێ* دۆزلری، یاماجلێ* داغلارێ، دورنا‌گؤزلۆ بولاق‌لارێ، مارال‌لارێ، مئشه‌لری باخانێ حِیران قوْیوردو. ایلخێ – ایلخێ* آت‌لارێ، سۆرو – سۆرو قوْیون‌لارێ سایا گلمزدی اوْنلارێن. اؤز حلال زحمتلری ایله أکر، بیچَر، یاشایێردیلار بو دنیادا. کیمسه‌نین وارێندا، دؤلتینده گؤزلری اوْلمازدێ بو طایفانێن. دلی‌قانلێ* ایگیدلری آت بئلینده قوش کیمی اوْخور، قێلینج اوْیناداردێلار.

بو منطقه، آغ‌ساچلێ بیر عقللی انسانێ باشچێ سئچمیشدی اؤزۆنه. آدێنا بؤیۆك آتا دئییردی هامێ. بیر سؤزۆنو ایکی ائدن اوْلمازدێ دنیا داغێلسایدی. حؤرمتی حؤرمت، احترامێ احترام ایدی بؤیۆك آتانێن. قان – قادا ایله ایشی اوْلمازدێ اوْنون.

«دعوانێزی داغلا – داشلا ائدین، ایگیدلریم! قایا یارێن، یوْل چکین داغلارا، صحرالارا سو چێخارین. قان آخێتمایێن، تَـر آخێدین جانێنیزدان. ایشینیز اوْندا یۆنگول اوْلار، تَـرینیز سۆنبول اوْلار.» - دییردی همیشه.

قوْجالار دا، جوانلار دا همیشه سێرغا ائدردی قولاق‌لارێندا بو عقللی بؤیۆك آتانێن سؤزلرینی. اوزاق – اوزاق اؤلکه‌لردن گلن غارتچی‌لرین گؤزلری گؤتۆرمزدی بو بوْللوغو. همیشه ده بۇرون‌لارێ أزیلردی اوْنلارێن.
بیر ساواش قوربان‌سیز اوْلمازدێ. نئچه آنانێن سینه‌سی داغلێ، نئچه سئوگی‌نین گؤزۆ یاشلێ قالاردێ دعوادان سوْنرا. هامێدان دا چوْخ بؤیۆك آتا یاناردێ، یاخێلاردی اؤز ایگیدلری اۆچون.

بیر گۆن دشمن یئنه کسدیردی قاپێنی، اؤز پیس نیّتی ایله! منطقه‌نین دلی‌قانلێ ایگیدلری سیلاحا سارێلیب، آتێلدیلار آت اۆستونه...
بؤیۆك آتا دئدی:
- صبر ائدین گؤرك، ایگیدلریم!
ایگیدلر صبر ائدیب دایاندێلار. دشمن ائلچی‌لری گلیب چێخدێلار. خَراج ایسته‌دیلر بؤیۆك آتادان. بؤیۆك آتا قێزیرقالانمادێ، بیر کیسه قێزیل وئردی اوْنلارا، ائلین وارێندان. هامێ سئویندی کی، خطا سوْووشدو. سحر تئزدن ائلچی‌لر یئنی‌دن گؤرۆندولر. بؤیۆك آتا دئدی:
- بویورون! ایندی طلبینیز نه‌دیر؟
ائلچی‌لردن بیری دئدی:
- بؤیۆك خاقانێمیز* سیزین شخصی دؤڲۆش آتێنیزی طلب ائدیر.
ایگیدلر چوْخ حیرصلندیلر بو سؤزدن! بؤیۆك آتا ساکتلشدیردی اوْنلارێ:
«وئرین منیم دؤڲۆش آت‌لارێمی اوْنلارا» - دئدی. تکی قان – قادا سوْووشسون بیزدن.
ائلچی‌لر، بؤیۆك آتانێن آتێنی آلێب آپاردێلار.
سَحر اوْلدو. ائلچی‌لر یئنه گلدیلر! بؤیۆك آتا دئدی:
- داها نه ایسته‌یینیز وار؟!
یئنه ائلچی‌لردن بیری:
- بؤیۆك خاقانێمیز سیزین یگانه* اوْغلونوزو اؤزۆنه نؤکر ائتمك ایسته‌ییر.
یئنه دلی‌قانلێ ایگیدلر عصبانی اوْلوب، باغێردیلار:
- بیز جنگ ایسته‌ییریك!
بؤیۆك آتا اوْنلارێ ساکتلشدیریب، دئدی:
- بو ساواشدا اؤله‌جك ایگیدلریمیز منیم بیر اوْغلومدان هیچ ده أسکیك دڲیل.

ائلچی‌لر، بؤیۆك آتانێن اوْغلونو قاباقلارێنا سالێب، قۇل* کیمی آپاردێلار. بؤیۆك آتا سئویندی کی، بونونلا قان – قادا سوْووشوب گئتدی، منطقه‌ده ساکت‌لیک یاراندێ. آنجاق هیچ ده بئله اوْلمادێ. سَحر ائلچی‌لر یئنه بؤیۆك آتانێن قاپێسینی کسدیردیلر!
بؤیۆك آتا اؤزۆنو زوْرلا ساخلاشدێریب، اوجا سس ایله سوْروشدو:
- داها نه ایسته‌ییرسینیز؟!
ائلچی‌لردن بیری دئدی:
- بؤیۆك خاقانێمیز بیر پارچا توْرپاق ایسته‌ییر منطقه‌نیزدن، مَسکن سالماق اۆچون.

هامێ‌نین نظرلری بؤیۆك آتایا دیکلدی. اوْنون گؤزلری غضبدن آلێشیب – یاندێ. آیاغا قالخاراق دئدی:
- هایدێ!* منیم ایگیدلریم! دشمن حدّینی آشدێ! دشمنه وئردیکلریم منه مخصوص ایدی. آنجاق توْرپاق منیم یوْخ، خَلقیندی. دشمنه آمان وئرمه‌یین!

دلی‌قانلێ ایگیدلر بؤیۆك آتانێن بیر کلمه سؤزۆ ایله آتلاندێلار. جنگ باشلاندێ، نه باشلاندێ! قێلینج‌لاردان شیمشك قوْپدو. یئر – گؤڲ دیله گلدی قوْچ ایگیدلرین نعره‌سیندن! آنالار دا، باجێ‌لار دا کیشی پالتارێ گئییب، قێلینج گؤتۆروب، دؤڲۆشه آتلاندێلار. بیرجه گۆنون ایچینده دشمن قوْشونون تار – مار ائتدیلر. منطقه‌دن اؤلن ده اوْلدو، یارالانان دا. یاس ساخلامادێلار اؤلنلره.

بؤیۆك آتا دئدی:
- یاسلا غلبه بیر یئره سێغماز.
منطقه‌ده هامێ شادلێق ائتدی. بؤیۆك آتانێن شرفینه شاعرلر سؤز سؤیله‌دی.
بؤیۆك آتا دئدی:
- أن بؤیۆك ثروت، بیر پارچا توْرپاقدێر، ائلین ثروتی اوْلان بیر پارچا توْرپاق.

وطنین بیر پارچا توْرپاغێنا داستان قوْشدولار اوْ گئجه و مقدّس‌لشدی منطقه‌نین بیر قارێش توْرپاغێ همین گۆندن.

🔻قایناق: nagillar.az

🔶آچیقلامالار:

تۇراج: کَهلیـڲه اوْخشار بیرجۆر قوش آدێ
یاماج: دؤش، تپه
ایلخێ: آت، دَوه سۆروسو
دلی‌قانلێ: بلوغ حدّینه چاتمێش جوان اوْغلان
خاقان: قدیم تۆرک حؤکمدارلارێنا وئریلن آد
یگانه: تک
قۇل: اسیر
هایدێ: عجله ائدین

(چهارشنبه ۳ اردیبهشت ۱۴۰۴ – خیاو شهری)

@MuncuqAz
https://t.me/Sancaq_media/7314

■ 2440 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز شنبه 6 اردیبهشت ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۴۰. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️هفته‌لیک فالینیز
✍حاضیرلایان: #اوْلجای_مرآتی

🔸آزر (یای ، آذر): سیزده اوْلان صبر، هنر، اؤزۆندن گئچمک و یارادێجیلیق، چئورزده اوْلان هر کس، اؤزل‌لیکله عائله‌یه فایدالی اوْلوب. اولادێزین وقتی‌نین بوْشونا هدر اوْلماغا قارشێ اوْلدوغوز اۆچون، اوْنا برنامه‌لرینی دۆزلنمکده یاردێم ائتمک آدێنا، اوْنون ایشلرینه چوْخ قارێشیرسیز، بو ایش اوْنو یوْروب، سیزدن اوزاقلادار. بو قدر نظملی اوْلماق بعضی وقتلر یوْروجو اوْلور، چوْخ وسواس گؤرستمه‌یین و بیرآز دا ایشلره اوْلدوغو کیمی ایره‌لی‌لمک فرصتی وئرین.

🔸چیلله (اوْغلاق، دی): وقتیزی منفعتی اوْلان ایشه صرف ائلیین، بو بوداقدان او بوداغا آتێلمایین و بیر آماجا اوْداقلانێن. اۆزوموزه گلن گۆنلر بیرآز چتین گۆنلر اوْلا بیلر، هر باشلانقێجین بیر سوْنو و هر سلامێن بیر ساغ‌اوْل‌لاشماسێ وار، حیاتێن گئرچک اۆزونو گؤرۆب، قبول ائتمک زوْروندایێق. بئله‌لیکه سوْرونلارێن هامێسینی چؤزمک اوْلار. ساغلاملێغیزی جدی توتساز، اوْبیری ایشلر اؤز- اؤزۆنه دۆزه‌لر. اجتماعی بیر یێغینجاقدا ایشلریزده داها چوْخ سیزه یاردێم ائده بیلن بیری‌لری ایله تانێش اوْلا بیلرسیز. ایش یئرینده کؤنزلیک ائتمه‌ییب، انعطافلی اوْلماغا چالێشین. بیر مدت‌دیر بیر نفر یا بیر عده یاخێنلارێزدان اینجییبسیز، سیزین اینجه و کؤوره‌ک کؤنلۆز او قدر صافدێر کی، بو اینجیک‌لیک ساده‌جه بیر تیلیفون باغلانتێ‌سییلا آرادان گئدر.

🔸دوْندۇران آی (قوْوا، بهمن): اوغورلو انسانلار ایشلرین سرّینی بیلیر و دۆشونجه و فکرداشلێقلا عمل ائلییرلر. سیز ایستکلریزه چاتماق اۆچون چئورزده‌کیلری سێخینتی‌یا سالێرسیز. بو اصلا دۆز ایش دڲیلدیر، اوْنلاری تصمیم توتماقدا اؤزگۆر بوراخمالێسیز. لازم اوْلمایان زادلاری أله گتیرمک اۆچون یئرسیز اؤزۆزو زحمته سالێرسیز. حیات ساندێغیزدان چوْخ قێسادیر، صداقتلی اوْلماق و اوْلومسوز فکرلری باشێزدان آتماق باشاری یوْللارێنی هامارلادار و سیزی مقصده چاتدێرار. ایشلری وقتینده بیتیرمه‌مک امکداشلارێزی اینجیدیر، تکجه مهریبان اوْلماق یئتمز، ایش‌بیرلیڲی باشارماغێز گره‌کیر. ساغلاملێغیزی قوْروماق اۆچون، یئمه‌ڲیزه دقتلی اوْلمالێسیز.

🔸بایرام (بالیقلار، اسفند): اؤز قدریزی بیلمه‌لی و اؤزۆزه آرتێق دڲر وئرمه‌لیسیز. آنجاق بونا دا اخلاقلی اوْلماق گره‌کیر. بیرآز ایلیملی و مهریبان اوْلماقلا چئورزده‌کیلری خطالارێنا اویارماغێن ائتگیسی داها چوْخ اوْلار. بیر نفرین سیزدن بیر ایسته‌ڲی اوْلاجاق، اؤنجه دۆزگون فکرلشین، ایشی هر طرفلی سالێن- چێخین سوْنرا قبول ائلییب- ردّ ائتمه‌ڲینه قرار وئرین. اوزون زماندان بری بیر فکر ذهنیزی قاتێب، و اوْنا چاتماغا رویالار قورورسوز، بو هفته بو رویا گئرچک اوْلا بیلر.


@SancaqDergisi
https://t.me/Sancaq_media/7312

⭕️هفته‌لیک فالینیز
✍حاضیرلایان: #اوْلجای_مرآتی

🔸قۇیرۇق دوْغان (آسلان، مرداد): ندن بو بوْیدا دۆنیانێ اؤزۆزه دارالدێبسیز؟ بو قدر فکر چکیب، غصّه ائتمک نه‌ اۆچوندور؟! بیرآز دا اڲلنجه‌لی اوْلون، دئیین- گۆلون، هئچ بیرزادێن بو قدر فکرلشمڲه ارزشی یوْخدور. بیری ایله آنلاشمازلێق و آرادا سوْیوقلوق اوْلسا، بارێشین. بو هفته ساغلاملێغیزی جدی توتون، هاوالار بیردن بیره ایستی- سوْیوق اوْلور. معنویاتا اۆز گتیرمک، ورزش و یئمکلریزده دقتلی اوْلماق توصیه اوْلونور. هفته‌نین سوْن گۆنلری یاخجێ گۆنلر اوْلا بیلر، کنترلوزو ألدن وئرمه‌یین و ایشلریزی مدیریت ائدین.

🔸زۇمار (باشاق، شهریور): بو قدر مادیاتی اؤنمسه‌میین و مالکیت حسّینی آزالتماغا چالێشین. قاباغا گلن معامله‌یه گؤره اؤنجه دانێشیقلاری دینله‌یین، سوْنرا بیر تصمیم توتون. سئودیڲیز آداما آرتێق وقت قوْیماقلا بو سئوگینی اوْنا اثبات ائدین. عائله‌وی سوْرونلاردا صبرلی اوْلماغێنیز توصیه اوْلونور. یاشادێغیز هر آنێن قدرینی بیلین و عائله، یوْلداشلار و تانێشلارلا یئنی حیات فرصتی تاپدێغیزا شۆکر ائدین. گۆن ایچینده بیر نئچه ساعات اڲلنجه و خوْشلوغا زمان آیێرین، اؤز حقیزی مدافعه ائدین و آرامشه چاتماغا چالێشین. بلکه بو آرامشه معنویات و دعا ائتمکله داها تئزراق چاتا بیلدیز، هله بیر دنه‌یین!

🔸خزل (ترازی، مهر): حیاتێزدا چوْخلو دڲیشیملر اۆز وئره‌جک، روحیه‌زی اوْلوملو مسائله اوْداقلانماقلا گۆجلندیره بیلرسیز. اوزون زماندان بری بئله بیر گۆنلرین گلیب- چاتماسێنی گؤزلۆیوبسوز، ایدی کی بو فرصت ألیزه دۆشوب، اوْنو دڲرلندیرین. بو گۆنلر بیر اوْلایێن اۆز وئرمه‌سی، سیزین حیاتێزین دؤنۆش نقطه‌سی اوْلا بیلر. بو اوْلایی جدی توتون. ایشلریز، یئرلی- یئرینده انجام تاپێر بو سیزین دۆزگون مدیریتیزی اثبات ائدیر. بو گۆنلر عاطفی باخێمدان یئنی و ایلگینج ایشلر اوْلاجاق، دادێنی چێخاردین.

🔸قیروْو (عقرب، آبان): بیر مسافرت طالعیزده گؤرۆنور بو بیر معنوی سفر اوْلا بیلر. اوزاق اقربالارێن بیری ایله گؤزله‌نیلمز بیر گؤرۆشدن چوْخ سئوینه‌جکسیز. تانێییب- تانێمادیغیز هر کسه راحاتلێقلا گۆوه‌نمه‌یین. یوْلداش سئچیمی و یئنی قوْشولدوغوز گروپلارلا اوْلان داورانێشیزدا دقتلی اوْلمالێسیز. سیز هر کسله صمیمی اوْلوب، اؤزل حیاتێزا گتیرمڲه مجبور دڲیلسیز. چوْخدان بیر ایتیڲیز وار ایدی، بو هفته بلکه بو ایتیڲیز تاپێلدی!

#آردی_وار...

@SancaqDergisi
https://t.me/Sancaq_media/7312

⭕️هفته‌لیک فالینیز
✍حاضیرلایان: #اوْلجای_مرآتی

🔸آغلار‌- گۆلر (قوْچ، فروردین): بو هفته آماجلارێزا چاتماق اۆچون مالی یاردێملارا احتیاجێز وار. نگران اوْلمایێن آللاها توکل ائتمکله ایشلر یوْلونا دۆشر. ایش و تحصیلیزده اوْلان گلیشمه و باشاری چوْخ سئویندیریجی و اۆمود وئریجی‌دیر. ایشیزی دڲیشدیرمڲی دۆشونمه‌یین، یاواش- یاواش اوغورلارێز چوْخالێب ایشلریزده قازاناجاقسێز. اؤزل حیاتێزدا اۆز وئرن اوْلایدان دوْلایی بو هفته چوْخ سئوینه‌جکسیز. بو سئوینجی سئودیکلریزله پایلاشا بیلرسیز.

🔸گۆلن‌آی (بۇغا، اردیبهشت): یاشامدا اوْلان اراده‌نیز آلقێشلامالی‌دێر. سئودیڲیز هر ایشی گؤرۆب، ایسته‌دیڲیز هر اوغورو قازانا بیلرسیز، آفرین سیزه. البته دوْغرودان دوْغروسو دا هر ایش بئله یئرلی- یئرینده گؤرۆنمور، بلی، داها دوْغروسو سیز نه ایسته‌دیڲیزی تام اوْلاراق بیلمه‌دیڲیز اۆچون، سۆرکلی بو بوداقدان اوْبیری بوداغا آتێلدیغیز اۆچون، چکدیڲیز زحمتلر و صرف ائتدیڲیز انرژی‌لری زای ائلییه بیلرسیز. بو موردده دقتلی اوْلماغێز توصیه اوْلونور. بو گۆنلر شانس قاپێزی چالدیسا، اؤزۆز قاپێنی اۆزونه آچێن لوطفاً.

🔸قیزاران آی (ائکیزلر، خرداد): هر کسی آنلایێشیلی قارشێلاماغا چالێشین. اؤزل بیر آدامی ائتگی‌لندیرمک ساندێغیز قدر چتین دڲیل، کؤنلۆنده اوْلانی اوْنونلا پایلاشێن. دانێشیغیزدا اوْلان صداقت، هر زاتدان یئترلی‌دیر. ایشلریزی مالی دوروموزا باخاراق قاباغا آپارێن. مسافرت اۆچون یارانان کیچیک فرصتی دڲرلندیرین، یوْخسا بۆگون- صاباح ایشلریز اوْ قدر چوْخ اوْلاجاق کی، باشێزی قاشێماغا دا فرصتیز اوْلمایاجاق. اجتماعی یێغینجاقلاردا اوْلماق روحیه‌زه یاخجی‌دێر. ظاهری گؤرۆنوشوزه آرتێق‌راق فکر وئرین، گۆلومسه‌یین و چئورزده‌کیلره خوْش داورانێن.

🔸قوْرا پیشیرن (یئنگج، تیر): اوْلوب- بیتنه افسوس یئمه‌ڲین هئچ فایداسی یوْخدور. سهولری دۆزلتمک و گئچمیشدن درس آلماق گره‌ک. بیر بوجاغا سێخیلیب، دئپرس اوْلانلارێن اداسێنی چێخارتمایین سیزه هئچ یاراشمێر! ریسک ائتمه‌ڲی بوراخێنب، چئورزده‌کیلرین تجربه‌لریندن فایدالانساز، بلکه بوندان آز پشیمان اوْلارسێز. هفته سوْنونا کیمی ایسته‌دیڲیز نسنه‌نی آلا بیلرسیز. عاطفی باخێمدان گرگین گؤرۆنورسوز، دقت ائدین پیس داورانێشیزلا اوْنو اؤزۆزدن اوزاقلاتمایێن!


#آردی_وار...

@SancaqDergisi
https://t.me/Sancaq_media/7312

⭕️قدیم اوشاق اوْیونلارێ

🟣«یئددی داش اوْیونو»
✍️حاضرلایان: #شبنم_توحیدی

یئددی داش اوْیونو آذربایجاندا یاز قاباغێ (بایرام ‌قاباغێ) گۆنلرینده و بعضاً ده دیگر فصل‌لرده اوشاق و گنجلر آراسێندا گئنیش شکیلده اوْینانێلان قدیم اوْیونلارێندان بیری‌دیر.

***

بو اوْیونو اوْیناماق اۆچون تا قدیمدن یئددی یاستێ داش پارچاسێندان استفاده ائدردیلر. لاکن سوْن زمانلار، داش پارچالارێ‌نین عوضینده یاستێ شۆشه پارچالارێندان استفاده ائدیرلر. بو سببدن ده بو اوْیون بیر چوْخ حاللاردا «یئددی شۆشه» آدلاندێریلیر.

***

🟣اوْیونون قۇرال‌لارێ

بو اوْیوندا اؤنجه 10 اوْیونچو سئچیلیر. بونلار فرقلی یوْللارلا ایکی گروها آیرێلیر. داها سوْنرا داش گتیره‌رک، آددێم آتاراق و یا باشقا جۆر، اوْیونون کیمده اوْلدوغو بیلینیر.
اوْیونون کیمده اوْلدوغو بیلیندیکدن سوْنرا ممکن اوْلدوغو قدَر دۆزگون "یئددی داش" تاپێلیر. بوندان سوْنرا 6-7 متر آددێم، اوزاقدان خطّ چکیلیر. بونلارێن اۆست – اۆست – اۆسته قوْيولا بيلديڲی يئر سئچيلديکدن سوْنرا دا بورا 6-7 متر يئردن خط چکيلر.

اوْيونو آلان طرف، خطّين درحال گئريسينه گله‌رک اۆست – اۆسته دۆزولن داشلارا اللری ايله توْپو آتاراق سالماغا چالێشارلار. ديگر قارشێ طرف اوْيونچولارێ دا، داش دۆشدوکدن سوْنرا، درحال اللرينه کئچيرديکلری توْپو آتان اوْيونچولارا وورماغا و اوْيونو اوْنلاردان آلماغا يؤنه‌لرلر.

اؤرنـڲين اوْيونو آلان طرفدن بير اوْيونچو توْپو آتدێ، داشلارێ سالا بيلمه‌دی! بو دفعه ديگر اوْيونچو تعيين ائدر. اوْ دا سالا بيلمه‌دی! بو دفعه ديگر گئری قالان اۆچ اوْيونچودا عينی توْپو آتاراق، سالا بيلمزلرسه اوْيون داشلارێ گؤزله‌ينلره کئچر. و يا ايلک اوْيونچو توْپو آتدێغی زمان داشلارێ سالدێ دئيک... توْپ، داشلارا دَڲه‌رک اوزاقلاشارکن داشێ سالان طرفين اوْيونچولارێ چوْخ سرعتلی بير شکيلده گله‌رک يێخيلان داشلارێ يئنيدن اۆست – اۆسته دۆزمـڲه چالێشارلار. اڲر داشلارێ دۆزرکن، داشلارێ، گؤزله‌ين اوْيونچولار طرفيندن وورولسالار، اوْ اوْيونچو اوْيون دێشی بوراخێلار.

بو اوْيونچونون اوْيون دێشی ائديلمه‌سيندن سوْنرا، سێرا ديگر اوْيونچولارا گلير. توْپ ايله اوْ اوْيونچولاری دا بير بير وورماغا چالێشارلار. لاکن توْپو آتدێقلاری زمان، توْپ اوْنلارا دَڲمه‌دن اوزاقلاشسا، ديگر اوْيونچولار بو فرصتدن فايدالاناراق، سالێنان داشلارێ يئنی‌دن دۆزمـڲه باشلارلار. اڲر وورولمادان يێخديقلاری داشلارێ تکرار دۆزسه‌لر، اوْيونو قازانمێش اوْلارلار. اوْيون بو شکيلده دوام ائدر.

🔻قایناق: آذربایجان خَلق اوْیونلارێ

(جمعه ۲۹ فروردین ۱۴۰۴ – خیاو شهری)

@MuncuqAz
https://t.me/Sancaq_media/7309

⭕️قره قوْچاق «پَریزاد»
✍️یازار: عیسی غریبی کلیبر

🔷تۆرکجه‌یه چئویرن: #سوسن_نواده‌رضی

✏️یازییا گئچن: #شبنم_توحیدی ـ سانجاق گۆننامه‌سی‌نین سوْروملوسو

📸عکاس: اۆلکر تبریزلی

اوْن ‌آلتێنجی بؤلۆم

ناهاردان سوْنرا خواننده‌لر و چالقێچی‌لار داغێن باشێندا ساعتلرجه چالێب، اوْخودولار. گۆن باتێمینا آز قالا، علیمراد خانێن قوْناقلارێ دسته‌جمع یوْلا دۆشوب، سئوینجلی سس – کۆیلر ایچینده کنده قایێتدیلار. یوْل بوْیونجا هر کس اؤز شجاعت و مهارتیندن تعریفله‌یه‌رک اؤڲۆنوردو. هر شئی‌دن علاوه، علیمراد خانێن نئچه گۆنلوک قوْناقلێغی‌نین أتی ده تأمین اوْلموشدو.

اوْوچولار اوْولارێ‌نین لئشی‌نی آت اۆستونه قوْیوب، اؤزلری یئرده گلیردیلر. کند اهلی و کندده قالمێش اوْلان قوْناقلار اوْنلارێن پیشوازێنا چێخیب، یارێشمانین خبرین ماراقلا و عیش – عشرت وسیله‌لری حاضرلانمێشدی. نه ایسه کی مجلس، کئشمکش هاشم خانێن دقّتینی چکدی. هاشم‌خان، نؤکرلری‌نین بیریندن گئدیب خبر توتماسێنی ایسته‌دی. نؤکر قایێدیب، دئدی:
- ناییب اصغر آدێندا بیر کیشی خدافرین تلگرافخاناسێندان گلیب، بیر تلگراف گتیرمیش و اوْنو مطلق سیزین الینیزه وئره‌جَـڲینی سؤیله‌ییر.

اوْنو خانێن حضورونا گتیردیلر. ناییب، تعظیم ائده‌رک کاغیذی هاشم خانا وئریب، دئدی:
- قربان! تلگرافێن مضمونوندان کیمسه خبردار اوْلماسێن ایسته‌دیم.
هاشم‌خان چێخاردیب اوْنا بیر انعام وئریب، دئدی:
- بیر ایکی ساعت منتظر اوْلون، لازم اوْلورسا جوابێنی حاضرلایێم.

بیر آن اؤنجه شام یئییب، دینجه‌لمـڲه تله‌سن قوْناقلار، یارێشمانی اونودوب، فیکرلری نایب اصغرین، هاشم خانا گتیردیڲی عاجیل تلگرافا یؤنه‌لدی.
هاشم‌خان، سانکی تلگرافدا نه‌لر یازێلمیش اوْلدوغونو بیلر کیمی، اوْنو تر – تله‌سیک اوْخوماقدان ساقێندی و کنارا قوْیوب، شام یئمـڲه باشلادێ. شام یئدیکدن سوْنرا، قوْناقلارێن هیجان و ماراق آتشی سؤنۆنجه، هاشم‌خان تلگرافێ اوْخودو.

تلگراف نیّرالسلطان‌دان ایدی. اوْ تشکردن سوْنرا، امیرارشد و بیوك‌خان آراسێندا قریب‌الوقوع بیر ساواشێن اۆز وئره‌جـڲینی ووغولامێشدی.
هاشم‌خان، تؤره‌نین یئددینجی گۆنونه کیمی تلگرافێن اصل موضوعوندان کیمسه‌یه سؤز آچمادێ و هر کسین ماراقلانماسێنا رغماً، هاشم‌خان بو قوْنودا سکوت ائتمـڲی ترجیح ائتدی.

توْره‌نین آلتێنجی گۆنو، هاشم‌ خانێن الینه بیر تلگراف یئتیشدی. هاشم خان وضعیتین گئت گئده جدّی‌لشمه‌سین گؤرۆنجه، یارێن گئجه، هر کسی نه‌لر اوْلدوغونون جریانێندا قوْیاجاغێنا قرار وئردی. بو اۆزدن قوْناقلێغین یئددینتجی گئجه‌سی، شام یئییلیب بیتدیکدن سوْنرا دؤر – اطرافێنا گؤز دوْلاندێریب، تلگرافێ جیبیندن چێخارتدێ و دئدی:
- آغالار! هر کسین خبردار اوْلماسێ گره‌کن بیر موضوع وار! البته سئوینجینیزی بو قدر ائرکن پوْزماق ایسته‌مزدیم. علیمرداخان، اومورام سیز ده منی باغێشلایارسینیز.

هاشم‌خان باشێنی آشاغا سالێب، تلگراف کاغیذینی آچێب، اوجا سسله بئله دئدی:
- الیمیزه چاتان خبرلر اۆزوجو و کَدر وئریجی‌دیر. بو گئجه قوْناقلێقدا بئله خبرلری دئمـڲه هیچ گؤیلۆم اوْلماسا دا بئله، چاره یوْخ! چۆنکی سلطانێن تلگرافێنی گؤزآردێ ائدیب، مسکوت قالماق امکانسێزدیر.

هاشم‌خان، مجلسده‌کی‌لرین سیماسێنی بیرر – بیرر گؤزدن گئچیریب، سوْنرا متنی اوْخوماغا باشلادێ:
- «مقرب الخاقان، هاشم‌خان! محمّد خانلو ائلی‌نین بؤیۆڲۆ و ائل‌بَـڲی!
قاراداغ آتلێ‌لاری بۆتون ساواشلار و قوْوغالاردا هر زمان افتخاریارادان و شرف قازاندێران اوْلوبلار. اوْنلارێن شجاعتی و جان – باشدان گئچمه‌لری دفعه‌لرجه ایرانێن عظیم‌الشأن پادشاهێ‌نین آلقێشلارینا لایق اوْلوب. بیر ساواش گرچکلنمه‌ده‌دیر. هر یؤنلۆ اشتراک ائتمک واجب و ضروری‌دیر.
قاراداغێن رشید و یێلماز بالالارێ‌نین اوْلماسی، هم اومدوغوموزدور، هم ده باشقالارێنا اۆرک اێسیندیریجی. درحال، وقتی هدر ائتمه‌دن دؤرد یۆز نفر ساواش گؤرمۆش آتلێ‌دان اوْلوشان بیر فوْج، سیلاحلێ و یاراقلانمێش، حاضرلانێب تهرانا گؤندریلسین. فوْج باشچێسی تهرانا یئتیشمک همن اؤزۆنو سلطان حضرتلرینه تانێتدیرمالی‌دیر. والسّلام.»
تبریز دارالسلطنه‌سی – ولیعهد

هاشم‌خان، تلگرافێ گؤندرن یعنی ولیعهدین آدێنی چکینجه، سانکی اوْرداکێ‌لارین باشێنا بوزلو سو آخێتدیلار. تؤره‌نێن شَن فضاسێنا آغێر سس‌سیزلیک کؤلڲه سالدێ. ولیعهد و قاجار شاهلارێ‌نین وئردیڲی امرلره اعتناسێزلیق ائتمک اوْلمازدێ، هرکس یاخشێ باشا دۆشدو کی، بیر عدّه ایستر – ایسته‌مز ساواشا گئتمـڲه مجبوردور؛ کیمینله و هاردا؟

🔻قایناق؛ «مهد آزادی» نشریه‌سی – دوشنبه ۱۴ مهر ۱۳۷۶

#آردی_گلن_ساییدا...

@SancaqDergisi
https://t.me/Sancaq_media/7307

■ 2439 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز چهارشنبه 3 اردیبهشت ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۳۹. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️سنه قوربان
✍️یازار: شاهرۇن سلیمان‌اوْوا

🔷کؤچۆرن: #یعقوب_نامی

اۆچونجو بؤلۆمون دوامێ

یادیگار یئنی‌یئتمه اوْلاندا، آناسی بو شکیلین، بو یازی‌نێن تاریخچه‌سینی اوْنا دانێشمیشدی.
۲۰۲۰. سئنتیابریندا وطن محاریبه‌سی باشلایاندا جبهه‌یه ایلک یوْللانانلاردان بیری یادیگار اوْلدو. اؤزۆنه، آناسێنا، آتاسی‌نێن روحونا وئردیڲی سؤزۆ توتماق زامانی گلیب چاتمێشدی. چوْخ سئوینجلی‌ایدی. ائله‌بیل، محاریبه‌یه، قان- قادا ایچینه یوخ، چوْخدان گؤزله‌دیڲی بیر سفره یوْللانێردی.

آرتێق بیر آیدان چوْخ‌ایدی‌کی، دؤڲوشلر گئدیردی. اوْردوموز بیر- بیری‌نین آردێنجا اشغال اوْلونموش رایونلارێمیزی آزاد ائدیردی. گنج لئیتنانت یادیگار، اوْردونون اؤنده گئدنلریندن ایدی. هر غلبه‌یله داها چوْخ روحلانان ضابطین بیرجه آناسێندان نیگارانچێلیغی وار ایدی. اوْنو باکی‌دا تک قوْیوب گلمیشدی. دۆزدور، ایمکان تاپدێقجا زنگ‌ائدیر، تلفونلا شکیللر یوْللایێردی،آما یئنه‌ده اوْندان نیگاران ایدی.

صنم آرتێق یاشلانمێشدی. ساچلاری دۆم آغ ایدی. هم یورد حسرتی، هم یارێمچیق طالعی، هم اوْتوز ایله یاخێن کؤچگۆنلوک حیاتی اؤز سؤزۆنو دئمیشدی...
ایندی یگانه امیدی، تک تسلّی‌سی یادیگار ایدی. هر گۆن صبیرسیزلیکله اوْنون زنگینی گؤزله‌ییردی. اوْغلو گئدرکن سؤز وئرمیشدی:
- شوشانی آلمادان قایێتماق یوْخدور!
- بیرجه ساغ- سالامات قایێت اوْغول!

نویابرین یئددیسی، آخشام ساعاتلاری‌ایدی. صنم بیلیردی‌کی، نئچه گۆندور شوشا اطرافیندا گرگین دؤڲوشلر گئدیر. قولاغی سسده‌ایدی.
تلفونا ایسماریج گلدی. او، جلد تلفونو گؤتۆروب اللری اسه- اسه آچدی. یادیگار ایدی. شکیل گؤندرمیشدی. گؤزلری یاخشی گؤرمه‌دیڲیندن عینه‌ڲینی تاخێب، یئنی‌دن تلفونا باخدی. یادیگار بیر قایانێن قاباغێندا دایانمێشدی... همین قایانێن... آرخادا ایسه او یازی گؤرۆنوردو:
سَنَ(م)قوربان...

#سون

🔻قایناق: ۵۲۵.جی قزئت

@SancaqDergisi
https://t.me/Sancaq_media/7304

⭕️سنه قوربان
✍️یازار: شاهرۇن سلیمان‌اوْوا

🔷کؤچۆرن: #یعقوب_نامی

اۆچونجو بؤلۆم

صنم یوْلداشی سارێدان چوْخ ناراحات ایدی. گئجه‌لر یوخوسو عرشه چکیلمیشدی. باهار یئنیجه گیرمیشدی. حَیَطده‌کی آرمود آغاجی‌نێن چیچکلری‌نین ائله گؤزل عطری گلیردی‌کی، صنم هردن صبح چاغی بو قوْخونو دویاندا، اؤزۆنو جێدیر دۆزونده ایمیش حسّ ائدیردی.

کؤرپه‌نین دنیایا گلمه‌سینه بیر آی قالێردی. صنم خیلی آغێرلاشمیشدی. ساغ اوْلسون رادیه خالا همیشه‌کی‌کیمی، اوْنا چوْخ یاخشی باخێردی. آرتێق اوْنلار، ائو صاحیبی- کیرایه‌نشین یوخ، آنا- بالا ایدیلر. (صنمین آناسی بیر نئچه آی اوّل رحمته گئتمیشدی).

مای آیی‌نین سکگیزی‌ایدی. نه واختدان بری قورباندان خبر-اتر یوخ‌ایدی. گۆن اوْرتا واختی رادیه خالا آرمود
آغاجی‌نێن آلتێندا ماسا قوْیوب، سۆفره آچمێشدی. بایێردان اوْنو سس‌لدی:
- صنم، گل ناهار ائله، تزه یارپاقدان دوْلما بیشیرمیشم.

صنم آغێر- آغێر حَیَطه چێخیب، ماسانێن آرخاسێندا اَڲلشدی. رادیه خالانێن سۆفره‌سینه باخاندا ان توْخ آداما دا اشتها گلردی. دۆم آغ سۆفره‌نین اۆستونده دۆزولموش نعمتلر، آداما گل- گل دئییردی. بوْیات تندیر چؤره‌ڲی، تزه یاز گؤیرتیسی، سارێمساقلی قاتێغین عطری آدامێن بورنونو قێدیقلاییردی.

صنم رادیه خالانێن چکیب گتییردیڲی مونجوق کیمی خێردا بۆکولموش یارپاق دوْلماسێنی قاباغێنا چکیب یئمه‌ڲه باشلادی. بیر- ایکی لوْقما آلمێشدی کی، بطنینده غفیل بیر سانجی حسّ ائتدی. باشی گیجللندی، بنیزی آغاردی. آغری گئت- گئده شدّت‌لندی. دئیه‌سن، ائرکن دوْغوم باشلامێشدی.

شوشادا ایسه ایرمینجی عصرین فاجعه‌سی یاشانێردی. آذربایجانێن نادر اینجیسی، «شوشا» اشغال اوْلونوردو. عسگرلر نه باش وئردیڲینی آنلامێردیلار. حربی تئخنیکا، سیلاح- سورسات سارێدان جدّی سێخینتی واردی. بیر- ایکی تانکدان، بیر ده آوتومات سیلاحلاردان باشقا هئچ‌نه یوْخ‌ایدی. کؤمک ایسه گلمک بیلمیردی. ائله‌بیل گیزلی بیر ال شوشانی تسلیم ائتمه‌ڲه تَله‌سیردی.

قوربان آرا- سێرا دؤڲۆش یوْلداشلاری‌نێن کؤنلۆنو آچماق اۆچون، اوْنلارا اؤز حزین، یانێقلی سسی‌ایله ماهنێلار اوْخویاردی. گۆن اوْرتا واختی‌ایدی. او، سیگارت چکمک اۆچون، تانکدان چێخیب، داغێن اته‌ڲینه چکیلدی. ائله سیگار‌دن بیر قوللاب آلمێشدی‌کی، دشمن گۆلله‌سی اۆره‌ڲی‌نین باشێندان دَڲدی. یئره یێخیلدی. بیر آندا بۆتون حیاتی، صنم، هله دوْغولمامێش کؤرپه‌سی گؤزۆنون اؤنۆندن کئچدی. یوْلداشلاری اوْنا یاخێنلاشاندا، آرتێق جانێنی تاپشێرماق اۆزره ایدی. وار گۆجونو توْپلایێب زوْرلا پێچیلدادی: « گئتمه، کیمسه‌سیزم، قال، سنه قوربان...» ...سوْنرا هر یئر قارانلێقا بۆروندو...

صنمین بیر اوْغلو دنیایا گلدی. آدێنی یادیگار قوْیدو. قوربانێن یادیگاری. سوْنرا قوربان‌سیز، شوشأسیز، آغدام‌سیز، قاراباغ‌سیز گۆنلر، آیلار، ایللر، بیر- بیرینی، عوض ائتدی.
دۆز ایڲیرمی‌یئددی‌ایل کئچمیشدی. یادیگار حربی مکتبی بیتیردیکدن سوْنرا، خصوصی تعییناتلی قوّه‌لرین ترکیبینده خیدمت ائدیردی. اوشاقلێقدان آناسی‌نێن آنلاتدێغی شوشا خاطره‌لری‌ایله بؤڲوموش، بیرگۆن او یئرلری آزاد ائتمک آرزوسویلا آلێشیب- یانمێشدی‌. ائله بو نیّتله ده حربچی اوْلموشدو. شوشاداکی حَیَطلریندن، آتاسێندان، تکجه بیر یادیگار قالمێشدی اوْنلارا. آتاسی‌ایله آناسی‌نێن، جێدیر دۆزونده قایانێن یانێندا چکدیردیکلری بیر فوتو شکیل. قایانێن اۆستونده‌ایسه والدین‌لری‌نین آدی یازێلمیشدی: سَنَ(م)قوربان.

#آردێ_آشاغێدا...👇

@SancaqDergisi
https://t.me/Sancaq_media/7304

■ 2438 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز سه شنبه 2 اردیبهشت ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۳۸. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️قالێش
✍️یازان: #شهرام_زمانی

ایکینجی بؤلۆم

آیاق‌لارێمین سێزیلتیسینا آغلامێردیم، ننه‌مین آغلاماغێنا آغلایێردیم.
صاباح صۆبح دده‌م آپاردێ – اومود ائویمیزه – تانێشیمیزین تۆکانینا. هر شئی‌ ساتاردێ، بیزده هر شئیێمیزی اوْندان آلاردێق. «پولوموز اوْلاندا، آللّه ائلمه‌میشدن، حسابلێیاردیق!» گۆرسس بونو دئیه‌نده آجێ بیر گۆلومسه‌دی. منیم آیاغێما آنجاق، بیر جۆت قالێش واریدی. گؤتۆرمه‌لی‌ایدیک.

اؤز اؤزۆمله کلاسی یادا سالێب، اوشاقلارێن آیاغێما باخماقلارێنی گؤزومۆن قاباغێنا گتیریردیم. اما دده‌م بیر یئکه کیشی‌یدی. اوْنا اؤزۆمدن چوْخ اۆره‌ڲیم یاندێ. اوْ گۆنو داها مدر‌سه‌یه گئدنمه‌دیم. صاباحێسی اوّل زنگ انشامێز واریدی. اؤزۆمو کلاسێن فضولوندان گیزلدیردیم. بیلیردیم گؤرسه، هامێنی باشا سالاجاق. آللّه – آللّه ائله‌ییردیم معلّم، منی چاغێرماسین.

اوّل نفر من اوْلمادیم. اۆره‌ڲیم ایشێقلاندی. آیاغێمی آیاغێمین دالێسندا گیزلدیردیم. اؤز – اؤزۆمله دئییردیم؛ «گؤتۆرمه‌مه‌لییدیم! پارا قالێش‌لارینان گلسه‌یدیم، بوندان یاخشێ‌یدی.»
دده‌مین گؤز یاشلارێ‌نین پێرپیر پێریلداماسی یادێما دۆشدو. آدام یانێندا آغلامازیدی، نه قدر ده قایغێ کَدر بۆروسِیدی، اؤزۆنو سێندیرمازیدی. اما اوْ گئجه داها اختیاری الدن گئتدی. اوْغلان انشاسێن قورتاردێ. اۆره‌ڲیمدن بیر قێژیلتی سوْووشدو. قولاغێم اؤز آدێملا سسله‌نیردی. یئنه ده منیم آدێمی اوْخومادێ. آز جا سئویندیم.

تۆکانچێ‌نین قالێش‌لاردان تعریفله‌مـڲی یادێما دۆشرکن، لاپ جانێم قێزیشدی. بیلیردیم بیزه گؤره دئییر؛ بیلمیردیم احوالی منیم حالێما یاندێ یا دده‌مین حالێنا. داها تۆکاندا دورانمادێم. قالێش‌لاری گؤتۆردوم تئز چێخدیم ائشیڲه.

انشا زنگی اۆچ نفری چاغێراردی. باشێمی سالدێم آشاغێ، اۆچونجوسو من اوْلمایام. معلّم دیللندی. منیم اؤز یئریمده اوْتورماماغێمدان و کلاسێن آخێریندا اوْتوردوغومدان گیلئیلی‌یدی. باشێمی یوخارێ قوْوزامادێم. معلّمین سسی قولاغێمدا یئنه ده سسلندی:
- «گۆرسس گل انشاوی اوْخو.»
من هئچ نه دئمه‌دیم. معلّم یئنه ده «به نیه گلمیسن، یازمایێبسان!» - دئدی.
نه دئدیم یازمێشام، نه دئدیم یازمامێشام، نه ده گئتدیم اوْخویام. اۆچونجو دؤنه حرصلی – حرصلی دئدی گئدم انشامی اوْخویام. اوتانا – اوتانا، آخسایا – آخسایا دوردوم گئتدیم قاباغا.
یازدێغیمی اوْخودوقجا جانا گلدیم. قورتاراندان سوْنرا معلّم گلدی الین چکدی باشێما. «سن کی، بئله گؤزل انشا یازبێسان، به نیه گلمیردون اوْخویاسان» - دئدی.
من هئچ نه دییه بیلمه‌دیم. یئنه ده بوْغازێم بیچیلمیشدی. کلاسێن فضولو اوجادان دئدی:
- «آغا معلّم! قالێش‌لاری یاشێلدیر، اوتانێر.»

گۆرسس‌ین گؤزلری یاشلا دوْلدو. ایندی بیلیرم نیه گۆرسس‌ین ناغێل‌لاری آغێزلاردا گزیر، اۆرک‌‌لرده اوْتورور. هه بالا؛ «دئین آغلاماسا، ائشیدن آغلاماز!»

🔷یای ۱۳۷۹

@MuncuqAz
https://t.me/Sancaq_media/7302

■ 2437 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز دوشنبه 1 اردیبهشت ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهد تمدن گۆنده‌لیگی‌نین ۲۴۳۷. سایێنداکی تۆرکجه صفحه‌

«مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چیخیر.

@SancaqDergisi
@MuncuqAz

🌐 https://www.instagram.com/sancaq2
🌐 https://instagram.com/asanews.ir

⭕️حبیب ساهر – اسیر ائللرین شاعری!

🔶(دوْغوم تاریخی: ۱۲۸۲ ه‍.ش گۆلن آیێن ایلک گۆنو – اؤلۆم تاریخی: ۱۳۶۴ ه‍.ش آذر آیی‌نین ۲۴)

🔶حبیب ساهر، کؤکدن میانالی، تبریزده دنیایا گلمیش شاعر، یازیچی، آذربایجان تۆرکجه‌سی‌نین یئنی شعری‌نین آتاسێ‌دیر. اوْ بۆتون ایراندا اوْلان دیللرینده ‌ده، یئنی شعرین آتاسێ کیمی سایێلیر.

***

🔷حسرت باخێشلی شاعرین، یاد و خاطره‌سینی سایغی‌یله آناراق، شعرلریندن بیرینی دڲرلی سانجاق اۆیه‌لری‌نین محضرلرینه سۇنوروق.

🟣بیر توْخوجو قێزا
✍️شاعر: #حبیب_ساهر

اوچوب رنگین قێزیم، سسین کاللاشێب،
کؤلگه‌لنیب گؤزل، آلا گؤزلرین،
چێخ گۆنشه، قارانلێقدیر کارخانا،
اوزاقلاردان ائشیتمیرم سؤزلرین.

یئتر قێزیم، توْخودوغون خالچالار
آینابندلی سالوْنلارێ سۆسله‌دی.
امکلرین، اینجه، سوْلغون اللرین،
بیر چوْخ زنگین آغالارێ بسله‌دی.

نازیک، ایپک خالچالارێن گۆل آچدێ،
اوْتاغێندا هر گلینین، هر بَـڲین،
بزه‌دینسه مجلیسلری دئه گؤرۆم،
زاواللی قێز، بو دنیادا وار نه‌یین؟

نه واختادک آج قارێنلا ایشله‌یێب،
یوْرغون اللر صرف ائده‌جک مین امک.
ائشیدیبسن بو مَـثلی بابادان:
«چێلپاق گزیب، اؤزگه‌لری سۆسله‌مک.»

سن یاشێندا اوْلان قێزلار گۆللنیر،
نه‌دن سوْلموش، آچان گۆلون تئز سنین؟
مخمر گئییب، زنگینلرین قێزلاری
نه‌دن مخمر اوْنلار اۆچون، بئز سنین!

رنگین اوچوب، دوْداقلارێن گؤیریب،
گۆل، گۆنشلن، آچسین سوْلموش گۆللرین.
گل، قوش کیمی قاناد آچێب اوزاقلاش،
قێزیل گۆنش اؤپسۆن سارێ تئللرین.

@SancaqDergisi
https://t.me/Sancaq_media/7300

⭕️آتا – آنا سؤزلری
✍️حاضرلایان: #آیدا_خون‌خـم

آدام وار اؤلکه‌سین تانێماز، اؤلکه وار آدامین!
آرپا بوغدادان الیم اۆزولدو، جان سنه قالێب دارێ خَرمنی!
ایڲنه هامێنی بَـزَر، اؤزۆ لۆت گـزَر.

ال الی یویار، الده قایێدار اۆزو یویار.
اؤرتۆلو بازار، دوْستلوغو پوزار.
اؤز گؤزۆنده تیری گؤرمۆر، اؤزگه‌نین گؤزۆنده چؤپۆ گؤرۆر!

اۆزومون یاخشێسین، باغدا چاققال یییَر.
اؤزۆنه اوْماج اوْوا بیلمیر، اؤزگه‌یه اریشته کسیر!
ائل گۆجو، سئل گۆجو.

ائششڲی پالان ساخلار، مملکتی یالان.
ایچریمیز اؤزۆموزو یاندێریر، چؤلیمیز اؤزگه‌نی!
اوْغورلوق یوْخلوقدان اوْلار، تؤبه توْخلوقدان!

اکین اکمه‌یَن، خرمنده آغلار.
اوشاغێ یوْللا ایش دالێجا، اؤزۆن ده دور دۆش دالێجا.
اربابێن مالی گئدیر، نؤکرین جانی!

باشێمیزا کۆللر اوْلدو، کدخُدامێز کیملر اوْلدو!
بالچێ‌نین وار بال طاسی، اوْدونچونون بالتاسێ!
بوینوزون چاتان یئری، قاشێ!

بیشمیش توْیوغون گۆلمه‌ڲی گلیر!
اوستا صالح، نه‌کاره‌دیر؟! ایشی گؤرن، مصالح‌دیر!
ایت قوْرخدوغو یئره هۆرَر.

اوْد قالار، کؤز اوْلار! قیز قالار، سؤز اوْلار!
ارباب یئییر اوْو بالاسێ، من یئییرم یئرآلماسێ!
بقّال اؤز قاتێغینا تورش دئمز.

بال توتان، بارماق یالار.
بوستانچێ‌نین قولاغێ آغێر ائشیدر!
بیلاماج قالدێ دلییه، هم یییه، هم یالێیا!

پالازا بۆرون، ائل ایله سۆرون.
پێچاق اؤز ساپێن کسمز.
تزه گلدی بازاردان، کؤهنه دۆشدو نظردن!

توْسباغانێ یا اؤلدۆر، یا دا آرخاسێ اۆسته چئویر.
توْرپاقدان پای اوْلماز.
توْی دئییبلر یییه‌سی‌نین باغرێ چاتلاماسێن!

قارا توْرپاق، اۆز آغاردار.
جین آز ایدی جینلیکدن، بیری ده چێخدی کۆللوکدن!
چالما خَلقین آغاج قاپێسین، چالارلار دمیر قاپێـنی.

حیوان ایڲله‌شه – ایڲله‌شه یوْلداش اوْلار، انسان دیلله‌شه – دیلله‌شه!
حَربه گۆجون یارێسی‌دیر.
خاقان قیزی آدینان، شامان قیزی جادینان، وای یوْخسولون قیزینا!

یالانچێ‌نین یئیینی، یارێق اوْلار!
گیلان آشێق یئری دڲیل!
گلین اوْینویا بیلمیر، دئییر اوْتاق اڲری‌دیر!

یئته‌نه یئتیر، یئتمه‌یه‌نه بیر داش آتێـر!
یئل آپاران یئلینکی‌دیر، یئرده قالان منیمکی‌دیر.
یازدا ایشله، قێشدا دیشله

یالانچێ، طاماحکارێ آللادار!
هر نه‌یین کالێ یئتیشر، آدامێن کالێ یئتیشمز!
همدان اوزاق، کرتیسی یاخێن!

@SancaqDergisi
https://t.me/Sancaq_media/7299

⭕️سنه قوربان
✍️یازار: شاهرۇن سلیمان‌اوْوا

🔷کؤچۆرن: #یعقوب_نامی

ایکینجی بؤلۆمون دوامێ

آرتێق قێش امتاحانلاری آرخادا قالمێشدی. صنم هفته‌ده اۆچ دفعه قوربانلا فورتو پیانو درسلری کئچسه ده دئمک اوْلار، هر گۆن گؤرۆشوردولر. هر ایکیسی آرالارێندا یارانان ایستی موناسبتین دوْستلوقدان اؤته بیر حسّ اوْلدوغونون فرقینده‌ایدی.

صنم اؤڲرنمیشدی‌کی قوربان‌دا اوْنون‌کیمی شوشالی‌دیر. پیانو درسلریندن سوْنرا، قوربان اوْنون اۆچون مطلق ماهنێ اوْخویاردی و چوْخ واخت «سنه قوربان»دا بو ماهنێلارێن ایچینده اوْلاردی. بو ماهنێ آرتێق اونلارێن کی ایدی. آرتێق اؤز سئوگیلرینی بیر- بیرینه اعتراف ائتمیش، داها دوْغما، داها یاخێن اوْلموشدولار.
بیر دفعه صنم قورباندان سوْروشدو:
- سنه نییه بو آدی وئریبلر؟
- منیم والدین‌لریم اوزون ایللر اولاد صاحیبی اوْلا بیلمه‌ییبلر، منیم دوْغولماغێم اۆچون چوْخلو قوربان دئییبلر. ائله قوربانلاری قبول اوْلدوغونا گؤره، آدێمی قوربان قوْیوبلار.
- نسه من بو آدێن عاقبتیندن قوْرخورام.
- آی قێز! قوْرخما، اوْلسام- اوْلسام، سنه قوربان اوْلاجام. لاپ بیزیم ماهنێدا‌کی کیمی. بیلیرسن، بیر شئی کشف ائله‌مێشم. اصلینده، بو ماهنێ بیرجه حرفی چێخماق شرطیله، بیزیم آدلارێمیزی عکس ائتدیریر. بیر باخ: سَنَ(م)قوربان.
- آاا، گؤر ائههه، من هئچ فیکیر وئرمه‌میشم.

تانێش اوْلدوقلاری ایلین یایێندا، گنجلر نیشانلاندێلار. بۆتون یایی تئز-تئز گؤرۆشور، واختلارێنی بیرگه کئچیریردیلر. گزمک اۆچون ان گؤزل یئر ایسه، جێدیر دۆزو ایدی. بو معجزه‌لی مکانین خوْش هاواسی، گۆل-چیچکلری‌نین عطری اوْنلارێن یای آخشاملاری‌نێن واز کئچیلمزی‌ایدی. قوربان اوْرداکی قایالاردان بیرینه اؤز آدلارێنی بو شکیلده‌ حک ائتمیشدی:
سَنَ(م)قوربان.

...دوخسانێنجی ایللر ایدی. شوشانێن باشێنی قارا بولودلار آلدێغی گۆندن بیر ایل اوّل، مای آیێندا توْیلاری اوْلدو. گنجلر بیرلیکده اوزون عؤمۆر سۆره‌جک‌لرینه سؤز وئردیلر. آما بیر نئچه آی کئچمه‌دی، قارا گۆنلر اوْنلاری آیری سالدی. خوْجالی‌نێن ایشغالیندان سوْنرا، قوربان اؤزۆنو مدافعه دسته‌لریندن بیرینه یازێلمیش، حامیله حیات‌یوْلداشێنی ایسه تهلوکه‌سیزلیک باخێمیندان، شَهَردن چێخاریب، ائله طلبه واختی آغدامدا کیرایه قالدێقلاری ائوه یئرلشدیرمیشدی. دئمیشدی‌کی، بورادا قالسان، سندن آرخایین اوْلارام. آرا- سێرا واخت تاپاندا، دؤڲوش‌لر سنگیینده، گلیب اوْنا باش چکر، بیر- ایکی ساعات یانێندا قالێر، سوْنرا یئنیدن جبهه‌یه گئدردی.

#آردی_وار...

@SancaqDergisi
https://t.me/Sancaq_media/7298

⭕️سنه قوربان
✍️یازار: شاهرۇن سلیمان‌اوْوا

🔷کؤچۆرن: #یعقوب_نامی

ایکینجی بؤلۆم

- «صنم» دئیه ائله آستادان جاواب وئردی‌کی، دئدیڲینی اؤزۆ بئله گۆجله ائشیتدی.
-چوْخ گؤزل. هردن بوردان اؤتوب کئچدیڲینیزی گؤرۆرم. اڲر ماراغێنیز وارسا، ایچه‌ری کئچیب دینله‌یه بیلرسینیز.
صنم سوچ اۆستونده یاخالانمێش اوشاقلار کیمی آللاندی:
- ساده‌جه بو ماهنێنی چوْخ سئویرم. خالق ماهنێسی‌دیر، سهو ائتمیرم‌سه.
-چوْخلاری اوْنو خالق ماهنێسی ظن‌ائدیر، آما خئیر، بهرام‌نصیب‌اوْون‌دور.
- هه، هئچ بیلمیردیم. خالق ماهنێسینا چوْخ یاخێندیر. معلومات اۆچون چوْخ ساغ اوْلون. من گئدیم، گئج‌دیر.
- خوْشدور. نه واخت ایسته‌سه‌نیز، گلیب مشقده اوْتورا بیلرسینیز.

صنم یوْل بوْیو، هم صحبتی‌نین اۆزونو خاطێرلاماغا چالێشسا دا، باجارمادی. ساده‌جه هوندور قامتی و چوْخ گؤزل سس تئمبیری آغلێندان چێخمیردی.
بیر نئچه‌گۆن درسلر بیتن کیمی ائوه گئتدی. قوربانێن محض اوْنو دینله‌مک اۆچون درسدن سوْنرا لنگیدیڲینی دوشونمه‌سینی ایسته‌میردی.
بیرگۆن رفیقه‌لریندن آیرێلیب کیرایه قالدێغی ائوه دوْغرو گئدرکن، آرخادان اوْنون سسینی دویدو:
- سالام
قێز آیاق ساخلادی:
- سالام- دئیه جاواب وئریب خفیفجه گۆلومسه‌دی.
- داها منی دینله‌مه‌ڲه گلمیرسیز...
- آرتێق لازیم اوْلان بۆتون نوْتلاری کؤچۆرموشم، ایندی ائوده مشغول اوْلورام.
- تأسف، من‌ده سیزدن کؤمک ایسته‌یه‌جکدیم.
- نه کؤمک؟
- عمومی فورتوپیانو درسلرینده بعضی اثرلری چالماق منده آلێنمیر، بارماقلاریم کوْبوددور (گۆلومسه‌ییر). دئییرم بیر آز منیمله مشغول اوْلاسێنیز؟
- ایندی امتاحانلارا حاضرلاشێرام. واختیم اوْلان کیمی سیزینله مشغول اوْلارام.
ساغوْللاشێب آیرێلدی.

کیرایه قالدێغی ائو تئخنیکومدان چوْخ دا اوزاق اوْلمادێغیندان، درسه پیاده گئدیب- گلیردی. او آغدامێن مرکزی کۆچه‌لریندن بیرینده یئرلشن ایکی مرتبه‌لی قدیم بیر ائوین بیرینجی مرتبه‌سینده، رفیقه‌لری ایله بیرلیکده کیرایه قالێردی. ائو صاحیبه‌سی رادیه خالا، چوْخ ملایم، گۆلراۆز قادێن‌ایدی. اوْنلارلا ائله مهریبان، قایغی‌کش داورانێردی‌کی، قێزلار اؤز دوْغما ائولریندن، آنالارێندان اوزاقدا اوْلدوقلارێنی حسّ ائتمیردیلر. هر نوروز بایرامێندا بیشیردیڲی دادلی شیرنییاتلاردان، عطیرلی پیلوْودان اوّلجه اونلارێن پایێنی وئرمه‌سه، اؤزۆ سوفره آرخاسێندا اوْتورمازدی.

اونلاری بیرلیکده شام یئمه‌ڲینه دعوت ائتسه‌لر ده، قێزلار سربست اوْلماق اۆچون، اؤز اوْتاقلارێندا اوْتورماغێ اۆستون توتاردێلار. آما صنمین بو ائوده ان چوْخ دقّتینی چکن، سئوگیسینی قازانان، ائوین کیچیک اوْغلو ایدی. او تخمیناً یئددی- سکگیز یاشلارێندا اوْلان قێوریم ساچلی، ایری، قاینار گؤزلۆ بیر اوْغلانی هر گؤرنده، اوْنون ساچلارێنی قارێشدیرمادان اؤتوب کئچمزدی.

صنم سحرلر پیانودا ایفا ائدرکن، بالاجا دوْستونون پیلّه‌لرله ائنیب قاپی‌نێن آغزێندا اوْنو دینله‌دیڲینی حسّ ائدردی. دئیه‌سن، بتهوونی چوْخ بَڲنیردی. چۆنکو «آیلی سوناتا»نێن ائله ایلک نوتلارێندان کیچیک آددێملارلا آستاجا پیلّه‌لری ائنیب قاپی‌نێن آغزێندا بیتیر، پیشیک‌کیمی قاپێیا قێسیلیب آخیرادک دینله‌یردی.

#آردێ_آشاغێدا...👇

@SancaqDergisi
https://t.me/Sancaq_media/7298

■ 2436 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز یکشنبه 31 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۳۶. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️بایاتی
✍️شاعر: #حیدر_بابایی

📚 «سؤزلریم گلین چێخیر» کتابیندان

لای لای دئدیم یئللره
خبر وئرسین ائللره
بیر گؤزل قێز دوْغموشام
اوْخشایێری گۆللره

لای لای دئدیم قێزیما
آیێمـا، اولـدوزوما
آللّهێـما چوْخ شۆکور
سنی یازێب یازێما

لای لای دئدیم قێزیما
جیرانێـما، نازێــما
اللّه وئرسین برکت
چؤره‌ڲیمه، دۇزوما

لای لای دئدیم قێزلارا
ریحانا، یارپێـزلارا
اۆزون بَنزیـری آیا
گؤزلرین اولدوزلارا

لای لای قێزیم، ناز قێزیم
باهار قێزیم، یاز قێزیم
دنیا دوْلو گؤزلـدیر
سن گؤزلدن، آز قێزیم

باهار گلدی، گۆل آشدێ
بولاق گلدی، سئل آشدێ
اللّه سنه چوْخ شۆکور
منیم بالام دیل آچدێ

لای لای دئدیم بالاما
چیچـڲیمه، لالامـا
دور گل سنه سۆت وئریم
دیل دوْداغێـن یالامـا

@MuncuqAz
https://t.me/Sancaq_media/7295

■ 2435 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز شنبه 30 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۳۵. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️هفته‌لیک فالینیز
✍حاضیرلایان: #اوْلجای_مرآتی


🔸آزر (یای، آذر): ایشلریزین بیرآزێنی بیر نفره تاپشێرماقلا، بیرآز ذهنی و جسمی آغێرلیغیز، آزالێب فکریز آسوده اوْلاجاق. بیر قوْنویا گؤره چوْخ فکرلشیر، سالێب- چێخیرسیز. بو مورد ده ایندیجه قرار وئریب بیر ایش گؤرۆن یوْخسا آتالار دئمیشکن: «قالان ایشه قار یاغار.» اوْنون- بونون ایشینه چوْخ قارێشماغین سیزه هئچ فایداسێ یوْخدور. اؤز ایشلریزه اوْداقلانێن و انرژیزی اؤزل ایشلره ایشلدین. بیر ایش گؤرمه‌میش، یا بیر سؤز دانێشمامیش دۆزگون فکرلشین یوْخسا سوْنکی پئشمانلێق بره بیتیرمز. یاخێن گله‌جکده باش وئرن بؤیۆک ایشلره حاضێر اوْلون، بو دڲیشیملر ایلک اؤنجه یاخجێ نظره گلمه‌سه ده، نهایده سیزین نفعیزه اوْلاجاق و سیزه چتین لحظه‌لر دۆز تصمیملر توتماق و هر فرصتدن فایدالانماق امکانی وئره‌جک.

🔸چیلله (اوْغلاق، دی): اۆزوموزه گلن گۆنلر، حیاتێزین تکراری گۆنلری آزالێب، هر گۆن یئنی تجربه‌لر و چئشیدلی دوروملارلا اۆز به اۆز اوْلاجاقسێز. بو یئنی‌لیک سیزی سئویندیره‌جک. یاخێنلاریزدان بیری، مهم بیر تصمیم توتماقدا، ساده بیر دانێشیق شکیلینده یا دقیق بیر توصیه‌لر ائتمکله سیزه یاردێم ائده‌جک. بو گۆنلر تانێمادیغیز بیر یئره گئده بیلرسیز، بو تجربه هم هیجان وئرن همی ده، حیاتا یئنی بیر باخێشلا باخماغا امکان یارالداندێر. اوزون زماندێر بیر خبر گؤزلۆیورسوز، بلکه بیرآز داها دؤزمه‌ڲینیز گره‌کیر، هر حالدا ناراحات اوْلمایێن، بو یوبانماق سوْنسوز اوْلماز ان‌شاء‌الله تئزلیکده ایسته‌دیڲیزه چاتا بیلرسیز. ائو یا ایش یئرینده بعضی آنلاشمازلێقلار وار، بئله وقتلر تارتێشماغا دوام ائتمک یئرینه بارێش و آرامشه چالێشین. بعضی وقتلر فداکارلێق گؤره‌بیلدیڲیمیز ان راحات ایشدیر. بو اۆزدن دؤزۆم، دورومو قبول ائتمک و بارێش و محبته اوْداقلانماق، هم ایلیشگیلری گۆجلندیرر، همی ده سیزی آماجلارێزا یاخێنلاشدیرار. خیر نیت‌له گؤردۆڲوز ایشلر، هم سیزی اجتماعی- عاطفی آرامشه یئتیرر، همی ده سیزه اۆمودله ایره‌لی گئتمک اۆچون انگیزه وئرر.

🔸دوْندۇران آی (قوْوا، بهمن): بو گۆنلر بیر ایشه اوْداقلاناراق، اصرا ائدیرسیز، آنجاق ایسته‌مدیڲیز سوْن‌اوجلارا چاتماماق اۆچون، داها دقتلی اوْلمالێسیز. سؤز دوْلاندێران و شایعه پایلایان آداملاردان اوزاق اوْلماغێز توصیه اوْلونور، اوْلارێن سؤزلری ذهنیزی قارێشدیریر. بونون یئرینه صداقتلی اوْلاراق، سیزی آرامشه آپاران ایلیشگی‌لری دوام ائتدیرین. بو گۆنلر ایشلریز چوْخدور، بو اۆزدن ده چوْخ یوْرولورسوز، ساغلاملێغیزی نظرده توتون، یئمک- ایچمه‌ڲیزده دقت ائدین و استراحته زمان آیێرین، یوْخسا اوزون مدتلی بو نیازلاری گؤرمزدن گلمک، ساغلاملێغیزی تهلوکه‌یه سالار. ذهنیزده اوْلان مالی مسئله‌یه هله‌لیک بیر چؤزۆم تاپێن، یاواش- یاواش اوْنو کامل آرادان آپارماغا امکان یاراناجاق. بیر یئر یا بیر ایشده یاتێریم اۆچون، احتیاطلی اوْلمالی و تجربه‌لی آداملارلا مشورت ائتمه‌لیسیز. بلکه یاخێن گئچمیشده بعضی ایشلر سیزی اۆزوب، اۆمودوزو آزالدێب، اما بیرآز داها صبیرلی اوْلماقلا، ایشلرین سیزین نفعیزه دؤنمه‌ڲینه اینانێن. آرخایێن اوْلدوغوز بیر یئردن بیر سؤز ائشیتمک، بیر حقیقتی سیزه آیدێنلاداجاق سیز بونو بیلدیکدن سوْنرا داها دۆز تصمیم توتا بیلرسیز.

🔸بایرام (بالیقلار، اسفند): اۆزوموزه گلن گۆنلر، اؤنملی بیر دانێشیق، گله‌جکده گؤردۆغوز ایشلری تماماً ائتگی‌لندیره‌جک. بو اۆزدن دقت و حاضێرلیقلا بو دانێشیغی باشلایێن. گاهدان بیر کلمه ده آنلاشمازلێقلارا یوْل وئریب، سوْرون یارالدا بیلر. بعضی وقت ده بیر یوْلداشێن سؤزلرینه دقتلی اوْلماقلا، بیلمه‌دیڲیز بیر قوْنویلا تانێش اوْلا بیلرسیز. خیر بیر ایش گؤرمک اۆچون فرصت اوْلسا، کسین بو فرصتی دڲرلدیرین. بو ایش هم سیزه خوش حس باغئشلایار، همی ده سیزین حمایه‌نیزی گؤزله‌ین آداما اۆمود و آرامش وئرر. ائشیتدیڲیز خبره گؤره لازم اوْلان ایشی گؤرۆن، یوْخسا فرصتلر تئز الدن گئدیر. بو هفته دقتلی اوْلاراق هم ایلیشگیلری گۆجلندیرین، همی ده یارانان فرصتلری دڲرلندیرین اوْندا هم ایش، همی اؤزل دورومدا ایشلر دۆزه‌لر. سیز آیدێن بیر گله‌جکدن آرخایێن اوْلاراق، داها اۆمودلو، داها انگیزه‌لی ایره‌لی گئده بیلرسیز.


@SancaqDergisi
https://t.me/Sancaq_media/7293

⭕️هفته‌لیک فالینیز
✍حاضیرلایان: #اوْلجای_مرآتی

🔸قۇیرۇق دوْغان (آسلان، مرداد): بو گۆنلر اؤزۆزو یوْرقون و اۆمودسوز حسّ ائدیرسیز. حساس و اهمیتلی ایشلر گؤرمه‌یین و گؤوه‌ندیڲیز بیر آداملا فکرداشلێق ائدین. او دۆشونجه‌لریزی دۆزنله‌مکده چوْخ سیزه یاردێم ائدیب، الیزدن توتا بیلر. بو دوروم دا او بیریلر کیمی اؤتری و خوْش گۆنلر اؤنۆزده‌دیر. اۆره‌ڲیز ایستیین ایشلر گؤرۆن. مثلاً سئودیڲیز بیر شخص‌له، سئودیڲیز بیر یئرده اوْلماق، سیزه گۆج و سئوینج باغێشلار. بیر نفرین عائله‌یه آرتێلماسی، خیر و برکت گتیریب، هر کسین اۆمودونو چوْخالدا بیلر. بو یئنی بیر ائولی‌لیک و یا کیچیک بیر اوشاغێن دوْغومو ایله باغلێ اوْلا بیلر. بو گۆنلر گؤزله‌مدیڲیز بیر یئره چاغرێلاجاقسیز، بو چوْخ اوْلوملو و دڲرلی بیر تجربه اوْلا بیلر. جدیت‌له ایشلریزه دوام ائدیرکن، گئتدیڲیز یوْلدان لذت آپارماغا دا چالێشین. بو لذت آپارماغێن یوْللارێندان بیری، چئورزده‌کیلره محبتلی اوْلماق و اوْنلاری سئویندیرمکدیر. بالاجا بیر یاردێم یا محبت، ایلیشگیلرین گۆجلنمه‌سینده چوْخ نقشی وار. اوْلوملو دۆشونجه‌لرله بیر ایش گؤرمک هم سیزی عاطفی باخێمدان سئویندیرر، همی ده سیزه اۆمودله ایره‌لی گئتمک امکانی یارالدار.

🔸زۇمار (باشاق، شهریور): تئزلیکده پریشان فکرلردن بوراخێلیب، درین بیر آرامشه چاتاجاقسێز. بو دینجلیک سیزه آچێق بیر ذهن ایله، یاشاما باخاق و انرژی ایله حیاتیزی سۆردورمڲه امکان یارالداجاق. سهولریزی گؤرۆب-بیلدیکدن سوْنرا، اؤزۆزو دانلاماق یئرینه، ضعفلریزی قبول ائلییب، گۆجلنمڲه چالێشین. یئرسیز شۆبهه‌لنمکدن ساخێنین و ذهنیزه گلن سوْرغولاری جرئت و جسارتله دیله گتیرین. آچێق- آیدێن دانێشماق، ذهنیزده اوْلان دۆڲونلرین چؤزۆلمه‌سینی راحاتلادا بیلر. چتین گۆنلرده بئله یوْرولمادان- سارسێلمادان ایره‌لی گئتمک، تئزلیکده نتیجه وئره‌جک و الدن وئردیڲیز آرامشی سیزه قایتاراجاق. سیزدن ایستییرم یئرسیز انتظارلاری بوراخێب، اؤز گۆج و باشارێلاریزا دایاناراق، ایشلریزی قاباغا آپاراسێز. زمانێن گئچمه‌سی سیزین نفعیزه‌دیر. چوْخدان گؤرمه‌دیڲیز بیر عزیزی بو گۆنلر گؤره‌جکسیز. بو گؤرۆش هم سیزی سئویندیره‌جک، همی ده سیزه اۆمود و انگیزه وئره‌جک. سیزین «من بوندان یاخجێ بیر گله‌جک دۆزلده بیله‌رم» اینانجێز، چوْخ گؤزل و آلقێشلامالێدیر.

🔸خزل (ترازی، مهر): منجیل‌لیڲی بوراخێن و محبت و صمیمیتله ایره‌لی گئدین. بیر نفری سئویرسیزسه، بونو اوْنا آنلاتماق زوْرونداسیز. صداقت، ایلیشگی‌لریزین گۆجلنمه‌سینه سبب اوْلا بیلر. بیر یئرده آراچی اوْلماق زوْروندا اوْلساز، اؤنجه هر ایکی طرفی دینله‌یین، سوْنرا هر ایکی طرفه یاردێم ائدن سؤزلر دئمڲه چالێشین. بئلنچی ایش و داورانێشلار سیزین امین بیر آدام اوْلدوغوزا دامغا وورار. عاطفی دوروموزون یاخجێ‌لاشماسی اۆچون گئچمیشده اوْلان سؤزلری اونودون و ایندیکی خوْشلوقلارێزا دوام ائتدیرمڲه چالێشین. عائله یا یوْلداشلێق اوْرتاملارێندا دانێشدیغیز سؤزلره دقت ائدین، پیس شوخلوقلار آرا وورار، سوْنکی پئشمانلێق دا بیر یئره چاتماز. نظره گلیر چوْخدان بیر مالی مسئله ایله نه قدر اوغراشێرسیز، بیر او قدر دوروم چتین‌لشیر، آرام اوْلوب، اؤنجه بیلگیلریز و بو گۆنه کیمی گؤردۆڲوز ایشلری سهمانلاماق و سوْنرا دا بیر مالی مشاوردن فکری یاردێم آلماقلا، دۆڲونلری بیر- بیر آچا بیلرسیز. بیر نفرین اوزاقلێغی سیزی چوْخ اۆزگون ائدیب، باخێن گؤرۆن اوْنا چاتماق ممکن‌‌دورسه، یئنه ده یاخێنلاشماغا چالێشین، ممکن اوْلماسا حیاتێن آجی اۆزونو ده قبول ائدیب، باشقا موقعیتلره اوْداقلانماقدان سوْنرا چاره اوْلمادێغینی اینانێن. سیز داها گؤزل، داها خوْش بیر گله‌جڲه اینانێرسیز، بو اۆزدن اوْنا چاتاجاقسێز.

🔸قیروْو (عقرب، آبان): اؤزۆزو حیاتین گئدیشینه تاپشێرین، یئرسیز فکرلری بوراخێن، صمیمی دانێشیق و ایلیشگیلره دوام ائدین و سئودیڲیز ایشلرین دالێسیجا اوْلون. بئله‌لیکه حالێز چوْخ یاخجی اوْلار. اۆزوموزه گلن گؤزله‌نیلمز اوْلایێن اوْلماسێ، توتاجاغێز تصمیملری دریندن ائتگی‌لندیره‌جک و سیزی فرقیلی، بلکه ده یاخجێ بیر یوْلا آپاراجاق. ائوین دکوراسیونونو دڲیشمک کیمی کیچیک دڲیشیملر ده روحیه‌زی یۆکسلدیب، سیزه یئنی انرژی باغێشلایار. ذهنیزی قارێشدیران قوْنو اۆچون تئزراق بیر تصمیم توتاجاغێزی سانێرسیز آنجاق، دؤزمک گره‌کیر. زمانێندا یئرلی یئرینده توْپلادێغیز بیلگیلر، داها یاخجێ سوْن‌اوجا چاتماغێزا باعث اوْلار. عاطفی باخێمدان هله خبرسیز اوْلدوغوز قوْنولار وار. یئرسیز شۆبهه‌لنمک یئرینه، اذن وئرین صداقتله نه وار دانێشیلسین. بو دانێشیقدا ذهنیزده اوْلان سوْرغولارێن هامێسینا جواب تاپا بیلرسیز.

#آردی_وار...

@SancaqDergisi
https://t.me/Sancaq_media/7293

⭕️هفته‌لیک فالینیز
✍حاضیرلایان: #اوْلجای_مرآتی

🔸آغلار‌- گۆلر (قوْچ، فروردین): بو گۆنلر آلدێغیز خبری بیر اوْلوملو نشانه اوْلاراق گؤره بیلرسیز. اؤزۆوز بیلمه‌دن بیر نفر سیزین باشارێلاریزدان بیر یئرده دانێشیر و ایشلریزدن حمایت ائدیر. قێسسا بیر سفره گئتمک هم یوْرقونلوغوزو چێخاردار، همی ده حیاتێن دوامێنا انرژیزی چوْخالدار. ایشلریزین بیرینی یۆروتمک اۆچون، بیر نفره آغێز آچماق احتمالی وار، اوْلسون بو ایشی گؤرۆن ارزشی وار. عاطفی باخێمدان بالاجا آنملاشمازلێقلارلا، آرازدا بؤیۆک مسافه‌لر سالماغا امکان وئرمه‌یین. بو سوْرونلارێ دانێشیب، آنلاشماقلا آرادان آپارماق اوْلار. دؤره‌ده اوْلان یئرسیز سؤزلره فکر وئرمه‌یین و تکجه آماجلارێزا اوْداقلانماقلا، گله‌جڲه دوْغرو گئدین. خیر نیّت و اؤزگۆوه‌نله گؤردۆغوز ایشلرین هامێسی سیزی عاطفی و اجتماعی باخێمدان، یۆکسلدیب، سیزه انرژی و اۆمود وئرر.

🔸گۆلن‌آی (بۇغا، اردیبهشت): چتین دوروملاردا دقتلی اوْلوب طرفسیز اوْلاراق نظر وئرمک نفعیزه‌دیر. دویغولانێب، انصافان اوزاقلاشاراق، منطقسیز نظر وئرمه‌یین. اؤنجه سایقێیلا هر کسی دینله‌یین، سوْنرا آرام بیر اوْرتامدا نظریزی آچێقلایین. بو هفته جسمی دوروموزو جدی توتمالێسیز. غملی بیر خبری ائشیتدیکدن سوْنرا اوْتوروب یئرسیز فکر- خیال ائتمک یئرینه، حیاتێن خوْش نکته‌لرینه اوْداقلانماغێز یاخجێ‌دیر. غصه ائتمک گئچمیشی دڲیشه بیلمز، آما اۆمودلو اوْلماق، گله‌جڲی ائتگیلندیرر. ایش یئرینده بیر نفر سیزینله امکداشلێغا سؤز وئرمیش اوْلسا دا، وقتلی- وقتینده گلیب، ایشینه یئتیشمیر، چوْخ سایقێلی اوْلاراق، بو امکداشلێغی باشلامێییبسیزسا، باشلامایێن، باشلاساز دا منجه ائله ایندی، ایشین باشێندا بیتیرین. بو تصمیم حیاتێزدا چوْخ مهم تصمیملردن بیری اوْلا بیلر. اۆزوموزه گلن گۆنلر اؤزۆنوزو چوْخ بؤیۆک بیر ایش یا اوْلایا آماده ائلییه‌جکسیز، بو حاضێرلیقلار سیزه انگیزه، اۆمود و دڲرلی اوْلماق حسّی وئریر. ائو یا ایش یئرینده اوْلان دڲیشیملر ایلک اؤنجه عادی نظره گلمه‌سه ده، یاواش- یاواش عادی‌لشر. خوش نیّتله گؤردوغوز هر ایش، هم سیزه آرامش وئرر هم ده ایشیزین ایره‌لیلمه‌سینه یاخجی اوْلار.

🔸قیزاران آی (ائکیزلر، خرداد): دؤزۆم و آرامشله ایشلرینی گؤرنلر و مانعلره اهمیت وئرمه‌دن ایره‌لی گئدنلر، اوغور قازانێب، آماجلارێنا چاتا بیلرلر. بو اۆزدن سوْیوق‌قانلێ‌لیقلا ایشلریزه اوْداقلانێن و دویغولارێزی مدیریت ائتمکله، ایستکلریزه چاتماق یوْللارێنی هامارلایێن. اوْلوملو و اۆمودلو باخێشیزی ساخلاماق، چوْخ سیزین نفعیزه اوْلاجاق. حیات ساندێغیزدان چوْخ قێسا، و سئودیکلریزله خوْش و اونودولماز آنلار یاراتماغا بیر فرصت‌دیر. بو اۆزدن اوْلوملو ایشلرله هر کسین ذهنینده گؤزل ایزلر یاراتماغا چالێشین. بو ایشلرله هم ایچدن آرامشه چاتا بیلرسیز، همی ده ایشلریزده اوغور و نائلیت‌لر قازانا بیلرسیز. کیچیک- کیچیک ایش و مشغله‌لرین اوْلماسێ، سیزی عزیزلریز یا سئودیڲیز ایشلردن اوزاقلاشدێرماسین. بیزیم حیاتێمیزا معنا وئرن، چئوره‌میزده اوْلانلارێن کؤنلۆنو آلماق و اوْنلارا اۆمود وئرمکدیر.

🔸قوْرا پیشیرن (یئنگج، تیر): هر نه قدر ایشلری یوبالدێب، تصمیم توتا بیلمه‌سز، دوروم بیر او قدر پیس‌لشمڲه دوْغرو گئده‌جک. بیلگینلرین فکرینی سوْروشوب، اؤڲرشمک چوْخ یاخجی اوْلا بیلر. حیاتین اؤتری اوْلدوغونو تئز- تئز یادا سالماق، باعث اوْلار لحظه‌لرین قدرینی بیله‌سیز. هله یئتیشمه‌دیڲیز یا یئتیشه بیلمه‌دیڲیز ایشلری بوراخێن و ایندیکی دوروموزا اوْداقلانماقلا، ایستکلریزه دوْغرو گئدین. عائله‌وی سوْرونلاردا، سیزدن نظر ایسته‌مه‌یینجه سوسون و لازم اوْلمایان ایشلره قارێشمایین. بو گۆن‌کی دوروما اوْداقلانماق، هم ایلیشگی‌لری گۆجلندیرر، همی ده دۆز تصمیملر توتماغا یاخجێ اوْلار. سیزدن ایستیبرم پیس فکرلری بوراخاسێز، دئمک اوْلماز هر کس بیر ایش گؤرۆر اوْندا بیر پیس نیت دالێسیجادیر! بلکه ده دوْغرودان سیزه یاردێم ائتمک ایستییر. بئلنچی بیر باخێش، هم ایچیزده بیر سئوینج یارالدار، همی ده سیزی داها ذکی، داها گۆجلو اوْلماغا دوْغرو آپارار.


#آردی_وار...

@SancaqDergisi
https://t.me/Sancaq_media/7293

@SancaqDergisi

⭕️سنه قوربان
✍️یازار: شاهرۇن سلیمان‌اوْوا

🔷کؤچۆرن: #یعقوب_نامی

بیرینجی بؤلۆمون دوامی

گۆنلر اؤتدۆکجه، بو سس اوْنا بیرآز دا دوْغمالاشێر، بیرآز دا یاخێن اوْلوردو. اؤزۆنه بئله اعتراف ائتمه‌سه ده، بو سسی دینله‌مک اۆچون، بعضاً درسدن سوْنرا بیرآز دا لنگیمک اۆچون بهانه آختارێردی. بو نامعلوم خواننده‌نین ایفاسێندا، صنم ان چوْخ «سنه قوربان» ماهنێسینی سئویردی:
«گئتمه، کیمسه‌سیزم، قال، سنه قوربان،
بو دیلسیز- آغێزسیز، لال، سنه قوربان..»

سؤزلری او قدر ایچدن تلفظ ائدیر، موسیقینی ائله یانێقلی اوْخویوردو کی، سانکی اؤز حیاتێنی آنلادێردی.
آچێق قاپی‌نێن آغزێندان نئچه دفعه کئچسه ده، هئچ واخت ایچه‌ری باخماغا اۆره‌ک ائلمه‌میشدی. سانکی اؤز عالمینده اویدوردوغو او اسرارانگیز اوبرازین پوْزولاجاغێندان قوْرخموشدو.

بیر گۆن بو سئحیرلی سسی دینله‌یه- دینله‌یه دهلیزله کیتابخانایا دوْغرو گئدیردی. بیردن سس کسیلدی. صنم بیر نئچه آددێم آتدێقدان سوْنرا، غیراختیاری چئوریلیب آرخایا باخدی. قاپی‌نێن آغزێندا اوْنون آردێنجا باخان بیرینی گؤردۆ. ائله‌بیل، اۆره‌ڲی قێریلیب ایاقلاری‌نێن آلتێنا دۆشدو. کیتابخانایا گیریب لازیم اوْلان نوْتلاری گؤتۆرنه قدر اۆره‌ڲینده آللاها یالوارێردی‌کی، چێخاندا اوْنو گؤرمه‌سین. قاپێدان چێخیب گئری قاپێدارکن باشێنی آشاغا دیکسه ده، ایره‌لیده ‌کی قارالتێنی سئزیردی. بو، اوْنون هیجانێنی داها دا آرتێریردی. اۆره‌ک دؤڲونتولرینی قوْلاقلارێندا دویا- دویا ایره‌لی‌له‌ییب، همین قاپی‌یا چاتاندا، بوْغوق بیر سس ائشیتدی.
- سالام.
صنم باشێنی قالدێردی. اوجا بوْیلو، یاراشێقلی، بیر گنج اوْغلان دایانێب اوْنا باخێردی. اۆرکک سسله سالامێنی آلێب، اؤتدو. آما اوْغلان اوْنون آردێنجا گلمه‌ڲه باشلادی.
- بیر دقیقه آیاق ساخلایا بیلرسینیز؟ گلین تانێش اوْلاق. منیم آدێم قوربان‌دیر. اۆچونجو کورسدا اوْخویورام. خواننده‌لیک صینیفینده. - آما بو ایضاحین یئرسیز اوْلدوغونو آنلایێئب گۆلومسوندو. - سیز دئیه‌سن، پیانوچوسوز. آدێنیزی بیلمک اوْلارمی؟

#آردی_وار...

@SancaqDergisi
https://t.me/Sancaq_media/7290

⭕️سنه قوربان
✍️یازار: شاهرۇن سلیمان‌اوْوا

🔷کؤچۆرن: #یعقوب_نامی

بیرینجی بؤلۆم

صنم موسیقینی چوْخ سئویردی. اصلینده، بوردا غیرعادی هئچ نه یوْخ ایدی. هاردا گؤرۆنوب‌کی، قاراباغلی ایللاه دا شوشالی اوْلاسان، آما موسیقینی سئومه‌یه‌سن؟!
ائولرینده کؤهنه‌دن قالما، قارا رنگلی بیر پیانو وار ایدی. آناسی‌نێن جئهیزی‌ایدی. عاغلی‌کسندن، اؤزۆنو تانێیاندان، هر گۆن او پیانونون قاپاغێنی گؤتۆروب، نسه دێنقیلداداردی. آغ-آپباق شیرمایی دیللرله قارا دیللرین قوجاق- قوجاغا یاتدێغی بو سیرلی- سئحیرلی قوطو اوْنون اۆچون بیر دنیا ایدی.

اوشاق واختی پیانونون قاپاغی ضرب‌له چێرپیلیب نئچه دفعه بارماقلارێنی ازسه ده، او آغری- آجێلار بالاجا صنمین اوْنا وورغونلوغونا ذرّه قدر ده، خلل گتیرمه‌میشدی.
گۆنلر کئچیر، صنم بؤیۆیوردو. آغ- آپباق بنیزی ایله قارا ساچلاری دا، ائله پیانونون دیللرینی خاطێرلادیردی. قاپ- قارا، یوپ- یومرو، پارلاق گؤزلری ایسه بو گؤزللیکله مخصوصی آهنگ یارادێردی.

موسیقی‌یه اوْلان سئوگیسینی والدین‌لری ده گؤرۆردولر. بونا گؤره‌ده مکتب یاشێنا چاتان کیمی اوْنو موسیقی مکتبی‌نین فورتوپیانو صینیفینه یازدێردیلار. آتاسی ظارافاتلا دئییردی‌کی، صنم اوْنسوز دا بۆتون گۆنو نسه دێنقیلدادیب باش- بئینیمیزی آپارێر، باری قوْی چالماغی اؤڲره‌نیب فرلی- باشلی بیر شئی چالسێن، بیز ده بیرآز دینجه‌لک.

صنم‌ین موسیقی هوسی تحصیلده ده اؤزۆنو گؤستردی. او موسیقی درسلرینده یۆکسک نتیحه‌لر گؤستریر، نازیک، اوزون بارماقلاری سایه‌سینده ان چتین آکوردلاری آسانلێقلا گؤتۆروردو. اختصاص معللیمه‌سی همێشه دئییردی‌کی: «صنم، ائله‌بیل، سنین بارماقلارێن یالنێز پیانودا ایفا ائتمک اۆچون یارانێب.»
سَکسنین‌جی ایللرین آخرلاریدی. صنم موسیقی مکتبینی بیتیریب، اعلا قیمت‌لرله آغدام موسیقی تئخنیکومونا قبول اوْلوندو. آرتێق ایکینجی کورسدا اوْخویوردو. درسلر اؤز آخاری ایله گئدیردی. فرقلی محیط، یئنی دوستلارلا،‌ معللیمه‌لرله تانێشلێق صنمین حیاتینا یئنی چالارلار قاتمیشدی. تئخنیکومدا کی آب- هاوا لاپ اۆره‌ڲیندن خبر وئریردی.

موسیقی اوْجاغی اوْلدوغوندان، بورادا آز قالا، هر کسین بیر یارادێجی طرفی وار ایدی. بئله آداملار، دنیا گؤرۆشجه داها زنگین، داها درین اوْلورلار. اوْنلارلا صحبت ائتمک، مختلف موضوعلارلا باغلێ دۆشونجه‌لرینی بؤلۆشمک خصوصی ذوق وئریر‌. اوْنا گؤره ده صنم اۆچون بو مکتب ساده‌جه تحصیل اوْجاغی دئییل، هم ده هر گۆن جان آتدێغی، واختین نئجه کئچدیڲی‌نین فرقینده اوْلمادێغی ماراغلی بیر دنیا ایدی.
مختلف موسیقی آلت‌لری‌نین آئودیتوریالاردان سۆزولن سسی بیر- بیرینه قارێشیب غریبه بیر هارمونییا یارادێردی. بو وضعیت اوْنا چوْخ دوْغما ایدی. سانکی اوشاقلێقدان ائله بو سسله بؤیۆموشدو.

آخشام واختی، درسلرین سوْنونا یاخێن، خواننده‌لیک صینیفی‌نین قاپێسی چوْخ واخت آچێق اوْلوردو. صنم درسدن سوْنرا، هردن آئودیتوریادا قالێب کیتابخانادان گؤتۆردوڲو نوتلارلا ایشله‌یرکن، او صینیفلردن بیرینده تئز-تئز ائشیتدیڲی یانێقلی بیر سس دقّتینی چکمیشدی. اوْخویان گنج خواننده سانکی درسده مشق ائله‌میر، موسیقی‌نین قانادلارێندا اؤز عالمینه اوچوردو. بعضاً صنم بو سسین سئحرینه او قدر آلوده اوْلوردو کی، الینده‌کی ایشینی اونودوب، آنجاق اوْنا قولاق کسیلیردی.

#آردێ_آشاغێدا...👇

@SancaqDergisi
https://t.me/Sancaq_media/7290

سنه قوربان
یازار: شاهرۇن سلیمان‌اوْوا

کؤچۆرن: #یعقوب_نامی

بیرینجی بؤلۆم

صنم موسیقینی چوْخ سئویردی. اصلینده، بوردا غیرعادی هئچ نه یوْخ ایدی. هاردا گؤرۆنوب‌کی، قاراباغلی ایللاه دا شوشالی اوْلاسان، آما موسیقینی سئومه‌یه‌سن؟!
ائولرینده کؤهنه‌دن قالما، قارا رنگلی بیر پیانو وار ایدی. آناسی‌نێن جئهیزی‌ایدی. عاغلی‌کسندن، اؤزۆنو تانێیاندان، هر گۆن او پیانونون قاپاغێنی گؤتۆروب، نسه دێنقیلداداردی. آغ-آپباق شیرمایی دیللرله قارا دیللرین قوجاق- قوجاغا یاتدێغی بو سیرلی- سئحیرلی قوطو اوْنون اۆچون بیر دنیا ایدی.
اوشاق واختی پیانونون قاپاغی ضرب‌له چێرپیلیب نئچه دفعه بارماقلارێنی ازسه ده، او آغری- آجێلار بالاجا صنمین اوْنا وورغونلوغونا ذرّه قدر ده، خلل گتیرمه‌میشدی.
گۆنلر کئچیر، صنم بؤیۆیوردو. آغ- آپباق بنیزی ایله قارا ساچلاری دا، ائله پیانونون دیللرینی خاطێرلادیردی. قاپ- قارا، یوپ- یومرو، پارلاق گؤزلری ایسه بو گؤزللیکله مخصوصی آهنگ یارادێردی.
موسیقی‌یه اوْلان سئوگیسینی والدین‌لری ده گؤرۆردولر. بونا گؤره‌ده مکتب یاشێنا چاتان کیمی اوْنو موسیقی مکتبی‌نین فورتوپیانو صینیفینه یازدێردیلار. آتاسی ظارافاتلا دئییردی‌کی، صنم اوْنسوز دا بۆتون گۆنو نسه دێنقیلدادیب باش- بئینیمیزی آپارێر، باری قوْی چالماغی اؤڲره‌نیب فرلی- باشلی بیر شئی چالسێن، بیز ده بیرآز دینجه‌لک.
صنمین موسیقی هوسی تحصیلده ده اؤزۆنو گؤستردی. او موسیقی درسلرینده یۆکسک نتیحه‌لر گؤستریر، نازیک، اوزون بارماقلاری سایه‌سینده ان چتین آکوردلاری آسانلێقلا گؤتۆروردو. اختصاص معللیمه‌سی همێشه دئییردی‌کی: «صنم، ائله‌بیل، سنین بارماقلارێن یالنێز پیانودا ایفا ائتمک اۆچون یارانێب.»
سکسنینجی ایللرین آخرلاریدی. صنم موسیقی مکتبینی بیتیریب، اعلا قیمت‌لرله آغدام موسیقی تئخنیکومونا قبول اوْلوندو. آرتێق ایکینجی کورسدا اوْخویوردو. درسلر اؤز آخاری ایله گئدیردی. فرقلی محیط، یئنی دوستلارلا،‌ معللیمه‌لرله تانێشلێق صنمین حیاتینا یئنی چالارلار قاتمیشدی. تئخنیکومدا کی آب- هاوا لاپ اۆره‌ڲیندن خبر وئریردی.
موسیقی اوْجاغی اوْلدوغوندان، بورادا آز قالا، هر کسین بیر یارادێجی طرفی وار ایدی. بئله آداملار، دنیا گؤرۆشجه داها زنگین، داها درین اوْلورلار. اوْنلارلا صحبت ائتمک، مختلف موضوعلارلا باغلێ دۆشونجه‌لرینی بؤلۆشمک خصوصی ذوق وئریر‌. اوْنا گؤره ده صنم اۆچون بو مکتب ساده‌جه تحصیل اوْجاغی دئییل، هم ده هر گۆن جان آتدێغی، واختین نئجه کئچدیڲی‌نین فرقینده اوْلمادێغی ماراغلی بیر دنیا ایدی.
مختلف موسیقی آلت‌لری‌نین آئودیتوریالاردان سۆزولن سسی بیر- بیرینه قارێشیب غریبه بیر هارمونییا یارادێردی. بو وضعیت اوْنا چوْخ دوْغما ایدی. سانکی اوشاقلێقدان ائله بو سسله بؤیۆموشدو.
آخشام واختی، درسلرین سوْنونا یاخێن، خواننده‌لیک صینیفی‌نین قاپێسی چوْخ واخت آچێق اوْلوردو. صنم درسدن سوْنرا، هردن آئودیتوریادا قالێب کیتابخانادان گؤتۆردوڲو نوتلارلا ایشله‌یرکن، او صینیفلردن بیرینده تئز-تئز ائشیتدیڲی یانێقلی بیر سس دقّتینی چکمیشدی. اوْخویان گنج خواننده سانکی درسده مشق ائله‌میر، موسیقی‌نین قانادلارێندا اؤز عالمینه اوچوردو. بعضاً صنم بو سسین سئحرینه او قدر آلوده اوْلوردو کی، الینده‌کی ایشینی اونودوب، آنجاق اوْنا قولاق کسیلیردی.

#آردێ_آشاغێدا...👇

@SancaqDergisi
https://t.me/Sancaq_media/7290

■ 2434 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز پنجشنبه 28 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۳۴. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️قره قوْچاق «پَریزاد»
✍️یازار: عیسی غریبی کلیبر

🔷تۆرکجه‌یه چئویرن: #سوسن_نواده‌رضی

✏️یازییا گئچن: #شبنم_توحیدی ـ سانجاق گۆننامه‌سی‌نین سوْروملوسو

📸عکاس: اۆلکر تبریزلی

اوْن ‌بئشینجی بؤلۆم

نیّرالسلطان گۆلومسونه‌رک الینی وداعلاشماق اۆچون علیمراد خانا سارێ اوزالدێب، دئدی:
- خان! اؤزۆنوزدن ده، پریزاد خانێمدان دا موغایات اوْلون. پریزاد خانێمین، یا دا اوْ آتـێن اوْولاقدا یا باشقا بیر یئرده بیر گۆلله‌یه نشان آلێنماسی احتمالێ چوْخدور. امیر ارشد ده، بیوك خان دا اوْلدوقجا اینجیکلی اوْلمالێ‌دیرلار.

علیمراد خان، بو اینجیک‌لیڲین سببی‌نی ائله آنلامێش دڲیلدی. هم ده نیّرالسلطان اوْنلارێن قوْناق‌پرورلیڲیندن چوْخلو تشکّر ائدیب، آداملارێ ایله بیرڲه یوْلا چێخدیلار. امیر ارشد، نیّرالسلطانێن اوْنا ائشلیک ائتمه‌سیندن ائله راضی گؤرۆنمه‌ییردی، لاکن بیر سؤز ده دییه بیلمه‌دی.
اوْنلارێن گئتمه‌سیله قوْناق‌لارێن بیر چوْخونون ال – قوْل سوْیوماسێنی دویان هاشم‌خان، تئز اؤزۆنو توْپلایێب، اوجا سس‌له دئدی:
- آغالار! ال دَبـردین. اوْولاغا گئجیکه‌ریک. بیر نئچه نفرین گئتمه‌سی بئله بیر تؤره‌نین دادێنی قاچێرمامالی. یارێم ساعته کیمی حاضرلانێن، یوْلا دۆشه‌لیم.

سایێسی ایکی یۆز نفری آشان قوْناق‌لار، دئییلن ساعتده سازلاشدێلار و سس – کۆی‌لر اوغورلامالارلا داغا سارێ گئتدیلر.
اؤنجه‌دن پلاندێغی کیمی، اوْو یارێشی «وینه» کندی‌نین اهالیسی اشتراکی ایله باشلایاجاقدێ. «وینه» ارمنی کندی ایدی. هم ده اوْلدوقجا گؤزل و صفالی بیر یئر ایدی. بو کند، آرازا باخان بیر داغێن اۆزرینده، اوْرمانلێغین اوْرتاسێندا یئرلشیردی و دؤرد بیر یانێ، گؤز ایشله‌دیکجه داغلێق و آغاجلێق ایدی. یارێشما اۆچون نظرده آلێنان مشهور «آنزا» اوْرمانێ ایسه، همین کندین کنارێندا بولونوردو. بو اوْرماندا هر دۆرلو وحشی جیران اوْلوردو. بو یام – یاشێل داغلارێن أتـڲینده آراز چایی بورولا – بورولا آخێشماقدایدی. بۆتون بونلار «وینه» کندینه عجاییب بیر گؤرکم باغێشلاییردی.

بو کندین، کانتوره بیناسێ اوْلدوقجا گؤرمه‌لی، دینجه‌لیب یئییب، ایچمك اۆچون چوْخ مناسب بیر یئر سایێلیردی. بۆتون آتلێ‌لارلا، اوْوچولار گلیب بورایا چاتێنجا، یارێشماغا حاضر اوْلدوقلارێنی اعلان ائتدیلر و بئله‌لیکله اۆچ گۆلله‌نین آتێشی یارێشمانی باشلاتدێ.
اوْوچولار هر بیری بیر طرفه چاپدێردی، آنزانێن سێخ و انگین اوْرمانلێغی هم‌ده سلطنتی اوْولاق سایێلیردی. قاجار شاهلارێ و تبریز دارالسطنه‌سی‌نین آداملارێ اوْولاماغا بورا گلردیلر.

یارێشماچی‌لار بیر کَل یادا بیر قوْچو جانلێ اوْلاراق توتاجاقدێلار. اوْ گۆن علیمرداخان اؤزۆ آت مینیب، بو یارێشدا اشتراک ائتمـڲه قرار وئردی.
پریزاد ایسه کندده قالمێشدی. نیّرالسلطانێن سؤزلری علیمرادخانێ نگران ائله‌ییب، تالواسایا سالمێشدی. بو اۆزدن ده اوْ، اؤزۆ جۆنگ آتا مینیب، یارێشماچی‌لارا قوْشولدو.
بو یارێشمانی قازانان، اوْولادێغی حیوانلا أن تئز یئتیشه‌ن اوْوچو اوْلاجاقدێ. بیر ایکی ساعت کئچمه‌دن اوْوچولار بیرر – بیرر تاپێلیب، گلمـڲه باشلادێلار. وحشی حیوان اوْولاماق نه‌قدر چتین اوْلسا دا، اوْنو سۆروتله‌ییب گتیرمک یۆز اوْ بئله چتین و آغێر ایشدیر.

اوْوچولارێن بعضیسی آتدان یێخیلیب، جدّی یارالار آلمێشدی. بعضیلری ده «کَل»ـه حریف اوْلانمامێش، داغ گئچی‌سی یادا قوزو توتوب گتیرمیشدیلر. نهایت، هاشم خانێن آتلێ‌لاری بو یارێشمانی قازانێب، ایکی گۆن اؤنجه‌کی یئنیلڲی‌لری جبران ائتمیش اوْلدولار.

یارێشما بیتینجه قازانانلارا جایزه‌لر وئریلدی. بو آرادا علیمرادخان یئددینجی سێرادا یئر آلێردی. قوْناقلارێن یوْرغونلوغو چێخسین دییه، یارێشدان همن سوْنرا کانتور بیناسی‌نین حیطینده بؤیۆك توْنقال قالادێلار. اوْدون تۆستوسو هر یئردن گؤرۆنوردو. یاشێل‌لیغی و گؤزل هاواسیله اۆرک‌لری فرحلندیرن بیر اوْرتامدا، یوْرغون دۆشموش قوْناقلار صبرسیزلیکله اوْولارێن بِریان اوْلماسێنی گؤزله‌ییردیلر.

اوْولارێن سایێ‌نین چوْخ اوْلدوغونا گؤره هاشم‌خان قوزولارێن بوراخێلماسینا امر وئردی و اوْن باش کَل، قوْناقلار یئمـڲی اۆچون کسیلیب حاضرلاندێ. ایستی کاباب، یانیندا دا یوْغورت – چؤرک، سحیرلی بیر فضادا نوش جانلێقلا یئییلدی. هر کس سئوینجلی و راضی گؤرۆنوردو. بو گۆنون اونودولماز و ائشسیز بیر گۆن اوْلدوغونو هامێ دیله گلیردی.

🔻قایناق؛ «مهد آزادی» نشریه‌سی – دوشنبه ۱۴ مهر ۱۳۷۶

#آردی_گلن_ساییدا...

@SancaqDergisi
https://t.me/Sancaq_media/7286

■ 2433 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز چهارشنبه 27 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۳۳. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️سؤز وئرمیشدیم، «منظره» تیتره‌تمه اؤرگَدم!
✍️یازان: #توران_قربانی_صادق

ایکینجی بؤلۆم

🔷بو حکایه، دڲرلی و محترم «خدیجه خانیم خانی»یه سۇنولور.

- قوْرخما ننه قوربان! قوْرخما!
گۆجوم دیره‌ڲه چاتمێر!
- «دور، ایندی گلیم.» دئییرم.
چؤلدن نئچه کیشی سسی گلیر: «زنگ وێرمیشیق اردبیلدن گلیرلر.»
- جعفر! آی جعفر!!

دوروب اوچوق دامدا فێرلانیرام. هارا – هارادێر آوارمێرام. قایێن‌خاتین‌لاریم، اوشاقلار هاردادێلار؟! بوْغونتو سس گلیر. بیر بوجاقدا توْرپاق پَلمه‌لنیر. سس اوْرداندیر. چێنقیل‌لارین آراسێندان قَـنوْو آچا – آچا اوْرا سارێ گئدیرم. اۆره‌ڲیمده دئییرم؛ «یانی بو خارابایا بو قدر توْرپاق ایشله‌نیب؟»
توْرپاغێ ائشیرم؛ «آی ننه قوربان آااا، بوردایام، بوردایام.» جعفر درین کفیشگه‌نیمیزه قویلانێب! اینجه بوْغازینانجان آیێریرام. بارماقلارێمی جعفرین آغزێنا سالێب، توْرپاغێ بوْشالدێرام. یوْخ زێغی! بوْشالدێرام. قوْرخودان گؤزلری دوْمبالێب.
خاچێن تومارلایێرام؛ «چێخ بالامسان چێخ!» آی اللّه! من بو طفیلدن کؤمک اومورام! بو کی، قوْرخودان آز قالێر زَهری یارێلسین.

گؤرۆم بیر قورتوم سو تاپا بیلیرم!؟ دهلیزین قاپێسی هاوادا بؤیرۆن یئره وئریب. بوْغازیندان دامێن سار سامانێ آسلانێب. ائو حاجاتلارێن آیاقلایا – آیاقلایا گئدیرم. یادێما گلن سو بارداغێن قاپێ‌نین دالێنا قوْیموشدوم. بیردن یئر اۇتقونور. «مریم»ین قێشقیرتی سسی گلیر. ائله جماعتین سسی ده! ائله بؤیۆک ماشینلارین سسی ده! هره اؤز آدامێ‌نین دالێ سۆره گلیب.
- «آی بی‌بی‌ین قوربان، گلدین؟»

قارداشێم اوْغلون گؤرۆب اۆرکله‌نیرم. باغرێنا گیریب آغلایێرام.
- «آقا ماحمود گیلده یوْلدادیلار.»
اوّل جعفری، سوْنرا دا مریمی دیرک آلتێندان چێخاردیریق. شهردن تانێنماز – بیلینمز آداملار گلیبلر. ائویمیزی چال چئویر ائدیب، اؤلۆ قایین‌‌خاتێنلاریملا، بالالارێن توْرپاق آلتێندان چێخاردیرلار. معطّل قالمێشام ماحمودا، قارداشلارێنا نه دییه‌جـڲم!
گۆن دؤنۆر. دنه – دنه قار باشلاییر. هامێنی یێغیرلار یوخارێ مسجده. گؤزۆم بیرده ساوالانا دۆشور. آرێن – آرخایێن، اؤزۆ – اؤزۆنو قوجاخلایێب، آخشام‌اۆستو چوْرتونو وێریر. بلکه ده بوگۆنومه اۆره‌‌کدن گۆلوب، دئییر؛ «به قیامت نجۆر اوْلار! بی‌بی قیز؟»

کیشی‌لر میداندا اؤلۆلرین دوره‌سینه اوْددان حاصار قورورلار. یارالێ مال‌داوارلارێ مێندار اوْلماسین دییه کسیرلر. بیر عدّه آداملارێن، ماشێنلارینا میندیریب شهره گئدیرلر. آنجاق من گرک گۆدوب، بو امانتلری قایێن‌لاریما تحویل وئرم.

آز زامان چکمیر یئر آغارێر. «منظر»ـی آختارانلار، هله ده داملارێ‌نین هر طرفین گزیرلر. بلکه ده ننه‌سی‌نین قولاغێ سسله‌نیرمیش! اؤزۆ دۆنن دئییردی، «گئده‌جک اۆزونه ساپ آتدێرا!»
روسریمین اوجونا دۆڲون وێریرام؛ «یا خانیم ام‌البنین!» خادیم فیضی گلیب، دئییر:
- سیز ده اهل عیالێنیزی گؤندرین مسجده، پۇچون یاندێرمیشام.
چادرامێ بوْینومدا برکیدیب، دئییرم:
- من دامێمیزدا قالێرام.
- دام؟! دام قالێب، دالێندا دالدالاناسان؟
- بی‌بی قیز! اَرین گلدی، گل.
اۆچو ده شخصی‌دن پیادا اوْلورلار.
یاشماغێمی چکیب، ایره‌للَنیرم باش سالێغی وئرم:
- آی آقا قارداش هاااا..
ائله آغزێمدا قالێر.‌ ایکی یاندان منی تَـپیڲه توتورلار:
- کؤپـڲین قیزی! به سن، نییه دیری قالدین؟ هانسێ خارابادایدین؟
هئچ زلزله بئله اۆره‌ڲیمی گؤینَتمه‌میشدی. امّا بولار!

ماحمود، نوْودان بوزو کیمی گئن‌ده دوروب! قایێنیم دده عوضی اوْلدوغونا یاخێنلاشمیر. سوْروشمور نییه دؤیۆرسوز بو بدبختی؟! آخێردا دا جماعت، هره‌سین کنارا آپارێب داماقلارێنا بیر سیگار آلێشدیریب قوْیورلار.
منی اوْ آرا کیم بیرده مسجده چکیر بیلمیرم. نه یاخجی اوشاقلارێ قارداشێم اوْغلو اؤزۆیله اردبیله آپارمێشیدی. دیوارا سؤیکه‌نیب آغلایێرام. حالێم یاخجی دڲیل. هر نفس آلدێقجا قابێرغامدان بیر یامان آغرێ توتور. ائله بیل من قالمێشدیم دام داش آلتێندا. اصلاً کئشگه من ده قالێردیم.

آز زامان چکمیر مسجد دوْلور. قوْنشو کندین دیری‌لرین بورا گتیریرلر. اوشاق موشاق یاتێر. گؤزۆم قاپێدا قالێب. چؤلده لوْدر بوْلدوزر سسی هله ده وار. های قوْپور، «منظر» تاپێلیب. اوْنو پتو آراسێندا مسجدین دهلیزینه قوْیورلار. ننه‌سی دیزینه تاپاشدییا – تاپاشدییا، اۆستو باشێ قارلێ چاتێر. آغزێ سوْیوقدان سؤز توتمور. هم گۆلور، هم‌ده آغلایێر. بیری پتونو آچێر. «منظر» بَر بزکلی مات باخێر. ائله بیل جانێنا اۆشوتمه گلیر. کهلیک سایاغێ تیتره‌ییر. توْرپاق، سو کیمی سێچراییر. ایره‌للنیب «منظر»ین چرقدین باشێندا جۆرلایێب، دوْداغێن سیلیرم.

#سون

@SancaqDergisi
https://t.me/Sancaq_media/7284

■ 2432 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز سه شنبه 26 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۳۲. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️قالێش
✍️یازان: #شهرام_زمانی

بیرینجی بؤلۆم

بو اوْتوز اۆچ ایلده‌کی مستند ناغێل‌لاری قزئته‌لرده* یازێرام، بو ناغێل منیم اؤزۆمده هامێسیندان چوْخ تأثیر قوْیوبدور. اوْ دا بونا گؤره‌دیر کی، نئچه ایللیک یوْلداشیم «گۆرسس یوْرولماز»ین اوشاقلێق خاطیره‌سی‌دیر.

گۆرسس ایله من اورمودا قورولموش بیر ادبی یێغینجاغا دعوت اوْلموشدوق. بیرلیکده یوْلا دۆشدوک. میانانێن یوْل پوْلیسی‌نین قاباغێندا اتوبوس دایانارکن، کوْر بیر قوْجا کیشی ماشێنا چێخدی. گۆرسس‌ین دانێشیغی بیردن کسیلدی! اوْنون باخێشینی ایزله‌یرکن قوْجا کیشی‌نین الیندن یاپێشان بیر بالاجا اوشاغا یئتیشدیم. ماشێنین دالێسی طرفینه ایره‌لی‌لدیکده حزین سسی‌له سسله‌ییردی:
- عطر، عطر، قێزیل‌گۆل عطری‌دیر.

تۆک‌لری سارێ‌ ایدی، گؤزلری ده گؤی! گۆن قاباغێندا قالماقدان اۆزونون دَریسی قابێق وئرمیشدی. کامفا* کؤینک گئیمیشدی، منی ده ایستی باسدێ. چوْخ آرێق‌یدی! گؤن قایێشین قَییمدن باغلامێشدی کی، دیزی گئتمیش گئن شالواری اَڲـنینده دورسون! گۆرسس اؤزۆندن چێخمیشدی. گؤزۆ اوشاغێن آیاغێندایدی. من داها اؤزۆمه جرأت وئره بیلمه‌دیم بیر سوز دئیم!

ماشێن یوْللاندێ. گۆرسس اوْن دنه عطر آلمێشدی. نئچه دقیقه‌دن سوْنرا یوْلداشێم سؤزه باشلادێ:
- من اوشاق اوْلاندا، دَده‌م بیر قوْجا کاسیب کیشی ایدی. یئددی باجێ‌‌یدیق، ایکی قارداش. یادێمدادی قێشین قان دوْندوران واقتێیدی. اوْندا اۆچو اوْخویوردوم. ننه‌م نوْخوش ایدی. داوا، دکتر پولون قاباق – قاباق ایش صاحابێمدان آلمێشدیم. عوضینده گرک ایکی آیا، فرشی قورتارایدێم. مدرسه‌دن چێخاندان سوْنرا گئدردیم کرخانایا*. اوْ گۆنلر اۆش* دؤرد ساعات گۆنده‌کیندن آرتێق گرک توْخویایدێم. گئجه‌لری چوْخ بئواخت ائوه یئتیشردیم. اوْ گئجه‌سی دای لاپ آیاقدان دۆشدوم. گئجه‌نی کۆرسونون آلتێندا آیاقلارێمی کؤزه یاخێنلاشدیریردیم، یانێردی! اوزاقلاشدێریردیم یانێردی! نئچه گۆن ایدی جێریخ قالیش‌لارینان مدرسه‌یه گئدیردیم. آخێر دا زوْققولتێسینا داوام گتیره بیلمه‌دیم. دوردوم اوْتاغێ دؤرد دوْلاندێم. چوْخ گؤزله‌ییردیم ننه‌م‌گیل یوخودان اوْیانماسێن. ننه‌م نوْخوش ایدی آخی؛ دَده‌م ده پولسوز. ایسته‌میردیم اوتانسێن! دده‌مین سسی کی، دئییردی: «بالام، گۆلوم، به نیه یاتمایێبسان؟» منی اؤزۆمه گتیردی.
«هئچ نه ، دده دوردوم سو ایچه‌م.» - دئدیم. یانی کی، سو ایچه‌مـڲه گئدیردیم.

ننه‌م گؤردۆ یئرییه بیلمیرم. داها گیزلتمک اوْلمازیدی. آیاقلارێمین سولوق‌لارێن گؤرجک دده‌مین گؤزلری یاشلاندێ. گؤزۆمو گؤزلریندن گؤتۆردوم، گؤرمه‌سین گؤزلری‌نین یاشێن گؤردۆم. ننه‌م منی باغرێنا باسێب، آغلادێ. آیاقلارێما یئرآلماسێ باغلادێ. باغلایا – باغلایا گؤزلریندن تؤکۆلن یاش، مندن ده اختیاری آلدێ.

🔷آچێقلامالار؛

قالێش: گالُش
قزئته: درگی – روزنامه
کامفا: کاموا
کرخانا: کارخانه
اۆش: اۆچ

#آردێ_گلن_سایێدا...

@MuncuqAz
https://t.me/Sancaq_media/7282

■ 2431 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز دوشنبه 25 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهد تمدن گۆنده‌لیگی‌نین ۲۴۳۱. سایێنداکی تۆرکجه صفحه‌

«مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چیخیر.

@SancaqDergisi
@MuncuqAz

🌐 https://www.instagram.com/sancaq2
🌐 https://instagram.com/asanews.ir

⭕️قێزیل ایلان و کندلی‌نین ناغێلی
✍️کؤچۆرن: #شبنم_توحیدی

صَفر آدلێ بیر یوْخسول کیشی وار ایدی. صَفر کیشی‌نین بیر اوْغلو، بیر خانێمیسی وار ایدی. بیر ده وار – دولتدن، بیر اینَـڲی وار ایدی. صَفر کیشی‌نین پئشه‌سی چؤلدن بییان* چێخاریب، ساتێب عائله‌سینی دوْلاندێرماق ایدی.

صَفر کیشی، بیر گۆن گینه چؤله بییان چێخارتماغا گئتمیشدی. چؤلده یئری قازاندا، گؤردۆ بییانێن دیبینده بیر قێزیل ایلان یاتێب. قێزیل ایلان، صَفر کیشی‌نی گؤرۆب آیێلدی، دئدی:
- آی کیشی! بو بییان قازێب، ساتماقدان گۆنده نئچه قازانێرسان؟
صَفر کیشی کؤکسۆنو اؤتۆروب، دئدی:
- آی باشێنا دؤنۆم، گۆنده بو بییان قازماق ایلن ایکی‌جه شاهێ قازانێرام.
ایلان دئدی:
- گۆنده ایکی شاهێ قازانماق ایلن عائله‌نی نئجه دوْلاندێرا بیلیرسن؟! سن گۆنده منه بیر قاب سۆد گتیر، من ایچیم و هر گۆن سنه بیر لعل* وئریم، آپار سات، پولوینان دوْلان.

صَفر کیشی، باش اۆسته دئییب، قێزیل ایلانا باش ائندیریب گئتدی.
صاباحی بیر قاب سۆد گتیردی، قوْیدو بیر کوْلون دیبینه. قێزیل ایلان گلدی سۆدو ایچدی، آغزێندان بیر لعل، قابێن ایچینه سالێب گئتدی. صَفر کیشی، لعلی گؤتۆروب، سئوینه – سئوینه ائوینه گلدی. بییان‌لارێ ائوه قوْیوب، آپاردێ بازاردا لعلی خێردالادی، ائوینه لازم اوْلانلاری آلدێ.

صَفر کیشی، صاباح گینه قێزیل ایلانا سۆد آپاردێ. قێزیل ایلان گلدی سۆدو ایچدی، قابا گینه بیر لعل سالێب گئتدی. صَفر کیشی، گینه لعلی گؤتۆروب گئتدی بازارا، ساتێب، ائوینه یئیینتی‌ آلدێ.
صَفر کیشی بو یوْلنان هر گۆن ایلانا سۆد آپارێر، بیر لعل آلێر، گؤزل دوْلانێردی.

بیر گۆن صَفر کیشی، قێرخ گۆنلوك سَفره گئده‌سی اوْلدو. اوْغلونو یانێنا چاغێریب، دئدی:
- آی اوْغول! من سَفردن گلنه کیمی، هر گۆن آنان سۆدو ساغسێن، من بییان چێخارتدیغیم یئرده‌کی کوْلون دیبینه قوْی. بیر قێزیل ایلان گلر، سۆدو ایچر، قابا لعل سالار گئدر. سن لعلی گتیر، آنان قوْیسون صاندێغا ساخلاسێن.
صَفر کیشی، بو سؤزۆ دئییب، گئتدی سَفره.

صاباحێ اوْغلان بیر قاب سۆدو ساغدێریب، آپاردێ آتاسێ دئدیڲی کوْلون دیبینه قوْیدو. قێزیل ایلان چێخدی، گلدی سۆدو ایچدی، قابا بیر لعل سالدێ و گئتدی.
اوْغلان لعلی گتیریب، آناسێنا وئردی. صاباحێسی گۆن گینه سۆد آپاردێ، گینه لعل گتیردی. اوْغلان بیر نئچه گۆن بئله ائله‌دی، آخێردا یوْرولدو. اؤز – اؤزۆنه دئدی: «ائله بیر یوْللوق وێررام، قێزیل ایلان اؤلر، بۆتون لعل‌لری گتیررم ائویمیزه..!»

اوْغلان صاباح بو فیکرینن بیر قاب سۆد آپاردێ، قوْیدو کؤلون دیبینه. ایلان گلدی سۆدو ایچدی، بیر لعل سالێب قابا، قایێداندا اوْغلان ووردو، قێزیل ایلانێن قویروغو قێریلدی. فێزیل ایلان چئوریلدی، وێردی اوغْلان یاندێ، کۆل اوْلدو.

قێرخ گۆن تمام اوْلدو، صَفر کیشی، سَفردن قایێتدی. اوْغلونو ائوده گؤرمه‌دی. خانێمیسیندان اوْغلونو خبر آلدێ. خانێمیسی آغلایا – آغلایا دئدی:
- بیر نئچه گۆن بوندان قاباق سۆد آپاردێ گئتدی، گئری قایێتمادی. نیگرانام.
صَفر کیشی، تئز سۆد گؤتۆروب گلدی، سۆدو کوْلون دیبینه قوْیدو. قێزیل ایلان گلدی، سۆدو ایچدی، لعل سالمادێ! گئتدی گیردی یوواسێنا و اۆزونو چئویردی صَفر کیشی‌یه، دئدی:
- بیر ده بورایا گلمه، سنی ووررام، یانێب کۆل اوْلارسان.
صَفر کیشی، قوْرخا – قوْرخا دئدی:
- منیم نه گناهێم وار کی، ووروب کۆل ائله‌ییرسن؟!
قێزیل ایلان دئدی:
- بوندان آرتێق نه گناهێن اوْلاجاق. بیزیم آرامێزدا اوْلان سرّی اؤزگه‌سینه وئردین! ایندی هانێ منیم قویروغوم، هانێ سنین اوْغلون؟ بوندان سوْنرا بیزیم دوْستلوغوموز توتماز. سنین سینه‌ندن اوْغول داغێ گئتمز، منیم سینه‌منن ده قویروق داغێ گئتمز.
قێزیل ایلان بونو دئییب، یوواسێنا گیردی. یازێق یوْخسول صَفر کیشی ده، کوْر – پشیمان ائوینه قایێتدی. گینه بییان چێخاریب، کاسێبلیغینان دوْلانماغا، عؤمر سۆرمـڲه، گۆن گئچیرمـڲه باشلادێ.

گؤڲدن اۆچ آلما دۆشدو، بیری باجادان باخانلارا، بیری ناغێل دییه‌نلره، بیری ده ناغێلا قولاق آسانلارا.

🔷آچێقلامالار؛

بییان: کؤکۆندن بوْیا و داوا – درمان حاضرلانان شیرین‌کؤکلۆ بیر بیتکی‌دیر. گیجیتکان، یوْنجا، دَوه‌تیکانێ و خیارێن عائله‌سیندن سایێلر.
لعل: جواهر

#سون

🔻قایناق: kirpi.az

(جمعه ۲۲ فروردین ۱۴۰۴ – خیاو شهری)

@MuncuqAz
https://t.me/Sancaq_media/7279

⭕️سؤز وئرمیشدیم، «منظره» تیتره‌تمه اؤرگَدم!
✍️یازان: #توران_قربانی_صادق

بیرینجی بؤلۆم

🔷بو حکایه، دڲرلی و محترم «خدیجه خانیم خانی»یه سۇنولور.

اوشاقلار تلویزیونا باخێردیلار. قایین‌خاتێن‌لاریم دا تیر – تیکیشه...
- «گئدیم قارێ‌نین دا ائوین تمیزله‌ییم، عزیز گۆندو! آی بالا، دۆنیانی اوچورتمایێن هااا!»
بونو قیزلارا دئییرم کی، مطبخده ائوچیک قوروب، قوْناق – قوْناق اوْیناییرلار. قویونون باشێندان فاب قابێن گؤتۆروب، یوْلا دۆشورم. هاوادا سێزاق وار. نه بیلیم بلکه بو ایلده چرشنبه، قار آلتا قالدێ. ساوالانێن باشێ قارلا دوْلوب. هردن اوْنو بئله آغ پاپاخلی گؤررکن اۆره‌ڲیمدن سوْووشور؛ «قیامت، بیر ایل ده دالا دۆشدو!»

قارێ منی گؤرجک، سسین باشێنا آتێر:
- گینه ده عزرائیل گلدی.
- آی طیبه ننه! بئله دئمه سن‌اللّه!
ایره‌لی گئدیب، چیڲنین سێخیب، یاناغێن اؤپۆرم:
- نئجه‌سن آرواد؟ دور... دور..!
قارێ‌نین قوْلتوغونا گیریب، حامام خاناسێنا آپارێرام. جانێن، باشێن یویورام. تمیز یوْرغانا بۆروندورورم. سۆدوک قابێسین بوْشالدێب، بؤیرۆنه قوْیورام. خێنالی ساچێن دارایێب هؤرۆرم. ائله اوْ دا دئیینیر:
- دای بسدی.
ائله کی، ال آتێرام طاقچانێن توْزون آلام، اوجا دئییر:
- موغایات اوْل عکسدن!

***

رحمان عمی دوْداغی اۆسته پارا بێغ، لبه‌دار بؤرک باشێندا منه باخیر! رمکه‌نی سیله – سیله «اللّه رحمت ائله‌سین.» - دئییرم.
قارێ دریندن آه چکیب، دئییر:
- خوْش گۆنوم ائله اوْنونلا کئچدی.
آینا پاراسێن الینه وئریرم: «باخ بی! اوْلدون گلین خانیم!» دوْداغی قاچێر.
جێر جێندر، قاب قاشێق هرنه وار تشته تؤکۆب، باشێما قوْیوب دره‌ده‌کی آرخا سارێ گئدیرم. یوخارێدا باغبانین گلینی اوشاق اسگیسی یویور. تشتی نئچه آددیم سویون باش طرفینه سۆرویورم. کئف احواللاشیر:
- قیز! عسگر، گلیب؟
اوتانێب باشێن آشاغا سالێر.
- اوْندا گؤزلرین آیدین؛ گۆن اوْ گۆن اوْلسون سوْیونوب بیردیبلی گله!
یاش اللرین چێرپیب، قوْلتوغونا سوْخور.
- قالێم کؤمک ائله‌ییم بی‌بی؟
- یوْخ یوْخ! بخته‌ور اوْلاسان، کؤرپه قوْیوبسان.

سوْیوخدان چایێن سویو بوغلاییر. یویا – یویا اۆره‌ڲیمدن مین بیر خیال سوْووشور. کیشی‌لر ایکی اۆچ گۆنه الی جیبی دوْلو کنده قایێداجاقلار. گرک دییم ماحمود اوْ مطبخین دامێن دا گؤتۆروب، دمیر (آهن) آتا. بیر گۆن ده شهر بازارێنا گئدیب، «منظر»ین بندی‌تختینه اۆزوک آلاق. دره‌دن چێخیب، تشت باشێمدا دورورام تؤشگۆمو دَرم. گؤزۆم بیرده ساوالانا دۆشور. ائله بیل کیشی اؤز الی‌له باشێنداکی قارلارێ گؤتۆروب، اوْووج – اوْووج گؤیه سوْوورور. مئحی سوْیوق یئل گتیریر. گؤز گؤزۆ گؤرمۆر! یئر شاققلداییب اسیر. آز قالیرام یێخیلام: «یا زهرا!»
ائله بیلیرم تاری، کندی ساوالان اوجالێغیندا گؤتۆروب، بیرده یئره چێرپیر. عالم تیتره‌ییر. باشێمدان بارماغێماجان اسیرم. آیاقلاریم قاباغا گتمیر. خار – خار – خار سسی کندی بۆرویور. بیلمیرم نه‌جۆر اؤزۆمو قارێ‌نین قاپێسینا چاتدێریرام. تشتی حیطینه توللایێب «یا ابوالفضل!» سسله‌یه – سسله‌یه ائوه سارێ قاچێرام. قارێ‌نین سسی دالدان اۆره‌ڲیمی دئشیر:
- آی قیز! قوْرخما زلزله‌دی.
ائولر یئریله یکسان اوْلوب. تَـکه تۆک دیری قالانلار بایێرا چێخیب چێغیریر:
- وااای گلین بالام! گلین، سیزی اللّه!
«منظر»ین ننه‌سی الی‌له داملارێن گؤرسه‌دیر. توْیا گؤره آداخلێسی دیوارلارێ‌نین چؤل اۆزونه ده آغ گَچ‌ ایله ال شیره‌سی وئریب.‌ نردیوان‌سیز!
ائلچی گلنده اوْندان سوْروشدوم:
- قیز! بونون نَیینه هه دئدین؟‌
شوخلوغا سالمێشدیم. نه آلێب، نه ساتێب دئدی:
- اوجا بوْیونا!
دوره‌یه گؤز گزدیریرم. حیرص ایله دئییرم: «به ایندی هاردادێ اوْ یزید عَلمی، بو ننه‌نین دادێنا چاتا؟! سسی گلیر. دیریدی واللّه!» آوادانلێغیمیزدان تکجه مطبخین پارا دامیلا ایکی دیواری قالێب. نه وار دال حیطه اوچوب.
- ننه! آی ننه!
دیزلریم تیتره‌ییر. قیزیم‌دیر. «یا خانیم زینب!» منی گؤرجک، الین باشێنا آپارێب، ائله بیلیر دؤیه‌جییم! دئییر:
- ننه! قاغام جانێ من، اوچورتمادێم هااا!

دامین دیره‌ڲی «مریم»ین قێچلاری اۆسته‌دیر. تاختالار هله ده سسله‌نیرلر. یئر ده بالاجا – بالاجا تیتره‌ییر. آیاق اۆسته دورماغا اینجارێم یوْخدور. ائله بیل داغ داشێمیشام. دیزی اۆسته اوْتوروب، توْرپاقلاری تئز – تئز اوْیان بویان ائله‌ییرم.

#آردی_وار...

@SancaqDergisi
https://t.me/Sancaq_media/7280

■ 2430 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز یکشنبه 24 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۳۰. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️جانلێ موغام مسابقه‌سی تبریز شهرینده ۲۸ - ۲۳ آغلار – گۆلر (فروردین)

✍️حاضرلایان: #گۆنش_امانی

🔶بئشینجی جانلێ موغام فستیوالی آغلار – گۆلر آیێ‌نین ۲۳دن – ۲۸سینه کیمی تبریز شهرینده کئچیریله‌جکدیر.

🔷بو فستیوال ۲۵- ۲۳ گۆنلری سحر باشێ ساعت ۹ و نهاردان سوْنرا ساعات ۱۵دن، زعفرانیه‌ده، دکتر حسابی بولواری، رسانه و هنر پردیسی، پروین اعتصامی سالوْنوندا کئچیریلیب، آیێن ۲۷- ۲۶ خاوران اولوسلار آراسێ کنفرانس مرکزینده دوام ائده‌جک. بو اوْلایێن قورتولوش تؤره‌نی، آیین ۲۸ ساعات ۱۶ دا همین مکاندا اوْلاجاق. بو مسابقه‌لرده، ایکی الف (۱۸ دن آشاغێ) و ب (۴۵-۱۸ یاشلار) یاش گروهو، خواننده‌لیک و نوازنده‌لیک ایفلارێندا ، آذربایجان (شرقی- غربی)، اردبیل، زنجان، همدان و تهران استانلارێندان اشتراک ائدنلرین آدلارێ خدمتلریزه چاتدێریلیر:

🔷الف یاش گروهو: رادین بران (تهران)، سالار پورمحسنی خیاوی (مشکین‌شهر)، ائلشن داوری سقین‌سرا (تبریز)، آرتین شهرکی‌نژاد (تبریز)، آراد قاسمی (تبریز)، احسان قلی‌پور (اهر)، امیرمحمد کرمی (تبریز)، علی محمدزاده (اردبیل)، محمدرضا مرادی نمرور (زنجان)، محمد‌مهدی نعمت‌زاده (تبریز)، سبحان مجمد‌پور (یان پرفوْرمانس / جنبی اجرا)، طاها محمدزاده (یان پرفوْرمانس)، مهدی رضازاده (یان پرفوْرمانس).

🔷ب یاش گروهو: رسول ابراهیم‌نژاد شله‌بران (اهر)، محمد اسماعیلی (کبودرآهنگ/ همدان)، رضا اصغری (اهر)، مهدی آسایش (خوی)، فایز پورصادق (خوی)، احسان پیرترکمان (اورمیه)، فرخ تیموری‌اصل (زنجان)، یونس جعفرزاده کلیبر (تبریز)، بهمن چمنی شهرک (تبریز)، حسن حیدرزاده مرکید (تبریز)، حبیب داوری سقین‌سرا (تبریز)، مهدی دهقانی (تبریز)، بابک سعادتی اصل (تهران)، ولی‌اله سلیمانی (بهارستان/ تهران)، صمد شیرزاده عسگرخانلو (مغان – گرمی)، حمایت عبدلی گۆن گؤرمز (تبریز)، مهدی علی‌زاده (تبریز)، مهدی علیزاده (میانه)، حسین فراهانی (تبریز)، عطاء قربانی (اورمیه)، حسین کاظم‌زاده (ورزقان)، جعفر کاظمی کوچمشکی (سلماس)، تابان محمدخانی (خدآفرین)، میرمهدی موسوی (تبریز)، سیدمحمد موسوی‌اقدم (تبریز)، احسان میرزازاده نیاری (اردبیل)، امیرحسین نوروزی‌اصل (تبریز)، فیروز همتی‌ملک (تبریز)، بهنام یوسفی (تبریز) کریم صبور (یان پرفورمانس).

***

🔻بو مسابقه‌لرین داورلری‌نین آدی، چئشیدلی بؤلۆملرده بو اوستادلاردان عبارتدیر:

🔶خواننده‌لیک داورلری، اوستادلار: حسین ملکی‌زاده، ودود مؤذن‌زاده، داود اجلالی، خسرو سرتیپی، احمد ستاری، رامین غزنوی و حمیدرضا رضایی.

🔶تار- عود داورلری، اوستادلار: خداداد نجاری، شهریار صدیق، بابک حسین‌زاده، محبوب فتحی، رضا حسینی بقانام.

🔶کمانچا- قانون داورلری، اوستادلار: عباس نجف‌پور، افشین علوی، یاشار جوادپور، لاچین طهماسب‌پور.

🔶قارمان داورلری، اوستادلار: حسن باحجب خجسته، غلامرضا کریم‌زاده، ابراهیم زاهد.

🔶کوبه‌ای سازلار داورلری، اوستادلار: وحید اسداللهی، محمدحسین افشاری، صمد نیک‌نفس

@SancaqDergisi
https://t.me/Sancaq_media/7276

■ 2429 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز شنبه 23 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۲۹. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️هفته‌لیک فالینیز
✍حاضیرلایان: #اوْلجای_مرآتی


🔸آزر (یای ، آذر): بو هفته انرژیلی و جسور گؤرۆنورسوز. چتینلیکلری آرخادا قوْیوب، آماجلارێزا یاخێنلاشێبسیز. بو هفته یئنی بیر یوْلا گیرمک اۆچون فرصتیز اوْلاجاق. البته عاطفی باخێمدان یارانان سوْرونلار، آزما- چوْخ الیزی سوْووتسا دا، زمان گئچدیکجه راحاتلاشاجاقسێز. بو هفته ایش یئرینده باشارێلاریزی گؤرستمڲه یاخجی فرصتلریز اوْلاجاق. عائله‌وی و اجتماعی باخێمدان داها چوْخ دقتلی اوْلماغێز توصیه اوْلونور. عاطفی باخێمدان بؤیۆک بیر آددێم آتماق زمانی‌دێر. سوبایلار آنی هیجانلارا تسلیم اوْلماسێنلار. درین فکرلشین و بیر- بیریزی تانێماغا زمان آیێرین. بو آرادا کؤنلۆزون سسینی دینله‌مکده خیر وار. ایشلر نه قدر چتین اوْلسا دا، آرامش و خوشبخت‌لیڲین قایێتماسینا اینانێن.

🔸چیلله (اوْغلاق، دی): بو هفته آماجلارێزی بیرداها اینجه‌لمک توصیه اوْلونور. بعضاً بعضی ایشلردن چوْخ اۆزولورسوز، آنجاق بو دڲیشیملرین هامێسی نهایتده سیزین نفعیزه اوْلاجاق. ایش یئرینده اوْلان دڲیشیملر، یئنی فرصتلرین باشلانقێجی دیر. عائله‌وی ایلتیشیملر سوْیوق اوْلسا دا، عزیزلریزله یاخێنلیق ساخلاماق و ایلیشگی‌لری گۆجلندیرمک هر زمان کی کیمی سیزین بوْینوزا دێر. الله رضاسی اۆچون، اوْنلارا داها چوْخ انرژی قوْیون. عاطفی باخێمدان یاواش یاواش ایشلر دۆزلمک حالدادێر. سوبایلار یئنی تانێش اوْلدوقلاری آداملا گله‌جڲه گؤره جدی دانێشیب، ایلیشگیلرینی دوام ائتدیره‌جکلر، آنجاق بو آرادا هرزاددان اؤنملی اؤزۆزو آرتێق تانێماغا چالێشماق و اؤزۆزله بارێشماغا باشلاماقدێر. دێشاریدا ایستکلریزی آراماق یئرینه، اؤزۆزه اوْداقلانێن و اؤزۆزله صداقتلی اوْلون.

🔸دوْندۇران آی (قوْوا، بهمن): بو هفته سئچدیڲیز یوْللارێن بیرآزی سوْنا چاتسا دا، یئنی یوْللارێن باشلانقێجی‌دیر. سئچیملریزده دقتلی اوْلماق و سوْرونلارلا اۆز به اۆز اوْلماغا جسارتلێ اوْلماقلا، بؤیۆک نائلیتلریز اوْلا بیلر. ایش یئرینده ایره‌لی گئتمک سیزین حقیز دیر. عائله‌وی ایلیشگیلرده ده لوطفا عائله‌یه اۆرک- دیرک اوْلون و آرخالارێندا دورون. سیز عاطفی باخێمدان اوْنلاردان گۆجلوسوز و اوْنلارا اوْلوملو انرژی باغێشلایا بیلیرسیز. عاطفی ایلیشگی‌لرده دانێشیب- آنلاشماغا چالێشماق، دویغولارێزی گۆجلندیریب، درینلشدیرر. سوبایلار صداقت و آنلایێشی هرزاددان اؤنملی توتسونلار و بیر- بیریله تانێشلیغا داها چوْخ وقت قوْیسونلار. هرزادی تئز اینمانمایێن و اؤز دویغو و نیازلارێزی اصلا گؤرمزدن گلمه‌یین. یئرسیز فکر خیاللاری اۆره‌ڲیزدن آتێن و کؤنلۆزو چیرکینلیکدن آرێتماغا چالێشین.

🔸بایرام (بالیقلار، اسفند): بو هفته اوْلاغن‌اۆستو بیر هفته‌دیر. حیاتێزدا الان دڲیشیملر قوْرخونج گؤرۆنسه ده، سیزین نفعیزه‌دیر. آرتێق اؤز ایستکلریزی اؤنمسه‌مک زمانێن چاتماسێنی دویورسوز، بو گۆنلر چوْخدان ذهنیزده اوْلان پروژه‌لری یئرینه یئتیرمڲه امکان یاراناجاق. اوزون مدتلی آماجلارێزا چاتماق یوْللارێن هامارلاشماسێنی گؤره‌جکسیز. ایش یئرینده اوْلوملو دڲیشیملر وار و یئنی اؤنریلر آلاجاقسێز. اجتماعی حیاتێز دا گؤزل و ایلگینج گؤرۆنور. عاطفی باخێمدان هم سوبایلار، همی ائولی‌لر داها چوْخ دانێشیب، آنلاشماغا چالێشمالێدیرلار. اؤز ایستکلریزی جدی توتاراق، قارشێ طرفه ده امکان و فرصت وئرین. چوْخ دا هرزادی کنترل ائتمکله اوغراشمایێن، یئتر کی انسان اوْلاراق، ایکیزین ده حق- حقوقوز مراعات اوْلونسون.


@SancaqDergisi
https://t.me/Sancaq_media/7274

⭕️هفته‌لیک فالینیز
✍حاضیرلایان: #اوْلجای_مرآتی


🔸قۇیرۇق دوْغان (آسلان، مرداد): بو گۆنلر انگیزه‌لی و هیجانلێ گؤرۆنورسوز. ایچیزده اوْلان انرژیدن یاخجێ فایدالانا بیلسز، ایشلری چوْخ قاباغا سالا بیلرسیز. بو گۆنلر یارێمچیلیق پروژه‌لری قورتارماق و یا یئنی پروژه‌لر باشلاماق و گئچمیشده اوْلان چتینلیکلری بیتیرمڲه اویغون زماندێر.. اجتماعی باخێمدان چئورزده‌کیلرله داها آرتێق صمیمی‌لشیب، یئنی آداملارا حیاتێزا گیرمک فرصتی وئره‌جکسیز. ایش و اؤزل یاشامێزین آراسێندا دنگه ساخلایێن و عزیزلریزله گؤزل آنلار یاراتماغا چالێشین. عاطفی باخێمدان، صمیمی دانێشیقلارا داها چوْخ بیر- بیریزی تانێییب، آنلاشماغا چالێشین. سوبالار روحیه‌لرینه اویغون بیریله تانێش اوْلاجاقلار، آنجاق یئنه ده آرتێق بیر- بیریزی تانێماغا دوام ائدین، بئله ایشلرده تلسمک جایز دڲیلدیر.

🔸زۇمار (باشاق، شهریور): یاواش- یاواش دوروم ساکن‌لشیر. گئچمیشدن اوْلان دغدغه‌لریز آزالێب، ذهنیز دورولور. بیر دڲیشیم یاراتماق ایسته‌سز ایندی تام زمانێدیر. مالی و ایش باخێمیندان گؤزل ایره‌لی گئتمکلر گؤرۆنور طالعیزده. بونجا دۆزوم و اۆمود نهایتده سوْن‌اوجا چاتدی. اجتماعی ایلیشگیلرده تانێدیغیز آداملار، حیاتێزی اوْلوملو یوْنه دوْغرو آپاراجاق. مهم دوروملاردا هر هانسێ بیر تصمیم توتمادان اؤنجه، تجربه‌لی آداملارین فکریندن فایدالانێن. بو گۆنلر عاطفی باخێمدان چوْخ درین دویغولارێز اوْلاجاق، بو اۆزدن آرتێق محبته احتیاجیز وار. قارشێ طرفله داها چوْخ دانێشماغا زمان آیێرین و آنلاشمارلێقلاری آرادان گؤتۆرون. بو هفته سوبایلار اوْرتاق نکته‌لری اوْلان بیریسی ایله تانێش اوْلاجاقلار، البته یئترینجه بیر- بیریزی تانمادان، بیر قرار وئرمه‌یین. اوْلوملو دڲیشیملر ایستییرسیزسه، آچێق باخێش و گئنیش کؤنۆل ایله قوْنویا یاناشێن، یئرسیز فکرلری بوراخێن و یارانان گؤزل دویغولارا اوْداقلانێن.

🔸خزل (ترازی، مهر): بو گۆنلر اوْلایلارێن هامێسی سیزین نفعیزه‌دیر. اؤنملی تصمیملر توتماغی دۆشونورسوز، بونا گؤره ده یئنی یوْللاردان گئتمه‌لیسیز. ایشلر نه قدر یوْلوندا اوْلسا، یئنه ده سیز دقتلی اوْلون. گئچمیشده اوْلان ایشلرین بعضی‌لری‌نین حکمتینی ایندی بیله‌جکسیز. ایش یئرینده چوْخدان باشلادێغیز پروژه بو هفته سوْن‌اوجا چاتاجاق. عائله‌وی و یوْلداشلێق ایلیشگی‌لری ایستی و صمیمی اوْلاراق دوام ائدیر. سئوگی ماجرالاری بیرآز دڲیشیک گؤرۆنور، قارشی طرفین سیزین داها چوْخ محبتیزه احتیاجی وار. اوْنون ایستکلرینی داها چوْخ نظرده توتماغێز توصیه اوْلونور. سوبایلار گئچمیش ایلیشگی‌لردن خوش خاطره‌لری اوْلماسا دا، بو گۆنلرین تانێشلیغینا پیس باخماسێنلار. هامی بیر اوْلماز کی! ایسته‌دیکلریزی اله گتیرمڲه چوْخ اوزاغا گئتمه‌یین، هرزاد اؤز الیزده‌دیر.

🔸قیروْو (عقرب، آبان): بو گۆنلر آرامش و آیدێنلیقلا دوْلو گۆنلردیر. اوزون مدت چالێشمالاریزین سوْن‌اوجونو گؤره‌جکسیز. دوروم سیزین نفعیزه دڲیشیلیر و یئنی فرصتلر الیزه دۆشور. ایشیزه دۆشن دۆڲونلر بیر- بیر آچێلاجاق و ذهنی باخێمدان راحت‌لشه‌جکسیز. ایش یئرینده ده هرزاد یوْلوندادێر، تصمیملریزین یئرلی یئرینده اوْلماغێ سیزی ایسته‌دیڲیز آماجلارا چاتدێراجاق. بو هفته عائله و یوْلداشلارێزلا خوش زمانلار گئچیره‌جکسیز. اؤزل ایلیشگیلر گۆجلنه‌جک، سئوگی قوْنوسوندا آرامش و لذت گؤرۆنور طالعیزده. سیز و سئوگیلیز بیر- بیریزی آرتێق تانێییب، آرتێق آنلایا بیلیرسیز. سوبایلارا توصیه اوْلونور اؤتری ایلیشگیلره وقت و انرژی قوْیماسێنلار و داها معنالی ایلیشگیلرله اوغراشسێنلار. دۆزلوک و صداقتی داها چوْخ نظرده توتاراق، دۆز ایشلر گؤرمڲه چالێشین، دۆزلوڲون سوْنو خیر و برکت اوْلار البته.


#آردی_وار...

@SancaqDergisi
https://t.me/Sancaq_media/7274

⭕️هفته‌لیک فالینیز
✍حاضیرلایان: #اوْلجای_مرآتی

🔸آغلار‌- گۆلر (قوْچ، فروردین): گئچمیشده اوْلان برنامه‌لری دۆزنله‌یین. اوزون زماندان سیزه وئریلن وعده‌لر بو هفته یئرینه چاتاجاق. اوْلوملو باخێش و دۆز تصمیملر سیزی آرامشه چاتدێرار. حیات و ایشیزده اوْلان سوْرونلاری منطق و دؤزۆمله آتلادێب، گۆجلو یوْلداشلێق ایلتیشیملریله اوْنلاری مدیریت ائدین. عاطفی باخێندان آرتێق ثباتا چاتێبسیز. ائولی‌لرین درین دویغولارێ اوْلاجاق و سوبایلار یئنی بیر سئوگی باشلایا بیلرلر. البته بو یئنی تانێشلیغا وقت آیێریب، یئترینجه طرفی تانێماغا چالێشین. ایکی‌اۆزلولوک و یالان- دوْلانێن فایداسی یوْخدور، صداقتلی اوْلون. سئچدیڲیز یوْل گله‌جڲی تمامیله ائتگی‌لندیره‌جک، بو اۆزدن چوْخ دقتلێ اوْلون.

🔸گۆلن‌آی (بۇغا، اردیبهشت): بو هفته قاباغا گلن یئنی فرصت، حیاتێزدا اوْلوملو دڲیشیملره باعث اوْلاجاق. هر زمان آرادێغیز ثبات و آرامشی بو هفته تاپا بیلرسیز. آنجاق یئنه ده آماجلارێزا اوْداقلانمالێ و چالێشمالێسیز. اوزون مدتلی آماجلاریزا برنامه تؤکۆب، دۆز تصمیملر توتون. ایش و مالی دورومدا بیرآز چتینلیک تؤرندیڲینه باخمایێن، هرزاد یوْلوندادێر. ایلیشگی‌لرین گۆجلنمه‌سیندن اؤزل یاشام و ایش دوروموزون دۆزله‌مسینه فایدالانێن. عاطفی باخێمدان گۆجلو دویغولارێز سیزین داها چوْخ محبته احتیاجێز اوْلدوغونو گؤرسه‌دیر. آرتێق دؤزۆم و آنلایێشلی اوْلماقلا، ایشلر یوْلوندا اوْلاجاقدێر. سوبایلاردان ایستییرم تلسمه‌سینلر، اؤنجه بیر- بیریزی تانێین سوْنرا اوْرتاق بیر قرارا گلین.

🔸قیزاران آی (ائکیزلر، خرداد): بو گۆنلر چوْخ گؤزلنیلمز فرصتلر الیزه دۆشه‌جک. توتدوغوز تصمیملر یاشام یوْلوزو تمامیله دڲیشدیره بیلر. سیزین ایلتیشیملرده انعطافلی اوْلماغێز ایشلرین دۆز یوْلدا ایره‌لیلمه‌سینی چوْخ ائتگیله‌ییر. دڲیشیملرین هامێسینا یئترینجه دؤزۆم و حوصله‌لی اوْلون، تلسرکن تصمیم توتساز، پشیمان اوْلارسیز. سوْرونلاردان اصلا قوْرخمایێن، سیزده هر بیر سوْرونا دۆزگون چؤزۆم تاپماق قابلیتی وار. ایش یئرینده هرزاد یوْلوندادێر، آنجاق بیرآز داها سئچیملریزده دقتلی اوْلون. بو گۆنلر بیر یوْلداش یا عائله عضولری‌نین بیریندن خوْش خبرلر ائشیده‌جکسیز. عاطفی باخێمدان قارشێ طرفین ده نیازلارێنی نظرده توتون. سوبایلار بو هفته ایلگینج دۆشونجه‌سی اوْلان بیری ایله تانێش اوْلاجاقلار، بو تانێشلیغا آرتێق وقت آیێرین.

🔸قوْرا پیشیرن (یئنگج، تیر): بو هفته دویغولارێز چوْخ گۆجلودور. بلکه ایش یا اؤزل یاشامێزدا بؤیۆک دڲیشیملر اۆز وئردی. اؤتری هیجانلارا یوْل وئرمه‌یین و تصمیملری آرامش و منطق‌له توتون. آماجلارێزی بیرداها اینجه‌لیین و یئنی برنامه‌لری یئنی انرژیلرله باشلایێن. ایشیزی دڲیشدیرمک ایسته‌سز بو گۆنلر بونا فکر ائلییه بیلرسیز. عائله‌یه آرتێق زمان آیێرین و عزیزلریزله بیرلیکده اوْلماغا چالێشین. عاطفی باخێمدان داها چوْخ دؤزۆملو اوْلوب، آنلایێشلی داورانماغا چالێشین. سوبایلار تانێش اوْلدوقلارێ آدام، اوْنلاری چوْخ ائتگیلییه‌جک، انسانلارێن ذات و نیتینی بیلمڲه چالێشین و ظاهری گؤرۆنوشه آلدانمایێن. درین باخماق، دۆز تصمیملر توتماق و احتمالی سهولرین آزالماسێنا باعث اوْلار.


#آردی_وار...


@SancaqDergisi
https://t.me/Sancaq_media/7274

⚫️⚫️هامی تانرێیا قوْووشمالێ‌دیر.


◾️درین کدر و تأسفله، آذربایجانلێ مزاح‌چی اوْیونجو، «محمد یاری» جمعه‌آخشامی، آغلار – گۆلرین ۲۱، تبریزین شهید مدنی خسته‌خاناسێندا، ایکی گۆن اؤنجه گئچیردیڲی آچێق قلب عملیاتی آردێندان، حیاتا گؤز یۆمدو.

◾️«خالا اوْغلو» کاراکتری ایله تانێنمیش، محمد یاری اجتماعی قوْنو و سوْرونلارا، کمدی ژانرێندا توْخوناراق، یوْروملاردی.

◾️بو دڲرلی هنرمندین تشییع مراسیمی جمعه، فروردین آیی‌نێن ۲۲سی ساعات ۱۲.ده تبریزین وادی رحمت مزارلێغیندا گئچیریله‌جک.

روحو شاد، توْپراغێ یۆنگول اوْلسون.

✍️سانجاق گۆننامه‌سی‌نین یازارلار بیرلیڲی

@SancaqDergisi
https://t.me/Sancaq_media/7272

⭕️زیوه کندی‌نین حکایه‌لری «بایراملارێز مۆبارک»

✍️یازان: #دکتر_سیدمجید_جوادی زیوه

🟣(طنز یازی)

بؤیۆک و مهربان آللّهێن آدی و یادێیلا.

یازێن اوّلی‌دی، هاوا تر- تمیز، خوش، اۆرکلر کینه‌دن اوزاق، قوْپوزلار- سازلار محبت ماهنێسی‌نی سس‌لیرلر، بۆلبول‌لر اوْخول‌لار، چه‌چه ووروللار باغدا گۆل اۆسته، آداقلێ قێزلار کۆزه چیڲینلرینده بولاقدان گلیرلر، بڲ اوْغلانلار موبایل اللرینده گاه ساغا گئدیرلر گاه سوْلا، اۆرکلر نئهره کیمین تالاپ- تولوپ سس‌لنیر، آسلان بئل الینده شوخوم وورور، صنوبر اکیر.

قافلان یوْلدان یئتیشیب دئدی:
- سلام آسلان بڲ!
آسلان: سلاملار قاطار- قاطار قافلان خان!
قافلان: قارداش، نه ایشه باخێرسان؟
آسلان: بیر شئی‌لری اکیرم.
قافلان: خیرلی، برکتلی اوْلسون. نه اکیرسن؟
آسلان: او حنده دلار اکمیشم، بو حنده پوْند، او حنده سکّه، بو حنده یوْرو، او حنده یئن، بو حنده لیر،
بیر حنده ده یئرآلما اکمیشم...

قافلانێن قولاقلارێ جینگیل‌لدی. البته آسلاندان بو ایشلری‌نین تعجّبی یوْخدو دئدی: الله تعالی بیره بئش میلیون ائله‌سین ان‌شاءالله، چوْخ عالی ایش گؤرۆبسن. بو ایش ایلن مملکتی ناتارازلێقدان قورتولارسان.
آسلان: یاشا قارداش! چوْخ ساغ اوْل. دای الیمدن گلن ایش بودو.
قافلان : آشاغی زمی‌یه نه اکیبسن؟
- اوحنده بیرآز اسالیم – خلخال یوْلو اکمیشم، بیرآز پونل یوْلو، بیرآز دا گئدر – گلمز یوْلو.
قافلان: نییه گئدر – گلمز یوْلو؟!
آسلان: واللّه بعضی واختلار آدام هم اؤزۆندن دوْیور هم یاشایێشدان! هم چاقللاردان هم تۆلولردن... خلاصه چوْخ شئی‌لردن، اوْدو کی ایستییر گئتسین – گلمه‌سین...
قافلان: یاشا چوْخ یاشا، چوْخ عالی! واقعاً اوْجۆردی، مخصوصاً قانمازلارێن الیندن. خوب دای نه اکیبسن؟
آسلان: بیرآز شرافت، بیرآز صداقت، بیرآز محبت، بیرآز عشق، بیرآز عقل، بیرآز شعور، بیرآز ادب، بیرآز معرفت، بیرآز غیرت، بیرآز حیا...
قافلان: الحق کی الحق دده‌مین خلف اوْغولوسان! سنی تانێمییانا بئش تریلی.....
آسلان: تامام گؤزللر سنه قوربان! واللّه گؤردۆم سو یوْخدو، بولودلار هامێسی قێسیردی، یاغێشدان خبر یوْخ، بو فکره دۆشدوم بیر شئی‌لری اکیم سو ایسته‌مسین.
قافلان: احسنت! احسنت! احسنت! گئنه ده احسنت! ماشاءالله! ماشاءالله! یوخاری زمی‌یه نه اکیبسن؟

آسلان بوغلارێنی بوردو، اؤووردون شیشیرتدی، ائله‌بیل «هئگل»‌دی دئدی: ایستییرم اوْرا تئیخا ترامپ اکم.
قافلان دوْداقلارێنی تعجب ایلن بۆزدو: ترامپ؟!!! نییه ترامپ؟!
آسلان: آخی او چوْخ دیکتاتوردی، ائله دئییر من دیین! من دیین! من دیین! توْیوغون بیر قێچی وار! تمام دیکتاتورلار ائله بئله‌دیلر... ترامپ چوْخالدی بیری- بیرینی دیدرلر، دای بیزیلن ایشلری اوْلماز...
قافلان: بابا سن یۆز دنه چئرچیلی اوْتارارسان!
آسلان: هه هه هه... کلّه‌پاچا دا پیس دڲیل...
قافلان: بیرآز بنز، بیرآز بی ام و، بیرآز لئکسوز، بیرآز تویوتا، بیرآز تسمه تایم، بیرآز دا سر سیلندر اک.
آسلان: هه هه هه... گؤزۆم اۆسته. تولاش یوْلونا ایستییرم بیر حند کانادا، بیر حند پئپسی، بیر حند آمریکا،
بیر حند استانبول، بیر حند مسکو اکم، کؤچمک هوسی ائلیین‌لر اذیت اوْلماسێنلار، یوْل اوزاق، بلیط‌لر
باها دوْلار اوْه! اوْه! اوْه...
قافلان: چوْخ عالی شش دیرم ده قله اک هه هه هه....
آسلان: اۆچ دیرم مریخ، هه هه هه
قافلان: بیرآز دا فیلسوف، شاعر، اقتصادچی، بیر گؤز مذاکرهٔ مستقیم، بیر گؤز غیرمستقیم.
آسلان: بیر حندی ده پزشکیان، یاخچی آدامدێ، بنزینی باهالاتمادی، اؤره‌ڲی مذاکره ایچین تیپپیلدییر...

شاد یاشایێن.

@SancaqDergisi
https://t.me/Sancaq_media/7269

■ 2428 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز پنجشنبه 21 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۲۸. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️قره قوْچاق «پَریزاد»
✍️یازار: عیسی غریبی کلیبر

🔷تۆرکجه‌یه چئویرن: #سوسن_نواده‌رضی

✏️یازییا گئچن: #شبنم_توحیدی ـ سانجاق گۆننامه‌سی‌نین سوْروملوسو

اوْن ‌دؤردۆنجو بؤلۆم

قره‌داغ حاکمی نیّرالسلطان ایسه، علیمراد خانا کی، هاشم خانێن کنارێندا دورموشدو، یاخێنلاشیب دئدی:
- اجازه‌نیزله من ده گئتمه‌لی‌یم. بیلدیڲینیز کیمی من امیر ارشد ایله گلمیشدیم. ایندی اوْنو یلنێز بوراخماغێم دوْغرو اوْلماز.

هاشم خان، بیوك‌خان و امیر ارشدین گئتمه‌لری‌نین سببی‌نی یاخشێ بیلیردی، امّا نیّرالسطانێن گئتمک ایسته‌مه‌سی گؤزله‌نیلمز ایدی. علیمراد خان یالوار – یاخارا دۆشوب، دئدی:
- خیر! داها سیز گئتمه‌یین باری. ریجا ائدیرم قوْناقلێغیمیزی پوْزمایێن.
- چوْخ عذر دیله‌ییرم. واللّهی خجالتم. بو ایکیسی بیر بیری‌نین قانێنا سوسامێش کیمی‌دیرلر. اڲر بونلارێن آراسێندا بیر ساواش اۆز وئریرسه و من حاکم‌لیڲیمده اوْلمازسام، شاهنشاه منی اصلاً باغێشلامازلار.
علیمراد خان التماس ایله دئدی:
- ان شاءاللّه کی هیچ بیر شئی اوْلماز. ذاتاً ایکی – اۆچ گۆندن ده چوْخ قالمایێر. توتالێم اوْنلار ساواشسێنلار. ساواشێن تدارکاتێ گۆنلرجه وقت آپارار.
نیّرالسلطان، علیمراد خانا یاخێنلاشیب، قولاغێنا پێچیلدادی:
- خان! تؤره‌نین سوْن گۆنونه کیمی قالماغێما بیر شرطیم وار.
علیمراد خان سئوینجک دۆشوب، دئدی:
- هر نه اوْلسا، قبول ائدیرم.
نیّرالسلطان اوْنو بیر طرفه چکیب، سوْروشدو:
- خان! دئه گؤرۆم اوْ آتلێ کیمدیر و نیه نقاب تاخێر؟ نیه اوْنو هر کسدن گیزله‌دیرسینیز؟
علیمراد خان اؤنجه دایاندێ، سوْنرا دئدی:
- حضرتعالی‌نین نظرینی اؤزۆنه چکن شئی نه‌دیر؟
نیّرالسلطان اؤزۆنه مخصوص اوْلان زرنگ‌لێقلا دئدی:
- اوْ بیر قادێن‌دیر! دڲیل‌می؟
- بیز باغلاشمێشیق، من ده شرطینیزی قبول ائیله‌میشم. آنجاق جوابێنیز بیر سرّ اوْلسا، اوْ سرّی ساغلایا بیله‌جكسینیز می؟
نیّرالسلطان دوْغرو – درست بیر جواب وئرمکدن قاچێناراق دئدی:
- من، اوْنون قادێن اوْلدوغونا هیچ شبهه‌م یوْخدور. تکی، سیزین دیلینیزدن ده ائشیتمک ایسته‌ییرم. سرّینیزی ساخلایاجاغێما دایر سیزه سؤز وئریرم.
علیمراد خان چوْخ وام سسله دئدی:
- بلی. اوْ پریزاد خانێم، منیم باجێمدیر. اَری و ایکی اوْلادی وار. شجاعتده و قوْرخمازلێقدا ائشسیزدیر. هم ده آت چاپدێرماقدا کیمسه اوْنون آیاغێنا چاتماز. اوْ جۆنگ آتێ، جۆنگ آت ایسه اوْنو یئتیشدیریبدیر. ائویندن، اَریندن و اوشاقلارێندان چوْخ بو آتـێن یانێندا قالێب، اوْنونلا اوغراشار. دییه بیلرم کی، آتـێنی اوشاقلارێندان چوْخ سئور. تک‌باشێنا بیر قوْشونا سینه گَـره‌ر. مظفرالدین شاه بیلسه، شبهه‌سیز اوْنو بیزدن آلار. سیزی آللّه بو جریاندان کیمسه‌یه بحث ائتمه‌یین.

نیّرالسلطان هوْیوخموش – هوْیوخموش علیمراد خانێن گؤزلرینه گؤز تیکیب، بیر آز سکوتدان سوْنرا دئدی:
- من نئچه یؤندن خطر دویورام. دۆنن نه‌لر اوْلدوغونو بیلمه‌لی‌ییک. یانێلماییرسام، امیر ارشد ایله بیوك‌خان چَلبیانلونون اختلافێ دا، ائله سیزین بو آتـێنیز بلکه ده باجێنیز پریزاد ایله ایلگیلی ایمیش! آللّه بیلیر! بئله اوْلسا، امیر ارشدین گئتمه‌سی نقشه‌دیر.

بیوك خان باشێنی سالێب، «حَسرتان» کندینه‌دك گئتسه ده، یقین کی، امیر ارشد بو راحاتلێقدا واز گئچن دڲیل. اوْ جۆنگ آتێ آپاراجاقدێر. اڲر من اوْنونلا اَهره کیمی همراهلێق ائدرسم، اوْ لابد قالێب، منی بوراخا بیلمه‌یه‌جک. و بئله‌جه ده هیچ بیر ایش گؤره‌نمه‌یه‌جک. سوْنراسێندا دا آللّه بؤیۆکدور، بیر چاره‌سینی دۆشونه‌ریک. هم ده من اوْنلارلا گئتسه‌م، بو ایکی ساواشقان خانێن آراسێندا محتملاً اۆز وئره‌جک اوْلان بیر یێخیجی ساواشێ اؤنله‌میش اوْلارام. سیزجه، بونجا دلیل منیم گئتمه‌ڲیمه یئترلی ندن سایێلماز مێ؟ - دئدی.
علیمراد خان دئدی:
- جناب حاکم! بیز ساده آداملارێق. ماشاءآللّه سیزلر هر شئیی سیاسی‌لشدیریرسینیز. و ائله دئییرسینیز کی، من گیجه‌لیب قالێرام. یعنی بوْیون أڲیب، اطاعت ائتمکدن باشقا بیر چاره‌م قالمایێر. بئله گئدرسه، قوْرخورام ایران‌لا روس ساواشلارێنی دا حقیرین آتێ ایله ایلگیلی اوْلدوغونو اؤنه سۆره‌جکسینیز. نه ایسه... حضرتعالی صلاح گؤردۆڲونوزو ائله‌یین. بیزیم ایسته‌دیڲیمیز یالنێزجا سیزین رضایتینیزدیر.

🔻قایناق؛ «مهد آزادی» نشریه‌سی – شنبه ۱۲ مهر ۱۳۷۶

#آردی_گلن_ساییدا...

@SancaqDergisi
https://t.me/Sancaq_media/7266

■ 2427 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز چهارشنبه 20 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۲۷. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

■ 2426 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز سه شنبه 19 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۲۶. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️قاینار سو ایله توْخماق
✍️یازان: #دکتر_شایان

بیری وار ایدی، بیری یوْخ،
آللّه‌دان سووای کیمسه یوْخ.
بیر جۆتچو زمی‌سینده جۆت اکیردی.
قان ترین ایچینده چالێشارکن، اوْنون یانێنا بیر آزغێن جاناوار یاناشدێ. جۆتچو قوْرخوب، الینده‌کی مال‌لارێنی سۆردوڲو دَییـنڲی تئز – تئز اوْینادیب، بلکه جاناواری قوْرخودوب، اؤکۆزلرینی اوْ یێرتیجی‌دان ساوونسێن.
بیردن اوزاقدا بیر توْزاناق قوْوزانێب، بۆتون اوْرتامێ بۆرودو! جاناوار جۆتچودن سوْروشدو:
- نه یامان توْزاناق تؤره‌ندی، گؤره‌سن نه اوْلوب؟
جۆتچو فرصتی غنیمت بیلیب، جاناواری اویدورماغا باشلادێ:
- خبرین یوْخدور پادشاهێن قیزێ‌نین بوْغازێندا سۆموک قالێبدیر! حکیملر بو قراره گلیبلر کی، پادشاهێن قیزی، سۆموڲو بوْغازیندان قالدێرماق اۆچون گرک بیر جاناوار گؤز ببَـڲینی اودسون.
جاناوار بو خبری ائشیدینجه، جانێنا یامان اۆشوتمه دۆشدو.
- جاناوار آختارانلارێن یوْلو بورا دۆشمه‌سین!
- نیه هر یانی گزیبلر، بوگۆن بو بؤلگه‌‌نین سێراسی‌دیر.
- به من نئیلمه‌لی‌یم؟
- هئچ. گل گیر بو بوغدا چووالێ‌نین ایچینه، گلسه‌لر دییرم، بوغدادیر.
جۆتچو چووالێن آغزێنی آچار – آچماز جاناوار تپیلدی چووالا! جۆتچو قێییغ ایله ساپ گتریب، چووالێن آغزێنی برکدن تیکدی.

آخشام‌باشێ ائوه قایێداندا چووالا سالدێغی جاناواری، اؤکۆزلری‌نین بیری‌نین بئلینه سارێییب، ائوینه گؤتۆردو. ائوده جاناواری حیطده ائندریب، مال‌لاری طویله‌یه سالدێ.
حیطده بیر توْنقال قالایێب، بیر یئکه قازاندا سو قایناتدێ. جاناوارێن چووالێن آپارێب، حیطین سو یوْلاغێ‌نین آغزێندا اوزالدێب، خانێمینی چاغێردی:
- آی خانێم! قاینار سو ایله توْخماغێ گتیر.
قاینار سودان، یاواش - یاواش چووالێن اۆز‌رینه تؤکۆب، جاناواری ایسلادێب، توْخماقلادێ! جاناوار بیر آز مێرلدادی، اۇلادێ، فریق چێخینجاق دیلدن دۆشدو. بۆتون قاینار سودا، جاناواری پؤشله‌دی.
سوْنوندا چووالێن آغێز تیکیشینی سؤکۆب، جاناواری چؤله بوراخدێ. پؤشلنمیش جاناوارێن دریسینده تۆکو بۆتون یوْلونموش‌ایدی. بیر آز اؤزۆنو اؤلۆمه ووراندان سوْنرا بوللانا – بوللانا سۆروتله‌‌نیب، گئجه‌نین قارانلێغیندا ایتدی.
پؤشلنمیش جاناوارێن خبری داغ – داشدا، چۆل – بایێردا جاناوارلار آراسێندا ائشیدیلدی.

صاباحین گئجه‌سینده، قێرخ جاناوار جۆتچودن قصاص آلماق اۆچون، اوْنون ائوینه یۆروش ائدیب، قاپێ‌دان، باجادان ایچرییه گیرمک ایسته‌دیلر. جۆتچو بۆتون قاپ – باجاسێنی قوْرویوب، جاناوارلارلا ووروشدو. سوْنوندا جاناوارلار اوْنا غالیب گلیب، نئچه یئرینی قاپێب یارالادێلار، الیندن آغاجێنی سالدێردیلار. جۆتچونو دامدان، دوواردان قوْوالایێب، کۆچه‌یه چکدیلر.
کۆچه آغزێندا بیر تلگراف دیره‌ڲی وارایدی. جۆتچو قاچێب، دیره‌ڲه دێرماشدی. جاناوارلارێن آغزێ بوْشا چێخینجاق، پؤشلنمیش جاناوار دئدی:
- گلین بیر بیریمیزین اۆستونه چێخاق، بلکه جۆتچویه چاتاق.
ایلک جاناوار، پؤشلنمیش جاناوار اؤزۆ اوْلدو. اؤزۆ تلگراف دیره‌ڲی‌نین دیبینده دایانێب، اوْ بیری جاناوارلاردان ایسته‌دی بیر بیر گلیب، اوْنون اۆستونه قالانسێنلار.
اوْتوز دوْققوزونجو جاناوار بیر بیری‌نین اۆستونه چێخینجاق، آز قالدێ جۆتچویه چاتسێنلار کی، جۆتچونون جانێنا قوْرخو اوْتوردو.
قوْرخودان بیردن چاغێردی:
- آی خانێم! قاینار سو ایله توْخماغێ گتیر.

پؤشلنمیش جاناوار قاینار سو ایله توْخماق سؤزۆنو ائشیدینجه، جاناوارلارێن آلتێندان سۆیروشوب چێخینجاق، بۆتون جاناوارلار سیلکه‌لنیب، گؤیدن یئره یێخیلدیلار. قوْل – قێچلاری سێنانلار، سێنیق – سالخاق جاناوار قوْشونو، پؤشلنمیش قوردو گؤتۆرولمه‌سینی گؤرۆنجه آنلادێلار کی، ایش دییه‌سن یاشدێ! اؤزلرینی تهلۆکه‌دن قورتارماق اۆچون، آرخالارێنا باخمادان باش گؤتۆروب، قوْیوب قاچدێلار.

#سون

@MuncuqAz
https://t.me/Sancaq_media/7263

■ 2425 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز دوشنبه 18 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهد تمدن گۆنده‌لیگی‌نین ۲۴۲۵. سایێنداکی تۆرکجه صفحه‌

«مونجوق» صفحه‌سی، تۆرکجه یازێب - اوْخوماغێ سئون اوشاقلار و یئنی‌یئتمه‌لریمیز اۆچون چیخیر.

@SancaqDergisi
@MuncuqAz

🌐 https://www.instagram.com/sancaq2
🌐 https://instagram.com/asanews.ir

⭕️⭕️سایێن اوْخوجولار، ایستکلی بالالار!

🔷مونجوق یوْلونوزو گؤزله‌ییر. یازیلارێنیزی، شعرلرینیزی، حکایه‌لرینیزی و چکدیڲینیز نقّاشی‌لری مونجوغا گؤندرین.

⭕️عزیز اوشاقلار!

مونجوق سیزلرله دانێشماق، سیزلرله قالماق ایسته‌ییر. سؤزلرینیزی مونجوغا دئیین، ایستکلریزی مونجوقدان ایسته‌یین. مونجوغون أن بؤیۆك آرزێسی سیزلرله یوْلداش اوْلماقدیر.

🟣آدرسلریمیز:

👇

sancaq2024@gmail.com (ایمیل)
@tansu6252 (تلگرام)
@Buqday (تلگرام)

@MuncuqAz
@SancaqDergisi

https://t.me/Sancaq_media/7261

■ 2424 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز یکشنبه 17 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۲۴. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️دوه، تۆلکو و جَناوار

✍️کؤچۆرن: #تانسو_خیاوی

گۆنلرین بیر گۆنو، بیر دوه چؤلده اوْتلایێردی.
بیردن بیر تۆلکو قاچا – قاچا اوْنون یانێنا گلیب، دئییر:
- آی دوه! سن نیه منیم اوْتلارێمی یئییرسن؟ آخی بو یئر منیمدیر.
دوه دئییر:
- ثابت ائیله کی، بورا سنیندیر. سن بیر شاهد گتیر گَل، اوْ تأیید ائله‌سین کی، بو یئر دوْغرودان دا سنیندیر.

تۆلکو گئدیر شاهد آختارماغا، اوْ چوْخ گزیب – دوْلانێر، آخێردا بیر جناوارا راست گلیر. جناوارا دئییر:
- آی جناوار قارداش! گل منیم‌له گئدک دوه‌نین یانێنا، سن شاهد اوْل کی، دوه منیم توْرپاغێمدا اوْتلایێر.
جناوار، تۆلکویه جواب وئریر:
- من هاردان بیلیم، بو دوه کیمین توْرپاغێندا اوْتلایێر؟!
تۆلکو دئییر:
- سنین بونو بیلمه‌ڲین هئچ ده گرک دڲیل! ساده‌جه تأیید ائله کی، منیم توْرپاغێمدا اوْتلایێر، والسّلام. بونون عوضینده بیز ده سنین‌له بیرلیکده دوه‌نی کسیب، أتینی آغێز لذّتی ایله یییه‌ریک.
جناوار راضی اوْلدو. ایکیسی ده بیر یئرده قاچێب، گلدیلر دوه‌نین یانێنا.
دوه سوْروشور:
- نه‌دیر! شاهد گتیرمیسن؟
تۆلکو دئییر:
- گتیرمیشم.
دوه، جناوارا طرف باخێب، دئییر:
- هه، شاهد!! نه دئییرسن؟
جناوار قێشقیریر:
- بو یئر تۆلکونوندور.
دوه دئییر:
- ایندی کی، ائله‌دیر، اوْندا گل گؤتۆر اوْتو آغزێمدان. اؤزگه‌سی‌نین اوْتونو یئمک یاراماز.

دوه آغزێنی گئنیش آچێر. جناوار باشێنی دوه‌نین آغزێنا سالێر کی، اوْتلارێ چێخارتسین. بو وقت دوه، جناوارێن باشێنی دیش‌لری ایله مؤحکم سێخیر.
جناوار خێریلداییر، خێریلداییر و اؤلۆر.
دوه دیش‌لرینی آرالایێب، اؤلمۆش جناوارێ آغزێندان آتێر.
تۆلکو بئله گؤرۆنجه، اوزاغا قاچێب، دئییر:
- سیز بو جناوارا بیر باخێن! یالانچێ شاهدایمیش هاااا.!

🔻قایناق: kirpi.az

(پنج‌شنبه ۱۴ فروردین آیی ۱۴۰۴ – خیاو شهری)

@MuncuqAz
https://t.me/Sancaq_media/7259

■ 2423 مین شماره روزنامه سیاسی واجتماعی مهدتمدن در 8 صفحه به زبان های ترکی و فارسی روز شنبه 16 فروردین ماه 1404

🔹فایل pdf صفحات نشریه در لینک کانال تلگرام مهدتمدن⬇️
https://t.me/mtnewspaper

🌐 www.mtnews.ir
🌐 www.asanews.ir
☎️ 04135550663
📳 09362822918
🆔 @asanews

«#سانجاق»، سیاسی- اجتماعی مهدتمدن گۆنده‌لیگی‌نین ۲۴۲۳. سایینداکی تۆرکجه صفحه

@SancaqDergisi

🌐 https://www.instagram.com/sancaq2
🌐 https://instagram.com/asanews.ir

⭕️هفته‌لیک فالینیز
✍ حاضیرلایان: #اوْلجای_مرآتی

🔸آزر (یای ، آذر): بو هفته ان یاخێن بیر دوْستونوزلا گؤرۆشونوز اوْلاجاق. بیرآز دقتلی اوْلساز بو گؤرۆش سیزین حیاتێزدا یئنی بیر صفحه آچا بیلرو ذهنیزده اوْلان ایشی حل ائتمه‌ڲه بوْرج آلماق فیکریندن داشێنین، منّتینه دڲمز. اؤز گۆجونوزه دایاناراق ایره‌لی گئتسز یوْل آچێلاجاق. بیر نفرین گؤزۆ سیزین یوْلوزدادی، اوْنا باش وورماغێ، هئچ اوْلماسا بیر تیلفون زنگی ایله یوْخلاماغی اونوتمایێن. بیر مدت‌دیر قوْنشوزون یاپدێقلاری، آلدێقلاری سیزی ده قێجیقلاندیریر آنجاق هر ائوین بیر قیبله‌سی اوْلار، سیز اؤز یئریشیزی گئدین.

🔸چیلله (اوْغلاق، دی): بو هفته سیزین اۆچون چوْخ اؤنملی هفته‌ اوْلاجاق. بو هفته ایچینده وئردیڲـز قرارلار ایل‌باشێنا کیمی آتاجاغێنیز آددێملارین باشلانقێجی سایێلیر. اؤزۆنوزو اله آلاراق یێنی ایلده یئنی ایشلره امضا آتماق شانسێنی قاچێرمایین. چالێشمانیزا بیر قدر ده دؤزۆم علاوه ائتسه‌نیز هر شئی اؤز قایداسێنا دۆشر. اوزاق یوْلدان قوْناغێز اوْلا بیلر. بیر مقدّس یئره گئتمک ده طالعینیزده گؤرۆنور. بایرامدان کیمینسه سیزده گؤزۆ اوْلان وار، اوْنون بایرام پایێنی بوندان آرتێق یوباتمایێن.

🔸دوْندۇران آی (قوْوا، بهمن): بو هفته ائو، ماشێن، ائو وسایلی تعمیری ایله باغلی هر ایشیز وارسا گؤرۆن، یوباتساز داها دا زوْر اوْلاجاق. ایشده آیاغێزین آلتێنی ائشن وار، سیز چالێشین ایشیزی قصورسوز گؤرۆن، او آدام اؤزۆ اؤز ایشیندن پئشمان اوْلاجاق. ساغلاملێغیزلا باغلێ معنویاتا داها دا آرتێق اؤنم وئرین، مثلاً ناماز کیمی معنوی عبادتلر روحونوزا دینجلیک گتیره بیلر. یانلێش بیر آنلایێشدان دوْلایێ چئوره‌نیزده‌کیلری اینجیتمه‌یین. اوْغلانلارا یاخجی خبرلر اوْلاجاق، قێزلارا اوْندان دا یاخجی!

🔸بایرام (بالیقلار، اسفند): بو هفته سیزه یاخجێ خبرلر گله‌جک. توتدوغونوز یوْلو داوام ائتدیرین. چالێشین قاباغێزا چیخان مانع‌لری دؤزومله قالدێرین. یئرسیز، فیکیرسیز حرکت و داورانێشلار سیزین نئچه ایللیک زحمتیزی بادا وئره بیلر. بؤیۆکلریزین سؤزۆنه باخماقدان ضرر گلمز هله اۆسته‌لیک منفعت ده قازانارسێز. اؤتن هفته باش وئرن اوْلایێ اونوتماغا چالێشین. ساغلاملێغیزلا باغلێ، طبیعته گئدین، یاز یاغێشینا دۆشسز قوْیون باش- گؤزۆزو ایسلاتسین. بیر ده اؤزۆزو سئوگی طرفیزه اوْلدوغوزدان آرتێق گؤرستمه‌یین!


@SancaqDergisi
https://t.me/Sancaq_media/7257

⭕️هفته‌لیک فالینیز
✍حاضیرلایان: #اوْلجای_مرآتی


🔸قۇیرۇق دوْغان (آسلان، مرداد): بو هفته مال و ارث ایله باغلی مۆشگولوزه حل ائدیجی جواب چێخاجاق. هر کسه اینانێب ایشیزی بیله‌سینه تاپشێرمایین. سئومه‌دیڲـینیز بیر مراسیمه چاغرێلاجاقسیز، اوْرا گئتمک سیزی ائل ایچینده باشی اوجا ائدر. بو گۆنلر نوشابه کیمی ضررلی ایچگیلر چوْخ ایچیرسیز، بئله‌لیک‌له ساغلاملێغیزلا باغلێ اؤزۆز اؤزۆزه ایش آچا بیلرسیز. عمومیتده اوغور قازانماق ایسته‌سز، گره‌ک هرزاددا اوْرتانی توتماغی باجاراسێز. تحصیل مسأله‌لری ایله باغلی، دوروم بایرامدان قاباقلا فرقلی اوْلاراق، بیرآز جدّی اوْلون.

🔸زۇمار (باشاق، شهریور): بو هفته مالێزدان- پولوزدان چوْخ موغایات اوْلون، یوْخسا ایتیره بیلرسیز! اؤنجه‌دن نذیریز اوْلسا یئرینه یئتیرین. ائو حئیوانی آلماق ایسته‌ینلر بونا نائل اوْلاجاقلار، آنجاق قوْنوم- قوْنشونو نظرده آلێن. چییه‌لکلر (فرنگی توتلار) طبیعی اوْلمادێغیندان سیزه زیان وئره بیلر. خسته‌لر حکیمین دئدیڲـینی اونوتمایێب درمانلارینی وقتینده قوللانسێنلار. ساچلارێ تؤکولمڲـه باشلایان قادینلار، شیمیایی رنگلرین یئرینه بیر دؤنه ده حنا ایشلتسینلر. بو درمان اوْلاراق قوللانماق توصیه اوْلونور، رنگ اۆچون یوْخ. مکتبلی‌لر و اؤڲـره‌نجی‌لر ایندی‌دن درسلرینی جدّی توتماسالار، تئرمین سوْنوندا چتینلیک چکه‌جکلر.

🔸خزل (ترازی، مهر): بیر ایشی گؤرمه‌میش یا آرخایێن اوْلمامێش دیله- دیشه سالمایێن. اوگۆن فطر یا ایل بایرامی گؤرۆشونده، او یێغینجاقدا دئدیڲـزی بیر داها یادا سالێن! سیزین اوغورسوزلوقلارێز گؤزنظردن، پاخێل‌لیقلاردان عمله گلیر. ساغلاملێغیزلا باغلی دیش حکیمینه گئتماغی اونوتمایێن. طالعیزده آچێق قاپێ گؤرۆنور، بو بیر اۆمود یوْلو دئمک‌دیر. چالێشمالاریزا داوام ائدین. مدنی فعالیتلریزی ده دایاندێرمایین. اؤڲـره‌نجیلر ال تیلفونونا چوْخ آلێشماسینلار، بو هر طرفلی ضررلرینه‌دیر.

🔸قیروْو (عقرب، آبان): بو هفته مالی باخێمدان باشدان- باشا سیزین اۆچون خئیرلی اوْلاجاق. باشقا ایشلری ده دۆشونه بیلرسیز. هرحالدا ساغلاملێغیزی قوْرویون. اؤۆوزدن موغایات اوْلون. ویتامین «د» سیزه چوْخ لازیمدی. شکر یئرینه بال ایشله‌دین، بیلدیر ده بونو سیزه دئمیشدیم. گلین- قێین‌آنا- بالدیز مناسیبتلری ایلگینج گؤرۆنور! گاه شن احوال- روحیه، گاه دا دئدی- قوْدو اوْلاجاق آرالارێندا. آلماغێنی گؤتۆر- قوْی ائله‌دیڲـیز شئیی تئز آلێن، یوْخسا باهالاشاجاق. اوْغلانلارا شاد خبرلر یئتیشه‌جک.

#آردی_وار...

@SancaqDergisi
https://t.me/Sancaq_media/7257

⭕️هفته‌لیک فالینیز
✍حاضیرلایان: #اوْلجای_مرآتی

🔸آغلار‌- گۆلر (قوْچ، فروردین): بو هفته سفردن الده ائتدیڲـیز انرژی ایله ایشه- گۆجه اوْداقلاناجاقسێز. اونوتمایێن ایلین اوّلینده نه سایاق باشلاسانێز او سایاق دا ایشلریز سوْنا کیمی گئده‌جک. همی ده ایشیزی دڲیشمک فیکرینده اوْلمایێن. یعنی اوْردان اوْرا آتێلماقلا ایش اوْلماز. بیر ایشده داوام گتیرسز اوزون سۆره‌جده بهره‌سینی گؤره‌جکسیز. سوبایلار دقتلی اوْلسونلار، بختیزه یوْخ دئمه‌یین! مکتبلی‌لر ایسه آنالارێنی اینجیتمه‌سینلر. گئج ده اوْلسا، بایرام گؤرۆشونه گله‌نیز اوْلاجاق، بو گؤرۆش سیزین اۆچون اونودولماز اوْلاجاق.

🔸گۆلن‌آی (بۇغا، اردیبهشت): بو هفته باشێز چوْخ قارێشیق اوْلاجاق، هفته‌نین سوْنوندا یاخێن یئره سفره چێخماغیز یوْرقونلوغوزو تام چێخاردا بیلر. سیزی اوْرتاق بیر چالێشمایا دعوت ائده‌جکلر، بو اوْرتاقلێغی قبول ائدین، خئیریزه دیر. اوزون- اوزادی بیر آرزێنی دۆشونورسوز، بو آرزێ حیاتا کئچه بیلر آنجاق بیردن- بیره اوْلان دڲـیل، حؤصله طلب ائدیر. ائولیلرین خرجی بو هفته بیرآز چوْخ چێخاجاق. سوبایلارا گلدیکده، یاخشی گۆنلر سیزی گؤزله‌ییر، خصوصییله هفته‌نین سوْن اۆچ گۆنو موتلو اوْلاجاقسێز.

🔸قیزاران آی (ائکیزلر، خرداد): بو هفته سیزی اؤتن ایلدن بری یوْران بیر ایشدن قورتولوب راحات بیر نفس چکه‌جکسینیز. قوْنوم- قوْنشودا سیزه گؤره دئییلن دئدی- قوْدولار اوْلاجاق، آنجاق سیز باش قوْشمایێن. باجی- قارداشلارێزدان گلن عائیله‌وی اؤنریلر اوْلسا قبول ائدین. سئودیڲـینیز آدامێن یوْلونو گؤزله‌مه‌یین، بو هفته گله بیلمییه‌جک. ایش یئرینده لازیم اوْلان تقدیرده ارینمه‌دن الجک تاخێن! آتا- آناسێزسا، اوشاقلارا یئرسیز باج وئرمکدن چکینین. بو هفته سوْنو سئوگیلی‌لرین اۆره‌ڲـیجه اوْلاجاق.

🔸قوْرا پیشیرن (یئنگج، تیر): بو هفته دالێزجا دۆشوب سیزی آختارانلار اوْلاجاق. گیزلندیڲـیز آداملارلا اۆزبه اۆز اوْلماقدان قوْرخمایێن. هر شئی دانێشیقلا چؤزۆله بیلر. ایتیردیڲیز آچارلاری بیر داها اؤز ائویزده آختارێن. بوْیون آغرێسیندان اذیت چکیرسیزسه، ال تیلفونوندان بو بیر هفته‌نی آز استفاده ائدین! بایرام گؤرۆشلری ایله باغلێ قوْهوملاردان بیری‌نین قلبینی سێندیریبسیز، اوْنون گؤیلۆنو اله گتیرمک چوْخ دا چتین دڲیل. جوانلارا گلدیکده، یوْلداشلاریزلا بیر آرایا گلرکن، حدّ- حدودی رعایت ائدین.

#آردی_وار...


@SancaqDergisi
https://t.me/Sancaq_media/7257

✍️M.Zamacois

✍️م. زاماگویس

⭕️منیم لهجه‌م
🔷 فرانسیزجادان چئویرن: سوسن نواده‌رضی


لهجه‌سی اوْلمایان آداما، آنجاق یازێغیم گلیر!

اؤز ائلی‌نین لهجه‌سینی اؤزۆنله داشێماق،
اؤز توْپراغێندان بیر آزجاسێنی، باشماق‌لارێندا داشێماق کیمی‌دیر.
اؤز «بریتانی»یادا «اوْوئرنی» لهجه‌ن ایله دانێشماق
بیر آز قورو یئرلریندن یا داغێندان یانێنجا داشێماق کیمی‌دیر.
وطندن اوزاق ایکن، قایغێلار ایچینده باش آلێب قاچان زمان
لهجه‌ن؛ بیرآز وطندیر، گلیر آرخانجا سنین...

سنین لهجه‌ن، گؤز ایله گؤرۆنمه‌سه ده، بؤیۆك سفرلرده
داشێدیغین بیر آز گۆوَ‌نجین، بیرآز دا قێوانجیندیر سنین.

جلای وطن زوْروندا قالان قارابختلر اۆچون
یابانجێ سؤزلری بوْیایان دا، آغێزدیر، لهجه‌دیر
سوْنوندا، لهجه‌سی اوْلماق، اوْنو ایشلتدیکجه
هر ندن دانێشسان بیله، وطندن بیر نغمه‌دیر سانکی.

من هیچ اوتانمیرام اؤز دۆزگون لهجه‌مدن!

ایستیرم طنطنه‌لی اوْلسون، هم ده آیدێن و گۆرولتولو.
ایستیرم، لهجه‌می ائشیدنده خُلقوم – خویوم دڲیشمه‌دن
هم باش اوجا دایانام، هم ده وقارلێ و غرورلو!


@SancaqDergisi
https://t.me/Sancaq_media/7253

⭕️فروردین آیی‌نێن 13.جۆ گۆنونه عایید

✍️یازان: #دکتر_اکبر_حمیدی (علیار)

🔶اسکی تاریخی آراشدێرانلار، یهودون «عهد عتیق» کتابلار سێراسیندان اوْلان «ائستر» کتابێندا گلن اخشورش یا همان خشایارشاه داستانێنا باخدێقدا یهودون «پوریم» بایرامێ‌نین باشلانێشینی بو داستانلا و داها دوْغروسو بو اوْلایلا ایلگیلی بیلیرلر. بو تحقیقلره اساساً خشایار شاهێن اؤلۆموندن ایکی ایل اؤنجه (468 ایل م.ق) هخامنیش دربارینا نفوذ ائدن «ائستر» آدلی بیر یهودی قێز و اوْنون عمیسی سایێلان «موْردخای» آدلی بیر یهودی‌نین نقشه و پلانلاری‌ایلا 127 هخامنیش حکومتینه باغلی اوْلان ولایتلرده، یهودیلر دهشتلی بیر سوْی‌قێریم ائتدیلر و او زاماندان بری یهود، اؤز 12.جی یعنی آذار آیێ‌نین 14-15.جی گۆنلرینی بایرام ائدرلر؛ بو سوْی‌قێریم او وقت فروردین آیێ‌نین 13جۆ گۆنونده باش وئرمیش و خلق اؤز جانێنی قورتارماغا کندلری، شهرلری و ائو - ائشیکلرینی بوْشلایێب چؤللر، داغ- داش و مئشه‌لره قاچمێشلار، بئله‌لیکله اوْنلار (سوْی‌قێریما معروض قالانلار) او تاریخدن هر ایل بو سوْی‌قێریمین ایل دؤنۆمونو آجێلیقلا خاطێرلایاراق ائو - ائشیکلریندن طبیعته چێخمیشلار و 13.جۆ گۆنو و عددی نحس و بد اوغور آدلاندێرمیشلار.

***

🔶اوْن‌اۆچونجو عددین باره‌سینده بئله بیر فلسفی دۆشونجه ده وار کی، اسکی زامانلاردا هر یاشایێش دؤورونو (دۆنیانین عؤمرونو) اوْن‌ایکی مین ایل بیلیب و اوْن‌اۆچونجو مین ایللیڲین باشلانماسێ دۆنیا قورقوسونون پوْزولماسێ و یئنی بیر قورقونون قورولماسی ایله عینی زاماندا اوْلدوغونا گؤره هر بیر عددی بیر مین ایللیڲین نماینده‌سی کیمی تانێییب، اوْن‌اۆچونجو عددی ده اوْن‌اۆچونجو مین ایللیڲین (کاییناتین داغێلان مین ایللیڲی) رمزی اوْلدوغونا گؤره شۆڲونسوز بیلردیلر.

🔶یازێن ایلک اوْن‌اۆچ گۆنو و اوْن‌اۆچونجو گۆن یاشایێش محیطلریندن اوزاقلاشێب طبیعت قوْینونا سێغینماق و بوغدا و یا باشقا گؤیه‌رنتیلری گؤیه‌رتمک (یئنی یاشێللیق و یئنی یاشایێش نیشانی اوْلاراق) بو فلسفه و دۆشونجه‌نین سیمبوْلو و خاطێرلاماسی‌دیر.

🔶هابئله دوْغا و طبیعتین یاشامی هر ایلده یا هر اوْن‌ایکی آیدا یئنی‌لشیر و بو یئنی‌لیک ایل بایرامێندان باشلانێر و ایل بایرامی و طبیعت بایرامی آدلانێر، بونا گؤره ده ایلین ایلک اوْن‌ایکی گۆنو، اوْن‌ایکی آیێن نیشانی و 13.جۆ گۆن تزه ایلین باشلانماسێ‌نین سیمگه‌سی سایێلیر.

@SancaqDergisi
https://t.me/Sancaq_media/7251

⭕️اۆچ قێللی کوْسا - حکایه
✍️یازان: #زهره_وفایی

ایکینجی بؤلۆم

تۆلكو باش گؤتۆرۆب، چؤله سارێ قاچار. گئجه ائوه قاييداندا حرامی‌لر، تۆلكونو ائوده گؤرۆب، چوْخ تعجب ائدرلر. خانيم شامێ گتيريب، يئمڲه باشلارلار. كوْسا خانيما آجێقلانيب، دیير:
- بو يئمك ندن بئله شوْر اوْلوبدور؟
خانيم كوْسانين تاپيشيرديغی كيمی دئيیر:
- لاپ دا ياخشی‌دير! سئوميرسن يئمه!

كوْسا آجێقلانيب، آياغا قالخار، پيچاغی گؤتۆرۆب، خانيمين بوْغازيندا اوْلان باغێرساغی كَسر، قان آخار! خانيم اؤزۆنۆ اؤلۆمه وورار. حرامی‌‌لر قوْرخوب، دیيرلر:
- آ كوْسا ! آدام بير يئمكدن اؤترۆ خانيمينی اؤلدۆرر؟ بو نه ايشدير گؤردۆن؟
كوْسا دیير:
- اؤلدۆرن، ديريلده بيلر ده!
سوْنرا طاقچادان بير بالا قَميشی گؤتۆرۆب، خانيمين بورنونا پۆفله‌یر، خانيم بير آسقێريب، آياغا قالخار!

حرامی‌لر طاماحا دۆشوب، تۆلكونو، هابئله قميشی آلماغا گؤره كوْسايا يالوارماغا باشلارلار. كوْسا بير آز نم – نوم ائدندن سوْنرا تۆلكونو و قميشی باها بير پولا حرامی‌لره ساتار و ائششک پولو دا ياددان چێخار. حرامی‌لر سئوينجك تۆلكونو و قميشی گؤتۆرۆب، يوْلا دۆشرلر. ايلك گۆن، تۆلكو و قميش باش‌حرامی‌يا يئتيشير. باش‌حرامی ائولرينه بير آز قالميش تۆلكونو بوراخيب دئیير:
- گئت بيزيم خانيما دئه‌گينن من گليرم! ياخشی بير يئمك پيشيرسين!

بير نئچه ساعت سوْنرا ائوه گئدر، گؤرر نه تۆلكو وار، نه خانيم! هاچاندان هاچانا خانيم قوْنشو ائويندن گلر. حرامينی گؤرجك های – بودوروغا باشلايار! حرامی ايسه آجێقلانيب، قمه‌نی گؤتۆرۆب، خانمين باشينی كسر! سوْنرا قميشی گئتيرر، پۆله ها پۆله، خانيم ديريلمز! بؤيۆك حرامی باشا دۆشر كی، كوْسا يئنه بونلاری آلداديب، آما اوتانديغيندان هئچ كيمسه‌يه بيلينديرمز. صاباح ايسه بير تۆلكو آليب، قميش ايله ايكينجی حرامی‌يه وئرر. ايكينجی حرامی ده خانمينی اؤلدۆرر، اوتانديغيندان اوْ دا بير سؤز دئمز! بو ساياق هر قێرخ حرامی خانيملارينی اؤلدۆرۆب، بير سؤز دئمزلر. قێرخ گۆندن سوْنرا بير يئره ييغيشيب، حال ماجرانی بير بيرينه آچارلار. بو دؤنه لاپ آجێقلی هر بيری بير اوزون خنجر گؤتۆرۆب، كوْسانين ائوينه سارێ يوْلا دۆشرلر.

كوْسا بو گۆنو ده گؤزله‌ييردی. اوْنا گؤره ده اؤنجه گئديب، مزارليقدا بير بوْش مزار تاپمێشدی. اوْ مزارين اۆستونه بير كؤهنه و دَليك – دئشيكلی داش قوْيموشدو. حرامی‌لرين گلمه‌ڲينی ائشيتجك، كوْسا بير مانقال اوْد و بير نئچه شيش گؤتۆرۆب، مزارا گيرر. داشێ مزار اۆستونه قوْيار. حرامی‌لر های – بودوروقلا ائوه گيررلر!
- كوْسا هانی؟ سوْروشارلار.
كوْسانين خانيمی، كوْسا تاپيشيرديغی كيمی آغلاماغا باشلايار و دیير:
- كوْسا اؤلۆبدۆر. اينانميرسيز مزارلێغا گئدين، اؤزۆنۆز گؤرۆن!
حرامی‌لر حرص ايله مزارلێغا گلرلر، گؤررلر بلی! كوْسا اؤلۆبدۆر. بير بيرينه دئيیرلر:
- داها بيزيم اليميز كوْسايا چاتماياجاقدير! گلين هر بيريميز اؤتۆرۆب، كوْسانين مزارينه ايشه‌يك!!!

حرامی‌لر هر بيری مزار اۆسته ايشه‌مـڲه اڲلشدی! كوْسا آتدان اوْنا بير داغ شيش باتيردی و هامیسی‌نین آلتی ياندێ! آياغا قالخيب دئديلر:
- آ حرامزاده كوْسا! بو دنيادا اوْ قدر حرام ائديب كی، مزاريندان بئله اوْد پؤهره‌لير! آدامين آلتێ يانير!
آنجاق حرامی‌لر طاماحكارليقدان هم خانيملارينی، هم وارلارێنی ايتيريب، هم يانا – يانا قاچديلار! كوْسا ايسه سئوينجك مزاردان چێخيب، ائوينه گلدی. حرامی‌لردن آلديغی پول ايله اوْغلونا توْی ائديب، يئددی گۆن، يئددی گئجه چالێب – اوْخودولار.

***

ماهنی ماهنی‌نين باشێ، ماهنی بيلمه‌ين ناشێ
ماهنی بيلمك ياخشی‌دير، توْ ی – تۇزاغين يوْلداشێ
كوْسا دیير: داش داشێ، كرپيچ داشێ، داش داشێ
جاهل ايله بال يئمه، عاقل ايله داش داشێ
كوْسا دیير: قوش داشێ، گل اوْيناياق بئش داشێ
چيركين ايله بال يئمه، گؤزل ايله داش داشێ
چاخ داشێ، چاخماق داشێ، ياندێ اۆره‌ڲيم باشێ
تانرێ بير ياغيش گؤندر، بيتيرسين داغێ داشێ
كوْسا دیير: دوْست آشێ، دوْست چؤره‌ڲی، دوْست آشێ
دۆشمانين گۆلـله‌سيندن، يامان اوْلور دوْست داشێ
كوْسا دیير: تاس باشێ، اوزاقدير چاراداق باشێ
گلين چالێب اوْيناياق، چاتلاسين دۆشمان باشێ!!

#سوْن

@SancaqDergisi
https://t.me/Sancaq_media/7249

⭕️اۆچ قێللی کوْسا - حکایه
✍️یازان: #زهره_وفایی

بیرینجی بؤلۆم

گۆنلرده بير گۆن بير شهرين اوزاق گۆشه‌سينده بير اۆچ قێللی كوْسا ياشاييردی. اوْنون بير خانيمی، بير نئچه اوْغلو و قيزی و بير نئچه آت، قوْيون، قوزو و ائششڲی واريدی. بيرده بالا بير زمی‌سی واريدی. كوْسا اوْرادا گؤی – گؤيرنتی اكيب بيچردی. كوْسانين اوْغلو بؤيۆمۆشدۆ، ائولنديرمك زامانی چاتميشدير.
كوْسا بير آت اوْغلونا وئريب، دئيير:
- اوْغول! بو آتی آپار شهرين بازاريندا سات، پولونو گتير سنی ائولنديريم و ياخشی توْی توتوم! آما شهرين بازاريندا آرادا دوْلانان حرامي‌لردن هادێر اوْلارسان ها! يوْخسا اوْنلار سني آلدادارلار!
اوْغلان باش اۆسته دئييب، آتی گؤتۆرۆب، بازارا سارێ يوْلا دۆشر. بازاردا دوْلانان حرامی‌لر، بو اوْغلانی گؤرۆب اوْنو ياهالتماق اۆچون پئشينه دۆشرلر، بير به بير سوْروشارلار:
- آی اوْغلان! بو گئچی‌نی نئچه‌يه ساتيرسان؟
اوْغلان آجێقلانيب دئییر:
- بو گئچی دڲيل، بو آت‌دير!
آما ايكينجی – اۆچونجو – دؤردۆنجۆ ... حرامی سوْروشاندان سوْنرا اوْغلان اؤز – اؤزۆنه دئيیر: «بلكه آتام كارێخيب آت يئرينه منه گئچی وئريبدير ساتام!» بو فيكردن سوْنرا اوْغلان آتی، گئچی پولونا حرامی‌لره ساتيب، ائوه قاييدار.
كوْسا حال ماجرانی ائشيدندن سوْنرا اوْغلونا دئيیر:
- سنی حرامی‌لر آلداديبلار! من اؤزۆم صاباح بازارا گئديب، اوْنلارلا حسابلاشمالێيام!
صاباح ايسه كوْسا بير ائششك گؤتۆرۆب، بئش دانا قيزيل ليره اشرفی ده اوْوجونا آليب، يوْلا دۆشر.
حرامی‌لر: «يئنه بير آلداتمالی كس گليب!» دئييب، كوْسانێ دؤره‌له‌ییرلر:
- آ كوْسا! بو ائششڲی نئچه‌يه ساتيرسان؟
كوْسا دئیير:
- مين تۆمنه ساتيرام.
حرامی‌لر دئيیرلر:
- نه خبردير؟ مين تۆمنه ده ائششك اوْلار!؟
كوْسا دئيیر:
- آخێ بو عادی ائششك دڲيل!
حرامی‌لر سوْروشارلار:
- بس نه ساياق ائششك‌دير؟
کوْسا جواب وئرر:
- بو ائششك اوْت – علف يئيه‌ر، آما قيزيل اشرفی‌سی س...!

حرامی‌لر اينانمازلار. كوْسا ائششڲه بير بیز وورار و اوْوجوندا اوْلان اشرفي‌لرين بيريني چيخارديب، حرامي‌لره گؤسترر. يئنه بير بيز ووروب، ديگر اشرفی‌نی چيخاردار. طاماحكار حرامی‌لر اينانارلار و ائششڲی مين تۆمنه كوْسادان آلارلار!
كوْسا دیير:
- سيز قيرخ نفرسيز. منجه بو ائششڲه قيرخ گۆنلوك اوْت – علف وئرين و بير باغلی يئرده قوْيون. قيرخ گۆن سوْنرا گئدين هر بيرينيز بير اشرفی گؤتۆرۆن!
حرامی‌لر اينانيب، سئوينجك گئدرلر. قيرخ گۆن سوْنرا قاپینی آچارلار، گؤررلر ائششک اوْت – علفی يئييب، دوْيونجا پئيين س...!! باشا دۆشرلر كی، كوْسا بونلاری آلداديبدير. آجێقلانيب، هر بيری بير قَمه گؤتۆرۆب، كوْسانين ائوينه سارێ يوْلا دۆشرلر.

كوْسا بو گۆنو گؤزله‌ييردی. اوْنا گؤره ده ايكی دانا تۆلكو آلمێشدی. بيرينی ائوده آغاجا باغلاييب، اوْ بيريسينی اؤزۆ ايله برابر زمی‌يه آپارميشدی. هابئله بير قوْيون باغێرساغينا بير آز خوْروز قانی دوْلدورموشدو، اوْنو خانیمی‌نين بوْغازينا دوْلاميشدی. خانيمینا دا تاپيشيرميشدی كی، شاما يئمك پيشيرسين آما اوْنون دۇزونو چوْخ – چوْخ تؤكسۆن!
حرامی‌لر هر ندن خبرسيز های – كۆيله كوْسانين ائوينه گلرلر. باغێرارلار:
- هانی اوْ كوْسا؟ بيز اوْنو اؤلدۆرمـڲه گلميشيک!
خانيم دیير:
- كوْسا زمی‌ده چاليشير! سيز ده اوْنو گؤرمك ايسته‌ييرسيز، اوْرايا گئدين!
حرامی‌لر زمی‌يه گليب، كوْسايا دئيیرلر:
- آی كوْسا! اوْ ائششک ايله بيزی آلداديبسان؟
كوْسا دئیير:
- يوْخ! آلداتماميشام. آما اڲر ايسته‌ييرسيز پولوزو گئری قايتاريم!
حرامی‌لر راضی اوْلارلار. كوْسا دیير:
- اوزاق يوْلدان گليبسيز، بو گئجه‌نی قوْناغيميز اوْلون!
حرامی‌لر مۆفته يئمك آدێ ائشيديب، قبول ائدرلر. كوْسا تۆلكونون بوْيون باغێن آچيب، دئيیر:
- آ تۆلكو بالام! بيزيم ائوه گئت، خانيما دئه‌گينن شام پيشيرسين، قيرخ قوْناغيم وار!

#آردی_وار...

@SancaqDergisi
https://t.me/Sancaq_media/7247

⭕️سئوینجلریمیز اوزاقدا قالدێ
✍️یازان: #منصور_فتوحی

🔶ایضاح؛ عکس، یازێدا آدێ چکیلن پیشنامازین (رحمتلیک حاج شیخ مهدی میکائیلی)نین عکسی‌دیر.

هر واخت عزیز بیر گۆن اوْلور، دۆنیایا گؤز آچدێغیم اوْ کیچیک شهری، «گرمی»‌نی اؤزله‌ییرم. گرمی‌نین صمیمی انسانلارینی، اوشاقلیق و گنجلیک گۆنلریمی، حتی هئچ‌ واخت دۆز – عمللی آسفالت ائدیلمه‌ین اوْ چالا – چوخور کۆچه‌لرینی و خیابانلارینی اؤزله‌ییرم.
آما آذربایجانێن پایتختی سایێلان قوْجامان تبریزین ده هاواسێنی سوْلماق اؤزۆ بیر موتلولوق سایێلیر. چۆنکی تبریز دیلیمیزدن و عادت – عنعنه‌لریمیزدن اوزاقلاشماغا إذن وئرمز. ائله بو سببدن، یئنه ده آللّهێما چوْخ شۆکر ائدیرم.

***

فیطر گۆنو، اؤز بؤیۆکلریمیزی گؤرمک ایسته‌دیڲیمیز عزیز گۆنلرین بیری‌دیر. هرچند کی، بعضاً اوْروج توتمایان گنجلرین اۆزونه باخا – باخا «قێش گئتدی، اۆزو قارالێق کؤمۆره قالدێ.» و یا «اوْروجلوق چێخدی، یامانلێق توتمایانلارا قالدێ.» دئییردیلر. آما اوْلسون، کئشکه ساغ اوْلسایدێلار و ایسته‌دیکلری سؤزلری ده دئسه‌ایدیلر.

اوْروج توتانلار ایسه فیطر گۆنو سحر تئزدن - ساعات ۷ جیوارێندا - یوخودان دوروب، قلعه‌باشی مچیدینه گئدردیلر. و رحمتلیک حاج شیخ مهدی‌ میکائیلی‌نین دالێندا فیطر نامازی قێلدیقدان سوْنرا ائوه قایێداردیلار.

قادێنلار دا، یا بیر گۆن قاباقدان یا دا ائله فیطر گۆنو سحر تئزدن آیاغا قالخێب، حالوا چالاردێلار. سوْنرا دا اوْنو نعلبکی‌لره و یا کیچیک پیالالارا تؤکۆب هندوستان جَویزی‌نین توْزویلا ( پودر نارگیل) بَزه‌ردیلر. بیز ده یوخودان دوروب، حاضیر سۆفرایا قوْناردێق. و بیرلیکده صبحانه یئییب، بؤیۆکلرین گؤرۆشونه گئدردیک. اوْنلارین الینی اؤپۆب، «اللّه اطاعت – عبادتیزی، اوْروج – نامازێزی قبول ائتسین.» دئییب، ناهارا دا اوْردا قالاردێق.

آما گئدیلمه‌سی واجب اوْلان حۆضور (اؤلۆ اؤلن ائولر) یئرلرینه ده باش چکیب، «اللّه اوْروج – نامازێزی قبول ائتسین. اللّه اوْ مرحوما دا رحمت ائله‌سین. ان شاءاللّه بیر داها بئله بایراملار گؤرمییه‌سیز!» دئیه‌ردیک!

حتی بیر گۆن حۆضور یئریندن قایێداندا «بیر داها بئله بایراملار گؤرمییه‌سیز!» سؤزۆنه ائوه چاتانادک گۆلموشدوک. آخی «آدام هر کسدن قاباق اؤلرسه بیر داها باشقاسێ‌نین قره بایرامێنی گؤرمز.» دئییب، ظاهیرده دعا، آما اصلینده آداما قارغێش ائتدیڲیمیزی دۆشونوردوک.

فیطر بایرامێندا دا دیگر بایراملار کیمی نیشانلی قیزا، اوْغلان آدامێ بایراملێق آپارار. آنجاق بایراملێق هدیه‌سی‌نین اۆستونده بیر بوْشقاب، حالوا دا اوْلمالی‌دیر. و سلیقه‌لی خانیملار اوْ حالوانی کوْکوْس توْزویلا (پودر نارگیل‌ایله) دا بَزه‌یرلر.

بایرام گۆنلرینی، ائل – طایفا آراسێندا کئچیرتمک گؤزلدیر. آما قوربان و یا نوْروز بایرامێندا هر کس اؤز شهرینه، ائل – طایفاسێ‌نین یانێنا گئده بیلسه‌ ده، نه یازیق کی، فیطر بایرامێندا ائل – طایفاسێندان اوزاقدا یاشایانلارا، اوْروج آغێزا بو ایشی گؤرمک ممکن اوْلمور.
ائله بو اۆزدن، گلین - اوزاقدان اوزاغا دا اوْلسا - آرزو ائدک کی، «اللّه هامێ‌نین اطاعت – عبادتینی قبول ائتسین.
آرامێزدان کؤچنلره ده رحمت ائله‌سین.»

(۱۴۰۴/۱/۱۰)
رمضان آیی‌نین سوْن گۆنو (۱۴۴۶/۹/۲۹)

@SancaqDergisi
https://t.me/Sancaq_media/7245

⭕️⭕️دقت− دقت

🟣بیلدیریش


سانجاق اؤلکه‌دیشی اوخوجولاریندان گلن بیلگی‌لر اساسیندا، تۆرکیه‌ده «متن‌لر آراسی کتاب» نشریاتی طرفیندن آذربایجان شاعرلر و یازارلارینی تانیتدیرماق آماجی‌یلا بیر آنتولوژی حاضیرلانماقدادیر.

آنتولوژیده آدلاری و اثرلری‌نین اولماغینی ایسته‌ین شاعرلر و یازارلار بوگۆندن اعتباراً ۱۰ گۆنه قدر اؤزلریندن بیر یا ایکی پاراگراف بیوگرافی و بیر یا ایکی شعر و حکایه آشاغیداکی آدرس‌لره گؤندره بیلرلر:

👇👇

Sahebdivan9@gmail.com
metinlerarasikitap@gmail.com

اثرلر آذربایجان تۆرکجه‌سی و لاتین الفباسیندا اوْلمالی‌دیر.

***


🟠خاطیرلاتمالییق سانجاق گۆنده‌لیی‌نین بو ایشده هئچ بیر عهده‌لیی اوْلمادیغیندان، اثرلری‌نیزی سانجاغا گؤندرمکدن امتناع ائده‌رک، یالنیز یوخاریداکی آدرس‌لره گؤندرین.


@SancaqDergisi

@SancaqDergisi
@MuncuqAz

⭕️فطر باره‌ده لازیم اوْلان بیلگی‌لری.

✍️حاضرلایان: #دکتر_اکبر_حمیدی (علیار)

🔶قوْناغێن فطریه‌سینی کیم وئرمه‌لی‌دیر؟ بیر نفرین بیر ائوده بیرگۆن و یا آرتێقراق قوْناق قالماسی‌یلا اوْنون زکاتێ ائو اییه‌سی‌نین بوْیونونا گلمز و اؤزو اؤده‌مه‌لی‌دیر. ائو اییه‌سی اوْندا قوْناغێن زکاتینی وئرمه‌لی‌دیر کی او قوْناق او ائوین کۆلفتی حسابلانا یعنی ائل‌آراسێندا دئیه‌لر فیلانکسی فیلانکس ساخلایێر.

🔶فطریه‌ نه زمان وئریلر: یاخشی اوْلار زکاتی فطر گئجه‌سێ (بو گئجه) آیێریب قێراغا قوْیاسان. آنجاق هرحالدا فطر نامازێ‌نین وقتینده (گۆن چێخاندان گۆن‌اوْرتایا کیمی) زکاتی آیێرماق گرک‌دیر.

🔶اوْروج زکاتی‌نین مقداری: زکاتین مقداری انسانین عمومیتده یئدیڲی (بوغدا، دۆڲـو و ..) طعامدان اۆچ کیلو دور. بوغدا و دۆڲـو کیمی طعاملارێن عوضینه اوْنون پولونو دا وئرمک اوْلار. بو ایلین فطریه‌سی بوغدا حسابی ایله باشا 75-80 مین تۆمن، دۆڲـو حسابی ایله (ایران یوْخسا خارج دۆڲـوسونو نظرده آلاراق) باشا 330-180 مین تۆمن تعیین ائدیلیب. شرعی عذری اوْلاراق اوْروج توتا بیلمه‌ینلرین کفاره‌سی ایسه گۆنه 26 مین تۆمن حسابلانێب‌دیر.

🔶نکته: یوخارێدا دئییلن مقدار زکاتین ان آزی‌دیر، بیر مقدار آرتێق وئرمک داها دا یاخشێ اوْلار.

🔻دقت: بو ایلدن اؤلکه اۆزره فطریه اؤزه‌یی هر شهرین، هر بؤلگه‌نین اقتصادی دورومویلا باغلی، اؤزونه مخصوص زکات مبلغی تعیین ائتمیش‌دیر، آنجاق بو ائله چوْخ دا اؤنملی مسأله دڲـیل و اوزاقباشێ، باشا مین تۆمن فرقلێ اولاجاغێ احتیمال ائدیلیر.

🔶فطریه‌نی کیمه وئرمک گره‌ک؟ جان زکاتێنی هر بیر یوْخسول کیمسه‌یه وئرمک اوْلار، آنجاق ان یاخشێسی، قوْهوم- قوْنشودا اوْلان تانێش یوْخسوللارا وئرمک‌دیر.
نکته: یوْخسول سیدلره عادی انسانلار دڲیل، یالنێز سیدلر زکات وئره بیلر. بیرده فطریه‌نی هئچ کس اؤز آتا- آناسی یا اولادێنا وئره بیلمز.


🔷 . فطر نامازێ قنوتونون ذکری:

«اَللّهُمَّ اَهْلَ الْکبْرِیاءِ وَالْعَظَمَهِ وَاَهْلَ الْجوُدِ وَالْجَبَروُتِ وَاَهْلَ الْعَفْوِ وَالرَّحْمَهِ وَاَهْلَ التَّقْوی وَالْمَغْفِرَهِ اَسْألُک بِحَقِّ هَذَا الْیوْمِ الَّذی جَعَلْتَهُ لِلْمُسْلِمینَ عیداً وَ لِمـُحَمَّد صلی الله علیه وآله ذُخراً وَشَرَفاً وَ کَرامَهً وَمَزیداً أَنْ تُصَلِّیَ عَلی مُحَمَّدٍ وَ آلِ مُحَمَّدٍ وَ اَنْ تُدْخِلَنی فی کُلِّ خَیرٍ أدْخَلْتَ فیهِ مُحَمَّداً وَآلَ مُحَمَّد وَ أَنْ تُخْرِجَنی مِنْ کلِّ سوُءٍ اَخْرَجْتَ مِنْهُ مُحَمَّداً وَ آلَ مُحَمَّد صَلَواتُک عَلَیهِ وَ عَلَیهِمْ اَللّهُمَّ إنّی اَسْألُکَ خَیرَ ما سَألَکَ بِهِ عِبَادُکَ الصَّالِحوُنَ وَأَعوُذُ بِکَ مِمَّا اسْتَعَاذَ مِنْهُ عِبَادُکَ الْمـُخْلَصوُنَ».

@SancaqDergisi
https://t.me/Sancaq_media/7242

⭕️فطر باره‌ده لازیم اوْلان بیلگی‌لری.

✍️حاضرلایان: #دکتر_اکبر_حمیدی (علیار)

🔶قوْناغێن فطریه‌سینی کیم وئرمه‌لی‌دیر؟ بیر نفرین بیر ائوده بیرگۆن و یا آرتێقراق قوْناق قالماسی‌یلا اوْنون زکاتێ ائو اییه‌سی‌نین بوْیونونا گلمز و اؤزو اؤده‌مه‌لی‌دیر. ائو اییه‌سی اوْندا قوْناغێن زکاتینی وئرمه‌لی‌دیر کی او قوْناق او ائوین کۆلفتی حسابلانا یعنی ائل‌آراسێندا دئیه‌لر فیلانکسی فیلانکس ساخلایێر.

🔶فطریه‌ نه زمان وئریلر: یاخشی اوْلار زکاتی فطر گئجه‌سێ (بو گئجه) آیێریب قێراغا قوْیاسان. آنجاق هرحالدا فطر نامازێ‌نین وقتینده (گۆن چێخاندان گۆن‌اوْرتایا کیمی) زکاتی آیێرماق گرک‌دیر.

🔶اوْروج زکاتی‌نین مقداری: زکاتین مقداری انسانین عمومیتده یئدیڲی (بوغدا، دۆڲـو و ..) طعامدان اۆچ کیلو دور. بوغدا و دۆڲـو کیمی طعاملارێن عوضینه اوْنون پولونو دا وئرمک اوْلار. بو ایلین فطریه‌سی بوغدا حسابی ایله باشا 75-80 مین تۆمن، دۆڲـو حسابی ایله (ایران یوْخسا خارج دۆڲـوسونو نظرده آلاراق) باشا 330-180 مین تۆمن تعیین ائدیلیب. شرعی عذری اوْلاراق اوْروج توتا بیلمه‌ینلرین کفاره‌سی ایسه گۆنه 26 مین تۆمن حسابلانێب‌دیر.

🔶نکته: یوخارێدا دئییلن مقدار زکاتین ان آزی‌دیر، بیر مقدار آرتێق وئرمک داها دا یاخشێ اوْلار.
🔻دقت: بو ایلدن اؤلکه اۆزره فطریه اؤزه‌یی هر شهرین، هر بؤلگه‌نین اقتصادی دورومویلا باغلی، اؤزونه مخصوص زکات مبلغی تعیین ائتمیش‌دیر، آنجاق بو ائله چوْخ دا اؤنملی مسأله دڲـیل و اوزاقباشێ، باشا مین تۆمن فرقلێ اولاجاغێ احتیمال ائدیلیر.

🔶فطریه‌نی کیمه وئرمک گره‌ک؟ جان زکاتێنی هر بیر یوْخسول کیمسه‌یه وئرمک اوْلار، آنجاق ان یاخشێسی، قوْهوم- قوْنشودا اوْلان تانێش یوْخسوللارا وئرمک‌دیر.
نکته: یوْخسول سیدلره عادی انسانلار دڲیل، یالنێز سیدلر زکات وئره بیلر. بیرده فطریه‌نی هئچ کس اؤز آتا- آناسی یا اولادێنا وئره بیلمز.


🔷 . فطر نامازێ قنوتونون ذکری:

«اَللّهُمَّ اَهْلَ الْکبْرِیاءِ وَالْعَظَمَهِ وَاَهْلَ الْجوُدِ وَالْجَبَروُتِ وَاَهْلَ الْعَفْوِ وَالرَّحْمَهِ وَاَهْلَ التَّقْوی وَالْمَغْفِرَهِ اَسْألُک بِحَقِّ هَذَا الْیوْمِ الَّذی جَعَلْتَهُ لِلْمُسْلِمینَ عیداً وَ لِمـُحَمَّد صلی الله علیه وآله ذُخراً وَشَرَفاً وَ کَرامَهً وَمَزیداً أَنْ تُصَلِّیَ عَلی مُحَمَّدٍ وَ آلِ مُحَمَّدٍ وَ اَنْ تُدْخِلَنی فی کُلِّ خَیرٍ أدْخَلْتَ فیهِ مُحَمَّداً وَآلَ مُحَمَّد وَ أَنْ تُخْرِجَنی مِنْ کلِّ سوُءٍ اَخْرَجْتَ مِنْهُ مُحَمَّداً وَ آلَ مُحَمَّد صَلَواتُک عَلَیهِ وَ عَلَیهِمْ اَللّهُمَّ إنّی اَسْألُکَ خَیرَ ما سَألَکَ بِهِ عِبَادُکَ الصَّالِحوُنَ وَأَعوُذُ بِکَ مِمَّا اسْتَعَاذَ مِنْهُ عِبَادُکَ الْمـُخْلَصوُنَ».

@SancaqDergisi
https://t.me/Sancaq_media/7242

⭕️فطر باره‌ده لازیم اوْلان بیلگی‌لری.

✍️حاضرلایان: #دکتر_اکبر_حمیدی (علیار)

اَللّهُ اَکبَرُ، اَللّهُ اَکبَرُ، لا إلهَ إلاّ اللّهُ وَ اَللّهُ اَکبَرُ، اللّهُ اَکبَرُ وَ لِلّهِ الْحَمْدُ، اَللّهُ اَکبَرُ عَلی ما هَدانا

آیی گؤرمه مرکزی و هابئله علمی مرکزلرین اعلانێنا گؤره، بو ایل اوْروجلوق آیی 29 گۆن و صاباح یعنی دوشنبه گۆنو (۱۱/ ۰۱/ ۱۴۰۴) اؤلکه‌میز ایراندا شوال آیێ‌نین ایلک گۆنو و فطر بایرامی‌دێر.

اسلام دۆنیاسی‌نێن بؤیۆک و اؤنملی بایراملارێندان سایێلان فطر بایرامێنی بۆتون اوْروج توتان وطنداشلارێمیزا تبریک دئیه‌رک، آللاه تعالیٰ‌دان سیز عزیزلرین اوْروج- نامازلاری‌نێزین قبول اوْلونماسێنی دیله‌ییر، فطر باره‌ده لازیم اوْلان بیلگی‌لری خاطێرلاتماق ایسته‌ییریک.

🔶بایرام (فطر) نامازێ: فطر نامازی ایکی رکعت‌دیر، بیرینجی رکعتده مبارک «حمد» سوره‌سیندن سوْنرا مبارک «اعلیٰ» سوره‌سی، ایکینجی رکعتده ایسه، «حمد» دن سوْنرا مبارک «شمس» سوره‌سی اوْخونار. بیرینجی رکعتده حمد و سوره‌دن سوْنرا بئش تکبیر، بئش قنوت، ایکینجی رکعتده حمد و سوره‌نین آردێنجا دؤرد تکبیر، دؤرد قنوت اوْخونار. قنوتون ذکری اؤزه‌ل ذکردیر ، آنجاق اوْنون یئرینه هر بیر دوعانێ دا اوْخوماق اوْلار.

🔶فطر نامازی‌نێن وقتی: بو نامازێن وقتێ، فطر بایرامێ گۆنو، گۆن چێخاندان گۆن‌اوْرتایا کیمی‌دیر.
صاباح بۆتون شهرلرده اوْلدوغو کیمی، تبریزده ده بایرام (فطر) نامازی، تعیین اوْلونان ساعت، مصلیٰ‌دا قێلیناجاق‌دیر.

🔶فطر نامازی تک قێلینار یوْخسا جماعت ایله؟ فطر نامازی ایندی‌لیکده مستحب نامازلاردان سایێلیر، مستحب نامازێ دا جماعتله قێلماق اوْلماز. آما معصوم امامێن حاضر اوْلدوغو وقت واجب‌دیر، بونا گؤره ده جماعتله قێلینا بیلر. نتیجه اعتباری‌یله بو نامازێ تک ده قێلماق اوْلار، جماعتله ده.

🔶فطریه یا فطر زکاتی: فطر بایرامی‌نێن واجب عمل‌لریندن بیری زکات وئرمک‌دیر. اسلامدا ایکی چئشید زکات وار، بیری مال زکاتی، بیری ایسه جان زکاتی. فطریه یا فطر زکاتی همان جان زکاتی‌دیر.

🔶فطر زکاتی کیمه واجب‌دیر؟ فطر زکاتی اوْروج توتوب- توتمادێغیندان آسێلی اوْلمایاراق، بۆتون دخلی خرجینی اؤده‌ین مسلمانلارا واجب‌دیر. بو زکات آدام‌باشی حسابلانار و عائله باشچێسی‌نین بوْینونادێر. حتیٰ بایرام گئجه‌سی شام اذانێندان اؤنجه‌یه کیمی بیر کؤرپه اوشاق دۆنیایا گلیب، بیر عائله‌یه آرتارسا، اوْنون دا زکاتی واجب‌دیر.

#آردێ_آشاغێدا...👇

@SancaqDergisi
https://t.me/Sancaq_media/7242

⭕️فطر باره‌ده لازیم اوْلان بیلگی‌لری.

✍️حاضرلایان: #دکتر_اکبر_حمیدی (علیار)

اَللّهُ اَکبَرُ، اَللّهُ اَکبَرُ، لا إلهَ إلاّ اللّهُ وَ اَللّهُ اَکبَرُ، اللّهُ اَکبَرُ وَ لِلّهِ الْحَمْدُ، اَللّهُ اَکبَرُ عَلی ما هَدانا

آیی گؤرمه مرکزی و هابئله علمی مرکزلرین اعلانێنا گؤره، بو ایل اوْروجلوق آیی 29 گۆن و صاباح یعنی دوشنبه گۆنو (۱۱/ ۰۱/ ۱۴۰۴) اؤلکه‌میز ایراندا شوال آیێ‌نین ایلک گۆنو و فطر بایرامی‌دێر.
اسلام دۆنیاسی‌نێن بؤیۆک و اؤنملی بایراملارێندان سایێلان فطر بایرامێنی بۆتون اوْروج توتان وطنداشلارێمیزا تبریک دئیه‌رک، آللاه تعالیٰ‌دان سیز عزیزلرین اوْروج- نامازلاری‌نێزین قبول اوْلونماسێنی دیله‌ییر، فطر باره‌ده لازیم اوْلان بیلگی‌لری خاطێرلاتماق ایسته‌ییریک.

🔶بایرام (فطر) نامازێ: فطر نامازی ایکی رکعت‌دیر، بیرینجی رکعتده مبارک «حمد» سوره‌سیندن سوْنرا مبارک «اعلیٰ» سوره‌سی، ایکینجی رکعتده ایسه، «حمد» دن سوْنرا مبارک «شمس» سوره‌سی اوْخونار. بیرینجی رکعتده حمد و سوره‌دن سوْنرا بئش تکبیر، بئش قنوت، ایکینجی رکعتده حمد و سوره‌نین آردێنجا دؤرد تکبیر، دؤرد قنوت اوْخونار. قنوتون ذکری اؤزه‌ل ذکردیر ، آنجاق اوْنون یئرینه هر بیر دوعانێ دا اوْخوماق اوْلار.

🔶فطر نامازی‌نێن وقتی: بو نامازێن وقتێ، فطر بایرامێ گۆنو، گۆن چێخاندان گۆن‌اوْرتایا کیمی‌دیر.
صاباح بۆتون شهرلرده اوْلدوغو کیمی، تبریزده ده بایرام (فطر) نامازی، تعیین اوْلونان ساعت، مصلیٰ‌دا قێلیناجاق‌دیر.

🔶فطر نامازی تک قێلینار یوْخسا جماعت ایله؟ فطر نامازی ایندی‌لیکده مستحب نامازلاردان سایێلیر، مستحب نامازێ دا جماعتله قێلماق اوْلماز. آما معصوم امامێن حاضر اوْلدوغو وقت واجب‌دیر، بونا گؤره ده جماعتله قێلینا بیلر. نتیجه اعتباری‌یله بو نامازێ تک ده قێلماق اوْلار، جماعتله ده.

🔶فطریه یا فطر زکاتی: فطر بایرامی‌نێن واجب عمل‌لریندن بیری زکات وئرمک‌دیر. اسلامدا ایکی چئشید زکات وار، بیری مال زکاتی، بیری ایسه جان زکاتی. فطریه یا فطر زکاتی همان جان زکاتی‌دیر.

🔶فطر زکاتی کیمه واجب‌دیر؟ فطر زکاتی اوْروج توتوب- توتمادێغیندان آسێلی اوْلمایاراق، بۆتون دخلی خرجینی اؤده‌ین مسلمانلارا واجب‌دیر. بو زکات آدام‌باشی حسابلانار و عائله باشچێسی‌نین بوْینونادێر. حتیٰ بایرام گئجه‌سی شام اذانێندان اؤنجه‌یه کیمی بیر کؤرپه اوشاق دۆنیایا گلیب، بیر عائله‌یه آرتارسا، اوْنون دا زکاتی واجب‌دیر.

#آردێ_آشاغێدا...👇

@SancaqDergisi
https://t.me/Sancaq_media/7242

@SancaqDergisi

⭕️اوْروجلوق خاطره‌لری
✍️#حمید_احمدزاده

بئشینجی بؤلۆم

اما بیزیم بو یازێق «حاج آقا هاشمی» بیزدن هیکللی اوْلدوغو اۆچون، نه ییبیسن؟ تورشولو آش!* جان وئریردی سیّد جواد دایێ‌اوْغلومون سیللی – تَـپیڲینه! یازێق نه قدر عمو اوْغلو چاغێریردی، ... یئدیم دییردی، یالوارێردی، دایێ اوْغلونون اۆره‌ڲی رحمه گلمیردی. حق ده دایێ اوْغلودایدی. آخێ اوْ زمانلار اوشاقلارێن اؤز باشێنا سینمایا گئتمه‌سی باغێشلانماز بیر سۇچ ایدی، اوْنو دا اوْباشدانا قدر! رحمتلیک سیّدجوادآقا دا بیزیم کیمی دده‌لی – ننه‌لی یتیملره، دده حؤکمۆنده ‌ایدی. قارنێمیزین کی، چؤرڲین وئریردی، بیرده بیزی لات – لۆتدن قوْرویاردێ. هابئله دوْغرو – دۆزگون تربیت ائدیردی.
آنجاق من رحمتلیک آقا سیّد جوادین الیندن قاچیب، گلدیم اوْتاغا، اما سانکی یاغێشدان قورتارێب، دامجێ‌یا راست گلدیم.*

«عیباد» قارداشێم یوْرقان دؤشـڲین ایچینده ایدی. «آقا دادش» منه «شمر ابن زیلجوشن» کیمی باخێردی.* آخێ اوْ گۆنلر «عیباد»ین الی گئتمیشدی چاپ ماشێنینا و اَتی ازیلمیشدی، بیرآز دا خێردادان اوْلموشدو. رحمتلیک دکتر «منصور اشرفی» عیبادین قوْلونو جرّاحلێق ائیله‌ییب باغلامێشدی. اوْ اۆزدن عیباد خسته‌لیق یوْرقان دؤشـڲنده ایدی.
عیباد دئدی: «دعا ائله الیم دۆزلمه‌سین، اڲر الیم دۆزلسه سنه بیر قارداشلێق ائله‌رم کی، تاریخده یازسێنلار! سن اوْلاسان بیرده مندن اجازه‌سیز بیر یئره گئتمییه‌سن، اوْ زمان ائوه وقتسیز گلمه‌نین جزاسێ‌نین نه اوْلدوغونو آنلایارسان. اوْ زمان سنه اؤز باشێنا اوْلماغێن دادێنی بیلدیررم.»

اللّه‌دان گیزلین دڲیل، سیزدن نه گیزلین اوْ زمان منیم اللّه‌دان بیر تمنّام وارایدی، اوْ دا بو کی، عیبادین الی دۆزلمه‌سین! یوْخسا منیم وای گۆنومه ‌ایدی، منجه عیباد هر نه بلالار چکیب، منیم قارقێشلاریمداندیر. آخێ عیباد منی ووراندا، یوْرولمازدێ. آنجاق بیر نئچه گۆن سوْنرا هرزاد یاددان چێخدی گئتدی.
صاباحێسی گۆنو آقا سیّد جواد گلیب و ائوده اعلام ائیله‌دی کی، افطاردان سوْنرا هامێمیز گئده‌جییک سینما ایرانا. اوْ یازێق بیزیم اوْلاردان اؤنجه اوْ فیلمی گؤردۆڲوموزو بیلمیردی!
رحمتلیک سیّد جواد دایێ اوْغلو دئدی: «اوشاقلار! ایران سینماسی بیر تۆرکو فیلم گتیریب «مشدی عیباد» آدیندا گئدک گؤرک اوْلارین «مشدی عیبادی» یاخشێ‌دیر، یوْخسا بیزیم «مشدی عیباد». رحمتلیک سیّد جواد، شوخلوقجێل و ملّی شعورلو بیر انسان ایدی، پیمان خانواده‌سی مذهبی اوْلدوقلارێنا رغماً چوْخ آیدێن فیکرلی بیر عائله ایدیلر. بیز اوْ ائوده «میرزا علی مُعجز» ایله تانێش اوْلدوق. رحمتلیک سیّد جواد اؤزۆ بیزی باشێنا یێغیب و هامێیا میرزا علی معجز کتابێنی اوْخویاردێ، هابئله رحمتلیک سیّد جوادین باشچێلیغی ایله، آرواد – اوشاق هامێمیز مشدی عیباد فیلمی‌نین گؤرمڲینه گئتدیک. ائله اوْ رحمتلیکلر آماده ائیله‌دیکلری مطبعه محیطینده بیز ساوادلێ اوْلدوق، نهنگ یازێچی‌لار ایله تانێش اوْلدوق. صمد بهرنگی، بهروز دهقانی، علیرضا نابدل، کاظیم سعادتی، مناف فلکی تبریزی، رئیس نیا، عبدالحسین ناهیدی‌آذر، ابراهیم عظیم‌پور، غلامحسین ساعدی، شیدا، شهریار، دکتر صدیق.... و سوْنوندا زندان، قره گۆنلر و...

اڲر مندن خبر آلان اوْلسا، ایراندا تۆرک کیملیڲی مسئله‌سینی کیم باشلایێب؟ اۆچ کیشی‌دن آد آپارارام؛ هامێدان اؤنجه استاد شهریار، دالێسینجا پیشه‌وری و اوْنون آرخاسێجا رحمتلیک سیّد اسماعیل پیمان. آنجاق گؤر هارادان باشلادێق هارایا گلدیک! منظور اوْروجلوق خاطره‌سی ایدی.

🟣قارشێدان گلن فطر بایرامێنیز مۆبارك اوْلسون.

#سون.

استانبول ۱۴۰۱/۱۲/۲۲

🔹آچێقلامالار؛

* اصطلاح، بیر نفری چوْخ – چوْخ کتک وۇران زمانا اشاره ائتدیکده بو اصطلاح ایشلنر.
* اصطلاح، یعنی کیلو باخێمیندان آغێر اوْلدوغو اۆچون قاچا بیلمیردی و کؤتک ییردی.
* آتا سؤزۆ، داها چتین دوروما دۆشمک.

@SancaqDergisi
https://t.me/Sancaq_media/7240

@SancaqDergisi

⭕️چیچکلی، یازلی وطن
✍️گۆلزار ابراهیم‌اوْوا

کؤچۆرن: #تانسو_خیاوی

باهار، سن نه گؤزلسن!
هر دفعه گلنده سن،
من ده جوْشوب - داشێرام،
سنـه نغمـه قوْشورام!

قارانقوش سنله گَـلر،
یازدان مُـژده گتیرر،
قوْشولار اوْنا قوش‌لار،
چهچه‌له اوْخویارلار.

غنچـه آچار آغاجلار،
آغ‌آپبـاق اوْلار باغلار،
چیچک آچار گۆل، چمن،
هانسێندان دانێشیم من؟

قێپ‌قیرمیزی لاله‌لر،
یاماجا دۆزولرلر‌،
ائله بیل دۆزه، گۆللو،
الوان خالێ سَررلر.

گۆل – چیچَـڲی چاغیرار،
هاوا یاز عطری قوْخار،
باهار لَچک‌لریندن،
دۆزه چَلنگ توْخویار.

حتّی تیکانلی کوْل‌لار،
دالایان گیجیتکان‌لار،
قاراغات‌لار، موْرۇق‌لار،
یازدا گؤزلدی اوْنلار!

طبیعت بئله واخت‌لار،
آدامی حـیران قوْیار!
چوْخ گۆمان اوچار بو آن،
قانادی اوْلسا انسان!

باشی قارلێ ذِروه‌لر،
مُحتشم منظره‌لر،
هر شئی گؤز اؤنۆنده‌دیر،
منیم وطنیمده‌دیر!

بو یئرده من اۆرکدن،
محکم سسله دئییرم:
"چیچکلی یازێن‌لا سن،
وطن، نئجه گؤزلسن!"

🔸آچێقلامالار؛

چَـلنگ: تاج گل
خالێ: فرش – قالیچه
گیجیتکان: گیاه گَـزَنه
موْرۇق‌: تَـمشک
قاراغات: مویز آغاجی

@MuncuqAz
https://t.me/Sancaq_media/7238

⭕️اوْروجلوق خاطره‌لری
✍️#حمید_احمدزاده

دؤردۆنجو بؤلۆم

اوْ گۆن ننه‌نی، شاه و مأمورونا توهین اۆچون زندانا آپاردێلار، اما رحمتلیک سیّد اسماعیل پیمانین واسطه‌سیله، گئجه‌یه قدر آزاد اوْلدو . اڲر دایێ‌سی رحمتلیک حاج سیّد اسماعیل پیمان و محترم دایێ‌سی اوْغلو رحمتلیک سیّد جواد پیمان اوْلماسایدی، ننه‌نین کی، قالمێشدی آقام ابوالفضله.*
بو غیرتلی خانێم اؤلن گۆنه قدر ائله داوراندی کی، اوْ محلّه‌نین آغ سقّاللارێ‌نین حؤرمتینی قازاندێ. ائله کی اوْ محلّه‌نین معتمدلری، ننه اوْلان کۆچه‌نین آدێنی «سیّد خانێم» کۆچه‌سی آدلاندێریب و کۆچه‌نین باشێندا، «سیّدخانێم کۆچه‌سی» تابلوسو، نصب اوْلدو.

هرحالدا تبریزین اوْروجلۇقلارێ بام‌باشقا ایدی. اوْروجلوق آیێندا، تبریزده آیرێ بیر حال اوْلاردێ، افطاردان سوْنرا قهوه‌خانالاردا، اوْباشدانا قدر «گۆل گۆل» اوْیناردێلار. اوْباشدانا قدر، تبریزین سینمالاری آچێق اوْلاردێ. آنجاق منیم اوشاقلێق دوْستوم اللّه ساخلاسێن ایندیکی حاج آقا «هاشمی»، اوْ زمانکی «آقا میرقادر» ایدی، بیرده بیر «رضا» وار ایدی رحمتلیک «هما» خانێم (حاج سیّد جوادین خانێمی‌نین) فامیلی ایدی.
اوْ رضانین کئفی هر زمان ساز اوْلاردێ، جیبی دوْلو اوْلاردێ پول و یئمیش ایله، آخێ اوْ دا ملک‌کندی خانلارێ‌نین طایفاسێندان ایدی و شاهلار کیمی الی اوْغورلوغا و دوْغورلوغا اؤڲرنمیشدی.

تقریباً رحمتلیک حاج سیّد جوادین ائوینده الینه نه گئچردی، گجیل* قاپێسیندا پول ائیلردی، قێزیل اۆزوکدن دوتدو قیچی‌یه قدر. اوْ گۆن ائوین قیچیسی ساتێلیب، من ایله آقای هاشمی اوْ گۆن اوْ خان بالاسێ‌نین قوْناغێ اوْلموشدوق. اؤنجه قنّادی «تهران»دا، دوْیونجا «شوی» شیرینی‌سی میل ائیله‌دیک، سوْنرا قنادی تهرانێن قارشێسیندا «سینما ایران»ـا گئتدیک. رحمتلیک عزیز آقا او سینمانین کنترلچوسو ایدی، اوْ بیزی مطبعه‌دن تانێیاردی، آخی تبریز سینمالارێ‌نین بلیط‌لرینی بلدیه آماده ائیلردی، «مهدآزادی» مطبعه‌سی ده بلدیه‌نین چاپ ایشلرینی گؤرردی، بیز ده مطبعه‌ده سینما بلیط‌لرینی دئشڲی دستگاهی ایله دئشردیک.
آنجاق عزیز آقا اوْرادان بیزی تانێیاردی.
اوْ گۆن سینما ایران «مشدی عیباد» فیلیمینی وئریردی، آخی اوْروجلوق آیلارێ «سینما ایران»، بیر آی تَس تمام مشدی عیباد فیلمینی گتیریب، نمایشه قوْیاردێ. . اوْ گئجه بیزیم اجازه‌سیز سینمایا گئدیب و یوبانماغێمیز هر کسی راحاتسێز ائیله‌میشدی. مشدی عیباد فیلمینه بیلمیرم نئچه سیانس باخمێشدیق، اما بیلیرم کی، سینمانی سۆپورن، سینمانی سۆپورمڲه باشلامێشدی. بیز تر – تلسیک سینمادان چێخدیق، مسجدلر و بعضی کۆچه‌لرین باشێندا اذان اوْخویانلار، اوْباشدانێن بیتمه‌سینی بیلدیریردی. بیردن – بیره سربازخانادا توْپ آتێلدی، بو سس بیزیم قولاغێمیزا چوْخ تانێش ایدی، چۆنکی اوْ توْپ اوْروجلوق گۆنلری تبریزده ایکی کره آتێلاردی.

بیر کره افطاردا کی، یئمک موشتولوغونو گتیرردی، بیر ده اوْباشدان زمانی آتێلان توْپ کی، اوْ دا آغێزلارین یئمڲه باغلانماسێنی آنلادێردی.
بیز مجبورایدێق ائوه قدر پیاده گئدک، آخێ خان اوْغلو رضا، قیچی‌نین ده پولونو خرجلییب بیترمیشدی. اوْ زمان بیز رحمتلیک حاج سیّد اسماعیلین ائوینده ثابت و چاغرێلمامیش قوْناق‌ایدێق. اوْ یازێقلار بیزیم اوْ ساعاتا قدر هارادا اوْلماغێمیزی بیلمه‌ییب، تبریز شهرینی آلت – اۆست ائیله‌میشلر. داها کلانتری قالمامێشدی کی، اوْرا گئتمه‌سینلر. رحمتلیک حاج سیّد جوادین گؤزۆ بیزه دۆشر – دۆشمز اۆچوموزو ده باسدێ کؤتڲه! خان اوْغلو رضا چۆن «زینب» طایفاسێندان‌ایدی*، اوْندان تقریباً واز گئچدی، وای «زینال» طاێفاسێ‌نین یتیملرینه*! من بیر تپیک، بیر سیللی‌دن سوْنرا جان قاچێردیم. شاید ده من اوْلاردان خێرداجا اوْلدوغوم اۆچون، کؤتک پایێم آز اوْلدو.

#آردێ_وار...

🔸آچێقلامالار:

*اصطلاح: بیر کسین الیندن اوْنا بیر ایش گلمزدی.
*تبریزین آدلێم محلّه‌لریندن بیری. گجیل قاپێسێندا چوْخلۇ وسایل اوْ جمله‌دن ایشلنمیش و اوْغۇرلانمێش وسایل ده، آل- وئر اولار.
* اصطلاح، منظور ائوین خانێمی‌نین طایفا‌سیندان ایدی.
* اصطلاح، منظور ائوین آقاسێ‌نین طایفاسیندان ایدی.

@SancaqDergisi
https://t.me/Sancaq_media/7237

⭕️اوْروجلوق خاطره‌لری
✍️#حمید_احمدزاده

اۆچونجو بؤلۆم

قوْناقلارێن قارنێ دوْێمایینجا، ننه‌نین سفره‌سی آچێق اوْلاردێ. بیزیم سفره‌نین باشێ سانکی یتیم‌خانا ایدی: بئش نفر بیز ایدیک، (دده‌لی یتیم – اۆچ اوْغلان، ایکی قێز) اؤگئی آنامین قێزی حمیده باجێم، داییم میرعلی اکبر و اوْنون اوْغلو سیّد علی و قێزی حاجیه، دایێم سیّد مرتضی، بالاجا دایێم سیّد رضی، بالاجا خالام علویه، بی‌بی اوْغلوم الیاس، بی‌بی قێزیم گۆل دنه، سوْنرا درجه ایکی فامیلر، انواع و اقسام سیّدلر، میرهاشم بی‌بی اوْغلو، سیّدحسن، سیّدحسین، احمدخالا اوْغلو، اسمعلی، حسین جانی، پرویز جانی، مشدی عزیز، ایمان داداش و اوْنون آروادی – اوشاغێ (ننه بو عائله‌یه بیر ائو باغێشلامیشدی)، قادر آقا و ننه‌سی، کۆچه‌ده ‌صاحبسیز بیر قێز اوشاغێ (اکبر سقا آروادێن بوْشامێشدی و اوْلاردان قالان قێرخلی اوشاغا هئچ بیری صاحیب چێخماییب، زواللێ اوشاغێ یوْل اوْسته بێراخمیشدیلار) کێ ننه اوْ اوشاغێ گتیریب بؤیۆتدۆ. ننه‌لیک الیندن قاچان، نفتچی رستمین اوْغلو فرامرز، مریم خانێم و شیخین اوْغلو رسول و.... بیر قوْجا آرواد و کیشینی گلینی ائشیڲه سالمێشدی، اوْلار دا ننه‌یه سێغینمیشدیلار. آنجاق ننه تک باشێنا بیر یتیم‌خانا یوْلا سالمێشدی.

ننه تک باشێنا بیر دؤلت ایدی. ۲۲۰ متر حیطی وار ایدی کی اوْرانێن بناسینی تماماً اؤزۆ ایشله‌میشدی، حتی سو قۇیوسونو دا اؤزۆ قازمێشدی، و بیر سو ترومباسی دا اوْ قویویا قوْیموشدو. ننه اوْ قویونون سویونو، دده – ننه‌سینه احسان دئمیشدی. (اوْ زمان بیزیم محلّه‌ده هیچ کیمین سویو یوْخ ایدی، اما بیزیم ائوده «دوْل قایێت»دان سوْنرا، بیر بؤیۆک «طاغار» دا وار ایدی. بونلاردان سوْنرا ننه بیر سو قویوسو دا قازمێشدی، اوْ قویونون باشێ دایماً محلّه اهلیندن قێمیلداردی.)

بیر گۆن بیر نئچه محلّه اهلی گلیب ننه‌یه دئدیلر:
- آغا خانێم باجێ! سانکی بهایی «بهار قولو»نون دا آرواد – اوشاغێ بۇرادان سو آپارێرلار.
ننه دئدی:
- نه اوْلار کی؟! سو احسان‌دیر.
- آخێ اوْلار بهایی‌دیلر.
ننه دئدی:
- هر مذهبده اوْلورلار اوْلسونلار، سو احسان‌دێر.
بو سؤزدن سوْنرا داها هئچ کس ننه‌نین سؤزۆنون اۆستونه بیر سؤز دئمه‌دی، اوْندان سوْنرا «آزادخان»ێن دا آرواد – اوشاغێ بیزیم ائویمیزه سویا گلردیلر. آخێ اوْلار دا «گوْران»* اوْلدوقلارێ اۆچۆ=ون اوْ گۆنه قدر بیزیم سو قویوسوندان سو آپارماغا چیکینردیلر.

بیزیم حیطین اوْ باش بو باشێ ایکی اوْتاق بیر دهلیز ایدی و بو دؤرد اوْتاق بیر «کومون اولیه» کیمی ائل اوْباسێ ایدی. سانکی کوْراوْغلونون چنلی بئلی ایدی. اوْ ائوده هر کیم اؤز جیبینه ایشلردی. ننه‌دن خشلردی یعنی (ائوده اوْلدوغونو یییه‌ردی). بیزیم ائوده یئمک آز دا اوْلسایدێ، یاوان چؤرک بوْل ایدی. ننه سربازخانادان تلیس- تلیس سوْمو داشێییب، یتیم – یئسیرین قارنێنی دوْیوراردێ. البته رحمتلیک «حسین جانی» کی، اوْ زمان سرباز ایدی. (مرخص‌لیغی بیزه گلردی، سوْموموز تازا و بوْل اوْلاردێ. حتّی بوْللو مرجی، کشمش‌پیلوْوموز دا اوْلاردی.)
اللّه آنامێن دا روحونو شاد ائیله‌سین. اؤلۆنجه مظلوملارین آرخاسێندا دوردو و ظالملره قان قۇسدوردو. اوْ زمان، بیر همسایه‌میز وار ایدی، رحمتلیک «رضا تأمینات» آدێندا. اوْ رحمتلیک هامێیا قان اۇتدوراردێ، بیر گۆن بیزیم ائوین قارشێسیندان زیرشلوار ایله گئچیردی، اوْ زمان ننه ده ائویمیزین اؤنۆنده کرپیچ کسیردی، بو حالێ گؤرن ننه طاقت گتیرمه‌ییب، الی پالچێقلی – پالچێقلی، رضا تأمیناتین قولاغێ‌نین دیبینی قێزدیردی.* رضا تأمیناتێ حاضرلادێغی پالچێغین ایچینه باسێب بلشدیردی. قوْنشولار رضا تأمیناتی، ننه‌نین الیندن زوْر ایله قورتاردێلار‌‌. بیر نئچه ساعت سوْنرا ننه دادگاها احضار اوْلموشدو. دادگاهدا قاضی دئدی:
- آرواد! سن شاه مأمورونا حین انجام وظیفه اهانت ائله‌میشسن.
ننه دئدی:
- پوْ... یئدی اوْ شاه کی، مأمورو زیرشلوارلی جماعتین ناموسونون اؤنۆده انجام وظیفه ائله‌ییر.

#آردێ_وار...

🔸آچێقلامالار:

*گوْران: تبریز شهرینده سایێلاری چوْخ اوْلان شیعه‌لیک مذهبی‌نین علی الله-ی دییلن بیر فرقه‌سی.
*اصطلاح، قۇلاغێ‌نێن دیبینه سیلی وۇردۇ

@SancaqDergisi
https://t.me/Sancaq_media/7234

@SancaqDergisi