#kun_xulosasi
Agar sizning
-Ota-onangiz Yaratgan sizday farzand berganidan o'zini baxtiyor sezmasa,
-o'quvchingiz
yaxshiyamki, shu inson mening Ustozim, deb o'ylamasa,
- turmush o'rtog'ingiz
Allohga hamdki, menga Uni nasib etdi, deb ichidan shukronalik his etmasa,
- farzandlaringiz aynan Sizning bolangizligidan faxr tuymasa..
..
qanday yashayapsiz?
@suvaydo

#kun_savoli
Nega odamlar kimningdir asl qiymatini uni yo'qotgach, yomonrog'iga duch kelgach yoki (eng yaxshi holatda) yo'qotay deganda tushunib yetadi?
@suvaydo

#ps
Darvoqe.
Filmni ruscha ko'rgan qizim aytib qoldi
"Adasi Men sen bilan faxrlanaman, qizim, - dedi-ya oxiri! O'n kutgan edi qizi! Shuncha harakat qildi..."
Ammo men ko'rgan o'zbekchasida ota
- Yaratganga shukronalar aytaman! - degandi.
Eh, shunday iqrorning ta'sir kuchini o'ldiribdi-qo'yibdi tarjimon..
Inglizcha ko'rganlar, ota, chindan ham, faxrlanishini aytganmidi?
@suvaydo

#kun_xulosasi
Dazmol qilish asnosida "Dangal" hind filmnini ko'rdim.
Men anchadan beri hind filmlarini tomosha qilmay qo'ygan edim, boy-kambag'al o'rtasidagi sevgi-muhabbat, mushti tegmasidan "bidij" qilib uchib ketadigan jag sahnalaridan mutlaqo farq qiladigan yaxshi film ekan.

O'z mahorati va san'atini o'rgataman deb o'g'il kuta-kuta tushkunlikka tushgan ota ittifoqo qizlarining jang san'atiga qobiliyati borligini payqab qolib ularni mashq qilsihga majburlashi, mahalla-ko'y masxaraalshi-yu g'iybatlariga parvo qilmasligi va qizlarning ham, oxir-oqibat, otasidan qo'rqqani yoki majburlikdan emas, chin dildan bu ishga kirishgani orqasidan oltin medalni qo'lga kiritgani haqidagi film tomoshasiga ketgan vaqtimga achinmadim.

Inson irodasi, qat'iyati, kurashi va g'alabasi haqidagi asarlar yaratadigan ijodkorlarga hurmatim cheksiz.

Qizning so'nggi jang payti tomoshabinlar orasidan uni doim qo'llab-quvatlab turuvchi otasini topolmagan onda "Men har doim ham yoningda bo'lmasligim mumkin, o'zing kurash" degan xitobini eslab g'alaba uchun o'zida kuch topgan sahnasida dadam rahmatlini eslab ko'zimdan yosh chiqib ketdi.

Qattiqo'l, shafqatsiz tuyulgan ota-onalarimiz aslida bizni kuchli bo'lishimizni va sinib qolmasligimizni istaganligini, afsuski, ancha kech anglaymiz.

Filmni o'zbekcha tarjimada ko'rdim va
- ana Gita ishtiyoqlik bilan jangga kirishdi. (ishtiyoq so'ziga -lik nega kerak)
- mana endi qiz bolaga o'xshab ko'rinyapsizlar. (bu hoynahoy ruschadan tarjima-"viglyadite kak devushki"ni aynan o'girgan)
kabi g'alizliklar bor tarjimada..

Xullas, kim ko'rmagan bo'lsa, tavsiya qilaman.
Amirxon ijro etgan Ota obrazi qiziga jang oldidan:
- Sen bu jangda yutsang, nafaqat raqibing, balki qizlar faqat uy-ro'zg'or ishlariga yaraydi deb o'ylaydigan, ayollarni kamsitadiganlar ustidan ham g'alaba qozonasan, - degani uchun ham o'z qizimga film havolasini berdim.
xayrli tun!
@suvaydo

#kun_xulosasi
Dazmol qilish asnosida "Dangal" hind filmnini ko'rdim.
Men anchadan beri hind filmlarini tomosha qilmay edim, boy-kambag'al o'rtasidagi sevgi-muhabbat, mushti tegmasidan "bidij" qilib uchib ketadigan jag sahnalaridan mutlaqo farq qiladigan yaxshi film ekan.

O'z mahorati va san'atini o'rgataman deb o'g'il kuta-kuta tushkunlikka tushgan ota ittifoqo qizlarining jang san'atiga qobiliyati borligini payqab qolib ularni mashq qilsihga majburlashi, mahalla-ko'y masxaraalshi-yu g'iybatlariga parvo qilmasligi va qizlarning ham, oxir-oqibat, otasidan qo'rqqani yoki majburlikdan emas, chin dildan bu ishga kirishgani orqasidan oltin medalni qo'lga kiritgani haqidagi film tomoshasiga ketgan vaqtimga achinmadim.

Inson irodasi, qat'iyati, kurashi va g'alabasi haqidagi asarlar yaratadigan ijodkorlarga hurmatim cheksiz.

Qizning so'nggi jang payti tomoshabinlar otasidan uni doim qo'llab-quvatlab turuvchi otasini topolmagan onda "Men har doim ham yoningda bo'lmasligim mumkin, o'zing kurash" degan xitobini eslab g'alaba uchun o'zida kuch topgan sahnasida dadam rahmatlini eslab ko'zimdan yosh chiqib ketdi.

Qattiqo'l, shafqatsiz tuyulgan ota-onalarimiz aslida bizni kuchli bo'lishimizni va sinib qolmasligimizni istaganligini, afsuski, ancha kech anglaymiz.

Filmni o'zbekcha tarjimada ko'rdim, ancha ga'liz joylari bor ekan:

#kun_xulosasi
Kechagi kun sarguzasht, hissiyotlarga booy bo'ldi..
Xulosalar ham shunga yarasha..
1.Darsdan.
- Loyiha ishini baholashda baribir jamoaga baho qo'yiladi. "Uch mushketyor"da aytilganiday: Bir kishi hamma uchun, hamma bir kishi uchun".
- Mas'uliyatsizlikka qodir odam, uyalmay-netmay o'zining xato va chala ishini namoyish qilishga, seni "tushunmaganlikda" ayblashga-da qodir..

2. Jurnal taqdimotidan.
- "Til va adabiyot ta'limi" jurnali dizayni "Jannatmakon"ni eslatgandi, bejiz emaskan..
-Shoir, yozuvchi, filologlar bir joyda jam bo'lishi uchun taqdimot o'tkazib turish kerak )))
- Professor Qozoqboy Yo'ldoshev hech qarimaydilar (Alloh umrlarini ziyoda qilsin) "Hmmm, Zulfiya Usmonova! Keyin Rashidova bo'lgan..Himoya qilmadingiz-a"
- Yangi O'zbekiston universiteti binosi ham, hovlisi ham shinamgina ekan.

3. Diydordan
- Va nihoyat litseyning sobiq Ona tili va adabiyoti kafedrasi deyarli to'liq yig'ildik (ayollarni to'liq yig'ib bo'lmaydi, kimningdir ishi chiqib qoladi baribir).. Xotiralar, taassurotlar, rejalar, hazillar - hammasi aralash-quralash bo'lib, oxiri ruhingda yengillik his qilasan.

4. "Cho'lpon" spektaklidan
- O'zbeklar tarixidagi eng og'ir davr men uchun jadidchilik davri. Ular haqida o'qish ham, ko'rish ham oson emas.. Tomog'ingni achchiq bir nima kuydirib kelaveradi.

-Aktyor Asad (Familiyasini eslolmadim) ko'rinishidan garchi Cho'lponga tortmasa-da, she'rlarning ayrim so'zlarini o'zgartirib aytgan bo'lsa-da, jro ishonarli, yaxshi.

- Qo'rqoqlik, sotqinlik qilganlar ham, o'z ahdida sobitlar ham - hammasining baribir kundadan qutulib qola olmagani, ayniqsa, qatli om sahnasi juda ta'sirli chiqibdi...

- Oldiniga sotqinlik qilib, keyin uzr so'rab, keyin "mening oldimda bunday gaplarni aytma, men yana sotib qo'yishim mumkin, axir men qo'rqoqman" degan shogird (Elbek, shekilli) iqrori naqadar hayotiy, real..

- Oybek obrazi juda yaxshi chiqibdi. Sodda, samimiy yosh shoir so'zlari, xatti-harakatlari va hatto "do'ppidan toshib chiqqan jingalak sochlari" bilan sizga Oybekni eslatadi.

- Bir ko'ngling.. "Yaxshiyam o'sha davrda yashamaganman" deb fikr qilasan.. keyin.. balki, keyingi avlod ham bizning davrni tahlil qila turib shunaqa xulosa qilar" deb ham o'ylaysan..

- To'satdan bir kunda bir necha hodisa yuz bergani har kuni deyarli o'xshash o'tayotgan odamni juda toliqtirib qo'yarkan.

Hammasi uchun Yaratganga shukr!
@suvaydo

#facebookdan
Майна тухум очди булбул инида,
Чечаклар ундирди ажнабий тобут.
Не учун эрк ҳақда ўйлайман бунда,
Мустақил бўлганку аллақачон юрт.

Ёғийга тегишли забон кетса ҳам,
Бу туркий элат деб таниса ҳам дун.
Ҳалиям бошимда дордек турибди,
Шарифим боғлаган гажаксимон дум.

“Ҳумолар учмоқда кўкни тўлдириб”,—
Тўралар бермоқда сўзларига зеб.
Қафасда тургандек ўксиндим нега,
Ана, тиниқ осмон, иста, парвоз эт.

Бу халқнинг бугуни хуррам, деди шоҳ,
Ҳақсиз деб алқади халқнинг шоири.
Не учун хуррамлик туймайман унда,
Менинг ҳам кечмишим халққа доирми?

“Ҳоким сўзи воҗиб, амал қилмоқ фарз,
Сабр”,—дейди мулла тугагач азон.
Бир кунда беш маҳал уйғотиб олиб,
Бир умр ухлашга ундайди ҳамон.

Кимдир кўз тикса ҳам, аниқки, миллат,
Душманнинг йўлини тўсишга қодир.
Аммо бекларининг рўйига боқсам,
Негадир кўзимдан ёш сизаётир.

Аҳир нима учун кўнмайди кўнглим,
Бахт деб ёзай десам дард томар оққа—
Ёки бу миллатнинг ҳурлиги ёлғон,
Ёки шеърларимнинг бари сафсата...

Najmiddinbek Ermatov
@suvaydo

https://youtu.be/I0rVBFNUeKk

#havaskorsuratkash
Bugungi manzaralar
@suvaydo

#kun_xulosasi
Bugun Websterdagi Design thinking kursidan jamoaviy ish topshirishimiz kerak edi. To'rt kishilik guruhimizda mendan boshqa hech kimning pedagogik tajribasi yo'q edi.

Shuning uchun
- ta'limga oid muammolarni o'zim sanadim, - muhim deb hisoblaganimni ularning ichidan o'zim tanladim,
- unga yechim sifatida qanday mobil ilova yaratish mumkinligi haqidagi g'oya maketini (logo, suratlar protitipm va hk) sun'iy intellekt bilan birga yasadik.
- xullas, yana bir sherik "Empathy map" qismini - bir sahifani qildi, 3-miz "oilaviy sharoitiga ko'ra" mutlaqo paydo bo'lmadi. 4-miz esa hamma narsan slaydga joylashi kerak edi, xolos.

Xullas, bugun deadline, kamina vahimada, guruh jim..
oxiri 3-miz slaydni yubordi: qarasam jiddiy xatolari bor. Qo'ng'iroq qilib to'g'rilash kerakligini aytsam, hozir kompyuter yonida emasligini, yo 4-qizni topishimni (ana, Falonchi hech nima qilmadi-yu), yo o'zim qilishimni masalahat berdi.

Uzr-u, bunaqa hurmatsizlikka chidash mumkindir, ammo mas'uliyatsizlikka toqat qilib bo'lmaydi.
Qabday qilib birdaniga 4 kishining bahosi hal bo'ladigan ishga bu qadar bepisandlik bilan yondashish mumkin!?

Xullas, jamoadoshlarimga guruhdan chiqayotganimni, taqdimotni bir o'zim qilishimni, o'zlariga boshqa mavzu, g'oya topishlarini maslahat berib Telegram guruhni tark etdim.

Naq uch soat sarflab Canvada taqdimot tayyorladim.
Xulosa shuki, nimaningdir yaxshiroq bo'lishini istasang, O"ZING QIL!
@suvaydo

Kuni kompyuter oldida o'tadigan, o'tirib ishlaydiganlar uchun maxsus.
@suvaydo

Как правильно сидеть за рабочим столом?
Видео совет от нашего доктора.

Доктор Гульвира.
Врач реабилитолог, ЛФК, физический терапевт.

Работа с осанкой, реабилитация, ДЦП, оценка развития детей, коррекция после спортивных травм, реабилитация после операций и другие направления.

https://www.instagram.com/reel/DBxw-wMNoEZ/?igsh=MTRmOGs3NHVwanozdA==

Green Lukas Clinic
+998332060020
@GreenLukasclinic

#лфк
#реабилитациядцп
#спорт
#спортивнаятравма

#kun_xulosasi
Sizlarga mamnuniyat bilan aytamanki, men yana bir kursda o'qishni boshladim.
Kursning to'liq nomi "O'zbek tilini bilish darajasini baholash tizimini yaratish".
Ma'ruzachi - Komil Jalilov.

Menga bu soha juda qiziq, birinchidan, yillab repetitorlik qilgan, turli ta'lim muassasalarida ishlagan mutaxassis sifatida o'quvchilarni to'g'ri baholash nazariyasini o'rganish orqali o'z faoliyatimni tahlil qilishim mumkin.

Ikkinchidan, PMlari uchun ona tili va adabiyotdan semestr imtihoni savollarini tuzadigan odam sifatida juda kerakli kurs bu menga.

Kechagi darsdan olgan xulosalarimning ayrimlarini bo'lishsam:
- baholash - o'quvchilar nimani o'rgangani va yaxshi o'zlashtirolmayotganini tushunishga yordam beradigan, o'quv faoliyatini qanday tashkil qilish kerakligi haqida xulosalarga undaydigan jarayon.

- bitta savolda bir necha narsani nazarda tutish xato - "Qaysi qatordagi gap egasi yasama so'z bo'lib, ot so'z turkumi bilan shakldosh" qabilidagi savol tuzish - MUMKIN EMAS!

- test bilmaydigan bolani chalg'itishi kerak, biladiganni emas.

- test shaffof bo'lishi uchun uni topshiruvchi o'zidan nima so'ralishini va qanday tizimda baholanishini aniq bilishi kerak.

- testda proporsiya muhim, masalan, faqat grammatik bilimnigina tekshirib bir yoqlama xulosa olish kerak emas.

- testda xotira tekshirilmasligi kerak. Masalan, falon qahramonning laqabi qanaqa edi? - qabilidagi savol berish XATO!

- agar test bir necha variantda tuzilsa, ularning murakkablk darajasi bir xil bo'lishi kerak.

- Test topshiruvchilarga bir xil sharoit ta'minlanishi kerak. Kimdir ertalab, kimdir kechqurun topshirmasligi, kimdir konditsionerli xonada ishlab, boshqasi diqqinafas o'tirishi ADOLATDAN EMAS!

- aprobatsiyadan o'tkazilmagan testni amaliyotda qo'llash mumkin emas!!

Har qanday test STANDARTLASHTIRILISHI kerak!

ayni paytda yodimga kelganlari shu bo'ldi..

Hammaga omad!
@suvaydo

#kun_xulosasi
"Lazgi" raqsiday o'ynoqi va jozibalisi bo'lmasa kerak.
@suvaydo

#yordam
Kimda Sharof Boshbekov asarlarining pdf shakli bor?
("Temir xotin"dan tashqari)
@suvaydo

#havaskorsuratkash
Qorasuv dahasi
@suvaydo

https://youtu.be/Wa3X-3x7Di8

#mulohaza
Facebookdagi Begoyim guruhida bir ayol post qoldiribdi. "Sovchilikka borsam, biz qaynona bilan yashaydigan oilaga qiz bermaymiz, alohida yashaydigan kuyov kerak, deyishdi. Men nima, kvartira olib chiqib ketaymi?" mazmunida.

Atay izohlarni o'qib chiqdim. Hamma qizning onasini malomat qilgan bo'lsa kerak deb o'ylagandim, yo'q, aksariyat ayollar ijobiy fikr bildiribdi.

Odamlaning dunyoqarashi o'zgaryaptiykan, har holda..
Siz qanday fikrdasiz? Yoshlar alohida oila bo'lib yashashi, sizningcha, nima?
- bemehrlik?
- an'anani buzish?
- qarzni unutish?
- mustaqillik?
- ... (sizning variantingiz?)
@suvaydo

https://youtu.be/zvAb2vKSXl8

#kun_xulosasi
Telegram guruhda xo'rozlanib, po'pisa-yu tahdid ohangida "falon narsani falon muddatagcha bajarmasalaring unday-bunday qilib yuboraman" deb bosh harflarda undov belgilari bilan yozib, real hayotda ehtiyotkorlik bilan juda yumshoq gapiradiganlar "Josuslar bolalari" filmidagi onlayn olamda qahramon-u aslida oddiy qahramonlarni eslatadi.
@suvaydo

#angina
Orangizda anginasini oldirganlar bormi?
Asorati yo'qmi?
@suvaydo

#ibora
Bugun 10-sinf o'quvchilari "tirnoqqa zor" iborasining ma'nosini bilishmadi.
Kamina hayratda.

Bu ketishda o'zbek tilidagi so'z va iboralar yo'qolib ketadi, shekilli..
@suvaydo

https://www.youtube.com/watch?v=XW2YBLpkqPY

https://youtu.be/x3xWtbnPFWk

https://youtu.be/gkKTBqWJSIQ

https://youtu.be/JKayJ_3LTMk

https://youtu.be/xlECRGMqsEE

#kun_xulosasi
Bolang kasal bo'lsa, o'zingning joning og'riyotgani bormi, tashvishingmi yo rejalaring - hammasi bug'lanib ketgan suvday yo'q bo'ladi - qoladi.

Alloh farzandlarimizni panohida asrasin!
@suvaydo

#kun_xulosasi
Kim magistraturada o'qiyotganimni eshitsa, diplom menga nima qilib berishini, undan qanday moddiy manfaat ko'zlayotganimni so'rayapti.

Menda esa bunga tayinli javob yo'q. )))
Men o'qib, o'rganib maza qilyapman, desam, g'alati qarashyapti.

Shungaaa shart aytvordim kecha bittasiga "Xalqaro loyihalarga qatnashish uchun" deb. O'zimam ishonvordim hatto )))

"O'qib nima qilasiz, pul topishni o'ylasez-chi!" dedi bittasi ))))

Rizq Allohdan, ilm - farz, pul emas, deb aqllilik qilay dedim-u, boplab indamadim..

Chindan ham, ehson qiladigan davlatmand odam bo'lishga qasd qilsam bo'larkan..

Xullas, bugun darsda mavzu tizimli fikrlashga bag'ishlandi. Juda qiziqarli mavzu ekan. Ya'ni masalan, bitta o'qituvchi dars beradigan sinfda o'quvchilar o'zlashtirish darajasi past bo'lsa, darrov ustozni almashtirish haqida o'ylamaslik kerak.

Chunki tizimli fikrlash bizga muammoni faqat sirtdan emas, balki butun tizim doirasida tahlil qilishni o‘rgatadi. Aytaylik, o‘quvchilarning bilim darajasi past bo‘lishiga nafaqat o‘qituvchining metodikasi, balki sinfdagi umumiy muhit, o‘quvchilarning oilaviy sharoiti, darsliklar sifati, maktabning infratuzilmasi, hatto rahbariyatning yondashuvi ham ta’sir qilishi mumkin.

Tizimli fikrlovchi rahbar yoki muallim bu kabi vaziyatga bir nechta rakursdan qaraydi: o‘qituvchining tajribasini tahlil qiladi, o‘quvchilarning ehtiyojlarini tushunishga harakat qiladi, dars jadvalining qulayligini, hatto ota-onalar bilan aloqani ham hisobga oladi. Shundagina muammoning asl ildizi topiladi va barqaror yechim ishlab chiqiladi.

Ana shunaqa gaplar..
@suvaydo

#havaskorsuratkash
Xayrli tong.
Yashil manzara, oqayotgan suv tovushi, qushlar sayrash -tonggi sayr uchun bundan ortiq nima kerak?
@suvaydo

#instagramdan

Siz o'zbekmisiz?
Siz ham.. shunaqa o'zbekmisiz?
@suvaydo

#facebookdan
Ulashmasam bo'lmaskan.
БИЗ ТАДБИРЛАР БИЛАН ОВОРАМИЗ.
ШОУЛАР, "УРРА-УРРА"ЛАР БЎЛСА БАС БИЗ УЧУН...

#танқид

Англияда ўқиётган Ўзбекистонлик талабанинг таълим тизимимиз хақидаги фикрлари:

• Лондонда тили бурро тадбир уйиштириб "фаол" бўлганлар бир тийин экан.
• Мен ҳиндлар ва хитой, корейс ва япон талабаларини кўриб мактабдаги олган билимларига тан беряпман.
• Хуллас, мен шунчаки бўм-бўш мия билан магистратурага келиб қолибман. Масалан, гурухдаги ҳамма математикани чачворади. Сиз ўйлаган даражада эмас, яхши билади дегани хам эмас. Булар "чачворади". Шунақанги тенгламаларни улар мактабларидан ўрганиб келишганки, мен уларга ҳалиям ета олмаяпман.
• Компютерни, офис дастурларини, ҳар хил программалар ва дастурлашни ўзимча яхши биламан десам. Бутун гуруҳ, ҳа ишонинг, ҳар бири мендан яхши билади.
• Дунёқараш жиҳатидан ххҳам биз Марказий Осиё талабалари оқсоқ эканмиз. Улар шунақанги дунё таниган брендларни эгаларидан тортиб, улар нима ишлаб чиқарадию, қайси маҳсулоти яхши эканини билишади. Мен бўлса ҳалиям кофе турларини фарқига бормайман.
• Сиз ўзингизни Ўзбекистонда туриб "Келажак бизники, шу туришимда Ўзбекистонни дунёга танитаман" деманг.
• Мен шунақа деб хато қилганимни билдим. Биз ростдан юртимизни юқорига олиб чиқмоқчи бўлсак, ростдан ўқишимиз керак.
• Лондонга келиб билдим. Биз орқада эканмиз, кўп соҳада. Давлат сиёсати ёки иқтисодий нуқтаи назардан эмас, оддий мактабдаги асосий фанлар кўникмаларидан уларни амалиётга татбиқигача...
• Бизни яна энг катта айбимиз бу номзодларга катта рағбатлар беришимиз. Мисол учун: Бизнинг Навоий, Беруний ва Зулфияни олаётган болалар келиб Ню Йорк, Лондон, Токио ёки шунга ўхшаган шаҳарлардаги бизнес марказлардан юқори лавозим тугул қабулхонага хам ишга кира олмайди. Нега?
• Чунки у ерда биздаги "фаол талаба"дан олдин ҳинд ёки хитойлик ишга топшириб бўлган. Ундан устун бўлиш учун "Компаниям фахрим" деган видео ясаб келсангиз ўтмайди.
• Бу ерда, яъни Лондонда, яхши офис ишига киришингиз осмонўпар бинода ишлашингиз учун ростакам юзма юз интервью бўлади. Улар сиздан ютуқларингизни умуман сўрамайди. Улар сиздан "илм" сўрайди. Уларга сизнинг 2 та мақола орқали хар кимга бериладиган Қозоғистоннинг хусусий кўкрак нишонлари бир тийин. • Улар илм сўрайди.
• Хулоса: бу фикрлар ҳеч кимга қаратилмаган лекин, кўзимизни очишимиз керак. Дунё миқёсида бизнинг талабалар анча ортда. Сиздан илтимос "Мен энг фаол, энг зўр талабаман" деманг. Англияда сиз тенги одамлар анча бунча сизнинг ва бизнинг келажакдаги иш жойларимизни эгаллаб, қўлимиздан олиб бўлишмоқда...
• Ўқинг биродар...

©️Ўринов Ахмаджон

#retro_filmlar
Har bir dekoratsiya u yoki bu retro filmga tegishli.
Topib ko'ring-chi.
PS. Kassetaga ruchka tiqib aylantirganlar bormi?
@suvaydo

#taassurot
Bugun meni kinoga taklif qilishdi.
Alisher Navoiy nomidagi kinosaroyda (Panorama) retro filmlarni tekinga namoyish qilishyapti ekan har kuni.

Bugun "Maftuningman" filmiga navbat kelgan ekan.

Xullas, 1958-yil olingan eeski film bo'lsa-da, zal to'ldi, maroq bilan tomosha qildik.

Kinoteatr ichi muzeyga aylantirilgani zo'r bo'libdi.

Tashqariga chiqqach "Umida Fudziyama haqida tush" filmi afishasiga ahamiyat bersam, rejissyor Zulfiqor Musoqov ediykan. Oldinroq bilganimda premyerasiga kirardim.
Endi kutish kerak qachon namoyish qilinishini..

Xullas, kino va teatr - jon-dilim.
Havo ham biram yoqimli. Bahormisan, bahor..
Yetkazganiga shukr.
@suvaydo

📆Joriy yilning 11-aprel kuni Toshkent shahridagi Prezident maktabida “STEM FAIR” tadbiri bo'lib o'tadi.

STEM FAIR— tabiiy fanlar yo'nalishida o'quvchilar tomonidan ishlab chiqilgan loyihalar ko'rgazmasi bo'lib, har yili bir marta tashkil etiladi.

Tadbirda o'quvchilar o'z loyihalarini namoyish etib, bilim va ko'nikmalarini amaliy tarzda sinovdan o'tkazadilar. Bunday loyihalar kelajakda ilm-fan, texnologiya va sanoat sohalarida muhim yangiliklar va innovatsiyalarni yuzaga keltirishi mumkin. Ko'rgazma yosh ixtirochilarga o'z bilimlarini amalda qo'llash, yangi g'oyalar asosida kelajakda katta loyihalar yaratish uchun mustahkam poydevor qurish imkonini beradi.

Loyihalarni oliy ta'lim muassasalaridan taklif qilingan professorlar va soha mutaxassislari baholashadi. Har yili o'tkaziladigan ko'rgazmadan farqli ravishda, bu o'quv yilida matematika va robototexnika yo'nalishlarida ham o'quvchilar o'z loyihalarini namoyish qiladilar.

🏛Toshkent shahridagi Prezident maktabining rasmiy sahifalari:
🌐Telegram | 🌐Instagram | 🌐Facebook

#havaskorsuratkash
Bulut shunday noyob ne'mat bo'lib qolganki, suratga olmay iloj yo'q.
@suvaydo

#uyqu_qochganda
Magistratura payti bir kursdoshim bo'lardi. Darsdan keyin bitta maktabga qatnab ishlab yaqinroq bo'lib qolgan edik.

Xullas, o'sha kursdoshning sevgan qizi bor edi. Sergap, hazilkash yigitidan farqli o'laroq, qiz vazmin, yoqimtoy edi.

Yigitning bir odatini payqab qolgandim: 8-mart va qizning tug'ilgan kuni arafasida bir bahona topib arazlashib qolar, shu bilan sovg'a berish mavzusi dolzarbligini yo'qotgandan keyin yarashardi.
To'g'ri, u buni rasman tan olmasdi, ammo..

Bir kuni tramvayda maktabdan qaytarkanmiz, aytib qoldi:
- Falonchi o'ziga kelgan sovchilarni meni deb qaytarganini aytdi. Endi unga uylanishga majburmanmi?
Hayron bo'ldim:
- Ha nima, uylanish niyatingiz yo'qmi unga? Nega umidvor qilib yuribsiz unda?
- Men unga uylanaman deb va'da berganim yo'q, shunchaki..
- Qiziq ekansiz-u, 24-25 yoshda ham uylanishni reja qilmay shunchaki gaplashib yurish mumkinmi?
U indamadi. Men u kamtar, odobli qizni hurmat qilardim. Rahmim keldi. Aytgim keldi borib bu ahmoqdn umid qilma deb, ammo salom-aligimiz ham yo'q edi aytarli.

Keyin eshitishimcha, kursdoshim qizini bir yigit bilan ko'chada birga ko'rib qolib, janjal ko'tarib, orani ochiq qilibdi.

Qiz biror nojo'ya ish qilmaganini tushuntirmoqchi bo'lgan, kursdoshim unga "ishonmagan".

Xullas, unga bahona kerak edi, topibdi deb aytay dedim. Ammo yana aralashgim kelmadi munosabatlariga. Ikkalasining ham mendan yoshi katta edi.

Oradan yarim yillarmi o'tib, kursdoshim hasrat qilib qoldi.
Nima emish, qiz erga tegib ketganmish, u qizni eri bilan baxtli qiyofada qo'ltiqlashib ketayotganini ko'rib, afsuslanganmish.

Kulgim keldi. O'zi unga uylanmoqchi emasdingiz-ku, desam, tan olmadi.

Qiz tushkunlikka tushib qolib, psixologga borgan. A u o'z jiyani bilan tanishtirib qo'ygan va ular bir-biriga ma'qul kelib oila qurishgan.
Bundan yaxshi "happy end" bo'lishi mumkinmi?

Arazlaydigan erkak bilan oila qurib, bir umr g'urbatda yashagandan ko'ra, boshidanoq bunaqa munosabatga barham berish kerak.

Tuxumni jo'ja ochib, qaqag'laydigan tovuqqa aylanib tinchingizni buzguncha pachaqlang, degan ekan Kamfutsiy domla.

Lafz, mas'uliyat haqida o'ylab uyqu qochganda esladim-da bir...

Alloh hammani munosibiga uchrashtirsin.
@suvaydo

#kun_xulosasi
O'g'il bolalarda mas'uliyat hissini tarbiyalamas ekanmiz, matriarxat jamiyatga aylanib boraveramiz.

O'g'il bolalar "Men borman-ku!" deb aytoladigan Erkak bo'lishi kerak.

"Men bilmadim", "Ko'ramiz", "Bir gap bo'lar", "Ammo - lekin-chi, va'da berolmayman" deb chaynaladigan, muhim onlarda o'zini olib qochadigan odamlarni Erkak deb bo'lmaydi.
Ularga ishonolmaysan, suyanolmaysan.

Alloh o'g'illarimizni Erkak qilib tarbiyalashni nasib qilsin.
@suvaydo

#olmaxon
Tonggi uchrashuv
@suvaydo

#havaskorsuratkash
Ming urinmay, osmon va bulut surati tiniq va go'zal chiqmaydi o'zimizda.

"Zato osmonimiz musaffo" deya kinoya qiluvchilar kasriga qoldik, devolardim-u...
Bulutli kunni kuta-kuta olgan suratlarmdan ko'nglim to'lmadi.

Gap kamera yo telefon markasida emas ekan-da, ne tong...
@suvaydo

#kun_xulosasi
"Beshikdan qabrgacha ilm izla" deganlar naqadar haq bo'lishgan.

Nimanidir o'rganish hayotingizga mazmun bag'ishlaydi. Bir qarich o'sganday bo'lasiz.

O'rgatish zavqini o'rganish baxti bosib ketarkan.
Yetkazganiga shukr.
@suvaydo

#tasalli
Hozirgilar "Masxaraboz" filmini ko'rishmagan. Sharof Boshbekov qalamiga mansub ssenariy asosida olingan bu filmni, qaysidir ma'noda, tragikomediya deyish mumkin.
Bir vaqtning o'zida ham kulasiz, ham achinasiz.

Shu filmda Teshaning zo'r tasallisi bor Zumradga aytadigan:
"Men senga sehrli so'zni o'rgatib qo'yaymi? Bundan ham battarroq bo'lishi mumkin edi-yu!" deysan.

Chindan ham, o'zingizni ynoxush his qilsangiz mana shu taskin ish beradi.
Bundan ham
battarroq
bo'lishi
mumkin edi-yu! )))
@suvaydo

Bunisi esa undan ham ta'sirliroq video ekan.
O'qituvchi poyga o'tkazilishini, yutuqqa 100 dollar berishini aytdi, ammo hammani bir chiziqqa tergach, turli mezonga ko'ra guruhga ajrata boshladi:
- Kimning ota-onasi ajrashmagan bo'lsa, ikki qadam oldinga chiqsin.
- Kim qo'shimcha darsga qatnashga qurbi yetgan bo'lsa, ikki qadam oldinga chiqsin
- Kim telefonim o'chib qolsa nima qilaman deb umrida tashvish chekmagan bo'lsa, ikki qadam oldinga chiqsin va hk

Va oxirida o'qituvchi turli sharoitda katta bo'lgan bolalar hayot uchun, kelajak uchun bir xil kurashishga majburligini aytdi.

Biz o'qituvchilar bolalarda, eng avvalo, insoniylikni tarbiyalashimiz kerak.
@suvaydo

https://www.youtube.com/watch?v=PJAgPF5FNTQ&t=2s

Xullas, bu videoda boshlang'ich sinf o'qituvchisi bolalardan kimning qachon qayeri lat yeganini so'raganini aytyapti. Kimdir tizza, kimdir tirsak yoki boshqa joyni aytsa ham, u hammasiga bir xil - tirsakka yopishtirgani plastir bergan.

Ya'ni hammaga bir xil narsa (ta'lim, munosabat) berish to'g'ri emas, HAR BIRIGA AYNAN UNGA KERAKLIsini berish kerak.
@suvaydo

https://www.youtube.com/watch?v=sDo-OA4KZAI&t=4s

#webster
Yana bir atama duch keldim: equality va equity.
Ya'ni tenglik va adolatli tenglik.

Quyida ChatGPT izohi:
⚖️ Equality (tenglik) va Equity (adolatli tenglik) farqi nima?
Ba’zida biz “hammaga bir xil narsa bersak bo‘ldi” deb o‘ylaymiz — bu esa har doim to‘g‘ri emas.

☑️ Equality (tenglik):
Hammaga bir xil imkoniyat yoki narsa beriladi.

Masalan, hammaga bir xil o‘lchamdagi poyabzal beriladi, lekin u hammaga mos kelmasligi mumkin.

☑️ Equity (adolatli tenglik):
Har bir odamga o‘zi uchun kerakli yordam beriladi.

Ya’ni, har kimga mos yechim, shart-sharoit yaratiladi.

Ya'ni ishxonalarda mana shunaqa tenglik hukmron. Ish vaqti, aytaylik, hammaga 8 soat. Lekin kimdir juda uzoqdan yetib keladi, kimdir shundoqqina qo'shni mahalladan.

Yoki kimdir yarim soatda tugatadi bir ishni, boshqa birovga 3 soat kerak bo'ladi, ammo natijaga qaralmaydi, hamma falon soat ish joyida o'tirishi kerak, tamom-vassalom..

Endi-endi tushunyapmanki, Islom litseyida Sodir aka rahmatli ana shunaqa adolatli tenglikka amal qiladigan rahbar bo'lgan ekanlar.

Shanba kuni bog'cha ishlamaydi deb yosh bolali ustozlarga dars qo'ymasdirla; uzoqdan keladiganlarga 2-soatdan dars qo'yardilar va hk..
(Alloh ulardan rozi bo'lsin)

Rahbarlikning naqadar mas'uliyatli va mushkul ish ekanligini tushunyapman..
@suvaydo

#webster
Xullas, 2-hafta uchun o'quv materiallari bilan tanishar ekanman, 2ta atamaga duch keldim: Sympathy va Empathy.

Sympathy - bu kimgadir achinish. "Voy bechora, senga qiyin bo'libdi-yu" deb qo'yasiz-u, his qilmaysiz uning og'riqlarini. Hatto ichingizda "yaxshiyam bu men bilan sodir bo'lmayapti" deb o'ylaysiz ham.

Empathy esa boshqalarning o'rniga o'zingizni qo'yib ko'rish. Aynan o'shanaqa vaziyatda o'zingizni qanday his qilganingizni eslash va chin dildan hamdardlik his qilish.

Va aytilyaptiki, rahbarda Empathy bo'lishi kerak. Ana o'shanda u o'z jamoasini qo'llab-quvvatlaydi, ularga ijodiy muhit yarata oladi.

Menimcha, bizda rahbalar (va rahbarlikka da'vogarlar) ana shunday kurslarda o'qitilishi kerak...
@suvaydo

5. Таомга махсус мазза беради – Чўян қозонда пишган таомлар ўзгача ва ёқимли мазали бўлади.

6. Барча турдаги плиталар ва оловда ишлатилади – Газ плитаси, электр плита, печка ва ҳатто очиқ оловда ҳам ишлатиш мумкин.

7. Зарарли моддалар чиқармайди – Синтетик ёпишма қопламали идишларга нисбатан табиий ва хавфсиз ҳисобланади.

Танлов сизга хавола!
Бозорга тушсангиз қозон танлашда янглишиб қолманг!

Муаззам Иброҳимова
#Сенкучлисан!

#facebookdan

ҚОЗОНЛАБ СОТИЛАЁТГАН САРАТОН

Бугун бозорга тушсангиз турли ишлаб чиқарувчилар таклиф қилаётган ҳилма -ҳил қозонларга кўзингиз тушади.

Кеча бозорга тушиб, жудаям арзон сотилаётган алюмин қозонларга кўзим тушди. Нима қилибди? Арзонгинаку! дерсиз. Бироқ, алюмин қозоннинг саломатлик учун қанчалик хавф туғдиришини биласизми? Агар қозон анодланмаган яъни махсус қопламали бўлмаса унда мутлақо овқат пишириб бўлмайди.

Анодланган алюмин қозоннинг сирти ялтираб турмайди. Хира- ўрисча қилиб айтганда "матовый" тус олади. Бозордаги аксарият алюмин қозонларда эса бу қоплама йўқ. Ялтираб ётибди.

Ялтироқ алюмин қозонларда тайёрланадиган таомлар келтириб чиқарадиган касалликлар хақида эшитганмисиз?

Анодланмаган алюмин қозондан фойдаланиш инсон саломатлигига салбий таъсир қилади. Бунинг асосий сабаби – алюминнинг таомга чиқиб кетиши ва организмга тушишидир. Қуйида шунинг эҳтимолий оқибатларини санаб ўтаман.

1. Нерв тизимига таъсири

Алюмин мияда тўпланиб, Алцгеймер касаллиги ва бошқа когнитив бузилишлар хавфини оширади.

Ҳаддан ташқари алюмин таъсири хотира пасайиши ва диққатсизликка олиб келади.

2. Ичак-ошқозон тизимига зарари

Алюмин ошқозон шиллиқ қаватини шикастлаб, гастрит ва ошқозон яраси, сўнг ошқозон ракини келтириб чиқаради.

Овқат ҳазм қилиш жараёнига таъсир қилиб, ич қотиши ёки диарея (ичкилик) келтириб чиқариши мумкин.

3. Буйракларга зарари

Алюмин буйрак орқали чиқарилади, лекин буйрак етишмовчилиги бўлган одамларда у организмда тўпланиб, захарли таъсир кўрсатади.

4. Иммунитет тизимига таъсири

Алюмин ортиқча миқдорда тўпланса, иммунитет тизимига таъсир қилиб, аутоиммун касалликлар хавфини ошириши мумкин.

5. Суюқлик ва минерал мувозанатини бузиши

Алюмин кальцийнинг сўрилишини пасайтириб, суяклар мўртлашиши ва остеопорозга олиб келади.

Алюмин қозон ва онкология ўртасидаги боғлиқлик ҳақида турли тадқиқотлар ўтказилган.

Алюмин ва онкология ўртасидаги эҳтимолий боғлиқликлар:

1. Ҳужайраларнинг зарарланиши

Алюмин оксидловчи стрессни ошириб, ҳужайраларга зарар етказиши мумкин. Бу ҳолат ДНК мутацияларига сабаб бўлиши ва онкологик жараённи тезлаштириши мумкин.

2. Бўғим ва гипоталамус касалликлари

Алюмин баъзи тадқиқотларда гипоталамус ва кўкрак бези тўқималарида тўпланиши аниқланган. Айрим олимлар бу ҳолат кўкрак бези саратон хавфини ошириши мумкин деб тахмин қилишади.

3. Эстроген таъсир

Алюмин гормонлар мувозанатига таъсир қилади ва шу йўл билан гормонал онкология (масалан, кўкрак бези саратони) хавфини оширади.

4. Ҳарорат ва кислотали озиқ-овқат билан реакция

Иссиқ ва кислотали озиқ-овқатлар (помидор, лимон, уксусли маҳсулотлар) алюмин қозонда пиширилганда, металл кўпроқ ажралиб чиқиши ва овқат орқали организмга тушиши мумкин....

Мен алюмин қозон сотаётган бешта харидордан "қозонлар анодлангагми, сертификати борми?" деган саволни бердим. Бироқ бешаласи ҳам "арзон қозонда сертификат бўлмайди" деган жавобни беришди. Одамлар эса ўша қозонларни харид қилишяпди.
Улар болалари, невараларига таом пишириб беришади ва ўзлари билиб, билмаган холда яқинларини захарлашларини билишармикан?

Ривожланган давлатларда қозон ва унинг ўрнини босувчи идишлар фақат зангламайдиган пўлатдан ишлаб чиқарилади. Кўп таомлар сирланган яъни эмал сиртли идишларда тайёрланади. Чунки зангламайдиган пўлат ва сирли идишлар максимал даражада соглиқ учун бехатардир.

Ўзимизда эса, ота боболаримиз азалдан чўян қозонларни танлашган. Сабаби

Чўян қозон (чўяндан ясалган қозон) бир нечта муҳим афзалликларга эга:

1. Иссиқликни яхши ушлаб туради – Чўян узоқ вақт давомида иссиқликни сақлайди, бу эса таомларни бир текис пиширишга ёрдам беради.

2. Ҳароратни барқарор ушлаб туради – Таомларни паст ҳароратда узоқ вақт пишириш учун идеал, масалан, ош, шўрва ёки қайнатма таомлар учун.

3. Чўян қозон юзлаб йиллар давомида хизмат қилиши мумкин.

4. Табиий ёпишмага қарши хоссаси – Вақт ўтиши билан қозоннинг ички қисмида табиий ёғли қатлам ҳосил бўлади, бу эса таомларнинг ёнмаслигига ёрдам беради.

#kun_hikmati
Musofir bo'l, ammo vatan ichra bo'l,
Tila xilvat-u, anjuman ichra bo'l.
Alisher Navoiy
@suvaydo

#masuliyat
Har kuni har xil qayg'uli xabar o'qiymiz:
- ko'prik qulaydi
- bog'cha bolasini tok uradi
- masjidda tahoratxona portlaydi
- institut binosi yonadi
- gaz quyish shoxobchasi portlaydi
va hk.

Bular bizning naqadar mas'uliyatsizligimiz, qo'l uchida - "mendan ketguncha, egasiga yetguncha" qabilida ish qilishimiz oqibati.

Biz tarbiyani oiladan boshlashimiz, har birimiz mas'uliyat his qilishimiz kerak.

Alloh hammasini ko'rib turibdi: har ishning javobi bor.
Mayda e'tiborsizlik ham jiddiy talafotga olib kelish mumkinligini uqtirishimiz, o'zimiz ham namuna bo'lishimiz kerak.

Chunki aslida hammamiz nazorat yo'qligini sezgan zahotimiz qoida buzamiz:
- svetoforning qizil chirog'idan o'tib ketamiz,
- mashina oynasidan chiqindini uloqtirib ketamiz,
- o'zimiz pul to'lamaydigan joylarda suv, elektrni tejamaymiz,
- ish joyimizda vazifamizni astoydil bajarish o'rniga o'zimizni ihlayotganday tutishni ma'qul ko'ramiz va hk.

Alloh xulqimizni isloh qilsin..

Yurak hovuchlab yashash naqadar qiyin axir.
Bo'gchaga bolangni tashlab kelasan-da, ishqilib tarbiyachi laqillashib o'tirib bolamga qaramay qolmasin-da, desang. (bog'chadan chiqib ketib suvga cho'kkkan bolakayni eslasangiz kerak)

Farzandingni maktabga yuborsang-u, ko'chani kesib o'tayotganida birorta hovliqma bosib ketmasin, deb qo'rqsang.

Taksiga o'tirsang-u, ishqilib unga metan gaz baloni yaxshilab o'rnatilgan bo'lsin-u portlab ketib qolmasin, deb xavotir olsang.

Oshxonaga ovqatlangani kirsang-u, ko'kat yuvilganmikan, kabob yaxshi pishganmikan deb shubhalansang..

Bozorlik qilsang-u, sotuvchi aldamadimikan, tarozidan urmadimkan, desang..

qayoqqa qulayapmiz?
@suvaydo

#jodi
Qarindoshlardan birining hovlisi chetida shu buyumni ko'rib qolib, egasidan rasmga olishga ruxsat so'rasam, hayron bo'lishdi:
- Buni nima qilasan?

Gap shundaki, ayrim matnlarda yoxud paronimlar mavzusida "jodi" so'zi chiqib qolsa, o'quvchilarim nimaligini so'rashadi.
Mana javob:
Jodi - o't qirqadigan asbob - shu!
@suvaydo

#facebookdan
Serma'no surat
PS. Men birinchisidan keyinroq bukilganlarni bilaman.
Shuningdek, ularni olish uchun bukilib, keyin g'o'dayganlarni ham.
@suvaydo

#kun_xulosasi
Safarim oxirlab, Toshkentga qaytyapmiz.

Balki, insof bergani shudir, ehtimol, aql kiradigan yoshga yetgandirman, xullas, ikki kunlik safarim davomida amma, xola, tog'a, amakilarim kabi qarindosh va dildosh insonlar (jami 10 xonadon) uyiga birma - bir bordim.

Har xonadonda suhbat asnosida kuzatib ularning keksayib, bolalarining ulg'ayib qolganini his qildim.

Umr oqar suv emas, umr yugurik shamol, umr - yashin.
@suvaydo

#kun_xulosasi
Hammaga tenglik bo'lishi kerak! - deb bong uradiganlar samolyotda biznes klassda uchib ko'rsa yoki shifoxonaning lyuks xonasida yotib davolansa, jamiyatda "ayrim tengroq jonivorlar" toifasining bor bo'lishi oddiy hol deb o'ylay boshlaydi.
@suvaydo

#andijon
Andijon pavloniyalar makoniga aylanibdi.
Umuman olganda, chiroyli daraxt, gullab turibdi binoyiday..
Lekin nimasidir g'alati, begona.
Chinor, terak, majnuntol emas-da..
@suvaydo

#tabrik
Assalomu alaykum, ko'nglimizga yaqin, qadrli Insonlar!

Barchamizga Ramazon hayiti muborak bo'lsin!

Alloh uchun tutgan ro'zalarimizni O'zi dargohida qabul qilsin, chin dildan qilgan duolarimizni mustajob aylasin!

Xonadonimizga fayz-u baraka yog'dirsin!

Ilohim, kelasi Ramazongacha qatorimizdan xato bo'lmay, safimiz kengayib yetib boraylik!

Hammamizni Baytiga chaqirsin, ne'matlarning eng xayrlisini bersin!

- Alloh zikri va hamdi bilan yashaydigan,
- musulmon birodariga faqat yaxshilik sog'inadigan,
- zakot va sadaqa beradigan,
- manfaatli ilm bilan shug'ullanadigan
bandalardan bo'lish nasib qilsin!
Hurmat va samimiyat bilan
@suvaydo