🤩Ёшларни енгил атлетикага жалб этишга қаратилган учрашув

✅Жиззах вилояти божхона бошқармаси бошлиғи Ф.Артиков бошчилигидаги ишчи гуруҳи, Ғаллаорол туман спорт бўлими бошлиғи, 1-сон спорт мактаби директори ҳамда мактабнинг енгил атлетика бўйича мураббийлари иштирокида Ғаллаорол туманидаги 1-сон спорт мактабида учрашув ўтказилди.

✅Учрашув давомида туман спорт бўлими бошлиғи томонидан мактабда енгил атлетика спорт турлари бўйича амалга оширилган ишлар, мавжуд муаммолар ва келгусидаги режалар тўғрисида маълумотлар берилди.

✅Шунингдек, масъуллар томонидан спорт мактабининг моддий-техник базаси, мавжуд шароитлар ҳамда спортчиларнинг тайёргарлик жараёнлари ўрганилди. Айни пайтда мазкур мактабда 88 нафар спортчилар 5 та енгил атлетика тури бўйича гуруҳларда шуғулланиб келмоқда. Шундан 49 нафари асосий таркибда, 39 нафари захира таркибда шуғулланишмоқда.

✅Мулоқот чоғида туман миқёсида енгил атлетикани оммалаштириш, ёшларни спортга кенг жалб этиш, спортчиларни юқори савияда тайёрлаш, спортчилар селекциясини ташкил этиш ҳамда халқаро мусобақаларга, хусусан 2028 йилда Лос-Анжелес (АҚШ)да бўлиб ўтадиган ёзги Олимпия ўйинларига мактаб ўқувчилари орасидан лицензияга даъвогарлар тайёрлашга оид масалалар юзасидан муҳокамалар ўтказилди.

✅Бундан ташқари, енгил атлетика спорт турлари бўйича вилоят ҳамда республика чемпионатларига спорт мактабидан номзодлар саралаш бўйича тегишли тавсиялар берилди.

✅Қолаверса спортчиларнинг селекцияси масаласида туманнинг мактабгача ва мактаб таълими бўлими билан ҳамкорликни кучайтириш мақсадга мувофиқлиги кўрсатиб ўтилди.

| 😎Telegram | 📱Facebook | 📱
Instagram

Bojxona qo‘mitasi 2024 yil yakunlari bo‘yicha Ochiqlik indeksida eng yuqori 10 talikdan joy oldi!

Reytingda 98 ta vazirlik, idora va tashkilotlarda ochiqlik bo‘yicha amalga oshirilayotgan ishlarning samaradorligi va natijadorligi baholangan.

#huquqiy_savodxonlik

📌“Ёш божхоначи” тўгараги: мактаб ўқувчилари билан навбатдаги учрашув

Жиззах вилояти божхона бошқармасига бириктирилган Жиззах шаҳридаги 3-сонли умумтаълим мактабида “Ёш божхоначи” тўгарагининг навбатдаги машғулоти бўлиб ўтди.

Машғулот бошқарманинг хорижий тиллар бўйича махсус сертификатга эга малакали ходимлари томонидан ташкил этилди.

Шунингдек, ўқувчиларга бугунги кунда ижтимоий тармоқларнинг ҳаётимиздаги ўрни, божхона соҳасидаги сўнги янгиликлар, жумладан, божхона органларининг расмий веб-сайтлари, ахборот манбалари ва уларнинг аҳамияти ҳақида батафсил маълумотлар тақдим этилди.

Дарс машғулоти интерактив тарзда ташкил этилди. Ўқувчилар тингловчи сифатида иштирок этибгина қолмай, фаол саволлар йўлладилар, қизиқтирган барча масалалар юзасидан божхона ходимларидан атрофлича жавоблар олишди.

| 😎Telegram | 📱Facebook | 📱
Instagram

#kun_tarixi

BOJXONADA KUN TARIXI

2020-yil 25-aprel - O‘zbekiston Respublikasi Vazirlar Mahkamasining 254-son qarori bilan chegara bojxona postlaridan o‘tayotgan yo‘lovchilar orasidan koronavirus infeksiyasiga gumon qilingan shaxs aniqlanganda harakatlanish tartiblari belgilandi.

2022-yil 25-aprel - O‘zbekiston Respublikasining “Organik mahsulotlar to‘g‘risida”gi Qonuni qabul qilindi. Hujjatda organik mahsulotlarni O‘zbekiston Respublikasi hududiga olib kirishga va uning hududidan olib chiqishga doir talablar belgilandi.

2022-yil 25-aprel - O‘zbekiston Respublikasi Prezidentining "Bojxona hududida qayta ishlash bojxona rejimi qo‘llanilishini soddalashtirishga oid qo‘shimcha chora-tadbirlar to‘g‘risida” PF-115-son Farmoni qabul qilindi. Hujjat asosida ushbu rejimni qo‘llashning soddalashtirilgan tartibi joriy etildi.

2022-yil 25-aprel - Bojxona qo‘mitasi tomonidan bojxona tartibotlarini soddalashtirish bo‘yicha amalga oshirilayotgan chora-tadbirlar yuzasidan matbuot anjumani o‘tkazildi.

2023-yil 25-aprel – Toshkent shahrida Germaniya hamkorlik tashkilotining (GIZ) "Markaziy Osiyoda savdoni yengillashtirish" dasturining Markaziy Osiyo davlatlaridagi milliy qo‘mitalari ishtirokida Mintaqaviy uchrashuvi o‘z ishini boshladi.

2023-yil 25-aprel - O‘zbekiston Respublikasining Maʼmuriy javobgarlik to‘g‘risidagi kodeksiga O‘zbekiston Respublikasining Davlat chegarasini qo‘riqlash va himoya qilishni yanada kuchaytirishga qaratilgan qo‘shimcha va o‘zgartishlar kiritildi.

2024-yil 25-aprel - Toshkent shahrida Mustaqil davlatlar hamdo‘stligiga aʼzo davlatlar bojxona xizmatlari rahbarlari Kengashining 78-yig‘ilishi boshlandi.

#kun_tarixi

BOJXONADA KUN TARIXI

2020-yil 25-aprel - O‘zbekiston Respublikasi Vazirlar Mahkamasining 254-son qarori bilan chegara bojxona postlaridan o‘tayotgan yo‘lovchilar orasidan koronavirus infeksiyasiga gumon qilingan shaxs aniqlanganda harakatlanish tartiblari belgilandi.

2022-yil 25-aprel - O‘zbekiston Respublikasining “Organik mahsulotlar to‘g‘risida”gi Qonuni qabul qilindi. Hujjatda organik mahsulotlarni O‘zbekiston Respublikasi hududiga olib kirishga va uning hududidan olib chiqishga doir talablar belgilandi.

2022-yil 25-aprel - O‘zbekiston Respublikasi Prezidentining "Bojxona hududida qayta ishlash bojxona rejimi qo‘llanilishini soddalashtirishga oid qo‘shimcha chora-tadbirlar to‘g‘risida” PF-115-son Farmoni qabul qilindi. Hujjat asosida ushbu rejimni qo‘llashning soddalashtirilgan tartibi joriy etildi.

2022-yil 25-aprel - Bojxona qo‘mitasi tomonidan bojxona tartibotlarini soddalashtirish bo‘yicha amalga oshirilayotgan chora-tadbirlar yuzasidan matbuot anjumani o‘tkazildi.

2023-yil 25-aprel – Toshkent shahrida Germaniya hamkorlik tashkilotining (GIZ) "Markaziy Osiyoda savdoni yengillashtirish" dasturining Markaziy Osiyo davlatlaridagi milliy qo‘mitalari ishtirokida Mintaqaviy uchrashuvi o‘z ishini boshladi.

2023-yil 25-aprel - O‘zbekiston Respublikasining Maʼmuriy javobgarlik to‘g‘risidagi kodeksiga O‘zbekiston Respublikasining Davlat chegarasini qo‘riqlash va himoya qilishni yanada kuchaytirishga qaratilgan qo‘shimcha va o‘zgartishlar kiritildi.

2024-yil 25-aprel - Toshkent shahrida Mustaqil davlatlar hamdo‘stligiga aʼzo davlatlar bojxona xizmatlari rahbarlari Kengashining 78-yig‘ilishi boshlandi.

#donolar_bisotidan
#kun_hikmati

Donolar bisotidan

Faqat foydasi tegadigan ilmni olish kerak, foydasiz fazilatdan qochmoq va faqat zarur narsaga quloq ochmoq lozim.

Abdurahmon Jomiy

Икки томонлама музокаралар якунида Президент Шавкат Мирзиёев Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедовга Ўзбекистон Республикасининг "Олий Даражали Дўстлик" орденини топширди.
—
По окончании двусторонних переговоров Президент Шавкат Мирзиёев торжественно вручил Национальному лидеру туркменского народа, Председателю Халк Маслахаты Туркменистана Гурбангулы Бердымухамедову орден «Олий Даражали Дўстлик» Республики Узбекистан.

#Mirziyoyev #tashrif #Turkmaniston #taqdirlash

Prezident.uz|Facebook|Instagram|YouTube|X

Самарқандда Президент Шавкат Мирзиёев ва Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедовнинг музокаралари бўлиб ўтмоқда.
—
В Самарканде проходят переговоры Президента Шавката Мирзиёева и Национального лидера туркменского народа, Председателя Халк Маслахаты Туркменистана Гурбангулы Бердымухамедова.

Prezident.uz|Facebook|Instagram|YouTube|X

Ўзбекистон Республикаси Президенти Шавкат Мирзиёев ва Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов тор доирада ва расмий делегациялар иштирокида музокара ўтказдилар.
—
Президент Республики Узбекистан Шавкат Мирзиёев и Национальный лидер туркменского народа, Председатель Халк Маслахаты Туркменистана Гурбангулы Бердымухамедов провели переговоры в узком составе и с участием официальных делегаций.

#Mirziyoyev #tashrif #Turkmaniston #muzokara

Prezident.uz|Facebook|Instagram|YouTube|X

O‘zbekiston Respublikasi Prezidenti Administratsiyasi huzuridagi Narkotiklarni nazorat qilish milliy markazi ota-onalarni hushyorlikka chaqiradi❗️

Bugungi kunda yoshlar orasida ayrim salbiy illatlar tobora ommalashib bormoqda. Ular orasida narkotik moddalar, psixotrop vositalar, kuchli ta’sir qiluvchi moddalar hamda ba’zi hollarda ijtimoiy tarmoqlarning noo‘rin va nazoratsiz ishlatilishi ham mavjud.

Bu kabi xavf-xatarlardan farzandlarimizni asrash — har bir ota-ona hamda jamiyatimizning har bir a’zosining muqaddas burchidir.

Farzandlarimizga ko‘proq vaqt ajratib, ularning ichki dunyosi, his-tuyg‘ulari va muammolariga befarq bo‘lmaylik. Ular bilan suhbat qurib, ishonchli do‘st bo'lishimiz lozim. Chunki ular — ertangi kunimiz egalaridir.

Farzandlarimiz kelajagi uchun hushyor va mas’uliyatli bo‘laylik!

👉 https://t.me/NCDCUZBEKISTAN

#kun_tarixi

BOJXONADA KUN TARIXI

2012-yil 24-aprel – O‘zbekiston Jahon sog‘liqni saqlash tashkilotining Tamakiga qarshi kurashish bo‘yicha Hadli konvensiyasiga (Jeneva, 2003-yil 21-may) qo‘shildi.

2019-yil 24 aprel - O‘zbekiston Respublikasi Prezidentining “Tashqi iqtisodiy faoliyatni amalga oshirishda ma’muriy tartib-taomillarni yanada takomillashtirish chora-tadbirlari to‘g‘risida” PQ-4297-son qarori bilan «Yagona darcha” bojxona axborot tizimi tashkil qilindi.

2020-yil 24 aprel – O‘zbekiston Vaqtincha olib kirish to‘g‘risidagi konvensiyaga (1990 yil 26 iyun, Istanbul) qo‘shildi.

2023-yil 24 aprel – Yaponiyada bir guruh O‘zbekistonlik bojxonachilar uchun "Bojxona jarayonlarini soddalashtirish" maxsus o‘quv kursi o‘z ishini boshladi.

2024-yil 24 aprel - BMTning Giyohvandlik vositalari va jinoyatchilik boshqarmasi hamda Jahon bojxona tashkiloti hamkorligida "Aviayuklar“ bojxona postida “Konteynerda tashuvlar nazorati” global loyihasi doirasida amaliy seminar boshlandi.

#donolar_bisotidan
#kun_hikmati

Donolar bisotidan

Bir o‘zing holi qolganda ham badxoh ishga qo‘l urma, yomon so‘z aytma. Boshqalarga qaraganda o‘z-o‘zingdan ko‘proq istihola qilishni o‘rgan.

Demokrit

Табиат жилоси — Жиззах вилояти божхона бошқармасида баҳорнинг бетакрор лаҳзалари

| 😎Telegram | 📱Facebook | 📱
Instagram

❓Бу чекловлар истеъмол товарлари, айниқса, кийим-кечак, маиший техника ва косметика махсулотларининг нархларини ошишига олиб келмайдими?

➖Бу чекловларнинг мақсади импортни чеклаш эмас, балки уни расмийлаштириш ва ички бозорда шаффофликни таъминлашдир. Товарларни расмий каналлар орқали олиб кириш орқали контрафакт ва сифатсиз маҳсулотлар бозордан чиқарилади, бу эса рақобатни оширади ва нархларни барқарорлаштиради.

Туркияда шундай чекловлар жорий этилганидан сўнг, расмий каналлар орқали олиб кирилган маиший техника нархлари пасайган ва бозорда сифатли маҳсулотлар улуши ошган.

Telegram | Facebook | Instagram | Youtube | Медиабанк

Hududlardan xabarlar

Namanganda qiymati 25 mln. AQSH dollarini tashkil etuvchi 2 ta yirik loyiha to'liq ishga tushirilishi natijasida 200 dan oshiq aholi bandligi ta’minlanadi.

Navoiyda Avstriya davlati bilan hamkorlikda qiymati 88 mln. AQSH dollariga teng investitsion loyiha ishga tushiriladi.

Sirdaryoda eksportyor korxona vakillari bilan bo‘lib o‘tgan uchrashuvda sohani rivojlantirish borasidagi masalalar ko‘rib chiqildi.

Xorazmda bojxonachilar tadbirkorlar bilan uchrashgan holda qonunchilikdagi yangiliklarni etkazishmoqda.

Toshkent shahridagi “Chuqursoy” TIF bojxona postida tadbirkorlar muammolarini o‘rganishga qaratilgan sayyor qabul o‘tkazildi.

Jizzaxda bojxona mas’ullari to‘qimachilik korxonasi faoliyati bilan tanishdi.

Buxoro viloyati bojxona boshqarmasida ayol xodimlar hamda boshqarmaga biriktirilgan maktab o‘quvchilari o‘rtasida “Zakovat” intellektual o‘yini bo‘lib o‘tdi.

“Samarqand” TIF bojxona postida maktab o‘quvchilari uchun “Ochiq eshiklar kuni” tashkil etildi.

❓Агар бир фуқаро йилида бир марта, масалан, $1500 қийматдаги кийим-кечак ёки совғалар олиб келмоқчи бўлса, энди у бож тўлови тўлашга мажбур бўлади. Бу қанчалик тўғри?

➖ Божсиз олиб кириш нормаси — бу фақатгина давлат томонидан бож тўланмайдиган миқдорни англатади.

Агар фуқаро $1500 қийматдаги товар олиб келмоқчи бўлса, у фақатгина нормадан ошган $500 қисми учун бож тўлайди.

Европа Иттифоқи давлатларида, масалан, Германияда, божсиз олиб кириш нормаси 430 евро бўлиб, ундан ошган ҳолларда божхона тўловлари ошган қисмига эмас, балки бутун суммага ҳисобланади. Ўзбекистонда эса фақатгина нормадан ошган қисмига божхона тўловлари ундирилади, бу эса фуқаролар учун ўзига хос енгиллик.

Telegram | Facebook | Instagram | Youtube | Медиабанк

❓Халқаро курьерлик жўнатмалари орқали олиб кириш норма ойига 200$ этиб белгиланди. Илгари бу норма чоракда 1000 $ эди. Электрон савдо ривожланаётган бир пайтда бу чекловлар рақамли иқтисодиётга тўсиқ бўлмайдими?

➖Йўқ, тўсиқ бўлмайди. Бу аслида чеклов эмас, балки бу жараёнда расмийлаштириш ва ички бозорда шаффофликни таъминлашга қаратилган қадам ҳисобланади. Янги норма ойига $200 бўлиб, чоракда $600 га тенг. Бу эса илгари чоракдаги $1000 лимитга нисбатан фақатгина миқдорий камайишни англатади, холос. Аммо бу янги тартиб фуқароларга ҳар ойда мунтазам ва шаффоф тарзда товар олиб кириш имконини беради.

Электрон савдо соҳасида бу ўзгаришлар фақатгина шахсий эҳтиёжлар учун товарлар олиб кирувчиларга эмас, балки тижорат мақсадида фаолият юритувчиларга ҳам таъсир қилади. Бу уларни расмийлаштиришга ва ички бозорда шаффофликни таъминлашга хизмат қилади. Туркия ва Жанубий Корея каби давлатларда шундай тартиблар электрон савдонинг ривожланишига ва маҳаллий ишлаб чиқарувчиларнинг рақобатбардошлигини оширишга олиб келган.

Telegram | Facebook | Instagram | Youtube | Медиабанк

❓Чегара божхона постлари орқали тижорат товарларини “шахсий эҳтиёж учун” ниқоби остида олиб ўтилишига сабаб божхона ставкаларининг юқори эканлигидами?

➖Ўзбекистон Республикасида амалдаги божхона божи ставкалари ривожланган ва ривожланаётган давлатлар тажрибасига асосланган ҳолда “тариф эскалацияси” тамойили асосида белгиланган. Яъни:

⚫️Хом-ашёга 0 %дан 5 %гача;

⚫️Ярим-тайёр маҳсулотга 5 %дан 10 %гача;

⚫️Тайёр маҳсулотга эса 10 %дан юқори.

Етакчи ривожланган давлатлар бож-тариф сиёсати тажрибасидан келиб чиқиб Ўзбекистон Республикаси бож-тариф сиёсатини такомиллаштиришда мамлакат айрим соҳаларида инвестицион жозибадорликни ошириш, шунингдек, миллий ишлаб чиқарувчиларни ҳимоя қилиш мақсадида нисбатан юқори импорт божлари ставкаларини ҳамда аралаш ставкаларни белгилаш каби амалиётлардан фойдаланиб келинмоқда.

Шундай бўлсада, бугунги кунда Ўзбекистон Республикасининг бож ставкаларининг ўрта арифметик қиймати 8 %ни ташкил қилади. 2017 йилгача бу 15.4 фоизни ташкил қиларди.

Telegram | Facebook | Instagram | Youtube | Медиабанк

❓Янги қарор билан божсиз нормаларни қўллаш учун чет давлатда бўлиш муддати белгиланган. Буни аниқлаш қай тартибда амалга оширилади?

➖ Бугунги кунда фуқароларнинг асосий оқими яни 76% и авто чегара божхона постлари орқали, 20%и авиа чегара божхона постлари орқали 4 %и эса темир йўл чегара божхона постлари орқали ҳаракатланади.

Кўриниб турибдики, юқорида таъкидлаганимдек, мазкур тартиб авто чегара божхона постлари орқали ҳаракатланаётган йўловчиларга айрим “ташмачи” шахсларни инобатга олмаганда, сезиларли таъсири бўлмайди.

Хозирги кунда, божхона органлари 50 га яқин авиакомпаниялар билан ўзаро ахборот алмашинуви йўлга қўйган бўлиб, халқаро аэропортларда йўловчилар, уларнинг багажлари ва хорижда бўлган муддатлари тўғрисида маълумотлар улар хали республикага етиб келмасларидан туриб, божхона органларида мавжуд бўлади.

Бу эса, халқаро аэропортлар орқали харакатланувчи йўловчиларни рейслар оқими юқори бўлган вақтларда тезкорлик билан божхона назоратидан ўтказилишига имкон беради.

Қарорнинг айнан ушбу қисми яъни хорижий давлатларда 2-3 кун бўлиш тўрисидаги нормалар 2025 йил 20 июлдан кучга кириши сабабли ҳозирда ушбу жараёнга пухта тайёргарликка киришилган.

Telegram | Facebook | Instagram | Youtube | Медиабанк

❓Жисмоний шахслар томонидан шахсий эхтиёж учун олиб кирилаётган товарларнинг қиймати божсиз олиб кириш нормасидан ортган тақдирда қандай йўл тутилади?

➖Қонунчилик талабларига асосан товарларнинг божсиз олиб кириш нормасидан ортиқ бўлган қисмига соддалаштирилган тартибда импорт божи, қўшилган қиймат ва акциз солиқлари ўрнига божхона қийматидан 30 % лекин ҳар бир кг учун 3 $ дан кам бўлмаган миқдорида ягона божхона тўлови ундирилади.

Шунингдек, йўловчилаар томонидан божсиз нормаларидан ортиқча олиб келинган товарлар учун тўловларни тўлай олмаса, ушбу товарларни чегара постларида вақтинча сақловга олиш жойлари ташкил этилган.

Мазкур товарларни йўловчилар томонидан 30 кун ичида тўловларни тўлаган ҳолда олиб киришлари ёки қайтариб олиб чиқиб кетишлари мумкин.

Telegram | Facebook | Instagram | Youtube | Медиабанк

❓ Жисмоний шахслар томонидан шахсий эхтиёж учун олиб кирилаётган товарларнинг қиймати қай тартибда аниқланади?

➖ Жисмоний шахслар томонидан нотижорат мақсадларда божхона чегараси орқали олиб ўтиладиган товарларнинг божхона қиймати чеклар, квитанциялар ва (ёки) бошқа тижорат ҳужжатлари асосида аниқланади.

Шахс томонидан тасдиқловчи ҳужжатлар ва маълумотлар тақдим этилмаган тақдирда, мазкур товарларнинг қиймати божхона органлари томонидан ахборот дастурлари орқали илгари олиб кирилган шу турдаги товарларга оид мавжуд маълумотлар асосида аниқланади.

Telegram | Facebook | Instagram | Youtube | Медиабанк

❓Фуқаролар номига уларнинг хабарисиз жўнатмалар олиб келинганлиги ва божхона расмийлаштирувидан ўтказилганлиги аниқланган тақдирда қандай тартиботлар амалга оширилади?

➖“Шахсга доир маълумотлар тўғрисида”ги Ўзбекистон Республикаси Қонунига, Ўзбекистон Республикаси Жиноят кодекси ва Маъмурий жавобгарлик тўғрисидаги кодексига асосан шахсга доир маълумотлардан ноқонуний фойдаланганлик учун жавобгарлик белгиланган.

Ўзга шахснинг номига унинг розилигисиз товарлар олиб келиш шу турдаги ҳуқуқбузарликлар турига кириб, бу каби ҳолатлар аниқланган тақдирда божхона органлари томонидан ушбу курьерлик ташкилотларига нисбатан тегишли чора кўрилади.

Мазкур маълумотлардан фуқаролар божхона органлари томонидан яратилган “Е-тижорат” мобил иловаси орқали жисмноий шасхснинг шахий идентфикацион рақами орқали хабардор бўлиши ва божхона органларига мурожаат этиши мумкин.

Telegram | Facebook | Instagram | Youtube | Медиабанк

❓Интернет дўконлар орқали харид қилинган товарлар халқаро курьерлик жўнатмалари орқали юборилганида божсиз олиб кириш нормаси қўлланиладими?

➖Албатта, белгиланган 200 АҚШ доллари миқдоридаги божсиз олиб кириш нормаси барча халқаро курьерлик жўнатмалари учун, шу жумладан, интернет дўконлар орқали харид қилинган товарларга нисбатан ҳам қўлланилади.

Telegram | Facebook | Instagram | Youtube | Медиабанк

O'zbekiston Respublikasi Prezidenti Administratsiyasi huzuridagi Narkotiklarni Nazorat qilish Milliy Markazi ogohlantiradi❗️

Bugungi kunda butun dunyo, shu jumladan respublikamiz yoshlarining hayotiga xavf solayotgan yangi tahdidlar mavjud. Ular narkotik, psixotrop va kuchli ta'sir qiluvchi moddalarning yangi ko'rinishlari, jumladan, kapsula va dori shaklida bo'lishi mumkin.

Bu kabi moddalarni iste'mol qilish insonning ruhiy, aqliy va jismoniy holatini zaiflashishiga sabab bo'ladi. Eng achinarlisi, kuchli ta'sir qiluvchi moddalar insonni ruhiy tushkunlikka, og'ir kasalliklarga va hatto o'limga olib kelishi mumkin.

O'zingiz va yaqinlaringizni giyohvand moddalardan asrang❗️

❓Айрим турдаги товарларни божхона чегараси орқали олиб ўтиш тартибини такомиллаштириш чоралари нега керак?

АОКАда ўтказилган брифингда Божхона қўмитаси Ахборот хизмати раҳбари Ҳусан Тангриев ушбу саволга батафсил тушунтириш берди:

📌Халқаро савдо ҳажми 3,5 трлн долларга қисқариб, дунёдаги инфляция даражаси 7,5-8 фоизга кўтарилиши прогноз қилинаётган бир вақтда мамлакатимиз ўз кучи ва ички имкониятларига таяниб, ўз сиёсатини юритиши керак.

📌Вазирлар Маҳкамасининг тегишли қарорига биноан 2025 йил 1 майдан эътиборан жисмоний шахслар томонидан шахсий эҳтиёжи учун нотижорат мақсадларида республикага олиб кириладиган товарларнинг божсиз олиб кириш нормалари белгиланди.

📌Халқаро амалиёт билан таққослаганда, товарларни божсиз олиб кириш нормалари Ўзбекистонда юқори белгилангани намоён бўлади.

📌Иқтисоди анча катта, имкониятлари кенгроқ бўлган давлатлар ҳам, бож тўловисиз ўз мамлакатларига кириб келадиган товарлар қийматини қатъий чеклаган.

📌2023-2024 йиллар давомида 1,1 минг та ҳолатда 8,3 млрд сўмлик божхона қоидалари бузилиши аниқланган.

📌2024 йил давомида Ўзбекистонда 687 мингдан зиёд фуқаролар номига 5 млн 735 мингдан зиёд жўнатмалар келган. Яъни, жўнатмани қабул қилган ҳар бир фуқаро номига ўртача 8 тадан жўнатма келган. Айрим фуқаролар номига эса йилига 1000 тадан 2400 тагача (яъни, кунига ўртача 3-6 та) жўнатма келган.

⚠️ Таъкидлаш лозимки, ҳар бир давлат бугунги дунёдаги туб иқтисодий ўзгаришлар даврида, глобал санкциялар шароитида ўзининг иқтисодий сиёсатини миллий манфаатлари ва ўз халқининг фаровонлиги нуқтаи назаридан ташкил этмоқда.

Айни пайтда, қарор билан киритилаётган ўзгаришлар халқаро стандартлар ва ривожланган хорижий давлатлар тажрибасига тўлиқ мувофиқ келади.

✅ Энг муҳими, ушбу ўзгаришлар тартибли тадбиркорликни йўлга қўйиш орқали тушумларни ошириш ҳисобига фақат ва фақат жамиятимиз манфаатига, иқтисодиётимизни барқарор ўсишига, тадбиркорларимизни эмин-эркин ишлашларига, янги иш ўринларини яратилишига, бюдждетга тушумларни ошиши ҳисобига янгидан-янги боғчалар, мактаблар, тиббиёт муассаларининг қурилишига ва инфратузилмани кучайтиришга, пировардида одамларимизнинг турмуш фаровонлиги яхшиланишига хизмат қилади.

📌 Батафсил

Telegram | Facebook | Instagram | Youtube | Медиабанк

“Айрим турдаги товарларни божхона чегараси орқали олиб ўтиш тартибини янада такомиллаштириш чора-тадбирлари тўғрисида”ги Вазирлар Маҳкамаси қарори юзасидан ижтимоий тармоқлар орқали келган саволларга жавоблар:

❓Янги тартиботлар билан ўтган даврдаги “10 доллар”лик норма бошқача кўринишда, яъни, чет элда бўлиш талаби тарзида қайтдими?

➖1️⃣дан мазкур қарор билан автомобилларда жойлашган чегара божхона постлари орқали жисмоний шахслар томонидан божсиз олиб кириш нормаси ўзгартиришсиз қолдирилди яъни – 300 АҚШ доллари!

Фақат нотижорат мақсадларида ҳаракатланиш муддатлари белгиланди, ҳолос. Бу ҳам бўлса фақатгина бошқаларнинг юкларини маълум бир ҳақ эвазига олиб ўтиб бераётган яъни “ташмачилик” фаолияти билан шуғулланувчи шахсларгагина таъсир этади, холос.

2️⃣дан Вазирлар Маҳкамасининг 2018 йил 22 июндаги 463-сонли қарори хали хам ўз кучида! Яъни, уни ҳеч ким бекор қилгани йўқ. Ушбу қарорда божхона тўловлари ундирилмайдиган 21 хил товарларни олиб ўтишнинг миқдорий нормалари белгиланган.

Telegram | Facebook | Instagram | Youtube | Медиабанк

⚡️Жисмоний шахслар учун товарларни божсиз олиб кириш нормалари белгиланди

Ўзбекистон Республикаси Вазирлар Маҳкамасининг 2025 йил 19 апрелдаги 244-сон қарорига асосан, 2025 йил 1 майдан бошлаб жисмоний шахслар томонидан шахсий эҳтиёж учун республикага товарларни божсиз олиб киришнинг аниқ нормалари жорий этилди.

🤩Шу муносабат билан, божхона органлари томонидан жойларда фаол тарғибот ишлари олиб борилмоқда.

📍Хусусан, Жиззах вилояти божхона бошқармасининг «Жиззах» ТИФ, «Қўшкент» ва «Учтўрғон» чегара божхона постларида ҳаракатланаётган фуқароларга янги нормалар бўйича батафсил тушунтиришлар берилмоқда.

✅Ахборот тарғиботи доирасида:
• Электрон ва босма маълумот варақалари тарқатилди,
• Инфографик флаерлар орқали муҳим маълумотлар етказилди,
• Бевосита савол-жавоблар орқали фуқароларнинг қизиқтирган саволларига жавоблар берилмоқда.

✅Божхона органлари фуқароларни мазкур янгиликдан хабардор қилиш ҳамда уларга аниқ, ишончли маълумотни тақдим этишни ўз олдига мақсад қилган.

| 😎Telegram | 📱Facebook | 📱
Instagram

🔝 “Айрим турдаги товарларни божхона чегараси орқали олиб ўтиш тартибини янада такомиллаштириш чора-тадбирлари тўғрисида”ги Вазирлар Маҳкамаси қарори мазмун-моҳияти

АОКАда Божхона қўмитаси Ахборот хизмати раҳбари Ҳусан Тангриев иштирокида брифинг бошланди.

Қуйидаги ҳавола орқали томоша қилишингиз мумкин:

🎸 Брифинг

Telegram | Facebook | Instagram | Youtube | Медиабанк

#donolar_bisotidan
#kun_hikmati

Donolar bisotidan

Burchga sodiqlik shaxsiy manfaatlardan voz kechishni talab qiladi.

V. Gyugo

Jahon savdo tashkiloti sari yana bir muhim qadam!

Bugun Oliy Majlis Qonunchilik palatasining navbatdagi majlisida “O‘zbekiston Respublikasining Bojxona kodeksiga o‘zgartirish va qo‘shimchalar kiritish to‘g‘risida”gi Qonun loyihasi birinchi o‘qishda muhokama qilindi.

Mamlakatimizda iqtisodiy salohiyatni to‘laqonli ro‘yobga chiqarish, uning global ishlab chiqarish va qo‘shilgan qiymat zanjiriga integratsiyasini yana-da chuqurlashtirish, erkin bozor tamoyillarini amalda tatbiq etishni kengaytirish hamda O‘zbekistonning Jahon savdo tashkilotiga qo‘shilishini jadallashtirish maqsadida keng qamrovli chora-tadbirlar amalga oshirilmoqda.

Jahon savdo tashkilotining Savdo va tariflar bo‘yicha Bosh bitimning 1-moddasi 1-bandiga muvofiq har qanday imtiyoz va qulayliklar aʼzo bo‘luvchi davlatlarga bir xilda qo‘llanilishi majburiy ekanligi belgilangan.

Yaʼni ushbu tashkilotga aʼzo davlat qolgan barcha aʼzo 166 ta davlatlatga bojxona bojlarini qo‘llashda bir xil yondashishi talab etadi.

O‘zbekistonning tashqi savdo yo‘nalishidagi ikki va ko‘p tomonlama xalqaro shartnomalari asosida 10 ta mamlakat bilan erkin savdo rejimi, 47 ta mamlakat bilan eng ko‘p qulaylik berish rejimi amal qiladi.

O‘zbekiston Respublikasining Bojxona kodeksiga asosan savdo-iqtisodiy munosabatlarda eng ko‘p qulaylik berishni nazarda tutilmagan mamlakatlarda ishlab chiqarilgan yoxud ishlab chiqarilgan mamlakati aniqlanmagan tovarlarga nisbatan amaldagi import bojlari stavkalarining 2 baravari qo‘llanilishi belgilangan.

Bojxona kodeksiga kiritilayotgan yangi o‘zgartirishlarga asosan amalda import boji stavkalarining 2 baravarini qo‘llash amaliyotini bekor qilish nazarda tutilmoqda.

Loyihaning qabul qilinishi import va eksport geografiyasi oshishiga hamda mamlakatimizni Jahon savdo tashkilotiga qo‘shilishiga ijobiy taʼsir etadi.

Majlisda qonun loyihasi konseptual jihatdan birinchi o‘qishda qabul qilindi.

Endilikda, tovarlarning bojxona qiymatini aniqlashda imtiyozlar yoki maxsus bojxona rasmiylashtiruvi tartiblari, jumladan, muayyan aniqlash usullarini qo‘llashga yo‘l qo‘yilmaydi.

Shuningdek, xavf darajasi yuqori bo‘lgan mahsulotlarni majburiy davlat ro‘yxatidan o‘tkazish tartibi bekor qilinib, ularga muvofiqlik to‘g‘risidagi deklaratsiya rasmiylashtirish tartibi joriy etiladi.

Bu O‘zbekiston Respublikasi Prezidentining "Ishlab chiqarish, eksport va tadbirkorlik faoliyatini rag‘batlantirish, savdo va sanoat siyosati samaradorligini oshirish chora-tadbirlari to‘g‘risida" 2025-yil 18 apreldagi PF-67-son Farmonida nazarda tutilgan.

Жиззах вилояти божхона бошқармаси “Учтўрғон” чегара божхона пости ходимлари томонидан, Янгиобод тумани “Ховотоғ” махалла фуқаролари йиғинидаги чегара олдида яшовчи фуқаролар билан профилактик йиғилиши ўтказилди.
Йиғилишда, Ўзбекистон Республикаси Вазирлар Маҳкамасининг 2025 йил 19 апрелдаги “Айрим турдаги товарларни божхона чегараси орқали олиб ўтиш тартибини янада такомиллаштириш чора-тадбирлари тўғрисида”ги 244-сонли қарори билан киритилаётган ўзгаришлар тўғрисида фуқароларга атрофлича тушунтириш ишлари амалга ошрилди.
Ўтказилган профилактик тадбирлар давомида, Жисмоний шахслар томонидан республикага божсиз олиб кириладиган айрим товарларнинг миқдорий нормалари ҳамда Жисмоний шахслар томонидан айрим турдаги товарларни республикадан божсиз олиб чиқишнинг миқдорий нормалари тўғрисида тушунчалар бериб ўтилди.
Бу борадаги тадбирлар давом эттирилиб, “Учтўрғон” чегара божхона пости орқали ҳаракатланаётган фуқароларга ушбу йўналишда профилактик тадбирлар давом эттирилмоқда.

Тадбиркорлар билан мулоқот: Жиззахда тўқимачилик корхонасида учрашув ўтказилди

✅Жиззах вилояти божхона бошқармаси масъуллари Жиззах шаҳрида фаолият юритаётган «ADA SEVEN TEXTILE» МЧЖ ХКда бўлиб, корхона фаолияти билан яқиндан танишдилар.

✅2020 йилда ташкил этилган мазкур корхона Бунёдкор маҳалласида жойлашган бўлиб, тўқимачилик- матоларни тўқиш ва бўяш йўналишида ишлаб чиқариш билан шуғулланади. Бугунги кунда 90 нафар ишчи доимий бандликка эга. Корхона ўз маҳсулотларини халқаро бозорга ҳам чиқариб, Италия, Россия ва Беларуссия каби мамлакатларга экспорт қилмоқда. 2024 йил ва жорий йилнинг шу даврига қадар 900 минг АҚШ доллари миқдорида хомашё экспорти амалга оширилган.

✅Учрашув давомида божхона ходимлари тадбиркорларга соҳадаги сўнгги ислоҳотлар, қабул қилинган норматив-ҳуқуқий ҳужжатлар, шунингдек, улар тақдим этаётган имкониятлар ҳақида батафсил маълумот бердилар.

✅Тадбиркорларга «Экспорт уч қадамда» тизими, «Божхона ҳудудида қайта ишлаш» режими, шунингдек, технологик ускуналар импортида берилувчи божхона имтиёзлари ҳақида амалий тушунтиришлар берилди.