МУНОСАБАТ

Телеграм ижтимоий тармоғида "Ушбу педагогларни ким эшитади?" сарлавҳаси остида педагогларнинг эски имтиҳон жараёнларига доир видеолавҳалар тарқалмоқда. Ушбу лавҳалар айни вақтда ўтаётган аттестация синов жараёнларига тегишли эмас.

Шу ўринда ижтимоий тармоқ фойдаланувчиларидан ҳақиқатга тўғри келмайдиган хабарларни тарқатмасликларини сўраймиз.

Кеча Самарқандда бўлиб ўтган малака синовлари жараёнлари юзасидан тарқалган видеоматериал телеграм каналларда кенг муҳокамаларга сабаб бўлди.

Қуйидаги видеолавҳа орқали вазият аслида қандай бўлганлигини билиб олишингиз мумкин.

@D_Sobirova_MMTV

Президент Шавкат Мирзиёев мактаб таълими сифатини ошириш ҳамда педагоглар тайёрлаш тизимини такомиллаштиришга оид тақдимот билан танишди.
—
Президент Шавкат Мирзиёев ознакомился с презентацией о мерах по повышению качества школьного образования и совершенствованию системы подготовки педагогических кадров.

#Mirziyoyev #taqdimot #talim #pedagogika

Prezident.uz|Facebook|Instagram|YouTube|X

#Тоифа_синови

Аттестация жараёнлари юзасидан келиб тушаётган саволларга жавоблар.

🌍🌍🌍🌍🌍🌍

@D_Sobirova_MMTV

RASMIY MUNOSABAT

Kecha ijtimoiy tarmoqlarda Xorazmda 7-sinf o‘quvchisi raqqosalik qilayotgani haqidagi videolavhali xabar tarqatildi.
Mazkur holat yuzasidan Xorazm viloyati Maktabgacha va maktab ta’limi boshqarmasi quyidagilarni ma’lum qiladi.

Joriy yil 16-aprel kuni Urganch shahrida yashovchi 2011-yil tug‘ilgan voyaga yetmagan qiz tungi klubda raqqosalik qilayotgani aniqlanib, tegishli tashkilot vakillari tomonidan Voyaga yetmaganlarga ijtimoiy-huquqiy yordam ko‘rsatish markaziga joylashtirilgan.

Ushbu holat hamkor tashkilot vakillari hamkorligida o‘rganilganida  Urganch shahridagi 8-sonli umumiy o‘rta ta’lim maktabining 7-sinfida o‘qigan qiz ota-onasining arizasiga ko‘ra 2024-yil 24-noyabrda Xorazm viloyati Bolalar masalalari bo‘yicha Urganch shahar komissiyasining 162-sonli qarori va ushbu qaror asosida 2024-yil 3-dekabrdagi maktab buyrug‘i bilan o‘quvchilar safidan chiqarilganligi ma’lum bo‘ldi.

Voyaga yetmagan qiz ota-onasi bilan uzoq muddatga doimiy yashash  maqsadida 2024-yil dekabr oyida Sankt-Peterburg shahriga amaldagi tartib bo‘yicha hujjatlarni rasmiylashtirib chiqib ketganligi, joriy yil fevral oyida O‘zbekistonga qaytib kelganligi, biroq ota-onasi yoki tegishli tashkilotlar tomonidan bu yuzadan maktabga xabar berilmaganligi aniqlandi.  Ushbu o‘quvchi bugungi kunda viloyatimizdagi hech bir maktab ro‘yxatida qayd qilinmaganligini ma’lum qilamiz.

Mazkur holat yuzasidan tegishli tashkilotlar bilan hamkorlikda o‘rganish ishlari davom qilmoqda.

Xorazm viloyati Maktabgacha va maktab taʼlimi boshqarmasi Matbuot xizmati.

Boshqarmaning rasmiy sahifalariga ulanish
Telegram I Youtube I Facebook I Instagram I Web-sayt‌‌

“Gapiring” tok-shousida:
🔢 Ta'lim sohasidagi maoshlar tizimga qanday ta'sir qiladi?
🔢 O'qituvchilarning egasi haligacha ko`pmi?
🔢 Yangi o'zgarish bog'chalardagi korrupsiyaga barham beradimi?

➖➖➖➖➖➖➖➖➖
🗓 Har juma soat 10:20 da
📺 “MY5” telekanali orqali yoki📹 YouTube sahifamizda tomosha qiling!

😎 YouTube 😎 Telegram 😎 Instagram

RASMIY MUNOSABAT

Namangan shahridagi 14 – umumta’lim maktabida joriy yilning 13 – aprel, yakshanba kuni videorolik olish uchun muassasa hududiga so‘roqsiz avtomashinalar kirgizilgan. Holat yuzasidan shahar ichki ishlar bo‘limi xodimlari tomonidan o‘quvchilarning ota – onalari va o‘zini tadbirkor deb taqdim etgan fuqarolar bilan tushuntirish ishlari olib borilib, mas’ullarga nisbatan tegishli choralar ko‘rildi.

Namangan viloyati maktabgacha va maktab ta’limi boshqarmasi Axborot xizmati

✨✨✨✨

✅ Maktabgacha va maktab ta’limi vazirligi hafta ichida.

🌍🌍🌍🌍🌍🌍

@D_Sobirova_MMTV

DIREKTOR VA OTA-ONA NEGA JANJALLASHDI?

Ижтимоий тармоқларда тарқалган "Тошкент шаҳар Миробод туманидаги 213- мактаб директори ва ота-оналар ўртасида жанжал чиқди" деган мазмундаги ҳолат Тошкент шаҳар ММТБ томонидан ўрганилди ва расмий муносабат берилди.

@D_Sobirova_MMTV

✅✅✅✅

"Raqamli avlod qizlari 2025" танлови бошланиши олдидан тайёргарлик ишлари авжида!

Танловнинг олдинги иштирокчилари таассуротлари, ютуқлари ҳамда "Рақамли авлод"нинг ўз фаолиятларига таъсири ҳақида сўзлаб беришмоқда.
Интервьюлар тез орада тайёр бўлади, уларни @digitalgeneration_uz каналида кўришингиз мумкин.

@D_Sobirova_MMTV

Ўзбекистон Республикаси Президенти Шавкат Мирзиёев Парламентлараро иттифоқнинг 150-юбилей Ассамблеясида нутқ сўзлади.
—
Президент Республики Узбекистан Шавкат Мирзиеёв выступил на 150-й юбилейной Ассамблее Межпарламентского союза.

#Mirziyoyev #nutq #ParlamentlararoIttifoq #hamkorlik

Prezident.uz|Facebook|Instagram|YouTube|X

🟦🟦🟦🟦

#RASMIY_MUNOSABAT

🔴Joriy yil 3-aprel kuni ijtimoiy tarmoqlarda Toshkent viloyatida joylashgan maktabgacha ta’lim muassasasida tarbiyachi tarbiyalanuvchi bolalarga nisbatan qo‘pol munosabatda bo‘lgan videolavha tarqaldi. Holat viloyatimizning Nurafshon shahridagi oilaviy nodavlat maktabgacha ta’lim tashkilotida 2-aprel kuni sodir bo‘lgani aniqlandi.

Shu kunning o‘zida shahar Maktabgacha va maktab ta’limi bo‘limi tomonidan mas’ullardan iborat ishchi guruh tuzilib, muassasada o‘rganish ishlari olib borildi.
O‘rganish natijalariga ko‘ri shuni ma’lum qilamizki, muassasada sentabr oyidan beri rasmiy faoliyat olib borayotgan tarbiyachi M.M bolalar bilan olib borayotgan mashg‘ulot jarayonida ularga nisbatan juda qo‘pol munosabatda bo‘lgan. Holatni tashkilot rahbari Nasiba Isayeva mashg‘ulotlar jarayoni tugagach xonada o‘rnatilgan videokuzatuv kameralarida ko‘rgan va videoni xodimlar guruhiga tashlab, muhokama qilgan.
Nasiba Isayeva 3-aprel kuni tarbiyachi M.M bilan tuzgan shartnomani bekor qilib, uni ishdan chetlatgan.

Ishchi guruh mas’ullari muassasada tarbiyalanayotgan bolalar holatini ham o‘rgandi. Ota-onalar bilan suhbatlashildi. Bolalarga shikast yetmagani aniqlandi. Tashkilot xodimlariga tushuntirish ishlari olib borildi.
Ayni paytda holat bo‘yicha shahar IIB tomonidan surishtiruv ishlari ham olib borilmoqda.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

Навоийда 10-синф ўқувчиси талабаликни нақд қилди. У 11-синфни ўқимаса бўладими?

Навбаҳор туманида мактабнинг 10-синф ўқувчиси 4 та фандан миллий сертификатни қўлга киритиб, давлат имтиҳонларидан олиш мумкин бўлган 189 баллни тўплади. Бу орқали у муддатидан олдин талаба бўлган. Ўқувчи энди мактабнинг 11-синфини ўқимасдан аттестат олиши ва ўқишни олийгоҳда давом эттириши мумкинми?

👉 https://kun.uz/kr/04045504

Kun.uz расмий канали

Расмий муносабат

Мактаблардан бирида содир бўлгани иддао қилиниб, ижтимоий тармоқларда тарқалаётган ахлоқсиз видеолавҳа Ўзбекистонда содир бўлмаганлигини маълум қиламиз.

Шунингдек, ушбу кадрлар анча фурсат олдин тарқалган, эски лавҳа ҳисобланади.

Шу ўринда ижтимоий тармоқ фойдаланувчиларидан асосланмаган ёки манбага эга бўлмаган маълумотларни тарқатмасликларини сўраб қоламиз.

Бугун Мактабгача ва мактаб таълими вазирлигининг Ҳудудий бошқармалари матбуот котиблари билан ZOOM платформаси орқали навбатдаги йиғилиш бўлиб ўтди

Унда Вазирлик тизимидаги 14 та ҳудудий бўлинма матбуот котиблари қатнашишди. Бу сафарги йиғилишимизда амалдаги ишларни танқидий таҳлил қилишдан ташқари олдимизда турган муҳим вазифалар ҳақида ҳам гаплашдик.

@D_Sobirova_MMTV

⚡️RASMIY MUNOSABAT

Ijtimoiy tarmoqlarda Payariq tumanidagi maktabgacha ta'lim tashkiloti tarbiyachisi tarbiyalanuvchilarga nisbatan qoʻpol munosabatda bo'layotganligi aks etgan video tarqaldi.

Videodagi holat tumandagi 44-DMTT da sodir bo'lganligi aniqlandi.

Samarqand viloyati Maktabgacha va maktab ta’limi boshqarmasi tarbiyalanivchilarga nisbatan har qanday qo'pol munosabatni qoralaydi.

Mazkur holat boshqarmaning ishchi guruhi tomonidan o'rganilib, o‘rganish natijalari bo‘yicha batafsil ma’lumot beriladi.

🖌Samarqand viloyati Maktabgacha va maktab ta’limi boshqarmasi axborot xizmati         

  Telegram | Facebook | Veb sayt

Президент Шавкат Мирзиёев Хўжандда тантанали кутиб олинди. Давлатимиз раҳбари Президент Эмомали Раҳмон билан учрашув ўтказди.
—
Президента Шавката Мирзиёева торжественно встретили в Худжанде. Состоялась встреча с Президентом Эмомали Рахмоном.

Prezident.uz|Facebook|Instagram|YouTube|X

Қалбларни нурга тўлдирган, меҳр ва бағрикенглик улашадиган шу муборак кун барчамиз учун яхшилик ва ҳаловат олиб келсин!

Яқинларингиз соғ-саломат, кўнглингиз хотиржам ва дастурхонингиз баракали бўлсин!

@D_Sobirova_MMTV

Кеча вазиримиз томонидан давлатимиз раҳбарига иқтидорли ёшларни қўллаб-қувватлаш тизимини такомиллаштиришга оид тақдимот қилинган эди.

Тақдимот мазмун-моҳиятини ҳамюртларимизга батафсил тушунтириш мақсадида бугун "Sevimli"телеканалининг "Zamon" информацион дастури ва "Янги Ўзбекистон" газетаси учун ушбу тақдимотда тилга олинган халқаро мактаб фаолиятини йўлга қўйиш ҳамда Президентимизнинг ташаббусига мувофиқ, ёшларимизни Американинг “Печак лигаси” (The Ivy League) университетларига тайёрлаш ҳақида батафсил интервьюлар ташкил этдик.

@D_Sobirova_MMTV

Ихтимоий тармоқларда тарқалган "Назарбекдаги хусусий боғчалардан бирида болаларнинг калтакланганлиги айтилмоқда" сарлавҳали хабар Тошкент вилояти ММТБ томонидан ўрганилиб, расмий муносабат берилди.
Ўрганиш натижаларига кўра, тарбиячига тегишли чора кўрилди.

@D_Sobirova_MMTV

21:00  21.03.2025

XALQARO OLIMPIADA G‘OLIBLARI TANTANALI KUTIB OLINDI

muxbir: Dilbar Primova

https://t.me/zamon_lavhalar

Президентимиз Юнусобод туманида янги очилган "High Town Mall" савдо-кўнгилочар мажмуаси билан танишмоқда. Давлатимиз раҳбари бу ердаги ўйин майдончасига келган болалар – туман ижодий жамоалари аъзолари билан самимий суҳбатлашди.

Facebook|Instagram|X

#yangilik #ulashamiz #maoshlar_oshishi

Prezident farmoni imzolandi va undagi eng muhim oʻzgarishlar (foto)

Bugun hamkasblarimiz uchun yana bir muhim xushxabarni yetkazmoqchiman. Hurmatli Prezidentimiz Maktabgacha va maktab taʼlimi sohasida boshqaruv tizimi samaradorligini oshirish boʻyicha yangi Farmon imzoladi.

Keyingi yillarda oʻqituvchilarimiz, bogʻchadagi pedagoglarimiz oylik maoshlarini oshirish, ustamalar sonini koʻpaytirish boʻyicha qator islohotlar qilindi va bu jarayon davom etyapti. Endilikda maktab direktorlari, ularning oʻrinbosarlari hamda bogʻchalarimiz rahbarlari maoshlarini oshirishga navbat yetdi.

Farmondagi eng muhim yangiliklarni sanab oʻtsam:

– Maktab direktori va uning oʻrinbosarlari hamda maktabgacha taʼlim tashkiloti direktorlari ish haqi miqdorlari oshirilmoqda.

2025-yil 1-sentabrdan boshlab umumiy oʻrta taʼlim tashkilotlari direktori lavozimining bazaviy tarif stavkasi 20 foizga, oʻrinbosari lavozimining bazaviy tarif stavkasi 15 foizga oshirilib, bogʻchalarimiz direktorlari lavozimlarining bazaviy tarif stavkalari III va IV guruhdagi umumiy oʻrta taʼlim tashkiloti direktori oʻrinbosari lavozimining bazaviy tarif stavkalariga tenglashtirish orqali oshiriladi. Respublikadagi 10 mingdan ortiq maktab direktorlari, 7 mingga yaqin bogʻcha direktorlari hamda 35 mingga yaqin maktab direktor oʻrinbosarlarining ish haqi miqdorlari oshirilishiga erishiladi.

– 2026-yil 1-yanvardan boshlab umumiy oʻrta taʼlim tashkilotlarining direktor jamgʻarmasi mablagʻlari hisobidan direktor va uning oʻrinbosarlariga faoliyat samaradorligi koʻrsatkichlari (KPI) natijasiga koʻra bazaviy tarif stavkalariga nisbatan tegishlicha 20 va 10 foiz miqdorida har oylik ustamalar belgilanadi.

– Tuman boʻlimlarida qoʻshimcha shtatlar ajratilyapti va bu oʻquvchilar bilimini baholashni monitoring qilish, oʻquvchilarga xorijiy til va kasbga oʻrgatish vazifalarini amalga oshirish uchun tegishli lavozimlarni joriy etish imkoniyati yaratadi.

– Hududiy boʻlinmalari xodimlaringning koʻp yillik xizmati uchun ragʻbatlantirish joriy etilmoqda (Vazirlik tizimidagi qariyb 15 ming nafar boshqaruv xodimlariga koʻp yillik xizmati uchun ragʻbatlantirish tizimi yoʻlga qoʻyiladi).

– Maktab xodimlari mukofot puli miqdorini mehnatga haq toʻlashning eng kam miqdorining 75 foizigacha (amalda 50 foizgacha) miqdorida etib belgilanmoqda.

– Yana bir muhim oʻzgarish – avvallari maktablarimizning boʻsh turgan binolari ijarasidan tushgan mablagʻlarning 40 foizigina oʻsha maktabda qolardi. Endilikda ushbu mablagʻlarning 75 foizi oʻsha maktab rivojiga sarflanadi.

Umid qilamanki, tizimdagi yuz minglab xodimlar hayoti, ragʻbatlanishiga doir mazkur Farmon xodimlarimiz moddiy imkoniyatlarini yanada yaxshilab, ularga motivatsiya beradi, ish unumdorligini oshiradi. Pedagoglar, maktabgacha va maktab tizimi moddiy tomonlama ham jozibador sohaga aylanishi lozim, davlatimiz rahbari qoʻllovlari bilan bu masala bosqichma-bosqich hal etilmoqda.

Farmon bilan bogʻliq boshqa oʻzgarishlar haqida batafsil maʼlumot va sharhlar vazirlikning ijtimoiy tarmoq sahifalari orqali beriladi.

@hilola_umarova

⚡️RASMIY MUNOSABAT

Ijtimoiy tarmoqlarda Samarqand viloyati Kattaqo‘rg‘on tumani 93-umumta’lim maktabida o‘quvchining onasi o‘qituvchiga qo‘l ko‘targanligi aks etgan videoxabar tarqaldi.

Holat joriy yilning 17-mart kuni  10:47 larda sodir bo‘lgan.

Ayni paytda holat huquqni muhofaza qilish idoralari tomonidan o‘rganilmoqda.

🖌 Samarqand viloyati Maktabgacha va maktab ta’limi boshqarmasi axborot xizmati         

Telegram | Facebook | Veb sayt

❗️ “Ташаббусли бюджет” жараёнларида мажбурий овоз тўпланган лойиҳалар овоз бериш босқичидан четлатилади

Бу ҳақда Иқтисодиёт ва молия вазирлиги ахборот хизмати расмий муносабат берди.

Ижтимоий тармоқларда Фарғона вилояти Қува туманидаги 37-мактабда мажбурий овоз бериш ҳолатлари юзасидан хабарлар тарқалди. Мазкур ҳолатлар тегишли ваколатли органлар томонидан ўрганилиб, ҳақиқатан ҳам ушбу мактабда ходимлар мажбурий овоз беришга жалб этилгани тасдиқланган.

Шу муносабат билан, Иқтисодиёт ва молия вазирлиги томонидан мазкур мактабда мажбурий овоз тўпланган лойиҳаларни овоз бериш босқичидан четлатиш юзасидан тегишли туман Халқ депутатлари кенгашига тақдимнома юборилди.

📌“Ташаббусли бюджет” жараёни доирасида мажбурий овоз беришга жалб этиш — мажбурий меҳнат сифатида таснифланиши белгиланган. Агар Сиз овоз тўплашга мажбурлаш ҳолатларига дуч келсангиз, зудлик билан Камбағалликни қисқартириш ва бандлик вазирлигининг 71 200-06-00 ишонч рақамига қўнғироқ қилишингизни сўраймиз.

Telegram | Facebook | Instagram | Youtube | Медиабанк

Maktab oʻquvchilarining bahorgi taʼtili 21-mart kunidan boshlanadi

❗️Vazirlar Mahkamasining 2017-yil 15-martdagi 140-son qarori bilan tasdiqlangan “Umumiy oʻrta taʼlim toʻgʻrisida”gi Nizomga koʻra, mamlakatimizdagi umumtaʼlim maktablari oʻquvchilari uchun bahorgi taʼtil 2025-yil 21-mart kunidan boshlanadi va 27-mart kuni (7 kalendar kun)ga qadar davom etadi.

👉 IV oʻquv chorak darslari 2025-yil 28-mart kunidan boshlanadi.
__________

Весенние каникулы школьников начинаются с 21 марта

Согласно Положению, утвержденному Постановлением Кабинета Министров от 15 марта 2017 года № 140 «Об общем среднем образовании» весенние каникулы в общеобразовательных школах в нашей стране начинаются 21 марта и длятся до 27 марта 2025 года (7 календарных дней).

Занятия IV учебной четверти начнутся с 28 марта 2025 года.

@D_Sobirova_MMTV

#munosabat

🔹"Samarqand viloyati Bolalar kutubxonasidagi kitoblarga yong'indan zarar yetmagan."

Gulbahor Sharipova,
viloyat Bolalar kutubxonasi direktor o'rinbosari.

🖌 Samarqand viloyati Maktabgacha va maktab ta’limi boshqarmasi axborot xizmati         

Telegram | Facebook | Veb sayt

DIQQAT, BAYONOT!!!

✅ Soʻnggi kunlarda ijtimoiy tarmoqlar orqali “Tashabbusli budjet” loyihasiga ovoz berish uchun maktab oʻqituvchilari jalb etilayotganligiga doir xabarlar tarqalmoqda.

➖Aytib oʻtilganidek, tizimda pedagoglarni oʻz faoliyatiga daxldor boʻlmagan ishlarga jalb qilish holatlari keskin kamaygan boʻlsada, oʻz xodimlariga notoʻgʻri talablar qoʻygan holda pul yigʻish yoki shunga oʻxshash noqonuniy ishlarga undayotgan ayrim taʼlim maskani rahbarlari uchrab turmoqda.

Maktabgacha va maktab taʼlimi vazirligi bu kabi holatlarni keskin qoralaydi hamda masʼullarga nisbatan oʻz vaqtida keskin chora koʻrishini maʼlum qiladi.

📍 Xususan, Jizzax viloyati, Zomin tumanidagi 34-maktab oʻquvchilarining “Tashabbusli budjet” loyihasi uchun ovoz yigʻish jarayoniga jalb etilganligi holati aniqlanib, ushbu taʼlim muassasasi direktori va sinf rahbariga intizomiy chora koʻrildi.

📍 Surxondaryo viloyati, Termiz shahridagi 24-maktab oʻqituvchilarining ushbu loyihaga ovoz toʻplashga majburlanayotganligi haqidagi xabar oʻrganishlar davomida oʻz tasdigʻini topmadi.

➖ Ijtimoiy tarmoqlarda berilayotgan bu kabi holatlarning barchasi birma-bir oʻrganib chiqilib, pedagoglarning huquqiy manfaatlarini himoya qilish uchun barcha muhim ishlar qilinmoqda.

👉 Shu oʻrinda hurmatli ustoz pedagoglarga eslatma!

Agar sizning kasbiy faoliyatingiz davomida turli pul yigʻish va majburiy mehnatga jalb qilish holatlariga duch kelsangiz, mazkur bot (@mmtv_anticorbot) yoki vazirlik Ishonch telefoni (71-202-09-09)ga murojaat qiling.

❗️ Sizning murojaatingiz koʻrsatilgan manzil boʻyicha zudlik bilan oʻrganiladi va aniqlangan holat boʻyicha masʼullarga nisbatan tegishli taʼsir choralari koʻrilishi taʼminlanadi.

Maktabgacha va maktab taʼlimi vazirligi

@D_Sobirova_MMTV

Парижда давлатимиз раҳбарини расмий кутиб олиш маросими бўлиб ўтди
—
В Париже состоялась церемония официальной встречи главы нашего государства

Prezident.uz|Facebook|Instagram|YouTube|X

Ijtimoiy tarmoqlarda tarqalgan Zomin tumani 34-maktab o’quvchilarining “Tashabbusli byudjet” loyihasi uchun ovoz yig’ish jarayoniga jalb etilgani aks etgan videolavha yuzasidan Jizzax viloyati Maktabgacha va maktab ta'limi boshqarmasi hamda tuman mas'ullaridan iborat ishchi guruhi tuzilib, holat o‘rganildi. 2024-yil 11-mart kuni "Tashabbusli byudjet" loyihalari uchun ovoz berish bosqichi boshlanganida Zomin tuman 34-umumta’lim maktabida maktabning moddiy-texnik bazasini mustahkamlash uchun ovoz berish ishlarida bir qator xatoliklarga yo'l qo'yilib, bu xatoliklar ijtimoiy tarmoqlarda tarqalgan.
Maktab direktori N. U va 8-B sinf rahbari Z. X tomonidan o'quvchilar ovoz yig'ish ishlari uchun jalb qilingan va dars vaqtida o’quvchilar ovoz yig’ish ishlarida ishtirok etgan. Holat yuzasidan har ikki xodim - maktab direktori va sinf rahbariga intizomiy chora ko'rildi.

✍️ Jizzax viloyat Maktabgacha va maktab ta’limi boshqarmasi Axborot xizmati.

#Сўраган_эдингиз
#malaka_toifa

❓ Men navbatdan tashqari malaka sinovlarida qatnashish uchun fevral oyining soʻnggi kunida murojaat yuborgandim. Ammo shaxsiy kabinetimda arizam qabul qilinganligi haqida maʼlumot chiqmayapti. Murojaatimni qabul qilinganligi yoki rad etilganligini qanday bilsam boʻladi?

✅ Avvalo shuni aytib oʻtishimiz lozimki, joriy yil yanvar-iyun oylarida oʻtkazilishi belgilangan malaka sinovlarida ishtirok etish uchun barcha murojaatlar 1-martga qadar, navbatdan tashqari attestatsiyada qatnashish uchun yuborilgan murojaatlar uchun toʻlovlar 10-martga qadar qabul qilindi.

❗️Agar siz ushbu vaqtlarga qadar murojaat yuborgan (toʻlov qilgan) boʻlsangiz, arizangiz ayni vaqtda oʻrganish jarayonida. Oʻrnatilgan tartibga koʻra, ushbu jarayonlar 25-30 kun vaqtni oʻz ichiga oladi.

👉 Shu vaqt ichida sizga oʻrganish natijalari boʻyicha shaxsiy kabinetingizga xabar yuboriladi.

Oxirgi yillarda maktab oʻqituvchilari, maktabgacha taʼlim tizimi xodimlarini oʻz faoliyatidan boshqa ishlarga jalb qilish, ortiqcha va asossiz yigʻdi-yigʻdilarga qarshi kurashilyapti, bu masalada murojaatlar soni avvalgilariga nisbatan ancha kamaygan.

Lekin tizimda baʼzan jamoaga notoʻgʻri talablar qoʻyayotgan, turli maqsadlar uchun mablagʻ yigʻish topshiriqlarini berayotgan, bir soʻz bilan aytganda hamon eskicha fikrlayotgan masʼullar ham uchrab turibdi.

Yaqinda Quva tumanidagi maktablarning birida oʻqituvchilarning oylik maoshidan “open byudjet”da ovoz yigʻish uchun 700 ming soʻmdan ushlab qolishni talab qilgan direktor bilan mehnat shartnomasini bekor qildik.

Bugun “Tashabbusli byudjet” loyihalari uchun ovoz berish bosqichi boshlandi. Bu loyiha qisqa muddatda ochiqlik, fuqarolarning byudjet jarayonida ishtirokini oshirishga xizmat qilishi bilan eʼtiborga tushdi. Bu ijobiy islohotlarga oʻqituvchi, taʼlim xodimlarini majburiy ovoz berishga jalb etish, ular maoshidan pul yigʻishlar bilan soya solmaylik.

Yana bir bor eslatmoqchiman, pedagoglarni ularning vazifasiga kirmaydigan ishlarga jalb qilish, turli maqsadlar uchun mablagʻ yigʻish kabi holatlar bilan hech qachon murosa qilmaymiz.

Hurmatli pedagoglar agar siz shu kabi holatlarga duch kelsangiz vazirlikka murojaat qiling, biz har bir holatni oʻrganamiz, oʻqituvchi va MTT xodimlari manfaatini himoya qilamiz!

@hilola_umarova

Азиз опа сингилларим! 8- март байрамингиз қутлуғ бўлсин! Нафосат ва гўзаллик сизни асло тарк этмасин!

@D_Sobirova_MMTV

#muloqot

Bugun maktabgacha taʼlimga masʼullar bilan keng masshtabda yigʻilish oʻtkazdik. Muloqotimizda markaziy va hududiy studiyalardan respublikamizdagi 38 mingdan ortiq davlat va nodavlat maktabgacha taʼlim tashkilotlari rahbarlari ishtirok etdi. Muloqotda MTTdagi holatlar, muammolar, ularni oldini olish haqida gaplashdik.

Soʻnggi yillarda maktabgacha taʼlim sohasiga berilgan katta eʼtibor natijasida bogʻchalar soni 8 barobarga oshib, 38 mingdan ortdi va bolalarning qamrov darajasi 2017-yildagi 27 foizdan 77 foizga yetkazildi. Tashkil etilgan bogʻchalarning qariyb 7 mingtasi davlat bogʻchasi boʻlsa, qolgan 31 mingdan ortigʻi nodavlat bogʻchalar hisoblanadi. Nodavlat bogʻchalarda hozirda qariyb 1 millionga yaqin bolalarimiz tarbiyalanmoqda.

Afsuski, muammolar ham yoʻq emas. Kunora ijtimoiy tarmoqlarda bogʻchalarda ayrim tarbiyachilar tomonidan bolajonlarga nisbatan ishlatilgan qoʻpollik, tarbiyasizlik holatlari aks etgan videolavha va turli xabarlar tarqatilmoqda. Birgina oʻtgan yilning oʻzida ayni shu masalada vazirlikka yuzlab murojaatlar kelib tushgan. Biz bunday vaziyatlarni tizimli oʻrganib, nazoratga olyapmiz. Aslo befarq emasmiz. Oʻrganishlar natijasida 32 nafar rahbar va tarbiyachi lavozimidan ozod etildi, 3 nafari javobgarlikka tortildi, 15 nafariga intizomiy chora koʻrildi, 15 ta xususiy bogʻchaga berilgan litsenziya bekor qilindi.

Yigʻilishda aytilganidek, bir muhim jihatni unutmaylik: biz kelajagimizni bilimli, dunyoqarashi keng va mustaqil fikrlaydigan yoshlar bilan tasavvur qilamiz. Bola bilan munosabatda boʻlayotgan har bir mutaxassis mana shu masʼuliyatni his qilishi lozim. Har bir bolaning sogʻlom va barkamol voyaga yetishiga davlat kafil! Bu xususiymi, davlat va xususiy sheriklikmi yoki oilaviy bogʻcha boʻladimi, qonun talabi, tartiblar hamma uchun bir!

Taʼlim-tarbiya kuch ishlatishdan holi boʻlishi lozim. Bolalarga nisbatan qoʻpollik qilgan yoki shafqatsizlarcha munosabatda boʻlgan tarbiyachi, pedagogga qonun doirasida chora koʻriladi. Uzr, ogohlantirishlar bilan qutilib qolish yoʻq, bu oʻrinda MTT rahbariyatining shaxsiy javobgarligini ham kuchaytiramiz. Buni tizimda ishlayotgan har bir rahbar, pedagog, tarbiyachi va yordamchi xodimlar birdek tushunishi, shu tartibga rioya etishlari shart!

Yigʻilishda faol rahbarlar tomonidan bildirilgan har bir muammo, takliflarni yozib oldik, muammolarni hal etish, tashabbuslarni amalga oshirish boʻyicha ishni esa allaqachon boshladik. Biz bunday formatdagi uchrashuvlarni yana tashkil etib boramiz. Jamoamiz taklif va muammolarni eshitishga hamisha tayyor.

@hilola_umarova

Навоий вилоят Кармана тумани 15-умумтаълим мактабидаги ҳолат ММТБ томонидан ўрганилаётгани ҳақида расмий муносабат берилди.

@D_Sobirova_MMTV

Ижтимоий тармоқларда 28 февраль куни Тошкент вилояти Паркент тумани болалар боғчасида юз берган, дея тарқалган ҳолат аслида жорий йилнинг 6 январь куни юз берган (камерадаги ёзувдан ҳам билиш мумкин). Ушбу ҳолат Тошкент вилоят Мактабгача ва мактаб таълими бошқармаси томонидан ўрганилиб, муассаса тарбиячиси ва жисмоний тарбия йўриқчиси ишдан бўшатилган.

@D_Sobirova_MMTV

Rasmiy munosabat

So‘nggi vaqtlarda ijtimoiy tarmoqlar orqali maktabgacha ta’lim tashkilotlaridagi noxush hodisalar haqida ko‘plab xabarlar tarqalganiga guvoh bo‘lyapmiz.

Asosli xabarlar vazirlik tomonidan tezkorlik bilan o‘rganilmoqda va chora ko‘rilmoqda.

Ammo, ba’zi holatlar o‘rganilganda, tanqid ostiga olinayotgan voqealarning ayrimlari bundan bir necha yil avval sodir bo‘lganligi va o‘sha vaqtda mas’ullar tomonidan tegishli chora ko‘rilib, munosabat bildirilgani oydinlashmoqda.

Xususan, Izboskan tumanidagi voqea (2025-yil, yanvar), Paxtachi tumanidagi 28-sonli maktabgacha ta’lim tashkiloti bilan bog‘liq vaziyat (2021-yil), Namangandagi “Detskiy konfetki” bog‘chasidagi holat (2024-yil, dekabr) bundan bir qancha muddat oldin sodir bo‘lgan. Bunday holatlar esa ko‘plab topiladi.

Bugun maktabgacha va maktab ta’limi sohasida ko‘plab islohotlar amalga oshirilmoqda. Shunga qaramay, asoslanmagan xabarlarning ijtimoiy tarmoqlarga taqatilishi tizimda amalga oshirilayotgan ijobiy ishlarga soya tashlamoqda, jamoatchilik noroziligiga sabab bo‘lmoqda.

Har qanday ijobiy o‘zgarish va islohotlar birgalikda harakat qilinsagina katta natija beradi. Vazirlik ommaviy axborot vositalari bilan yaqindan hamkorlik qilishga hamisha tayyor.

Hurmatli ommaviy axborot vositalari vakillari va blogerlar!
Ma’lumotlarni tarqatayotganda faktlarni tekshirib, vaziyatni atroflicha o‘rgangandan so‘ng ommaga taqdim etishingizni so‘raymiz.

#Миллий_либос_миллий_ифтихор

@D_Sobirova_MMTV