"Ойбек домла умри бўйи сўкиш нималигини билмай ўтди. У бировдан қаттиқ нафратланса “ғўдайган” сўзини ишлатарди, холос”.

Саид Аҳмад

​​#Мулоҳаза

🤔 ҲЕЧ БЎЛМАСА БИР МАРТА ШУ ҲАҚИДА ЎЙЛАГАНСИЗ...

🛤 26 ёш... Худди қўлда билетинг билан поезддан қолиб кетган вокзалдаги йўловчига ўхшайсан. Тенгдошларинг илгарилаб кетишган, сен эса кейинги поездни кутяпсан...

❤️‍🔥 Дўстларинг сараги саракка, пучаги пучакка ажралиб бўлган. Инсонларга пул, мансаб, кўриниши эмас, феъл-атвори ва қалбига қараб муомала қила бошлайсан, кўнгил одамига айланасан бутунлай...

👩‍🍼 Оила масъулиятини янаям чуқур англайсан, шайтон васваса қилган пайтлари... аёлинг билан фарзандинг келади энди хаёлингга.

⏳ Ҳаа, ортиқ улғайдинг, ёш бола эмассан, кўз очиб юмгунингча 30 ёш ҳам эшик қоқади...

⏰ Тақвимни унутасан, фақат соатга қараб яшай бошлайсан, уям бўлса ишга бориш ва ишдан чиқиш пайтингни билиш учун...

😴 Аввал яқинларинг кўп ухлайсан деб койиган бўлса, энди нимага ухламайсан, дея тергай бошлайди...

🤦‍♂ Кўринишинг ёш бола, одамлар уйланганингга, фарзандинг ҳам борлигига ишонмайди, айтсанг, ҳайратланиб қарашади ҳатто.

👀 Кибринг аллақачон ўлиб кетган, аввалгидек бу иш менга тўғри келмайди деган тушунча фит-филлионинчи ўринга тушади...

⚖ Бир қараса, сендан бахтли одам йўқ, бир қараса, аросатдасан, қаерга кетаётганинг, нималар қилиб юрганингни англолмай қоласан...

✨ Сен ҳаётинг мазмуни деб ўйлайдиган жуда кўп хаёлларинг пуч бўлиб чиқади. Энди ўз ҳаётингдан маъно қидиришга тушасан, оиланг, қилаётган ишингдан завқ олишга интилиб бошлайсан, шундай қилмасанг ҳам бўлмайди-да...

📌 Энди сени пул топишдан ҳам кўра уни қандай қилиб манфаатли ва сердаромад йўлларда сарфлаш қизиқтира бошлайди.

✍ Абдулазиз АҲМАД

Қайси бекатга келган бўлсангиз ҳам бир нафас тўхтанг: ўтган кунингиз, бугунги вазиятингиз ва келажакдаги режаларингизга назар солинг.

Yoshlar kundaligi

Ҳаётимда чин бурилиш – мен Ойдинни, Ойдин эса мени топгани бўлди. Бошқа барча инсоний бурилишлар шундан улги олди. Биз асл нарсалар нималигини бирга англадик. Чин ва сохтанинг нималигини билдик. Яна қайдам...

Иброҳим ҒАФУРОВ,
Ўзбекистон Қаҳрамони

"Маънавий ҳаёт" журнали, 2025 йил, 1-сон

https://t.me/gazetalar_sharhi/35171

"Олтин қалам" қандайдир тинчми бу йил?

#Туйғу
#Миллийлик_қонимизда

Юрсанг ёрим, қувонаман
Соғ-саломат бўйларингга.
Гулдан либос ярашибдир,
Сарвиқомат бўйларингга.

✍ Шеър: Махтумқули

📸 Фото: Саида Мирзиёева ҳамда Огулжаҳон Гурбангулиевна Атабаева Самарқанд шаҳрини зиёрат қилмоқда.

Yoshlar kundaligi

😢😢😢

Ягона аммамнинг гул қизларидан бири Зулхумор ойим оғир хасталикдан кейин вафот этди.

Қисқа умримда ойимдай меҳрибон, хушчақчақ, меҳнаткаш, меҳрибон, ота-она хизматида бўлган, сабрли онани кам кўрдим. У киши қариндошлар даврасининг файзи эди.

Мудом кулиб турган ойим бор дардини ичига ютиб, бошқаларга оғирлигим тушмасин, деб яшаган экан.

Тақдирда битилгани бўлади. Зулхумор ойимни Аллоҳ раҳматига олсин. Охират дунёсини обод қилиб, пок руҳини шод қилсин. Омин.

Ким билди, ким билмади ўзбек адабиётида "Маҳбуба" отли олтин ҳикоя пайдо бўлганига ҳам икки йил бўляпти. Бу ҳикоя қуёшдай чарақлаб ёки ойдай ярақлаб бир ўзи саҳнага чиққани йўқ. У Олтин Қозиқ бўлиб катта-кичик юлдузлар билан "Ишонч телефони" қиссаси орқали кириб келди адабиётга. Муаллифи эса тирик классигимиз Хайриддин Султон.

"Олтин Қозиққа боқиб сайёҳ ҳам йўл топаркан", деб ёзган Шодмонқул Салом. Худди шундай, бутун бошли "Ишонч телефони" қиссасининг марказида шу ҳикоя тургандай. Балки шу ҳикоя учун бутун бошли қисса иншо қилингандир.

Яна бир томони бу ҳикоя мени адибнинг энг мумтоз асари бўлган "Кўнгил озодадур" қиссасига бошлаётгандай, қисса ва ҳикоя ўртасида қирқ йилга чўзилган ришта бордай.

Тўғриси, Хайриддин Султон "Кўнгил озодадур"даги каби тоза туйғулар ифодасини ҳаётнинг шафқатсиз бўронлари ичра яна топа билишига ишонмагандим. Гарчи ёши катта китобхонлар назарида "Ёзнинг ёлғиз ёдгори" қиссаси мукаммалроқ саналса-да, "Кўнгил озодадур..." каби озурда кўнгилларга яқин ва малҳам асарни ҳатто адибнинг ўзи ҳам ёзиши имконсиздай...эди. Токи "Маҳбуба" ёзилмагунча.

Бундай қаралса, икки ижод маҳсулининг сюжетида ҳам, маъносида ҳам ўхшашлик кўринмайди. Аммо иккиси учун умумий бўлган бир жиҳат бор: ахлоқ масаласи.

Ғулом (К.О) ва Жўрабек (М.) жисмоний жиҳатдан бир-бирига тескари. Ўй-хаёллари ҳам. Лекин уларни гўзал хулқ ҳамда атрофдаги одамлар ва оламни гўзал хулққа тўлдириш истаги бирлаштириб туради. Қизларга муносабатда ҳам улар бир хил йўл тутади: ор-номус чизиғидан чиқмайди. Жўрабек дадилроқ, албатта. Чунки Маҳбуба ундан бир қиз бир йигитдан кўриши мумкин бўлган барча соғлом муносабатларни кўрганди. Қундузда эса вазият бошқача. У Ғуломдаги серўйлик, босиқлик, кучли одобга тоқат қилса ҳам журъатсизлиги ва қатъиятсизлигига чидолмайди ёки Ғуломнинг журъати ва қатъияти унга кифоя қилмайди. Ахир, пахтазордаги сўнгги учрашувда Қундуз бежиз Ғуломга алам билан "Нега олдинроқ урмадингиз, Ғулом ака!", деб нола қилмаганди.

Умуман, иккала йигитнинг ҳам қайлиқларига бўлган қарашларида шаҳвонийлик, енгилтаклик йўқ эди. Аксинча, масъулият, раҳмдиллик ва эътибор устун эди.

Аммо бу билан йигитлар ҳақида ноўрин хаёлга ҳам бориш ярамайди. Иккиси ҳам соғлом, йигитлик қони жўш урган, азаматлар эди. Фақат бири илм билан, бири спорт билан ўзларини тарбиялаб бораётган эди.

Ғулом ўз даври одамлари ахлоқсизлигини кузатади ва фикр юритади. Унинг мулоҳазалари ўқувчига дидактик кайфият бағишлайди. Жўрабек қиёфаси эса Маҳбуба орқали ҳикоя қилинади ва ўқувчи кўз олдида идеал инсонга яқин образ гавдаланади. Афсуски, иккала қаҳрамон ҳам якунда вафот этади.

Бу жиҳатдан Хайриддин Султон Чингиз Айтматовга яқин келади, баъзи ўринларда тенглашиб ҳам олади. Жамилани бир умрга йўқотган Сеит, Асални бой берган Илёс, турналарга термилганча бўри қаршисида қотган бола, Мўмин чолнинг маънавий қиёфасидан жудо бўлган бола, Акбара, Гулсари, Жаабарс ва ҳоказо. Агар булар висол билан бахтли бўлганда асар қалбимизда қолармиди.

Балки шунинг учундир Стендалнинг Жьюлени Фабрициосидан кўра машҳур ва манзур.

Гап ҳам чўзилиб кетди. Тавсиям "Маҳбуба"ни ўқинг. Нари борса ўн дақиқа кетади. Хайриддин Султон Ханс Кристиан Анедрсенга "Ёруғ ғусса билан йўғрилган сирли қиссалар ижодкори" деб таъриф берилади. Аслида бу гап Хайриддин Султон ижодига ҳам мос тушади.

Ҳикоя: https://t.me/Yoshlar_Kundaligi_Rasmiy/18585

Истасак, оромий ёзувида битиб қўямиз

#Фикр

Ҳар бир мамлакат ўзининг ҳудудидаги тарихий обида ёки ҳайкали атрофида қайси тилда ёзишини фақат ўзи ҳал қилади. Четдан келиб, бошқа давлатнинг Ташқи ишлар вазири бизни танқид қилиши нотўғри. Зеро, биз уларнинг колонияси эмасмиз!

Сергей Лавров келиб бизга "она тимсоли — муқаддас" эканлигини тушунтирмоқчи экан, оддий бир ёзувни бор йўқлигига диққат қаратаркан, биз ҳам унга "инсон ҳуқуқлари ҳам муқаддас" эканлигини диққат эътиборига солишимиз ва эслатишимиз керак.

✍ Шерзодхон ҚУДРАТХЎЖА

* * *
Рус сиёсатчилари Ўзбекистонда рус маданияти ва рус тилига бўлган муносабатни ёмонлаштириш учун ҳамма йўлларни синаб кўришмоқда.

Нега Ўзбекистонда ёшлар ҳеч ким эслатиб турмаса ҳам инглиз, немис, турк ва араб тилларини ўрганишга ҳаракат қиладилар?

Сўраб олинган ҳурмат ва ёлғон яратилган эҳтиёждан фақат тескари натижа бўлишини вазир Лавров билмаслиги мумкин эмас.

✍ Алишер ҚОДИРОВ

Yoshlar kundaligi

“ULUG‘ YO‘L” газетасининг 2025 йил 22 апрель кунги 11 (451)-сонида мақолам берилибди.

Устозим Неъмат Душаевга раҳмат!

#Шеър

Нур демагил мозийдан
Кўринганни ярақлаб...
Очсанг ўтмиш китобин,
Ёнаётир варақлар.

✍️ Икром ИСКАНДАР
🎙 Отабек Бакиров

https://t.me/OtabekBaxtiyor

МЕҲНАТИМИЗ МЕВАСИ

🎉 "YOSHLAR KUNDALIGI" jurnalining 2025-yildagi 3-4-soni chop etildi

⚜️ Behzod Qobulov. Hokimiyat anatomiyasi;

⚜️ Maftuna Karimova. Jadidlar va biz;

⚜️ Mirzoozod Mirzone'matov. "Bahodir Yalangto'sh". Tomoshadan so'ng;

⚜️ Malohat Yo'lchiyeva. Oydinda yurgan odamlar: ijtimoiy himoya;

⚜️ Sardor Isoqulov. Yangilanayotgan Parkent: yoshlar, turizm, bandlik;

⚜️ Agneshka Lulinskaya. Siz Immanuil Kant haqida bilasizmi?;

⚜️ Ra'no Ikromjonova. Nozimaxonim jasorati;

⚜️ Estetika. Navro'z payrovi;

⚜️ Muharrir minbari. Yoshlar tamaddunlar chorrahasida.

〰️〰️〰️〰️〰️
Kanalga ulanish👇��👇
https://t.me/gazetalar_sharhi

🗺 Қўшниларда нима гап?

🇰🇿🇺🇿🇹🇯🇰🇬🇹🇲+🇮🇹 26-27 апрель кунлари Остонада "Марказий Осиё – Италия" саммити бўлиб ўтади.

🤝 Қасим-Жомарт Тоқаевнинг таклифига биноан биринчи саммитда Италия бош вазири Жорж Мелони иштирок этади.

🌏 Шу вақтгача Россия, Хитой, АҚШ, Европа Иттифоқи, Германия, Япония ҳамда Кўрфаз араб давлатлари билан "Марказий Осиё+" форматида учрашувлар бўлган.

📍Улардан Россия, Германия ва Япония билан ўтган саммитларга Қозоғистон мезбонлик қилган.

Yoshlar kundaligi

Шу сонда бир классик материал кетган-да

#mujda

“Yoshlik” jurnalining 2025-yil 2-son muqovasi.

@yoshlikjurnali
yoshlikjurnali.uz

Дўппига лойиқ бошлар...

Шу йигитнинг қоши танишмасми😁

🔥 Дарвозабонимиз Неъматуллоҳ Рустамжоновга "Келажак бунёдкори" медали ва "Cobalt" муборак бўлсин!

Yoshlar kundaligi

Ҳаёт қизиқ-да: Исломбек Муродбек ўғли Исмоилов исм-шарифли мураббийнинг шогирдлари Ислом туғилган диёрда Исмоил авлодлари устидан драматик ғалаба қозониб муродига етди.

@OtabekBaxtiyor

Бизни писанд қилганларга минг бора қуллуқ...

Assalomu alaykum!

Sizni jurnalimiz taqdimotida ko‘rishdan mamnun bo‘lamiz.

Keling. Kutamiz!

�� Lokatsiya

#Кўнгил

Айтинг, сизга келмасми малол,
Бу дунёда менинг борлигим?

✍️ Икром Искандар
🎙 Баҳодир Жовлиев

https://t.me/Jovliyev_bahodir

Саудия Арабистонига тошойна экспорт қилсакмикан😁

⚡️⚡️⚡️

Бошида дўпписи, белида белбоғи, юрагида Ватан ишқи бор йигитлар – Сиз бунга муносибсиз!

Yoshlar kundaligi

#Туйғу

Муҳаббат бор, музларимга олов бергай,
Олам бергай,
Сўзларимга оро бергай.
Бир йиғласам, юпатгувчи биров бергай,
Мен билансан!

✍ Шеър ва ижро: Бахтинисо Маҳмудова.

P/S: Якшанбани сиз билан яхши-ёмон кунингизда бирга бўлган оила аъзоларингизга бағишланг: бобо-бувингизни йўқлаб фариштали уйларга боринг, узатилган опа-сингилларни кўриб келинг, ака-укаларнинг баҳорги ишларига кўмак беринг, оилангиз билан суҳбатлашинг, бирга сайрга, овқатланишга чиқинг.

Yoshlar kundaligi

Олти йил тўлибди ёзилганига.

Aprel romantikasi

Sen chaqmoqdan qo‘rqar eding,
Ilondan qo‘rqqandayin.
Momaqaldiroq boshingga
Tog‘larni yiqqandayin...
Хiyobonga ko‘nmasding,
Birga yursak uyat deb.
Sen oldinda, men ortingdan
Yurardim atring terib.
Va o‘sha kun visolda
Osmon menga esh bo‘ldi.
Chaqmoq chaqdi, guldurak,
Viqorlaring hech bo‘ldi.
Chap ko‘ksimga qo‘yib bosh,
Qo‘rquvlaring o‘chirding.
Bilmaysan-da, chaqmoqlarni
Yuragimga ko‘chirding.
Sochlaringdan toygan suv,
Ishq soyiga oqardi.
Quchsam-da, jim turarding,
Balki... senga yoqardi.
Sen chaqmoqdan qo‘rqarding,
Nafasingni yutarding.
Ammo, qachon uchrashsak
Yomg‘irlarni kutarding...

Otabek Bakirov
19/04/19

https://t.me/OtabekBaxtiyor

Ҳамкасблар оқибати

Халқ депутатлари Тошкент вилояти Кенгаши раисаси Сайёра Файзиева ҳамда Тошкент вилояти ёшлар ишлари бошқармаси бошлиғи Нодир Ҳожиев "Ёшлар кундалиги" медиа лойиҳасида

Assalomu alaykum
Quvonchimni ulashgim keldi!

Бугун ўзини журналист дегич, ўзича замонавий кўринишга эга бир қиз билан озгина баҳслашган бўлдик. Унинг фикрича, йигитларнинг дўпписи ва аёлларнинг ўзбекона рўмоли бор бўйича эскилик белгиси экан. Жумладан, каминанинг дўппи кийиши ҳам ёқмас эмиш.

Индамадим. Аниқроғи, индагим келмади. Чунки айримларнинг қарашларини ўзгартиришга сўз увол.

Барча фикрларига жавоб ўлароқ ортиқча гап-сўзсиз шу суратни жўнатиб қўйдим. У киши мени блоклаб қўйибди. Тўғри қилибманми?

@OtabekBaxtiyor

Uylanish deganda koʻz oldimga keladigan birinchi manzara...

#Туйғу

Тоғ устига чиқдим мастон,
Кўз ўнгимда Ўзбекистон.
Йиғлайвердим, йиғлайвердим,
Дедим, илоё бўл омон!

✍ Шеър: Усмон Азим

📸 Фото: Президент Шавкат Мирзиёев Андижон шаҳридаги “Имкониятлар олами” ҳудудий ижтимоий хизматлар марказида

Yoshlar kundaligi

* * *
Ёғар оппоқ қор,
гўзал, бетакрор,
Ёдимга солар сени, эй дилдор.

Кўзларим гирён,
қалбимда ҳар он
Сен билан кезган қорли хиёбон.

Ажиб бир бўстон
эди намоён –
Тим қора сочинг ва оппоқ маржон.

Мумкинми шу чоқ
сени бир кўрмоқ,
Яна бир лаҳза васлингга етмоқ?

Келурми деб зор,
мен томон бир бор,
Пояндоз сочар йўлларингга қор.

Кел мен томон боқ,
юрагим муштоқ,
Бўлсин қор каби бахтимиз ҳам оқ...

Ёғар қор ҳамон,
айланар замон,
Бўлдинг сен менга ушалмас армон.

✍ Икром ИСКАНДАР

Видео: Гуллаган сакураларни қор қопламоқда. Сеул (Жанубий Корея)да 118 йил ичида илк бор апрел ўртасида қор ёғди.

@Ikrom_Iskandar_ijodi

#Иқтибос

Юз йиллар олдин Музайяна Алавия тартиб берган Тошкент вилояти халқ оғзаки ижодидан намуналар китобини тўлдириб, бойитиб қайта нашр этиш фурсати етди.

✍ Тошкент вилояти ҳокими Зойир Мирзаевнинг "Маданият ва санъат ходимлари куни" байрамидаги нутқдан

Yoshlar kundaligi

"Турсуной Содиқовани кўргим келади..."

Газета учун бир материал тугай деб қолди.

Бизим мақола чиққанда севги тарихига оид

#Кайфият

КУЛАЙМИ, КУЯЙМИ?!

😐 Фикр – транспортга ўхшайди: шахсий улови бўлмаганлар жамоат транспортидан фойдаланади.

😬 Банк ходимининг "тўловни картангиздан ўзимиз ечиб оламиз" деган гапидаги "ечиб оламиз" қисми менга негадир қўрқинчли туюлди.

🥱 – Дангасаликка қарши қандай курашасиз?
– Курашмайман!

🧐 Ҳамма муваффақиятнинг калитини қидиради, аммо ҳеч ким унинг қулфи қаердалигини билмайди.

🤧 Бизнинг касалларда доим уч хил диагноз бўлади:
1. ўтиб кетади;
2. ўтказиб юборибсиз;
3. ўтиб қолибдилар.

🙄 Нима учун камбағалроқ эркакни "мешқорин", аммо бой эркакни "дўмбоғим" деб аташларини ҳеч тушуна олмайман.

🫣 Нима учун кир ювиш машинаси кирни ювади, чаяди ва қуритади-ю, аммо ҳалигача дорга илмаслигини ҳеч тушунолмайман.

🤭 Буни қарангки, ўзбек тилида "биз ҳам қараб турамиз" ва "биз ҳам қараб турмаймиз" бир хил маънони билдирар экан.

✍️ Мавлон МАРАСУЛОВ, Ангрен шаҳри

📌 Постни дўстларингизга ҳам улашиб қўйинг. Улар ҳам бир яйрасин🤗

Yoshlar kundaligi

Авваллари қалбимни тозартириш учун бир йилда бир "Ёш Вертернинг изтироблари" (Гёте), "Жамила", "Сарвқомат дилбарим" (Чингиз Айтматов), "Уч оғайни" (Эрих Мария Ремарк), "Уфқ" (Саид Аҳмад) китобларини ўқирдим.

Кейин Хайриддин Султон отлиғ адибимиз борлигини айтишди. Ўқидим. "Кўнгил озодадур" қиссаси озурда юракларга ўт ёқиб, ўт тандирни оқартиргандай поклашига гувоҳ бўлдим.

Яқин-яқиндан Хайриддин Султоннинг "Ишонч телефони" қиссасига кирган "Маҳбуба" ҳикоясига ошиқман.

Сизга ҳам ўқишни тавсия қиламан.

https://telegra.ph/MAҲBUBA-09-18

Фикр – транспортга ўхшайди: шахсий улови бўлмаганлар жамоат транспортидан фойдаланади.

Эркин таржима

✍ Мавлон Марасулов

"ZAGS" bazmchasi kerakmas. O‘zi to‘yga ketayotgan bo‘lsak, yana alohida o‘yin-kulgiga nima bor? Qancha raqs istasalar, ana, to‘yxonada davra yoshlarniki!

Fotosessiyaga bormaymiz. O‘zi shu qiz yigit bilan bir umr birga yashasa, yuzta rasmni bir kunda yig‘ib nima qiladi. Istagan payti tushib olaveradi. Hozir nima ko‘p? Telefon ko‘p. Shunday kameralari borki, uncha-muncha fotoapparat choy damlab keladi.

Ijara ko‘ylak va kostyum shartmas. To‘ydan boshqa joyga kiyib bo‘lmaydigan dizaynda tikilgan kelin ko‘ylak ham, kostyum-shim ham isrofdan boshqa narsa emas. Undan ko‘ra keyinchalik ham to‘y-bazmlar, tantana-bayramlarga kiyib borsa bo‘ladigan siporoq liboslar olgan yo tiktirgan yaxshi.

Uzukni shunday taqsam ham qo‘lidan tushib ketmaydi. Yaqindan urfga kirdiki, unashtiruvda yigit qizning uyiga alvon yozuvlar, shamlar, musiqa bilan borib uzuk taqib keladi. Qiziqmi shu? Yorining qo‘liga uzukni, har xil ko‘zlardan nari, mehr bilan taqib qo‘yishga nima yetsin. Dabdabadan faqat instagramga "istoriya" qo‘yadiganlar foyda ko‘radi. Bo‘ldi.

Toʻy borasida kelin bilan maslahat qilinadi. Lekin katta oʻzgarishlar boʻlmaydi. Chunki hashamga oʻchlik, molparastlik koʻp oilalarni barbod qilmoqda.

Shunaqa gaplar.

Hurmat bilan oʻzim.

@OtabekBaxtiyor

MEN MEBELSIZ XOTIN OLAMAN!
(Bahodir Iskandarov satri)

14-15 yoshimdan "Uylansam kelin tomondan sep olmayman. Faqat kiyimini olib keladi. Tamom", degan xulosaga kelganman. Avvaliga ota-onam hayron boʻlgan: "Sepsiz qanday keladi kelin?". Qaysar feʼlim oʻshanda ham boʻlgan ekanmi shartta javob berganman: "Kelinning sepiga oid qancha orzu-havasingiz boʻlsa oʻzimizga qarab yigʻaveramiz. Boʻlmasa uylanmayman. Agar kelin tomon baribir sep beramiz, desa unda kelisholmas ekanmiz". Bir necha yillik muzokaralar natijasida aytganimga koʻndirdim uydagilarni. Bu orada oʻzim ham ishga kirdim. Oila byudjetiga hissa qoʻsha boshladim.

Oʻylasam, biz urf-odat deb ataydigan, aslida isrof-illat boʻlgan koʻp ishlarni bekorchi xotinlar chiqargan ekan. Balki oʻtgan zamonlarda ayollar bekorchi boʻlgandirki, islomdagi joʻngina nikoh marosimini murakkab labirintga aylantirib tashlagan. Bugun endi hamma band. Shunga qarab ish qilish kerak.

Bir necha yillik ishlarni qisqacha aytib oʻtsam.

Uch xonali uyni yosh oilaga deb ajratgan ota-onam. Ishni eng katta gʻalva boʻlgan yotoqxona va mehmonxona mebelidan boshladik. Menku, yerga koʻrpacha solib uxlayveraman. Lekin taomil shunaqa ekan. Hashamatni yoqtirmaganim uchun oʻrtacha sifat va narxdagi, Oʻzbekistonda ishlab chiqarilgan jihozlarni oldik. Chet elniki ham shu, oʻzimizniki ham.

Keyin uchta xonaga Angrenning oʻzidan gilam tanladik. Rangi kir koʻtaradigan, narxi hamyonbop gilamlardan toʻshab qoʻydik.

Keyin paxta olib, koʻrpacha tiktirib, tayyor yostiqlar olib hammasiga bir xil jild kiydirdik. Olib kelib yangi sandiqlar ustiga taxladik.

Men odatiy pardalar davrida ezilganman. Yuvish qiyin, uy tozalaganda oʻralashib xalaqit beradi. Jazosi yigʻma parda (jalyuzi) ekan.

Mehmonxona mebelining oynavand tokchalari idish-tovoqqa moʻljallangan ekan. Oʻzing ishlatmaydigan idishga pul sarflash nimaga kerak? Shuning uchun, hozir urfda boʻlgan koʻrgazmaga ham, foydalanishga ham yaraydigan ikki toʻplam idish oldik. Shuningdek, yangi kelin roʻzgʻori deb kundalik ishlatishga kosa, piyola, choynak, likopcha va boshqa idishlar oldik.

Ikkita xontaxta yasatib, oʻziga mos dasturxon, sochiqlar keltirildi.

Maishiy texnika deganimiz shiftgacha uyilib ketgan. Baʼzisini sotib olganmiz, baʼzisini ijodiy tanlovlarda yutib olganmiz. Mikrotoʻlqinli pechdan blendergacha, kir moshinadan yana allambalo vazifalarga moʻljallangan texnikalar taxt.

Oshxonaga ham yangi mebel va oshxona jihozlari toʻplami oldik.

Xullas, ota-onamning qirq yillik roʻzgʻori 100 foiz yangilandi. Faqat kelin kelsa ishlatiladi.

Bir ota-ona qiziga nima qilishi mumkin boʻlsa barchasini muhayyo qildik. Chunki ular bizga dunyoga keltirib, 19-20 yil voyaga yetkazgan dilbandini bersa-yu, yana ulardan moddiy boylik talab qilamizmi?!

Lekin qiz tomonning ham orzu-havasi borligini hisobga olib kelinning kiyimlari va pardoz anjomlarini sep tariqasida olib kelishiga rozi boʻlamiz. Menga ham, ota-onamga ham, oʻlib ketgan bobo-momolarimga ham hech narsa olib bermasin.

Hovli-joylarni bir sidra taʼmirdan chiqardik. Yana kamchiligi bor. Lekin tuzatishga shoshmayapman. Nega kelin yuz foiz sharoiti bor joyga kelishi kerak? Bu mehmonxonamidi? Qolgan-qutgani boʻlsa toʻydan keyin birga-birga bitiramiz. Oʻzining ham mehnati singsa qadrli boʻladi, qadriga yetadi.

Kelin tomondan sep olmayman, deganman. Lekin oʻzimni ham oʻqqa-choʻqqa urganim yoʻq. Oilamiz bilan birgalikda oʻrtacha sep qildik. Dunyo matohi deb, odam aziz vaqtini, sogʻligini sarflashi kerakmi? Hamma narsasi muhayyo qilish shartmas. Toʻydan keyin yosh er-xotin peshona teri bilan erishsa yanada barakali boʻladi, er-xotin oʻrtasidagi muhabbat ziyoda boʻladi. Men shunday oʻylayman.

Shu kabi toʻy boʻyicha ham oʻz qarashlarim bor.

Maxsus kortej bo‘lmaydi. Birovniki bo‘lgan qimmatbaho mashinalarda ikki soat yurganim bilan baxtli-saodatli bo‘lib ketmayman. Qolaversa, bu yolg‘on. Oilamizda bitta "Spark" bor, dadamniki.

Do‘st-yorlarda turli ulovlar bor. Kelin va dugonalari o‘shalarda kelsa ham kavushi yirtilmaydi.

👇👇👇

Чапак чалар япроқчалар бетин –
Қишдан омон чиққанларга олқиш.

✍️ Икром ИСКАНДАР

#Иқтибос

ЭҲ, ЁШЛИК, ЁШЛИК, БЕҚАДРУ БЕБАҚО ЁШЛИК!

➖ Ҳар қандай эътирофдан сукут яхшироқ, негаки, эътироф дегани албатта изоҳ талаб этади, сукут эса — чўнгроқ, маънолироқ, камтаринроқ.

➖ Гапнинг рости, тўғри гапни айтган одамга бориб, раҳмат, сиз тўғри гапни айтдингиз, деб табриклашнинг ўзиёқ кулгили туйилади.

➖ Эй, биродарлар, ўшал қаро кунларни ҳадеб эслайвериш керакми? Эҳтимол, эсда тутиш керакдир, лекин эслайвериш шарт эмас.

➖ Одамзот ўзининг зукколигини вақти-вақти билан англаб турса яхши-да, ахир!

➖ Боласи бўлгандан кейин отасининг тилини ўргансин-да.

➖ Ўйлаб қараса, сурбетлик ҳам ярим давлат.

➖ Мол-дунё топилади, лекин илм топилмайди.

✍️ Мурод Муҳаммад Дўстнинг "Лолазор" романидан олинди.

〰️〰️〰️〰️〰️〰️〰️
📌 Биз сизга энг зўрини илинамиз:
"Неаven's Garden" дам олиш маскани.
+998702020101

Yoshlar kundaligi

#Матбуот

📰 Яхши газеталаримиздан бири "АДАБИЁТ ЗИЁСИ"нинг 10 апрелдаги 7(204)-сонида журналист Элбек Шойимнинг "ХАЛҚ ҚАЛБИНИ ИФОДА ЭТГАН ШОИР" мақоласи эълон қилинди.

Унда Икром Искандар шеъриятидаги халқона оҳанглар қаламга олинади. Мисоллар орқали шоир топилмаларига муносабат билдирилади.

🤝 Муаллиф ва таҳририят жамоасига миннатдорлик билдирамиз!

@Ikrom_Iskandar_ijodi

Бугун Мурод Муҳаммад Дўстнинг туғилган куни

Ҳаммасига Исроилов айбдор!

Энди бир илмий китоб мутолаасини бошлай десам, Исроилов янги роман совға қилиб турибди-да.

Янги бўлганда ҳам икки кун олдин сотувга чиққан Ўрхон Помуқнинг китоби.

Начора, илм-фан кутиб турар. Яна кўнгилга сайр экан буёғи.

Менгаям қийин 😁

«TAFAKKUR» журналининг 2025 йилдаги 1-сони мутолаа учун ҳавола қилинади.

Журнал таҳририят томонидан тақдим этилмоқда!

📖 Барчага мароқли мутолаа!!!

〰️〰️〰️〰️〰️
Kanalga ulanish👇👇
https://t.me/gazetalar_sharhi

Бизга "Ўзбекистон", "Ватан", "Давлат" сўзларини оғизни бир чайиб, уст-бошимимизни тузатиб кейин айтишни ўргатишган. Юртини, халқини, миллатини, қардошларини ҳақорат қилган одам битта узр билан қутулиб кетадими?

Бу бир маҳалла ё шаҳарча эмас, катта Ўзбекистон. Ўртада қирқ миллионга яқин халқнинг обрўси турибди. Бизга "маҳмадона, эски олчоқлар"нинг ахборот хуружи ҳам етади. Ичдан чиқиб, э йўқ-бе йўқ, на сабаб бор, на баҳона бор, сўкиб кетиш ғалати-ку.

Енгилтак аёл-ку пул топиш учун танасини сотади. Аммо актив ошираман деб, мамлакат шаънига тош отган ундан-да ғарроқ.

Бу борада Ўзбекистон Журналистика ва оммавий коммуникациялар университети ректори Шерзодхон Қудратхўжа устознинг муносабатига қўшиламан ва қўллаб-қувватлайман.

🎉 Газетада мақолам чиқиши мен учун байрам!

Таҳририятга яхши материал келишини ё буюртма қилинган мақола битишини кутиб ўтирадиган муҳаррирлар кўп. Лекин замон шиддатини ҳис қилиб ижтимоий тармоқларни кузатадиган, уларни газета-журнал манфаатига йўналтирадиган муҳаррирлар кам ҳозирча.

Тармоқларда шундай постлар борки, салмоғи бир яхши мақоладан қолишмайди. Фақат уни топиш учун кузатувчанлик, ҳафсала ва бағрикенглик керак. Айниқса, ёшлар борасида.

"Жадид" газетаси бош муҳаррири Иқбол Мирзо ана шундай эътиборли муҳаррирлардан. Газетада катта мақолалар оқими мавжуд бўлса ҳам ташқи муаллифлар билан ишлашга куч берилади.

Бўлмаса халқ шоирининг талаба-журналистнинг фейсбукини кузатишдан бошқа иши йўқми. Мана, бугун ҳам Валентина ва Гагариннинг севги тарихи ҳақидаги мақолам "Жадид"да чоп этилибди.

Бу билан мақолам яхши демоқчи эмасман. Бу энди бизга имкон, аванс, рағбат. Ёқади-да.

Эътибор ва эътироф учун таҳририятга раҳмат!

Ҳам ижод, ҳам даромад имкони экан. Истовчилар қатнашса фойдадан холи бўлмас.

​ТАНЛОВ МУДДАТИ УЗАЙТИРИЛДИ

Хабарингиз бор, ҳомийларимиз томонидан Ўзбекистон Ёзувчилар уюшмаси аъзоси Фозил Фарҳоднинг асарлари асосида "Назм ва наср, тасвир ва таҳлил" энг яхши видеоролик ва энг яхши адабий таҳлил намуналари танлови эълон қилинган эди. Совринлар сони оширилгани ва адибнинг Корея Республикасида ижодий сафарда эканини ҳисобга олиб, танлов муддати 1 июлга қадар узайтирилди.

Танловга ижодий ишлар икки номинацияда қабул қилинади:

1. Адибнинг шеър ё ҳикоялари асосида тайёрланган видеороликлар;

2. Адибнинг назм ва насрий асарлари асосида ёзилган адабий таҳлиллар.

Ғолиблар қуйидагича мукофотлар билан тақдирланади.

"Энг яхши видеороликлар" номинацияси бўйича:

1-ўрин 1 600 000 сўм пул мукофоти ва китоблар тўплами;

2-ўрин 1 000 000 сўм пул мукофоти ва китоблар тўплами;

3-ўрин 800 000 сўм пул мукофоти ва китоблар тўплами.


"Энг яхши адабий таҳлиллар" номинацияси бўйича:

1-ўрин 1 600 000 сўм пул мукофоти ва китоблар тўплами;

2-ўрин 1 000 000 сўм пул мукофоти ва китоблар тўплами;

3-ўрин 800 000 сўм пул мукофоти ва китоблар тўплами билан мукофотланади.

Бу ҳали ҳаммаси эмас! Шунингдек, муаллифнинг телеграм каналида энг кўп улашилган ва лайк йиққан ижодий ишлар эгаларининг 10 нафари рағбатлантирувчи номинациялар бўйича мукофотланади. Ғолибларга Чингиз Айтматовнинг "Асрга татигулик кун", Асқад Мухторнинг "Чинор", Аҳмад Аъзамнинг "Асқартоғ томонларда", Хуршид Дўстмуҳамманинг "Донишманд Сизиф", Мансур Жумаевнинг  "Ҳазрати ишқ" китоблари берилади.

Фозил Фарҳоднинг биринчи китоби – "Мактуб"нинг электрон нусхаси.

Фозил Фарҳоднинг иккинчи китоби – "Кўклам куйи"нинг электрон нусхаси.

Фозил Фарҳоднинг учинчи китоби "Автопортрет"га кирган шеърларнинг электрон нусхаси.

Танловга қабул муддати 1 июлгача.

Танловга ижодий ишларни @fozilfarhod1 телеграм манзилига жўнатинг.

Телеграм ўзанга аъзо бўлинг: @fozilfarhod

#Мотивация

Қадим ҳаёт йўлларида
Кўпдир зоти — аёл, бас.
Тўмариснинг қўлларидан
Туғ олмаган аёлмас.

✍️ Ҳалима Худойбердиева

Камина ёзган

#Тадқиқот

"ЎТКАН КУНЛАР" РОМАНИ ҚАҲРАМОНЛАРИ ТОШКЕНТ ВИЛОЯТИДА ҚАНДАЙ “САЙР” ҚИЛГАН – ЮЗ ЭЛЛИК ЙИЛ ОЛДИНГИ ТАРИХГА НАЗАР

❓Абдулла Қодирийнинг гўзал ва диловар қаҳрамонлари Тошкент вилоятида бўлганми? У манзиллар ҳозир қаерда қолди?

📚 Қуйида машҳур "Ўткан кунлар" романи қаҳрамонлари, хусусан, Отабек ва Кумуш бугунги Тошкент вилояти ҳудудининг қаерларида бўлганини ҳавола қиламиз.

P.S. Видео: "Ўткан кунлар" бадиий фильмининг якуний эпизоди. Кумушбиби вафот этди, Отабек ўғли Ёдгор билан Марғилон кетди. Қўшиқ: "Кумуш ноласи". Шеър муаллифи М.Юсуф. Ижрочи: З.Мирзатиллаева.

⚜️ КИРИЛЛ АЛИФБОСИДА ЎҚИШ

⚜️ LOTIN ALIFBOSIDA OʻQISH

Yoshlar kundaligi

Ўқиган асарларим ҳақида ёзишим керак. Лекин хафсала йўқ. Дангасалик

Kompyuter, telefonim qotib qolsa, o’chirib yoqish eng yaxshi yordam beradi.

Organizm bilan ham shunday bo’lib turadi. Siqilish. Qarorga qiynalish. Charchash. Qotib qoladi.

Bitta o’chirib yoqish yordam beradi. Och qorin + qorong’u joy + vaqtli uxlash = o’chirib yoqish formulasi.

Ўқиш ва иш жойига отилган тошга "Мени айтмади-ку", деб юрганлар, эртага маҳалласи, шаҳри, вилояти, оқибатда, Ватанига отилган тошга ҳам "мени айтмади-ку" тамойили билан муносабатда бўлади.

Ўзингиз ичида бўлган жойлар бу сизнинг ҳам обрўнгиз. Обрўни сақланг!

⚡️ «Mening otim Qirmizi» ertadan sotuvda!

🥇 Mazkur asar turk yozuvchisi, 2006-yildagi Nobel mukofoti sovrindori O'rxon Pomuqning eng mashhur kitoblaridan biri boʻlib, unda XVI asr Usmonli imperiyasida sodir bo'lgan voqealar aks etadi.

🇹🇷 Roman Usmonli hukmdori Murod III davrida faoliyat yuritgan bir guruh miniatyurachi rassomlar tomonidan bir-biriga bog'langan tarzda hikoya qilinadi. Asarda har bir qahramon o'z tilida gapiradi; U xoh o'lik, xoh jonsiz bo'lsin, bari tilga kiradi va hikoyani o'z nuqtayi nazaridan kelib chiqib aytib beradi.

🇺🇿 Ushbu roman ilk bor o'zbek tilida nashr etilmoqda. Mana endi kitobxonlar uni o'zbek tilida ham o'qishlari mumkin.

Narxi: 69 000 so'm
Tarjimon: Eldar Asanov
Nashriyot: Yangi asr avlodi

@bookuzbekistan

Видео: Отабек Турсунқулов

Мен гапирганман😁

#Фикр

🎞 Ҳаммамиз билган ва таниган қаҳрамонлар ҳақида суҳбатлашамиз.

⏳ Ўтган йилларда севимли қаҳрамонларимиз қай тариқа ўзгариб борди?

Видео шу ҳақида.

Yoshlar kundaligi

#Иқтибос

Ўзбекистон ҳар қандай зиддият ва қарама-қаршиликларни фақат дипломатия ва тинч музокаралар йўли билан ҳал этишнинг қатъий тарафдори эканини яна бир бор таъкидламоқчиман.

Умид қиламизки, Украина атрофидаги вазият бўйича бошланган музокаралар жараёни ўзининг ижобий натижасини беради.

Энг оғриқли муаммоларга халқаро ҳуқуқнинг умумэътироф этилган меъёрлари, Бирлашган Миллатлар Ташкилотининг Низоми ва резолюциялари асосида ечим топиш муҳим, деб ҳисоблаймиз.

Жумладан, Фаластин – Исроил низосининг ягона ва адолатли ечими “икки халқ учун – икки давлат” тамойилини рўёбга чиқаришдан иборатдир.

✍️ Шавкат Мирзиёевнинг Парламентлараро иттифоқнинг 150-Ассамблеясидаги нутқидан олинди

Yoshlar kundaligi

Ҳамма ердан кўриниб турар
Самарқанднинг миноралари.

✍ Хуршид ДАВРОН

"Марказий Осиё - Европа Иттифоқи" биринчи саммитининг тафсилотлари машҳур хориж ОАВ томонидан ёритилиши давом этмоқда.

Амир Темур таваллуд куни арафасида замин сайқали бағрида ўтган олий даражадаги учрашувлар темурийлар дипломатияси шукуҳини ёдга солди.

#Иқтибос

🔥 ЖЕКИ ЧАНДАН ЁШЛАР УЧУН МОТИВАЦИЯ

➖Муваффақиятга эришмоқчи бўлсангиз, олти иллатдан сақланинг: уйқучилик, дангасалик, қўрқув, ғазаб, бефарқлик ва қатъиятсизлик.

➖ Ҳаётимизда учраган ҳар бир инсон устоздир! Кимдир кучлироқ бўлишни ўргатади, кимдир доно бўлишни ўргатади, кимдир кечиришни, кимдир бахтли бўлишни ва кимдир ҳар бир кундан роҳатланишни ўргатади.

Кимдир бизга умуман ҳеч нарсани ўргатмайди — шунчаки синдиради, лекин бундан тажрибамиз ортади.

➖ Сенинг оғир ишинг қайсидир ишсизнинг орзуси! Сенинг соғлиғинг ҳар бир бедаво дардга чалинган инсоннинг орзуси! Сенинг тинч ҳаётинг, хотиржам ухлашинг ҳар бир нотинч давлат фуқаросининг орзуси!

🗓 Бугун Жеки Чан номи билан танилган гонконглик актёр, кинорежиссёр, продюсер Чан Конг-санг (1954) туғилган кун.

Yoshlar kundaligi

Сенга...

Мен ёлғиз қолишга аҳд қилган оқшом,
Сен ҳоли-жонимга қўймаган кеча,
Мен ахир одамдай севмайман, десам,
Лабимда бармоғинг титради: — Ҳечам.

Ҳавойи орзулар ортидан қувиб,
Қошингдан бош олиб жўнадим — дайди.
— Сен яшна, мен сени яшайман кутиб,
— Агар қайтмасам-чи?
— Бор бўлсанг, майли.

Барига жимгина қилдинг илтифот,
Ширин сўз кутганча йитди тақвиминг.
Гуноҳ мендан ўтди, сен-чи ҳар сафар,
Бош эгганча келдинг: — Кечиринг.

Бугун мен қаршингда эгажакман бош,
Сенга олиб келди тўртта томоним.
Эй, сочдан тирноғи чидам ва бардош,
Энг гўзал туҳфаси қодир Худонинг!

Кечир...

"Қизлар, севмай рози бўлманг..."

Ҳар йили гилослар гуллаганда шу қўшиқ эсга тушади.

Шеър: Холбиби Саъдинова
Ижро: Зулайҳо Бойхонова

#Кайфият

Оғабек Собиров куйлаганда ҳатто, примадоннамиз ҳам рақсга тушади.

#arxiv

3-aprel

Aprelning bir tansiq, oq kechalari,
Na ko‘kda yulduz bor, na to‘lishgan oy.
Qishloq chiroqlari o‘chgan.
Yomg‘ir. Biz.
Unda qaydan yorug‘, deysiz hoynahoy.

Shoirlar kuylagan o‘rik va bodom,
Yashil ro‘molini tortganda yuzga —
Oshiqlar visoli uzaysin deya,
Giloslar oq fonus tutadi bizga...

2019

Otabek Bakirov

🎉 Бугун Ўзбекистон халқ ёзувчиси Исажон Султон туғилган кун экан.

📚 Адибнинг "Боқий дарбадар", "Маъсума", "Алишер Навоий", "Абу Райҳон Беруний", "Билга хоқон" романларини, ўнтача ҳикоясини ўқиганман.

🔥 Ёзаётган, яхши ёзаётган ёзувчимизга узоқ умр, сиҳат-саломатлик, баракали ижод тилаб қоламиз!

☔️☔️☔️
Ёмғир ёғар...
Қулоқларга
    қочиб
      киради
Шитирлаб
Ёмғирда
   ивиб кетган
       бир
        Товуш.

* * *
Ёмғир томчилайди
— кўзёшдек —
Азада
Ёмғирдай ёққан.

* * *
ЁМҒИР

Танасига сиғмай кетди Дард.
Осмон бўм-бўш...
Гуллар нигоҳидан тешилди бағри.

* * *
Туни бўйи тин билмай томда
бир маршни машқ қилади ёмғир.
Билмам, қайга отланар тонгда?

✍ Икром ИСКАНДАР

@Ikrom_Iskandar_ijodi

Тугатдим

Ҳовлимиз