Ҳаж ва Умра фирибгарлигидан огоҳ бўлинг!

Бугунги кунда айрим ёвуз ниятли шахслар муқаддас зиёратни пулли фирибгарликка айлантиришмоқда. Видеодаги ҳолатда одамларнинг Ҳаж ёки Умра сафарига бориш орзуси устидан фойдаланган фирибгарлар фош этилди.

Аслида эса: Ҳаж ва Умра фақат рухсат этилган ва лицензияга эга ташкилотлар орқали амалга оширилади.

✅ Тўловлар расмий ҳужжатлар асосида олинади.

✅ Ҳар бир зиёратчининг исми ва сафар ҳолати махсус тизимда рўйхатга олинади.

📌 Огоҳ бўлинг! Ҳеч қачон номаълум шахсларга ёки норасмий ташкилотларга пул берманг!

Саудия Арабистони Ўзбекистон фуқаролари учун электрон виза олиш имконини ёпиб қўйди

Саудия расмийлари ҳозирча бу борада расман изоҳ бермаган. Бу Ҳаж мавсумида Ҳарам ҳудудига ноқонуний киришларни олдини олиш мақсадида амалга оширилган вақтинчалик чора бўлиши мумкин.

Ўзбекистон фуқаролари учун онлайн сайёҳлик визасини олиш имкони 2023-йил август ойида очилган эди. Кўп марталик ушбу виза йил давомида Умра қилиш ҳамда подшоҳлик бўйлаб саёҳат қилиш имконини беради, нархи тахминан 130 доллар атрофида.

Охиригача кўринг!

Telegram I Facebook I YouTube I Live

Саида Мирзиёева билан ёнма-ён. Миссия.

Telegram I Facebook I YouTube I Live

Андижонда 15 суткали қамоқ отанинг «ақли«ни киритиб қўйди

Суднинг ижро ҳужжатига биноан қарздор А.Х.дан ундирувчи Д.Х.нинг фойдасига 2 нафар фарзанди вояга етгунга қадар алимент ундириш белгиланган.

Ижро ҳаракатлари давомида қарздор томонидан алимент пуллари ўз вақтида тўланмагани сабаб, қарздорлик 42 млн. сўмдан ортиб кетган.

Шунга кўра, қарздор А.Х.га жиноят ишлари бўйича Андижон шаҳар суди томонидан 05.11.2024 йилда 15 сутка маъмурий қамоқ жазоси тайинланган. Шу билан бирга, ундирувчи фойдасига 42,4 млн. сўм ундирилиши белгиланган.

Маъмурий қамоқдан тўғри хулоса чиқарган қарздор ота ундирувчи Д.Х. фойдасига тўланмаган 42,4 млн. сўм алимент қарзини тўлиқ тўлаб берган.

Покистон армиясининг ҳарбий техникаси ва шахсий таркиби колонналари шимолга, Кашмир томонга кўчирилмоқда — ОАВ

Кадрларда Равалпинди шаҳри бўйлаб ҳаракатланаётган колонналар акс этган.

Дубайда пичоқбозлик: 15 ўзбекистонлик қўлга олинди

Ўзбекистонликлар БААда жиноят содир этиши кўпайгани сабабли визасиз режим бекор қилиниши мумкин!

24 апрель куни Дубайда ўзбекистонликлар ўртасида пичоқбозлик содир бўлди. Ташқи ишлар вазирлиги маълумотича, 15 нафар фуқаро ушланган. Тергов ишлари олиб борилмоқда. БАА томони бундай ҳолатлар визасиз режимга салбий таъсир кўрсатиши мумкинлигини билдирган.

ТИВ фуқароларни хорижда ўзини оқилона тутишга чақирди.

Ўзбекистонликлар 9 май муносабати билан неча кун дам олади?

Қуйидаги кунлар дам олиш куни ҳисобланади:

9 май, жума — Хотира ва қадрлаш куни, барча ходимлар учун дам олиш куни;

10 май, шанба — ҳафтасига 6 кун ишлайдиганлар учун иш куни, 5 кунликлар учун одатий дам олиш куни;

11 май, якшанба — барча учун одатий дам олиш куни.

#Расман
❗️Энди янги автотранспортни онлайн рўйхатдан ўтказиш мумкин

Бугундан my.gov.uz орқали автомобилни рўйхатдан ўтказиш учун онлайн ариза бериш имкони синов тариқасида йўлга қўйилди.

Ҳозирча фақат Тошкент шаҳридаги "Файзобод" РЎ ва ИО бўлимида синовдан ўтказилмоқда. Муваффақиятли бўлса, бошқа ҳудудларда ҳам жорий этилади.

Ариза беришда икки усулдан бири танланади:
➖ РЎ ва ИО бўлимига бориш орқали;
➖ Сайёр хизмат — ЙҲХХ ходими уйингизга келади (қўшимча тўлов асосида).
➖ Тўловлар (БҲМ асосида):
➖ Рўйхатдан ўтказиш: 6.84 баробар;
➖ Давлат рақами: 3.5 баробар;
➖ Техпаспорт: 0.7 баробар;
➖ Техник кўрик: 0.1 баробар.
➖ Сайёр хизмат (10 км.гача):
1 кунда: 4 баробар;
3 кунда: 3 баробар;
5 кунда: 2 баробар;
10 км.дан ортиқ — ҳар км. учун 0.05 баробар қўшилади.

Ариза бергандан сўнг, тўлов қилинса, Файзобод РЎ ва ИОга бориб, белгиланган рақамни айтасиз, кўрик ўтказилади ва сизга рақам ҳамда техпаспорт берилади.

Марказий банк асосий ставкани йиллик 14 фоиз даражасида ўзгаришсиз қолдирди.

Гулнора Исламовна Каримова қамоқдан чиққани ҳақида жиддий манбалар хабар бермоқда.

Тошкентдаги ҳаваскор футбол ўйинларидан бири оммавий жанжал билан якунланди

Шавкат Мирзиёевнинг таклифига биноан Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов 23-24 апрель кунлари ташриф билан Самарқанд шаҳрида бўлади.

Тошкентдаги Ўзбекистон овози кўчасининг бир қисми 30 майгача ёпилади

Ушбу кўчанинг Яҳё Ғуломов кўчаси билан кесишмасидан Шаҳрисабз кўчасигача қисми 24 апрель соат 7:00 дан бошлаб 30 майгача ёпилади.

Трамп Украина бўйича тинчлик режаси тафсилотларини очиқлади

New York Post нашрига кўра, Трамп уч кундан кейин тинчлик режасини тақдим этишга тайёр. Украина Россияга ҳудудининг 20 фоизини «де-факто» бериши мумкин.

Режа лойиҳасида ўт очишни тўхтатишни назорат қилиш учун халқаро тинчликпарвар кучларни жойлаштириш кўзда тутилган. Мониторинг нейтрал давлат вакилларидан иборат қўшма комиссия томонидан амалга оширилади.

Тирбандликларга қарши курашнинг самарали усули

Хитой кўчаларида сунъий интеллект бошқарадиган мослама йўлни қайси томонида автомобиль кўп бўлса ўша томонни катталаштириб туради.

Фарғонада ҳайдовчи машина капотида аёлни судраб кетди

Фарғона шаҳридаги Алишер Навоий ва Амир Темур кўчалари кесишмасида Nexia-3 ва Lacetti русумли автомобиллар иштирокида йўл-транспорт ҳодисаси содир бўлган.

Шу пайтда Lacetti ҳайдовчиси бўлган аёл Nexia-2 ни тўхтатиш мақсадида унинг олд капотига осилиб олган.

Ҳозирда Фарғона шаҳар прокуратураси томонидан ушбу ҳолат юзасидан Жиноят кодекси бўйича жиноят иши қўзғатилиб, тергов ишлари олиб борилмоқда.

Қатор мансабдорлар пора билан ушланди

ДХХ ва Бош прокуратура ҳамкорлигида ўтказилган тадбирларда қуйидаги ҳолатлар аниқланди:
➖ Тошкентдаги туман ММТБ раҳбари ўқитувчини мактаб директори қилиб тайинлаш эвазига $3000 олган ҳолда ушланди;
➖ “Янгийўл” божхона инспектори Қозоғистондан келаётган буғдой маҳсулотларини муаммосиз расмийлаштириш учун $2700 пора олган;
➖ Жомбой тумани ФВБ бошлиғи хусусий боғча очишга рухсат бериш учун $200 олган;
➖ Пахтачи тумани Экология бўлими бошлиғи карьер фаолиятига рухсат бериш эвазига $2000 пора олган.

Барча ҳолатлар бўйича Жиноят кодексининг 210-моддаси асосида жиноят иши қўзғатилиб, гумондорларга қамоқ эҳтиёт чораси қўлланди. Тергов ишлари давом этмоқда.

Низомий номидаги Тошкент давлат педагогика университети эндиликда Ўзбекистон миллий педагогика университети деб номланади

"Тошкент давлат педагогика университетини трансформация қилиб, Ўзбекистон миллий педагогика университетини ташкил этиш, келажак педагоглари лойиҳасини амалга ошириш режалаштирилмоқда. Университет барча ҳудудлардаги педагогика институтлари учун таянч олийгоҳ бўлади." - Президент

Элёрбек Раҳматиллаевич Каримов Андижон шаҳар ҳокими лавозимига тайинланди.

У тайинловгача Избоскан тумани ҳокими сифатида ишлаб келган.

@effectuz_live

Фарғонада тушида хиёнат қилган аёлини пичоқлаб ўлдирган эркакка суд ҳукми ўқилди

@effectuz_live

Товар-хомашё биржасига янги бошқарув раиси тайинланди

Акциядорлик жамияти кузатув кенгаши қарорига асосан Асадулла Қаюмов Ўзбекистон республика товар-хомашё биржаси бошқарув раиси лавозимига тайинланди.

@effectuz_live

Энергия самарадорлиги миллий агентлигига директор тайинланди

Бадриддинов Зиёвиддин Боситович Вазирлар Маҳкамаси ҳузуридаги Энергия самарадорлиги миллий агентлиги директори этиб тайинланди.

Бунга қадар у 2019 йилдан буён “Ўзбекистон республика товар-хом ашё биржаси” АЖ бошқарув раиси лавозимида ишлаган.

@effectuz_live

Вазирлар Маҳкамаси қарори билан 1 майдан мамлакатга олиб кириладиган товарларни божсиз олиб киришнинг янги нормалари белгиланди:

• ҳаво транспортида - 1000 доллар (амалда 2000 доллар);
• темир йўл ва дарё транспортида - 500 доллар (амалда 1000 доллар);
• автомобиль (пиёда) ўтказиш пунктлари орқали - 300 доллар;
• халқаро курерлик жўнатмалари орқали - 200 доллар (бир чоракда 1000 доллар);
• халқаро почта жўнатмалари орқали - 100 доллар (ўзгармаган).


@effectuz_live

1 июндан хорижий давлатлар фуқаролари ва фуқаролиги бўлмаган шахсларга 200 минг АҚШ доллари ҳамда уларнинг ҳар бир оила аъзосига (турмуш ўртоғи, фарзанди ва ота-онаси) 100 минг АҚШ доллари миқдоридаги тўловлар эвазига Ўзбекистонда яшаш гувоҳномаси 5-йил муддатга соддалаштирилган тартибда берилади.

@effectuz_live

Айрим тадбиркорларга солиқ маъмурчилигида енгилликлар берилади

Фармонга кўра, 2025 йил 1 октябрдан Ўзбекистон ҳудудига олиб кириладиган хушбўйлаштирувчи ёки ранг берувчи қўшимчаларсиз оқ шакарга нисбатан акциз солиғи бекор қилинади.

20 ва ундан ортиқ ишчиси мавжуд бўлган юридик шахсларга мол-мулк ва ер солиқлари ҳамда ижара тўловлари бўйича ҳисобланган солиқ суммаларини 2025 йил 15 июлда ва 1 декабрда бўлиб-бўлиб тўланишига рухсат берилади.

Шунингдек, президент фармонига мувофиқ, умумий овқатланиш хизматларини кўрсатувчи тадбиркорларга тўланган ҚҚСнинг бир қисмини қайтаришда ушбу фаолиятдан олинган даромад товарларни (хизматларни) реализация қилишдан олинган жами даромаднинг камида 80 фоизини ташкил этиши зарурлиги белгиланди.

Бундан ташқари, саноат корхоналарининг автоматик мониторинг станцияси, чанг-газ тозалаш ускунаси, локал сув тозалаш иншооти ва стационар кузатув пости билан жиҳозлаш мажбурияти муддати қуйидагича узайтирилди:

🔸I тоифадаги корхоналар учун – 2026 йил 1 январгача;

🔸II тоифадаги корхоналар учун – 2026 йил 1 июлгача.

2025 йил 1 июндан хорижий давлатлар фуқаролари ва фуқаролиги бўлмаган шахсларга 200 минг АҚШ доллари ҳамда уларнинг ҳар бир оила аъзосига (турмуш ўртоғи, фарзанди ва ота-онаси) 100 минг АҚШ доллари миқдоридаги тўловлар эвазига Ўзбекистонда яшаш гувоҳномаси 5 йил муддатга соддалаштирилган тартибда берилади.

@effectuz_live

Айрим тартиб-таомилларга мажбурий амал қилиш 2025 йил якунигача талаб қилинмайди

Фармонга кўра, озиқ-овқат маҳсулотлари хавфсизлиги назорати бўйича ваколатли орган вазифалари Cанитария-эпидемиологик осойишталик ва жамоат саломатлиги қўмитаси томонидан амалга оширилади. Бунда:

▪️2025 йил 1 августдан озиқ-овқат маҳсулотлари учун
техник регламентлар ва стандартлар мажбурийлиги бекор қилинади ҳамда Қўмита томонидан ишлаб чиқилган санитария қоидалари, нормалари ва гигиена нормативлари дахлдор вазирлик ва идоралар билан келишилгандан сўнг тўғридан-тўғри амал қилади.

Санитар, фитосанитар ва ветеринария назорати соҳасидаги қуйидаги тартиб-таомилларга мажбурий амал қилиш 2025 йил якунигача талаб қилинмайди, жумладан:

▪️маҳаллий ва импорт озиқ-овқат маҳсулотлари учун санитария ва эпидемиология хизматларининг лабораториялари натижаларига асосан санитария-эпидемиологик хулоса олиш орқали сертификатлаш;

▪️барча турдаги озиқ-овқат маҳсулотлари, шу жумладан, болалар овқатлари, терапевтик ва профилактик овқатланиш учун парҳез озиқ-овқат маҳсулотлари, озиқ-овқат қўшимчалари, биологик фаол озиқ-овқат қўшимчалари ва янги рецептлар ёки янги технология асосида яратилган озиқ-овқат маҳсулотлари учун барча техник ҳужжатларни Соғлиқни сақлаш вазирлиги билан келишиш ва тасдиқлаш;

▪️ўсимлик маҳсулотлари, мато, ипак, чарм, ўйинчоқлар, спорт инвентари ва бошқалар учун ветеринария сертификатини олиш.

@effectuz_live

Ички бозорда рақобат муҳити ривожлантирилади

“Ишлаб чиқариш, экспорт ва тадбиркорлик фаолиятини рағбатлантириш, савдо ва саноат сиёсати самарадорлигини ошириш чора-тадбирлари тўғрисида” президент фармони қабул қилинди.

Фармонга кўра, ички бозорда рақобат муҳитини ривожлантириш соҳасида қуйидагилар белгиланди, жумладан:

🔸олиб кирилаётган товарларнинг божхона қийматини аниқлаш тартиби 1994 йилдаги Тарифлар ва савдо бўйича Генерал келишув (GATT) ва 1994 йилдаги мазкур келишувнинг VII-моддасини қўллаш тўғрисидаги Келишувда белгиланган умумий тамойил ва қоидаларга тўлиқ мувофиқ келтирилади;

🔸товарларнинг божхона қийматини аниқлашда имтиёзлар ёки махсус божхона расмийлаштируви тартиблари, жумладан, муайян аниқлаш усулларини қўллашга йўл қўйилмайди.

Шунингдек, хавф даражаси юқори бўлган маҳсулотларни мажбурий давлат рўйхатидан ўтказиш тартиби бекор қилиниб, уларга мувофиқлик тўғрисидаги декларация расмийлаштириш тартиби жорий этилади.

2025 йил 1 майдан бошлаб мувофиқлик декларациясини сертификатлаштириш органларида рўйхатдан ўтказиш тартиби бекор қилинади ҳамда уларни шакллантириш ва ҳисобга олиш Техник тартибга солиш ахборот тизими (ТРИС) орқали амалга оширилади.

@effectuz_live

Effect plus энди Шофирконда!

Бухоро вилояти Шофиркон туманидаги ислоҳотлар, мактаб ўқувчилари ютуқлари ҳамда туман ҳокимлигининг йиллик дастурлари Effect.uzʼнинг Effect plus лойиҳасида.

Барчасини тез орада томоша қиласиз. Биз билан қолинг ва биздан узоқлашманг.

Telegram I Facebook I YouTube I Live

Маҳаллий ишлаб чиқарувчиларни қўллаб-қувватлаш чора-тадбирлари белгиланди.

«Қозоқлар 10 йилдан кейин Ўзбекистонга стройкага боради»

Қозоғистонлик тадбиркор Мирас Эрназар айни вақтда Ўзбекистонда йирик брендлар фаолияти йўлга қўйилаётганини айтиб, бу бир неча йилдан кейин иқтисодий учун катта фойда бўлишини таъкидлади.

У, шунингдек, Қозоғистонга хонанда Дженнифер Лопес келаётгани ҳукумат даражасида мақталиб, жуда кўкларга кўтарилаётгани, аммо бу халққа ҳеч қандай фойда бермаслигини қўшимча қилибди.

Сирдарёда ҳокимлик масъул ходими 30 минг доллар, Тошкентда банк бўлими бошлиқлари 85 минг доллар олаётганида қўлга тушди

Хоразм, Андижон ва Фарғона вилоятларида ҳам ер майдонлари билан боғлиқ ноқонуний ҳолатлар аниқланиб, жиноят ишлари қўзғатилди.

Саида Мирзиёева билан 6 кун

«Йўл узоқ давом этмайдими?» – Абдураҳмон Ташанов «муқаддас одамлар» ҳақида…

Ҳуқуқ фаоли Абдураҳмон Ташанов Effect.uz ва Судьялар олий кенгаши ўртасида бўлиб ўтаётган суд жараёнига эътибор қаратиб, қисқа фикрини билдирди.

«Ўзимиз билан ўзимиз судлашдик. Даъвогар қани, судга келмайдими?»

Адвокат Зебо Комилова Effect.uz ва Судьялар олий кенгаши ўртасидаги суд ишида иштирок этиб, «ўзимиз билан ўзимиз судьялашяпмиз, даъвогар қаерда, келмайдими?», дея масъулларга савол берди.

«Катта лейтенатнинг ҳатти-ҳаракатларида жиноят аломати бор. Суд эса холис ўтмади» – адвокат Жавлон Тошмуродов Effect.uz иши ҳақида

Судда Effect.uz директори Акмал Эшонхоновни ҳимоялаган адвокат Жавлон Тошмуродов Мирзо Улуғбек тумани ИИО ФМБ ҲПБ АТСЖООБ инспектори катта лейтенант Жамшид Нарзуллаев томонидан юритилган маъмурий иш тўғрисидаги баённома қонуний кучга эга эмаслигини билдирди.

Адвокатга кўра, маъмурий баённомага Акмал Эшонхоновнинг ўзи имзо чекмаган ёки планшетга бармоқ босмаган бўлсада инспекторни ҳужжатни сохталаштирилиб, судга тақдим этган. Суд эса А.Эшонхоновни ҳуқуқбузар деб топиб, 11 млн 250 минг сўм жаримага тортган.

14 апрель куни бўлиб ўтган суд мажлисида баённома тузилгани ҳақида ҳеч кимнинг хабари йўқ эди, аммо Мирзо Улуғбек туман суди судьяси Жаҳонгир Саидов 16 апрелдаги судда уни суд иштирокчиларига кўрсатган ва бу баённома аввалдан иш ҳужжатларида мавжуд эканлигини айтиб уни кўрсатган.

Ваҳоланки, агар ҳужжат аввалдан бўлганида, у билан А.Эшонхонов ва унинг адвокати таништирилган бўлиши керак эди. Шу сабабдан судда адвокатлар мазкур баённомага шубҳа билдириб, ишни қайта кўриш учун тегишли органга қайтаришни сўраган. Аммо судья ноқонуний баённома бўйича киритилган илтимосномани асоссиз рад этган. Қўшимчасига судда давогар Судьялар олий кенгаши раиси.

«Суд ваколатидан фойдаланишни лозим топмади» – адвокат Effect.uz директорига нисбатан юритилган маъмурий баённома сохталаштирилганига муносабат билдирди

Президентнинг Андижонга ташрифи: Янги Ўзбекистон нафаси ҳар бир маҳалла, ҳар бир хонадонга кириб бормоқда, халқимизни баланд-баланд марраларга ундамоқда.

Россияда ижарага берилган квартирадан тўрт нафар ўзбекистонликнинг жасади топилди

Воқеа Калининградда содир бўлган. Дастлабки тахминларга кўра, уларнинг ўлимига ис газидан заҳарланиш сабаб бўлган.

Президент Андижондаги ҳудудий ижтимоий хизмат марказида бўлди

Telegram I Facebook I YouTube I Live

"Андижон музқаймоқ" лари нега канализацияга тўкилди?

Тошкент шаҳрида «Андижон музқаймоқ»ларига рейд уюштирилиб, улар канализация қудуқларига тўкиб ташланибди

Нега айнан канализация қудуқларига ташланганига эса аниқлик киритилмаган.

Telegram I Facebook I YouTube I Live

«Журналист, блогерлар гапирмаса, ёзмаса нимага керак. Фақат қарсак чалиш учунми? Бу фикрлаш эркинлигини чеклаш ва шармандалик. «Адолат опа» ўлди» – Жаҳонгир Тўлаганов, Абдураҳмон Ташанов

Тиббиётдаги яширин иқтисодиёт: Гулистондаги хусусий клиникаларда олий тоифали шифокорларнинг меҳнати ҳақиқатан ҳам беш юз минг сўмга баҳоланадими?

Тошкент шаҳар судида ҳарбий қисм хизматчиларининг апелляция шикояти қаноатлантирилди

Тошкент шаҳар суди иқтисодий ишлар бўйича судлов ҳайъати апелляция инстанциясининг 2025 йил 14 мартдаги қарори билан ҳарбий қисмнинг апелляция шикояти қаноатлантирилиб, биринчи инстанция судининг ҳал қилув қарори бекор қилинган ва даъвогарнинг даъво аризасини қаноатлантиришни рад этиш ҳақида янги қарор қабул қилинган. Мазкур қарор 2025 йил 8 апрель куни тафтиш инстанциясида ўзгаришсиз қолдирилган.

Ҳарбий қисм хизматчилари ва уларнинг оила аъзолари Тошкент шаҳар суди иқтисодий ишлар бўйича судлов ҳайъати судьяларига миннатдорлигини билдиришган.

Президент Шавкат Мирзиёев раислигида Андижон вилоятини комплекс ривожлантириш масалалари муҳокама қилинди

Шавкат Мирзиёев Андижондаги таъзияда қатнашди

Президент Булоқбоши туманида йиғилиш ўтказганидан сўнг йўлда кета туриб, таъзияли хонадонга кўзи тушди.

Бу хонадонда оиланинг табаррук онахони – Мамлакатхон ая Давронованинг вафот этгани муносабати билан маросим бўлаётган эди.

Давлат раҳбари таъзияда қатнашиб, хонадон эгаларидан кўнгил сўради, чуқур ҳамдардлигини билдириб, сабр-тоқат ва бардош тилади.

Очиқлик учун курашиш вақти келди?

Сўнгги кунларда жамоат фаоллари, журналист ва блогерларнинг ёзган мақола, видеолавҳалари учун судга бериш ҳолатлари кўп кузатилмоқда.

Хусусан, ҳуқуқ фаоли Абдураҳмон Ташанов, Uzdiplomat.uz мухбири Анора Содиқова, Demokrat.uz раҳбари Фазлиддин Меҳмонов, собиқ депутат Жаҳонгир Тўлаганов, хусусан Effect.uz директори Акмал Эшонхоновнинг ишлари айни кунларда судда кўрилмоқда.

Ачинарлиси, аризачилар давлат ташкилотларида ишлайдиган мансабдорлар. Бу ҳолатлар жамоатчиликда салбий фикрларни келтириб чиқармоқда. Шу бўйича Effect.uz офисида Жаҳонгир Тўлаганов, Отабек Ҳамидов ва Акмал Эшонхонов иштирокида жонли эфирда саволларга жавоб берилди.

Telegram I Facebook I YouTube I Live

Президент Андижондаги халқ сайлида иштирок этиб, одамлар билан мулоқот қилди

Telegram I Facebook I YouTube I Live

⚡️Очиқлик ёпиляптими? LIVE

Сўнгги кунларда жамоат фаоллари, журналист ва блогерларнинг ёзган мақола, видеолавҳалари учун судга бериш ҳолатлари кўп кузатилмоқда.

Хусусан, ҳуқуқ фаоли Абдураҳмон Ташанов, Uzdiplomat.uz мухбири Анора Содиқова, Demokrat.uz раҳбари Фазлиддин Меҳмонов, собиқ депутат Жаҳонгир Тўлаганов, Effect.uz директори Акмал Эшонхоновнинг ишлари айни кунларда судда кўрилмоқда.

Ачинарлиси, аризачилар давлат ташкилотларида ишлайдиган мансабдорлар. Бу ҳолатлар жамоатчиликда салбий фикрларни келтириб чиқармоқда. Шу бўйича Effect.uz офисида Жаҳонгир Тўлаганов, Отабек Ҳамидов ва Акмал Эшонхонов иштирокида жонли эфир бошланмоқда.

👉Жонли эфирни бу ерда томоша қилишингиз мумкин.

Telegram I Facebook I YouTube I Live

Янги Андижон шаҳарчаси Бобур шаҳри деб номланади.

Президент Андижон ҳудудий саноат ярмаркасига ташриф буюриб, вилоятда ишлаб чиқарилаётган маҳсулотлар билан танишди.

Президент Андижон вилоятида 2025 йилда эришилиши режалаштирилган асосий мақсадларга оид тақдимот билан танишди

Президент Шавкат Мирзиёев Андижон вилоятида 2025 йилда эришилиши режалаштирилган асосий мақсадларга оид тақдимот билан танишди.

Томорқачи аёллардан бошлаб вилоят ҳокими ўринбосаригача EFFECT PLUS бухоролик фаол аёллар ҳақида…

EFFECT.UZʼнинг EFFECT PLUS лойиҳаси ижодкорлари Бухоро вилоятидан кўрсатишда давом этади.

Президент Андижонда замонавий тўқимачилик корхонаси фаолияти билан танишди

Ҳайдовчиларга ЙПХ ходими бўлмаса ҳам пиёдаларга йўл бериш кераклиги эслатилди

Йўл ҳаракати хавфсизлиги хизмати томонидан эксперимент ўтказилди. Бунда ҳайдовчилар пиёдаларга йўл бериш ёки бермаслиги текширилди. ЙПХ ходими йўқлигида ҳайдовчиларнинг кўпчилиги қоидага риоя қилмасдан, пиёдаларга йўл беришмаган.

Президентга модернизация қилинаётган Андижон халқаро аэропортининг имкониятлари ҳақида ахборот берилди

Президент Шавкат Мирзиёев 15 апрель куни Андижон вилоятига ташриф буюради

Ташриф давомида янги корхоналар фаолияти, саноат, энергетика, шаҳарсозлик ва бошқа соҳаларда амалга оширилаётган ишлар билан танишиш, жойлардаги қурилиш ва бунёдкорликни кўздан кечириш режалаштирилган.

Шунингдек, давлат раҳбари ҳудудни комплекс ривожлантириш бўйича устувор вазифалар юзасидан йиғилиш ўтказади.

АҚШда иқтисодий муаммолар, Россияда импорт тақиқлари кучайди…

01:01 2 ойда қиймати 1,8 млн АҚШ долларлик қалампир экспорт қилинди

01:38 Кўкдалада тарвуз ҳосили барвақт пишиб етилмоқда

02:11 Вазир Навоий ва Бухоро вилоятларига ташриф буюрди

02:59 Венгрия университети билан янги ҳамкорлик алоқалари йўлга қўйилади

03:32 Озиқ-овқат хавфсизлиги ва агрологистика йўналишидаги ҳамкорлик истиқболлари муҳокама қилинди

04:01 Лимончиликка қўллаб-қувватлаш чоралари белгиланди

04:57 Қишлоқ хўжалигида барқарор тараққиёт сари янги қадам

05:35 Кўргазмали семинар ташкил этилди

06:23 Аграр соҳадаги муаммоларни ҳал этишда янги халқаро ҳамкорлик алоқалари йўлга қўйилди

06:43 Ўзбекистон ва Япония: манфаатли шериклик сари

07:15 Мева-сабзавот экспортчиларига солиқ имтиёзлари белгиланди

08:10 АҚШда тухум нархи рекорд даражага етди

08:42 Органик маҳсулотлар бозорининг ҳажми 2032 йилга келиб 22,7 миллиард долларга етади

09:23 Латвия Россия ва Беларусьдан агромаҳсулотлар импортига қўйилган тақиқни яна узайтирди.

«Ердан тўғри фойдалансак, ер бизни боқади» – Навоий шаҳар ҳокими Дилмурод Эргашев

Озиқ-овқат маҳсулотларини бозордаги нархини камайтиришимиз керак. Уйимиздаги огородга ўзимизга ярашасини экиб олсак, бозордан сотиб олмаймиз-ку. Ердан тўғри фойдалансак, ер бизни боқади, дейди Навоий шаҳар ҳокими Дилмурод Эргашев.

Бу Президентнинг очиқлик сиёсатига мутлақо зид – EFFECT.UZ Судьялар олий кенгаши билан судлашяпти…

Effect.uz’да судьялар фаолиятига оид танқидий материаллар эълон қилингач, Судьялар олий кенгаши раиси Холмўмин Ёдгоров тақдимномасига асосан, Effect.uz раҳбари Акмал Эшонхоновга нисбатан маъмурий иш қўзғатилиб, тўпланган ҳужжатлар судга оширилган. Иш 14 апрель куни жиноят ишлари бўйича Мирзо Улуғбек тумани судида судья Жаҳонгир Саидов томонидан кўриб чиқилди.


Судья суд мажлисини очиқ деб эълон қилган, аммо жараёндан фото, видео олиш ҳамда аудио ёзиб олиш тақиқланди. Адвокатлар томонидан илтимоснома киритилмасидан олдин бундай қарорга келингани судланувчи ҳимоячиларида судьянинг мазкур ишни холис кўриб чиқишига шубҳа уйғотди ҳамда улар судьяни алмаштириш бўйича раддия берди. Бироқ судья адвокатларнинг раддиясини асоссиз равишда рад этган.

Суд мажлисида Акмал Эшонхоновнинг кўрсатмалари тингланган. У нашрда чиққан икки мақолани ўзи ёзмагани, унинг судга берилиши Президентнинг очиқлик сиёсатига зид эканини, муаллиф кимлигини ошкор қилолмаслигини айтган. Суд ишга оид ҳужжатлар етарли эмаслиги сабабли 16 апрелгача танаффус эълон қилди.

Геология музейи қайтадан, янги бинода очилди

Кечаги Тожикистонда юз берган 6 магнитудали зилзила оқибатлари

Зилзила оқибатида 100 га яқин уй вайрон бўлган.

Тошкентдаги подстанцияда ёнғин содир бўлди

12-13 апрель кунлари Тошкент шаҳрида кенг кўламли ҳашар ўтказилади

Бунда кўп қаватли уйлар атрофи ва жамоат ҳудудларини тозалаш, ободонлаштириш ҳамда яшил майдонларни кўпайтириш кўзда тутилмоқда.

“Пойтахтнинг барча туманларида тартиб ўрнатилиб, дарахтлар экилади, ҳовлилар безатилади. Бу — севимли шаҳримиз ободлиги ва поклигига қўшган умумий ҳиссамиздир”, деб хабар берди Тошкент шаҳар ҳокимлиги.

Транспорт воситаларини пиёдалар йўлакларидан юргизганлик учун жавобгарлик белгиланди

Қонунчиликда қуйидагилар билан боғлиқ ҳуқуқбузарликлар учун маъмурий жавобгарлик белгиланмоқда:

➖ ҳайдовчиларнинг транспорт воситаларини тротуарлардан, пиёдалар ва велосипед йўлкаларидан ҳамда уларга туташ ҳудудларда барпо этилган яшил майдонлардан юргизганлиги;

➖ йўл ҳаракати иштирокчиларининг ҳаракатига тўсқинлик қилувчи ноқонуний тўсиқлар ва бошқа қурилмалар ўрнатилишганлиги;

➖ йўналишли транспорт воситалари учун алоҳида ажратилган тасмаси бор йўлдан транспорт воситалари ҳаракатланганлиги. Бу БҲМнинг 1 баравари миқдорида жарима солишга, агар ҳуқуқбузарлик 1 йил давомида такрор содир этилса, БҲМнинг 3 баравари миқдорида жарима солишга сабаб бўлиши белгиланди.

Бандлик вазирлигининг Андижон шаҳар бўлими масъули ишхонасида психотроп модда истеъмол қилгани айтилмоқда

Камбағалликни қисқартириш ва бандлик вазирлигининг Андижон вилояти бошқармаси ахборот хизмати расмдаги шахс бошқарманинг Андижон шаҳар бўлими бошлиғи эканини тасдиқлади.

Электр учун арзонроқ меъёр жорий этилди

Ҳукумат қарорига кўра, ёқилғи-энергетика ресурслари нархларининг ошиши муддати 1 апрелдан 1 майга кўчирилди

Шунингдек, 201 кВт·соатдан 1000 кВт·соатгача бўлган дифференциаллашган тариф бўйича истеъмол миқдори орасига янги миқдор киритилди. Яъни 2025-йил 1-майдан истеъмолчилар 201 кВт·соатдан 500 кВт·соатгача бўлган янги миқдор оралиғида ҳар бир киловатт·соат учун 800 сўмдан тўлайди. Аввалги тартибга кўра, 201 кВт·соатдан 1000 кВт·соатгача бўлган қисми учун 900 сўмдан ҳақ тўланган.

Бундан ташқари, 2026 йил 1 январдан электр энергияси ва табиий газ нархлари ҳар йили 1-майдан бир маротаба йиллик инфляция даражасидан келиб чиққан ҳолда 10 фоиздан юқори бўлмаган миқдорда индексация қилиб борилади.

Клуб томи қулаши туфайли Доминиканда 90 га яқин киши ҳалок бўлди

Санто-Домингодаги тунги клубнинг томи концерт вақтида қулаб тушди. Ўша пайтда бинода бўлганларнинг аниқ сони номаълум. Камида 89 киши ҳалок бўлди, 155 киши яраланди. Йўқолганларни қидириш давом этмоқда.

Навоийда маданият ва санъат…

EFFECT.UZ ахборот агентлигининг «EFFECT PLUS» лойиҳаси доирасида Навоий вилоятининг эътиборга молик ҳудудлари, давлат органи ходимларининг фаолиятлари ҳамда вилоятдаги ижобий ўзгаришлар ёритилмоқда.

Шу муносабат билан бу сафарги қисқа видеороликда Навоийнинг маданият ва санъат соҳасидаги амалий ишлар ҳамда қурилиш ишлари билан танишасиз.

Айни кунларда EFFECT.UZ ходимлари Навоий вилоятида бўлиб туришибди ва тез орада янги ҳужжатли фильмнинг премьераси эълон қилинади.

«Оиламиз билан оғир аҳволга тушиб қолган эдик» – судда адолат тикланди

Тошкент шаҳар суди фуқаролик ишлари бўйича судлов ҳайъатининг апелляция инстанцияси суди томонидан фуқаролик ишлари бўйича Яккасарой туманлараро судининг 2024 йил 8 октябрдаги ҳал қилув қарори бекор қилиниб, янги ҳал қилув қарори қабул қилинди. Унга кўра, даъвогар Ю.С.нинг жавобгарлар Р.У, Р.Г, Т.О, А.У, Х.З.га нисбатан уй-жойдан мажбурий кўчириш ҳақидаги даъво аризасини қаноатлантириш рад қилинган.

Аввал бир энди эса икки челак сув ишлатяпмиз – иқлимшунос мутахассис иқлим ўзгаришидаги хавф ортиб бораётгани ҳақида

Иқлимшунос, Гидрометеорология илмий-тадқиқот институти ммалий иқлимшунослик лабораторияси мудири Эркин Абдулаҳатов Самарқандда ўтказилаётган саммитдан сўнг Effect.uz'га интервью бериб, иқлим ўзгариши билан боғлиқ хавфлар ҳақида гапирди.

Интервьюнинг тўлиқ формати тез орада эълон қилинади...

Ҳар қандай шубҳали хабарларни ўзингиз қайта текширинг – Тошкент шаҳар ИИББ огоҳлантиради

My.Sud.uz сайти фаолиятида узилишлар кузатилмоқда. Олий суд бу модернизация ишлари билан боғлиқ эканлигини маълум қилди

Олий суднинг маълумотларни қайта ишлаш марказида электр энергияси таъминоти билан боғлиқ модернизация ишлари олиб борилаётганлиги сабаб судлар фаолиятига жорий этилган ахборот тизимларининг ишлашида узилишлар кузатилади.

Олий суд ахборот хизмати

Ҳолат бўйича жиноят иши қўзғатилди – ЙҲХХ

Кеча, 5 апрель куни соат 16:55 ларда Миробод тумани "Нукус – А. Қаҳҳор" кўчалари кесишган чорраҳада ҳайдовчи С.М. давлат рақам белгилари ўзбошимчалик билан ечилган, махсус антенна ва "сирена" мосламаси ўрнатилган "Malibu-2" русумли автомобилда катта тезликда ҳаракатланиб, ўзи ва ўзгаларнинг ҳаётини хавф остига қўйган.
Шунингдек, ҳайдовчи бир неча маротаба ЙПХ ходимларининг тўхташ ишораларига бўйсунмасдан ҳаракатни давом эттирган. У кичик сержант А.Ҳ. яқинлашаётганини кўриб турса-да, тўхтамай уни автомобили билан туртиб юбориб, Нукус кўчаси бўйлаб капот устида судраб кетган.

ЙПХ ходими тан жароҳати олганлиги сабабли шифокорлар томонидан биринчи тез тиббий ёрдам кўрсатилган. Ҳолат юзасидан Миробод тумани прокуратураси томонидан ЖКнинг 219-моддаси билан жиноий иш кўзғатилиб, ҳозирда дастлабки тергов ҳаракатлари олиб борилмоқда.

Ўзбекистон ва Жаҳон банки минтақадаги табиатни тиклашга киришди

Самарқанддаги халқаро иқлим форуми доирасида муҳим янгилик эълон қилинди — Эковазирлик ва Ўрмон хўжалиги агентлиги Жаҳон банки билан ҳамкорликда «Ўзбекистонда барқарор ландшафтларни тиклаш» лойиҳасини бошлади.

Лойиҳа доирасида Жаҳон банки томонидан 153 миллион доллар ажратилади. Бу маблағ Ўзбекистонда деградацияга учраган ерлар ва ўрмонларни тиклашга йўналтирилади.

Аслида бу фақатгина бизнинг мамлакат билан чекланмайди. Лойиҳа Марказий Осиёнинг бешта мамлакатида амалга ошириладиган катта минтақавий дастурнинг бир қисми бўлиб, мақсад — табиатга етказилган зарарларни бартараф этиш.

Хоразмда йўл муаммоси: Ачинарли ҳолатга ачинмаётган раҳбарлар қачон уйқудан уйғонади?

Солиқ кешбеки 2 фоиз этиб белгиланиши мумкин

Иқтисодиёт ва молия вазирлиги Солиқ қўмитаси билан биргаликда оширилган кешбекнинг бизнесни қонунийлаштиришдаги эҳтимолий таъсирини таҳлил қилмоқда.

Таҳлил натижаларидан келиб чиққан ҳолда солиқ кешбекини ҳозирги 1 фоиздан 2 фоизга оширишга тайёрлиги маълум қилинди.

Маълумот учун, 2024-йилда ўзбекистонликларга 1 трлн сўмдан ортиқ кешбек тўланган.

Ишсиз фуқароларга ҳоким ёрдамчиси тавсияси билан субсидия ажратиш бошланади

Эртадан онлайн маҳалла платформасида ишсиз фуқаролар ўз тадбиркорлик фаолиятини бошлашига зарур асбоб-ускуна ҳариди учун субсидия ва ссудага ариза бериш имконияти яратилади.

Маълумот учун,
субсидия - қайтариб бермаслик шарти билан бериладиган фоизсиз молиявий кўмак.
ссуда - қайтариб бериш шарти билан бериладиган фоизсиз молиявий кўмак.

Мянмадаги зилзила қурбонлари сони 3000 нафардан ошди — Хитой Марказий телевидениеси (CCTV).

Жиззахда ички ишлар ходими 86 ёшли онахонга куч ишлатгани айтилди

2027 йилдан бошлаб санъаткорлардан даромад солиғи мажбурий ундирилади

“Санъаткорларга 2025 ва 2026 йилларда даромадлар декларациясини тўғрилаб, топшириш бўйича имконият берамиз. 2027 йил 1 январдан бошлаб агар улар ўз даромадларини тўлиқ кўрсатмаса ёки солиқлардан қочса, биз солиқ назорати текширувлари ўтказиб, солиқларни ҳисоблаймиз ва ундирамиз”,  — Солиқ қўмитаси раиси биринчи ўринбосари Мубин Мирзаев.

❗️2025 йил 1 апрелдан даромадидан қатъи назар, фармацевтика маҳсулотлари савдоси билан шуғулланувчи ёки тиббий хизмат кўрсатувчи юридик шахслар ҚҚСни тўловчилар деб эътироф этилади.

Эндиликда ёнғин, сув, зилзила ва бошқа табиий офатлардан зарар кўрган аҳолига 56 250 000 сўмгача моддий ёрдам кўрсатилади

2025 йил 1 апрелдан бошлаб ёнғин, сув тошқини, зилзила ва бошқа техноген ҳодисалар оқибатида зарар кўрган оилаларга уй-жойларини тиклаш ва таъмирлаш харажатларини қоплаш учун “Саховат ва кўмак” жамғармаси орқали БҲМнинг 150 бараваригача бўлган миқдорда ёрдам кўрсатилади.

Хўжандда Ўзбекистон, Тожикистон ва Қирғизистон дўстлигини тараннум этувчи концерт бўлиб ўтди.

LG, Samsung ва Hyundai Россияга қайтиш имкониятини ўрганмоқда

The Korea Times нашрининг хабар беришича, LG ўзининг Москва яқинидаги заводида ишлаб чиқариш жараёнини қисман қайта тиклаган. Компания вакилига кўра, бу қарор 2022 йилда уруш бошланганидан бери бекор турган ишлаб чиқариш қувватларининг эскиришининг олдини олиш мақсадида қабул қилинган. Заводга янги материаллар етказилмаган, фақат мавжуд захиралардан фойдаланилмоқда.

"LG компанияси вазиятга эҳтиёткорлик билан ёндашмоқда, чунки уруш ҳали тугамаган. Биз воқеаларни диққат билан кузатиб бормоқдамиз ва санкциялар бекор қилинганидан сўнг иш жараёни қайта тикланиши мумкин", — дея маълум қилди LG Electronics раҳбари Чо Жу Ван.

The Korea Times'га кўра, Hyundai ҳам Россия бозорига эҳтимолий қайтиш имкониятини ўрганмоқда. Samsung’нинг Россиядаги фаолияти тикланиши борасида эса ҳозирча маълумот йўқ.

⚡️EFFECT.UZ – НАВОИЙДА!

EFFECT.UZ ахборот агентлигининг «EFFECT PLUS» лойиҳаси доирасида Навоий вилоятининг эътиборга молик ҳудудлари, давлат органи ходимларининг фаолиятлари ҳамда вилоятдаги ижобий ўзгаришлар ёритилмоқда.

Айни кунларда EFFECT.UZ ходимлари Навоий вилоятида бўлиб туришибди ва тез орада янги ҳужжатли фильмнинг премьераси эълон қилинади.

Рамазон ҳайити муносабати билан жазо муддатини ўтаётган ҳамда қилмишига чин кўнгилдан пушаймон бўлган ва тузалиш йўлига қатъий ўтган 488 нафар шахс афв этилди.

⚡️Президент Шавкат Мирзиёев ҳукуматга электр энергияси ва газ тарифларининг оширилишини бир ойга кечиктириш бўйича топшириқ берди. Янги тарифлар 1 апрелдан эмас, 1 майдан кучга киради.