Суднинг мустақил эканлигига ҳеч ким шубҳа қилмайдиган даврларни кўриш бизга (набираларимизга эмас) насиб этсин!

Намангандаги “қизамиқ иши” бўйича қамалган, ҳимоямдаги шахсни қамоқдан озод қилинишига эриша олсам, адвокатликни “йиғиштираман” деб ўйлаган эдим. Чунки шу иш доирасида 66 ёшли врачга қилинган зулм, судларда ўзим гувоҳ бўлган адолатсизликлар соғлиғимга жуда катта зарар етказди. Табиатан иш ва унинг жараёнидаги воқеа-ҳодисалар учун ҳеч қачон асабийлашмайдиган инсонлар тоифасидан бўлсамда, бу сафар ўзимни бошқара олмадим.

Лекин ўзимга нотаниш бўлган инсонлардан келган шу каби бир нечта смслар юрагимга малҳам бўлиб, фикримдан қайтарди

Ер жойида турибди, лекин ҳужжатда камайиб қолган. Ёпирай. Шунақасиям бўларкан-а?

Кадастр агентлиги тизимидаги эски “ўйин”лар тугамадими?

Фуқаро Исломжон Қобилов 2022 йил 12 май куни фуқаро Ҳамдам Шерназаровдан нотариал идорада расмийлаштирилган битимга асосан уй-жой сотиб олган. Ушбу кўчмас мулк ва у жойлашган ер участкаси (1500 кв.м) сотувчи Х.Шерназаров номига 10.04.2021 йилда 1718224/R-A1689805-сон билан давлат рўйхатидан ўтказилган.

Лекин, 17.06.2022 йилда кўчмас мулк объектига бўлган ҳуқуқни сотиб олувчининг номига давлат рўйхатидан ўтказишда (1718224/R-A2696002-сон) ер майдони камайтириб юборилган ва 780 кв.м. қилиб рўйхатга олинган. Ваҳоланки, мулкни И.Қобилов сотиб олганидан кейин уни ўзгага сотмаган, ер ундан қонунда белгиланган тартибда олиб қўйилмаган ёки бошқача тарзда бегоналаштирилмаган.

Энди савол туғилаяпти: сотиб олувчига тегишли ерни Кадастр агентлигининг Пайариқ туман бўлими ходимлари қаерга йўқотди?

Ёки катта кўчанинг устидаги бу ерга харидор чиқиб қолганлиги тўғрисидаги бизга етиб келган хабарлар ростми?

Кадастр агентлиги директори Фаррух Пўлатовдан ҳолат ўрганилиши ва расмий муносабат берилишини сўраймиз.

Мулки ноқонуний равишда бузилиб, ўзи 10 кунлик қамоққа тиқилган тадбиркорнинг Самарқанд вилоят суди судьяси Т.Алмаматовга қарата айтган “қарамоғимда саратоннинг 4-босқичини бошидан ўтказаётган акам ва унинг оиласи бор қози бува, илтимос мени бу ердан озод этинг”деган гаплари ўз таъсирини кўрсатиб, уни озод этса керак деб ўйлаган эдим.

Афсус, қаттиқ адашибман!

✅Аслида шу мурожаат ижобий ҳал этилиши учун Ички ишлар вазири Азиз Ташпўлатовнинг қабули ҳам шарт эмас. Жаноб Абдиев ишига виждонан ёндашишининг ўзи вазирнинг юкини анча енгиллатади!

Ҳурматли вазир, мен собиқ ИИО катта тезкор вакили капитан С.Қобиловман.

Бундан 10 йил олдин бир неча ИИО ходимларига нисбатан қўзғатилган жиноят иши доирасида гарчи менинг айбим бўлмасада, ишга қўшишиб, айбимни топа олмагандан сўнг амнистия актига асосан тугатиш ҳақида судга илтимоснома киритиб ишни тугатишган эди.

Ўша орада мен ишлаётган Транспортда хавфсизликни таъминлаш бош бошқармасининг Кадрлар ва Ўз хавфсизлиги бўлими ходимлари мени айбланишимни кутиб, олдиндан бўшаш ҳақида мажбуран бўшаш ҳақида билдирги ёздириб олиб бўшатиб юборди.

Шундан сўнг, суднинг мени амнистия актига асосан ишни тугатиш қарорини бекор қилдираман деб 10 йил югуриб, ахири оқландим.

Оқланганимдан сўнг ишга тиклашни сўраб шахсан Ички ишлар вазири Бобожоновга мурожаат қилдим. Бироқ, менга ИИВнинг бошқарма бошлиғи Ф.Абдиев отписка жавоб хати бериб, тикланиш учун судга мурожаат қилинг деди.

Нега мен судлар остонасида шунча сарсон бўлиб, оқланиш учун 10 йилимни кетказдим, яна тикланиш учун судларда яна қанча сарсон бўлишим керак?

Мурожаатларга муносабат шундай бўлгани учун бугун сизнинг қабулингизга шунчалик кўп одам борган, наҳот мурожаатлар ортида инсон ҳаёти туришини билишмайди?

Мен ҳарбий олий таьлим муассасасини аьло баҳоларга тамомлаб, капитан бўлгунимга қадар бирон марта интизомий жазоланмаганман, фақат тақдирланганман, шахсий йиғмажилдимни кўздан кечирсангиз, менга нисбатан бирор бир қораловчи маьлумотлар мавжуд эмас.

Мени хизматга тиклашингизни илтимос қилиб сўрайман, ҳурматли Азиз Анварович!

🔴Ички ишлар вазири Азиз Ташпулатовнинг аҳоли билан шахсий қабулига 600 атрофида одам келибди ва яна келишда давом этмоқда.

Бу шуни англатадики, йиллар давомида муаммолар йиғилган ва у билан ҳеч ким шуғулланмаган.

Қуйи ИИОдан норозилар шунчалик кўпки, шикоят қилиб шахсан вазирга келган.

Бунга шу вақтгача ишлаб келган Ички ишлар вазирининг ўринбосарларида ҳам айб катталиги сабаб бўлиши мумкин, яьни улар мурожаатларни яхши ўрганмаган, тингламаган, муаммони ҳал қилмаган, мана энди ҳаммаси янги вазирга умид қилиб келмоқда.

@generalissimo_marshal

PS: Ўринбосарлар, ҳудуд раҳбарларини “қимирлатмаса”, улар аҳолини эшитишни бошламаса, ҳурматли вазирни кейинги қабулига бундан кўп одам келиши табиий. Шахсан мендаям бундай режа бор.

Ёзилган нарсани тўғри ўқиб беролмаяпти-ю, яна бу киши Россиядаги ваколатхона раҳбари эмиш...

Илова қилинган видеода нутқ сўзлаётган киши - Одилов Ойбек Одилжонович, Ҳукумат ҳузуридаги Миграция агентлигининг Россия Федерациясидаги ваколатхонаси раҳбари.

Диққат қилсангиз, ҳатто қоғозда ёзилган тайёр матнни ҳам тўғри ўқиб беролмаяпти.

Савол туғилади:

- Бу киши мана шу нутқи билан Россиядаги ваколатхона раҳбари бўлишга тўғри келадими?
- Мана шунақа кадрларни лавозимга ким тайинлайди?
- Ким тавсия беради?
- Номзоднинг қайси параметрлари инобатга олиниб тайинланади?

Бу киши ҳақида 5 ой олдин "Кимгадир ушбу ваколатхонанинг ёрдами текканми...?!" сарлавҳаси остида пост чиқарилган эди.
https://t.me/XalqNazorati/13881

Шундан кейин, ушбу "акахон"га нисбатан қандайдир чора кўрилиб ва ниҳоят ваколатхона яхши ишлашни бошлайди, барча фуқароларнинг муаммоларига ечим топиш билан шуғулланади, деган ниятларда эдик. Афсус адашибмиз.

Ваколатхона раҳбарига нега бундай эркинлик берилган экан деб ўйлаб қарасак, бу "акахон" Миграция агентлигининг раҳбари бўлмиш Б.Мусаевнинг укахонлари, яқин инсонлари эканлиги айтилмоқда.

Тўғрида, бошқа бегона бўлса, аризангизни ёзинг, деб бўшатиб юбориш осон. Лекин, укахонларни хафа қилиб бўлмайди.

Айтишларича, О.Одилов жанобларининг ваколати яна узайтирилибди. Демак, яна бир неча йил ваколатхонадан барчага бирдек фойда тегмаслиги, фуқаролар қийналишда давом этиши мумкинлиги ўйлантиради..

Фуқаролар учун ажратилаётган маблағлар эса, ҳурматли Ойбек акамизнинг Москвада барларга, клубларга "салб юришлар"и учун сарф қилинмайди, деб умид қиламиз.

Айтишларича, Миграция агентлигининг ваколатхонасида ўзгартиришлар бўлибди. Янги, ишга чанқоқ бўлган ходимлар ишга келибди, демак энди кўзга кўринадиган натижалар бўлади деб турсак, бу ерда бошқа гап борлиги, яъни Одилжоновичга ақл ўргатиб, ишни кўзини биладиганлар бўшатилиб, ўрнига акамиз ишонган укахонлар (кўча тилида айтганда братишкалар) йиғила бошлабди.

Шундай бўлгач, энди ўзи билган, ишонган ходимлар билан маишатбозлик, дам олиш кўпаймайди деб ким кафолат бера олади?

Афсуски, акамиз ваколатхонани давлат ташкилоти сифатида эмас, балки ўзининг "клан хаоси" деб ўйлаяпти шекилли.

Олдин ваколатхона қайсидир маънода натижалар кўрсатган. Нега натижа кўрсатиб, ишлаб турган тизимни бошқара олмаяпти?

Бизнинг фикримизча, бундай катта тизимда бошқарувга лойиқ бўлган, миграция тизимида тушунчага эга бўлган мутахассис ишлаши керак. Акамизни ҳам тушунамиз, балки кўпчилик таъкидлаганидек, рус тилини яхши билмаганлиги сабабли музокаралар ўтказиб, фуқароларга ёрдам бера олмаётгандир.

Лекин, тилни билмаган ходимни Россияга раҳбар қилиб жўнатиш кимга ва нимага керак эди?

Маълумотларга кўра.2025 йили 27 апрелда Москва шаҳрига Ўзбекистондан жуда катта делегация ташрифи бўлади.

Делегация аъзолари, соҳа раҳбарияти ва назорат қилувчи масъуллардан ушбу мақолада келтирилган ҳолатларни холисона ўрганиб чиқишни ҳамда ишдан бўшатилган ходимлар билан суҳбат ўтказиб кўришни сўраймиз.

ДАВОМИ БОР...

Қишлоғимдаги балиқ тутадиган жой. Манзара жуда гўзал, ҳавоси хам тоза. Яқин келажакда шаҳардан бутунлай кўчиб кетаман. Адвокатликни хам секин-секин йиғиштираман.

Жорий йилнинг 19 апрель куни Адвокатлар палатаси Бошқарувининг 6-сонли мажлиси бўлиб ўтди. Унда бир нечта масалалар, жумладан "Адвокатлар томонидан Интернет тармоғида фаоллик кўрсатиш ва ОАВ билан ҳамкорлик қилишда Адвокатнинг касб этикаси қоидаларини қўллаш масалаларига оид" мажбурий тушунтириш тасдиқланди.

"Мажбурий тушунтириш" деган жумлани биринчи бор эшитишим. Менимча "понятка бериш" дегани бўлса керак. Фақат мен эмас, кўпчилик адвокатлар бу терминга тушунишмади. Назаримда охирги вақтларда блогер адвокатлар ҳалқни ҳуқуқий маданиятини ошириб, ҳақиқатни кўпроқ гапириб юборишганлиги учун, адвокатни оғзини ёпиш учун ишлаб чиқилган нарсадек туюлди. Қоғозга ўралган таҳдиддек туюлди. Балки адашаётгандирман десам, бошқа адвокатлар хам шунга ўхшаш изоҳлар ёзишибди.

Хеч қачон бўлмаган ва бўлмайдиган адолат учун курашиб, умримни ўтказганимдан кўра, қишлоғимда қўй боқиб юрганим афзалроқ.

Яқин келажакда қўй боқиш ҳақида ҳадис бор эди. Ўзингиз топиб ўқиб оласиз.

Балки этика комиссиясининг хам қарорида жон бордир. Ижтимоий тармоқлар маълумот тарқатишнинг ҳозирги кундаги энг яхши макони ҳисобланади. Тўғри, ҳақиқатлар учун ҳар хил турдаги цензуралар ўйлаб топилган. Лекин шунга қарамай қўлимдан келганича ҳақиқатларни одамларга етказиб, адвокатликдан кетишдан аввал, фақат савоб учун ишлаб, одамларни қанча бўлса хам рози бўлиб берган пулига кўниб, адолат учун бироз курашиб, сўнгра ўзим адвокатликни хам бу виртуал оламни хам тарк этаман.

Охиратда адвокатлик касбини бердик, нима яхши иш қилдинг деб сўралганимда фақат пул топиш учун ишладим деб эмас, одамларга яхшилик қилдим деб айта олишим керак.

Қўлимдан келганича, адвокатликдан кетгунимча одамларга ҳуқуқий томонлама ёрдам қиламан. Зиммамдаги қарздан қутилгач мени ушбу симуляция ичидаги сохта виртуал ҳаётдан тополмайсиз ин шаа Аллоҳ.

Адвокат Сирожиддин Ишпулатов

🇺🇸 Трамп Ўзбекистонга келиши мумкин

Бу бўйича унга расмий таклиф юборилган.

3-4 кун бўлди, Онажонимга касаллик тегиб, шифохонада ётиб даволанмоқдалар.

Азизлар, кўпчиликнинг дуоси ижобат бўлади дейишади. Шу билан бирга орамизда дуоси ижобат бўладиган инсонлар ҳам бор.

Илтимос, дуо қилинглар, Онажонимнинг дардига Парвардигорнинг Ўзи шифо берсин!

Умуман олганда, ҳеч кимнинг Онаси касал бўлмасин. Касал бўлганларга эса Худонинг Ўзи шифо-ю комил ато этсин. Омийн.

Аввалдан барчага раҳмат!

P.S. Ҳеч қандай камчилик йўқ, дўхтирлар яхши қараяпти, дори-дармонлар етарли. Фақатгина дуо қилсаларингиз бўлди.

Мирзо Улуғбек тумани Катта Олтинтепа маҳалласи Бўзариқ тор кўчаси аҳолиси номидан мурожаат

26 апрелда "Enter Engineering"да ишлайдиган ҳиндлар ҳам ойлик йўқлигидан оммавий тўполон кўтаришди

Тиббиётдаги хатолар: ким жавоб беради?

Хусусий клиникаларда содир бўлаётган нохуш ҳолатлар: нотўғри ташхис, хато муолажа, тўғри назоратсиз амалга оширилган жарроҳлик — афсуски, бугун шунчаки рақам эмас, одамларнинг тақдирига айланяпти.

"Адолат" СДП депутати Гулнора Абдувоҳидова шундай ҳолатлар бўйича Соғлиқни сақлаш вазирига расмий сўров юборди. Ҳақли саволлар берилди:

➡️Нега хусусий клиникаларда хатолар кўпаймоқда?
➡️Нега баъзи шифокорлар беморнинг ҳаётига фақат бизнес сифатида қараяпти?
➡️Назорат қаерда?

Статистикага кўра, 2023 йилда 67 нафар, 2024 йилда 94 нафар ва 2025 йилнинг биринчи чорагида 16 нафар тиббиёт ходими касбий хатолари учун жиноий жавобгарликка тортилган.

Фарғона ва Бухородаги хусусий клиникаларда рўй берган ўлимлар, нотўғри ўтказилган пластик жарроҳликдан жабрланган ёш блогер воқеалари — бу сизнинг ҳам, бизнинг ҳам ёнимизда содир бўлиши мумкин эди.

@Zafarbek_Solijonov

PS: Ҳеч ким ҳеч нарсага жавоб бермайди. Айримлар на ўзи назорат қилади, на тирикчиликдан воз кечади.

​Пул ўлсин: Талабалар ётоқхонаси ўзи дефицит, лекин ётоқхоналарни сотиш яна авж олмоқда

Тўғриси, бу масалада мантиқни тушуниш жуда қийин.

Ҳукумат талабалар ётоқхоналари етишмовчилигини тан олиб, янги ётоқхоналар қурмоқда, бюджетдан ҳар йили юзлаб миллиард субсидия ажратилмоқда. Муаммонинг ижтимоий чуқурлиги шунчаликки, талабаларга ётоқхона етказиб бера олмагани учун, хусусий сектордан жой топаётган талабалар учун ижара ҳақининг бир қисми қоплаб берилмоқда.

Айни пайтда, ўзи дефицит бўлган ётоқхоналарни сотвориш тўхтагани йўқ. Мана Низомий педуниверститетининг машҳур ва лекин очофат очкўзлар наздида пойтахтнинг “энг мазали” масканида жойлашган бешта ётоқхонаси сотувга қўйилган.

Бу ётоқхоналарга ким кўз тиккан (бундай жойларнинг эгаси аллақачон тайин булмаса, рўйхатга киритилмайди) билмайман, лекин аниқки, уларнинг инсофиям, ориятиям, қадриятиям йўқ. Эсингиздами, Онкологогия марказларини кўтарасига сотиб олмоқчи бўлганлар?
Улар шундай юзсиз тоифадан бўлса керак.

Ҳеч қачон тўймайдиган очофатлар майли. Наҳотки мактаб вазирлиги, йўқ, тўхтанглар, Низомий бинолариям, ётоқхоналар ҳам керак демаган бўлса?

Хўп, Низомийга ётоқхона керакмас деган важ-корсон ишлатилса, бошқа университетларга керакку. Ётоқхона ҳатто биринчи курсларга етмаётганини ҳатто кўр ҳам билиб турибдику. Ва ўзи мактаб, шифохона, поликлиникадан тортиб талабалар ётоқхоналаригача ижтимоий объектларни сотишни тўхтатайлик. Ўзимизни ижтимоий давлат деб эълон қилганмиз. Ноижтимоий эмас.

Жорий йилнинг 27 апрель (якшанба) куни Ўзбекистон Республикаси Ички ишлар вазири генерал-майор Азиз Ташпулатовнинг аҳоли мурожаатларини ўрганиш мақсадида шахсий қабули режалаштирилган.

Қабул, ИИВ Транспорт ва туризм объектларида хавфсизликни таъминлаш департаменти биносида, соат 10:00дан бошлаб ўтказилади (Манзил: Тарас Шевченко кўчаси, 62).

❗️Фуқароларга қулайлик яратиш мақсадида электрон навбат ташкил этилади.

Конституцияга кўндаланг дейдиганлар ўрнатадиган йўл белгиси

Испан дўстим билан Ўзбекистон ва Испания журналистикасини солиштиряпмиз. Испанлар ўзи ўзбекларга ўхшаб кетади, ишхонада ўтириб-ўтириб билмасдан бюджетдан ўғирлаб қўядиган ё тендерни сотиб қўядиган одатлари бор. Ойликлари ёмонмас, лекин бола-чақа, ўйнаш, тўй-марака каби харажатлар буларда ҳам етарли. Шундай экан, журналистларга иш кўп, зерикишга вақт йўқ. Мадрид даражасидаги катта-катта коррупцион можаролар дейсизми, ё шаҳар ҳокимлигидаги қинғир ишларми - яйраб ёритса бўлади.

Аслида, бу ердаги жиноятлар Ўзбекистондагиларникига сон жиҳатидан етишолмаса ҳам керак, чунки бизда улар шу қадар кўпки, уларни ёритиш учун Ўзбекистон аҳолисининг ярми журналист бўлса ҳам, иш ортиб қоладиёв. Лекин, Испания ва Ўзбекистон ўртасидаги энг катта фарқимиз - журналистга бу ерда эркинлик бор. Ҳозир ҳатто Бош вазир Педро Санчеснинг турмуш ўртоғини бемалол суриштиришяпти. Ҳатто Қиролнинг ўзи ҳам қўлга тушгач, шарманда бўлиб тахтни ўғлига топширган. Дўстим маҳаллий AI серверларига қанча сув сарфланишини тергов қиляпти. Полицияга суҳбатга чақирмайдими”, деб сўрасам, испанча сўкинди. (Аниқ таржима қилиб ўтирмай, лекин мазмуни украин аскари рус кемасини юборган манзилга ўхшаб кетади.) Чақиришини ҳатто тасаввур қилиш қийин. Лекин, коррупционерни чақиради ва кўп судрашади, кўплари қамалади.

Шунга қарамай, мамлакат обод. Ҳар келганимда қандайдир янги инфратизилма қураётган бўладилар. Қўшни шаҳарга ҳозир янги касалхона тушяпти. Велездан қирғоққача негадир баҳайбат қувурлар ётқизишяпти. Қишлоқларда йўллар равон. Ижтимоий кўмак ҳам бор - дўстимнинг 92 яшар онаси Гранадада қариялар уйида яшайди, харажатнинг 80 фоизини давлат қоплар экан, қолганига пенсиясининг бир қисми етади. Шу жойи жумбоқ, ўғрилар ҳам бор, тараққиёт ҳам бор, ва журналистлар учун энг асосийси - эркинлик бор. Адолат бор. Ва бу адолатга биринчи ўринда журналистлар хизмати орқали эришиляпти.

Ибрат Сафо

АОКА давлат органлари ва ташкилотлари матбуот хизматлари самарадорлигини баҳолабди.

Унга кўра Самарқанд вилояти ҳокимлиги матбуот хизмати энг юқори ўринни олганмиш.

Менимча, бу рейтингни тузишда Э.Турдимов ҳокимлиги давридаги матбуот хизматининг ишлари ҳисобга олинган (ёки ўша даврда бажарилган ишлар инерцияси).

Сабаби вилоятда ҳоким алмашганидан кейин матбуот хизматининг жамоатчилик фаоллари билан алоқаси бутунлай йўқолди. Чиқаётган танқидий материалларга реакция ноль.

ИМҲО

https://t.me/XalqNazorati/15737

Сурхондарё УНЭС бошлиғи Т.Кўчкиновга савол:

Жайхун насос станцияда 20-30 йилдан буён ишлаб келган 5 нафар ишчилар қайси асосга кўра ишдан бўшатилди?

Дўст бўлсак дўст бўлайликда ахир!

Туркман халқининг миллий етакчиси Гурбангули Бердимуҳамедов Ўзбекистон Республикасининг "Олий Даражали Дўстлик" ордени билан тақдирланди.

Унинг ўзи ва қизини кутиб олиш ҳам олий даражада ўтди.

Лекин, қачон ўзбекистонликлар учун Туркманистонга виза режими бекор қилинади?

Дўст бўлсак дўст бўлайликда ахир!

Минг йиллардан бери қон-қариндош бўлган халқлар ўртасида бундай оғир чегара бўлиши адолатдан эмас!

“Тошкент зилзиласи”га 59 йил тўлди.

Сурхондарё вилоят УНЭСда ҳам гап кўпга ўхшайди.

Қўпол хато ва камчиликлари ҳақида маълумотлар келмоқда.

Яхшиям шу "Зам.ҳоким"лар бор экан...

Бечора "Зам.ҳоким"ни аҳволи шу бўлса, ҳокимларни аҳволи қанақа экан-а...?!

Тошкент вилоят Чирчиқ шаҳрида Зам.ҳоким бир одамдан атиги 1 млн доллар олгандан кейин...

Бу оддий "Зам.ҳоким"...
Вазирлар, раис бечораларни турмуш даражаси қанақа бўлиши мумкин...?!

Бу ишларни буюрган:

Ҳоким бува!
Ҳурматли форма кийганлар!
Ҳурматли қози бувалар!

Амал билан тобутни эгаси бўлмайди.

Мен саратонни охирги 4-босқичидаман. Туну кун сиз ҳурматли инсонларни дуо қиляпман,

Аллох бор, ҳисоби бор...

@ Qobilov Ilxom

✅2025 йил 23-24 апрел кунлари ЖИБ Пайариқ тумани суди ўзининг мулкка бўлган ҳуқуқини ҳимоя қилган шахсни 10 суткага қамаб, оила аъзоларига жарима қўллабди. Самарқанд вилоят суди эса қарорни кучида қолдирибди.

Ваҳоланки, Олий суд бундай ҳаракатларни ўз ҳуқуқини ҳимоя қилиш деб топиб, қуйи суд қарорларини бекор қилаётганини ҳамма кўриб билиб турибди. Қуйи судларга эса фарқи йўқ.

Бинобарин, Фуқаролик кодексининг 13-моддасига кўра, фуқаролик ҳуқуқларини шахснинг ўзи ҳимоя қилишига йўл қўйилади. Ўзини ҳуқуқини ҳимоя қилганни қамайдиган замонда яшамаяпмизку, ахир⁉️

Қарорлардан парчани яхшилаб ўқиб кўринг, шу қилмиш учун жавобгар қилиш қанчалик тўғри⁉️

@generalissimo_marshal

Шу постни Самарқанд вилоят судига ташлаб қўямиз. Улар мулкини бузилишдан ҳимоя қилган тадбиркорни худди шундай ҳолатда қамаворганди!

Олий суд эса буни ўз ҳуқуқини ҳимоя қилиш деб топиб, қарорларни бекор қилибди❗️

Олий суд обзорига кўра, 2019 йил 12 апрелда фуқаро Д.Д.га тегишли бўлган гараж нотаниш шахслар томонидан бузилаётганда, Д.Д.га унинг танишлари қўнғироқ қилиб, гаражи бузилаётганлигини айтишган. Д.Д. дарҳол воқеа содир бўлаётган жойга етиб келиб, нима учун гараж бузилаётганлигини, гаражни бузиш бўйича қандай ҳужжатлар борлигини сўраб, бегона шахсларни гаражни бузишдан тўхтатишга чақирган.

Шунда, маҳалла посбони Д.Д.га туман ҳокими қарори ижроси таъминлаш мақсадида гаражни тезда бузиш лозимлигини тушунтирган. Д.Д. гараж ва унинг ичидаги мулклар хусусий мулк эканлигини ва мулк ҳуқуқи дахлсизлигини, бузиш ишлари фақат суд қарорига асосан амалга оширилиши мумкинлигини айтиб, бузиш ишларини тўхтатишни талаб қилган. Шундан сўнг, ички ишлар органи ходимлари томонидан Д.Д. туман ИИБга олиб борилиб, унга нисбатан маъмурий ҳуқуқбузарлик тўғрисида баённома тузилган. Д.Д. баённомани имзолашдан бош тортган. Бу ҳақда эса, баённомада қайд этилган.Шунингдек, Д.Д.га тегишли бўлган уяли телефон, синиб қолмаслиги учун профилактика инспектори томонидан олиб қўйилиб, бу ҳақда далолатнома тузилган.

Биринчи инстанция судининг қарори билан ҳуқуқбузар Д.Д. МЖтКнинг 183-моддаси ва 194-моддаси биринчи қисмида назарда тутилган ҳуқуқбузарликларни содир этганликда айбли деб топилган ва ушбу Кодекснинг 34-моддаси қўлланилиб, унга нисбатан узил-кесил беш сутка қамоқ жазоси тайинланган.

Кассация инстанцияси судининг ҳал қилув қарори билан биринчи инстанция судининг қарори ўзгаришсиз қолдирилган.

Олий суд судлов ҳайъати биринчи ва кассация инстанцияси судлари қарорларини бекор қилиб, МЖтК 271-моддасининг 1-бандига асосан иш юритишни тугатишни лозим топган.

Судлов ҳайъати бунда Д.Д.нинг ўзига тегишли бўлган гаражни бузилишига қаршилик қилганлиги ҳолатини хусусий мулкни ҳимоя қилишга қаратилган ҳаракат деб баҳолаган. Шунингдек, иш ҳужжатларида Д.Д. томонидан майда безорилик содир этилганлиги, яъни жамоат жойида кимнидир уятли сўзлар билан ҳақорат қилганлиги, қайсидир фуқарога ҳақоратомуз шилқимлик қилганлиги, жамоат тартибини ва фуқароларнинг осойишталигини бузувчи қандайдир ҳаракат қилганлиги, жамиятда юриш-туриш қоидаларини қасддан менсимаганлиги тасдиқланмаган. Аксинча, суд уни ўзининг ҳуқуқини ҳимоя қилган деб ҳисоблаган. МАНБА.

@generalissimo_marshal

Бухорода 5-6 нафар ўқитувчи ҳоким қабулини сўраб боришган эди,

митинг қиляпсизлар деб дело қилишибди экан!

💲Қишлоқ хўжалиги вазирлиги 2025 йил мартда тўғридан-тўғри шартнома тузди:

📍 Қанча: 21,5 млрд. сўм;
📍 Ким билан: Тупроқшунослик ва агрокимёвий тадқиқотлар институти;
📍 Мақсад: суғориладиган ерларнинг тупроқ хариталарини тузиш ва тупроқ сифатини баҳолаш.

https://t.me/xarajatlaruz/739?single

🇺🇿Ассаллому алайкум ҳурматли Президент Шавкат Мирзиёев!

Мен, Бўригул Тошмуродова, Қашқадарё вилояти Қарши туманида яшайман. Сизга видеомурожаатимдан мақсад, Қашқадарё вилояти ИИБ Шахсий Хавфсизлик Хизмати бўйича бошқармаси бошлиғи Тимур Байжанов ва унинг ходимлари 2023-йил 28 декабрда мени соддалигимдан, ожиза аёллигимдан фойдаланиб ЙПХ ходими Бунёд Холиев устидан туҳмат ариза ёздириб олиб, уни нохақ ишдан бўшатишди.

Аслида Бунёд Холиев мен билан ҳеч қандай пул олди-берди қилгани йўқ эди, бунинг исботи мен билан эксперт ўртамизда бўлиб ўтган суҳбатимиз ҳам исботлаб турибди.

Прокуратура ходимларига ҳам бор ҳақиқатни айтиб, тушинтириш хати ёзиб берганман.

Тимур Байжанов мени барча мурожаатларимни асоссиз ёпиб юбормоқда.

Қилган ишимдан афсусдаман. Аллоҳ менга қилган ишимга яраша жазо берди.

Сиздан илтимос, мени соддалигимдан фойдаланиб Бунёд Холиевни нохақ ишдан бўшатганларга қонуний чора кўришларингизни сўрайман.

Қизиқ парадокс:

Ҳамма жаннатга киришни хоҳлайди.

Жаннатга кириш учун эса ўлиш керак.

Лекин ҳеч ким ўлишни хоҳламайди!

“Қизил майдонга ҳам ўзбекча ёзилса, ундан кейин ўйлаб кўришимиз мумкин”.

Аввалроқ, Ўзбекистонга келган Россия Ташқи ишлар вазири Сергей Лавров Самарқанд шаҳридаги Мотамсаро она ҳайкали пойига гул қўйиш чоғида, у ерда ёзилган гаплар рус тилида ҳам ёзилмаганлигини айтиб, норози бўлганди.

Олий Мажлис Қонунчилик палатаси депутати Одилжон Тожиев муносабат билдирди:

Депутат ўзбек халқи тилни мажбурият эмас, имконият деб танлашини, хориж тилини сунъий тарғиб қилиш муҳаббат эмас, қарши муносабат уйғотишини айтган.

Қолаверса, Одилжон Тожиев ҳурмат талаб қилинмаслигини, у сингишини урғулаган.

P.S. "Москва Бош майдонига ҳам ўзбекча ёзилса, кейин ўйлаб кўришимиз мумкин”, дея қўшиб қўйган депутат ҳар йили 9 майда парад ўтказиладиган Москвадаги Қизил майдонга ишора қилиб.

@ Feruza Oripova

Мазлумларнинг дуоибади ижобат бўлиб бошласа, кўпчилик қочарга жой топа олмай қолади...

Самарқандда мулкни нима асосда буздинг, деган саволни ҳокимга берадиган судья топиладими?
https://t.me/XalqNazorati/15588?single

Пайариқ туманида мулки ҳоким томонидан суд қарорисиз бузилган тадбиркор йигит ҳақида ёзган эдик.
https://t.me/XalqNazorati/15590

Туман ҳокими бошчилигидаги гуруҳнинг бинони бузишига қаршилик қилганлиги учун унга 10 сутка қамоқ жазоси қўлланилган эди. https://t.me/XalqNazorati/15699

Ушбу иш бўйича адвокат томонидан келтирилган шикоят бугун Самарқанд вилоят судининг судьяси Т.Алмаматов томонидан кўриб чиқилиб, қаноатлантирилмасдан қолдирилган.
Адвокат келтирган бир қанча асосли важларнинг бирортаси ҳам инобатга олинмаган.

Судья қарори мазмунини ҳуқуқбузарларга тушунтираркан, ҳокимга қаршилик қилмаслик керак эди, мулкингни бузиб бўлганидан кейин қонунда белгиланган тартибда шикоят қилсанг, ҳозир қамоқда бўлмас эдинг деган.

Биз энди тушуниб етдик:

Ҳокимлар билганини қилиши, биз эса уларга фақат қуллуқ қилишимиз керак.

https://t.me/XalqNazorati/15717

Буларнинг барчаси битта узр билан ҳал бўладиган масала

Нега ёмғир ёққанда Тошкент Венецияга айланиб қолишининг сабабини энди тушундингизми? Мен англаб етдим.

Қизиғини айтайми? Шунча пул ҳавога совурилгани, одамлар куз-қиш даврида азоб чекиши билан ҳеч кимнинг иши бўлмайди.

Бу ҳали ҳаммага кўз-кўз қилинадиган Чорсу бозори тарафдаги ҳолат.

“Танзиландия” боғчасининг лицензияси бекор қилинибди. Апелляция шикояти эса қаноатлантирилмади.

Боғча таьсисчилари қаторида Кудбиева фамилияси бор. Кудбиев дегани ким бўлсаям, ҳақиқий эркак экан. Суднинг ишига аралашмасликка қарор қипти. Бошқача кўз билан қаралса, у бу билан Президентга ҳурматини ҳам кўрсатиб қўйган.

Агар у тегишли шахсларга қўнғироқ қилиб юборганида, биласизларку, нима бўларди?!

Ўзбекистон учун янгилик!
Бардавом бўлсин!

Бож чекловларини жорий қилаётганлар ўзининг 70 ёшга кирган онаси, хотини ёки қизи шу ишни қилишини ҳеч кўзини олдига келтира оладими?

Умуман келтира олмаса кераг-а?

Ғайриоддий судьяларимиз борда:

- биттаси ўлган одамни сўроқ қилса;

- иккинчиси ўлган одамдан пул ундиради.

ФИБ Мирзо Улуғбек туманлараро суди судьяси Д.Хасанов 2025 йил 11 март куни қарор чиқариб, 2024 йил 09 июнда вафот этган шахсдан 2,1 млн. сўм ундирмоқда.

Ваҳоланки, марҳумнинг турмуш ўртоғи судга бориб, ўлим хақидаги гувоҳномани судьяга тақдим этганман деяпти.

Шунақа қилса бўладими?

Озгина орияти бор инсоннинг юзини ерга қаратадиган лавҳа

Шу кунларда РФ ташқи ишлар маҳкамаси раҳбари Лавров неоимперияча иддаоси учун  ижтимоий тармоқларнинг ўзбек лахтак-сегментида "виртуал тошбўрон" қилинди. Бу яхши кўрсаткич, албатта. Одамлар ғурурини, шаънини сўрайдиган бўлди. Жамиятда тепадан қараб гапирадиганларга жавоб берар даражада миллий зеҳният уйғонмоқда, дейиш мумкин.

Аммо масаланинг нозик томони бор. Нимагадир шундай ҳолларда айнан бир хил шахслар саҳнага чиқади. Нимрасмий тоифа вакиллари ҳисобланмиш бу зиёлиларимиз гарчи раъиятдан юқорироқ мақом эгалари бўлишсалар-да, уларнинг эҳтиросли сўзлари барибир давлатнинг расмий фикрини тамсил этмайди.

Бундай пайтда асосий гапни бизнинг ТИВ айтиши керак бўлади. Аммо таассуфки, айни маҳкама  бундай баёнотлар беришдан кўра кўпроқ меҳмонларнинг олдида қай даражада букилиб тавозе қилиш ёки ачомлашиш малакасини қандай ошириш ҳақида ўйлаётгандай...

platformauzb

Ёлғон гувоҳлик-Аллоҳга ширк келтириш!

Барчамизга маълумки, Аллоҳга ширк келтириш, яъни унинг шериги бор деб эътиқод қилиш дунёдаги энг катта гуноҳ ҳисобланади.

Аллоҳ Таоло Қуръони Каримда ҳамма гуноҳларни кечса ҳам, ширкни мутлақо кечирмаслигини таъкидлаб айтган.

Ушбу ҳадисда бомдод намозидан сўнг Пайғамбаримиз Муҳаммад саллоллоҳу алайҳи васаллам томонидан уч марта таъкидланиб:

“Ёлғон гувоҳлик беришлик Аллоҳга ширк келтиришга тенглаштирилди” дейилиши билан ёлғон гувоҳлик беришнинг ҳам қабиҳликда катта гуноҳга тенглиги уқтирилади.

Кўзи кўрмайдиган гувоҳ

Шу иш бўйича судда гувоҳ тариқасида сўроқ қилинган "жабрланувчи" ўзининг 2-гуруҳ ногирони эканлигини, кўзи яхши кўрмаслигини, ҳаттоки, суд мажлисида судьяни ҳам яхши кўрмаётганлигини айтиб кўрсатув берган бўлсада,

унинг 10 метрдан ортиқ масофада туриб, тадбиркор ва унинг оила аъзолари майда безорилик содир этишганлигини, ИИБ ходимларининг қонуний талабларини бажаришмаганлигини кўрганлиги ҳақидаги кўрсатувлари асосида тўрт нафар шахсларга жазо қўллаган.

Ҳолбуки, бундан хафа бўлиш ҳам шарт эмас. Вафот этган фуқарониям сўроқ қилиб, қарор чиқариб юборадиган судьяларимиз бор бўлган даврда яшаяпмиз.

Ўқитувчиларни қачон одам ўрнида кўрамиз?

Президент ўқитувчиларни обрўсини кўтаришга ҳаракат қилади, қуйи раҳбарлар эса ҳатто қабул қилиб гаплашишни хоҳламайди

Бизлар, Ғиждувон тумани 9 мактаб жамоаси 2024-2025 йил ўқув йили давомида бир неча бор биз педагогларга тазйиқ қилишди. Шу вақт оралиғида 2-3 марта директорни алиштирдилар.

Президентимизнинг ёшларга бўлган ишончини пастдаги раҳбарлар суистеъмол қилишмоқда. Яшларни қўллаб-қувватлаш керак десалар, биздек бир чекка қишлоқ одамлари учун бу гаплар бегона.

Ёш ва шижоатли кадр бўлган, ишлаб турган директорни бирор гап-сўз, огоҳлантиришсиз ишдан олиш тўғрисида буйруқ чиқариб, бошқа раҳбар келтириб тайинлаб кетишди.

Бу борада Мактаб ва мактабгача таълим вазирлигининг Бухоро вилояти бошқарма бошлиғи Ҳамза Елиев томонидан март ойида ваъда берилган бўлса ҳамки, мана бир ой ўтар-ўтмас, бизга айтмай директор тайинлаб кетдилар.

❗️Бу масала юзасидан Бухоро вилояти ҳокими Botir Zaripov нинг қабулларига 15-20 киши нажот истаб  борганимизда, бизни қабул қилмасликларини айтиб, қайтариб жўнатдилар.

Энди айтингчи, биз кимга суянайлик❓

Бизнинг бошчимиз - отамиз бизни қабул қилмаса, бизларни тингламаса, бизни ким эшитади❓

Жамоа хоҳламаган раҳбар билан қандай ишлайди?

Президент жон-жаҳди билан ўқитувчиларни обрўсини кўтаришга ҳаракат қилиб, ҳатто буни давлат сиёсати даражасига кўтарган бир вақтда, қуйи раҳбарлар, жумладан, ҳокимлар томонидан ҳатто қабул қилиб, гаплашишни хоҳламаслиги ачинарлидир.

Ҳурматли Шавкат Миромонович❗️
Мактаб ва мактабгача таълим вазири Hilola Umarova ❗️

Бизни тинглаб, бизни қўллаб, сизларга чиқаётган ташаббусимизни инобатга олган ҳолда ўзимизнинг директор Олимов Одил Олимовични қолдиришингизни илтимос қилиб сўраб қоламиз.

Ҳурмат билан 9 мактаб жамоаси.

P.S. Ҳайрон қоламан, жамоа бир бутун бўлиб келишиб ишлаётган раҳбарни тўсатдан олиб ташлаб, ўрнига бошқани қўйиш ва оқибатда жамоада келишмовчилик келтириб чиқариш кимга ва нега керак?

https://t.me/XalqNazorati/15702

Судья ҳокимнинг топшириқларини бажарадиган, у айтса, айбсиз инсонларни ҳам қамаб берадиган хизматкор эмас.

Ҳокимга малай бўлишга мажбур бўладиган аҳволга тушган кунинг устингдаги мантияни ечиб, бошқа иш билан шуғулланганинг маъқул.

Ҳеч бўлмаганда нариги дунёга тоза виждон билан, эркак бўлиб кетасан!

Бугун Пайариқ тумани ҳокими И.Жабборов мулки ғайриқонуний равишда бузилган тадбиркорнинг барча оила аъзоларини жавобгарликка торттирибдию, фақат биттагинаси қолиб кетибди.

Юқоридаги постнинг тагида у қолдирган изоҳга қаранг энди!

Ҳоким бува, биламиз кучингиз етади, бунисиниям қаматтириб ташланг!

Кучингизни охиригача ҳис қилишсин булар!

Мулки бузилгани етмаганидек, тадбиркорни ўзиниям 10 суткага қамашибди...

Эплашди....

Яқинда Пайариқ туман ҳокими Исроил Жабборов бошчилигидаги тўда бир бечора тадбиркорнинг мулкини ғайриқонуний равишда бузиб ташлаганлигидан хабарингиз бор.
https://t.me/XalqNazorati/15588?single
https://t.me/XalqNazorati/15590
https://t.me/XalqNazorati/15592
https://t.me/XalqNazorati/15593
https://t.me/XalqNazorati/15608
https://t.me/XalqNazorati/15610
https://t.me/XalqNazorati/15627
https://t.me/XalqNazorati/15632

Энди улар қилган ишларини бир гала бўлиб, Президентнинг кўзидан қандай яширишаётганлигига эътибор беринг!

Бугун Президентимиз кортежи Имом Ал-Бухорий масжидига шу бузилган мулкнинг ёнгинасидаги йўлдан ўтиб кетди, лекин ҳеч ким ҳеч нарсани сезмади. Қисқаси эплашди.

Буям етмагандай, иш бўйича янги ариза олиб, бугун тадбиркорнинг ўзини 10 суткага қамашди.

Қисқаси, ҳокимдан ҳаққингизни талаб қилишдан олдин минг марта ўйлаб кўринг!

P.S. Тадбиркор шу бузилган объектни орқасидан кредит ва солиқларни тўлашдан ташқари, саратон билан касалланган акаси ва унинг оиласини боқиб келаётган экан.

https://t.me/XalqNazorati/15699

Шуҳрат Абдураҳмонов:
"На жамиятга, на юртга, на Андижонга фойдаси тегадиган одамлар лавозимда ўтирибди”.

Биз: энг кичкина маҳалла раисиям Шуҳрат Абдураҳмонов розилиги билан сайланадиган Андижонга ўша кераксиз кадрлар қаердан келиб қолган?

Ижтимоий давлатда давлат стоматологияси бўлмайдими?

Давлат ҳеч қачон кирмаслиги ва кетиши керак бўлган бизнес секторлардан кетиши тўғри, лекин ижтимоий неъмат яратиладиган тиббиёт ё таълимдан кетиши, назаримда, тўғри эмас.

Бугун хусусий клиникалар бор, дея стоматология поликлиникалари хусусийлаштирилса, эртага хусусий мактаблар борку, дея давлат мактаблари ҳам сотиладими?

Хўп, бозорда хусусий стоматология етарли ва халқимизнинг барча қатламлари даромад қобилияти тўловга лаёқатли деган ишонарсиз ва асосланмаган важ келтирилганда ҳам давлат поликлиникаларининг жуда катта етишмовчилиги мавжудку. Наҳотки уларни сотиш ўрнига давлат ихтиёрида қолдириб профилини ўзгартириш мумкин эмас?

Ўзларини реформатор кўришни бошлаган замонамиз ва маконимиз чубайслари ижтимоий давлат эканимизни унутишган кўринади.

Ҳамма нарсани пулни призмасидан кўрадиганларга Отабек Бакировни юқоридаги гаплари таъсир этиши қийинку, лекин жудаям тўғри гаплар айтилган.

Ана энди любой тадбир-у йиғилишларга бемалол жалб қилаверинглар...

Исмат тағодан ажойиб маслаҳатлар))

СЭС қаёққа қараяптимиш.
Ютубга чиқармаса бўлмасмиш

Тоғни ўртасида сойни ичида эшак ўлиб ётганини СЭС тушида кўрадими?

Бир ками СЭС энди сойма-сой, тоғма-тоғ ҳайвонларни ўлигини қидириши қолувди.

Хаҳ, эркак-а, эркак...!

Товушларга эътибор берсангиз, 2-3 та эркакни овози эшитилади.

Видеога олиб. Ютубга қўйгунча, биргалашиб четга чиқариб ташла...

Шу давр мобайнида у ишдан четлатилиши керакмасмиди?

Ўзганинг транспорт воситасини олиб қочганлиги учун устидан хизмат текшируви ўтказилаётган ЖИБ Миробод туман суди судьяси Рустам Рахмонов эртага ҳам иш кўрар экан.

Қоидага кўра, хизмат текшируви ўтказилаётган давр мобайнида судья ишдан четлатилиши керакмасмиди?

Сертификат масаласига жиддийроқ ёндошиш керакка ўхшайди.

Акс ҳолда, келажагимиз бўлган ёшларнинг саводи сўроқ остида қолади

Энг ачинарлиси, клиникага ўз оёғи билан кириб борганларнинг ўлиги чиққан...

Охирги бир ҳафта ичида:

1) Бухородаги хусусий клиникага шамоллаш аломатлари билан борган 11 ёшли бола;
https://t.me/kunuzofficial/158050

2) Фарғонадаги хусусий клиникага бурнини операция қилдириш учун борган 33 ёшли навқирон йигит вафот этди.
https://t.me/Daryo/117577

Энг ачинарлиси, вафот этганлар клиникага ўз оёғи билан борган ва у ердан бечораларнинг ўлиги қайтган.
Аллоҳ яқинларига сабр берсин!

Бу ҳали ижтимоий тармоқларда тарқалган хабарлар. Тасаввур қилинг, биз билмаган, эшитмаган ҳолатлар қанча?

Соғлиқни сақлаш вазири А.Худаяров эса парламент минбаридан туриб, очиқчасига "мен фақат шикоят тушгандагина хусусий клиникани ўрганишим мумкин, бошқа ҳеч нарса қўлимдан келмайди" деб ўз ожизлигини тан олиб ўтирибди.

Бундай шароитда биз кимдан нажот сўрайлик?

Мудофаа вазириданми ёки янги тайинланган Ички ишлар вазириданми?

Бу аҳвол давом этаверса, эртага, бир йил, беш йилдан кейин бизни нима кутмоқда?

https://t.me/XalqNazorati/15689?single

4 йил олдин "Футболда адолат қани?” деган инсон бугун Ўзбекистонни Осиё чемпиони қилди...

Таълимда, тиббиётда, илмда, судда, сиёсатда ва бошқа барча соҳаларда “адолат қани?” деб бонг урадиган ўзининг ҳақиқатгўй Исломбек Исмоиловлари бор. У футболда 4 йил олдин “адолат қани?” деганди, бугун Ўзбекистонни Осиё чемпиони қилди.

Бошқа соҳалар ҳам ривожланишини истасак, ўша соҳалардаги “адолат қани?”чиларни эшитиш ва уларга ҳам имкон бериш керак.

Минг афсуски, бизда адолат талаб қилганларни бадном қилиш, овозини ўчириш, “айб”ини топиб синдириш тизими ҳалиям авжида. КГБдан қолган тўғри сўз айтганларнинг орқасидан иғво тарқатиб обрўсизлантиришдек пасткаш усуллар шу кунлардаям кенг қўлланилаётгани ачинарли ҳолат.

2016-2019-йилларда шуларга озроқ қулоқ солинган эди, қанча ўзгариш бўлганини ҳамма кўрди. Кейинги 5-6 йилда эса катта саҳнани яна маддоҳлар эгалай бошлади, буниям натижасини ҳаммамиз кўриб турибмиз.

Бизга адолат, ривожланиш ва тараққиёт ростан керак бўлса, “адолат қани?” деганларни бўғмаслик керак.

@ Обиджон Латипов

Бунақа қарорни парламент палаталари илгари қабул қилган эди шекилли...

Навбатдаги уриниш.
Тўйлар тартибга солинади!

Президентнинг “Коррупцияга қарши курашиш тизимини янада такомиллаштириш бўйича белгиланган устувор вазифалар ижросини самарали ташкил этишга доир чора-тадбирлар тўғрисида”ги фармони билан тасдиқланган ишлаб чиқиладиган норматив-ҳуқуқий ҳужжатлар рўйхатида келтирилишича, жорий йилнинг август ойигача тўйлар, оилавий тантаналар, маъракалар ва маросимлар ўтказилишини тартибга солиш бўйича парламент палаталари кенгашларининг қўшма қарори қабул қилиниши кўзда тутилган.

Бундан ташқари, тўй-ҳашам, маърака ва маросимлардаги исрофгарчиликларнинг олдини олишга қаратилган тарғибот ишлари кучайтирилади.

Бу қурувчини ҳамма қурилишларини сифати шундай бўлса, бир гап айтишга ҳайронман...

Олдинроқ қаттиқ шамол бўлганида ушбу бинонинг тепа қисми тўкилиб тушган эди.

Яқинда бўлган шамолда пастки қисмига шикаст етибди.

Объект қурилишига 60 млрд сўмга яқин маблағ ажратилгани айтилмоқда..

Бино фойдаланишга қабул қилинганми?
Назоратчилар қаерга қараяпти? ва ҳ.к.

ХУЛОСА ЎЗИНГИЗДАН.

Суратда: Термиз тиббиёт академияси янги биноси

🔞 Булар энди ўзларича "мужик"да-а...?!

⛔️ Қўлда совуқ қурол билан, 10-15 киши бир кишини уриб қовурғаларини синдириб ташлашгани айтилмоқда

Айни дамда жабрланувчи мия чайқалиши, суяк синиши каби жарохатлар билан ётгани, зўравонларга эса чора кўрилмагани айтилмоқда,

Қўқон, Боғча бозорида бўлган ҳолат экан

✈️ Ҳаж ва Умра фирибгарлигидан огоҳ бўлинг!

Бугунги кунда айрим ёвуз ниятли шахслар муқаддас зиёратни пулли фирибгарликка айлантиришмоқда. Видеодаги ҳолатда одамларнинг Ҳаж ёки Умра сафарига бориш орзуси устидан фойдаланган фирибгарлар фош этилди.

❗️Аслида эса:
✅ Ҳаж ва Умра фақат рухсат этилган ва лицензияга эга ташкилотлар орқали амалга оширилади.
✅ Тўловлар расмий ҳужжатлар асосида олинади.
✅ Ҳар бир зиёратчининг исми ва сафар ҳолати махсус тизимда рўйхатга олинади.

📌 Огоҳ бўлинг!
Ҳеч қачон номаълум шахсларга ёки норасмий ташкилотларга пул берманг!

📲 Тарқатиб, бошқаларни ҳам огоҳлантиринг!

P.S. Савдо-саноат палатаси изоҳ бериши мақсадга мувофиқ бўлар эди.

Ўзбекистон Республикаси Президенти Мирзиёев Шавкат Миромоновичга

Ассалому алейкум Муҳтарам Шавкат Миромонович !!!

Бизда мамлакатимизни ривожлантирадиган "Янги Ўзбекистон Президент шаҳарчаси"ни барпо қилиб, 11.000 та янги ишчи ўринлар яратиб, аҳоли турмуш фаровонлигини юксалтирадиган истиқболли ва мақсадли рақобатбардош импорт ўрнини босувчи экспортбоб маҳсулотлар ишлаб чиқарувчи 114 та йирик саноат заводлар ПҚ-292- сон Қарор XVII бандига мувофиқ йирик саноат заводлар Давлат дастурига оид таклиф, ғояларимиз бор,

Бу таклиф ва ғояларимиз жонажон Ўзбекистонимиз равнақи, тараққиёти, юксалиши, аҳолимиз турмуш даражасини ошириш ва камбағалликни қисқартириш, бандликни ошириш учун олиб борилаётган ислоҳатларингиз ва ишларингизга, ташаббусларингизга озгина бўлсада фойда келтиради деган умиддамиз .

N°_02- сонли мурожаатим Ўзбекистон Савдо-саноат Палатасига кирим рақами 6435 билан рўйхатга олиниб, "Президентга таклифлар штаби " ижрочи ходими мен билан сухбатлашиб, 11.000 нафар янги ишчи ўринлар яратиб, давлатимиз равнақига ҳисса қyшадиган истиқболли таклифларимизни юқори баҳолаб, Ўзбекистон Республикаси Президенти Администрациясига юборилишини маълум қилиб хат берилган эди

Лекин, Президент Администрациясига юборилмасдан, ижролари бажарилмасдан бошқа кишини номига қалбакилаштирилиб, 6435- сонли мурожаатим Умаров Авазбек Муҳиддиновични номига ўзгартирилиб қалбакилаштирилибди.

Ва "4262-сон"ли мурожаатим ҳам жавобсиз қолдириляпти. Жавоб сўраб Тошкентга, Савдо-саноат Палатасига борсам, 4262 га жавоб берилган, деб хат чиқариб беришди. Бу мурожаатим ҳам сохталаштирилиб, Бафоев Элёр Икромовични номига ўзгартирилиб, қалбакилаштирилган

ПҚ-ПФ лар ижролари бажарилиши ихтиёрий эмаску, Мухтарам Президентимизнинг ташаббуслари билан ташкиллаштирилган "Президентига таклифлар" штабида ПҚ-ПФ лар ижросига қайси мурожаатлар сохталаштирилиб, қалбакилаштириляпти?

Муҳтарам Президентимизнинг ташаббуси билан анъанага айланиб улгурган "Тадбиркорлар билан очиқ мулоқот" тадбирига тадбиркорлар томонидан таклифларни ПҚ-200 сонли қарорга мувофиқ Ўзбекистон Савдо-саноат палатасида ташкиллаштирганлар "Президетга таклифлар" штабига қолдирган "4262-сон"ли мурожаатим ПҚ-200 сонли қарорга зид равишда ҳурматли Президентимизнинг таввалуд айёмлари куни, 24 июлда қалбакилаштирилиб, Бафоев Элёр Икромовични номига ўзгартирилибди

" Қайси раҳбар рақамлаштиришни кечиктирса, очиқлик сиёсатимизга қарши чиққан бўлади" – Президент.

Президент сўзга чиққан тадбиркор ва ишбилармонларга билдирган фикрлари, янги-янги иш ўринлари яратиб, одамларни даромадли қилишга, камбағалликни қисқартиришга қаттиқ бел боғлашга тайёрлиги учун миннатдорлик билдирди.

“Сизлар тинч, эркин ва фаровон ҳаётимиз гаровисизлар, десак, ўйлайманки, муболаға бўлмайди.

“Тадбиркор – элга мададкор” деган нақлда чуқур маъно бор. Лекин, шундай катта масъулиятни зиммасига олган тадбиркорни ўзига ким мададкор?

Агар қайси ҳоким ўз ҳудудининг гуллаб-яшнаб, тараққий топишини истаса, аввало, тадбиркор ва яна бир бор тадбиркорга чинакам мададкор бўлиши керак.

Ҳурматли тадбиркор ва ишбилармонлар, ҳеч нарсадан чўчиманг. Билинг, ортингизда Президент турибди!”,. - деди давлатимиз раҳбари мулоқот якунида.

Baxtiyor Abdiev
"Хожа Абдужаббор Хожагони" МЧЖ раҳбари,
Бухоро шаҳар, Пиридастгир МФЙ 14/5- уй , 25-хонадон

Нега бугундан эмас?

Президент қарорига кўра 2027 йил 1 январгача ҳуқуқий эксперимент тариқасида:
- Соғлиқни сақлаш вазирлиги,
- Қурилиш ва уй-жой коммунал хўжалиги вазирлиги,
- Сув хўжалиги вазирлиги,
- “Ўзбекнефтгаз” АЖ,
- “Ўзсувтаъминот” АЖнинг коррупцияга қарши ички назорат бўлинмалари раҳбари лавозимига Коррупцияга қарши курашиш агентлиги ходимлари тайинланади ва бевосита Агентликка бўйсунади.

Охирги 1-2 йил ичида ушбу соҳалар коррупция ботқоғига ботиб кетган эди.

Лекин барибир ажойиб қарор!

Энг машаққатли меҳнат эгалари бўлмиш ўқитувчилар билан шифокорлар буни орзу қилишади...

Ҳар бирининг тизимида ярим миллиондан ходим бўлган Мактабгача ва мактаб таълими вазирлиги ҳамда Соғлиқни сақлаш вазирлигига қарашли дам олиш зонаси мавжуд эмас. Бошқа жуда кўплаб вазирликларда ҳам бундай дам олиш маскани мавжуд эмас.

Лекин республикамизда битта вазирлик борки, бу вазирлик ҳаммадан кўп ишласа керакки, давлат Адлия вазирлигига шундай имконият яратиб берган,

яъни вазирлик ходимлари дам олсин деб Бўстонлиқ туманида "Олмос" дам олиш зонасини ташкил этиб берган. Ушбу масканда вазирлик ходимлари исталган пайтда дам олишади, турли тадбирларни ўтказишади.

Мана энди Адлия вазирлигига бу ҳам етарли бўлмай 500 млн. сўмга Кисловодск шаҳридаги санаторийга йўлланма сотиб олганмиш.

Тўғри қилишади, яхши дам меҳнатга ҳамдам!

#Муносабат

Манба ишончга сазовор эмас!

Ижтимоий тармоқдаги қатор ахборот манбаларида гўёки судьялар ўртасида аноним сўров ўтказилиб, иштирокчиларнинг 43 фозидан кўпроғи ўзини чинакам мустақил деб ҳисобламаслиги, 60 фоизи суд ишларига турли таъсирлар (босим, таъзиқ) мавжудлигини билдирганига оид хабарлар тарқалмоқда.

Судьялар олий кенгаши ушбу “аноним сўровнома” ва унинг натижаларини ишончга сазовор эмас, деб ҳисоблайди. Буни ўтказилгани айтилаётган “сўровномада” бор-йўғи 75 нафар судья (айни пайтда фаолият кўрсатаётган судьяларнинг 6 фоизи ҳам эмас) иштирок этганидан ҳам билиш мумкин.

Иккинчидан, Кенгаш томонидан судьялар дахлсизлигини таъминлаш, уларнинг фаолиятига ноқонуний аралашувлар бўйича улар (судьялар) ўртасида аноним сўровлар ўтказиш амалиёти мавжуд. Ушбу амалиёт қамрови кенг бўлиб, нафақат муаммо, балки унинг келиб чиқиши сабабларига ҳам эътибор қаратилмоқда. Шундан келиб чиқиб, аноним сўровларда судьянинг ёши, тажрибаси, қайси йўналишда фаолият кўрсатаётгани, чинакам мустақиллик ва суд ишларига аралашувлар деганда нималарни тушуниши, қайси даражадаги бошқарув органлари ёки мансабдор (ва манфаатдор) шахслар томонидан қандай шаклда таъсир ўтказишга уриниш мавжудлигига доир саволлар қўйилиб, уларни баратараф этиш бўйича таклиф билдириш имконияти ҳам ҳавола этилган.

Ўз навбатида Кенгаш ўз аноним сўровнома натижаларини (ёпиқ маълумотлар) ҳар бир ҳудуд кесимида таҳлилий ўрганиб (ўрганиш натижалари юқорида тарқатилган маълумотлардан кескин фарқ қилади), зарур чоралар кўриб келмоқда. Амалий семинар, психологик тест ва жонли мулоқотлар ўтказиш, айрим судьялар билан индивидуал суҳбат уюштириш, муайян ҳолатлар бўйича Кенгаш раиси томонидан Бош прокуратурага тақдимнома киритиш, жойлардаги судьялар малака ҳайъатлари фаолияти самарадорлигини янада оширишга доир тавсиялар бу борада амалга оширилаётган ишлар сирасига киради.

Изчил давом этаётган суд-ҳуқуқ ислоҳотлари натижасида суд ҳокимияти мустақиллигини самарали таъмишлашга доир қатор фармон, қарор ва қонун ҳужжатлари қабул қилинди, амалдаги ҳуқуқий-норматив ҳужжатларга зарур қўшимча ва ўзгартишлар киритилди. Хусусан, янги таҳрирдаги “Судлар тўғрисида”ги қонунда судьяларнинг чинакам мустақиллиги ва дахлсизлигини таъмишлашга оид янги нормалардан ташқари суд ишларига ғайриқонуний аралашувларнинг олдини олиш судьяларнинг мажбурияти сифатида белгиланди. Судьялар дахлсизлигига таъсир ўтказиш ёки суд ишларига аралашувлар эҳтимолидан келиб чиқиб, Судьялар олий кенгашининг суд инспекцияси фаолияти кенгайтирилгани хусусида ҳам шундай дейиш мумкин. Бу борада амалга оширилган ишлар натижалари бўйича жамоатчиликка ахборот бериб келинаётгани эса очиқлик тамойилининг натижасидир.

Албатта, суд мустақиллиги, судьялар дахлсизлигини таъминлашда фаол жамоатчилик назоратининг ўрни алоҳида. Шунинг учун ҳам Кенгаш асосли танқид, аниқ таклиф ва мулоҳазалар учун очиқ. Айни мавзудаги тадқиқот ишларини қўллаб-қувватлаган ҳолда қўшимча қилиш жоизки, номаълум изланувчи томонидан бир неча йил аввал ҳатто ўтказилганига шубҳа уйғотувчи “аноним сўровнома” натижалари бугунга келиб, “Актуал саволларга судьяларнинг ўзи аноним тарзда жавоб берди”, дея тарқатилишини оқлаб бўлмайди. Чунки, бундай нотўғри ахборотлар турли талқинларга сабаб бўлиб, фуқароларни чалғитиши ва уларнинг судга бўлган ишончига путур етказиши эҳтимоли нуқтаи назаридан на жамият, на жамоатчиликка фойдаси бор?!:

Судьялар олий кенгаши матбуот хизмати

Бир неча йил олдин ёш болакай тўсатдан чалинган машина сигналидан чўчиб анҳорга тушиб кетади, кучли оқим эса қувур ичига тортиб кетади ва болакай нобуд бўлади.

Бухоро шаҳар Пиридасгир МФЙдаги "Ёшлик" спорт мажмуасидан "23-мактаб"гача бўлган йўл анҳорни ёқасида бўлиб, бу йўлдан ҳар куни 1000 га яқин ўқувчи-болалар эрталаб мактабга боришади, дарсдан сўнг уйларига қайтишади.

Ҳар куни юзлаб машиналар ҳам ўтадиган бу йўл минглаб ўқувчи-болалар ва шу атрофда яшайдиган аҳоли учун жуда хавфлидир.

"Ёшлик" спорт мажмуаси олдидаги йўлнинг автомобиллар бурилиб олиш жойида анҳорнинг суви ер остидан қувур орқали ўтказилган бўлиб, шундоқ қарама-қарши йўл қатнов қисмини ўртасидаги қувурни бир қисми очиқ ва ҳеч қанақа хавфсизлик чоралари кўрилмаган. Бу ер нафақат болаларга балки турли. ёшдаги инсонларга хавф солиб келмоқда.

Сабаби, йўлнинг ўртасидаги очиқ кўлмакка ўхшаб кўринган бу жойга ўзини эплай оладиган ҳар қандай катта киши ҳам тушиб кетса, сувнинг оқими кучлилиги сабабли инсонни ер остидаги қувурга тортиб кетади .

Бир неча йил олдин айнан шу жойда ёш болакай машина сигнал товушидан чўчиб, йўл четига ўтиб анҳорга тушиб кетади ва кучли оқим қувурни ичига тортиб кетади. Оқибатда болакай нобуд бўлган эди.

Бундай ҳолатдан тегишли хулоса чиқариб, юртимиз келажаги бўлмиш ёш авлодларимиз хавфсизлиги учун маъсулиятли бўлиш ҳамда:

- анҳорни иккала чети,
- кўприклар чети,
- йўлни ўртасидаги хавфли жойларни темир панжара ёрдамида ҳимоялаш мақсадга мувофиқ бўлар эди.

https://t.me/XalqNazorati/15668?single

Вилоят судининг раиси қайсидир вазир ўтказган йиғилишда иштирок этиши, айниқса, қўл қовуштириб туриши билан ҳеч қачон келиша олмасам керак.

Сурат Ички ишлар вазирининг Бухоро вилоятида ўтказган йиғилишида олинган.

Судьялар ўртасида ўтказилган аноним сўровнома натижасига кўра, уларнинг 36 фоизи охирги 4 йилда қарор қабул қилишингизга таьсир кўрсатувчи юқоридан “телефон қўнғироқлари” бўлганми, деган саволга ҳа деб жавоб берган.

Қарорингизни кейинги муддатга тайинланишингизга қай даражада таьсир кўрсатишини инобатга олиб қабул қиласизми, деган саволга 41 фоизи ҳа деб жавоб берган.

Боя тушлик пайти бир судья дўстимизни кўриб қолдим. Шу масалани эслади ва "асосий босим қайси идорадан деган савол қўйишмагандида, барибир айтмасдик, айтишга қўрқардик" деб ҳазиллашиб қўйди.

Давлатни судьялар (кам сонли) ўртасидаги коррупция эмас, улар фаолиятига аралашувлар обрўсизлантираяпти демаганмидик?!!

Судьялар ўртасида ўтказилган аноним сўровнома натижасига кўра, уларнинг 45 фоизи ўзини мустақил судья деб ҳисобламаган бўлса, 12 фоизи бирон нарса дея олмайман, деб жавоб берган.

Босим, тазйиқ, таъсир ўтказиш ҳолатлари бўладими, деган саволга судьяларнинг 60 фоизи ҳа деб жавоб берган.

Ваколатли идоралар шамол тегирмонлари билан жанг қилишни тўхтатиб, судьяларимиз ҳақиқий мустақиллигини таъминлаш устида бош қотиришлари лозим.

Президентимизнинг бу масаладаги охирги гапи эсдан чиқмагандир?!

ОЛОТДАГИ ҲОЛАТ БУХОРО ШАҲРИДАГИ КЎКСАРОЙ МАҲАЛЛАСИДА ТАКРОРЛАНИШИ МУМКИН

Ассалому алайкум. Бухоро шаҳри, Кўксарой маҳалла, 5/8 кўп қаватли уй қурувчиси "Алишер Нилуфар" МЧЖ томонидан икки ойдан ошди лифт ўрнатаётганига.

Лифт шу даражада очиқ ва хавфли ташлаб кетилганки, икки ойдан бери шу аҳволда ётибди. Ҳеч ким, ҳеч қайси масъул умуман хабар олгани йўқ. Қурувчини-ку, умуман айтмаса ҳам бўлади.

Илтимос қиламиз, чора кўриб беринглар!

Имконингиз бўлса, бир келинг, аҳволни кўринг, ҳурматли масъуллар!

Олот туманига ўхшаган ҳолат бўлиши шартми?

Наҳот масъуллар шу даражадада парда ортидан қарасалар?

Домни қабул қилишда масъулиятни бўйнига олиб қўл қўйган масъуллар ҳисоб беришсин!

Ким кафил, шу жойга бирор бола тушиб кетмаслигига?

Ким кафил, шу бемалол очиқ турган электр симларни ёш бола ушламаслигига?

Қани ИИБ, қани прокуратура ҳаракати?

Р а с м и й б а ё н о т

Судьялар одоби кодекси талабларидан келиб чиқиб, Тошкент шаҳар жиноят ишлари бўйича Миробод туман суди судьясининг (хизматдан ташқари вақтдаги) хатти-ҳаракатлари юзасидан хизмат текшируви ўтказилмоқда.

Ижтимоий тармоқлардаги шу мавзуга доир хабарларда тилга олинаётган ҳолатларга хизмат текшируви жараёнида аниқлик киритилади ва якуни бўйича лозим чоралар кўрилиши таъминланади.

Судьялар олий кенгаши
матбуот хизмати

Каналга уланиш:@sudyalaroliykengashi

ЖИБ Миробод туман судининг бир судьяси ичиб, маст ҳолатда "автоугон" содир қилганлиги ҳақидаги хабарлар урчиб кетмоқда.

Жиноят кодекси 267-моддасига кўра, транспорт воситасини олиб қочиш 20 йилгача озодликдан маҳрум қилиш билан жазоланади.

Ортиқча гап-сўзларнинг олдини олиш мақсадида Тошкент шаҳар судидан ҳолат бўйича расмий муносабат кутиб қоламиз.