Колькі будзе каштаваць першы беларускі электракар? Відэа Свабоды

Беларускага коміка Славу Камісаранку пазбавілі расейскага грамадзянства

З ініцыятывай пазбавіць яго пашпарту выступіла ФСБ. Таксама расейскага грамадзянства пазбавілі ўкраінскага коміка Дзьмітрыя Раманава. Пра гэта пішуць адразу некалькі крыніц. Камісаранка даўно жыве ў Заходняй Эўропе, на радзіме і ў Расеі яго абвясьцілі ў вышук.

Галоўнае за 22 красавіка

📌Прысяданьні ў гонар танка і штурм Райхстагу ў Горадні. Што ўлады Беларусі сёлета прыдумалі да 9 траўня

📌«Сытуацыя складаная». На поўдні Беларусі і ў Менскім раёне лясныя пажары

📌Беларуская чыгунка прапанавала Літве, Латвіі і Польшчы аднавіць пасажырскія зносіны, спыненыя 5 год таму

📌Расейскія вайскоўцы ўдарылі дронамі па Адэсе, адзін зь іх трапіў у жылы дом. Ёсьць пацярпелыя

📌Папу Рымскага Францішка пахаваюць у базыліцы Санта-Марыя-Маджорэ 26 красавіка

📌Беларускія ІТ-кампаніі ў Літве працягваюць скарачаць каманды, Wargaming — у топе па адтоку

📌Зьявілася інфармацыя пра зьнікненьне адміністратараў «Беларускай Вікіпедыі» — праваабаронцы

📌Што азначае для Беларусі імкненьне Расеі далучыць расейскамоўныя рэгіёны Ўкраіны — аналіз Валера Карбалевіча

У Асіповічах загінула немаўля, у яго сьмерці вінавацяць бацькоў

https://smarturl.click/nVyLV

Увечары 20 красавіка брыгада хуткай дапамогі канстатавала сьмерць дзяўчынкі. Ёй было толькі паўтара месяца. На бацькоў завялі крымінальную справу.

Орбан запусьціў апытаньне грамадзянаў Вугоршчыны наконт уступленьня Ўкраіны ў Эўразьвяз

https://smarturl.click/Axd1y

Сам вугорскі прэм’ер адкрыта заявіў, што выступае супраць. Галоўнай прычынай ён называе зьнішчэньне дзяржаўнай эканомікі, што нібыта адбудзецца ў выпадку ўступленьня ў Эўраўзьвяз краіны-суседкі.

Зьявілася інфармацыя пра зьнікненьне адміністратараў «Беларускай Вікіпэдыі» — праваабаронцы

https://smarturl.click/0BeE8

Праваабаронцы просяць паведаміць людзей пра ўсе вядомыя зьвесткі пра зьнікненьне адміністратараў, а таксама пра перасьлед іншых.

Што азначае для Беларусі імкненьне Расеі далучыць расейскамоўныя рэгіёны Ўкраіны — аналіз Валера Карбалевіча

https://smarturl.click/zd2zo

Прэтэнзіі РФ на расейскамоўныя рэгіёны Украіны цалкам выцякаюць з канцэпту «рускага сьвету». Паводле яго, усе, хто размаўляе на расейскай мове, зьяўляюцца прадстаўнікамі расейскай цывілізацыі.

Беларусь — у асноўным расейскамоўная краіна, дзе працэсы русіфікацыі і сьвядомага абмежаваньня на ўжываньне беларускай мовы сталі часткай дзяржаўнай палітыкі. Таму незалежнасьць Беларусі грунтуецца на вельмі хісткай аснове.

На здымку прэзыдэнт Расеі Ўладзімір Пуцін паціскае руку прадстаўніку прэзыдэнта ЗША Дональда Трампа Стыву Ўіткафу падчас сустрэчы ў Санкт-Пецярбургу 11 красавіка 2025 году.

Расейскія войскі зноў атакавалі Запарожжа, Харкаў, Херсон. Ёсьць ахвяры

https://smarturl.click/b5aJ6

Паводле апошніх зьвестак, у выніку расейскай атакі па горадзе параненыя 23 чалавек, паведамілі ў Дзяржаўнай службе надзвычайных сытуацый Украіны. Сярод пацярпелых — чацьвёра дзяцей, у тым ліку 14-гадовы хлопчык, які знаходзіцца ў цяжкім стане, і 4-гадовы хлопчык у стане сярэдняй цяжкасьці. Адна жанчына загінула.

Фота ДСНС УКраіны

Пасьля аварыі на ЧАЭС распаліся каля 60% стронцыю і цэзію, у зоне радыяактыўнага забруджваньня жыве амаль мільён чалавек

https://smarturl.click/9oz1G

Праз 39 гадоў пасьля катастрофы на Чарнобыльскай АЭС распалася 60% цэзію-137 і каля 62% стронцыю-90.

Агульная плошча радыяактыўнага забруджваньня цяпер складае каля 12% ад тэрыторыі Беларусі (каля 25 тысяч кв. км), у зонах забруджваньня — 1859 населеных пунктаў, у якіх жывуць 930 тысяч чалавек, у тым ліку 181 тысяча дзяцей.

Курс даляра ў Беларусі абнавіў мінімум зь ліпеня 2023 году

https://smarturl.click/5ZOA3

Даляр ЗША на Беларускай валютна-фондавай біржы 22 ліпеня па выніках таргоў патаньнеў да 3,0251 рубля — на 0,66%, ці на 2,02 капейкі. Гэта мінімальны курс даляра зь ліпеня 2023 году. Эўра ўпаў да 3,4621 рубля (на 2,74 капейкі), расейскі рубель страціў 0,29%. Кітайскі юань нязначна падаражэў.

Беларускія ІТ-кампаніі ў Літве працягваюць скарачаць каманды, Wargaming — у топе па адтоку

https://smarturl.click/VRD64

З пачатку 2025 году літоўскія офісы страцілі сумарна больш за 100 спэцыялістаў, заўважыла Dev.by. Больш за ўсё спэцыялістаў са студзеня гэтага году страцілі ІТ-кампаніі, якія займаюцца распрацоўкай гульняў: толькі з Wargaming сёлета сышлі 34 супрацоўнікі, столькі ж — з кампаніі МА (экс-Melsoft LT). А каманда EPAM са студзеня страціла каля 20 спэцыялістаў.

Пасьля сьвятаў на беларуска-польскай мяжы сабралася чарга з 900 легкавікоў

https://smarturl.click/dwp5z

На 10-ю раніцы 22 красавіка ў пункце пропуску «Берасьце» выезду ў Польшчу чакалі 900 легкавых аўтамабіляў. Невялікія чэргі легкавікоў ёсьць і на выезд у Літву: 40 аўтамабіляў у пункце пропуску Каменны Лог і 20 — у Беняконях. Таксама ў чэргах на ўезд у ЭЗ 2630 грузавікоў, больш за ўсё — на беларуска-польскай мяжы.

Папу Францішка пахаваюць 26 красавіка ў базыліцы Санта-Марыя-Маджорэ

https://smarturl.click/ZXyp2

У запавеце папа Францішак просіць, каб пахаваньне было простым: «Магіла павінна быць у зямлі; простая, без асаблівых упрыгожваньняў і з адзіным надпісам: Францішак».

Пахаваньне пройдзе раніцай 26 красавіка. Паміж 15-м і 20-м днём пасьля сьмерці папы мае сабрацца Канкляў, які абярэ новага папу рымскага. Расказваем, колькі кардыналаў у ім удзельнічаюць і якія імёны гучаць у СМІ сярод магчымых пераемнікаў папы Францішка.

Беларуская чыгунка прапанавала Літве, Латвіі і Польшчы аднавіць пасажырскія зносіны, спыненыя 5 год таму

https://smarturl.click/13d4W

На Канфэрэнцыі гендырэктараў чыгунак Арганізацыі супрацоўніцтва чыгунак дэлегацыя БЧ прапанавала калегам зь Літвы, Латвіі і Польшчы аднавіць прамыя пасажырскія зносіны зь Беларусьсю. Гэтыя тры краіны-суседкі прыпынілі міжнародныя пасажырскія чыгуначныя зносіны зь Беларусьсю ў сакавіку 2020 году, з пачаткам пандэміі COVID-19, але і па яе заканчэньні перавозкі ня сталі аднаўляць.

«Сытуацыя складаная». На поўдні Беларусі і ў Менскім раёне лясныя пажары

https://smarturl.click/0Bep8

За выходныя работнікі лясной гаспадаркі ліквідавалі 26 лясных пажараў на плошчы звыш 100 га. Толькі за ўчора стала вядома пра пяць выпадкаў узгараньняў у лясах Менскай, Берасьцейскай і Гомельскай вобласьцяў, паведамляе Мінлясгас. Буйны пажар у Столінскім раёне тушылі з прымяненьнем авіяцыі МНС.

«Сытуацыя складаная. Паведамленьні аб узгараньнях прыходзяць адно за адным», — прызнаў міністар лясной гаспадаркі Беларусі Аляксандар Кулік.

Прысяданьні ў гонар танка і штурм Райхстагу ў Горадні. Што ўлады Беларусі сёлета прыдумалі да 9 траўня

https://smarturl.click/AxdeO

Райхстаг у Горадні, надпіс з саджанцаў, дзіцячы парад у Гомлі, 22 крокі на месцы ў дзіцячых садках. Сабралі дзіўныя акцыі, якія ўлады Беларусі прыдумалі сёлета да 9 траўня.

У гэты дзень у 1794-м войскі Касьцюшкі вызвалілі Вільню ад расейцаў

У ноч на 23 красавіка 1794 году Якуб Ясінскі, кіраўнік паўстаньня Касьцюшкі ў ВКЛ, узначаліў паўстаньне ў Вільні. Паўстанцы абяззброілі расейскі гарнізон, узяўшы ў палон 1012 чалавек

Паўстаньне ставіла мэтай скасаваньне першага і другога падзелаў Рэчы Паспалітай, якія адбыліся ў 1772 і 1793 гадах.

Больш падзей гэтага дня ў гісторыі пад спасылкай: https://smarturl.click/dwpJ6

Галоўнае 21 красавіка

📌«Больш за ўсё на Гомельшчыне». Пасьля ўзлому «Гаюна» прайшло больш за два месяцы: што вядома пра зьвязаныя з гэтым арышты

📌Каго ўсе баяцца? Ліст Сяргея Дубаўца да менскага сябра пра «адзін народ»

📌Пасьля хваробы памёр папа Рымскі Францішак. Што ён казаў у апошнім звароце Urbi et Orbi

📌Папа Францішак заклікаў беларускія ўлады адмовіцца ад гвалту, шанаваў ікону Маці Божай Жыровіцкай

📌Праваабаронцы паведамілі, што вязьні ў калёніях зноў маюць праблемы з атрыманьнем грашовых пераводаў

📌Беларускі завод «Пеленг» падаў у суд на расейскага вытворцу. Вынікі першага суду засакрэцілі

📌Пасьля Велікоднага перамір’я расейскія войскі атакавалі Ўкраіну ракетамі і бесьпілётнікамі

У Ватыкане агучылі прычыну сьмерці Папы

https://smarturl.click/Gg6e4

Хорхэ Марыё Бэргольё памёр 21 красавіка ў Велікодны панядзелак ва ўзросьце 88 гадоў. Напярэдадні ён зьвярнуўся да вернікаў з традыцыйным велікодным пасланьнем Urbi et Orbi.

У «сьпіс тэрарыстаў», які вядзе КДБ Беларусі, дадалі былых сілавікоў, што выступалі супраць гвалту

https://smarturl.click/JnDnw

Цяпер у «сьпісе тэрарыстаў» КДБ 1385 пазыцыі і 1276 чалавек, зь іх сама меней 588 — грамадзяне Беларусі. Абвешчаным «тэрарыстамі» зьняволеным забаронена атрымліваць грашовыя пераводы.

Беларускі завод «Пеленг» падаў у суд на расейскага вытворцу. Вынікі першага суду засакрэцілі

https://smarturl.click/DYaXz

Прадпрыемства беларускага дзяржаўнага вайскова-прамысловага комплексу патрабуе ад расейскай кампаніі 3 млн рублёў. Дэталі судовых спрэчак апісвае @zerkalo_io Адзін з пазоваў тычыцца пагадненьняў 6-гадовай даўніны. Справу разглядае суд Растоўскай вобласьці Расеі.

За пяць гадоў наклад газэтаў у Беларусі зьменшыўся амаль на 40%

https://smarturl.click/nVy56

Даныя Белстату сьведчаць пра рэзкае падзеньне накладаў папяровых газэт у краіне. Колькасьць найменьняў газэтаў у Беларусі за апошнія пяць гадоў скарацілася на 23,1%. Часопісы і іншыя пэрыядычныя выданьні таксама імкліва дэградуюць.

Лукашэнка заклікаў абмежаваць будаўніцтва жыльля ў вялікіх гарадах і разьвіваць яго ў такіх мястэчках, як Копысь

https://smarturl.click/b5a58

Аляксандар Лукашэнка лічыць, што людзі зь Менску паедуць у яго роднае мястэчка Копысь, што ў Віцебскай вобласьці, каб працаваць на дрэваапрацоўцы. Беларускія пасёлкі гарадзкога тыпу ён назваў «ідэальнымі», пры гэтым ніяк не ўзьняў пытаньня, чаму насельніцтва, у прыватнасьці ў згаданым Аршанскім раёне, штогод рэзка скарачаецца.

Расейскі суд аштрафаваў Google за абнародаваньне асабістых зьвестак салдатаў, якія ваявалі ва Ўкраіне

https://smarturl.click/Qb1d0

Адной з прычынаў штрафу стала публікацыя на YouTube інструкцыі для расейскіх вайскоўцаў, як здацца ў палон. Але былі таксама іншыя падставы для судовага перасьледу кампаніі.

У Менску перакрыты тэмпэратурны рэкорд 1911 году

https://smarturl.click/dwpA6

Тэмпэратурны рэкорд 114-гадовай даўніны перакрыты 20 красавіка ў Менску. Таксама на Вялікдзень у Беларусі пабіта 7 рэкордаў, якія трымаліся з 1950 году.

«Рэпартэры бязь межаў» лічаць Беларусь «галоўным турэмнікам журналістаў» у Эўропе, агенцтва AP расказала пра некаторых зь іх

https://smarturl.click/e055D

Беларусь на першым месцы ў Эўропе па колькасьці зьняволеных журналістаў. Каля 40 прадстаўнікоў мэдыя цяпер за кратамі. Прынамсі 600 прадстаўнікоў беларускіх мэдыя, паводле зьвестак «Рэпартэраў бязь межаў», зьехалі за мяжу, але і там працягваюць сутыкацца зь ціскам уладаў.

Агенцтва Associated Press апублікавала артыкул, прысьвечаны рэпрэсіям супраць журналістаў у Беларусі.

Што казаў папа Францішак пра Беларусь

https://smarturl.click/eXO1

Папа Францішак зьвяртаў увагу на падзеі ў Беларусі, ён прымаў у сябе герархаў і вернікаў зь Беларусі, шанаваў беларускія сьвятыні. У 2020 годзе пантыфік заклікаў улады Беларусі адмовіцца ад гвалту, а ў чэрвені 2023 году ў пасланьні да беларусаў заклікаў да «прымірэньня ўнутры краіны і ва ўзаемаадносінах з суседнімі народамі».

У Менску ўшануюць памяць памерлага папы Францішка

https://smarturl.click/eXO1

Сёньня а 15-й гадзіне ў менскім катэдральным касьцёле Найсьвяцейшага імя Марыі пачнецца сьвятая Імша ў інтэнцыі спачылага папы Францішка, яе ўзначаліць арцыбіскуп Юзаф Станеўскі, мітрапаліт Менска-Магілёўскі, старшыня Канфэрэнцыі каталіцкіх біскупаў у Беларусі.

Каго ўсе баяцца? Ліст Сяргея Дубаўца да менскага сябра пра «адзін народ»

https://smarturl.click/vdwwQ

Чым жывуць, пра што думаюць, чым пераймаюцца і на што спадзяюцца беларусы ў вымушанай эміграцыі. Пра гэта ў новым лісьце да свайго менскага сябра піша Сяргей Дубавец.

Што казаў папа Францішак пра вайну Расеі ва Ўкраіне, аборты, ролю жанчын у касьцёле

https://smarturl.click/Qb1b0

266-ы папа Рымска-каталіцкай царквы, Папа Францішак, які памёр сёньня, быў першым папам з Амэрыкі, першым езуітам і першым пантыфікам, які нарадзіўся па-за межамі Эўропы за больш чым тысячагодзьдзе. Ягонае папства было адзначанае засяроджанасьцю на міласэрнасьці, сацыяльнай справядлівасьці і ахове навакольнага асяродзьдзя.

Трамп выказаў надзею на пагадненьне паміж Украінай і Расеяй «на гэтым тыдні» пасьля Велікоднага перамір’я

https://smarturl.click/ZXyyW

Велікоднае перамір’е ў баях паміж Расіяй і Украінай, як падаецца, скараціла некаторыя авіяўдары па ўкраінскіх гарадах, але Кіеў заявіў пра сотні парушэньняў цішы расейскімі сіламі. Тым ня менш, прэзыдэнт ЗША Дональд Трамп позна ўвечары 20 красавіка заявіў: «Спадзяюся, Украіна і Расея дамовяцца на гэтым тыдні».

Раніцай 21 красавіка паветраныя атакі на Ўкраіну аднавіліся.

#rfe_rl

Памёр папа Рымскі Францішак

https://smarturl.click/6W77a

Папа Рымскі Францішак памёр у Велікодны панядзелак, 21 красавіка 2025 году, ва ўзросьце 88 гадоў у сваёй рэзыдэнцыі ў ватыканскім доме Санта-Марта, паведамілі ў Ватыкане.

Пасьля працяглай шпіталізацыі сёлета папа Францішак не праводзіў велікодных службаў у Рыме, даручыўшы гэта кардыналам. Учора ён выступіў з апошнім традыцыйным велікодным пасланьнем да вернікаў Urbi et Orbi.

У Кіеве падлічылі, колькі разоў Расея парушала абвешчанае ёю Велікоднае перамір’е

https://smarturl.click/L3YYj

Паводле дакладу галоўнакамандуючага Ўзброенымі Сіламі Ўкраіны, за Вялікдзень расейскія войскі больш за 2,9 тысячы разоў парушылі аб’яўленае Расеяй спыненьне агню. Пасьля гэтага дакладу прэзыдэнт Украіны Ўладзімір Зяленскі заявіў, што дзеяньні Ўкраіны і будуць «люстранымі».

«Больш за ўсё на Гомельшчыне». Пасьля ўзлому «Гаюна» прайшло больш за два месяцы: што вядома пра зьвязаныя з гэтым арышты

https://smarturl.click/w499b

Як стала вядома Свабодзе, затрыманьні за фота і відэа зь перамяшчэньнямі расейскіх вайскоўцаў і тэхнікі па тэрыторыі Беларусі працягваюцца. Арыштаваным можа пагражаць да сямі гадоў турмы. Расказваем падрабязнасьці.

Дзясяткі гэктараў лесу гарэлі ў Гомельскай вобласьці ад пераходу агню з Украіны

https://smarturl.click/nVyyW

Маштабны лясны пажар каля мяжы з Украінай ліквідавалі напярэдадні, паведаміла 20 красавіка Міністэрства лясной гаспадаркі. Агонь з тэрыторыі Ўкраіны перайшоў на лясны фонд Мілошавіцкага лясгасу (Лельчыцкі раён Гомельскай вобласьці), пацярпелі дзясяткі гектараў ляснога фонду — дакладную плошчу ачагу ўдакладняюць. Пажар тушылі сіламі 70 чалавек і 20 адзінак тэхнікі.

Фота ілюстрацыйнае

Ужо сёньня: дзень народзінаў Віктара Каліноўскага

21 красавіка 1833 году нарадзіўся Віктар Отан Каліноўскі, гісторык, археограф, бібліяфіл, удзельнік нацыянальна-вызвольнага руху, брат Кастуся Каліноўскага.

Іншыя падзеі дня ў гісторыі: https://smarturl.click/4OkM1

Папа Францішак зьвярнуўся да вернікаў і асобна згадаў Украіну, Сырыю, М’янму, Судан і шэраг іншых краінаў

https://smarturl.click/ggp2R

🇻🇦 У Ватыкане прагучала традыцыйнае велікоднае пасланьне Urbi et Orbi.

Пасьля рэкордаў холаду ў Беларусі трэці дзень запар падаюць рэкорды цяпла

https://smarturl.click/Gg6jV

19 красавіка ў Полацку паветра прагрэлася да 25,8 градуса вышэй за нуль. Ранейшы максымум дня трымаўся з 2000 году (+25,5° у Берасьці).

📷 Як у Менску будавалі Дом ураду

Фотагалерэя: https://smarturl.click/20qMJ

Расейскі «Госкаталог» выклаў у вольны доступ фотальбом з унікальнымі фотаздымкамі з будаўніцтва і адкрыцьця Дому ўраду ў Менску. Арыгіналы здымкаў захоўваюцца ў фондах Дзяржаўнага музэю гісторыі Санкт-Пецярбургу. Знакаміты ўрадавы будынак у сталіцы ўзьвялі ў 1930—1934 гг. паводле праекту архітэктара Ёсіфа Лангбарда.

Здымкі паказваюць работы на Доме ўраду ад першай стадыі будаўніцтва да першых бальшавіцкіх мітынгаў каля ўзьведзенага будынку і пастаўленага перад ім помніка Леніну.

У Петрыкаўскім раёне тушылі пажар на тарфяніку, спатрэбілася 14 адзінак тэхнікі

https://smarturl.click/Qb1MR

На тушэньне пажару спатрэбілася звыш трох гадзінаў. Колькасьць падобных пажараў у Гомельскай вобласьці імкліва расьце.

Беларускія цэрквы розных канфэсіяў павіншавалі беларусаў зь Вялікаднем

https://smarturl.click/E1mQL

Сёлета календары супалі, і 20 красавіка вернікі розных канфэсіяў адзначаюць Вялікдзень, адно з найгалоўнейшых хрысьціянскіх сьвятаў.

Зяленскі абвінаваціў Расею ў парушэньні абвешчанага Пуціным замірэньня

https://smarturl.click/xVpJZ

Украінскі бок ранкам 20 красавіка заявіў пра шэраг абстрэлаў з боку расейскіх вайскоўцаў.

Вялікдзень. Моўны тэст

https://smarturl.click/yZwL

Вялікдзень — галоўнае сьвята хрысьціян усіх канфэсіяў. У Беларусі яго часта адзначаюць двойчы, бо сьвяточны дзень разьлічваецца паводле грыгарыянскага (заходняга) і юльянскага (усходняга) календароў. Але сёлета ў адзін дзень. Сьвята старажытнае, з дахрысьціянскімі каранямі, у Беларусі зь ім зьвязана мноства калярытных традыцыяў і назваў. Нескладаны і пазнавальны ТЭСТ на велікодныя словы.

Ужо сёньня: Вялікдзень у католікаў, праваслаўных і пратэстантаў

Асноўныя хрысьціянскія канфэсіі (каталікі, праваслаўныя, пратэстанты) сёлета адзначаюць Вялікдзень 20 красавіка.
На сьвята Белгідрамет прагназуе да 25 градусаў цяпла.

Больш падзей гэтага дня ў гісторыі ў матэрыяле пад спасылкай:

https://smarturl.click/aRB50

На архіўным фота велікодная імша ў каталіцкім катэдральным саборы ў Горадні

Украіна прапануе перамір'е не на 30 гадзін, а на 30 дзён

https://smarturl.click/L3vlM

Спасылаючыся на даклад Вярхоўнага галоўнакамандуючага УСУ Аляксандра Сырскага, прэзыдэнт Украіны Ўладзімір Зяленскі заявіў, што, нягледзячы на заяву Пуціна аб велікодным перамірʼі да 21 красавіка, на асобных участках фронту працягваюцца расейскія штурмавыя баявыя дзеяньні і абстрэлы расейскай артылерыі.

«Таму да словаў з Масквы няма даверу. Мы добра ведаем, як маніпулюе Масква, і заўсёды гатовыя на ўсё. Украінскія сілы абароны будуць дзейнічаць рацыянальна, адказваючы люстэркава. На кожны расейскі ўдар будзе дастатковы адказ».

Зяленскі заявіў, што калі сапраўды запануе поўная цішыня, то Ўкраіна прапануе падоўжыць яе і пасьля Вялікадня 20 красавіка:

«Гэта раскрые сапраўдныя намеры Расеі, бо 30 гадзін дастаткова для загалоўкаў, але не для рэальных захадаў умацаваньня даверу. 30 дзён могуць даць міру шанец».

Галоўнае за 19 красавіка

Пуцін абвясьціў Велікоднае перамір’е да поўначы 21 красавіка. Зяленскі адказаў

Паміж Расеяй і Украінай адбыўся буйны абмен палоннымі

Заўтра Вялікдзень. Расказваем, як сьвяткуюць беларусы замежжа

У Расеі суд пакараў дзяўчыну турмой за верш Тараса Шаўчэнкі

Валянтэр «Вясны» Чапюк выйшаў на волю пасьля адбыцьця тэрміну

Палітвязень Мікола Статкевіч ужо 800 дзён у рэжыме інкамунікада

Paysera папярэдзіла расейцаў і беларусаў пра замарозку рахункаў, калі не пакажуць ВНЖ

У Кітаі робаты-гуманоіды ўпершыню ўзялі ўдзел у паўмарафоне

На фота вызваленыя з расейскага палону ўкраінскія вайскоўцы

Праз сухое цёплае надвор’е ўлады абмежавалі наведваньне лясоў у 116 раёнах Беларусі

https://smarturl.click/MGEWo

Абмежаваньне азначае, што ў лясы нельга заяжджаць на аўтамабілі і разводзіць там вогнішчы.

У Хвойніцкім раёне Гомельскай вобласьці ўвялі поўную забарону на наведваньне лясоў, у Лунінецкім Берасьцейскай — забароны і абмежаваньняў няма.

На архіўным фота лясны пажар на Гомельшчыне

Перад Вялікаднем паміж Расеяй і Ўкраінай адбыўся буйны абмен палоннымі

https://smarturl.click/WRDVA

Прэзыдэнт Украіны Ўладзімір Зяленскі 19 красавіка паведаміў пра вяртаньне з расейскага палону яшчэ 277 украінскіх вайскоўцаў.

Паводле Зеленскага, агулам з пачатку поўнамаштабнай вайны з расейскага палону вярнуліся дадому 4552 украінцы — вайскоўцы і мірныя жыхары.

Як паведамляе прэс-служба Мінабароны Расеі, 19 красавіка «ў выніку перамоўнага працэсу» з Украіны вернутыя 246 расейскіх вайскоўцаў, і яшчэ 15 параненых.

Расейскія вайскоўцы цяпер атрымліваюць мэдыцынскую дапамогу ў Беларусі.

На фота вызваленыя за расейскага палону ўкраінскія вайскоўцы

Зяленскі адказаў на заяву Пуціна аб Велікодным перамір’і: «У нашым небе расейскія бесьпілётнікі»

https://smarturl.click/L3vlM

Прэзыдэнт Украіны Ўладзімір Зяленскі ўвечары 19 красавіка пракамэнтаваў заяву Крамля аб «Велікодным перамір’і».

Ён назваў гэта спробай гульні з жыцьцямі людзей і ўказаў на паветраную трывогу ў некалькіх рэгіёнах Украіны:

«У 17.15 у нашым небе былі выяўленыя расейскія ўдарныя бесьпілётнікі. Украінская СПА і авіяцыя ўжо прыступілі да працы па абароне. „Шахеды“ ў нашым небе — гэта сапраўднае стаўленьне Пуціна да Вялікадня і да жыцьцяў людзей».

Мэр Кіева Віталь Клічко паведаміў аб працы супрацьпаветранай абароны ад расейскіх бесьпілётнікаў на левым беразе сталіцы Ўкраіны.

У Кітаі робаты-гуманоіды ўпершыню ўзялі ўдзел у паўмарафоне

https://smarturl.click/9ox2O

Дзясяткі гуманоідных робатаў выйшлі на вуліцы Пэкіну 19 красавіка, далучыўшыся да жывых бегуноў у першым у сьвеце такім паўмаратоне.

Забег на 21 кілямэтар прайшоў у E-Town (Пэкінскім электронным горадзе).

Адзін невялікі андроід упаў і ляжаў на зямлі некалькі хвілін, перш чым сам падняўся пад гучныя крыкі.

Іншы збочыў праз стартавую лінію, урэзаўся ў бар’ер і зьбіў інжынэра. Але многія дабеглі.

Першым з гуманоідаў на фінішы быў самы высокі і адзін з самых цяжкіх робатаў на спаборніцтвах, нягледзячы на тое, што ён упаў у сярэдзіне гонкі. Чорны мэталічны «Tiangong Ultra» фінішаваў за дзьве гадзіны, 40 хвілін і 42 сэкунды. Хаця людзі беглі хутчэй.

Пуцін абвясьціў Велікоднае замірэньне і заклікаў Кіеў зрабіць тое ж
https://smarturl.click/L3vlM

Расейскія афіцыйныя СМІ паведамілі, што Ўладзімір Пуцін абвясьціў Велікоднае перамір’е ў вайне з Украінай.

«Расейскі бок спыняе ўсе баявыя дзеяньні з 18:00 19 красавіка да 00:00 21 красавіка», сказаў Пуцін.

«Кіруючыся гуманітарнымі меркаваньнямі, сёньня з 18.00 да 00.00 з нядзелі на панядзелак расейскі бок аб’яўляе велікоднае перамірʼе. Загадваю на гэты пэрыяд спыніць усе баявыя дзеяньні».

Рэакцыі ўкраінскага боку пакуль няма.

17 красавіка прэзыдэнт ЗША Дональд Трамп заявіў, што чакае адказу ад Масквы наконт спыненьня баявых дзеяньняў ва Ўкраіне «да канца тыдня».

Пры дэфіцыце бульбы і гародніны ў крамах чыноўнікі МАРГ учынілі рэйды ў сховішчы

https://smarturl.click/nVjv9

Апошнім часам з крамаў Беларусі зьнікла бульба і іншая гародніна мясцовага паходжаньня. А калі ёсьць, то дробная і невысокай якасьці.

Але Міністэрства антыманапольнага рэгуляваньня і гандлю знайшло ў сховішчах дастаткова бульбы, морквы і цыбулі.

Сытуацыя ўзьнікла праз дыспарытэт цэн, калі беларускім вытворцам стала выгадней пастаўляць сваю бульбу на вонкавыя рынкі.

17 красавіка набыла моц пастанова Савету Міністраў, якая карэктуе сыстэму рэгуляваньня цэн.

Закупныя цэны на бульбу і гародніну падвысілі.

На архіўным фота гатункі беларускай бульбы

У Расеі суд пакараў дзяўчыну турмой за верш Тараса Шаўчэнкі «Запавет»

https://smarturl.click/DYmWZ

Суд у расейскім Санцкт-Пецярбургу прысудзіў 19-гадовай Дар’і Козыравай два гады і восем месяцаў калёніі агульнага рэжыму ў справе аб «дыскрэдытацыі» расейскай арміі за плякат на пастамэнце помніка Тарасу Шаўчэнку з фрагмэнтам яго верша і інтэрвію выданьню Радыё Свабода Север.Реалии.

Суд палічыў, што ў клясычным вершы Шаўчэнкі «Заповіт» «зьмяшчаецца заклік да супраціву»:

«Поховайте та вставайте / Кайдани порвіте / І вражою злою кров’ю / Волю окропіте»
.

Літоўская фінансавая кампанія Paysera папярэдзіла расейцаў і беларусаў пра блякаваньне рахункаў

https://smarturl.click/E1mv5

Рахункі могуць заблякаваць, калі кліенты не пацьвердзяць дазвол на жыхарства ў ЭЗ цягам 14 дзён.

Паводле некаторых кліентаў, у іх ужо перасталі працаваць функцыі адпраўкі сродкаў праз Google Pay і аплаты па нумары карты.

Paysera — фінансавая кампанія, у якой можна адкрываць рахункі як фізычным асобам, так і кампаніям і заводзіць платныя карткі, прывязаныя да гэтых рахункаў.

Валянтэр «Вясны» Андрэй Чапюк выйшаў на волю пасьля адбыцьця тэрміну

https://smarturl.click/xVpRZ

Але на волю яго вывезьлі не адразу, а правялі дадатковы допыт.

Чапюка не аддалі родным, якія чакалі яго каля калёніі, сілавікі пасадзілі яго ў кайданках у машыну.

Але позна 18 красавіка стала вядома, што ў той жа вечар яго адпусьцілі. Гэтую інфармацыю Свабодзе пацьвердзілі ў «Вясьне».

За кратамі застаюцца чатыры прадстаўнікі праваабарончага цэнтра «Вясна»: ляўрэат Нобэлеўскай прэміі міру Алесь Бяляцкі, Валянцін Стэфановіч, Уладзімер Лабковіч, Марфа Рабкова.

Анамальнае цяпло ў Беларусі: у Менску і трох абласных цэнтрах перапісалі рэкорды дня 66-гадовай даўніны

https://smarturl.click/xVpRn

18 красавіка на ўсіх мэтэастанцыях Беларусі абноўленыя рэкорды цяпла, у тым ліку два месячныя максымумы.

🔸У Верхнядзьвінску (Дрысе) паветра прагрэлася да +27,9°.

🔸У Менску і трох абласных цэнтрах перапісаныя рэкорды дня 66-гадовай даўніны. У сталіцы максымальная тэмпэратура склала +26,4°.

🔸На 19 красавіка Белгідрамет прагназуе да 26 градусаў. 20 красавіка чакаецца да 25 градусаў цяпла.

На фота панарама Менску

Кіраўнік МУС Польшчы наведаў закрыты пераход на мяжы зь Беларусьсю і сказаў, пры якіх умовах яго могуць адкрыць

https://smarturl.click/AxEq9

Міністар Томаш Семоняк пасьля агляду памежнай інфраструктуры сказаў, што няма ніякіх прыкмет таго, што гібрыдная агрэсія на гэтай мяжы спыніцца.

Пераход у Баброўніках (зь беларускага боку Бераставіца) закрыты з 2023 году.

«Пакуль Беларусь будзе паводзіць сябе так у адносінах да польскай дзяржавы, ня бачу магчымасьці, каб нешта ў гэтай сфэры зьмянілася», — сказаў кіраўнік МУС Польшчы.

На фата агенцтва ПАП Томаш Семоняк

Палітвязень Мікола Статкевіч ужо 800 дзён у рэжыме інкамунікада

https://smarturl.click/vdbQR

68-гадовага палітвязьня Міколу Статкевіча трымаюць за кратамі бязь вестак, у рэжыме інкамунікада, ўужо 800 дзён.

Гэта стала стала вядома ад яго сваякоў.

Адміністрацыя глыбоцкай калёніі паставіла яго на ўлік як «схільнага да экстрэмізму».

Жонка Статкевіча Марына Адамовіч казала, што апошні раз яна атрымлівала ад яго вестку 9 лютага 2023 году.

Сёлета ўсе хрысьціяне сьвяткуюць Вялікдзень разам. Расказваем, што падрыхтавана для беларусаў замежжа

https://smarturl.click/6W04g

«Пірагі і булкі мы пячом аднолькавыя, і яйкі мы падобна фарбуем. Так што прынамсі тут можам аб’яднацца, славячы Госпада і асьвячаючы стравы».

Ужо сёньня: дзень нараджэньня Ўсевалада Ігнатоўскага

19 красавіка 1881 году нарадзіўся Ўсевалад Ігнатоўскі, беларускі грамадзкі дзяяч, гісторык, першы прэзыдэнт Акадэміі навук Беларусі.

Больш падзей гэтага дня ў гісторыі ў матэрыяле пад спасылкай: https://smarturl.click/QbMLY

Галоўнае за 18 красавіка

📌«Ніколі ня думала, што гэта важна». Чаму ў Беларусі моцна зьнізілася колькасьць шлюбаў

📌Расея атакавала Харкаў трыма ракетамі «Іскандэр», ёсьць ахвяры і разбурэньні

📌Улады адрэагавалі на дэфіцыт бульбы ў беларускіх крамах

📌Ці адкрыюць перамовы ў Парыжы новы шлях да міру ва Ўкраіне. Аналіз Свабоды

📌Ціханоўская: «Добрыя расейцы» павінны заявіць, што ня будуць замахвацца на сувэрэнітэт Беларусі

📌Рубіё: ЗША гатовыя адмовіцца ад спробаў дасягнуць міру паміж Расеяй і Ўкраінай, калі ня будзе прагрэсу

📌Хроніка перасьледу 18 красавіка: затрыманьні і ператрусы ў Койданаве; 50 чалавек папоўнілі «сьпіс экстрэмістаў»

📌Украіна ўвяла санкцыі супраць сьветлагорскага «Хімвалакна», а таксама расейскіх кампаній і асобаў

📌Чаму Нарышкін прыяжджаў у Беларусь і навошта Лукашэнку 150 тысяч пакістанцаў. Вынікі тыдня

У выніку ўдараў ЗША па порце на захадзе Емэну загінулі 74 чалавекі

https://smarturl.click/3QRzZ

Паводле лічбаў міністэрства аховы здароўя, падкантрольнага хусітам, у выніку амэрыканскіх авіяўдараў па паліўным порце Рас Іса на захадзе Емэну загінулі мінімум 74 чалавекі, яшчэ 171 чалавек атрымаў раненьні.

Навошта Нарышкін прыяжджаў у Беларусь. Вынікі тыдня

У чым сэнс візыту ў Менск дырэктара Службы вонкавай выведкі РФ Сяргея Нарышкіна і навошта Лукашэнку 150 тысяч пакістанцаў у Беларусі. Вынікі тыдня падводзіць палітычны аглядальнік Свабоды Валер Карбалевіч.

ВІДЭА: https://www.youtube.com/watch?v=G4F-pW13ueY

У Варшаве затрымалі трох беларусаў, іх падазраюць у захоўваньні наркотыкаў

https://smarturl.click/AxEw9

Супрацоўнікі паліцыі варшаўскага раёна Бэмова затрымалі грамадзянаў Беларусі 20, 21 і 22 гадоў. Ім высунулі абвінавачаньні ў захоўваньні наркатычных сродкаў і псыхатропных рэчываў у значным памеры.

Лукашэнка ўзнагародзіў мэдалём Скарыны сваю нявестку. Відэа Свабоды

Гэта далёка ня першы выпадак, калі Лукашэнка адзначае дзяржаўнымі ўзнагародамі, стыпэндыямі, прэміямі сваіх сямейнікаў.

Украіна ўвяла санкцыі супраць сьветлагорскага «Хімвалакна», а таксама расейскіх кампаній і асобаў

https://smarturl.click/7vM0X

Збольшага ў новым санкцыйным сьпісе Ўкраіны — расейскія фізычныя і юрыдычныя асобы, але трапіла туды і беларускае прадпрыемства.

Упершыню па-беларуску выдалі мэмуары Бэлы Шагал

https://smarturl.click/gg2y2

Жонка Марка Шагала напісала свае мэмуары на ідыш. Цяпер іх пераклалі і выдалі на беларускай.

Фота зь Вікіпэдыі.

17 і 18 красавіка цяпло ў Беларусі перакрыла абсалютныя рэкорды: да +27,8°

https://smarturl.click/3QREZ

19 і 21 красавіка ў Беларусі чакаецца да 26 градусаў, 20 красавіка — да 25 градусаў цяпла.

Нацбанк патлумачыў, чаму ў Беларусі пачаліся праблемы з аплатай Apple Pay і аналягамі

https://smarturl.click/E1mk5

У Беларусі ў некаторых крамах і на запраўках стала немагчыма разьлічыцца смартфонам з аплікацыямі для платаў Samsung Pay, Apple Pay, Huawеi Pay і падобнымі. У Нацыянальным банку Беларусі заявілі, што прычына — ня ў дзеяньнях банку, а ў нежаданьні вытворцаў гэтых сыстэм працаваць у краіне, і прапанавалі альтэрнатыўны варыянт.

Рубіё: ЗША гатовыя адмовіцца ад спробаў дасягнуць міру паміж Расеяй і Ўкраінай, калі ня будзе прагрэсу

https://smarturl.click/VRyeg

Паводле Марка Рубіё, ЗША чакаюць выніку перамоваў па завяршэньні вайны Расеі ва Ўкраіне «ў бліжэйшыя дні, ня тыдні», і калі гэтага не адбудзецца, яны будуць вымушаныя засяродзіцца на іншых прыярытэтах.

Чытайце таксама: Трамп «да канца тыдня» чакае ад Масквы адказу па спыненьні агню ва Ўкраіне; расейскі амбасадар у ААН заявіў, што «гэта проста нерэалістычна»

Ці адкрыюць перамовы ў Парыжы новы шлях да міру ва Ўкраіне. Аналіз Свабоды

https://smarturl.click/MGEgE

Розгалас, які ішоў з Парыжу пасьля перамоваў на высокім узроўні паміж ключавымі эўрапейскімі краінамі, Украінай і Злучанымі Штатамі, быў пазытыўным. Новых дамоўленасьцяў аб Украіне пасьля перамоваў 17 красавіка бакі не абвяшчалі, але дамовіліся, што на наступным тыдні ў Лёндане пройдуць перамовы ў новым фармаце: Эўропа, Украіна і ЗША.

Радыё Свабодная Эўропа / Радыё Свабода аналізуе, ці адкрыюць гэтыя перамовы новы шлях да міру ва Ўкраіне.

#rfe_rl

Ціханоўская: «Добрыя расейцы» павінны заявіць, што ня будуць замахвацца на сувэрэнітэт Беларусі

https://smarturl.click/vdbp2

«Няма падставаў» для больш шчыльнага супрацоўніцтва беларускіх і расейскіх дэмакратычных сілаў з прычыны «розных кантэкстаў і мэтаў», заявіла лідарка беларускіх дэмакратычных сілаў Сьвятлана Ціханоўская на YouTube-канале «И Грянул Грэм».

«Адзінае, што мы трансьлюем, так бы мовіць, „добрым расейцам“ — яны павінны заявіць, што калі яны адаб’юць сваю краіну, будуць нейкія працэсы ў Расеі — яны ня будуць замахвацца на сувэрэнітэт і незалежнасьць постсавецкіх краін, у прыватнасьці Беларусі, Украіны, Малдовы, Грузіі. І яны прыцішаць свае імпэрыялістычныя амбіцыі», — сказала Ціханоўская.

ФСБ заявіла пра затрыманьне беларуса, які нібыта рыхтаваў тэракт у Расеі «на заданьне СБУ»

https://smarturl.click/9oxl5

Фэдэральная служба бясьпекі РФ у Краснадарскім краі сьцьвярджае, што затрымала замежнага грамадзяніна 2000 году нараджэньня, якога СБУ нібыта завэрбавала для «збору зьвестак пра месцы дысьлякацыі караблёў Чарнаморскага флёту, вайскоўцаў УС РФ на тэрыторыі Краснадарскага краю і зьдзяйсьненьня тэрактаў». Доказаў ФСБ не прыводзіць, толькі словы затрыманага.

На апублікаваным расейскімі СМІ відэа допыту затрыманы кажа, што ён грамадзянін Беларусі.

Расейскае войска атакавала Харкаў ракетамі: дзясяткі параненых, ёсьць загінулы

https://smarturl.click/p2w6W

Паводле апошніх зьвестак, колькасьць ахвяр расейскага ракетнага ўдару па Харкаве раніцай вырасла да 79 чалавек, на цяперашні момант вядома пра 1 загінулага. Раней у гарадзкія бальніцы шпіталізавалі 13 чалавек, у тым ліку дваіх дзяцей. Чатыры чалавекі знаходзяцца ў цяжкім стане.

У Гомлі завочна судзяць Стрыжака, Лявончыка і іншых актывістаў, у справе 15 артыкулаў Крымінальнага кодэксу

https://smarturl.click/B4zvQ

Сёньня ў Гомельскім абласным судзе пачынаюць завочна разглядаць справу супраць сузаснавальніка BySol Андрэя Стрыжака, кіраўніка кампаніі BY_help Аляксея Лявончыка, стваральніка мабільнай аплікацыі «Новая Беларусь» Яраслава Ліхачэўскага, аднаго са стваральнікаў «Беларускага фонду салідарнасьці» Аляксея Кузьмянкова, а таксама актывістаў Аляксандры Жук, Аляксандра Лапко і Аляксандра Падгорнага.

Лукашэнка ўзнагародзіў сваю нявестку мэдалём Францішка Скарыны

https://smarturl.click/mB8mQ

Мэдаль Францішка Скарыны атрымала нявестка Аляксандра Лукашэнкі Ганна Лукашэнка, жонка сярэдняга сына Лукашэнкі Дзьмітрыя, якая пад творчым псэўданімам Ганна Сялук напісала такія кампазыцыі як «Ах, Аляксандр», «Бульба-дэнс», гімн Генпракуратуры «Захавальнікі права» і песьню да Дня народнага адзінства. Гэта ўжо ня першая дзяржаўная прэмія Ганны.

«Ніколі ня думала, што гэта важна». Чаму ў Беларусі моцна зьнізілася колькасьць шлюбаў

https://smarturl.click/aRBOX

«Усім кажам, што не было часу на вясельле. А так і ёсьць. Вельмі цікава жылі: дзяцей гадавалі, кватэру будавалі, шмат падарожнічалі. І зьвязваць сябе клопатам — рабіць вясельле, запаўняць нейкія дакумэнты — такіх думак нават не было. Ніколі ня думала, што шлюб — гэта вельмі важна».

Беларусы расказалі Свабодзе, чаму яны ня жэняцца або не афармляюць афіцыйна сваіх стасункаў з партнэрам. Псыхоляг таксама пералічыла магчымыя прычыны.

Ужо сёньня: дзень народзінаў беларускага археоляга Яўстаха Тышкевіча

18 красавіка 1814 году нарадзіўся Яўстах Тышкевіч, беларускі археоляг, гісторык, краязнавец, барысаўскі павятовы маршалак.

Пра іншыя падзеі 18 красавіка ў гісторыі чытайце ў матэрыяле «Ўжо сёньня»: https://smarturl.click/JnGqL

Злучаныя Штаты анулявалі візы больш чым тысячы замежных студэнтаў

https://smarturl.click/gg2va

За апошнія тыдні ў больш чым 1000 замежных студэнтаў былі ануляваныя візы або юрыдычны статус. Некаторыя зь іх падалі пазовы супраць адміністрацыі Трампа. Яны сьцьвярджаюць, што ўрад адмовіў ім у належным вядзеньні працэсу, калі раптоўна пазбавіў студэнтаў дазволу на знаходжаньне ў ЗША.

Галоўнае за 17 красавіка

📌«Калі справаю занялася Нацыянальная пракуратура, гэта не шараговае расьсьледаваньне». Храналёгія зьнікненьня Анжалікі Мельнікавай

📌У Беларусі зноў скарэктавалі сыстэму рэгуляваньня цэнаў. Што падаражэе

📌Літва забараніла ўезд зь Беларусі на матацыклах, мапэдах і мотароварах

📌Ксяндза Вячаслава Барка ўлады Беларусі прызналі «экстрэмісцкім фармаваньнем»

📌Глазьева прызначылі новым дзяржаўным сакратаром «саюзнай дзяржавы» Беларусі і Расеі. Хто ён такі?

📌Сейм Літвы адхіліў папраўкі, якія маглі б пагоршыць становішча беларусаў у краіне

📌Ва Ўкраіне пакінулі пад вартай камандзіра брыгады, адкуль масава дэзэртавалі байцы ў час замежнай падрыхтоўкі

ЗША разам з Расеяй і Беларусьсю прагаласавалі ў ААН супраць рэзалюцыі, у якой згадваецца вайна супраць Украіны

https://smarturl.click/w4Yjn

ЗША другі раз прагаласавалі ў ААН супраць рэзалюцыі Генэральнай асамблеі, якая, у тым ліку, асуджала расейскую агрэсію супраць Украіны.

Ва Ўкраіне пакінулі пад вартай камандзіра брыгады, адкуль масава дэзэртавалі байцы ў час замежнай падрыхтоўкі

https://smarturl.click/0BMkW

Паводле зьвестак Дзяржаўнага бюро расьсьледаваньняў (ДБР), былы камандзір уключаў у сьпіс байцоў, накіраваных на навучаньне ў Францыю, нематываваных людзей з папярэджаньнямі і забаронамі.

У Расеі скасавалі тэрарыстычны статус «Талібана», які захапіў уладу ў Афганістане

https://smarturl.click/E1mnz

Генэральная пракуратура Расеі раней зьвярнулася да Вярхоўнага суду з просьбай прыпыніць забарону дзейнасьці тэрарыстычнага руху «Талібан», і суд падтрымаў пазоў.

Папа Францішак сёлета не ўзначаліць велікодную імшу ў Ватыкане

https://smarturl.click/OLz8o

🇻🇦 Папа Рымскі Францішак ня будзе асабіста праводзіць галоўныя велікодныя багаслужбы з прычыны стану здароўя. Хто яго заменіць?

У ЗША закрылі цэнтар барацьбы з замежным уплывам, які змагаўся ў тым ліку з расейскай дэзынфармацыяй

https://smarturl.click/xVpMO

Праца цэнтру каштавала амэрыканскім падаткаплатнікам больш як $50 мільёнаў на год і пры гэтым палягала на «замоўчваньні і цэнзуры галасоў амэрыканцаў, якім ён, як сьцьвярджалася, мусіў служыць», заявіў дзяржаўны сакратар ЗША Марка Рубіё.

МУС Грузіі прапанавала ўскладніць іншаземцам атрыманьне прытулку

https://smarturl.click/oVJke

Міністэрства ўнутраных справаў Грузіі ўнесла на разгляд парлямэнту пакет паправак «для ўзмацненьня барацьбы зь нелегальнай міграцыяй і ўдасканаленьня правілаў наданьня міжнароднай абароны».

BySol абвясьціў традыцыйны збор на летні адпачынак дзяцей палітвязьняў

https://smarturl.click/5ZRL0

Сабраныя грошы выдаткуюць на летнія экскурсіі, паездкі і падарожжы для дзяцей палітвязьняў, дзіцячыя лягеры, адукацыйныя гурткі, спартовыя сэкцыі і рыштунак для гульняў і спорту. Расказваем, як падтрымаць ініцыятыву і хто можа атрымаць дапамогу.

Сейм Літвы адхіліў папраўкі, якія маглі б пагоршыць становішча беларусаў у краіне

https://smarturl.click/y6dpR

Сейм Літвы падоўжыў на год санкцыі ў дачыненьні да грамадзян Беларусі і Расеі. Ад прапанаваных раней больш жорсткіх абмежавальных мераў для беларусаў адмовіліся.

Падчас абмеркаваньня гучалі прапановы адмовіцца прымаць ад беларусаў, як і ад расейцаў, заявы на выдачу дазволаў на пражываньне ў Літве, калі ў іх няма дзейнай візы, а таксама прапаноўвалі ануляваць ужо выдадзеныя ДНЖ, калі грамадзяне Беларусі больш як раз у тры месяцы наведвалі гэтыя краіны. Гэтыя прапановы ў выніку не ўхвалілі.

У Польшчы пры загадкавых абставінах загінуў беларускі эмігрант

https://smarturl.click/0BM5M

15 красавіка ў Кракаве знайшлі мёртвым 50-гадовага беларуса з Рэчыцы Сяргея Дубініна. Яго цела знайшлі ў доме, дзе ён жыў. Пра сьмерць актывіста ўжо паведамілі ягонай сям’і ў Беларусі, брат хоча пахаваць яго на радзіме.

У Тэлеграме заблякавалі чат беларусаў і ўкраінцаў Беластоку

https://smarturl.click/AxE3v

Адміністратары найбуйнейшай онлайн-супольнасьці беларусаў і ўкраінцаў Беластоку @belastok_chat расказалі выданьню Most, што прычынай блякаваньня стаў мэтанакіраваны напад з выкарыстаньнем акаўнту, зарэгістраванага на расейскі нумар.

Былога дарадцу Пуціна Глазьева прызначылі новым дзяржаўным сакратаром «саюзнай дзяржавы» Беларусі і Расеі

https://smarturl.click/7vMxR

Новым дзяржсакратаром так званай «саюзнай дзяржавы» Беларусі і Расеі прызначылі расейскага эканаміста і палітыка Сяргея Глазьева, вядомага сваёй падтрымкай прарасейскіх сэпаратыстаў на ўкраінскім Данбасе. Расказваем пра яго.

Дзьмітрыя Мезенцава, які з 2021 году кіраваў сакратарыятам так званай «саюзнай дзяржавы», Пуцін прызначыў сваім прадстаўніком у Канстытуцыйным судзе Расеі.

Ксяндза Вячаслава Барка прызналі «экстрэмісцкім фармаваньнем»

16 красавіка МУС Беларусі дадало ў сьпіс «экстрэмісцкіх фармаваньняў» каталіцкага ксяндза Вячаслава Барка. Ведамства палічыла «экстрэмісцкімі» сацсеткі сьвятара, тэлеграм і ютуб-каналы, а таксама электронную пошту.

Вячаслаў Барок — каталіцкі сьвятар з Расонаў у Віцебскай вобласьці. Празь перасьлед ён быў вымушаны зьехаць зь Беларусі ў ліпені 2021 году ён пакінуў Беларусь.