🧹Шукаем людзей, якіх прымушалі ўдзельнічаць у суботніках

Для прадастаўлення звестак у ААН, збіраем інфармацыю аб суботніках і аб мерах, якія прымаюцца супраць тых, хто ўхіляўся ад такой працы.

Калі вы гатовы падзяліцца інфармацыяй, напішыце, калі ласка, нам — @zvarot96

«Не іх кліенты». Былы арыштант распавёў пра суткі ў 2020-м у арыштным доме пры калоніі для рэцыдывістаў

«Нас адразу вызначылі ў вялікую камеру. Потым да нас прыйшоў начальнік, мабыць, і тады толькі абвясціў, што нас прывезлі ў Ваўкавыск. Ён адразу сказаў: "Вы тут — не нашы", гэта значыць не іх кліенты. Ён сказаў, што мы адседзім свае суткі, і нас адпусцяць.

Чатыры ложкі — чатыры чалавекі. Развіталіся, пазнаёміліся і ляглі спаць. Першы раз паеў у сераду раніцай — на другія суткі затрымання.

Там прасядзеў няпоўныя пяць дзён, можна сказаць, чатыры дні. За гэты час адзін раз мяне вадзілі на допыт — удакладнялі, калі быў затрыманы, пры якіх абставінах, за што. Больш нас нікуды не выводзілі-ні на прагулкі, ні ў душ, ні папаліць. Стаўленне да нас было, я б сказаў, не тое што лаяльнае, а хутчэй наогул нейтральнае, пафігістычнае. Нас не чапалі, але і патуранняў не было. Наогул нічога».

🔹«Не іх кліенты». Былы арыштант распавёў пра суткі ў 2020-м у арыштным доме пры калоніі для рэцыдывістаў

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹«Сюды лепш не трапляць». Як падлеткаў водзяць на турэмныя экскурсіі па ўсёй краіне

🔹«Калі вы скажаце каму, што тут з вамі адбывалася, то мы ўбачымся зноў»

🔹«Жонка закахалася ў ахоўніка Валадаркі і палюбіла гэты рэжым». Былы палітвязень пра сваё зняволенне

🔹Палітзняволенага з польскім грамадзянствам дэпартавалі пасля вызвалення і забаранілі ўезд у Беларусь

🔹«Не іх кліенты». Былы арыштант распавёў пра суткі ў 2020-м у арыштным доме пры калоніі для рэцыдывістаў

🔹«Улады ніколі публічна не асуджалі катаванні». Даклад праваабаронцаў у рамках УПА

🔹«Калі параўноўваць суткі ў 2022-м і 2024-м, то цяпер горш стала», — былы палітвязень пра калонію і арышт пасля вызвалення

💳Падтрымаць «Вясну» на Patreon | Аднаразовым данатам

«За*балі ўжо гэтыя бчбшнікі, забіваць вас трэба». Былы палітвязень пра ўмовы ў ІЧУ аднаго з рэгіянальных гарадоў

«У душ і на шпацыр не выводзілі. Шпацырам яны называлі тое, калі на нас надзявалі кайданкі і мы каля 30-40 хвілін сядзім ці ходзім ў іх па камеры, а потым у нас нібыта "праверка". Яна праходзіць днём прыкладна тры-чатыры разы. Пры гэтым яны любяць да абеда па тры разы прыходзіць.

Пасля абеду даюць да пяці гадзінаў нармальна пасядзець, а потым каля шостай гадзіны надзяваюць кайданкі і а восьмай. У гэты час яны выводзяць нас на калідор падчас шмону, мы стаім на "расцяжках".

Калі толькі заходзіш у ІЧУ кантралёры адразу пачынаюць: "Што вам, пальцы пераламаць? За*балі ўжо гэтыя бчбшнікі, забіваць вас трэба».

🔹«Калі параўноўваць суткі ў 2022-м і 2024-м, то цяпер горш стала», — былы палітвязень пра калонію і арышт пасля вызвалення

«Вось гэтаму, калі ласка, пабольш». Як у Гродне ў жніўні 2020-га праходзілі палітычныя адміністрацыйныя суды

«Быў такі выязны суд, калі так можна яго назваць, таму што ўсё заняло хвілін пяць ад сілы. У кабінеце асабіста сядзела суддзя, якая проста зачытала пратакол затрымання і спытала, ці згодны я з ім. Я быў не згодны, бо я ў пратэстах не ўдзельнічаў, сімволікай не размахваў, як там было напісана. У выніку яна пастанавіла мне пяць сутак.

Калі мяне выводзілі з кабінета, то я бачыў, што ўсім гэтым працэсам кіраваў начальнік, які вёў з намі выхаваўчыя гутаркі на Дубко. Памятаю, калі вялі аднаго хлопца, які неяк правініўся, то міліцыянт проста пры ім суддзі казаў: "Вось гэтаму, калі ласка, пабольш". Вось так усё і вырашалася. Насамрэч гэта была проста латарэя. Хлопцаў, якіх затрымлівалі ў адзін і той жа час па адной і той жа справе, судзілі па-рознаму: аднаму далі трое сутак, а другому – чатырнаццаць».

🔹«Не іх кліенты». Былы арыштант распавёў пра суткі ў 2020-м у арыштным доме пры калоніі для рэцыдывістаў

🎬Прэм'ера дакументальнага фільма «Вясны» пра рэсацыялізацыю былога палітвязня адбудзецца на XI Фестывалі нефільтраванага кіно

Кароткаметражны фільм «Цень радасці» расказвае гісторыю былога палітвязня Артура, які пасля трох гадоў зняволення пачынае жыццё з нуля ў Польшчы. Праз яго вочы глядач бачыць цяжкасці адаптацыі: моўны бар’ер, пошук працы, сацыяльную ізаляцыю, настальгію па радзіме і спробы захаваць надзею.

🎫«Цень Радасці» будзе паказаны ў трох гарадах: Варшава (25.04, 18.00, Kinoteka), Вільня (23.04, 19.00, CreateCulture Space) і Хельсінкі (26.04, 19.00, Kitchen Lab Tarvo). Пазней ён будзе даступны для прагляду на ютубе «Вясны».

Падрабязнасці і квіткі тут: https://unfilter.by/schedule/

Над фільмам працавалі Зміцер Пылыпіў і праваабаронца «Вясны» Дзіяна Пінчук.

*Фестываль «Нефільтраванае кіно» з’явіўся як адгалінаванне кінафестывалю Сinema Perpetuum Mobile і праводзіўся ў Мінску на розных пляцоўках. Дзявяты незалежны кінафорум павінен быў прайсці ў 2023 годзе, аднак Мінкульт адмяніў яго.

Былы палітвязень распавёў пра выраб скрыняў для расійскай зброі і вайсковай формы РФ

Па словах Антона, усіх па прыбыцці ў «Воўчыя норы» адразу адпраўляюць на «нізка-кваліфікаваную працу», дзе палітзняволеныя абкручваюць і абпальваюць правады ад Белтэлекома. Таксама палітвязні робяць скрыні для снарадаў сістэмы «Град» — рэактыўная сістэма залпавага агню, якая выкарыстоўваецца арміяй РФ у вайне супраць Украіны.

На «швейцы» вырабляюць целагрэйкі, касцюмы, шапкі, майткі. Але, як узгадвае былы палітвязень, былі заказы і на вайсковую форму для Расіі.

«Бывала, што прышывалі цэтлікі з надпісам ДП-5 (дзяржаўнае прадпрыемства). Потым, казалі, што іх зразалі і прышывалі новыя, нібыта нейкая гродзенская фірма шые. Бо заказчык "Лагатэкс", мо пабаяліся санкцый. Але там няшмат іх было, мо камплектаў 300 за той час, пакуль я там быў».

🔹«Калі параўноўваць "суткі" ў 2022-м і 2024-м, то цяпер нібы горш стала», — былы палітвязень пра калонію і арышт пасля вызвалення

🌿Праваабарончая праграма «Вясна»

1:23 Пабачыла свет кніга «Няскоранае пакаленне. Галасы беларускай моладзі 2020 года» ад «Skaryna Press»

22:24 Палітзняволенаму Андрэю Пачобуту споўнілася 52 гады

26:27 Праваабарончы слоўнік: становішча жанчын у зняволенні

🔗«Сюды лепш не трапляць». Як падлеткаў па ўсёй краіне водзяць на турэмныя экскурсіі

У апошнія гады школьнікі, навучэнцы каледжаў і студэнты з розных рэгіёнаў Беларусі ўсё часцей наведваюць турмы, СІЗА і іншыя месцы пазбаўлення волі. Яны наведваюць установы, дзе ўтрымліваюцца зняволеныя, слухаюць гісторыі асуджаных і глядзяць на камеры, прагулачныя дворыкі і штрафныя ізалятары, у тым ліку дзе утрымліваюцца палітзняволеныя.

Падлеткам паказваюць жорсткія ўмовы ўтрымання, каб, як сцвярджаюць арганізатары, «папярэдзіць правапарушэнні» і «сфарміраваць законапаслухмяны лад жыцця». Праваабаронцы адзначаюць, што такія захады парушаюць права на адукацыю, не адпавядаючы яе мэтам, і права на свабоду ад псіхалагічнага гвалту. Яны таксама супярэчаць кіруючым прынцыпам папярэджання злачыннасці сярод непаўналетніх.

«Вясна» зрабіла агляд практыкі арганізацыі экскурсій для падлеткаў у месцы пазбаўлення волі.

Чытаць па спасылцы 👉 https://spring96.org/be/news/117806

💳Падтрымаць «Вясну» на Patreon | Аднаразовым данатам

Дачыненне да «экстрэмісцкага фармавання» «ЧестнОК» маюць журналісты і блогеры Яраслаў Пісарэнка і Аляксандр Івулін

Іх прозвішчы з'явіліся ў Спісе экстрэмісцкіх фармаванняў на сайце МУС.

🔗Хроніка палітычнага пераследу

У Беларусі прызналі «экстрэмісцкім фармаваннем» адукацыйную платформу «Васьміног»

Адпаведнае рашэнне было прынятае КДБ 16 красавіка.

Паводле ведамства, дачыненне да праекту мае Аляксей Канстанцінаў.

Праграма «Васьміног: адукацыя для беларускіх дзяцей сёння і заўтра» накіраваная на адукацыйныя праекты для беларускіх школьнікаў, стварэнне інавацыйнай навучальнай анлайн-платформы для транспамежнай беларускаарыентаванай адукацыі і працу некалькіх каманд даследчыкаў.

🔗Хроніка палітычнага пераследу

🧹Шукаем людзей, якіх прымушалі ўдзельнічаць у суботніках

Для прадастаўлення звестак у ААН, збіраем інфармацыю аб суботніках і аб мерах, якія прымаюцца супраць тых, хто ўхіляўся ад такой працы.

Калі вы гатовы падзяліцца інфармацыяй, напішыце, калі ласка, нам — @zvarot96

Былога палітвязеня Андрэя Чапюка пасля вызвалення з калоніі павезлі даваць паказанні

Пра гэта паведамляюць праўладныя тэлеграм-каналы.

🔗Хроніка палітычнага пераследу

Стала вядома пра смерць 22-гадовага хлопца, якога асудзілі па палітычнай крымінальнай справе

Расціслаў Чаховіч нарадзіўся 5 верасня 2002 года ў Віцебску, там і жыў. Мяркуючы па сацсетках, цікаўнасці Расціслава былі, так бы мовіць, простыя чалавечыя — аўтамабілі, музыка, спорт, апрацоўка фота.

На момант суда, які адбыўся ў лістападзе 2021 года, было вядома, што ў Расціслава анкалогія і 3 група інваліднасці. Яго вінавацілі ў тым, што ён у жніўні-лістападзе 2020 года намаляваў графіці на прыпынках і вуліцах.

Па артыкуле 341 «Апаганьванне збудаванняў і псаванне маёмасці» яму пагражала ад штрафу да 3 гадоў калоніі. Чаховічу далі меншае пакаранне — штраф памерам 290 рублёў. Магчыма, прынялі ва ўвагу яго хваробу.

Суд прызнаў яго графіці «Сыходзь, таракан, 3%» непалітычнымі, але адметна, што міліцыя дадала яго ў спіс экстрэмістаў, куды за звычайнае «псаванне маёмасці» не ўносяць.

Дакладная дата смерці Расціслава невядомая. У сацсетках ён не з'яўляўся з красавіка 2024 года, піша «Наша Ніва».

Праект «ЧестнОК» прызнаны «экстрэмісцкім фармаваннем»

Пра гэта паведамляюць праўладныя тэлеграм-каналы.

Яны суправадзілі допіс пра прызнанне праекта «экстрэмісцкім» фотаздымкамі журналістаў і блогераў Яраслава Пісарэнкі і Аляксандра Івуліна.

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

Следчы камітэт распачаў спецвытворчасць у дачыненні да Андрэя Кузьменчука — яго збіраюцца судзіць завочна

53-гадоваму Андрэю інкрымінаваная ч. 2 арт. 293 КК (масавыя беспарадкі).

Яго заклікаюць вярнуцца ў Беларусь і прыйсці ва Упраўленне СК па Брэсцкай вобласці.

🔹«Адразае надоўга магчымасць вярнуцца». Юрыст «Вясны» пракаментаваў масавае завочнае ўзбуджэнне крымінальных спраў

⚡️Палітзняволены Андрэй Чапюк скончыў адбываць свой тэрмін — яго вывелі з калоніі ў кайданках

Відэа апублікавалі праўладныя тэлеграм-каналы.

Палітвязня не аддалі родным, якія чакалі яго каля калоніі, а пасадзілі ў кайданках у машыну. Хто менавіта выводзіў Чапюка і куды яго павезлі — невядома.

У верасні 2022 году Андрэю прысудзілі 6 гадоў калоніі. Пазней Вярхоўны Суд скараціў тэрмін на тры месяцы — да 5 гадоў і 9 месяцаў зняволення. За кратамі Чапюк правёў больш за 4,5 года.

🔗Хроніка палітычнага пераследу

❗️У Дзяржынску апошнімі днямі адбываюцца затрыманні і ператрусы

Вядома, што яны тычацца ўдзелу ў паслявыбарчых акцыях пратэсту — людзям інкрымінуюць «народны» арт. 342 КК. Паводле відавочцаў, дзяржынцаў сапраўды пераследуюць па «народнаму» артыкулу, бо частка затрыманых — людзі з суседніх дамоў адной вуліцы.

Паведамляецца, што нагодай для пераследу сталі «пратэсныя» фотаздымкі і відэа, па якіх ідэнтыфікуюць удзельнікаў акцый.

Вядома пра прыкладна пяць затрыманых, дакладная колькасць людзей, што трапілі пад пераслед, высвятляецца.

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

🗣Паведамляйце праваабаронцам пра сваіх родных, якія ўтрымліваюцца за кратамі па палітычных матывах

Па стане на сёння ў Беларусі прызнаныя палітычнымі вязнямі каля 1200 чалавек, агулам жа праваабаронцам вядома пра больш за 7000 фігурантаў крымінальных палітычных справаў з 2020-га году. Відавочна, што гэта далёка не ўсе людзі, якія сутыкнуліся з палітычным пераследам у Беларусі за апошнія гады.

❗️Калі нехта з вашых блізкіх ці знаёмых апынуўся за кратамі, але пра іх лёс нічога невядома праваабаронцам, калі ласка, паведамляйце пра гэта «Вясне»: @ViasnaSOS | @Viasnainfo

📱У мэтах бяспекі, вы можаце перадаць такую інфармацыю праз знаёмых, што знаходзяцца за мяжой.

✍️Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!

У «Спіс экстрэмістаў» дадалі яшчэ 50 прозвішчаў — цяпер у ім 5192 чалавекі

18 красавіка МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі палітзняволенага Уладзіміра Шпака, а таксама яшчэ 44 беларуса і беларускі, асуджаных паводле «народнага» арт. 342 КК.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

❗️Палітзняволенай Алене Лазарчык дадалі яшчэ паўтара года зняволення

Актывістку «Еўрапейскай Беларусі» Алену Лазарчык нядаўна асудзілі па чарговай крымінальнай справе. Гэтым разам яе прызналі вінаватай паводле ч. 2 арт. 411 КК (злоснае непадпарадкаванне законным патрабаванням адміністрацыі калоніі) і прызначылі яшчэ паўтара года калоніі ў дадатак да васьмі гадоў зняволення.

Калі быў вынесены прысуд, невядома, піша @belsat. Вядома, што на судзе Алена адмовілася ад паслуг адваката.

Алена — ужо пятая жанчына, асуджаная паводле арт. 411 КК. Пасля таго, як прысуд набудзе моц, яе перавядуць у жаночую калонію строгага рэжыма № 24 у Зарэччы. Па сведчаннях былой палітзняволенай Антаніны Канавалавай, у гомельскай калоніі № 4 Алена адседзела больш за 90 сутак у ШІЗА, больш за 60 дзён у ПКТ.

Чытаць па спасылцы 👉 https://spring96.org/be/news/117799

Пачынаецца завочны суд над заснавальнікамі BYSOL, BY_Help і іншымі актывістамі

На 18 красавіка ў Гомельскім абласным судзе прызначаны разгляд завочнай крымінальнай справы ў дачыненні да сямі актывістаў і актывістак: Андрэя Стрыжака, Аляксея Лявончыка, Яраслава Ліхачэўскага, Аляксея Кузьмянкова, Аляксандра Лапко, Аляксандры Жук і Аляксандра Падгорнага.

Кожнаму з фігурантаў справы інкрымінаваны шэраг артыкулаў Крымінальнага кодэксу.

Спецвытворчасць у дачыненні да актывістаў і актывістак пачалі ў снежні 2024-га году.

«Экстрэмісцкай» прызналі Instagram-старонку праекту «Перетрем с Халезиным»

Адпаведнае рашэнне было прынятае судом Баранавічаў і Баранавіцкага раёну 16 красавіка. На гэтую Instagram-старонку падпісаныя больш за 9000 чалавек.

Таксама «экстрэмісцкі» спіс папоўніла старонка ў Instagram «Belarusians in Rome» — адпаведнае рашэнне было прынятае 15 красавіка судом Бешанковіцкага раёна.

🔗Хроніка палітычнага пераследу

З 15 чалавек напісалі двое. Як у івацэвіцкай калоніі № 22 палітвязням прапаноўвалі напісаць прашэнні аб памілаванні

Пра гэта распавядае былы палітвязень, які адбываў свой тэрмін у гэтай папраўчай калоніі.

Яму ў зняволенні прапанавалі напісаць прашэнне аб памілаванні за два месяцы да вызвалення. Тады ў калонію прыехаў пракурор, выклікалі 15 палітвязняў, з якіх толькі двое напісалі на памілаванне, кажа мужчына. За адмову пісаць прашэнне мужчыну не выпісвалі спагнанне. Але пазней ён даведаўся, што некаторым за адмову пагражалі дадаць тэрмін зняволення па новай крымінальнай справе.

🔹«Калі параўноўваць суткі ў 2022-м і 2024-м, то цяпер горш стала», — былы палітвязень пра калонію і арышт пасля вызвалення

🔗"Лебядка адправілі на шэсць месяцаў у ПКТ і круцілі на 411 артыкул". Што вядома пра ціск на вайсковага аналітыка

Таксама да нядаўняга часу ў ПК-22 адбываў тэрмін Ягор Лебядок, якому прысудзілі 5 гадоў калоніі. У снежні 2024 года яму замянілі рэжым утрымання на турэмны. Былы палітвязень падзяліўся вядомай інфармацыяй пра Ягора:

"Па апошняй інфармацыі, да майго вызвалення, яго адправілі на шэсць месяцаў у ПКТ і круцілі на 411 артыкул. Лебядок вельмі юрыдычна падкаваны, яго складана ім патапіць. Бо, як даходзіла інфармацыя з ШІЗА ад людзей, якія з ім сядзелі, што прыходзіць да яго Пірог (супрацоўнік ПК-22), дае анучу і кажа: "Ідзі, мой".

Увогуле ў калоніі гэта праца тых, хто мае "нізкі сацыяльны статус". Гэта робіцца спецыяльна, каб прынізіць, а калі адмаўляешся выконваць наказ, табе адразу пішуць спагнанне. Але ён прыгожа з гэтага сыходзіў. Як мне перадавалі, ён казаў: "Я не адмаўляюся выконваць, але я буду выконваць іншую працу, якая не будзе шкодзіць майму гонару і сацыяльнаму статусу".

✊Падорым дзецям палітвязняў летнія вакацыі!

Калі адзін з бацькоў апынаецца за кратамі, а другі вымушаны ратавацца за мяжой, пакутуюць у першую чаргу дзеці. Сёння сотні сем'яў палітвязняў жывуць у эміграцыі, сутыкаючыся з фінансавымі і побытавымі праблемамі. Іх дзеці пазбаўленыя свайго дому, сувязяў і часцяком самага неабходнага.

BYSOL адкрывае традыцыйны збор у падтрымку такіх дзяцей. Гэта не абстрактная дабрачыннасць, а канкрэтная дапамога дзецям, якія проста цяпер маюць патрэбу ў нашай салідарнасці.

На кожнае дзіця да 16 гадоў будзе выплачана па 100 еўра. Заяўкі на атрыманне дапамогі будуць прымацца да 18 траўня ўключна.

Падтрымаць збор па спасылцы

«Барацьба за метал» у беларускіх калоніях

У кнізе Салжаніцына Аляксандр Юруць прачытаў, што ў савецкіх лагерах для нязгодных з уладамі грузавыя вазы замест коней цягалі самі людзі. Яны называліся «ВРИДЛО – временно исполняющий должность лошади». У калоніі на прамзоне палітвязень пабачыў падобную з’яву.

«Метал на "промку" завозяць на вялікім возе. Адзін цягне спераду, а трое чалавек пхаюць ззаду. Воз важыў 200 кілаграмаў, можа і болей. Яго цягнулі ў наш цэх мо за кіламетр.

Усе вязні стаяць, чакаюць. Ледзь гэты воз заедзе ў цэх, як чалавек 40 на яго накідваюцца, каб забраць сабе лепшы метал. Цісканіна страшная, усе адно аднаго штурхаюць. Мне аднойчы патрапіла кавалкам металу па твары. А адзін хлопец патрапіў пад воз і яму пераламала нагу. Там усе ведаюць, што гэта іхняя выкананая дзённая норма, іхняе неШІЗА».

Нават калі адзін палітвязень ужо выканаў сваю працоўную норму, ён не меў права дапамагчы іншаму.

🔹«Жонка закахалася ў ахоўніка Валадаркі і палюбіла гэты рэжым». Былы палітвязень пра сваё зняволенне

🇪🇺Трое новых «хросных» з Фінляндыі, Латвіі і Германіі для палітвязняў у Беларусі

У рамках кампаніі #WeStandBYyou Орас Цюнккюнен («Зялёны саюз», Фінляндыя), Андрыс Шуваеў («Прагрэсіўныя», Латвія) і Тэры Рэйнтке («Зялёныя/EFA», Еўрапейскі парламент) сталі сімвалічнымі «хроснымі» Аляксея Арлова, Галіны Дзербыш і Вольгі Пятух.

«Рэжым Лукашэнкі абвясціў пенсіянерку з анкалагічным захворваннем і праблемамі з сэрцам тэрарысткай і прысудзіў яе да 20 гадоў калоніі. Я думаю пра Галіну і іншых палітычных зняволеных. Гэтым людзям давялося пацярпець за праўду — і наш абавязак гаварыць ад іх імя. Толькі так мы можам даць рэжыму зразумець: свет бачыць вашыя злачынствы і не забудзе іх».

Чытаць па спасылцы 👉 https://spring96.org/be/news/117797

✊#WeStandBYyou. Распавядаем, хто такія «хросныя» палітвязняў і чым яны займаюцца

💔"Фактычна не бачыць на адлегласці рукі", — былы палітвязень пра актывіста Вячаслава Арэшку

Былы палітвязень, які адбываў тэрмін у івацэвіцкай калоніі № 22, распавёў пра стан здароўя палітолага і грамадскага дзеяча, актывіста прафсаюза РЭП 70-гадовага Вячаслава Арэшку, асуджанага да 8 гадоў калоніі:

"Арэшку таксама памілаванне прапаноўвалі, але ён адмовіўся. Ён спрабаваў атрымаць інваліднасць па зроку, бо фактычна не бачыць на адлегласці рукі. Але, відавочна, ніхто не зрабіў".

Нагадаем, палітвязня затрымалі ў красавіку 2022 года. Яго разам з іншымі фігурантамі справы абвінавацілі паводле трох артыкулаў Крымінальнага кодэксу. Спачатку ён адбываў тэрмін у шклоўскай ПК-17, але праз некалькі месяцаў яго перавялі ў Івацэвічы.

Ксяндза Вячаслава Барка прызналі «экстрэмісцкім фармаваннем»

Адпаведнае рашэнне было прынятае МУС 16 красавіка.

Ксёндз Вячаслаў Барок сутыкнуўся з палітычным пераследам за сваю пазіцыю пасля выбараў, пасля чаго быў вымушаны пакінуць Беларусь.

🔗Хроніка палітычнага пераследу

❗️«Калі параўноўваць суткі ў 2022-м і 2024-м, то цяпер горш стала», — былы палітвязень пра калонію і арышт пасля вызвалення

Антона затрымалі летам 2022 года наўпрост на працы. Падставай стала яго актыўнасць у інтэрнэце. Ужо пасля затрымання сілавікі знайшлі ў тэлефоне мужчыны фотаздымкі расійскай вайсковай тэхнікі, якія ён дасылаў у «экстрэмісцкі» тэлеграм-канал. За гэта яму прысудзілі 2,5 года пазбаўлення волі.

Напрыканцы 2024 года ён цалкам адбыў тэрмін і выйшаў на волю. Але на гэтым пераслед Антона не скончыўся: неўзабаве яго зноў затрымалі паводле адміністрацыйнай справы. У выніку мужчына быў вымушаны разам з сям'ёй з'ехаць з краіны.

Былы палітвязень распавёў «Вясне» пра ўмовы ўтрымання ў івацэвіцкай калоніі № 22, пра выраб скрыняў для расійскай зброі і вайсковай формы РФ, пра цяжкі стан здароўя Вячаслава Арэшкі, а таксама параўнаў умовы для адміністрацыйных арыштантаў у ІЧУ.

Чытаць па спасылцы 👉 https://spring96.org/be/news/117792

💳Падтрымаць «Вясну» на Patreon | Аднаразовым данатам

💔4 гады і 7 месяцаў за кратамі Марфа Рабкова

Каардынатарка Валанцёрскай службы «Вясны» была затрымана 17 верасня 2020 года. Пазней праваабаронцу абвінавацілі па шэрагу артыкулаў Крымінальнага кодэкса за падзеі 2016-2020 гадоў і асудзілі да 15 гадоў зняволення і велізарнага штрафу.

Па выніках апеляцыі Марфе скарацілі тэрмін на тры месяцы. Прысуд уступіў у сілу і Рабкову этапавалі ў гомельскую калонію.

Amnesty International Polska збірае подпісы ў падтрымку Марфы — іх хочуць перадаць кіраўніку МЗС Польшчы, каб ён узнімаў пытанне вызвалення беларускай палітзняволенай на міжнароднай арэне. Падпісаць петыцыю па спасылцы

💌Месца ўтрымання: ПК № 4, 246035, Гомель, Антошкіна, 3, Марфа (Марыя) Аляксандраўна Рабкова
💻Напісаць анлайн
💳Падтрымаць «Вясну» на Patreon | Аднаразовым данатам

Instagram-старонка журналіста Яраслава Пісарэнкі і песня «Адольф Гитлер» — чарговае папаўненне спіса экстрэмісцкіх матэрыялаў

У абноўлены «экстрэмісцкі спіс» трапілі:

📍Telegram-каналы і чаты «Krila Do Pekla», «Беларусы в Испании», «Толькі рэфарматары і рэфарматаркі», «ЧАТ Малиновка 5/6», «Беларусы Нідэрландаў», «Беларусы в Зелёна-Гуре», «Беларусы Іллінойса – Дапаможам Адзін Аднаму чат», «Суполка Беларусаў у Фінляндыі / Беларусы и белорусы в Финляндии», «Беларусы ў Лісабоне», «Беларусы в Кракове (с 91 не белорусы)», «Беларусы в Валенсии»;
📍Instagram старонкі «kalinouskipolk», «bel_warriors_support», «1863_tattoo», «pisarenko_jr», «ZYVI»;
📍Музычныя кампазіцыі гурта «Русский корпус» «Адольф Гитлер» і «Рудольф Гесс»;
📍Сайты vilnabilarus.оrg.uа, «tsikhanouskaya.оrg, «kanstytucyja.оnlinе;
📍TikTok-старонкі «Lizaveta Vodzina», «belaruscentr», «user2248544812285», «war.uaa1», «aze_neonazi», «belarusian_monarchist», «belarusmapz», «belaruskiautapolk», «slava_ukraine_warrior_ua», «stoppropagandaruzza», «netavoreikalas24», «razamlt», «bulba_333», «volnaya.belarus», «kalinouskipolk», «radiounet».

❗️У Беларусі +9 новых палітвязняў

Гэта Алег Цімашэнкаў, Вольга Губар, Ігар Сімашковіч, Антон Лісічкін, Ігар Ільюкевіч, Андрэй Урублеўскі, Іван Падліпенцаў, Мікіта Самарын, Максім Ралько.

Хто гэтыя людзі і чаму праваабаронцы лічаць іх справы палітычна матываванымі 👉 spring96.org/be/news/117790

Спіс усіх палітвязняў Беларусі 👉 prisoners.spring96.org

📝«Улады ніколі публічна не асуджалі катаванні». Даклад праваабаронцаў у рамках УПА

Кааліцыя беларускіх няўрадавых арганізацый накіравала даклад аб выкананні Беларуссю сваіх абавязацельстваў па правах чалавека ў рамках чацвёртага цыклу УПА. Усё гэта зроблена для прадстаўлення ў рамках чацвёртага цыкла ўсеагульнага перыядычнага агляду (УПА) Савета ААН па правах чалавека.

Ён адлюстроўвае становішча з правамі чалавека ў Рэспубліцы Беларусь у перыяд з 1 лістапада 2020 года па 31 кастрычніка 2024 года.

«З 2020 года тыповымі формамі катаванняў з'яўляюцца збіццё, удушэнне, прымус людзей доўгі час знаходзіцца ў статычным становішчы, уздзеянне на сэнсарныя рэцэптары, выкарыстанне электрашокераў, сэксуальны гвалт, утрыманне ў перапоўненай камеры, доўгае адзіночнае зняволенне ў карцэры, утрыманне пад вартай без сувязі са знешнім светам і іншыя».

Чытаць па спасылцы 👉 https://spring96.org/be/news/117791

«Білі ў асноўным ботамі». Гродзенец пра затрыманне ў жніўні 2020-га году

Мужчыну пасля затрымання адвезлі ў РАУС Ленінскага раёна Гродна.

«Нас туды завезлі праз калідор ганьбы — з штурхялямі пад дупу. Білі ў асноўным ботамі. Пасля гэтага нас завялі ў вялікую актавую залу. Нас было там каля 100 чалавек. Перыядычна амапаўцы прывозілі туды, вось такіх, як я.

За сталом было тры супрацоўнікі РАУС па форме. Адзін з іх, напэўна, начальнік, вёў з залай усялякія гутаркі і гуляў з намі ў віктарыны, так бы мовіць. Напрыклад, трэба было назваць дзень, калі пачалася Другая Сусветная вайна — вось гэта вось усё. Калі хтосьці адказваў правільна, альбо яму падабаўся неяк, ён нібыта адпускаў.

У аднаго хлопца ў заплечніку знайшлі мясную сякерку. Яму пачалі прад'яўляць, што ён з гэтай сякеркай ішоў мянтоў забіваць. Яго вывелі з залы, а потым вярнулі. Наколькі я ведаю, яго дзесьці ў кабінетах або ў туалетах білі».

🔹«Не іх кліенты». Былы арыштант распавёў пра суткі ў 2020-м у арыштным доме пры калоніі для рэцыдывістаў

🧹Шукаем людзей, якіх прымушалі ўдзельнічаць у суботніках

Для прадастаўлення звестак у ААН, збіраем інфармацыю аб суботніках і аб мерах, якія прымаюцца супраць тых, хто ўхіляўся ад такой працы.

Калі вы гатовы падзяліцца інфармацыяй, напішыце, калі ласка, нам — @zvarot96

«Мы па-ранейшаму атрымліваем звесткі пра пераслед». Павел Сапелка пра тое, як рэжым хавае факты палітычнага пераследу

«Сваёй мэты рэжым дамагаецца гэтак жа "элегантна", як "перамагае" на псеўдавыбарах — праз чарговыя злоўжыванні, абмежаванні і забароны. Гэтыя працэсы суправаджаюцца чарговымі нападкамі на нязгодных як у краіне, так і за яе межамі, а таксама ўзбуджэннем сотняў чарговых "экстрэмісцкіх" спраў.

Развянчаць намаганні дзяржаўнай прапаганды можна: мы па-ранейшаму шукаем і атрымліваем звесткі пра пераслед. Унесці свой уклад у барацьбу з дзяржаўнай прапагандай можа кожны: паведаміце нам аб вядомым вам затрыманым або асуджаным па палітычных матывах. Мы збіраем, правяраем і захоўваем гэтыя дадзеныя, а калі яны патрапілі да нас пад умовай неразгалошвання — выкарыстоўваем іх толькі ў статыстычных мэтах, не раскрываючы вядомых нам імёнаў і абставінаў».

Чытаць па спасылцы 👉 https://spring96.org/be/news/117709

🌿Паведамляйце праваабаронцам пра палітычны пераслед — @ViasnaSOS | @SOSViasna | @Viasnainfo

«Ты што тут, свядомы?». Палітзняволены Павел Белавус сутыкнуўся з ціскам за размову ў СІЗА на беларускай мове

Нягледзячы на тое, што ў звычайным жыцці былы палітвязень Аляксандр Юруць беларускамоўны, у СІЗА ён вырашыў з мэтаў бяспекі размаўляць з супрацоўнікамі ізалятара па-руску.

«Я загадзя разумеў, што для іх беларускамоўны будзе такім жа трыгерам, як для рускага ўкраінамоўны. Памятаю, як аднойчы Павел Белавус на вечаровай праверцы зрабіў даклад цалкам па-беларуску. Надзіральнікі былі ў ступары. Але яны часам паддзявалі Паўла за беларускую мову. Казалі: "Ты што тут, свядомы?"», — распавядае Аляксандр.

🔹«Жонка закахалася ў ахоўніка Валадаркі і палюбіла гэты рэжым». Былы палітвязень пра сваё зняволенне

❗️«Не іх кліенты». Былы арыштант распавёў пра суткі ў 2020-м у арыштным доме пры калоніі для рэцыдывістаў

Арыштны дом ПК-11 у Ваўкавыску пабудаваны ў 2008 годзе — гэта была першая спецыялізаваная ўстанова такога тыпу. «Беларусь сегодня» пісала тады, што гэты двухпавярховы дом «пабудаваны з нуля ў адпаведнасці са строгімі міжнароднымі нормамі». У артыкуле адзначылі, што будынак нагадвае гатэль, а ўмовы ўтрымання можна назваць камфортнымі.

Падчас пратэстаў у жніўні 2020 года там утрымлівалі адміністрацыйна-асуджаных з Гродна. Адзін з іх распавёў «Вясне» пра выпадковае затрыманне ў Гродне, суд у кабінеце турмы, доўгі этап у Ваўкавыск і суткі ў арыштным доме.

«Адзін з супрацоўнікаў, напэўна, начальнік, вёў з залай усялякія гутаркі і гуляў з намі ў віктарыны, так бы мовіць. Напрыклад, трэба было назваць дзень, калі пачалася Другая Сусветная вайна — вось гэта вось усё. Калі хтосьці адказваў правільна, альбо яму падабаўся неяк, ён нібыта адпускаў».

Чытаць па спасылцы 👉 https://spring96.org/be/news/117784

Вядомага беларускага футбаліста адправілі ў калонію за «абразу Лукашэнкі» — ён цалкам адбыў тэрмін і выйшаў на волю

Аляксандру Асіповічу цяпер 48 гадоў. Ён выхаванец мiнскага «Дынама». На дарослым узроўні Асіповіч спачатку гуляў за фарм «Дынама» ў Д2, адкуль стаў выклікацца ў моладзевую зборную (там у выніку правёў 15 матчаў). За аснову «бела-блакітных» дэбютаваў у сярэдзіне 1997 года — стаў рэгулярна з’яўляцца ў складзе, а каманда ўзяла чэмпіёнскі тытул.

Пазней у яго кар'еры былі літоўскі «Жальгірыс», польскі «Заглембе», а таксама іншыя клубы Беларусі і суседніх краін. Пасля сканчэння кар'еры Асіповіч стаў футбольным агентам, а таксама займаўся «футбольным рэпетытарствам».

Як піша «Трыбуна», напрыканцы 2022-га, як аказалася, мужчыну затрымалі ў Мiнску. 9 студзеня 2023 года яго судзілі за «абразу Лукашэнкі». Паводле інфармацыі выдання, суддзя Алег Каляда прысудзіў Асіповічу 1 год калоніі. Пазней былога футбаліста дадалі ў спіс «экстрэмістаў».

⚖️Каб абскардзіць адміністрацыйны прысуд, запрасіце ў суда матывіровачную частку, і звяртайцеся па дапамогу да юрыстаў «Вясны»

Вы можаце зрабіць гэта незалежна ад таго, быў у вас штраф ці арышт.

❓Навошта гэта патрэбна?

- Дае шанец на адмену пастановы;
- Дазволіць адцягнуць час, пакуль пастанова не ўвойдзе ў сілу;
- Дае магчымасць дакументальна пацвердзіць факт палітычнага пераследу.

📍Калі ласка, запрашвайце матывіровачную частку сваёй пастановы ў судзе — гэта вельмі важна!

🔹Звярнуцца па дапамогу па юрыдычных пытаннях, а таксама абскардзіць дзеянні дзяржаўных органаў:
Telegram: @zvarot96 | Email: zvarot@spring96.org

❗️Палітзняволенага з польскім грамадзянствам дэпартавалі пасля вызвалення і забаранілі ўезд у Беларусь

Палітзняволенага з польскім грамадзянствам Роберта Тампалу дэпартавалі пасля вызвалення і забаранілі ўезд у Беларусь на восем гадоў, піша @dissidentBY. Мужчыну асудзілі за каментары ў сацыяльных сетках да трох гадоў пазбаўлення волі, якія ён адбыў у наваполацкай калоніі № 1.

Мужчына пражываў у Беларусі з 90-х гадоў, быў затрыманы ў 2023 годзе. Яго асудзілі паводле ч.1 арт. 368 КК (абраза Лукашэнкі) і арт. 369 КК (абраза прадстаўнікоў улады) да трох гадоў пазбаўлення волі за каментары ў сацыяльных сетках.

Дэпартацыя адбылася адразу пасля вызвалення — ён мусіў дабірацца да Польшчы самастойна. Вядома, што ў мужчыны есць непаўнагадовае дзіця. Верагодна, сям’я Роберта засталася ў Беларусі.

Чытаць па спасылцы 👉 https://spring96.org/be/news/117781

❗️У Беларусі +7 новых палітвязняў

Гэта Генадзь Іванчыкаў, Аляксей Семянок, Ігар Драбышэўскі, Дзяніс Белаголаў, Наталля Белакурская, Мікалай Снытко, Аляксандр Горбель

Хто гэтыя людзі і чаму праваабаронцы лічаць іх справы палітычна матываванымі 👉 spring96.org/be/news/117779

Спіс усіх палітвязняў Беларусі 👉 prisoners.spring96.org

Супраць палітзняволенай Аляксандры Каско распачалі яшчэ адну крымінальную справу

@MAYDAYMog стала вядома, што дзяўчыну перавялі ў Следчы ізалятар у Баранавічах.

Нагадаем, жыхарка Ваўкавыска Аляксандра Каско была затрымана 9 лютага 2023 года пасля прыезду ў Беларусь. Яе абвінавацілі па 8 артыкулах Крымінальнага кодэкса, у тым ліку за «ўдзел у экстрэмісцкім фармаванні» і «садзейнічанні экстрэмісцкай дзейнасці», і асудзілі да 10 гадоў калоніі.

У мінулым траўні Аляксандру судзілі ў другі раз — за «абразу прадстаўніка ўлады» і «абразу суддзі».

🔗Хроніка палітычнага пераследу

Да крыві збівалі нагамі па твары. Як ГУБАЗіК катаваў беларуса за ўдзел у пратэстах

У аддзяленні ГУБАЗіК мужчыну адразу пачалі абвінавачваць у тым, што ён кідаў камяні і збіваў міліцыянтаў. Суразмоўца ўсё адмаўляў. Дзеля таго, каб ён прызнаў віну, супрацоўнікі ГУБАЗіК пачалі яго моцна збіваць.

«Я чую крык з калідора: "Дзе ён, зараз я яго буду біць". У кабінет уварваліся амбалы ўсе ў чорным і пачалі мяне збіваць. Я сяджу ў кайданках, нават укрыцца не магу. Адзін стаяў каля дзвярэй, а двое схапілі мяне за шыю і кінулі на падлогу. Збівалі нагамі і дручкамі. Калі я прыехаў на Акрэсціна, зняў парткі, а ў мяне ўся спіна і ногі чорныя».

Затым Аляксандра перавялі ў суседні кабінет, дзе знаходзіліся чацвёра губазікаўцаў у цывільным. Яны таксама пачалі моцна збіваць мужчыну з крыкам: «Сука, нахера кідаў камяні?». Яны да крыві збівалі мужчыну нагамі па твары, кажа суразмоўца.

🔹«Жонка закахалася ў ахоўніка Валадаркі і палюбіла гэты рэжым». Былы палітвязень пра сваё зняволенне

У папраўчых калоніях дазволілі кароткатэрміновыя і працяглыя спатканні для «грамадзянскіх» сужэнцаў

Раней гэтая катэгорыя ўзаемаадносін трактавалася як «знаходжанне ў пазашлюбнай сувязі» і спатканні для яе былі недаступныя, піша @MAYDAYMog.

Праваабаронцы даведаліся пра выпадкі, калі некаторыя ПК дапускалі спатканні для «грамадзянскіх» мужа і жонкі — для гэтага ім трэба было звярнуцца да ўчастковага міліцыянта па месцы жыхарства і пацвердзіць сумеснае пражыванне са зняволеным (напрыклад, участковы можа наведаць жыллё для агляду; падыходзілі і дакументы аб наяўнасці сумесных дзяцей).

Даведка, падпісаная ўчастковым, адсылаецца ў папраўчую ўстанову, пасля чаго зняволены атрымлівае магчымасць напісаць хадайніцтва аб унясенні «грамадзянскага сужэнца» ў асабістую справу.

❗️«Гэта не прыкмета адлігі», — праваабаронцы «Вясны» пра тое, як рэжым знішчае доказы сваіх злачынстваў

«Вясна» распавядае, чаму ўлады чарговы раз схавалі даныя пра рэпрэсіі і чаму гэта не сведчыць пра паляпшэнне сітуацыі з правамі чалавека ў Беларусі. Праваабаронцы Павел Сапелка і Наталля Сацункевіч аналізуюць актуальнае становішча і заклікаюць неабыякавых беларусаў дапамагаць у распаўсюджванні праўдзівай інфармацыі.

«Скарачэнне вядомай колькасці крымінальных і адміністрацыйных асуджэнняў — гэта не прыкмета адлігі, гэта ў першую чаргу вынік адсутнасці інфармацыі. Мэта такога актыўнага замарожвання інфармацыйнага поля відавочная: гэта імітацыя вяртання да становішча нацыянальнай згоды ў знешнепалітычных мэтах, спроба ўвесці ў зман знешнюю аўдыторыю».

Чытаць па спасылцы 👉 https://spring96.org/be/news/117709

🌿Паведамляйце праваабаронцам пра факты палітычнага пераследу — @ViasnaSOS | @SOSViasna | @Viasnainfo

🎬Прэм'ера дакументальнага фільма «Вясны» пра рэсацыялізацыю былога палітвязня адбудзецца на XI Фестывалі нефільтраванага кіно

Кароткаметражны фільм «Цень радасці» расказвае гісторыю былога палітвязня Артура, які пасля трох гадоў зняволення пачынае жыццё з нуля ў Польшчы. Праз яго вочы глядач бачыць цяжкасці адаптацыі: моўны бар’ер, пошук працы, сацыяльную ізаляцыю, настальгію па радзіме і спробы захаваць надзею.

🎫«Цень Радасці» будзе паказаны ў трох гарадах: Варшава (25.04, 18.00, Kinoteka), Вільня (23.04, 19.00, CreateCulture Space) і Хельсінкі (26.04, 19.00, Kitchen Lab Tarvo). Пазней ён будзе даступны для прагляду на ютубе «Вясны».

Падрабязнасці і квіткі тут: https://unfilter.by/schedule/

Над фільмам працавалі Зміцер Пылыпіў і праваабаронца «Вясны» Дзіяна Пінчук.

*Фестываль «Нефільтраванае кіно» з’явіўся як адгалінаванне кінафестывалю Сinema Perpetuum Mobile і праводзіўся ў Мінску на розных пляцоўках. Дзявяты незалежны кінафорум павінен быў прайсці ў 2023 годзе, аднак Мінкульт адмяніў яго.

БАЖ фіксуе новую хвалю рэпрэсій супраць журналістаў і іх родных у Беларусі

У большасці выпадкаў сілавікі прыходзілі па месцы рэгістрацыі недзяржаўных журналістаў, якія цяпер вымушана працуюць за межамі Беларусі. У некаторых выпадках візіты сілавікоў суправаджаліся аглядам памяшкання ў сувязі з распачатай супраць журналіста ці журналісткі крымінальнай справы.

Нагадаем, што першая хваля такога ціску на родных пракацілася ўлетку мінулага года.

🔗Хроніка палітычнага пераследу
🗣Паведаміць пра затрыманне
⚖️Атрымаць бясплатную юрыдычную кансультацыю
📝Абскардзіць дзеянні дзяржаўных органаў
✍️Звязацца з журналістамі «Вясны»

У Беларусі прызналі «экстрэмісцкім» Telegram-канал «Союз Матерей Беларуси»

Гаворка таксама пра чат ініцыятывы і яе лагатып. Адпаведнае рашэнне было прынятае судом Ленінскага раёну Гродна 10 красавіка.

Таксама ў Спіс экстрэмісцкіх матэрыялаў дадалі:

📍Telegram-каналы і чаты «EternalWar», «Syndicate_95», «Акцыi "УЛЬТЫМАТУМ"», «ГЦУ ТЭРОР»;
📍Instagram старонкі «Голос Беларуси», «ЖЫВЕ БЕЛАРУСЬ», «Суполка беларусаў Нарвегіі», «belarusy_sacramento», «Беларусы Грузии/By in Georgia (by_in_georgia)», «Крама Пагоня», «Mission of Democratic Belarus in Brussels (freebelaruseu)»;
📍Сацсеткі праекту «АТЕШ»;
📍YouTube-канал «Бумажные города»;
📍Старонкі ў Facebook «Суполка беларусау у Iтaлii/Associazione Bielorussi in Italia», «Ультыматум да Лукашэнкi»;
📍TikTok-старонкі «world_news», «Proud to be Russian-Belarusian», «Yuliya Sliuko», «Колючий LIFE», «daddytollik», «Terry Marynich», «Любитель Политики», «KIBORG28», «nexta_by», «М», «Светлана Тихановская», «pagonya», «Osint_Hanters».

🔗Хроніка палітычнага пераследу

📝Нагадваем кантакты Праваабарончага цэнтру «Вясна»

🔹Паведаміць пра затрыманне, даслаць інфармацыю з судовых пасяджэнняў: Telegram-бот @viasna_bot | @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Памерла сястра загінулага добраахвотніка Васіля Парфянкова — за роднасць з ваяром Алесю ўтрымлівалі на Акрэсціна

Пра тое, што жанчына пайшла з жыцця, «Белсату» распавяла крыніца выдання.

Вядома, што яна хварэла на анкалогію, і што ў 2022 годзе пасля ператрусу дома Алесю разам з маці арыштавалі і змясцілі на Акрэсціна — проста за тое, што яны блізкія ваяра-добраахвотніка.

«Па іх прыехалі шэсць ці восем чалавек у поўным абмундзіраванні, правялі вобшук. Іх абвінавацілі ў непадпарадкаванні і ў тым, што яны нібы напалі на тых, хто іх затрымліваў. Там жанчыны досыць малюсенькія, маці Васіля ў шаноўным узросце, ёй, здаецца, 67 гадоў, як яны маглі напасці? На судзе яны плакалі і гаварылі, каб яны не шылі ім тое, чаго не было насамрэч. Мама Васіля казала, што гатовая адсядзець, але за справу, а не за гэта… Да іх стабільна прыходзілі з вобшукамі, як я зразумела, кожныя паўгода», — распавядала жанчына, якой давялося адбываць суткі разам з імі.

🥀Праваабарончы цэнтр «Вясна» выказвае спачуванні родным і блізкім Алесі

💔«Жонка закахалася ў ахоўніка Валадаркі і палюбіла гэты рэжым». Былы палітвязень пра сваё зняволенне

Дальнабойнік з Мінску Аляксандр Юруць пасля сталічнага канцэрту на дзень Волі ў 2018 годзе моцна захапіўся нацыянальнай культурай і пачаў размаўляць па-беларуску. У 2020 годзе мінчук актыўна ўдзельнічаў у акцыях пратэсту. А з пачаткам поўнамаштабнай вайны Расіі супраць Украіны зарэгістраваўся ў плане «Перамога» і збіраўся ўступіць у полк Каліноўскага.

Сілавікі затрымалі Аляксандра ў 2022 годзе разам з жонкай і да крыві збівалі яго па твары ў аддзяленні ГУБАЗіК. Палітвязень на два гады патрапіў у калонію, а пасля адбыцця тэрміна з’ехаў з краіны.

Аляксандр распавёў «Вясне», як захапіўся беларушчынай і ўдзельнічаў у Курапацкай варце, як разам з калегамі дэсантнікамі ўдзельнічаў у пратэстах, як перастаў размаўляць з бацькам-лукашыстам. А таксама пра тое, як жонка палітвязня закахалася ў ахоўніка Валадаркі і сышла ад Аляксандра, пакуль той быў у няволі.

Чытаць па спасылцы 👉 https://spring96.org/be/news/117773

Да беларускіх актывістаў за мяжой звяртаюцца псеўдажурналісты — прапануюць грошы за размовы

Пра гэта паведамляе былая палітзняволеная Антаніна Канавалава.

«У апошні час беларускія сілавікі, у тым ліку супрацоўнікі КДБ, актыўна выкарыстоўваюць правакацыйныя метады для высвятлення інфармацыі ў актывістаў і проста нязгодных з рэжымам. Адзін з такіх метадаў — прапанова грошай за інтэрв'ю ці "шчырую размову".

Як гэта працуе?
1. Вам раптоўна піша "журналіст" ці "даследчык" - нават ад імя замежных СМІ або праваабарончых арганізацый. У маім выпадку ад праваабарончага цэнтру «Мемарыял»
2. Прапануюць аплачанае інтэрв'ю ці "дапамогу" ў абмен на інфармацыю. Стаўка за такое інтэрв'ю ад 250 да 1500 эўра.

Сума грошай будзе залежаць ад таго, якую інфармацыю вы дасце!».

🗣Дапамажыце свету даведацца пра маштаб рэпрэсій у Беларусі — паведамляйце праваабаронцам пра палітычныя прысуды

Сёння агульная колькасць палітзняволеных у нашай краіне дасягнула лічбы амаль у 1200 чалавек. Правабаронцам вядома, што рэальная колькасць такіх людзей у Беларусі значна больш.

Рэпрэсіі ў Беларусі не спыняюцца — вядома, што цяпер некаторым пратэстоўцам прызначаюць калонію за ўдзел нават у адной мірнай акцыі ў 2020 годзе — раней такім людзям звычайна прызначалі «хатнюю хімію» ці «хімію».

У СІЗА, калоніях і на «хіміях» знаходзіцца яшчэ шмат людзей, затрыманых ці асуджаных па палітычных матывах — аднак, па розных прычынах, праваабаронцам нічога невядома пра гэтых людзей. Калі вам вядомыя такія людзі, калі ласка, пішыце праваабаронцам.

З мэтаў бяспекі, вы можаце перадаць важную інфармацыю праз вашых сяброў, што жывуць за мяжой.

❗️Не маўчыце пра рэпрэсіі — дапамажыце паказаць свету маштаб катастрофы з правамі чалавека ў Беларусі!

@ViasnaSOS | @SOSViasna | @Viasnainfo

«Калі вы скажаце каму, што тут з вамі адбывалася, то мы ўбачымся зноў»

Былы палітзняволены жыхар Мінска Міхаіл (імя змененае ў мэтах бяспекі) — адзін з фігурантаў масавага крымінальнага пераследу па «справе Зельцэра». Мужчыну, які на той час працаваў у культурна-турыстычнай сферы, затрымалі на працоўным месцы пад Мінскам 1 кастрычніка 2021 года.

Ён пагадзіўся распавесці «Вясне» пра падзеі, якія наклалі незабыўны адбітак на ягонае далейшае жыццё.

«Усіх выганялі на калідор, ставілі тварам да сцяны на расцяжку, выварочвалі рукі ў ненатуральную пазіцыю і калі ахоўнікам нешта не спадабавалася, пачыналі біць па нагах: “Што ты стаіш па-еўрапейскі, трэба па-беларуску!”. І гэтая працэдура расцягвалася па часе як мага болей».

Чытаць па спасылцы 👉 https://spring96.org/be/news/117771

💳Падтрымаць «Вясну» на Patreon | Аднаразовым данатам

🧹Шукаем людзей, якіх прымушалі ўдзельнічаць у суботніках

Для прадастаўлення звестак у ААН, збіраем інфармацыю аб суботніках і аб мерах, якія прымаюцца супраць тых, хто ўхіляўся ад такой працы.

Калі вы гатовы падзяліцца інфармацыяй, напішыце, калі ласка, нам — @zvarot96

💔3 гады і 9 месяцаў таму затрымалі Алеся Бяляцкага, Валянціна Стэфановіча і Уладзіміра Лабковіча

14 ліпеня 2021 года да іх і іншых «вясноўцаў» прыйшлі з ператрусамі. Праваабаронцаў абвінавачвалі ў «кантрабандзе» і «фінансаванні групавых дзеяннях, якія груба парушаюць грамадскі парадак».

У пазамінулым сакавіку суддзя Марына Запаснік прысудзіла «вясноўцам» вялікія тэрміны: Уладзю — 7 гадоў калоніі, Валянціну — 9 гадоў калоніі, Алесю — 10 гадоў калоніі. Праваабаронцы не прызналі віну ні па адным артыкуле, які ставіўся ім у віну.

Пазней праваабаронцаў унеслі ў «спіс экстрэмістаў».

💌Месца ўтрымання «вясноўцаў»:
- ПК № 9, 213410, Горкі, Дабралюбава, 16, Аляксандру Віктаравічу Бяляцкаму
- ПК № 15, 213105, Магілёў, п/а Вейна, Слаўгарадская шаша 183, Валянціну Канстанцінавічу Стэфановічу
- ПК № 17, 213004, Шклоў, 1-я Заводская, 8, Уладзіміру Мікалаевічу Лабковічу
💻Напісаць анлайн
💳Падтрымаць «Вясну» на Patreon | Аднаразовым данатам

📄 Што пачытаць у нядзелю? Сабралі для вас галоўныя матэрыялы «Вясны» за тыдзень:

🔹«Хацеў даказаць, што не ўсе беларусы падтрымліваюць Расію». Экс-палітвязень з суполкі «Саюз беларускага нацыянальнага шчыта»

🔹Гендакладчыца ПАСЕ па палітвязнях: Сітуацыя ў Беларусі застаецца вельмі трывожнай

🔹Абсерваторыя па абароне праваабаронцаў запатрабавала спыніць новы пераслед Леаніда Судаленкі

🔹Міжнародны дзень рома адзначаецца 8 красавіка

🔹Палітвязня Дзяніса Сальмановіча перавялі ў турму

🔹Сейм Польшчы прыняў рэзалюцыю аб прэзідэнцкіх выбарах у Беларусі

🔹Экс-каліноўца Максіма Ралько затрымалі на беларуска-польскай мяжы

💳Падтрымаць «Вясну» на Patreon | Аднаразовым данатам

✊ Падтрымайце «Вясну» на Patreon альбо аднаразовым данатам

На сёння за кратамі знаходзіцца пяцёра праваабаронцаў «Вясны» — іх асудзілі да пазбаўлення волі толькі за тое, што яны абаранялі правы беларусаў. Нягледзячы на гэта, праваабаронцы і валанцёры «Вясны» працягваюць сваю працу па абароне і фіксацыі парушэнняў правоў чалавека ў Беларусі.

Акрамя магчымасці падтрымаць «Вясну» падпіскай на Patreon, ёсць магчымасць зрабіць і аднаразовы данат праваабаронцам.

Усе сабраныя ахвяраванні будуць накіраваныя на падтрымку дзейнасці арганізацыі, а таксама палітзняволеных вясноўцаў.

❗️Калі ласка, рабіце пераводы толькі, калі для вас гэта бяспечна. Мы настойліва просім не рабіць пераводаў з картак беларускіх ці расійскіх банкаў

💵Падтрымаць «Вясну» аданаразовым данатам
💶Падтрымаць Вясну на Patreon
⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Дапамога былой палітзняволенай Ганне Пышнік, асуджанай за відэа расійскіх верталётаў

Ганна была затрымана 22 сакавіка 2022 года ў Мазыры. Паводле версіі абвінавачвання, яна «зняла відэа з перамяшчэннем верталётаў для ангажаванага дэструктыўнага рэсурсу». Пазней яе асудзілі да 3 гадоў калоніі.

Жанчына цалкам адбыла тэрмін і ў лістападзе 2024 году выйшла на волю.

Пасля вызвалення Ганна была вымушана пакінуць Беларусь пад пагрозай далейшага пераследу. Цяпер ёй з дачкой патрэбна дапамога, каб пачаць жыццё ў новай краіне.

Падтрымаць Ганну на pomagam

✊Amnesty International збірае подпісы ў падтрымку Марфы Рабковай

Каардынатарка Валанцёрскай службы «Вясны» была затрымана 17 верасня 2020 года. Пазней праваабаронцу абвінавацілі па шэрагу артыкулаў Крымінальнага кодэкса за падзеі 2016-2020 гадоў і асудзілі да 15 гадоў зняволення і велізарнага штрафу.

Па выніках апеляцыі Марфе скарацілі тэрмін на тры месяцы. Прысуд уступіў у сілу і Рабкову этапавалі ў гомельскую калонію.

Amnesty International Polska збірае подпісы ў падтрымку Марфы — іх хочуць перадаць кіраўніку МЗС Польшчы, каб ён узнімаў пытанне вызвалення беларускай палітзняволенай на міжнароднай арэне.

Падпісаць петыцыю па спасылцы

28-гадовага хлопца з Пінска асудзілі за ўдзел у «масавых беспарадках»

Аляксею Шпакоўскаму 28 гадоў. Ён пінчук, адвучыўся ў Палескім дзяржаўным універсітэце на факультэце арганізацыі здаровага ладу жыцця. Захапляецца музыкай — яго сацсеткі амаль цалкам складаюцца з рэпостаў музыкі ў розных стылях і допісаў пра музыку, піша «Наша Ніва».

Хлопца асудзілі ў Пінскім гарадскім судзе 28 лістапада паводле ч. 2 артыкула 293 КК — «удзел у масавых беспарадках». Яму пагражала ад трох да васьмі гадоў калоніі, але прысуд невядомы.

На гэтым тыдні Шпакоўскага дадалі ў спіс «тэрарыстаў».

🎬Прэм'ера дакументальнага фільма «Вясны» пра рэсацыялізацыю былога палітвязня адбудзецца на XI Фестывалі нефільтраванага кіно

Кароткаметражны фільм «Цень радасці» расказвае гісторыю былога палітвязня Артура, які пасля трох гадоў зняволення пачынае жыццё з нуля ў Польшчы. Праз яго вочы глядач бачыць цяжкасці адаптацыі: моўны бар’ер, пошук працы, сацыяльную ізаляцыю, настальгію па радзіме і спробы захаваць надзею.

🎫Паказы запланаваны 23-27 красавіка ў Варшаве, Вільні і Хельсінках, а таксама анлайн. Пазней ён будзе даступны для прагляду на ютубе «Вясны».

Падрабязнасці і квіткі тут: https://unfilter.by/schedule/

Над фільмам працавалі Зміцер Пылыпіў і праваабаронца «Вясны» Дзіяна Пінчук.

*Фестываль «Нефільтраванае кіно» з’явіўся як адгалінаванне міжнароднага кінафестывалю Сinema Perpetuum Mobile адзінаццаць гадоў таму і праводзіўся ў Мінску на розных пляцоўках. Дзявяты незалежны кінафорум павінен быў прайсці ў 2023 годзе, аднак Міністэрства культуры адмяніла яго.

🌿Праваабарончая праграма «Вясна» — цяпер па суботах

1:21 «Траўматычны досвед 2020 года ў беларускай паэзіі». Размова з Наталляй Русецкай

13:03 Прэм’ера фільма «Цень радасці» адбудзецца на XI Фестывалі нефільтраванага кіно

20:34 7 красавіка, 42 гады таму, памерла знакамітая беларуска, сакратарка БНР, пакутніца ГУЛАГу Ларыса Геніюш

✊Amnesty International збірае подпісы ў падтрымку Насты Лойка

Нагадаем, у чэрвені 2023-га году ў Мінскім гарадскім судзе палітзняволенай прызначылі 7 гадоў калоніі за падрыхтоўку даклада «Пераслед анархістаў, антыфашыстаў, левых і сацыяльных актывістаў у Беларусі» (2017-жнівень 2018 года). У ім нібыта даецца крытычная ацэнка дзейнасці супрацоўнікаў міліцыі.

Суд праходзіў у закрытым рэжыме, таму падрабязнасці і пазіцыя самой Насты невядомыя.

Amnesty International Polska збірае подпісы ў падтрымку Насты — іх хочуць перадаць кіраўніку МЗС Польшчы, каб ён узнімаў пытанне вызвалення беларускай палітзняволенай на міжнароднай арэне.

Падпісаць петыцыю па спасылцы

📸«Нашы продкі фатаграфаваліся на фоне дываноў, а мы — на фоне сцен у калоніях». Звяртаемся да палітвязняў з заклікам дасылаць свае магшоты

Фота пад арыштам — асобны накірунак фотаздымкі. Для міліцэйскай фотаздымкі існуе неафіцыйны тэрмін — магшот. З 2020 года праз такую «фотасесію» прайшлі сотні тысяч беларусаў і беларусак, затрыманых па палітычных прычынах: у РУУСах, СІЗА, калоніях.

Праваабаронца «Вясны» Дзіяна Пінчук сабрала каля 40 магшотаў ад былых палітвязняў і сведчанні пра працэс фотаздымкі, пачуцці і эмоцыі палітвязняў пра яе — mugshots.spring96.org/persons

«На гэтых фотаздымках я бачу годных людзей, якія пацерпелі за любоў да Беларусі. Нашы продкі фатаграфаваліся на фоне дываноў, а мы — на фоне белых прастынёў і сцен у калоніях. Такі цяпер наш нацыянальны код», — кажа аўтарка праекту.

Чытаць па спасылцы 👉 https://spring96.org/be/news/114595

🌿Былыя палітвязні таксама могуць прыняць удзел у праекце і такім чынам задакументаваць сваю гісторыю. Для гэтага трэба запоўніць адмысловую гугл-форму

У «Спіс экстрэмістаў» дадалі яшчэ 27 прозвішчаў — цяпер у ім 5142 чалавек

11 красавіка МУС зрабіла традыцыйны пятнічны апдэйт «Пераліка грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іншых, у спіс дадалі грамадзяніна Латвіі Юрыйса Ганінса, лясніка Вітольда Шалкевіча, а таксама былых сілавікоў з Жодзіна Дзмітрыя Удовіна, Андрэя Дарошку, Вячаслава Ільіча, Ігара Кісляка і Віталя Папроцкага, якія ў жніўні 2020-га запісалі моцны зварот да сілавікоў.

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️«Мама, я экстрэміст». Якія абмежаванні накладаюцца на асоб, уключаных у «Спіс экстрэмістаў»

У Рагачове, імаверна, завялі новую крымінальную справы супраць былой палітзняволенай

3 красавіка КДБ Беларусі дадаў у спіс «экстрэмісцкіх фармаванняў» «інфармацыйны рэсурс чё ваще происходит» — гаворка пра старонку ў «Х». Паводле ведамства, дачыненне да яе мае 29-гадовая Юлія Касцючэнка. Апошнія допісы на гэтай старонцы ў «Х» датаваныя пачаткам году. На яе былі падпісаныя ўсяго 48 чалавек.

Як паведамляе «Гомельская Вясна», гэтыя звесткі цалкам супадаюць з дадзенымі былой палітзняволенай Юліі Касцючэнкі з Рагачова.

У сваіх сацсетках Юлія пісала, што па нацыянальнасці яна ўкраінка.

Напачатку 2023-га году Юліі прызначылі 1 год калоніі за «абразу Лукашэнкі» — паводле следства, жанчына на сваёй старонцы ў сацыяльнай сетцы «Інстаграм» размяшчала допісы і відэазапісы, якія «ўтрымлівалі абразу на адрас Лукашэнкі». Жанчынца цалкам адбыла свой тэрмін і напрыканцы 2023-га году выйшла на волю.

Аўтаслесара з Мінска асудзілі па чатырох палітычных артыкулах

Андрэю Урублеўскаму 53 гады. Ён родам з Асіповічаў. Андрэй у апошнія гады жыў у Мінску і працаваў аўтаслесарам на адным са сталічных СТА. Любіць велатурызм і падарожжы, а таксама актыўны адпачынак.

Суд над Урублеўскім скончыўся 27 лютага Мінскім гарадскім судзе, піша «Наша Ніва». Яго абвінавачвалі па чатырох артыкулах — «абраза прадстаўніка ўлады» (арт. 369 КК), «абраза Лукашэнкі» (ч. 1 арт. 369 КК), «удзел у экстрэмісцкім фармаванні» (ч. 3 арт. 361-1 КК) і «распальванне варожасці» (ч. 1 арт. 130 КК).

Сутнасць абвінавачанняў і прысуд невядомыя, але яму пагражала да шасці гадоў калоніі. У сераду яго ўключылі ў спіс «тэрарыстаў».

🌿Калі вам вядомыя падрабязнасці справы ці інфармацыя пра Андрэя — калі ласка, пішыце на @Viasnainfo. Па вашым жаданні, інфармацыя застанецца непублічнай

На волю выйшаў палітвязень Павел Юхневіч

Паводле крыніцаў «Белсату», Павел Юхневіч выйшаў на волю з Івацэвіцкай папраўчай калоніі № 22 пасля адбыцця 5-гадовага зняволення.

Палітвязень цалкам адбыў пакаранне. Вядома, што ў калоніі ён пабраўся шлюбам, паведамляюць крыніцы «Белсату». Паўтара года Юхневіч мусіць заставацца пад наглядам.

Павел — актывіст «Еўрапейскай Беларусі», быў адным са стваральнікаў і актыўным удзельнікам апазіцыйнага руху «Зубр». Яго затрымалі 25 верасня 2020-га году, а пазней абвінавацілі ў «падрыхтоўцы да ўдзелу ў масавых беспарадках» (ч. 1 арт. 13 і ч. 2 арт. 293 КК) і асудзілі да 5 гадоў калоніі.

Сілавікі прыходзілі да родных журналіста і блогера Валера Руселіка, а таксама актывісткі Марыны Касінеравай

Пра гэта яны напісалі на сваіх старонках у Facebook.

«Ну што ж. учора пад вечар да маёй мамы ў горадні зноўку прыходзілі два гаўнюкі - штопраўда, гэтым разам не ў пагонах, апранутыя ў цывільнае. зноўку пыталі пра мяне: дзе жыву, ці зьбіраюся вяртацца, ці кантактуе мама са мною і г.д. з новага - ці ёсьць у мяне татуіроўкі і шнары, а таксама які ў мяне рост. зноўку перапісалі дадзеныя маіх блізкіх сваякоў», — напісаў Валер.

«Да мяне па прапісцы (дзе я не жыву больш за 13 гадоў) ходзяць як на працу нават у непрацоўны час (уначы, калі людзі спяць), каб запытацца ці дакладна я не ў Беларусі і калі прыеду. Вось зноў прыходзілі ўчора, перад гэтым у снежні аж два разы, дагэтуль у студзені КДБ зайшлі з вобшукам за подпісам Шведа, маці адвезлі на допыт, забралі 35 еўра і дагэтуль не вярнулі, бо ідзе следства», — напісала Марына.

🔗Хроніка палітычнага пераследу

У Беларусі прызналі «экстрэмісцкім» сайт адукацыйнай платформы «Васьміног»

Таксама «экстрэмісцкай» прызналі і Facebook-старонку платформы. Адпаведнае рашэнне было прынятае судом Драгічынскага раёну 8 красавіка.

Праграма «Васьміног: адукацыя для беларускіх дзяцей сёння і заўтра» накіраваная на адукацыйныя праекты для беларускіх школьнікаў, стварэнне інавацыйнай навучальнай анлайн-платформы для транспамежнай беларускаарыентаванай адукацыі і працу некалькіх каманд даследчыкаў.

Таксама ў «Спіс экстрэмісцкіх матэрыялаў» трапілі:

📍Telegram-канал «Mengele conf»;
📍Старонка ў Instagram «tatiana.04.04_fotograf»;
📍Сацсеткі медыя «adu.placе»;
📍Старонка ва «Укантакце» «Bielaruski Nastup»;
📍Facebook-старонкі «BGmedia», «Belarus News Headlines»;
📍TikTok-старонкі «belarusupdatehub», «svaboda_news», «Сябр», «dorogavaad», «volnaya.belarus», «Lizaveta».

🔗Хроніка палітычнага пераследу

🗣Паведамляйце праваабаронцам пра сваіх родных, якія ўтрымліваюцца за кратамі па палітычных матывах

Па стане на 10 красавіка ў Беларусі прызнаныя палітычнымі вязнямі амаль 1200 чалавек, агулам жа праваабаронцам вядома пра больш за 7000 фігурантаў крымінальных палітычных справаў з 2020-га году. Відавочна, што гэта далёка не ўсе людзі, якія сутыкнуліся з палітычным пераследам у Беларусі за апошнія гады.

❗️Калі нехта з вашых блізкіх ці знаёмых апынуўся за кратамі, але пра іх лёс нічога невядома праваабаронцам, калі ласка, паведамляйце пра гэта «Вясне»: @ViasnaSOS | @Viasnainfo

📱У мэтах бяспекі, вы можаце перадаць такую інфармацыю праз знаёмых, што знаходзяцца за мяжой.

✍️Дапамажыце зафіксаваць усе факты рэпрэсій, каб паказаць свету маштаб катастрофы з правамі чалавека ў Беларусі!

«Хто твой прэзідэнт? Не Ціханоўская?». Як палітвязняў прымушалі пісаць прашэнні аб памілаванні

У кастрычніку 2024 года Уладзіслава Ефімовіча выклікалі да адміністрацыі калоніі пісаць прашэнне аб памілаванні.

«Я зайшоў у кабінет, а там сядзелі губазікаўцы. Яны спыталі, ці планую я працягваць пратэсную дзейнасць. Затым спыталі: "Хто твой прэзідэнт?". Я адказаў, што Аляксандр Рыгоравіч. Тады яны яшчэ перапыталі: "Не Ціханоўская?". Яны мне далі падпісаць хадайніцтва аб памілаванні на імя Лукашэнкі. Там жа трэба было каротка апісаць, за што мяне пасадзілі ў турму. Таксама губазікаўцы сказалі, каб пасля памілавання ні ў якім разе не звязваўся з “Вясной”. Не тэлефанаваў і не пісаў ім».

«Хацеў даказаць, што не ўсе беларусы падтрымліваюць Расію». Экс-палітвязень з суполкі «Саюз беларускага нацыянальнага шчыта»

Да родных актывіста Дзмітрыя Карняенкі прыходзілі сілавікі

Пра гэта мужчына паведаміў у сваім Facebook.

«Мой "экстрэмісцкі" статус павялічыўся. Цяпер як чалец Хрысціянскай візіі прызнаны датычным да "экстрэмісцкага фармавання".

Разам з тым павялічыліся і візіты міліцыянтаў да родных. Учора наведвалі бацьку ў Воршы, нават бралі ў яго біяматэрыял. Бацька збянтэжыўся і не дужа распытваў, навошта. А сёння міліцыянты ўжо пабылі ў цёшчы ў Віцебску.

Так-та з рознай перыядычнасцю наведваюць (то следчыя, то міліцыянты), але гэтыя дні крыху пашырылі свой расклад візітаў».

Учора стала вядома, што праект «Хрысціянская візія» трапіў у спіс «экстрэмісцкіх фармаванняў» — паводле сілавікоў, дачыненне да яго мае і Дзмітрый Карняенка.

🔗Хроніка палітычнага пераследу

🌿Дапамога беларусу, які адседзеў за спробу далучыцца да добраахвотнікаў, і цяпер спрабуе пачаць новае жыццё ў Польшчы

Яго гісторыю распавядае BYSOL:

«Калі выйшаў, зразумеў, што не адчуваю сябе ў бяспецы. Не было жадання паўтарыць сваю «прыгоду». І ўвосені 2024 года я пераехаў у Польшчу. Першы час мне вельмі дапамагалі, але на жаль, тут пакуль не атрымліваецца паставіць сваё жыццё на патрэбныя рэйкі. Хоць крыху ведаю польскую, з усіх варыянтаў заробку атрымалася ўладкавацца толькі на будоўлю.

Таму вырашыў звярнуцца па дапамогу. Сам ужо не спраўляюся: з самай раніцы на будоўлі, па выходных — тэхнікум (вырашыў вучыцца на тэхніка анімацыйных фільмаў). Але праграма доўжыцца два гады, а я не ведаю, ці змагу пратрымацца столькі часу на будоўлі.

Таму хачу перавучыцца, каб лепш адпавядаць мясцоваму рынку (ужо знайшоў курсы, якія доўжацца некалькі месяцаў) і ўладкавацца на стабільную працу. На час вучобы вельмі патрэбная дапамога з аплатай жылля».

Падтрымаць мужчыну фінансава

📝Абсерваторыя па абароне праваабаронцаў запатрабавала спыніць новы пераслед Леаніда Судаленкі

Абсерваторыя па абароне праваабаронцаў (FIDH-OMCT) выступіла з заявай наконт новай крымінальнай справы супраць праваабаронцы і былога палітвязня Леаніда Судаленкі.

Міжнародная праваабарончая арганізацыя рашуча асуджае пераслед праваабаронцы і лічыць, што гэта з'яўляецца відавочнай спробай прымусіць яго замаўчаць у падтрымку зняволеных беларускіх праваабаронцаў. Абсерваторыя заклікае беларускія ўлады неадкладна зняць усе абвінавачванні супраць яго. Таксама яна рашуча асуджае пераслед сваякоў Леаніда, уключаючы яго састарэлую маці, які праводзіцца з мэтай запалохвання і прычынення ім далейшых фізічных і псіхалагічных пакут.

Абсерваторыя нагадвае, што Леанід Судаленка ўжо двойчы быў незаконна асуджаны ў адплату за свае законныя правы чалавека, у тым ліку завочна.

Чытаць па спасылцы 👉 https://spring96.org/be/news/117763

Дом Цапкалаў прадалі на аўкцыёне з чацвёртай спробы

У доме па завулку цяплічнага ў Мінску зарэгістраваны тры чалавекі, у тым ліку двое непаўналетніх. Яго ўжо спрабавалі прадаць у лістападзе 2024 года са стартавым коштам 2,1 млн рублёў, у студзені 2025 года са стартавым коштам 1,68 млн рублёў і ў лютым са стартавым коштам 1,26 млн рублёў. У выніку яго прадалі за 1 157 200 рублёў пры пачатковай цане ў 841,6 тысячы.

У красавіку 2024 года праз аўкцыён з другой спробы была прададзеная кватэра Цапкала. Вераніка Цапкала заяўляла, што кватэра належыць не толькі яе мужу, але і непаўналетнім дзецям, таму яе нельга адчужаць.

У ліпені 2024 года Вераніку Цапкала завочна асудзілі да 12 гадоў калоніі па абвінавачванні ў «змове з мэтай захопу ўлады» і «ўдзеле ў экстрэмісцкім фармаванні». У 2023 годзе Валерыя Цапкала завочна асудзілі да 17 гадоў зняволення.

🔗Хроніка палітычнага пераследу

⁉️Што рабіць, калі арыштоўваюць маёмасць? Інструкцыя ад Юрыдычнай службы «Вясны»

У апошнія гады арышт маёмасці стаў не толькі інструментам крымінальнага і адміністрацыйнага пераследу, але і спосабам ціску на рэпрэсаваных ды іх сваякоў. Ці магчыма аспрэчыць арышт, як мінімізаваць рызыкі і абараніць сваю ўласнасць? Калі маёмасць становіцца аб'ектам пераследу, важна ведаць, якія захады можна распачаць.

Юрыстка «Вясны» Святлана Галаўнёва распавядае, як дзейнічаць у розных сітуацыях.

Чытаць па спасылцы 👉 https://spring96.org/be/news/117711

📝Звярнуцца па дапамогу па юрыдычных пытаннях, а таксама абскардзіць дзеянні дзяржаўных органаў: @zvarot96 | zvarot@spring96.org

У Беларусі «экстрэмісцкім фармаваннем» прызналі старонку ў «Х»

3 красавіка КДБ Беларусі дадаў у спіс «экстрэмісцкіх фармаванняў» «інфармацыйны рэсурс чё ваще происходит» — гаворка пра старонку ў «Х». Паводле ведамства, дачыненне да яе мае 29-гадовая Юлія Касцючэнка.

Апошнія допісы на гэтай старонцы ў «Х» датаваныя пачаткам году. На яе былі падпісаныя ўсяго 47 чалавек.

🔗Хроніка палітычнага пераследу

❗️У Беларусі новыя «экстрэмісцкія фармаванні»

Гэта праекты «Магілёўцы abroad», «чё ваще происходит», «Палітвязынка», «БюроМедиа» і «Хрысціянская візія». Усе яны былі прызнаныя «экстрэмісцкімі фармаваннямі» па рашэнні КДБ і МУС.

Паводле ведамстваў, дачыненне да «Магілёўцы abroad» маюць Надзея Салаўёва, Дзмітрый Салаўёў, Уладзімір Лапцэвіч, да «чё ваще происходит» — Юлія Касцючэнка, да «Палітвязынка» — Ганна Крацько, Яўгенія Сцепусь (Доўгая), Анастасія Захарэвіч, да «БюроМедиа» — Аляксандр Ярашэвіч, Вольга Альхіменка, Аляксей Карпека, Ксенія Вязнікоўцава, да «Хрысціянская візія» — Наталля Васілевіч, Наталля Гарковіч, Дзмітрый Карняенка.

🔗Хроніка палітычнага пераследу

За апошнія 5 месяцаў у базу вышуку Расіі патрапілі больш за 1 200 грамадзян і ўраджэнцаў Беларусі

У спіс беларусы трапляюць на запыт Беларусі — гэта значыць, што іх шукаюць у абедзвюх краінах. Цяпер у ёй больш за 4 700 беларусаў.

За 5 месяцаў у вышуковую базу РФ дадалі сама меней 58 чалавек, асуджаных па палітычных справах. У спіс таксама патрапіў журналіст Аляксандр Буракоў, паэтка і тэлевядучая Валерыя Кустава, экспертка Беларускага Хельсінкскага Камітэта Кацярына Дэйкала.

У спісе ёсць і два намеснікі старшыні Беларускай асацыяцыі журналістаў — Барыс Гарэцкі і Алег Агееў. Акрамя іх у вышуку вядучы праекта «Обычное утро» Канстанцін Місуно (Каверын) і былая вядучая праграмы Людміла Лабінская (Міласлаўская).

У абноўленым спісе ёсць сваякі як былых палітвязняў, так і беларускіх палітыкаў у эміграцыі. У базе ёсць дачка палітзняволенай Алены Гнаук — Аляксандра Семянюк.

Паглядзець базу цалкам можна на старонцы «Медыязоны»

«Мова ворагаў». У магілёўскай калоніі палітвязням забараняюць вучыць шэраг замежных моў

Як распавядае Уладзіслаў Ефімовіч, у магілёўскай калоніі палітвязням негалосна забаронена вывучаць польскую, чэскую, латышскую мовы. А таксама ўкраінскую, бо гэта «мова ворагаў». Пры гэтым ангельскую вывучаць не забаронена. Хлопец меў падручнік па чэскай і польскай мовах і цішком вучыўся. За гэта яго адправілі ў ШІЗА на 10 сутак.

«Аператыўнік мне сказаў тады: "Напэўна, хочаш с’я*ацца ў Польшчу? А ну-ка скажы што-небудзь па-польску. Ты б яшчэ эсперанта вывучыў».

У іншым атрадзе палітзняволены вывучаў турэцкую мову. Яму дапамагаў практыкавацца іншы вязень родам з Турэччыны. Калі адміністрацыя пра гэта даведалася, то абодвух адправілі ў ШІЗА, распавядае Уладзіслаў.

🔹«Хацеў даказаць, што не ўсе беларусы падтрымліваюць Расію». Экс-палітвязень з суполкі «Саюз беларускага нацыянальнага шчыта»

У «спіс тэрарыстаў» дадалі 13 чалавек — сярод іх супрацоўнік дэлегацыі Еўрасаюза ў Беларусі

Камітэт дзяржаўнай бяспекі абнавіў спіс «асоб, якія маюць дачыненне да тэрарыстычнай дзейнасці» — там з'явіліся прозвішчы трынаццаці чалавек.

Сярод іх Хіла Мікалай, Маліноўская Карына, Качан Лілія, Шпакоўскі Аляксей, Казінцаў Павел, Дарагакупец Аляксандр, Елькіна Алена, Вевель Кірыл, Сімашковіч Ігар, Губар Вольга, Якімёнак Раман, Шпак Уладзімір, Урублеўскі Андрэй.

Цяпер у «тэрарыстычным спісе» 1268 чалавек, з іх 574 — беларусы.

⁉️«І цяпер я бел-чырвона-белы тэрарыст». Адказваем на пытанні пра «спіс тэрарыстаў»

💔Дапамога сям'і былога палітвязня Яўгена Харашкевіча

«За сваю грамадзянскую пазіцыю я быў арыштаваны, потым асуджаны і адпраўлены ў турму на 4 гады, пакінуўшы цяжарную жонку адну ў самых складаных абставінах. У жніўні 2024 года, пасля поўнага адбыцця тэрміна, я выйшаў на волю. Але пераслед нашай сям'і не спыніўся. Увосень 2024 года ў нашу кватэру зноў прыйшлі сілавікі з ператрусам.

Тры месяцы мы хаваліся ў Грузіі, жывучы ў пастаянным страху. А калі, нарэшце, змаглі пераехаць у Польшчу, нас чакаў яшчэ адзін удар: грошы, якія мае бацькі перадалі нам на першы час у эміграцыі, былі скрадзеныя.

Мы звярнуліся ў паліцыю Польшчы і рыхтуем заяву ў паліцыю Грузіі, але шанцы вярнуць скрадзенае малыя. Цяпер мы засталіся без сродкаў да існавання і без той фінансавай падушкі, якая дазволіла б нам пачаць новае жыццё».

Падтрымаць сям'ю на Pomagam

Будзьце ўважлівымі — адбылася рассылка пра фэйкавае апытанне па чатах беларускай дыяспары

У чатах беларусаў замежжа з'явіліся допісы пра тое, што праводзіцца нейкае апытанне, «важнае для даследчай работы». Арганізатары хочуць, каб анкету запоўнілі студэнты. Паведамленні з просьбай прайсці апытанне распаўсюджвае акаўнт, які мае ID 6288192255 і імя карыстальніка linga017.

Апытанне мімікрыруе пад апытанне, якое цяпер праводзіць Аб'яднаны пераходны кабінет, але ў ім зусім іншыя пытанні, піша «Наша Ніва».

Унутры апытання збіраюць e-mail, звесткі пра ўзрост, месца жыхарства і род заняткаў. Пры гэтым стваральнікі прыкрываюцца імем Маргарыты Ворыхавай — прадстаўніцы Святланы Ціханоўскай па справах моладзі.

Верагодна, за атакай стаяць спецслужбы Беларусі. Гэты ж акаўнт ужо быў заўважаны ў фэйкавай рассылцы два гады таму. Тады адміністратарам прапанавалі дадаць фэйкавага бота праекта «Стоп Прапаганда» ў свае суполкі. У якасці кантактнага ўказаны фэйкавы бот Кіберпартызанаў.

🌿У Берліне пройдзе вечар салідарнасці з беларускімі палітвязнямі

Мерапрыемства адбудзецца ў чацвер, 10 красавіка, у офісе Libereco (Brunnenstraße 9, Berlin). Пачатак а 17-ай гадзіне.

Гасцей чакае выступ былых палітзняволеных музыкаў гурта Irdorath Уладзіміра і Надзеі Калач, а таксама напісанне лістоў беларускім палітвязням.

Уваход вольны!

📝Нагадваем кантакты Праваабарончага цэнтру «Вясна»

🔹Паведаміць пра затрыманне, даслаць інфармацыю з судовых пасяджэнняў: Telegram-бот @viasna_bot | @ViasnaSOS, @SOSViasna;
🔹Звярнуцца па дапамогу па юрыдычных пытаннях, абскардзіць дзеянні дзяржаўных органаў: @zvarot96 | zvarot@spring96.org;
🔹Калі вы пацярпелі ад катаванняў з боку сілавікоў ці сутыкнуліся з жорсткім абыходжаннем за кратамі: @ViasnaDOC | viasnadoc@spring96.org;
🔹Распавесці сваю гісторыю журналістам «Вясны»: @Viasnainfo | viasna@spring96.org.

📍Кантакты рэгіянальных прадстаўніцтваў «Вясны»: Бабруйск — @babrujskspring; Барысаў — @Spring_help_r; Брэст — @Nadbuzanski, @BrestSOS; Гомель — @homelspring; Магілёў — @maydayhelp, @mspring_help; Маладэчна — @Maladecza_help; Наваполацк — @impaynes; Віцебск — @Viciebsk_spring; Светлагорск — @svietlahorskspring

❗️Афіцыйныя кантакты ПЦ «Вясна» можна паглядзець у апісанні @viasna96 ці на старонцы «Кантакты» на spring96.org

⁉️«Вясну» прызналі «экстрэмісцкім фармаваннем»: як цяпер супрацоўнічаць з намі?

Білі ў пах электрашокерам — як губазікаўцы катавалі 19-гадовага беларуса са зламанымі пальцамі

Сілавікі здзекваліся з хлопца і прымушалі казаць хлусню. Нібы ён прыняў іслам і з’яўляецца маджахедам, падтрымлівае нацыяналістычныя ўкраінскія батальёны і збіраецца ехаць на вайну. Як распавядае Уладзіслаў, за тое, што ён ад болю не мог з першага разу прачытаць тэкст для «пакаяльнага» відэа, супрацоўнікі ГУБАЗіК некалькі разоў прымянялі электрашокер. Білі ў раён паху, каб было бальней.

«У мяне там былі такія эмоцыі, што ад болю аж слёзы на вачах былі. Зламаныя пальцы моцна апухлі. Я не мог нічога ясна сказаць і пачаў заікацца».

Пазней на судзе хлопец заявіў, што пры затрыманні яму зламалі пальцы, а падчас допыту білі па нырках. Дзяржаўны адвакат, якая прысутнічала пры збіцці Уладзіслава ў РУУСе, на судовым пасяджэнні сказала, што яго ніхто не збіваў.

🔹«Хацеў даказаць, што не ўсе беларусы падтрымліваюць Расію». Экс-палітвязень з суполкі «Саюз беларускага нацыянальнага шчыта»

📍Міжнародны дзень рома адзначаецца 8 красавіка

8 красавіка адзначаецца Міжнародны дзень рома. Менавіта ў гэты дзень у 1971 годзе ў Лондане прайшоў Першы Сусветны ромскі кангрэс, на якім прысутнічалі ромскія дэлегаты з 30 дзяржаў. У тым жа годзе быў створаны Міжнародны саюз цыганоў. Адным з вынікаў кангрэса стала прыняцце нацыянальных сімвалаў — сцяга і гімна.

Якая сітуацыя з правамі рома ў Беларусі? Гэтая тэма, сярод іншага, уздымалася на 3 095 пасяджэнні Камітэта аб ліквідацыі ўсіх формаў расавай дыскрымінацыі, падчас прэзентацыі справаздачы Беларуссю як дзяржавы-ўдзельніцы Канвенцыі аб ліквідацыі ўсіх формаў расавай дыскрымінацыі.

Тады судакладчык Камітэта закрануў пытанні супольнасці рома ў Беларусі: адукацыя, працаўладкаванне, сацыяльныя паслугі, ахова здароўя ды іх прафіляванне.

«Рома па-ранейшаму сутыкаюцца з маргіналізацыяй, дыскрымінацыяй, высокім узроўнем беспрацоўя, нізкім узроўнем адукацыі ды адсутнасцю доступу да сацыяльных паслугаў».

Чытаць па спасылцы 👉 https://spring96.org/be/news/117759

У Беларусі прызналі «экстрэмісцкімі» чарговыя кнігі

Гаворка пра друкаваныя выданні «Даведiк беларускага журналiста» (Фенрых Пшэмыслаў, Вячорка Вінцук), а таксама «Беларусь на разломе» (Яраслаў Раманчук, Леанід Зайко). Яны былі прызнаныя «экстрэмісцкімі» судом Партызанскага раёну Мінска 4 красавіка.

Таксама «экстрэмісцкі» спіс папоўнілі старонкі ў Facebook «Ольг’ерд Мамаєнко» і «Беларускi Моладзевы Хаб», Telegram-каналы і чаты «Диаспора Беларусов Мира», «Рабочы Рух чат», «Vladimir Pogosyan |Official», старонка ў «Аднакласніках» «Свободный Гомель FREE GOMEL», а таксама старонкі ў сацсетках Аляксандра Баля.

ЕС фінансава падтрымае беларусаў, што пацярпелі ад рэпрэсій

Еўрапейскі саюз у рамках праграмы EU4Belarus – SALT абвяшчае запуск праграмы падтрымкі для тых, хто пацярпеў ад палітычных пераследаў і страціў крыніцу даходу і магчымасць атрымання адукацыі, піша @viacorka.

📍Праграма прызначана для былых палітзняволеных, а таксама беларусаў і беларусак, якія падвергліся адміністрацыйнаму або крымінальнаму палітычнаму пераследу.

💵Памер падтрымкі: да 10 000 еўра!

🔹На гэтую суму ў межах праграмы адна асоба можа атрымаць падтрымку на:

- навучанне і зборы (прафесійная адукацыя, курсы павышэння кваліфікацыі, моўныя курсы, курсы кіроўцы, сертыфікацыя, настрыфікацыя і экзамены);
- выдаткі на пераклад дакументаў;
- пражыванне ў інтэрнаце (для прафесійнай адукацыі да 12 месяцаў);
- грамадскі транспарт (для вочнага навучання працягласцю не менш за 1 месяц);
- падпіскі на праграмнае забеспячэнне і лічбавыя платформы, неабходныя для навучання і перападрыхтоўкі.

Спасылка на праграму і анкета для запаўнення 👉 https://eu4belarus.info/grants02-ex-politicalprisoners-by/