УМР ЎТИБ БОРМОҚДА...

Ҳаёт бир тизим карвон,
Карвон кетиб бормоқда.
Ким рози, кимга армон,
Умр ўтиб бормоқда...

Гоҳ шодлик, гоҳ ғамбода,
Гоҳ шамол, гоҳ шаббода.
Авраб минг бир навода,
Умр ўтиб бормоқда...

Минг бир қийноқ жонга ҳам,
Сиғмас ер, осмонга ҳам.
Гоҳ ўртоқ шайтонга ҳам,
Умр ўтиб бормоқда...

Ёлғонни суяр дунё,
Риё тўн кияр дунё.
Ҳақ деб ким куяр, дунё?!
Умр ўтиб бормоқда...

Мазлумлар хор, яланғоч,
Мискинлар зор, ноилож.
Нодонга кийдириб тож,
Умр ўтиб бормоқда...

Шоир, қўй нолишингни,
Беҳуда толишингни.
Бошла эзгу ишингни,
Умр ўтиб бормоқда...

Акрам, ошиқ юрак бўл,
Элу юртга тиргак бўл.
Оғир кунда керак бўл,
Умр ўтиб бормоқда!..

Акрамжон АЗИЗОВ

Реақция босиб қўйишни унутманг!

❤️АЁЛЛАР КАНАЛИ 👇
https://t.me/+4Lk5CYxLBOYwNGIy
https://t.me/+4Lk5CYxLBOYwNGIy

Бизга қушилинг ҳамма аёллар шу каналда 😍