Ucell Toshkent — Buxoro sayyohlik yo‘nalishida

Kompaniya mamlakatning eng muhim yo‘nalishlaridan birida keng ko‘lamli aloqa tizimini zamonaviylashtirish ishlarini yakunladi. 72 ta tayanch stansiya qurildi va 29 ta inshoot modernizatsiya qilindi. Endi barqaror internet va ovozli aloqa nafaqat shaharlarda, balki yo‘l bo‘ylab va temir yo‘l yoqasida ham mavjud. 2024-yildagi media tur doirasida Ucell aloqa qamrovini kengaytirishni va’da qilgan edi va bu va’dasini bajardi. Shuningdek, yangi xizmat ko‘rsatish markazlari ochilmoqda, xizmat sifati oshmoqda va mijozlar tajribasiga e’tibor kuchaymoqda.