Уруускай тылынан саҥаран,
Утуктуу сылдыбыт курдукпун,
Нууччалыы эйгэҕэ өр сылдьан,
Нуктаабыт мин дууһам сылайан...

Төрүт тыл дорҕоонун, тыл күүһүн,
Төлкөлөөх ис дьиҥин, сүмэтин,
Билбэккэ сылдьыбыт эбиппин,
Биэтэккэ чугаһаан, дьэ биллим...

Сахалыы ис кутум уһуктан,
Санаабын атыннык этэбин,
Хоһоонноох хонууга киирэммин,
Хоһуйар тыллары көрдүүбүн...

...Кыараҕас хоспуттан тахсаммын,
Кыырайа мин көтө сатыыбын,
Кынаппын өр кэмҥэ кистээммин,
Кыаммаппын үрдүккэ тахсыахпын...

Сыккыс