ОМОН ЮРИНГ ЖОН ОПАЛАРИМ

Эзолмасин дилингиз ғамлар,
Ёниқ бўлсин умидли шамлар,
Қийнамасин ҳаётий камлар,
Омон юринг жон опаларим.

Сирдошимсиз дилим ёргани,
Манзилимсиз излаб боргани,
Сиз ўрнаксиз ибрат олгани,
Омон юринг жон опаларим.

Сиз эрурсиз жаннат ифорим,
Тарқайдида тезда ғуборим,
Дорилардан шифобахш дорим,
Омон юринг жон опаларим.

Қадамингиз волидам ўзи,
Бирингизга кўчкандир юзи,
Кўрсам эрир юрагим музи,
Омон юринг жон опаларим.

Дуоингиз йўлимга маёқ,
Тилагингиз софгина оппоқ,
Ғуссаларим чекинар йироқ,
Омон юринг жон опаларим.

Оғримасин тан ва жонигиз,
Менга бойлик сизни борингиз,
Кўрмай сизни ўксик ҳолингиз,
Омон бўлинг жон опаларим.

Қаддингизни кўтариб юринг,
Гўзал кунлар онларин суринг,
Мадад бўлиб ёнимда туринг,
Омон бўлинг жон опаларим.

Яқинларингизга ҳам улашинг 🌹

Каналимизга қўшилинг 👇❤️
https://t.me/+51fyQTMOYFczZmZi
https://t.me/+51fyQTMOYFczZmZi