بو گون

ساقیا ! وئر بادہ نے ، مهمان جانانم بوگون
باخ ییخیلمیش ڪؤنلومہ ! سرگشتہ بیر جانم بوگون

بو خراب احوالیمے بیر بادہ بیلدے بیردہ من
بیلمہ ییر سن ڪے نئجہ حالے پریشانم بوگون

ییخدے ڪؤنلوم خانہ سین دلبر ترحم ائتمہ دے
قالمیشام آوارہ ساقے ، بوردا پنهانم بوگون

بیلدے یار دیوانہ یم ، اوزدو الیمدن ، اللرین
پوزدو عهدین ، بیلمہ دے بزمیندہ مهمانم بوگون

بلڪہ سهو ائتدیم بو عشقین من بهاسین بیلمہ دیم
سؤیلہ یارہ عفو قیلسین ، چون پشیمانم بوگون

ساقیا بیمار عشقم ، عشقین اولماز چارہ سے
سانما ڪے درد اهلے تڪ ، محتاج درمانم بو گون

وئر مئیے ، قوے مست اولوم هم من همے پیمانہ لر
سون نفس دیر وئر ایچیم ، بیر تشنہ قوربانم بوگون

ساقیا قالدیر قدح ،سنلہ ویراق پیمانہ نے 
قوے (ڪؤنول) هئچ بیلمہ سین من دیدہ گریانم بوگون

فاطمہ عبدے ڪؤنول


❤️
@qazvinturklari