️Мени тек керек ўақтында ғана излейсең

"Мени тек керек ўақтында ғана излейсең" деп айтпаңыз.
Сизиң есигиңизге келиў оған да аңсат болған жоқ. Басқа биреўдиң есигине барыўы мүмкин еди.Бирақ ол басқалардан жақын санап сиздиң мириўбетиңизди, мийирманлығыңыздан дәмеленип есигиңизге барды.
Жақсылыққа барынша қолыңызды созың.

Бүгин қаламыздағы "Жаңа заман" МПЖ баслығы Е.Толегенов басшылығында аймақтағы пуқаралар менен аўызбиршиликте Вақф фонды тәрепинен турақ-жайы салынып атырған бағыўшысы жоқ А. Шотанованың үйине қол көмекке барып, кими сыбаў сыбап, өрип билетуғынлар гербишлерди дизип хожалыққа жәрдем қолларын созбақта. Бүгин халқымызға айтарымыз сиз көп жақсылық ислеўге ылайықлысыз!
Биреў жәрдем сорап келди ме, жәрдем бериў бизиң адамгершилик ўазыйпаларымыз бенен бирге миллийлигимизге тән қәсийетимиз болып табылады.
Қәдирданлар жалғыз аналардан, әкелерден, балалардан хабар алып, ҳал-аўҳал сорап қойыўды умытпаңыз.
Қәстерлеп абайлайық бир-биримизди.