Қарши туманида аҳоли зиёратгоҳ ва қабристонларни ободонлаштирмоқда

Айни кунларда туманимиз ҳудудларида зиёратгоҳ ва қабристонларни тозалаш ва ободонлаштириш ишлари уюшқоқлик билан олиб борилмоқда.

Жумладан, тумандаги Ўзбекистон Мустақиллиги ва Ертепа маҳалла фуқаролар йиғинлари ҳудудидаги «Сахтапиёз», "Ертепа" қабристонлари ва атрофида ташкил этилган ободонлаштириш, тозалик ишларида ташкилотчилар, маҳалла аҳли ҳамда қатор ташкилот аъзолари иштирок этмоқда. Натижада экинларни суғориш учун имконият яратилиб, қабристонлар ҳашар йўли орқали обод қилинмоқда.

Айтиш керак, ҳашар, айниқса, қабристонлар тозалиги ва ободончилиги учун ўтказиладиган ҳашар инсонга меҳр-оқибат, одамийликдан сабоқ берувчи бебаҳо тарбиявий аҳамиятга эга тадбир саналади. У ўзаро меҳр-оқибат ришталарини боғлайди. Буни англаган тумандошларимиз ҳашарда бирдамликларини кўрсатишмоқда.